5870
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
*نخوة للامام الحجة عج وارض البقيع ع*
مشتاق ازور الغرقدين
ويم كل گبر يعلا الأنين
ونحضر مشي بالأربعين
وننصب مآتم بالبقيع
〰️〰️〰️〰️
حلمي يا مهدي فاطمه
تبني المنارة للسمه
والشيعه تحضر لاطمه
تزور المراقد بالبقيع
〰️〰️〰️〰️〰️
يمتى تشيّدها القباب
وترفع قباب من التراب
وتنصب مآتم للثواب
والراية يم قبر الشفيع
〰️〰️〰️〰️〰️
تفتح طريق لكربله
وتگصد مواكي هالمله
ونتعنه كلنا بقافله
ونبنيها جنات البقيع
〰️〰️〰️〰️〰️
يمتى يا صاحب هالأمر
ترفعها رايات الثأر
ثار الضلع ثار النحر
وثار الأئمة بالبقيع
خادمة آل محمد✍🏻
ذكرى هدم القبور الطاهره
شابحه عليك العيون شيبت حته الجفون
فرگتك لاماتهون يابو صالح
****
يمته يالمهدي تجي وتبني بقيعك
امر الله امرك اواجب نطيعك
بلگي يالمهدي بده يخضر ربيعك
يبست گلوب ويبللها نقيعك
تبني حضره لفاطمه توصل لحد السمه
وتمسح اثار الدمه يابوصالح
****
تبني الگبور وتشيدلهن مناره
وسيفك ابيدك بده يوضح قراره
تزهي گاعه هالبقيع بهل غياره
چنها بين الحضرتين شهل الزياره
تسوي بيدك حضرتين للحسن وام الحسين
وحضره هم لإم البنين يابوصالح
*
رايه تاخذ بيدك وتنصب عزائك
يم گبر عمك بده يعله بكائك
تنزف لچبد الحسن لسه دمائك
وبيك اثر كسرة ظهر من كربلائك
البقيع وكربله ثنينهن كرب وبله
إونينك البيهن عله يابوصالح
****
تصلي يم گبر الزچيه بالونين
بيك شوغه من اثر قتل الجنين
بگلبك اليدري فقط رب العالمين
شبيك من شوغه عله مصاب الحسين
گلبك انشال برمح وعشت يالمهدي الذبح
ليل ماشفت الصبح يابوصالح
****
إكبور اهلك تنتظر يمته تمرها
چالخيم يالمهدي چن شبوا جمرها
والگبور المابعد ينفع صبرها
تريدك لثار وبعد انت ذخرها
ملت اكبور وتصيح وانت ابو گلب الجريح
والحمل باقي طريح يابوصالح
***
تعتني يالمهدي تبچي بكل مسيه
بالمدينه تنحب لثار الزچيه
وتبچي من دم عينك لثار السبيه
رمش عينك شيب لعمتك رقيه
انت يالطبعك حنين ماشفت بس الونين
تبچي لمصاب الحسين يابوصالح
*****
تمت ولله الحمد/ المقصر معالحسين
علي النائلي
للبقيع
.
.
.
انته يالجرحك وسيع .. نـدري ثـارك مايضيع
يمته يالمهدي تصيح
يالــثـارات الــبـقيــع
______
يمــتــه يالـغايـب تجـيـنه يـالغـيابك عـجـبه
صــار كل جمـعه البقـيع اويـانه يقره الـندبه
لشـوكت نـبقـه الغيابـك يــوم يـوم انحـسبه
شـوگـنـه يالـمهـدي زاد وعـالـنـجـوم انكــتبه
وندعي يارب ياسميع .. نـدري ثـارك مايضيع
يمته يالمهدي تصيح
يالــثـارات الــبـقيــع
______
الحاكم الـموعد ظهورك ظـل يعد انـفاسه
وخـل يفيدونه الحمايه وزمـرته وحراسه
كلــمن اتعــنه وتعـده عالبــقيــع وجــاسه
الـهــدم طابـوكه تـهـَدم كون باچــر راسـه
عالجسـَر ردك سريع .. ندري ثارك مايضيع
يمته يالمهدي تصيح
يالــثـارات الــبـقيــع
______
الگال اهدمها المراقد على الشيعه وخاوه
هـذا بطـران اليريد اويــه الجــبل يـتلاوه
جـبل احــنه وهمه تــل وابــد ما نتــساوه
اعروشهم هشه يمهدي ومن تجي تتهاوه
تهوه تيجان الجميع .. ندري ثارك مايضيع
يمته يالمهدي تصيح
يالــثـارات الــبـقيــع
______
البقيع امـتاني شخـصك والظـهور ايريده
عيده من تظهر يغايب وانته تدري بعيده
انشــالله اتــرد بالسلامه والبــناء اتعــيده
والـيمد ايده اعله مرقـد انــته تكسر ايده
وللحكم سيفك يذيع .. ندري ثارك مايضيع
يمته يالمهدي تصيح
يالــثـارات الــبـقيــع
______
إلبقــيـع اعــليهــا سيــطر زمــره وهــابيه
يمــته يامهـدينه تصـبح هـالارض شيعيه
واليــجي زايــر يشوف اقــبابها الذهبــيه
هـيه علويــه وجريمـه تنــسبـي العـــلويه
گلبك اعليها فجيع .. ندري ثارك مايضيع
يمته يالمهدي تصيح
يالثارات البقيع
___
حيدر تركي الكربلائي
للبقبع
.
.
.
مـــنـــارات.. الــمــزارات .. الســماوات
بچت من دم عليها
_____
لأن علــويه البقــيع وتعـتبـر قـــدسيه
ابلاتــردد شمــر قـرر يسـبي هالعلويه
والمثل هالگـاع زحـمه تنـوخذ مسبيه
ولـسه ماردت اسيـره عنــد ابن تيميه
جراحات .. الــمــزارات .. الســماوات
بچت من دم عليها
_____
اللجمه الاولى ام البنين اتعنو ايهدموها
چيف من كربـله ثــار امــربع ايطلبـوها
بغضــاً ابعباس هــمه بالــثـره ســـاووها
فـرصه ثارات البقــيـع ولازم يــوفـــوها
رويـــات .. الــمــزارات .. الســماوات
بچت من دم عليها
_____
من هــوت هاي المــناير هـوت چن السبعه
اعيونها مــن البــواچي بيــها ماضـل دمعه
ظلمه هسه وابو صالح يـحترچ چن شمعه
على كسر اظلوع گــبر الحسن كاسر ظلعه
معـــانات .. الــمــزارات .. الســماوات
بچت من دم عليها
_____
مهــبط الاملاك گــصدو بابــها ايحــرگونه
وبالصــبر بعــل البـقيع امــگــيد ايعـرفونه
امن الدمع گبر ابو الزهره مغورگات عيونه
حـقه كــودا شــاف خدها لــمن يسـطرونه
ويلچمات .. الــمــزارات .. الســماوات
بچت من دم عليها
_____
زمـــره للتــخريـب جايــه وللــذبح عـــنايه
اتغيــضهم فوگ البـقيـع العـلي تخفگ رايه
تــره بالتاربخ محــد ســوه هيــچ اســـوايه
اگبور اهل البيت وسفه اويه الثره مساويه
اعله رايات.. الــمــزارات .. الســماوات
بچت من دم عليها
_____
فكرو بامر البقيــع شـلون تخفي انفاسه
گــام واحـد گال منهم كون نگـطع راسه
حتى لاواحد يــزوره اولاتگــصده نـاسه
اتهدم اول ما شمرهم عله صدره وداسه
نهــايـات.. الــمــزارات .. الســماوات
بچت من دم عليها
_____
حيدر تركي الكربلائي
يهدى ثواب هذه القصيده
لروح خادم الحسين العم ابو عباس الجبوري
((البقيع))
رغم ما انتم نجوم السموات
بس أگبوركم وسفه وحرامات
البقيع بلايه نيشان
هضيمه اولاد عدنان
گبور بغير بنيان ،،،،، هضيمه هضيمه
****
الجوه اجدامهم تتمايل الگاع
نيشان الگبب من الرسم ضاع
السفينه شلون تمشي بدون الشراع
يشراع السفينه ال بالسمه انذاع
هذا الصار والگبه سبيه
المناره چنها ترچيةّ رقيه
جرح مايقبل ايهيد
دمع حسرات تنهيد
بقيع العالمي نريد ،،،، هضيمه هضيمه
****
على المايسوه گمنه ندير العيون
وعفنه گبوركم بيد اليهدمون
الضايع بيت ابوه مايعرف شلون
المهدي بيا وضع ياحال يا لون
لْـو بس مره نخجل بالذي يصير
چا الله رزقنه جناح ونطير
غمضو ولحد ايشوف
كلها تصيحلك عوف
ليش اتگابل سيوف ،،،، هضيمه هضيمه
***
وبراس السطر كل الحچي راح
اضن چم حرف ضلن من الارماح
لدوس الورد جدام فلاح
اگبال المهدي داسو والگبر طاح
فز جرح السمه من هدمو النور
وبچت چم فاطمه ياناس عاشور
الصور متفارگ العين
فوگ مصاب الحسين
خزن جرح السنين ،،،، هضيمه هضيمه
**
شكد شايف خناجر سيدي هواي
اگبال عيون جرحك ينچفي الماي
اليعجلولك وطن جا ليش ماجاي
درس مسلم بروحك ها يمولاي
ترى اهل الغدر نصبو تماثيل
وموجود ابرها مولاي والفيل
كلشي تريد موجود
الشمر ومفزع جنود
بگلبه يگول لتعود ،،،، هضيمه هضيمه
*****
ابراهيم النبي كل التعب هان
هدمت الاصنام وجنت تُعباُنٌ
تعال بكل گلب موجوده الاوثان
غوينه ابليس عالماچان والچان
هسه اليعتذر شـتگله معذور
اذا بدموع عينه يغلي ويفور
اجيتك سيدي وجيت
مامعروف رديت
چبير وصاحب البيت ،،، هضيمه هضيمه
عبد زينب
محمد الابراهيمي
عبدالامیر:
یوم البقیع العالمي
(هم یجي)شور.....
***
صلَّ اللّهُ عــَلیٰ أرض الـــبقـیع
***
هم یجي یوم و تصیر أقرایه
بالــــبقیـع أنـــشاهـد المــشایه
تنبني الحضره و علیها الرایه
والمـــراقـد أربــعــه أمــعـلایـه
مواکبـنــه......ترحبــنه
أذا نــرجع......تــعاتبــنه
علي یحضر....یراقبنه
عله الخدمه....یحاسبنه
صلَّ اللّهُ عــَلیٰ أرض الـــبقـیع
***
یا حلم لازم أشوفه أبطیفي
حتي أستوعب أمل توصــیفي
کــون الطــم بالبــقیع أبکــیفي
والحسن یهتف هله أبکل ضیفي
یلاگیـــنه......أبدمع عینه
الحسن یوگف...یحیّینه
أذا نجبل.....یجــي لینه
هله ومرحب....ینــادینه
صلَّ اللّهُ عــَلیٰ أرض الـــبقـیع
***
حلوه أیام المشي و محلاها
الله لا یــحرمنه من ممشاها
صارت أجمل ذکریاتي أویاها
بـــالبـــقیع الگــــعـده أتــمــنــّاهـا
أرید أمشي.....رغم کلشي
أذا موتن .....أجي ابنعشي
أضل زایر .....و لا أخـشي
دمع عیني .....غسل رمشي
صلَّ اللّهُ عــَلیٰ أرض الـــبقـیع
***
لهفة الزایــر مـلاک اجـنونه
عینه حزنانه أبسواد أعیونه
هم یجي یوم الحرم یبنونه
تعتني المـشایه و أیزورونه
البقیع ألنه....و أیضل إلنه
نشــد یمّه.......محــامـــلنه
أبدمع زینب....تــــوســـّلــنه
تجي الزهره....تســجّــلنه
صلَّ اللّهُ عــَلیٰ أرض الـــبقـیع
***
کلمات خادم الحسین ع
عبدالامیرالناصري
جديد.. هدم قبور البقيع
الرادود حسين العيساوي
الشاعر كامل السعيدي
موشح…
يمته يرتفعن منارات البقــيع
وينصب شباچ فوگ إكبورهه
©©©©
تنتظــر شيعتـــنه رايـات الغيــور
وللبقــــيع انروح ونشـــيّد القبور
الصَّـــبر خلـص گام بركانه يفــور
انريد نگصد للبقــــــــيع انزورهه
©©©©
طـول اغيــابك ييوسف فاطمه
اظهـر وشد عل الأيادي اللّاطمه
انصارك ودونك يضحون ابدمه
ولجلك اتقـدِّم يمهدي انحورهه
©©©©
وهم تجـي مشــــــايه أبنا الشعوب
والمواكب تنصــــــب طول الدروب
مثل شمعه احنه ابمجالسكم نذوب
وكل بنـي سفــيان يخــلص دورهه
©©©©
والمجـالس تنصــب بِسم العليل
يقـــره بيهن باسم ومـــلا جليل
وتحظر الزهره ابمدامعها التسيل
واحــنه نتبـــرّك نضل من نورهه
©©©©
عدنه حاجات اشكثر وشگد عتاب
ابابهــم نحچــيها ونزيـــح العذاب
ياهو بينه الما جـــرع مر المصـاب
ضگـــنه مـن الدنيا همها وجورهه
©©©©
الخادم
كامل السعيدي
قصائد النعي الشعبي
#رقم_37
ذكرى #هدم_قبور_أئمة_البقيع (عليهم السلام)
الخطيب الشيخ باقر الدراجي
علينا شما تمر الاعوام تِنعاد
مأساة الهَدِم لِگبور الامجاد
نصد لگبورهم والهظم يِزداد
علينا وكل موالي يِعتلي هَم
ضريحك يالحسن لليوم مهدوم
يا أوّل إمام انچتل مسموم
عشت عمرك مآسي ومتت مظلوم
وتالي گبرك سيدي وسفه انهِدَم
ويا علي زين العِباد ومهجته
الباقر ويا محنه تشبه محنته
بني مروان بحقدها سمتّه
وگبره من ذيچ الأعادي ما سِلَم
ويا ضريح الچان يزهر بالبقيع
لصادق العتره الذي امصابه فضيع
شلون ترجو اعداكم الهادي شفيع
وهِيّ ما راعت لعد وِلده ذمم
وين راعي الثار يظهر للأمُر
من يجي الأرض المدينه ومِن يمُر
للبقيع يشوف مهدوم الگبُر
لكل ولي منهم ويرفعله علَم
وبعد يگصد گبر كون ويظهره
للزچيه ويذكر امصاب الجره
ويطلب بثار الضلعها الكسّره
ظالم بيوم الذي اعليها هِجَم
وبعد ثارات الحُسين بكربلا
متى ينادي بيها ويسَمْع الملا
حسين ابو سجاد مرمي اعلى الفلا
هذا ثارك سيدي تبچيله دم
مراثي الأطهار عليهم السلام
قصائد مقدّمة المجلس
#رقم_186
ذكرى #هدم_قبور_أئمة_البقيع (عليهم السلام)
الخطيب الشيخ الدكتور محمد العبودي
1_ كيفَ اصطِباري وانطفاءُ تَوقُّدي
إن لاحَ في فكري بقيعُ الغَرقَدِ
2_ فيهِ قبورٌ قد حَوَت بِلِحُودِها
أقمارَ تَمٍّ مِن سُلالةِ أحمَدِ
3_ قد هَدَّمَتها زُمرةٌ مَلعونةٌ
لِوِلاءِ آلِ المُصطفى لم تَهتَدِ
4_ تَرَكَت قبورَهُم إذا أبصَرتَها
تُدمَى القلوبُ لِهَولِ ذاكَ المَشهَدِ
5_ وَلَقَد وَقَفتُ وَأدمُعي تَهمي دَمًا
حُزنًا لأبناءِ النَّبيِّ مُحمَّدِ
6_ فَرَأيتُ أحجارًا على أجداثِهِم
فَأجَابَني جَزَعي وَخانَ تَجَلُّدي
7_ وَبَكيتُ حتى لم أجِدْ بِمَحاجِري
دَمعًا فَجُدتُ بِناظِري المُتورِّدِ
8_ وَسَأَلتُ أحجارَ القُبُورِ بِلَهفةٍ
أينَ القِبابُ بِنُورِها المُتوَّقِدِ
9_ مَن ذا أطاحَ بها وكيفَ تَجَرَّأتْ
تِلكَ الأكفُ على الأئمّةِ تَعتَدي
10_ أوَ ما كَفاهُمْ ما لَقُوا بِحَياتِهِم
أَمضَوا حَياتَهُم بِعَيشٍ أنكَدِ
11_ تَركُوا الحَياةَ وَكَم أذابَ بِجَوفِهِم
سُمُّ الطُّغاةِ وَظُلمُهُم من أكبُدِ
12_ تَاللهِ يا جُرحَ البقيعِ تَركتَنا
بِطَويلِ حُزنٍ دَائِمٍ مُتَجَدِّدِ
*
بعد ياجرح البقيع انزف وجور
شوكت يخمد غضب حسرات الصدور
بالمدينة موحشة اربع گبور
بحكم زمرة حاقدة وملعونه
يمته نبني گبة اولاد الرسول
يبو صالح سيدي شنهو نگول
شنهو ليهيجك يبن فحل الفحول
ليمته تبگه گلوبنا محزونه
سيدي مصاب الحسن كلش صعب
من بعد سمه الذي يذوب الگلب
ينهدم گبره ويظل بس الترب
شلون گبر ابن النبي يهينونه
وجدك السجاد بالحزن الطويل
گضه عمره ومدمعه منه يسيل
ومن بعد ما فار من سمه الغليل
ليش گبره اعداكم يهدمونه
وجدك الباقر يبن سيد الرسل
وابنه الصادق گضو كلهم چتل
بالسموم امصابهم ما ينحمل
شلون عدوانك تظل مامونه
مراثي الأطهار عليهم السلام
قصائد مقدمة المجلس
#رقم_185
#هدم_قبور_أئمة_البقيع (عليهم السلام)
الخطيب الشيخ عامر الحدّاد
1_ دَمعُ الأنامِ جرىٰ لِوقعِ نِدائي
وَبناتُ سَعدي أدبرتْ بِشقائي
2_ قدْ زادَني هجرُ الدٍِيارِ مَضاضةً
وَالشَّوقُ يعصِرُني لِرَبعٍ نائي
3_ تَرنو العُيونُ إلىٰ البقيعِ وَعبرتي
حرّىٰ وَبَوحي لازمٌ لِبُكائي
4_ أبياتُ آلِ اللهِ شِيدَ قَوامُها
مِنْ رَوحِ أذكارٍ بغارِ (حِراءِ)
5_ طوبىٰ لها تلكَ القبورُ تضمَّنَت
خيرَ النُّفوسِ لِسادةٍ نُجباءِ
6_ كانتْ تُظلِّلُها الملائِكُ خُشَّعاً
وَتَسومُها وَهَجاً عنِ الظَّلماءِ
7_ لهفي بِها جارَ الزَّمانُ فنالَها
جَهلُ الحديدِ يَدِكُّ في النَّكباءِ
8_ إِذْ أولَغَتْ أيدي الطُّغاةِ بِهَدمِها
فغَدَتْ رُكاماً بَعدَ عِزِّ بِناءِ
9_ تَنعىٰ السَّماءُ لها وَيَصرَخُ باكياً
قلبُ النَّبيِّ بِلوعةٍ وَعَزاءِ
***
الشيعي بس يوصل الطيبه ينحب او يجذب الحسره
أرد أزور الحسن وينه ما تدلوني اعلى گبره
اوزين العباد اومهجته الصادق او باقر العتره
اگبورهم ويلي اهدموها واشلعوا منها الضريح
امصيبتين اللي دهتنا والحزن داير علينا
مدري نبجي على ابو اليمه لو على اگبور المدينه
هدّموها العدا اوظلّت موحشه او قفرى او حزينه
من يصد ليها الموالي ابعينه ايضيج الفسيح
يغايـــب هالفـلك لولاك ما دار
او لوما غيبتك هالدمع ما دار
اگصد للبقيع او شـوف ما دار
اگبور اجدادك انهدمن سويه
مراثي الأطهار عليهم السلام
دموعي لرُزءِ الآلِ تهمي وتَسجمُ
بصوت الخطيب الشيخ باقر الدراجي
على رُزءِ البَقيعِ يَصُبُّ دَمعي
بصوت الخطيب الشيخ فرحان الأسدي
قصائد مقدمة المجلس
#رقم_76
ذكرى #هدم_قبور_أئمة_البقيع (عليهم السلام)
السيد عدنان الموسوي
1_ على رُزءِ البَقيعِ يَصبُّ دَمعي
وتُشعِلُ في الحَشا ذِكراهُ نارا
2_ أتُهــدَمُ جَهـــرةً لهفــي علـــيها
قبـــورٌ للورى كانــت مَنـــارا
3_ أتُهــدَمُ والمــلائِـــكُ باشتــياقٍ
قَدِ اتخـــذت لهــا منـــها مَـزارا
4_ أُواسـي بالبُـــكا نُـــورَ البرايا
إمامَ العصرِ من هَجرَ الديارا
5_ فِتَلكَ فَجِيــعةٌ جعلتــهُ دَهــراً
يُكابِدُ في الحَشا غُصَصاً كِبارا
6_ بحرقةِ والــهٍ وأنــينِ قلــبٍ
لعُظمِ الرُزءِ قد عاشَ انكسارا
7_ قبورُ الآلِ هدَّت منه ركناً
فأضحى طالباً حَقاً وثارا
8_ أرى مولايَ يَذرِفُ كلَّ حينٍ
دُمُوعاً في مُصيبتِهم غِزارا
9_ ويَمضي في عيونٍ شاحباتٍ
لقبرِ المجتبى يبكي مِرارا
10_ ويبكي زيــنَ عُــبَّادِ البرايـــا
ومَن بِالقيدِ بعدَ الطفِّ سارا
11_ ويبكي الباقرَ المظلومَ شَجواً
ودمعُ الوجدِ من عينيهِ فارا
12_ ويبكي صادقَ الأقوالِ طوراً
وقد عاشَ الأسى ليلاً نهارا
****
الشعر الدارج لشاعرٍ آخر :
تعنـه المـهـدي وبگـلبه تشب ناره
مشه لأرض البقيـع ودمعه يتجاره
ينـظـر للحـســن والگـبــره المهــدَّم
وينحـب عالگـبـر مـن شافـه واتألـم
يا هم اكـبر واصــعـب بعد يا هم
ودموعه تصب عـالـوجـنـه مطّاره
وشاهـد وبـدمعـتـه فـعـلـة الأوغـــاد
من هـدموا گـبـر جـده عـلي السجاد
صور گـدام عـيـنه بكل وگـت تـنعـاد
وبگلبه يويلي لهـفة اسراره
ورد شاهـد گـبـر ما ظن اله سـابــق
للشيعــه الهــويــه وبالعــدل نــاطـق
گـبـر جـده ويعـرفه جعـفــر الصادق
گـعــد يـمـه يشمـه وبــيــده بـتــاره
ومشه لآخــر گبـر ويشاهـده وصابر
عجـيـبه شلون شافه يكسر الخـاطـر
رمــز بـاقي الگـبـر لمحمد الـبـاقــر
لچن وسفه الگـبـر مهدومه أسواره
يغايب هالفلك لولاك ما دار
او لوما غيبتك هالدمع ما دار
اگصد للبقيع او شوف ما دار
اگبور أجدادك انهدمن سويه
حزنك ما اظن وادم تعده
جيشك يمته يالمهدي تعده
گبور أجدادك اعليها تعده
وهدمها الي كسر ضلع الزكيه
مراثي الأطهار عليهم السلام
قصائد مقدمة المجلس
#رقم_264
فاجعة #هدم_قبور_أئمة_البقيع عليهم السلام
الخطيب الشيخ جعفر رشيد العاملي
1_ هَدَمَت لئامُ القَومِ أضرِحَةَ الأُلى
أَذِنَ الإلهُ بأن تُقامَ وتُرفَعا
2_ هَدَمُوا بُيوتَ اللهِ إذ لولا القَضا
لأَقامَ فَوقَهُمُ مَقامًا أرفَعا
3_ وَكمِثلِ أهلِ الكهفِ مَوضِعُهُمْ غدا
حِصنًا لِمَن وَالى حَصِينًا أمنَعا
4_ هذي المُصيبةُ أضلُعي كَم آلمَت
ولَكَمْ أسَالَت من عُيونِي الأدمُعا
5_ صَبرًا نَقولُ على الفَجيعةِ حَسبُكُمْ
مِن قَبلِها قَبرُ الزَّكيِّةِ ضُيِّعا
6_ وقبُورُكُمْ إن هَدَّمُوا لا تَعجبُوا
فلِفاطمٍ رَضَّ اللئامُ الأضلُعا
7_ وبِلَيلَةِ القَدرِ اسْتَفَى أشقَاهُمُ
وبِسَيْفِهِ قَتَلَ البَطِينَ الأنزَعا
8_ وبِكربلا للسِّبطِ ما فَعَلَ العِدَى
ولِمَتنِ زينَبَ سَوطُهُمْ كم أوجَعا
9_ دَعنِي فَعَينِي لا تَمَلُّ مِنَ البُكا
وهَجرتُ للخَطبِ الفَظِيعِ المَهْجَعا
***
الشعر الدارج لشاعر آخر :
بالبقيع اهل الرساله دورها
مهدمات ودارسات گبورها
گبورهم هدموها بالحقد الدفين
وبفعلهم ابد ما يقبل الدين
لعترة الهادي وامير المؤمنين
كفّرو كلمن يريد يزورها
من يزور گبورهم برض البقيع
يشيب للي صابهم حتى الرضيع
فوك ذاگ الذبح والخطب الفضيع
بين سم وبين گطع نحورها
وفوگ چتل رجالها وگطع النحور
شتتوها وهدّمو حتى القبور
ومنعو الوفّاد والالهم يزور
وماكفاهم ذاك رض صدورها
ماكفاهم فعل مروان ويزيد
الله يلعن كلمن يضرهم يريد
تامّرت بسيادها ذيچ العبيد
شلون دوراته الزمان يدورها
ظلمه بس حجار لاگبه ومزار
والحراسه امشدده ليل ونهار
گلوب شيعتهم غدت تلتهب نار
رادو يخمدون منها نورها
مراثي الأطهار عليهم السلام
صاحب الزمان عج ولوعته في ارض البقيع الغرقد🏳
في بقيعك… ادري تنصب فاتحه
في بقيعك… والملائكة نايحه
في بقيعك… والمصائب جارحه
ــــ ❁ ❁ ❁ ــــ
كم رزية… ليها گلبك منفجع
كم رزية… تجري يا مهدي الدمع
كم رزية… تبكي لمصاب الضلع
ــــ ❁ ❁ ❁ ــــ
آيمهدي…. هالگبر ما له أثر
آيمهدي… بًلا مناير بس حجر
آيمهدي…. تبكي گلّي لكم گبر
ــــ ❁ ❁ ❁ ــــ
تصبر انت… وتدري كم قبر انهدم
تصبر انت… لا ترف رايه وعلم
تصبر انت… وگلبك بهم وألم
خادمة آل محمد✍🏻
قصيدة بمناسبة هدم قبور أئمة البقيع عليهم السلام
چم گبه وضريح ومدخل وباب
هدموهن حسافه وصارن اتراب
من صارن سويه. دوارس علوطيه
هدموهن حسافه وصارن اتراب
****
ياعام الهدم ياشر الاعوام.
ماصاير گبل هذا بالاسلام
احكام استنبطوها منين الاحكام
تفتي بالهدم وتزيد الآثام
لفووها بكل رديه. اگبوراهل الحميه
هدموهن حسافه وصارن اتراب
*****
استفهام السؤال أيظل للأجيال
شنهو الغايه من كل هاي الأفعال
مناير علارض. ياحيف. تنزال
جريمه المامثلها ابشهر شوال
مقاصد جاهليه. بمناير طالبيه
هدموهن حسافه وصارن اتراب
****
نهار الدنيا يتبع ليل محزون
حزن عم الارض بيه اظلم الكون
بعد سم الاطهار ابيش يفتون
تبعوا كل وصي بالگبر مدفون
مناير هاشميه تخص ولد الزچيه
هدموهن حسافه وصارن اتراب
**
معلومه النوايا وأمر مكشوف
ومفهومه الدوافع قصد معروف
كل فتره وزمن تنعاد الطفوف
هاي سيوف تشبه ذيچ السيوف
بمعالم احمديه مجد فوگ الثريه
هدموهن حسافه وصارن اتراب
****
يبوصالح تون مولاي معذور
لكسر ظلع الزجيه وراس مطبور
وچبدمسموم ذاب وراس منحور
وتصد بأرض البقيع انهدمت أگبور
لهل خير البريه. المنايرهم زهيه
هدموهن حسافه وصارن اتراب
الشاعر حسن لعيبي الحريشاوي ✍️
للبقيع
.
.
.
يابو صالح .. بينه لوعه وبينه نار
يابو صالح .. عـالزيـاره وعالـمزار
لامـنـايــر لاقــبــاب
والبقيع اصبح تراب
يابو صالح
_____
مـن كـثر ماشوگ بينه نارنه يالمهدي تلهب
الله يشهد بينه وجت چنها نار اخيام زينب
المـراقد سـيدي مـن هـدمـوها
اظلوع احسين چنهم كسروها
البقـيع استـفردو بيـهـا اولـوها
مثل عمتك يمـهدي مـن سبوها
يابو صالح .. والشـمر رد من جديد
يابو صالح .. امتونها ايـزورگ يريد
جايب ابسوطه عذاب
والبقـيـع اصـبح تـراب
يابو صالح
_____
مظلمه اگبور البقيع وچنها ليلة وحشه بيها
وراح تـذكر حـال عمتك انته من اتمر عليها
يشبــه حـال زيـنــب والنـساوين
مـن ظـلت وحيـده وتهـمل العين
اتصيح ويرتفع من عدها الونين
لاعـبــاس يــبـرال ولا احــســين
يابو صالح .. صوت اذا تسمع حنين
يابو صالح .. هـذا صـوت ام البـنين
تبچي بس عدها عتاب
والبقـيع اصـبح تــراب
يابو صالح
_____
اي وحق ادمـوع قبــة زيـنب ودمعـات ناسك
شيبت روس المراقد مثل ماشاب انته راسك
اعيونك سيدي من البچي راحن
مـنارات البقــيع ابيــوم طــاحن
مـنارات الحسين اويـاك نــاحن
عجـل طلعتك يالـمهـدي صاحن
يابو صالح .. صحن ابو اليمه يصيح
يابو صالح .. بالبقيـع ابــنـي ظــريح
قبته ابعلـو السحاب
والبقيع اصـبح تراب
يابو صالح
_____
اتبـَلل اتـراب البـقيع ابكـثر مـادمعـك تـهله
وحزنك اعله اگبور اهلك سيدي وياك صله
مـايـوگـف ابـد الـهـم بكـائك
اوياهم مسـتمر انته ابلقـائك
نحلفـك يالحـبيـب ابكـربلائك
من اتـزور اذكـرنـه ابـدعـائك
يابو صالح .. اذكرنه يمهم يالحبيب
يابو صالح .. الــك الله يـستــجـيب
يالدعائك مستجاب
والبقيع اصبح تراب
يابو صالح
_____
يامن ايـدك بـاب الله يمـته باب الله نـقبَله
يمته يامهـدينه تظـهر لاتـظن الغـيبه سهله
على اغـيابك يمـهـدي الله شـاهد
اگلوب الشيعه چن صارت مواگد
يــايـوم وتــحـت ظـلـك نــجــاهد
ونبنـي بالبـقيــع احـنـه الــمـراقد
يابو صالح .. ونبني گبه الفاطمه
يابو صالح .. گـبه تـوصل للـسمه
يمته يخلص هالغياب
والبقـيع اصبـح تـراب
يابو صالح
_____
حيدر تركي الكربلائي
((يوم_البقيع_العالمي))
العاشگ لاتلومه جروحه ملچومه
اذا يسمع بيوت اعزازه مهدومه
ساكت من يحاچونه
يرسم گبة بعيونه
***
صفار الگبه ضاعت كل معانيها
وباب الحاجه هدمو كل طواريها
الدمعته تسيل خل بچفوفه يخفيها
العنده جروح للحيطان يحچيها
اذا سولفنه بيكم نستحي هوايه
سكتنه وشاهدينه طيحت الرايه
اليحبكم نار تدرونه
يرسم گبه بعيونه
***
الاخرس هم يسولف حچيه تأشيره
واحنه السانه ماتت تعابيره
العش الينهدم تتسودن الطيره
لذلك جاي اشوف المهدي بحيره
سدو بابنه والچلمه محبوسه
وأنه روحي عشگ ياناس متروسه
گلبي لاتلچمونه
يرسم گبه بعيونه
**
بسمتي من الحزن من شفتي مبيوگه
وأزور انه شريفه بدمعه مسبوگه
واگللهه ابوچ الگبر طابوگه
واحسنها العزيزه بحسره مخنوگه
بيا حال واصيح وحالي متردي
بصياح الجذب مايسمع المهدي
المهدي صاير شلونه
يرسم گبه بعيونه
****
متحزم كلامي وماتصح فرصه
علي السجاد ياالشايل الف غصه
كون بكربله وارويلك القصه
جا نبني مقام شكبره للعصه
يامعنى الدمع وگليبك وظيمه
گبرك طاح لمن طاحت الخيمه
يبچي من يسئلونه
يرسم كبه بعيونه
*****
الباقر ياحزن بچفوفك تلمه
بيا دمعةّ حزن للصادق تكلمه
دمعكم بي سبي بي چلمة العمه
على ياهزله راكب جرحك بهمه
لطمكم مو على البنيان والطوفه
على زينب لطمكم دخلت الكوفه
جرحكم ماتضمدونه
يرسم گبه بعيونه
عبد زينب
محمد الإبراهيمي
قبور البقيع
يم ذيچ الگبور لاشمعه لاماي الورد
ملتمه الطيور يلغايب اتروح اوترد
ولامناره والزياره والزياره من بعيد
****
چم بدر الكم يغايب باالحقد گبره انهدم
ماكو لا گبه ومناره الفوگها يرف العلم
ولاصحن مبني وتزوره وبيه تلتم الخدم
ياالم ذيچ المشاهد باالبقيع اصعب الم
الرايد يزور من بعيد يقره زيارته
يضل گلبه مكسور تجري اعله خده دمعته
ياخساره والزياره والزياره من بعيد
*
اصبح بذيچ المشارف غادي محسود الحمام
يوصل ايأدي الزياره ويمهم مأمن ينام
واحنه چم عاشگ توجه من بعيد اده السلام
يا امام الدنيه باقي ينطرك چم گبر امام
جيتك يتانون تبني بأديك اشجم گبر
بسمك ينادون ملينه من كثر الهجر
انته ثاره والزياره والزياره من بعيد
*
موحشه صارت يغايب مضلمه ذيچ الديار
والارواح اعليها تهفت شمعه يطفيها النهار
هم مثلنه هيه تحسب عذباها الانتضار
مدري ياجمعه تجيها الله يدري بها القرار
تحسبلك احساب ويانه و تعد باالجمع
طولت الغياب تقرالك الندبه بجزع
دم تجاره والزياره والزياره من بعيد
*
ذيچ الانوار العظيمه حاربوها اهل الحقد
ماكو لاشمعه التنور يمها لاماي الورد
يمته يلغايب تجيها وتاخذ وياك الحشد
يوگف يأدي التحيه للبناء ويستعد
عمالك اهناك الحشد كله ورايته
واليبني وياك بچفوفه لازم فتوته
بكل حراره والزياره والزياره من بعيد
*
باچر اتصير الزياره اله من بطن الضريح
وكل عرش حارب نهجكم بيدك اتهدمه ويطيح
يلله حي اعله الزياره ياابوصالح تصيح
باالبقيع انته تصلي وخلفك يصلي المسيح
تلتم ملاين من كل مكان بهل الارض
غاد المحبين لو زارت اتأدي الفرض
هل البشاره والزياره ة والزياره من بعيد
**
#سعدالعبودي
أهدي ثوابها إلى روح والدتي
يوم البقيع العالمي
یمته شوگ الظنــــون
یملی شـوف الـعیون
بالبــقیع ایــنصــبون...
مجلس احسین
.
نوگــف انزور،بین الگبور،انسوی عاشور
بسم الحسین
---------------
نایم ابعینی الحلم
چن سجین المتهم
ینتظر ساعة فرج من أید السنین
.
یمته منـــبر کربله
للــــبقیع انوصــله
یرتقی ناعی الحزن ینعه اعله الحسین
.
یــم قبــــور الأربـعه
نحچی عن المشرعه
نذکر العـــــباس طایــــح ماله چفین
.
تل نسـوی امن الدمع
واعله هالتل نســـتمع
زیــــنب اتــنادی دخیلچ یاأم البنین
.
مـارجــــعلی عبـــاس
جثه ضــــل بلا راس
خدری شافته الناس...
والکفل وین
.
گلبی مجمور ،بین الگبور،انسوی عاشور
بسم الحسین
-----------------
غـــربة اگبــور البـقیع
بیها ونه امن الرضیع
من تهز گبره الرباب و تنحب اعلیهـ
.
یمه عبدالله اشــدهاک
یبنی اشرب من دماک
ماتــــشوف المای عینــــک لا تتانیهـ
.
چم گبر صاح العطش
من کثر همـــــه ارتعــش
وینه عباس ویشیل الجربه بیدیهـ
.
یمته نبــنیه الصــحن
نلطم ابحصن الحسن
انصیح آیحسین و امصابه و نواسیهـ
.
یمته بالشــعائر
تهـــتف الضمایر
ننــــصب المــنابر...
نوفی الدین
.
نوفي انذور ،بین الگبور،انسوی عاشور
بسم الحسین
------—------
ما جزعنه امن الدهر
یمته صوت المنتظر
یعله واینادی ألا من ناصـــر الدین
.
والتصــیر ابزمــرته
تنکتب من شیعته
هیه بس خدام الحسین الموالین
.
یمته بدموع الیقـــین
انسوی بین الحرمین
امن البقیع الگبر زینب اخت الحسین
.
هالمسافه اشماتطول
فاطمه تدعی وتگــول
ربي احفظ شیعتی ابجاه أم البنین
.
فاطـــمه التــحـــبّه
الله یـــعـفي ذنبــه
اویه الخدم تحسبه...
والموالین
.
ذنبــه مغفور ،بین الگبور،انسوی عاشور
بسم الحسین
-----—--------
یحله لو مجلس لطم
بی نصیـــح و ننهضم
یالـــــثارات البــقیع الحـــزنه ما خَف
.
مره عالصادق ننوح
مـره للبــاقر نــروح
ویم علی الســجاد نقری مقتل الطَف
.
نقری عن درب السبی
والسبـــاها الأجنـــبی
زینب ابجرح الگلب من نحچی اعرَف
.
یالـــثارات الدمــه
سطرة امنه فاطمه
والأشــــد سطـــــرة رقیه الما توصـــَّف
.
طفله من ســـبوها
ابخدها یــضربوها
یـــمها راس ابــوها...
امغمّض العین
.
نحچی واندور ،بین الگبور،انسوی عاشور
بسم الحسین
---------------
نذکر ابسیف الضمه
یا نحــر دمــه أرتمه
وأثنعش ضربه انضرب یوم المنیه
عالارض یا مجزره
تالي صارت مقبره
یندفن بیها الحسین ابن الزچیه
راسـه شــالوه ابرمح
وانخطف وجه الصبح
ذابلات اشفافه واتشوفه رقیه
من النهر حد الخیم
الله یدری اشگد ألم
زینب العلویه سمّوها سبیه
زینب العقیله
رکبت الهزیله
بالظعن کفیله
والنساوین
ضحّت أنحور،بین الگبور،انسوی عاشور
بسم الحسین
---------------
کلمات خادم الحسین ع
عبدالامیرالناصری
#للبقيع
*يايوم مهدينه__بيده يبني الصحن*
يا يوم يظــهر راعي الثار
يبــــرد گلبنه الملتهب نار
ولرض البقيع انروح ثوار
نبني قبب لگبـور الاطهار
نبــنيها انعلــــيها كل المــنارات
وتتزاحم شيعتنه تأدي الزيارت
ونسمع مواكبنه .. للخدامه اطلعن
*يايوم مهدينه .. بيده يبني الصحن*
برض البقــــــيع ايعـــلگ الوا
ايحني الابواب ابدمــــع عينا
ويفتي المجالس تنحيي اهنا
ويقــــــراله باســم وحنه ويا
بالمجلس دمعتنه نبچيها بحساس
ويانه الگــــبر امه هم يلفي عباس
ويرجع اجفوفه .. البالطف اتگطعن
*يايوم مهدينه .. بيده يبني الصحن*
ومثل اربعين احسينه اتصير
مشــــايه. بيها العالم ايحــير
نفرش جمر بالدرب ونســــير
وموكب لطم يطـــلع وتطبير
مانتعب مانهتم مهمه الدرب طال
مانرجـع وفايه عـنه احـنه ينگال
ورايات ثورتنه ... بالدرب رفرفن
*يايوم مهدينه … بيده يبني الصحن*
امن المهدي نسمع صوت الآذان
برض البقـــــيع بأجـــمل الحان
وتحـــظر تصلي الانس والجان
تتـــــوافد النه امنــــين ماچان
الصـادق والبــاقر لمن نجـي انزور
انعاهدهم نفديهم ونضحي بنحور
ومن نوصل انقدم .. كلشي لجل الحسن
*يايوم مهدينه … بيده يبني الصحن*
نمشي ونخلي العــالم ايشـــــوف
اويه المهدي نكسر حاجز الخوف
بگلوبنه جمـــــــــــــرات الطفوف
نوصل علي الســـــــجاد ونطوف
ونقراله ابلوعتنه وبطــور ياسين
ونذكره ابعماته ومصيبت حسين
وجمرات خيماته … الهل وكت ماطفن
*يايوم مهدينه … بيده يبني الصحن*
.. الخادم
كامل السعيدي
علينا اشما تمر الاعوام تنعاد
بصوت الخطيب الشيخ باقر الدراجي
كيفَ اصطباري وانطفاءُ توقّدي
بصوت الخطيب الشيخ رياض الطليباوي
دمعُ الأنام جرى لوقع ندائي
بصوت الخطيب الشيخ الدكتور محمد العبودي
دموعي لرُزءِ الآلِ تهمي وتَسجمُ
بصوت الخطيب الشيخ رياض الطليباوي
قصائد مقدمة المجلس
#رقم_77
#هدم_قبور_أئمة_البقيع (عليهم السلام)
للخطيب السيد قتاد الحسيني
1_ دموعي لِرُزءِ الآلِ تَهْمي وتَسْجُمُ
لِذكرِ مُصابٍ عادَ فيه مُحرَّمُ
2_ بهدمِ بيوتٍ قدّرَ اللهُ رَفعَها
بأَفعالِ مَنْ صَمُّوا عنِ الحقِ بل عَمُوا
3_ نواصِبُ ضُلَّالٌ عن الدينِ والهدى
نَصِيبٌ الى الشيطانِ بالنَّصْبِ فيهِمُ
4_ طُغاةٌ بُغاةٌ ليسَ يَرْعونَ حُرْمَةً
ولا ذِمَّةً لِلآلِ تُخفَرُ مِنهُمُ
5_ لَقَدْ هَدَّمُوا حِقْداً قُبُورَ ائمةٍ
مَحَبَّتُهُمْ في الناسِ هَيْهَاتَ تُهْدَمُ
6_ قُبورٌ بها الأَلْطَافُ حَفّتْ وَحَوْلَها
ملائكةُ الرّحمنِ بالحُبِّ حُوَّمُ
7_ قبورٌ بها الأحرارُ لاذَتْ مَحَبَّةً
وَشَوقا لِأَسْباطِ النّبيِّ تَيَمَّمُوا
8_ إلى المجتبى المعطاءِ في الجودِ فضلُهُ
إلى كلِّ مُحتاجٍ لَدَى العُسرِ يَلزَمُ
9_ وزَيْنِ عِبادِ اللهِ يَرجُونَ عندَه
لِكشْفِ كُرُوبٍ في دُجَى اللّيلِ عنهمُ
10_ وَباقِرِ عِلْمِ اللهِ والصادقِ ابنِهِ
وَسِيلتُهُمْ للهِ فيما تَقدَّمُوا
11_ تَسِحُّ دموعُ العينِ حُزناً لرُزئهمْ
وأخرى مؤاساةً لفاطمَ تسجُمُ
12_ اَلَا زِلتِ بالتّطْوافِ حولَ قبورِهم
تفيضُ البواكي منكِ والدمعُ عَندمُ
****
الشعر الدارج لشاعرٍ آخر :
محنية ظهر تتعنه الگبور
بزيارتهم اجت لاولادها تزور
تمشي وتعثر وتتخطه وتدور
شبه طير اللي مكسور الجناحين
اعله خدها المنسطر يجري دمعها
وتناست همها ومصيبة ضلعها
بليل اظلم اجت وجت شمعها
وگامت تنشد اگبور الميامين
ابحجارة جم گبر تمشي وتعثر
وتناشد وينكم گلبي تفطر
يالسجاد يالباقر يجعفر
وانت يالحسن گبرك صبح وين
مراثي الأطهار عليهم السلام
على رُزءِ البَقيعِ يَصُبُّ دَمعي
بصوت الخطيب الشيخ رياض الطليباوي
هَدَمَت لئامُ القَومِ أضرِحَةَ الأُلى
بصوت الخطيب الشيخ كاظم العبادي
اصـار والأملاك ماجت بالسمه
بصوت الخطيب الشيخ جاسم الكربلائي