5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
ابيات شعرية تصف حال الايتام في هذا الزمان
علي الايتام محتاجه لشخص مثلك
حنين ويحـــــــتويها حتئ ما تهلك
علي من بعــــــد عينك كل الايتام
ظلت بالشـــــــــوارع تفـتقد ظلك
اويلي من الفقـر حــارمهم التعليم
ومــــــــحد عنده انسانية توصلك
واحدهم يبيع الـماي حتئ يعيش
الحگهم دخيلـــــــــك بالكبر شلك
عله امحنتـــك ادور لسه الايتام
بعراق الخير ما حصلو شخص مثلك
عيشت كل فقـــير اليوم يا مولاي
تكسر خاطــــرك لو بعد اسولفلك😢
#للشاعرة غدير الحساني
گولات دخولية فاتحة الامام علي ع 🔥
تره الميت علي _ لطمي بعداليه
حار الرمل ويخرب معانيه
الليلة ام الخدر بفراگه معميه
عفتني المن تگله للمهظميه
اتحمل يبو الحسنين مابيه
باچر اسمي بويه ايصير مسبيه
عازيها بلطمتچ آه يشيعيه
يستاهل علي هوسه ويه لطميه
تره الميت علي _ لطمي بعداليه
((هوسيله // حيدر يستاهل))
((يشيعونه // هالليلة لكبره))
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
ماتو ايتامك يبن عم الرسول
من عكب كرارها وفحل الفحول
****
اعليك حزنانه ارضها والسماء
الفكد ابو تراب و كريم الكرماء
اليله جبريل انصب هذا بالعزاء
الشيعه حزنانه يليث البل وغاء
تواسي بمصابك المهدي والبتول
****
يا علي من دونك الدنيه ضلام
شرد اكولن خاف مايكفي الكلام
هاي دنيه ودونك اعليها السلام
ياهو بعدك ياعلي يرعه اليتام
راح فكدك سيدي اعليهم يطول
***
و عضم الله اجركم بل مصاب
من رحل كرارها وداحي الباب
حيره هاي وبيها ماعندي بجواب
هوه سر الله علي وعلم الكتاب
انته فرع الدين انته والاصول
***
اي يحيدر واليالي شكد كصن
ضلمه دنيانه علي يابو الحسن
وما رحمنه سيدي اليوم الزمن
هل ليلي بكلبي شوف شخلفن
نشتكيلك يا علي اعلينه شتول
***
والله يابو حسين اذانه الحكم
من ضلم نخلص يسلمنه الضلم
وجارو اعلينه وابد ماكو رحم
شوكت بيد المهدي يرف العلم
حته كل هذا الضلم بيده يزول
***
حسن صالح العيساوي
قصيدة للامير علي عليه السلام
بطور العكيلي
.
.
زينب عدها وياك احجايه
*_---_*
* --- *
يحسين اكعدلي وحاجيني
شنهي الصاير رفت عيني
حان افراك البينه وبيني
يعلم كلبي وعنده ادرايه
*_---_*
* --- *
يعلم كلبي افراك الوالد
مايحتاج احساسي الشاهد
ادري ايروح الغالي و ميرد
العالم حيدر يمشي ابرايه
*_---_*
* --- *
اعرف من عيونه الصاير
كلي بحيدر لتضل حاير
ادري الغالي راح يسافر
هاي السفره اطول هوايه
*_---_*
* --- *
هوايه اطول سفره اعلينه
الصعبه نعيش بلا والينه
ولو نشدوني العالم وينه
واسكت ما جاوب للغايه
*_---_*
* --- *
اسكت ماجاوب يل غالي
ولو نشدوني عن الوالي
حسره بكلبي دمعي الهالي
ابكل يوم الحره معزايه
*_---_*
* --- *
ناح المحراب اعله مصابك
كل الشيعه الوي محرابك
جي تكرم متذب انكابك
عكس ناس ابكل ولايه
*_---_*
* --- *
حسن صالح العيساوي
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة فزاعيه لاستشهاد الامام علي ع 🌺
-------------------------------------------------------
جينه نون لبوها زينب الليله
نشد احزامنه والبيرغ انشيله
اجينه انون لبوها بروح مرتابه
الله ايعينها زينب على اغيابه
مهضومه و تصيح اليوم يايابه
وتوجع فرگته و اخلافه انحيله
توجع فرگته و اعليه محتامه
و عيناها تهل بالليل سجامه
يا ليل الامفارگ گولو شينامه
يا فرگه الابو تدرونها اثگيله
من اصوابه وسفه ضل يجر نوحه
شاف ادمع بنته شلون مسفوحه
يون من الجرح و امفرفحه روحه
و مثل امها سمعها ابنيته تنعيله
تنعاله سمعها و تالي ما تالي
ودعها الحنين و حمل الغالي
يزينب لجل ابوج النوح يحلالي
اجيت اوياج اون اليوم و ابجيله
اجيت اوياج اشد احزام للهيبه
شايل يا وسافه و بعد شيجيبه
اجينه انساعدج و ادموعنه اسجيبه
غاطينه هضم و ارواحنا اعليله
اجينه اوياج للميت هالامسيه
و كلنا انصيح يا زينب العلويه
نريد امراد و الدمعات مجريه
حوائجنه بديج الليله گليله
-------------------------------------------------------
*تمت بقلم خادمة اهل البيت ع*
*✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
نعي ( لوفاة الامام علي ع )
-------------------------------------------------------
عفتني اون ونه اعله ونه
انه ابشاربك يابو المحنه
لا تگطع يبويه الوصل منه
وصلك يبويه لا تگطعه
مابيه طولك بويه اضيعه
و الگلب ما يحمل الفجعه
حيدر يبويه شلون بيه
ردتك تضل خيمه و تجيه
يالكلك امروه و حميه
يابو المحنه و الامروه
عازتك عازه و انته تچوه
باليني وكتي اعليك بلوه
ردتك تضل خيمه و تجيه
و بضلك اتفيي عليه
منهو يضل بعدك اليه
يالعازتك كلش ثگيله
بويه اليتم مابيه حيله
اني العزيزه و العقيله
لا تمشي بويه بعيد عني
ليالي اجفاك بويه يكتلني
اعليك اون ما يهده وني
تدري الابنيه اخلاف ابوها
تشبع هضم لو عاركوها
شلون زينب لو سبوها
ردتك تضل وياي بالطف
تحضر حسين ولو وگع جف
تدري الهضايم بويه تكلف
اشبع هضم و اشبع مصايب
و ينصدع گلبي من النوايب
و ابنك اشوفه اعله الترايب
-------------------------------------------------------
*بقلم ✍آلــشــا؏ـرة رغــد ام وسام*
ذمة عدم حذف الاسم وغير مبرئ الذمة كل من ياخذ من الكلام وينسبه له
وا ويلاه .. إماماه
عليًا وا علياه
@@@
الوحي ناح .. علي طاح .. على فجر الألم
بعده لسلام .. بلالام .. ركن نوره انهدم
وابمصاب الهامه .. نكست كل قامه
من علي ابمحرابه .. ووگعت لعمامه
…
الهدى ينوح .. يمجروح
علي مخضوب بدماه
@@@
بابو الناس .. على الراس .. طبر سيف الغدر
بسيف مشؤوم .. ومسموم .. جرح راسه اشكبر
باب طه وعلمه .. للفرض ماتمه
والفدا للهادي .. لشيبه خضب دمه
…
أبن ملجم .. تقدم
ابنصل مسموم خلاه
@@@
الخيبره شال .. بلبطال .. لجل طه النبي
رعب لحزاب .. ابو اتراب .. امام الطالبي
عالفراش اتمدد .. والاجل يتحدد
وجه اصفر لونه .. والحلم يتبدد
…
فارس احنين .. ابوحسين
بونين يجود بالآه
@@@
بصوت مبحوح .. بلا روح .. من ايتامه وصل
من لليتام .. اذا نام .. علي بلحد الاجل
ابابه تنشد وينه .. ليش طال اعلينه
علي رحمة الله .. عسى يفتح عينه
…
بعده هالكون .. بلا لون
الظلام يحوف ارجاه
@@@
مجبل العيد .. يصنديد .. يخيمه ويا عماد
لمن اتروح .. بلجروح .. نعيد بالسواد
هلال عيدك اذن .. بالنياحه والون
علي صار الباس .. للحد يتچفون
…
العيد بالشام .. وليتام
لطم عالراس تنعاه
@@@
علي أحمد الحمود
٢٤-٣-٢٠٢٤
شهادة الأمير ع
قصيدة في مصاب أمير المؤمنين علي عليه السلام ، لسان حال زينب عليها السلام .
ـــــــــــــــــــــــــــــــــــــــــــــــــــــــــــــــ
يجيني العيد وَذكُر روحِتك بالعيد
عفتني بوِليَة احزاني ومِشَيت بعيد
عِشِت أيام بقهر أيتام
ــــــــــــــــــــــــــــــــــــــــــــــــــــــــــــــ
كتر گبره تصد وتجذب الونه
لونك تگعد تشاهد مصايبنه
عگب عينك علينه زادت المحنه
أبد ما بينا واحد عاش وتهنه
أمس طه تركنه وفاطمة أمنه
وفگدناك وچنت يا بويه خيمتنه
چنت للدار شمعتهه چنت للدار
وغدت ظلمة علينا يا علي الكرار
بهضم والام بقهر أيتام
ــــــــــــــــــــــــــــــــــــــــــــــــــــــــــــ
يبويه عصفت ارياح الكدر والهم
رحت وبروحتك غيم الوسافة إلتم
ونهار الكوفة عگبك يا علي أظلم
الأرامل واليتامى بيهه من يهتم ؟
ولجلهم يجذب بآهاته يتألم
تراك بطيحتك ركن الهدى اتهدم
ردت گبلك يبويه تنضرب هاماي
وضمك لحظة الطبرة بوسط عيناي
بدليلي تنام بقهر أيتام
ـــــــــــــــــــــــــــــــــــــــــــــــــــــــــــــ
على افراشك ذكرتك من توصينه
وأمانه بيد أبو فاضل تخلينه
وتگله لا تقصر ويه أبو اسكينه
أبو الغيرة بذل عينه وي چفينه
دواهي الدنيا بالطف أوجرت بينه
أريد اﺣچي وإلك أشرح مآسينه
دريت شصار يا حيدر دريت شصار ؟
تشب النار بخيامي تشب النار
بفعل ظلام بقهر أيتام
ـــــــــــــــــــــــــــــــــــــــــــــــــــــــــــ
گضوا بالطف اخوتي ولا بگه والي
وتوذر عالنهر عزي وي دلالي
وتون ليلة يعبد الله المهد خالي
يتامه وخدر الشدهتلي احوالي
عفت عالعلگمي احلامي ويه آمالي
وبو اليمه ارتفع راسه برمح عالي
سبايه يا علي وتنظر علينه الناس
وحيدة لا أبو اليِمّه ولا عباس
فگدنا ازلام بقهر أيتام
ـــــــــــــــــــــــــــــــــــــــــــــــــــــــــــ
ذكرتك والدمع يشرحلك ٱشبيه
أسيرة يا علي لدهري ومآسيه
بهضم يطلع صباحي يا علي اعليه
وتراويني المنية احزاني ليليه
صعب أنساهه ونّة سكنة ورقيه
رحيلك سِر يعذّبني وعَلانيه
شبه ميتة وذكرك واذكر اخواني
وگول انسه لچن يخذلني نسياني
بخرابه انّام بقهر أيتام
ــــــــــــــــــــــــــــــــــــــــــــــــــــــــــ
بقلم الأستاذ / ستار عذاب الحچامي
قصيده بحق الامام علي ع
وزن بحر السريع المبتور
((مستفعلن مستفعلن فعلن))
♤♤♤♤♤♤♤♤♤♤♤♤♤♤♤
جنه الوداع الليله ياحيدر
وجهك يبويه هواي متغير
وصيتمن يا والدي عليه
وياهو الي بعدك يلتزم بيه
يابويه حاجيني يابويه حاجيني
••••●¤<<<<<{{{🧡}}}>>>>>¤●••••
راسك معصب والوجه اصفر
لاتكلي رايح عني ياحيدر
خبرني بويه كلبي اتفطر
وكمت من اكوم بثوبي اتعثر
لاتكول هلروحه الوداعيه
ياهو الي بعدك يلتزم بيه
يابويه حاجيني يابويه حاجيني
••••●¤<<<<<{{{🧡}}
العلوية أم نور الميسانية
صوتك بعد منسمعه .. يالرايح بلا رجعه
والمات وبگبره اندفن .. لا ما ترجعه الدمعه
........
من البچي ومن القهر .. بينه بعد ما ظل حيل
يالوحشتك تكتل كتل .. لمن يمر بينه الليل
والمعضله بوكت الفجر .. منك منسمع ترتيل
وللقرآن .. صوتك چان .. هو ايضيف حنيه
والآذان .. بالاحزان .. صار اعليك لطميه
كلما يصيح بإسمك .. ياخذنه بالون يمك
وبأشهدُ أن علي .. نلطم نظل وننعه
.......
يالما مثل گلبك ترف .. إلنه ترد اي يا ريت
بيتك بچه وبغيبتك .. تبچيلك اعيال البيت
ما ينحمل فگد الابو .. يالغالي بينه شسويت
صرنه ايتام .. والآلام .. تاخذنه وتودينه
من الباب .. للمحراب .. نحمل فرگه ما بينه
تكتل يبونه الفرگه .. واليبچي بعدك حگه
ما بينه نتحمل جفه .. وتونه فگدنه البضعه
.......
البيت اذا ما بي أبو .. يتحول البيت أحزان
وطعم الفرح حنظل يمر .. ويمر عسل لمن چان
ولمن رحت بس صورتك .. ظلت رسم عالحيطان
جانه العيد .. واحنه نريد .. والدنه يعايدنه
بأول يوم .. سوده هدوم .. ميت عدنه والدنه
يالضحكتك عيديه .. مر بينه بس شويه
بينه اگطعت كلش وابد .. ما تنحمل هالگطعه
.......
ياهو بعد بينه يمر .. يسأل علينه بيا حال
وانت الچنت لينه وطن .. ارجع غيابك چتال
صرنه بوضع حتى الهوه .. يخنگنه من بعدك ظال
شميناه .. لاگيناه .. خنگه وبينه الم عشعش
حتى الماي .. صار بهاي .. من انشربه هم نعطش
يابو المحنه انريدك .. تروينه ماي بأيدك
انته عذب يابو العذب .. عطشك ابد منجرعه
........
جرحك وصل ولدك تره .. واعلينه ظل بس ايحوم
بي چم جرح سم وذبح .. جعده وحقد ذيچ الگوم
من طبرتك حد النحر .. چم نايبه وچم مظلوم
واقسى اجروح .. للمذبوح .. باچر تنظر اللوعه
والذباح .. حين الطاح .. فوگه ايكسر اضلوعه
وزينب كسرهن تسمع .. وتشوف جسمه امگطع
ولا ما يخلوهه العده .. توصله حتى اتجمعه
......
باچر جرح بس يا جرح .. جرح السبي والآلام
لمن تجي زينب تطب .. قصر اللعين الـ بالشام
صعبه ضلع أمنه انكسر .. والطبره هاي الـ بالهام
وصعبه هواي .. زينب هاي .. تدخل للقصر باچر
والمأساة .. والحسرات .. كلهه بجية العاشر
عاشر محرم ضيمه .. زينب متبقه ابخيمه
تتيسر وبعد اليسر .. ما تلگه اهل مجتمعه
.........
علي عبدالله المفرجي
يازمان يازمان يازمان
الروح والله إبلا امان
يازمان،،،،،
،،،،،،،،،،،،،،،،،،،
ميته روحي إعلل جفاهه
والله ما يحلالي عيش
إوهاذه گلبي إيون وراها
والدمع سابيهه ليش
أغرگ إبحر إلنوايب
ما لگيت إلروحي گيش
إمحزمه إحزام الليالي
والحزن يفزعلي جيش
،،،،،،،،،،،،،،،،،،،،
وينه وينه إلچان ظلي
وين اخوي إوين ربعه
چذبتهه اعيوني لمن
هل مسيه إبديت أودعه
إعذرته من شفت الحوافر
كسرت وتدوس ضلعه
إوگتله من گوطر ضعنه
گتله باچر عندي رجعه
،،،،،،،،،،،،،،،،،
روحي من گد إلمحنه
تحترگ شو چنهه شمعه
إوعيني يتگاطر دمعهه
إعلل حبايب دمعه دمعه
وآنه وياهه إش دهاني
إلحادي يشتمني وسمعه
وصرخ الله يبو فاضل
ماتردلي إلحالي وضعه
،،،،،،،،،،،،،،،
إشصار بيه وشجرالي
موت يا فگد إلحبايب
هيچي هيه إلدنيه مره
والله راوتني إلعجايب
هم يردلي إلما نساني
إويدفع إبچفه إلنوايب
من نخيته إعلل هضمني
گلي زينب وسفه غايب
،،،،،،،،،،،،،،،
✍حيدر ناصر شداد
الاحد 24/3/2024
كَيْفَ نَنْسَى كَرْبَلَا حَالَ الصِّيَامْ؟
وَالظَّمَا قَدْ فَتَّ أَحْشَاءَ الْإمَامْ
فَعَلَى الْعَطْشَانِ آلَافُ السَّلَامْ
لِحُسَيْنٍ فَانْثُرُوا دَمْعَ الْمُصَابْ
-----------------------
طَالِبَاً لِلْمَاءِ كَمْ نَادَى الطُّغَاةْ
فَأَتَاهُ الصَّوْتُ فِي حَرِّ الْفَلَاةْ
لَنْ تَذُوقَ الْمَاءَ مِنْ قَبْلِ الْمَمَاتْ
آهِ لِلْمَظْلُومِ مِنْ هَذَا الْجَوَابْ
-----------------------
لَهْفَ نَفْسِي كَمْ عَلَا صَوْتُ الْعِيَالْ
قَطْرَةً تَرْجُوهَا مِنْ مَاءٍ زُلَالْ
فَسَقَوْهَا مِنْ أَنَابِيبِ النِّصَالْ
مَا كَفَاهُمْ قَتْلُ شِيبٍ وَشَبَابْ
-----------------------
حَرَّ قَلْبِي ذَبَحُوا حَتَّى الرَّضِيعْ
مُذْ رَمَاهُ السَّهْمُ أَرْدَاهُ صَرِيعْ
دُونَ مَاءٍ لِمْ سَقُوهُ بِالنَّجِيعْ؟
لَسْتُ أَدْرِي مَا دَهَى قَلْبَ الرَّبَابْ؟!
-----------------------
صَاحِبُ الْعَصْرِ الْإِمَامُ الْمُنْتَظَرْ
قُمْ إٍلَى الْعَطْشَانِ مَقْطُوعِ النَّحَرْ
وَانْتَقِمْ مِمَّنْ سَبَا أُخْتَ الْقَمَرْ
أَيُّهَا الْمَهْدِيُّ كَمْ طَالَ الْغِيَابْ؟!
-----------------------
#اللهم_عجل_لوليك_الفرج
الشاعر حسن خنافر العاملي
مجلس الأمير ع ١٤٤٥
💧💧💧💧💧💧💧
شيعةَ الكرارِ قوموا للعزاءِ
طاحَ في المحرابِ"سرُّ الأنبياءِ"
وانزِفوا الدمعاتِ في العينِ دماءً
لإمامٍ خضّبوهُ بالدماءِ
شَقّ َ رأسَ المرتضى يا لهفَ نفسي
في الصلاةِ سيفُ أشقى الأشقياءِ
وإلى بارئِها تعرُجُ روحٌ
حبُّها معراجُ روحِ الأولياءِ
عند بابِ الدارِ أيتامُ عليٍّ
حالُهم ما بين خوفٍ ورجاءِ
أنت يا ربَّ الورى الشافي المُعافي
يرفعونَ للسما كفَّ الدعاءِ
ومع الآهاتِ ناداهُ فقيرٌ
أين تمضي يا حبيبَ الفقراءِ
ليس للجرحِ دواءٌ أو طبيبٌ
جهّزوا النعشَ استعدوا للبلاءِ
حسنٌ ينعاهُ للناسِ حزيناً
وحسينٌ في أنينٍ وبكاءِ
غسَّلوهُ كفّنوهُ شيَّعوهُ
دفنوا في القبرِ معشوقَ السماءِ
يا لحزني يومَ عاشورا حسينٌ
دون دفنٍ تركوهُ في العراءِ
بدموعٍ شيّعتهُ زينبٌ
داميَ الجسمِ ومسلوبَ الرداءِ
فانصبوا المأتمَ أحبابَ عليٍّ
وانقلوا الحزنَ لأرضِ كربلاءِ !!!
محمد طالب العاملي
(ألَشُـأعر والَرادٍودٍ مًوٌسِـى أّلَخِـأدٍم ):
باجر ليلة القدر… راح احيهة بالكبر…
واقرأ المناجات
مات الوصي مات
… ..
ليلة القدر ابهل السنة .. وسط الكبر أحييهة
اقرأ المناجات ابدمع .. عيني الي راح ابجيهة
سجادة اسوي امن الترب .. واوكف اصلي اعليهة
تسبيحت امك فاطمة . بيهة ابدي واختم بيهة
باقي الليالي التمر .. وحدك تصلي الفجر
يوليدي مأسات
مات الوصي مات
… ..
ما تتم صيام الشهر .. يالحسن بوية اوياكم
راحل كبل عيد الفطر … حيدر علي اليهواكم
انه ادري الموادع صعب .. يل عاشك الملكاكم
اقرو اعلى كبري الفاتحة . عين السمة ترعاكم
بهّلال عيد الفطر… جيتكم انه انتظر
مصعب اللحضات
مات الوصي مات
… .
اكتب الك يبني الحسن ..بدموعي هاي اوصيتي
بوية انت مسؤول اصبحت..عن عيلتي وعن بيتي
ادري انه حملك مو سهل ..يالنيّتك من نيتي
لحسين صير انت الابو ..يالهوه التارس ريتي
اوصيك يبني الطهر… بحسين اخوك البدر
ايامة وحشات
مات الوصي مات
… .
لو غمض اعيوني الاجل .. وانت بجفوفي املازم
لتحسس العيلة ابد .. كلهم ابوكم نايم
زينب خطية اشتحتمل ..لساهة تبجي الفاطم
لا تفشي سر هذا الخبر… . تفجع گلب كل صايم
لتخبّر ابهل الامر … صيام اهلنه انتظر
تفطر معانات
مات الوصي مات
… ..
لو غسلتني يولدي .. لا تنفجع بجروحي
لساته جرح ام الحسن .. ما طايب ابنص روحي
ماتت الزهرة امن الكسر .. وانه اموت ابنوحي
نظراتك الكلهة حزن ..هدت كيان اصروحي
حسرات اشوفك تجر .. منك اريد الصبر
يالكلك اهات
مات الوصي مات
… ..
عن هاي دنية الفانية ..راح انتقل يوليدي
والتقي أبأمك فاطمة .. الوياهة اجمل عيدي
روحي الهة مشتاكة اشكثر..يا موت أخّذ أبأيدي
فرحان وبنفس الوقت..حزني عليك أشبيدي
خلصت ليالي العمر ..والموتي باقي انتظر
سامع هالاصوات
مات الوصي مات
… .
الحمدلله رب العالمين
اللهم صل على محمد وال محمد
موسى الخادم
بعدك بلا روح .... محرابك ينوح
ارجع يبو حسين .... لا تمشي وتروح
.......
ياعلي المحراب بعدك ... حالته اتبجي الصخر
موحش واظلم نهاره .... وليله خالي امن السحر
جان مهيوب ابوجوك .... هسه مكسور الظهر
ومثل الايتام الرجوعك ... ظل يتاني ابهل شهر
يبجي اعله فركاك ... ويتمنى ملكاك
محرابك اهواي .... ياعلي يهواك
.....
يا علي رحت وتركته .... ابلا وداعك يا علي
بعدك المحراب عايش .... على ذكرك يلولي
حتى بالأذان صوته .... بالبواجي معتلي
ياعلي صيحاته تسمع .... ارجع الناسك ولي
كل يوم الاذان ... يُرفع بالاحزان
محرابك اعليك .... بدموعه غركان
.........
جان محرابك يتاني .... جيتك جن ملكه أم
جان يتباهه بصلاتك ... هسه يبجي اعليك دم
ما أجه المثلك يحيدر ... خاشع بهاي الأمم
واعله هجرك صوره تذبح ... دمعه محرابك رسم
بيهه علي مات .... ومطبورة الآيات
محرابك اعليك ..... بجه السماوات
.....
اوياك ماتت امنياته .... وعوده محرابك ذبل
ياعلي حقه اليفارك ... مثلك ايموت ابعجل
كلشي بغيابك تغير .... كلشي ياخير العمل
مثل متغير حسين .... البيده تابوتك حمل
امصابك علي عاف .... اجروح المتّراف
محرابك اليوم ... مكسور ينشاف
.......
الطبر هامك يا علينه .... طبر هامت قبلتك
وعاف محرابك يويلي ... امخضب بدم جبهتك
والشرع اعلن حداده .... اعليك يوم امصيبتك
الله لا ينطي ابن ملجم .... فجع ناس الحبتك
ما راعه الايتام ... لا شهر الاصيام
محرابك ينوح .... كضاهه الايام
......
✍ كلمات الشاعر :: موسى الخادم
لسان حال السيده زينب ع
……………………………………………………………
عيني ما تهوه الصبح
شو احس باجر جرح
واعلياه . واعلياه
……………………………………………………………
عيني ومجربتها كلش من ترف يعني انفجع
رفت وكالتلي امج ينكسر منها الضلع
الليله من دون الليالي غورگ ابنصها الدمع
اسم الله بس لا بوي رايد وي فاطم ينجمع
اسم الله يمخوف الزلم
خوفي منك انحرم
واعلياه . واعلياه
……………………………………………………………
فطر عندي و ترس بيتي من شذى انفاسه بعطر
جلمة البويه يزينب جنها نسمات الفجر
لجن شفت بعينه فرگه فركه ولطول العمر
جنه متحضر الموته الليله ابد ما مستقر
عنكم امهاجر يكول
يم محمد والبتول
واعلياه . واعلياه
……………………………………………………………
طلع للجامع وكلبي يمشي وي جدم الولي
اگفه وبمگفاه صورة للحزن واضح جلي
والطيور اعليه صاحت فدوه لا تطلع علي
الباب حط روحه و يروحه وعلى المأزر يعتلي
رد يالمحلّي الحياة
انت رايح للممات
واعلياه . واعلياه
……………………………………………………………
صوت باذاني واعرفه جان عد امي ايخدم
انهدمت اركان الهاديه وانكسر باب العلم
راس ابوج الكله غيره بسيف صبّح منثلم
الشايل الباب اعل جفه . ماكدر يرفع جدم
ريت تحضر فاطمه
وتمسح ابجفها الدمه
واعلياه . واعلياه
……………………………………………………………
على ذيج الشوفه بويه عيوني يا ريت انعمن
ولا اشوفن شايلينه بين الحسين وحسن
وجهه والعصابه اشوفن لونهم واحد صفن
ما حجه لكن عيونه بدمع المفارگ حجن
عيونه كالتلي جواب
مقبل اعليج العذاب
واعلياه . واعلياه
……………………………………………………………
بليله الوحشه يزينب انا اجي لحمايتج
من يصير الكون ظلمه ابلايه نور من اخوتج
خيمه وحده اتصير عدجن هي بس اعبايتج
من الركض تعبانه كلش والخيول الهدتج
والصبح دور الهزل
يسافر وياج الحبل
واعلياه . واعلياه
……………………………………………………………
✍️ ( سيد خضر الزاملي )
گولات للاب {گالولي المعزب}
گالولي المعزب ..نــــام بالهيمه
سد بيبان لحده يالولي احريمه
ونن يا بناته مـــــــحمل الخيمه
نام اعله الترب ياراعي الشيمه
المن يالگلب يشگي بعد ضيمه
حمل من وكت للمكبره اهظيمه
يالوالي // اذاني افراكك
بالهيمه // نايم المعدل
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
قصيدة فزاعيه ( لوفاة الامام علي ع )
.....................
علي مرن ليالي اجفاك كتلني
اون الليل كله و ما بطل وني
كون اوياك ميته بويه تسمعني
كون الشال مني ميته وياه
و لا ضلن حزينه انعة اعله فرگاه
كون الشال مني ابره لضعونه
و لا ضلن حزينه و ناري جانونه
هيبه يا علي و كلهم يريدونه
خيمتنه الجبيره و نگعد احذاه
خيمه وهيبه ابونه وخلته خله
و من بعده ايتامه تشبع امذله
صعب فرگاه مدري شلون نتحمله
عمود البيت هوه و ضيعيناه
عمود البيت هوه و هيبت الساده
شال اليوم منه و يتم اولاده
و گلبي اليوم حضر يبدي احداده
خذاه الموت مني و گلبي كسراه
ولك يابين اصيح و حيلي مهدوم
راح الزين جان ايشيل الاهموم
اليوم الكون صبّح لجله مهضوم
ابو الحملات راح و ما حويناه
راح الهيبه و اللي نگعد ابفيه
وسفه اينام بتراب الاغريريه
جان زماطي هوه و كله حنيه
يومه شگد صعب و شلون انساه
-------------------------------------------------------
اهداء الى روح المرحوم *حمدان ابن عبود*
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
الشاعر حسن صالح العيساوي بصوت حسين عدنان لكوبعي
Читать полностью…
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة فزاعيه لاستشهاد الامام علي ع 🌺
-------------------------------------------------------
جا رايح وين امخليني
يالردتك دوم اتباريني
عدمن يابويه اتودعني
لا ترحل بويه و تفجعني
ياحيدر ارجع و اسمعني
بغيابك رايح تعميني
تعميني الفرگة اللهابه
ناديتك ارجع يا يابه
دمعات ايتامك سجابه
يابويه و يا فتشة عيني
يابو الحسنين ارجع لينه
هالفرگة اثگيله و تعمينه
ياذينه اغيابك ياذينه
ما يبطل ليك اني اونيني
وناتي اعليك اجهر بيها
مو تدري الشايل واليها
الذكرة دوم تبجيها
تهضمني و حيل تبجيني
يا بويه افراگك شيحمله
روحي اخلافك تبقه وبذله
خطارك جا شنهو انگله
ارحمني و ارجع حاجيني
-------------------------------------------------------
*تمت بقلم خادمة اهل البيت ع*
*✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
بــسمِ أُلَلَﮭ أُلَــرٌحٌمِنً أُلـرحٌيْمِ
آللھہم َ صـل ۤ؏ـلى مـُحــمـدٍ وًآل مـُحــمـدٍ وَ ؏ـَجــل فــرجھہـم آلشِــريِہفہٰٰ يــآآللھہ🤲
🌺 قصيدة لاستشهاد الامام علي ع 🌺
*على طور واسوها واسوها للملا قحطان الابديري*
-------------------------------------------------------
عزوها عزوها
زينب تعزوها
حيدر صابو راسه
جن هيه صابوها
اليوم ام الخدر تبجي اعله الاحنين
شافت راس ابوها انجسم نصين
ضلت يمه تنعه و تجري العين
عسه اصوابك براسي ها يبو حسين
تدري ابفرگتك ما بيه اجرعنها
روحي اخلاف عينك تجذب بونها
و تبقه الذكرى يم بنتك يأذنها
و ايامك يبويه ابيش اعوضنها
ما اصبر يبويه و توحش الخله
شيحمله غيابك بويه شيحمله
و الفگدت ابوها تشبع امذله
تبقه ابعازته و تبجيله و اتونله
يتيمه صعبه هالكلمه اني اسمعها
لا ترحل و روحي اعليك تفجعها
و ذيج ايامنه بويه شيرجعها
و عيني اعليك لتضن يهده مدمعها
يبويه اخلاف عينك ماهدت عيني
اني ابعازتك عدمن تخليني
رايح وين يالفرگتك تاذيني
انه الردتك تضل يمي و تباريني
ردتك يالحنين و عازتك عازه
عمت عيني اشوف اگبالي الاجنازه
انه الونيت الك و ادموعي نزازه
ونت گلب ضيع كلشي بعزازه
-------------------------------------------------------
*تمت بقلم خادمة اهل البيت ع*
*✍آلــشــا؏ـرة وآلمـلا 🎤 رغــد آلـبــھہادليِہ*
ذمة عدم حذف الاسم وغير مبرئ الذمة كل من ياخذ من الكلام وينسبه له
قصيدة شور ( لجرح الامام علي ع )
.....................
يابوالحسن ياحيدر
يابوالحسن ياحيدر
انطبر راسك بويه بالصلاة // وانته النجاة // يا كل هلي
ايصيح جبرائيل بأعنان السماء // فاضت الدماء // اه ياعلي
بالدنيا مدري شجرت
اويالصيحه اني صحت
كون الحيد ما ينطبر
و يا روحي اعليه فرفحت
يابوالحسن ياحيدر - ٢
زينب اني ياعلي و اصيح // اوگف واطيح // حيلي انهدم
جرح راسك ينزف ابدموم // ما بيه اگوم // شفته انجسم
يا بويه و بعد العمر
يا راسي كون انطبر
ولاشوفك هيجي تون
و بونينك كلبي انكسر
يابوالحسن ياحيدر -٢
الليله اسمعك ياعلي تون // واني ابحزن // واجري الدمع
جرح راسك مااضن يطيب // اه يالحبيب // وگلبي انصدع
شبيدي بويه عليك
بالگوه اتحركها اديك
اصوابك ماضن يطيب
و اعيوني مشبوحه ليك
يابوالحسن ياحيدر - ٢
ما غفيت الليله يا بويه ألوب // وكل الگلوب // ليك انجوت
و اليتامه تنتظر تگوم // ابابك تحوم // واتنطرت
اينادونك يابو الحسن
اخلافك كلنا ابمحن
ما تگعد لينا و تشوف
جوعانين ذلنه الزمن
يابوالحسن ياحيدر - ٢
-------------------------------------------------------
*تمت بأقلام خادمات اهل البيت ع*
*✍ آلــشــاعرة 🎤 والملا رغــد البهادلي*
*✍آلــشــاعرة رغــد ام وسام الفرطوسية*
ذمة عدم حذف الاسم وغير مبرئ الذمة كل من ياخذ من الكلام وينسبه له
انطبر عالهامه .. ووگعت لعمامه
وا علياه .. وا علياه
@@@
مو آذان اللي ارتفع وگت الفجر
والوحي حسه اعتله ومدمع يذر
علي ما تم الفرض فارس بدر
وطاح بالمحراب راسه منطبر
…
منجرح بالقامه .. ووگعت لعمامه
وا علياه .. وا علياه
@@@
الچان فادي المصطفى في هجرته
واللي تجدح بالمعارك نظرته
واللي ما خاب اليطب ابجيرته
امتلت بالدم تنگط غترته
…
للفده اسلامه .. ووگعت لعمامه
وا علياه .. وا علياه
@@@
وجه الله وجنبه ووصي الرسول
وابولحسين وحسن زوج البتول
والمبلغ للبراءه عالعذول
نصل بن مجلم وسف راسه يطول
…
سممه صمصامه .. ووگعت لعمامه
وا علياه .. وا علياه
@@@
بالحزن جبريل گلبه يغتلي
وحسه بافاق الثريه يعتلي
الچان ناده لا فتى الا الولي
اليوم ينعه بالسمه طبروا علي
…
وطبرته لعظامه .. ووگعت لعمامه
وا علياه .. وا علياه
@@@
ياليتامه لا تناموا ابهالمسى
والد الايتام يشفى يا عسى
لان ويه طبرته اللطف انسى
والدهر ميشوم عالعتره قسا
…
خل تنوح ايتامه .. ووگعت لعمامه
وا علياه .. وا علياه
@@@
محكم الآيات ينعي بالسمه
والنبي وجبريل ويه فاطمه
والجنان الليل صارت مظلمه
من وگع عالگاع حماي الحمه
…
والحزن باعلامه .. ووگعت لعمامه
وا علياه .. وا علياه
@@@
زينب الحوره اعله بابه واگفه
حين سمعت وحي الله هاتفه
عيونه چن راس حيدر نازفه
وشافته محمول صنو المصطفى
…
يسحب ابأجدامه .. ووگعت لعمامه
وا علياه .. وا علياه
@@@
علي أحمد الحمود
٢٥-٣-٢٠٢٤
شهادة الأمير ع
الضربه
امن الكعبه حتى مسجد الكوفه
اكتاب ابذهب خط حيدر احروفه
من الله .. الى الله
……………………………………………………………
عن الشجاعه اول فصل
هي الفرع هو الاصل . ابحيدر تفاخِر
من انولد صد ابزعل
واهتزت اللات و هبل . يكسرها باجر
في بدر كل فارس برز . لو شافه يوكف گلبه
والصنِع في ساق العرش . سيف النزل من ربه
اتعادل عبادة كل بشر . بالخندق اعظم ضربه
لو كل يهودي و رايد اتخوفه
ذكره ابعلي الهز خبير ابجفه
باب وجيش . حِنه احذاه
من الله .. الى الله
……………………………………………………………
وثاني فصل يحمل اسم
حيدر علي باب العلم . و طه المدينه
علم الرسل جرف النهر
وحيدر غمك اكبر البحر . علمه ويقينه
سألوني گاللهم تره . اعرف الكون بأسره
من بيتي اكثر بالمشي . ساحگ زحل و الزهره
واعرف النثيه من الفحل . بالنمل تحت الصخره
اعرف الطير اشگال بلسانه
واعرف عدد ريشات جنحانه
أنَه الريح . دوم وياه
من الله .. الى الله
……………………………………………………………
ثالث فصل مر اشكثر
حيدر جبل من الصبر . كل عمره شده
گوم السقيفه النكرته
بالغدر ذبحوا بيعته . خلّوه وحده
العده مثل فاطم مره . ومن چف عدوّه وتنطگ
طبگة اكتاب اعل القلم . جذع اعل فاطم اطبگ
ويسمعها يافضه اندبت . مو يا علي اعليه الحگ
اتخيل علي و شگد قوي صبره
واچفوفه لمست ضلع للزهره
دمع سال . والف اه
من الله .. الى الله
……………………………………………………………
والرابع و هاگد ترف
بوحسين كتله من العطف . يا ارق گلبه
مو عبد بل صاحب اله
قنبر دلال امدلله . كالحسن حُبه
و اليتم عنوانه الحزن . شمس الفرح مكسوفه
بس فقط في دولة علي . تضحك يتامه الكوفه
من وجهه تشبع عاطفه . قبل الاكل بجفوفه
صار اليتيم و كالملك گاعد
ياهو اليحاجيه وعلي الوالد
علي افراح . لگيناه
من الله .. الى الله
……………………………………………………………
خامسها عنوانه الزهد
صاحته الدنيا ومايرد . طلگها حيدر
چم دوله بيده و خاضعه
لكن اهدومه امرگعه . بالقصر منـغر
واعظم روايه ابهالزهد . ام الخدر تنقلها
اتقدمين ادامين ابطبق . متعجب ايكللها
يازينب و شيلي اللبن . خبزه وملح أگلها
ريس و مامش كلشي ابيته
بس الدرع و السيف ملكيته
مال اتلول . ما همّاه
من الله .. الى الله
……………………………………………………………
والخاتمه فصل الجرح
من صاح جبريل الصبح . يعلن مماته
يا وسفه وبسيف الكفر
سيف الله اصبح منطبر . ما تم صلاته
القالع الباب ابأصبعه . وبچّه الحروب ابحيله
هاليوم مايكدر علي . وصارت الناس اتشيله
اصفر و مخطوف الوجه . وعاللحيه دم يسيله
صاح اعل ابنه حسين نزلني
بهل حاله اختك خاف تنظرني
وتندب وا . علياه
من الله .. الى الله
……………………………………………………………
✍️ ( سيد خضر الزاملي )
اهتزت العليا انهدم اركانهه
من شطر راس السمه وايمانهه
———————————
اهتزت لهل ضربه افاق السماء
والليل عسعس نازفه عيونَ دماء
والنهار اظلم صفه يدور ضياء
والرواسي اهتزت واوديانهه
———————————
بهل خبر شمس الضحى بي كُورت
اتغشت بلون الجرح ما اشرقت
يا لها من صرخة للصورِّ انفخت
و ضجت بذاك الخبر اكوانهه
———————————-
ضجت الافلاك وكل حيّ وجماد
وناحت لوضع الولي سبع الشداد
شلون ليلة مرت بحال العباد
اتغيرت كل الوجود ألوانهه
———————————
نشوف عالقران إبليس انتفض
للذي بجفوفه دين الله انحفظ
لاعباده تصير كل ذكر انقرض
لولا سيفه نعبد بأوثانهه
——————————
وبجهلها تعيش هالامه وتفيق
ضايعه جان إبمتاهات الطريق
وكل وثن حاكم وليعبده فريق
بحيدره طاح انتهه شيطانهه
——————————
لوّن إبحبه اجتمع كل الخلق
ما خلق لجهنمَ رب الفلق
هوه ميزان السمه كفت الحق
صحيفة المؤمن علي عنوانهه
——————————-
اهدنا لحبه علي هوه الصراط
بالمثاني واضحة الايه تحاط
وجوب تتفسر اله مو احتياط
بالولاية اتمسكوا وتبيانهه
——————————
اول الحكام مالابس حرير
عنده تسوه الدنيه من يضحك فقير
المُهم مرضات باريه القدير
بدونه تبدي هاليتامه احزانهه
علي موفق القزاز
قصيدة ( ٱهٍ حيدر ) ملمع لذكرى شهادة الامام علي عليه السلام
يا صـــرخةَ وحيُ الجبــار
يا أبتــي يا حامــي الجار
رأسُـــكَ يُطبر آهٍ حيـــــدر
يا أبتي يا حامي الجار
*
صـــرخه مــن گلب مفجوع
صرخ گلبي ودموعي تسيل
مثــل صرخت وحـي الباري
يبويــه مــن صــرخ جبريـل
ودمعــي بــويــه لمصــابــك
مثــل دمـك علـي من يسيل
يشسمي الغابت بهــل اليوم
صفـت أيامـي بعـــدك ليـــل
يا ملجئ قلبي الحيران
عـــدكَ أمـــاً للإحــــزان
قلبـي يُنــحـر آهٍ حيـــــدر
*
وعــد يا ابو اليتامه اليوم
أشوفــك سابـــح أبدمــك
واصفــر وجـهــــك الليلــه
يبويـــه ومختلـف رسمـك
وهمـي يـــا أبــو الأيتــــام
علــي وارثتـــه مــن همـك
مثــل هـاي اليتامــه تــريد
روحـــي يـــا علـــي يمـــك
يـــا أبتــي دمــعُ الأيتــــام
يــروي لكَ جـــورُ الأيــــام
وجَعَــاً أكبـــر آهٍ حيـــــدر
*
يبويـــه البــــاري بآياتـــه
شكثر يا ابا الحـسن حذّر
وگـــال أبمحكـم التنزيــل
اليـتيـم إيـــــاك لا تقهــــر
بــس أشقــى البــشر كلها
براســك چــم گلـب دمــر
يبويـه وصــرخة الأيتــام
مثــل جبريـــل مــن كبّـر
تبكــي بدمــوعِ الأحزان
تنعـى آيــــاتُ القـــــران
صوتٌ كّبـــر آهٍ حيـــــدر
*
يــرويلــي قصــص وإلام
يبويـــه هامــك المفتــوح
ودمــك بــويه يــوم سـال
يظل أبكل وكت مسفــوح
اشوفــن منــه يـــا كــــرار
چـم منحـر يظــل مـذبوح
عنــي مــن تـــروح اليــوم
سبايا بويـه احنـــه أنروح
رأُسكَ والضلعُ المكســور
بـــابٌ للنحـــرِ المنحــور
نـــارٌ تسعـــر آهٍ حيـــــدر
*
يبــو الأيتـــام يـــا كــرار
الهــــم انتــــه تچــايــه
يبويـه حيــرت الأيتـــام
بــاچــر تبقــى ويــايـــه
مــن كافل ضعنه أيطيح
ابكتــره تـــوگــع الــرايـه
ومــا ينشف دمع عيناني
لــو شــح النهـــر مـــايــه
أمٌـــن بعـــدكَ لــلأيتام
في دربِ الكوفةِ والشام
دربٌ مقفـــر آهٍ حيـــــدر
**
الشاعر
موسى البديري
فزاعيه للامام علي ع عن لسان حال زينب ع
اخذها وياك بتك لاتخليها
خاف اتنام وتعيل الزلم بيها
..........
يبويه تصيح بالهم لاتخليني
الدنيه من بعد عيناك توليني
اضلن بالهظم والضيم يكظيني
وعيوني الدهر عكبك يبجيها
..............
يتحزم زماني وتوجر ايامه
وطكات الدهر ياحيد عالهامه
يشبع ضيم كلبي وتكثر الامه
والمفكود ابوها الدهر يوليها
.............
باصرني يبويه ورجع اجوابي
وشلون الصبر لوراحت احبابي
ينامون اخوتي وماينفع اعتابي
صدك تشبع هضيمه الراح واليها
.............
عيني الفزعتك يابوي مشبوحه
حسين وركبته عالكاع مذبوحه
وجفوف الكفل عالنهر مطروحه
اتيهن والضعون الشمر يحديها
...........
خذها وياك يالناوي عله الشيله
ماتحمل هظايم روحها نحيله
أندهك ياعلي لومرت العيله
ترد فزع الزلم لوهدو عليها
✍أم زينب كربلاء غير مبري الذمه من ياخذ الكلام وينسبه له او يحذف الاسم من كتاب الجزء الحادي والعشرين من المآسي الفاطميه
موشح للأمام علي عليه السلام ( ومايطيب الوالي )
هاي هيه ومايطيب الوالي
ايس الدكتور وانشل حالي
ايس الدكتور من حامي الحمه
شاف العظام البراسه امهشمه
والجرح ماطاب يتناگط دمه
وانگطع ضني ويبس دلالي
هاي هيه ومايطيب الوالي
انكطع ضني ودليلي مابرد
راس ابو الحملات بالسيف انمرد
الطبيب ايگول مايگعد بعد
والدهر كل يوم يشده بالي
هاي هيه ومايطيب الوالي
الدهر شيريد من عندي الدهر
لملم بگلبي الهضايم والقهر
والدمع رافگ عيوني والسهر
والمصايب والنوايب فالي
هاي هيه ومايطيب الوالي
المصايب وين ماروحن وراي
لم ضلع مكسور ملتهيه بعزاي
من ابوي انوب راح اگطع رجاي
باچر يشيعون سگف العالي
هاي هيه ومايطيب الوالي
مايضل باچر سگف فوگ النزل
يندفن جوه الرمل خير العمل
كون مايجبل العيد ولايهل
عيد الاسود شال عني اهلالي
هاي هيه ومايطيب الوالي
عيد الاسود غرب اهلالي ومشه
والمساجد والمنابر موحشه
ضلت اركان الهدايه امفلشه
اظلم المحراب چان ايلالي
هاي هيه ومايطيب الوالي
اظلم المحراب مدفون الضوه
هاي هيه ولابعد نلتم سوه
فدوه ريضلي يشيال اللوه
گمت احشمنه ويرد حسبالي
هاي هيه ومايطيب الوالي
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر
أنت الحق ياحيدر .... أنت السر الأكبر
والأمر والناهي ... انت بيوم المحشر
ياعلي يامولاي .... ياعلي يامولاي
.....
انت دستور العبادة ومنبع اليمه
كل شخص عاداك كافر ينكتب اسمه
الدنية مخلوقة اعله مودك انت والهادي
يعني الك يرجع الماي وهوا النشتمه
ياعلي .... انت الايمان الحقيقي والصدك
ياعلي .... الما يواليك بجهنم يحترك
يامالك وجداني .... ياقبلة ايماني
خل يسمع كل كافر ... واليتك سلطاني
ياعلي يا مولاي .... ياعلي يا مولاي
....
سيدي حبك ملكني من زغر سني
من عمر يومين وانت عايش بذهني
امي جانت من تلولي ياعلي ادكلي
احروف اسمك يا امامي ابفرحي وبحزني
ياعلي .... امي غذتني اعله حبك مو لبن
ياعلي .... ما ابدلك بالذهب يا با الحسن
ساكن كلبي وفكري .... وحبك بالدم يسري
يا اعظم شخصيه ... عنهه أسمعت بعمري
ياعلي يا مولاي .... ياعلي يا مولاي
.......
ياعلي كلمة اعشكتهه وسكنت ابكَلبي
اعترفلك انت بس انت الصرت حبي
ابكل لغات العالم احجيهه الك عاشك
اكثر امن الناس كلهه العايشه بقربي
ياعلي .... انه واهلي وناسي فدوه انروح الك
ياعلي .... خل يموت ابغيضه اصيحن عاذلك
اول عشك وتالي .... تبقى وغالي وغالي
غصبن عالماحبك .... بس انت التحلالي
ياعلي يا مولاي .... ياعلي يا مولاي
........
ما اعوفنه طريقك ما اعوفنه
شلون أعوفك وانت سيد النار والجنه
كلشي بالعالم وهم بس الحقيقي انته
العافك الأي سبب تالي ابناره يتهنه
ياعلي ... الما سلك دربك خسر يوم الحشر
ياعلي ... عالسراط اهناك يعجز ما يمر
الماحبك من كلبه ... درب اجهنم دربه
باجر اسمه امسجل .... ما عابد قط ربه
ياعلي يا مولاي .... ياعلي يا مولاي
.......
سيدي ومولاي انت ومنهجي الراقي
الما وصله اي نهج بالدول واعراقي
خلهه تسمعني النواصب واليلوموني
ما أساوم على حبك سيدي باقي
ياعلي .... لو يكطعوني وصل ما بيعك
ياعلي .... كل ثمن ما يوفي حق توديعك
ما بيعك يعيوني .... لو جنه ايملكوني
من زغري الهج بسمك .... واعداك ايسمعوني
........
يا علي ذكرك عباده و شرف يكفيني
من أضل أبأسمك الهج لاخر اسنيني
تسري ويه اعروك دمي يا ملك روحي
بيقضتي وبحلامي اسولف بيك تدريني
ياعلي ... اربعه وعشرين ساعه صورتك
ياعلي ... ما تفارك عيني مثل ازيارتك
بذكرك ليلي انهاري .... متفارك أفكاري
مجنونك سموني .... وصلتلك اخباري
......
.✍ كلمات
موسى الخادم
الماوالاه ابو الحسنين شنهو ايفيده
مفتاح باب الجنة حيدر بيدة
حيدر علي نعمه الولي
........
الماواله حيدر عالسراط انشوفه
مجتفه ابحل المهانه اجفوفه
اجهنم ملاذه انهايته معروفه
نار السعير اتصير اله مكشوفه
مينفعه الوالهم كلبه
كدامه يلكه الشمر يلكه ايزيده
.....
كلمن بغض حيدر علي والينه
ما يدخل الجنه ويشوف ابعينه
دين الله حيدر والصحيح ابدينه
خسران كلمن خالفه امسجلينه
رابح كلمن سالك دربه
هنياله كلمن رابح بتأييدة
......
الخالف نهج حيدر خلاف المله
دستور واضح عاقل اليندله
مو كل شخص يتوفق ويوصله
بس الدعتله ام الحسن يتعله
وتكضيله الحاجات الصعبه
اكرام العلي اتقدمله كلشي ايريدة
....
الله ابجلالت قدره يهوا الحيدر
والهل السبب خلاها زوج الكوثر
يوم الحشر محد يجوز المعبر
الا بشفاعة علي قالع خيبر
توقيع الصك باخر شعبه
صك الجواز الوصي ايوقع بيدة
......
العالم ابكفه وعلي اسمه ابكفه
كل المناقب والفضائل صفه
يعجز لساني القاصر أن ايوصفه
بس الله وحده ايوصفه هو ايعرفه
ما يعرف حيدر بس ربه
مو عادي حيدر كلشي زاد ايزيدة
.....
٥ رمضان
الحمدالله رب العالمين
اللهم صل على محمد وال محمد
موسى الخادم
معتقد هذا اللطم مو عاده
أحنه خدام الـ علي واولاده
واعلياه •• واعلياه
……………………………………………………………
هاللطم تكليف من رب السمه
وقف مخلوقين نخدم فاطمه
الله رافعنه بعلي حامي الحمه
گال فلتحيا الجفوف اللاطمه
بيهم المذهب عله بأمجاده
احنه خدام الـ علي واولاده
واعلياه •• واعلياه
……………………………………………………………
مو مجرد لطمه وتأذي الصدر
هي سيف ويذبح بأل الشمر
هي معول كسّر اعروش الكفر
ثوره هي ولبست اثياب النصر
صوت عالي اعل لفخر معتاده
احنه خدام الـ علي واولاده
واعلياه •• واعلياه
……………………………………………………………
مو وليد اليوم تاريخ و زمن
بده من دعبل وياسين و وطن
وحمزه من صوته النوارس دمّعن
وباسم القاد الركب وكت المحن
وهسه عدنه اصوات همه القاده
احنه خدام الـ علي واولاده
واعلياه •• واعلياه
……………………………………………………………
اللطم في معناه مصداق الضعف
قوه عدنه ايمثل و بيرغ يرف
في قياس الغيره واحدنه بألف
مثل بنيان وچتف يلزم چتف
احنه جيش الماخلص تعداده
احنه خدام الـ علي و اولاده
اعلياه •• واعلياه
……………………………………………………………
تكول متخلفين من بين الامم
شكد قديم وجاهل الناح و لطم
يالمثقف انت ما عندك قيم
انا بيه اتعيش نيران الخيم
ابمتني سوط وما عفت جلّاده
احنه خدام الـ علي واولاده
واعلياه •• واعلياه
……………………………………………………………
غدا نلطم وبحضور المنتظر
نقره كعديه اعل راس اللي انطبر
و شوط عالضلع الذي اباب انكسر
ونزله عالعطشان وبسيف انّحر
و ننعه عن زينب وعم الساده
احنه خدام الـ علي و أولاده
واعلياه •• واعلياه
……………………………………………………………
✍️ ( سيد خضر الزاملي )