5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
للامام الحسن العسكري عليه السلام
ياكريم الساده فضلك فقط الله يقدره
شفت بس حبك امين وينجي هول الاخره
… ..
قرر الله يجازي اتعابك واهدالك مهدي الاكوان
جا شمسوي لربنه الواحد واطالك هذ السلطان
ويا كلماتك لمن تدعي بكل كلمه تعادل اذان
العافك لو يملك هلكوكب فوك شما يملك خسران
الراد يوصل لله لازم انته تصبح معبره
شفت بس حبك امين وينجي هول الاخره
… .
العافك لكن ضل يتعبد طبق فكر ونهج ابليس
اصف جي طب منكم لله برمشه وجر عرش لبلقيس
يامؤنس خوف ابراهيمك ويم ابنك خادم ادريس
ساكت وبروحك تتعبد وعلمك ذاتي بلا تدريس
كل خصال اهلك اجتك مشيتك جن حيدره
شفت بس حبك امين وينجي هول الاخره
… .
حكك محجوب اعله الوادم ياهو اليحمل ثكل الكون
عمرك كاضي بكلمة ابشر ماتعرف كلمة الشلون
الاعمه الماشاف بكل عمره من تمرله يصير عيون
يتبعك دين الله بكل خطوه جن عين وطبكات جفون
ذكرك الايمان كله وموش ياهو اليذكره
شفت بس حبك امين وينجي هول الاخره
… ..
بذكر افضالك يابو المهدي نميز العاقل والجهال
بس انته التنطي وماتاخذ وتغير من حال لحال
ومن تكرم تنطي ومتحسب بيدك كون وشنهو المال
ماشايف اسم اني بذكره مو بس ذنبي يطهر البال
بلايه شك البيك لازم علصراط اتعبره
شفت بس حبك امين وينجي هول الاخره
… .
يلما راجع منك سائل فد مره بخاطر مكسور
حته العاصي من تادبه ضل بتادبيك مستور
مو عجبه الجاي احجي عنك جا شتوقع من النور
التتنفس من عنده الوادم يتنفسك ويضل يدور
رزق مو شي اكتسابي حبك البي مفخره
شفت بس حبك امين وينجي هول الاخره
… .
مجتبى الدفاعي
نعي لسان حال الامام الحجه عج باستشهاد ابيه الامام العسكري عليه السلام
بدمع سجاب واسوني يشيعه
بفكد عودي عشت بعظم فجيعه
نهدم حيلي وحك حامي الشريعه
ضيعني زماني شلون ضيعه
التف دين الاسلام ابثوب الاسود
من شاف الجبد بالسم تمرد
اعاين للرسول ادموعه عالخد
جرحه من المصيبه صعب ينشد
يشيعتنه اريد اتساعدوني
بالماتم تنشفوها عيوني
بدمع سجاب لمن تواسوني
لجن جرح انفتك من تندبوني
انا المنتظر معروف بلسم
لجروحي الدموع تصير بلسم
ابوي الكظه يا هلناس بلسم
غسلته ودفنته ابذني اديه
عليك اعظم مصايب سدت وجرن
ودموعك حكهن امنتهيج وجرن
مصايب عودك وكربله وجرن
نار الثار ياروح الزجيه
الخادم عبدالمعين الشمري
هايبو المهدي مصابك بينه
يالحسن مولاي مر علينه
سيدي ننعاك هاليوم بحزن
والكلب مولاي يمك ضل يون
ها يبو المهدي يبو كلب اليحن
نريد اسمك سيدي يبجينه
#################
اليوم سامره الحزن بيها نتشر
عليك ضهر المهدي هاليوم نكسر
بكل هضيمه وكل الم هوه نقهر
فكدك بكل وكت ضل ياذينه
################
بالحزن والنوح نلطم والدمع
يالحسن مولاي ملتم الجمع
بالمدينه بعد ماضن نستمع
صوتك ولا انته التنادينه
################
اهل بيتك كلهم نذبحو سرا
وانته مسموم وصدك هاذا الجرا
حكها كل الشيعه تلطم ياترا
انته حزنك بالكلب والينه
#################
هضمه صارت سيدي لمن رحت
والمجالس بسمك بيوم الشلت
كلها قامت والعزء لجلك صحت
بسمك اليوم العزء مسمينه
##################
وداد البخاتري
(للامام العسكري)
عظم الله...اجرنا واجركم
يامهدي
ــــــــــــــــــــــــــــــــــــــــ
يابو العزه ويابو الجرح.. يبن الحسن نادينه
بمصاب ابوك العسكري.. مـاجـور يـامـهدينه
جـبـت العمر كله تون...يــاگلبك الله ايـعينه
وانـخـــفف اعليك الحمل...للتعزيه اتــعنينه
عظم الله...اجرنا واجركم
يامهدي
ــــــــــــــــــــــــــــــــــــــــ
صبرك جبل يبن الحسن.. فــاق الزمن واتعده
بس أبمصيبة والـــــــدك.. مـــاي الصبر واتبده
تنظـــــــر ابوك بلا ذنب.. بالسم تصوب چبده
عمره وشبابه ياوسف ٠٠ كله انسلب من عنده
عظم الله...اجرنا واجركم
يامهدي
ــــــــــــــــــــــــــــــــــــــــ
عالي ابخــلودك والعِدهَ.. هيهات لن اتـــلوحك
الله اليصبرك سيدي.. وتطيب ريت اجروحك
تشتاگ چنت الوالدك.. وتنــعاه نبرة نــوحـــك
لمن سمعت امصيبته.. چا شنهي صار بروحك
عظم الله...اجرنا واجركم
يامهدي
ــــــــــــــــــــــــــــــــــــــــ
الله اليهون امصيبتك.. ابفگد الحسن هاليله
مثلك منو بهذا الحزن.. ناح وتهــــــدم حيله
لمن حظرت اجـنازته.. صليت لوتـبــــچـــيله
بالغربه خلُصت العمر.. ولا واحـد التـــشكيله
عظم الله...اجرنا واجركم
يامهدي
ــــــــــــــــــــــــــــــــــــــــ
كل المصايب هونت.. ومصيبتك بحسينك
يالدمعك اتغير دمه.. وراسم طفوف ابعينك
تنعى الغريب ابكل وكت.. ومايهده ساعه اونينك
والمغربيه من تجي.. مولانا الله ايعينك
عظم الله...اجرنا واجركم
يامهدي
ــــــــــــــــــــــــــــــــــــــــ
مابين مسموم وقتل.. اهلك گضو يالحجه
ونيران گلبك سيدي.. طول العمر متوهجه
والطلعتك يبن الحسن.. نتوسل ونترجه
يبن الذراري الطيبه.. مهرك يساعه اتسرجه
عظم الله...اجرنا واجركم
يامهدي
ــــــــــــــــــــــــــــــــــــــــ
حيدر بشار الدراجي
قصيدة منبرية للامام العسكري عليه السلام
نسألكم الدعاء ( ابو عبد الله الكعبي )
المستهل..
مثل جبد الحسن جبد الحسن ممرود
الله ايساعدك هاليله يالموعود
النص..
١
اعزي المهدي بمصابك يبو المهدي
غيرك ياعزيز الروح ما عندي
اجيتك معتني بالدمعه البخدي
شايل رايه وابزندي العلك مشدود
الله ايساعدك هاليله يالموعود
٢
يالله يالخدم سامره موعدنه
غير الونه آنه او انت ما عدنه
غركانين خلي انجلب ابردنه
نلبس اسود او نمحي الذنوب السود
الله ايساعدك هاليله يالموعود
٣
الحسن مثل الحسن بيبانه مفتوحه
الكل مجروح بيده ايطيب اجروحه
الامام العسكري يستاهل النوحه
هاليوم البجي يا هالخدم مريود
الله ايساعدك هاليله يالموعود
٤
الف لعنه عله العباسي واعوانه
الخليفه المعتمد مثل اهله عادانه
من سمه تكطع جبده مولانه
الخليفه الراشد او بس هو ما مرشود
الله ايساعدك هاليله يالموعود
٥
اليقود الناس طالح واصله هم طالح
على دمكم صعد واعله الدمه سابح
ظهورك يمته يا مولانه ابو صالح
تاخذ ثار اهل بيت النبي المفكود
الله ايساعدك هاليله يالموعود
🏴جدد مآسيها🏴
في مصاب الامام العسكري عليه السلام
اتون ام الحسن والدمعه تجريها
امصاب العسكري جدد مآسيها
————
اتنوح ام الحسن هالليله واتنادي
ياامصابك يايمه فطر افادي
مجروح الدليل وجمره وگادي
وامصاب الولي هالليله ماذيها
————
حضرتّه المسيه وراسه اتشده
اتون وتنوح هذا اوليدي ابشده
مسموم وغريب وفطروا جبده
ونسوانه تون يا ويلي اعليها
____
جيتنك ييمه انعى ملهوفه
واميه اشربه ابدمعه مذروفه
ماانسى حسين وهمه وطيوفه
عطشان ومهجته ماهو راويها
—————-
اقبالي يون واحبابه مفجوعه
جيتنه بحزن يدريني
موجوعه
ماذيني الضلع والسحگوا اضلوعه
واخته والحرم عدوانه سابيها
—————
ارويه بدموعي وجيت اشربته
وبجفوفي الجسد انظر واجلبنه
ياخوفي الصدر كسروه اشوفنه
واخته املوعه وغربه حدوا بيها
————-
تمت بحمد الله تعالى
بقلم:#بنت_الشمري
راح العسكري الليله // والمهدي انهدم حيله
*
مثل هذا اليوم أمامك بيده شيع والده
غسله بدمعه حنينه اوسط لحده وسده
المهدي من يشتاك كالو يبجي يكعد وحده
ساكن بذيج الصحاري ونوحه لحضه ما هده
دمعه عينه تبجيله // والمهدي انهدم حيله
* * * * * * * * * * * * * *
المهدي من كثر البواجي اعيوني يا ناس انعمن
المهدي كل جمعه يشيعه يكعد اباب الصحن
الدنيه كلها ما تكفي دمعه من ابن الحسن
حته يعكوب بكيانه والله عالمهدي حزن
وامه الزهره تدعيله // والمهدي انهدم حيله
* * * * * * * * * * * * * * *
جم محب فايض حنانه والورد بيده ذبل
حته طير الصاف تدري دور وعنك سأل
كلها هليله تنادي العجل يالمهدي العجل
تكتل الغربه حبيبي مثل بيت بلا أهل
ياهو الغيرك اشكيله // والمهدي انهدم حيله
* * * * * * * * * * * * * * * *
المهدي هليله بعبرتي ردت اعقد مجلسه
انه مجنونه وحبيبه وهوه يدري بعابسه
كمت ادك بحركه صدري واللطم اتنفسه
ومدرسة انا لطمنا عندي أجمل مدرسه
امنين الغايب ابديله // والمهدي انهدم حيله
* * * * * * * * * * * * * * *
العسكري اجفوف الظلاله الليله بالسم غدرته
وانضر السبعه العجايب بجت دم لمصيبته
نزلت الأملاك كلها والطيور اتلكته
وفوك نعشه هالمسيه تنوح ضلت شيعته
بجفها احبابه توميله // والمهدي انهدم حيله
* * * * * * * * * * * * * * * * * * * * * *
يابو صالح كلي وينك عدنه ما ضلت مهج
ما رعتنه الدنيه بعدك يمته يالمهدي الفرج
انته يعسوب الديانه وانته حجه اعله الحجج
نهجك الطاهر تبعنه وما نبدل هالنهج
أرواح الغالي نفديله // والمهدي انهدم حيله
* * * * * * * * * * * * * * * *
تمت
تحسين الخفاجي
#من_ديوان_قربان
_الطف_ج٦
قصيدة للاحباب (فارگتهم) لسان حال مولاتنا زينب عليها السلام عندما رجعت إلى المدينة.
❥━──➸➽❥❂❥━──➸➽❥❂
فارگتهم ... والدمع من عيني يجري
فارگتهم ... من بعدهم ضاع عمري
اعزاز عن عيني ابعدو ... بالترب اهلي بقو
فارگتهم فارگتهم
❥━──➸➽❥❂❥━──➸➽❥❂
راحو احبابي من أدية وفارگوني
وسافروا عني وجفوني وضيعوني
اعليهم ابجي وأبد ما تسكت عيوني
ليش يا ناس الاحبنهم جفوني
ماخذوني ... بس اون وخلص صبري
ماخذوني ... وياهم احفر ريت كبري
ليش ناموا بالترب ... اعلية فرگاهم صعب
فارگتهم فارگتهم
❥━──➸➽❥❂❥━──➸➽❥❂
ناموا وخلوني دمعاتي جرية
المات ما يرجع ابد مرة علية
أيست ونگطع ظني وهاي هية
آه يحنان الگلوب اگطعوا بية
ياهجرهم ... صعب بي بس الله يدري
يا هجرهم ... سيف جنه بوسط صدري
گلبي ما يحمل هجر ... بعد ما اريد العمر
فارگتهم فارگتهم
❥━──➸➽❥❂❥━──➸➽❥❂
شلي انة بالعمر من عگب الاحباب
من مشوا لليوم دمع العين سجاب
فراگهم حط جرح بية وأبد ما طاب
بقيتي ظلمة وموحشة يا دا الأطياب
غابوا بساع ... الجنت اظن يبقون ذخري
غابوا بساع ... اوجهت للباري امري
غابوا وغاب الضوه ... الجانوا فياي وهوه
فارگتهم فارگتهم
❥━──➸➽❥❂❥━──➸➽❥❂
غابوا وغاب الضوه والدنيه ضلمه
وعلي حتى الهوى يخنكي امن اشمه
عيوني من عگب الاودهم كون تعمه
آه يا كلبي وعذابه وآ يهمه
آ يكلبي ... بيك نار الفرگه تسري
آ يكلبي ... والحزن كاسرلي ظهري
شاب راسي والدليل ... عزاز
هدموا إليّ الحيل
فارگتهم فارگتهم
❥━──➸➽❥❂❥━──➸➽❥❂
ذاب دلالي وتحطم من بعدهم
الف وسفة اعله التراب ينام خدهم
بين تربان اسكنوا ونسد لحدهم
آه منك يا زماني اعليه ردهم
يا زماني ... ردهم واجبرلي كسري
يا زماني ... لو وياهم تنهي امري
ردهم علية يازمن ... ما احمل هم ومحن
فارگتهم فارگتهم
❥━──➸➽❥❂❥━──➸➽❥❂
*بقلم ✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:🍃*
قصيدة لرجوع السيدة زينب للمدينة خطاب السيده ام البنين عند ملاقاتها للسيدة زينب
من ديوان #مواجع_الطف_الجزء_الثاني
{{ يالمحد سمع صوتچ }}
يالمحد سمع صوتـچ يـعلويــه
تالي اويه الغرب تمشين مسبيه
حرامات اخت عباس وحسين
حرامات تمشي اويه الملاعين
يزينب يزينب 2
•───✧◐◐✧───•
يالعشتـي بدلال ابجـال اخوتـچ
وجارچ ماسمع همسات صوتچ
يااخت النـشامـه وعلي عـودچ
يـالماطـالعـه من باب بـيـتـچ
والأخوان على خيالچ يخافـون
والأخوان اثر جدمچ يمسحون
يزينب يزينب2
•───✧◐◐✧───•
يزينب سولفيلي شسوت اعداچ
كعدي احچيلي كلشي صار وياج
يـاهو الضاربـچ عـالمتن واذاچ
وچاوين الكفيل ام عــون وداچ
علامات عليچ مبينه هـواي
علامات چن ماشاربه الماي
يزينب يزينب2
•───✧◐◐✧───•
ام عـون الغالية چاوينه عــبـاس
كفيلچ وين ابو الغيره ونومــاس
وين الكلي يمه اختي عله الـراس
انه ابنـي اعرفه غيـره واحسـاس
ييمه خاف مقصر وياچ
ييمه كولي ويـن خــلاچ
يزينب يزينب2
•───✧◐◐✧───•
تجاوبها العقيله وتـدمع العيـن
تكلها ابنـچ وفّـي ماقـصر حنيـن
فده لحسين اخو وانطاله چفين
وانه بزوده شيخه وبت سلاطين
الهظيمه خلافه انه شفتها
الهظيمه بغـيابـه عشتهــا
يزينب يزينب2
•───✧◐◐✧───•
احچيلچ بعد بحسين وشصار
وحيد بكربلـه وما يمـه نـغــار
وجسمه بخيل أميه صارطشار
واحنـه أسرونــه صغـار وكبـار
وأجينه متعوبات كلنـه
وأجينه ماجبنـه اهلنـه
يزينب يزينب2
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة
#شهادة_الامام_الحسن_العسكري_عليه_السلام
سيـــــــــدي.بگلبي.الجريح
امنـيتي اطـوفن عالضريح
بطور حمزه اقره الزياره
واكتــــب بابك عبــــاره
آنــــي جنني هواك
¢¢¢¢¢¢¢¢
عـــطرك اشمحلاته،،،،،،،مــــــن تهب نسماته
ايـــــردلي روحي وتــــرجع ابگلبي السعاده
ها يـــــوجه الباري،،،،،،، دمـعي لجلك جاري
الك كلــــشي ابــــداخلي اعلن حـــــــــداده
انتـــه نـور الله يشـــع وي نــورك
وروحــي اجتك يالحبيب اتزورك
تـــــوصل الحضر وتكض شباچك
وتشكـي لوعتهه وتلوذ ابســـورك
يالحســـــن حلمي الوحـــيد
اتردني مــــن گبرك سعــــيد
وتجلي كل اهمومي اليه
الخاطـــر الزهـره الزچيه
آنـــي جنني هواك
¢¢¢¢¢¢¢¢
الدنــيه ضاگت بيه،،،،،،وثگل هــــمي اعليه
اني وجــــــــــروحي اجيتك مـحني ظهري
گوه شايل روحي،،،،،،،جيتك اســمع نوحي
اهـــــواي تعبني الـــزمن وحـــــــتار فكري
الشــــوگ هــزني يا أعز كل ناسي
بـــسمك الهج ســــيدي وما ناسـي
يا هــــــــواي العايش ابنص ريتي
ســـاكن بروحي وملكت احساسي
حــــبي الك طعمه الوفاء
يـا وصـــــــــي الانبــــياء
عمــري الك كله نذرته
وبالگلب اسمك كتبته
آنــــي جنني هواك
¢¢¢¢¢¢¢
يا ألــــف هنـــيالي،،،،،ابخدمــــــتك يالغالي
يبو مــحمد هــــــــــاي هــم نعمه وفضـيله
الك تجري ادموعي،،،،وحزني حنه ضلوعي
امقصر وهـــل خـــــــدمه احـــــسنهه قليله
اعفــي عنــي وفـــدوه لاتنساني
ابيــوم يــعجز عالجواب الساني
بـــس رضاك وحـــــبك اينجيني
غـــير حبك كلشي يصـبح فاني
ارزقــــني بالدنيه رضـــاك
وبالحشر ضمـني ابحمــاك
انتـــه يا مـــولاي نعمه
عطرك ارتاح امن اشمه
آنـــي جنني هواك
¢¢¢¢¢¢¢¢
روحـي الك ملهوفه،،،،،، ودمعتي مــذروفهه
عله امصابك ســـــــــيدي اله اعــمي العيون
بگلبي تـسعر جمره،،،،،،،اعليك يـتــبن الزهره
وبــــصحن اتمنه اقــــــــــــره اويه التيعزون
كل نهــاري اوليلــي احـــن لزيارتك
روحـــي مشـــتاگه المنــــارة قبتك
يالخذت روحي وصـــرت محبوبي
كون بالحضـــره اقــــيم امــصيبتك
روحــــــي يمك تســـتراح
وعطــرك ايطـيب الجراح
بحضرتك ماأبقه حاير
سيـــدي سجلني زاير
انــي جنني هواك
¢¢¢¢¢¢¢¢
امـنيتي اعزي المهدي،،،،،اوياه اخطن عهدي
ارد اگله اويـــاك اضــــــــــــــل حــــد المنيه
والله يامـــــــحبوبي،،،،،،يالمـــضوي ادروبي
ابــــــــــين اديــك الروح اقـــدمهه هـــــديه
ادعي مـــن ربي يطـول اسنيني
والظهور اتمنه اشـــــوفه ابعيني
الروح للمهدي اشــــكثر مشتاگه
الله يعلـــم شــنهو بيـــنه وبيني
يالحــســن مهموم اجيت
اگعــدت يــم بابك بيچت
مذنب وخجلان مـنك
الله لا يبعــدني عــنك
انـــي جنني هواك
¢¢¢¢¢¢¢¢
تم بعون الله تعالي
بقلم ام زين العابدين اللامي
من يود يقرا القصيده يذكر هذا
الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔
بصوت كامل السعيدي
✍ام زين العابدين اللامي
قصيدة رثاء لشهادة الامام الحسن العسكري عليه السلام
انتــه المعزى يا امـــام المنتــــظر
بالحزن تنعى ابالك اطوف الصور
لموت الامام العسكري
ويــــاك يهمل ناظـري
انته المعزى--------------- انته المعزى
¢¢¢¢¢¢
وي جرحك اليله الگلب ايلچــمه جرحه
والحزن والهم ســـيدي مـر بيـنه صبحه
من العمر راح الســــعد ضــــاعة الفرحه
خايف اگليبك ينلـــچم وجروحه تصحه
أتفــز الجــروح حين تذكر كربله
والزينب اتنوح يوم فرت بالفله
انته جرحك حيدري
ويـاك يهمل ناضـري
انته المعزى ------------انته المعزى
¢¢¢¢¢¢¢
لمصاب مولاي الحسـن تجري الدمـــعه
مفطور چبـده ومنضهد والســـم يجرعه
متـوسد افــراش الاجل ومترادي وضعه
وضمك الصدره اودعك وانتـــــه تـودعه
يعذبك مصابه صعبه فرگة والدك
ونتـــه ابغيابه راح تبقه الوحــدك
مكسور لجلك خاطري
ويـــاك يهمل ناظـــري
انته المعزى---------------انته المعزى
¢¢¢¢¢¢¢
اشحال گلبك سـيدي بهــاي المسيه
بيــــدك تغسل والدك بدمـــعه جريه
بعــــدك ازغير بالعمر وصعبه الرزيه
ألجيت ابوك اتشوقو اللـه ونبيــــــه
خلصت حياته ولقــاء ربه استــــعد
بليلـة ممــــاته گلبــك اهـواي انمـرد
بحر المدامع ضل جري
ويــاك يهمل ناظـــــري
انته المعزى -------------انته المعزى
¢¢¢¢¢¢¢
الروح شـاطــــت والگلب هليله مالـــــوم
تلجم اجروحي امصيبتك وينزفن ادموم
يا والدي ابصوتك صحت يا بـاب العلوم
تيـــتم المنـــبر والعلـــــم والدين مهدوم
يالمهدي جرحك تلچمه نسمات الهوه
انكســـــر ظهرك وبــــد ماصحله دوه
لجلك تغير منضري
ويـاك يهمل ناظري
انته المعزى ------------انته المعزى
¢¢¢¢¢¢¢
مشـتاگ گلبي الطلعتك يمته نشــوفك
ونزور سامــره ســـــوه وتكرم ضيوفك
كل لحظه ضلت سيدي تمرني طيوفك
يالاغله من روحي صرت مگــدر اعوفك
ليليــه ادعــي ونتضـــــــر يالطولت
يومك يمهـدي ابگلبي احسبله گمت
عـنه ابد ما يندري
وياك يهمل ناظري
انته المعزى. ---------------انته المعزى
¢¢¢¢¢¢¢¢
تم بعون الله تعالي
بقلم ام زين العابدين اللامي
من يود يقرا القصيده يذكر هذا الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه
الفاتحه الى روح والدي ووالدتي 💔💔
نزال ذكرى استشهاد الامام الحسن العسكري
نرفع تعازينه ...… للمهدي والينه
بمصاب ابوه العسكري
ابنار الحزن ننعه .. والغائب أنسمعه ــ هذا البكاء
ليلة عـزه اونه .. يالمهدي سجلنه ــ نحيي العزاء
بسامره نتحـزم .. يا سيدي ونلزم ــ بـاب الدعاء
بمصاب ابومحمد .. دمعتنه تجـدد ــ دمعة وفاء
نلطم على امصابه … ودمعتنه سچابه
بمصاب ابوه العسكري
آه اشكــثر بيـــنه ... لهفه اعله مهدينه ـــ زاد الهــرج
حتى الجرح يندب .. وبدمه ضل يكتب ــ يمته الفرج
چن بالحلــم شفته .. متحــزم ابخته .. ومهره انسرج
ويلـوح ابســيفه .. كلشي اصبح ابكيفه ــ ولعدا خرج
چايمته يجمعنه …… ويمسح مدامعنه
بمصاب ابوه العسكري
غاب الحسن نوره .... وليله عاشــــوره ـــ عالشيعه هل
فك الحزن بــابه ... ونفجـعت احبـــــابه ـــ ابليل الاجل
بمصيــبة الســاده ... ناعي الحزن نــاده ـــ الغـالي رحـل
افراگ الحسن جمره .. لوعه وبچي وحسره ــ لاموسهل
سهم الهجر يجرح …… لو عالمحب صبح
بمصاب ابوه العسكري
كل الحواس اتحس .. مهدينه بالمجلس ــ اويــانه حـظر
يبچي اويدگ راسه .. وتخنگه انفـــاسه ــ وظهره انكسر
وبت النبي البضعه .. ويــاه اجـت تنــعه ــ وشبعت قهــر
الكـل منــــهم اليله .. أن ونهـــدم حيـله ــ وگلبه انفطـــر
اويه للمهدي والزهره …… العـالم بچه بأســره
بمصاب ابوه العسكري
بذكره الصبح نبدي .. بـاب الله يالمهدي ــ يااحله باب
يمته الگلب ينسر .. وبن الحسن يظهر ــ طال الغيـاب
ناب الحقد كشر .. وزاد الظلم والشر ــ وشفنه العذاب
كل احنه انصاره ... ونطالب ابثـــاره ــ اليوم الحساب
عجـل يغالينه …… كل احنه نادينه
بنصاب ابوه العسكري
الخادم
كامل السعيدي
مظلومية السيدة فاطمة الزهراء عليها السلام .
قالت السيدة الزهراء عليها السلام
فجمعوا الحطب الجزل علی بابنا واتوه بالنار ليحرقوه ويحرقونا فوقفت بعضادة الباب . وناشدتهم بالله وبابي ان يكفّوا عنا وينصرونا . فاخذ (عمر) السوط من يد قنفذ مولی ابي بكر فضرب به عضدي فالتوی السوط علی عضدي حتی صار كالدملج وركل الباب برجله . فرده عَلَي وانا حامل
فسقطت لوجهي والنار تسعر وتسفع بوجهي فضربني بيده حتی انتثر قرطي من اُذني وجائني المخاض فاسقطت محسناً قتيلاً بغير جرم 😭😭
اجانه المشرچ . الظالم . وي الباب
طاح الباب . والمحسن . وي الباب
اجه بكبره جمر صاير . ويَ الباب انطبگ فوگي وكسر ضلعين بيّه
يا زهراء
مو بس ضربه وحده من ضربني
من الركله اهييس مِنْضر ابني
كسر گلبي وفجعني مَنضر ابني
من عاينته مييت عالوطيّه
لعن الله من احرق بابها
وقتل محسنها
واجری دمعها
ام محمد الحجاج
نواسي الليله الامام المنتظر
جبد ابوه العسكري تكطع وذر
@@@@@@@@@@
وي ولينه لابد انسيل الدمع
ظلوع نهشم بالهظم موبس ضلع
الليله جبرائيل والحق منفجع
وبالحزن كلب السمه لجله نفطر
@@@@@@@@@@
ماهده ولاشاف راحه من الزمن
كلهه لمن حشدت كوم الفتن
المهدي ويلي حكهن عيونه جرن
ينظر الوالده من السم نعصر
@@@@@@@@@@
ظالم العباسي وذر جبدته
لارحم لاذمه يتم عيلته
الليله كل شيعي ينزل دمعته
بالسماء السابعه انذاع الخبر
@@@@@@@@@@
والدك شيعوه موجوده الصحاب
لكن المظلوم جدك عالتراب
ظل ثلث تيام عاري بلا ثياب
وصدره بخوافر الخيل امننحفر
@@@@@@@@@@
بقت دارك عامره وبيهه منار
وخيم جدك كلهه حركوهن بنار
شلون موقف يوم سحكوها الزغار
واه يالموعود جم خد انسطر
@@@@@@@@@@
عيلتك مصيونه ما مرها السبي
وجدك عياله سباها الناصبي
من الشمس ويلي كلب لون العبي
من الرفس يالمهدي جم ضلع نكسر
@@@@@@@@@@
ننتظر يومك بشد لهفه وأمل
ياولي ماي الصبر منه وشل
لمته سيفك يمحي اصحاب الجهل
واليحبكم حكه يالمهدي انتظر
@@@@@@@@@@
الخادم عبد المعين الشمري
1-قصيده لسان حال السيده الزهراء (عليها السلام) تواسي الامام الحجه عج باستشهاد ابيه الامام العسكري ( عليه السلام)
ابوك العسكري مسموم
يمه الليله مفجوعه
$$$$$$$$$$$$$$$$$
يمه ماهده بالي
وتغير بالعجل حالي
انحب والدمع سالي
وبس الحزن يبرالي
ظل جرح يلجم جرح
ونظرت الشامت ملح
وصعب الحال يالموعود
وناري استعرت بلوعه
///////////////////////
يالمهدي اختلف وضعي
الطم عالصدر ونعي
يمه انسيته ألم ظلعي
وجمر لمن نزل دمعي
مافتر كلبي يون
بهظم غاطيني الحزن
ومامرتاحه دمعه ونار
وسط الروح مطبوعه
///////////////////////
دموعك من شفتهه بساع
كام ادور بيه الكاع
حالي من الفجيعه التاع
وشكبره الجرح ماظاع
والوحي ويانه انهظم
ايصيح نور الله انظلم
هدلن حزن جنحانه
وعلينه تهمل دموعه
///////////////////////
هواي جروح بيك كبار
حيلك حكه كله انهار
بجرح العصره والبسمار
وطبرة حيدر الكرار
وشفت جرح الهامه
وعله الكاع عمامه
هاي مصايب الاشرار
بكلبك كلهه مجموعه
///////////////////////
وجرح الحسن فت الروح
وجرح حسين هز اللوح
ومن شفت الكمر مطروح
ودمه عله النهر مسفوح
من اعددلك احير
تدري بحالي اشيصير
طر العرش جسم حسين
يويلي طحنو ضلوعه
///////////////////////
وناري ونارك استعرن
سمعنه النوك من ونن
العلويات من ركبن
بنار الفاجعه اتجون
اشد وقسه من الضرب
تنظر عليهن غرب
يبجن سكته يوليدي
وحتى الونه ممنوعه
///////////////////////
الخادم عبدالمعين الشمري
مهضوم وبكلبي اهموم
يالعسـكري جيت اليوم
**
اجيت ودمعتي تجري … يامسموم
نارك شــــبت ابصدري … يامسموم
بغــــربه حـالتك ادري … يامسموم
بگاع اهلك وهم مظلوم
يالعسكري جــيت اليوم
**
مـــن يا فاجعه ابدي … يامسموم
مصايبكم كلن چبدي … يامسموم
الله يســـاعد المهدي … يامسموم
هم غايب ويبجي دموم
يالعسكـــري جيت اليوم
**
الله يعينه حـــال ابنك … يامسموم
حته مــــا شـــبـع منك … يامسموم
ظل بأذنه صده حزنك … يامسموم
وباللوعه يگــعد ويگوم
يالعسـكري جيت اليوم
**
المهدي يصيحك ويندب … يامسموم
خلافك شــــاب وتغييب … يامسموم
رمش عينه اضــن شيب … يامسموم
ماشاف من بعدك نوم
يالعسكري جيت اليوم
**
عباده خلصت دربك … يامسموم
بيـــن الناس التعبك … يامسموم
بيا لوعه سكت كلبك … يامسموم
مـن كربله ظل ملچوم
يالعسكري جيت اليوم
**
نـــــــذكر كربله عندك … يامسموم
نام اعله الرمل جــدك … يامسموم
مثلك من متت وحدك … يامسموم
بس ماكو خياله تحوم
يالعسكري جيت اليوم
**
شمعه وخمـدت بسكته … يامسموم
بيا ذنــــب انقتلت انته … يامسموم
الاجل ماجان الك وكته … يامسموم
ويوميه ميـت معصوم
يالعسكري جيت اليوم
**
بيــــــن النــــور والضَلمه … يامسموم
جنت تنشر وعي وحكمه … يامسموم
الما متعــــــلم اتـــعلمه … يامسموم
مـــا خلو النعمه اتدوم
يالعسكري جيت اليوم
**
قواعـــــد علمك امتدت … يامسموم
بكـــــــل العالم انتشرت … يامسموم
رغم مقتول بس طلعت … يامسموم
لكل واعي ورثت علوم
يالعسكري جيـت اليوم
**
المازاير يجــي ايزورك … يامسموم
تنطي لمــحة من نورك … يامسموم
ويبجي لظلمك وجورك… يامسموم
ومن عندك يرد مـــآلوم
يالعسكري جيــت اليوم
**
عزيز المياحي
قصيدة منبرية للامام الحسن العسكري عليه السلام
ابو عبد الله الكعبي
نسألكم الدعاء
المستهل..
يا مسموم @@ يالعسكري
يا مظلوم @@ يالعسكري
النص..
1
الامام العسكري هاليله يتسمم
مثل جبد الحسن هم جبده يتخذم
اهل البيت كلها ابفگده تتألم
وابكل بيت شيعي ينصب مأتم
يا مسموم @@ يالعسكري
يا مظلوم @@ يالعسكري
2
عهد ويه الامام المهدي نتعهد
عزاء العسكري كل عام يتجدد
تنوح الشيعه لمصابك يبو محمد
قلبنه ابهالمصيبه ساعه ما يبرد
يا مسموم @@ يالعسكري
يا مظلوم @@ يالعسكري
3
ابرايات الحزن نترسها سامره
او مجالسنه نضل نعقدها بالحضره
الف هنياله بالخدمه الفنه عمره
ميتركه علي او ما تتركه الزهره
يا مسموم @@ يالعسكري
يا مظلوم @@ يالعسكري
4
سلام الله على المسموم هاليله
تضل اعيونه اشما عشنه تبجيله
نواعي إمن القلب بمصابه ننعيله
لبن الهادي كلنه ارواح نهديله
يا مسموم @@ يالعسكري
يا مظلوم @@ يالعسكري
5
كفت أربعين احسين بس ماكف
عزمنه اعله الخدامه والله مايوكف
خدمنه طه وابهالخدمه نتشرف
او دمعنه اعله الرضا واسكينه ماينشف
يا مسموم @@ يالعسكري
يا مظلوم @@ يالعسكري
6
روايه عن رسول الرب خلق ربنه
شيعه الحد قيام الساعه تندبنه
تضل منصوبه للعتره مواكبنه
الله ايحبنه يوم البيها حببنه
يا مسموم @@ يالعسكري
يا مظلوم @@ يالعسكري
*اديار فاطم *
موشح للامام العسكري ع
اديارفاطم هالمسا حزنانه
شال عنها العسكري مولانه
امودع الله سيدي يبن الطهر
مثل ابوك وجدك انهيت العمر
شوف امك عالولد شبعت قهر
واعلى يوم العسكري تنخانه
تصيح يبني يالحسن بعدك شباب
واشبعت يوليدي باشكال العذاب
اه ويلي امن العدو دلاله ذاب
وذابت المهجه واهي خلصانه
شنو ذنبك يالولد ويسمموك
ماكفاهم يالحسن سموا ابوك
ليش يوليدي بحقدهم وسموك
وخلوا اديارالحسن خلوانه
نعازي مهدينا المسيه ابهل مصاب
من مصيبة والده يبدا الغياب
والله يوم العسكري مر وعذاب
غاب والينه وبدت بلوانه
لجله والله هالمسا اندق الصدور
وليت سامرا اله نسعى ونزور
ويلي قلبج فاطمه كله كسور
يعينج الله عالولد لهفانه
تمت بقلم :بنت الشمري
للصحن جينه. نواسي مهدينه
العسكري بيده. ايسجل اسامينه
***
الخدمه نوعيه بيها روحيه ابدار الامام
نرفع الرايه واحنه وفايه بهذا المقام
اليوم كردوس الخدم رافع شعاره
والتحيه تختلف جوه المناره
عالامام نسلم ونقره الزياره
نقترب منه وهوه يقبلنه
بالصحن نشتم ريحت الجنه
***
كل ايادينه بيد مهدينه نبع الحنان
سيد النعمه وعطره نشتمه بهذا المكان
من نطب سامره ياخذنه العشك وين
وشحلات الهوه يم العسكريين
ما يرد خالي اليدك باب الامامين
اشمحله سامره الناضر تسره
وحلف المهدي خادم الحضره
**
كل سنه نعاهد حضرت القائد ونحي العزاء
بالصحن نصطف وخدم نتشرف الراعي العطاء
الرايه هاي المنتظر يشرف عليها
يعني عطر العسكري موجود بيها
بعلي الهادي ونرجس احنه مزوريها
تبقه رايتنه رمز خدمتنه
بدار ابو صالح تعله صيحتنه
**
كل سنه وكل عام تلتم الخدام بوسط الرواق
وللضريح نصد ولحضه من نبعد نموت اشتياق
ونرجع نطوف الكبر ويزيد حبنه
بالامام المهدي متعلك كلبنه
يمته يوم الثار يالغايب ندبنه
دوم ندعيله وكلشي نحجيله
صاحب المرقد ويانه كل ليله
**
الارض سامره تحضر الزهره والهم تنوح
تنصب الماتم والدمع من دم وتبدي الجروح
تعتني يم الامامين الحزينه
اتنادي يبني توني اجيت امن المدينه
تصيح ليش اوليدي جبده مسممينه
عالولد تنعه وتذرف الدمعه
وتدري بالمهدي منكسر ضلعه
*
تمت
تحسين الخفاجي
جرحي باب وكربله
والدموع الهامله..... يشرحها المصاب
هالمصيبه مؤلمه
فاطمه يا فاطمه... يالوعة الباب
نوحي يعله بهل رزيه ،،، واليالي الفاطميه
باب من الغاضريه،،، والجروح
فاجعة أم وأبنها،،،، ورده طاحت من غصنها
گوه تحچي وتخفي ونها،، من تنوح
ياوسف أيــد الحـقد طالت عليها
من السقيفه الخانت وغدرت نبيها
مـارعـو بضعة نـبـي وكسرو ضلعها
والعرش وأهل العرش تبچي البچيها
بگلبي نار موجره
ضلوعي مامتكسره.... ولا شابع أونين
عل أقل كون أنفجع
من يمر طاري الضلع...ودموعي بالعين
هوه نوحي ودمعي منها،،، وهيه حزمتني الحزنها
شتحچي يا دلالي عنها،،، ياعذاب
عالمصيبه بگلبي حسره،،،من عدوها الما تبره
بالقيامه شنهو عذره،،، ياجواب
بلعنة أشباه الزلم عـنـدي عقيده
وعالجريمه ألي تستر مــاأريـده
واليحاول ينفي لو يخفي أمرها
ماهو شيعي وعذره باچر مايفيده
عندي كلشي مايهم
والبرائه تحب زلم... تجهر بالأسماء
مو دعايه ولاخبر
قاتل الزهره( عُمر)....ماحاجه أخفاء
عمر عالحايط عصرها،،، ضلوعها هوه كسرها
بچفه ياوسفه سطرها،،، هالزنيم
ويلي بسمار الفجيعه،،، نابت بصدر الوديعه
عالجريمه بكل شريعه،،، حد تقيم
المهدي باچر لـو ظهر ثاره يطلبه
الحد يقيمه والظلم فاطم يصلبه
وهوه اليدلي الخدم موضع قبرها
نسوي يمها العزه والمدمع نصبه
دمعتي التچوي الجفن
مقترن بيها الحزن .... ماتنزل شلون
الدمعه مصداق العشگ
گلبي باب ومحترگ...ومصابي ميهون
جرحي كون بهل ليالي،،،يبين الكسره بخيالي
شنهو نفعي وشنهو حالي،،، بلا عزاء
كون أموت من الهظيمه،،،الزهره للخدام خيمه
بالأرض مجلس نقيمه،،، وبالسماء
هـنـاك والأملاك هـم تنصب عزاها
بالسمه بمجلسها يحضر يبچي طه
على بنته البضعه تنزل دم دمعته
أم أبيها فــاطمه ومـحـد رعـاهـا
✍️حسين حمدان الدلفي
لطمية مربعة لديار الحسين
المستهل
رحت الدارهم ماكو زلم بيها
روحي اتمرمرت والضيم غاطيها
♦️♦️♦️♦️♦️♦️♦️♦️
رديت ابهضم والعين معميه
يتراوالي اوساعه انغمه اعليه
اخوي الشايل امقفل مبانيه
ظلمه دارهم صبحت تاليها
♦️♦️♦️♦️♦️♦️♦️♦️
الدار امسدده اوماكو هضل عالي
بكيت امحيره والظيم ياحالي
عله افراك الاحبه مدمعي سالي
شالو وانه روحي الهضم غاطيها
♦️♦️♦️♦️♦️♦️♦️♦️
احا يادارهم مزوده واتبجي
ماضل بيها والي بالعدل يحجي
كلهم كوضو جا انه بعد شحجي
ومن رديت خويه جيت اعازيها
♦️♦️♦️♦️♦️♦️♦️♦️
اعازيها واكلها ليش مزدوده
تكلي الراح عني بعد شيعود
عليهم بالدمع هالعين ممروده
روحي اخلافكم منهو اليسليها
♦️♦️♦️♦️♦️♦️♦️♦️
روحي اتمرمرت من شفت هاي الدار
مهجوره يخوتي اشكد عليها اغبار
جاوين المضيف اولمت الخاطر
عكب اهلي بعدياهو السكن بيها
♦️♦️♦️♦️♦️♦️♦️♦️
عكبكم للبيوت اشلون اطبنها
عاليها الغبار اشلون اسكننها
بتكم من عكبكم زودت ونها
ضلت بالغرب من ينشد اعليها
♦️♦️♦️♦️♦️♦️♦️♦️
بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له
الفاتحه على روح الشاعره ام تحسين
بصوت كامل السعيدي
ام زين العابدين اللامي
بصوت حسين العيساوي
ام زين العابدين اللامي
بصوت خادمكم الرادود
ظاهر الخيگاني
كلمات ام زين
العابدين اللامي
فزاعيه بحق شهادة الامام العسكري عليه السلام
نصبت فاتحه ام حسين
والمهدي وگف بيهه……….
¢¢¢¢¢
حظـرت بضعة المختار
أتشـــــيع غريب الـــدار
تلطم والقلب محـــــتار
الهم والحزن غاطيهه
¢¢¢¢¢
مكسورة ضلع وتنـوح
اه يگليبه المجــــروح
عالمسـموم والمذبوح
ما سكتت بواچـــيهه
¢¢¢¢¢
قطعه مـــن قلبه اليـــوم
ميت بالغرب مســــــموم
من ارض الوطن محروم
هنــــياله اليــــــــــعزيهه
¢¢¢¢¢
تصيح بصوت حياكم
يمـن جيتو المــولاكم
المهدي ابنه أيتلكاكم
حوائجكم انه اگضيهه
¢¢¢¢¢
تبچـــي وتون مفجوعه
گلبهه بيـــه چــــم لوعه
حسـين الرضو اضلوعه
لو زيـنب الســـابيـــــهه
¢¢¢¢¢
تم بعون الله تعالى وبركاته
محبوبي الامام المهدي عج
✍ام زين العابدين اللامي
والله ولي التوفيق
🏴🏴الفاتحه الى روح والدي،ووالدتي 🏴🏴
ذكرى استشهاد الامام الحسن العسكري ع
يالعسكري بنار المصاب
يالعسكري دلالـــي ذاب
يالحســـن رايـــات حزنك علگتهن
وحتى دمعاتي المصابك حظرتهن
*--*
للمجلس ابشوگ وبعبره اروحن
وجروحــي ويـاي گلهن ينـوحن
ابحبــك يمولاي كل يوم ابوحن
وعـذرني ابهاي كُنْ لِيْ سموحن
انته العشگ ونتـه الهوه
حبك صبح راحه ودوه
نعمه حبـك والفضائل بي شفتهن
حتى دمعاتي المصابك حضرتهن
*--*
ليلة حـزن هــاي حيل افجعتني
وجروحي الهواي والله ألچمتني
مـــن كثـر الدمــوع ذبلته جفني
ومن ثگل الهموم يوجعني متني
ننصب عزه لمصيبتك
يحله الطم بقرايــتك
عالطـــم جفـــــــين اديــه عودتهن
وحتى دمعاتي المصابك حضرتهن
*--*
وفقني كل عـام الهـاي المئــاتم
وعنــدك يمولاي سجلني خـادم
اشما الطم اعليك ماچني لاطم
والرايد ايلوم ابتفكــيره واهــم
گلبي انجوه ابنــار العشـگ
اسمك نَبُض ضل بيه يدگ
ابمجلسك كل المــــــواجع گلبتهن
وحتى دمعاتي المصابك حظرتهن
*--*
يا كوكب النــــور هليله مخســـــوف
ظلمه اصبح الكون وعيونك اتشوف
مفجــوعه الأمـلاك وبگبـرك اطـــوف
وفطرس يمولاي ضل دمعه مذروف
جمر القضى ابگلب المحب
بمصيـــبتك يلهـب لهــــب
اجروحي تبچي اجروح لجلك عودتهن
وحتى دمعــاتي المصــــابك حظــرتهن
*--*
عـاده الكم الموت وثوب الشهاده
گضـــيت الايـام طــاعه وعبــاده
مـــن اجلك الكون اعلن حــداده
يا عــروة الدين ونــوره اوتـــاده
اهموم الدهر ما ينتهن
طــول العمر يتجددن
كلهن ابداخـل ضريحــك سولفتهن
وحتى دمعاتي المصابك حضرتهن
*--*
الخادم
كامل السعيدي
يانكسة الضمير.
وذلة المصير
ايقتل الاشراف فيك كربلاء
ايقتل الاشراف فيك كربلاء
----------------------------------------------------
ياايها الناس اما تستحون
ان لم يكن دين لكم تعبدون
ان كنتم عربا كما تزعمون
هل نسل ال المصطفى يذبحون
فخطبهم عظيم
وامرهم جسيم
كيف السماء امطرتكم بالدماء
كيف السماء امطرتكم بالدماء
---------------------------------------------------
ال النبي قطعو بالسيوف
ورحلهم غارت عليه الحتوف
وزينب بالهم ظلت تطوف
وحيدة مابين تلك الالوف
وزينب غريبه
في ارضها عجيبه
سبية امست بايدي الجهلاء
سبية امست بايدي الجهلاء
---------------------------------------------------
جئتم بها شعواء بين الشعوب
ذبحتمو نورا يضيء الدروب
قتل الحسين كان ادهى الخطوب
لقتله ظلت تذوب القلوب
قلوبنا حيارى
ودمعنا تجارى
لمقتل الحبيب سيد الشهداء
لمقتل الحبيب سيد الشهداء
---------------------------------------------------
ياامة قد فعلت عظائما
وساندت كل اثيم ظالما
ال النبي حاربوهم بالضما
وشردو فيهم سفكا بالدما
قد ذبحو الشريعه
بفعلة شنيعه
سبط النبي قطعوه بالعراء
سبط النبي قطعوه بالعراء
---------------------------------------------------
ايقتل السبط ضمي صريع
وماله من دونهم من منيع
ذؤبانهم جاءو بامر مريع
قد قتلو سبط النبي الشفيع
فمالهم شفاعه
ومالهم مناعه
سيوردون نارها يوم النداء
سيوردون نارها يوم النداء
---------------------------------------------------
قد ذل من كان على الظلم بات
لاينتفض ان تسلب الحرمات
وزينب وسبيها للمات
وصمة عار في جبين الطغات
لاينتسى صداها.
للمحشر مداها
والشمر كان حاديا بالنساء
والشمر كان حاديا بالنساء
---------------------------------------------------
محمد دعبل النوري
استشهاد الامام العسكري ع
……………………………………………………………
اليوم يندب كل موالي وجعفري
السلام اعله الامام العسكري
وا اماماه •• وا اماماه
……………………………………………………………
السلام اعله الامام المنغدر
حتى للثلاثين ماجازي العمر
ورده ماتت وانجرح بيها العطر
عاشت ابليل وفلا شافت فجر
الحسن موسى وهمه گوم السامري
السلام اعله الامام العسكري
وا اماماه ••وا اماماه
……………………………………………………………
يا امام و مقتلك اكبر جرح
صار سمهم سيف وانت المنذبح
ليل همه وانته مشراگة صبح
ماصخه الدنيه و رحل عنها الملح
كربلاء ابموتك اتعازي الغري
السلام اعله الامام العسكري
وا اماماه •• وا اماماه
……………………………………………………………
الج يا سامره مشتاگ الگلب
بالبواجي البيت ابو محمد اطب
يا امامي الخلص عمرك بالغرب
انت عيسى ابوسط دارك منصلب
فدوه الك روحي ودليلي وناظري
السلام اعله الامام العسكري
واماماه •• وا اماماه
……………………………………………………………
تسقط الملويه وي المعتمد
وعاشت الگبه الشريفه وللابد
اشجاب عنوان النعامه اعله الاسد
ابو محمد سيف ماشاف الغمد
اسمه اية موت لمن ينقري
السلام اعله الامام العسكري
وا امامام •• وا اماماه
……………………………………………………………
السلام اعله الامام و دمعته
من ذكر جده السليب و ذبحته
طافحه الخيل بحوافر داسته
وثلث تيام الشموس الصهرته
ذكر عماته بهزايل تنسري
السلام اعله الامام العسكري
وا اماماه •• وا اماماه
……………………… .…………………………………
السلام اعله الامام و عل الابن
المهدي لفراگ الابو يبجي و يون
زغير ما شابع دلال و لا حضن
توم وي المهدي مولود الحزن
والهموم تبيع بيه و تشتري
السلام اعله الامام العسكري
وا اماماه ••وا ماماه
……………………………………………………………
السلام اعليك و اعله السيده
نرجس الحره الجليله الخالده
مثل مريم هي اميره ومسعده
لان للموعود هي الوالده
شما تريد الباري ويگلها ابشري
السلام اعله الامام العسكري
وا اماماه •• وا اماماه
……………………………………………………………
✍️ ( سيد خضر الزاملي )