5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
▪️السيدة رقية عليها السلام
إلْطمُوا الصَّدرَ وصبُّوا المُقْلَتينْ
للذي يُبكي عيونَ المشرقينْ
بعدَ حجرِ المُصطفى خيرِ الورى
صارَ في طشتِ الخنا رأسُ الحُسينْ
فسلاماتٌ على العَظْمِ الذي
شعَّ في الجبهةِ نوراً كاللُّجينْ
وسلاماتٌ على الجرحِ الذي
شاهدتْهُ زينبٌ في الحاجِبَيْنْ
وسلاماتٌ على الثغرِ الذي
جرَّحوا بالعودِ منهُ الشفتينْ
وسلاماتٌ لآثارٍ بدتْ
منْ سياطِ الرجسِ فوقَ الوجنتينْ
كيفَ لا تقضي عليهِ بنتُهُ
وإليها جاءَ دامي الوَدَجَينْ
بعدَما في الطَّيفِ أهوى فوقَها
بِحنانٍ وبِرِفقٍ سابِغَينْ
ها هيَ الآنَ ترى في نَحْرِهِ
طَعَناتٍ مِنْ حُسامٍ ورُدَينْ
نَحْوَهُ مدَّتْ يديْها لهفةً
آهِ لكنْ لَمْ تجِدْ فيهِ يدينْ
حضَنَتْهُ فرأى في خدِّها
صفعَةً والسَّوطُ أحنى المَنْكِبَينْ
والذي أغمضَ منهُ عينَهُ
قدْ رأى منها دماءَ الأُذنينْ
فدعا بنتاهُ قومي وارفعي
آيةَ الشكوى لأمِّ الحسَنينْ
تمت بعناية الحجة عجل الله فرجه
الشاعر علي عسيلي العاملي
#السيدة_رقية
#اللهم_عجل_لولیك_الفرج
انه قصـت رقيه شلـون ارويـها
كل كلمة ابـجرح لو رايّده احچيها
ايـــام كلها جرح ' والشام كلها جرح
..
عُبرنـه كربلَه واشتايّـم الكـوفهَ
درب صحره وبنات إحسين مَچتوفه
اْو رقيه تگلي گلبي رايـِد إيشـوفه
طفـله وبالغُـرب محتاجه واليّها
ايـــام كلها جرح ' والشام كلها جرح
...
عبرنـه كربله واشتايـم الكـوفه
درب صحره وبنات احسين مچتوفه
او رقيه تگلي گلبي رايـد ايشـوفه
طفـله وبالغُـرب محتاجه واليّها
ايـــام كلها جرح ' والشام كلها جرح
..
دِخلنَه الشام آه الشام آه الشام
وبَنات اُم الحَـسن وَسط الخرابه اتنام
ابو فاضل ردِت يحضَرّني هالأيام
يشوف اخته العقيلة اشبيها ما بيها
ايـــام كلها جرح ' والشام كلها جرح
...
مشينه للقـصر يا ساعَةّ السودة
سبايّه والقَبائل كِلهـا مَوجُـودة
دخلت انه الأميره وچفي مَگيودة
جِزات المُصطفـى چا هاي تاليها؟
ايـــام كلها جرح ' والشام كلها جرح
..
وعَزيزة گلب اخوي الچانَت انفاسَه
السبي هدها وتريـد احضانه واحساسه
انزَعج من گد بچيها وصاح حراسه
يَزيّد اْو خوفي لا بِالسوط ياذيهـا
ايـــام كلها جرح ' والشام كلها جرح
..
ينادي ابصوت هاي الطِفله سَكتوها
تريد احسين ؟! وين احسين شوفوها
اذا عدها آمل براس إصِـدمـوها
وخل يسكت نبضها مو بواچيها
ايـــام كلها جرح ' والشام كلها جرح
..
العطشانه السِبيه التِعبت اْو قاست
شنو جوه الطـشت ياوادم احتارت
شافت راس ابوها وشهگت وماتت
الوردة اتموت لومات اليّ يسگيها
ايـــام كلها جرح ' والشام كلها جرح
..
برد چَف الزِغـيِرة وذَبلت چنها
گضه اخر نفس لَمَّن گضت ونها
تشوف احسين كامل چان كِل ضنها
اْو بس راسه اجاها ويلّي اعليها
ايـــام كلها جرح ' والشام كلها جرح
الخادم
حسن ميثاق الربيعي
الف هنيالَه الطِـلَع مَشايّه
...
عدنه مَوعـد للوفَه ضَّل يقتـرُبْ
والخدَم ضد التَعـب شَنت حرُبْ
ولَوّن شافو زاير ابهذا الدَربْ
اتلگو الزاير ابفرد احچايّه
الف هنيالَه الطِـلَع مَشايّه
...
اْلسمـاء اتصير بيّـن الحَرمَيـن
ونوگف احنه إنّجوم وَسط الگبتين
والگـمر عباس والشَمسْ الحُسين
وّ مثل نجم اسهيل شفنه الرايه
الف هنيالَه الطِـلَع مَشايّه
..
خطوه خطوه نقترب صوب الغَريب
دَرُب بي گال الرضا لأبّنَ شَبيّب
بلا ذنب لاگه الله ليزور الحبيب
عالِم اهل البيت واضح رايه
الف هنيالَه الطِـلَع مَشايّه
...
قَبل لا نوصَل لعشرين إبصَفر
اْلي عنده عائق ابهذا الشهر
يقره كون الفاتِحَة لأم الگمر
وتدعي اله الربتّ زلم وفايّه
الف هنيالَه الطِـلَع مَشايّه
...
من طَريق احسين نتعلم درس
أمتحان ايهــذب هواي النفس
خلها فرصه تصحح اخطاء الأمس
وكون اخلاصك يصير الغايّه
الف هنيالَه الطِـلَع مَشايّه
...
ويه جابر راح نِتلگه العَليل
فوگ عِلته اتحَمل الدربْ الطويل
رغم ما جَرح الحُسين إشگد ثِگيل
لْچَن نظرات الشِماته اهوايّه
الف هنيالَه الطِـلَع مَشايّه
...
نطلع نواسي الآميره الحايّره
رجعت لعباسها متيسره
تگله ياعباس لو تدري إشجره ؟
من وْلايه يطببونه ولايه
الف هنيالَه الطِـلَع مَشايّه
الخادم
حسن ميثاق الربيعي
لسان حال رقية بنت الامام الحسين عليه السلام تخاطب عمتها زينب
ابوي الغالي ماموجود. وين حسين ياعمه
مشتاگه إله تدرين عيني بلاضواه تعمه
واگعد كون واشكيله. الگلب ماينوصف همه
گلَّيلَه رقيه اليوم. دنياها غدت ظلمه
تريد تشوفك الساعه لهاي الساعه مهتمه
غايب عن نظر عيني صفه چاوين ابو اليمه
صدگ مذبوح ياعمتي الحوافر طشرت جسمه
وراسه بالرمح مشيول. سال من الرمح دمه
حياتي بدونه ماتسوه بعد ما بالعمر لزمه
بفراگه اريد الموت. كون واندفن يمه
الشاعر حسن لعيبي الحريشاوي
لاستشهاد زيد بن علي ( وزن الهجري)
عظم الله. أجركم. بالأجر ربي يزيد
من گضه بلكوفه نحبه منصلب زيد الشهيد
هذا زيد العلم والحق. حارب الشر والعناد
مؤمن وعالم وصابر هذا ابن زين العباد
اليوم للمصلوب نسعه. نمشي ونقيم الحداد
بالعزاء افواج تمشي. من قريب ومن بعيد
هاذي ثورة زيد ثوره. رادت الباطل يزول
قدم الربه حياته. يدعي من ربه القبول
چم حديث الي يذكره الصادق وعنه يگول
البچه العمي ومصابه. موعده الجنه أكيد
گال زيد ابذل حياته. الي يهاب ابعمره سيف
النصرة المظلوم أجهر. ثوره من أجل الضعيف
ابجبينه السهم نابت. ينزف الدم الشريف
مايهاب الموت حتى. لوبقه ايجاهد وحيد
ثوره الها اسباب كثره. عن قناعه وعن يقين
اولا ظلم آل أميه. ارجال أميه الظالمين
وثانيا نشر المعارف. وثالثاً ثأر الحسين
ورابعا رد الخلافه. . رغم كل ظالم عنيد
الچانت اتهابه الاعادي. ومنه تاخد ياقرار
ينصلب جسمه على خشبه مرتفع ليل ونهار
بين صلبه وگطع راسه. أشعلوا بالجثه نار
ياهشام الصلب جسمه. وبالنهر ذَرَّه الوليد
الشاعر حسن لعيبي الحريشاوي
ابوذيه / للمشاية
الگِصد لحسين عرش الله وصلّه
وللجنه أم حسن تضخر وصل له
ربع حسين مَن صام وصله
والما صله ماشي بدرب أُميه
———
عن صالح بن عقبة، عن زيد الشحام، قال:
قلت لأبي عبد الله (عليه السلام): ما لمن زار قبر الحسين (عليه السلام)، قال: كان كمن زار الله في عرشه، قال: قلت: ما لمن زار أحدا منكم، قال: كمن زار رسول الله (صلى الله عليه وآله)
- كامل الزيارات
لحن(يارقيه)
بصوت
ملا مؤمل حمدان
بغداد
عمه زينب وين ابونه
وعمنه وين وسلبونه
عمه عمه عمه عمه
ياعمه بالطف الجره ماصدكنه اعيوني
كاع وسمه انترست دمه وبلا اهل خلوني
مجتوفه بحبال اليسر والشامهم يردوني
مسبيه مكسورة گلب من كربله ايطلعوني
والشماته اعيون كلهم
لارحم لاغيرة عدهم
ويلي ياعمه اهضمونه
وعمنه وين وسلبونه
عمه عمه عمه عمه
ياعمه برماح الاهل طول الدرب ويانه
شافوني من طحت وكمت اتعثر وحزنانه
ابسكته البجي وبلانفس ماينسمع مبجانه
مرفوع للروس النضر ماننحني ابممشانه
والدرب طال وتعبنه
وي اهلنه اعتاب عدنه
راحو اشلون اتركونه
وعمنه وين وسلبونه
عمه عمه عمه عمه
اليل لو جن واجه يكثر ونين ايتامك
ندري العتب بويه كلف ويزيد الك الامك
ابنياتك احنه ابفركتك نذكر هذيج ايامك
انلاكيك جنه ابفرح توجعنه هسه اسهامك
اليل موحش وبظلامه
راعب اگلوب اليتامه
خزر يخزرنه بعيونه
وعمنه وين وسلبونه
عمه عمه عمه عمه
يهضمنه لو صار الصبح يصرخ علينه الحادي
وكت المشي هذا الاجه وبلا حيه من اينادي
متشمت ويضحك بطر يدري احنه جدنه الهادي
بعيونه شفنه شكد حقد بسكف السقيفه بادي
يصيح امشن حيل سكته
عمنه وينه ايشوف اخته
من حجيهم سمعونه
وعمنه وين وسلبونه
عمه عمه عمه عمه
يابويه مهضوم الگلب فاكد عزيز احبابه
تلجمنه كل خطوه ابسبي كلش غميج اصوابه
گلبه الفگد مثلك ابو عطر البخت بثيابه
هسه ابدرب بي بس شمر غم هل وكت من جابه
يل ذبحته ابلا حميه
يتمتنه ابهل مسيه
مثل طعناته اطعنونه
وعمنه وين وسلبونه
عمه عمه عمه عمه
اسالكم الدعاء
حسسن محمد الزهيري
وزن النص مجرشه
بالخرابه اشما تسلهم عيني
تنلـچـم مدلـوله وتصحيني
هاي تستاحش من الظلمه وتنز
وذيچ تغفه وجرح يلچمـهـا وتـفز
وتگعد ام عبد الله (كـاروكه) تهز
يگـلـهـا مـا در صـدرچ ترضـعـيني ؟!!
ـ اشوه عدنه الليل يسترنه الظلام
حته لا تبرالـنـه عـيـون الـحـرام
وين ذيچ اديارنه وذيـچ العـمام
اهنا يهاشم مـوتـه لـو ناسـيـنـي
ـ اثنين واثمانين يتشكن سوه
والجرح ـ گص الحبل ـ يردن دوه
ذبلن امن الشمس وسموم الهوه
ونه اشما اطوي الدرب يطويني
ـ احنه من صيارنه ابيت الوحي
امن الحچي حته ويَ اهلنه نستحي
سمعت اهل الكوفه صوتي وصايحي
خاف ما تدري العده ميسريني
ـ انه الما چانت خيالي تشوفه
شافـتـه وسمـعتني اهل الكوفه
اعله الهزل وايدي بحبل مچتوفه
بالـطبـل ودفـوفــهـا اتـلاگـيـنـي
علي بويه هنا يكشاف الكرب
شگد بعد للشام كون امشي درب
الموت ريته ولا يعرفوني الغرب
وروس اخوتي يا علي تماشيني
عزيز الفيصلي
#اللهم_عجل_لوليك_الفرج
بعض مواجع السيده زينب عليها السلام والسيده رقيه بنت الامام الحسين عليهما السلام
سَـــلام الله على گلب العقيله
سَـــلامْ الله على صبرْ العقيله
****
منين ابديلــچ سلامـــي هــالمسيــه
وأنتي كـل دمعچ طفـوف الغاضريه
يالورثتي أبنـوح كـل حــزن الزچيه
البــاب والمحـراب والطـــف ورقيه
سَلام الله علــى دمــع العقيله
سَلامْ الله علــى صبــرْ العقيله
*
يالـورثتي الباب وهمـومه وعــذابه
ليش وكتـچ مــا يسد يالحــره بابـه
الله يــا زينــب يعينــچ عـالخـــرابه
رجع يوم العاشر وحزنه ومصابـه
سـلام الله علـــى جرح العقيله
سَلامْ الله علــى صبــرْ العقيله
*
يا مُصــابْ التنتحب وتــريد أبـوهـا
منين يـــا زينب يجــون الفــارگـوها
وسفـــه بحبــال الــورود يگيــدوها
ومن تنوح أبسوط ليش يسكتـوها
سَـلام الله علــى نَوح العقيله
سَلامْ الله علــى صبــرْ العقيله
*
يـا رقيـــه ويــا الــم محنــتْ سبيـها
بالخـــرابه ورادت الــوالــي يجيـهـا
فـزّتْ أبدمعــه وتــوّنْ زايــد بچيــها
سافــرْ أتگلها العقيله تحــاچي بيهـا
ســـلام الله علـــى همْ العقيله
سَلامْ الله علــى صبــرْ العقيله
*
نامــتْ وفــــزّت تـــَوّنْ ونّــه ثجيــله
هســه بحضــانه چنـــت هــا يالعقيله
عمّه شفت السهم غافي أبنص دليله
امشينــه يا عمـــه نــروح ونعتنيلـه
سلام الله على جَمـــرْ العقيله
سَلامْ الله علــى صبــرْ العقيله
*
لحظه والــراس ابطشت گامت تنظـره
شيبه من دم النحــر مصبوغه حمــره
وين أمه الزهــره خّـَـلْ يمّــي تحضره
هوّت فوگه وماتت الطفله أعلى نحره
سلام الله علـــى ونْ العقيله
سَلامْ الله على صبـرْ العقيله
**
الشاعر
موسى البديري
مقطع صوتي من حيدر بشار الدراجي
Читать полностью…
الى سيدتي العقيله زينب عليها السلام
جبـــل صبــري تعالـــه لو عِلّى الشام
وعلى الطف انه انوحن لو على الشام
تظـــل بالــروح يهلــي لــوعه للشام
اشــد مـــن لـــوعتـــي بالغاضـــريه
الشاعر
موسى البديري
ابيات ابوذيه إلى السيده رقيه عليها السلام
بديها احبــال بـس أزرگ متنها
زغيـره وعـن بـواچيهـا متنها
الــف موتــه مصايبها متنها
وأشدهن فـــارگت روح الزچيه
الشاعر
موسى البديري
تفتت گلبي بــس روحي شفتها
رقيــه بيـوم مـا گعــدت شفتها
على خــد السبــط خلت شفتها
وتگلــه أتاخــرت بويــه عليه
***
الشاعر
موسى البديري
بوزن الموشح قصيده السفرة
ام البنين عليهاالسلام
طايحه بشده وجيتج طايحه
رايحه اتوسل ابابج رايحه
وبسفرتج حجي بالي وسالفه
بحالي يم عباس وانتي العارفه
هواي من عندج معاجز شايفه
وفاتحه ابديلج سلام وفاتحه
مزامطه بسمج وجيت مزامطه
من القهر ولظيم ميته وشايطه
عاكده البيرغ وشمعه حاطه
نايحه وانصب عزية نايحه
دمعي وبهمي بسفرتج كاعده
وعلم عندج بيه أدره شرايده
بيرغج هزيته بيدي وعاكده
مادحه الوادم وبسمج مادحه
جيت خطاره من اديج وطالبه
لبابح ابجي جيت ليه وجاهبه
اسهام توجع بالكلب هالصايبه
شابحه عيوني يفاطم شابحه
كون ارد للبيت بشرى وراضيه
معدله ام عباس وادري ماضيه
عندج الحاجات سهله وكاظيه
جارحه كلوب المصايب جارحه
خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك يازهراءبتاريخ الاحد/2024/8/4
٢٨محرم سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏
.
. عباس جبت العايّله رديت خويه الكربله
عباس جبت العايّله رديت خويه الكربله
*---------------*---------------*
جيت اليـــوم ريت ادكوم خـويـه وتنظر لـحـالـي
شـاب الـراس يا عـبـــاس هـاي الـروس تـبـرالـي
عنـدي اعتاب وي اجـنـاب جيـت وانـت كـفـالــي
ويــاك چـنـت امـخَـدّره وأدريـك سـبـع الگنطره
*---------------*---------------*
فـوگ النـوگ عيب اتلـوگ اخـتـك تـمشـي مسبيه
عكبك ليــش بين الجيش وادم تــنـظــر اعـلــيــه
زحمه وعيب تالـي الشيب يـلّــي اتـكـفـلـت بـيــه
للمـوت دمعات الـجـفـن ويـاك خـلـيـنـي انـدفـن
*---------------*---------------*
دم ابچيـت يمك جيت وانـتـه بـنـومـتـك غــافـي
گـوم ويـاي يـا رجـواي عــگـبـك ورّم اچــتــافــي
هـذا الصـار بين النـــار اركـض والـجـدم حــافــي
شـدگـول يـا وارث علي رديـت وادموعي اتهلي
*---------------*---------------*
مدري شلون عنـدي عيون ظلت والـنـظــر بيهـه
كلهـه اتصيح خــاف اطيح حـرمه وين اهاليهـه
تصعب هـاي وي اعــــداي كلمه ويمك احچيهه
عالنـوگ شافتني الـزلـم والـحـيـل راح ومـنهـدم
*---------------*---------------*
دمعي السال يحچي الحال اگعد يا ضـوه عيوني
احچي وياك نخوه انخالك وانت الكافل اظعوني
كـلـي اجراح جيـت ارتــاح خويه بكلمه حاچوني
عباس شـنـهـي سكتتك يا خوي احچي امروّتك
*---------------*---------------*
چـفـك ويـــن وعــدك ديـن يوفي الينطي الحچايه
خدري انشاف جيـش آلاف امـشـي ويمشي ويـايـه
عـوف الـنــوم هسـه وگـوم بـيـدك رفرف الــرايــــه
هالـيـوم جـيـتـك ياگمر هالـيـوم هم عندك خبر
*---------------*---------------*
العدهه أحيود تمشي بـزود وآنـه الوادم اتسبنـي
وي ظــــــلام لـرض الشام دهري هـواي دولبني
شفت الويـــل راح الحيـــل بفراكك يخــال ابني
ياريت موتي بـمـوتـتـك انـشـاف تقبل غـيـرتـك
*---------------*---------------*
دربي ابعـيـد وانت الحيد صـيتـك واصـل السبعه
خدري بساع راح اضـيـاع وانـت بـزودك اتـرجعـه
اخـذ الــروح وسفه تـروح واختـك تبقه منفجعـه
يا خـوي يـحـزام الظهر ظـلـيـت بأحـزان الدهر
*---------------*---------------*
✍خادم زينب (ع)
الشاعر رعد الجريخي
*فزاعية مع هوسات للسيدة رقية(ع)*
*من ديوان 📚 عبرات وانين في رثاء الطاهرين الجزء5*
❥━──➸➽❥❂❥━──➸➽❥❂
بتك يالولي ماتت على الراس
بارض الشام شهگت آخر انفاس
❥━──➸➽❥❂❥━──➸➽❥❂
المدلوله رقيه ياضوه العين
برض الشام موتوها الملاعين
جابو راسك الها بطشت يحسين
*((فجعوها//يالوالي براسك))*
❥━──➸➽❥❂❥━──➸➽❥❂
فجعوها العدة والراس جابوه
گبال اعيونها يالوالي خلوه
شافتة وگلبها اهواي عذبوه
*((عذبوها//يالغالي ابنيتك))*
❥━──➸➽❥❂❥━──➸➽❥❂
راسك شبگته واتهل العيون
وراحت روحها والگلب محزون
واني محيرة ياخوية تدرون
((وهد حيلي//يمصاب ارقية))
❥━──➸➽❥❂❥━──➸➽❥❂
احتاريت برقيه خويه بالشام
اشلون ادفنها واني بين ظلام
يا گلبي اشبعد يتحمل الام
*((ظليت بحيرة//ومهظومة))*
❥━──➸➽❥❂❥━──➸➽❥❂
يبن امي رقية اتحيرت بيها
بديار الغريبه اشلون اخليها
ماظنك يخوية تقبل عليها
*((يدفنوها//بديار الغربة))*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
صحت وين
يعمه والدي وين
خبر ماكو على لحسين
انه اشتاگيتله هواي
...
جزينه كربله وچم يوم صار وطالت السفره
وضعنه حاله ابد موزين وطبينه لارض خطره
يم بوابة الساعات شفتچ حيل منقهـره
الجماهير البلد حاطوچ وكلها تشتم الزهره
يصيحون
منو همه ويصيحون!!
منو انتي يعرفون؟
عليمن فاگده الراي!
..
على كلاً يجي لحسين عمه تحملي وصبري
والوالد يبيد الشام كون بحالتچ يدري
منهو المن ظهر رجال خله دمعتج تجري
ما يدري بأبو فاضل گلچ يالهوه بصدري
يجي اليوم
وجب عمي يجي اليوم
ويدوس ابرجله عالگوم
ويگلچ انتي بحماي
..
دخلنه للخرابه وما وصلوا والدي وعمي
رقيه المن يصيحون يامسبيه مو اسمي
من الترچيه بالگوه ياعمه نشف دمي
شو ردوا يضربوني وشو زاد الوضع همي
عجب ليش
يضربوني انا ليش
شنو السويته للجيش
انه بكل هاي دنياي
..
خذونه عد قصر عملاق وانه لعمتي بقيت اربي
صفره وجوها اهلي هواي شراح يصير ياربي
من صوت الطبل والناس والسب تيهت دربي
هناك اسمعت اسم حسين وساعتها لزمت گلبي
گلت ريت
اجاني والدي ريت
ويردنه ونرد للبيت
ويحط يمنته بيمناي
..
گعدنه بالقصر والناس كلها بينه متشمته
شعور الغربه ويه الخوف هذا ما قبل عشته
بلاط وعسكر وسلطان صاح بصوت واسمعته
طشت الذهـب دخلوا گال خل اتعاينه بنته
طشت من؟
الطشت هذا طشت من؟
الحچي هذا قصدمن
الحچي معقوله وياي؟
..
واجه يمي الطشت بس من فتحته چانت الصدمه
شفت اخر امل مذبوح وصابغ لحيته دمه
بقيت ابچيو اون هواي واون ثاني واصيح اسمه
ومدلي من السمه ايده ورفعت ايدي ورحت يمه
اعرفت وين
يعمه والدي وين
ورحت هسه للحسين
ابوني وثگل مبچاي
الخادم
حسن مبثاق الربيعي
١٣ محرم الحرام ١٤٤٥
كتبت في صحن المولى سيد الشهداء صلوات الله عليه
الوجهه وين ؟ .. حيثُ الحُسيـن
كل عام نطلع للسبط مشاية
غير احنه نتنفس رفيف الراية
...
بعيـون گلبك اصفن اشويـه !
تلگه صكوك المشي اعله النيه
صك الولاية بالغديرية
وصك النجات الأربعينية
صك النجات .. يوم الممات
ومرضاته عدنه هاي اهم غاية
غير احنه نتنفس رفيف الراية
..
هذا الدرب بوابة للرفعـة
امزج خطوتك بالمشي بدمعة
هالجَمعة ما منها بد جَمعة
وحسين هو الي يلم ربعة
ينگي الوفي .. يم الوفي
درب الحسين يريدله وفاية
غير احنه نتنفس رفيف الراية
..
ياليتنا كنا معك صحنه
وتصبح كتائب كل مواكبنه
والخدم بأرجوزه توحدنه
نقراله يحسين ابضمايرنه
الدنيه نهز .. من نرتجز
وللتعب احنه نصيح شرايه
غير احنه نتنفس رفيف الراية
..
كل زاير البينه من نشوفه
شالت علم لو تلطم اچفوفه
وهو الحسين اشيوفي معروفه
نعيف النفَس بس هو منعوفه
وابأكمله .. العالم اله
ونختصر حبنه كله بحچاية
غير احنه نتنفس رفيف الراية
..
كل الطرق يم حضرته تأدي
ويتقدم اليمشون اله المهدي
قصتنه ما تنتهي بس تبدي
والمات گله تمشي الك ولدي
حبنا إرث .. مانكترث
لليحچي واليتلون ابراية
غير احنه نتنفس رفيف الراية
..
نطلع مشي بگلوب محترگه
وابكسر خاطر نكلنه نتلگه
لرجعت لاخوها من بعد فرگه
وتشكيله من امتونها الزرگه
راحت يسر .. بس يا يسر ؟!
الذبحوا اهلها وياها حدايه
غير احنه نتنفس رفيف الراية
حــسـن مـيـثـاق الربيعــي
عن طفلة الامام الحسين عليه السلام رقية
طور حمزه الصغير دهري ذبني
هم وحزن وأفراك شافت رقيه
مافارگاها النوح صبح ومسيه
ناحت نادت بعدك يبويه شكثر هظموني
★★★★★
طفله المشت للشام شنهي ذنبها
وحشه وخرابه وليل موحش دربها
وبچتل ابوها حسين كسروا گلبها
شوفة ابوها اتريد مافل طلبها
ناحت نادت بعدك يبويه شكثر هظموني
★★★★★
تحمل بواچي أهواي ماضلت اعيون
ضلت جواب اتريد مثل اليسئلون
عن جسم ابوها اتگول ياكتر مدفون
وراسه برمح مشيول تسمع يگولون
ناحت نادت بعدك يبويه شكثر هظموني
★★★★★
تغفه وتفز وتريد كل ساعه أبوها
حيره الجواب شلون لو جاوبوها
يم راس ابوها اتموت لو قربوها
بزاد الصبر متريد لوطالبوها
ناحت نادت بعدك يبويه شكثر هظموني
★★★★★
مي ماتريد اتنوح علماشرب ماي
فارگت ماي العين كل وكته وَفَّاي
تمشي بدرب عثرات ماعدها حماي
وضعن الاهل منهوب والشمر حَدَّاي
ناحت نادت بعدك يبويه شكثر هظموني
★★★★★
نادت يعلويات چاوين اهلنه
وين العزيز الچان يجمع شملنه
العني ينشد دوم خَبِّرَنْي عنه
أصبر وأتاني ايعود لوماكو ظنه
ناحت نادت بعدك يبويه شكثر هظموني
الشاعر حسن لعيبي الحريشاوي
لاستشهاد زَيْدِ بْنِ عَلِيٍّ رِضْوَانُ اللَّهِ عَلَيْهِ (ميمر)
إبچي عَلَى زَيْدالْمَصْلُوب . وَاذْكُر عَظِيمٌ أمصَابه
★★★★★
صولات حَيْدَرٌ وَالْعَزْم يبراله
عجْزَت جُيُوش الشَّام تتعناله
مهزومه عَنْه رَاحَت الخَيَّالَه
ثاراته كلهْنْ لحسين وشماجره عَلَى أَصْحَابَه
★★★★★
ماهاب لَمَع سيُوفْهُم بالحومه
رَدَّت اجيوش أَهْل الْكُفْر مهزومه
وَصَاح بعَزْم يافاطمه المظلومه
أَي وحگ ظلْع الْمَكْسُور . أمحي الْكُفْر وَأَسْبابَه
★★★★★
مِن هجمته ضَلَّت النَّاس ابحيره
أحسين رَدّ ابصولته لوغَيره ؟
مِن ديره رَاحُوا يَعْتَنُون الديْرَه
تترادم النَّاس ابناس . گوم الاجت طلَّابَه
★★★★★
ضِدّ الذبْح جَدك شلت بتَّارك
والِي رِضَا بِهَذَا الْفِعْلِ والشارك
يلقاتلت حَتَّى الْأَمْلَاك أَنْصَارَك
يلحاربت لِجلّ حسَيْن وَدِين النَّبِيّ وَكِتَابَة
★★★★★
فوگ الْجَبِين ابسهم غادِر صابك
فَيْض الدِمَة ياحيف صَار خضابك
مفجوعه مِنْ هَذَا الْمُصَاب أحبابك
سَهْم الْمِنْيَّه الچتَّال . ماحسبيت احسابه
★★★★★
فوگ الْجِذْع مَصْلُوب ذَايبٌ رسمك
وَكُلُّ هَذَا ضَلّ مَرْعُوبٌ خَايفٌ خَصْمَك
مگطَّع وَذَر بِالنَّهْر نَثَرَوا جِسْمَك
أَهْلِ الظُّلْمِ وَالْأَحْقَاد هلدنيا عدهُم غابَه
الشَّاعِر حسن لعيبي الحريشاوي
كوم يحسين وتلكه ضيوفك
عالجدم جتك تزور طفوفك
*******
كوم يامولاي يبن الاتقاء
تلكه زوار الاجت الكربلاء
لجلك توقع يبواليمه بدماء
وتقسم ابامك ابد متعوفك
عالجدم جتك تزور طفوفك
*******
تقسم ابامك وعودك حيدره
تزورك شماصار يحسين وجرى
كلفه بالشدات تعرفها ترى
رحمة الله الواسعه اهي تشوفك
عالجدم جتك تزور طفوفك
*******
رحمة الله تشوفك ومالك مثيل
محبتك سكنت يغالي بالدليل
شما تقدملك تحس قدمت قليل
يللي غاطيها بكرم معروفك
عالجدم جتك تزور طفوفك
*******
غاطي الاحباب بكرم يابو الكرم
ياخو عباس البطل راعي العلم
بخدمتك مرفوعه هامات الخدم
يابحر رحمه والخير جروفك
عالجدم جتك تزور طفوفك
*******
يابحر رحمه وابد ماله حدود
ياهو مثلك بالنفس واهله يجود
وبقى دين الله حسيني الوجود
وبزغت شموس الهدى بكسوفك
عالجدم جتك تزور طفوفك
*******
ابنك المهدي يجي ويانه يزور
وعينه عالزوار كالساعه تدور
يسجل بدفتره كل هذا الحضور
ويدخل الحضره يقبل جفوفك
عالجدم جتك تزور طفوفك
*******
خادم اهل البيت / ابومحمد العاشور (07810010732)
((يارقيه))
يــــاعــــلةّ الكـــون رقيه
موطاحت اعيـــون بيديه
خليني مجنون كل وكتي
مولاتي ممنـــــــون رقـيه
دمعتــچ .. ركــــعةّ صـلاتي
حضرتج .. كـــــــل امنياتي
بعــدهي .. ابروحي الـزياره
عشكتچ .. وكلشي ابحياتي
كونچ تــرضين اعليه
همي من سنين البيه
گــلبي الينخاچ دمعه
روحي التنــعاچ هـيه
يارقيه ...
"""""""""""""""""""""""""""""""""""''''''''''
ياهمس العـيون صفـناتچ
ياجرح الچفوف طيحاتچ
والمثـلچ شــــلون يتعذب
محروگه چاليش يعـباتچ
عبــاتـــچ .. بنـــار الهضــيمه
وغــلاتچ .. كل خلگي خيمه
دمعـــتي .. تشــــبه حسرتي
ونضرتچ .. متـــروسه هيمه
بهيمــه اتركضين ونتي
جرحچ لحسين صحتي
وضعنچ منهوب حـــاله
زغيره ولا ويــــن تهتي
يارقيه ...
"""""""""""""""""""""""""""""""""""''''''''''
مچتوفه بحبال متســـيره
تشــــبه الزهــراء والزهره
ياعمتي اتصـــيح لحگوني
ماتحمل السوط والسطره
عجيـبه .. والله عجـيبه
بالحبال .. هـاي الحبيبه
رقـــــيه .. زغيره وسبيه
اويــلاه .. غربه ومصيبه
حالچ بالــــشام صعبه
عشـــتي الايــام غـربه
تردين حســين يمـــچ
حسين ومطعون گلبه
يارقيه ...
"""""""""""""""""""""""""""""""""""''''''''''
وطـــشــر اوراح حنـــانچ
من جابو الراس لحضانچ
گلتيله يـــابويّ حاچــيني
وبنحره دمعات لحــزانچ
يبـــويه .. بس كلمه گليّ
عفــتني .. ودمعي يَهَليّ
انــــامن .. ويـن وبدونك
بوجنتك .. دمعاتي أخلي
راســك والآه تسعر
وكلبي بليــاك جَمر
ماعيشن لا بــدونك
ريتك يابويه تحضر
يارقيه ...
"""""""""""""""""""""""""""""""""""''''''''''
مخنوگه الانفاس عالمنحر
وبالدمعه يــــا نار تـتــوجر
سكتت مـــــن الضيم رقيه
السكته بـــــالــموت تتفسر
بدمعـها .. مـــن گـــلبوها
بصبرها .. مــــاتت لبوها
رقــــيـه .. راحت شهيده
بالدموع .. مــن غسلوها
كليبـچ نيشـان ملگه
نفسـچ عـنوان خنگه
اي وي حسين راحت
تسعر بـــالروح حرگه
يارقيه ...
عبد زينب
محمد الابراهيمي
ورود ضعن الحسين عليه السلام الى الشام المشؤوم
اللهم عجل لوليك الفرج
اااااآه يا واحد صَفْرْ يآّ محنته
شلون يوم شلون كسره كسرته
ضعن ابو السجاد صارت طبته
على الشام وجانت الدنيا نهار
.
بالنهار وتدري يا شبل الحسن
عيون تكره حيدر اتاني الضعن
وتدري عماتك طبعهن يستحن
لجن مهضومات ما عدهن قرار
.
ابلا قرار ابلايه رأي الماله اخو
وانت ادرى بحادي ممشاهن منو
الله اكبر يابو صالح مو عدو
لا رحم كلبه الزغار ولا الكبار
.
كبار وزغار اعلى ناكات الهزل
وفرق ماكو كلهن بنفس الحبل
ياهو ينطيه گلبه يجتفله طفل
العرب مو بحروبها تأمن الزغار
.
وين عادات العرب والعرب وين
ليش خلفوهن اويه عيال الحسين
ما سمعنه طفل تجتفله ادين
وبلا نوم بهزلة يگطعها الديار
.
نگول سارو بالصحاري امن الخطر
وكطعو ادروب الخليه امن البشر
شعجب من العرب ما واحد نغر
وشالته الغيرة وعلى الحداية ثار
.
محد الهن لمن شافاهن فزع
لمن دخلن والفرح صوته انسمع
بس حجي الشمات بالشام ارتفع
والحجي عيشنهن باقسى انكسار
1 صفر المظفر 1446
الكاظمية المقدسة
اه سبايا وصلنة الخرابة
اه عبينة كلتها الترابة
__
وصلنة سبايا لخرابتنة
وذكرنة گبل خوية لمتنة
انزلت ع الوجن جمرة دمعتنه
ويضيگ النفس لو ذكرتك
يسألوني شو غابوا اخوانج
منو الي يهونلج احزانج
وتشوفينة يتبلل ردانج
دمع دم عيوني بجتلك
خوية محد يبطل شماتة
كل عدو اتحققت امنياتة
راس الحسين مشة بصف خواتة
__
اه دليلي يذبحة مصابة
__
تلوذ الحرم بية من تعثر
ويفرقونة ياخوية بس بالجر
شكبر حيلي يبن امي واتمرمر
جبيرة وحنة ضهري حزني
مچاني عزيزة بوسط بيتي
تحاوطني اخوتي وي ذريتي
صفة في هلي حسرة وامنيتي
اخوتي يحركونة ضعني
وين اهلنه بقوا ع الترايب
لا بقالي اخو ولا گرايب
وانه ام عون صفيت ام مصايب
__
اه التهو كلمن بدم خضابة
__
النضر امضة من سيف البنحرك
علية التباوع اشو يضحك
لمن غيبوا بالذبح صبحك
بقت اختك بعين الاغراب
صعب وادم تعاين لزينب
وسباها الذبح خيها هذا اصعب
يطكها لمن توگف وتتعب
هذيج الگبل ضلها ينهاب
ضلت تدور نضرها ع الناس
وتلتفت فوگ تشوفك يعباس
عالي ونهن اويلي وعله الراس
__
اه زمن كله عجبة وغرابة
__
بطشت جابو المنحر گبالي
يغطونه بس نورك يلالي
ارفعو هالغطة واختلف حالي
اركضت عن الاطفال اضمك
رقية تگلي شنو اتضمين
يعمة شكلج شنو اتريدين
صرخت ويلي هذا ابوية حسين
اشبگتك يغالي وتشمك
تكله بوية منو الحز وريدك
وينك حضنك ودفو ذيج ايدك
ماسمعت شكثر صحت اريدك
__
اه جبيرة شيفض هالطلابة
__
طالب الصالحي
جديد صفر ١٤٤٦هـ
شهادة الإمام الرضا عليه السلام
سلسلة أحزان
آل النبي احنه انصبّت اعلينه المصايب
المسموم والمقتول والمسجون وغايب
بالدموع الهامله
أروي هاي السلسله
امن المصايب
ـــــــــــ
أنا السلطان أبو محمد
العاش ابغربه بخريسان
بحديث السلسله إلكم
ذكرت اوصدّرت تبيان
بهاليوم أروي ياشيعه
ليكم سلسلة أحزان
من طه إلى القائم
سيرة فاجعه اوأشجان
سيف العدا ابسم وحقد مسلول كل يوم
واوّل ضحيّه منّا جــدنـــا الهادي مسموم
بالضلوع التكمله
أروي هاي السلسله
امن المصايب
ـــــــــــ
أصل كلما جرى اعلينه
يعود لحرقة أشرف باب
بده شرع القتل لمّن
على امنا هجمت الأجناب
اثنعش ضلع انكسر منّا
من ضلع البتوله انصاب
تجاسرهم صبح مسموح
بسقوط المحسن ابلعتاب
حين بحبل قادو علي حامي الحميّه
صــار الفَتِكْ بينه يحل صبح ومسيّه
بمسجده حاطه البله
أروي هاي السلسله
امن المصايب
ـــــــــــ
بوسط محرابه بوالحسنين
على راسه إجت طبره
وبموت الحسن لسهام
ودمه بالسلسله كثره
والقرّح جفنا امصاب
جدّي المنقطع نحره
قضى السجاد والباقر
غيله وصادق العتره
عالسطح إبني اوعـالـجسر خلوّ الكاظم
وللعسكريّين الـــشـــمـــل فــــرّق الظالم
بكل بلد بيه معضله
أروي هاي السلسله
امن المصايب
ـــــــــــ
أنا بضعه من المختار
بحفظنه وصّه هالأمّه
وانقلبت علينا اذياب
وصارت تنهش بلحمه
عليّه ضيّق ابمشهد
المأمون اوطغى ابظلمه
من غيظه تشفّه حين
قطّع چبدتي ابسمّه
أمّـي تون سمعوها حين بموتي ونّيت
لاتحسبوني للرضا في طوس ماجيت
جيبي شقّيته إله
أروي هاي السلسله
امن المصايب
ـــــــــــ
بنهاية سلسلتنه اغياب
اسنين المهدي قائمنه
يعجّل أدعي بظهوره
وتفرّج طلعته همنه
ثار بثار من يثأر
بسيفه ايطالب ابدمنه
موصدر اليشافي اصدور
لنا وليكم ياشيعتنه
بـالغـالـب اتــرد بــاچـر احقوق الغوالب
المسموم والمقتول والمسجون وغايب
والحديثي ايكمّله
أروي هاي السلسله
امن المصايب
ـــــــــــ
تمت بحمد الله ومنّه ٢٩محرم١٤٤٦هـ
نظم خادم السيدة الزهراء عليها السلام
ياسين جواد العبد الرضا
المدينة المنورة
يابويه حــاچيني
خل عينك بعيني
بويه يالدومك تحبني
للمنيه اوياك اخــذني
ـــــــــــــــــــــــــــــــــ
يابويه تعبني السفر
والعين ذبـلها السهر
وين انت عني
جــــبت الدرب كله أون
ومحد على حالي يحن
افراگك كتلني
من عاشر محرم فارگت عيني
موطبعك يبو اليمه تخـــليني
مشتاگه اشكثر يابويه تدريني
ماساعه غفيت وبطل اونـيني
ها يا بعد روحي
ما بطلت نوحي
والوكت عنك بعدني
للمنيه اوياك اخذني
ـــــــــــــــــــــــــــــــــ
مات الصبح من غيبتك
والخير راح ابــروحتك
يابو رقيه
وين ايدك الكلها دفو
يالماشفت مثلك ابـو
عينك عليه
يبويه السوط اخذله وذره من متني
وايــــــديهم ثـــــگيله وحيل أذتـني
وسطرتـهم على التـربان ذبـــتنــــي
وسلبوني يبويه وعمتي فڰدتـــــني
ومن حرگو الخيمه
فــــــــريت بالهيمه
والعدو بويه ضربني
للمنيه اوياك اخذني
ـــــــــــــــــــــــــــــــــ
شتگول لونرجع سوه
وبالبيت اخليلك دوه
وهناكَ ترتاح
يابويه صدري مخــــتنگ
وچفوف ادي صارن زرگ
من كثر الاجراح
خل نرجع يبويه الذيچه گعدتنه
چنه بخير تدري وحلوه عيشتنه
ومحلاهه العصر يالغالي لمـتـنـه
طحنه ابناس كلها اتريد اذيتنـه
ماكو عرف بـــيهم
وتجرح محاچيهم
والشمر بويه هظمني
للمنيه اوياك اخذني
ـــــــــــــــــــــــــــــــــ
من كثر مامشتاگه الك
ابيقظه وحلم اتخـيلك
يالساكن الروح
فزيت من نومي وصحت
ونياحه يابــــــويه نـحت
والگلب مجروح
فك عينك يبويه وانظر الحالي
يمن حالك مردنـي ومـرد دلّاي
مشتاگه الشبگتك والله يالغالي
يالساكن دليلي وعايش ابــالي
دمعاتي سچابه
ونيراني لهابــه
بويه يالحالك مردني
للمنيه اوياك اخذنـي
ـــــــــــــــــــــــــــــــــ
بعدك فلا اريد العمر
وماينحمل مُر الصبر
وياك اخذني
مذبوح بويه امن الگفه
وشفافك ابدم نــــازِفه
اشگد الّمتني
يابـويه تـــره هالناس مونـــــاسي
اريدن كون يم راسك يضل راسي
يالتنظر دمعتي وتـعلم أحــساسي
هذا آخــــر لقاء وأخـر انـــفــاسي
بويه خمد صوتي
لمن گرب موتـــي
خل اموت اوياك خلني
للمنيه اوياك اخـــذني
ـــــــــــــــــــــــــــــــــ
حيدر بشار الدراجي
قصيدة ( مشتاكه الك ) الى السيده رقيه بنت الامام الحسين عليهما السلام
مشتاگــه ألك شيوصفه شوگ الفاكده
مشتاگــه ألك عينـي تشوفــك رايــده
شوگ اليفارگ جمــره
بالوّنــه يخلـص عمـره
**
يـا بويــه مشتــاگه شكــثر
لگلمــة يبـــويه الدافيـه
وأتمنى انـــه بهــل المسه
بحضنك أمأمنـه وغافيه
يلــي شلتنـي أعلــى المتن
عالجمـر اركــض حافيه
يابويه مــن يــوم الـــرحت
ماتـت أبـروحي العافيـه
تــدري شكــثر بيّــه حــنين ولهفـــه
تــدري شكـثر أتمنــى يمـــك اغفــه
بگليبي ظلت عبـــره
شوگ اليفارگ جمره
*
يابـويــه چفــي ألـــي چنــت
كــل ساعــه انتــه تشمّــه
يالغالــي هســه مــن الحبـل
يــا بــويـه ينـــزف دمـــه
ظليت أخـــاف مـــن الهوى
جـــرحـــي يبويــه يلچمـه
ما تدري بالسـوط أنضــرب
كلمــا صحـــت يـــا عمّــه
ســوط العده اشســوه يبويه بحالي
ســوط العده يلـــوعني بويه الغالي
ومتوني صارت حمره
شوگ اليفــارگ جمره
*
يـا بـويه تــرچيتي الذهب
البيــدك جبتــها أتــذكــر
سلبوهــا بالطــف العــده
ومنها يصــب دم احمــر
يــا بويه دمــي الي جـره
نفسه الجـره مـن المنحر
نــار وعطش خيل وشتم
واركض يبــويه واعثــر
خيل العده الرضت يبويه أبصدرك
خيل العده اتعنتنه واحنــه انعذرك
بحالي يبويه انته أدره
شوگ اليفــارگ جمره
*
ريتك تجيني بهـل المسه
ونفســك يمــر بأنفــاســي
وتشـاهــد بعينـــك ذبـــل
مـن الفرگه وردي وياسي
مرنـي يمن انت الهــوى
وأغلــى واعــز كل ناسي
وأتمنى لو جيت أبدمــع
تمســح بأيـــدك راسـي
مرني بحلم اقبــل يبــويـــه بهــايه
مرني بحلم صــارت عليه أهـوايه
وأبخدي شوف السطره
شوگ اليفــارگ جمره
*
ألفــرگــه اشــد مــن النبــل
مـرنــي يبويــه الغـــالي
كـل ساعــه وتمرني صّــور
وتغـفــه يبــويه أبــالــي
بصدرك شفت غافي السهم
ماخــذ مكــاني الخــالي
وي نحــرك الينزف دمــه
انذبحت يبـويــه آمــالي
غافي السهم ليش أبمكاني أشمالــه
غافي السهم وماخذ گلب مــو مالــه
نايم عــزيــز الــزهره
شــوگ اليفــارگ جمره
**
يـــا بـويه مريت وعدل
خضّــر ربيــع اسنينـي
گتلك يبواليمه أبــدمــع
چــا عــدمــن مخليــني
مــا ادري بـويه بالحلم
طيفــك نظــرتـه بعينـي
فزيت لن طشت الذهب
بي راســك يحــاچينـي
بويــه العمر أتلچمه وتذبحه أحـلامه
بويــه العمر بـراســك گضت أيـــامه
وبلهفـه اشمّــن عطــــره
شــوگ اليفــارگ جمره
*
الشاعر
موسى البديري
يزاير .......لو مشيت الكربلا
يزاير..........خلي موعد للصلا
زكي حتى اموالك
تقبل الله اعمالك
*******
حسين كل خطوه لك يحسبها حجه
كون عهدك ملتزم كل مشيه رجه
عارفا زور الحسين واتدري نهجه
رجلي تتعنه ركض لوحتى عرجه
يزاير.........دير بالك من تروح
يزاير.....بالمشي غض الجروح
بكلشي حاسب حالك
تقبل الله اعمالك
*******
عوف كلشي اتوجه وامضي بصلاتك
بالمشي واصل مسيرك صفي ذاتك
روح صليلك فرض كل لحظه فاتك
كلشي بيك حسين يعرف عن حياتك
يزاير...........خلي منهج من تزور
يزاير.........تملك الحب والشعور
خطوه حجه انطالك
تقبل الله اعمالك
********
عوف درب الغيبه انت ابكل مسيرك
وياك يمشي المهدي حكم كل ضميرك
حددت بيدك نجاتك كل مصيرك
بس تزل يبنادم الشيطان اميرك
يزاير .......لو زعل راعي العلم
يزاير..........تبقى عايش بالندم
سوي زين افعالك
تقبل الله اعمالك
*******
هاي فرصه من العمر وتمر بالايام
استغلهه بخدمة الغالي يخدام
صفي نيتك بالمشي بس شد الحزام
دير بالك عالصلاه موبس تجي تنام
يزاير......حسين ضحالك تشوف
يزاير.......صلى عاشر بالطفوف
بث يشوف ارسالك
تقبل الله اعمالك
*******
بالمشي من تمشي اترك غيبة افلان
لا يغرك زين صاحب تالي شيطان
ايضيع اجرك بالزياره وانت خسران
انت يم حسين توكف والله خجلان
يزاير .....عيش لحظات الهيام
يزاير.......انشر الحب والسلام
حسين يتعنالك
تقبل الله اعمالك
*******
بربعين احسين اكصد وفي عهدك
راح ابو صالح يسألك شنهو ردك
كالك صليت وانت اتكول بعدك
شلون للمهدي جوابك وينه وعدك
يزاير.........الدين وصاك الوجوب
يزاير........زحمه من تحمل ذنوب
لله صفي وصالك
تقبل الله اعمالك
*******
يوسف الفتلاوي
حارب فكر كل فرعون الحسن بإيمانه
افواه الحقه ميموتون الحسن بإيمانه
يرسم معالم دينه && للطف يمهد احسينه
الحسين بإيمانه
••••••••••••••••••••••••••••••••
الحسن جان صلحه عن معرفه وعن درايه
النور ماحبله ظلمه عنده مبدا عنده غايه
مايساوه الخشب بالماس العقل مايقنع بهايه
راح تعرف منهو الاثمن
يكشفه يِشوّفه الزمن
الحسن يزهي الحسن
منهل الامة والهداية
الحسن سر الرحمن مخفيه اسراره
مبعوث بهيئة قران مخفية اسراره
جود وكرم اوصافه
يسحر انظار الشافه
الحسن بإيمانه
"""""""""""""""""""""""""""""""""
مايدور الحسن سلطة ولاتهمه اي مناصب
ماتغره الدنيه لحظة جان عنده بعد ثاقب
صور يضرب بالشجاعة حِلمه صاير اله صاحب
دوله يحكمها العدل
لكربلة حلقة وصل
بثورة حُسينه تتصل
بالخير باجرها العواقب
للطف الحسن عنوان بانت اعلومه
رسالة فكر مو ميدان بانت اعلومه
اهداف الثورة يرسمها
الامه بدينه يعلمها
الحسن بإيمانه
••••••••••••••••••••••••••••
ابن طه النبي هذا منبعث للامة مصلح
بالظلامة الامة عاشت جان للظلمة صبح
جولة الباطل خسارة و الحق جولاته الربح
عنده رسالة واضحة
بأول شهيد مصرحة
بحسين جان المصلحة
ودعوة محمد تتضح
دعوة عنده للاصلاح جانت هلـ غاية
بحسينة يدري المفتاح جانت هلـ غاية
سيد شباب الجنّة
بطريق الحق علمنّه
الحسن بإيمانه
••••••••••••••••••••••••••••
التاريخ يتوضه بحروفه ونجمه يضاهي الثريه
للهداية جان رحمة ونعمة نزلت للبرية
عنده مرسوم السماوي ينكتب بالغاضرية
بدم الشهادة تصدق
مرسوم الالهي تحقق
انبعث قران ينطق
يقيم دولة الاحمدية
منهج محمد مرسوم بميزان افعالة
منهج حق لكل مظلوم بميزان افعالة
اسرار الخالق اسراره
وصلت للعالي اخباره
الحسن بإيمانه
••••••••••••••••••••••••••••
••••••••••••••••••••••••••••
ثورة حسين العظيمة يظل بيها اثر يُذكر
مايمد الحسن ايده ما يصالح ابد منكر
والاموي حكمه زائل والحسن امجاده تزهر
حكم الظلامة منكشف
وعدل السماوي منعرف
راية محمد بي ترف
سلمهه بيد ابو الاكبر
رايات الاحرار انتشرت مشعل بطفوفه
بدم البسالة تنورت مشعل بطفوفه
كلمن ثبت إيمانه
الخالق يعلي شانه
الحسن بإيمانه
••••••••••••••••••••••••••
المصيبة:
حاكوا خيوط الجريمة والسهم جان جعده
نفذوا فعلت حقدهم بالسم صوّبوا جبده
ظنهم تموت الامامة و بالطفوف حسين رده
دولة محمد قائمة
تنصب باجر محكمة
تفتح سجلهم فاطمة
والباري الحكم عنده
الحسن دين السماوي ومنهج الحق والرساله
الاسلام بجبده انصاب يشكي الظلامة
نور العصمة لا ماغاب يشكي الظلامة
علي موفق القزاز
مطول بنـــــــومك
شمغير ارســــومك
تمنين يابويه حسين،،، يومي قبل يومك
ــــــــــــــ
ها يبويه
يالعــــفتني بزغر عـمري ويتمتني
ها يبويه
يالحـنانك من ضيـــــــاعي يلمني
جابـــــوك بطشــــت لينه وكلــــبي تحير بأمرك
احضنك ردت بس شحضن لا ضهرك ولا صدرك
قبل مو تمسح بشعري صرت انه امسح بشعرك
خوما تلجم يــــحنين اذا قبـــــــــــلتك بنحــرك
يابويه يالغـــالي
يانبــــض دلالي
اشتاكيت انام واحضنك... وبس راسك كبالي
ــــــــــــــــــــــــــــ
صحت عمه
عمه زينب ارد اضلن وياه وحدنه
صحت عمه
اني بنته رايده اشبـع عيني منه
خليني ويه ابوي حسين ماطـــــول اروح بساع
حجي بنيه ويه والدهه هجرهه ونـام حدر الكاع
مالحكت انه اودعنه صغــــــيره وما عرف الوداع
بس درب السبي شيب كلبي وعمري احسن ضاع
خلوني اني وياه
بنيته واريد انعاه
عندي حجي بكلبي... ضميته من فركاه
ــــــــــــــــــــــــــــــ
يا عذابي
من رحيلك وهذه حزني الماله تالي
يا عذابي
وكون عدهه لسان جا تحجي اليالي
تسولفلك عن الـوحشه من وجهـــك علينه غاب
حركو خيمتك بالنار وانه اشمــــــــر عليهه تراب
وغفـل من عمتي زينب اجانــي يـركض السلاب
يجر حيل التراجي كام وكل خوفي يجر الحجاب
يابويه جرح اذني
لحد هسه يوجعني
خليت ايدي ودم نزل،،،، من اذني لمتني
ـــــــــــــــــــــــــــ
شكد تعبنه
من سبونه ومن خذونه صحت اريدك
شكد تعبنه
شكد عثرنه شكد تمنيـــــت الزم ايدك
مادام احنه وحــــدنه اريد اكشف الك ضهري
شوف شكد زراك البي ودمي البالمتن يـجري
عذبني طريق الشام وشيب راسي من زغري
كلما بويه طكني السوط سنه ايزيد لعـــمري
يابويه شحجيلك
ولياهي اشكيلك
اجروج ضهري من الضرب،،،، خليهه ترويلك
ـــــــــــــــــ
اه يالشام
ياوجعهه من دخـــــــــلنه ااااه بابه
اه يالشام
نومتني فوك الـــــــــتراب بالخرابه
يابويه دخلنه الشام اوســــط السوك جابونه
والماشافو النه خيال يبويه هـــــسه شافونه
نضرات الشماته اسهام ونسمع من يشتمونه
وباب القصر يحسـين ثمن ســاعات وكفونه
طبيــت مرعوبه
مكسوره متعوبه
كل خطوه اطبن للقصر.. علوجه مكلوبه
ـــــــــــــــــــــــــــــــ
الشاعر
مصطفى الحسني