5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصيدة ( چم وداع ) إلى سيدتي ومولاتي السيده زينب عليها السلام
چـم وداع الــمّـر علّيــــه
نــوح ودمـــوع ورزيــه
يـــا وداع الغـــاضـــريه
يذبـــح الــــروح
* * *
آنــه زينـب ... چم وداع الشفته يا دنيا بحيـاتي
گلبي يلهب ... مــن وداع أمـي بدايــة نايبــاتي
مـــركب إحـزاني بـــدت قصــة ضياعه
هــــذا چــم ليــــل الـيمـر بيِّـِـه وداعِــــه
أبحــر الــدموع انكــــسر منّـه شـــراعه
وحسرة أوداع الأهل ساعه أعلى ساعه
چــم وداع ودمعــي يجري
بالحـزن گضيتــه عمــري
مـن وداع أمــي الــزچيه
يذبـــح الــــروح
*
حسره حسره ... عمـري بس توديــع من أول حيــاتي
عبــره عبـره ... خلص عمري عبره حد ساعة مماتي
بعد جرح أوداع أبــوي أبنص دليلي
شما اذكــره منه اصــرخ آه يويلــي
يــا وداع الحســن زيــدلي عــويلي
الليله صارت كل حياتي أبلون ليلي
ليلـة أهمـــــوم ورزايــــا
وبــاچـر أتلـــوح المنــايـا
وانظر أهلي أعلى الوطيه
*
والله حيره ... الليله أودعمــنْ يدنيا مــن إخوتي
والاميــره ... بـاچـر أبنص المعاره ويعلّه صوتي
وين يا إبطال المــلاحم شـوفو زينب
مــن المخيم طلعــت ونيــرانه تلهـب
ترضى يا عباس لـو خـدري ايتسلب
وترضى بت الزهره يا كافلها تنسب
كون أموتن هل المسيه
ولا عــدو ينظـــر علّيه
خويه يا سوط آل أميه
يذبـــح الــــروح
**
يا مصابـي ... اليله يا دمعـه أهلها وتطفه نـاري
يا عــذابي ... باچر من انظر جثث يسترها ذاري
بــاچــر أبـين الخـيّـم بيــن الـمعــاره
تبـتـدي قصــة حــرم صـارت يســاره
والله يـا دنيــا والــچ عيــن وجسـاره
تشاهدين أعلى الأرض أهلي الغيارى
لا كـفـيل وحــامي يمـها
بـس جثـث غسلهـا دمها
وعل الأرض انظر رميه
يذبـــح الــــروح
*
شلــون ليله ... يا نحر هل الليله أبوسه وچف أشمّه
دمعي أسيله ... يم الأكبــر لــو لجــاسم وطفـل أضمّه
شرد اصيرن والصبح لاحگني فجره
باچر انظــر چم جسد محـزوز نحـره
باچـر انظــر چـم چبد مستعره جمره
باچـر انظــر للحرم مــاخـوذه أسـره
باچــر أفصول الــروايه
من تطيح أهلـي ضحايا
يبتــــدي فصــل السبيه
يذبـــح الــــروح
**
الشاعر
موسى البديري
ابوذيات لمصاب سيد الشهداء
غيـــر آيــــات ربنـــه ما تله حسين
شوصف حالي بالطف ما تله حسين
يجـي الشــامت يگـلي مات الحسين
مثــل نبلــة دليله أتصـــير بيــه
۩ • • • • • ۩ • • • • • ۩
الشاعر
موسى البديري
زينب هاي الليله بحسره
محتاره ومختنگـه بعبره
محتــــاره الليلـــه بعبــرتهـه
أشلون أتودع اليوم أخوتهـه
تنظــــر لحسين بحسـرتهـــه
وتنــــادي يايمــه الزهـــــره
*
لــحسين أتعنــت حيـــرانـــه
يـــا خويــه أتگله ورجـــوانه
باچــــر ياهــو يظل أويانـــه
وأنظـــــر متــوسد عالغبــره
*
شمس العاشــــر لمـن تطلــــع
أنظــــرلك دامـــي وبالمصرع
أشلون أنظرلك خويه مگطـع
وعالغبـــره جثتـــك متــوذره
*
تگــل الكافــــل أه يعيـــوني
تقبل عــدوانــك يــــولــوني
وللشام أنــوبــه يــــــودوني
وبـــــلا كافل ضعـن الحــره
*
مهيوبـــه يا خويـــه أبـزودك
وبعزمـــك خطيــت أعهـودك
باچــــر لو گطعوهــه أزنودك
نـــار أخيامي تظل مستعره
*
باچــــر لـــــو حرگـوهه أخيمي
وعالغبره أنظر ضامي أبن أمي
أحتــــــار أبطفــــــالي وهـــمي
لـــــــو أجمــــــع خّدر منذعره
*
تگــصــد للأكبــــــر وتشمـــه
وتگــــــل القـاسـم يــاعمــــه
جسمك باچــــر يا هــو يلمـه
لــــو يبقى مــــــوذر عالغبره
*
الشاعر
موسى البديري
🏴 يوم عاشوراء
⬛️🔳القصيدة🔳⬛️
رُغمَ المَظالِم ِوالبلوىٰ فقد خلُدا
والدهرُ للسبط ِ إذعاناً لـهُ شَهِدا
لولا الحُسينُ قتيلُ الله ِما بَقِيَت
روحُ الشريعةِ والإسلامُ راحَ ِسُدىٰ
إذ قام َ في ثلة ٍ للحق ِ منتصِراً
لكنّه ُ ظل َّ بعدَ الصَحب ِ مُنفَرِدا
يشكوُ الظَما أسفاً والنزفُ أرهقَه ُ
والشمس ُتصهَرُه ُفوق َالصعيدِ غدا
{مَا غَسَّلُوهُ ولا لَفُّوهُ في كَفَنٍ
يومَ الطفوفِ وَلاَ مَدُّوا عليه ِ رِدَا}
{عَار ٍتَجُولُ عليهِ الخيلُ عَادِيةً
حَاكَتْ لهُ الرِّيْحُ ضَافِي مِئْزَرٍ وَرِدَا}*
نادَتهُ زينبُ والأحزان ُ تَغمُـرُها
أَدرِك َعيالَك َ شمر ُ للخيام ِ عَدا
ياليتَها عَلِمَت بالسبط ِمُنجَدِلاً
أو شاهَدَته ُعلىٰ البوغآء ِ مُنخَمِدا
#سمير_الصالحي
#النجف_الأشرف
*البيتان بين الأقواس لبعض الشعرآء من التراث وهما شهيران لدىٰ الخطباء تم تضمينهما في القصيدة بطلب من أحد الخطباء القطيفيين وفقه الله تعالىٰ ..
🏴 نعي مجردات
يحسين نادت خويه وينك
أوميلي يابن امي بيمينك
حتى اوصل وبلكت أعينك
صعبه عَلَي اسمع ونينك
وانظر اعداك محوطينك
بس لا يخيي ذابحينك
#سمير_الصالحي
#النجف_الأشرف
🌷الشيخ سمير الصالحي🌷:
⬛️◼️القصيدة-3-◼️⬛️
وجاءَ بهِ نحوَ اللئامِ مُنادِيا
خُذوهُ ورَوُوا كبِدَهُ الماءَ صافيا
أليسَ بكُم مِن غَيرةٍ أو مروءَةٍ
رضيعٌ بلا ذنب ٍ يظلُ مُعانيا
فأهلي ووُلدي قد قَتلتُم جَميعَهُم
ولم تُبقُوا أصحابي قتلتُم رجاليا
خذوُهُ بأيديِكُم فلستُ بطامعٍ
لأَسقيَ أطفالي وأسقي نسائِيا
فجآءَ ندآءُ الوعظِ وهوَ يأُزُهُم
وفَرَّقَهُم والرأيُ لم يكُ باديا
وراحَ ابنُ سعدٍ قاطِعاً كُلَ قَولهِِم
وحرمَلةٌ بالسهمِ قد كانَ قاضِيا
ليَذبحَ عبدَاللهِ والسبطُ في جوىً
ويَملئَ فيضٌ مِن دِماهُ الأياديا
وصاحَ إلهي وهوَ يرميهِ للسَما
بعينِكَ يا رباهُ تعلمُ ما بيا
وما زادَهُ حُزناً سوى نوحِ أمِهِ
ربابُ و قلبُ الأمِ قد صارَ داميا
تخاطبهُ في حُرقةٍ وآ فَجيعتي
بُنيَّ بِماذا قد أغظتَ الأعاديا!
أليسَ بهِم عطفٌ عليكَ وها أنا
أنوحُ وأرمي للزمانِ عِتابيا
أ مهجةَ روحي إن عقليَ ذاهلٌ
وموتُكَ سهمٌ قد أصابَ فؤاديا
وتمضي لمهدِ الطفلِ ليلاً تهزُهُ
تناغيهِ شجواً حينَ تنعى نواعيا
#سمير_الصالحي
#البصرة_الفيحاء
—————————————
⬛️◼️القصيدة-3-◼️⬛️
🏴{بأي ذنبٍ قُتلت}
وآ مُصاباً زادَ آلآمَ الشَفيع
فَهو رُزءُ السبطِ والخطبٌ الفظيع
أيُ جُرمٍ قد جنىٰ الطفلُ الرضيع
كي يذوقَ الموتَ من قومٍ لِئامْ
لم يُطق رؤيةَ حالِ الثاكلات
صبيةٌ عَطشى وأخرى باكيات
أمهاتٌ ونساءٌ ذاهلات
وبُنياتٌ أتاهُنَّ الحِمام
حينَها قرّرَ للحقِ ارتحالا
وإذا سهمُ الردى يأتيهِ حالا
وحسينْ دمعُهُ سالَ إنهمالا
ثمَّ لمّا اعتَنقا كانَ الخِتام
رَفرَفَ الطفلُ كطيرٍ قد ذُبِح
نحرُ عبدِ اللهِ بالسهمِ جُرِح
وعلى الصدرِ دمٌ منهُ سُفِح
وبقلبِ الأبِ قد شبَّ الضِرامْ
يادماءً لم تَزل للظلمِ آيه
للسما يرمي بها السبطُ شِكايه
ولها الربُ حباها بالرعايه
خَلُدَت بل وأستَقرَت بسلام
آهِ لما علِمَت فيهِ الرباب
أمهُ الولهى بدا منها العتاب
ياضياءَ العينِ أفجعني المصاب
وفؤادي ولدي فيكَ هيام
أسفاً ما برحِت تنعاهُ حَيرى
وتناغي مهدَهُ سِراً وجهرا
كيفَ أنسى وجهَك الباسمَ ثغرا
فحياتي الموتُ والدنيا ظلام
———
🏴 وأمه الرباب ...
🌑آنه امك واناغي للمهدكل حين
عگبك ياوليدي ما أبطل ونين
ولهانه وذهيله وگطع بيه البين
ما اصدگ تروح بساع من عندي
🌑أظل مساهره وذكراك بعيوني
واشوفن صورتك مطبوعه بجفوني
آه عليك يبني وخابت اظنوني
تفارگني يعبد الله انمرد چبدي
#سمير_الصالحي
#البصرة_الفيحاء
#غربة_زينب
صدگ يحسين باچر فوگ التراب !
مرمي وياك اخوتي وكل الاحباب !
وصدگ خيل العده توصل للخيام !
وتوج النار بيهه وتحرگ اطناب !
وصدگ وحدي تخلوني ويه الايتام !
واظل بحيرتي وامشي ويه الاجناب !
ولا يمي أهل لا يمي وليان
وبدر ليلي ابو فاضل يا وسف غاب
عگبكم منهو احشمه ولايظل حيل
وگلبي بليل عشره من القهر ذاب
ولو چل ليل باچر لوعتي تزيد
وانخه امي الزچيه وداحي الباب
يبو الشدات اصيحن فزعتك وين !
واظن محد يجيني ومامش جواب
بس النوح يبقى بهدوة الليل
ودمع عيني يسيل من ابدي لعتاب
وحداي
صفيت اخلاف حزمة زلم وحداي
وراح الچان الي كفال وحداي
بنواعي الفاجده وونين وحداي
أنوحن هلي الناموا عل الوطيه
#سمير_الصالحي
#النجف_الأشرف
▪️هد حيلك▪️
ضلع واحد ياعلي وهد حيلك
جا اضلوع حسين شتسويلك
————-
ضلع واحد ياعلي واحنى الظهر
وجمرته ماتنطفي إليوم الحشر
منه شيبك ياعلي بان وظهرر
نار شبت لاجله وسط ادليلك
———-
ضلع واحد ياعلي جسته ومتت
وانت بعيونك كَسِرته ماشفت
جسته ياحيدر على قاعك طحت
وجنها هاي القاع لا مَاتْشيلك
———-
ضلع واحد ياعلي وتنعاه دهر
واجرعت والله عليه مر الصبر
ضلع واحد ياعلي وقلبك كسر
اتون له كل هذا النهار وليلك
———-
ايعين الله علي ويّه عمتّه
ابعينهم شافواْ الغالي ذبحته
شنهو گالت يوم عالي رفعته
ربي قربان لاجل تنزيلك
———-
مو اضلوع اعظام كلها مكسره
والجسد اعضاءه كلها موذره
وعالعوالي الراس زينب تنظره
اتصيح ياحيدر دهد ابخيلك
————
مو اخو اخوان كلها امطرحه
والجثث مقطوعه كلها امشرحه
والبنات ازغار شوف امجرحه
فوگ هزّل تنعى واتناديلك
————
بقلم :بنت الشمري
المستهل (الشاعر ابو علي السعيدي)
الفزعة يا علي الفزعة
حسينك خلصوا ربعة
=============
خلصوا يا علي السبعين
وحسينك خلص دمعة
=============
ما تلحك يبو الحسنين
صاح ومحد يسمعة
=============
ما ضلت زلم وياه
صال بسيفة وبدرعة
=============
عطشان وسموم الصيف
يا ابو الحملة شيجرعة
===========
هجمت يا علي العدوان
من كل صوب مجتمعة
==============
صاباه السهم واحتار
منين ايجرة ويطلعة
=============
طاح وسحگتة الفرسان
بالخيل انطحن ضلعة
============
راسة من القفا محزوز
وبيدة الظالم ايرفعة
==============
اسالكم الدعاء رائد الاسدي
أه يباجر- شجم عزيز أتودع الــنه
أه يباجر-ليــــش ماترحـــم شملنه
أه يباجر-أه يباجر
---------------------
خوفي منك انته باجـــر ما تمر بينه بسلامه
تذبح بااحباب روحـي وترسم بگلبي العلامـه
اومن بعد عزي ودلالي الشمريجرحني بكلامه
باجر اتراويني غـدرك والعــدو ايبين ظلامـه
اه يظالم- تحرك اخيام المحنه
اه يظالم - مايرف بيرغ اهلنه
اه يباجر-اه يباجر
----------------
عادت المحتام بـاجريـودع احبابه بأنينه
ويرسم بكل خطوة الهم طبع شوكه وكل حنينه
ينظـر اطفاله وخوته ويســمع احجاية بنينه
وانته ماجايب فرحنهه وجــيتك لينه حزينه
اه يواهم -تصبح اطفالي رهينه
اه يواهم - والعليل امــــــكيدينه
اه يباجر-اه يباجر
-------------------
انته غير ايام عـمري تفرض الونــه بصفاتك
تلجم اجروحي بسهامك هـاي جانت كل أذاتك
تذبح حسين وي خوتـه اومـره صارت كل حياتك
وتصبح العأشر محـرم لليضد انته شغلاتك
اه يصبحك ـ كون مايبقه اندعيــنه
اه يصبحك ـ حزنه بيه اشكد بجينه
اه يباجر-اه يباجر
-------------------------
ادري باجر هم نهارك انـعى ودموعي اهلهه
وينزل الصـوط عالمتني اوروحي يتزايد المهه
اوروس اخوتي كلها تمشي وتنذل اطفالي اوملهه
وللخيم تــاريخ اضلن والحرم حفضت قيمهه
اه يخاين ـ للعرش احنه وفـــينه
اه يخاين ـ احنه سيرنه السفينة
اه يباجر-اه يباجر
خادمكم قيس عوده الكعبي
من رد المهر خالي علينه
صحت بصوت يابويه انسبينه
.......................................................
من رد المهر وبردته ينوح
اظن حسين طاح وراحت الروح
دمع العين سال بكلب مجروح
وفراكه يبويه شسوه بينه
.....................................................
من رد المهر شحال العيال
مرعبه طلعت مابين لارجال
يويلي بخيلهم سحكوهه الطفال
جم طفله وطفل اسمع ونينه
...............................................................
من رد المهر حركو خيمنه
كلهه اذبحت وسفه زلمنه
جاوين الكفل مايفزع النه
راسه من هشم حامي الضعينه
.......................................................
اخوي حسين مرمي بين الجموع
ومن عنده يابويه كسروا ضلوع
عبد الله بنبل مصيوب ويلوع
بسهم الموت ابويه فاطمينه
................................................................
اصعب فاجعه يايوم الوداع
وخواني جثثهم تارسه الكاع
اناشدهم واكلهم هالخدرضاع
من جابو حبل شدوه بدينه
......................................................
كبل ماشدو اجفوفي عتنيته
وصحت عباس خويه وحشميته
جفوفه مكطعه وانه عذريته
وسار الحادي الميشوم بينه
٠٠٠٠ ٠٠ ٠٠٠٠
خادم اهل البيت ع \
\\\\\\\\\\\\\\\\
فلاح طالب الماجدي
الوداع الوداع. ياحبيبي ياحسين
الوداع الوداع. ياحبيبي ياحسين
==========
ليلة العاشر مصيبة ياعظم هاليله
الوداع الوداع ياحبيبي ياحسين
ودع عياله الحسين وكلشي دم يبجيله
الوداع الوداع ياحبيبي ياحسين
شابگ الحره بدموعه اتبللت هالشيله
الوداع الوداع ياحبيبي ياحسين
يحجي عن باجر واهيه اعل الخيم تحجيله
الوداع الوداع ياحبيبي ياحسين
=========
شبكت سكينه ابوها والدمع بعيونه
الوداع الوداع ياحبيبي ياحسين
هاي اخر ليله يدري باجر ايذبحونه
الوداع الوداع ياحبيبي ياحسين
لصدره ضماها بحنانه باجر يكسرونه
الوداع الوداع ياحبيبي ياحسين
رحمة الله حسين باجر بالطف ايطشرونه
الوداع الوداع ياحبيبي ياحسين
==========
يرتل ايات الوداع بمصحفه واحزانه
الوداع الوداع ياحبيبي ياحسين
بخده دمع عيونه سايل والدمع نيشانه
الوداع الوداع ياحبيبي ياحسين
زينب يواسيها گلبه لشوفته لهفانه
الوداع الوداع ياحبيبي ياحسين
بخيمة الحرة كصدها يرتل بقرآنه
الوداع الوداع. ياحبيبي ياحسين
==========
ايخيم الموت اعل صبحه يامصاب العاشر
الوداع الوداع ياحبيبي ياحسين
بصدر ابو اليمه تشوفه ينطبع جم حافر
الوداع الوداع ياحبيبي ياحسين
يامدامع حسرة تجمع والدموع لباجر
الوداع الوداع ياحبيبي ياحسين
يعين گلب الحره الله ليا فجيعه يناطر
الوداع الوداع ياحبيبي ياحسين
الشاعر علي النائلي
يزينب حضري دمعج… راح الحسين
عليه ويزيد همج…. راح الحسين
يزينب مايردلج… راح الحسين
وحيد الظال عدج… راح الحسين
بعد ياهو اليسندج…راح الحسين
غريبه ومن يردج….راح الحسين
بعد محد يسمعج… راح الحسين
يزينب هاي حيره… راح الحسين
كضت كل العشيره… راح الحسين
بعد ياهو استشيره… راح الحسين
گبل جنتي اميره. .. راح الحسين
ختلف هليوم وظعج… راح الحسين
اجت هل خيل لينه.. راح الحسين
نفزعه ومايجينه… راح الحسين
ولا نسمع ونينه… راح الحسبن
بحافر ساحكينه…. راح الحسين
وبس شمات يمج… راح الحسين
وخيمتنه حركوهه…. راح الحسين
اطفال وسلوبهه… .راح الحسين
وكلهه تريد ابوهه…. راح الحسين
العده بنار ارهبوهه…. راح الحسين
ويصيحون بسمج… راح الحسين
يزينب خيل يمه… راح الحسين
وشوفه يسيل دمه.. راح الحسين
وسلبو حتئ هدمه.. راح الحسين
بعد ماظن نشمه…. راح الحسين
الرباب احتار يمج… راح الحسين
ابو سلام الجابري
ابوذيات لمصاب سيد الشهداء
غيـــر آيــــات ربنـــه ما تله حسين
شوصف حالي بالطف ما تله حسين
يجـي الشــامت يگـلي مات الحسين
مثــل نبلــة دليله أتصـــير بيــه
۩ • • • • • ۩ • • • • • ۩
الشاعر
موسى البديري
مولاي عبدالله الرضيع روحي فداه
ندري السهم صنعوه للاكبار..يمه الولد يمه
بس مادرينه يذبح ازغار..يمه الولد يمه
عبدالله يبني عبدالله يبني
ــــــــــــــــــــــــــــــــــــــ
الوليلك واريدن عينك اتغمض
احط ايدي اعله كلبك ليش ماينبض
ردت الماي يحظر والطلابه اتفض
الماي اتأخر وجاك السهم يركض
ياطير شايه مالك ابلاد..يمه الولد يمه
ترفه ركبتك والسهم حاد..يمه الولد يمه
عبدالله يبني عبدالله يبني
ــــــــــــــــــــــــــــــــــــــ
عبدالله الورد بالماي يسكونه
عبدالله الكبر موحش يوصفونه
عبدالله الطفل ممكن يفطمونه
بس من ريحة أمه مايحرمونه
بالطف اضل وياك ياربت..يمه الولد يمه
ما اريد في ولاسكف بيت..يمه الولد يمه
عبدالله يبني عبدالله يبني
ــــــــــــــــــــــــــــــــــــــ
اتلمس اشفافك يابسه أمن الحر
المايشرب الماي اشفافه تتفطر
شله بالفرات العنده مي كوثر
يعطشونك لانك وصله من حيدر
اعليك الوكت ماداير الحول..يمه الولد يمه
وماتت عله الساني الدللول..يمه الولد يمه
عبدالله يبني عبدالله يبني
ــــــــــــــــــــــــــــــــــــــ
من جابوك الي ياشمعة الساده
تتلولح ركبتك مثل الاكلاده
الابو يحمل فكد واحد أمن اولاده
والام بكلبهه عاطفه ازياده
امك عماهه بسهمه عاشور..يمه الولد يمه
وكسر الامرايه كلبي مكسور..يمه الولد يمه
عبدالله يبني
ــــــــــــــــــــــــــــــــــــــ
اريد ابجي واطيح البيت عمدانه
واصرخ لاكن أمن احسين خجلانه
موآنه تره التنلام موآنه
فكدت اوليد بالطف چنه ريحانه
اعيونك يبعد اعيوني ترفات..يمه الولد يمه
اشلونك ابكبر والوحدك إتبات..يمه الولد يمه
عبدالله يبني عبدالله يبني
ــــــــــــــــــــــــــــــــــــــ
بعدةالمعركه من والدك ذبحوه
اجولك ياحبيبي والكبر نبشوه
سوو فاجعه وكلبي يون خلوه
راسك يالرضيع أمن الجسد فصلوه
ماتركد أعله الرمح شافوك..يمه الولد يمه
ابركبة الناگه بحبل شدوك..يمه الولد يمه
عبدالله يبني عبدالله يبني
محمد الجماسي
#اللهم_عجل_لوليك_الفرج
موشح للوداع (( اتگول زينب ))
اتگول زينب ... كون ميته اشوالي
هدم افادي وداع الوالي
اتگول زينب كون ميته من زمان
اشلون اضل بدون والي ولامچان
والعده يخوفون مابيهم امان
باچر يلوعون گلبي وحالي
اتگول زينب ... كون ميته اشوالي
باچر العدوان گلبي اتلوعه
اشلون اودي حسين بيدي المصرعه
سكنه مهضومه ورقيه اتوادعه
واليسر والضيم يتراوالي
اتگول زينب ... كون ميته اشوالي
اليسر والضيم اجني والعذاب
كون ميته ولاشفت سيد الشباب
ايودع اعياله ويفكر بالمصاب
وانشده ياناس عگلي وبالي
اتگول زينب ... كون ميته اشوالي
ينشده عگلي ودمع عيني يصب
لو شفت حاله صعب فوگ الصعب
گام من خيمه لعد خيمه يطب
وصاح عينچ عالحرم واطفالي
اتگول زينب ... كون ميته اشوالي
عالخيم يفتر وطب الخيمتي
عندچ يگلي امانه عيلتي
باچر العدوان تگطع رگبتي
هالوصيه الصوبت دلالي
اتگول زينب ... كون ميته اشوالي
هيست حيلي تضعضع وانهدم
راح ابو السجاد ينخه اهل الشيم
كلهم امنومين ماواحد سلم
ايس المظلوم منهم تالي
اتگول زينب ... كون ميته اشوالي
ايس امن اهل الشيم والمرجله
بالحرب كلهه ضحايه امچتله
وللوداع حسين لم العايله
خاب رجواي وگضيت امالي
اتگول زينب ... كون ميته اشوالي
✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر
#جديد_في_خدمة_قراء_العزاء
#محرم_١٤٤٦ هـ
#أعظم_الله_أجوركم
#نعي
#شعبي
#يوم_العاشر
١/
مَا يُوفِي دَمْعِي مْصَابَكْ.. أَبْدِي بْنَدْبَك مَدرِي مْنِينْ..
شْلونَ أندِبْ كلِّ جْروحَكْ.. وِانتَ مْصَابَكْ يِدمِي العِينْ..
مَا يِكفِي الدَّهرِ بْكِلّهْ.. مَا يِكْفِينِي بَس شَهريٍنْ..
مَا يِكفِي الدَّمعِ وْرَبِّي.. بَسْ خَالِقلِي عْيونِ اثْنِينْ..
___
٢/
انتَ بْعَرشِ الرَّحْمـٰن.. الآيَه الْبِيهَا الكُونِ ارتَاحْ..
يِشهَدلَكْ وَحيِ وْكِلمَهْ.. عَنِ يْمِينَه وْكِلّها جْراحْ..
يِشهَدلَكْ عَرشِ العِزّه.. يا مَظلومِ انْتَ المِصبَاحْ..
وْمِن تُوگعْ يِنهَزْ كِلَّه.. وْيِنعَى لْجَدَّك سِبطَك راحْ..
___
٣/
تِبچيكِ الدِنْيا دْمومِ.. وْتِلطِم عَالضِّلعِ الزَّهرَاءْ..
وْتِجرَحْ دَمعَات الكُونِ.. لْخَاطِر دَمعاتِ الحَوراءْ..
وِالعرشَ اَمْلاكَهْ تْنُوحْ.. وْمَدهُوشَه تْعدِّ الأَرزَاءْ..
وِالكُونِ بْإذنِ الزَّهْرَا.. فَالزَّهْرَا لَو شاءَتْ شاءْ..
🖋️ #ريان_الديراني
▪️ #أعظم_الله_أجوركم
قصيدة ( حسين شابع بس سحگ ) تروي ما جرى عليه يوم عاشوراء
الگـــاع شكـبـرهــا بكربلــه
وحسين شابـع بـس سحـگ
والمــاي تــارس هـل الأرض
وبصدره احس نار و حرگ
من السهم من الضمه
مـن الخـيـول اتهشمه حسين
****
ابن امــي هـذا يــا خـلگ
منَ العطش دلاله احترگ
گبـل الذبــح نـار التهــب دلاله
الگـــاع شكبرها بكــربله
ليش اعلى صدره جايله
منْ السحگ ما رحمته الخياله
هــذا ريحانـــة محمــد هــذا نفســه وروحــه
هذا جرحه الما تشافه حسين اقسى اجروحه
حسين لـــو ســر الديانـه جثتــه المطــروحه
سبــط النبي فــوگ الرمل
جمســه تطشـــر عالارض
وبصــدره مــا سالم ضلع
عشره الخيول الي ترض
صار بحوافرهن دمه
من الخـيول اتهشمه حسين
****
نهــر الفــرات ومنبعه
مهــر الزﭼيه الشافعـه
ليش نمنع عنه الفــرات بطوله
وعبدالله ﭼن عمر الورد
راد العذب ينــزف يــرد
مو ماي لا سهم الذبــح وَدّوله
الراضع ابهـام النبوه ليـش بالطـف ضامي
الجده شَمّه ابنحره تالي نحره ينزف دامي
خيَّامي بيهن سر محمد نـار وسط خيامي
يـــا نــار ظلــت تسـعتر
نـار الخيّـم نــار الذبــح
نار السهم وسط الگلب
لو نار من راس الرمــح
ياهي الي ظلت مضرمه
مـن الخـيـول اتهشَمّــه حسين
****
للتل شطـت بعـد الجــره
نــاديت يــا جــد منحره
بسيفه الشمر يگطع يوسفه اوريده
يا حيف من بعد الذبـح
راس الولي فوگ الرمح
ومگطوع خنصر يـا اسف من أيـده
عالرمح يا راس شفته هذا راس حسيني
كــون دونه ولا نظـرته شيبه دامي بعيني
صرت من شفته اسـيره والعّـده مسلبيني
راس الامامه اعلى الرمح
بالجبـهه اثــر لصــوابــه
راس النبــي ﭼنه انـرفــع
مـــن دمه صــار اخضابـه
بالنوح تنعاه السمّه
مـن الخـيـول اتهشمه حسين
****
ضامي على كتر النهـر
ومرخوص مايه للبشر
وممنوع ليش الماي لابن الزهره
حر الشمس نار الضمه
من نــار محنة فاطمه
مو بس ظلع الحسين رضو صدره
حسين ماي الجنه بيده وضاميات اشفافه
والفرات يموج مايه فايض اعلى اضفافه
غائره اعيونه بمضماها وذابلات اوصــافه
ودلاله مــن بعـد الذبـح
مثل الخيم نــار استعـر
وسهم النوايب بالگلب
طالـع يويلي من الظهر
حــيله يويلي امهدمه
مـن الخـيـول اتهشمه حسين
****
الشابع دليله بس الم
ترويه ماي ومو سهم
ليش السهم يروي العطش البگلبه
وبگلبه الأكبر والگمر
ومتحمل الام وقهـر
من الماسي حسين أصبــح كعبه
اطــوف بيــه كــل المــآسي المّـرن بــدلاله
طيحت انصاره واخوته وعطش گلب أعياله
وفوگ كل هاي المواجــع سحگته الخيّــاله
ضاگــت الگـــاع بنينـوى
وبصدره صــار الهن ركـض
مــا ﭼنه ابــن المصصطفى
من الله حبّه اصبح فــرض
روح الزﭼيـــه فاطمه
مـن الخـيـول اتهشمه حسين
****
الشاعر
موسى البديري
قصيدة ( وينه عبدالله ) تد حوار بين ام عبدالله الرضيع والسيده زينب عليها السلام
خالي المهد ويــن المهد راعيــــه
بجمــر الولــد آ يالولـــد مچويـــه
يــزينــب وينـــه عبـــدالله
يــزيـنب ضــامي عبــدالله
****
ويــن الورد ويــن النبل
شجــاب المنيــه للطفل
عبدالله مو مالت چتــل يويلي
نحــر الولــد كلش تــرف
ينباس مـو مالــت نـزف
بوليدي ضيعــت العـرف يويلي
وينــه عبدالله اليلالي بطــوله
هـــوه هــذا المنذبـح معقـولـه
الگلبه فاگــد عالصبر يحچوله
افـــارگ روحــي عبـــدالله
يـــزينب وينـــه عبــــدالله
****
من العطش چبــده انفـطر
ليــش أنمنــع عــنـه النـهـر
بسهم الضمه وسهم النحر ممـاتـــه
صفحـــت حياتـــه تنطوي
ومــنْ العذب مـــا مـرتوي
ما مات گلبي شگد گــوي ممــاته
انذبحــت بنبلــه يــولـي سنيني
چنت اناغيلــه وهــو ينـاغيــني
مهده ياذيني من اصدله ابعيني
حيـــاتــي كلـــها عبــــدالله
يــزينـــب وينـــه عبــــدالله
*
يوميــه اصــدله بالنظـر
خاطر اشوفه شگد كبر
افرح لون ثـــوبه گـصر ولــولـي
بــاچــر اگــولـن هيبتـي
حـرزي يصــير وخيمتي
من جفني تنزل دمعتـي ولــولــي
ليش دمعـاتي تغـرگ أعيــوني
من اشوفه تــروح بيه اضوني
يروح فدوه الون وجهك لوني
أنـــادي روحـــي عبـــدالله
يــزينب وينــــه عبــــدالله
****
متعلگه روحي وي المهـد
وتــروح لـــو راح الــولــد
المّــن أعيــش آنـــه بعــد مصــابـه
مـن شاله ضنوت فاطمـه
يرويه گلــت مــن الضمـه
رد ليّـــه ومغسلــــه دمّـه مصابــه
شحالها المذبوح ابنها الغالي
حالــها ادري يشـــابه حالــي
للعمــر مــا ظل بعد كل والي
اصيــحــاً روحـــي عبـــدالله
يـــزينــب وينـــــه عبــــدالله
****
يـا عمتــه مذبــوح الهــوه
دلاّلــي منـــه مـــــا روه
چبدي بجمر چبده انچوه ورحيله
كل ما اصد مهده احترگ
بچفــي علــى عيني ادگ
هسه آنـــه موتنـي صدگ رحيله
بنبلــة المنحــر تهـــدم حيـلي
العمري ناطرته رحل يــا ويلي
مهده خالي وانه اصدله بليلي
ألولّـــي روحـــي عبدالله
يــزينب وينــــه عبــدالله
****
الشاعر
موسى البديري
چبدي انفطــر عبدالله يوليدي
دامــي النحر عبدالله يوليدي
*
عبدالله أنــادي من انظـر لمهدك
يا يمه هــوه شعندي مــن بعدك
يوليــدي ريــت أتــوسد أبلحـدك
ولا شاهدت فـوگ الرمــل خـدك
آه القــــدر عبدالله يوليدي
دامي النحر عبدالله يوليدي
*
يوليـــدي ظنــي تكــبر وتحــله
مــا حسبــيت اتفطمــك النبــله
دمعـي دمــه معذوره لو أهلّــه
ضــاع العمــر انتـه العمر كله
نوح وسهر عبدالله يوليدي
دامي النحر عبدالله يوليدي
*
يوليــدي يمّــه معلگ بــروحي
بلــسم گلت ويطّــيّب جــروحي
مـا يهده يبني لفـرگتك نــوحي
لفگدك ييمه أنهدّت اسفــوحي
ظهري انكسر عبدالله يوليدي
دامــي النحـر عبدالله يوليدي
*
تجايـه ردتك يــا ثمــر عمــري
بيـدك تــوسدني وســط گبــري
لاچن رحت يا سلوتي وذخري
شصبـر ييمه ضيعـت صبــري
يا مـــا صبّر عبدالله يوليدي
دامــي النحر عبدالله يوليدي
*
يــا أول أفـراحي ويــا أخــرها
جيش المدامع عيني حاصرها
يا يمه نحـرك روحــي حيـرها
بالـونّـه بعــدك راح أصبــرها
قاسي الدهر عبدالله يوليدي
دامـي النحر عبدالله يوليدي
*
يا حلم عمري وضاعت أحلامي
ضامي ييمه وگلبي هــمْ ضامي
ســوده صفــت من بعدك أيامي
يــا أول ويـــا آخـــر آلامــــي
راح الثمــر عبدالله يوليدي
دامي النحر عبدالله يوليدي
*
عطــرك ييمه ويالنفس صاعــد
گلبــي يشمّــك يالــولــد رايــــد
ليــش انتــه ويالنبـله متــواعـد
وياك ريـــت أغفــه بلحد واحـد
يعمى النظر عبدالله يوليدي
دامي النحر عبدالله يوليدي
**
الشاعر
موسى البديري
◼️◾️القصيدة-1-◾️◼️
وما هَجَعت بعدَ المُصابِ عيُونُها
مُقَّرَحَةٌ بل دامياتٌ جُفونُها
لقد هالَها ذبحُ الحسينِ وصحبِه ِ
وفي ليلةِ الأحزانِ هاجَ شُجُونُها
بِخوفٍ ورُعبٍ والأيامىٰ تُحّيطُها
وكيفَ بتلكَ الثاكلاتِ تصونُها
فكم كابدَت صُبحَ البلياتِ لوعَةً
وكم ألِفَت ضَربَ السياطِ مُتونُها
وكم هتَفَت باسمِ الحسينِ بكربلا
وكم سُرَّ من ذاكَ الهتافِ خَؤونُها
وكم صَرَخَت أينَ الكفيلُ بِحُرقَة ٍ
وكم نَدَبت زايَ الزكيةِ نونُها
بليلٍ بهيمٍ والعباءاتُ أحرِقَت
تَمنَّت لَيأتي الروحَ مِنها مَنونُها
مخدرةً قد فارقَ الخدرُ شخصَها
فأينَ مضى الكرارُ ذاكَ حَنونُها
وأينَ عليُ الغوثُ ليلةَ أوحِشَت
وزينبُ أمسَت ذابلاتٍ غُصونُها
تأنُ وتبكي واليتيماتُ حولَها
إلى م َ وبعدَ الطيبينَ رُكونُها
#سمير_الصالحي
#النجف_الأشرف
————————-
🌑قصيدة
كسف نور الشمس واظلُمت دنيانه
عله مصاب الحسين الروح حزنانه
ا@@@@@@@@@@@@@
حزنانه النفس من طاح ابوالاكبر
يانار البگلبي هايجه وتسعر
صورة ذبحتك أنساها ما اگدر
ماتفارگ عيوني وبيها حيرانه
ا##################
حيرانه من اجيتك واعثر بجدمي
اشوفك ياولينه وهذه كل همي
من شفتك طريح مگطع ومدمي
ناديتك يخويه حسين هاي آنه
ا##################
زينب هاي آنه ويابعد زينب
ليش تلوج خويه وساعه تتگلب
أثاري جروحه كثره وبس جرح يصعب
يوميلي عليه وروحه خلصانه
ا##################
گلي هلجرح يختي اليألمني
گلبي من السهم تدرينه باهضني
لاچن مو مهم حالچ الي يهمني
سبيه شلون عگبي بولية اعدانه
ا##################
يازينب يخيتي اوصيج بعيالي
لو سار الظعن عينچ عله اطفالي
تدريهم ترافه تربو بجالي
واخاف الشمر مايرحم يتامانه
ا##################
ياروح الزچيه راسك المگطوع
فوگ الرمح يزهر بالسمه مرفوع
أصد الشيبتك وتسيل مني دموع
ياوسفه العده عگبك الترعانه
ا##################
ما حَسّبت يوم اتفارگ آنه وياك
ولا اگضي العمر ياهيبتي بلياك
شلون انساك وآنه عايشه بذكراك
أظل سنين دهري عليك ولهانه
ا@@@@@@@@@@@@@
🌑 الأبوذية
شاحسب چم جرح گلي واعدلك
ومالي حيل أگلبنك واعدلك
جم مرة أذَكرَنك واعدلك
دَلَحگ حرگوا خيامي عليه
#سمير_الصالحي
#النجف_الأشرف
⬛️🔳القصيدة🔳⬛️
ألآ ياليلةَ العَشر ِالرَهيّبـَه
علِمت ُبصُبحِكِ أبقىٰ غريبـَه
فمُذ دخلَ الحُسين ُعليَّ فيكِ
يُصَبِِّرُني علىٰ هَول ِ المُصيبـَه
ويُصلِحُ سيفَهُ والغَمُّ باد ٍ
عليّهِ ويتلُو أبياتاً عَجيبـَه
ألآ يادهر ُ أف ٍ من خليل ٍ
فإنَّ مَنيّتي باتَت قَريبـَه
غَزَاني حينَها كَدَرٌ ومَرَت
علىٰ قلبي سُوَيعاتٌ عَصيبـَه
وأوصاني فلم أملِكْ دُموعي
وقد ضاقَت بي َالأرضُ الرّحيبـَه
وكَرّر َ قآئِلاً أُختآه ُ صَبراً
سَتغدُو شَيبَتي بِدمَي خَضيـبَه
ويَقطَعُ مَنحَري بالسيفِ شِمرٌ
وتُمسّي جُثّتي أسفاً سليـبَه
#سمير_الصالحي
#النجف_الأشرف
🏴نعي نصاري
حاچيني تگله ياضوه العين
صدگ باچر تظل مطروح يحسين
واخوتي وياك عل الغبره مطاعين
واشوفنكم ضحايا هنا مچاتيل
وصدگ بالنار باچر تشب لخيام
وعله صدرك تدوس خيول ظلام
يخويه شلون گلي عيوني تنام
وعصر باچر تظل ايتام وعليل
يزينب گال هذا الأمر مكتوب
وعلي گلبچ يخيتي باچر يذوب
وسبيه خلافي وتگطعين الدروب
وفوگ الرمح راسي گبالچ يميل
#سمير_الصالحي
#النجف_الأشرف
⬛️🔳القصيدة-4-🔳⬛️
وحلّت ليلةٌ ليسَت طويلَه
. كخاطفة ٍتمرُّ علىٰ العقيلَه
بها قلبٌ لزينبَ في وُجوم ٍ
لأجلِ السبطِ إذ تخشىٰ رحيلَه
وعندَ علي ٍالسجادِ جآءَت
تُمّرضُهُ وقد أمسَت نحيلَه
بليلة ِعاشر ٍ يأتي حسينٌ
ليلقىٰ أختَهُ ويرىٰ عليلَه
فحدثّها صباحاً سوفَ تجري
بلياتٌ رزياتٌ ثقيلَه
غداً ياأختُ أذبَحُ مثلَ كبشٍ
بأيد ِ الحقدِ من أهلِ الرذيلَه
حكىٰ عن منحرٍ بالسهم ِ يُرمىٰ
فوآويلآهُ لم يُسقُوا فصيلَه
غداً عباس ُ عندَ الماء يأبىٰ
ليشرب َ منهُ أو يروي غليلَه
غداً مُهري يعودُ لكُم بغيري
ويسمعُ كلُ أبنآئي صهيلَـه
وتُمسي نِسوتي ما بينَ ولهىٰ
وتآئهةً ستبقىٰ أو قتيلَـه
وأنتِ ياابنةَ الزهرآ كأني
أراكِ فوقَ ناقَتِكِ الهزيلَـه
يُطافُ بكُنَّ في البلدان ِأسرىٰ
بغير ِ حُماتِكُنَّ ولا قبيلـَه
وزينُ العابدينَ عليهِ قيدٌ
وجامعة ٌ ولن يُخلوا سبيلَـه
فكوني للعيالِ كما أخيك ِ
فأنتِ بعد َ منقلبي الكفيلَه
ألا ياليلةَ الأحزآن ِطولي
فليسَ بصُبحِكِ من أشتكي لَه
—————————
⚫️هي تقول ..
يحسين حاچيني بصراحه
باچر لون يطلع صباحه
يمكن بعد ماشوف راحه
وتزيد يبن امي النياحه
⚫️وهو يجيب ..
زينب يگلها خلافي صبري
لو شفتي دم النحر يجري
عاشر محرم بيه أدري
يخلص يخيتي العصر عمري
#سمير_الصالحي
#البصرة_الفيحآء
لمواساة صاحب الزمان لعزاء جده الحسين عليه السلام
طور : شور ، يبو فاضل
.
.
يبو صالح .. يبو صالح
يصاحب هالعزيه
تِقبّلنه المسيه
نواسي گلبك اليوم
ببواچینه والإهموم
بحزننه ودمعة العين
ونوايحنه على حسين
بنعينه ولطم الإصدور
على اللي مات منحور
نواسيك اعله جدك
مُصابه اشگد يِضِهْدك
لمُصابه تبچي ادموم
تشوف امصابه كل يوم
اويلاه اعله جرحك
مُصابه اشگد يِذِبْحك
لجل عينه يمولاي
فقط طلبتنه بس هاي
رزق منك طلبنه
عليه احرِگ گلبنه
عليه ارزقنه دمعه
عليه ارزقنه فجعه
نون بيها اعله نحره
نون بيها اعله صدره
نواسي بيها بالنوح
دليلك آيا مجروح
ونظل بالدمعه ندعي
لظهورك آيا مهدي
____
تمت ببركات مولانا صاحب الزمان عجل الله تعالى فرجه الشريف
#فاطمة_كريم
٢٠٢٣م
لاستشهاد الامام الحسين عليه السلام
أَعَلَيُّّ ؟ أُمّ رَسُولِ اللَّهِ هَذَا ؟ أَم حُسَيْن ؟
قَتَلُوا فِي قَتْلِهِ الْكَرّار و الْهَادِي الْأَمِين
أعَلَيُّ ؟ أُمّ رَسُولِ اللَّهِ هَذَا ؟ أَم حُسَيْن ؟
★★★★★
قَتَلُوا الْمُخْتَار عمداً حِينَمَا غَالَتْهُ يَد
جُزيّ الْمُخْتَار عنهم بالطفوفِ أَيْ رَدَْ
غَيْر طَعْنٍ وسيوفٍ غَيْرِ هَذَا ماوَجَد
هَجَمُوا سَبْعُون الفاً لَمْ يَغِبْ منهم أَحَدْ
قَطَّعُوا جِسْمَاً شريفاً خَضَّبُوا مِنْه الْجَبِين
أعلي ؟ أُمّ رَسُولِ الله ؟ هَذَا أَمْ حُسَيْن ؟
★★★★★
قَتَلُوا الْكُرّار حقاً فاتَهُم يَوْمَُ الْجَمَلِْ
حِينَمَا أَفْرَى جُلُودًا مُرسلاتٍ لِلْأَجَلْ
اضمَروا شَرّ النوايا بَعْدَ شَكٍّ وجَدَل
وَكَبِير الشَّرّ نَادَى يايزيدُ لاتُشَل
فَهَوَى السّبْط شهيداً وَهُو دامِي الْوَدَجَيْن
اعلي ؟ أُمّ رَسُولِ الله ؟ هَذَا أَمْ حُسَيْن ؟
★★★★★
قطعّوا الْمُخْتَار ارباً وَاذاقُوه الْحُتُوف
حِينَمَا ظَلَ وحيداً واقفاً بَيْنَ الصُّفُوفِ
مُهْجَة الْمُخْتَار ظلماً صار نهبا للسُّيُوف
ماقضى طَه بنجد طَاح فِي أَرْضِ الطفوف
سقط الْمُخْتَار أرضاً أَم أَمِيرَ الْمُؤْمِنِينَ ؟
أعلي ؟ أُمّ رَسُولِ الله ؟ هَذَا أَمْ حُسَيْن ؟
★★★★★
أَيْ حِقْدٌ كَان فيهم كَانَ فِيهِمْ أَيْ شَرّ
نَقَضُوا عَهْدَا عظيماً وَرَمَوْه بِالْحَجَر
فَلَه لوكان ذَنْبُ كَان لِلذَّنْب أَثَر
مَا أَتَى شَرْعًا جديداً أَو بِأَحْكَام كَفَر
أَنَّه حِقَدُّ دفين يَوْمَ بَدْرٍ وَحُنَيْن
أعلي ؟ أُمّ رَسُولِ الله ؟ هَذَا أَمْ حُسَيْن ؟
★★★★★
يالهم مِنْ قَوْمٍ سوء أَنَّهُم شَرّ الْمِلَل
تَبِعُوا الْبَاطِل حتى ضَرَبُوا فِيهِ مِثْلُ
وَتَعَدَّوْا حِين قالوا أَي وَحْيٌ مانَزَل
أَيْ ذَنَبٌ كَانَ منه سِبْط طَه مافعل
إنَّمَا الْأَشْرَار دوما يَقْتُلُون الصَّالِحِين
أعلي ؟ أُمّ رَسُولِ الله ؟ هَذَا أَمْ حُسَيْن ؟
الشَّاعِر حَسَنٌ لعيبي الحريشاوي
كعديه الرباب .مع ولدها عبدالله الرضيع...
.............................................
ويلي من طف كربله وكَطع المناحر.
امصيبة اوليدي الطفل تكسر خواطر.
ازغيرون عبدالله انذبح ضامي.
ضاعت ابنبلة حرمله احلامي.
..............................................
اوليدي ست اشهور عمره.جان مالي البيت فرحه.
من اصدّ عيني اعله وجهه يشرق بعيناي صبحه.
جنت أضمه ابوسط كلبي.من الهوى عن لا يجرحه.
اكَعد بلهفه كل فجر.
اتأمل ابوجه شكثر.
مافكرت لحظه بهجر.
مو سهم حرمله يذبحه.
والله مامر اعله بالي هاجس افراك.
آنه كل فجريه اكَعد امطر اشواك.
تزهي ابوجوده جانت أيامي.
ضاعت ابنبلة حرمله احلامي.
..........................................
ابني بعده اعضائه ترفه يذوب لو لاحته النسمه.
جنت اخاف ابنحره ابوسه. وشمت امفارِك اشمه.
اترس الريه هوى الله لون بين اجفوفي الّمه...
جنت اشبّك اجفوفي بوهم.
ماحضنه خاف يحس الّم.
شلون احتّمل حرّ السهم.
ريت هالموقف أفهمه.
ريت عيني شافته من انحز وريده.
صدّك فز؟ وطّلع من أكماطه ايده..
ضليت افكر وانشد اوهامي.
ضاعت ابنبلة حرمله احلامي.
...................................
جان لونام اعله جتفي.يبقى ما خليه بمهده.
لايفزّ ...منعنده أحاذر. بين ذرعاني اوسده.
حتى لوسولفت سكته. خاف من الصوت أكّعّده.
تاليها لحلوك النبل.
من بين أديه يرتحل.
جابوه ابلا راس الطفل..
ارد أبوسه وين خده.
كمت أقبّل بالنحر وتناشد أوياه.
يمّه صدر أمك يدر معقوله تنساه.
وي فيض دمه فاضت الأمي.
ضاعت بنبلة حرمله احلامي.
........................................
اوليدي خلو وحده يمي خل ينام ابنومته.
راح اتاني اشوكت يكَعد. حتى اسمع ضحكته.
حتى أشمّه .حتى ابوسه .وترد روحي ابشبكته.
شو..طوّل ابني ماكَعد.
شلته أعله صدري من المهد.
حسيت ..دلالي انمرد..
ماتحرك حين شلته..
صحت ياعبدالله فزّ من نومتك هااي.
حان وكت أرضاعتك درّن ثيداياي..
جاليش نايم والنحر دامي.
ضاعت ابنبلة حرمله احلامي.
.....................................
يمّه فدوه رد عليه .مابقت بعيوني دمعه..
انت ميت ما اصدك .هذا كلبي اشلون اقنعه.
شلون اعيش ونغم صوتك.يمرّ يوم وما اسمعه.
يايمه وشلت الدمع.
اقنعني وشلون اقتنع.
عبدالله راسك منكطع.
والسهم حاّر اشيجرعه..
يمه ياريت السهم حز نحري وياك.
ولا اظل عدله واعيشن ساعه بجفاك.
ميت اخلافك كل شي كدامي.
وضاعت ابنبلة حرمله احلامي.
...........................................
يبني يقران الفجر.
ماينفع اخلافك صبر.
لورحت ماريد العمر.
............................................
✍ ابو منتظر الحجامي
فزاعيات ليلة العاشر
چبير الساده طايح حيل شدوهه
ولطمتكم تطيب اجروحه خلوهه
لخو زينب الگاع اليوم هزوهه
يستاهل حسين اشما نسويله
يستاهل احسين اشما نسويله
اليوم احسين رايح ينطحن بالخيل
ومن العطش طايح وسفه مابي حيل
وچم حافر يسحگه من الضهر لليل
مذبوح الحسين وعل رمح راسه
مذبوح الحسين وعل رمح راسه
يازينب اتلگي الزهره اجت لحسين
يلچمها ضلعها وتلطم اعله العين
ييمه هل مصايب هاي اجتنه امنين
بس تسعه الاصابع خنصره مسلب
بس تسعه الصابع خنصره مسلب
كلهه اتصيح وين ام عون طلعوها
وكلما تحچي كلمه حيل اشتموها
وبحبال السبي الخشنات گيدوها
وخلو الصوط يترك چم اثربيها
وخلو الصوط يترك چم اثربيهه
مشت زينب ادور عالجثث بليل
مهضومه وچبيره وراح منهه الحيل
سمعوهه حچي من عنده ضاگت ويل
و ياوسفه الشمر بالصوط يسبيها
ويا وسفه الشمر بالصوط يسبيها
الصار ابزينب ابدن ماجره ولاصار
مناكه حرگ منانه سحگ ازغار
اول مره زينب ياخلگ تحتار
تره الشمات ضحكو زينب اوحيده
تره الشمات ضحكو زينب اوحيده
سلام البهادلي
شعيرة الـتطبير
شوط ڪربلائي
يادم هامتي المسفوح واسي المنـــگطع نحره
التحنت شيبته بالــدم وحوافر داسن ابصدره
ــــــــــــــــــــــــــــــــــــــــ
دمنا اشما يهل عاشور يتجاره لمصاب احسين
إله ابڪل گطره بدمانه دين وما نوافي الدين
التصوب بالحجر راسه ونزل دم جبهته اعله العين
عمت عيني اعله ابواليمه
وجهه اتخضب ابــــدمه
لَچَن بــــ اُم الخدر همه
حتى ابگطعت اوريده سارح بالحرم فڪره
ــــــــــــــــــــــــــــــــــــــــ
زنجيل ولطم والنوح شعائر ترفع الـــــــــهامه
ويَمَحلى الهامه لو لــــــــــحسين من تتطبر الهامه
الغريب المنذبح عطشان وعلى اخته احترگت اخيامه
خيامه ابساعة احترگن
زينب والحرم فرن
يروحن وين ما يدرن
ويشوفن خالي من احسين راجع للخيم مهره
ــــــــــــــــــــــــــــــــــــــــ
أنه ابدم هامتي اليجري اطالب للحُسين الثار
واگله الغالي يرخصلك مثل ما گالت الأنصار
أحرار ونظل ماشين ابدربك يا ابو الأحرار
يلــــــ دمك حيّا الأسلام
نظل للموت الك خدام
وحگ دم اڪبر وجسام
تظل ابڪل گلب مولاي بينه لمحنتك جمره
ــــــــــــــــــــــــــــــــــــــــ
يلــــــــــــ تِشكل علَيّ وتگول حرام النفس تاذيها
التِطَبِر انظر الها وشوف ابسلامه وكلشي ما بيها
المشاعر تختلف والناس ابطرق مختلفه تبديها
معناها علي لتلوم
لو بالهامه شفت ادموم
للــــ من العذب محروم
احسين التحضر ابلهفه ابكل ماتم أله الزهره
ــــــــــــــــــــــــــــــــــــــــ
خدام ويظل لحسين دمعنا ابحرگه جاريّه
وابد لا مانسينا ام عون أخته الكلها حنيّه
يويلي من بعد عباس شمر ياخذها مسبيه
صح مسبيه بس ياناس
ماذلت اخت عباس
زينب تبقه رفعة راس
من تتڪلم ، الطاغين تصير اوجوههم صفره
ــــــــــــــــــــــــــــــــــــــــ
سيد علي عبدالزهره الناجي
قصيدة ( وينه عبدالله ) تد حوار بين ام عبدالله الرضيع والسيده زينب عليها السلام
خالي المهد ويــن المهد راعيــــه
بجمــر الولــد آ يالولـــد مچويـــه
يــزينــب وينـــه عبـــدالله
يــزيـنب ضــامي عبــدالله
****
ويــن الورد ويــن النبل
شجــاب المنيــه للطفل
عبدالله مو مالت چتــل يويلي
نحــر الولــد كلش تــرف
ينباس مـو مالــت نـزف
بوليدي ضيعــت العـرف يويلي
وينــه عبدالله اليلالي بطــوله
هـــوه هــذا المنذبـح معقـولـه
الگلبه فاگــد عالصبر يحچوله
افـــارگ روحــي عبـــدالله
يـــزينب وينـــه عبــــدالله
****
من العطش چبــده انفـطر
ليــش أنمنــع عــنـه النـهـر
بسهم الضمه وسهم النحر ممـاتـــه
صفحـــت حياتـــه تنطوي
ومــنْ العذب مـــا مـرتوي
ما مات گلبي شگد گــوي ممــاته
انذبحــت بنبلــه يــولـي سنيني
چنت اناغيلــه وهــو ينـاغيــني
مهده ياذيني من اصدله ابعيني
حيـــاتــي كلـــها عبــــدالله
يــزينـــب وينـــه عبــــدالله
*
يوميــه اصــدله بالنظـر
خاطر اشوفه شگد كبر
افرح لون ثـــوبه گـصر ولــولـي
بــاچــر اگــولـن هيبتـي
حـرزي يصــير وخيمتي
من جفني تنزل دمعتـي ولــولــي
ليش دمعـاتي تغـرگ أعيــوني
من اشوفه تــروح بيه اضوني
يروح فدوه الون وجهك لوني
أنـــادي روحـــي عبـــدالله
يــزينب وينــــه عبــــدالله
****
متعلگه روحي وي المهـد
وتــروح لـــو راح الــولــد
المّــن أعيــش آنـــه بعــد مصــابـه
مـن شاله ضنوت فاطمـه
يرويه گلــت مــن الضمـه
رد ليّـــه ومغسلــــه دمّـه مصابــه
شحالها المذبوح ابنها الغالي
حالــها ادري يشـــابه حالــي
للعمــر مــا ظل بعد كل والي
اصيــحــاً روحـــي عبـــدالله
يـــزينــب وينـــــه عبــــدالله
****
يـا عمتــه مذبــوح الهــوه
دلاّلــي منـــه مـــــا روه
چبدي بجمر چبده انچوه ورحيله
كل ما اصد مهده احترگ
بچفــي علــى عيني ادگ
هسه آنـــه موتنـي صدگ رحيله
بنبلــة المنحــر تهـــدم حيـلي
العمري ناطرته رحل يــا ويلي
مهده خالي وانه اصدله بليلي
ألولّـــي روحـــي عبدالله
يــزينب وينــــه عبــدالله
****
الشاعر
موسى البديري
يوم العاشر موت // وحسين ابلا صوت
داست صدره اگبالي الخيل
هالموقف هـد مني الحــيل
يوم العاشر موت
©©©©©
رد ميـمونه …. خالــي ابـدونه
شفته وحدب ضهري ابهاي
هلت عيني .… الفگد حسيني
وضلـت تهمـــل دم اومــاي
امن الخيم صحت ابصوت ضليت احاجيه
في الك طـــــولي اليوم يحســــين اسويه
كم وصله جسمك صــار وشــكم جرح بيه
وللسلب ثوبــك ناس تتـــــراكض اعلــــيه
لاتبطي عنه اشعطلك
ضيمي اهواي ـ رد اوياي ـ ياخويه يحسين
ياماي عينـي اتوسلك
شيل الواي ـ كثره اعداي ـ حاطتني صوبين
عاتبته ابمبچاي … ويجاوب بهداي
گلي اتعـــــــذر منچ حيل
هالموقف هد مني الحيل
يوم العاشر موت
©©©©©©
فاضت روحه …. كثره اجروحه
شفته امــــــــدد عالتربان
رحت اتعــــثر …. ظهري امكسر
هد حيلي اصواب الوليان
امعــذب دليلي اهـواي ومشــيب الراس
لايمي اخــوي احســــــين لايمي عباس
حرمه وحــرت مابين خيل ودمه وناس
عگب الاهل ضليت مجروحه الاحساس
الف وتســــع مية جرح
ابجسمه الگيت ـ وحتاريت ـ شيضمد الجروح
نوره امن ألمخيم يشح
صعبه اهواي ــ تاه الراي ــ ومعذبه الروح
وحدي ابنص اجناب… والعدوان اذياب
نسـوه وغـربه وخوف وليل
هالموقف هــد مني الحـيل
يوم العاشر موت
©©©©©
جسم احسيني …. شفته ابعيني
رضنه اخيول العدوان
كســــرن ظلعه …. وسـلبو درعه
وظل امطبر بالميدان
مـن كثر طعن السيف لا ما عرفــته
شيـبت مــن بلــــواي لمن وصــــلته
اســــــمع يون بهـــداي لمن حضنته
ولن خنصره مگطوع بعيوني شفته
من حاطته اخيول الكفر
من كل صوب ـ حتى الثوب ـ من عنده سلبوه
طلعن بناته امن الخيم
صاحن صوت ــ گبله انمـوت ــ والدنه خلوه
هذا ابن الزهراء …. لتسفكون ادماء
ومدمعهن عالوجنه ايسيل
هالموقف هـد مني الحــيل
يوم العاشر موت
©©©©©©
ارجـــع وآني …. ابلايه اخواني؟
من هاي اهون عندي الموت
اشلون الغالي …. ايمـوت اكبالي
وما احمل نعشـــه ابتــابوت
مـن زغــر سني المــوت ياريته اجاني
اولاشوف اخوي حسين ينذبح ضامي
بالطــف تركنـــي وراح زهـــرة زمــاني
ما يـــدري بالچـــــــتال مــن شتــماني
وتحيــــريت ابغربتي
ابلايه اخوان ـ والنيران ـ شبت بالخيام
وطفالي فــرت بالفله
مــذعورين ـ ملچومين ـ من هول الايام
عندي اهواي اطفال …. امضيــعين الكفال
شافو بس سوط وتكبيل
هالموقف هد مني الحيل
يوم العاشر موت
©©©©©©
لو چن ليلي ــ ينهد حيلي ــ اول ليله اتمرني ابخوف
ليل الحادي ــ ابهذا الوادي ــ مرعوبه اومابين اصفوف
ماضل شــــريف انخاه اويفزع اليه
يحرسلي هالنسوان من جيش اميه
لاســــــتر لاصــــــــــيوان خلو عليه
وخــــواني عالتـــــــربان كلهم رميه
ضعيت چم طفله وطفل
بين الخيل ــ بهذه اليل ــ ما عندي كفال
يرضاهه سبع الگنطره
ايضل مطروح ــ وخته اتروح ــ مچتوفه بحبال
بعده اتستر بيش ــ وآنه ابنص الجيش
اخلاف الكافل شفت الويل
هالموقف هـــد مني الحيل
يوم العاشر موت
®®®®®®
الخادم
كامل السعيدي
ليش الاوداع
يخلص ابساع..وي النحبهم
واليحنون
مايضلون.. يبعد دربهم
آه ياليل..آه ياليل..آه ياليل
ــــــــــــــــــــــــــــــــــــــ
ودعوني..ولوعوني
واعيوني من كد القهر
تبجيلهم كامت صور
فاركوني فاركوني
آه يباجر الله ساتر
واحد يطيح اعله النهر
وواحد اشوفنه وذر
بالحوافر بالحوافر
من هسه خاصرتي ابتدت.. توجعني واتفحطني
الليله بأمان امدلله..وباجر حبل يربطني
باجر اهات
كله طيحات .. درب الاسيره
وعثرة ام عون
تعمي الاعيون..كلش جبيره
آه ياليل آه ياليل آه ياليل
ــــــــــــــــــــــــــــــــــــــ
كل حناني..ماكفاني
هالليله عيني امساهره
وكل امنياتي امطشره
يااماني.. يااماني
الدنيه هيمه.. عيني غيمه
لاني الغفيت ولاهدت
وأمن الاغروب اتفكدت
خيمه خيمه..خيمه خيمه
الليله الحسين وكافلي.. ابجي بالم سمعوني
واحد شبكني بخوته..وواحد مسحلي اعيوني
عندي خطار
مواهل دار..جنهم اخوتي
ابحيره ضليت
اشكد تمنيت.. ياخذني موتي
آه ياليل اه يا ليل
ــــــــــــــــــــــــــــــــــــــ
وجه الاكبر..الليله يزهر
وباجر عله الدنيه العفه
أمه بحبال امتجتفه
وهوه بالبر..هوه بالبر
وجاسم ادري..يحني ضهري
لمن يزفونه ابنعش
ماوصل عمره اخمسطعش
ايكسري..آيكسري
جاي أشعر ايقل الهوه..الياخيمه اطب تخنكني
واتصورت باجر شمر..كدام اخوتي ايطكني
والصور هاي
تبقه وياي..لآخر حياتي
صعدة النوك
وطبت السوك..آنه وبناتي
آه ياليل اه يا ليل
ــــــــــــــــــــــــــــــــــــــ
والاذيه.. ايعز عليه
عبدالله من هسه ذبل
ومن أمه ماخذني الخجل
وشبديه وشبديه
ريجه يابس..وكلبي حاسس
باجر يذبحه حرمله
ومن هسه جاي اتخايله
بس يرافس بس يرافس
طلعيت بره أمن القهر..واعيوني صدت عالتل
باجر اروحنله ركض.. واقره أعله اخوتي المقتل
واصرخ ادخيل
منهو الايشيل..حملي ابدالي
وين الإخوان
عكب الاحنان..ضايع دلالي
آه يا ليل آه يا ليل
ــــــــــــــــــــــــــــــــــــــ
لاتجيني..وتعمي عيني
ياصبح عاشر من تطر
جم ركبه يكطعهه الشمر
ياونيني ياونيني
احسيني باجر..ماله ناصر
يمشي ويميل أمن الضمه
وامنكعه اهدومه بدمه
يبقه حاير.. يبقه حاير
تتكاثر اعليه الزلم.. باجر حبيب الزهره
وكلهه تنادي عالاخو..ياشمر اكطع نحره
مايرحمون
من يصيرون.. وليه اعله اخينه
محد وياه
واحسيناه.. يابوالمحنه
آه ياليل اه يا ليل
ــــــــــــــــــــــــــــــــــــــ
والله حيره.. اشكد جبيره
باجر اذا طاح العلم
اتطيح المحامل والخيم
وامشي اسيره..امشي اسيره
اعيوني يعمن.. اركض المن
احمي الازغار امن السحك
السجاد اخلصه أمن الحرك
ميته احسن..ميته احسن
اركض احامي اعله العبي.. لو عن تراجي ارقيه
وحدي أنه وابنص معركه.. والسوط يضرب بيه
وتبجي الاكلوب
وكت الاغروب.. من كد قهرهه
عندي نسوان
وماكو خوان.. تحرس خدرهه
آه ياليل اه يا ليل
محمد الجماسي
#اللهم_عجل_لوليك_الفرج
حايره ومشدوهه راي
زينب .....اهنانه تعاي
فدوه بس جيبلي ماي......يبست اشفافي
*******
السهم ضاهدني خويه والجسم اصبح نحيل
گمت بس مابيه نهضه والعطش هداني حيل
سابح بدمي يزينب والمهر گامت تميل
الآه من صدري ضعيفه طلعت بحسره
وعويل
حدبت والمهره تسعه
صوتي يا زينب تسمعه
والسهم حيره شيطلعه.....يبست اشفافي
*******
عاري عالغبره يخيتي لساني يگطر مستحاي
جيبي من عندج عبايه ظللي زينب گفاي
عالترب خلوني مرمي ينچوي ظهري ابدماي
صحت اسمعوني يعالم ليش ماتسگوني ماي
نايم بحر الظهيره
زينب اتناديني حيره
حشمت بدر العشيره.....يبست اشفافي
*******
((جاوب زينب ع))
اني فوك التل يخويه ونذهل فكري عليك
شلون اوصلك حبيبي اعثر بدمعاتي اجيك
الظهيره اشلون حمره وانه محتاره اعتنيك
خاتمك ياخويه شفته ليش مبتورات
اديك
والعطش يبس لهاتك
وانت محتار بخواتك
مارويت انت بحياتك.......يبس اشفافي
*******
اندهت ياخويه اجيتك يبتدي خطوه الجرح
والشمر ثاني ركبته فوك صدرك للذبح
ماتت اسنيني عله نحرك ونذبح حلم الصبح
منظر اگبالي عجيبه راسك يشيله الرمح
قصتي صارت عجيبه
الموت گرب بالمصيبه
بالجمر چبدي لهيبه.....يبست اشفافي
*******
من الخيم مذعوره جيتك يصهل اگبالي المهر
الخيل صلفه عليك ويلي داست بصدرك
نهر
عاري جسمك ليش طايح ينچوي بحر الظهر
من گفاك السيف حزك وانه موتني القهر
صاح ماتسگوني ميه
صعبه ياناس المنيه
والعرش يبچي عليه......يبست اشفافي
*******
((جاوب الحسين ع))
فرن هنانه اخواتي طرن اشلون الحرم
طفله عفت النار بيها تنچوي بنار الخيم
وانه مابيه اكومن خويه ذابحني السهم
ما بعد بيه اني نهضه حيلي مجبور انهدم
خويه جيبلي رقيه
بيها ريحه من الزجيه
ارد اضمهه ابين اديه........يبست اشفافي
*******
تمت بعون الله......................
خادمكم.......يوسف الفتلاوي
السلام على #رضيع_الحسين
. عـبـد الـلـه
عـبـد الـلـه
يبني اعله اسمك اسم الله
محروم .. مظلوم
لـيـش بــســهــم مـفـطـوم
*---------------*---------------*
يعبد الله يـفـرحـة عـمـري يا حـزنـي
اهـز مـهـدك يـغـالـي ودمعتي اتهزني
صـرت اغـفـه اعـلـه آه وآه اتـفـززنـي
بـكـثـر مـاعـزّك اگلوُب الأسى اتعزني
و عـيـونـي
و عـيـونـي
تسولـف حـيـرتـي اعيوني
مالوم .. مظلوم
لـيـش بــســهــم مـفـطـوم
*---------------*---------------*
لــو ادري الـعـطـش للموت حـد دربـه
چـان اعصر دليلي ابچفي واتـشـربـه
ردتـك بـيـن اديـه بـحـضـنـي تـتـربـه
شْجنيت وحرمله لنحرك دِمه يخضبه
دلّالــــــــي
دلّالــــــــي
احـتـرگ بـالـحـيـره دلّالـي
مضروم .. مظلوم
لـيـش بــســهــم مـفـطـوم
*---------------*---------------*
مثل مـا نشف نحر الـعـالـتـرب يِـدي
نشف جـفـنـي عليك ودمـع ما عندي
طـــول الـلـيـل گـاعـد ذكـرك بـسـدي
آنـه ويــاه نـسـهـر والـعـتـب يــبــدي
و بـروحـي
و بـروحـي
هــمّــك يـاكـل بـــروحــي
لليوم .. مظلوم
لـيـش بــســهــم مـفـطـوم
*---------------*---------------*
بـيـش اتـصـبّـر اعله افـراگـك وانسه
مو انته الچـنـت لـرويـحـتـي وِنـسـه
بعدني احسب احسابك لو مسه مسّه
احـضـرلـك اگـمـاطـك بـعـد لـيـهـسـه
يـا ظـامــي
يـا ظـامــي
أصــــرخ لـسـه يـا ظـامـي
مهموم .. مظلوم
لـيـش بــســهــم مـفـطـوم
*---------------*---------------*
يبني الما شفت من عمره بـس هـمّـه
ويبني الما سِـمـعـت بصوتـه يـا يُـمـه
مـثـلك يـا رضـيــع الـيـفـطُـمـه دمّــه
الـرزايـه بغيـبـتـك عـالـروح مـلـتـمّـه
عـاشَــرنـي
عـاشَــرنـي
الدمع والـنـوح عـاشَـرنـي
محروم .. مظلوم
لـيـش بــســهــم مـفـطـوم
*---------------*---------------*
. محرم¹⁴⁴⁶
✍️خادم الحسين ع
الشاعر سعد هادي الشمري