7993
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
(( أنا عالباب )) للسيده ام البنين ع
………………………………………………………………
انا عالباب يزينب •• انا عالباب
ام الاطياب اجيتج •• ام الاطياب
ابـ ياحُسين ودخلت الها وناحت
زينب و يا ابو فاضل صاحت
…………………………………………………………
ابد ما معقوله انت زينب ولا هذا وجهج
رسومج ومتغيره كلش هاي ابد لا ما تشبهج
ريتني اجنازه اصبحت هاي المسيه
ولا اصد هالشـوفه لبنيت الزجيه
ميته اضنج وي ضحايه الغاضريه
متنج ايميل اشوفه •• متنج ايميل
جدمج اثكيل يزينب ••جدمج اثكيل
لعيني اثار ابعباتج لاحت
زينب ويا ابو فاصل صاحت
……………………………………………………………
محدبه جنه اهلال ظهرج بيدج اصفاحج لزمتي
بيج كل الحيل رحتي و هسه تتوجين اجيتي
شنو هذا الداير ابيدج انظره
ظنه واصل للعظم ومسوي حفره
يمه جا ليش العبايه اهواي حمره
حيل ماذيج سفركم •• حيل ماذيج
بيه مو بيج يريته •• بيه لا بيج
فدوه روحي الدمع عينج راحت
زينب و يا ابو فاضل صـاحت
……………………………………………………………
جاوبته ابصوت يبجي و الكلام اتخنگه عبره
يمه جندوب واعدد والمصايب عشره عشره
يمه هم يخطر ابالج اركض آني
وسوطهم هم يركض وما تيهاني
يمه مامش ابنج ومحد حماني
حافر الخيل ذبحني •• حافر الخيل
بتنه بالليل بلا سِد •• بتنه بالليل
ضعنه لمن راية ابنج طاحت
زينب ويا ابو فاضل صاحت
……………………………………………………………
يمه من التل عذابي من شفت شمر اعالصدره
امن الكفه وموش اعله وجهه ظل يحز يايمه نحره
وحدي لا انت ولا امي الزجيه
نار فوگ اخيولهم غارت عليه
حيره اطفي اذيالي لو اشكف بديه
والرمل حار ييمه •• والرمل حار
بالجدم نار احسه •• بالجدم نار
يمه الاف الخيمنه اجتاحت
زينب ويا ابو فاصل صاحت
……………………………………………………………
يمه عن عباس انشدج خاف ما راضين عنّه
ابغيض اروحن للشريعه عالكبر واتبره منه
لا ييمه ومثل حيدر صار زوده
والخدر اصبح علگ شده بزنوده
باع روحه ومن اجل يوصلي جوده
مثله ما صار كفيلي ••مثله ما صار
عينه تندار لخيته •• عينه تندار
انكسر من صابوا جربته وساحت
زينب و يا ابو فاضل صـاحت
……………………………………………………………
يمه و مضعتلي وحده ليش متسلم عليه
بيه شوگ بكبر حزني اشبگ واشتم رقيه
بجت زينب والفواطم ساعدنها
يمه ماتت بالغرب مجروحه اذنها
مو مگابر بالخرابه اصبح دفنها
صاحت اشلون ورانه •• صاحت شلون
عني تمشون يهلنه •• عني تمشون
يمه من ضرب السياط ارتاحت
زينب و يا ابو فاضل صاحت
……………………………………………………………
✍️ ( سيد خضر الزاملي )
ابيات نعي لمولاتي وسيدتي ام البنين ع
تظل لام البنين ادموعنه اسيل
ونحس وياهه عدنه اهواي تقصير
الحاجه الماتصير وتصعب امرار
بس نذكر حسين اگباله اصير
وذا الزهره ضلعهه صابه بسمار
بضلع ام البين اشكد بسماير
شافت ويل من إفراگ الضعون
وكل يوم اليمرهه تنوح وتحير
تدير الوجه ساعه وتبچي ساعات
وجهه لكربله كل مغرب أدير
تگله افراگ وجهك يبني چتال
لون ترهم وراهه اضعونك نسير
ونمشي لكربله وياكم اهناك
ونخلي الخيل فوگ اصدرونه تغير
وكبل كسرت اضلوعك يبني حسين
تكسر اضلوعي كون الخيل تكسير
واذا يجبر كسرهه الودام وطاب
عسن لا طاب كسرى ولاله تجبير
ومثل ما حالك تغير بالخيول
عسن حالي ييمه يصيبه تغير
الچ يام البنين الدمع ياريت
عيوني وكون أزور الگبر ياريت
الدنيا وي الزمان عليج ياريت
وصبح گبرچ مثل گبر الزجيه
الشاعر احسان الحميداوي
لطميه مربعه ثكيله لسيدة أم البنين عليها السلام وهي تنتظر عوده ضعن الحسين علية سلام الى دار الوحي والامامه
===================
مايعودون لجفوني مايعودون
ضلت اعيوني با اثرهم مايعودون
مرمر كليبي الهجر الياوكت ابقه انتضر
مايعودون لجفوني مايعودون
===
ضلت على الباب تنعى وتنتظر ويلادهه
هاي باب الله الجبيره وما فشل كصادهه
ضحت اربع ولد عدهه وماترد محتاجهه
دوم بسم حسين تكرم لو كصد يم بابهه
تكرم بحب الحسين
وللحسين تضحي عين
خابت اتكول الضنون
مايعودون لجفوني مايعودون
===
خلصت بلهم تنادي ولازمه الباب وتون
اتكول سفرتهم بعيده الكربلاء شد الضعن
كلبي ماهود انينه ولا عليهم ولحضه استجن
دوم اناجي الباري الهم مهجتي وروحي كضن
متانيه على الباب ابقى متانيه
الياوكت روحي بحزنها معانيه
من الهحر ماضلي لون
مايعودون لجفوني مايعودون
===
اليل لو جلجل عليه بس اسولف حسرتي
ضلت بروحي صورهم سلوتي من دنيتي
كربت ليه المنيه وبس اسولف دمعتي
ردت تالي ايام عمري بيكم تم سلوتي
خلصت أيام عمري وما اجيتو
خلصت ماكلتو امنه ولا حجيتو
اعليكم تهل العيون
مايعودون لجفوني مايعودون
===
صحت يا عباس يبني بعازتك يمته ترد
ريتني بكربلاء يمكم كلبي مابي علبعد
من طلعتو من المدينه مردت اكليلي مرد
كمت يوميه اروحن للبيقع واستعد
كمت انوني بونتي
بيش اهون غربتي
ينشد كليبي المنون
مايعودون لجفوني مايعودون
===
الولد للعازه يمه وللكبر هوه الضخر
واني ماخليت ونسه ولا ضخر تالي العمر
كمت اسوالف وي روحي اشكثر راح ابقه انتظر
عيوني راحت من جفاهم والصبر مر الصبر
من تغيب الشمس تبدي البليه
اهيم وهاجت اجروحي عليه
اعليكم انشد بلضعون
مايعودون لجفوني مايعودون
===
تمت بحمد الله تعالى بقلمي شاعرة وخادمة اهل البيت عليهم السلام ملة زينب الطويرجاوي ١٢ ١٢ ٢٤ ٠ ٢
قصيدة لأم البنين ع {حشمت ام البنين}
بالعباس ...حشمت ام البنين
صاحت يمه جيب اوياك الحسين
❥❥❥❥ـــــــــــــ❁❁ـــــــــــــ❥❥❥
بالعباس حشمت ام المحنه
صاحت جيب ابو اسكينه اريدنه
قبل لا اموت اريد الليله اشمنه
الليله رايدتكم تهمل العين
❥❥❥❥ـــــــــــــ❁❁ـــــــــــــ❥❥❥
اريدنكم تجوني لا تعوفوني
لصوب المكبره يمه تزتوني
من الشوگ تهمل من دمه اعيوني
عذبني بجفاكم يمه الونين
❥❥❥❥ـــــــــــــ❁❁ـــــــــــــ❥❥❥
عذبني بجفاكم وني يحبابي
عيني امناطره هالليله لبابي
اريد اجفوفكم اتهيل بترابي
حشمتك تجي يبني يالحنين
❥❥❥❥ـــــــــــــ❁❁ـــــــــــــ❥❥❥
حشمتك تجي وتجيب ابو اليمه
لا تعتذر مني ادخيل يايمه
مابيه بعد واتحمل الهظمه
تعبتني وحگك يبني السنين
❥❥❥❥ـــــــــــــ❁❁ـــــــــــــ❥❥❥
تعبتني السنين وليلي مرضني
وجفاكم يبو النوماس شيبني
ليلي وي هجركم يمه تعبني
وخذت حيلي مصيبة ذبح الحسين
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
سلطانة المواقف
#الشاعر_الميرزا_محمد_الساعدي
لسان حال ام البنين سلام الله عليها (وزن الفايزي)
مابعد يلتم الشمل وتعود الايام
حسين للكوفه رحل بظعون الارحام
لاساعة يرتاح الگلب لاعين إلي اتنام
★★★★★★
چويات علچويه الوكت چملي الجروح
من بعد ولدي الاربعه. ظليت للنوح
من حسين للكوفه استعد بالعايله يروح
بالدار چا شلي بعد چا شلي بالروح
بالدار كاتلني الحزن ظليت بالدار
اخبار مامنهم بعد واتنطر اخبار
البيت وحشه من اطب بس غربه وآلام
★★★★★★
وياهم امشي بالظعن امشي تمنيت
ماشالني بدربي الجدم لاچلمة الريت
عافيتي راحت من مشوا بالدار ظليت
ميردهم أحبابي الوكت ياسلوة البيت
النار تطفه بياصبر متحَيِّرَه الراي
وعرفت غدار الوكت ماينصف وياي
افراگهم مثل الحرب يطحن بالعظام
★★★★★★
گربت منيتي من مشوا عني بعيدين
ولدي فده البيت النبي ولخدمة الدين
خوفي على نور النظر خوفي على حسين
ابن الزچيه الطاهره وياقرة العين
وصيت عبد الله وبعد جعفر وعثمان
يطيحون گدامه فده ساعة الميدان
وي حسين گلتلهم وجب تبنون الإسلام
★★★★★★
وصيت ولدي من مشوا وصيت عباس
لحسين أريدنك درع كون اول الناس
ماريد زينب تنهظم حد گطع الأنفاس
يم الزجيه انا ردت كون ارفع الراس
گدام ابواليمه درع صيروا يطيبين
شنجازي من المرتضى وام حسن وحسين
تحمون ظعنه من النهب تحمون الخيام
★★★★★★
ياخوفي شاغلني الدرب چن درب الاخطار
حسين خوفي ينغدر بسيوف الاشرار
بالحسن غدروا من گبل وبعلي الكرار
علحسين يندار الجمع كل خوفي يندار
ولاتنسبي ام الخدر وتضيع العيال
لاچمني گلبي من السفر متكدره البال
ويطيح علخد الدمع چن طيحت اسهام
الشاعر حسن لعيبي الحريشاوي
هيبة العباس بالطف هيبه
الخوش زلمه ام البنين اتجيبه
**
وصته ام عباس بالطف وصته
موش ماي جنود يترس جربته
حيهم العباس صاح اعله اخوته
وكلهم ايركضون اجو يم خيمته
يله كلهم للحرب وربعتنه خل نطب
امنه رضعتنه الوفه والطيبه
الخوش زلمه ام البنين اتجيبه
*
هجمو امن اربع جهات اعليها
وماتت اتشوف الزلم رجليها
ابو فاضل كام هوس بيها
وصاح اله امن الوجود امحيها
عالنهر هجمو سوه وضاع عالجيش الهوه
ذوله معروفين وكت النيبه
الخوش زلمه ام البنين اتجيبه
****
هجمو وكاع الحرب حركوها
والجفافي اعله الضهر شدوها
الخيل تشرد للنجف خلوها
وكربله انجوم الضهر راووها
يا علي اشلون اربعه هجموا عله المشرعه
الجيش فر وخربطو ترتيبه
الخوش زلمه ام البنين اتجيبه
**
والنعم عز الله منهم والنعم
والزلم لو هيج لو ماكو زلم
حاصروها والعزم شال العزم
وكلهم العباس لازم ننتقم
اليوم يوم المرجله امنين تشرد كربله
فرحه عدنه وهيه عدها امصيبه
الخوش زلمه ام البنين اتجيبه
**
اتوكلو وسيوفهم تكطر دمه
وضل عجاج الخيل يصعد للسمه
كلبو الدنيه ولد حامي الحمه
وينه وينه اليوم طب للموزمه
جابو الروس واجو وبالمخيم هوسو
وابو فاضل جيش تارس جيبه
الخوش زلمه ام البنين تجيبه
****
ذوله اقوه اكلوبهم من الحديد
يا رعيد وجان عباس الرعيد
عالكنايص بس ابو فاضل يصيد
الزلم طفها واخذ من عدها اليريد
نزل هوه وخوته وبيده تخفك رايته
حلفو بزينب وذيج الشيبه
الخوش زلمه ام البنين تجيبه
***
تمت
تحسين الخفاجي
▪️نشر جديد
لمولاتنا أم البنين عليها السلام
١/كُلُّ آنٍ "نُدْبَةٌ" فيها بُكاءْ
كلُّ حُلْمٍ "فَرَجٌ" فيهِ لقاءْ
عنْ بنيها حدَّثتْكمْ كربلاءْ
فاسألوا يثرِبَ عنْ أمِّ البنينْ !
٢/لمْ تزَلْ تنْحَبُ مِنْ دارٍ لِدارْ
مِلْؤُها الأشْواقُ يَكْويها انتظارْ
كُلَّما تَنْظُرُ باباً وجِدارْ
تذْكُرُ الزَّهْرا وإسْقاطَ الجنينْ..
٣/ندْبُها : أينَ الشموسُ الساطعهْ ؟
نوحُها : أيْنَ البدورُ الطالعهْ ؟
ليْتَها تنظرُ طَفَّ الفاجِعهْ
فيْ عُطَاشٍ ذبَحُوهُمْ أجْمَعينْ
٤/عَيْنُها تجري على الأعتابِ عينْ
إذْ بصوتٍ : قُتِلَ المولى حُسينْ
دونَ رأسٍ ، دونَ صدرٍ ويدينْ
هكذا باتَ على البَوْغَا طعينْ
٥/لا حِزامٌ ظلَّ يا بِنتَ حِزامْ
فعلى الرمحِ اعتلى رأسُ الإمامْ
رشَقُوهُ بِحِجارٍ في الشَّآمْ (بلاد الشام)
كمْ هوى للأرضِ بينَ الشامتينْ !
٦/أسرعتْ تسألُ عنْ ذاتِ الجلالْ
لَمْ تجِدْها بينَ ربَّاتِ الحِجالْ
بل رأتْ حالتَها في غيرِ حالْ
قيلَ حاديها غدا شمرُ اللعينْ
٧/أمَّ عبَّاسٍ بلى ذي زينَبُ !
سُبِيتْ بينَ الأعادي تُضْرَبُ
يَدُها اليُمْنَى بِحَبْلٍ تُسْحَبُ
مَنْ لها مِنْ بعدِ مقطوعِ اليمينْ ؟!
تمت بعناية الحجة (عجل الله تعالى فرجه الشريف)
الشاعر علي عسيلي العاملي
#أم_البنين
#اللهم_عجل_لوليك_الفرج
▪️قصيدة لطم في حق مولاتنا أم البنين (عليها السلام)
أَنْزِليني دمعةً...لِحُسينٍ كُلَّ حينْ
وارفعيني صرخةً...منكِ يا أُمَّ البنينْ
١/أنتِ مَنْ أنجبتِ أقمارَ الفداءِ
وبذا صرتِ سماءً في سماءِ
وأنا غصنٌ على قيدِ الرجاءِ !
فامنحيني الرَّيَّ منْ دمعِ البكاءِ
إنَّما هذا البُكا...عُدَّتي دُنياً ودينْ
فارزقيني عبرةً...منكِ يا أُمَّ البنينْ
٢/إصطفاكِ المرتضى دونَ البريَّهْ
كيْ تكوني حِجْرَ آسادِ المنيَّهْ
وكفى "العباسُ" فيهم يا وفيَّهْ
فبهِ جهَّزتِ جيشَ الغاضريَّهْ
جهزي قلبي إذاً...في الجنودِ الخادمينْ
إنَّ هذي رُتبةٌ...منكِ يا أُمَّ البنينْ
٣/حُزتِ شأناً عندَ ذي الطفِّ مكينا
أعجزَ الأيامَ حدَّاً والسنينا
كلَّما باكٍ جديدٌ زادَ فينا
زادَ "إبنٌ" لكِ يا أمَّ البنينَ
إبنُكِ الباكي أنا...جئتُ بيْنَ الناحبينْ
مسْحَةُ الرأسِ كَفْتْ...منْكِ يا أُمَّ البنينْ
٤/طولُ زَنْديْكِ "كتلِّ" المرقدينِ
عرضُ كفَّيكِ كَـ "بين لحرمينِ"
أنتِ يا "فاتحةً" بيني وبيني
فافتحيْ لِي البابَ يا بابَ الحُسينِ
افتحي البابَ فما...ليَ إلاَّكِ مُعينْ
خيرُ كفِّي أصْلُهُ...منكِ يا أُمَّ البنينْ
٥/يثربٌ تشْهَدُ يا أُمَّ الأشاوِسْ
أنتِ مَنْ أسَّستِ للسبطِ المجالسْ
ولذا ما مُتِّ في قلبِ العوابسْ
لكِ ظلٌّ عندَ بابِ اللطمِ جالسْ !
لكِ ظلٌّ كاتبٌ...لأساميْ اللاطمينْ
فاجعليني لطمةً...منكِ يا أُمَّ البنينْ
تمتْ بعناية الحجة عجل الله تعالى فرجه
الشاعر علي عسيلي العاملي
#أم_البنين
#اللهم_عجل_لوليك_الفرج
هاي ام البنـــين اتلوج زايد عالــولد ونها
ظلت بس تدير العين بالموت انگطع ظنها
آه يحسين يا يمة آه يحسين يا يمة
=======================
ابن ادم من يجيه الموت ويوصل لاخر انفاسة
اعزازة بكل حـــزن تنعاه تــلتم كل هلة وناسة
هذا ايحبة ذاك اينوح هذا اليبچي يم راسة
تلوج ام البنين اشلون غـــياب الــولد عــــنها
آه يحسين يا يمة آه يحسين يا يمة
========================
يمها بس علي السجاد يون وينحب اعليها
يطيبة ام الوفة والطيب صعبة الفرگة تدريها
تمنيت الابو موجود يشوف الربتة شبيها
العين ادير يمنة شمال تدور اعله الابو چنها
آه يحسين يا يمة آه يحسين يا يمة
==========================
العدها بنية وكت الموت بـــيديها تنگط الماي
زينب ماهي يم عباس يمچ وانتي ادرة بهاي
ربيتي وتعبتي سنين وتالي اوحيدة بس الداي
يحسين الحكَ تنادين امك يبـــــني چــــفنها
آه يحسين يا يمة آه يحسين يا يمة
===========================
عزيزتكم يا ال البيت اجت ليكم تلگوها
گلبها امجرح ومحزون بوجه حسين داووها
خلها اتحبة واتشم بيه تشبع شوف خلوها
شبعت ضيم لمن راح فلا مرة ضحك سنها
آه يحسين يا يمة آه يحسين يا يمة
==========================
شفتي من الزمان اهوال اذية شگد تحملتي
الله اطاچ خـــير هواي باب لرحــمتة صرتي
نطلبچ طلبة يم عباس بجاه الي عليه نحتي
يعــــجل للإمام الغاب ربـــنا وتنفــرج لنها
آه يحسين يا يمة آه يحسين يا يمة
========================
اسالكم الدعاء رائد الاسدي
#جديد
مجلس ونواعي التوسل بباب الحوائج وباب الزهراء مولاتنا أم البنين عليها السلام
أبوذيــــات :
عطايا أم الگمر حلوه وطيبه
تشافي للگلب عِلْته وطيبه
سلامي للبقيع أبعث وطيبه
على باب الحوائج للبريه
الباري رافِعه گــدرچ وجـــاهچ
وجعل باب السمه بابچ وجاهچ
دعيت الله بعُظم گدرچ وجاهچ
يِحلــها الليـــله وإيفـــرّج عليّـــه
بلسم للگلب ذكراچ والماي
دخيلچ هالمسيه شافي ولماي
أحلفچ بابنچ العباس والماي
العليه طاحن اچفوفه يالوفيه
#فائـــزي :
تحضر إلك يا من نخيت إبجاه عباس
متحيّر امن اهمومك أو مخنوگ الأنفاس
ابگطعة اجفوفه والسهم وابطبرة الراس
انخاها واهيا امن الشدد والله تِسلمك
انخاها وإهيا يالمحب والله تشوفك
وابشدتك محتار لا لا ما تعوفك
هالليله تملي بالعطايا لن چُفوفك
وتگضيلك أم عباس كل حاجه تهمك
مجاريــد :
گِلها يَــمــن حالي تِشوفين
وابعطفـچ اعليّـه تِصـديـــن
هالليــله أريــدنچ تِحضْرين
واتـفّــرجيــها يَــم الإبنيـــن
هالليله أريــدنچ تجينــي
يــم الگمـــر واتساعـديني
ومن هالشـديـده اتخلصيني
وابجــاه زينــب تنظريــني
بزينـب نخيـتچ وابدمعـــها
يَـــم البنيـــن وكل وجعــها
مشكلتي عندچ ألگــه حلها
وإنتي اللي البـــاري جعـلها
باب الحــوائــج للگصـدها
طور : يا ليل طول ساعاتك
بحسين .. أنخاچ الليله
بحسين .. ويَّــه العقيله
اتفرحين گلبي اتفرحين .. محزون وإنتي التدرين
بعباس .. وابگطع ازنوده
بعباس .. وابعينه وجوده
اتسهلين أمري اتسهلين .. ادخيلج يم الإبنين
طور : سامحيني
يَم الإبنين .. يَم الإبنين
ياللي ما لحظه نخيناچ وتخيبين
يَم الإبنين .. يَم الإبنين
انريدچ ابحگ فاطمه يمنه تِحِضْرين
يَم الإبنين .. يَم الإبنين
بكثر ما عباسچ ايحب خَيّه لإحسين
يَم الإبنين .. يَم الإبنين
انريدچ ابعطفچ على ايتامج تصدين
ابجاه عباس .. ابجاه عباس
نسألچ من جودچ اعلينه تِمنِّين
ابجاه عباس .. ابجاه عباس
وإنتي يا باب الكرم لا ما تِگصرين
وزن : البحر الطويل
طور : لفى عاشور
أنا المحتاجچ بهمي .. هالليله تِحضريني
تجيني بعطفچ ولُطفچ .. يمولاتي تغطيني
دخيلچ رايد الليله .. من أحزاني تِخَلْصيني
وحگچ ما إلي غيرچ .. ولا عندي بعد حيله
دخيلچ خاطر العباس .. وخاطر جربته وعينه
ظل اعله الخيم گلبه .. وكل باله على اسكينه
دخيلچ وابكسر گلبه .. من طاح ابلْا چفينه
تشوفين المسه گلبي .. خاطر كل مداليله
____
تمت ببركات أم البنين عليها السلام
#فاطمة_كريم
٢٠٢٤ م
الشاعر الحسيني ظاهر حبيب الهليجي (لأم البنين ع)
وبهل احساس اهل النوماس
يم ام عباس يم ام عباس
بل غرقد كلها بعبره والدمعه التنزل حمره
يم ام عباس يم ام عباس
*
آول واحد بحسره وصل حيـدر
للغرقد اجاج ودمعه لون احمر
علي الليله دليله أعليج يتشجر
وجدامه ابمناحه و آه تتعثر
بصدره العبرات ونار الحسرات
جنهن جمرات جنهن جمرات
مخنوگ بعبره وحسره والدمعه التنزل حمره
يم ام عباس يم ام عباس
*
والزهره أجت وياه تدمي العين
حزنانه مثل حزنج لبنها حسين
تگلج يل وفيه شسوه بيج البين
عله افراگ الغوالي احنه بجسد روحين
يا روح الـروح جيتج بلنوح
وكلبي المجـروح وكلبي المجـروح
نار مصابج مستعره والدمعه التنزل حمره
يم ام عباس يم ام عباس
*
وأجه العباس ويه حسين ابو اليمه
أوشال ترابج حسين وبده يشمه
وعله العباس تربانج صعب لمه
ماعنده جفوف وهذا الي ألمه
زنوده الوفاي ضلن عل ماي
معذور ابهاي معذور ابهاي
مخنوگ لعبره بصدره والدمعه التنزل حمره
يم ام عباس يم ام عباس
*
وشريكت حزنج الليله دمه لدمعـه
أم عون المصابج حيل منفجعه
تنوح بصوت بجت كلمن يسمعـه
بيها من الألم ما شالته الوسـعـه
زينب بدموع والگلب يلوع
محنيه اظلوع محنيه اظلوع
زينب يمج متأثره والدمعه التنزل حمره
يم ام عباس يم ام عباس
*
ومصابج للأمام المهدي هد حيلـه
اجه محمل هموم الدنيه هل الليلـه
عله مصابج دموع ادموم يـبجيلـه
واله ثارات يمج هيـه تشكيلـــــــــه
گبور الاطهار ترويله الصار
وتريد الثار وتريد الثار
ياصبر اليوصل صبره والدمعه التنزل حمره
يم ام عباس يم ام عباس
نزله
ل ام البنين عليها السلام
حره يم البنين ،،، بالعهد وفايه
ما اضن من طين مخلوقه امن الاحساس
ومن يمر طاريهه لازم نرفع الراس
صدك لو گالو يناس العرق دساس
ونعم منهه وكفو خلفت عباس
منهه يحصل امنين ،،، بالبشر بس هايه
حره يم البنين ،،،،،،،،،،، بالعهد وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هيه بس وحده وأبد ماصارن اثنين
خلفت اربع زلم كلهم ميامين
وصت العباس فدوه يروح لحسين
يمه من يحتاج چف انطيه چفين
يمه ونطي العين ،،،، للسهم يربايه
حره يم البنين ،،،،،،، بالعهد وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الكربله وذاك المصاب اشكثر ناحت
عاشت اعله حسين وعله حسين ماتت
مو فقط بل اخره بالدنيه فازت
هيه بدويه لچن علويه صارت
كلشي بيه لحسين ،،،، الوفه موش احچايه
حره يم البنين ،،،،،،،،،،،،،،،،،،، بالعهد وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فدوه لمصابچ يحره دمعت العين
كون كل عمري اخلصه بس بل اونين
احنه مطلوبين الهه يا بشر دين
علمتنه اشلون من انحب الحسين
واجب الهه ياناس ،،،،،،،،،،،،،، من نسوي اقرايه
حره يم البنين ،،،،،،،،،،،،،،،،،،، بالعهد وفايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لا گبر مبني ولا عدهه مناره
وسفه مدفونه ابلد مابيه غياره
ليش ما يبنونهه شنهي الخساره
بيهم ام عباس كون اتسوي شاره
هذه لو گبر افلان ،،،،،،،،،،،،، مبني من اهوايه
حره يم البنين ،،،،،،،،،،،،،،،،،،، بالعهد وفايه
تمت ،،،الشاعر سيد احمد الموسوي
ويلاه أم الگمر
ويلاه ماتت قهر
____
بين الحسره والنوح بين الون والجروح
مهجتها انگضت
لوعه او دمعه واحزان حسره او عبره واشجان
هل روح اتعبت
ماتت باكلف اصواب آ يا هجر الاحباب
من عنده انچوت
ويلا يم الاقمار لعبت بيها الاقدار
چن ورگه ايبست
منها اولا اضل اثر
ويلاه ماتت قهر
____
امن الطف بيها اصاويب لا تهجع ولا اتطيب
بهروش الگلب
لا جرح او لا جرحين بيها اشخله الحسين
من مات ابغرب
من عگبه اشبعت موت جثه ابلايه تابوت
تنطر بالدرب
اتناطر والوجه ذاب صار ابلون الاتراب
والمدمع يصب
لدموع مثل النهر
ويلاه ماتت قهر
____
فرگة وجه الحسين طرت گلبي نصين
نادت ياخلگ
مامش طارش ايروح ؟ يحچيله عل اجروح
مو گلبي احترگ
گلوله ام الابنين ماتت من الاونبن
واجبيني عرگ
ماتن كلهن اعضاي ليّه گطرو ماي
دلالي انخنگ
مولاي كافي السفر
ويلاه. ماتت قهر
____
يل اغله امن الانفاس يلي انطيته عباس
حن الحالتي
انه ابعازتك حيل مرلي هدوه بالليل
واحظر موتني
خلني ابموتي ارتاح وانسه الون والانياح
وانسه لوعتي
يحنين علي عود جيب اوياك الاحيود
فلذة چبدتي
هل يوم گبري انحفر
ويلاه ماتت قهر
____
يمه الام من اتموت اتريد اوياها زاتوت
ابدفنتها ايحضر
واتريد الوِلِد كون اجنازتها يشيعون
واتكحل النظر
انه اشمعنه يحسين من دون النساوين
حد موتي قهر
ليه اولا ولد جاي اتبدو چنهم الماي
والحلم اندثر
ويلاه من هل دهر
ويلاه ماتت قهر
____
آنه أم الاقمار ميته او دمعتي اعبار
وابلحدي نحت
يحسين او يعباس مني ضجت الناس
گدما صيحت
اعليكم امكم اتهون ابفاتحتي متگفون
يل عشط طحت
چن بيه متدرون ولا عتبي تسمعون
مهما عاتبت
معذور يل ما حضر
ويلاه ماتت قهر
____
ابو فاطمة الطائي
كأني بأم البنين تحچي وي روحها اتگول :
غريبه يم الابنين چا وين الوِلد وين
لا عباس جناز لا يم نعشچ احسين
_____
عگب تعبي او سهر ليلي عگب حيلي الراح الهُم
اربع اقمار آنه عندي او عندي الحسين _ اشكبرهم _
ماي واتبده امن اديه بعد يا روحي اشيلمهم
لا درو بيه اشجرالي او لا درو لو عاتبتهم
جفاهم طوّل اوياي ابحلم محد الي جاي
اون خلوني كل يوم صار اسنين واسنين
_____
اي يروحي الليله وحدچ اتجرعي چاس المنيه
ما يجون احباب گلبچ أيسي منهم هايهيه
الداست ابصدره الحوافر چيف ينهض هسه ليه
الما گدر يوصل خيامه اشلون بالله ايرد عليه
الثلث مرات من گام وگع جدام الاخيام
يوصل داري اشلون او بيده ايغمض العين
_____
اي يروحي ابحسره ضلي ضلي بل ون يل وحيده
من يجيچ ؟ احسين طايح وابو فاضل گطعو ايده
من يحط ابحجره راسچ مثل ابو اليمه او عضيده
موتي وحدچ مثل عاجر ترتجف چنها جريده
أموتن وحدي مكتوب وانه اليوميه الغروب
تطلع روحي وانباد او گلبي اموجره البين
_____
الليله مشتاگه البنيني وارد اشوف ابن الزچيه
ارد اشم ايده واگله لو متت يلزم اديه
وابو فاضل على گبري ارد اوصيه ابوصيه
الدفنه والتشييع خلهن اهناك بارض الغاضريه
اريد ابين الاحباب يواري جسمي الاتراب
وانام اهناك وارتاح بين احنين واحنين
_____
آه لو هسا يجوني چا غده موتي اشحلاته
اليكـفًني ابو فاضل واليعيننه خواته
احسين اليصلي عليه او فوگ نعشي ايحط عباته
چا نسيت اجروحي كلهن گبل ما تخلص صلاته
تطيب اجروح عاشور وانام او گلبي مسرور
لچن شو چنها احلام ويني . او هل حلم وين
_____
گضت والاحلام راحت لا اجو لا شيعوها
الحنينه اوحيده ماتت او ناس غربه الدفنوها
الشالو التابوت حارو تون بل لحد اسمعوها
والدمع ضل ايتهامل عتب يجري اعله الجفوها
چنها اتگول ترضون اموت او ما تحضرون
اربع عندي اولاد كلهم عني مجفين
_____
ابو فاطمة الطائي
ابوذيات بمناسبة وفاة ام البنين
سلام الله عليها
مصايب لفت يصعب حيل عدها
شگد چانوا بدور وگمر. عدها
حرب لأم البنين الوكت عدها
خله الدار بس وحشه وخليه
★★★★★
الوفيه ام البنين الآل طالب
لفاها الدهر الها بيش طالب
الوفه اتعلم وفه من صار طالب
ابمدرسة الوفاء الكلابيه
★★★★★
بچبدها لوعة العاشر ومرها
لفاها الموت من راحوا ومرها
ابحيره رايها اصبح ومرها
عگب ذاك الجره بالغاضريه
★★★★★
بآل المصطفى دايم وجدها
الضَيَّعها ابمحبتهم. وجدها
من ابوها أمأصله فاطم وجدها
اشگد ضحت الحماي الحميه
★★★★★
عدها ورورد من تذكر وردها
خذاها الشوگ يم الطف وردها
خبر من كربله يكتل وردها
اهلها اتذبحوا. فوگ الوطيه
الشاعر حسن لعيبي الحريشاوي
مانسينه والله يوم الوفيه
**
شوفي الخدم يالحره ترفع رايه
بصحن الكفيل اليله دكت ثايه
ونصيح انصار وعلي وفايه
نتعنه كبرج بي نسوي اقرايه
ام البنين اتشوف هالجعفريه
مانسيته والله يوم الوفيه
****
خطت حزنهه كربله لمصابج
ويه الكفيل بنظره شوفي احبابج
يصعب علينه يالوفيه اغيابج
والكافل ايسجل الگصد يم بابج
ياهلا بالخطار هاي المسيه
ما نسينه والله يوم الوفيه
****
ام البنين وبالوفه شفناها
طول العمر لا والله ماننساها
نعيش يوميه بأمل طرواها
ونصيح يحسين وعلي وياها
ندرس بحبهه اجنون لبن الزجيه
ما نسينه والله يوم الوفيه
***
رأيتهه صارت بالسمه معروفه
ام البنين وللكرم موصوفه
جانت تبوس الكافل من اجفوفه
لحسين ضحت بس الك ملهوفه
قدمتهم لحسين اجمل هديه
ما نسينه والله يوم الوفيه
****
تتباها جانت عالنهر بوفاضل
رمز البطوله بالمجد متواصل
هاي الوفيه وبيها ناتج حاصل
بيض وجهه بالطفوف الكافل
كلشي قدم لحسين يوم المنيه
ما نسينه والله يوم الوفيه
***
نخدمهه اجينه وهذا دوم انكوله
يم الكفيل ابدمعتك وصلوله
هذا الكلام بخدمتي منقوله
مشكوله ذمته الماحضر مشكوله
بالصحن هيه تشوف دمع العزيه
**
تمت بعون الله
خادمكم .....يوسف الفتلاوي
في حق ام البنين. ع
اه يم البنين. المن تنوحين
للربعه يجري الدمع لويجري لحسين
-------------
انتي دمعج مايفارك عينج وحالج صعب
مشه ظعن حسين عنج ومشه وياه الكلب
لاخبر منهم يردلج وعينج. اتصد الدرب
هذا. حالج يالوفيه. النار بكليبج تشب
مايرحم الشوك. يجري بالعروك
للربعه يجري الدمع لويجري لحسين
---------------
بين حسرات اليالي وحسرت امفارك هله
عشتي كل اسنين عمرج بالمصاب امعلعله
حلم لو يرجع. ظعنهم وترد كل القافله
دمعت اعيونج يحره من جفونج هامله
مكطوعه الخبار. ظليتي بالدار
للربعه يجري الدمع لويجري لحسين
----------------
اربعه كلهم سويه فدوه لو سالم يرد
تفرشين الدرب كله شموع يالحره ورد
ليش اتخر ظعنهم وتحركج نار البعد
وليفارك اعز ناسه. لمصايب يستعد
مامنهم اجواب. عافوج الحباب
للربعه يجري الدمع لويجري لحسين
---------------
ونتي أبرض المدينه ولاخبر منهم رجع
عشتي بحزان المصيبه والكلب جنه انفج
حسرتج دوم ابدليلج عيونج اتسيل الدمع
نحل عودج من هجرهم ونتج ماتنسمع
جن مايردون. ابحالج اشلون
للربعه يجري الدمع لويجري لحسين
----------------
صعبه ياام البنين. التفكد اولاد اربعه
بالحزن يخلص عمره وبلمصاب مروعه
قدم اجفوفه ابو فاظل لئن طاهر مرظعه
لجل اخوه حسين ظحه وجفوف امكطعه
وبجوده وفاي. مايشرب الماي
للربعه يجري الدمع لو يجري لحسين
------------------
ضحه دمه لجل اخيه منج تعلم وفه
كربله تشهد اسوه شلون احنه نوصفه
صولت العباس بلطف نار جنه بعاصفه
حير الجيش بحملته اخو زينب نعرفه
للخوه عنوان. وبكلبه نيران
للربعه يجري الدمع لو يجري لحسين
--------------------
الخادم
رحيم الصالحي
حق ام البنين. ع
قصيدة لأم البنين ع {نذراً عليه}
نذراً عليه ... لهاي الوفيه
مجلس عزاء .. مجلس عزاء
❥❥❥❥ـــــــــــــ❁❁ـــــــــــــ❥❥❥
نذراً عليه مجلس اقيمه
وبي حيل اصيحن هاي الرحيمه
خلصتني هاليوم من الهظيمه
امرادي بديه ** نذراً عليه
مجلس عزاء .. مجلس عزاء
❥❥❥❥ـــــــــــــ❁❁ـــــــــــــ❥❥❥
هاي ام البنين انخوها نخوه
امجربها انه وگفتهه حلوه
تچتلي بالضيچ مثل امي تچوه
هيه تچيه ** نذراً عليه
مجلس عزاء .. مجلس عزاء
❥❥❥❥ـــــــــــــ❁❁ـــــــــــــ❥❥❥
ماقصرت اوياي ام المحنه
امعزبه ونطتني من غير منه
الهه يهل ناس خل نشكي المنه
الدمعة جريه ** نذراً عليه
مجلس عزاء .. مجلس عزاء
❥❥❥❥ـــــــــــــ❁❁ـــــــــــــ❥❥❥
الدمعة جريه خلهه للحسين
وندبها وصيح ها يأم البنين
جيتچ بالدموع وادري تنضرين
والحسره بيه ** نذراً عليه
مجلس عزاء .. مجلس عزاء
❥❥❥❥ـــــــــــــ❁❁ـــــــــــــ❥❥❥
الحسره والدموع بيهن اجيتچ
انتي الكريمه وانه نخيتچ
من درب البعيد والله اعتنيتچ
نظري اليه ** نذراً عليه
مجلس عزاء .. مجلس عزاء
❥❥❥❥ـــــــــــــ❁❁ـــــــــــــ❥❥❥
نظري اليه دلالي متعوب
الحسره تمرني لو صار الغروب
اتحمل اهموم يالحره جندوب
ناري سريه ** نذراً عليه
مجلس عزاء .. مجلس عزاء
❥❥❥❥ـــــــــــــ❁❁ـــــــــــــ❥❥❥
#للشاعرة غدير الحساني
سلطانه عاشت بالمواقف
أللـيله الـهـا الكـون واقف
هاي الوفيه...... للغاضريه
أللـيله الـهـا الكـون واقف
======================
أم البنين الشجاعه... العترة محمدها طاعة
كل عمرها حامله
عدها الكرامه سجية.. مولاتي مثل الزچية
كربله يا كربله
گضت كل العمر شمـعه وتربيها الثگال
الوفه عدها وبعد عدها تجمّع للخصال
أمان الگاصد وحيدر عليها الكلفه گال
مـرتاح مـن أسـمع باسمها
تحسبني رايد من خدمها
من الله عطيه.. للغاضريه
أللـيله الـهـا الكـون واقـف
======================
ساعات اذكرچ تجيني.. يل ما تركتي ونيني
للعوالم مُزهره
منچ مدد يا نجاتي.. رايد تجيني بمماتي
يا عزيزة حيدره
أنه بفضلچ صرت خادم أعرفچ من زمان
حرت بالذر واجيتيني وصبحـتيلي أمان
تره بذكرچ يشريـان الحيا محـله اللسان
عـز الله لـلمـحـتاج آيه
قاضية حاجات البرايه
نعمه القضيه.. للغاضريه
أللـيله الـهـا الكـون واقف
======================
ما قصريتي بوقوفچ.. رزقيني أخلُص واشوفچ
يا جمال المعرفه
ربيني مثل الحمامه.. خليني اعيش بسلامه
ونضره منچ خاطفه
يسـبحان الــذي خـلّـه بـصـفاتـچ كـوثـره
حـليـلـة سـيـد الـعـالـم إذن أفـضـل مـره
بعد فاطم أجـت فاطـم حليمه ومفخره
عدها المهابة الهاشميه
عنوانها الـحـره الأبـيـه
دمعه جريه..... للغاضريه
أللـيله الـهـا الكـون واقف
======================
انجوم وتلالي بحضنها.. بدر العشيره أبنها
راعي أم عون الوفي
تگضي الحوائج بديها.. العباس طالع عليها
أبن ابو اتراب الصفي
هـلا بگضايـة الكلـفة التهونها الصعاب
هلا بالضحت الأربع لجل سيد الشباب
يسبحان الذي خله بأسمها كلشي ذاب
بـاب اصبـحت لـلـه ورجـائـه
واضح صبح معنى اصطفائه
اليوم العزيه.......... للغاضريه
ألـلـيلـه الـهـا الـكـون واقــف
======================
هم فاطمه وهم جليله.. أم البخت مو قليله
عاشت أيام المحن
هم انسبت من دمعها.. بالوِلد يوم الفجعها
بالخبر ناعي الزمن
بـدت رحـلـة عشـگ صعـبة وثـمـار بحـبها جاب
دعت ربها الحسين اخدم وابو الرحمه استجاب
هــلا بـسلـطـانـة الـدنـيـا الـمـتـهـتـم لـلـصـعــاب
گـضـايه صـارت للحوائـج
هشتاگ اسمها دومه رائج
محله المنيه...... للغاضريه
أللـيله الـهـا الـكـون واقـف
======================
12/12/2024 يوم الخميس
10/ جمادى الآخر 1446 هـ
#الشاعر_الميرزا_محمد_الساعدي
اخذتچ غالیه و بلگلب ضمیتچ
امانه بس حسافه اشلون ردیتچ
___
اخذتچ يل حبيبه ابروح لهفانه
امانه و هسه روحی اهوای خجلانه
صح اثمنطعش بس حیل تعبانه
مکسورة گلب بلگبر خلیتچ
____
تره صعبه علیه و روحی مجموره
تلاگین ابوالزهره بعین مسطوره
رحتی للنبی بضلوع مکسوره
ریتچ سالمه و ما رحتی یاریتچ
_
مانی امصدّگ و حیران بجروحی
احفرلچ گبر لو احفر الروحی
زینب تنهضم من تستمع نوحی
ردّی الخاطر الله.. الخاطر ابنیتچ
___
غسّلتچ بیدیه و شفت كل الصار
کسرة ضلع شفت و جرح للبسمار
و ایدیچ الحنینه الچاویتهه النار
وگفت اعله النعش وبحسره نادیتچ
____
وگفت اعله النعش و القامه مَحنیّه
وی روحی اسولف هیّه مو هیّه
اشکثر متغیره فاطمه المرضیه
ما صدّگت رحتی و هیچ تالیتچ
__
ودعتچ و رحتی و انهدم حیلی
و ابوچ المصطفی مهضوم يا ويلي
شگله لو نشدنی اعلیچ گلیلی
یا فرض الصله یل عُمُر صلّیتچ
___
اگه انسطر خدها و انگلب احمر؟
اگله ادفنت محسن و اهوه ما عمّر
اگله انکسر ضلعج والله ما اگدر
عَلَی تصعب اگلّه اشلون لاگیتچ
___
لشیل النعش وحدی وامشي یا عمری
افتر بلبلد و اطلم عله صدری
و اصیح بعالی صوتی و الدمع یجری
لیش بیا ذنب هجمو عله بیتچ
____
لشیل النعش و اصرخ ما رحمتوههه
کسرتو اضلوعهه لمّن دفعتوهه
دریتو بت نبیکم بس شتمتوهه
مکسورة ضلع یلزهره تاليتج
____
حسين الساعي
📝قصيـــدة نـــدبه لمولاتنـا
أم البنيــــن عليهاالسلام.
♡♡♡♡♡♡♡♡♡♡
واطلب حاجتي هاليوم
والشيله لشدنها
•──✧أم البنيـــــن✧──•
ها يم البنين انخــــاج
بضلع حسين واترجاج
ردت الحاجه من يمناج
والحاجـــــات احطــــنها
✍🏻ام حسين العسكري ناصريه
•──✧أم البنيـــــن✧──•
احط الحاجه بعتابچ
ملهوفه وادگ بابــچ
فرحي گلبي بجوابچ
هالطلــــــبه اريـــــدنها
زمـــ✍🏻ــــن حـاتــم الربيعــــي واســــــــــــــــــــــــط
•──✧أم البنيـــــن✧──•
احلفها بعضيد حسين
وبعد بررايه والجفين
مهظومه تنشف العين
وبزيــــــنـب أحلفــــنها
رمـــ✍ـــاد الخيــــام
•──✧أم البنيـــــن✧──•
كثيره اهمومي تدريني
مـولاتــي بـعـد عـيـنـي
اريـدن مـنـچ انـطينـي
والــدمـعــه اصـبـنـهــا
أم عــ✍🏻ــلــي الـحـلـفـي
•──✧أم البنيـــــن✧──•
بالمجلس اصب دمعي
نظرة لحالتي ووضعي
اجيتج طالبه و سمعي
بهمـــومي اكلمـــــــنها
✍️ رغــد البهادلي
•──✧أم البنيـــــن✧──•
اجـيتچ والـگلـب حيران
يـم الاربـعـه الـشـجـعـان
احلفچ بالگضه عطشان
واخته الماضحك سنها
ام ســ✍ــجاد العسكري
•──✧أم البنيـــــن✧──•
تــمــــ بـحمـــدالله وتـوفيـقـــه ـــــــــت بـــأقــــ✍🏻ـــ✍🏻ـلام شـاعــــرات الملتــقى الحسيـــــني لـناعــــــيات الطـــــــف بتـاریــــخ📜 جمادي الآخرة / ١٤٤٤هـ🌙 بـإشــــــراف الشــاعــــــــرة والحاجـه أم حســـــــين العسكـــــري ناصــــريـه يحـــــرم الحــــذف والتــــــلاعب ونسألكـم الدعـــاء والفاتحـة لأمواتــنـا.
▪️السيدة أمُّ البنين(ع) مع الناعي
١/حرَّ قلبي كيفَ جاءتْ في ذهولْ
جفنُها المقروحُ أعياهُ الهطولْ
أيها الناعي ترفَّقْ ما تقولْ؟
زدْتَ كربي وانكساري والحنينْ!
٢/قَالَ من هذي أتَتني بالسؤالْ؟
ما وَعَتْني..نعيُهُ دكَّ الجبالْ!
قيلَ ذي بنتُ الوفا، أمُّ الرجال
خفِّضَنْ يا بِشْرُ ذي أمُّ البنينْ
٣/مالَ بِشْرٌ نحْوها ينْعى الشبابْ
"جعفرٌ" أمسى صريعاً في الترابْ
و"لعثمانَ" غدا النزفُ خضابْ
قُرْبَ "عبدِ اللهِ" مَطْروحٌ طعينْ
٤/فَدَنَتْ تبكي تُنادي بالنَحيبْ
بِشْرُ خبِّرني عَنِ السبطِ الحبيبْ
كُلُّهُمْ والخلْقُ والكَوْنُ الرحيبْ
لَيْتَهُمْ يَفْدونَ إبنَ الطيِّبينْ
٥/صاحَ بينَ النَّاسِ يا أمَّ العضيدْ
شبلُكِ"العباسُ" ذو البأسِ الشديدْ
جالَ يُذري رُوسَهمْ ذرْيَ الحصيدْ
مِثْلَ كرّارِ الوغى ليثِ العــرينْ
٦/فإذا ما خرَّ مخضوباً جديلْ
ضاعَ شَملُ السبطِ إِذْ راحَ الكفيلْ
فانثنتْ بالآهِ تدْعو والعويلْ
لا تقلْ يا بشرُ قد ماتَ "الحسينْ"
٧/قالَ إِيْ يا أُمُّ أَمْسى في الفَلاةْ
بَعْدَ ذَبْحٍ..رَضْرَضَتْهُ الصافِناتْ
رأْسُهُ المَقْطوعُ تَبْكيهِ القَناةْ
ينظُرُ الحوراءَ يسبيها اللَّعينْ
٨/زينبٌ مَنْ لَمْ يشاهدها الصباحْ
قادها شِمرٌ على عُجْفِ الطِّلاحْ
إنْ دعتْ "عباسُ" تُقرَعْ بالرِّماحْ
أُدخِلتْ بالحبلِ وسْطَ الظالمينْ
٩/فهوى مِن كفِّها طفلٌ رضيعْ
مِثْلَ سِقْطٍ خرَّ في اليومِ الفجيعْ
لا تَسَلْني إنّهُ خَطْبٌ فظيعْ
وهْوَ أصْلُ الطَّفِّ والفعلِ المُشينْ
١٠/يَوْمَ جارَ الصَّحبُ في هتْكِ الدِّيارْ
أضرموا بالبابِ أحقاداً ونارْ
ضجَّ قلبُ العرشِ من آهِ الجدارْ
حينَ لاحَ الجُرحُ في صدْرِ الجنينْ
أسألكم الدعاء
الشاعر علي عسيلي العاملي
#أم_البنين
#اللهم_عجل_لوليك_الفرج
اذا همَك كبر بس صفّي النيّه
ودكَ باب الحنينه الحاجه مكَضيه
ـــــــــــــــــــــــ
بس صفّي النيّه وأهمل الدمعه
واقره الفاتحه الهه وعالكَ الشمعه
معروفه اليمد جف خالي مترجعه
هي ام الوفه واهل الكرم هيه
ــــــــــــــــ
ام الاربعه الماهمهه من راحوا
ولا همه ضحايه اعله الارض طاحوا
عطر بالغاضريه اعله الخلكَ فاحوا
وضلهم خسر كلمن مااحتمه ابفيّه
ـــــــــــــــــــ
اذا مهموم حيل وحاجتك كلفه
وبيك جروح كل ضنّك فلا تشفه
بس اقسم عليهه بالرخص جفّه
صفحات الهموم اتصير مطويّه
ـــــــــــــــــــ
باب الحاجه ام عباس ندريهه
وعنوان الكرم بالسمه اموصفيهه
الطلبه بسرعه للينخاهه تنطيهه
وهذا الامر واضح ميه بالميه
ــــــــــــــــــــــ
ام عباس أي والنعم من عدهه
طينه طيبه ومن طيب والدهه
ايد التنمد الله والله متردهه
واقسم بالمشت عالنوكَ مسبيه
ـــــــــــــــــ
شكَد ناحت او ونّت لجل ذبح حسين
وعجبه شلون ضلّت ماعمت هالعين
جروح هواي مو بس جرح لا جرحين
وجهه الطف اضن غيّر معانيّه
ـــــــــــــــــــــ
الشاعر محمد حسن ضيغم
/channel/kasaedalatharDaygham
في حق سيدتي ومولاتي أم البنين صلوات ربي وسلامه عليها
طلب سماحة الشيخ مرتضى الجمعة
أمِّ لبنين عظيمه أمِّ لِبنين
انطت حسين وِلِدْهَا أم لِبنين
انخى واطلبها المدد
ماترد سائل ابد
أمِّ لبنين عظيمه أمِّ لِبنين
عمري ما شايف كريمه مثل أم الأربعه
تنطي مبسوطه الأيادي والفقير اِتْشَبِّعَه
بالكرم انطت وِلِدْهَا للحسين بمصرعه
وذبحتهم اربعتهم لجله فوق المشرعه
انطت الروح هديه وافدت العين
اربع اولاد عَطَايَا ام لبنين
اللي ضحت بالولد
ماترد سائل ابد
أمِّ لبنين عظيمه أمِّ لِبنين
ياللي غارق بالحوائج اقصد الباب الكرم
اطرق الباب ابيقينك صيح ياباب النعم
جيتچ بهمي ونحيبي واِقسم براعي العلم
ماترد چفك خليه حين تتلقى القسم
بالكرامات عطاها يملي ليدين
تقضي حاجات ثچيله ام لبنين
تحضر بوقت الشدد
ماترد سائل ابد
أمِّ لبنين عظيمه أمِّ لِبنين
من كرم باب الحوائج شفنا وشقد معجزه
ينهض المشلول بيها والطريح اتفززه
مو عجب والله وغرابه من قصدها تحرزه
واليموت اترد له روحه والله ماهي عاجِزه
ردت أرواح سمعنا بمرِ لسنين
مو عجب هاي ياشيعه ام لبنين
(وقل هو الله أحد)
ماترد سائل ابد
أمِّ لبنين عظيمه أمِّ لِبنين
قول يام عباس نخوه باللذي خاض النهر
وماشرب من مايه قطره ونلتي بْهذا الفخر
لا تشك واحرز يقينك لو طلبت أم القمر
تعطي الحاجة وتزيد اللي حمد ربه وشكر
توفي الكيل تراها الوفى دَين
أنذر وشوف كرمها ام لبنين
والكرمها ماكو حد
ماترد سائل ابد
أمِّ لبنين عظيمه أمِّ لِبنين
اطلب الحره الوفيه باللي طاح اعلى الثرى
وْجُثِّتَه بخيل الأعادي عالوطيه مبعثره
واللعين اسنان ويلي برمحه صاب الخَاصِرْه
والشمر بالسيف منه وسفه قَطَّعْ منحره
وطشته الخيل يويلي بالميادين
وانفجع بيه قلبها ام لبنين
وخلت أعضائه بدد
ماترد سائل ابد
أمِّ لبنين عظيمه أمِّ لِبنين
ادخيل يام عباس قلها والمدامع هامله
بالعقيله اللي سبتها وضيعتها كربله
وركبوها يالجليله فوق ناقه مهزله
ومن بعد ليث الحرايب بيها يحدي حرمله
وبعد عباس خذوها للدواوين
وظلت اتنوح لجلها ام لبنين
والدمع عالوجنه هد
ماترد سائل ابد
أمِّ لبنين عظيمه أمِّ لِبنين
رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِّن لِّسَانِي يَفْقَهُوا قَوْلِي
السيد موسى الأحسائي
والفاتحة لروح والدي وذويه والمؤمنين والمؤمنات مسبوقة بالصلوات
#جديد
في التوسل بباب الحوائج مولاتنا أم البنين عليها السلام
طور مستهل : دنيا ، أو روحي مشتاقه
.
.
عندچ .. كل حاجه والله تنگضي
عندچ .. ميخيب مولاتي السعي
عندچ .. واينال كلشي اليرتجــي .. عندچ
وآنه .. هالليله جيتــچ بالدمع
وآنه .. حاير إلچ أشكي الوضع
وآنه .. بگلبي سهــم ما ينتــزع .. آنه
محتار .. وابگلبي تلهب حســرتي
محتار .. وكل لحظه تنزف دمعتي
محتار .. وطـالــت عليـــه شدتـــي .. محتار
وإنتـي .. غوثي ورجــائي بالشدد
وإنتـي .. كل خيري والله والمدد
وإنتـي .. لكل عمري مولاتي السند .. إنتـي
أنخاچ .. وهالليله رايد وگفتـچ
أنخاچ .. لا تحرميني نظــرتــچ
أنخاچ .. لهالشـده رايد فزعتـچ .. أنخاچ
بحسين .. وكل الجراله بكربله
بحسين .. وزينب وسبي العايله
بحسين .. حلي لي هاي المشكله .. بحسين
__
#فاطمة_كريم
٢٠٢٤ م
#جديد
وزن الفائزي
ام البنين الثاكله ابساعة منيه
تنشد على ذخر العمر وابن الزچيه
———-
اتريد الغوالي هالمسا واتغمض العيون
رادتهم إل شيب وكُبر واعله الدهر عون
يوسدوها في وسط اللحد همّ اليدفنون
تشبح نظرها وبس تصد للغاضريه
———
گوّه تدير بهالوجه واترد بالانفاس
جاوبني يا ذخر العمر يوليدي عباس
اعله الزچيه مجبله وبيك ارفع الراس
واگلها وفوّه الربه وداري خليه
————
تعذرني دمعي لو جرى امن اذكر بنيني
تدريبه قلب الوالده وتعرف حنيني
رباهم الهم والوفا وونّة سنيني
خضر ضلعها والوِلِد الها الهديه
————
ماردت والله جيتك كلك فدا احسين
يايمه يذبحني الخجل عندك بعد عين
واشوه الچفوف امگطعه وما ظلت ايدين
خجلانه منها ورايده ترضى عليه
————
من هم ابنها گوّضت عشت ابمراري
نيران بيّه مضرمه وماتطفى ناري
لا ليل هوّد هالالم لا ون نهاري
واعيوني عطشى للولي وشوفة أخيه
————-
✍️ #بنت_الشمري
https://youtu.be/0CuV0WJqHnk?si=CoYEyX06_9CD_2Kl
==========================
ام البنين الثاكله ابساعة منيه كلمات الشاعره بنت_الشمري أداء الرادود سلمان المغلق
مقدمه ام البنين عليها السلام
ويلي عله ام عباس ،،، واسوهه ياهل ناس
بيهه ابد لا مارحم ليش البين
ماتت اوراحت للگبر بدمع العين
يحضرهه رادت بالنعش كون حسين
وتسأل عله جفوف الكمر راحت وين
وبأخر الانفاس ،،، ويلي عله ام عباس
ننصب عزه ونجري الدمع كون الهه
ودموعنه بيهه دمه امن انهلهه
هاي المصيبه ابحسره نستقبلهه
ولو ننطي حته الروح تستاهلهه
بيهه اشكثر نوماس ،،، ويلي عله ام عباس
ابهذه العمر شافت تره بس لچمات
ام البنين اهوايه حملت اهات
جيرانهه تسمع بقت بس ونات
ماتت عله حسين اشكثر لمن مات
مات ومشه الاحساس ،،، ويلي عله ام عباس
الزينب تره وحرگ الخيم تبچي اهواي
اتگول الجره بطف كربله كون اوياي
تتمنه چانت وي ابنهه الوفاي
موجوده وبطف كربله اتوزع ماي
بيهه الوفه ينقاس ،،، ويلي عله ام عباس
ماتت يهل ناس اشكثر بيهه جروح
خلص عمرهه وتنتحب عل مذبوح
يوميه من عدهه تحس تطلع روح
الشال النعش من النعش يسمع نوح
حگه يشيب الراس ،،، ويلي عله ام عباس
تمت ،،، الشاعر سيد احمد الموسوي
نزله لمصيبة ام البنين
ابكربلا انعاد الحزن الحرمين امست تون
لام البنين لام البنين
_____
اليوم رايات الوفه منكوسه
والحزن لاح او يدگ ناقوسه
اليوم آدم .نوح . عيسى او موسى
اجفونهم من الدمع متروسه
اذن آذان القهر ماتت الجابت گمر
لام البنين لام البنين
_____
ابكربلا الون والبچي يتعالى
ادمع من اجديد رد يتلاله
احسين للعباس يتعناله
شاف ناله امن الهظم ما ناله
شابگه او دمعه يدر اله ايعظم بالاجر
لام البنين لام البنين
_____
امن الحرم حد الحرم بس صايح
اليمه والانصار كلهم نايح
والملائك بين جاي او رايح
اعله ابو سكنه وابو فاضل طايح
اتواسي سبع الگنطره والي گطعو منحره
لام البنين لام البنين
_____
آه يل عباس ربي ايعينه
اشلون يوصلها او سهم صك عينه
اشلون يشبگها بلا چفينه
مثل ونها الليله صار اونينه
حسرته الحيله تهد يمها ما يگدر يرد
لام البنين لام البنين
_____
ماتت امه امن الحزن والونه
ماتت الچنها هوه امن الجنه
محد الها امن الوِلد يتعنه
اوحيده ماتت يا هظمها الچنه
هظم يعگوب النبي انسبت ابلايه سبي
لام البنين لام البنين
_____
ماتت او عن البنين ابعيده
بالمدينه اتون يويلي اوحيده
ياگبرها اتمنت الي ايشيده
يم الحسين ابو فاضل بيده
لچن واروها الترب ناس ياوسفه غرب
لام البنين لام البنين
_____
ابو فاطمة الطائي
ماتت ام عباس والعزا قائم
ابفاتحهتا اليوم حاضره فاطم
واثنعش معصوم منكسر مهموم والعزا قائم
_______
الليله راحت واستراحت ام گلب متعوب
المِن حزنها انشل بدنها او كلشي بي مصيوب
گضاها الون والنوح
على احسين المذبوح
اوگمرها الضل مطروح في فيافي كربله
لحد آخر انفاس
تون ام العباس
عجيب اشعدها احساس واشكثر تحمل وفه
آيه للاحزان معجزة دمعه
اتهد ركن لجبال لو بدت تنعه
والگلب ضل دوم منكسر مهموم والعزا قائم
_______
الزهره اجتها ابفاتحتها هامله الدمعات
گابعه ابهم واتالم ابكل تفس حسرات
دمعها اعبار اعبار
گلبها اموجر نار
عله ام اربع اقمار اتگطعو يم النهر
عله الضلع المهشوم
تدگ الزهره اليوم
تگع واترد اتگوم غيمه تتهامل مطر
للوفيّه اتريد فاطمه اتوافي
اتگلها بالحسرات يا نبع صافي
حيلي الچ مهدوم منكسر مهموم والعزا قائم
_______
والعزاها ضامي جاها احسين ابو السجاد
ايشم گبرها وي گمرها والهظم يزداد
بچوها اشلون اثنين
ابو فاضل واحسين
تربها اتحول طين من كثر سيل الدمع
اذكرو ذيچ الگعدات
او سوالفها الحلوات
حنينه ام الطيبات المنها ابد ما ينشبع
اعليها ون احسين ونة امصوب
ايگلها رغم اضماي جيت الچ متعب
يم گبرها ايحوم منكسر مهموم والعزا قائم
_______
يل وفيتي يل جزيتي بل وفه لحدود
أم اخوتي يا سلوتي بل ليالي السود
عزائچ آنه البيه
اگف . وآلماي اسگيه
ابثوابچ كون انطيه الفرات او دمعتي
يعنوان الكل طيب
يمن جرحچ ميطيب
شمس انتي امن اتغيب ليلي يبدي او وحشتي
يا ملاذ الروح. يا عطر امي
اشگد انا اتمنيت دفنتچ يمي
واعتتي كل يوم منكسر مهموم والعزا قائم
_______
والغريبه ابهل مصيبه اتعنت من الشام
لابسه اسود تلطم الخد تلطم اعله الهام
تون ون الثكلات
تناديها ابعبرات
مثل حرگ الخيمات گلبي اعليچ احترگ
شريچة ون او آه
حنانچ چيف انساه
اعله گلبچ صلى الله يومن ابحزنه غرگ
يل نطيتي اولاد او روحچ انطيتي
ارتاحي يم عباس والله كفيتي
بالگمر وانجوم منكسر مهموم والعزا قائم
_______
العتره كلها جت لجلها حضرو التأبين
هاذه ينعه او بيده شمعه اوذاك عنده اونين
الوفت لحسين الدين
نعوها المعصومين
ونين ايجر اونين للأبيه اعالمه
قليل اعليها انموت
التون وسط التابوت
بخيته او ام مبخوت اي عزيزة فاطمه
ماتت امن النوح والجسد راحل
والاسم ما مات ذكره متواصل
باقي لاخر يوم منكسر مهموم والعزا قائم
_______
ابو فاطمة الطائي