5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لاستشهاد الامام موسى بن جعفر الكاظم عليه السلام
امامي موسى بن جعفر
امامي موسى بن جعفر
★★★★★
الصبور. الراهب. الحازم
الوقور العارف. الحاسم
الكريم. العادل. الكاظم
امامي موسى بن جعفر
★★★★★
الأمين. الفاضل. الزاهر
الامام. السابع. الصابر
الجليل. السيد. الطاهر
امامي موسى بن جعفر
★★★★★
الفقيه. العالم. العابد
الحكيم. المتقي . الزاهد
الحليم. الصالح. الساجد
امامي موسى بن جعفر
★★★★★
الرشاد. النور. والحكمه
القداسه. المجد. والعصمه
السماحه. الطيب والرحمه
امامي موسى بن جعفر
★★★★★
الفصاحه. الجود. وألْهمَّه
البلاغه. الجاه. والكلمه
الهدايه. الخير. والنعمه
امامي موسى بن جعفر
الشاعر حسن لعيبي الحريشاوي
لِوَفَاة العقيلة زَيْنَب سَلَامُ اللَّهِ عَلَيْهَا
(ميمر جناس)
أَتَوَجَّه الزينب بِالنَّوْح . وَسَلَّمَ عَلَيْهَا ابحسره
★★★★★
بِدُور الهواشِم چم بَدْر راحلها
بِهَذَا الْوَكْت ماكو بَعْد راحلها
دُون الرَّوَاحِل مايرد راحلها
ظَلَّت ابدار الأَحْزَان. لِيَوْم الْأَجَل تَنْتَظرَه
★★★★★
جَاه الخلگ سِبْطَ النَّبِيِّ منجاهه
حسَيْن الَّذِي يَوم الخلگ منجاهه
ماتِهِم زَيْنَب . لِلْقَدْر منجاهه
شلَّها ابزمان المابيه . ضنوة عَلِيّ وَالزَهَرَه
★★★★★
تهوه الْمْنْيَّه زَيْنَبَ أَوْ ودتَّها
عَدهَا رِسَالَه بهلعمر . ودتَّها
دنْيَاهَا بدروب الْأَسْر ودتها
ماينوصف ذَاك الْحَال . وَكَسْر الاخو شيجُبرَه
★★★★★
حُكْم الدَّهْر صَاحَت يخويه جَارِي
لِلْمَوْت دَمْعِي مايبطل . جَارِي
مِثْلُ أُمِّي مِن نوحي تَأَزَّم جَارِي
انْتَظَر سَاعَات الْمَوْت . مِن شَفَتَك عَلَى الْغَبْرَه
★★★★★
وَزَّت الدَّنْيَا النَّايبَه . وَحَالَتهَا
ينهظم گلب الطَّاهِرَه وَحَالَتهَا
الربَّها الْأُمُور امفوَّضه وَحَالَتهَا
شخلت الدَّنْيَا مِنْ أَحْبَابٌ . مابقت بِس الذكْرَه
الشاعر حسن لعيبي الحريشاوي
⬛️🔳القصيدة-4-🔳⬛️
هذي قوافييِّ بَدَت تتَهيّـبُ
إذ إن َّ عُنوانَ القصيّدة ِ #زينب ُ
ماذا عسايَ أقولُ في تَوصِّيفِها !
أفَـهلْ سأُطنِبُ أم تُرانيَ أُسهِب ُ!
هي بضعةُ الزهرآءِ بنت ُالمرتضىٰ
زين ُ النسآء ِ وفخرُهُنَّ تُلَقَّب ُ
قد أصبَحَت مَثَلَ الطهارةِ والحيا
ولذا العفافُ إلىٰ #العقيلة ِ يُنسَب ُ
آه ٍ لها من مِحنةٍ كم شاهَدَت
ومصائبٍ في روحِها تتقلَب ُ
ومعَ الرزايا والخطوبِ فإنها
للظالمين َ بِكُلِِّ صبرٍ تُرعِب ُ
عُمُراً قَضتهُ بلا هَوادَةَ في الأسىٰ
فتَنُوحُ طَوراً ثمَّ طَوراً تندُب ُ
ولـِفَقدِ إِخوَتِها تَبُثُ شُجونَها
نارُ الفراقِ وفي الحُشاشة ِتلهَب ُ
حتىٰ دَنَت منها المنيةُ حينَها
دارَت بِعَينَيها وراحَت تَعتِب ُ
إذ لم تَجدْ أحداً بِساعةِ مَوتِها
من أهلِها دمعاً عليها يَسكُب ُ
وقضَت بأرضِ الشامِ وآ أسفاً لها
عن كربلاءَ وطيبةٍ تتغَرَب ُ
#ورحلت_مهضومة
#سمير_الصالحي
#وفاة_عقيلة_الطالبيين_زينب_ع
#15_رجب_الأصب_62هـ
⚫️ نعي - مجردات ⚫️
تمنيت خوّاني يحضرون
وبوگت موتي ما يگصرون
اودعنهم ولَيه يودعون
واذا وگت المنيه ما يلحگون
لجنازتي بلچن يشيعون
و بالگبر لو رادوا يدفنون
بس كونهم ماراح ينسون
من كربله تربه يخلون
ولتراب لحدي من يهيلون
بهداي اريدنهم ينزلون
تره مورمه من عندي المتون
#سمير_الصالحي
#النجف_الأشرف
نعي إلى عقيلة بني هاشم
ياهو اللي مثل زينب
من يحمل مصيبتها
وياهو اللي ولاه البين
ياهو الشاف محنتها
كفلت عايله وصبرت
حيها و يه ميتها
كل نعوش اهاليها
زينب كلها شافتها
ياهو اللي مثلها يكون
من يحملها قصتها
عاشت كربلا بمصاب
وشدة شام عاشتها
هاي الصدت اهل الجور
هاي الفكدتك يحسين
هاي الفكدت العباس
والأقمار والسبعين
هاي الاوكفت عالتل
هاي الشبجت الجفين
من نادت يبن حيدر
وينك خويه حان البين
ياخويه الأمر لله
زينب للسبي تروحين
الموت مقدر ومكتوب
نفدي ارواحنا للدين
وكفت بالهظم زينب
تنظر روس اهاليها
ما ذلت و لا هانت
عزة حيدره اعليها
رادوها تطخ الراس
من ذبحوه واليها
رفعت بيدها القربان
جسم حسين بيديها
اتقبل يا إله الكون
رأس حسين يحييها
دين الله يريد ارواح
هاي ارواح ننطيها
ياهو اليحمل بجفه
نعش الغالي ويشيله
وياهو من بعد هظمه
ساجد راكع بليله
زينب وكفت ونادت
خويه بركبتي العيله
بعيوني انا افديهم
والسجاد اتجيله
حره ومن نسل أحرار
حملت ثوره الثجيله
زينب بالسبي نهضت
تهز الطاغي وتزيله
طبت للاماره بزود
تشبه حيدر بزوده
يستضعفها ابن زياد
شامت كان مقصوده
وحسينج يزينب مات
طاغي وجاوز حدوده
زينب وكفت وصاحت
الوالي لبى معبوده
وكفت وكفة الشجعان
وكفة شرف معهوده
ردت كيده ابن زياد
خاب الطاغي وجنوده
محمد النوري
خــادم المــولاتـــــي زينب
بت علي المن روحي اقرب
سلامي .. سلامي
ــــــــــــــــــــــــــــــــــــــــ
خــــادم لأن احسها
ماتطفى ابد شمسها
اعظم درس درسها ــــــ يكفيني
تتصـــدر المشاعر
تجبرها للـخواطر
يم المقام تهاجــر ــــــ اسنيني
اگصد الدارچ يازينب والدليل امحبتچ
هيبة الكرار دولة وانتي مثلــه بهيبتچ
كل تعب مايبقـى بيه لمـن الـزم رايتچ
عندي حاجة وعندي مطلب
بت علي المن روحي اقرب
سلامي .. سلامي
ــــــــــــــــــــــــــــــــــــــ
من العراق اجينه
يم مرقدچ بچينه
زوارچ اتعــنينـــه ـــــ بالدمعة
نتـبرك ابمقامـــچ
يازينب وخدامـچ
لوحة حزن ايامچ ــــــ وننعــه
نقرة يم بابچ قصيدةوبيها نذكر للـحــسين
احنه لو ما هالرساله چان ماظل عدنه دين
بصوت تصرخ يالعقيلة كل جموع الزائرين
ياهـــلا بـــزواري مــرحـب
بت علي المن روحي اقرب
سلامي .. سلامي
ــــــــــــــــــــــــــــــــــــــــ
اجمل حبيبة بروحي
وهيا الدوه لجروحي
بسمچ يازينب نوحي ـــــــ مايهده
انتي العظيمة انتي
الهذا الگلب ملكتي
ويانه مــــا قصرتي ـــــــــ بالشدة
جوهرة ابيت الامامة وبالفكر چنچ نبي
بالعلـم غـذاچ حيدر والشبـه كله العلــي
فلذلك صرتي ثورة هزت اعروش الدعـي
شــو غريبة وهــاي اغــرب
بت علي المن روحي اقرب
سلامي .. سلامي
ـــــــــــــــــــــــــــــــــــــــ
حــرة انتــي ماذليتي
وفوگ الظلم مشيتي
بعفة وشرف طلعيتي ــــــ يالحرة
يااية شيفسـرونچ
اعظم لغـز يدرونچ
خدامـچ يسمونــچ ـــــــ الزهرة
راية العباس بابچ واليگصدچ ما يحير
ماتردين اليطلبچ نعمــة يعرفها الفقير
الكل ضمير انتي رساله صرتي ياام الضمير
ماكو يمچ حاجة تصعب
بت علي المن روحي اقرب
سلامي .. سلامي
الشاعر فاروق الغنامي
يــود عـبـاس دلاّلي يــود عــون
إبـديـار الـغـرب تـاليها يودعون
الهواشم وين الاجنازه يودعون
غـريـــبه وغُربه لــيشيعون بيه
~
حيدر بشار الدراجي
الصبر معنه الصبر بس زينب اتعرفه ومُحال انْعَرِفْ سرّه ونكَدر انوصفه
بحزن متدركه الافهام سكن وياهه بالشام
مُحال انْعَرِفْ سرّه ونكَدر انوصفه
--------------------
حزن ام الحزن كل عكَل مذهول منّه ومن صبرها
منهو يوفّي وصفه شيكَدر يكَول وحزنها بكل عمرها
البدايه اتشوف باب الدار مشعول بالنار بزغرها
شيترك من اثر هاليوم شتكَول مطبوع بنظرها
لحد ساعة منيتها ويضل يشهد بنواظرها هذاك الباب يتجدد
الم ضل طول الايام سكن وياهه بالشام
ومحال انعرف سرّه ونكَدر انوصفه
--------------------
معلوم الصبر من غير احزان واهات ومصايب
ما ينعد صبر ويوصفه قرآن طاعه اعلنوايب
ومقياس الاجر مشروط ايمان مختلفه المراتب
ونّْرِد الصبر كَلب ام الاحزان ونسال وانت جاوب
مثل حيدر كَلب صابر عرف دهرك ابد لتظن جرع آلام ويخبرك
وكَلبها كَلب الايمام سكن وياها بالشام
ومحال انعرف سرّه ونكَدر انوصفه
-------------------
مشت بيها السنين وهمها جتّال من امصاب امها
عاشت من زغرها اليتم وشحال الخاوت يتمها
ما ظن تنوصف آلامها ثكَال هيّه ادرى بألمها
وبليلة قدُر تنهدم آمال بالفجر السكَمها
علي مطبور راسه ويالفجر من طر وكَلب زينب بسيف الاشقى ضل منطر
جرح ما طاب والتام سكن وياهه بالشام
ومحال انعرف سرّه ونكَدر انوصفه
--------------------
وياحيرته باخوه اثنين آيات مشغوله وتحاذر
بخوف اظنون من هالناس وتبات ما طاب الها خاطر
وشافت غدروا الكرار مرّات وقليل الموش غادر
ولن صدكَت الظنّه والحسن مات بسم جاحد وكافر
جبدها النازف بطشت الحسن جنّه بحزن بس الصبر اعظم حجوا عنّه
وبقت بي اصعب آلام سكن ويّاهه بالشام
ومحال انعرف سرّه ونكَدر انوصفه
------------------
وعكَب ذيج المآسي وذيج الجروح توّجهه زمنها
بمملكة الحزن والامها اصروح بالطف واخذ منها
عزيز الكَلب عدهه الاعز من روح سلوتها وامنها
حسين وشافته مسلوب مذبوح شأعظم من حزنها
لجن ذبحت حزنها بصبر ما صاير وتقدم حسين قربان بكًلب صابر
صبر منّه الدرس دام سكن ويّاهه بالشام
ومحال انعرف سرّه ونكَدر انوصفه
------------------
بكل ذاك الجره وكل ذيج الهموم الحزن ما فض مرامه
جم مهجه انفرت جم سالت ادموم جمر يلهب ضرامه
بس درب اليسر هالدرب ميشوم وتم بيه انتقامه
عله الهزله وتعاين زينب الكَوم جن يوم القيامه
اذا مو هالقيامه بيوم مسراها يمته وكل حزن زينب فجع طه
وجمع كل حزن الاعوام سكن ويّاهه بالشام
ومحال انعرف سرّه ونكَدر انوصفه
---------------------
قاسم آل واعي الرميثي15رجب1445
عونه تريد زينب منك ومني
على مصايب اخوتي شاركو ابوني
*******
انه الفگدت اهلها ومشت مسبيه
اونن عالهزل ومݘتفه ايديه
ودمعات الحزن عالوجنه مجريه
وعلي متوني العدو بسياط يضربني
عونه تريد زينب منك ومني
*******
قصتي ياحبابي رايحه احݘيها
يضرني العدو والدمعه اجريها
وي يشتم الزهره وعلي واليها
وتمنيت الهواشم تجي وتحضرني
عونه تريد زينب منك ومني
*******
وينه الي ذكرني ويجلب الونه
واسمعه ياغريبه محنتݘ محنه
ماننساݘ نقسم ابامݘ وامنه
انه ام الخدر اذكره اليذكرني
عونه تريد زينب منك ومني
*******
اذكروا مصيبتي يالبيكم كفايه
بمجلسكم يشيعة علي الوفايه
ولاتنسون ابو الاكبر وابو الرايه
المشوا ويه المنيه بنينوى عني
عونه تريد زينب منك ومني
*******
انصبولي عزه وابݘوا على حالي
ذبحوا كل هلي وماظل الي والي
بس رابع ايمام مݘتف گبالي
وعلي تنزل دموعه حيل اذني
عونه تريد زينب منك ومني
*******
بالمجلس تجيكم امي الزهره
وياكم تنوح وتجلب العبره
كل مجلس تگول انا ترى احضره
الزينب وللگمر والمنذبح ابني
عونه تريد زينب منك ومني
*******
خادم اهل البيت / ابومحمد العاشور (07810010732)
٩كوم ويانه انصب ماتم النه
وردنه وياك نبقى ماتم النه
يريت يصير كلمن ماتم النه
انه امنيتي ترد وتعود اليه
.........
الشاعر
اياد الفرح التميمي
انه جر النفس يوصل لحد لاي
غريبه وما الي واحد لحد لاي
وتمنيت الاخو اليحفر لحد لاي
ويوسدني ودمع يبجي عليه
........
الشاعر
اياد الفرح التميمي
انكسر ظهر الشمس لمصاب اخت عباس
وشنـو وضـع الگـمر بـمـصابهـا شـحـاله
نخسف صدر الارض بيها الجبل مدفون
جـبل صبـرچ ثكـيـل ويـا نعـش شـالـه
السلام على جبل الصبر زينب 💔
🖊️عباس فاضل الشمري
فزاعية لوفاة مولاتي زينب عليها السلام
ليش بديرة الغربه يدفنوها
يم حسين والعباس جيبوها
.....
.....
روحو يالهواشم بالعجل ليهه
بالشام العقيله المن مخليهه
جيبو النعش حطو بين اهاليهه
خلو الناعيات ينوحن عليهه
يهل الخيل گومو الليله شيعوها
.....
.....
شدّو اعله الشّگر ماتت المسبيّه
الليله زلزلو الشام اعله اهاليّه
شبعت قهر من ضيمه وبلاويّه
سود اعليهه ايامه ولياليّه
بهل الشام روحو الشام
گلبوها
.....
.....
عاشت بالغرب وتموت بالغربه
بلحظات المنيه العين تتربّه
اخوها حسين رادت تندفن گربه
صعبه مااجو ليهه اهل صعبه
عقيلتكم تعالو الليله ودعوها
.....
.....
شبي وجه السمه مو مثل ليليه
الليله اخمسطعش مفروض گمريه
ماله اظلم شجاه من المغربيه
ويّه ام عون اثاريهه الوداعيه
واهل السمه واهل الارض ينعوها
.....
.....
ماتت بت علي بالشام مهظومه
يعباس الاخو هذا الوكت يومه
ماموجود يازينب الجيدومه
يجيچ برايته وغيرته المعلومه
خلوا جنازة اختي ولاتشيلوها
.....
.....
يتحزم ويشيلچ بين ذرعانه
عد عينچ يزينب خويه هذا آنه
يبعد العافيه يگولون حزنانه
ياهو الغاثّچ الا اگطع السانه
اظن حسبالكم اختي سبيتوها
.....
.....
أم محمد الحجاج
مولاتي زينب عليها السلام بعد استشهاد اخوتهه والشمر اتمرجل عليهه كأني بها
سياط العده من امتوني .. تراون
وعله الهزله اشبعت خويه .. تراون
الگبل ماشافهن واحد .. تراون
وسبيه تلوذ گمنه بظل سبيه
ام محمد الحجاج
السلام على مولاتي جبل الصبر زينب الكبرى
ابيات نعي للسيده زينب ع
يحادي النوك تعرفهن خواته
يسيرن بالفله ابعين الشماته
يشوف حسين هاي مخدراته
عجيبه العطش ذبلهن بناته
اويلي اجروحهن كلش جبيره
غريبه اشلون زينب يا هضيمه
تلوج من اليسر هاي العظيمه
عجيبه الحرك ما تنساها خيمه
تروح لمن بعد والدنيا هيمه
اخت عباس يا وسفه اسيره
تون يا ويلي والونه شديده
اخت عباس شو ظلت بعيده
دمع عباس بعيونج قصيده
يظل البيت ينزف من وريده
تروح اميسره من ديره ديره
#كلمات_يوسف_الفتلاوي
شافت عجايب زينب.( وزن الشياله)
حگها تنوح وتنحب.
شافت عجايب زينب
شافت عجايب زينب
★★★★★
شافت محن ساعتَّها
بحال الهظم خلتَّها
ادروب السبي مَشَتَّها
ومن الصعب للاصعب
شافت عجايب زينب
★★★★★
شافت حسين اتأثر.
لمن ايودع الأكبر
ولمن رجعله اموذَّر.
نيران گلبه تلْهَب
شافت عجايب زينب
★★★★★
شافت أسف كافلها.
وَدَّعْها مارد الها
چفوفه العدو گاطعها.
وگالوا بعينه امصوَّب
شافت عجايب زينب
★★★★★
شافت البدر الواضح.
لهاي العساكر رايح
عريس بلدم. سابح.
للحومه قاسم من طب
شافت عجايب زينب
★★★★★
شافت رضيع بحسره.
منعوه يشرب گطره
عطشان صابوا نحره.
واتصيح صبرك يارب
شافت عجايب زينب
★★★★★
شافت شمر يتبختر.
من حسين گاطع منحر
وشلون ذاك المنظر.
بلدِمَه حسين امخَضَّب
شافت عجايب زينب
★★★★★
شافت عليل امصدَّع
ياعمه نادت ارجع
بلسيف لاتتگطع.
منهم فلا تتگرَّب
شافت عجايب زينب
★★★★★
شافت عدو بلاشيمه.
ماخله إلهم خيمه
عيال اصبحت بلهيمه
والضعن كله اتسَلَّب
شافت عجايب زينب
★★★★★
شافت مشه حاميها.
راسه برمح واليها
وصار الشمر حاديها.
للشام بيهم غَرَّب
شافت عجايب زينب
الشاعر حسن لعيبي الحريشاوي
#ورحلت_غريبة
⚫️غريبه بديرة اهل الشام عافوني
⚫️يجيني الموت ولا أهل اليحضروني
من عگب المصايب والرزايه السود
چتل حسين والعباس راعي الجود
للشام انسبي وتالي ارجعلهه اردود
وحيده اتذكرت لچماتي بمتوني
تذكرت بحبل مچتوفه من طبيت
برمح راس السبط مرفوع اله صديت
يبن الزهره يا مظلوم أنه ناديت
دشوف اعداك لو أبچي يضربوني
يضربوني بسياط وأنخه بالعباس
يسيره بلا ولي وتصد عليه الناس
وآني الچنت اميره وتالي اهبط الراس
واهل الشام شمات ويشتموني
يشتمون بعلي والزهره وآني ابچي
صعبه اعليه ياعالم شريد احچي
أديرن عيني والمن اعتب وأشچي
بس الحرم وايتامي اليّحَوطوني
أول مـّره طبيت بألم واحزان
وثاني المره جيت وهيجتلي اشجان
بلايه اولادي لا أهلي ولا خُـّوان
يجوني هنا يغسلوني و يدفنوني
تمنيت شكثر يم اخوتي موتي
يشيلون النعش وبهيبه تابوتي
(أحاچي الروح موتي من القهر موتي)
مامش أهل ولگبري يزتوني
تتمنى الإخت لو يحضرلها اخوان
توگف زلم حزمه مسرفنه الذرعان
واحد يحفر ولاخر إلي دفان
ويهيلون الترب لمن يوسدوني
عودني ابو فاضل يحضر گبالي
گبل ما اطلبه يسألني عن احوالي
آه ويا وسف شو خابت آمالي
ماظن يلحگ يغمض لي اعيوني
#ومـضت_مهضومة
#سمير_الصالحي
#النجف_الأشرف
#عتاب_غريبة_الشام
وين اخوتي
الچانوا سباع الثنيه
وين اخوتي
عليهم دموعي جريه
وين اخوتي
تحضر بوكت المنيه
ا&&&&&&&&&
وين اخوتي
بغربه هذا الموت اجاني
وين اخوتي
محد المنهم لفاني
وين اخوتي
آآه من عملة زماني
ا&&&&&&&&&
وين اخوتي
الفارگوني وفاركتهم
وين اخوتي
بكربله نومه عفتهم
وين اخوتي
حسره عل ماودعتهم
ا&&&&&&&&&
وين اخوتي
الشام بيها ارحل غريبه
وين اخوتي
هنا يدفنوني!! مصيبه
وين اخوتي
وليش مو للطف قريبه!
ا&&&&&&&&&
وين اخوتي
ريت يم الأهل موتي
وين اخوتي
حسين والعباس اخوتي
وين اخوتي
الچانت وياهم سلوتي
ا&&&&&&&&&
وين اخوتي
ليش كل اهلي جفوني
وين اخوتي
وسفه چن كلهم نسوني
وين اخوتي
بلچن لگبري يجوني
#سمير_الصالحي
#البصرة_الفيحاء
🏴 عن لسان العقيلة ع
⚫️ زينب عزيزتكم أنه
وبالشام لا اتدفنوني
⚫️باسفاري حيل تلوعت
والدم جره من اعيوني
عن ياسفر احچيلكم
لو غربتي ومصابي
والناس تعرف هيبتي
وتقسم قسم بحجابي
يا محنه منها الأبتدي
والمن اودي اعتابي
واهلي ابعاد ولا الي
خوان اظن يلفوني
للكوفه أول سفرتي
وحيدر ابوي الوالي
محد نظرني ولاسمع
صوتي وشاف خيالي
ومن شاهدت طبرة علي
نحت وتغير حالي
بمحرابه مصيوب الفحل
وبغدرته فجعوني
من المدينة الكربله
ياسفرتي الميشومه
عباس يبره المحملي
وامدلله ومحشومه
شفت المصايب باخوتي
وحسين تجري دمومه
اوعالمشرعه نام الگمر
ياريته شاف متوني
ثالث اسفاري من اطلعنوني
ميسره ومسبيه
عجفه وهزيله ناگتي
ومچتفين ايديه
ناديت وين اهل الرحم
محد يرد اعليه
فوك التراب مطرحين
اخواني ماسمعوني
طبيت ديوان الكفر
معقوله زينب آني !
لاچني بت حيدر علي
وهيچ الدهر خلاني !
وتتفرج اعلينه الغرب
هذا الوضع أذاني
گومي يزهره وعايني
بتچ أنه ويسبوني
رديت من الشام ازورن
گبر اخوي اتمنه
وراسه دفنته وي الجسد
ومنه گطعت الظنه
حاولت اظل انعه واون
واشبع موادع منه
وابچي على گبور اخوتي
لاچنهم يعذروني
وحين ارجعت ماطولت
بالشام أحس تاليتي
وشلون ياعالم ارد
يم الي هجموا بيتي
بديرة غرب مالي ولي
والمن اوصي اوصيتي
وآنه العقيله ام الخدر
هيچ وصدگ تنسوني !
ماحسّبت بعد الهضم
بالغربه يخلص عمري
وتحضر منيتي ولا الي
خوّان تحفر گبري
يمكن فلا جاهم خبر
يجفوني اظن!! ماادري
لكن اعذرنهم واگولن
بلچن يزوروني
#سمير_الصالحي
#النجف_الأشرف
نظلُمُها عِندما نصَوِّرها ، يائسة ً بائسة
وهيَ مثالُ الصبرِ والجَلادة..
------------------
كالجَبل بِنت النَبي
عَلى التَل الزَينبي
جبَل فوگ التل ينَادي آ يالحسين
وَعدِي ويَّاك الصَبر ماتِدمَع العَـين
***
الصَبر رَاد اَلله يخِـلقَـه ابصُورة اِنسَـان
ويرسِم اَوصَافه ويخطـَّـها ابإيد فنـَّـان
آيـَـه مِـن عِـندَه وسَبيل الرِفعَـة الشَـان
خِـلَـق زينَــب للبَريـَّـــه وكان ماكـــــان
صَبر وبصُورة بشَــر
زينب وكِـل الصُــوَر
تشرَح اشلون الصَلابه ابدِنيه وبـدِين
وَعـدِي ويَّاك الصَبر ماتِـدمَع العَـين
***
هَـذا مـُـو تَـل فاجعَــه تَـل مَرجعـيـَّــه
البطَل سَـوَّا إِلهَـه مِـن رُوس آل اُميـَّـه
فـُـوﮔـه صِـدرَت فَـتـوَه مِن الهاشــميه
السِـتر وَاجب باصعَب اَوقـَـات الرزِيه
والصَبر يُـوم الشِـدَد
مِثل رَاس امِن الجسَد
والفَـواطِم نـفـِّـذت كِــل المَضـَــامين
وَعـدِي ويَّاك الصَبر ماتِـدمَع العَـين
***
أَبَـد ماطَاحَت عَـبَـايه ولا انكِشَف رَاس
واليـﮔول اِخــلَاف هذا مِن اَخَـس نَاس
زينب اِحجَـاب السِمه وللعِــفه مِقيَـاس
وحَاشَه لِحجَاب السَماء ابرِيبَه ينجَاس
اِلحفَظ بالقدرَه الذِكِـر
حَارِس ابعَـينه الخِدِر
وقـدرَة البَاري نـَـفَــاذ وأمـرَه تَـمكِـين
وَعـدِي ويَّاك الصَبر ماتِـدمَع العَـين
***
الـﮔالَت اَقبَـل بالقضَاء وشِـنهي مَكتوب
ومَارَأيـت إلّه جَميـل ابهَــاي الخطـُـوب
تِلطم اعلَى الرَاس ﮔلّي اِتشِـگ الجيُوب
إِتـَّـقـي البَـاري ابحَديث وكِلّـه مَكـذوب
أبَـد ماخُمشَـت وَجه
الـﮔـال هذا مِـشتِـبه
لو حَـقود اوهِيـَّـه وِحدَه مِن الاثنـين
وَعـدِي ويَّاك الصَبر ماتِـدمَع العَـين
***
ولُو فرضنا ابيُوم عَاشِر دَمعَت اعيُون
للعَــقيله اِخـت الكَـفيل اوَّالِـدة عُــون
أبَـد ماخَلـَّـت دَمعها ايشُــوفه مَلعُـون
وللدَمع ﮔـالته اِبقى اِبجِفني مَسجون
واَبد ماصَاحَت جَزَع
ورِجفت وشَافت فَزَع
وخَلّت اجيُوش المَذلـّه ابحِيرَه باقِين
وَعـدِي ويَّاك الصَبر ماتِـدمَع العَـين
---------------------------------
لقمان البدران
غيرة اخوها
وكـت الشدد ـــ زيـنـب انـخاها
بغيرة اخوها ـــ التمشي بدماها
ــــــــــــــــــــــــــــــــــــــــــــــ
واضح وكلشي مو خفي
عـبـاس وارث بت علــي
لو ردت همك ينــجـــلي
حلفها بچــفــوف الابــي
هي السفينة ـــ وهــو مرساها
بغيرة اخوها ـــ التمشي بدماها
ـــــــــــــــــــــــــــــــــــــــــــــ
اصدق بنيتك عن بعد
تنطيك خالي مــاترد
اي واللي بالحق ينعبد
بچفوف اخوها تنسند
وكت الكلايف ـــ كلفة تلگاها
بغيرة اخوها ـــ التمشي بدماها
ــــــــــــــــــــــــــــــــــــــــــــ
المفروض دفنتهم سوه
هــي النبض هــو الهوه
مثل المريض ابلا دوه
بالفرگة ظل يمشي كوه
هيچي الزمن ـــ عـنـه بعـــداها
بغيرة اخوها ـــ التمشي بدماها
ــــــــــــــــــــــــــــــــــــــــــــــ
لو رايد تحصل اجر
هالليلة هاي امن العمر
بالدمعة واسي ام الخدر
وعــن هاللطــم لاتعتــذر
بمجلسها گلبي ـــ ودمعي واساها
بغيرة اخــوها ـــ التمـشي بدماها
ــــــــــــــــــــــــــــــــــــــــــــــــــ
بت فاطمة وبت حيدرة
حــرة وغـيـورة وصابرة
توگـــف بيــوم الاخـــرة
وبالطف تسولف ماجــرا
هاي المصايب ـــ عاشت اوياها
بغيرة اخوها ـــ التمشي بدماها
الشاعر فاروق الغنامي
من مشت زينب سبـيـــه
اجروحك الف وتسعميه
يالمصابك
سيدي ماصح مـــثيلـــه
ــــــــــــــــــــــــــــــــــــــــ
يــــــالغايـــــــب ابد مابـــطلت نوحك
وتظل كل ساعه تلچم كربله جروحك
ياظعن السبي شگد عايش بـــــروحك
احچایات الشماته بعظمك تلوحــــــك
يالجبت عمرك مناحــه
وماشفت بالدنيا راحه
يالدموعك
صارت الحزنك وسيله
ــــــــــــــــــــــــــــــــــــــــ
يبو صالح الشام اشعدها وي زينب
راحتـله سبـيـه والـــــگلب یـلهـــب
ويـاوحشة نــــعشها وللدفن غـــرب
ولا واحــــد وگف من الاهل ینحب
الشــــام مابيها اهــلها
تحضر الزينب بأجلها
هالمصيبه
بمهجتك كلفه وثگيله
ــــــــــــــــــــــــــــــــــــــــ
يامحلـه الجنازه ابين اهـــاليها
ومن تسمع بچيهم كلهم اعليها
واهلها اعله المتن لمن تـخليها
وما صحّنّ الزينب ذني تاليها
غربه التشيع الجنازه
والاهل عازتــها عازه
وشثگلها
الليله وحشه عالعقيله
ــــــــــــــــــــــــــــــــــــــــ
يالصبــــرك ابـد ماتخــلـص احــدوده
بـقت زينب هنـــاك اجنازه ممــــدوده
تــشيعها تــــــجي ودشٌداشتك سوده
وتدري الوگفه وكت الضيج مـــريوده
وانت لتـــوسد اديها
وتوگف وتنعه عليها
كون بيدك
هالنعش انت التشيله
ــــــــــــــــــــــــــــــــــــــــ
يبو صالح دمعتك لسه سچابـه
وبيتك للحـــــزن ماينـغلگ بابه
الگبر عمتك تهيل تريدك اترابـه
وتقره اعليها آ يحسين ومصابه
وتقره زينب ياغريبه
يامــصيـبتـها مصيبه
اليله عمتك
رادتك تقره العديلــه
ــــــــــــــــــــــــــــــــــــــــ
حيدر بشار الدراجي
تدري بويــه يا علي
الشام مو ديرة هلي
احنه ديرتنه المدينه
فارگيناهــــا وبچينه
ـــــــــــــــــــــــــــــــــــ
تدري يابويه المدينه وطن جدنه المصطفه
بيـها عـشنه ايام حـــلـوه والزمان النه صفه
آنه ام عـــون الامــيره وبيتي الله شـــرّفـه
مـــن بعـد ذيچ الليالي عله دنيانـــه الـعـفـه
مــــــاشفت راحه بعد
اويه الحزن عدنا وعد
طِيبه ديرتنه الحنينه
فارگيناهـــــا وبچينه
ـــــــــــــــــــــــــــــــــــ
بالمدينه اهلي الهواشم ساده صارو عالملل
دور اهلنه بالضيافه ينـــضرب بيها الـــمثل
بينه تمت نعمة الله وبينا هالدين اكـــتمل
تالي ماتــالي انتهجّر وسفه هذا الي حصل
مارعو حرمة نبـي
ولاعقيلي وطالبي
رحنه بس نفرك بدينه
فارگيناهــــــا وبچينه
ـــــــــــــــــــــــــــــــــــ
کاع غربه وناس غــــــربه ومحد اعـــليه يحـن
دمــوعي مـخـتنگـه واناطر اهلي تحضر للدفن
انه لـتمنيت اخـوتي اتشيل نعشي اعـله المـتن
وصرخة بالتشييع اريدن والدمع يچوي الجِفن
شلون اموت بنص غُرب
وبيه چــــــم لچمة گلب
وگلبي مايخلص ونينه
فارگيناهــــــــا وبچينه
ـــــــــــــــــــــــــــــــــــ
كربله ما هي بـعيـده تـدري بويه ياعلي
ريت ابو فاضل يجيني ومايقصر كافلي
ايطيب جروحي عضيدي وهمّي حتماً ينجلي
يدري بــيا بعد عينه هايـمه ومحّد الـي
تربه جايبلي الحبيب
من گبر ذاك السليب
مـحله خوّتنه ربيــنه
فارگيناهـا وبــــچينه
ـــــــــــــــــــــــــــــــــــ
وين نسوان الهواشم مايحضرن دفنــتي
زحمه لو ماكو گرايب تمشي ويه جنازتي
جنازه مابيها بــواچـي ياكبرها مــصيبتي
لا اخت لا امي يمي وانه الهن عـــــــازتي
من عمامي ماكو صـوت
خلصت كل عمري موت
جنازه راح امشي حزينه
فارگيناهــــــا وبـــــچينه
ـــــــــــــــــــــــــــــــــــ
حيدر بشار الدراجي
من حان الوداع بغربة الشام ايتراوه لعين زينب ضيم الايام
ماتنسه الغريبه وجم آه ومصيبه
ايتراوه لعين زينب ضيم الايام
----------------------
نوايب علبشر بالزمن شفنه كثره تمر عله الوادم عرفنه
والحال الغريبه اهنا وكَفنه يصفّن حالها الماعرف صفنه
عجيب المر عليها من الاحزان لتظن بحياتك مر عله انسان
بكل نظره بنظرها وكل لحظه بعمرها
ايتراوه لعين زينب ضيم الايام
----------------------
هالحرّه الغريبه من زغرها ما راواهه غير الهم دهرها
ماتنعد مصايبها النظرها لوما من صبر حيدر صبرها
جا ماتت بيوم الباب والنار شبّت واندفع بالضلع بسمار
مرعوبه وتعاين جور اهل الضغاين
ايتراوه لعين زينب ضيم الايام
--------------------
شتنسه وياحزن مات ابكَلبها وشكواهه مثل امها لربها
واجاها امصاب للمهجه شعبها بنار الطبره بالمحراب شبها
شيحمل هالكَلب وتشوف حيدر راسه بسيف ابن ملجم تتطبر
هد حيل العقيله وترك جرح برحيله
ايتراوه لعين زينب ضيم الايام
--------------------
يافرحه التمرهه الكَلب محزون تشوف شلون راحوا سادة الكون
مشغولة فكر عالاخوه شيكون باجر والزمن كل سرّه مدفون
بوجل ضلّت تهم بالحسن وحسين تحاذر من خلك ما عدها كل دين
همها بهالغوالي بوجل تكَضي الليالي
ايتراوه لعين زينب ضيم الايام
---------------------
شضم الهه زمنهه وتدري هالناس تعادي اهل الرساله وفاقده احساس
فجعوها بفجيعه اتشيّب الراس من غدرو اخوها بسمِّ الارجاس
وتْشَوف الطشت بجبود ودموم يعين الله كَلبها الحسن مسموم
تنوح تكَله ويلي هالسم بدليلي
ايتراوه لعين زينب ضيم الايام
---------------------
ويا عُظم الفجيعه علخت الحسين العاشت من بعدها دون سنتين
جم آه بنفَسها وحسره وونين يا يوم الطفوف البي عمت عين
بيها اشصار من فوك الرمح لاح راس ابن النبي ومنها الكَلب طاح
لاهي وياه ماتت ولا بعده استراحت
ايتراوه لعين زينب ضيم الايام
--------------------
امكَابُل عينها الدرب المشت بيه يسيره وعلجمر هالدرب تمشيه
من سار الضعن والشمر حاديه بكل لحظه ويهيج الالم طاريه
كتلها الطف بسيفه نوبه وهناه بدرب الشام الف نوبه ويويلاه
وموعوده بآجلها هنا من دون اهلها
ايتراوه لعين زينب ضيم الايام
--------------------
قاسم آل واعي الرميثي 14رجب1445
لطمیه لمولاتي حبیبتي زینب الحوراء ع
ــــــــــــــــــــــــــــــــــــ
الیوم ام المصایب وین منواها
شالتها الـمـنـیه الــدیرت اعداها
►✺┅●✥✥●┅✺◄
علیها الاه والونه وبوچینه
قهر زینب جمر نار وتچوینه
تموت هناك یم دیرت اعادینه
ولا والي ولا احبیبات ویاها
►✺┅●✥✥●┅✺◄
یگلبي ون علیها زینب الحره
کاسرها اازمن کسره باثر کسره
عاشت بالاحزان وماتت وبحسره
گلبي ینفطر من یمر طرواها
►✺┅●✥✥●┅✺◄
یتساچب دمعنه گبل طاریها
اشکثر جار الزمان ولا رحم بیها
اخذها الموت لشام وحده بیها
تشب بالروح مثل النار ذکراها
►✺┅●✥✥●┅✺◄
تشب نار المصاب بگلب شیعتها
هاي ام الاحزان الذبحو اخوتها
غـریبه ومـالها امـشیع جـنازتها
علی زینب الونه تلوگ محلاها
►✺┅●✥✥●┅✺◄
لو کل العمر ونه علی زینب
ودمع ما ینگطع مثل المطر یسچب
ما یشفه الغلیل ويظل بس یلهب
لحد الموت جور الزمن وازاها
✍🏻العلویه ام ضیغم المحنا
►✺┅●✥✥●┅✺◄
تمـــ بعون الله ـــت
بقلم شاعرة اهل البیت ع
العلويه ام ضيغم المحنا
لا اجبز حذف اسم الشاعره ام ضیغم ولا التلاعب بالکلمات✋
🤲نسالکم الدعاء🤲
يا دنيه ارحميها كافي تجرحيها خليها ترتاح
تعبت ملامحها والليل ذابحها خليها ترتاح
**
ويزينب اشعندج بعد يا دنيه منها اشتردين
يالماخذه اعزاز الكلب وين الكبل كحل العين
مو مره ماتت بت علي تدرين ماتت مرتين
مره اعله شيال اللوه ومن سلبو هدوم حسين
ومن فركة اخوتها تتمنه موتتها فجر الالم لاح
تعبت ملامحها والشوك ذابحها خليها ترتاح
*
هوه اليجر كوه النفس هذا بحياته اشعنده
والعبر مرحلة البجي تيبس الدمعه بخده
ويزينب اشعنده الوكت سواها وحده بوحده
باب الفرح من الزغر ليش بوجها ايسده
من كلشي محرومه كضتها مهضومه والحادي ذباح
تعبت ملامحها والليل ذابحها خليها ترتاح
**
ليش الحياة تغيرت والماي مات احساسه
والرمح من راسه نزل خله الحسين براسه
ما جاسه حافر بالسحك بس دمع زينب جاسه
وجف الوفه اينكط وفه لو سولف بعباسه
مجروحه وتكابر ومكسور بالعاشر من زينب اجناح
تعبت ملامحها والليل ذابحها خليها ترتاح
*
ما تنسي ايام اليسر يشفه الجرح ذاك اشلون
والصوط ماكل جم ضهر بالعاشر وجم متون
بيا وكت مجتوفه بحبل والناس بيها ايشمتون
هاي اخت عباس الكمر كلهم عليها ايصيحون
تنسه الالم صعبه فكد الاهل غربه ناعي الحزن صاح
تعبت ملامحها والليل ذابحها خليها ترتاح
***
اشضل بيها حته تون بعد يمته تكف دمعتها
جا ليش هيجي كربله ترتاح ما خلتها
زينب حنينه ومن تون تبجي السمه الونتها
تدرين سل ام الخدر بالطف افراك اخوتها
جمر الخيم يلهب اشسوه بكلب زينب وتحرك وطاح
تعبت ملامحها والليل يذبحها خليها ترتاح
***
هاليوم ماتت بت علي واخوتها ما حضروها
وماكو كرابه ولا اهل بس غربه اليشيعوها
اتمنت ولدها بالكبر لو ماتت اينزلوها
وكلهم يهيلون الترب والفاتحه يقروها
ادموع الجفن صاحت ام الخدر ماتت وكلشي انتها وراح
تعبت ملامحها والليل يذبحها خليها ترتاح
***
تمت
تحسين الخفاجي
https://youtu.be/keu4MbjmcjY?si=gJyK2-ENNxecAI-S
قصيدة رثاء زينب ع السلام
خادمكم عبدالهادي العريفاوي
-------------------------
زينب من لفاها الموت محد اجه من اخوتها
واهيه باخر الانفاس زينب حيره حيرتها
-------------------------
يويلي خابت امالي اظلن عدله ماظنيت
فلا انسه مصاب الشام ولراضي الشام هم رديت
ولاشفت الجره اعليه اموت بكربله اتمنيت
مهظومه بكلب مكسور زينب تجري دمعتها
-------------------------
شأشوفن اني برض الشام اطبها وجدمي يتعثر
الأمر يصدر لبن مروان اعله زينب هسه تتهجر
واروح لديرة اهل الشام يويلي وكلبي يتحسر
اذكر منحرك يحسين علشجره ومصيبتها
----------------------------
مصيبة زينب الكبرى بحياتك خلها معلومه
المصاب اللي جره اعليها بجبدها الحره مسمومه
بحقدكم يابني مروان عليكم لعنه مختومه
وزينب اخت ابو السجاد كل الشيعه زارتها
-------------------------'-------
يويلي من لفاني الموت وحيده ولا اخو يمي
تصد لكربله عيني ولاشفتك يبن امي
يعبدالله يبن جعفر ابو اولادي وابن عمي
بلكت تخبر اخواني زينب صعبه حالتها
-------------------
يملك الموت اخبرنك تراني باخر انفاسي
ابو اليمه ردت يحضر ويجيني كبالي عباسي
الوداع الليله اودعهم غريبه وهذا احساسي
شو محد اجه لزينب ويهيل تراب دفنتها
-------'------------
"غربة جنازة"
غريبة قد قضتْ والحزنُ يغمرُها
وفي الفؤادِ جروحٌ ما لها عددُ
قد شيّعوها ولم يحملْ جنازتَها
إلى المقابرِ من إخوانها أحدُ
إخوانها قبل ذاك اليوم قد رحلوا
وفي ثرى الطفِّ كالأقمارِ قد رقدوا
يا غربةَ المرءِ إنْ شيلتْ جنازتُهُ
وما أخٌ قد مشى فيها ولا ولدُ
✍🏻 محمد الشوكي
السلام على عقيلة بني هاشم
عظم الله أجوركم
وفاة مولاتي زينب عليها السلام
مولاتي ام البنين عليها السلام اجاها خبر يگول ام عون متراديه وگرب أجلها
كأني بمولاتي ام البنين عليها السلام گالت للفضل ابن العباس عليهم السلام..
بلسان حال الشاعر...
فضل يوليدي
گوم اسرجهه الكحيله
امش للشام
بعد امك بهلليله
... ...
... ...
الليله ام عون منكم محد وياها
تريد تموت والعباس ماجاها
هسه اعله الدرب مشبوحه عيناها
اخاف الگمر طارش ماموديله
... ...
... ...
اخاف لكربله مرسول ماواصل
عمتك هسه محتاجه لبو فاضل
انت تنوب يايمه عن الكافل
اريدن راسنه يم عمتك اشيله
... ...
... ...
جد السير واطوي افجاج هلبيده
واستعجل يروحي ادروبك ابعيده
چن عباس من اتلثم وليده
محروس بعلي ذاك الحمه ادخيله
... ...
... ...
محروس بعلي يالفضل يعيوني
ببوك وبيك ابد ماخابن ظنوني
يبعد آنه وهلي يبني وبعد لوني
طلعت من طلع للباب تدعيله
... ...
... ...
مشه لكن عگلها مشه اويه دروبه
و بگت بالدار تفتر تشتم بثوبه
الاهي يلجبت يوسف اليعگوبه
يرد سالم فضلنه وعگدت الشيله
... ...
... ...
وصل لم عون عمته ومن وصل ليهه
چن عباس اخوها امسيير اعليهه
عله صدره بالمنازع امخليهه
ومثل وناتهه ون ونهدم حيله
.... ...
... ...
گعد ينعه اعله عمته الماتت بغربه
حگ الله اخوچ اندفنچ بكربه
صعبه يلغريبه موتتچ صعبه
ينعی اعله الغريبه ومدمعه يسيله
... ...
... ...
ام محمد الحجاج
٨.//. رجب
١٤٤٤
اهل الشام كلهم عدوان ويعرفون مولاتي زينب بنت علي امير المؤمنين عليهم السلام
احتار الامام السجاد منين يجيب مغسله لعمته عمت عيني عليها
كاني بالامام السجاد قال
عمه ياعمه
منين اجيبللچ مغسله
والماي بالگوه احصله
ليموت بالغربه مذله
احبابه ماحضروه واهله
وين اليصل حيدر ويگله
استعجل لزينب يبو الحمله
.....
.....
وينه اليروح لعلي الليله
وياخذ دمع عمتي بشيله
ويگله ياحامي دخيله
روح لنعش بتك وشيله
جنازتهه بالغربه ذليله
.....
.....
ام محمد الحجاج
اشلون زينب گالو اميسرينهه
ما نهض عباس ينشد وينهه
*******
ما فزع عباس حامي اضعونهه
ايشوف زينب بالمحن يسبونهه
الليل زينب بس دمع ابعيونهه
خاف هاشم باليسر ناسينهه
*******
حييهم انده بالعشيره والعمام
وين هاشم تفزع وتبدي اهتمام
اتكون جيتهم گبل طر الظلام
وين زينب تنشد امضيعنهه
*******
شلون هاشم ما لفت نسوانهه
اتشوف زينب حايره بأحزانهه
جروح.......باگت كربله وليانهه
ظلت بونهه تنوح احسينهه
*******
وين حماي الدخل....شد الرچاب
واسرج الخيل بعجل بعظم مهاب
هاي زينب حايره بثكل المصاب
اتريد فزعه من الغري وتعينهه
*******
عجل ابمسراك من وادي السلام
اكتاب من زينب وصلك بي كلام
گوم يابوحسين بس شد اللثام
عندك الاخبار دمعة عينهه
*******
كون وي خيط الفجر ينوي الرحال
يشوف زينب بالغرب يبدي السؤال
يا تره ابيا حال زينب بس خيال
ايشوف زينب ياتره امسلبينهه
*******
اجروح زينب تنحچي بمجره الدمع
تشبه الزهره واخذت تحني الظلع
ونهه........ عالعباس بس ما ينسمع
هاي مدرسة الخدر تبينهه
*******
اجروح زينب بالعذاب انشوفهه
نار وخيام وركض بطفوفهه
شبچت العشره عله اخوها اچفوفهه
صارت الدمعه فرض بونينهه
*******
تمت بعون الله تعالى
خادمكم.....يوسف الفتلاوي