5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
عليٌ قاصداً لله سلم
وحتئ مطلع الفجرِ تيتم
إلهي ياعلي. دعونا لعلي
==========
وحق شيباته. غمرنه بلطفه
سمه بالطافه. مكارم جفه
اليتيم اوليده. يحضنه بلهفه
دعينه لحيدر. فقط بس يشفه
دُعاءُ اليُتمِ قد طرَ السماءا
وصيحاتٌ تعالت كالدماءا
همومٌ تنجلي. دعونا لعلي
==========
شكثر لمانه. بحنان اعباته
علي ويحبنه بكثر سجداته
ابونه نحبه. وحق شيباته
الظلام بحضنه. بأمان إنباته
وكفُ العطفٕ فينا باقي دهرا
فكيف الصبر عنه كيف صبرا ؟
بْحَرْ المقلي. دعونا لعلي
==========
طبيعه بحيدر يحن ليتامه
لذلك ليلا. يشد إلثامه
عجيبه الليله. دماه بالهامه
صلاته اتفگده وركن اسلامه
فيا غوثاه واغوث الفقير
عجيبٌ ياترئ كيف المصيرِ
دموعٌ تنهلي. دعونا لعلي
==========
السماء بامره الارض هم ارضه
إلهه وگله لرضاتك ارضه
مشت اجدامه. اشتياق لفرضه
ذبل من جرحه. وإدينه بنبضه
وقوماً عاهدوا لله صدقا
وبالنذرِ غدوا يوفون حقا
بطيب النَسُلِ دعونا لعلي
==========
نشدنه اولاده. ابونه شلونه
اليشيل الكلفه. بقوات امتونه
علي أيتامه. بعجل يردونه
توضه بدمه. وتغير لونه
وغُسلا في الدماءِ سلسبيلا
دواءُ الداءِ قد اضحئ عليلا
ينادي ياهلي. دعونا لعلي
==========
الخبر من جانه. فجعنه مصابه
بقينه بحيرة وكعدنا ابابه
نريد اثيابه. دجيبوا ثيابه
العمامه وياها. وصل جلبابه
ويكسون الفقير كل حينِ
بيوتٌ قد تعالت بالونينِ
بفعلٍ جاهلي. دعونا لعلي
==========
✍ الشاعر علي النائلي
بنتظارك. ياعلي بهاي المسيه
بنتظارك. اني وابنيتي الزجيه
الليله بعيون السمه
تشوف دمعة فاطمة
بنتظارك
==========
تردلي هاليله علي وبراسك جروح
واني اتلگاك انا بالدمعة والنوح
فاطمة الزهره تجيك ابگلب مجروح
الليله بأفاق السماء اصوات للنوح
ياحسرتي. ترجع بطبرة لمحمد
ياحسرتي. ألمتني الله يشهد
هامتك ما سالمه
تشوف دمعة فاطمه
بنتظارك
=========
اثر للطبرة اشوف اشلون مطبور
من وراك الطبره يعني انت مغدور
الليلة لمصابك علي هم ضجت الحور
واحس اسرافيل ينفخ نفخت الصور
بهالفجيعه السبعة ضجت والكواكب
بهالفجيعه. انظر بعيني وأراقب
الكون متروس بدمه
تشوف دمعة فاطمة
بنتظارك
==========
عدو الرحمن الطبر راسك جرحني
وقبل طبرة راسك بگلبي طبرني
ياعلي لجرحك أعَلّي الليله وني
تالي دم راسك اشوفه بعيني لني
دم خضابك ياعلي بساعة منيتك
دم خضابك. ياعلي مبلل لحيتك
تالي ياحامي الحمه
تشوف دمعة فاطمة
بنتظارك
==========
براسك الطبره انزلت اه يا حسرتي
نزل دمك ياعلي ونزلت دمعتي
بگلبي ماتطفه ابد حيدر جمرتي
وبمصابك هالدمع عاشر وجنتي
عمرك انت. حسرة كضيته ومناحه
عمرك انت ياعلي لا ماكو راحه
ابيته ربك خاتمه
تشوف دمعة فاطمة
بنتظارك
==========
فاطمة الزهره ولقائك بيها بدموع
تلتقي الطبرة علي وي كسر الظلوع
كلشي بالدنيا يحيدر والله مفجوع
تبجي املاك السمه والصوت مسموع
وي الزچيه. تلتقي بدمعة حنينك
وي الزچيه. عالبُعد الله يعينك
گلبي حيل تألمه
تشوف دمعة فاطمة
بنتظارك
==========
✍ الشاعر علي النائلي
ريَض يل شايل نعش الوالي .. صحت بجروحي صحت بجروحي
اشبع ردت اوداع من الغالي ... وأزيدن نوحي وزيدن نوحي
يم نعشه وانوح
ابجي واقبّل وجنته والجفوف
بلكن لعد ابنيّته ايضل يشوف
كَلبي يضل بجنازته ما يعوف
يا بويه صحت .. ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
وبحين شفت اجنازته شالوهه ...لطمت براسي لطمت براسي
هل روح صحت وياكم شيعوهه ...هلي وياناسي هلي وياناسي
بالباب حايره
دمعاتي ضلّت هامله علخدود
ونّي الفكد عقد الوله ضل يزود
راح الي عيني اتصد اله ومايعود
وبداري نحت ... ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
ردّيت للمحراب والطم هامي ...صور مرسومه صور مرسومه
لن سود صارت بيض كل ايامي ...اشوف ادمومه اشوف ادمومه
محراب ضل يون
امسح دمه ال بعمامته وانتحب
وناري لعد مصيبته ضل تشب
دمعاتي لمصلايته تنسجب
بمحرابك طحت ... يا حيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
بالدار اسال ليش شو عفتوني ... هلي ومهظومه هلي ومهظومه
يا حيف من اصبي نور عيوني ... صرت محرومه صرت محرومه
عذّبني اليتم
صرت الحزينه الصابره وحيل اون
قصة حياتي تنقره بالحزن
ريت بجوارك حيدره اندفن
دمعات اسفحت ... يا حيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
هاي اصورّه وهاي كل اهدومه ...اكَالب بيهه اكَالب بيهه
اشتم عطره وروحي من اهمومه ... جمر يجويهه
شينفع هل عمر
فدوه لروحه الغاليه ... والسنين
والدار ضلّت خاليه ...من الحنين
ودموعي ضلّت جاريه ...بالونين
جم محنه شفت ... ياحيدر
ياحيدر ياحيدر ياحيدر .... ياحيدر ياحيدر ياحيدر
ــــــــــــــــ
الشاعر محمد حسن ضيغم
يا كرار لا تفجعني
لا ماريد ترحل عني
دارك لا يضل خالي
زينب وأرحم بحالي
ــــــــــــــــــــــــــ
يا حيدر يا لبة كلبي ويل نورك يملي عيوني
ليش اعداك بهاي المحنه منك بويه يحرموني
انه ابنيتك لا مااكدر من دونك مو يدروني
ابجي وانحب ليل انهاري ليش اعداكم خلوني
وبهل نوح ذايب كلبي
عل محراب عيوني التربي
تدريبه الدمع هالي
زينب وأرحم بحالي
ــــــــــــــــــــــــ
من ترحل ياحيدر عني وابقه اتسله بدمعاتي
مظلم داري يصير اخلافك بويه وتوحش دنياتي
اتبجي اليسمعهه من العالم كلمن يسمع وناتي
وما مرت علعالم ابدا يا بالحسن مأساتي
شفت الضيم وانه بزغري
بكلبي اسهام صوب دهري
غيرك منهو يبرالي
زينب وأرحم بحالي
ــــــــــــــــــــــــ
بوجودك داري شمحلاهه يابسمة شفة الايتام
انه ابنيتك جنت اتنومس يوم بحضنك عيني اتنام
ماادري الواقع يفجعني وتتبدل هاي الايام
عن دارك ترحل ياحيدر دارك تبقه بلا ضرغام
ليش اتروح ياوالينه
بهذا الحال وتخلينه
رسمك ساكن ابالي *** زينب وأرحم بحالي
ــــــــــــــــــــــــــــــــــــ
بويه من انظر لمصلاتك وانظر مهظوم المحراب
اكعد عالكاع واتنحب وعالخد دمعي يضل سجاب
ياذنب العندي وتتركني وتعلن وي العيله اغياب
راح ابقه اعله هدومي السوده من حزن امي عندي اثياب
ذاك الثوب لا ما نزعه
عل امي عليك تبقه الدمعه
ذايب يبقه دلالي *** زينب وأرحم بحالي
ـــــــــــــــــــــــــــــ
خلتني امي اوديعه وعندك ورادت بويه اتداريني
متفارك شفتيني البسمه ولا يهمل مدمع عيني
الله يلعن كلمن ظالم بينك حال وما بيني
ريت الي يواري بجثمانك يمك كون يواريني
ريت وياك طبروا راسي
وياك البين اشكد قاسي
حزني اصبح خيالي *** زينب وأرحم بحالي
ــــــــــــــــــــــــــــــــ
الشاعر محمد حسن ضيغم
ابيات نعي. مشطر. ( استشهاد الامام علي عليه السلام )
جديد.. 1445. 2024.
ياعلي فَجر المُصيبه بالجرح أول علامّه
وين رايح يا ولينه بالدمع ندعي بسلامّه
تنعه إيتامك ابابك تِكسر اجروح اليتامّه
المن ياحيدر ضلتنه
بوداعك صاحت دمعتنه
------------------------
الهظيمه شلون بيها زينب بهاي المسيّه
تصيح يابويه يحيدر منين اجتني هالرزيّه
جم جرَح باجر اعيوني تشوف برض الغاضريّه
راسك يابويه كدامي
وباجر نحر حسين الضامي
-----------------------
الخادم _ ابو فدك الشامي ✍
قصيدة .نزله ( استشهاد الامام علي عليه السلام )
جديد .. 1445.. 2024..
وآ ويلاه ياحَيّدر
-----------------------
الليله بدموع الألم هذا الأنيّن
الليله محرابك نزف دَم الحَنيّن
يا وداعآ يا أمير المؤمنين
وآ ويلاه ياحَيّدر
----------------------
ياعلي بجروحنه المتألمه
ياعلي ننعاك ياحامي الحمه
ياعلي تبجي الك حتى السمه
وآ ويلاه ياحَيّدر
-----------------------
وين مثلك ياعلي بهذا الزمن
إنت خيمة للأيتام إنت الوطن
والله افراكك صعب ياباالحسن
وآ ويلاه ياحَيّدر
-----------------------
ياعلي بهاي المجالس يبوحسين
عالعهد خدامك إحنه محزميّن
نظره منك يا أمير العاشقين
وآ ويلاه ياحَيّدر
-----------------------
نلطم الهامات يتعاله البُكاء
صحنه ويه الجَرح حَيّ عالعزاء
تَهدَمَت واللهِ دائم هالنِداء
وآ ويلاه ياحَيّدر
------------------------
الخادم _ ابو فدك الشامي ✍
بويه علي ، بويه علي
………………………………
من هجمت چفوف العده
والراس ابو زينب دنت
صاح النبي آ ياعلي
وروح الزچيه اتعذبت
والشر گطع خيط الفجر
والدنيا عالبيها انچفت
بمحرابه ويون بألم
وضل سابح بدمه البخت
……………………………………….
مو طبره چنها صاعقه
نزلت على هامة علي
مسمومه وتاذي شكثر
وسم الحقد يغلي غلي
ومنها وگع الماوگع
طبرة اكسرت اعظم ولي
يالتجلي كل شدة بشر
شو شدتك ماتنجلي
…………………………………………..
مستغربه الجن والانس
اشگد عجيبه المسأله
مايگدر يگوم اللذي
يوم القيامه يقوم الا
ومن زينب يمر الهوى
وجايب خبر بي مشكله
حيدر ترس دمه الارض
وبانت ملامح مقتله
………………………………………………..
تترقب بنية علي
كون الهوى چذب خبر
سالم يرد الها الابو
ومو هو بل غيره انطبر
مابي بعد يحمل كسر
ال عالام گلب عدها انكسر
لكن حقيقه هالامر
وصدقا كتاب الله انفطر
……………………………………………………….
شيسوي والدم ماخذه
حاير بقه حيدر تره
بهالحاله التاذي المحب
ميريد زينب تنظره
آياحزن بنتك علي
اعليها المصايب بالسره
تگضي عمرها نايحه
وتگضي عمرها حاسره
………………………………………………………….
ومن غمض عيونه وسكت
صاحت يبوو كل الأرض
ودمع الصلا صب عالرحل
وماكمله آخر فرض
ومن نبضه خلص وانتهى
وطاح وبعد ماينتهض
صاح الحسن ترهم اذا
من نبضي احطله نبض !
……………………………………………………………..
وحال الحسين شگد صعب
شابگ ابو ويصب دمع
ويگله يابويه شعجب
احچيلك وماتستمع
يابويه فگدك بي ألم
يشبه ألم دوسة ضلع
هسه آنه اشعر أنني
بالطف واصابيعي تسع .
احمد العبادي
بضربتها بالسيف اعلهامه مخذوله تبقه وللقيامه
هالامه عثّرها البخت حاربت حيدر
----------------
كًلها بكْتابه الجليل الخالق وبلسان طه
خير امّه بهالبريه تصير لو تبعت هُداهه
وهذا تفضيل الاله إن جان طاعت مقتداهه
حيدر دليله وحكمته تقتدي وتتبع خطوته
تعيش بكرامه بدولته وبالحشر تضمن مناهه
ومن عاندت ربها وقراره بالاخره ودنيه الخساره
وحذّرهه الف مرّه النبي لو عصت تخسر
هالامه عثّرها البخت حاربت حيدر
-------------------
البخت توفيق وسداد من الله للصفّه النَوَايه
صادق وطاهر دليله ومايميل ويالغوايه
مسلّم الالله ورسوله وغايته درب الهدايه
جم واحد بذاك الزمن ما مال وي ريح الفتن
التاريخ يخبرنه واظن بالعدد فهمك كفايه
عد الاصابع من نعدهم الوفّوا لبو حسين بوعدهم
والباقي خذلت بيعته وتوّطن الشر
هالامه عثّرها البخت حاربت حيدر
---------------------
ذاك تفضيل الحجينه كَبله امّة موسى فضّل
عل الامم كلها وتبيّن كل شرف تفضيل ما ضَل
حين ميزها اختبار التبع بس هارون حصَّل
والّي عصت عبدت عجل من المعصيه لأسوء فعل
والطاعه لامر الله الاصل والفروع بأصل تكمَل
بهارون امر الله التجسّد وهارونههَ أمّة محمد
حيدر علي بس عافته وعلعجل تفتر
هالامه عثّرها البخت حاربت حيدر
--------------------
حيدر المعجزه الكبره وآية المعبود الاكبر
بلا شبيه ولانظير وهوه بس لطه الازهر
ماخفه عللامّه فضله والفريد بطبعه جوهر
لولاه لا دين وشرع يبقه وعلى العالم يشع
ولا رايه للحك ترتفع لوله جفّه القلع خيبر
شنهي عذرها من تخالف وكل يوم جيش الحربه زاحف
من السقيفه للجمل جرها الحقد جر
هالامه عثّرها البخت حاربت حيدر
--------------------
كل شرف كل خير حيدر كل علم كل تقوه هوّه
كل حرب نصر الله بيده وللنبي المختار سلوه
وهوه للباري المثال الراده بين الخلك صفوه
عدوانه قرت واقعه كًبل الموالي وتابعه
حيدر حقيقه وناصعه والشمس ما تخفه كَوّه
وضلّت تمجّد باليعاديه والمِهْتدي بس الله يهديه
والي انسلب منّه البصر يمشي ايتعثّر
هالامه عثّرها البخت حاربت حيدر
---------------------
ادركت حظها وبختها حين ربهه انطاهه فرصه
وردت وعرفت غطلها للذي الحق هوّه شخصه
والوفه ذمّه وثبات وماي كون تحفظه كَصّه
بس الطمع آفه شرف والماعرف هاي اشعرف
مو ماي بالكَصه رعف دم حتف يجرعه بغصّه
نكثوا البيعه اردود والصار بيها طمع كل عابد احجار
حتى ابن ابو سفيان اجه يريد ايتأمّر
هالامه عثّرها البخت حاربت حيدر
--------------------
ما خطت كلمن شعلها نار فتنه وحمل وِزره
مشكبن ذنوب ومآثم والدم ابكل قطره قطره
والجره بصفيّن اثمه بركَبة الاسس الغدره
عالنهروان الحق كتب لاعظم جريمه اصبح سبب
بزر الخطه والخاطي اب وماخفانه الخاطي وامره
اعظم ذنب عل اسس الجور وانحرفت الامّه عن النور
وناتجهه لن راس الوصي بغدره تطبّر
هالامه عثّرها البخت حاربت حيدر
----------------------
بليله من اعظم ليالي فجعو الهادي بولينه
وصوبو كل كَلب مؤمن معتقد اسلام دينه
بنايحه ابيت الرساله واجروا عيون الحزينه
زينب على الوالي تون
تنظرله مطبوك الجفن
راحل وليها ام الحزن
صدك خاوتها المصايب زينب الحد المنيه
--------------------------
قاسم آل واعي الرميثي7 رمضان1445
گعدية
بالاهوال حبك سفينه
مات ابن ملجم وانته عايش بينه
حبك سفينه
ــــــــــــــــــــــــــــــــــــــ
علي ياهو يسد فراغه بس علي اليملي فراغه
علي هذا السال دمك لو خطب نهج البلاغه
المافهم هاي السوالف بالجهل قافل دماغه
للهادي ياروح ونفس
ياباچر وهسه وامس
انته علــي ابهيئة شمس
الله صاغك هالصياغه
للارواح اسمك سكينه
والحق يدور اوياك ياوالينه
حبك سفينه
ــــــــــــــــــــــــــــــــــــــ
انته مرآة الجلاله التعكس النور السماوي
الناس يابوحسين تطفه وانته وحدك تظل ضاوي
وباچر ابحبك يحيدر تنغفر كل المساوي
طبروك لاكن مامتت
فزتُ وحق ربي صحت
گبل الخلق كلهه صرت
والف من آدم تساوي
الماولاك بي نقص دينه
واحنه بولائك ياعلي اتربينه
حبك سفينه
مات ابن ملجم يحيدر وانته عايش بالبصيره
بالنجف للشيعه گبرك خيمة الرحمه الچبيره
تحكم اربع قارات وانته تگعد عالحصيره
ماعندك اموال وكنز
وابيتك الزهره حرز
الحنطه تعوفه امن الخبز
ياعلي وتاكل شعيره
ابيت المال ايدك امينه
يمطفي شمعه المثل حرصك وينه
حبك سفينه
ــــــــــــــــــــــــــــــــــــــ
عالجبال الحَب انثرو هذا قولك يابو شُبّر
حته ما واحد يگول الطير جاع ابعهد حيدر
بالصلاة اتصير دمعه وبالبلاغه اتصير منبر
باجي بصلاتك حيدره
ضاحك بيوم الزمجره
واهناك فوگ الگنطره
ياعلي بيدك المعبر
يالعليت بيرغ نبينه
يانوح والطوفان لو مر بينه
حبك سفينه
ــــــــــــــــــــــــــــــــــــــ
ياعلي امن انطبر راسك طاحت اعلام الديانه
وللحسن عندك وصيه بيهه للقاتل ضمانه
يالحسن اطعم اسيرك مثل ماتاكل امانه
طبق علي نفس الجرم
يوليدي وانصف بالحكم
مااريده يشعر بالظلم
ولا يحس كون بمهانه
هالاحكام منك تجينه
اتوصي الحسن بس چنك اتوصينه
حبك سفينه
ــــــــــــــــــــــــــــــــــــــ
ياعلي الليله اليتامه اتصيح من عظم الرزيه
راح الايلمنه ابعباته واندفن حماي الحميه
وزينب ابدمع النوايب ياعلي بهاي المسيه
يم گبرك الطاهر بچت
واتگلك اعيوني انعمت
ومنك يحيدر أيست
بعد مايرجع ابوهه راح عز الهاشميه
محمد الجماسي
#اللهم_عجل_لوليك_الفرج
عرش الله انفجع مو فقط محرابه
طاح الكون كله الليله بصوابه
كلشي اليوم مجروح
كلشي ملثم ينوح
ودأعا ياعلي
الله يعين ربعه الليله وأيتامه
شكم كلب نكسر وي طبرة الهامه
اضن حتى العرش يلطم عله العمامه
لان الدين النبي هل ذبحو اسلامه
حد سابع سمه صوت النعي ترتل
جبريل النعا ويقرأ بالمقتل
حتى الجزع مسموع
كلشي ملثم ينوح
ودأعا ياعلي
ــــــــــــــــــــــــــــــــــــــــــــــــــــــــ
مخنوك الهوه مايرضة بالريه
لان زينب وضعهة اليله مو هيه
حزنان الكمر ومسوي لطميه
رح الابو الجنه انسير ابفيه
فكدك ياعلي بين شكو خله
منين انجيب حيدر مثله ونخله
الكون ابأسره مذبوح
كلشي ملثم ينوح
ودأعا ياعلي
ــــــــــــــــــــــــــــــــــــــــــــــــــــــــ
القران القصد معروفه هل غايه
لان براس حيدر شكم الف ايه
بلكي يطيح منهن ويه الدمايه
بلكي يموت حيدر ناخذ الرايه
سبطين وعقيله حفظو الدين
ميموت اليخلف حسن وحسين
القيامة بطلعة الروح
كلشي ملثم ينوح
وأعا ياعلي
ــــــــــــــــــــــــــــــــــــــــــــــــــــــــ
من ذاك الوكت والكوفه حزنانه
صعب حيدر علي ياهو اليجي مچانه
وحگك ياعلي فگدك الأذانه
نبجي اعيونه لو نسمع أذانه
طبرت هامتك چن طبرو الكون
جن ارض وسمه كامو يلطمون
صوت الدنيا مبحوح
كلشي ملثم ينوح
ودأعا ياعلي
ــــــــــــــــــــــــــــــــــــــــــــــــــــــــ
وداعا ياعلي والكلب بي حصره
تردلهم علي والشيعة منتظره
طبرت هامتك خلفت چم طبره
بكلب الشيعة اثرهة كلوبهم جمره
وداعا ياعلي ماتمم الصوم
وداعا ياعلي والكلب ملجوم
عليك الشوف مشبوح
كلشي ملثم ينوح
وداعا ياعلي
مهند الشمري
بسم الله .. حيدر أول وأخر
من سواه ..ربنه باطن ظاهر
ياسبحان.. نوره نور الباري
والعاداه.. هذا هوا الخاسر
حيدر سراط الرب،،،، بأسمه الحچي رطبّ
فاتح حصن خيبر ،،، هوا القتل مرحب
علي دين الله أستقام بسيفه
علي من الله صدر تكليفه
أبد ميگدرون تزييفك مُحال
علي قرأن وصعب تحريفه
أسمه يفوح.. عطر من يترتل
مامسموح.. غيره مامش أول
الله أختار ..علي بس القائد
عشگ الروح.. بذكره گلبي تبلل
أسمه حرز ينشد،،،، تعداده مدري شگد
أجمل عطر ينشم ،،،، بذكره الورد ورّد
علي باء البسمله ومعناها
علي سر وعلمه الله الــ طه
القبله والحج والصيام وي الصلاه
علي مسراها وبعد مجراها
يا قرأن.. والله خط أيآته
والبرهان.. خله ذاتك ذاته
الله أنطاك.. ياعلي أسمائه
أنس وجان.. تخضع الچلماته
كلشي ألك يخضع،،،،، والقبلتك يركع
فوگ العرش نورك،،،، منذ الأزل يسطع
بس محمد يعرف بتأويلك
يقرأن الله صعب ترتيلك
لعليٌ أنتَ في أمُ الكتاب
مايفوز ألما يصيح أدخيلك
ياابو تراب.. بكعبة الله أصيارك
وبالمحراب.... موتك وتسيارك
مامخلوق.. بس علي بشخصيتك
أول باب.... الله هوا أختارك
ذكرك عباده أصبح،،،، ألساني بعلي أتملح
مثل الشمس واضح،،،، ما حاجه تتوضح
صار مقياس الزلم مو شارب
بحب علي نقيسه لأنه الواجب
الما يحبه ما نعده من الرجال
غير حيدر أسد الله الغالب
✍️حسين حمدان الدلفي
الليلة مفجوعة الهواشم ياعلي هاالليلة
وزينب اتوگت صبرها ومابقت كل حيله
،،،،،،،،،،،،،،،،،،،،،،،، ،،،،،،،،،،،،،،،،،،،،،
الليله بدموع العقيله انرسمت ادروب الخطر
طاح حـماي الحميه وخاطــر ايتامه انكســر
انهدمت اركان العدالة بالسمــه انذاع الخبــر
علـي مــا يحصل شبيها و لا يجـي مثله بشر
والحسن حودب ابضهره وإخوته اتجيله
،،،،،،،،،،،، ،،،،،،،،،،،،،،،،
لبست إحرام المصيبه والحزن غاطيّها
وي صلاة الفَجـّـر زينب شيّــعت واليّها
هامـته بسيـّف الخيانه والدمّه محنّيها
هاي مو اول مصيبه الله اليگـــويها
وحظنت عباس اخوها وانحنت تشكيله
،،،،،،،،،،،،،، ،،،،،،،،،،،،،،،،،
اه ياجمـرة ابـونه وگامــت بحسـره تون
منهو اليعوض حنانه صـارت الدنيا سجن
حالة الفاگــد عزيزه مثل المضيع وطــــن
امنيتــــه روحــــه تمـــوت ويلفها الجـفن
بلكي يخلص من عذابه والوكت يصحيله
،،،،،،،،،،،،،،،،،، ،،،،،،،،،،،
عظم الله اجرج يزينب بالولي خير العمل
شدي حيلج للمصايب كربله وطفها اكتمل
الگمر كفكف دمعها وضمها يم صدره بوجل
وضلمت الدنيا بكبرها بوالده حل الأجل
مصاب حيدر فاجعه وهد حيله
،،،،،،،،،،،،،،،، ،،،،،،،،،،،،،،،،،،،،،
راح أبو الحمله وسافه وبعده عالدنيا العفى
هــــــــي دنيا بغير حيدر نور وتحس انطفى
والله ماتســـــوى حياتي بغير حب المرتضى
جنة الله بوسط گبره غصبا اعله المارضى
اسم حيدر بالقلب ترتيله
خام اهل البيت
وسام عبد الجليل الركابي
عيني اشتاگت لشوفك وهامت
يمن روس انحنت لأجلك وهامت
لو حارت تره روحي وهامت
ماغيرك علي اليفزع اليه ...
......
خادمكم مالك السعيدي
ابو ذيات
مفجعه
لسان حال العقيله زينب
صفتلي اعله الحزن والنوح .. عادات
ولـيـالـي الـفـرح بـس وياي .. عادات
مصيبت فـاطـمـه بهل يوم .. عادات
ابـطـبـر راسـك يـحـمـاي الـحـمـيـه
*-------------------------*--------------------*
عـگـب ضـلـك ألـوذن بـيـه .. ضلمن
عـليـه ايـام دهـري ابـسـاع .. ضلمن
حـاچيـني يـداحـي الـبـاب .. ضل مَن
ابـحنـانـك وبـحنـان امـي الـزچـيـه
*--------------------------*--------------------*
مـثـل هـامـك دلـيـلي انـجـرح .. ونصاب
وعلى امصـابك رخصت الدمع .. ونصاب
ابـمـنـاحـه راح اسـلـي الـروح .. ونصاب
عَـزه الـحـد يـوم مـا تـلـفـي الـمـنيـه
*------------------------*---------------------*
✍خادم امير المؤمنين ع
الشاعر رعد الجريخي
بيدك تشيع والدك يالغالي يحسين
منهو اليشيعك لوطحت ياكرة العين
يالغالي يحسين. يالغالي يحسين
=========
بيدك يبو اليمه تنزلني لحفرتي
وانت منهو اليدفنك اه ياحسرتي
ميت ولمصيبتك تجري دمعتي
اثر نيشان الدمع حافر وجنتي
يوليدي بيدك بالگبر تدفني وارتاح
يمك يحوم بلا أهل عالراس ذباح
يالغالي يحسين
يالغالي يحسين
==========
صح اني راسي منطبر يابويه مجروح
بس انت عالغبره تظل يحسين مذبوح
حافر يرد اعل الصدر والحافر إيروح
كل رفسه يابويه احسن تطلع الروح
حافر ثكيل وعالصدر شيخلي العظام
وظهرك اصده منترس يالغالي بسهام
يالغالي يحسين
==========
بيدك تغسلني وتنزلني الحفيره
ووليدك ايلمك وسف يبني بحصيره
بثنينهن زينب بقت محتاره حيره
لكن تشوفك منذبح حيره چبيره
عالغبره وبفيض الدمه متغسل شلون
الله يساعدها العزيزه الغاليه ام عون
يالغالي يحسين
==========
يوليدي راسي بالجسد لاموعالرماح
راسي بنعش ذرة ترب يوليدي مالاح
ويلادي شالوا هالنعش من كل الاصفاح
لكن بقه گلبي بألم لتضني ارتاح
نعشك حصيره بلا غُسل وبلايا توديع
بس ابنك لوحده ويون من غير تشيع
يالغالي يحسين
==========
إبنيتي زينب من رحت شيب گلبها
وإبنيتك انت من طحت سوط الضربها
بالهيمه باجر يالولد شامت يسبها
وزينب وحيده بالضعن تمشي بغربها
دلالي يتفطر الم من كثر الهموم
وانت يبويه لعيلتك ماتگدر تگوم
يالغالي يحسين
==========
يوليدي گلبي شيحتمل ضيم واذيه
وعيالك بطف كربله باجر سبيه
سوط الشمر ظل يضرب بنيتك رقيه
وانت ذبيح ومنسلب فوگ الوطيه
بحر الشمس فوگ الرمل يوليدي عطشان
اتفت الگلب ماتنحمل ياعظم الاحزان
يالغالي يحسين
==========
✍ علي النائلي
هي النار خطوة موت ما ترحم نار الغربه
الفاكد ليش بويه ايعيش مايندل ضايع دربه
زينب بويه والروح محتاجه الحنانك
..................................................
يا جرح كسر الخواطر يذبح أفراك الغوالي
بويه حـــيــدر لا تسافر أنته بس أنته البقالي
أخذ الكلب وياك والهرش كطعه
مثل الدمع لو طاح ما منه رجعه
بعدك ليش والمن عود يتنفس جـــــــرح الفركه
جان اوياك روح بروح هسه النسمه أتمراتخنكه
زينب بويه والروح محتاجه الحنانك
..................................................
الطفله من تجبل عليها تركض أبلهفه وتتاني
ترجـــــع وسالم تجيها وآنه طيفك ما أجاني
ما شفت باب البيت لو راجع النه
ريشة أبمهب الريـح هودر شملنه
عيــن الناس مثل السيف تذبح بسنين العشره
من الباب للمحراب أركض واوكف منتضره
زينب بويه والروح محتاجه الحنانك
.......................................................
من شفت بعيوني أخوتي تمشي محنية وتنازع
طحت واتمنيت موتــــي علي من الموت راجع
الرد الشمس معروف وادري بحميته
كـــل عمره ما رد ضيف تشهد منيته
دمعي الطاح لو دم ساح من راسك واتنفسته
سالم ريت واتمنيت أب يــــرجع يحضن بنته
زينب بويه والروح محتاجه الحنانك
.....................................................
طحت من طولي ولكيتك طايح وكـــــوه شفتني
أتقربت أشتــــــــم لحيتك بويه يا زينب صحتني
حان الوعد والموت يبنيتي أشوفه
صيحيلي العبــــــاس أشتم جفوفه
بيني وبين هالجفين طلسم للطف حصنته
با جر كون من تمشون يتسمه كافل أخته
زينب بويه والروح محتاجه الحنانك .......................................................
وصلت انفاسك لاخيره وانذبـــح حلم امنياتي
حيره يابو حسين حيره يا حرز دعوة صلاتي
وكفت أباب البيت بويــــه اليتامه
تسجب دمع فركاك حتى الحمامه
بدمع العين يابو حسين طبرت راسك غسلوها
نص الليل جبرائيل او ولــــدك جثتك شيعوها
زينب بويه والروح محتاجه الحنانك
.......................................................
خادم خدمة الحسين
الشاعر
محمدالموالي
تعنيت انشد المحراب ــــــ عن مصاب مولانه
شلون انصاب بالطبره ـــــــ وخله الدنيه حزنانه
ساجد وانطبر بالسيف ـــــــ واحنه ايتام خلانه
ودمه السال من راسه ـــــــــ سال اعليك يامحراب
---------
يا محراب جاوبني ــــــــ شلون انصاب والينه
ما نرهم بعد حيدر ــــــــــ احنه اولاده تدرينه
يا محراب معقوله ـــــــ والينه يخلينه
واحنه معلمين عليه ـــــــ‘ مانحمل هظم لمصاب
--------
يا محراب دمه السال ـــــــ منه اصبح اخضابك
وأدري تنوح علوالي ـــــــ واعرف لوعة مصابك
هم انت مثلنه اتصيح ـــــــ ما نتحمل اغيابك
الليل ايصير مظلم حيل ـــــــ لو حيدر الوالد غاب
-------
يا محراب والمنبر ـــــــ هم شفته يوم لجله
جيفن بعد ما يصعد ـــــــ والينه ابو الحمله
المنبر عل ولي الكرار ـــــــ اصبح مدمعه ايهمله
ومثل الشيعه عل مطبور ـــــــ ضل يهمل دمع سجاب
-------
يا محراب حاجينه ـــــــ شلون واحنه ايتامه
او والينه رحل يا حيف ـــــــ بس ما تمم صيامه
طبرونه ونزف دمنه ـــــــ وي طبرة علي بهامه
وجمر مصاب ابو الحسنين ـــــــ بينه ايضل دهر لهاب
--------
الشاعر محمد حسن ضيغم
انشد بدمعاتي عيوني
والدهر خيبلي ضنوني
ـــــــــــــــــــــــــــــــ
يامحراب انشدك بالله يامحراب
شلون المرتضى براسه الشريف انصاب
شلونا تلطخت من دمه داحي الباب
ماهزك من صابوا راسه *** لو يرحل تتيتم ناسه
ـــــــــــــــــــــــــ
يا محراب انشدك من سجد حيدر
وحين الي نوه عليك الوصي وكبر
بيا عين انت شفت الهامه تتطبر
ماكمت ورديت الضربه *** ولا خليت ال آه بكبه
ـــــــــــــــــــــــــ
يا محراب زينب انه تدريني
لصواب الجرح بصعب تصد عيني
انه الما حسبت يمشي ويخليني
وابق هاتيتم واجري المدمع *** مابطل وني ولا اجزع
ــــــــــــــــــــــــــــــ
انشدك من وكع حيدر عليك شصاح
اضن عرش الله طاح بطيحته من طاح
نفس روحي ونضر عيني ويحيدر راح
سلوة دلالي وفاركني *** ومصاب الوالي يعذبني
ـــــــــــــــــــــــــــــــ
يا محراب ياهو يصلي بيك اردود
لان حيدر بعد ما ضن يجيك يعود
عليه راح البس اثياب السنين السود
وانظر لمصلاته وابجي *** يامحراب ويامن احجي
ـــــــــــــــــــــــــــ
يا محراب جاوبني عليك الحيد
شلون بحالتك باجر تضل اوحيد
هم تفرك بأيدك لون عندك عيد
هم تتحسر مثلي وتنحب *** عني وعنك حيدر غرب
ـــــــــــــــــــــــــــ
الشاعر محمد حسن ضيغم
/channel/kasaedalatharDaygham
#ابوذيات
الليالي امــــرار مافد يوم حلت
اشد بالصبر والحسرات حلت
الـمصايب والنوايب علي حلت
من شـالو نعش حامي الحميه
ابحضن حيدر احط راسي ونامن
وچنه ابفي علي نلتم ونامن
احسين اعله النعش طايح ونامن
مشه الكرار سمّوني السبيه
نظل ايتام ياشيعه قدرنه
وغير الوصي ماواحد قدرنه
اخذتي علي ياليلة قدرنه
وبچينه ابگد سبايه الغاضريه
علي يااعلم الاحياء والميت
وتعرف بالنهايه اشوكت والميت
احلفك لو ابظعن السفر والميت
من شارع الطوسي افزع عليه
محمد الجماسي
#اللهم_عجل_لوليك_الفرج
يابويه لمن دخلت اعلينه
يابويه نرجف قهر ضلينه
يابويه تارس دماك ايدينه
يابويه مو هذا المتانينه
تانيناك والروح ملهوفه
مو عالبال هالمنظر نشوفه
بالصرخات انترست الكوفه
والدمعات بالعين مصفوفه
دارك ياعلي بحيره
اهلها بنايبه اچبيره
انت الاكلوا بخيره
يطبروك ال بلا غيره
تروح تصلي يالرحمه
وترجع لهلك امدمه
هايه الشده والأزمه
يطيح اللي بألف زلمه
…………………………………………………………………..
امنيتي ريت الفجر ماطالع
امنيتي محد دخل للجامع
امنيتي گلبي من ابويه شابع
امنيتي تحضني بس متوادع
حيدر گوم مو انت اليطيحونك
يالغذيت گلبي بحنان عيونك
يمك جيت ارد اختبي بمتونك
يالمخطوف من النزف شو لونك
تقبل ربك اصيامك
وقبل دم الترس هامك
يالحيل الوكت ضامك
وعشتهن غربه ايامك
حالك بويه كاسرني
بنيتك آنه تعرفني
كسر ضلع امي هاضمني
واشوفك هم تزودني
……………………………………………………………………….
هاك ايدي الزمها وانهض يابه
هاك ايدي ونسد رحيلك بابه
هاك ايدي الدنيا بعدك غابه
هاك ايدي وبالطف تجي السلابه
لا لتروح ابقالي خيمه ورايه
يالمطبور ومدري انزفت چم آيه
جاي العيد وتفرح اريد ويايه
صباح الخير منك الذ احچايه
ملمومه اليتامه اتون
وتتباچه الانس والجن
عگبك ياهو راح يحن
الوجع هالليله لا ميچن
كلش خايفه احبابك
ومتجمعه على بابك
بدمعها مفيضه اعتابك
ومهضومه على امصابك
…………………………………………………………………………
شنطيها الدنيا وتعوفك ليه
شنطيها مو كافي كل البيه !
شنطيها امي ومشت محنيه
شنطيها وآنه بزمن مسبيه
چا شتريد الدنيا منچ زينب
يوم الام وهسه مصابچ بالأب
مثلچ وين مريه تحير وتتعب
گلبچ نار وراسچ صغيره وشيب
علي يالماكمل عمرك
وجهل سيف العدو گدرك
سبي أول احس هجرك
صبر انطيني من صبرك
ترحل والوجع يجبل
هجرك يحرگ ويكتل
ولامرسال الي ترسل
الموتك بويه مترجل .
احمد العبادي
تفز كلمن يجي وجاسك
بويه اسم الله لحساسك
ابراسك طاحن برمضان
فَتِح مكة وفَتِح راسك
============
عزيزة گلبك انه ام عون .. من يومين مختنگة
تاخذ وين اليحبنة .. برد حيلچ يهالفرگة
طريح افراشك وما تگدر تگوم
وضيّج خلگك امن الطبرة ذايب
چذب فوگ الحواجب تعله العيون
طبرتك هسه تعله اعله الحواجب
شلونك يابعد لوني .. يالمگدّر عله اعيوني
اريد اشبع بچي لروحك .. گلهم لا يوخروني
===========
علي فتحّهن اعيونك .. يالما سادهن ليلة
علي ذاك الكسر خيبر .. يدور ع اليتچيلة
الجرح من ثوب أمي الزهرة مشدود
عله ريحة الزهرة اتطيب اريدك
ثواب اعيوني اثوبهن للايتام
اذا تحچي صدگ واتحرّك ايدك
يفاهم كل حچي البية .. دمك آيه مچفية
احرّك ايدك بأيدي .. واگولن اشّر اعلية
================
سولف ياحچي القران .. لحچيك اذني محتامة
يوخرونه ويرد يطلع .. جرحك هذا لو شامة
علي عيني ودليلي ايرفن اعليك
وصوت ايرن بذاني ايخوف الصوت
زينب حبّي ابوچ براسة وبساع
بعد چم ساعة احسبي وحيدر ايموت
وافز و اتعوّذ بألله .. و احس براسك اسم الله
يخلّف بس صِفاگ الايد .. موت اعزازك الغفلّه
=============
حنانك عابر اضلوعك .. حن عليه واشبگني
الهوه بعدك عدل يمي ..واحس من هسه يخنگني
تسلمْ اعلينة واحد واحد اليوم
عله اهل الطف اشوفك تلقي نظرة
اختصاراً للسلام لولد الحسين
درتْ احسين ضهرة وبست ضهرة
گلتلي اتدني احچيلچ .. عله طف كربلة ارويلچ
زينب صبري لعيوني .. وشدي للسبي حيلچ
============
مالك عرف بالدنيا .. عِرفك كلها بالجنّة
اتيهن تيهة امغربين .. اذا طولك اتيهنّة
يمضياف الهلا التنگط مراسيل
املثم تطلع وترجع املثم
يشايلني اعله راسك شيلة الشيب
أشو هسه اعلة هامك شايل الدم
امان الله حدر سدك .. ضوه الجنة ترس خدك
شليلك فَي شجر بالصيف .. يكتلني الدمع بعدك
=============
#علي #هادي #الخزعلي
يابه الحسن يابه الحسن
يابه الحسن يابه الحسن
**
مــــــــــــــن فاركتها ألدنيتك
عشنه بمـــــــــــــرار بغيبتك
أيتام ضلـــــــــــــــت شيعتك
ضاكت مرار مـــــــن الزمن
*
جم لوعـة شفنه يــــــــا علي
بعدك يبعـد أمـــــــــي وهلي
ولوعتنـه مـــــــا ظن تنجلي
إلا بظهـــــــــــــور ألمؤتمن
**
جم طاغية ألجانــــــه وحكم
ما شفنه منهم كــــــــل رحم
أجرام وإرهـــــــــاب وظلم
راوونه أهــــــــــــات وفتن
*
الطاغي مـــــن راح وسقط
كلنه انتهـــــى وراح القحط
تاليها لا واحــــــــــــد بسط
أيده وحضن هــــــذا الوطن
*
هـــــــــــذه مدارسنه بقت
نفس النهــــــــج متغيريت
أفكارهـــــــــــــــا متبدلت
مـــــــا كو ذكر لهل ألسنن
*
ثوراتكم يهــــــــــــل ألوفه
وتاريـــــــخ آل المصطفى
منهاجنه عنهــــــــــــا غفه
وعـــــــل رف يوالينه بقن
****
كلمن يـــــــــــــدوّر رايته
وباقــــــــي شعبنه بمحنته
لا فئه منهـــــــــــم رحمته
وضل عايش بهــــم ومحن
**
وينك يبن حامــــــي ألحمه
تنهض وتنهـــــــي ألظالمه
وتفيض جـــــــــود وغانمه
علينه يــــــــــا شبل الحسن
الشاعر
قاسم حتروش البلداوي
خادمكم
أسألكم الدعاء 🤲🤲🤲🤲🤲🤲
غير مبري الذمه كل من يقرأها بطور الغناء
حيدر هاليوم امودعينه
ــــــــــــــــــــــــــــــــــــــ
طلعت كل الشيعه اتودعه
طول ابطول اتصب الدمعه
والبيرغ ليفوگ ترفعه
راح الوالي ومابي رجعه
مات وعالقبله امجبلينه
ــــــــــــــــــــــــــــــــــــــ
ضجّت بالآلاف الكوفه
ناس اتحبه وناس اتطوفه
وايتامه اتقبل بچفوفه
حي ميت حيدر منعوفه
هيچ ايصيحون امحبينه
ــــــــــــــــــــــــــــــــــــــ
ياهو اتكضه ولازم راسه
حيدر فارگ اهله وناسه
ودم الهامه امغطي انفاسه
هالتاج المن يا لباسه
ليش ابمحرابه امخلينه
ــــــــــــــــــــــــــــــــــــــ
چتال وشيطيبه اصوابه
واحمر صاير لون اثيايه
مو هين ياناس اغيابه
حيدركم مات ابمحرابه
الظالم طابر نص اجبينه
ـــــــــــــــــــــــــــــــــــــ
كتلو دين الله ابهالطبره
واحسين احياه ابدم نحره
طبره وصارت بالطف ثوره
وزينبـهم ردت منتصره
وذاك الحاكم فكست عينه
ــــــــــــــــــــــــــــــــــــــ
ياحيدر صاحو ياحيدر
واحد تبقه وماتتكرر
ياحارسنه ابيوم المحشر
لو ما انته الدين اتطشر
ولاصمنه احنه ولا صلينه
محمد الجماسي
#اللهم_عجل_لوليك_الفرج
حيدر علي حيدر علي
**
بينت ساعات الفجر بيــهه الــوداع ومايرد
الــيله ليــلة حيدره ويموت بفــراگــه الورد
يعرفهه دنياه خلصت وتحضر الطول البعد
تلگه المنـيه ومــارجــف گللهه يــله اتوكلي
*
ساعات ويمر الفجر وتصير نايحت السمه
مــايتم مولانه الفرض محرابه يتنگع دمه
ويــدريه يبراله القدر واليله عنده الخاتمه
الخاطر الدين احتمل ماهمه حيدر ينولي
*
اليله قــالـع خيبره يتچوله واصوابه كلف
تاذيه طبرت هامته مابطل ويجري النزف
الباشط بــكل الحرب ينعاه مالوم الوصف
ياوسفه غدروه اوگع اتگنطر ابفرضه الولي
*
يدرون مــحد گابله بلسجده غدرو حيدره
يوجعني گلبي بلحچي لوذكره ايمر وطره
اگلوب كــل شيعة علي اليـله كلهه مكسره
والكون بلصار وجره يــانــاس بلوه مبتلي
*
يــادمعتي البيه تصب للغالي سوت نايحه
دلالي لجلك يــاعلي ماهاد لحضه صايحه
بمصابــك اليله تــظل اگلوب بينه مجرحه
انصب عزائك سيدي وتنوح احبابي وهلي
*
السمه تنـعه والارض كـــل تبچي المولانه
وملاك نــاحـت والصده بان شكثر حزنانه
الدنيه بصواب الـولي لطـمت لطم حيرانه
تگول شلي بطلتي ومن غيره ياوادم شلي
*
ابوحيدر
الصبيحاوي
#جديد
نعي خطاب الحوراء لأمها الزهراء عليها السلام في مصاب أمير المؤمنين عليه السلام
#مجاريد :
يم الحسن حضري إليه
وشوفي چم جرح يا يمه بيه
من يوم رحتي يالزچيه
زادت ترى أحزاني عليه
زادت ييمه اعليه لأحزان
من يوم غبتي ابوسط تربان
عگبچ صوبوا داحي البيبان
وما تمم اصيامه شهر رمضان
ما تمم اصيامه وراح مطبور
وخله الگلب يا يمه مكسور
وبيه ابتدت أحزان عاشور
حزن السبي وذبحة المنحور
أنا ابذيچ الليالي ردتچ اتجين
وحالي ابكربله يمه تشوفين
فوگ الوطیه طایح حسين
ومحروگه يا يمه الصواوین
طور : #الجفيري
حضري ييمه بكربله
لو طاح حامي العايله
وتِهنه يَيُمه بالفله
حضريني يا أم الحسن
حضرني ابيوم اهدعش
من أمشي وگلبي انخمش
واحسيني جثه ابلا نعش
حضريني يا أم الحسن
أمشي وأروح اميسره
وآنه أميرة حيدره
أمشي وأخوتي عالثره
حضريني يا أم الحسن
حضريني ابذاكه الصبح
من أمشي يا يمه بجرح
وروس اخوتي فوگ الرمح
حضريني يا أم الحسن
حضريني يمه فاطمه
وسط الخرابه المؤلمه
وروس إخوتي تنزف دمه
حضريني يا أم الحسن
___
#فاطمة_كريم
٢٠٢٤ م
▪️نشر جديد
قصيدة ليلة ٢٠ شهر رمضان :
طَمْئنِ القلبَ عليهِ يا طبيبُ
فَهْوَ لِلْكُلِّ إمامٌ وحبيبُ
صامتاً ! ما لكَ ؟ والسمعُ صَغا
نرتجي قولَكَ : حتماً سيطيبُ
ما شعرنا غُربةً في ظِلِّهِ
فإذا ما راحَ فالكونُ غريبُ
سُنَّةُ اللهِ ! فليسَتْ عَجَباً
إنَّما في فقدهِ العيشُ عجيبُ
يا طبيبُ اعْطِفْ على أيتامهِ
وأجَِبْهُمْ : لهُمُ فيهِ نصيبُ
ها هنا مَنْ في يديهِ لبنٌ
وهنا مَنْ دمعُ عينيهِ سكيبُ
كُلَّما زادَ اصفراراً وجْهُهُ
قَلِقَ الأحبابُ فاليتْمُ قريبُ
وصلَ السُّمُّ إلى أطرافِهِ
لمْ يعُدْ ينهضُ فالخطبُ عصيبُ
وحسينٌ نازفَ الجفنِ هوى
عندهُ والقلبُ أَذْكاهُ لهيبُ
يا عليٌّ لا تدعنا يا أبي
إنْ تَرُحْ ضاقَ بِيَ الأُفْقُ الرَّحيبُ
يا أبي سلِّم على فاطمةٍ
قُلْ لها في وحْشةٍ باتَ الحبيبُ
فتحَ الكرارُ عينيهِ وفي
ضعفهِ أَوْمأَ للإبنِ يُجيبُ
يا حُسينٌ وعدُنا في كربلا
حيثُ منكَ الرَّأْسُ في الرمحِ خضيبُ
وعليكَ الخيلُ تعدو في الفلا
تَفْصِلُ الأعضاءَ والجسمُ سليبُ..
الشاعر علي عسيلي العاملي
#يا_علي
#اللهم_عجل_لوليك_الفرج
قصيده نزله استشهاد امير المؤمنين الامام علي عليه السلام
منو مثلك يابشر .. علي علي علي
حمل هموم وقهر .. علي علي علي
...... ........ ....... .......................
يعنوان الاراده .. لبست تاج السياده
يالمنصب امير .. يالمنصب امير
يحماي الحميه .. ولي الباري ونبيه
تملكت الضمير .. تملكت الضمير
يضل حبك فخر .. علي علي علي
حمل هموم وقهر .. علي علي علي
............................................
يسر طاه ووزيره .. بطل ماصح نظيره
يقالع خيبره .. يقالع خيبره
تحملت المصايب .. الگلب منعدهه ذايب
الفقير تناصره .. الفقير تناصره
شفت ضيم الدهر .. علي علي علي
حمل هموم وقهر .. علي علي علي
................ .............................
الك تدعي اليتامه .. تگومنه بسلامه
جرح راسك كلف .. جرح راسك كلف
بچالك كل موالي .. صعب فگدك يوالي
ابد ما ينوصف .. ابد ما ينوصف
بحقد راسه انطبر .. علي علي علي
حمل هموم وقهر .. علي علي علي
.............................................
بزمانك ماكو راحه .. تعاني من جراحه
ضگت منه المحن .. ضگت منه المحن
عشت بي ياولينه .. جهل كفر وضغينه
عليك تراكمن .. عليك تراكمن
بينت شگد عبر .. علي علي علي
حمل هموم وقهر .. علي علي علي
...............................................
المحب كاتب عباره .. الك رافع شعاره
علي حبك فرض .. علي حبك فرض
يحلال الشدايد .. نرددلك قصايد
يسلطان الارض .. يسلطان الارض
يادر على الدرر .. علي علي علي
حمل هموم وقهر .. علي علي علي
..................................................
شجاعه انت وبطوله .. يعنوان الرجوله
يالمجندل زلم .. يالمجندل زلم
فلا خفت المصاعب .. يالمزلزل كتايب
كفو والله ونعم .. كفو والله ونعم
لا متهاب الخطر .. علي علي علي
حمل هموم وقهر .. علي علي علي
...........................................
خادمكم مالك السعيدي
قصيده مقدمة عزاء من وزن العكيلي لجرح امير المؤمنين عليه السلام
جرحــك يــا ابــو حسيـن الليله
*
شد للموت الليله احــزامــك
وأختــم بالمحراب أصيامـك
مــا نصفــت ويــاك أيامــك
گضتها آوياك أبكـــل حيلـه
*
يـا حيــدر جرحــك ما يبـره
بگلب أحبابك خلِف حسـره
بـالقــرآن الليلــه الطبــره
تنــزف آيــاتــه وتــرتيلــه
****
جرحـك هـز أركـان السبعه
وهــدّم ركن الدين وشرعه
جبريــل أبصوته ظـل ينعـه
بالأكــوان ودمعــه يسيلــه
****
جرحـــك معــروف بأسبــابــه
مـن غدرت بالهادي أصحابـه
مــا طـايــب لليــوم أصـوابــه
گـلــب المهـدي هــدّم حيــلــه
****
ظـلــت منــه أتنــوح الحــــره
يلـچمهــا وي ضلع الــزهــره
منــه حســين اتــوذر نحـــره
أبصدره الظالم سحگت خيله
****
جرحــك بعــده يسيـل أبـدمـه
مــا ناشف مــن غــدر ألامه
مجمــوعه لبغضـــك ملتمــه
جيــل يسلـم البغــض لجيلـه
****
الشاعر
موسى البديري
كعده
يابو اليتامه ادخيلك .. مترد بعد للدار
عن زينب اشأحجيلك.. تدري بگلبهه شصار
ذاب الگلب بمصابك
كاسرهه حيل غيابك
................
من طلعت انته الصلاتك تمشي وياك المنايه
گلب زينب جن علمهه هاي آخر ليله هايه
ياعلي وردوك الهه وشيبتك تكطر دمايه
تمشي ويسندوك الولد
هذا الجرح جرح الفكد
خايف گلبهه ينمرد
ياعلي هاي النهايه
من شافتك بخضابك.. صاحت يبويه احاه
يصعب عليه صوابك.. وما اكدر اعله ادواه
ضلت تشم بثيابك
كاسرهه حيل غيابك
...................
ياعلي زينب اللمهه ابد مايهده برحيلك
ضلت بكسرت گلبهه ومن وداعك تشتكيلك
من تجي متعوب انته تعاين الهه ويرد حيلك
هسه اعتنه اعليهه الحزن
دمعتهه ضلت عالوجن
تدري بگلبهه شكد يحن
هاي الاسمها بنص دليلك
ضلت تردد كلمه.. رايح ينور العين
لاماتطيب اللجمه.. يابويه اشوفك وين
اذاهه يوم صوابك
كاسرهه حيل غيابك
....................
فاركت امهه بزغرهه وضلت بحسرت اليمه
الدنيه مارحمتهه زينب والنهار اعليهه ضلمه
راحت الزهرة من اديها وعاشت بداخلهه هضمه
يوم الزجيه شكد صعب
يشلع بسباح الگلب
واليوم غطاك الترب
ياحزن زينب تهضمه
لمن تشوفك جانت.. تحس بالأمان وياك
يوم المنيتك حانت.. ذبلت على فركاك
منتضره دكت بابك
كاسرهه حيل غيابك
................
عفت وسط العين دمعه وابد ماتنشف يغالي
بيتك اخلافك يحيدر أصبح بعيناهه خالي
انته خيمتها الجبيره وفيك اعله الراس عالي
زينب تضل اليا الم
كل حيلهه اليله انهدم
عندك علم يابو الشيم
تسهر بذيج الليالي
وبكربله يالوالي .. تدري العقيله تحير
لاما يضل كل غالي.. وعالخيم نار اتدير
تنادي وتريد جوابك
كاسرهه حيل غيابك
.....................
ابو فاظل من كفلهه وسلمت جفهه بيمينه
ياعلي مايضل سالم اينام المثلث بعينه
والحسين بغربه وحده وعينه تنضر للضعينه
ويطيح محزوز النحر
وجسمه الترف يصبح وذر
وزينب تنادي من الخطر
يالكمر دلحك سكينه
مايضل اي شي سالم.. ويبقه لهيب النار
وبزينب انته العالم.. بطف كربله تحتار
ايدور الزمن بحبابك
كاسرهه حيل غيابك
محمد هادي العقابي
ياوالدي لمن رحت ماغمضت إچفوني
حسبتك إتأدي الفرض ترجعلي يعيوني
حيدر ساكن گلبي
حيدر عيوني تربي
حيدر مته إتمر بيه
حيدر مته إتمر بيه
،،،،،،،،،،،،،،،،،،،،،
بويه كل لحضه اشوفك أنظر إبعينك سفر
وشكثر أغفه إبحنينك وإنته باقي إعل سهر
لورحت إشلون بيه عندي كل يوم بشهر
هايمه وتريد عيني لشوفتك تشبع نظر
بويه رايح بويه رايح بويه رايح بويه رايح
يل رايح إسنيني طفت ياشمعة أيامي
كل ماغفت عيني شفت لن إنته بحلامي
حيدر أدعي ربي
حيدر عيوني تربي
حيدر مته إتمر بيه
حيدر مته إتمر بيه
،،،،،،،،،،،،،،،،،،،،،،،،،،،،،،
صارت الدنيه بغيابك ظلمه ومتيها الدروب
تعثرت جدمي بعباتي نوبه أطيح وأمشي نوب
نازله من عيوني دمعه تحرك إخدودي وتذوب
وحشه أطب لدار بعدك من يجي وكت الغروب
بويه غايب بويه غايب بويه غايب بويه غايب
مشتاگه روحي الشوفتك يل هجرك أذاني
كل ماأحس إبغربتي تتهيج أحزاني
حيدر دموعي تجري
حيدر عيوني تربي
حيدر مته إتمر بيه
حيدر مته إتمر بيه
،،،،،،،،،،،،،،،،،،،،،،،،،،،،،،،
والدي شأخرك عني بويه مو طر الفجر
گاعده وعيوني تربي خايفه من الهجر
حسبه تاخذني وتردني منين أجيبك ياصبر
چنت عل موعد تجيني هسه ضليت انتضر
بويه وينك بويه وينك بويه وينك بويه وينك
ياوالدي لمن رحت ونگطعت إظنوني
دمعاتي تجري عل وجن مانشفت إعيوني
حيدر وينه دربي
حيدر عيوني تربي
حيدر مته إتمر بيه
حيدر مته إتمر بيه
،،،،،،،،،،،،،،،،،،،،،،،،،،،،،،،،،
ناطره عل باب جيتك وإنته مامنك خبر
بويه وينك وين إخوتي ماشفت إلكم أثر
عگب فجر الله وصباحه مارجع منكم نفر
گمت أشوف الدنيه ظلمه گلت لا صاير قدر
بويه عيوني بويه عيوني بويه عيوني بويه عيوني
مثل الگمر أربع طعش ويضوي جدامه
نور أونزل من السمه من يفتح إلثامه
حيدر شمعي بدربي
حيدر عيوني تربي
حيدر مته إتمر بيه
حيدر مته إتمر بيه
،،،،،،،،،،،،،،،،،،،،،،،،،،،،،،
نضره من شوگي وحنيني شفت مأسات وعبر
شفت أبوي إمسندينه ويلي محني الظهر
عن يمينه وعن يساره وراسه بل سيف إنطبر
إتذكرت أمي وظلعها بعصرت الباب إنكسر
بويه روحي بويه روحي بويه روحي بويه روحي
شفت الحسن عن يمنته وحسين عن إيساره
سيف الغدر شك هامته ودموعه تتجاره
حيدر ناري بگلبي
حيدر عيوني تربي
حيدر مته إتمر بيه
حيدر مته إتمر بيه
( كلمات احمد الفتلاوي )