5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
لصحن الحسن مشايه
المشايه امن البحر
والگـصـدت للنـحر
في وقـت المنتـظر....للحسن تندب
اويه حسين وتستعد
مجـمـوعـات أو فـرد
من صـحنـه وللچـبد....تطلع بموكب
وبالدرب أصحابه اموزعهم مولانه
والحـر اينـادينه وايـرَحـب ملگانه
وايرحب وهب
كـل مــوكــب الوفـايه
لصحن الحسن مشايه
ـــــــــــــــــــــــــ١ــــــــــــــــــــــــ
من عابس كل هلا
ايـوصـلـهـا لكربله
وتوصلـنه امـهـيله....وعذبه محبوبه
وايـوزع مـوكـبـه
مـن بعـد المـأدبه
لـزوار المجـتـبـى....علـگ مـن ثـوبه
والعلگ من ثوبه اللي اتـمـزگ بجنونه
والأخذ من عنده ايشع نور من عيونه
من گد العشگ
وهـنـيالـه واللـه بهـايه
لصحن الحسن مشايه
ـــــــــــــــــــــــــ٢ــــــــــــــــــــــــ
مسلم بنْ عوسجه
بالمـوكـب منـهـجه
كــل زايـر لـو إجـه....منـه ما يعـبـر
مـــن زاده الـمـا أكـل
ما يمشي شما حصل
وايـــوزع لـلــوصــل....لؤلؤات ودر
والذهـب كـل زايـر خـلالـه بنـص زاده
من الحسن متعلم هيچ وينطي مراده
لزوار الحسن
ومـا ينـطي إلا هـوايه
لصحن الحسن مشايه
ـــــــــــــــــــــــــ٣ــــــــــــــــــــــــ
بن ظاهـر هيبته
يتـلگـه بشـيـبته
زوار الـوصـلـتـه..ويكتب التالي
هالزايـر ينكـتـب
ما عنده أي ذنب
وذنوبه تنشـطب..زايـر الغــالي
وبالسجـل كـتـبـولـه زايـر حـتـى الزهـره
ومن بَعَد وايسجل چم حجه وچم عمره
وايضاعـف إله
في كل دعا واحچـايه
لصحن الحسن مشايه
ـــــــــــــــــــــــــ٤ــــــــــــــــــــــــ
والـدرب يـنـظـرَّه
لن موكب مفخره
وايسر كل ناظـره..موكب الكافل
بي خيمه من الضوه
ويسـتـأذن كـل هـوه
ايـمـر بيـهـا لـو نـوه..من ابو فاضل
زينبه چي بيها امضويها امغطيها
وجِربِته ماليها ويم اخته مخليها
وما تعطش بعد
ومـا تــروه إلا بـمـايه
لصحن الحسن مشايه
ـــــــــــــــــــــــــ٥ــــــــــــــــــــــــ
هـنـا يـبـدأ لـلحـسن
مـأتـمـهـم والشجـن
ومن ثمَ من الوطن..موكب يغادر
ايـردون لـكـربلـه
والحـره امـدلـلـه
بس تذكر سنسله..وتذكر الحافر
وتنتحب بـس لَمّن يسمعـها الكافلها
بالهودج تتبسم بس چفه ايمده الها
وتفرح زينبه
وإلـهــا يــرف بـالـرايه
لصحن الحسن مشايه
ـــــــــــــــــــــــــ٦ــــــــــــــــــــــــ
نسألكم الدعاء والفاتحة لوالديَّ
احمد البصراوي العبادي
#رجوع السيدة
جايبه اجروحي لكبرك ما اجه أبالي ارد
حيل كبرانه بغِيابك وروحي ذبلها البعد
هوايه تعبني الوكت
ردت اموت وما متت
جيتك بيوم أربعينك شايله آهات والم
جيتك محدبه ونحيله بلا محامل لا علم
عليك دلاني حنيني وگبرك المتروس دم
مبين من ابعيد گبرك مغطه برماد الخيم
انكسر خاطر اخيتك ومحد يجبره وعلي
هايه اول مره اجيلك وانت ما گايم الي
اعذرني خويه تعطلت
ردت اموت وما متت
.
.
.
.
على ترابك يا جروحي كون يتبده العمر
ما اذبن ماي خافن يفز نحرك بالگبر
لسه ريجي اعليك يابس والهوى يدخل جمر
شلون ابلل ريجي وانت ريجك مشبعيه طبر
يا خسارتنا الجبيره ياللي نظراتك وطن
عفتك مطشر يغالي جسمك شلون اندفن
شحالي بعدك من رحت
ردت اموت وما متت
.
.
.
.
كربله شچم حلم باگت بحسره خلتني اعتنيك
جيتك ابلايه رقيه وجر اجر بروحي ليك
ماتت وازرگ جسمها ماتت بحسرة عليك
احتار من تنشدني عنك شرد اگول شلون اجيك
شكثر كالت بابا بابا مردت بكلبي النياط
ميته من الحرگه بنتك مدري ميته من السياط
وبدفنها تحيرت
ردت اموت وما متت
.
.
.
.
وين ذيج الهيبه كلها خويه شو گبرك زغِير
شايل الدنيا بكبرها شلون شالوك بحصير
على گلبك خيل تركض وانت ابو گلب الجبير
وراسك الخلصها ساجد عالرمح تالي يصير
الگابلك ما يسوه كلشي وانت أمام وابن امام
سيوف دم احجار غربه صارت عليك ازدحام
الكلفه من اطشرِت
ردت اموت وما متت
.
.
.
.
وحق شيباتك وعطفك اختنگ لو شفت ماي
بالسبي مشدوهه خويه وراسك الينطيني راي
شكد حنين وما تركني بالشمس يفتر وراي
اعله الضعينه هواي يفتر ساعة رايح ساعة جاي
رغم ما تعبان راسك بيه شديت العزم
راس من رتل الايه خورس احلوگ الزلم
كباله حيل اتعذبت
ردت اموت وما متت
الشاعر عبدالله الشويلي
اشما تباعدني البلاد او مهما لو دهري اختِلٓف
تبقه كل ايّامي عاشر او كل مكان ابعيني طٓـف
___
حتّى لو جسمي ابتعد روحي تظل يّمك تحِف
و آنه واعدتك جناحي ابغير جـوَّك ما يرِف
اجروح إلـبْـگلبي چثيره لچن جرحك يختلِف
اوياك يا أقدس جرِح
عندي سِرْ ما ينشرِح
و آنا ساكت منفضِح
اشلون لو أحچي او أگول اشلون لو سرنه انكشف
___
وين ما ينزل رِكابي چني نازل بالطفوف
ألتِفِت بربع جهات او غير شخصك ما أشوف
صرت ما أسمع بذاني غير رنَّات السُّـيُوف
او صِرت بعدك ما أحِس
كلشي اشوفه بالعكِس
مظلمه ابعيني الشمس
و البدر ليلة تمامه ابعيني اشوفنّه انخسف
___
آنه من يوم العرفتك طلَّگـت معنى الفرح
او كلشي مربوط اويه غيرك من وسط گلبي انمسح
صدِّگ ابغير الجرالك أبد فكري ما سِرَح
ذكرياتي و الصِّوَر
راحن او ماظل أثر
بس بقت صورة نحر
او عين نابت سهم بيها او علَم مرمي او يمّه چف
____
آنه كل ونسه اعتبرها ابغير أبو اليمّه حرام
و اللي ما جرّب غرامك لا يسولف عالغرام
الدنيا لو مابيها إنته چا عله الدنيا السلام
بيك يحسين الجمال
مَدري واقع لو خيال ؟
يا جلالة ذو الجلال
العلگمي ظامي إجاك او من عذِب مايك غِرف
_____
بين أحبابي او هلي عايش لچن عايش وحيد
حتّى لو بالجنّه أنزِل ما أظن أصبح سعيد
إخذ كلشي من حياتي غير دمعي ما أريد
إخذ عمري او دنيتي
خلني آنه او دمعتي
بيها اسلّي وحشتي
يا طعَم يبقه لحياتي لو دمِع عيني نِشَف ؟!
_____
گلبي يستوْحش تره ابغير المدامع و النحيب
و اشعر ابروحي ترِد من اسمع اِلونّة خطيب
من أدِگ صدري اويه رادود اشعر ابصدري يطيب
ابدنيتي يكفيني بَـسْ
شلتك ابصدري نَفَـسْ
و ابوجودك گلبي حَـسْ
يا نبض دلالي لولا امحبتّك نبضي وگف !
_____
| معنى الفرَح |
الميرزا عادل أشكناني
#نعي شعبي
#لحن أومت بيديها صوب الشريعه
••وصول-زينب-يوم-الأربعين••
وصلت ارض الطفوف الهاشميه
وطاحت عالگبر تون ونه شجيه
وجوهنا مغيرة من حر اللظيه
والمتون مورمه من ضرب الدعيّه..
صاحت يسكنه تعالي ويا نساوين
وصلنا والدمع سال عل الخدين
إجيتك سبيه وانه اصفق بالأيدين
بنوحي وحنيني والدمعه جريّه..
نامت زينب بكتر گبر اخوهه
تنعي وتعتب ع اللي دللوهه
اختك بعد عينك بغصب سبوهه
وخذوها من بعد عزهه سبيّه..
يا عمه شو والدك راسه مَعنده
اقدرت تنزّله شلون عمه بلحده
ياعلي حد وياه لو ادفنته وحده
عساني وياه مدفونة سويّه..
شمّت تراب الگبر وبكتره ناحت
يا ابن امي شنهالفاجعه علينا لاحت
يا ريت روحي وياك يبن الزهرا راحت
من يوم الطحت عالغبره رميّه..
هاجت احزاني يخويه من وصلناكم
صرنا ننادي واحنه ما نسمع نداكم
معذور خويه وريتها روحي فداكم
لكن اشبيدي المحتم رماكم...
_______**
خادمة أبالفضل
قسم المنبر الحسيني/مجموعة الاخوات
نعي لاربعين الحسين عليه السلام
===$
زينب عندما رجعت بالاربعين الى قبر الحسين
جعلت تنادي عمه علي اين قبر اخي والحسين دليني على القبر
تكول
====
عمه علي لبوك اخذني
ليكول خاف اختي نستني
ويكول اختي ما اجتني
====
خافنه لن يعتب عليه
ويكول اخيتي اكطعت بيه
مايردي رحت حرمه وسبيه
====
مشتاكه لهلي وجايتهم
وهواي ماني شايفتهم
يكعدون ويحيون اختهم
===
انه جايه من بعيد لهم
مشتاكه لشوفتهم واجيهم
واكعد واسمعنه حجيهم
===
يكعدون من اوصل الوليان
ومفاركتهم من زمان
وعنت علي اجوه الحنان
===
عنت علي اوجوه الاخوه
نامو يوسفه بكاع شلوه
وتعذروني اهل المره
===
شنهي السبب وتعذروني
احنان اخوتي ليش انكروني
وبديار غربه ظيعوني
===
اريد اكعد ع كبور النودهم
وكثر عتب من صوب اختهم
جاوين راحت محنتهم
===
وين المحنه وين الحنان
وجاوينها لمت الخوان
راحت حسافه والزمن خان
===
راحت اخوتي والمحنه
ولاجنه ربينه ابيت اهلنه
ولاجن فرد دره رضعنه
===
ما جنه ترعرعنه وربينه
ولاجن كعدنه ولاحجينه
خان الوكت وطشرينه
====
راح الولي الكله محنه
وراحت يسوسفه اجوه اهلنه
والدهر من عدهم عزلنه
===
عزلنه الدهر عنكم يالحباب
ماضل ولي منكم يالاطيباب
ماكو حنين اليفتح الباب
====
مامن ولي اليكصد يجيني
ولحد ينشف دمع عيني
كله لهل زينب ونيني
===
لمن اجت لكبور اهلها
محد كعد ويمرحب الها
والبين وياها عملها
====
عملها الوكت وي زينب او خان
ظلت سبيه تريد الاخوان
نسوها وهل نامو بتربان
===
كون الكبر يحسين بي باب
لكعد وكثرلك بالعتاب
وكلك الحرمه بيش تنهاب
===
يهابونه الحرمه بهلها
ماكو حنين اليفزع الها
وزينب مشه عنها الكفلها
===
زينب مشه عباس اخوها
والكوم من بعده ولوها
نامو وبالغربه نسوها
====
كعدو تلكوني ينيام
وانه جايه وبكلب محتام
عفتوني مابين ظلام
====
عافونه ونيريد يمهم
حلوين اهنله وما نملهم
يكعدون يتلكون اختهم
====
تمت بعون الله بقلم العلويه ام اسامه الموسوي شاعرة اهل البيت عليهم السلام غير مربي الذمه اليحذف الاسم
زُر قبرَ سبطِ الهاشمي الهادي
بصوت الخطيب الشيخ باقر الدراجي
🌺 نعي ( ليوم الاربعين ) 🌺
-------------------------------------------------------
اجتي العقيلة اليوم ليهم
محتامة لخوتها و حجيهم
و اتنوح هالليلة عليهم
اتنوح محد گعد ليها
مهضومة من يسمع حجيها
تلطم و امورمات اديها
معروفه وكت الاربعينات
تمشي الحبايب و الحنينات
يبجن على الكلهم امروات
بس زينب اجت والهاشميات
و تتعثر النوگ الهزيلات
و شمرن نفسهن عالترابات
يردن الليله اهل الكلافات
شبعن اهموم و مهضمات
ما بيهن لطم كلهن امورمات
ما بيهن ايدگن على امتون
و الدمع وشل من الاعيون
الله يعين الليله ام عون
الله يعينج يالعقيله
جيتي و هالجيه ثجيله
محد بقالج تشتكيله
ذبت نفسها عالترابه
واتصيح ياگلبي وصوابه
ما مات من ماتو احبابه
تعالن الليله و گابلني
ما ضل حنين ايشيل حزني
كله على الوليان وني
الليله خل نذكر الخوان
و ما ننسه يا لوعة الشبان
وسافة غطتهم التربان
النوح عالشبان اجيمه
حسافه من سكنو الهيمة
راحو يا وسفه ضليمة
خربت معانيهم الحلوة
و گلبي يحبابي تچوة
ضليت بونيني اتلوة
خل نبجي عالطيبين كلنة
راحو البيهم محنة
للموت ما ينفل حزنة
حزني عليهم ما افله
و الدمع حد الموت اهله
خلو بنص دلالي عله
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
▪️مايجاوبها▪️
طور:ما يحاجيها
الملا حيدر البياتي
*( ما يجاوبها .. حچت وي گبر أخيها )*
اجت زينب عليله اتزور إلطفوف
يويلي امغيره واللون مخطوف
تحاچي اگبورهم والدمع مذروف
تشم اترابته والگلب ملهوف
*( مايجاوبها .. حچت وي گبر اخيها)*
تحاچيه الگبر واتشمه واتنوح
تگله اشلون صارت گلي الجروح
اجيتك عانيه تدري بلا روح
وونات الهضم بألواني اتلوح
*( ما تگعدولي .. ترى دلالي ذايب )*
تگله اگعد يوالي گلبي ملچوم
ما لايگ يخويه لمثلك النوم
احسبنك تطر الگبر واتگوم
وتشوف اشسوت ابزينب هلهموم
*( لو تشوفوني .. تسوون العجايب )*
يهالنايم اجيت احچي اويه التراب
واسئله ياجرح ظل وجرح طاب
واحلفه بالزچيه يفتح الباب
تراني امن الهضيمه امخضبه اخضاب
*(ما يحاجيني .. جرح گلبي سكوته)*
على گبرك نمت وانده يالحْنين
عجيبه اشلون ماهزك الي اونين
سگيت اترابتك من دمعة العين
دگوم استقبل الليله الخواتين
*(جايه ازياره .. زينب من سبيها)*
تمت
بقــ✒️ــلم بنت الشمري
و: فاطمه كريم
#ابيات_نعي
عند رجوع #السيدة_زينب ع وهي تخاطب اخاها الحسين ع
. من وزن
. النصاري
. .
ارجعت والعين كلها دموع و آلام
وشسولفلك يخويه الصار بالشام
يخويه هناك عفت اثنيـن ايتـام
خولـه ومن عگـب خولـه رقيـه
يزيــد هــواي راوانــه النوايـــب
بنـات اخـدور حطّونـه بخرايـب
لا وليــــان فزعــت لا گرايـــب
و گيـد السلسلـه امگطّـع اديّـه
آنه الچانت تحاوطني الهواشم
هسه من العبيد اسمـع شتايـم
و ديوان الزلم جابوا فواطـم
وحبـل چـف العليـل انـدار بيـه
اجت زينب لچن موش العفتها
ولون تنظر على اختك معرفتها
النوايـب حيـل زينـب غيّرتـها
چنت امدلّلـه و هسه سبيه
لون تخبر يخويه الحال و تشوف
سود من الضرب صارن هالچفوف
كوفه و شام و جروح الطفوف
أقل من نظرة الشامت عليه
ضيم الصار بيّه ايشيّب اطفال
ونـال الدهر مني اليـوم ما نـال
على ايزيد ادخلت بيديه الحبال
و اگبالي الرجس سب الزچيه
..... ..... ..... ..... ..... .....
✍🏼علي نوري الحلفي
خلو الملامة و العتب
شيعي حسيني وأفتخر
عباسي بوگت الحرب
و هيهات أنذل و أنكسر
آهاااااات
يا لثارات الحسين
هيهااات
ثائر ورافع جبين
راياااات
ترف بيوم الأربعين
مشاية ما نعرف تعب
لحسين جينا ع الوعد
جد أبن أخ أم ويا أب
نطلب من حسين المدد
يا حسين
جيتك وأنا كلي حزن
يا حسين
الطم على صدري أون
يا حسين
الدنياء من دونك سجن
لحسين نتعنى ونجي
و نصير للزاير خدم
أنا يمه يحليلي البڜي
دمعات ممزوجة بدم
خدام
حيا على خير العمل
خدام
أجري على الزهراء أجل
خدام
ما يوم أحس بملل
..............................
الشاعر اليمني شمسان احمد الحسام
نعي مفجع
السيده زينب بعد رجوعها من السبي
تشكو الى ابا الفضل العباس ( ع)
كـلــهــه هـزيـلــه وتـضـلـع الـنـوگ
وحـادي الأخذنـه بـيـهـن ايـسـوگ
فــوگ الأگـولـه الـمـنـظــر ايـفـوگ
يـوم الـوكـفّـنـه ابـوسطت الـسـوگ
وگــمــنــه انـتـردد بـيـن الـحـلــوگ
حـتـى الـطـفـل بـحـبـال مـشـبـوگ
اگــعــد يـخـويــه تـطلـب احـگـوگ
نـــوم الــتــرب مــا ٱظـنـن ايـلــوگ
ادري الـچـفـوف الـطـاحـت اتـعـوگ
عـنــدك سـبـي وصـيــوان مـحـروگ
*---------------*---------------*
✍خادم زينب (ع)
الشاعر رعد الجريخي
شده للاربعين عن لسان حال زينب ع
اجيت من اليسر والدرب تعبني
حدر كتر العبايه راس خال ابني
..............
الله يعين كلبي وشكثر صبره
خلصت الدرب حسره باثر حسره
ياكسر الكلب ماواحد ايجبره
امشي وراس اخوي وياي رافكني
.............
لوعندج اخوي وكلش تحبينه
عزيز ومايهون عليج تنطينه
موش بعينج المنحر تشوفينه
وانه وياي راسه وحيل عذبني
.............
كليلي يزينب ياصبر عندج
حدر كتر العبايه راس خال ابنج
ياعظم المصيبه وياعظم صبرج
ماضل حيل خال الولد هدمني
.............
كلما ادير عيني الراس اشوفنه
اكله يابعد روحي واشبكنه
ومن اشتاك لبن امي اشمنه
دولبني الوكت دولاب دولبني
.............
رديت ودليلي رايد اخوانه
متعني الكلب لحسين بحزانه
جبت راسك وجيت اليوم دفانه
اريدحسين عن ضيمي يناشدني
✍️ ام زينب كربلاء غير مبرئ الذمه من يأخذ الكلام وينسبه له او حذف الاسم
من كتاب المآسي الفاطميه الجزء السادس عشر
لزيارة الاربعين ..
.
عمري فدوه الك عمري
نوحي وعبرتي وقهري
انته دمعتي التجري. ….. حُسيناه
.
.
.
يحسين الك ناوي السفر
وي طلعة المشايه
بدرب اربعينك سيدي
شلت ابيميني الرايه
رتلتك ابروحي. عشگ
واربع حروفك آيه
سجلني. ياروح النبي
وي ربعك الوفايه
.
أسمي أنته كل أسمي
جرحك يسري وي دمي
أگضي بخدمتك دهري.. حُسيناه
.
.
.
سائل اجيت الحضرتك
منك اريدن نظره
تتصدق اعليه ابهظم
وتمن عليه ابعبره
1900 جرح.
انطيني. منهن. طبره
بيها اواسي فاطمه
بكسر الضلع والعصره
.
أسمع كسرة اعضامك
وافهم. ونّت . الآمك
واهدي الثورتك عمري .. حُسيناه
.
.
.
درب المشي لزيارتك
متعطر بأحساسك
واليمشي مايتعب لأن
يشتم عبير انفاسك
يالعندك انصار اشكثر
بالخدمه رفعوا راسك
فزعوا مجانين العشگ
خدامك وحراسك
.
خادم يغسل اجدامي
وآخر يروي بالظامي
واني دمعتي ذخري … حُسيناه
.
.
.
ماخذني الك درب العشگ
امشي وعيش الآمك
بچفوفي ماشدوا حبل
محروس أنه بخدامك
زاد الذي. استطعمه
محرومه منه ايتامك
آنه المواكب.خيمتي
وانت الجمر بخيامك
.
وجهي محد ايصفعه
ظهري محد ايدفعه
وانت مالك الامري… . حُسيناه
.
.
.
الگبرك ايرد الضعن
يوم اربعين احزانك
يحمل خبر عن غربته
من غيروا عنوانك
بنتك رقيه ابكل كتر
چانت تدور احضانك
راسك تشوفه بلا جسد
وتحاوطه عدوانك
.
لاچف لاحظن دافي
راسك بالرمح غافي
نادت بيه هم تدري… حُسيناه
.
.
.
أحلفك ابكسر الضلع
هاي الزياره أقبلها
مدمن أنه بشم تربتك
اودمعتك ماملها
سر كربله ماينفهم
من كل درب نندلها
حتى الطفل وسط المهد
آية دمع رتلها
.
نحيى لمن انزورك
نبصر من يشع نوك
عاشگ للطم صدري… حُسيناه
.
.
تمت ولله الحمد
لا تنسوني ووالدي من فضل دعائكم المبارك
.
.
حسن الموالي الفاطمي
قصيدة ثكيله لأربعين الحسين
#من_ديوان
#مواجع_الطف_الجزء_الثاني
{ ضميت راسك يالولي }
ضميت راسك يالولي جوه العبايه
من الشمس يحسين متغير اهواايه
•───✧◐◐✧───•
متغيره اوصافك يخويه وكل معانيك
فوك الرمح مرفوع راسك وانه اصد ليك
من كربله للكوفه خويه العده اموديك
وللشام راسك يالولي ويانه حمايه
•───✧◐◐✧───•
راسك يخويه كبال عيني رافعينه
طول الدرب يحسين ينظر عالضعينه
وكلما يضربون الحرم يندار لينه
وابنك علي السجاد ضل مشدوه رايه
•───✧◐◐✧───•
لمن وصلنه الشام هاي اعضم مصيبه
من جابو الراس بطشت مخضوب شيبه
ورقيه فوك الراس موتتها الحبيبه
يبن امي واحتاريت بيها بهالولايه
•───✧◐◐✧───•
شفت العجايب بالدرب واليوم اجيتك
انصب عزيه بكربله تكعدلي ريتك
يم الكبر يحسين اسويها اربعينك
اكعد وخل احجيلك الصاير اويايه
•───✧◐◐✧───•
ضيم وهظم يحسين راووني هالانذال
ضيم العلي ماينحمل ويهدم اجبال
واصعب واشد من الجره يحديني جتال
بحجار اهل الشام شمروهن ورايه
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف براء الذمه من القصيدة
يمته نرفع راية.
للحسن مشايه.
ــــــــــــــــــــــــــــــ١ـــــــــــــــــــــــــــــــــ
بيا وكت نتعنه. للحسن نتمنه.
ينطلق موكبنه. الگبر الحسن.
من طريق الجنه. شلون نشبع منه.
نلطم وبالونه. نذكر ضعن.
زينب المسبيه. الفگد أغله أبنيه.
بالخرابه.ارقيه. والكل حزن.
والبشر عنايه.
للحسن مشايه.
ـــــــــــــــــــــــــــــــ٢ــــــــــــــــــــــــــــــــ
عدرب چم موكب. بالعدد مانحسب.
للزيارة أحنه أنحب. لزيارتك.
الشيعه تلتم يمك. يالحسن وتحشمك
بالدموع أتكلمك. كل شيعتك.
بابك الماينسد. ليش ما الك مرقد.
اليوصلك يتهدد. يارحمتك.
شيعتك وفايه
للحسن مشايه
ــــــــــــــــــــــــــــــ٣ـــــــــــــــــــــــــــــــــ
نزور گبرك لازم. يمته وي الوادم
ايصلي بينه القائم. وصط الصحن.
يبني گبرك بيده. المهدي كلشي يعيده.
اليوم هذا أنريده. يبني الحسن.
مايضل وهابي. بالارض وارهابي.
تصيح فاتح بابي. وتصبح وطن.
اتصير احله حچايه
للحسن مشايه.
ـــــــــــــــــــــــــــــــــــ٤ــــــــــــــــــــــــــــــــ
نصنع من أترابه. تربه واحنه أحبابه.
أنصلي يم محرابه. ركعت عشگ.
من المشي مانتعب. والدرب مايصعب.
بينه عبرت زينب. يوم الطبگ.
ماتمل رجلينه. من المشي تدرينه.
گلوبنه أتچوينه. الدم محترگ.
الصبر طال هوايه.
للحسن مشايه.
ـــــــــــــــــــــــــــــــ٥ــــــــــــــــــــــــــ
اليقره مجلس عازم. بالدرب عالقاسم.
الحسن ذكره بجاسم. أبنه الشهم.
والمواكب ثوره. تنصر أبن الزهره.
اله نوصل گبره. الشيعه زلم.
يجي يوم نزوره. وتسمع المعموره.
الحسن يصطع نوره. ضد الظلم.
ابابه نقره الايه.
للحسن مشايه.
ـــــــــــــــــــــــــــــــــــــــــــــــــــــ
حيدرموسى الرميثي
رجوع مولاتي زينب عليها السلام
زينب ردت امن الشام. ما واحد تلگّاها
عدها هموم عدها جروح. المن تشكي بلواها
٠٠٠٠٠٠٠٠٠٠٠
زينب ردت امن الشام. مسبية وتهل عبره
وصلت كربله بيا حال. تبچي وبالگلب جمره
نزلت من على الناگه. لگبر حسين ابو العتره
ركضت والجدم مدمي
تصرخ والدمع يهمي
آ يحسين يبن امي
زينب للگبر ركضت. والكل ركض ويّاها
٠٠٠٠٠٠٠٠٠٠٠٠٠٠
من وصلت لبواليمه. زينب عالكبر طاحت
آنه اختك يبعد اختك. شيّبني السبي صاحت
ايام الجنت ويّاك. بالعز والخدر راحت
يحسين شكثر آلام
بالكوفه ودخول الشام
آنه ام الخدر انضام
وگفتي بمجلس ابن زياد. هاي شلون انساها
٠٠٠٠٠٠٠٠٠٠٠٠٠٠٠٠٠
تبجي عله الكبر زينب. خويه حسين حاچيني
معقوله التراب يصير. حاجب بينك وبيني
يريت الموت أخذني ولا أظل بعدك يضي عيني
من كثر المصايب هاي
خويه تغيّريت هواي
اطفال وحرم وياي
بس بنتك رقية هناك. ماتت خويه عفناها
٠٠٠٠٠٠٠٠٠٠٠٠٠٠٠٠٠٠
ماتت بالخرابه عليك. ما تحمل الم وجروح
ماتت من حزنها عليك. ظلت بس تون وتنوح
شبگت راسك وماتت. وطلعت من جسمها الروح
طفله وتبچي ليل انهار
من سوط العده الاشرار
يحسين بمتنها آثار
بجروح السبي وهمها. من ماتت دفنّاها
٠٠٠٠٠٠٠٠٠٠٠٠٠٠٠٠٠٠٠٠٠٠٠
ماريد العمر يحسين. ريت وياك دفنوني
آنه الماچنت انشاف. خويه حسين شافوني
بية اتشمّت الملعون. يزيد اگباله چتفوني
شلّي بهالعمر بعدك
خلّيني انزل بلحدك
اروي بدمعتي چبدك
ياريت اندفن ويّاك. روحي الضيم اذّاها
سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
#الأربعين
زينب ع عند قبر مولانا الحسين ع
لحن الشيخ علي الجفيري♪
ردينه خويه من اليسر
ودليني وينه هالگبر
مشتاگه اشمن هالنحر
عطره اشمه وعنبره
〰〰〰〰〰〰
خليني أضمك بالحضن
خويه يا مسلوب الكفن
عطشان اخيّه وما أظن
رَوّوا وِريده ومنحره
〰〰〰〰〰〰
خلني أقبّل منحرك
خلني احبه خنصرك
اشبع وداعك وانظرك
احضن ضلوع مكسّره
〰〰〰〰〰
لحظة بشمك يا ورد
سالم يا ريته هالجسد
راسك ندفنه باللحد
نحط على خده عالتره
〰〰〰〰〰〰
ارد ٱسولفلك عالدرب
عن مشيتي ويّا لغرب
ضربوني والمدمع يصب
اختك واجيت ميسره
〰〰〰〰〰〰
ترضى يخويه عالهزل
ويحدي بظعني هالنذل
مشدودة ايدي بالحبل
يضرب عزيزة حيدره
〰〰〰〰〰〰
الشاعرة الحسينية
خادمة آل محمد ص✍🏻
#رجوع السيدة
جايبه اجروحي لكبرك ما اجه أبالي ارد
حيل كبرانه بغِيابك وروحي ذبلها البعد
هوايه تعبني الوكت
ردت اموت وما متت
جيتك بيوم أربعينك شايله آهات والم
جيتك محدبه ونحيله بلا محامل لا علم
عليك دلاني حنيني وگبرك المتروس دم
مبين من ابعيد گبرك مغطه برماد الخيم
انكسر خاطر اخيتك ومحد يجبره وعلي
هايه اول مره اجيلك وانت ما گايم الي
اعذرني خويه تعطلت
ردت اموت وما متت
.
.
.
.
على ترابك يا جروحي كون يتبده العمر
ما اذبن ماي خافن يفز نحرك بالگبر
لسه ريجي اعليك يابس والهوى يدخل جمر
شلون ابلل ريجي وانت ريجك مشبعيه طبر
يا خسارتنا الجبيره ياللي نظراتك وطن
عفتك مطشر يغالي جسمك شلون اندفن
شحالي بعدك من رحت
ردت اموت وما متت
.
.
.
.
كربله شچم حلم باگت بحسره خلتني اعتنيك
جيتك ابلايه رقيه وجر اجر بروحي ليك
ماتت وازرگ جسمها ماتت بحسرة عليك
احتار من تنشدني عنك شرد اگول شلون اجيك
شكثر كالت بابا بابا مردت بكلبي النياط
ميته من الحرگه بنتك مدري ميته من السياط
وبدفنها تحيرت
ردت اموت وما متت
.
.
.
.
وين ذيج الهيبه كلها خويه شو گبرك زغِير
شايل الدنيا بكبرها شلون شالوك بحصير
على گلبك خيل تركض وانت ابو گلب الجبير
وراسك الخلصها ساجد عالرمح تالي يصير
الگابلك ما يسوه كلشي وانت أمام وابن امام
سيوف دم احجار غربه صارت عليك ازدحام
الكلفه من اطشرِت
ردت اموت وما متت
.
.
.
.
وحق شيباتك وعطفك اختنگ لو شفت ماي
بالسبي مشدوهه خويه وراسك الينطيني راي
شكد حنين وما تركني بالشمس يفتر وراي
اعله الضعينه هواي يفتر ساعة رايح ساعة جاي
رغم ما تعبان راسك بيه شديت العزم
راس من رتل الايه خورس احلوگ الزلم
كباله حيل اتعذبت
ردت اموت وما متت
الشاعر عبدالله الشويلي
زُر قبرَ سبطِ الهاشمي الهادي
بصوت الخطيب الشيخ حسام المسافره
قصائد مقدمة المجلس
#رقم_136
#مصيبة_الأربعين
الشيخ باقر الخفاجي الطهمازي الحلي (ت ١٣٨١ هـ)
1_ زُرْ قبرَ سِبطِ الهاشميّ الهادي
ولَدَيْهِ حُزناً وا حُسيناً نادِ
2_ زُرْ قبرَه في الأربعينَ وِثقْ بها
يَومَ القيامةِ فهي خَيرُ الزَّادِ
3_ واذرِ مَدامِعَ مُقلتَيكَ بِعَندَمٍ
مُستَعبِراً مُتَجلبِباً بِسَوادِ
4_ حَتَّى كأنَّكَ جابِرٌ لَمَّا أتى
مُستقبلاً للعابدِ السَّجَّادِ
5_ وَافَى بِأضعانِ الفَواطِمِ زائِراً
لِضَرائحِ الشُّهداءِ والأَمجادِ
6_ واذكر مُصيبةَ زَينبٍ إذ أَبصَرَت
قَبرَ الحُسينِ هَوَتْ عليه تُنادي
7_ أَحُسينُ تعلمُ ما لَقِينا في السِّبا
غُصَصاً مُقيمٌ شَجوُها بِفُؤادي
8_ نَشكُو إليكَ مَسيرَنا بينَ العِدى
وَوُقُوفَنا في مَجلسِ ابنِ زيادِ
9_ نَشكُو إليكَ وِثاقَنا بِحِبالِهم
ومَساقَنا قَسراً لكلِّ مُعادي
10_ عَجَباً بناتُ أميةٍ في حُجْبِها
وبناتُ أحمدَ للعُيونِ بَوادي
11_ وعلى يزيدٍ أدخلونا حسَّرىً
والعِلجُ أظهرَ كامنَ الأحقادِ
12_ أحسينُ هذا بعضُ ما شاهدتُه
رُزءٌ يُصدّع شامخَ الأطوادِ
13_ أحسينُ جِئنا والرؤوسُ جميعُها
معَنا لِندفَنها معَ الأجسادِ
14_ ونَرُشُّ فوق قبورِكُم ماءً عَسَى
نُطفي بِذاكَ حرارةَ الأكبادِ
**
الشعر الدارج لأحد الشعراء :
يا خويه شعددلك امن اهمومي
شحجيلك شگلك يا كثر لومي
وانا الجنت بدلالي وهيبه من يومي
ومحّد شاف طولي وشاهد خيالي
للكوفه شگلك يا ضوه عيوني
يسيره امجتفه بحبال جابوني
الهضمني خارجيه الناس نادوني
وانا الجان راسي بخوتي عالي
وبعد شحجيلك من الشام آ يالشام
وعلينه اشلون اگلك مرّت الايام
يخويه امدلالتك بالخرابه اتنام
راح الجان خيمه اعليهن اوالي
شجايات وألم يحسين عدنه
ويم گبرك يبو السجاد عدنه
العدد كامل حرم وايتام عدنه
لجن سامحني بس ظلّت رقيه
نعي آخر مناسب للقصيدة وهو لشاعر آخر :
تراب الگبر بيدي حضنته
واعليه دمع العين سلته
ويم الولي اعتابي عتبته
تدري بضيمي الي حملته
أريد اگعد بسد گبرك واحجي هضمتي ويَّاك
وأراويلك جرح گلبي من يوم الذي عفناك
ما تگعد يبعد اهلي أظل ما اگدر ابلياك
عزيز ولا تظن فد يوم يمر يحسين بيه أنساك
مراثي الأطهار عليهم السلام
❇️ ابوذيات الاربعين
انه الما ينوصف بيه تره لماي
وصار اعلى الدهر عتبي تره لماي
احلف عيوني لو حنت تره لماي
كون بشوفته تشوف المنيه
.............
عقيل الكاظمي
❇️ ابوذيات الاربعين
كسيره والدمع للعين جبريل
نزيفه وللكسر هيهات جبريل
زينب هاي والهه ينوح جبريل
لارض الشام من راحت سبيه
..............
عقيل الكاظمي
ابوذيه // السيدة زينب تخاطب الامام السجاد عليهما السلام عند عودة الظعن ووصوله الى مفترق طريقين بين المدينة وكربلاء
يَعمّه الحادي حاچه يمهَل النا
نمُر لگبــور بالطف يم هَل النا
أريد أَشــــبع بواچـــي يمها لنا
مشينه ولا نصبنه إلهم عَزيّه
الشاعر : أبو زينب علي الظالمي
*قصيدة للاربعين (انة زينب)*
*من ديوان 📚 عبرات وانين في رثاء الطاهرين الجزء٥*
❥━──➸➽❥❂❥━──➸➽❥❂
*جيتكم يهلي نحيلة //ومدمع عيوني اسيلة*
اعثر بطرف الجدم
والگلب نادى ابألم
*انة زينب ……… انة زينب*
❥━──➸➽❥❂❥━──➸➽❥❂
زينب انة.… صحت والدمع اهملنة
زينب انة… گوموا يااهل المحنة
زينب انة … جبت الاطفال وحرمنة
زينب انة … لكربلة عود ظعنة
*جينة ليكم نشتچي// وروح العين البچي*
الدموع انصبها دم
والگلب نادى بألم
*انة زينب. ……… انة زينب*
❥━──➸➽❥❂❥━──➸➽❥❂
اه يهلنة… ليش نمتو وماگعدتوا
اه يهلنة…. خاف زينب ماعرفتو
اه يهلنة… لون عالحرة سألتوا
اه يهلنة…. والله موهاي انتي گلتوا
*منحني مني الظهر //من المصايب والقهر*
مصوبة باعظم سهم
والگلب نادى بألم
*انة زينب ……… انة زينب*
❥━──➸➽❥❂❥━──➸➽❥❂
اصرخ بصوت… واعثر بجدمي واون
اصرخ بصوت… يهلي غاطيني حزن
اصرخ بصوت …گلبي ليكم والله حن
اصرخ بصوت… شفت انواع المحن
*ليش ماگمتوا الي //وين عني بوعلي*
ووينة شيال العلم
والگلب نادى بألم
*انة زينب …… انة زينب*
❥━──➸➽❥❂❥━──➸➽❥❂
ليش نومة.… عالثرة ظليتوا كلكم
ليش نومة.… ابد ماگمتوا لحرمكم
ليش نومة…. عود جينة نشكي الكم
ليش نومة.… بالهظم گعدينة يمكم
*يوم صار الاربعين// جيتكم كلي حنين*
وحيل غاطيني الهظم
والگلب نادى بالم
*انة زينب ……… انة زينب*
❥━──➸➽❥❂❥━──➸➽❥❂
بعد شيفيد… المن اعتب وانتحب
بعد شيفيد… وانتو نومة عالترب
بعد شيفيد… اه يعزاز الگلب
بعد شيفيد… الموت فرگنة غصب
*انة والعيلة گعدنة//وانتو مسمعتوا عتبنة*
الصار ياريتة حلم
والگلب نادة بالم
*انة زينب ……… انة زينب*
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم غير مبري الذمه اليحذف الاسم:🍃*
القصيدة : جبت راسك
الرادود : علي الساعدي
الشاعر : ميثاق الحمداني. ×××××.
واخيرًا جبت راسك واني وياك إختليت
انصبت خيمه اعله كبرك وحدي وشكد بجيت
شكيت • من الهجر • شكيت • ضيم اليسر
خويه خويه. ×××××.
ها حسين شلونك انه بكربله
حصلت راسك شمر من حرمله
هوايه ذابل لونه . مكسرات اسنونه
محفرات عيونه .. حسين
تدري من احضنته . آه صاح اسمعته
ايدي لاحت شفته .. حسين
هوسوا بيه بالخرايب والحجر زاد الجرح
وكثر ما هوسوا شفته هواي نازل بالرمح
كضيت • خلك الصبر • شكيت • ضيم اليسر
خويه خويه. ×××××.
انصبت خيمه بلكي احس عندي خدر
وارد اسولفلك على عيوني الحمر
هسه ميشوفوني . هاك شوف امتوني
واسمع يشتموني .. حسين
هاك شوف اديه . وربكتي المدميه
وشوف دم رجليه .. حسين
انصبت خيمه واشم كبرك صدري كلش مختنك
وبيني ما بينك الخيمه خايفه هم تحترك
انجويت • من الجمر • شكيت • ضيم اليسر
خويه خويه. ×××××.
ليش كبرك يبجي ما هيَ يخوي
ماتت وكالتلي سلميلي اعله ابوي
ردته بس يشبكني . هالكبر خانكني
احجيله عن الطكني .. حسين
اشكيله من احزاني . عمي شمسويه اني
وتجري دم ذرعاني .. حسين
وليش ذبحوه مو احبه جانت رقية تكول
عمه ابوي هواي طيب ليش سحكوه بالخيول. ×××××.
شلونه عبد اللّٰه تصيح امه وراي
ركبتك عطشانه ماما هذا ماي
والضعن ما سالم . من عيون الوادم
ورمله اجت للقاسم .. حسين
من الهجر تشيكله . ويم الاكبر ليله
تفرفح وتحجيله .. حسين
كلمن حبيبه وحميده حايره چا وين ابوي
وانه كلتلها حميده خل نروح لكبر اخوي
بجيت • بساع انقهر • شكيت • ضيم اليسر
خويه خويه. ×××××.
حسين عن اذنك اروح الكافلي
ارد اشوفه يصدك انه بت علي
ها كفيل ضعوني . شفت من ضربوني
شكلت من جتفوني .. حسين
يالحميت اخيالي . النار لاحت شالي
الشمر ضل يبرالي .. حسين
ابجي ضليت اعله فكدك والحزن ما ينمحي
اهواي اذوني يخويه لمن كالوا مستحي
طفيت • راح الخدر • شكيت • ضيم اليسر
خويه خويه. ×××××.
اهوايه تعبانه ارد انام اعله الكبر
ماكو موكب بالدرب لأم الخدر
الراحتي مشتاكه . تعبتني الناكه
ضعني نار ارياكه .. حسين
وين ماي الوادم . وين شيعة هاشم
جنت ادور الخادم .. حسين
بالدرب ماكو مواكب للضعن بالاربعين
ماكو كواچ اللّٰه زينب هله بزين العابدين
اجيت • ابجي شكثر • شكيت • ضيم اليسر
خويه خويه. ×××××.
نعي للاربعين عن لسان حال زينب ع
متعنيه الخال الولد عنوه
ارد اعتب عليه عتاب خوه
وانه كاطعه يحسين شلوه
...........
كطعت الدرب بالعين دمعه
وانه جايه لزين طبعه
اشكي هظم كلبي واسمعه
.........
اشكي هظم كلبي واعاتب
واسمعه الغفه حدر الترايب
واكعد واسولفله المصايب
.........
روحي عله الخوان حنت
من بعيد لبن امها تعنت
يتلكاها الولي زينب تمنت
..........
حن الكلب ويريد ليهم
وينه اليوديني عليهم
ارد امشي لخوتي وعتنيهم
.......
اريد اعتني وبالكلب ونه
ومشتاكه عله ذيج محنه
واصيحن تلكونه يهلنه
.........
ارد اخذ همومي واكصده
انده ببوفاضل واكعده
اشكي الهظم والضيم عنده
.........
اكعد وشوف الحال ياحال
اكله عالو عله اختك يعيال
يبخويه كتلني رفج الانذال
.........
انشد عله اختك من رفكها
جم سوط فوك المتن طكها
كلي يبوفاضل هله بيج
ياهوالهاظمج ياهو المجيج
احجيلي يخويه بهم العليج
..........
✍️ ام زينب كربلاء غير مبرئ الذمه من يأخذ الكلام وينسبه له او حذف
ـ
#قصيدة #يوم #الاربعين.
موشح من التراث الحسيني
(النجفي)
.
بيوم وصـلت زينب لارض الطـفوف
من جر احبال السبي زرگه الچفوف
ونت وبـرض الـذبح گـامت تطــوف
. چن سفينه ومنذبح رُبانها
.
.
وصلت ومن الهوه خدها انصفع
نيـنــوى تـربـانـها بـريـح ارتـفـع
رمـاد مـن خيـامها يمـها انجـمع
شمت بنسم الهوه دخانها
.
.
حسين اخوها الما اجته بدفنته
الـيـوم بـتــربان زينـب نـظـرته
راسـه يرجع للجـسد من شافته
توجرت من الهظم نيرانها
.
.
.
قبـله زيـــن الـعـــباد مـن الـنـحر
لن سـمـع منه حچـي يفت الصخر
يبني خل خد الرضيع اعله الصدر
روحي ذابت من بعد وليانها
.
.
.
بالرضـيـع ومنحـره انـواسـي الـرباب
دامي شافت ثوب ابنها اعله التراب
عمـت عـيني عالــذي ضاگ الحـراب
بمنحره أسهام الغدر نيشانها
.
.
.
عـلي الاكبر يشــخب بـدم الـوريد
رجـع راســه وانـدفن يـم العـــميد
نواسي ليله الليله بجروح الشهيد
لملمت گبر الولد بحضانها
.
.
.
عن علي الاكـبر تـسولف كربله
عـن غضـنفر عالنـوايب اعتله
بالمنـايه يقـرا سـيـــفه الـزلزله
ضربته مايختلف ميزانها
.
.
.
نواسي رمله بجاسم ودم هامته
يفــدي عـمـه بكـربــلائه نـــذرته
خذت من منزف وريـده وحنته
زفته للمذبحه بميدانها
.
.
.
مشت زينـب گاصـده گبر الكـفيل
يم اخـوها اليعـدل الـناگه التميل
وصلته وجمر الدمع عالخد يسيل
غدت تندب عالجره بعنوانها
.
.
.
گبل لا راس الكـفــاله اتـرجعه
بعينـه سهم بهيده عمه طلعه
نبلته عين ابـن ابوي امگطعه
لجله رجت السمه باركانها
.
.
.
وصـلو الاصحـابه والمنــظر رهيـب
فاح عطر المسك من جون التريب
رجــعو روس الاشــاوس وحبــيب
شيخ اصحابه وچبير اعيانها
.
.
.
زينب بأرض الحـزن نصبت عزاء
عالحـسين الي انذبح في كربلاء
واجـب اعليـنه نـرد الـها الـوفاء
بكل زمان وننحب القرانها
.
.
.
حسن الموالي الفاطمي
قصيده حول الاربعين
وين من عدنه مشيتي وليش يا زينب بطيتي
ندري بيج انتي حنينه. شعجب ماجيتي علينه
خويه زينب خويه
صارلج فتره يبت حيدر طويله
من مشيتي وراجعه كلش نحيله
وين رحتي وغيبتج كلش ثجيله
والظعن ماعدج احد ظل يشيله
من الدرب جنج كضيتي وليش يا زينب بطيتي
خويه زينب
حيل تعبانه ورجعتي يا العزيزه
وكاعده تبجين وتكولين اريده
كافل اظعوني ينزل حملي بيده
انه اخيته وكاطعه ادروب البعيده
وبالحزن لمن حجيتي. وليش يا زينب بطيتي
جايبه اهموم وحجي بت الزجيه
وراجعه تكولين ماظل حيل بيه
انه مهظومه واريد البيه حميه
يكعد يشوف الضرب اثره بديه
وينهض يردني عله بيتي. وليش يا زينب بطيتي
يعينج الله امفاركه وروحج حزينه
وندري ما متعوده خويه اتفاركينه
هواي صار ام الخدر ماجيتي لينه
وين رحتي الغاليه وأنتي حنينه
باليسر ودروبه رحتي. وليش يا زينب بطيتي
ونت وكالت اجيت بكلبي حسره
وحيل مشتاكه الهلي وجلمة الخوه
من رحت تدرون عنكم انه كوه
وروحي عدكم ظاله ياخويه فدوه
وياكم أتمنه منيتي وليش يا زينب بطيتي
لخادمة الزهراء. العلويه ام جعفر
غير مبري الذمه من يحذف الاسم و وياخذ الكلام وينسبه له ج
قصيده ثقيله للاربعين لسان حال السيده زينب عليها السلام
=========
جيتك للگبر بحزان
من الهظم محنيه
راح الحيل خويه حسين
صرت امشي اعلى عوچيه
=========
محنيه الضهر ياخوي وتوچه اعلى عصاتي
حسرات شكثر بلروح
تذوب اجبال حسراتي
اگعد خل اسولفلك
كل هظمي ومعاناتي
وحگ شيبك يماي العين اجيتك حيل مابيه
➖➖👁️🗨️➖➖
جيت مگبعه بهموم
ودرب الشام تعبني
گوم وناشد اعلى الحال
ماتگعد يخال ابني
دهري مانصح وياي
بفگد الوالي دولبني
رديت بهظم يحسين
نحيله بدمعه مجريه
➖➖👁️🗨️➖➖
شسولفلك يبعد الروح صعبه حيل سالفتي
ماضن بعد عله وظيم مثل احزاني وعلتي
تهدم اجبال خويه حسين لو تسمع بعد ونتي
وجًرن حيل خويه حسين لچمات الدهر بيه
➖➖👁️🗨️➖➖
اريد اعتب على الكفال وادري للعتب يسوه
فراگك ياشريچ الروح يخويه بحالي شسوه
على نهر المنايا هناك نسينه چلمة الخوه
اصبر والصبر ياخوي يبيد الحيل تاليه
➖➖👁️🗨️➖➖
انشد عن مصاب البين يمن تجري وي انفاسيى
الهوه لو مر يضي العين يجرح گلبي وحساسي
الزمن مارحم بيه دوم ظالم ياهلي وقاسي
هلي راحو ضحايه هناك بلطف وكت ظهريه
=========
خادمة ال البيت الحجيه ام علي البصره نسألكم الدعاء
الحجيه ام علي البصره بخدمة خدام الحسين عليه السلام
لانجيز حذف اسم الحجيه ام علي من قصائدها
او ينسب الكلمات لنفسه
غير مبرء للذمه امام الله والزهراء ع