5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لودهاك الحزن لووكتك تعسر
لوتحزم دهرك ودولابه يفتر
ولوامل عندك تباعد لوتاخر
ولوعلل صارت حياتك غصب تكثر
ولوشمل عنك تفرق لوتطشر
ولو سماك ضيج وسط العين تصغر
ولوعليك الدنيا والعالم تغير
روح يم باب الحوايج عنده احضر
حاجتك مكضية يم موسى بن جعفر
الشاعر حسن لعيبي الحريشاوي
اداء ---الرادود كرار الطائي
ابيات عگيلي لشهادة الامام الكاظم عليه السلام
ميت لو حي امعذبينه
مسموم او نعشه امقيدينه
______
آ يمصاب المامش مثله
يمصاب الكاظم شيحمله
ما خله ادموع ابهل مقله
ما يبرد لو دم ابچينه
مسموم او نعشه امقيدينه
______
اجنازة موسى الكاظم انعه
غصه او عبره اوحسره او دمعه
چا حمال النعشه ايطلعه !!!
وابظهر الجسر امخلينه
مسموم او نعشه امقيدينه
______
اربع حمالين اتشيله
او هو الشيخ الماكو امثيله
المن نشكي ابهاي الليله
واحنه المتغيّب والينه
مسموم او نعشه امقيدينه
______
بدموع التهمل ناشدنه
المن نشكي اهموم العدنه
عن امصاب الي ضاهدنه
چن يعگوب احنه الونينه
مسموم او نعشه امقيدينه
______
مثل اجنازة موسى الكاظم
لا شافت لا سمعت وادم
ميت . بس ماعافه الحاكم
زنجيل او قيد ابأيدينه
مسموم او نعشه امقيدينه
______
لطرافه الگيد امرضرهن
بالتابوت او ينزف دمهن
ما واحد عنه ايوخرهن
او لا واحد لنكسرت عينه
مسموم او نعشه امقيدينه
______
ممنوع اتمر يمه الشيعه
ممنوع الكاظم تشييعه
اوحيد ما يمه امن أُربيعه
ما ادري اشذنبه او جافينه
مسموم او نعشه امقيدينه
______
موسى الكاظم كلفه اجروحه
بل سم لاجت ويلا روحه
وامست مهجوره او مذبوحه
ابتابوته او حيف املوعينه
مسموم او نعشه امقيدينه
______
ما كفاهم سجنه او هظمه
نص عمره امگضيه ابسِگمه
او نص ابهل طاموره الظلمه
عشرين او ازيد نافينه
مسموم او نعشه امقيدينه
______
مو كافي اعليه الزنزانه
مو كافي اجروحه او احزانه
بل سم يل ذبلتو الوانه
ما خفتو امن الله امعذبينه
مسموم او نعشه امقيدينه
______
ابو فاطمة الطائي
لشهادة سيدي ومولاي موسى ابن جعغر سلام الله عليه
إِمامٌ عِندَ ذِي العرِش مكينُ
سَليلَ النورِ والحبلُ المتينُ
عَجيبّ ياصُروفَ الدهرِ صِدقاََ
أموسى في المطاميرِ سجينُ؟؟
_______
أناشد والدمع بعيوني هل مدرار
يا دهري ابن جعفر تطلبه ابثار ؟
نص عمره ضل مسجون نص اكدار
ضلام او ما يعرف الليل من لنهار
ابصدره لوعته او دمعاته جمرة نار
رهينٌ تحتَ اطباقِ الضلامُ
بها ذاقَ المرارةِ والحِمامُ
لَهُ الجُدرانُ ضجّت في بكاءِِ
أموسى في المطامير سجين؟؟
_______
على موسى ابن جعفر الف ويلاه
غريب او من هله محد تعنه او جاه
ينعى من الم قيد الذي أذاه
هيج حزنه والطف كربلا وداه
ذكر عمته او سبيها والدمع اجراه
بِهِ للطّفِ قد سارَ الخيالُ
رأىَ طَوداً تُقيدهُ الحِبالُ
أذنْ نفسُ القُيودِ فَناشِدوها
أموسى في المطامير سجين؟؟
_______
ابغياهب هل سجن موسى ضلم محكوم
من شم الهوه يا شيعته محروم
ابسجن مثل اللحد حسره عليه ايگوم
او عليه سجان واگف يشبه الجاثوم
سطر وجهه او أثر هل سطره يجري ادموم
كَما خدُّ البتولةِ يصفعوهُ
بِنفسِ الكفِّ موسى يلطِموهُ
وَعادت فاطِمُ الزهرا تُنادي
أموسى في المطامير سجين؟؟
_______
اذا سجانه ابن شاهك سليل ارجاس
اذن چا موسى صبره ابيا صبر ينقاس
عليه والله حري ايشيب الگلب و الراس
(القل هو ) ابسجن واليسجنه الخناس
ولا چنّه امام الجن وامام الناس
حليفُ الوحيُ والآيآتِ طرّاً
سقاهُ الدَّهرَ مِن كأسيّهِ مُرّا
ألا أمّن يُجيبُ القلبَ هذا
أموسى في المطامير سجين؟؟
_______
مو مثله كليم الله تحمل جور
ولا مثله عند يعگوب گلب مكسور
غده كعبه او عليه النايبات اتدور
هم مسجون هم مچتوف هم مسطور
او ذبل عوده غريب امسمم امغدور
غريبٌ ليسَ يشبهَهُ غريبُ
لهُ اللّوحُ وما فيهِ كَئيبُ
تَنَزّل وَحيهُ حُزناً بَليغا
أموسى في المطامير سجين؟؟
_______
والأعظم حزن. وازيد يطر اگلوب
نعشه اعله الجسر ضل الوكت لغروب
مثل احسين يوم الجسمه ضل مسلوب
صريع او بل نعش ياويلي گلبه ايلوب
عدل ميت عليه القيد چن مكتوب
قَتيلٌ والسلاسِلُ في يديهِ
أيا حُزني . أيا وجدي عليهِ
دُموعي فيهُ لا لنْ تَطفي ناري
أموسى في المطامير سجين؟؟
_______
ابو فاطمة الطائي
امصيبة الكـــــاظم مصيبه
هم مثل عمته الغـــــــريبه
جتفو ايده بسـلاســــــــل
وبالگب كاظـــــم نحـــيبه
بطاموره كل عمــره كضا
وسفه بسجن يابو الرضا
سابع امـــام اعله الارض
بسـَم الغــــدر تالي حضا
ويلي اعله ابن جعفـــر المسموم
مضلوم خلـص عمـــــره مضلوم
خلصت حيـاته بسجــن ويـــلاه
بطــــــامورة الاحــــزان مهمـوم
علئ الغريــــب واويـــلاه
ـــــــــــــــــــــــــــــــــــــــــ
عايــف الكــــاظم مصابه
وسجنه واگيوده واعذابه
وهوه بالطـــاموره يـذكـر
عمته زينــب والخــــرابه
بطامــورة السنــدي اشكثر
يبجي اعله عمته ام الخدر
ياويلي زينب بت علـــــــي
عالهزله راحــــــــت لليسر
ويلي اعله زينب بالسجن صاح
الشافت وليها حسين من طاح
اشكد عظيمه مصيبتج هـــــاي
مسبيه رحتي وهمه برمــــــاح
على الغريـــب واويــــــــلاه
ــــــــــــــــــــــــــــــــــــــــــــ
منجـــرح گلبـه اعله زينب
بمحــنته وعليـــها ينحــب
ما مفارك بــــــاله منظـــر
عمته مجلس غربه تچهب
ماصايــــره ابـال النبــي
علويـه ماخـوذه بســبي
عد الهــواشم ضل جرح
ماطاب جـرح ام العبـي
مهضومه زينب طبت السوگ
ياوسفه صعدت هــزّل النوگ
مجروح امامك عالجره وصار
ومحروگ گلبه اعليها محروگ
على الغريـــــب واويـــــلاه
ـــــــــــــــــــــــــــــــــــــــــــ
عالــــــهواشـم هايـه صعبه
اطب حرمهم ســوگ غـربه
طبن الشـــــــام العــــلاوي
اليستمعها يوجـــــعه گلبه
ومّصيبة الكــــاظم مثــل
عمته الي صعدت عالهزل
هيه الخرايب هم سجــن
واثنيــــنهم نفـس الحـبل
هيه المصيبه امصيبة ام عون
باقي المصايب سهله واتهـون
مو هينه زينب حتى تنشــاف
الصار اويه زينب يدمي الاعيون
على الغريـــــب واويـــــلاه
ــــــــــــــــــــــــــــــــــــــــــــــــ
ويلي بسموم المنيـه
خلصو ولد الزجـــيه
مالت الدنيه بأهلنه
من رزيه لحـد رزيه
ياويلي من ضلم الدهــر
معصوم وبســـم انغــدر
هذا الغريب امن استمع
يعصرني گلبي من القهر
وين اهله راحو خل يحضرون
الصاحو گبــل خلهم يشوفون
هذا ابن جعفـــــر أسد بغــداد
افترت الدنيـــه اوينه هـارون
علي الغريـــب واويـــــــلاه
ــــــــــــــــــــــــــــــــــــــــــــــــــ
محمد المشعلاوي
حملنه واجينه اليوم كلنه اباب المراد
**
جبــنه النــوح ويانه گـوم اگــعد تلگانه
اجوك انصار حزنانه بـيهم رايــح اوراد
****
بصوت نصيح والينه الك مولاي حنينه
ودمــع العين بدينه يــم دكتور بغداد
****
نحن وجينه عـنايه بدينه ترفرف الرايه
يمك نـوصل الغايه ونـــــار البينه تزداد
****
نلطم ماتهمنه اضلوع نشعلك يغالي اشموع
واحدنه يظل ايلوع وبلحگ عاندينه اعناد
****
متعنيه الخلگ بنوح بمصابه چثيره اجروح
هامت ياامامي الروح يــومــك بيـــنه ينعاد
****
ننصبلك عزه مولاي ياخيمه وعلينه افياي
حزنانــه تظل دنياي جينه ولاتگــول ابعاد
****
مجلس والعزاء اهناك يوجع لو يمر طرواك
تمنينه المنيه اوياك وگلبي اعلــيك نشاد
****
ابوحيدر
الصبيحاوي
يا اول سجين وصوته مسموع
رغم ماسولفنه بس بالدموع
صرخ هيهات للذل
رساله من السجن وداهة النه
مثله انصير لو يثكل حملنه
من دك باب واحد يفزعلنه
نصبر والصبر مفتاح جنه
اعرف بالمشي من الشعائر
بس بخطوتي بخطوا سائر؟؟
صرخ هيهات للذل
--------------------
أمر ثاني مهم مولاي راده
خلي بكل عمل عندك اراده
هارون بعظمته وكل بلاده
مولاك بدعاء وتربه باده
خلي بكل عمل للباري نيته
امامك للبشر هاذي وصيته
صرخ هيهات للذل
--------------------
خل صومك صلاتك واقع تكون
الله اليدري بيهن موش يدرون
موسى الدنياعنده ويحكم الكون
مافارك فرض وسنين مسجون
يتوضى من الصبح لليل ساجد
كاظم غيظ كلبه الربه عابد
صرخ هيهات للذل
-------------------
تعلم من امامك ذني الاطباع
بكسرة خبز عاش وعمره ماجاع
ضل صاحب عقيده وابد ماباع
ذل الريح صيته مثل الشراع
يااول سجين يحبه سجان
حر الفكر عاش بوسط قضبان
صرخ هيهات للذل
-------------------
أخذ عبره بسلوكه واقره عنه
عارف كون قدره من اتعنه
عاش ومات ناذر عمره النه
نعيش احرار بس هاي يتمنه
نخلي (الا) بوجوه اليحكمون
احنه اتباع موسى خل يسمعون
صرخ هيهات للذل
مهند الشمري
بحق الامام الكاظم عليه السلام
مهيمن يوسف الموسوي ١٤٤٥هـ ٢٠٢٤م
يالكاظم المظلوم زوار اجت هاليوم
للكاظميّه بهاي الرزيّه
لموتك گلبها هموم زوار اجت هاليوم
..........
يا موسى بن جعفر اجت يا سيدي يالكاظم
الزاير يگصدك بالمشي بهمّه و عزيمه قادم
بهاي المسيره الخالده باقي رغم كل لائم
وشما يقدم لو نطه لجلك ابد ما نادم
ايحسّ بفخر موجود عقله بأمر معگود
فكره و إراده بيها اعتقاده
لموتك گلبها هموم زوار اجت هاليوم
..........
متحزّمه يا بالرضا هاي الجموع الزوار
من كل مكان و گصدتك لا ما تردها الاخطار
وتحمل عقيده ثابته ونهج و معارف و افكار
بحبّ و ولائك تستمر بيها امامي احرار
نذرو الك لسنين للدوم مفتخرين
يبقى بثباته بهايه صفاته
لموتك گلبها هموم زوار اجت هاليوم
..........
خمسة و عشرين برجب وبكل سنه مشايه
هالشيعه لجلك سيدي يا يالرضا وفايه
لزيارتك ولمرقدك عدهم عظيمه الغايه
باقي الموالي معتقد هاي القضيّه و غايه
موقف ثبت بالروح بعمره يظل ميروح
بحسره و أنينه قدّم سنينه
لموتك گلبها هموم زوار اجت هاليوم
..........
يا كاظم الغيظ الولي كل شيعتك متوحدين
رغم التعب لجلك فده بهاي المسيره ماشين
من اول اسنين العمر لجلك امامي امضحين
اتحسّ ابقصور شما الك تنطي و تقدم اسنين
تفدي و تقدم اعمار يبن النبي المختار
وكلها ذكرها لجلك أمرها
لموتك گلبها هموم زوار اجت هاليوم
..........
للكاظميّه و اعتنو بهاي الزياره مولاي
بلهفه تزورك گاصده كل شيعي بيهم وفاي
وفّو عهدهم ما تزل عن العقيده و الراي
روح و گلب بي معتقد لزيارتك حين الجاي
يا يالرضا تدريه گلب الموالي شبيه
يسري بدمانه لجلك ولانه
لموتك گلبها هموم زوار اجت هاليوم
..........
بين البشر من كل صنف ديني الشخص لو مُلحد
شيعه نفسها ما أجد هيچي بشر تتوحّد
رُغم الخلافات التُمر كلها الضريحك تگصد
ابنِيّه و عقيده ثابته وحبهم فلا يتحدّد
لكل المذاهب و الدين نفس اليزورك وين
بس شيعتك هاي عدها الصفه و راي
لموتك گلبها هموم زوار اجت هاليوم
..........
خلها الديانات الذي بهذا الأمر متعجبه
من كل دول لجلك إجت لا ما تحسّب صعبه
لگبرك تزوره بهالأمر عدها أراده و رغبه
لو ما تزورك سيدي اتحس بالحزن و الغربه
روح و گلبها اوياك بالدم فخر يفداك
كلمن يواليك بيها يحيّك
لموتك گلبها هموم زوار اجت هاليوم
..........
من يوم موتك بالغدر كل شيعتك متحدّه
درب النجاة امن الخطر بيك الأمن معتقده
مثل الجبل صبر المُحب قوّه و ثبات العنده
رغم العده بكيده و حقد رايد يمنعنه ايردّه
هذا الامر معروف ثابت يظل موصوف
كلمن تعنّه وبگلبه ونّه
لموتك گلبها هموم زوار اجت هاليوم
..........
مهيمن يوسف الموسوي
٢١ رجب ١٤٤٥هـ
٢٠٢٤/٢/٢م يوم الجمعة ١١:١٧م
(( شوق للراحلين ))
〰️〰️〰️〰️〰️〰️〰️〰️〰️〰️
شفتك يَموت بعبرتي .. تاخذ حبايب مهجتي
و بيهم طعنت اِرْويحتي .. و نبضي يدگ بس غربتي
بعيوني فاضت وحشتي .. و ونيني جاذَب حسرتي
هالدنيا خَلَّتْ خِلِّتي ..تحت الثرىٰ اِتْوِجْ جَمْرتي
و صرت بضَرامي و دَهْشِتي .. أنعىٰ و أهوجِس وحدتي
خابت ظنوني و حسبتي .. وما ظل غوالي اِبْدِنْيتي
و صارَت مَواجع شَهگتي .. و نار و حسايف زفرتي
و كل ما سِهيت اِبْفِكرتي .. اتْخَيَّل اِصْوَر عزوتي
و تگعد مَعاهم لهفتي .. تسولف سوالف فرگتي
يل رحتو شانت حالتي .. شوگي نِحَلْني و غَبْنِتي
أرْدَنْ أضمهم غايتي .. و تشم هواهم رِيّتي
بعطر الترايب صفنتي .. بيها اشمهم ويلتي
لتراب أعِجْنَه بدَمعتي .. و ريْحانَه نوحي و بَچْوِتي
و بالفاتحه و قرايتي .. ألْزَم وصلهم عيلتي
يل راحو يمتىٰ ساعتي .. و أهنىٰ بلگاكم جنتي
〰️〰️〰️〰️〰️〰️〰️〰️〰️〰️
الشاعر : أبو شهيد الأحسائي
الجمعه ١٤٤٥/٧/٢١هـ
════════════
*لا يجوز و محاسب شرعاً حذف او تغيير التوقيع*
ليلك وليل هدعش نفس الجرح سويه
والسجن يشبه طشت شايل كلب رقيه
ياغريب اذكر هلك كل ما شفت اذيه
____
طف كربله بحزانك شفت الشمر سجانك
بس ماشفت حافر فرس داس بصدر خوانك
شفت الدمع بعيونك دم يابس اعله متونك
يالمنسبي وابلا سبي مجتوف ويضربونك
نفس الهوه بأنفاسك والدم يهل من راسك
من جم سنه وحدك عشت لااهلك ولاناسك
بينك وبين الاهل قصه حزن طويله
وبنتك اتاني بقت جن فاطمه العليله
منين ماصدلك جرح يرسملي غاضريه
_
جروحك ابد متعوفك وحلمت شمسنه تشوفك
ذكره اعله حيطان السجن كاتب نعي بجفوفك
يمشي العطش بجروحك ماتنسة ابد مذبوحك
ساعه اعله جدك من تون ساعه تون لروحك
بضرب الضهر تتحير تتبجي وتضل تتذكر
يم النهر جدك عثر وضهره اعله اخيه تكسر
ادري من طف كربله شيبك ترس لحيتك
والسبي اول سبب لو كربت منينك
مثل عمتك دمعتك لمن تهل سبيه
___
كلما يطول غيابك اهلك تحن وأصحابك
باب الوفيه ام الكمر بفركاك صارت بابك
سجنك شبيه العاشر من الخيم للحافر
شفتك عليل وعلتك جوت ادين الباقر
دمعك اذا يتلاكه مثل الرمح والناكه
متعلمه عينك عالسهر ماتكدر اعله فراكه
جفنك وليل السجن بيهن حجي وملامه
من يمر طاري الخيم بيدك تلم يتامه
تتبدي تتخيل جمر بس ياجمر منيه
_
بكل سجن عندك ذكره دمعه اعله جدك حمره
والعمره ماضالم بشر بالسجن يخلص عمره
بس الله يسمع صوتك حكك دعيت لموتك
اربع حماميل اقبلت يشيلونك بتابوتك
بس تخلص من ايامك مليت من الامك
وشكد صور كبل الاجل صارت اضن كدامك
اذكرت جدك من وكع وعيونه عالحبيبة
والشمر لمن اجه صاحت صرت غريبه
اثنعطش طبره عالنحر وياك اعد بديه
____
فوك الجسر يالكاظم يمك تنوح الوادم
لا والمهم تشيعت واندفن جسمك سالم
مو مثل جدك عاري تغسل ابدمه الجاري
جسمه بقه ابلايه دفن وبحاله يدري الباري
يبدي الجرح من يومه ماسلم خيط هدومه
جسمه تكطع وانثر بكل شبر وسط الحومه
جرحه خلالك جرح ماينتهي بمماتك
شايل حسينك جنت دمعه بردن عباتك
لحد يعوف الدمع دمعك كتب وصيه
_
سيد معتز الحسيني
راحت ايام السجن صارت زياره
وليلك المضلم صبح كبه ومناره
__
جنت صاحب مبدء وثوره وعقيده
شفت بيك حسين والزهره الشهيده
مَجتف وجان اليصلك تكسر ايده
الحاربك خلي الحكم هسه يفيده
وانت حر وادري تكفيك الاشاره
وليلك المضلم صبح كبه ومناره
__
حر اشوفك والسجن يشهد عليه
بس رفعت ايدك بنيت الكاظميه
من متت صلت عليك الغاضريه
وعمك العباس اجه ياخذ تحيه
بالملايين اعتنت هاي الغياره
وليلك المضلم صبح كبه ومناره
__
يااسد بغداد ياباب السلامه
الرشيد انته والك تحله الزعامه
خضت وحدك سيدي حرب الكرامه
وغصبا عليهم نلت تاج الامامه
وي الاهك تاجرت بعظم تجاره
وليلك المضلم صبح كبه ومناره
__
جانت توزع عطر سَجدت صلاتك
وصلت لسابع سجن ريحت عباتك
هسه يله استوعبت دعوة مماتك
جنت تدري لو متت تبدي حياتك
ماحله لغيرك ابد تاج الاماره
وليلك المضلم صبح كبه ومناره
__
جنت وحدك وابد ماعندك حبايب
وهسه عندك مشي وزوار ومواكب
بكثر ماكلبك حمل هم ومصايب
عوضك الله وصرت من العجايب
رابح بسجنك ولا شفت الخساره
وليلك المضلم صبح كبه ومناره
__
ياهو مثلك بالكرم ماكو مثيله
يابو طلبه وصاحب السجده الطويله
احنه غيرك ابد ماعدنه وسيله
(والذنوب هواي جفتها ثجيله)
واليحبك بالحشر بيك افتخاره
وليلك المضلم صبح كبه ومناره
__
سيد معتز الحسيني
#شهادة_الكاظم
يمن أسمك دواء ... و ذكـرك لي شفاء
أردد هالدعــــاء ... مدد مدد يالكاظم
————— (١) —————
يمن أسمك شفا الأرواح .. لنا أحبـاب شـافيها
و لنا يا قاضـي الحاجات .. حاجة اليوم تقضيها
لنا مرضـــى ذبحـها الآه .. و چم تذبج بواچيها
دخليك سيدي و مـولاي .. بجفــينك تداويــها
أنته أعظـم طبيب … مسـجون و غريب
و اتداوي الكـئيب ... مدد مدد يالكاظم
————— (٢) —————
يا موسـى ابن جعفـر .. يل ما نحــصي آيـاتك
يـ غيمة من لطف الله .. تصـب إعلينا رحماتك
فزعة يا دوا المعلول .. محـتاجين فزعــــاتك
ندري عندك الوصـفه .. لنّك وصــفه ابذاتــك
يا ابن الكـرام ... يا بـرد و ســـلام
الكل السقـام ... مدد مدد يالكاظم
————— (٣) —————
يالكــاظم ترجـــيناك .. و أنتـه موطـن الرجـوه
تعز يا سيدي الينخاك .. يا من نخـوتك عــزوه
عزيزه النفـس لاچنـها .. ذليلة و رجوتك تسوى
و طلبه تمسح بيمناك .. عليمن جسمــه يتلوى
يتناك العــليل ... بنــوح و عــــويل
يا چف الجليل ... مدد مدد يالكاظم
————— (٤) —————
يـ بحر الجود و الخيرات .. و علينا عم خيراته
أحشمك بأمك الزهــراء .. و كسر الضلع وأناته
عبدك قاصـدك مكسـور .. و انته تدري كسراته
فلا غيرك يبن جعفـــــر .. يقصده ويقضي حاجاته
يل الحصن الحصين ... بأسمــك نستعـين
بمصــاب الحســين ... مدد مدد يالكاظم
————— (٥) —————
نحلفك يل كظمت الغيض .. بآياتٍ بقرئانك
بآية صبرك و حلمك … بآية جمرة أحزانك
بآية رحمتك مولاي .. بآية كثرة إحسانك
بآية سجدتك مولاي … الف لعنه اعلى سجانك
بيا "آمن يجيب " … و الخد التريب
يا أقــرب قـريب ... مدد مدد يالكاظم
————— (٦) —————
أنشدك سيدي الكاظم .. و غيرك ما أنشــدنه
أمانة موسـى بن جعفر .. حــرزنا البيـه تحرزنا
جـينا مأتمـــك مـولاي .. فرض انصب مدمعنا
يالكاظـــم الك خــدام .. و عسى الله لا يفرقنا
ابحــــبك نــذوب … يا مشفـى القلوب
و تغفر لي الذنوب … مدد مدد يالكاظم
————— (٧) —————
يا مسموم يا مظلوم .. طلب يا صاحب السجده
بحق جدك عليل الطف .. و السم الـ فطر چبده
كل غايب عن المأتم .. يالكاظم احضرن عنده
و كل خادم اجى محتاج .. عليك الزهره لا ترده
ابضلاع البتول … يا ابن الرسول
كل ساعه نقول ... مدد مدد يالكاظم
————— (٨) —————
يالكاظـم إلك خـــدام .. تفـت الصخــر ونتهــم
و غابوا ما حيوا أمـرك .. و بقت بس بينا صورتهم
يتمنـــــوا و لو ليـــلة .. تجيهم تضوي شمعتهم
و يحيوا مأتمك مولاي .. و حمره تجري دمعتهـم
يمـك تسـتريح ... و يطـيب الجــريح
يا ابن الذبيــح … مدد مدد يا الكاظم
*كُتبت هذه الأبيات بنية الشفاء العاجل للوالد الحاج حبيب علي السهو ، فلا تنسوه من الدعاء بحق باب الحوائج ( عليه السلام )*
#الإمام_الكاظم
🖋 عبد مُحمد وآل مُحمد / #مفضل_حبيب
سيهات - القطيف
٢١-٧-١٤٤٥
#استشهاد_الامام_الكاظم عليه السلام
.......
.....
...
.
سجني الخرابـــه والفـــــرق
ما گاعد بشمس الفله
حزني ومصابي اعله السبي
ياخذني سجني لكربله
######
يالواگف اباب السجن
مثلك وگف يم الخيم
يحرس بنات المصطفى
موقف عليه گلبي انلچم
يتآمـــــر وهنه الحــــرم
مـــــا بين ابوجهه النــــدم
يستاحشن مــــن الضوه
عماتـــــي لاذن بالعلــــم
معذوره عيني لو طفت
هاي المصيبه اكبر جرح
جانت أميره بس صفت
......... بين الغرب والهازلـــــه
######
انه بسلاسل مو حبل
ومصاب السبي ما ينحمل
ياخذني حالي للسبي
وگبالي نجمه أعله الهزل
كلما يصيحن عمتي
يخوفهن الحادي بنبل
وكلما يصدن عل الرمح
مجبوره زينب تنسأل
عمه الرمح ليش التفت
ودمعه عله خده نزل
يمكن رقيه وتيهت
........ طاحت اضن ما نازله
#######
ارض الخرابه مو ترب
دموع العيون ويه الدمه
كلهن جروح أمن السبي
وسگف الخرابه بالسمه
كاظم حزن كاظم جرح
اجروح الغريبه المؤلمه
متحمله درب وذبـــــح
وتبدي جروحي بــالضمه
شافت خيول اعله الصدر
وشافت چفوف أعله النهر
هـــــذا الصبر اكبـــــر صبر
......... ويتماشه يمها حرمله
#######
تستاحش الضلمه أذا
ما شافت أخيوط الضوه
ذيج الخرابه بلا سگف
ومـــــا بيهـــا فيّ ولا دوه
والوحشة حيطان السجن
ما مـــــرها نسمه ولا هوه
يچوي الجلد لو مر هوه
شمس المصيبه بنينـــــوه
انه وعشــــت بين الغرب
واعرف عذاب المنسبي
دخلوني سجني وبغصب
........... سمعوني چلمه لا هله
#####
لو تغفه عيني واركدت
ما يغفه البگلبه جرح
لو نامت العين وهِدت
صورة خيالي بس ذبح
وبعيني نغزه من سهم
نحري احس وسطه رمح
تبدي النوايب والبچي
من الصبح وابدي الصبح
من مرني سمي بالجسد
انه الضمه شفته صعب
وبعيني يتراوه الضعن
.......... لاخر خرابه واصله
.......
#عمار_التميمي
لطمية لشهادة الإمام الكاظم عليه السلام
الطور " يا خيمات "
الرادود عمار الكناني
◼️◻️◼️◻️◼️◻️◼️◻️
حَمَامِيل - لِجْنَازَه يِشِيلُوهَا حَمَامِيل
وِ اِلْأَقْدَام كِلْهَا إِدْمُوم و اِتْسِيل
وَا ويلِي عَلَى المَسْمُوم وَا وِيل ٢
مَات أُو جَرَع لَغُصّتِه و رُوحُه عَلَتْ لَرَبَّه
رَاح أُو فَجَعْهَا شِيعَتِه و سَمِّه طَحَنْ لَقَلْبَه
مَدُّوا يَوَسْفَه جُثّتِه إِبْذَاكِ الجِسُر في تُرْبَه
و نَادُوا إِمَامِ الرَّافِضَه شَال أُو قَضَى لَنَحْبَه
يِشِمْتُون - يَا حَسّرَه عَلَى الكَاظِم إِيِشِمْتُون
ذَبّونِه أُو كِلِّ النَّاس يِبْچُون
لَمْصَابُه ظَلَام إِيْسُود هَالْكُون ٢
مَوْلَى و اِبِنْ حِيدَر عَلِي يِبْقَى عَلَى الرَّصَافَه
فُرْجَه بَقَى لَكِلْ أَحَدْ و كِلْمِنْ إِجَاه أُو شَافَه
وِينِ العَشِيرَه و الأَهِل وَحْدِه رَحَل حَسَافَه
وَ اللَّه مَصِيبَه حَالَتِه و صَعْبَه و اَشَد كَلَافَه
يَزَهْرَه - مَعْقُولَه تِخَلِّينِه يَزَهْرَه
بَغْلَالِه وَسَف و العِين حَمْرَه
و الأَكْتَاف مِنْ لِسْمُوم خَضْرَه ٢
إِبْنِه إِجَا لِه بِالْعَجَل و دَمْعُه يِصُب في لِخْدُود
شَاهَدِه جُثّه بِالثَرَى مَيّت أَوِيلِي مَمْدُود
ضَمُّه يِقَبْلِه بِالْحِزِن و نَادَى يَرَاعِيِّ الجُود
بُويَه دَخِيلُك إِوْتَعِي قَلْبِي لَهِيب أُو مَمْرُود
تِتَانِيك - مَعْصُومَه يَا وَالِدْهَا تِتَانِيك
مِشْتَاقَه و اِذَا مَا جِيت بِتْجِيك
و مَا أَقْدَر أَرِدْ لِيهَا وَ اَخَلِّيك ٢
مُوسَى غَرِيب إِوْيَه غُرُب و فِي سَاعَتِه تِجَهَّزْ
جَتْ لِه أَحِبّه حِضْرَتِه مَعَ الرِّضَا و تِجَنَّزْ
مَا ظَلْ ثَلَاثَه بِالْعَرَى إِبْرَمْلِه سَفَى و تِغَرَّزْ
و رَاسِه عَلَى إِكْعَابِ الرُمُح دَامِي وَ لَا هُو مِهْتَّز
يِدُوسُوه - بِالْحَافِر أُو بَثْقَالِه يِدُوسُوه
بِعْظَامُه مَعَ الأَضْلَاع رَضُّوه
آ يَحْسِين فُوقِ إِتْرَاب خَلُّوه ٢
◼️◻️◼️◻️◼️◻️◼️◻️
🖋️ *حليمة الأحمد*
( *الفاتحة لخدمة الإمام الحسين عليه السلام المرحوم والدي ملا محمد الأحمد و المرحومة جدتي الملاية بنت علي القمارة*).
١٩ / ٧ / ١٤٤٥
رابط الطور :
https://youtu.be/Jm6TOEZ83eQ?si=esTgdH_nI2Xw5iBc
تلاويت و حصت اثمار لوياك
منين تلوج شنهي سبب لوياك
الكاظم ما ترد محتاج لو ياك
اجيتك وانه مؤمن بالقضيه
.
حسن صالح العيساوي
دستور الحق يتعالى
في سجن نورا يتلالى
هدمت عرؤؤش الاوثان
في مجدك شل السجان
*****
قضى في سجن اعواما واعواما
اماما للبرية موسى اذا قاما
وفي سجن سجودا دائما هاما
ومن شمس البريه موسى اذا صاما
يا علم الله المكنون
في صبرك ذل هارون
ايقضت كل القضبان
*****
كتاب الله موسى كيف مسطور
له التوراة والانجيل والزبور
له موسى الكليم ينوح والطور
فكيف السجن هذا حاجب النور
افنيت قصورا ورشيد
حررت قيودا وعبيد
في شخصك كان البرهان
*****
مناره سجن موسى في مدى قائم
حليف السجده كان للورى هائم
صلاة اليل في محرابه الكاظم
عروش الظلم تهوي ونتهى ظالم
ذكراك يبقى أزمان
للعالم صبرا عنوان
هدمت قصور الطغيان
*****
فقم يا صاحب السجن اما تدري
أهذا موسى في سجن قضى عمري
يناجي في صلاة العشق لسحري
سراجا كان في ليل ضحى الفجري
بالقيد موسى قد صلى
نورا والعرش له حلى
ابهرت عقول الازمان
*****
له ناح الوجود وضاقت الاكوان
بكا التوحيد والاخلاص والميزان
نعت الحور والتيجان والريحان
لفقدالكاظم تنعى الأنس والجان
تنعاك اليوم بغداد
وسوادأ تنشر وحداد
يبكيك اليوم الوجدان
*****
تمت بعون الله
خادمكم... يوسف الفتلاوي
اسْتِشْهَاد الْإِمَام مُوسَى
بْنُ جَعْفَرٍ عَلَيْهِ السَّلَامُ عَلَى وَزْنِ
ياقاروره لباسم الكربلائي
عَلَى الكاظم نَزَف جَرْحِي
وَمِثْل لَيْلِي غَدَه صُبّحِي
أوْنٌ وابچي لِمُصَابِه عَلَى الطُّولِ عَذَابِه
عَلَى الكاظم
★★★★★
للعايش بِلَيْل السِّجْن مامر عَلَى عُيُونَه الضوه
غُرْبَة وَلَيَالِي مُوحِشَة دَلَالَّة بالفرگه انچوه
سَدُّوا عَلَى أَحْبَابِه الدَّرْب أَحْبَابٌ الْمِثْل شَمّ أَلْهَوَةٌ
حَدَّه أُنْمَلَة كَأْس الصَّبْر مَرّ الصَّبْر مِنْه ارتوه
أَلْف لَوْعَه وَأَلَّف حَسْبَه صَعُب يُوصَل مُحِبٌّ دَرْبَه
أَهْل ماكو وگرابه عَلَى الطُّولِ عَذَابِه
عَلَى الكاظم
★★★★★
يَأْبُو الرِّضَا كَيْل وطُفَح مَرَّت عَلَيْك شگد مِحَن
غَيْظ وَحَسَد مِنْهُم شفْت حَدّ ماجزه حَدَّهَا الْفِتَن
عِلْمَك رُمْح صَاب الْجَهْل وَغَيَّر مَقَايِيس الزَّمَن
اسنينك مطامير وَحُبِس اخمسطعش وَأَكْثَر گظن
سُجِن مُظْلِم ولامثله وَأَشَدّ مِنْهُم عَلَيْك أَهْلِه
بِشْر صَارَت اذيابه عَلَى الطُّولِ عَذَابِه
عَلَى الكاظم
★★★★★
رحْلَه حزْن ماتنتهي اتذوب الصَّخْرِ مِنْ تنذكر
مَنْ هَجَرَ گالوا علنبي وَخَدّ الزجيه ينسطر
وَمَطْلُوبٌ ابوالحمله عَلِيّ رَاس الشَّرِيعَه ينطبر
ومسموم ياجبد الْحَسَن ماعافته چفوف الْغَدْر
وابواليمه اگطعوا نَحَرَه عَلَيْه أَصْبَح حزْن عُمْرَة
وَسَجَن فُولاَذ بَابَه عَلَى الطُّولِ عَذَابِه
★★★★★
رادت طَوَاغِيت الْعَصْر عَمْدًا تذَلّ بَيْتِ الشّرَفِ
جَوْر ومظامين الْحِقْد كُلّ خافِي مَنْ عَدَّهَا انْكَشَف
بِعَزْم الصَّبْر وَالْمَعْرِفَه بعاصفهم اليجري وگف
ماهادن بِيَوْم وَخَضَع لارك ولاخاف وَضَعَّف
بَدَوّ بِالظَّنّ عَلَى التُّهْمَةِ يَظَلّ رادوا وَسَط ظَلْمَة
سجِن مِثْل الخرَابَة عَلَى الطُّولِ عَذَابِه
عَلَى الكاظم
★★★★★
بَاب الْحَوَائِج سَيِّدِي مِنْهُم عَذَابٌ شگد شفت
رَغِم العوادي وَالظُّلْم نَهْج النَّبِيّ ثَابِت ردَّت
صَبَر الْحُسَيْن بكربله لِكُلّ نَائِبُه صَابِرٌ چنت
الطَّاغِي مِشِّه وَأَصْبَح عَدَم وانته البقيت وَي الْوَكْت
صِفَةٌ الطَّاغِي خَبَر تَالِي وَنَجْم انْتَه تَظَل عَالِي
رَغِم جَيْش ورقابه عَلَى الطُّولِ عَذَابِه
عَلَى الكاظم
الشاعر حسن لعيبي الحريشاوي
دموعي ابهل مسيه .. لامام الرافضيه
_____
تهل عيني دمعها
او تضل روحي ابوجعها
ابن جعفر فجعها غريب
عليه روحي رهينه
اون واذكر ونينه
ابسجن مظلم ولينه غريب
مثل جمره ابدليلي يا خلگ تسعر
اون ون الحمام لموسى ابن جعفر
ابطوامير الارض حي او يدفنوه
مثله عل بلا أيوب ما يگدر
اشد من المنيه لامام الرافضيه
_____
الرشيد اعليه تماده
سجن موسى ابعناده
او ذبل عوده او تراده نحيل
مثل امه الزچيه
يون ابكل مسيه
ابقيود الناصبيه نحيل
أَكل ايده الحديد او ماكل اجدامه
مامش كل دوه الي يسكن الآمه
ايتسله بل نعي و قرايه لحسين
واهو امقيد تشوفه يلطم الهامه
عله الراحت سبيه لامام الرافضيه
_____
الك يبقه انتمائي
الك وني او بكائي
يبن جعغر عزائي يدوم
شعائرنه او مشينه
مواكبنه او بچينه
رزق منك بدينه يدوم
يمشعل للهدايه او تگصده الوادم
حروف اسمك احبها والله يل كاظم
بدر غاله الخسوف او غايب الليله
صرت أول ضوه ابنص الگبر نايم
توسدها الوطيه لامام الرافضيه
_____
يبن بيت الرساله
يمن كلشي بچاله
غريب او هاذه حاله حرام
حزن گلبك شوصفه
زمانه اوياه ميصفه
امام او هيچي يصفه حرام
توصفك يا قصيده او يا نعي كافي
يمن جفنك صفه منّ الدمع صافي
عود امن اشجره مگطوع ياوسفه
عله ادياره يحن او ساعه ماغافي
يريد اهل الحميه لامام الرافضيه
_____
الك دمعي اسيله
يبو طلبه الوسيله
او قليله اتضل قليله الدموع
لون حد المنيه
ابنوايح وابعزيه
فلا توفي القضيه الدموع
مثل يعگوب لو ابچيلك امقصّر
يمن بيك الجروح امحفره اتحفّر
وابن شاهك عليك اليامر او ينهه
بس هاي الدليلك كافيه اتفسّر
عظيمه هل رزيه لامام الرافضيه
_____
يبعد امي او ابويه
الك عهدن عليه
فلا عوف العزيه محال
يموسى انعه مصابك
واهل دمعي اعله بابك
يماكو من عذابك محال
حسينيه الك بضلوعي ابنيها
اقرايات او لطم يل كاظم امليها
ما يوم اليمر الا اون لجلك
او لجلك هل عيون امن البچي اعميها
عسن ترضه الزچيه لامام الرافضيه
_____
ابو فاطمة الطائي
الشاعر الحسيني ظاهر حبيب الهليجي (للامام موسى الكاظم ع)
مايهمني الموت و للكاظم اجيت
انه أخوف الخوف مشاي اعتنيت
هذ عهدآ بلوفاء قد كتبنا بلدماء
*
عادو التاريخ بينه ينذبح كلمـن يـــــــــــــزور
وصارت الحبكم ضريـبه ندفع اجفوف ونحور
وحنه وقعنه بدمانه سيدي لگبـرك نــــــــذور
والله يا موسى بن جعفر ثابتين شمـا تـــــدور
غصت الكاع بجثثنه من ألعده
لاوحقـــك مانهـاب اهـل الرده
نحن اهلآ للفداء هذاعهدآ بلدماء
*
امس يم جسر الايمه نزلت املاك السمــه
تهاوت اعله الماي جنها عل ضحايه مألمـــه
والشمس غطت ظواهه والكواكب مظلمـــه
والنهر ناح ويجرفه وموجه اصبح بلدمــه
صحنه يابــن جعفــر انريــد العـــــذر
واجب احنه نموت كلنه أعله الجسر
منى قد دو النداء هذا عهدآ بلدماء بروحي اجيت
**
روحي توصل كبل جدمي توصل بلهفه وحنين
كلبي يا موﻻي لجلك ينبض بنوح وانيــــــــن
وعيني لو وشل دمعه ابجي يم گبرك العيـــــن
يا كظيم الغيظ عذرن عذرن احنه مقصريــــن
واللـه كلنه نروح فــدوه لكبتــك
صوت هادر بلحزن من شيعتــك
في الخطا صوت الفداء هذا عهدآ بلدماء بروحي اجيت
*
من اجيلك يبن جعفر دمعي وي نگل الجــــدم
بيا حزن اوصلك انه اوصل وكلبي حمــــــــم
ياغريب امصابك اصعب بلسجن شفت الالـــم
والرشيد وابن شائك والسجن اصبح عدم
ياغريب بصبرك انذل الرشيـد
بيده موبيدك صبح كيد الحديد
ياسليل الانبياء هذا عهدآ بلدماء بروحي اجيت
*
يا أسد بغداد يبقه گبرك يشـع للابــــــــــد
والمشه وسار بطريقه حتمآ ينول السعـــد
الرشيد وسجنه وينه هو واعوانه انفقـــد
الكم التاريخ ناده يابني حيــــدر عهــــــــد
يابنـي هاشـم يظـل الكـم اكيد
ويفضح بافعال هارون ويزيد
وبتدى من كربلاء هذا عهدآ بلدماء بروحي اجيت
هذه القصيده كتبت بعد فاجعة جسر الائمه التي راح ظحيتها المئات من شيعة وزوار موسى ين جعفــر ع
موسى مولاي موسى مولاي
**
بهذه الضعن ناحل صرت ومگــيد وهظمي كبر
اتبده حيلي بــهل جــره طايح مثل هدمت نهر
يوميه من سجن السجن وگيودهــم سوت اثر
يانوگ هــد حيلي التعب والعظم حسيته انخر
موسى مولاي موسى مولاي
**
مــابيــه اشيل اجدام الي دلالي بــلصار انفطر
مظلوم كــل هــذه الوكت الگلب حسيته انكسر
عايش غــريب ابلا هلي ومصايبي تفت الحجر
من همي وهموم الخلگ گلولي شحچي يابشر
موسى مولاي موسى مولاي
**
ماامشي من دون الحرس والظالم ابظلمي امر
تعبان مـن هـول الجره الحيل من عندي ندمر
فروني كل هـاي المدن مــارحمو الطاح اوعثر
عودي نحل مــابي بعد ونحــنه حسيت الظهر
موسى مولاي موسى مولاي
**
بس الله يــدري بحالتي وقيــود خـــلو بلنــحر
بيدي احس يـاكل صفه ويشــلع القيــد ابــوذر
يدفعني كل ساع بحقد الماعــرف دينـي وكفر
اخـر محطه هـــم الــي بزنزانت السندي الاشر
موسى مولاي موسى مولاي
**
بهندس اظل حكمو علي والعمــر گضـيته سهر
سدو علي بـــاب السجن لانور اشـوف ولا گمر
حضرو ســـم بـــلا رحم ودلالـــي بلصـاير صبر
حسيت كل لحضه التمر الموت يــدنــه وحضر
موسى مولاي موسى مولاي
**
من سبلت ايدي وطحت بــيناتهــم ذاع الخــبر
طايــح اسير بنــص عده وبموتتــه هــوه نجبر
كلشي نـصب مئــتم الــه بمصابه حزنان الشجر
الغيم ظــل يجري الدمع والدمع من عينه همر
موسى مولاي موسى مولاي
**
ابوحيدر
الصبيحاوي
مولاه مولاه مولاه مولاه
**
ليليه دمــعاتـــي تصب للخلص ايامه بسجن
دلالي اسمعله صده الباب الحوائج ظل يون
عايش غـريب ابدنيته ومخيم اعليه الحزن
سجانــه لــو بيده الهوه بلهــو سجانــه يمن
مولاه مولاه مولاه مولاه
**
حسرات بگيوده صفن صابر ابن سيد البشر
بزنزانه گظاه العمر والگلب مــن عنده نكسر
ثگــل الحديــد ايئلمه ومحنب مخلي الظهر
اهــاتــه كاتبهه الوكت وبصفحت راسم قدر
مولاه مولاه مولاه مولاه
**
شاف الهموم اتوزرت وتحزم ابصبره الولي
بچفوفه عله رايته مهيوب ابــن حيدر علي
بظلم الخليفه يــاخلگ مــولاي بلــوه مبتلي
متحاوط بكومة عده طايح امامي ومنولي
مولاه مولاه مولاه مولاه
**
مسموم گالو بلسجن وانصاره كلهه محيره
صارت لياليهم دمع مكسور امامي خاطره
الموت للغالي دنـه وتعنه سجنه وحــاضره
ماظله حيل يسانده لو وگف يلزم خاصره
مولاه مولاه مولاه مولاه
**
خلص حياتــه ابلوعته وتاليها چثه امدده
مارحمو ابحال الولي ونـدارو اعليه العده
امصابــه بچه دنيته والموت ياوادم حده
عادو امامي ياخلگ ظلام ذوله اهل الرده
مولاه مولاه مولاه مولاه
**
ابوحيدر
الصبيحاوي
نعي استشهاد الامام الكاظم عليه السلام
دموع العين لمصابك جرينه
هاي احبابك اخلافك حزينه
بفگدك موحشه الدنيه علينه
نريد انواسي الغايب ولينه
.................................... 1
نعزي المصطفى بهاي المسيه
مات الكاظم ابسم المنيه
شگد شاف الالم شاف الاذيه
يسمونه ابسجن ابن الزجيه
..................................... 2
نادينه بحزن ويلي يمسموم
نلطم عالصدر نصرخ يمظلوم
لأجلك كل محب هالليله مهضوم
ينعه مصيبتك بالعبره وهموم
........................................ 3
نذكر يومك بحسرات والآه
نظل لآخر نفس مولاي ننعاه
الك هذا العهد والله كتبناه
ياموسى ابن جعفر لا مننساه
.................................... 4
صبرك سيدي ماكو مثيله
تحديت الظلم واهل الرذيله
حملت آهات وقيود الثجيله
من كثر الحديد الدم مسيله
.................................... 5
مسموم بغدر باب الكرامات
وي ضيم السجن عاش الجراحات
ناحت لأجله املاك السموات
تون لمصابه وتقيم العزاءات
.................................... 6
خادمكم مالك السعيدي
أهوازيه
……………………………………………………………
المن ايده الشمس تطلع. ويضوي الگمر من نوره
ما تكدر عليه اغلال . و لا ظلمة الطاموره
……………………………………………………………
الاجله انوجد هذا الكون . طابو امسجل بأسمه
تخسه الاربع احياطين . كوكب فاطمه اتضمه
هذا السجن لو رايد . ايطبگه ابأيده ويلمه
بل يگدر السور الصين . ابرفعت اصبع ايهدمه
ولو يخزرها بس نظرات
تغدي اتراب الاهرامات
موسى وكل ارض فرعون . بأمره اتصير مأموره
……………………………………………………………
مامش هوه و ياهو الگال . مخنوك ورفع راسه
تجيه من العرش نسمات . تشتم عطر انفاسه
محاط ابجنة الفردوس . لا حر لا برد جاسه
ما يعطش ويمه ايفوح . زمزم جود عباسه
يشرب بس تصب عينه
يذكر عمته اسكينه
يذكر جثه شبعت دوس . من مگفاها منحوره
……………………………………………………………
ابد ما عاش وحشه اهناك . كل الانبياء يمه
استاذ وهمه اله طلاب . امكيفين ابدرس علمه
لوله الكاظم ابراهيم . جثه ابنار متفخمه
وظل يونس ابطن الحوت. اليوم الحشر بالظلمه
ولولاه ما نطق عيسى
ولا شق البحر موسى
وچا ظلت سفينة نوح . حدر الماي مغموره
……………………………………………………………
مقدم نعشه عد جبريل . مو شرطه اليحملونه
المؤخر شاله مكائيل . والسلسله اعل امتونه
لا موش ابجسر بغداد . لسابع سمه يوصلونه
على جسر الصراط اهناك . يم حيدر يخلونه
مو من دجله تغسيله
نهر الكوثر ايجيله
الله أيحشد الاملاك . ويأمر باللطم حوره
……………………………………………………………
هذا الحجي مو تصطير . والواقع ثبت امره
راح السندي وي هارون . بس شامخ بقه گبره
شمسين ابسمه بغداد . شمس وگبته الصفره
وجنك داخل الفردوس . لو طبيت للحضره
من اسماءه ابو طلبه
يكظي السهله و الصعبه
ينطي اليطلب من ابعيد . مو بس الذي يزوره
……………………………………………………………
لن يطفئوا نور الله . هو اكثر الذريه
ممليه الارض سادات . من سيد وعلويه
فليسقط بنو العباس . فلتخسأ بنو اميه
قادم مهدي بالثارات .صبرا يلوهابيه
شاهر سيفه و ينادي
وين الذبحوا اجدادي
بالكاسر ضلع يبدي . الخله العين مسطوره
…………………………………………………………… ✍️( سيد خضر الزاملي )
زوار قافله تجر قافله
زوار بيها ريحة كربله
زوار كصدت لأم الهله
زوار زوار
———————-
خبر عاجل
وهذا مضمون الخبر
ختم بجفوفه الكمر
كل جوازات السفر
خبر عاجل
جم ابو موكب طلع
هوه وزلامه فزع
يلطم اباب الجزع
خبر عاجل
تجمعت كل المواكب وابد ماهمها التعب
واربعين حسين ثاني صار عدها بنص رجب
زوار ايدها بيد الخدم
زوار رفعت لزينب علم
زوار اهل غيره ومرجله
زوار زوار
———————-
للحنينه
زغار وكبار اعتنت
واكو ناس تداينت
المهم عدها سافرت
للحنينه
استشهد البعده ورد
حته الزياره ترد
انطينه آباء او ولد
للحنينه
ردت بدمنه الزياره وحك عباس الفحل
وترحلين الكتب الها هوه واتباعه رحل
زوار زارت بوكت القصف
زوار حيرت اهل الوصف
زوار صوت بالشام اعتله
زوار زوار
———————-
مو غريبه
صرخت الحب تعتلي
يم گبر لبوة علي
والصحن من يمتلي
مو غريبه
بكل لغه يمها النعي
وابد ماخاب السعي
عله عناد ابن الدعي
مو غريبه
من رقيه لحد كبرها مشي تشيعها الخدم
واللي محتركه خيمها فاتحتها ابلا خيم
زوار اتنگبت للنايحه
زوار اهل ونه وفاتحه
زوار دموعها تضل هامله
زوار زوار
———————-
ابمنطقتها
تاخذ الناس الصور
ليوم عشرين بصفر
موكب وخدمه وسهر
ابمنطقتها
تنزل املاك السمه
وتنزل أمها فاطمه
للخدم تنطي اوسمه
ابمنطقتها
رجال حيدر خوش فزعه فزعت لام الحزن
رداً اعله السوط لطمت بالزناجيل المتن
زوار خير من الله العدد
زوار اجه حته البمهد
زوار والأسامي مسجله
زوار زوار
———————-
الخدم ترجع
والوكت مسرع يمر
وگلمت العوده جمر
تضل زينب تنتضر
الخدم ترجع
يسد بيبانه الصحن
تبقه زينب يازمن
ابلا اهل وبلا وطن
الخدم ترجع
بالسلامه تصيح لمن ترد كلها للأهل
وعام كامل ندري بيها اتاني الزياره تضل
زوار ترجع بفيض الدمع
زوار الوحشه تگضيها شمع
زوار سنه تضل متأمله
زوار زوار
———————-
سيد معتز الحسيني
عايش غريب وسط السجن
وافراج اريد من الحزن
__
لاصحبه يمي ولااهل محد يجيني
عندي حياطين اربعه يسمعن ونيني
بين الهضم بين الضرب خلصت سنيني
تفسر الحجر لمن تهل دمعة حنيني
الله كريم صاح الجفن
وافراج اريد من الحزن
__
بين السجون اتنقلت والدم بديه
ياويلي والسندي شكثر شَوفني اذيه
خلاني اتمنه يجي يوم المنيه
ساعه انضرب ساعه انشتم يهل الحميه
لا مايطيب جرح المتن
وافراج اريد من الحزن
__
لبنتي احن بكل وكت والفظ اسمها
وافراجي ياساعه يجي خاطر اشمها
وين الهواشم مااجت يمي زلمها
كل لحظه تخلص بالسجن يذبح المها
كافي عذاب كافي اون
وافراج اريد من الحزن
__
خلصني يارب السمه ادعي بصلاتي
وتابوتي اذا حان الاجل تصبح عباتي
كل جمعه اصيح بدمعتي كرب مماتي
شلي بحياتي وبالسجن خلصت حياتي
ذابل صفيت مثل الغصن
وافراج اريد من الحزن
__
سم الجبد اهون علّي من هذا حالي
وايامي مابيها صبح خلصت ليالي
انه الجنت يم الاهل اغله الغوالي
ياوسفه دارت دنيتي ومحد بقالي
لاضل صديق لاضل ابن
وافراج اريد من الحزن
__
شحجي وبعد هذا الالم عندي مصيبه
ياويلي مثلي جنازتي تبقه غريبه
جسر الرصافه ينسمع لجلي نحيبه
وجرحي يحير بشوفته حته طبيبه
الشيعه شتكول وكت الدفن
وافراج اريد من الحزن
__
سيد معتز الحسيني
تْعَنَّه الرِّضَه بْدَمْعِ الْجِفِنْ
عَايَنْ حَبِيبَه بِالسِّجِنْ
فُوگِ التُّرُبْ مُوسَى يِوِنْ
وِالسَّمْ مُرَدْلَه چَبْدِتَه
-----------------------
ضَمِّ الْأُبُو وْصُوتَه اعْتِلَه
يَا بُويَه وِبْعِيدِ الْبَلَه
إِلْمَنْ تِخَلِّي الْعَايِلَه
وِانْتَه الْعَزِيزَه فَرْگِتَه
-----------------------
بَسْ لَا تِمُوتِ وْتِبْتِعِدْ
وِيْضُمَّكِ تْرَابِ اللِّحِدْ
لُو تِمْشِي چَا وَحْدِي أَرِدْ
دَلَّالِي تِسْعَرْ جَمْرِتَه
-----------------------
بُويَه شْكِثُرْ جِسْمَكْ نِحَلْ
وِمْنِ الْهَضُمْ وَجْهَكْ ذِبَلْ
لَاحَتْ عَلَامَاتِ الْأَجَلْ
يَبْنِ الرَّسُولِ وْمُهْجِتَه
-----------------------
إِخْتِي يَبُويَه تِنْتِظُرْ
لْجَيْتَكْ مَدَامِعْهَه جَمُرْ
شْلُونِ وْأَگِلْهَه بِالْگَبُرْ
عُودِكْ يَخَيْتِي جثِّتَه
-----------------------
رِيتِ الْعُمُرْ حَبْلَه انْگِطَعْ
وْلَا شُوفَنِ الْوَالِدْ وِگَعْ
گِيدَه عَلَى عْظَامَه انْطُبَعْ
وِيلِي عْلَه سَاقَه وْرَضِّتَه
-----------------------
#شهادة_الكاظم_عليه_السلام
الشاعر حسن خنافر العاملي
#استشهاد_الامام_الكاظم
.......
يا ابا الرضا... يا ابا الرضا
&&&&&&&&&
تعطش على الماي وتصد
هم تبقه عطشان
وتذكــر علــ الرمضه بقه
مسلوب وعريان
الــف وتسعمية جـــــرح
وبعد الجرح هم ينذبــح
اتسولف دموعك بهالأمر
من گعَدو راسه ابرمـــح
استغـل
دمعي واسولف كـــــل ألم
واشتعل
كلما يمر طـــــاري السهــم
وما تهل
ادموعي عل الما بيه خيم
يا ابا الرضا.... يا ابا الرضا
×××××××××××
صح جسمك السم بيه مشه
ومنك أخذ حيل
بس ما وصـــل حافـــــر الك
وتدوسك الخيل
الخيل راحت وهم ترد
وجسمه بقه بس ينمرد
يا نعمة الله اتطرشــت
منهو اليلم جرح الفگد
علـ الذبح
فوگ الجرح داست عليه
والجــرح
گطعوله خنصر من ايـــديه
يا صبح
الغربه الضعن يمشي بسبيه
يا ابا الرضا.... يا ابا الرضا
×××××××××××
ما شافت إعيونك شمس
بس گلبك أيشوف
وتشعر الـــــم حــر الظهر
يا شمس الطفوف
ايام باقـــي اعله الجسر
مثل البگه أبحـــر الظهر
غيــــرت سمــــاره كربله
وتغفه عله اخدود الجمر
ابلا هدم
يا ريته مطفي كل ضوه
والجسم
كله جروح يلچمه الهوه
وينهدم
حيل اليشوفـه ابنينوه
يا ابا الرضا.... يا ابا الرضا
×××××××××××
آخر غــروب وبين الغرب
بعيونك ايبــات
ويرسم الك خيط الصبح
أحبال الغريبات
حافر عله سجنه الحزن
لعمته ابألم ليله يـــــون
ما يبـــــرد العنده سبــي
وما ينشف ابعينه الجفن
يا گلــب
شوغ أبالـــــم علـ السبي
والصعب
أيامـــــر عليهن ألاجنبي
بالغرب
احتارن بنات اهـل النبي
يا ابا الرضا... يا ابا الرضا
×××××××××××
سجنك ظلام وخيم عليك
سجن الخرابه
ابصوت الدموع تسمع كلام
بـابــا يبابــــه
تباوع چفوفك حمـره
تسحگ دموعك جمره
تاخذ خيـــــالك طفله
اوجوه الترافه سمـره
ما شفت
لكن سمعت شويه
بالطشت
ماتت غريبه رقيه
يالصحت
كل ليله هيه سبيه
يا ابا الرضا.... يا ابا الرضا
×××××××××××
اضع هذا القليل بين ايديكم لنيل رضا أمي الزهراء عليها السلام
#عمار_التميمي
نزله
شهادة مولاي الكاظم عليه السلام
......
عظم الله ....أجر مولاي الرضا
الليله بدموع الرضا والدمعه بالخد
عله جنازة والده بعيونه من صد
النعش مطروح بغربته وماله أحد
عظم الله.... أجر مولاي الرضا
×××××××××××
اتحزم أبهاي المصيبه وجبر صبره
الرضا شايل نعش ابوه انحنه ضهره
مات مسموم الغريب وخلص عمره
عظم الله ... أجر مولاي الرضا
×××××××××××
عله دجت مغتسل مدد جروحه
شاف أثر هاي السلاسل نفض روحه
الرضا وبهاي المصيبه ارتفع نوحه
عظم الله .... أجر مولاي الرضا
×××××××××××
چفن أسنين المحنه وشدها بالموت
الليله عمره وكل حياته حطها تابوت
الشيعه وي صوته تنادي بعالي الصوت
عظم الله ..... أجر مولاي الرضا
×××××××××××
طلع من سجن الطوامر للگبر راح
من عذاب السندي روحه الليله ترتاح
بجسمه ماخذ چم علامه وشايل أجراح
عظم الله ...أجر مولاي الرضا
×××××××××××
عمار التميمي
استشهاد سيدي ومولاي موسی ابن جعفر الكاظم عليهما السلام
ابو ذيه
🏴
جرح رد يلچم بگلبي والم راد
عله باب الحوائج وَن والمراد
راد اولاد . راد اخوه . والام راد
تحضره الزهره لحظات المنيّه
🏴
عظم الله اجورنا واجوركم
ام محمد الحجاج
السلام عليك ... يا امام الهدى
السلام عليك ....يا امام التقى
*******
شلون في قعر سجن وحدك امامي
بالحديد وساكه مرضوض انت دامي
عالصبر والغيظ محنه كلبه ضامي
يا سلام الله عليك ابعث سلامي
والصبر هم جزع شاف مر العمر
********
خلص الكاظم حياته وكل مصيره
ليش نايم عالترب تبچي الحصيره
دمعته ولهجة دعائه بكل ظهيره
وين كل شيعي غيور وعنده غيره
بالسجون العذاب كلبه والله انفطر
******
طلعت اركان السجن روحه وعذابه
لوعته والسهم فطر كلبه وأصابه
شلون كلي اجنازته فوك الترابه
دمعك امفارك وطن لوعة غيابه
مارحم حالتك حسره ضاك الصبر
********
صلت اركان السجن كلها بقيوده
ياحليف السجده معروفه بسجوده
يحجي عنه الكيد بخلاصه وصموده
وينه هارون القصر عرشه وحشوده
والله مايبقى اثر حتى قصره اندثر
*******
عمره خلص بالسجن ويعيش حسره
شيعتك طال الهجر منتظره گمره
تصيح يالكاظم صرت بسجن عشره
نامت الظلمه بسجودك ترجه ذكره
تنتظر جمعتك شلون لو طر فجر
********
ليش شالو نعشه بس اربع حماميل
والعرش يهتز ينادي بصوته جبريل
حزنت السبع الشدايد ازبور ونجيل
موسى مات اليوم حزنانه المراسيل
يا فرج طلعته موسى ظل عالجسر
********
يوسف الفتلاوي
يموعود.....خل يلوم اللايم
يموعود.... نلطم عله الكاظم
*********
يمتى ثارك يابو صالح ينحسم بالرايه
اتشوف هاي الشيعه يمك سيدي وفايه
دمعي مسفوح.......والجروح تشوف احبابك
كافي الغياب.........والاحباب تنوح ابابك
دمعك ادموم.......والهموم تحاچي اعتابك
يموعود.......والكلب ظل هايم
*******
نشتكيلك يابوصالح من وضعنه الحالي
بجاه ابو طلبه تجينه حسرتي بدلالي
هاي الاخبار........والانظار تريد اتشوفك
والله لو موت.....على الصوت ابد منعوفك
جرح الحسين... ندهه وين رمح بطفوفك
يموعود......والدمع متزاحم
*******
بيدك اتذلهم يغايب كلها تحت جدامك
وياك شدينه حزمنه من تشد احزامك
مثل عباس ...تذل ناس غضب لحدودك
مشرعه الجود...يموعود تجي ابمگصودك
سهم العيون....بچه امتون...يريد اجنودك
يموعود......نسحك عله الظالم
*******
لوتشوف الكاظم انت بالدمه الله يعينك
الهجر ذابحنه وينك سيدي امتانينك
عالجسر صار........يمغوار جموع الشيعه
راهب الكون.. ...بالسجون..ختم توقيعه
بالعزه اليوم..............يملچوم نجدد بيعه
يموعود...... وقعتلك خادم
*******
بالسجن جدك يعاني شوف حاله شلونه
حيله من السم تهدم حيل غير لونه
طاغي هارون....بالسجون...تشوف الظالم
السندي ملعون....عهد كون قصاص الحاكم
هاي الانساب......بالاصلاب بغضهه الفاطم
يموعود......يمتى يومك حاسم
*******
يمك تسجل الاسامي الخادم انت اتريده
بختيارك يا بوصالح كاتب اعله اوريده
اتغربل الجاي.......يوفاي الخدمكم صادك
بحبه مجنون......وفه يكون نظام العاشك
والمحب ناح.......عالراح عله موسى
امفارك
يموعود.....انت عالحك قائم
*******
تمت بعون الله وبركاته
خادمكم ...يوسف الفتلاوي