🌴تجمّع الزهراء ع العاشورائي🌴

23 November 2025 21:37

نعي حول الزهراء عليها السلام

دافن دليله حيدر ابليل
وراجع البيته ودمعته تسيل
الله يعينه اشلون كلبه
الفكد الزجيه منيله الحيل

هال التراب وجرت عينه
وبل مكبره واضح ونينه
كسره جبير وشال حاله
الفاكد الزهره الله اليعينه

بل لحد حطاها وبجه بصوت
ويم الزجيه رايد الموت
التشرك بهمه غابت اليوم
وحده علي شايل التابوت

ورد عله بيته وشاف بيته
خالي صفه وحشه ثنيته
ماشافهه اليله ام الحسين
ومختنك وتمنه منيته

بت عمه شالت والحزن لاح
ومن المصايب حدب وطاح
مابي بعد مهظوم وينوح
والحيل وياها مشه وراح

شالت ام عياله وكسر بيه
والبيت يوحش صاير عليه
يسكت بزينب بويه اصبري
وكلبج اريد الله اليسليه

اصبري يبويه وصبري الحسين
وهذه الافراك يطول اسنين
كاضي الحسن زينب تشوفيه
وكلبي عله امج صار نصين

اتكله الافراك اشلون احمله
وكلبي عله امي البعد سله
راحت وخلتنه تره ابنوح
الفاكد عزيزه بعمره شله

نشتاك كل ساعه الحضنهه
وبعدنه ولا شبعينه منهه
ازغار اليتم جاليش اجانه
وخذه الوالده وانريد يمهه

انحن عليهه ونبجي كل ساع
والنار تلهب جوه الاضلاع
تاخذنه ليهه انشوفهه اشواي
ونكلهه يزهره اشسوه الاوداع

لخادمة الزهراء العلويه ام جعفر
غير مبري الذمه من يحذف الاسم وياخذ الكلام وينسبه له

🌴تجمّع الزهراء ع العاشورائي🌴

23 November 2025 21:20

(بشِكايةٍ منها السّما) تتزعزعُ
تُغشي الضّياءَ إذا تئِنُّ وتَخشعُ

ولحالِها ضجّ الوجودُ بأنّةٍ
للدّهرِ ينحبُ والملائكُ تدمعُ

تأتي إلى المحراب تلهجُ حَمدَها
للهِ في أنفاسِـها تَســـترجعُ

ما بين ترتيلِ الكتابِ وسُبحةٍ
والذّكرِ في فرضِ الصّلاةِ تُودِّعُ

"أسماءُ" خلف الباب تُعظِمُ حزنَها
آيًــا لِنَفسِ المُطمئنّـــةِ تسمعُ

لمّا توقّفَ صوتُ فاطمةٍ بكتْ
وقفَت تفكِّرُ ساعةً ما تَصنعُ

شمسٌ وكيفَ تزاورَتْ عن دارِها
بل كيف فاطمةُ البتولِ تُضيَّعُ

أم كيف حيدرُ صاغَ توديعَ السَّما
وحوى الجنازةَ صدرُهُ المتوجّعُ

أعياهُ ليلُ الفاطميّةِ لو بكى
سمعَتْ بأنّةِ خافقَيهِ الأضلعُ

قد شيّعوا الزّهراءَ في ليلٍ دُجى
فوتيرةُ اللّيلِ المُصَرَّمِ أمنعُ

قل أيّ قبرٍ هيّأوهُ لدفنِها
قل أيُّ أرضٍ والسّماءُ تُشَيَّعُ

سبحانها بنت النبيِّ على الثّرى
سبحانَ كم رزء الزّكيّةِ يوجِعُ

نور مصطفى لمع
عظم الله أجوركم بشهادة مولاتنا فاطمة الزّهراء عليها السلام

🌴تجمّع الزهراء ع العاشورائي🌴

23 November 2025 10:41

😭لطميه للزهراء عليها السلام من ديوان الصوت الجريح👈الجزء الاول 😭



اليوم ام المحنه ضيعيناها
بعد ماشوفهه ولسمع حجاياها
@@@@@@@@@@
اليوم ام المحنه اليوم ماهيه
بنفسي اويه الحنينه اكعد اشويه
احا يمي المشت ماردت اعليه
شالت وابعدت جاوين نلكاها
@@@@@@@@@
من ام المحنه الدار خلوانه
تحن روحي عليهه وحيل حزنانه
هنا يادار وين الجانت اويانه
تحن روحي على امي تريد ملكاها
@@@@@@@@@@
تحن روحي على امي تريد شوفتهه
روحي تروح من انظر الحجرتهه
ضلت خاليه وحشه ثنيتهه
عونه اللي يطب للبيت يلكاها
@@@@@@@@@
احا يمي المشت روحي تحن ليهه
شمحلاهه من اطب للبيت ولكيهه
بعد يادار اهلنه مانطب ليهه
ولج يادار وين النكعد اوياها
@@@@@@@@@
ولج يادار انشدج وين وين امي
بعد يادار عدمن اشتكي همي
عليهه الروح حزنانه ويهل دمعي
الف ياحيف بالمظلم دفناها
@@@@@@@@@@
الف ياحيف بالمظلم نخليهه
هاي الوالده امي بيش اجازيهه
شما ابجي عليهه مااوافيهه
شما طال الوكت هيهات ننساها

تمت ✍️ الشاعره والمله ام حسين العامري من ديوان الصوت الجريح الجزء الاول

🌴تجمّع الزهراء ع العاشورائي🌴

23 November 2025 10:23

بيت ام الحسن يا ناس محروگ
باب ومن جذع وعليها مطبوگ
دخيل المنتظر رداد الحكوگ
يفزع للضلع والزيج مشكوگ
ما يرحم الجاب الحطب
يكسر جميع اضلاعه
......
من نهد العصر مالومه الضلوع
گلب ام الحسن يلمهدي مشلوع
حرمه بنص زلم وتسيل الدموع
مولاي القلم عل ثاني مرفوع
شما تفعل بهذا النذل
مولاتي هم مضلومه
....
طب وسط ضلع يلمهدي بسمار
بجفن الطاهره متروكه الاثار
بدار المرتضى شبو ترا النار
ينضر للحرگ ولخذل النصار
وتنوح من گد النزف
مولاتي بين جفوفه
....
بت اشرف نبي صطروها يا حيف
يل مهدي انتفض لا تغمد السيف
كلمن مشترك مولاي لا تعيف
گطعها الجثث نتفها تنتيف
جيبلها نيران وحطب
وشعلها وسط الهيمه
....
فاطم عل ترب وضلاع متكسره
يا هيبة علي ويا دمعة الزهره
ثارك هل خدم لليوم منتضره
بكلب المحترك شيطفي هجمره
شلون تطفه وبينه
كسرة ضلوع ام الحسن

....
حسين العمري

🌴تجمّع الزهراء ع العاشورائي🌴

22 November 2025 20:06

نختم ايام المصاب بالگلب جمره وعذاب
تنزل دموع السحاب. لهل مصيبه
==========
تلث روايات الألم كلهن رزيه
بحسرة نختمهن نون صبح ومسيه
خلصن ايام العزاء الفاطميه
والله منعوف الخدامه للمنيه

الله وصه بهل عزاء هو للروح الغذاء
تنحب ويانه السماء لهل المصيبه
==========
نحي ايام العزاء كلنه انتحزم
مثل مانحي ليالينه بمحرم
لكسر فاطم ننكسر والله إنتألم
والحزن عالدنيا للزهراء خيم

حزنت الدنيا وتنوح بالشمس بانت جروح
بيرغ الهم ظل يلوح لهل المصيبه
==========
خلصن ايام العزه الجانت تلمنه
بس بقه بينه على الزهره ألمنه
هَضمْ بنت المصطفى هو الهضمنه
من المجالس ابد مايوم انفطمنه

باقيه بينه وتدوم هالمجالس كالنجوم
والحزن بينه يحوم. لهل المصيبه
==========
بالكبر شمعه إتِحَوّلْ هالمأتم
اتحظرك الزهره تره باجر يخادم
والعلامه البالصدر اتبين انت لاطم
ونور عينك ضوه ينزل دمع ساجم

هناك يتحول ضياء لطم صدرك والبكاء
شده ماكو بس رخاء. لهل المصيبه
==========
الزهره تشكر كل خدمها بالنهايه
وباجر بيوم الحشر تنطي هدايه
الخادم اتلبسه وسامه من البدايه
وباجر ابيوم الحشر ينشاف رايه

رايه الخادم تكول الجان يلطم عالبتول
بدمعته يواسي الرسول. لهل المصيبه
=========
قبل لانختم مجالسنه دعينا
بالبكاء او بالدعه نرفع ادينا
لبوصالح بالفرج ايفرج علينا
ويظهر براية علي لمن يجينا

بالدعاء كلنه نصيح انحلفه بحسين الذبيح
الظالم ابجيته يطيح. لهل المصيبه
==========
الشاعر علي النائلي

🌴تجمّع الزهراء ع العاشورائي🌴

22 November 2025 17:38

صَوْتُ طَرْقِ الْبابِ أَمْ صَوْتُ الْعَزاء
بابُ أَهْلِ الْبَيْـتِ حَـنَّـــتْـهُ الدِّماء

———

هٰذا وَجْهُ اللهِ مَصْفوعٌ عَجَبْ
يَصْفَعُ الزَّهْرٰاءَ مَنْ هَبَّ وَدَبْ
أَي نَـعَمْ تَبَّتْ يَـدا أَبـي لَـهَبْ
هٰـذِهِ أَحْـفـادُهُ شَـبَّتْ عِـداءَ

———

هٰـذِهِ بِـنْـتُ الرَّســولِ أَحْـمَدِ
مَـوْسِمُ الأَحْزانِ فيها سَرْمَدِي
مِنْ دَواهِي الدَّهْرِ نَذْلٌ يَعْتَدِي
يَشْتِـمُ الزَّهْراءَ أَمْ رَبِّ السَّماءِ

———

مـَالَهُ الشَّيْطـانُ فِي بَيْتِ الرَّسُولِ
مَـا يَـرِيدُ الكـفر مِنْ خَـدِّ البَتُـولِ
كَيْفَ كَفُّ الجُبْنِ عَلـ زهراء تَطُولُ
هَــذِهِ أُمُّ البَقــي فَـوْقَ الثَّــــرَاءِ

———

منـُذْ دَفْعِ البـابِ ظُلْـمُها انْتَقَلْ
ظُلْمُها قَدْ عادَ فِي حَرْبِ الجَمَلْ
ظُلْـمُها سِبْـطُ النَّبِيِّ مِنْـهُ انْقَتَلْ
شَـبَّـتِ النِّيـرانُ مِنْـها لِلْـخِـبَاءِ

———

كَيْفَ بَاقِيَ الكَوْنِ وَالضِّلْعُ كَسِيرٌ
كَيْـفَ حَـالُ زَوْجِـهَا ذَاكَ الأَمِـيرُ
يُـحْـكَى أَنَّ حَـالَهُ جِـدًّا مَــرِيـرٌ
هَـزَّ عَرْشَ اللهِ مِنْ صَوْتِ البُكَاءِ

———

عِـنْدَ رَضِّ ضِلْـعِها صَـاحَ الجَـنِـينُ
لَيْتَ مَوْتِي كانَ فِي حِضْنِ الحُسَيْنِ
شَـــاءَ قَــدَرُ اللهِ لا أَبْــقَى سِـنِـينَ
خَلَّـتْ عُـمْرِي يَـنْـتَهِي فِـي كَرْبَلاءَ

———

ِبنْتُ خَيْرِ الرُّسُلِ ماتَتْ غاضِبَةً
أَحْرَقَ النِّـيرانَ شَيْـخُ النّاصِـبَةِ
كـانَ لِلْمُـخْتارِ يُـدْعَى صاحِـبَهُ
صـاحِبُ المُـخْتارِ أُمُّ كُلِّ البَلاءِ

———

بِنْتُ خَيْرِ الرُّسُلِ ماتَتْ وَاجِدَةً
جَـمْرَةُ النِّيـرَانِ فِيهَا خَـامِـدَةٌ
يَــا تُـرَى فِـي أَيِّ قَـبْرٍ رَاقِــدَةٌ
الجَفَا عَنْ قَبْرِكِ مَعْنَى الجَفَاءِ

——— الحمد لله ———

حسين جاسم الموسوي

🌴تجمّع الزهراء ع العاشورائي🌴

22 November 2025 17:17

موعدكم ليلة الشهادة ..

🌴تجمّع الزهراء ع العاشورائي🌴

22 November 2025 17:00

قصيدة { شرف الخدمة }




خل يـبـــدي عام وينتهي عام
للزهــــره نـبـقـــه كلنـــا خِدّام
...........................................................................................................................................

هذا العهد من كل گلــــب مكتوب للبضعه
چم عام يبدي وينتهي وما تنشف الدمعه
أيامنه كلـهــن وقــف والفاطــــمــه نسعه
دوله وعلم كلنا خدم تســتــاهـــل الفزعه

  يبقه نداء الفــخــــر كل عام
للزهــــره نـبـقـــه كلنـــا خِدّام
...........................................................................................................................................

تبقه المجالس عامره ونبض الحزن فاطم
خدمتنه ما تخلص أبد حـــد طلعــة القائم
بيهه اللطم بيهه الدمـــع بيهه الحــزن دائم
بيهه المجد بيهه النصر وَلْـيَـخســــأ الظالم

بهاي المجالس نصــر الاسلام
للزهــــره نـبـقـــه كلنـــا خِدّام
...........................................................................................................................................

هنياله من ضحــه الــعــمــر والناذر اسنينه
فـــدوه لمحبـــة فاطـــمــه وباچر تگر عينه
خط الدمـــع هذا العــهــــد ما لحظه ناسينه
يجمعنه مجلس فاطـــــمـــه عالحق يدلينه

لولا الزچــيّـــه يا فـــرض دام
للزهــــره نـبـقـــه كلنـــا خِدّام
...........................................................................................................................................

ياهو اليـعــــيــش بلا هـَـوه معقوله من يگدر
إحنه هوانه الفاطمي بمجلـســـهــه من نحضر
بسم الزچـــيـــه الطاهـــره كل نَـــفَــس يتعطّر
ما نـــتـرك صــفــوف اللــطــم ما نــتــرك المنبر

هالنعمه ما تحصـــل بالاحلام
للزهــــره نـبـقـــه كلنـــا خِدّام
...........................................................................................................................................

نلطــم نواســـي أم الحســن كلمن يدگ صدره
ونعيش كل الفاجـــعـــه بدمــعــة حــــــزن مُرّه
نتفاعل وهذا الطـــبــــع مـــوجــــود بالفـــطــره
ونصــيـــح للمــــلا (( أعد )) يا خـــادم الزهــره

كلما يعيد اتعود الآلام
للزهــــره نـبـقـــه كلنـــا خِدّام
..........................................................................................................................................

عِشرة عُــمُـر لـطـــم ودمــــع أعـــوام عشــنـاهه
خوّه وعلى حـــب فاطمـــه الزهـــره عــقــدنـاهه
عفناهه دنـــيـــا الفانـــــيــه إي والــلــــــه عفناهه
دنيانه خدمـــــةْ فاطـــمـــه وبس هيّـــــه ردناهه

نجدد عهدنه طول الأعوام
للزهــــره نـبـقـــه كلنـــا خِدّام
...........................................................................................................................................

موجوده لا شـــك بالـعــزا ويـبـقــه الأمل بينه
فد نظره مـــن أم الحـــســـن للحشــــر تِـكْـفِينه
أولنه خدمــــة فاطــــمـــه وهالخـــدمــــه تالينه
إكراماً إلْـهــه ابْـجَــنّــتــه ربـــنـــا يخــــليـــنــــــه

للطاهـــــره إجــــلالاً وَإكــرام
للزهــــره نـبـقـــه كلنـــا خِدّام
...........................................................................................................................................

خادم السيدة الزهراء عليها السلام
عمار هليل الواسطي

🌴تجمّع الزهراء ع العاشورائي🌴

22 November 2025 16:59

نعي استشهاد السيدة فاطمة الزهراء ع
عندما أخذو علي (ع) مكتوف الايدي وبعث سلمان الفارسي إليها كي لاترفع يدها بالدعاء فقالت له وبلسان الحال..


يسلمان....
اشيسوه العمر والله بدونه
اريدن علي سالم يخلونه

بعد جرحي جبير ومارضه ايطيب
ما أتحمل انه حيدر ايغيب

وحك دين النبي وشخص الرساله
بعد مابيه اكَوم ابجي اعله حاله
بعد هيبة ابوي وعز دلاله
عليه اتجاسرو ذوله النذاله

يسلمان يسلمان....
صبرت وكَلت ميخالف تعدي
وألآم الضلع توجع ابجبدي
علي بلسم كَلت بالدنيه عندي
ما أرضه يروح وابقه وحدي

يعوفونه ردت ما يجتفونه
وكَبل المغرب البيته يردونه
وإلا أرفع ايدي عالسبونه
والعالي يصير اسفل ابكونه

بجت فاطمه وسالت دمعة العين
واجو يمهه الاولاد الحسن وحسين
يسألوهه ييمه ليش تبجين
تكَللهم ييمه راح المعين


يسلمان
بعد مايوم وعيوني يسلمن
على اللي راح بالدمعه يسلمن
اريدن حيدر ايردلي يسلمان
الي بس هوه بعد الغاب فيه

الشاعر ياسر العارضي

🌴تجمّع الزهراء ع العاشورائي🌴

22 November 2025 16:52

نعي للسيدة زينب ع

#جديد💔😭

ذكرن مصاب المار بيها
حبيباتها نوحن عليها
غريبه بكت مو يم وليها

•───✧◐◐◐✧───•

ردت عليها الشام رده
والضيم للهامه تعده
من الأهل طالت المده

•───✧◐◐◐✧───•

محد اجه من حشمتهم
للشام ردت غاليتهم
ولا خبر لا مرسال منهم

•───✧◐◐◐✧───•

اضلم صفه صحن العقيله
حملها الغرب وسفه تشيله
حك الدمع الها نسيله

•───✧◐◐◐✧───•

محبات زينب مااجنها
وبضيمها خيساعدنها
شبعت هضم من زغر سنها

•───✧◐◐◐✧───•

وين التون وتصيح يم عون
لجلچ نصب ادموع العيون
يومچ علينه موش بالهون

•───✧◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة

🌴تجمّع الزهراء ع العاشورائي🌴

22 November 2025 16:51

نعي

زينب سلام الله عليها حست بفراق امها الزهراء (ع) وهذا لسان الحال



نامت الوالده جنهه ونستني
وبفراكهه هل  دولبتني
من  زغر  سني يتمتني


لاخبر  لا مرسال ودت
بساع الوالده مني تبرت
عليهه دمعت عيني خرت


اريد اعاتبج يم  المحنه
يمه تردين لونكطع الضنه
المسامر خلص وياج جنه


فراك الحنينه يريدله حيل
غربت عني  وشالت باليل
دخيل ردو الوالده دخيل


بعيده المكبره ونكطع بيه
نامت ابكاعهه سوده عليه
عليهه اون ونه  خفيه


عليج الحزن يمه البسناه
وثوب  الأسود  مانزعناه
والله الكلب مابطل ابجاه


مابطلت عيني من الدموع
والكلب كبل العين مصدوع
فراك الحنينه حنه الضلوع


مهضومه تضل الشالت امهه
عدمن بعد  تشكي  هضمهه
عزيزه الوالده وماكو اعز منهه


سمعي ييمه صوت وني
زغيره والمصايب دوهنني
فراكج عمه اعيوني وشدهني


يالذكراج ما فارك الساني
عليج الدهر بالوه بالاني
حزان نعي

زينب سلام الله عليها حست بفراق امها الزهراء (ع) وهذا السان الحال



نامت الوالده جنهه ونستني
وبفراكهه هل  دولبتني
من  زغر  سني يتمتني


لاخبر  لا مرسال ودت
بساع الوالده مني تبرت
عليهه دمعت عيني خرت


اريد اعاتبج يم  المحنه
يمه تردين لونكطع الضنه
المسامر خلص وياج جنه


فراك الحنينه يريدله حيل
غربت عني  وشالت باليل
دخيل ردو الولده دخيل


بعيده المكبره ونكطع بيه
نامت ابكاعهه سوده عليه
عليهه اون ونه  خفيه


عليج الحزن يمه البسناه
وثوب  السود  مانزعناه
والله الكلب مابطل ابجاه


مابطلت عيني من الدموع
والكلب كبل العين مصدوع
فراك الحنينه حنه الضلوع


مهضومه تضل اشالت امهه
عدمن بعد  تشكي  هضمهه
عزيزه الوالده وماكو اعزمنهه


سمعي ييمه صوت وني
زغيره والمصايب دوهني
فراكج عمه اعيوني وشدهني


يالذكراج مافرك الساني
عليج الدهر بلوه بلاني
احزان بعدج  البساني




لخادمة الحسين ((ع ))العلويه ام اياد لا يجوز حذف الاسم

🌴تجمّع الزهراء ع العاشورائي🌴

22 November 2025 11:19

لسان حال الزهراء عليها السلام تخاطب ولدها الحسين عليه السلام:

يُمَّه كَافِي مِنْ وِنِينَكْ
يَا غَرِيبِ الْغَاضِرِيَّه
يَمِّي هَايِ اللِّيلَه طَايِحْ
وَآنَه بِحْجُورِ الْمِنِيَّه
لَاچِنِ شْحَالَكْ يَيُمَّه
مِنْ تِطِيحِ عْلَه الْوِطِيَّه
عَافِرِ مْسَلَّبِ أَشُوفَكْ
ظَامِي وِدْمُومَكْ جِرِيَّه
بْصَدْرِي بَسْ ضِلْعِ الْتِكَسَّرْ
يَا حِزِنْ گَلْبِ الزِّچِيَّه
وِانْتَه يَا وِيلِي عْلَه حَالَكْ
تِنْسِحِگْ بِالْأَعْوَجِيَّه
وْمِنْ بَعَدْ ذَبْحَكْ يَغَالِي
زِينَبَكْ تِطْلَعْ سِبِيَّه
تِمْشِي عَالنَّاگَه الْهِزِيلَه
مْگَيَّدَه بِينَ آلُ امَيَّه
----------------------------------

#الليالي_الفاطمية
الشاعر حسن خنافر العاملي

🌴تجمّع الزهراء ع العاشورائي🌴

21 November 2025 23:40

#قصيده ثكيلة ( عفتيني ييمه )


يصيحولي اليتيمه بسفرتج هاي
عفتيني ييمه
حسره اعليه نومي وشربة الماي
عفتيني ييمه
موجوعه _ موجوعه
عفتيني ييمه


مشيتي وروحي يمه وياج راحت
وتصرخ يا عزيزة كلبي صاحت
عطور الشوك من انفاسي فاحت
حتى طيور الله اعليه ناحت
تركتيني وحيدة وتايهه الراي
عفتيني ييمه
وحشة الدنيا وانتي محليه دنياي
عفتيني ييمه
موجوعه _ موجوعه
عفتيني ييمه


يل محليه مشيتي ويا عباتي
ويا كشخة اسنيني وذكرياتي
ادعيلج مثل دعوة صلاتي
اشوفج كون اشوفج امنياتي
مو بالطيف اشوفج بالحقيقه
عفتيني ييمه
وطيفج بالورد ازرع طريقة
عفتيني ييمه
موجوعه _ موجوعه
عفتيني ييمه


المثلي يمه معذورة اعله كلشي
تلطم تبجي حتى ايطيح رمشي
يابيتي الحنين ودفو عشي
ريتج كون يمي بشيل نعشي
كلبي وروح روحي وامي والخل
عفتيني ييمه
حيلج ريته ابحيلي ايتبدل
عفتيني ييمه
موجوعه _ موجوعه
عفتيني ييمه


ضحكتج ماليه البيت وفرعنه
ونورج ضوة نورج منطقتنه
عليج وبيج علكنه آملنه
يا احلى هدية من الخلقنه
على الحنيه يمه البيج محسوده
عفتيني ييمه
طرق ممشاي مو وياج مسدودة
عفتيني ييمه
موجوعه _ موجوعه
عفتيني ييمه


ارجعيلي العيون الي تحبيهن
عميه خلاف وجهج يلضوة البيهن
بردانه الجفوف و ما يدفيهن
غير جفوف ايدج من تغطيهن
راكد كلشي بيه وحيلي مهدوم
عفتيني ييمه
بعد ياعين يحلى ابعينهه النوم
عفتيني ييمه
موجوعه _ موجوعه
عفتيني ييمه


بقلم #مريم_الصدر
لا أجيز حذف الاسم 🚫 من القصيدة العمل مهداة إلى آل محمد ص

🌴تجمّع الزهراء ع العاشورائي🌴

21 November 2025 23:40

#قصيده ثكيلة ( الممتحنة )

سلام الله على الزهرة الزجية
سلام الله على الدرة النقية

بعدها يم ولدها الي بعمرها
مظلومة مشت مخفي كبرها
اليشتاكلها بس يشتم عطرها
سلام الله عليها بكل مسية

سلام الله على الراحت شهيدة
أبليل أندفنت وضلت وحيدة
سلام الله على الصارت بعيدة
سلام الله على الزهرة الأبية

أنحرمت من ولدها ومن عليها
عالمحسن دمعها وكل بجيها
حمرة عيونها ومتعورة أديها
سلام الله على الحجة القوية

مصيبتها أبد ماكو مثلها
الزهرة تعذبت هية وأهلها
ماينعد حزنها وكل عللها
سلام الله المرأة التقية

سلام الله عليها بكل الإعصور
على النزلت بأسمها أية النور
نار مصيبتج بكلوبنا تفور
سلام الله على العصمة الرضية



بقلم #مريم_الصدر
العمل مهداة إلى آل محمد ص لا أجيز حذف الاسم 🚫 من القصيدة

🌴تجمّع الزهراء ع العاشورائي🌴

21 November 2025 23:40

بنت المُرسل   ليش وترحل   بثمنطعشها
سر ظل مُبهم   وبليل اظلم   شالو نعشها
يقبل  يادين  وشرع
ترحل مكسورة ضلع
بثمنطعشها

ــــــــــــــــ

نسأل ليش اتموت الزهره وشنهو الأسباب
ونكشف اوراق اللي انقلبو  من الأصحاب
ناس الگالو يهجر طه أصل الأرهاب
همه البغيابه اعله البضعه ايدفعون الباب

طه ابفگده   خانو عهده   لحامي الحميه
ظهرو  غلهم  والزهره الهم  اول ضحيه
والناتج كسر ابجمع
ترحل مكسورة ضلع
بثمنطعشها

ــــــــــــــــ

حق  ندري الموت اعله ابنادم بمر القيوم
يفنه الكون وُ وجه الخالق  بس هو ايدوم
فاطم ما ماتت نعلنها كتلوها الگوم
شاهد بسمار ومحسنها وضلع المهشوم

اتموت الزهره   ابأقصر فتره  نسأل علاما
صطره اعله الخد  والمتن اسود اوضح علامه
علحايط من تندفع
ترحل مكسورة ضلع
بثمنطعشها

ــــــــــــــــ

يهل التاريخ وكُـتّابه يهل الوجدان
عدنا استفسارات ونطلب الها التبيان
دوست بيت الزهره و حدها ابيا دافع چان
بيش انبرر  قتل المحسن جور  وطغيان

ظالم أمنه   تكشف عنه   ردّت فعاله
عن الجاني   اتگول الثاني   كشف الدلاله
حين اعله الخد تنصفع
ترحل مكسورة ضلع
بثمنطعشها

ــــــــــــــــ

لوما زعلانه اعله الحرگو بالباب النار
ليش التمسوها اتسامحهم وانطوها اعذار
تُدفن سراً ليش اتوصي ابحمّاي الجار
تتشيع نص ليل اتأكِد فعل الاشرار

وسفه البضعه اتموت ودمعه تجري لولِدها
تنظر  زينب  تنعه وتنحب دمعه اعله خدها
تنظر  لـ اُمها  ابياوضع
ترحل مكسورة ضلع
بثمنطعشها

ــــــــــــــــ

ماتت فاطم بفجع حادث واعظم مأساة
أول شيعيه ابحب حيدر تفنيها الذات
فضحت بالبخطبه الفدكيه اهل الغايات
وخلّت راية حيدر تبقه  اعلى الرايات

دمها الطاهر اول ثائر ضد النواصب
صوت اترفعه  أنَّه ودمعه بيهن تحارب
للمذهب صارت  درع
ترحل مكسورة ضلع
بثمنطعشها

ــــــــــــــــ

عن مولاتي اختمها ابياتي ابّيت القصيد
مظلومه  الزهره ومحسنها  اول  شهيد
مولاتي وتعرف شتمنى وگلبي اشيريد
اتسجلني اخويدم للحزو  منه الوريد

رايد حسره وحرگه وجمره للغاضريه
للحرگو خيمتها اعليها  وطلعت سبيه
زينب  مثلچ  تنفجع
ترحل مكسورة ضلع
بثمنطعشها

ــــــــــــــــ

الشاعر سيد علي عبدالزهره الناجي




ليلة ٣ /جمادي الآخره /١٤٤٧
هجري الثلاثاء 25\11 \2025
ليلة استشهاد مولاتي السيده
فاطمة الزهراء عليها السلام
الروايه الثالثه في مسجد
الإمام علي ابن موسى
الرضا عليه السلام حله
محلة جبران
#يا_فاطمة_الزهراء1447

🌴تجمّع الزهراء ع العاشورائي🌴

23 November 2025 21:21

▪️لسان حال سيد الشهداء (عليه السلام) بعد رحيل أمِّهِ الصِّديقة الشهيدة فاطمة (عليها السلام).

حسينٌ قامَ طولَ الليلِ ينعى
ويسكبُ للبتولِ الطهرِ دمْعا

أتمَّتْ عُمْرها وجعاً وقهْرا
وما تمَّتْ بهِ عشراً وتسعا

وراءَ البابِ لاذتْ نَصْبَ عيني
ولكنْ أغلظَ الأرجاسُ دفْعا

ثوى في جنْبِها مسمارُ شرٍّ
تسلَّلَ كاسراً للأمِّ ضِلعا

هوتْ في ضَعْفِها تجري دماها
لِيُسْفعَ وجْهُها بالنَّارِ سفعا

أنامِلُها بدا فيها اسودادٌ
فَقُنفذُ صدَّها بالسوطِ لسْعا

ومحسنهُا على الأعتابِ ملقَىً
قضى عصراً وما وضعتْهُ وضْعا

إلى أنْ أُخْرِجَ المولى عليٌّ
فكانتْ دونَ سيفِ اللهِ دِرعا

رأيتُ النذْلَ عادَ لها بِلُؤمٍ
ووذَّرَ قرطَها في الأرضِ صفْعا

ونادى في الأبالسةِ "اضربوها"
فجرَّعها كؤوسَ الموتِ جَرْعا..

بغمدِ السيفِ جاءَ لها لئيمٌ
فورَّمَ رأسَها والمتْنَ قرْعا...

الشاعر علي عسيلي العاملي

#الليالي_الفاطمية
#اللهم_عجل_لوليك_الفرج

🌴تجمّع الزهراء ع العاشورائي🌴

23 November 2025 21:20

#في_خدمة_الرّواديد
#لحن(رويتِ القلبَ يا أمّي
من الأحزان ما يُدمي)
#اللّيالي_الفاطميّة
#دموع_الدّار💔

دموعُ الدّارِ تُعييني
وبالأنّاتِ تكويني
أيا زهراءُ لو تدري
مصابُ الضِّلعِ يُرديني

ضلعي لضلعِكِ الفِداء
يا أمّاهُ.. يا زهراء

جنينٌ قد قضى عصرا
وعينُ المُصطفى حيرى
أَطفلًا في الحشا تبكي
أمِ الزّهراءَ والسِّترا

ضلعي لِضلعِكِ الفِداء
يا أمّاهُ.. يا زهراء

صلاةُ اللّيلِ تنعاكِ
بآيِ الذِّكرِ تتلوكِ
ألا يا آيةَ الكوثر
لفي الأجفانِ مأواكِ

ضلعي لِضلعِكِ الفِداء
يا أمّاهُ.. يا زهراء

أبو الحسنَينِ قد نادى
ودمعُ القلبِ إذ زادا
أيا جبريلُ قم واْنعَ
ملاكًا للسّما عادا

ضلعي لِضلعِكِ الفِداء
يا أمّاهُ.. يا زهراء

غدوتِ اليومَ نِبراسا
لأهلِ الحقِّ مِتراسا
فواللّٰهِ الّذي أحيا
سَيُفني اللّٰهُ خنّاسا

ضلعي لضلعِكِ الفِداء
يا أمّاهُ.. يا زهراء

زينب الموسوي
#بنت_الزهراء

🌴تجمّع الزهراء ع العاشورائي🌴

23 November 2025 10:41

#شهادة_السيدة_الزهراء ع
#طور_تمنيته_يدوم_الليل
#حالة أمير المؤمنين ع عند دفن السيدة الزهراء ع


جددّتي الحزن بيّه  وبقيت محير بأمري
انا الكرار يا زهره موتِك يلهب بصدري
اروح الوين قوليلي يريته المنحفر قبري
دارك خاليه الليله واحزان العمر تبدي


أرد شلون إلى داري وانت غافيه بتراب
علي حيدر بلا الزهره تدري منكسر منصاب
منهو ايصبر ادليلي من انظر أصد للباب
وشاهد ثوبك المحروق أثر منك بُقى عندي

#طور مختلف

واذا زينب إجت يمّي        عنك تِسأل ابعبره
وأخوها المجتبى وياها     و مدامعهم تهل جمره
شجاوبهم واسكتهم!!       وأنه بروحي الف كسره  
وابو السجاد بيه إحتار    نيابه قبّله بنحره


🖌خادمة أبي الفضل

🌴تجمّع الزهراء ع العاشورائي🌴

23 November 2025 09:36

نعي
السيده زينب ع اتسولف للعباس ع
قصة حادثت الباب



گعد عباس يمي وسولفتله
ويبن والدي المهيوب گتله
امصاب الضلع گبلك حملته
وشفت الطهر دمعتهه سگته
*--------------*-------------*

دنگ ونهضم راعي المحنه
ودمعات الگمر بالخد چونه
اسولفله ويجر عباس ونه
وگالالي الدفعه احچيلي عنه
*----------------*-------------*

گلتله بحالت الزهره وخبرهه
اجه الملعون وبخدهه سطرهه
وبين الباب والحايط عصرهه
والضلوع  من  امي  كسرهه
*--------------*--------------*

صاح الگمر وبصيحه شديده
تمنيت النذل  وكتي  يعيده
والطك  الزچيه  اگطع  أيده
وخل الگوم  يا زينب تفيده
*-----------------*------------*
✍بقلم خادم الزهراء ع
الشاعر رعد الجريخي

🌴تجمّع الزهراء ع العاشورائي🌴

22 November 2025 20:06

قرآن عدكم يختلف حاجوني؟
يادين هذا إيگلگم اتاذوني؟
قران عدنا من السمه       وصه بنزوله بفاطمه
حاجوني
==========
أسأل الجاب الحطب متعني للباب
رايده يردلي جوابه واسمع اجواب
حرك بابي نازل بيا نص بالكتاب؟
وصه بيه الله تره لا مو بالاصحاب

يادين هذا ويانبي اتبعونه
الله وصه ابابي لتحركونه
رب السماء ايكلمه.     وصه بنزوله بفاطمه
حاجوني
=========
واضح النص الصريح وهذا نصه
وبذوي القربه نزل بالعتره وصه
الف ياحيف وأسف بالروح غصه
الوادم ويانه تدور اقل فرصه

برهان عن هذا الحقد برهاني
نيشان والسطره تظل نيشاني
القرآن هذا بمُحكمه      وصه بنزوله بفاطمه
حاجوني
=========
جان يستأذن محمد من يجيني
ويطلب اذني فاطمه هل تأذنيني
تالي شيطان العصر يذبح جنيني
كسر ظلعي بهجمته وصوبلي عيني

(وإن) گلي فاطمه وحانت منيتي
واني للباري العلي ارفع قضيتي
هو قاضي المحكمه     وصه بنزوله بفاطمه
حاجوني
=========
بابي املاك السمه توكف تقَبله
وجان بابي للخلگ تدرونه قِبله
يرضه ربي لكل شخص اني اقبله
يالحركت الباب كلي الله شتكله

اجهنم إترحب تره بيكم جماعه
يابضاعه وبئساً لهاي البضاعه
يالسطرت العالمه.     وصه بنزوله بفاطمه
حاجوني
==========
بيا ذنب محسن وكع فوك الوطيه
والبراءه انذبحت بهاي الرزيه
طفل مال أحضان مومالت منيه
تدري جان بوالده تلزمه الوصيه

لويسل سيفه علي يگطع وريدك
كلي ها يالناصبي شنهو اليفيدك
اوصيه حيدر تلزمه    وصه بنزوله بفاطمه
حاجوني
=========
ثاري مايبرد ابد لا مايِعَدّي
وتنمسح باجر دموعي الفوك خدي
يالثارات الظلع من صوته يبدي
انتظر يظهر يجي اوليدي المهدي

يظهر وثار الظلع ابني يجيبه
ويصلب الطاغي وانا اسمع نحيبه
ابني من ايكلمه.     وصه بنزوله بفاطمه
حاجوني
==========
الشاعر علي النائلي

🌴تجمّع الزهراء ع العاشورائي🌴

22 November 2025 17:17

يا أبا الفضل المدد مولاي ..

🌴تجمّع الزهراء ع العاشورائي🌴

22 November 2025 17:01

اكتبلي بدموعك عـهد يمه ياحسين
ماتنسه زينب للـ الابد يمه ياحسين
———————
ودعتك الله وانتهت رحلة حياتـــــي
عينك عله زينب دوه بساعة مماتـــي
السجاده ضمها وسبحتي وتربة صلاتي
وكبال اختك لاتشم ريحة عباتــــــــي

بفراكي صيرلها ســند يمه ياحسين
ماتنسه زينب للـ الابد يمه ياحسين
———————
لمن تحن لشـــــوفتي سهل امرهـــا
لكبري اخذها ولو مشت امسح اثرها
كدامها قـــــنفذ تــره عيوني سطرها
زيــنب تحــس بدفنتي دفنت عـمرها

روح ويفاركها الجسـد يمه ياحسين
ماتنسه زينب للـ الابد يمه ياحسين
———————
دارتني من يوم الكسر لهاي المــسيه
وكالتلي بصــواب الضلع سوده عـليه
صبر گلبها لو متــت هذي وصيه
والشافت امها امغربه تشوف المنيــه

والبنت مو مثل الولد يمه ياحسين
ماتنسه زينب للـ الابد يمه ياحسين
———————-
واسيها يمه ابداعتي لتضل حزينــــه
زينب حنينه والهجر موت الحنينــه
باجر اجيها لكربلـــــــه من المدينه
لمن يطيح اعله النهر حامي الضعينه

والراس مصيوب بعمد يمه ياحسين
ماتنـسه زينب للـ الابد يمه ياحسين

———————
قلل طلــعتــك لو رحت يَمها اريــدك
وامسح عله راس الأخت يوليدي بيدك
من الـــدمع يبـني ردت ابيات ازيــدك
أختك تشوف بكربله كطعـــة وريـــدك

تشوف الجروح بلا عدد يمه ياحسين
ماتنســـه زينب للـ الابد يمه ياحسين
———————
من تركض تطب حجرتي خفف الـــمها
باجر يركضها الــوكت بحركة خيمهـــا
لايمها ابوك المرتضى ولا انته يمـــــها
واللي شتمني شـافته تشوفه شتمـــها

هذا الحقد من أب وجَد يمه ياحسين
ماتنســـه زينب للـ الابد يمه ياحسين
———————
سيد معتز سلام الحسيني

🌴تجمّع الزهراء ع العاشورائي🌴

22 November 2025 17:00

راجع _ تتوجه اعله الحيطان
راجع _ جنازه وعوزك دفان
راجع _ ملثم حزنك بالشيب
//////////////////////////
اهواي تتلفت اشوفك ..... تعبن اعيونك
تفكر بولدك اعرفك ..... من يلاكونك
وانته ابو الايتام حيدر ..... مو يسمونك
كبال عينك صار بيتك ..... وانخطف لونك

دافن _ وتابوتك فارغ جاي
دافن _ بعيونك حجي اهواي
دافن _ جرحك مااظنه يطيب
//////////////////////////
مصيبتك كلش ثكيله ..... والله مالومك
دمعك الباجي عليهه ..... مبلل اهدومك
حيدر افراك الزجيه ..... غير ارسومك
ياكمر ظليت وحدك ..... غابن انجومك

حيدر _ فراكك بااول ساعات
حيدر _ وجدمك شابع عثرات
حيدر _ وسفه العاشرته يغيب
//////////////////////////
هاي اول مره تنحب ..... مرتبك وضعك
هواي تتلمس اشوفك ..... حيدر بظلعك
شبيهن اظلوع الزجيه..... وما نشف دمعك
عالي ونك وانته تحسب..... محد يسمعك

تكلي _ شحجيلك ياسلمان
تكلي _ مشينه لبيت الاحزان
تكلي _ وغير ادموعك لتجيب
//////////////////////////
غسلت روحك بديتك ..... همك شكبره
تراب ذبيت اعله راسك..... ماتت الزهره
روح طب اشتم عطرهه..... تارس الحجره
صعبه من تحجي ويه واحد..... نايم بكبره

غربه _ بعيونك حلمك مات
غربه _ وكل جيرانك شمات
غربه _ طكات الدنيه تصيب
//////////////////////////
ادري اليفارك خليله ..... ينهدم حيله
قالع البيبان صعبه ..... انه اتجيله
بذكرياته يبقه يفتر ..... من يجي ليله
الرحمة الله الراح منك..... الفاتحه اهديله

صبرك _ يالدافن ام حسين
صبرك _ بجيك يعميلك عين
صبرك _ الذكره تعذبك تعذيب
//////////////////////////
خايف اعليك اعله ساعه ..... رويحتك تطلع
زينب اتانيتك تدري ..... ياعلي ارجع
اليوم حزن الدنيه كلهه ..... ابابك اتربع
كسرتك فرحت شماته ..... وفرحو اتوقع

حكك _ راجع حيلك متعوب
حكك _ بنص دلاالك مصيوب
حكك _ ظنونك بالفرحه تخيب
//////////////////////////
تمت ____ علاء الزيدي

🌴تجمّع الزهراء ع العاشورائي🌴

22 November 2025 16:52

#قصيدة_للزهراء_جديدة

#المستهل 👇🏻👇🏻👇🏻

اليله شيعو الزاچيه ام الحسن
نلطم اعله الراس ونصيح اونون

•───✧◐◐✧───•

غورب المغرب واجينه للنجف
بعالي صوت نصيح كلحنه بلهف
جينه متعنين كاتلنه الـشغـف
نجدد امصاب الزچيه بالحزن

•───✧◐◐✧───•

اشلون مانحظر نشيع فاطمــه
الشيعه اجت هاليوم تهتف لاطمه
بهالمصاب اظلمت اركان السمه
دموعنه لمصابها عالخد جرن

•───✧◐◐✧───•

كَسر ضلع ام الحسن بينه جرح
على مصاب المحسن المدمع سفح
بعده ماكمل شهوره وانــذبح
اليوم كل الشيعه يبجون بشجن

•───✧◐◐✧───•

نواسي حيدر هالمسيه بالدمع
نشيع الزهراء بدموع وشمع
نصيح واويلاه ياكسر الضلع
يعينك الله ياعلي بهاي المحن

•───✧◐◐✧───•

ابد ماننسه مصاب الطاهره
الله يلعن هالعصابه الكافره
هجمو اعله الزهره يدروها مره
غيرو باافكارهم حتى السنن

•───✧◐◐✧───•

#2023
المستهل لوالدتي ام تحسين الله يرحمها والقصيدة بقلم المله والشاعره ام علي الأماره

غير مبري الذمه اليحذف اسم الشاعره وينسب الكلام له

اهدي ثواب القصيده الى روح مولاتي فاطمة وروح والدي ووالدتي الله يرحمهم

🌴تجمّع الزهراء ع العاشورائي🌴

22 November 2025 16:52

قصيده الى مولاتي الزهراء ((ع ))



نعازي ام عون - ونشيع المظلومه
عراضه تريدها لمها المهضومه


نعازي ام الحزن وامهه نشيعهه
اليله ام الحسن نبجي ونودعهه
نشد احزامنه وزينب  نساعدهه
عليهه النوح  تستاهل المهيوبه


عليهه اليوم بيرغ  لازم انشيله
الزهره امعدله ومابيهه  كل ميله
على الزهره الزجيه المدمع انسيله
نواسي بت علي وحيدر الجيدومه


نعش ام الحسن على المتن شيلنه
الطمن والضلع  هليوم  اذكرنه
وبيرغ للحزن  للزهره  شيلنه
الزجيه غربت  للكبر  مالومه


وياهه تكابلن وام  عون  عيننهه
والزهره الزجيه براضه  شيلنهه
معيوب الصدر  خافن  تلجمنهه
ماكعدت الزهره وطالت  النومه


خل ننصب عزه وزينب  نواسيهه
على امهه الحملت كل حيل مابيهه
شيليه  النعش  والونه  عليهه
احا من ضبتك يالباب ميشومه



تدمع عينهه  وتصيح  يا يمه
دارج بالكدر حزنانه ومضلمه
امصابج علينه  يمه  شعضمه
زينب يالزجيه اليوم مهضومه


*لخادمة الحسين( ع ) العلويه ام اياد لا يجوز حذف الاسم*

🌴تجمّع الزهراء ع العاشورائي🌴

22 November 2025 16:51

كأني بالامير (عليه السلام) يخاطب مولاتنا الزهراء (عليها السلام) التي كانت تنزع سهام بدنه الشريف بعد كل حرب:

نازِعَةَ السِّهامِ مِنْ أضلُعي
قلبي جريحٌ آهِ ظَلِّي معي
ذي حرْبُ الأسى...يا خيرَ النِّسا

١/شِقْشقَةٌ قدْ هدَرَتْ
أمْ نَفْثَةٌ قدْ صدَرَتْ
شكْوايَ فيها انهمرتْ
كتبتُها فوقَ التُّرابْ

أوَّلُها "أمَّا قَبِلْ"
أرديتُ عُبَّادَ العجِلْ
بالموتِ عَزْمي متَّصِلْ
سقيتُهمْ مُرَّ العذابْ

واليومَ "أمَّا بعدُ" يا زهْرتي
فإنَّني هُزِمْتُ مِنْ دمْعتي
دمعٌ كمْ قسى...يا خيْرَ النِّسا

٢/"بدرٌ" حكتْ عنْ صوْلتي
طويْتُها بِقبْضَتي
قدْ أذهَلَتْها ضَرْبتي
"بِشَيْبةٍ" بَعْدَ "الوَليدْ"

سُرعانَ ما الدَّهرُ سرى
دَفْنتُ "بدْري" في الثَّرى
مُجَرَّحاً مُكَسَّرا
فبعدَكِ الليلُ شديدْ

دقائقي مُظْلِمةٌ ظالِمهْ
فأنتِ شمسُ القلبِ يا فاطمهْ
صبحي كالمسا...يا خيرَ النِّسا

٣/في "أُحُدٍ" صوتُ العَلِيْ
رجَّ السَّما إذْ يعتلِي
أنْ "لا فتى إلاَّ عليْ"
حاميتُ عنْ طٰهَ النذيرْ

يا عجَباً في وحْدَتِي !
أمسيتُ يا واحِدَتي
سيفي يُحاكي يَمْنتي
يسألُ عنْ ضلعٍ كسيرْ

"لا سيفَ إلاَّ" كانَ صوتُ الملا
"لا صبْرَ إلاَّ" هكذا اسْتُبْدِلا
ما فعلي ؟ عسى...يا خيرَ النِّسا

٤/في "خندقٍ" سيفي ارتقى
"عَمْراً" غداةَ المُلْتَقى
فيهِ حفَرتُ الخندَقا
بالبِشْرُ عدتُ للرَّسولْ

واليومَ ما أحْكي تُرى
لِلْمُصطفى خيرِ الورى
يراكِ خدَّا أحمرا
يا فاطمٌ ماذا أقولْ ؟!

أجيبُهُ قدْ ضربوا السَّيِّدهْ
طاغُوتُهمْ مدَّ عليها يدَهْ
كُفْراً رُئِّسا ... يا خيرَ النِّسا

٥/أمِّي دعتني حيْدَرَهْ
ذُخراً لبابِ "خيْبَرَهْ"
قد كانَ بابَ مقْبَرَهْ
دحَوْتُهُ بإِصْبِيَعْنْ

يا كيفَ ذا بابِي اسْتَعَرْ !
ونحْوِيَ الفرَّارُ كَرْ
ورُحْتُ بالحبلِ أُجَرْ
أمامَ مرأى الحَسَنينْ

عذراً فإذْ نَهَضتِ كيْ أَرْجَعَا
ضُرِبْتِ ضَرْباً بالعصا مُوجِعا
قلْبي ما نَسَى...يا خيْرَ النِّسا

٦/"ستٌّ وعشرونَ" بها*
كنتُ فتى ضِرابِها
سيفاً على رقابِها
شيَّدتُ للدينِ القبابْ

أوّاهُ منْ غدرِ الدُّنى
لا تسأليني مَنْ أنا
ظهرِي من الرُزءِ انحنى
والرأسُ يا زهراءُ شابْ

تابوتُكِ الثقيلُ قدْ قالَ لي :
أيا عليُّ أنتَ حقَّاً عليْ ؟!
ظَهْري قُوِّسا...يا خيْرَ النِّسا

*عدد الغزوات التي شارك في الأمير (ع) مع النبي.

٧/إرتحتِ يا عِطْرَ الجِنَنْ
ونمتِ في أَمْنِ الكفَنْ
لكنْ غداً يأتي الزَّمنْ
ونلتقي يومَ الطفوفْ

إذا أبو الفضلِ هوى
تدعو أراضي نينوى :
قوموا فقدْ طاحَ اللوا
عباسُ منْ دونِ كفوفْ

يا فاطمٌ فلتقصدي زينبا
قولي لها تهيَّأي للسِّبا
كربٌ أُسِّسا...يا خيرَ النِّسا

٨/منْ بعدها نمضي إلى
جسمٍ عفيرٍ في الفلا
وفوقَهُ شمرٌ علا
في همِّهِ رأسُ الحسينْ

يا ليتنا نمنَعُهُ
فإنَّهُ يقطَعُهُ
وفي القنا يرفعُهُ
ثأراً لبدرٍ وحنينْ

منْ بعدِها عظامُهُ تُطْحَنُ
لكنَّهُ لطفلهِ يحضُنُ
بالعطفِ اكتسى... يا خيرَ النِّسا

تمت بعناية الحجة عجل الله تعالى فرجه
الشاعر علي عسيلي العاملي

#الليالي_الفاطمية
#اللهم_عجل_لوليك_الفرج

🌴تجمّع الزهراء ع العاشورائي🌴

22 November 2025 03:52

▪️قصيدة فاطمية

يا رزءَ يوْمِ الدَّارِ حُزنُكَ واجبٌ
ما كانَ في أرْواحنا استحْبابا

قُربى رسُولِ الله بعْدَ رحيلهِ
نزعوا عليها للذُّحولِ قِرابا

ماذا على من زارَ تُربةَ فاطمٍ؟
أنْ لا يزورَ مدى الزمانِ تُراباَ

ويظلَّ يبكي عندَها متفجعاً
ما لاحَ عُرجُونُ الشهورِ وغَابا

قُتِلتْ فعُفِّيَ قبرُها ممَّا رأتْ
بعدَ النبيِّ مصائباً وعذابا

لا تَسْألِ المسْمارَ عن أحْوالِها
كلاّ ولا تَسَلَنَّ عنها البابا

ودعِ العتابَ فَما عَهِدْتُكَ غانماً
مهما أطلتَ مَعَ الجِدارِ عتابا

لكنْ سَلِ السِّقْطَ الشهيدَ فعندَه
(عِلْمُ المُصابِ) دِرايةً ، وكتَابا

هلْ فاطمٌ،والبابُ مُسْتعرٌ لظىً
مسّتْ لَهيبَ النَّارِ؟سلْهُ جَوابا..

أَبِوجْهها أم باليدينِ اسْتقبلتْ
وجهَ الثرى؟ أم لاقَتِ الأحطابا؟

أوهلْ رأَى الطّاغوتُ نزْفَ دمائِها؟!
سالتْ لتَرفَعَها السماءُ خِضَابا

ما حالُ صنديدِ الملاحمِ كلَّما
بالبَابِ مرَّ يُعاينُ الأعْتابا؟

عجباً مصابُكِ يا بتولَةُ لمْ يزلْ
ويظلُّ حتّى الإنقضاءِ عُجابا

#اللهم_عجل_لوليك_الفرج
الشاعر علي عسيلي العاملي

🌴تجمّع الزهراء ع العاشورائي🌴

21 November 2025 23:40

#قصيده فزاعية ( ملائكة السماء )

الزهرة علكو بيرغ _ عليها

ملائكة السما _ عازو واليها

ملائكة السما كلهم يونون
بت طه النبي اعليها يكولون
انظلمت فاطمة بت النبي شلون
مظلومة _ ماتت يالزهرة

انهد حيلة علي من شيعاها
وزينب تلطم وتبجي وراها
هاي ام الحسن يكتل جفاها
فركاها _ ايهد الحيل

رحل محسن اخوهم مات مظلوم
مفجوع الحسن وحسين مهضوم
بفراك الحنينة اتزيد الهموم
رديلة _ حسينج يبجي

ماتت فاطمة مظلومة ياناس
كون بيومها حاظر العباس
يجرد صارمة ويفزع الفراس
وهذا انة _ يكل للظالم

صعبة عالولي فراك الزجية
وهيه زهرتة من الله هدية
خلاهه النبي عنده وصية
اتخليها - الزهرة بعينك

بقلم #مريم_الصدر
لا أجيز حذف الاسم 🚫 من القصيدة العمل مهداة إلى آل محمد ص

🌴تجمّع الزهراء ع العاشورائي🌴

21 November 2025 23:40

✍️هوسه جنوبيه للزهراء عليها السلام من ديوان زينب والطفوف 👈 الجزء العاشر ✍️



شلون الطاهره ام حسين نص الليل دفنوها
لا تشييع لا هوسات شلون الزهره شالوها

باعلام وبيار غ سود لام حسين شيعوها

خلنه نشيع ام حسين هوسه وضغبره يا شيعه سووها

لام حسين..... خل نوكف عراضات

نشيل اعلام سوده نشيل رايات

وين اليوم وين الفاطميات

الطمن حيل هايل زينبيات

خنسوي اللطم يا زات يازات

هاي الزاجي تسوى الهوسات

خل نلطم لطم نطبر الهامات

شال  بليل يا نعش النجيبات

ونعش ام الحسن شو سكته من فات

ممنونه اهوس للشريفات

(لام حسين نهوس بيه//اليوم انشيل البيرغ)


(شالوها//بسكوت الزهره)


تمت✍️ الشاعره والمله ام حسين العامري

من ديوان زينب والطفوف الجزء العاشر

غير مبري الذمه من يحذف اويغير اويتلاعب بالكلمات اويحذف اسم الشاعره وينسب الكلام له

🌴تجمّع الزهراء ع العاشورائي🌴

21 November 2025 23:40

يالحنينه الله يرضه لو رضيتي انتي عليه
يالحنينه لاتحرميني خدمتــــــــــج يالزجيه
يالحنينه يالحنينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
انتي باب الله الجبــــير انتي الوجاهه
باجر آدم فاطمـــــــــــــه بيج ايتباهه
انتي من ولدج أيمــــــــه الله اجتباهه
انتي عطر الجنه كشختهه وضـواهه
يالحنينه أنخى ربي ابمجلسج هاي المسيه
يالحنينه لاتحرميني خدمتـــــــــج يالزجيه
يالحنينه يالحنينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
انتي نعمه وعالخلـق كلش عظـــيمه
حتى ذكرج رحمـه عالوادم نســـيمه
انتي تسبيحة عشك وانتي الرحـــيمه
انتي جفج لليطلبونــــــــــج كـــريمه
يالحنينه تبجي عيني وبالدمع صارت جريه
يالحنينه لاتحرميني خدمتــــــــــــــج يالزجيه
يالحنينه يالحنينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
انتي ناموس العرش والله وحـــــجابه
انتي منج فاطمه نســـــــــــل النجابه
انتي دعواتج حنينــــــــــه ومسـتجابه
انتي التوفقينه باليمنـــــــــــــــه كتابه
يالحنينه كون اتوفـــق اخدمج كل عزيه
يالحنينه لاتحرميني خدمتــــــج يالزجيه
يالحنينه يالحنينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
انتي خيمــــه اعله اليحـــــبونج جبيره
انتي بس اليعرفــــج عنـــــــده بصيره
انتي رادج خالقــــج فاطــــــــــم أميره
وعلى مود الفقره نمتي اعله الحصيره
يالحنينه ادعي يالزهره ورفعت اجفوف أديه
يالحنينه لاتحرميني خدمتــــــــــــج يالزجيه
يالحنينه يالحنينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
انتي كلج عاطفــــــــــه وكلج محنه
اشعر احسينتج امن ادخلـــــهه جنه
كَلبي أيس بس خدمتـج بيهه ضــنه
يلهج ونبضاته تنعــــه وعالـــي ونه
يالحنينه امحبتج بالدم يمولاتـــي سريه
يالحنينه لاتحرميني خدمتـــــج يالزجيه
يالحنينه يالحنينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ماتضيعين التعب حاشى ومحــــاله
وماتردين الطلب منـــــج ســـــؤاله
واليناديج بدمــــــع صوته تعـــــاله
آنه رايدن يم حســـــن منج كفــــاله
يالحنينه تحت ظلج ابقـــــــى منا للمنيه
يالحنينه لاتحرميني خدمتــــــج يالزجيه
يالحنينه يالحنينه
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الشاعر ابو علي الركابي




ليلة ٣ /جمادي الآخره /١٤٤٧
هجري الثلاثاء 25\11 \2025
ليلة استشهاد مولاتي السيده
فاطمة الزهراء عليها السلام
الروايه الثالثه
#يا_فاطمة_الزهراء1447