5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
🏴 مجموعة من النعي (المجاريد)
الخاصة بليالي شهادة المولىٰ الأمير ع
🌑نعي - مجردات
جبريل صاح بصوت محزون
ياناس ما اظنكم تعلمون
باخبار حيدر ما تعرفون
راسه انجسم واتزلزل الكون
وين اليتامه خل ينوحون
واعله الصميده دموم يبچون
هيهات من بعده يعيّدون
#سمير_الصالحي
#البصرة_الفيحاء
———————-
🌑 نعي- مجردات
فزت الشيعه اعله الصوايح
تسمع ونين من النوايح
لن الخبر محزن وجارح
حيدر علي بدمـاه سابح
وللموت ابو الحسنين رايح
#سمير_الصالحي
#النجف_الأشرف
————————-
🌑نعي. ـــ مجردات
لفانه الطبيب وشاف حاله
وعاين طَـبُرتـَه والجراله
جس الجرح بيده وبچاله
ومنه وسف خابت آماله
#سمير_الصالحي
#النجف_الأشرف
لوفاة عم النبي ووالد امير المؤمين ابوطالب بن عبد المطلب رضوان الله عليه
صغّروا شانك يبو الشان الچبير
والسبب معروف والمقصد خطير
يابوطالب مبتلي انته چي والد علي
صّغّروا شانك يبو الشان الجبير
★★★★★
اهواي عنك گالوا اصحاب الحسد
جامل المختار ما اسلم ابد
جاهلي بلادين انته ومعتقد
بهلفعل معلوم ياهو الي انقصد
قرروا زله على حيدر تصير
حته عدهم ينحسب هو الاخير
انكتب عنك جاهلي انته چي والد علي
صّغّروا شانك يبو الشان الچبير
★★★★★
من كفل طه وحمل لجله الصعب
وشايل ايمان ومحبه ابهلگلب
خطوه خطوه وياه ماعفت الدرب
عفت دارك واسكنت دار الغرب
شلون كافر قيّموك بيا قياس
وانته للتوحيد دگيت الاساس
احقادهم ماتنجلي انته چي والد علي
صغّروا شانك يبو الشان الچبير
★★★★★
دّور التاريخ وابحث عن خبر
اشوكت ابوطالب ترك دينه وكفر
الجده اسماعيل معروف الاثر
الماعبد اصنام لانار وحجر
المالگه زله على حيدر يگول
مات ابوطالب عكس دين الرسول
بنار گالوا تنصلي انته چي والد علي
صغّروا شانك يبو الشان الچبير
★★★★★
بالروايات الضعيفه ابلاسند
بالشهاده تگول عنك ماشهد
ابراسك النيران تاكل للابد
والقسيم هناك حيدر والمدد
رادوا الشبهات عن شخصك تزيد
وعن ابوسفيان كل شبهه بعيد
للصنم گالوا ولي انته جي والد علي
صغّروا شانك يبو الشان الجبير
★★★★★
يلموحد عمرك الفات ومضه
وناصرت احمد ابفعل وموعظه
بنصرة الهادي توصي المرتضى
يل على صدر النبي نحبك گضه
رادوا ايساوونك وي اهل الجحيم
يا ابو الايمان والنهج القويم
ارفضوا شانك يعتلي انته چي والد علي
صّغّروا شانك يبو الشان الجبير
الشاعر حسن لعيبي الحريشاوي
موشح للأمام علي عليه السلام (( والدك يحسين ))
والدك يحسين ... طبروا راسه
اليوم بالگوه يجر انفاسه
لايفك عينه ولاشم الهوه
ولايفيد اضماد راسه ولادوه
والمساجد راح من عدهه الضوه
صبحت تلطم احبابه وناسه
والدك يحسين ... طبروا راسه
صبحت يحسين تلطم شيعته
والدك دمه يبس بعمامته
من يفك عينه تلچمه طبرته
طاح دين الله وتهدم ساسه
والدك يحسين ... طبروا راسه
طاح ساس الدين والناعي نعه
اليوم عالشيعه مصيبه وفاجعه
ايودع اعياله علي وتوادعه
ماگدر يكسر الليله انعاسه
والدك يحسين ... طبروا راسه
ماگدر يكسر انعاسه ولاينام
راسه مطبور ويون گوه الامام
اشلون يتجسر عليه ابن الحرام
هاذه حيدر ضيغم الفراسه
والدك يحسين ... طبروا راسه
هاذه ابو الحملات جيدوم الحرب
اشلون بالسيف اعله راسه ينضرب
مو سهل يومه صعب فوگ الصعب
يوجع اغيابه وكلف مقياسه
والدك يحسين ... طبروا راسه
يوم ابو الحملات يوجعنه وجع
بيش مطلوبه العقيله وتنفجع
چم نحر باچر تشوفه ينگطع
والشفيه يروح درعه وطاسه
والدك يحسين ... طبروا راسه
باچر يطيح الشفيه عالنهر
زينب اخلافه يشبعوها قهر
لليسر والشام ياخذهه الدهر
والضعن خولي وشمر حراسه
والدك يحسين ... طبروا راسه
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
لوفاة ابو طالب رضي الله عنه
يبوطالب عليك الخصم يحقد
عَنْ الْحَقِّ يرِيد النَّاس تبْعْد
دومه طَعَن بالكرار . يقْصْد
هاي أفْكَار أَهْلُ الْجَاهِلِيه
كفْلْت المصطفي بصغره رَعَيتَه
رغُم حَالَك صْعُب . مافارگيته
سَنَدْ يَوْم النَّوَايب ناصريته
وفْي لِلديْن حَدّ يَوْم الْمْنْيَة
لحمِّاي الشَرَف أَفْضَل سَلَامِي
لِدَيْن الْمُصْطَفَى نَاطِقٌ إِعْلامِي
ابوطالب سَنَدٌ طَه ومُحامي
نَذَر عُمْرَة لَجْلْ سَيْد الْبَرْيَّة
الشَّاعِر حَسَنٌ لعيبي الحريشاوي
*فزاعيه للامام علي(والعيد بان علينه)*
*من ديوان 📚 عبرات وأنين ج ٩*
❥━──➸➽❥❂❥━──➸➽❥❂
يابويه عن عيني رحت
والعيد بان علينه
❥━──➸➽❥❂❥━──➸➽❥❂
العين بان هلاله
والدمعات هماله
الحادي نعشك شاله
لتروح وتخلينه
❥━──➸➽❥❂❥━──➸➽❥❂
لتروح بويه يا علي
عگبك تراني انولي
ضليت وحدي بلا ولي
الزمن داير بينه
❥━──➸➽❥❂❥━──➸➽❥❂
الزمن اخذاك وشلت
وعنه عينه وسفه ارحلت
بينه ابد ما فكرت
ياحيد ياوالينه
❥━──➸➽❥❂❥━──➸➽❥❂
يا حيد يربات الحرب
افراگك علينه صعب
يالخذت وصله من الگلب
اغيابك يأذينيه
❥━──➸➽❥❂❥━──➸➽❥❂
ياذي گلبنه اغيابك
اتنوح بويه احبابك
مسدود صبح بابك
والمسجد ايبچينه
❥━──➸➽❥❂❥━──➸➽❥❂
مسجدك خلوان اوحش
من يوم شالوه النعش
وينك يالمرجع الشمس
ما ترد ساعه لينه
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم أو يأخذ الكلمات وينسبها له:🍃*
لطميه للامام علي ع عن لسان حال زينب ع
جم لوعه تحمل ياكلب جم لوعه
يوميه بعزاز الكلب مفجوعه
بس الحزن يبرالي
ويوميه أودع غالي
يوميه بعزاز الكلب مفجوعه
...........
يانار كلبي الماطفت تلهب دوم
مدري الدهر شيريد وعليه يحوم
وعله الزجيه مانشف دمعي بيوم
مالك دوه احاه يكلبي الملجوم
حال الهظم ياحالي
يوميه أودع غالي
يوميه بعزاز الكلب مفجوعه
...........
حسبالي من امي وتكف يادهري
ماادري يتصوب علي ما ادري
دم الضلع وانوب دمه اليجري
صواب فوك اصواب خلص عمري
احاه يجرح الوالي
يوميه أودع غالي
يوميه بعزاز الكلب مفجوعه
...........
ياجرح ابوي ويامصابه ويومه
يادهر من طبرت علي مالومه
ماكسر كلبك خاطر المهظومه
شفت الضلع والراس تجري دمومه
البيت منهم خالي
يوميه أودع غالي
يوميه بعزاز الكلب مفجوعه
............
يصواب ابوي المايطيب ويهده
ثالث اصواب عله الدليل اتعده
شفت الحسن بالطشت طايح جبده
بعد الكلب يادهري كول شعنده
يحسين غيرك مالي
يوميه أودع غالي
يوميه بعزاز الكلب مفجوعه
.............
احاه ياجرح الطفه صبي العين
من ودعت عباس والغالي حسين
خليتهم فوك الثره بلا تجفين
يادنيه من زينب بعد شتريدين
جاكون ميته اشوالي
يوميه أودع غالي
يوميه بعزاز الكلب مفجوعه
✍ام زينب كربلاء غير مبري الذمه من يأخذ الكلام وينسبه له اويحذف الإسم
ايها الصائم لاتنسى الامام ( فصحى )
ايها الصائم لاتنسى الإمام
في ركوع اوسجود أو قيام
وادعو بالتعجيل من رب الانام
ليسود الحق في نشر السلام
★★★★
ايها الصائم ادعو كل حين
ادعو بالتعجيل للحق المبين
يملأ الأرض سلاما ويقين
وينادي يالثارات الحسين
★★★★★
ايها الصائم لاتنسى الغريب
انه الباكي على الشيب الخضيب
لشهيد الطف مذبوحا سليب
ادعو بالتعجيل من رب مجيب
الشاعر حسن لعيبي الحريشاوي
ادعي ياصايم ولاتنسه الامام
ادعي ياصايم ولاتنسه الإمام
بالركوع وبالسجود وبالقيام
بالفرج ادعيله بأيام الصيام
صاحب النور الجلي وبدر التمام
★★★★★
ادعي بالتعجيل رغم الحاقدين
يظهر ويمحي فلول الكافرين
والارض يمليها ايمان ويقين
من ينادي يا لثارات الحسين
★★★★★
ادعي ياصايم ولاتنسى الغريب
عيونه هماله على الشيب الخضيب
للشهيد المنذبح بالطف سليب
ادعي من الله الفرج يصبح قريب
الشاعر حسن لعيبي الحريشاوي
لحن (مولاتي خديجه)
بصوت
ملا كاظم الدراجي
بصره
كلام السيده ام البنين للامام علي عليه السلام في لحضاته الاخيره قبل استشهاده
باللحن البدوي النبطي أو اي لحن آخر
*
يا مرهب الليل ،، كاسر زلم خيل
لتغمض عيونك علي لا تاخذ الحيل
****
يمطوع الانس وجان
ها يلحضرت السلمان
هونك يموت الفرسان
سيفك قضيه
انه الجبتلك عباس
مثلك تره تهابه الناس
ما تضعفك طبرة راس
من جاهليه
يا سيف يوصل هامتك يا سياف
وانته البشر منك علي كلهه تخاف
گوم اعله حيلك منطرح ما تنشاف
يمك يحيدر هلشدد كلهه اخفاف
يا قالع الباب ،، حيدر يبو تراب
يا سيد الجنه وعلي تامر بالحساب
**
ها يا أمير وفّلاح
يا طابر الما ينلاح
ؤسفه اليضدك يرتاح
گوم اعله حيلك
يا قاسم الجنه ونار
يمخلي مرحب يحتار
بالخندق هواي اسرار
صاحو دخيلك
صلى اعله طولك چم نبي من صليت
يشهد غدير الحج الك حتى البيت
ها يا علي شمس الله ترجع خليت
من ياهي اوصفك يا علي ما وفيت
يا هازم الجيش ،، يا حيدره تعيش
بس طه والله اليعرفك گلي اوصفك بيش
*
يمنجي يونس لتنام
يلتنطي والليل لثام
يمك تريد الايتام
يا بو اليتامى
ياهو اليزور المحتاج
ها يا طواف الحجاج
حيدر مخيف الافواج
گلبك حمامه
موسى بحروف اسمك دعى وطر الماي
وعيسى اليرد المات والشافى هواي
كلمن يندبك يا علي يا مولاي
توگفله ميت لو عدل حاضر جاي
ما تگعد اتشوف ،، يم بابك اتطوف
ما نامو ايتامك علي كاتلهم الخوف
****
ليلة قدر لا متموت
بس نادى جبريل بصوت
يا دنيا صيري التابوت
طاح الصميده
واهتزت اركان الكون
وانترست الدنيا ( شلون ) ؟
مات النظر ماكو عيون
حيدر نريده
موش أوليه والگاع والريح احتار
والليل ما يقبل يروح بلا ثار
شمس الله تخجل تطلع وهذا الصار
راس الصلاه مطبور مو حامي الجار
تكبيرة أحرام ،، ويحير الاسلام
يبدي الالم من النجف ما ينتهي بشام
**
يا بعد حيلي اترجاك
لو تبقى ونعيش وياك
لو ترحل لبيتك ذاك
لارض المنيه
تاخذنه وياك نريد
شنهي العمر شنهي العيد
لا ترحل وتمشي بعيد
خلنه سويه
دون الابو كل بيت مظلم تعبان
نكتب حداد وما تحمله الحيطان
ميت علي الكرار مو ياهو الچان
يا بيت حيدر تبچي حتى البيبان
مو شده وتروح ،، يلماخذ الروح
خليت عين بلا نظر واحساس مذبوح
كلمات الخادم / رعد الفريجي
ثوابها الى روح والدتي
لطمية في ليلة جرح الإمام علي عليه السلام
آيبويه يا مصابك يا علي
يا ولي الله يا نعم الولي
آه ويلي شلون ظالم يعتنيك
حين با المحرب ابن ملجم يجيك
هشمه راسك أو يتجاسر عليك
اعليك همي بوية ابد ما ينجلي
✍🏻خادمة اهل البيت عليهم السلام العلويه ام سيد مهدي الموسوي
/////////////////
شلون اكدر انسى طبرت هامتك
روحي شاغت من شفتها اعمامتك
بالدماء املطخه يا جبهتك
وصرخت ايتامك ابحضنك تعتلي
✍🏻زينب الواسطي
/////////////////
صرخت ايتامك تنادي حيدره
انهدم ركن الدين وانا مــكدره
الدنيا مرجونه عليك ومــغبره
هيبتي وروحي يبويه وكل هلي
أم صــ✍️ــــادق المنصوري
/////////////////
انت كل عمري وحياتي ودنيتي
مارضيت بيوم تهمل دمعتي
شلون عايفني يبويه بحيرتي
منهو غيرك اليگلي ادللي
*✍🏻أم عبــــــد اللــــــــــه العابـــــــــــدي*
/////////////////
ايروح ياحيف الدلال ابغيبتك
اشلون اصبر يالحنين الفرگتك
صعبه يابويه عليه روحتك
عيني تفرح بيك من تجبل الي
✍️أم أحمد الساعدي
/////////////////
عيني تفرح من تصد الصورتك
هسه تدمع من تناضر طبرتك
صدگ ناوي اتفارگ انت ابنيتك
وگلبي بعدك بالمصايب يبتلي
خادمة آل البيت ع
ــــــــــــــــــــــــــــــــ
ـ((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ / 4/ رمضان / 1445هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
اليتامه ودعت راعيها ..
سافر اليمطرحنان عليها ..
..............................
ياعلي ماعون جفك للفقير ..
بجالك يعيش بكرامه ومايحير ..
الفقير بدولتك عايش أمير ..
بلا أماره وعازته مغطيها
.......................
ياعلي يالشوفتك للفقره عيد ..
لو رحت تحلم بعد تلبس جديد ..
ينزف على التربه ظل دم الوريد ..
من دماك الطاهره محنيها
.......................
ياعلي ظليت بس أنت الأمل ..
لليتامه أنت الأبو وانت الأهل ..
جان باب الفقره جف خير العمل ..
كل صباح وكل مسه يمر بيها
.......................
راسك المطبور بجفوف الكفر ..
مثل قرآن أنفتح ليلة قدر ..
وأنت ساجد ياعلي سجدة شكر ..
صار نهرين الدمه جاريها ..
...........................
نور وجهك ياعلي يمحي الظلام ..
ياعلي وبسيفك الدين أستقام ..
المايحبك ياعلي نطفت حرام ..
خله يتأكد من أمه شبيها ..
..........................
كل فقير عيونه ظلت شابحه ..
ويسمع أصوات اللطم والنايحه ..
عليك يامولانه يقره الفاتحه ..
العروة الوثقى اليجلب بيها ..
.............................
يجري دمع الفاجعه عللخد نهر ..
جن شهر عاشور هل بهالشهر ..
نلطم على الراس وننوح بقهر ..
وصرخه لعنان السمه نعليها ..
...........................
ياعلي يالحاضر بوكت الشدد ..
ياقسيم النار والجنه مدد ..
شيعتك للموت ماتنسه أبد ..
بالحشر حيدر علي ينجيها ..
...........................
حيدر مطر العبادي
خضب الدم شيبتك والهامه ..
وودّع وياك الفقير أحلامه ..
بمحراب حيدر فاجعه .. التربه بالدم ناكعه
يا أميري ياعلي .. يا أميري ياعلي
................................
ساعة الناده المؤذن صوت حي على الفلاح ..
شد حيازيمه وتعنه حيدر لمحرابه راح ..
راكع وسيف المرادي بالغدر دمه أستباح ..
وسفه قالع باب خيبر حيدر على التربه طاح..
بهالمصيبه وما ضعف أيمانه ..
يلفظ بأسم الجلاله لسانه ..
والحسن هل مدمعه .. التربه بالدم ناكعه
ياأميري ياعلي .. ياأميري ياعلي
..................................
اليوم أركان الهدايه أنهدمت بسيف الغدر ..
وحزنت الكعبه على أبنهه بطل صفين وبدر ..
شمس غابت بس ضواها ظل يضّوي بكل كتر ..
وبقت دمعات اليتيم التنتظر جفك يمر ..
خلاف جفك ياعلي الممدوده ..
ياهو يمسح دمعته من أخدوده ..
دموعه صارت مشرعه .. التربه بالدم ناكعه
يا أميري ياعلي .. يا أميري ياعلي
..................................
مصابك الينزف حميه مانفع بيه الضماد ..
الدنيه غركانه بدمعهه ولبست هدوم السواد ..
االسمه وكل الكواكب تعلن عليك الحداد ..
راح قرآن الهدايه وظلت تنوح العباد ..
انت رديت الشمس بجفوفك ..
الكون كله يشهد بمعروفك ..
الدنيه عكبك ضايعه.. التربه بالدم ناكعه
ياأميري ياعلي .. ياأميري ياعلي
...............................
حتى بيبان اليتامه تضوك من أيدك شهد ..
تعرف الجف اليدكهه أبد ماتنساهه أبد ..
عاليتيم أشكد حنين وبالحرب مثل الأسد ..
وأبد متفارك لسانك قل هو الله أحد ..
علي بأسمك تلهج المعموره ..
طاهه وضّح بيده هاي الصوره ..
بالغدير وبايعه .. التربه بالدم ناكعه
يا أميري ياعلي ..يا أميري ياعلي
................................
علي ماكمّل صيامه وسافر الجنة عدن ..
يساعد الله عالمصيبه قلب مولاي الحسن ..
زينب وأم البنين بدمع من دم من بجن ..
والحسين يهل دمعته رادك ليوم المحن ..
والحسين بكلبه ناصب فاتحه ..
وكل يتيم عيونه ظلت شابحه ..
حلم حيدر ودعه .. التربه بالدم ناكعه
يا أميري ياعلي .. يا أميري ياعلي
...................................
بالركوع انطه زكاته والفقير يمدله أيد ..
صايم بمحرابه تنزف هامته بدم الوريد ..
صار رمضانه محرم والمرادي جن يزيد ..
وصارت الدنيه سبيه وشاخت الجانت عبيد ..
صارت بكل بقعه شام وكوفه ..
سافر التمطر حنان أجفوفه ..
الحجر بفراكه نعه .. التربه بالدم ناكعه
يا أميري ياعلي .. ياأميري ياعلي
.................................
حيدر مطر العبادي
#زينب_تخاطب_ابيها
تدري الموت اشْوالي
بعدك ما يســر حالي
منـي ضــــايع الغالي .. تدري
//////////////
يابويه ماعندك علِم .. شمسوي فگدك بيه
حتى الطيور البسمه .. من ونّي تبچي اعليه
ابمحرابك اشعلك شمع .. كل مغرب وصبحيه
ولسْمَك افز من نومتي .. من ينذكر طاريه
جفني ماطبگ ساعه
الغالي يكلـف اوداعه
گلبــي تحس بوجاعه .. تدري
////////////////
يابويه من طبني الخبر… گلبي انصدع حسيته
بعيوني ضاگت دنيتي... والموت الي اتمنيته
شفت الحسن ظهره انْحِنَى… من طاح شمعة بيته
وحسين يلطم عالوجه… وبحسرتي اتلگيته
وصـرخ راح خيمتنه
غايــب عنه عزوتنه
اخلافك هاي حالتنه .. تدري
//////////////////
ياسورنه البي نحتمي.. ويالنستراح ابفـيّه
ياحيلنه المنه انهدم .. كل حيل ماضل بيه
اشكيلك اعتاب الهجر .. وقره ابلحن لطميه
وبگليبي انصبلك عزه.. يا بالحسن ليليه
ذبّـل…. بالهجـــــر لوني
ابيضّت بعـــدك اعيوني
ابجرحك والله جرحوني .. تدري
//////////////////
العيد گرب يا علي .. وغايب اهلالك عني
وياك اخلصنه ردت .. سهم الهجر يلچمني
إرجَع انادي ابدمعتي .. بس انته ماتسمعني
متعذبه وگلبي انمرد .. بيك الدهر فاجعني
اوصِيْتي لليدفنــــــونك
ابهــــيده لا يلجمــــونك
عمـــــري شيسوه من دونك.. تدري
///////////////////
يابو اليتامه يا علي.. تنشد عليك ايتامك
اتعودو بيهم تِمُر .. برغيفك وبالثامك
حتى الرضيع البلمهد.. يبچي وترضعه ابهامك
ضلو ينادون ابدمع.. شيردها ذيچ ايامك
وحشه الدنيـه بغيابك
تلچــم لوعة امصابك
الفقـره تنحــب ابابك .. تدري
////////////////
الخادم
كامل السعيدي
نزله لليلة الجرح..
سهرت اليتـــامه .... تدعي بالسلامه
واعليا واعليا
@@@
بالدمــــع يدعـــون گامـو يا ألاه المقـــدره
نقسم اعليك بمحمد شافي طبرت حيـدره
اشلون نتحمل غيابه وهوه خيمه النه وذره
من يموت انموت كلنه وخل تلفنه المگـبره
موسهل غيابه .... وفرگته ومصابه
واعليا واعليا
@@@@
ريت طبرونه ابمكانه وفدوه اله اسنين العمر
نلچـــــــم كل ما سمعـــنه يأذن آذان الفجـــر
راحت امنه وهسه ابونه شراح يبقه امن الصبر
اليل لو مرنه شيخلصه وحيدر ابحضن الكبـر
مو وكت رحيله .... وسفرته الطويله
واعليا واعليا
@@@@
بالســماء ناده المنـادي انهدمت اركان الهـداء
وسمعت الايتام صوته صاح حي اعله العزاء
حيدر ابمحرابه طاح اتخضب ابفيض الدماء
هامـته ابسيف المرادي انطـبرت وهز السماء
وضجت المــدينه .... اتنــادي ياوليـنه
واعليا واعليا
@@@@
العــيد گرب والمــدامع لجل حيــدر هامله
العيد وحشه بلا وجوده وبالحزن نستقبله
علـي نعمـه وعلـي آيـه بكل مســيه انرتله
عينه تســـهر عاليتـــامه والفقـــير ايدللـه
ابطبرته افجعونه .... وســفه راح ابونه
واعليا واعليا
@@@@
ماكو بالدينه اليشبهك ياعلي وشانك چبــير
يا بوجف الكله نعمه ويا مــلاذ الكل فقــــير
الدنيه من اتغيب عنهه وحشه بغيابك تصير
ياهو اليعوض مكانك ياعلي ويصـــبح امير
خالي ضل مكانه .... والحــزن غزانه
واعليا واعليا
@@@@
الخادم
✍كامل السعيدي
عمري خدمه ومنبر .. وحيي مجلس حيدر
حان العزاء
حان العزاء
*
عايش ابهاي المجالس عمري خلص خادم
صدري بيه مطبوع چفي من كثر مالاطـم
الراد يحظر هل مئاتم گلبـــه يخلص لازم
حتى يسجل موالي امواسي دمعة فاطـم
اتريد شانك يكبر ... اخلص ابگــد قنبر
حان العزاء
حان العزاء
*
والله كل خدام حيــدر عل نعم محسوده
اتحشدو صوب المجالس بالهدوم السوده
ابليلة الجـرح البليــغ اگلوبـــــهم ممروده
اوحظرت اوياهـم تعـزي فاطمه موجوده
مجلسه بي واهس ... وبينه غيرت عابس
حان العزاء
حان العزاء
*
بيه حرگه وبيه لهفه المجلسـه اتوديني
اومـن أتيـه دربه واللـه گلبــي اليدليني
من اقصر عن خدمـته اوباجر ايلاگيني
ابيا عذر اطلعله لمن يحط عينه ابعيني
والخدم بحساسه ... يمه يرفع راســه
حان العزاء
حان العزاء
*
خادم الخــدام عنــدك يا علي سجـلني
مذنب وأرجـاك اجيت ابمجلسك ادبني
ياهو يقبلــني يحــــيدر كون ما تقبلني
الك خادم عمري خلص ماضن اتفشلني
خادمك سميـني ... هل شرف يكفيني
حان العزاء
حان العزاء
*
بالدعـاء مديت اديــه نضــره منــك رايــد
يا علي اتوسـل اجيت ابـاب عطفك گاعـد
اوياك بالمجلس يحيدر جن احس متواعد
گلبي گلي اليوم تحظـر يمنه واحـد واحـد
شنسوه احنه ابدونك … اي وحق اعيــونك
حان العزاء
حان العزاء
*
الخادم
✍ كامل السعيدي
بَسْمِ اللهِ الرَّحْمَنِ الرَّحِيْمِ
[ ميثاق الولاية ]
إنوخذ ميثاق الولاية امن الذّر
وكلمة [بلى] تشهد بيوم المحشر
___
بـ ياعلي صحنه والخلگ سِمعتنه
والعَتنه مسموم وتره بـ سِم عَتنه
خلّيها تِشوّه بعد سُمعتنه
كلشي وولا تنمس ولاية حيدر
___
بيا ذنب چف اهل الحقد مارِدنه ؟!
كل هذا بس عن الوصي ما رَدنه
نَفْس النّبي وغيره أبد ما رِدنه
هوّه القسيم وساقي حوض الكوثر
___
إنعبِّد دربنه بحُب علي وانجامل
وميهنه نِدْنَه اعله العشگ وِان جامَل
بهاي الولاية ما نِزل وانجامل
إتعلَّمنه من فاطمة وهيّه المصدر
___
العَشرة شمع للمرتضى شِعلينه
ونوره بظلام اهل الفتن شَع لينه
بالواله غيره وبايِعه شَعلينه
متفيده كلمة [ٱرۡجِعُونِ]، ويخسر
___
شيعة علي يبقى العلي حامي الها
وهاي السّموات بـ علي حاملها
ونار الغضب للعادته حامي الها
أهل الحطب بيها الحطب يتسعّر
___
لرجعة علي يبقه النّظر متربّي
بحُبّه متت چي گال الي: مُتْ ربّي
العَن حقّه دافَع من صدگ متربّي
طاهر حليبه ومظهره والجوهر
___
مائدة عِلمه والعقل جاع الها
وگلوبنه الطيبة البُعُد جا عَلْهَا
وِوْلايِتَه ربنا فرض جاعلها
وندري البراءة شرط بيهن نستر
___
شي طايح امن المعبر و شي جازي
والما جِزَه بنفسه بَعَد شيجازي
العَنَّك يِدافع ياعلي شيجازي ؟!
إمن احسانك المـيحدّه حَد يا قسور
شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي
حديث ونعي لضربة الامام علي ع
❥❥ـــــــــــــــ❁ــــــــــــــ❥❥
نعم ياموالـيـن عـندما تقـدم مولاي امير المؤمنين تقدم الى المـحراب قــام يصلي وكان ع يطيل في ركوع وسجود في
صلاته فــقام ابن ملجم لأنجاز اكبر جريمه في تاريخ واقبل
مسرعا يمــــشي فأمــهله حــتى صلى الركعة الاولى وسجد
سجده الاولى ورفع راســه الشريف الله اكبر فوقت ضربه ع راسه واماماه فوقع الامام على وجه قائلأ فزت ورب الكعبه
كاني بلسان مولانا امير المؤمنين ع عندما وقع على الارض
كاني بلسان الامام علي يخاطب ابنه الامام العباس يخبره بما حصل في هذهِ الليله المؤلمه والمفجعه واماماه شگله
❥❥ـــــــــــــــ❁ــــــــــــــ❥❥
عـبـاس يــبــنـي مـاتـجــيــني
راسي نطبر ودمي اعله عيني
بمحرابي اوگعت اجهر ونيني
❥❥ـــــــــــــــ❁ــــــــــــــ❥❥
ابـن ملـجـم بـسـيـفه ضـربني
ومـن طــگـتـه لــلـگـاع ذبـني
حـيــلي نـهـدم خلصان يـبني
❥❥ـــــــــــــــ❁ــــــــــــــ❥❥
بمحـرابي طحت منهدِ الحيل
مـاگـدر اگـومـن دمـي يـسيل
وعله لفاجعه محزون جبريل
❥❥ـــــــــــــــ❁ــــــــــــــ❥❥
مني عمامتي يوليدي طاحت
راسي نفتح ودمومي ساحت
ارض وسـمــه هـليـوم ناحت
❥❥ـــــــــــــــ❁ــــــــــــــ❥❥
نــرج الــكــون بوكـت الاذان
صاحت الاملاك منفوگ لعنان
حيدر وگع ودين الله حـزنان
❥❥ـــــــــــــــ❁ــــــــــــــ❥❥
بـقـلـمـي الـحـسـيـنـي الـفـقـيـر ✍️🏻 الـشـاعـرة والـمـلا بـنـيـن
لوفاة ابوطالب رضوان الله عليهم ( وزن الاصلم)
الكافل يتيم وماعجز عنه
حتماً يفوز ويدخل الجنه
والكافل المختار لاماتمسه النار
حتماً يفوز ويدخل الجنه
★★★★★
رغم الفقر والعوز والصعبه
وعسر الأمر والحال والغربه
ماقَصَّر ويشهد عليه ربه
گال اني من المصطفى وحزبه
وبهلنهج من سار لاماتمسه النار
حتماً يفوز ويدخل الجنه
★★★★★
هذا ابوطالب ياخلگ جوده
مايختلف شخصين عن زوده
الشاهد اشعاره مخلص اعهوده
بأيمانه صارن أول اشهوده
الثابت ومامحتار لاماتمسه النار
حتماً يفوز ويدخل الجنه
★★★★★
يشهدله صبره وكثرة ايمانه
العبدوا صنم للموت عدوانه
وكت الحصار العزم عنوانه
لحد المنيه ثابت أركانه
ألعاف جاه ودار لاماتمسه النار
حتماً يفوز ويدخل الجنه
★★★★★
من هاجر المختار من داره
وشاف الظلم من ناس غداره
هوه وعلي من أول أنصاره
تشهد افعاله وتشهد أشعاره
والگال هيچ أشعار لاماتمسه النار
حتماً يفوز ويدخل الجنه
★★★★★
للموت ماعاف النبي وحده
وبالنايبه مااخلف ابوعده
راية الهادي تنرفع قصده
للدين ضحه بروحه وبوِلدَه
والأبنه حامي الجار لاماتمسه النار
حتماً يفوز ويدخل الجنه
الشاعر حسن لعيبي الحريشاوي
عن وفاة ابوطالب رضي الله عنه
على وزن يابوفاضل لباسم الكربلائي
يابوطالب عفت گوم العاشرتها
يابوطالب ملة احمد ماعفتها
يابوطالب ثابت وماغيرتها يابوطالب
★★★★★
حسبه عدهم چانت بهاي المقاصد
الحچوا عنك كافر وللصنم عابد
يلعلى التوحيد شعرك چان شاهد
رادوا الحيدر ذنب لوذنب واحد
كلها تدري من نسل طاهر موحد
كلها تدري لاحجر لاصنم تعبد
كلها تدري اشگد ظروف اتحملتها يابوطالب
★★★★★
منهو غيرك من فده ابروحه محمد
عايش ابدارك على دارك تعود
رغم عوزك ماشكيت العوز لحد
ولاخفت باب الزمن بالوجه ينسد
منهو غيرك جاهد وحارب الباطل
منهو غيرك على الحق لا مايجامل
منهو غيرك اعداك ابد ماجاملتها يابوطالب
★★★★★
غاية التوحيد منها وهيه منك
انكروها وملحد يگولون عنك
وي النبي للموت حد ماغمض جفنك
ماحزنت الروحك على الدين حزنك
منهو مثلك باع للإسلام عمره
منهو مثلك ماخلف يوم وتبره
منهو مثلك تشهداشعار الگلتها
يابو طالب
★★★★★
ذاك عام الحزن يشهد يابوطالب
متت مابين العشيره والحبايب
الراحة الإسلام تتحمل متاعب
ناصر الاسلام بايام النوايب
شلون كتبوا جاملت طه اونصرته
شلون كتبوا رب محمد ماعبدته
شلون كتبوا علكفر موته المتتها
يابو طالب
★★★★★
زله وحده عليك رادوا مالگوها
بس مناقب سيرتك لمن قروها
تهمه للتاريخ موصح قدموها
ابوطالب مات كافر سجلوها
خله يقره الي يريد بصافي نيه
خله يقره الماعرف شنهي القضيه
خله يقره اسنينك الربك بعتها
يابو طالب
الشاعر حسن لعيبي الحريشاوي
*قصيده للإمام علي (عليه السلام)*
*((من ديوان دموع وعبرة في رثاء العترة الجزء الاول))*
❥━──➸➽❥❂❥━──➸➽❥❂
*يشيال الحمل شلك بهالنومه*
*إجت يمك تون زينب المهظومه*
❥━──➸➽❥❂❥━──➸➽❥❂
اجينه اليوم نتعاتب ويا الوالي
خلاني بهظيمه والدمع هالي
ولو ميته يبويه وياك اشوالي
(ياريت وياه ايدفنوني)
❥━──➸➽❥❂❥━──➸➽❥❂
يريت الموت ياخذني گبل يومك
ولا ميت يحيدر شاعت اعلومك
وياريت الدهر يالوالد يسومك
(كون البين يسومك وانه الشرايه)
❥━──➸➽❥❂❥━──➸➽❥❂
اريد اعاتبك يا بويه رد ليه
بتك من بعد عيناك مسبيه
وعگب وليانها شبعت مهظميه
(وفراگ الشالو اذاها )
❥━──➸➽❥❂❥━──➸➽❥❂
تريد تعاتب المهظومه وإليها
تگله شلون بعدك من يحاميها
وانته الجنت خيمه وانته حاميها
( وتعود الدارك يالهيبه)
❥━──➸➽❥❂❥━──➸➽❥❂
صدك والله الابو يا ناس خيمه
رحل عني وانه خلافه يتيمه
وانه زغيره وما أحمل هظيمه
(ما احمل يالوالي فراگه)
❥━──➸➽❥❂❥━──➸➽❥❂
*بقلم خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
مولانا ابو طالب عليه السلام
#مؤمن_قريش
شيخ مكه الاكبر او عالي الشرف
گلبه بالتوحيد ما شك لا رجف
:
:
لولا جفه جان دين الله اندثر
وما بقه للدين چلمه او لا اثر
نوره من نور النبي شع وانتشر
البيت يشهدله او رسوله والحجر
كاتم الايمان مثل اهل الكهف
.
.
صلْب الايمان او ثبت رغم الالم
ما سجد والله راسه الكل صنم
ماكو مثله بالكتب لا بالأمم
والد الكرار للمختار عم
لاچن التاريخ شخصه ما نصف
:
:
نوره يطْفي بالقيامه كل ضوه
بْحجره رابي المصطفى والقل هو
جان للاسلام عز والله او لوه
او جان وجهه الگلب ابو القاسم دوه
صوته بالتوحيد قبل الكل هتف
:
:
سيّد البطحاء اسد خلّف اسود
گَلْهم الطه نذر إنتم جنود
زلم مامش منهم بكل الوجود
ارواح ننطي او عن رسول الله نذود
ولدي فدوه الطه كال بلا وسف
:
:
والد الكرار وشنحجي بعد
سيّد الجنة سند وبلا سند
بالحشر منه الخلگ تطلب مدد
يشفع اشما راد وشزاد العدد
خير شيخ او من نسل اطهر سلف
:
:
چنه زمزم ترتوي بوجه الملا
صيته من ربه على الوادم عِلَه
من عيوب الناس ربه كمّله
عم رسول الله هو او كافله
كافل الاسلام وبهاي انعرف
:
:
فاضل عباس الخزاعي
🏴شلون بيه لو رحل كرارهه
🏴روحي محتاره وتشب بنارهه
آه من شهر الصيام وعملته
بيه حامي الجار فارگ عيلته
دارت عليه كل بنينه وحاطته
تودعه وبالهم تسيل اعبارهه
شگدصعب فرگاك ياشمعة البيت
لون تدري عليك بويه اشگد بچيت
روحي شاغت بويه وبحيره صفيت
هايمه بفگدك جميع افكارهه
چنت نعم الأب يحيدر يا حنين
لليتامه ما يظل بعدك معين
عليك تنحب وبدمع ويه الونين
تذكرك وتنوح ليل انهارهه
الگمر لجلك ياعلي الليلة انخسف
تندفن ياحيدر ابأرض النجف
بليله وحشه ومظلمه حيف ووسف
وانت ما چنك أبد كرارهه
چنت لاهل الكوفه ياحيدر أمان
الك تذكار وأثر ابكل مچان
ذكرك الخالد يظل طول الزمان
وروحك المحد عرف أسرارهه
اعليّه مكتوب الحزن لمن صرت
بموت جدي وامي حيل تمرمرت
وهسه شفت جنازتك وتحيرت
بحين شالوهه ابعدت عن دارهه
ياحسن يحسين اخروا جنازته
روحي بلچن ترتوي من شوفته
وگلبي مايتحمل ابداً فركته
بالنعش منها تشع انوارهه
دارك الچانت زهيه بطلعتك
ظلمه صارت ياعلي من فگدتك
ماكو ظنه ولا أمل من رجعتك
الحزن بيهه والفرح لاشرارهه
بيهه لنصب ماتم بصبح ومسه
صوتك المعروف بيهه اهجسه
ماتعود هنا وادري امأيسه
وسط دارك واشعر ابآثارهه
#سمير_الصالحي
#البصرة_الفيحاء
((مولاتي خديجه))
عفيفات الجيوب
عديمات العـيوب .. مولاتي خديجه
""''''''''''""""""""""
بنيتي بگلبـــچ المسكن
وطشيتي الحزن والون .. خديجه
من چان الجــرح مبهم
عشتي الواقـــعه والهم .. خديجه
حبيتـــي الرســول بقـمةّ ايمان
وصرتيله نهر من گال عطـشان
انتي الطاهره وچفوفچ احسان
يـــدلالـــچ يذوب
عديمات العيوب .. مولاتي خديجه
""''''''''''""""""""""
أموالــچ غدن مكسب
وأحساس الوفه مرتب .. خديجه
كل اموالـــــچ انطيتي
انتي هــــــواي وفـيتي .. خديجه
جازاچ الجليل وصرتي علياء
وبحشائچ زرع مـولاتي زهراء
وجبتي فاطمه يانور الاحشاء
يتوبه وللــــ يتوب
عديمات العـيوب .. مولاتي خديجه
""''''''''''""""""""""
بحزن المصطفى أعرفتي
وبيت الطـــــاهره شــفتي .. خديجه
مــــن گلـــچ ضلع طحتي
ومـــن گلبـچ تحـــــسرتي .. خديجه
من گلچ ضلع گلتـيله ويلاه
گلچ ياخديجه تعيــش بالآه
ومذبوح الولد بالعتبه تلگاه
وبالدمعه وتلـوب
عديمات العـيوب .. مولاتي خديجه
""''''''''''""""""""""
حديث الهزله سامعته
ونـــار الخيمه ناضرته .. خديجه
صارت روحـچ بحيره
من گلــــــولچ إيسيره .. خديجه
گلبچ مــن سبيها صـــار محروگ
وياشهگه الشهگتي بچلمةّ السوگ
وطلعت روحچ من النوگ للنوگ
ولا كــــافل ينوب
عديمات العـيوب .. مولاتي خديجه
عبد زينب
محمد الابراهيمي
▪️في استشهاد أمير المؤمنين عليه السلام
أمَّنْ يُداوي قلْبَ زينبَ بعدما
سمِعتْ نداءً في السماء نعيّا
يَنْعى إلى اللَّاهوتِ مَظْهرَ نُورِهِ
وإلى النُّبُوةِ خُلْقَها النَّبَويَّا
فيزلزلُ الأطباقَ رَجْعُ نحيبِهِ
واللّوحَ والفرْدَوسَ والكُرسيَّا
سمِعَتْهُ يهتفُ بالفجيعة داعياً
"قتلوا أميرَ الْمُؤْمِنِينَ عليّا"
لَهْفِي لَهَا..لَبِسَتْ عباءةَ أمِّها
تَبكي..تُحدِّثُ بابَهُ الَمحْنيَّا
"يا بابُ هلْ أحناكَ صوتُ نَعَائهِ؟
قُلْ لي وربِّكَ هلْ يعودُ إليّا؟"
فأجابها:"يا بنتَ حيدرةَ انْظُرِي
فَغَدتْ تُحدّقُ في البَعيدِ مليَّا"
ألْفتْهُ محْمولاً،ضَعيفاً،حَاسِراً
بالسَّيْفِ مَطْبوراً يئنُّ خَفِيَّا
نادتْ:"أبا الأيتامِ..أيَّ يتيمةٍ
سأصيرُ حينَ تغيبُ عن عينيَّا
أَوَبعدَ أمِّي هل سترحلُ يا أبي!..
أَوَّاهُ..كمْ جارَ الزمانُ عليَّا!"
وتوجَّهَتْ نَحوَ الحُسينِ ودمْعُها
ينْهلُّ فَوْقَ الوَجْنتينِ سخيَّا
"أَأُخيَّ خذْ قَلْبي إليْهِ وفُتَّهُ
في جُرْحِهِ..باللهِ..خُذْهُ أُخيَّا"
فأجَابَها:"نَزلَ القَضَاءُ بِعزِّنا
والبيْتُ يُمْسي بالمصابِ دجِيَّا"..
#يا_علي
#اللهم_عجل_لوليك_الفرج
الشاعر علي عسيلي العاملي
#اميرالمؤمنين
قصيدة بحق مولانا أمير المؤمنين عليه السلام
لسان حال مولاتنا زينب ع
مانسيتك....مانسيتك....ياعلي تدريني
آنه احبك..ليش هيچي..صبحت ناسيني
تدري ملچوم الدليل
امنهد ماگتلي ارد اشيل
ياعلي ياعلي..........ياعلي ياعلي
.............................................
شلون تنسه زينبك يالوالي
وهي ماعدها ابدالك غالي
العيد اجاني وانا شال اهلالي
اتبچي حتى الكافر انا احوالي
ابدار ابوي امكدره
وارد اهج للمگبره
ياعلي ياعلي..........ياعلي ياعلي
.............................................
العنده كون ابنيه ماينساها
ايمر عليها ويگظي يومه اوياها
التفگد الوالد کلف بلواها
صعبه تنسه عشرة الرباها
آه يگلوب البنات
مرضتها الذکریات
ياعلي ياعلي..........ياعلي ياعلي
.............................................
مُره عگبك مرمرتني إسنيني
الليالي الظلمة بچت عيني
ياهو عگبك ينشد اعله اونيني
على گبرك واگفه وحاچیني
گلبي امحمل عتاب
ليش خافيك التراب
ياعلي ياعلي..........ياعلي ياعلي
.............................................
يالمگابر بطلي یالماتستحین
اشعندچ ادواره تدورین الحنین
خایبه انوب إويه أمير المؤمنين
خذتي داح الباب واحنه امكدرين
وطش شملنه ابموتته
زينب ارجع نادته
ياعلي ياعلي..........ياعلي ياعلي
.............................................
اشگد سوالف عندي مامسموعه
أرد اسولفها ابمحنه اولوعه
لوسمعهن والله تجري ادموعه
عالمحنه الصبحت مگطوعه
والله لَیصب الدمع
الأبو مو ثوبه الگِطع
ياعلي ياعلي..........ياعلي ياعلي
.............................................
*تمت*
العمل مهدى إلى مولاتي زينب ع
*ام علي رضا الشريفي الحسيني*
رحم الله من يقرا سورة الفاتحة لروح والدي خضير بن زوينه
قصيدة في مصاب أمير المؤمنين علي عليه السلام ، لسان حال زينب عليها السلام .
ـــــــــــــــــــــــــــــــــــــــــــــــــــــــــــــــ
يجيني العيد وَذكُر روحِتك بالعيد
عفتني بوِليَة احزاني ومِشَيت بعيد
عِشِت أيام بقهر أيتام
ــــــــــــــــــــــــــــــــــــــــــــــــــــــــــــــ
كتر گبره تصد وتجذب الونه
لونك تگعد تشاهد مصايبنه
عگب عينك علينه زادت المحنه
أبد ما بينا واحد عاش وتهنه
أمس طه تركنه وفاطمة أمنه
وفگدناك وچنت يا بويه خيمتنه
چنت للدار شمعتهه چنت للدار
وغدت ظلمة علينا يا علي الكرار
بهضم والام بقهر أيتام
ــــــــــــــــــــــــــــــــــــــــــــــــــــــــــــ
يبويه عصفت ارياح الكدر والهم
رحت وبروحتك غيم الوسافة إلتم
ونهار الكوفة عگبك يا علي أظلم
الأرامل واليتامى بيهه من يهتم ؟
ولجلهم يجذب بآهاته يتألم
تراك بطيحتك ركن الهدى اتهدم
ردت گبلك يبويه تنضرب هاماي
وضمك لحظة الطبرة بوسط عيناي
بدليلي تنام بقهر أيتام
ـــــــــــــــــــــــــــــــــــــــــــــــــــــــــــــ
على افراشك ذكرتك من توصينه
وأمانه بيد أبو فاضل تخلينه
وتگله لا تقصر ويه أبو اسكينه
أبو الغيرة بذل عينه وي چفينه
دواهي الدنيا بالطف أوجرت بينه
أريد اﺣچي وإلك أشرح مآسينه
دريت شصار يا حيدر دريت شصار ؟
تشب النار بخيامي تشب النار
بفعل ظلام بقهر أيتام
ـــــــــــــــــــــــــــــــــــــــــــــــــــــــــــ
گضوا بالطف اخوتي ولا بگه والي
وتوذر عالنهر عزي وي دلالي
وتون ليلة يعبد الله المهد خالي
يتامه وخدر الشدهتلي احوالي
عفت عالعلگمي احلامي ويه آمالي
وبو اليمه ارتفع راسه برمح عالي
سبايه يا علي وتنظر علينه الناس
وحيدة لا أبو اليِمّه ولا عباس
فگدنا ازلام بقهر أيتام
ـــــــــــــــــــــــــــــــــــــــــــــــــــــــــــ
ذكرتك والدمع يشرحلك ٱشبيه
أسيرة يا علي لدهري ومآسيه
بهضم يطلع صباحي يا علي اعليه
وتراويني المنية احزاني ليليه
صعب أنساهه ونّة سكنة ورقيه
رحيلك سِر يعذّبني وعَلانيه
شبه ميتة وذكرك واذكر اخواني
وگول انسه لچن يخذلني نسياني
بخرابه انّام بقهر أيتام
ــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
#اميرالمؤمنين
قصائد استشهاد امير المؤمنين ع
قصيدة بحق الامام امير المؤمنين علي صلوات الله وسلامه عليه لسان حال مولاتي زينب عليها السلام تقرأ تقرأ بالحان مختلفة
لهــنا وكـافي يادنـيتـي الفانية
بطلي مني ودوري زينب ثانيه
كافي مامليــتي
عندي اشخليتي
خذتي الاحبااااااب..... خذتي الاحبااااااب
............................
كافي بس الحدمن اتلچميني
جوزي مني مدري شتطلبيني
امچتفه ابظيمچ خلص هديني
اليوم هضتي وعميه صارت عيني
گلتي بيش آذيها
بلا ابو انخليها
خذتي الاحبااااااب..... خذتي الاحبااااااب
...........................
جفل گلبي وصرت اخاف اهوايه
خـاف ابونه مايــظل اويـــــايه
من وراچ الگـلب تايـه رايـه
گمت اضم ابگلبي كل احچايه
بالدمع احچيها
ومااسولف بيها
خذتي الاحبااااااب.... خذتي الاحبااااااب
............................
مات ابوي وهضم گلبي ابحاله
الابو خيمه مايعوف اعياله
ابگلب زينب چم جرح سواله
وبالنزل ذكره ودمع خلاله
نگعد ابديرانه
وعلي مو ويانه
خذتي الاحبااااااب..... خذتي الاحبااااااب
...........................
نگعد وما هو علي بنزوله
وعيني عميه الما تشاهد طوله
اهنا يمن ردتو العلي ترحوله
مرو بيّه ودمع عيني اخذوله
اخذو دمعة عيني
الگبر جد ابنيني
خذتي الاحبااااااب...... خذتي الاحبااااااب
..............................
كون نتعايد يبويه ابيوم عيد
وترجع ايام المحنة من جديد
وانته وامي نرد سويه هيچ اريد
وبعد ماشيلن ولاابعد بعيد
يمكم اگضي ايامي
وبس هلي جدامي
خذتي الاحبااااااب....... خذتي الاحبااااااب
ام علي رضا الشريفي الحسيني
رحم من يقرا سورة الفاتحة إلى روح والدي خضير بن زوينه
بويه وينك
عمري خلصته بواجي وذبلت العين
بويه وينك
والله مدري شلون بعدك تمشي الاسنين
@@@@@@@@@@@@@
فطرت ابدمعتي ايامي الصمتهه
اون وگلوب اخوتي تعبتهه
زينب يابو زينب من عفتهه
چله وانه بلادفو
امي. راحت ولابو
صبرأ ناداني الاخو
بويه وينك
@@@@@@@@@@@@@
اشوفنك گمت حتى بصفنتي
بشرماتفتهم باگت فرحتي
والخضر يحترك لوهد حصرتي
وينك. يانسمت هوى
بيتك. شح منه الضوى
شوفي. منك ماروى
بويه وينك
@@@@@@@@@@@@
بعدمات السلم مامش سلامه
طبرو هامتك يابو اليتامه
وليد الكعبه ماكمل صيامه
بويه. دمعاتي الحچت
بويه زينبكم بچت
بعدك حيل اتئلمت
وبويه وينك
محمود رحيل
ناده جبريل ابحـزن ويـــانه
اليوم دين الله انطـبر قرئانه
اليـــوم نعلنهه حــداد
ونلبس اهدوم السواد
ياعلي اينادي الموالي وتلبس اسود شيعته
ويرتفـع صــــوت المنابر بـالطم لمصـــيبته
كل محب ينصب عزيه ابحزن يهمل دمعته
وينحب المحراب لجله والصــلات اوركعته
امن الحزن يبجي بقه فقـاره
وصاح راح ألي جنت خطاره
ينحـــمل بجفوفه راد
ونلبس اهدوم السواد
بسيف مسموم اعله راسه ويلي صارت ضربته
ساجد الربه ابصـــــــلاته وسيفهـم طر هـامته
الله يلعــن ابـن ملجـــــــم والعصابه الــــودته
عذبو كَلب الرســــول ابيـــــوم ذبحو مهجته
هدمو بــاب العلـــم ياويلهم
بيش ينفعهم هبل وي دينهم
بالحشــــر كلهم رمـاد
ونلبس اهدوم السواد
اليـــوم اركان الهدايه اصبحت مهدومه
اضلم الكـون وتكـــــدر والمــلا ملجومه
حزنت املاك السـماء وتبجي دم ابيومه
ويلي عل فركَ حياته وبعده ماتم صومه
العيد كَــرب والحزن قطانه
اشلون نفرح ونته مو ويانه
ولألم بجروحـــي زاد
ونلبس اهدوم السواد
تلطم اعله الراس ركضت ركضه وحده ايتامه
اتصــــــيح ودونه الولينه وخل نشـــم ألثامـه
ياهـو مـن بعـــــــده يمرنه لوكضـــت أيـــامه
اكلوبنه انصـــابت ابشــــــده يوم صابو هامه
كَاعده ايتــــامه تون يم بابه
يمته حيدر يرجع امن اغيابه
ذاب مــن اجله الفؤاد
ونلبس اهدوم السواد
**
الخادم
كامل السعيدي
نزله سريعه لشهادة مولاي امير المؤمنين عليه السلام.
.
.
أمي وأبويه.....
.علموني حب علي
ياعلي..ياعلي.. يابالحسن
.
.
أمي من يوم المهد
رتلت بذني العهد
حب علي يبني بضميرك
للنهايه
يمه أسمع يالولد
مثله لا لا منوجد
خلي دينك كل يقينك
الولايه
أمي يامه اتنخته
أمي تذكر فزعته
يمه حيدر ما يعوفك
بالمنايه
يمه ظل من شيعته
يبني والي عترته
يمه بس المرتضى
نور الهدايه
.
من تلفظ اسمه....يبني همك ينجلي
.
.
والدي وبكل عزم
يرسم ابفكري رسم
يبني شيعة حيدر احنه
من الاصلاب
سيفه لا ماينهزم
يلهم اسيوف وزلم
يبني كل ضربه بيمينه
تگطع ارگاب
خيبر انه شاهده
من هجم صوب العده
بس علي بطرف الاصابع
يشلع الباب
عنده ضربه امسدده
من يسل سيف الرده
يترس بروس الاعادي
حلگ التراب
.
لا لا تعوفه.......ما الك غيره ولي
.
.
يمه حيدر مدرسه
والهوه الاتنفسه
يفدي كل لحظه بحياته
لجل الإسلام
وانته عمرك كرسه
للخدامه ابمجلسه
خلي عمرك يبني يفنى
بحب اليمّام
من الحزن محني الضلع
يجري بعيونه الدمع
كل وكت تلگه اعله حجره
اتنام الايتام
عبرته ماتنسمع
گلبه بالهم منصدع
من يمر دور اليتامه يلبس الثام
.
رغم المواجع...ثابت ونشمي وأبي
.
.
.
والدي من الزغر
گلي حيدر منتصر
يبني يحظر بالقيامه
حامي الجار
يبني افهم هالامر
من يحل يوم الحشر
بويه عالكوثر تشوفه
ايحاور النار
هالامر من العلي
.يبني اسمع مايلي
بويه مرهونه الشفاعة
بيد الأبرار
الي ماعنده علي
بالقيامه ينولي
ذره من جمر الجحيم
اتوذره اوذار
.
ماعدنه غيره....هو حبنه الاولي
.
.
أقسم برب السمه
وبالزچيه فاطمه
أفدي حيدر كل كياني
ونزف النحور
يجري وي نبض الدمه
حب علي حامي الحمه
عاهدت أمي وأبويه
الدربه منذور
الي طاهر مولده
يفرح ابيوم الرده
حيدر يحظره ويضوي
باللحد نور
وبچفوفه ايوسده
ايطش علي گبره النده
گبره يفخر بنتمائه
بين الگبور
.
بهاي النهايه...يبني اسمك يعتلي
.
.
.
حسن الموالي الفاطمي