5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
قصائد استشهاد الرسول ((ص))
قصيده رئيسيه
..................................................................
وين ياحـضن اليلمنه من بعد فگد الابـــوا
وين ياحضن اليلمنه ونلگه بيه احنه دفوا
راح ابــــــوي وراح وياه الحنان
محد يعوضني غيره بهل الزمان
..................................................................1
گاعده لوحدي تراني والله ماادري شجره
ودعت أغلى الحبايب وهل بقيت محيره
وخاطري مكسور وسفه وبيمن انه أجبره
المره بدون الأبو والله ماتسوه المره
الأبو فراكه صعب
أبد ميحمله الكلب
بكل وكت أتذكره وبكل مكان
راح أبـــوي وراح وياه الحنان
..................................................................2
وين ياحـضن اليلمنه وبيه أرتاح وأنام
راح مني الي أوده أه من جور الأيام
حالتي تصفه بغيابه أشبه بحال الأيتام
أبد مالحضه نسيتك تدري ياسيد الانام
يالعفتني وهل مشيت
بغيبتك ماضـــن دريت
عليك أبچي ودمعي غطاها الاچفان
راح أبوي وراح وياه الحنان
..................................................................3
بغيبتك يابويه تدري هواي يابويه بجيت
البيت لومابيه ابوي والله مايتسمى بيت
كالاميره بجالك أنه عمري كله خلصيت
مدلله بجالك يغالي وتالي ياوسفه انوليت
فــــراگه حيل اذاني
زيدلي والله احزاني
حيل عذبني غيابه سيدالاكوان
راح أبـــــوي وراح وياه الحنان
..................................................................4
الحنان العند أبوي مايحمله كل بشر
وبالشعر لوردت أوصفه والله ميكفي الشعر
ووالدي لوحن عليه وألي لومره نضر
من بعيد أشتم حنانه عندي أحلى من العطر
المحنه راحت ويالغالي
وراح ياوسفه دلالـــــي
المحنه العنده مايحملها ألانسان
راح أبـــــــوي وراح وياه الحنان
..................................................................5
رحل عني والدي وبقت بس الذكريات
والله ماأنساه انه من يحل فرض الصلات
شحلات البيت والله الابو بيه أشحلات
يعيشن بجاله بناته العمر كله مدللات
شلون وأنه فاطمه
بغيابه أبقــه مألمه
وگلبي بغياب الابو مشتعل نيران
راح أبــــــــوي وراح وياه الحنان
..................................................................
الشاعر عماد محمد الدراجي
استشهاد الرسول محمد ص
صوتُ الانين .. في كلِ حين
من فاطمٍ يعتلي .. غابَ الامين
...............
استعد گلب الزجيه الكل الهموم
المصايب حاوطتها وفوكهه تحوم
مشه عنهه الابو والحيل مهدوم
من كثر الدمع ما تعرف النوم
دمعٌ يسيلْ .. فقدَ الخليلْ
والحزنُ لاينجلي .. منهُ العويلْ
.................
الله يعين فاطم عالجره وصار
عن عيناهه غايب ضوه المختار
الحزن خيم عليهه وتارس الدار
بعد وحيّ السمه مامنه اخبار
وحيُ الالهْ ..حُزناً بكاهْ
للسيدِ المرسلِ .. طابَ ثراهْ
.................
جزعت فاطمه والجزع مريود
على طه الرسول ونبي المعبود
محمد هذا حكهه اتجرح الخدود
عافاهه وگلبهه اعليه ممرود
يبقَى النحيب . ينعى الحبيب
والدُها والولي .. حانَ المغيب
.................
البجي الفكد الابو ياناس مسموح
ومنعوهه الزجيه اعله الابو تنوح
زين وبيهه ضلت فاطمه الروح
جرحوهه وابد ماتحمل اجروح
جرحُ الكلامْ .. شبهُ السهامْ
عن داركِ فارحلِي .. قولُ اللئامْ
................
اويلي شلون حال ام حسن وحسين
لا ام لا ابو وغابو النورين
شيصبر گلبهه بفكد الثنين
يتيمه ومن هضمهه احمرت العين
كهفُ الامانْ .. حضنُ الحنانْ
ما عاد في المنزلِ .. يالَ الزمان
...............
تنضر للجسد وتهل العيون
الزهره بموت ابوهه انخطفت اللون
يساعدهه الله حين الي يشيعون
عزيز الروح بي للكبر يمشون
حانَ الفراقْ .. والقلبُ ذاقْ
كفقدها الاولِ .. دمعٌ يُراقْ
محمد هادي العقابي
إشهد يامحمد هاي الاصدور
بعد اثار بيهه اللطم عاشور
وننعاك بصفر
ياسيد البشر
................
بصفر بثمانيه وعشرين ايامه
يبچي الدين الك يمنصب اسلامه
وحيدر يبو الزهره ذب العمامه
حزين وعلى فراكك شاد الثامه
من طبع العرش مايبجي عالمات
ونته بموتك مبچي السماوات
مفجع هالخبر
ياسيد البشر
................
الزهره تصيح بويه تعوفني وترحل
هواي جروح بعدك اني شتحمل
جوابي الك عني لو ردت تسال
أصحابك يبويه حضرو مقتل
من هسه واشم بالباب دخان
والم بضلوعي احس وبخدي نيشان
وگليبي انعصر
ياسيد البشر
................
ابن عمك وبنتك هايه حالتهم
واحنه اعليك نقسم وبمحبتهم
لاتحرمنه طول الدهر خدمتهم
وتحشرنه يطاهه ويه زمرتهم
الخادم من يموت وتغمض العين
كون اهناك يصبح جار الحسين
هالموته فخر
ياسيد البشر
...............
خدام الحسين الناس سمتنه
عزيزك والعزيزك هايه لطمتنه
الك من الكلب نحجيهه كلمتنه
دنيه واخره احنه حسين غايتنه
موبس بالاسم نتسمه خدام
وفقنه العزائه بكل الايام
هنياله الحضر
ياسيد البشر
................
النحر ذاك التشمه وتدمع اعيونك
من اتشوفه بالطف ينخطف لونك
ولاجن انته جده ولا يعرفونك
من ذبحوه نيتهم يذبحونك
التضمه اعله الصدر وتبوسه بشفاه
صدره الحافر بكل حيله رضاه
جسمه اصبح وذر
ياسيد البشر
................
نعزيك بمصابك يا ابو العتره
گلوب الخدم كلهه اعليك منكسره
الكم ثار ندعي بالعجل لمره
طول العمر نبقه المهدي ننتظره
خدام احنه ربتنه العزائات
ماننسا الضلع وحسين هيهات
انته المستقر
ياسيد البشر
محمد هادي العقابي
🔻قصيده لأستشهاد الرسول الاعظم
محمد صلى الله عليه وآل وسلم 💔
ـــــــــــــــــ ❁ ❁ ❁ ــــــــــــــــــ
مــات النبي وشبگو علي وهجمو عليه
الدين انفجع كسرو ضلع بنته الزچيه
بويه الاصحاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
من رحل سيــــد البريه البتول تنـــادي
هجمو اصحابه عليــه وارعبـــو اولادي
همه يدروني الزچيه ويعرفون امجادي
ريت اخذتني المنيه بعد ابوي الهــادي
صرخه اعتاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
بعد گبرك يانبينه ما نشف تربانــــــه
الوصي حيدر علينه چتفو ذرعانــــه
بعدك بوليه نولينه ريتك انته ويانــه
وشاهد بعينك سبينه والظلم عنوانه
بحقد الاجناب ... كسرو الباب
يامحمد ..... يامحمد
ـــــــــــــــــ ❁ ❁ ❁ ــــــــــــــــــ
انته اكملت الرساله وبلغت امر القدير
اصبح الدين بكماله ونصبت حيدر امير
وربك انطاك الكفاله بكل يتيم وبالفقير
خالفو رب الجلاله ولا يحاسبهم ضمير
والعدل غاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
فگدت الامـه نبيها فوگه ينذب التراب
هـو سيدها وتقيها قائـد بأسمه يهــــاب
مورجل هذاشبيها يهتك الحرمه حجاب
ولسطر خد ام ابيها ربك انطاه العقاب
وضلعي الانصاب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
بالحشر باچر نشوفه مدنگ الراس وذليل
غـدا والشاهد چـفوفه تذكر الفعل الرذيل
عندي حگ ومااعوفه يحكم الباري الجليل
الجرج باچر يروفه ويظهر الحق والدليل
وتظهر اسباب ... كسرو الباب
يامحمد .... يامحمد
ـــــــــــــــــ ❁ ❁ ❁ ــــــــــــــــــ
والجزاء يكون قاسي النار محتاجه حطب
اتحملت انـه المأسي شاهـدة سب وضرب
بالحشر باچـر يناسي يگـرب الاسمه محب
والعشگ عـنده قياسي ماتـرك هذا الدرب
يبچي لمصاب ... كسرو الباب
يامحمد ..... يامحمد
ـــــــــــــــــ ❁ ❁ ❁ ــــــــــــــــــ
🖊️كلمات
عباس فاضل الشمري
قصيدة في إستشهاد النبي صلى الله عليه وآله وسلم ،، لسان حال الوحي وهو ينعى المصطفى ،،،،
ــــــــــــــــــــــــــــــــــــــــــــــــــــ
بدمعة وحِزِن أبقى أنعاه
يا المصطفى واويلاه
ــــــــــــــــــــــــــــــــــــــــــ
مِن انزَلِت شِفتَك على
فراش المنية ٱمدّد
دمعي انسچب منظر كَلِف
فراگك صَعب محمد
أنعى بحزن وَانَه الوحي
أحضر رحليك وَشهَد
وليل الألم والفاجعة
عالدنيا أصبح سرمد
يا مَن چنت إنتَه اضواه
يا المصطفى واويلاه
ــــــــــــــــــــــــــــــــــــــــــــــــــــــــ
مَوقِف صَار ومِنّه اسألِت
هل هاذي أمة طه
گالوا عليك إنتَه تهَجُر
وأنت الذي نَجّاهه
ولو ما وجودك ياالنبي
الأمة ابتِلَت بلواهه
أمة استحقت قارعة
من ضَلّت بمَسراهه
طعنة ظَهَر يا وسفاه
يا المصطفى واويلاه
ـــــــــــــــــــــــــــــــــــــــــــــــــــــــــــــ
عنك مشوا متفرقين
تحت السقيفة الأصحاب
نِكرَوا وَصِيتك يا حَيف
بأهلِ الكساء الأطياب
رَادَوا وَصيّك مجتوف
للبيعة قسراً ينجاب
وموقفهم من أمّ الحَسَن
عصروهه صَحبك بالباب
وتنادي آ يا طفلاه
يا المصطفى واويلاه
ــــــــــــــــــــــــــــــــــــــــــــــــــــــــــ
بسَيفِ الحِقِد يا المصطفى
صابوا علي بالهامة
والدّم يِخَضّب لِحيِتَه
وضاگ الهَجُر وَالامَه
وزينب تنوح لروحِته
وظلّت تنوح ايتامه
والعَدِل والحق فگدوه
وانفجعت الإمامة
والعِلم ناح لفرگاه
يا المصطفى واويلاه
ــــــــــــــــــــــــــــــــــــــــــــــــ
بإبنه الحَسَن دار الوكت
چبده بسموم تگطع
وحسين اخوه يعاينه
وگلب العقيلة ملوّع
وتصيح زينب يا علي
لِبنَك اريدك تفزع
وَينك يا حمّاي الحِمَى
يا بويه رَيتك ترجع
والحَسَن يلفُظ چبداه
يا المصطفى واويلاه
ـــــــــــــــــــــــــــــــــــــــــــــــــــــــــــ
وبكربله صار امصاب
بسَيّد شباب الجنة
بحَرّ وعِطَش ذِبحَوا هَلَه
والماي انحَرَم مِنّه
ظامي انذبح صدره انهشم
بخيل العِده السحگنه
شال النحر بيده الشمر
بأعظم مصيبة ومِحنه
عالرّمل مَحّد واراه
يا المصطفى واويلاه
ـــــــــــــــــــــــــــــــــــــــــــــــــــــــ
بقلم الأستاذ/ ستار عذاب الحچامي
نعي في شهادة الرسول الأكرم صلّى الله عليه وآله وسلّم ،،،، لسان حال الزهراء عليها السلام .
ـــــــــــــــــــــــــــــــــــــــــــــــــــــــــــــــ
يبويه الدار ما تنطب بَليّاك
إذا رايد تروح انروح ويّاك
حال الضيم حالي اليوم بَعداك
أهِلّ ادموع عالوجنات مِن دَم
رِحِت عَنّي وعِفِت بِنتَك يَتيمَة
يبو القاسم يبو النفس الرحيمة
چِنِت إلهَه ولَبو الحسنين خَيمة
عگب عيناك كِلّ الضيم يِلتَم
أروح اوياك يالوالد تِمَنّيت
وتشوف الصار يالمختار ياريت
وتشوف شلون مِن هِجموا على البيت
سِطَر عَيني وعَلَيّه الكون عَتّم
يبويه اخلاف عينك شَبوا النار
وبَعَدهه اتحوم روحك داخل الدار
تِمادَت أمّتَك بالشّر يَمُختار
ولا واحد حِشَمني وچان مِهتَم
تعال وشوف ضلعي شلون مكسور
وصِدَر منهم كِلّ الچان مَحذور
على الصبر الجميل اليوم مگدور
لَچن فرگاك خَلّه الكون أظلم .
ــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في شهادة الرسول المصطفى الأكرم صلى الله عليه وآله وسلّم ،،،،
ـــــــــــــــــــــــــــــــــــــــــــــــــــــــــــــــ
بِالدموعِ الفاطميّة
اللّيلة نِبچي ٱويَالزچّية
ـــــــــــــــــــــــــــــــــــــــــــــــــــــــــــــــ
إنتَه يا نورِ الهِدايَة
نِزلَتِ الرّحمَة بوِجودَك
والشمِس ضَيّك يِمِدهَه
والگُمَر غافي بخُدودَك
تخَضّرِالگاعِ بسَحِكتَك
وتِسجِدِ الشجرَة بسِجودَك
يا أبو الطّلّة البَهِيّة
اللّيلة نِبچي ٱويَالزّچيّة
ـــــــــــــــــــــــــــــــــــــــــــــــــــــــــــــــ
يا حَبيبَ الله ورَسولَه شوفِتَك كِل هَم تِزِيلَه
بِيتَك الكَعبَة الشّريفة وكِل عِبادَ الله تِجيلَه
وتِرتِجي مِنك شفاعَة والذّنوب شگد ثِجيلَة
بِالحَياةِ الأُخرَوِيّة
اللّيلة نِبچي ٱويَالزّچيّة
ـــــــــــــــــــــــــــــــــــــــــــــــــــــــــــــــ
يَالچنِت كَهفِ الأرامِل بگلبَك تعِيشِ اليِتَامَه
غَرّگِ العَالَم حَنانَك والكَرَم شايِل وِسَامَه
ولِلعِلِم إنتَه المَدينَة وِالجَهَل كابِح لِجامَه
وِالصّبُر عِندَك سَجِيّة
اللّيلة نِبچي ٱويَالزّچيّة
ـــــــــــــــــــــــــــــــــــــــــــــــــــــــــــــــ
هَبّت ٱرياحِ الكآبة
ولَاحَت اغيومِ المُصيبَة
والزّبورِأعلَن حِدَادَه
وموسَى مِتواصِل نَحِيبَه
والصُّحُف تِبچي ٱويَعيسَى
ومَريَم العَذرة النّجِيبَة
وكِل نَبِي بهَاي المِسِيّة
اللّيلة نِبچي ٱويَالزّچيّة
ـــــــــــــــــــــــــــــــــــــــــــــــــــــــــــــــ
بغَيبتَك فاطِم حَزينَة تنَادي وَينَك يا مُحمّد
والدّمِع جَرّح جِفِنهَه وبَيتِ الٱحزان الهَه يِشهَد
تُخبُطِ الزّادِ ابدَمِعهَه ولا نَعِيهَه بلَحظة هَوّد
بكِل صُباحِ ومَغرِبيّة
اللّيلة نِبچي ٱويَالزّچيّة
ـــــــــــــــــــــــــــــــــــــــــــــــــــــــــــــــ
يا مُحمّد هذا حَيدَر گابِعِ بحِزنَه وحَسُرتَه
بروحِتَك عَنّه تِيَتّم يَالنّبِي ورَيتَك نِظَرتَه
والصّخَرنَاح لوِنِينَه وبِالدّمَه يِذرِف عَبُرتَه
يِنعَى بِالوَنّة الشَجِيّة
اللّيلة نِبچي ٱويَالزّچيّة
ـــــــــــــــــــــــــــــــــــــــــــــــــــــــــــــــ
امّدّد وكِلهَه تِعوفَك بَس عَلِي شَالِ الجَنازَة
غَسّلَك وِدموعَه نادَت عَازِتَك يا خويَه عَازَة
أمّتَك نِكرَت وَصِيتَك ولِلحُكُم رَادَت حِيازَة
مَا رَعَوا ذِيچِ الوَصِيّة
اللّيلة نِبچي ٱويَالزّچيّة
ـــــــــــــــــــــــــــــــــــــــــــــــــــــــــــــــ
كِل سَنَة ٱمصابَك يِجِينَه يا أبا القاسم يَغالي
نِحيِي ذِكرَاكِ الأليمَة ونِحزَنِ بهَاي الليالي
شمَا گِصَت دِنيانَه بِينَه نِصبِر إحنَه ومَا نِبالي
وِحنَه يا خَيرِ البَرِيّة
اللّيلة نِبچي ٱويَالزّچيّة
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في استشهاد نبي الرحمة المصطفى محمد صلّى الله عليه وآله وسلّم ،،،، لسان حال أمير المؤمنين عليه السلام .
ـــــــــــــــــــــــــــــــــــــــــــــــــــــــــــــــ
مُحمد يا نَبينَه
الحِزِن خَيّم عَلَينَه
الهَجُر ما خَلّه بِينَه
الوداع
الوداع
ـــــــــــــــــــــــــــــــــــــــــــــــــــــــــــــــ
كِسَر ظَهرِي رَحِيلَك
يَمَن عايِف خَلِيلَك
رِحِت عَنّي وعِفِتني ٱمنِ الحِزِن دَلّالي ذاَيِب
وَداعاً يا حبيبي
عَليك ايظَل نَحيبي
عُگُب وَجهَك يَبو الزهرة تِوَلّتني المُصايِب
رَسِم وَجهَك يَغالِي
يِظَل دومِ علَبالي
چِنِت نورِ اللّيالي
الوداع
الوداع
ـــــــــــــــــــــــــــــــــــــــــــــــــــــــــــــــ
يَبو القاسم أخِبرَك
عَنِ الأمّة التّغِدرَك
مِشَت بِيهَة المطامِع وِنتِهَت تَحتِ السقيفة
صُبَح هَمهَه الأساسي
تَقاسُم للكرَاسِي
وتَنافُس عالمناصِب والسّرائر مو نَظيفَة
ولا تِملِك نَزاهَة
طَمَع أسوَد عِماهَة
إرتِفَع روحي نِداهَه
الوداع
الوداع
ـــــــــــــــــــــــــــــــــــــــــــــــــــــــــــــــ
يَمَن غِسلَك دُموعِي
الكَفَن أصبح ضُلوعي
دِفَنتَك وِدفَنِت يالمصطفى بلِحدَك دِليلي
يِهِل دَمعِي بغَزارَة
الگلُب مِشتَعلَة نارَه
يَطه بفَرگتَك ظلمة اصبحت كِلّ الليالي
چِنت ذُخري وعِمادي
وطَمأنينة فؤادي
عليك أعلِن حِدادي
الوداع
الوداع
ـــــــــــــــــــــــــــــــــــــــــــــــــــــــــــــــ
أصِد حالِ الزچية
أيا خَير البَرِيّة
يخويَه وبالألم تِنزِل على اترابَك تِشِمّه
دَمِعهَه بدَم تِهِملَه
الهَجُر لا ما تِحِملَه
تِوِن وَنّ اليتامى ولِلكبُر تِگعد تِكَلمَه
السهَر ذَبّل جِفِنهَه
الصّخَر وَنّ علَوَنهَه
بهَضُم زادت مِحَنهَه
الوداع
الوداع
ـــــــــــــــــــــــــــــــــــــــــــــــــــــــــــــــ
بُقَت عگبك تِعاني
ولا هِجعَت ثَوانِي
يَطه وأمّتَك مِنّ البَچي ٱعليك ٱمنَعوهَه
عَلىٰ بابِ الوِديعَة
تِشِب نارِ الفِجيعَة
يبو الزهرة على الزهرة بحِقِد بابي ٱدفَعوهَه
يَبو القاسم بَلِيّة
ٱنكِسَر ضِلعِ الزچية
بهجوم الناصبية
الوداع
الوداع
ـــــــــــــــــــــــــــــــــــــــــــــــــــــــــــــــ
صَعُب طَه غِيابَه
إذا أمُرّ علَبابَه
ٱنهِدَم ساتِرِ جُفونِي بِالدموعِ الهاشِميّة
الفَلَك ظَل وَجهَه عابِس
بِچَت عَينِ النوارِس
وبِچَه البَحر أويَ خِلجانَه عَلَى خَيرِ البَرِيّة
الوَحِي نِسمَع أنِينَه
الحِزِن عَمّ المَدينَة
على روحَه الأمينة
الوداع
الوداع
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
اخاف ......باچر يبويه ينحرك بابك
اخاف....تنفي الوصيه ابهجرك اصحابك
وامحمداه...........وامحمداه
*******
بويه تدريني وحيده ودمعي اسيله
شلون وافراگك صعب ما بيه حيله
يارسول الله الدمع صاير وسيله
وصحابي من غبت شو طال ذيله
اخاف........بالهجمه يوصل بويه لعتابك
اخاف....تنفي الوصيه ابهجرك اصحابك
*******
بعدك انشوف الخلك هجمت علينه
خالفو نهج الرساله اشگد حچينه
گال فاطم بضعه مني نص ولينه
من سألهم طه گالوله نسينه
اخاف...من كلشي بي ريحة غدر صابك
اخاف...تنفي الوصيه ابهجرك اصحابك
*******
بويه ما احمل غيابك والله صعبه
چنه صار البيت بويه كله غربه
والحنين ابكتره لو گعدني گربه
چان يستأذن محمد طيب گلبه
اخاف........بالعتبه كلشي يروح بغيابك
اخاف...تنفي الوصيه ابهجرك أصحابك
وامحمداه.............وامحمداه
*******
چنه بويه الموت گرب من جبينك
مددت رجليك اشوفك تغفه عينك
شلون تختم عمرك واسمع ونينك
حسره الموداع ذبحني من سنينك
اخاف.....بالحسره اموتن والله بمصابك
اخاف...تنفي الوصيه ابهجرك أصحابك
*******
لیش خانت امتك عهد الوصيه
بغيبتك هجمت نوايا شر عليه
گال واحد بيهم اعصرها الزجيه
بويه والعله ابتدت بنتك ضحيه
اخاف.........النار باچر توصل اطنابك
اخاف...تنفي الوصيه ابهجرك أصحابك
*******
اه يالفاگد حبيبه يعيش مجروح
توالم وياي الحزن بس يكثر نوح
انه يتراولي طف حسين مذبوح
چنه مسموم الحسن صوبني بالروح
اخاف.....شيبك يبويه امبين اخضابك
اخاف...تنفي الوصيه ابهجرك اصحابك
*******
تمت بعون الله
خادمكم .....يوسف الفتلاوي
موشح للرسول الكريم (ص)
شلون حال الزهره هسه بيا وضع
عين عالوالد وأيد اعله الضلع
١
المصطفى بآخر نفس واتصد عليه
بالمدامع حايره ولزمت أديه
احجي يابويه تگله وترتجيه
حچه طه بصوت بس ماينسمع
٢
حچه طه وسكت واتعالت اصوات
ناده جبرائيل بين السماوات
الدنيه فالتحزن محمد رحل مات
ولازم الجثمان هسه ينرفع
٣
گبل ماينرفع جثمان الرسول
اتصور انته بيا وضع حال البتول
تبچی تنحب حايره الليله أشتگول
ساكته ومذهوله وتصب الدمع
٤
شمته بصدره وتحس ذابت الروح
حايره الزهره بدمعها والجروح
على الوالد تبچى بالمدمع تنوح
وروحها ذابت تحس مثل الشمع
٥
يمها حيدر عاش لحظات الحزن
اعز ناسه ايفارگ الليله ویون
يدري كلش صعبه ساعات الدفن
دفن روحه وحگه حيدر ينصدع
٦
حمل نعش المصطفى وبالگبر صار
نزله بأيده علي بحيره ومرار
من نظرله جنه مليانه خضار
وجه طه المصطفى نور ويشع
لاتنسون والدي ووالدتي وابني عباس من الرحمه والمغفره
خادمكم رياض الرسل
لطميه للرسول محمد ص
يبو الزهره عليك الكون مرجون
كلها اباب بيتك جو يونون
💎💎💎💎💎💎💎💎
اكعد يارسول الله تعال اهنا
الزهره اخلاف عينك صايحه ويلاه
ماتقبل تغيب انته عليك الاه
عدوانك ماراعو بيها
💎💎💎💎💎💎💎💎
هجمو عكب عينك شبو النيران
مانقبل تغيب انته يعالي الشان
بويه اخلاف عينك هجمت العدوان
مو حاضر وترد اعدانه
💎💎💎💎💎💎💎💎
مالي عكب عينك بعد حمايه
عدوانك تريد اتسيطر اهنايه
كالو وين سيد كون الولايه
شايل والزهره امخليها
💎💎💎💎💎💎💎💎
شايل ريت شخصك مارحل منا
ولبي غيره مانقبل عليه الاه
نريده البي حميه وحنه نتمنا
ياوسفه ايغيب امن اعيوني
💎💎💎💎💎💎💎💎
صب الماي يلي غسلت جسمه
اريد انحب وذب وناتي ابهمه
كبل ادم ابوي الي رسم اسمه
بلكون اسمه انخط احروفه
💎💎💎💎💎💎💎💎
تمت بعون الله تعاله
بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له
ابوذيات شهادة الرسول " ص"
..........
البـرية بنور طه من براها
يون أصل النبوة من براها
جروح الألم بعده من براها
ولا تبره جروح الفاطميه
.......
ثبـت هسه الألم بينه يجدنه
صدك ترحل تودعنه يجدنه
ويتامى خلافك العالم يجدنه
واه بكل وكت ننصب عزيه
........
العـقيلة تنسبي خلافـك يجدها
شمر حادي ضعن بيها يجدها
وبدواوين الغرب زينب يجدها
اليريد يشوف زينب وين هيه
........
النعم بيك أنت يالهادي يتمها
برحيلك سيدي الزهره يتمها
الوديعة تحـضر وياها يتمها
خديجه بالهضم تلكه الزجيه
........
حسن وحسين بغيابك من الهم
وتشاهد يا حزن بيهم من الهم
يريدونك طلب عدهم من الهم
ترد الهم يبويه بهل مسيه
.......
بألم ون الخلق ميت وحيها
محمد وادع ألزهره وحيها
جبريل بحزن يبجي وحيها
والله يعظم أجرج يالزجيه
........
أبأنين الشجن وينوح يانوح
ينوح الحزن هم بنوح يانوح
لحبـيب الله يـأدم نـوح يانوح
بمحـمد كوم وستقبل عـزيه
.......
أهل بيت النبي المعروف ياهم
خبر موت الرسول اليوم ياهم
ورحيله بيا هضم يا نوح ياهم
يحل بيها الحزن زهره الزجيه
.......
الك حزنت سمه الدنيه والأفلاك
الف حسره على فكدك والأفلاك
الك اللطم عـلى راسي والأفلاك
وأدورك بالنفس يابو الزجيه
........
عظمتك كل جبل راسي رسلها
وحـروفك بالرسل ربك رسلها
رسالات الوحي بنورك رسلها
العرف نورك عرف رب البريه
.......
عظيم ومحـد اليعـرف عظمتك
الوعـظ ما فاد ابامتـك عظمتك
لان كسرو يبو الزهره عظمتك
لمـن كسرو ضلع من الزجيه
........
يمولاي العرش صله بصلاتك
ولا واحد وصل عنده بصلاتك
يوصي الباري الوصل بصلاتك
النكًـر وصلك نكًـر رب البريه
.......
الشاعر
اياد الفرح التميمي
في ذكرى استشهاد النبي الأكرم (ص)
الزهراء تخاطب أباها الرسول
يبويه .. دخيلك لا تفاركني .. يبويه
بعدك دهري يسطرني .. يبويه
خيمه انته لي .. يا عِز هَلِي
&&&&&
بين الجروح ابنيِّتك .. لا لا تظل وَحيده
كلبي تَرِف ما يحتِمِل .. هَضْمََةْ ألم شِديده
ابجف الزمن لو أنسطر .. تدري ثجيله إيده
او عمري لو اتغَمْضِ الجِفِن .. الدمعه تِحِز وريده
يبويه .. بيش اِتريد اَحلفَنَّك .. يبويه
لا لا اتغَمُّضَن جِفنك .. يبويه
ابهَظْم اَمْتِلي .. يا عِز هَلِي
&&&&&
كالَوا بِلَمْثال البشر .. الوالد وجوده خيمه
او هاي البنِت من يرتحل .. عنها الأبو هظيمه
كلمةْ (يتيمه فاطمه) .. اعليَّه اشكثر أليمه
و انته اتعَرُفها دنيتك .. يا والدي لئيمه
يبويه .. اليتم يكسِر لي دلاَّلي .. يبويه
او خِلافك ينكلب حالي .. يبويه
دمعي اِيْهَلِي .. يا عِز هَلِي
&&&&&
بس عني ترحل يالأبو .. اتحاوطنِيِ الرزيه
او منِّ الرَّفِس حَمْلي يِكَع .. بالدم على الوطيه
يا بويه داري هالزمن .. ايحِرْكه ابحقد عليَّه
او سوطه اليِسَوِّد لي المتن .. آنه اَشْكُفه ابإيدَيَّه
يبويه .. يِعْصِرْني الزمن بعدك .. يبويه
او يِخون ابكل حقد عهدك .. يبويه
اِيْوِن مِغْزَلي .. يا عِز هَلِي
&&&&&
عني إذا اتغيب اَخبرك .. وَيَّاك اِخِذ حياتي
بعدك يظل هذا الدمع .. سَجَّادِتي او صلاتي
أَسْكِت لون منِّ البجي .. شيسَكِّت الـ بناتي ؟!
او باجر إذا ايطِكْني الزمن .. حيل ألزَم ابـ عَباتي
يبويه .. أصيحن من أشِم تُربك .. يبويه
او يسلِّيني الدمِع عكبك .. يبويه
كلبي اِيْغَلي .. يا عِز هَلِي
&&&&&
بعدك يبويه أنضرُب .. و اَسْمَع حجي الشِماته
صارت يتيمه فاطمه .. او حَلِّ النبي مماته
(وَإِنْ) يكولون ابضِحِك .. فاطم غِدت وِصاته ..
نكسِر ضلعها و ابدِمَى .. انخلِّي يِهِل (فُراته)
يبويه .. حتى السِدره كِطْعُوها .. يبويه
او فَدَك منّ اِيدي أَخْذُوها .. يبويه
الهم يعتِلي .. يا عِز هَلِي
&&&&&
خادم الزهراء (ع) : إبراهيم الدريس
في ذكرى استشهاد النبي الأكرم (ص)
غيابك يا رسول الله
يعني موتي و الطبره
او تره من تغمَض اعيونك
تُعصَر بنتك الزهره
ميِّت آنه أَنْعَد
ابغيبتك محمد
&&&&&
يعاشر دمعته الفارَكـ خَليله
و أنا امفارِكـ بشر ماكو مثيله
ابراحه أشعر جنِت كلما أجيله
او هسه العافيه خَذْها ابرحيله
بعد فركةْ أبو الزهراء
ظلت تنزف اجروحي
او كأن من جسمه يا هالناس
مو روحه اطلعت روحي
ناري حاشه تِخْمَد
ابغيبتك محمد
&&&&&
مثل فاطم بنيته بيتِ الأحزان
او بعد وجهك صرت كل عمري عطشان
أنا فاكد تره مو زلمه قُرآن
و أشد لوعه إذا تصبح له دَفَّان
إذا غاب الحبيب او راح
تحِسِّ ابكل نَفَس هَظْمه
او تموتن من تشوف العين
اثيابه امعلِّكه او هِدْمه
جرحي لا مَيِنْشَد
ابغيبتك محمد
&&&&&
ابنعش من صارت الشمس او ضُحاها
شفِت جَن كلبي بالحيره تَلاها
يريت آنه المشيت او يبقه طه
وَ لا ليل الهظُم فاطم غِشاها
يربِّي حيدر الكرار
تمنّيتك لون خَذْته
تره أتعذَّب آنه اهواي
حبيبك لو بِجَت بنته
حيلي والله ينهَد
ابغيبتك محمد
&&&&&
ما أُوْذِي نبي مثله ابأذيه
قبل ما يندفن تحت الوطيه
ربعه كسِّرَوا ضلع الزجيه
او جَرَّوا بالحبل حامي الحميه
قبل ما يندفن طه
ربعه وَجِّرَوا بيته
عصرَوا فاطمه الزهراء
او خانَوا كلهم اِوْصِيْته
انسطرت اهيه عالخَد
ابغيبتك محمد
&&&&&
يبو الزهره يمن ساكن بالكلوب
على امصابك يحِكْـ لي لو أشِكـ ثوب
أذكرك من يجي و ايلفيني الغروب
و أنادي وينك انته كلبي متعوب
أذكرك آنه كل مغرب
او تهل لغيابك أجفاني
ما أدري متت إنته
لو ميِّت بعد آني
حزني صعبه يبرَد
ابغيبتك محمد
&&&&&
من أذَّن بلال او بالسِّمه صاح
ركن عزم الزجيه او ركني هم طاح
كل شي ابروحتك يالمصطفى راح
او على الدنيه العَفَه بعدك يمصباح
ابرحيلك ينكسر ظهري
يطه او ينجرح الإحساس
و أحير ابروحي مثل احسين
يوم اليوكَع العباس
او هذي عيني تنسَد
ابغيبتك محمد
&&&&&
خادم الأمير (ع) : إبراهيم الدريس
في ذكرى استشهاد النبي الأكرم (ص)
يالمختار .. كل جفن .. دمعه ايسيل
يالمختار .. نندبك .. وي جبريل
&&&&&
رحيلك .. كل قلم يا سيدي يعجز يِوَصْفه
رحيلك .. بَحَر من أحزان بس من دون مَرْفه
رحيلك .. هوه لو لحظه يصد شالسوَّه خلفه
رحيلك .. جان نصفه ينذهل و اينوح نصفه
يالمختار .. فركتك .. حسره او ويل
يالمختار .. نندبك .. وي جبريل
&&&&&
إجينه .. يا حبيب الباري إنته او يا نبيه
إجينه .. المجلسك و الدمعه عالوجنه جريه
إجينه .. (و امحمداه) هتفنه ابكل عزيه
إجينه .. بالدموع انواسي يا طه الزجيه
يالمختار .. يبجي لك .. ميكائيل
يالمختار .. نندبك .. وي جبريل
&&&&&
مُحمَّد .. من غبت تصرخ صفت بالعين عبره
مُحمَّد .. يا نبينه ابكل كلب مشبوبه جمره
مُحمَّد .. فركتك نبجيها صرنه حسره حسره
مُحمَّد .. إلحياةِ ابغير وجهك والله مُرَّه
يالمختار .. فَطَّرِت .. كلب الليل
يالمختار .. نندبك .. وي جبريل
&&&&&
يخيمه .. بعدك الزهره تصير اهيه يتيمه
يخيمه .. اخلاف عينك إلها لا ما تبكه خيمه
يخيمه .. ورده هيه او هذا بُعدك عدها هيمه
يخيمه .. إلفرح تنساه او تترقَّب جريمه
يالمختار .. فاطمه .. عنها اتشيل
يالمختار .. نندبك .. وي جبريل
&&&&&
مكانك .. بنتك الزهره تصيحن بويه خالي
مكانك .. حاشه ميسدَّه أحد بعدك يغالي
مكانك .. آنه كلما أنظره ادموعي تلالي
مكانك .. او ذكرياتك لوِّعت كل لحظه بالي
يالمختار .. ظل يونِّ .. التهليل
يالمختار .. نندبك .. وي جبريل
&&&&&
عَلِينه .. الليله لجروحك صبح دمعه يسيله
عَلِينه .. او كام ايواسي ابحسرته البضعه الجليله
عَلِينه .. اشلون ما أدري كِدَر يدفن خليله
عَلِينه .. بعد أبو الزهره صفه مهدوم حيله
يالمختار .. بالحزن .. صار ايميل
يالمختار .. نندبك .. وي جبريل
&&&&&
خادم الرسول (ص) : إبراهيم الدريس
يارسول الرحمه.. عليك تبچي الأمة.
،،،،،،،،،،،،،،،،،،،،،،،،،،،،،،،،،،،،،،،،،،،،، ١
اغتالتك ايد العميلة. چبدك بسم أنفطر.
الغدر چبدك يامحمد. ضلع بنتك هم غدر.
ظلوا أهل البيت بعدك. بالمصايب والخطر.
من كثر حزنه اعلموتك طاحت چفوفه الگمر.
راحت اكبر نعمه. عليك تبچي الأمة
،،،،،،،،،،،،،،،،،،،،،،،،،،،،،،،،،،،،،،،،،،،،، ٢
أنكسر ظلع الزهره بعدك. ظهر الحسين أنكسر.
الباب يكسر ظلع فاطم. والحسين اعلنهر.
انكسر ظهره وظل ينادي. راح عباس الفخر.
الحرگ دارك حرگ خيمه. وحافر الظالم حفر.
الدنيه صارت ظلمه.عليك تبچي الأمة.
،،،،،،،،،،،،،،،،،،،،،،،،،،،،،،،،،،،،،،،،،،،،،،٣
من بعد موتك مصايب. اعلهل بيتك مؤلمه
الامة من بعدك ولوهه. وماكو ظلت مرحمه.
صوب البسمار، وسفه. صدر بنتك فاطمة،
عينهه المصطوره تنزف. فاطمة تنزف دمه..
تعيش هاي الأزمه. عليك تبچي الأمة.
،،،،،،،،،،،،،،،،،،،،،،،،،،،،،،٤،،،،،،،،،،،،،،،،
اجتمعوا بيوم السقيفه. وانولد أول شمر.
خانوا البيعة بظلمهم. انذال ماعدهم عذر
خانوا بحيدر الوالي. وطلقوا أسهام الغدر
وصيتك يالهادي وسفه. انباگت بعز الظهر.
ماكو ضلت كلمه. عليك تبچي الأمة.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،٥
عليك تبچي أم المصايب. زينب ويبچي الحسن.
أهل بيتك ما ارتاحوا. حاربوهم بالفتن.
بكل وكت تطلع سقيفه. والغدر طول الزمن.
يارسول الله بغيابك.انوار هالدنيه.انطفن.
تنذبح كل بسمه. عليك تبچي الأمة.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيدر موسى الرميثي
راحل محمد للمنيه وترك قرآن
ولفاطمه تارك ورثها بيت الاحزان
*------------*-----------*-------------*
امدد على فراش المنيه وحاله
رايد يوصي لأمته بأقواله
بس اللعين اتصبه إله ووكفاله
النبي يهجر عمر هذا الكاله
يوم الرزيه بالخميس ووكف شيطان
هذا ابن صهاك الشعلها بحقده نيران
*-------------*------------*--------------*
فاطمه شنهي السوته وعادوها
شرادت ورث والناس ما نصفوها
اية القربى شعجب ماقروها
اتفقو على بنت النبي وظلموها
يابن قحافه شلون ورثك جائز وجان
وورث الزجيه اتحرمه عنها بدون برهان
*--------------*-------------*--------------*
اجتمعو على بيت النبي أصحابه
عدوان جنهم للملك طلابه
لاجن رساله ولا وحي باعتابه
وكفو نواصب للوحي بابوابه
يردون حكم الجاهليه وحكم الاصنام
نكرو وحي رب الجلاله وماكو إسلام
*------------*-------------*--------------*
امه عجيبه والجهل واليها
ماشافت الأنوار واليهديها
بس الجهل متربع وعاليها
رجعت للاصنام اتبرك بيها
امه عجيبه اتعلمت تمشي بمتاهات
وارتدت لذاك الجهل معبوده للات
*------------*------------*--------------*
وكفو على بيت النبي عدوانه
عدوان لكن مثلو صحبانه
هالامه مخدوعه وتضل حيرانه
بثوب المكر تبعو جميع ألوانه
اليتبع محمد مايضل بمكره حيران
لكن آسف طلعو نواصب موش صحبان
*-------------*---------------*-------------*
محمد دعبل النوري
اليوم حزنانه البريه
عله فگد ابو الزچيه
وا ويلاه
وا ويلاه
*******
وداعـاً يارسول الرحــمه فارگـتك عجــيبة
لفاني الشيب بويه وحايره بهاي المصيبة
شگگ اكتابه قنفذ وگال طلعـوهه الغريبة
واني فاركـتك مـثل عاشـگ يـدور حـبيبـة
حان موعد العـــزية
عله فگد ابو الزچية
وا ويلاه
وا ويلاه
********
هظيمه تموت بويه وتعوف الاصحاب
غدر وخيانه الصار بيه برفسة الباب
كافي بويه هواي انته امطول للغياب
على الشباج اباوع ومظيعة الأحباب
نبچي بهاي المسية
عله فكد ابو الزچية
وا ويلاه
وا ويلاه
*******
عافـولي بـس الليل والظلمة والـحسرة
واني كتـلني البـاب والوجعه والعصرة
بـلكت تـجيني اليـوم تـجبرلي الكسرة
زهـرتك ذبـلت اللون أمـن الالـم صـفرة
ماتت وردة الجورية
عله فگد ابو الزچية
وا ويلاه
وا ويلاه
******
كلشـي راح و راحـت الحـلوه بوفـاتك
صـادق الأميني ربـك الـرافع صفاتك
وليلـة الـقدرِ حنيناً ايتةٌ مـن معـجزاتك
شفاء الـمرضى لازم والـدواء بمُنزلاتك
تبكيك عيناي العمية
علـه فـگد ابو زچيــة
وا ويلاه
وا ويلاه
*******
يالمـوالي تـحَظر انتـه وگـوم يلـة ابچيلة
ارد أواسي فاطم اني عل الرسول الليلة
فاطمه الزهره التگلـك ونــه ونــــه انـعيلة
كون من تحضر مجالس نيه وحده نويلة
روحك الظلت شجيـــة
علـه فكـد ابـو زچـــية
وا ويلاه
وا ويلا.
********
الشاعر مصطفى الفلك الفرطوسي
قصيدة بلسان حال الزهراء عليها السلام ، تنعى أباها المصطفى صلّى الله عليه وآله وسلّم ...
ـــــــــــــــــــــــــــــــــــــــــــــــــــــــــــ
أويلاه غاب نور المصطفى
أويلاه غاب نور المصطفى
ـــــــــــــــــــــــــــــــــــــــــــــــــــــ
آنه فاطم يابو فاطم
من عفتني بنوحي
للمآسي سلمتني
وللهضم وجروحي
چنت أبويه وچنت اخويه
وأنت توأم روحي
يالچنت لسراري كهفي
ونته مسمع بوحي
لچن آه شوفي منك ما اكتفى
أويلاه غاب نور المصطفى
ــــــــــــــــــــــــــــــــــــــــــــــــــــ
مِن جمالك من وصالك
مِن عَذِب بسماتك
مِن سكونك من هدوءك
مِن درر چلماتك
عيوني ما شبعن يطه
ولوقع خطواتك
بالأمان أشعر عليّة
من تگع نظراتك
عفتني وي جروحي النازفة
أويلاه غاب نور المصطفى
ـــــــــــــــــــــــــــــــــــــــــــــــــ
من چنت يا بويه تدخل
وبحنانك داري
أشعر بخير وسعادة
يا كهف أسراري
تمشي جدامك رحمتك
يا جلال الباري
كون اشوفن وجهك آنه
ليلي ويه انهاري
حياتي عگبك اعليها العفى
أويلاه غاب نور المصطفى
ــــــــــــــــــــــــــــــــــــــــــــــــــــــ
غادرتني بويه وَدري
عگبك يظلموني
أمّتَك نكروا وصيتك
بويه ما حشموني
جاروا عليّة بفعلهم
وبالضلع صابوني
شِعلَوا النار علبابي
ومِن فدك حرموني
يتيمة دمعي بالدم اذرفه
أويلاه غاب نور المصطفى
ـــــــــــــــــــــــــــــــــــــــــــــــــــــ
تدري بعدك آنه تالي
يالنبي محزونة
مِن شفت جور السقيفة
وحيدر يظلمونه
صُبّت ٱعليّة المصايب
وبابك يحرگونه
بيت مهبط للملائك
قسراً ايدخلونه
جنيني غدر أُمتَك يخطفه
أويلاه غاب نور المصطفى
ــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في شهادة الرسول المصطفى محمد صلى الله عليه وآله وسلّم …. مِن قصائد المُلَمّع
ـــــــــــــــــــــــــــــــــــــــــــــــــــــــــــــــ
تَنـــــعاكَ الـــنُورُ وطــهٰ
والشمسُ ينوحُ ضُحاها
لَيــــلُ رَحيــلِكَ يَغشاها
لَيــــلُ رَحيــلِكَ يَغشاها
ـــــــــــــــــــــــــــــــــــــــــــــــــــــــــــــــ
هالليلة أملاك السّمَه
تِذرِف دَمع محزونة
أوّلها جبريل الوَحي
تِهمل مرارة ٱعيونه
وبطيحِتَك شاع الخَبر
والكـون ٱتغيّر لونَه
طه النبي اليوم ٱرتَحَل
والعــايلة ٱيوَدعـونه
موسـىٰ يبكيكَ ونُوحُ
عِيسىٰ بالحُزنِ ينـوحُ
والأرضُ عليكَ شَجاهـا
لَيـــلُ رَحيــلِك يغشاها
ـــــــــــــــــــــــــــــــــــــــــــــــــــــــــــــــ
هالليلة مهضوم الوصي
وهِجمَت عليه أحزانَه
مِتصَبُّر بهالفاجعة
بتَسليمَه وبإيمانَه
رَاح الأخو الچان السّنَد
ومَحّد يِسِدّ ٱمچانَه
عالمصطفى ٱيهِل مَدمَعَه
وَي فاطمة الحيرانَة
نادى والدّمــعُ غَزيرُ
قلبي لِلــحُزنِ أسيرُ
والحَمدُ عليك تَلاها
لَيلُ رَحيلِك يَغشاها
ـــــــــــــــــــــــــــــــــــــــــــــــــــــــــــــــ
هالليلـة فاطم نادبة
وساتِر جِفِنها ٱتهَدّم
تصيح بهضُم يا والدي
كِل عمري راح أتألّم
روحي العَليك ٱمعَوّدة
ومِن عگبك آنه أتيَـتّم
مو بَس دَمِع عيني تِصُب
من فرگتك تهمِل دَم
تَبكيكَ مَعي الحُجُراتُ
وبأحشائي الزّفَــــراتُ
تنعىٰ الزهـراءُ أباها
لَيلُ رَحيلِك يَغشاها
ـــــــــــــــــــــــــــــــــــــــــــــــــــــــــــــــ
يالهادي يا مَن بالفَضِل
عِدوانَك التِشهَدلَك
يالصادق بقول وفِعِل
مَحّـد تِنَـكّر عَدلَك
يالمُصطفى وكِل غانمة
منسوبة لَك وترِدلَك
مالَك شَبيه برَحمتَك
يتشافى كِلمَن صَدلَك
بالحكمةِ بَحرُكَ زاخِر
واللُّـبُّ بِكُنهِكَ حـائِـر
قَدْراً قَد حُزْتَ وجاها
لَيلُ رَحـــيلِك يَغشاها
ـــــــــــــــــــــــــــــــــــــــــــــــــــــــــــــــ
يا أشرَف وأعظَم بَشَر
رَبّ العَرِش يخـتارَه
مِن قابَ قوسين ودَنا
وأصبَح كَهِف أسرارَه
وكِلّ العِباد ٱتعَلّمَت
مِن غِيرِتَه وإيثارَه
بيوم الوَطيس ولَو حِمَه
تلوذ الزّلِم بَكتارَه
يا خَيرَ الناسِ مَقالا
فَــذّاً وبَلَغتَ كمَــالا
والنّفسُ تُقىً أثراها
لَيلُ رَحيلِك يَغشاها
ـــــــــــــــــــــــــــــــــــــــــــــــــــــــــــــــ
لمصابك ٱعيون الفَلَك
تِجري المدامع طوفان
وحَتّى الجماد بطَيحِتَك
ظل ٱيرَدّد بالأحزان
واويلاه ٱعللمصطفى
وتِسمَع وَنينه الأكوان
مشلولة الإيد الغِدرِتَك
لِلهُدى أنهِدمَت أركان
وعليكَ الطّورُ تَصَدّع
ثغــرُكَ لِلسّــمّ تَجَـرّع
والكـعبةُ لاحَ بُـكاها
لَيلُ رَحيلِك يَغشاها
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في شهادة الرسول المصطفى صلّى الله عليه وآله وسلّم ،،،،،
ـــــــــــــــــــــــــــــــــــــــــــــــــــــــــــــــ
الليلة سُكّانِ السمَاء بالعَويلِ و بِالبُكاء
تصِيح لِلّهِ البَقاء المُصطفى رَاح
ـــــــــــــــــــــــــــــــــــــــــــــــــــــــــــــــ
الليلة هَالكون ٱنفِجَع ناحَت نُجومَه
وِالبَحَر مِضطَربَة وِحمَرّت رِسومَه
وِالجِبَل فوگِ السهَل تارِك غُيومَه
والحِزِن أعلَن عَلى الوَادِم هُجومَه
وِالشمِس ضَيهَه ٱنكِسَف
وِالقَمَر نورَه ٱنخِسَف
الكعبَة صَاحَت يا وِسَف
المصطفى رَاح
ـــــــــــــــــــــــــــــــــــــــــــــــــــــــــــــــ
طُور سَيناء الخَبَر أشعَل لَهِيبَه
الصُحُف وِالتّورَاة نَاحَن لِلمُصيبَة
وِالزّبورِ اليِنسِمِع وَنّه ونَحِيبَه
وعِيسَى بِالإنجيل ظَل يِندِب حَبيبَه
الليلة آياتِ الكِتاب
تِبچي دَم مِن هَالمُصاب
حَانَ آذانُ الغِياب
المصطفى رَاح
ـــــــــــــــــــــــــــــــــــــــــــــــــــــــــــــــ
طَه چانَت شَوفِتَه لِلأمّة نِعمَة
وِبدُعاءِ الهادي تِنزِل إلهَة رَحمة
إيطِگ وَرد بالگاع مِن يِسحَگهه جِدمَه
والحَجَر رَدّ السلامِ ويِنطِق ٱسمَه
بدَعوِتَه ٱنشَقّ القَمَر
بضَربَة إيدَه طَگ نَهَر
وِنحِنَى لَجلَه الشّجَر
المصطفى رَاح
ـــــــــــــــــــــــــــــــــــــــــــــــــــــــــــــــ
والعَدو بفَضلَه ٱعتِرَف طَه وشَهَدلَه
ورَأفِتَه وعَطفَه وحَنَانَه اليِحچي عَدلَه
شگد عَظيمة أخلاقَه تِعجَز يَالتّعِدلَه
ما يِرِد خايِب أبَد واحِد گِصَدلَه
كامِل ولَله الكمال
فارِسِ بسوحِ القِتال
صَدّعِ ٱمصابَه الجِبال
المصطفى رَاح
ـــــــــــــــــــــــــــــــــــــــــــــــــــــــــــــــ
رَاحِ أبوالزهرة وتِرَك فاطِم تِعانِي
ما تِفارِگ ناظِرَه چانَت ثَوانِي
طَه قُرآن وإهِي السّبعِ المَثانِي
إتشوفَه لو حَتّى بحِلِم ظَلّت تِتَانِي
تنادِي وِالمَدمَع جَرَه
عُگبَك آنَه ٱمحَيّرَه
گلبِي صَاح بمَجمَرَه
المصطفى رَاح
ـــــــــــــــــــــــــــــــــــــــــــــــــــــــــــــــ
وأُبوحسين الصّارعُگبَه ٱويَ اليِتَامَه
فرَاگه جَمرة وتِسعَر ليومِ القِيامَة
لِيلِ المفَارَگ بِدَه وخَيّم ظَلامَه
وأعلِنَت أُمتَه ٱنقلابِ علَلإمامَة
حَيدَرَة فَحلِ الفُحول
مگابِل الزّهرة البتول
بدَمعَة وَحدَة علَلرسول
المصطفى رَاح
ـــــــــــــــــــــــــــــــــــــــــــــــــــــــــــــــ
وِالدّمِع عَالهادي ما يِنشَف مَسيلَه
غَير طَه وأهلَه ما نِملِك وَسِيلَة
يَمتَى نِگصِد لِلمَدينَة ونِعتِنِيلَه
ونِمشِي مَشّايَة بمَواكِبنه الجَلِيلَة
ونِعقِد بطَيبَة العَزاء
ونُرفَع بصَحنَه اللّواء
نِنطِلِق مِن كربلاء
المصطفى رَاح
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيدة في استشهاد الرسول الأكرم صلّى الله عليه وآله وسلّم ، لسان حال الزهراء عليها السلام ،،،
ـــــــــــــــــــــــــــــــــــــــــــــــــــــــــــــــ
مُحمّد روحي فِداياك
مُحمّد ذابحني فرگاك
مُحمّد خل أمشي وياك
مُحمّد
مُحمّد
حاچيني بوية آنه الزچية
جاوبني يا خَير البَرِيّة
مُحمّد
مُحمّد
ـــــــــــــــــــــــــــــــــــــــــــــــــــــــــــــــ
غُمرني حَنانك
يالمكانك
خالي هاليوم
أفارِگ جِنانك
مِن زِمانك
گلبي ملچوم
بوجودك تِسهَل الصعبة
چنت ما أشعر بغربة
مِشيت وحَلّت النكبة
تِغيّر حالي
عيوني لجَيتَك ٱترابِي
چنت لَمّن تِدِگ بابي
تِبَرّد جَمرة صوابي
يبويه الغالي
لَچن آه بويه لَچن آه
فگدناه نورك فگدناه
بَليّاه ظلمة بَليّاه
لَچن آه
لَچن آه
ما تدري شنهو الصار بِيّة
جاوبني يا خَير البَرِيّة
مُحمّد
مُحمّد
ـــــــــــــــــــــــــــــــــــــــــــــــــــــــــــــــ
چِنِت يا حَبيبي
ويا طَبيبي
سِر وِدَادِي
بوَداعَك نَحيبي
مِن لَهيبي
حَر فؤادي
عليك اتعَوّدَت عَيني
رَحِيلَك زَيّد اونِيني
غِيابَك بويه ياذيني
ذِبَح أحلامي
خَيالك عايش بروحي
وِصالَك مَرهَم جروحي
سَفُرتَك هَيّجَت نوحِي
وبِدَت آلامي
ألاگِيك وَين آنه ألاگِيك
أرِد لِيك وشلون أرِد لِيك
وَحاچيك أگعِد وَحاچيك
ألاگِيك
ألاگِيك
بَحلامي وِتسلّم عَلَيّة
جاوبني يا خَير البَرِيّة
مُحمّد
مُحمّد
ـــــــــــــــــــــــــــــــــــــــــــــــــــــــــــــــ
عِفتني يَتيمَة
بالهِضيمة
تِبچي وِتلوع
يَطه سَقيمة
چَنّي غَيمَة
تُمطُر ٱدموع
يبويه اليِنظُر لحالي
حَزينة وفاگِدَة الوالي
زِماني بضَيمَه يِبرالي
وَخَذ كِل حَيلي
أصَبّر روحي بالعَبرة
الضلِع ما يِنجُبُر كَسره
أجُرّ أنفاسي بالحَسرة
وَساهِر لَيلي
شُنوالصّارعگبك شُنو الصّار
الزّمن دار بويه الزّمن دار
هالٱقدار شاءَت هالٱقدار
شُنو الصّار
شُنو الصّار
شِفتِ النّوايِب والأذِيّة
جاوبني يا خَير البَرِيّة
مُحمّد
مُحمّد
ـــــــــــــــــــــــــــــــــــــــــــــــــــــــــــــــ
زَمانَك غِدَرنِي
وِنتِظَرنِي
أهمِل ٱدموع
وَحيدَة نِظَرني
ما عِذَرنِي
وهَشّم ٱضلوع
زَمانِي اسهامَه مَسمومَة
رِمانِي ولَسّه مَلچومَة
وِلانِي وآنَه مَحرومة
عِفتني ابحِيرَة
نَحيلة وتِرجِف ٱجدامِي
يَطه والگلُب ظامِي
أظَنهَه گُربَت أيامِي
يَرَاعِي الغِيرَة
أشوفَك يَمتَى آنه أشوفَك
أعوفَك ما راح أعوفَك
أطوفَك بَحلامي أطوفَك
أشوفَك
أشوفَك
بانَت علاماتِ المَنِيّة
جاوبني يا خَير البَرِيّة
مُحمّد
مُحمّد
ـــــــــــــــــــــــــــــــــــــــــــــــــــــــــــــــ
يَبويه وَعَلِينَه
ظَل وِلِينَه
مَركَز ٱهموم
دَمِعتَه وحَنينَه
ومِن وَنِينَه
تِبچي الغيوم
وَصِيّك لو تِجي تشوفَه
حَزين ٱدموعه مَذروفَة
تِخِذلَه الأمة وتعوفَه
وَصِيّك حَيدَر
علَفَگدَك يِجذِب الوَنّة
إمام وصَعبَة أشوفَنّه
العِباد اتفَرّقَوا عَنّه
وَصِيّك حَيدَر
بالٱحزان حَيدر بالٱحزان
والٱشجان گابُع بالٱشجان
والٱزمان دَارت هالٱزمان
بالٱحزان
بالٱحزان
يِنحَب عليك بكِل مِسِيّة
جاوبني يا خَير البَرِيّة
مُحمّد
مُحمّد
ـــــــــــــــــــــــــــــــــــــــــــــــــــــــــــــــ
دُموعِ النواظِر
بِالمَحاجِر
حُفرَت أنهار
وِسَف بِالمَقابِر
إنتَه صَايِر
يابو الٱنوار
بسَواد ٱتوشّحَت طِيبَة
تِنوح لهَاية المصِيبَة
يَطه وغَيبتَك غَيبَة
الحِجاز تنادِي
الكِتاب ٱيصيح يا طَه
أرِضنَه ٱتنوح وِسمَاهَه
الشرائِع يِنحَبِ اوياهَه
جِبَل والوادِي
يِنِدبون فَگدَك يِنِدبون
يِنوحون لَجلَك يِنوحون
يِعَزّون فاطِم يِعَزّون
يِنِدبون
يِنِدبون
نارِالحِزِن بالدّم سِرِيّة
جاوبني يا خَير البَرِيّة
مُحمّد
مُحمّد
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
امودعينك......يارسول الله بدمع
امودعينك.........امتك تكسر ظلع
يارسول الله ......يارسول الله
*******
اتغير نظام اهل العرش....عزريل واكف بالدرب
هذا الوحي ابابك هتف يخجل عالهادي يطب
يستأذن اگبالك يجي....ويعاين الموقف صعب
حتى المراسيل اختفت ..ظرف الرساله
بيا كتب
نادبينك......دمعه وأصوات وعويل
نادبينك.......صعبه لحظات الرحيل
يارسول الله .....يارسول الله
*******
سولفلك انواع الحزن ...جرحك تعيشه فاطمه
لوعة مراسيل الهجر.....جبريل جايبلك دمه
اول ملمات الغدر ... مكسور چن ظلع السمه
بعدك تشوف الي جره...يفجعون حماي الحمه
بالمدامع.......ينوح أذان الصبح
بالمدامع.....يعني فاطم تنجرح
يا رسول الله......يا رسول الله
*******
فجوه اعله تيجان العرش...صوت النعي ماينوصف
چن القيامه بهالامر ...شفناها والموقف
كلف
مكه ومنه طلعت تون...جبريل بدموعه هتف
والدنيا امست مظلمه... كلشي بغيابك مختلف
گاصدينك........والدمع عالخد نزل
گاصدينك........ينتحب خير العمل
يارسول الله .....يارسول الله
*******
تمطر مجرات الدمع.....والحسره عاشت
بالهجر
ما ظلت الدنيا بأمل ....صبت حقدهه بهالامر
ماغزر اتعاب النبي ...طعنوك شيمتهم
غدر
گالو رسول الله هجر ...وصحابك تريد
العذر
امعذبينك.........ذوله خانوا بالوفه
امعذبينك.........ابلا درايه ومعرفه
يارسول الله .......يارسول الله
*******
فضلك تنكره امتك......بعدك تشوف الي جره
مابيهم اليسوه العتب ...والفحمه بانت وذره
والهجمه چانت من وگت.. مجروح ظلع الطاهره
معقوله باب الله احترك.... يحتار يوگف حيدره
بالسموات......بيهه بس نوح وحزن
بالسموات......فگدك المصحف يون
يا رسول الله ... يارسول الله
*******
تركت وصيتك ناكره....ماعدهم بعهدك ثقه
والامه عافت رحمتك.....خانت وثيقة امصدقه
باهلت بيهم عترتك......نجران چانت ملتقه
كل هذا عافوا حيدره.....تركوا حديثه ومنطقة
امشاهدينك......امر من رب السمه
امشاهدينك......أرث تنطي فاطمه
يارسول الله ....يارسول الله
*******
تمت بعون الله
خادمكم .....يوسف الفتلاوي
قصيدة في شهادة المصطفى محمد صلّى الله عليه وآله وسلّم ،،،،
ـــــــــــــــــــــــــــــــــــــــــــــــــــــــــــــــ
يا رَحمَة الباري ونَبِيّه يا مُحمّد
ما تدري يا خَيرالبَرِيّة يا مُحمّد
ذِيچِ الوَصِيّة الواضِحَة
نِكروهَه وبذَاك الضّحَى
ما تدري يا خَير البَرِيّة يا مُحمّد
ـــــــــــــــــــــــــــــــــــــــــــــــــــــــــــــــ
الأمة العِدهَة مَبدأ لازم إطّيعَك
موشِ علَلكراسي ومَنصِب ٱتبِيعَك
ونِسَت يا طه هاي الأمة تَوديـعَك
وطِعنَت بالوَصِيّة البِيهَة تَوقِيعَك
وجثمانَكِ الطاهِر تِعِـيفَه يا مُحمّد
وتجَمّعت تَحتِ السقيفَة يا مُحمّد
والباقِي رَاح انوَضّحه
نِكروهَه وبذَاك الضّحَى
ما تدري يا خَير البَرِيّة يا مُحمّد
ـــــــــــــــــــــــــــــــــــــــــــــــــــــــــــــــ
داَر وللمــــلائك مُختَلَف چانَت
يا طه شسِدَه مِن ساعِتَك حانَت
نَوايا ومُــبغِضَة وبروحِتَك بانَت
ولاحُرمة إلَك يالمصطفى صانَت
هِجموا على دارِالزچية يا مُحمّد
وتِحمّلَت عگبك أذِيّة يا مُحمّد
ومنهه الجفون امجَرّحَه
نِكروهَه وبذَاك الضّحَى
ما تدري يا خَير البَرِيّة يا مُحمّد
ـــــــــــــــــــــــــــــــــــــــــــــــــــــــــــــــ
نَعَم يالمصطفى كِسروا ضِلعِ مِنهَه
ولا بِنتِ النبي ولا كوثَرَه چَـنهَه
گِضَت باللّوعة دِنياهَه برَغُم سِنهَه
يِفِت گلبِ الصّخَر مِن يِنسِمِع وَنهَه
بَيت الحِزِن أصبَح سَكَـنهَه يا مُحمّد
بيومِ الرّحِت لِبسَت چفَنهَه يا مُحمّد
بَيتِ الحِزِن مَتبارِحَه
نِكروهَه وبذَاك الضّحَى
ما تدري يا خَير البَرِيّة يا مُحمّد
ـــــــــــــــــــــــــــــــــــــــــــــــــــــــــــــــ
عَلِي آ يا عَلِي لو تِنظُر احوالَه
مِن هذا المَرار الموتَة أشوالَه
نِزَف گلبه بألم ما ظَلّت اوشالَة
ومُصايِب دِنيِتَه يالهادِي تُبرالَه
مِن أُمّتَك شافِ القَطيعَة يا مُحمّد
وِتحَمّل لأجلِ الــشّريعَة يا مُحمّد
زُمرَة وما تِملِك مِستَحَه
نِكروهَه وبذَاك الضّحَى
ما تدري يا خَير البَرِيّة يا مُحمّد
ـــــــــــــــــــــــــــــــــــــــــــــــــــــــــــــــ
ماتَت غِيــــرَةِ الأمة گبُل مَوتَك
نِسَـــوهَه رأفِتَك يا طه وِمروتَك
يَمَن چَان الوَحي يِستأنِس بصوتَك
كَريم ولا سَجِيّة غانِمة ٱتفـوتَك
تِبچي السمَه وزَخّت دَمِعهَه يا مُحمّد
وِنشَقّت الگاع بجَـــزَعهَه يا مُحمّد
وناَحَت عَليك النايِحَة
نِكروهَه وبذَاك الضّحَى
ما تدري يا خَير البَرِيّة يا مُحمّد
ـــــــــــــــــــــــــــــــــــــــــــــــــــــــــــــــ
برَحِيلَك موسَى يا طه ٱنهِدَم حَيلَه
وعزاءَه مِستِمِر عِيسى ٱويَ إنجِـيلَه
ومَـريَم وَيّه فاطِــم تِنحَبِ الليلة
وداود وزَبورَه بحَــسرَة يِبچـــيلَه
والكَعبة ناحَت والمدينة يا مُحمّد
لَيلِ الحِزِن چلچل عَلينَه يا مُحمّد
غَيبة مُحمّد جارِحَـــة
نِكروهَه وبذَاك الضّحَى
ما تدري يا خَير البَرِيّة يا مُحمّد
ما تدري يا خَير البَرِيّة يا مُحمّد
ـــــــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
#قصيدة_للرسول_محمد
تقرى بطور السريع وطور الثكيل
#المستهل
رسول الله عليك العين لعميهه
ودمعاتي الزجيه تشهد اعليهه
رسول الله رسول الله رسول الله
•───✧◐◐✧───•
اعمي العين لوما تبجي لمصابه
وجمرات بدليلي اعليه لهابه
ابكل مجلس اصيحآ آه يايابه
ابو الأمه محمد هو حامينه
رسول الله رسول الله رسول الله
•───✧◐◐✧───•
اللطمه اعليك اشدهه واكسر اضلوعي
وبالمجلس اونلك واذرف ادموعي
تصرخ يامحمد هاي الجموعي
الدنيه اخلاف عينك طعم مابيهه
رسول الله رسول الله رسول الله
•───✧◐◐✧───•
وي جبريل كلنه اليوم حزنانين
وسفه اتروح ياجد الحسن وحسين
احنه ابحاجتك هاليوم مظلومين
الشيعه بكل وكت مولاي سابيهه
رسول الله رسول الله رسول الله
•───✧◐◐✧───•
ويه ام الحسن نبجي ونجر ونه
الف وسفه عليك انصيح سيدنه
كل هاي الخدم وياي تتعنه
الزهره بمجلسك جينه نواسيهه
رسول الله رسول الله رسول الله
•───✧◐◐✧───•
لاامسح دمعتي ولاابطل النوح
ودمعاتي على الوجنات تبقى اسفوح
وكلبي ابفركتك مولاي ظل مجروح
عندي اذنوب بس دمعتك تمحيهه
رسول الله رسول الله رسول الله
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
ياسيد الاكوان يالمصطفى
بفقدك على الحياة العفى
يبن اشـرف عشيره وعمه ابوطالب
وابن عمـــــــك مقاتل خيبر الغالب
الك ڪل هالعرب رفتــلك الشارب
والك بالمصحف الباري بقه يخاطب
أَلَمۡ نَشۡرَحۡ لَكَ صَدۡرَك وَوَضَعۡنَا عَنكَ وِزۡرَك
بحرُ الندى رمزُ العلى والوفا
بفقدك على الحياة العفى
يخـــــــــاتم الانبياء وســـيد العالم
ابــو الڪـــــل آدم وانت ابو آدم
الكرم بسمك يصير ومو بسم حاتم
يمن بالرحمه ݘفـــك للخلگ سالم
لَعَلَىٰ خُلُقٍ عَظِيمٍ قَالَهَا رُب عَلِيمٍ
وذكرك للداء صار الشفا
بفقدك على الحياة العفى
ابمحبتك رضّعتنه امن الصغر امنه
وترانه ابخلــقـك وخُلقـــــــك تعلمنه
محمـد يـــامحمـد انتـــه مُلهــــــــمنه
الصلاة اعليك تجـــري سيدي ابدمنه
ارسل الله نبينا رَحْمَةً لِلْعَالَمِينَ
قد انزل الله لك المصحفا
بفقدك على الحياة العفى
اذا يم يوســـــف انجـوم السمه سجدت
الگمر لجله انحـنه ويمه الشمس ركعت
الك كــــل هالخلايق يالنـــــــبي صلت
وضمايرنه الخـــــدمتك تعرف اتشوگت
شوقنا بالقلبِ يبقى لرسول الله نلقى
كشوق يعقوب الى يوسفا
بفقدك على الحياة العفى
كلام الله نزل يالمصطفى لجلك
لَهُمْ لَوْ ڪُـــنْتَ فَظًّا ربك يگلك
غَلِيظَ الْقَلْبِ لَانْفَضُّوا مِنْ حَوْلِكَ
عليهم رحمة الله انت وي اهلك
اية التطهير انتم بالعلى والخلد فزتم
للدينِ صار اسمك المسعفا
بفقدك على الحياة العفى
وليد المندلاوي
في ذكرى استشهاد الرسول الأعظم (ص)
فرگتك هدَّتلي حيلي
او ذبِّحت حلمي اودليلي
يا رسول الله هِظيمه
فاطمه تصبح يِتيمه
يا هِظيمه يا هِظيمه
&&&&&
يالچنت ليَّه دُفُو
اشحالةِ الما عدها أبو
يهجم اعليها العدو
اويكسر الها چم ضلع
ابنيِّتك لمدلله
ادموعها بس هامله
صارت ابشدَّه او بَلَه
اوخدها بعدك ينصفع
من تحل بيك المنيه
يحترگ بيتي عليه
انته خيمه اومالي خيمه
فاطمه تصبح يِتيمه
يا هِظيمه يا هِظيمه
&&&&&
يبو اچفوف الدافِيَه
روحي بعدك طافِيَه
اوياك أخذت العافِيَه
والفرح ويه الهوه
ليل بعيوني الصبِح
من بعد وجه السمِح
والجرح بعد الجرح
ينزف ابگلبي سوه
الدهر ما عنده مشاعر
صار بضلوعي حوافر
هذا دهري اوهذْ ضيمه
فاطمه تصبح يِتيمه
يا هِظيمه يا هِظيمه
&&&&&
إلك أرفع شكوتي
ابهظم مطرت غيمتي
شوف عالخد دمعتي
بالحزن صارت تسيل
أصرخ ابصوت الألم
بيتي يا بويه انهدم
اغيابك ابگلبي سهم
او سَحِگ يشبه بويه خيل
اغيابك ايشيِّبلي راسي
اويجرح ابضيمه حواسي
دنيتك تدري لئيمه
فاطمه تصبح يِتيمه
يا هِظيمه يا هِظيمه
&&&&&
بعدك آنه اتيتَّمت
او حيل بويه اتعذَّبت
مثل ورده اتذبَّلِت
امن المدامع والسهر
من تسافر للسمه
ينغدر حامي الحمه
اويوگع اجنيني ابدمه
اوتسمع ابضلعي انكسر
بويه حيَّرني زَماني
موتتي ظليت أتاني
كلشي بعدك بويه هيمه
فاطمه تصبح يِتيمه
يا هِظيمه يا هِظيمه
&&&&&
إسمي سيِّدْةِ النِّسه
والدهر بيَّه قِسَه
اعليك أون صبح او مِسه
بويه يا خير الرِّسِل
صرت باب الكل حزن
اوگلبي بالهم مندفن
ليلي بويه من يجن
أذكرك والدم يهل
إنته بس ابگلبي غالي
ليش تجرحلي خيالي ؟!
اِلغياب أكبر جريمه
فاطمه تصبح يِتيمه
يا هِظيمه يا هِظيمه
&&&&&
ساكْته اوبيه جمُر
اوعلي يتجرَّع صبُر
اوخدُر ما ظلِّي خدُر
بعد عينك يا أبي
بويه هاي العايله
من عفتها معوله
تنتظرها كربله
اوينتظرها أعظم سبي
من بعد عينك يبويه
زينبك تصرخ يخويه
دم على الشيبه الكريمه
فاطمه تصبح يِتيمه
يا هِظيمه يا هِظيمه
&&&&&
إبراهيم الدريس
في ذكرى استشهاد النبي الأكرم (ص)
بويه بويه .. دمعتي ابعيني
بويه بويه .. فدوه حاجيني
لُو رحت من بين إِدَيَّه
يحتركـ بيتي عليه
بويه بويه
&&&&&
فركتك يا بويه صعبه .. اموادعك أكبر جَرِح
اشلون ترحل عني بويه ؟! .. او هالزمن تدري وَكِح
بس تِغَمْضِ اعيونك انته .. ابعصره صدري ينجِرِح
اعيوني ما كفَّت دمعها .. او عالجرح ذبَّوا مِلِح
بويه بويه .. بعدك أتيتَّم
بويه بويه .. ضلعي يتهشَّم
من تخاويها المنيه
يحتركـ بيتي عليه
بويه بويه
&&&&&
إبتِدت قصةْ عذابي .. بويه من كلمةْ (هِجَر)
او هيه ما إلها نهايه .. حته لو ضلعي انكِسَر
احجايةِ اغيابك يبويه .. حفرت ابخدي نَهَر
او كرّبت ساعةْ أكلك .. خدي يا بويه انسِطَر
بويه بويه .. بنتك الزهره
بويه بويه .. تنتظر سطره
من بعد هاي الرزيه
يحتركـ بيتي عليه
بويه بويه
&&&&&
بعدك أكضيها الليالي .. بويه مجروحةْ كلُب
او دمعي بعيوني يكلك .. افراكك انته أصعب صعُب
من تغَمْضِ اعيونك أنظر .. حكِّي جهراً ينغصُب
و أنضرب بالسوط و آنه .. عاده ما عندي الضرُب
بويه بويه .. جالورد أذبَل
بويه بويه .. أنضرب تقبَل ؟!
و أجرَع ألوان الأذيه ؟!
يحتركـ بيتي عليه
بويه بويه
&&&&&
يوم شالَوا بويه نعشك .. روحي صارت مقبره
او ضاكت ابعيني الوسيعه .. او مدمع اعيوني جره
أرد أخبرك بس تروحن .. تنكلُب أُمْتك تره
يهجمون اعليه كلهم .. و آنه بس وحدي مره
بويه بويه .. حلميِ اتبدَّه
بويه بويه .. عصرَوا الورده
فوكـ لجروح اللي بيه
يحتركـ بيتي عليه
بويه بويه
&&&&&
بعد عينك يا حبيبي .. و اشكثر تهظُم (بعد)
عَمَد إنته و انته تدري .. الخيمه تهوي ابلا عَمَد
هسه صار اسمي اليتيمه .. او صار ما ليه سَنَد
اجروحي تتنازَف شفتها .. لنَّه ما يمها الضُّمَد
بويه بويه .. رايده أشتمَّك
بويه بويه .. و أندفن يمَّك
او كبرك ايضُمْنه سويه
يحتركـ بيتي عليه
بويه بويه
&&&&&
بعد عينك بويه حيدر .. اهوايه تجرح حالته
بالحبال ايجرَّه حاقد .. و اهوه يجري دمعته
جَرَّوا المصحف عجيبه .. شنهي بالله اجنايته ؟!
او من حبل أهل الظغينه .. دم تسيلن ركبته
بويه بويه .. يكسر الخاطر
بويه بويه .. ابفركتك حاير
جَرْجِرَوا حامي الحميه
يحتركـ بيتي عليه
بويه بويه
&&&&&
خادم الزهراء (ع) : إبراهيم الدريس
في ذكرى استشهاد النبي الأكرم (ص)
من شال النعِش حيدر
ضلع الفاتحه اتكسَّر
السكينه اتودِّع اليوم السكينه
علي ابفكد النبي ألله يعينه
ألله يعينه
&&&&&
هذا أبو الحسنين لمَّن شال بجفوفه النعِش
ضجَّت ابحسره المدينه او مال عالهادي العرِش
الفاتحه آهات صارت من بعد طه تِطِش
و ابدمِع عالهادي أحمر امبلَّل أنظُر كِل رِمِش
عالهادي بِجَه المصحف
او حسراته مَتِتْوَصَّف
بآياته تِصِد آيَةْ وِنينه
علي ابفكد النبي ألله يعينه
ألله يعينه
&&&&&
والله حكه الكون يبجي او يذبَل ابحزنه الوَرِد
هذا شمْس الله او أمانه الراح او لا يمكن يِرِد
اشلون عرش الرحمه هوه اتراب ايضُمَنَّه او لِحِد
و اللي وجهه امرايَةَ الله اغيابه ما واحد يِسِد
لِغْياب النبي الكعبه
اتونِّ او حسَّتِ ابغُربه
زمزم صاح هاليوم ابـ حَنينه
علي ابفكد النبي ألله يعينه
ألله يعينه
&&&&&
مدمع الزهره الجَليله عالأبو من ينسِجِب
آية أحزان الكواكب بالمدامع تنكِتِب
من بعَد عين أبو القاسم دار بنته يلتِهِب
او ينسطر خدها او مَتِنْها ابسوط ويلي ينضِرِب
بعْد المصطفى الزهره
يهديها الزمن عصره
حمامَةْ غاره هالليله حَزينه
علي ابفكد النبي ألله يعينه
ألله يعينه
&&&&&
من بعد طه نبينه صار أبو الحمله غريب
تجذب الوَنَّه الكنائس تجري دمعات الصليب
ابغيبةِ المختار حيدر اتيتَّم او خاوَه النحيب
ايكضِّي كل عمره ابصَفِنْته اليدفِن ابجفَّه حَبيب
ابروحــــهْ تاكل الوَنَّه
من غاب النبي عنَّه
وَطَن لِجْروح صارت هيه عينه
علي ابفكد النبي ألله يعينه
ألله يعينه
&&&&&
حيدر الكرار لمَّن طه فوكـ المُغتَسَل
إبتِدَه ابتغسيله لاجن ابسرعه وكَّف مَحْتِمَل
علي يسأل علي فِعلاً هل أبو الزهره رِحَل ؟!
هوه خير العَمَل هذا ايجَفِّن ابـ خير العَمَل
ساعات الغِسِل حيره
والله يا هَلِ الغيره
روحه اللي يغَسِّلْها علِينه
علي ابفكد النبي ألله يعينه
ألله يعينه
&&&&&
اغياب أبو الزهره الزجيه لوَّع ابجرحه القَلَم
او سطَّر ابكلب الليالي احروف تتنازَف ألم
اغياب طه يعني حيره او ضيعةَ أيتام او حَرَم
و ابظُهُر عاشور يعني ابصَدْر أبو اليمه سَهَم
اغيابــهْ يعني مسبيه
اتصير الكِلْها حِنِّيَّه
او تِعُود ابلا أَهَل لَرْضِ المدينه
علي ابفكد النبي ألله يعينه
ألله يعينه
&&&&&
خادم النبي (ص) : إبراهيم الدريس
في ذكرى استشهاد النبي (ص)
على لسان الإمام المهدي (عج)
ماتَ الهُدى .. غابَ النَدى
والدنيه بعدك بس صوايح
يالساكن ابكِل الجَوارح
& & & & &
يا جدي كُل شِي ونِّ الك .. او هاي الكلوب انْكِسْرَت
او من كد عَظيمه امصيبتك .. حته الصخور اتْفَسْرَت
يوم اللي غمَّضْت الجِفِن .. جبْد السماءِ انفِطْرَت
و ابعين متروسه دمع .. شفْت النجوم انْكِدْرَت
يَبكي الهواءْ .. تنعى السماءْ
و ابكُل شِي صرْت أسمَع نوايح
يالساكن ابكِل الجَوارح
& & & & &
أبجي الغيابك سيدي .. والله مثِل رقيه
ذيج اللي ما شافت أبو .. شافت سياط اميه
إلليله بنتك فاطمه .. ابحبْل الحزن سبيه
تبجي الزجيه الغيبتك .. وآنه ابجي عالزجيه
دمعُ البتولْ .. يجري سُيولْ
دمْع الزجيه الـ حزني شارح
يالساكن ابكِل الجَوارح
& & & & &
يا شمِس وَ أرقى امن الشمِس .. موَّتْني حيل اغروبك
بعدك يجُرِّ ابونِّته .. او يلطُم صدر .. محبوبك
صرْت انته يا جد يوسفي .. وآنه صرِت يعكوبك
او حته النظر يا جد يِرِد .. إِبْعَثْ لي يا جد ثوبك
صِرْتُ كمَنْ .. بِلا وطنْ
هيجي صُفَه حال ابو صالح
يالساكن ابكِل الجَوارح
& & & & &
ابمجلس عزاءَك سيدي .. دمْع القهر ظل يجري
وابجَرِح فكدك يالأبو .. ظل سارح اشكد فكري
بِغْيابك الما ينحمل .. أحمل جنازَةْ صبري
او تختصر أحزان الكلب .. يا جدي لطمةْ صدري
مدى الحياةْ .. ألصبرُ ماتْ
و ابغيبتك ظل فكري سارح
يالساكن ابكِل الجَوارح
& & & & &
بعدك أذانَ الله انجِرح .. وانجِرح مني لِحْساس
او ضاكت الوَسْعه ابغيبتك .. او وَيَّاها ضاكت لنْفاس
مرَّه أدِكِّـ اعله الصدر .. مرَّه أدِكِّـ اعله الراس
او نبلةْ غيابك لو تِصِد .. بِعْيوني مثْل العباس
طالَ الفِراقْ .. متى التَلاقْ ؟!
بُعْد الحبايب سَهَم جارح
يالساكن ابكِل الجَوارح
& & & & &
جرحك فِتح باب الألم .. او خلّف جروح اهوايه
واحد وره الباب انرِسَم .. والثاني عَمْسَنّايه
و الأعظم ابطف كربله .. شيبه ابدِمَه امحنّايه
لاجن وحَكـ سبيِ الحرم .. كل ثار اَرِدَّه ابآيه
يومَ الظُهورْ .. ثأرُ النُحورْ
يا رايِح او موش انته رايِح
يالساكن ابكِل الجَوارح
& & & & &
خادم المهدي (عج) : إبراهيم الدريس