7993
خدمة الزهراء والحسين (عليهما السلام) للعزاء قناة متميزة منوًهة بخبرة عالية تعتمد على أساس دراسي وتطبيقي من قبل خطباء متميزين وأكبر الشعراء والرواديد
💔لطميه بحر طويل لام البنين عليها السلام 💔
ياويلي على ام عباس.... مابطلت ونتهه
رادت تحضر الويلاد .... هاليوم بجنازتهه
〰️〰️💔〰️〰️
رادت تحضرالويلاد ... همه للي يشيعوها
يمشون بنعشهه اليوم... وللمكبره يزتوها
ولاواحد لفه منهم... لامن اجو شالوها
ولحد المنيه تنوح... ماكطعت يدمعتهه
✍️ ام حسين العامري
〰️〰️💔〰️〰️
كل الآه والويلاه .. لأم عباس ونتنه
تستاهل بواجينه .. او فوك الراس لطمتنه
هاي التكضي الحاجه .. او بالمحشر شفيعتنه
لمصاب الجره ابعاشور
ما فترت مناحتهه
العلويه ام ناصر الياسري
〰️〰️💔〰️〰️
تنوح اوتلطم اعله الراس .. والدمعه عله الخدين
وتنادي ابضعيف الصوت .. يعزيز الگلب يحسين
ردتك لنعش شيال .. تحضر ويه لمشيعين
ماحضروها ألف ياحيف ماتت وهي ابحسرتها
✍️ ام احمد المنصوريه
〰️〰️〰️💔〰️〰️〰️
اتون طول العمر ضلت ... تنوح المهجت الهادي
تصد بيوتهم ضلمه ... بيهم من حده الحادي
تتنشد من الوادم ياهو يخبر اولادي
اتريد اامن الولد حماي لوشالو اجنازتهه
ام علي السماوي
〰️〰️💔〰️〰️
هاي ام البنين شلون ..محد حاضر وياها
تنازع والدمع بالعين ..دمع الحزن غطاها
وين اولادها الساعة ...ياهو الغمض عيناها
هاي ام الكفل هايه وفتها منيتهه
مريم العبوديه اسيرة الاحزان
〰️〰️〰️💔〰️〰️〰️
وافتها المنيه اليوم .. وين الي يشيعوها
والدمع على ام عباس بالحسره يهلوها
هاي ام الكرم والطيب بالشده يندبوها
حنينه وتجبر الخاطر ..ابد ماكو بمحنتهه
ام ✍️ علي الموسوي
〰️〰️〰️💔〰️〰️〰️
تمت بأقلام شاعرات رابطة احزان العقيله
غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام له
نعي 😭 لام البنين عليها السلام
~~~
ردو عليه اوشوفــو حـالي
بس وحــدي والبيـت خالي
عگبكم صفت وحشه الليالي
وحيده بقت بالدار امكم
وعيونها تـــربي لجلكـم
وكــــــت المنيه رايدتكم
✍️ ام احمد المنصوري
ـــــــــــــــــــــــــــــــــــ💔
انه تمنيتهم ولدي يحظرون
ولـو متت النعشي يشيلون
خلوني ومشو لاويـن يردون
اولادي بطو ماظن يجـوني
لاردو عليه وناشدوني
بدروبهم تربي عيوني
✍العلويه ام علي
ـــــــــــــــــــــــــــــــــــ 💔
الـــروح ونت رايدتهــــم
ماظن بعد يرجع شملهـــم
گطعت الامل والياس منهم
گــــــربت منيتي الروح ونت
والشوفت الغاليــــــن حنـــت
مانشفت دمعهه العيـن صبت
✍️ ام حسين العامري
ـــــــــــــــــــــــــــــــــــ 💔
دمعي يصب مانشف تدرون
وخافن اموت مـــاترجعون
يالرحتو غفله وماتــــردون
رحتوو من اديه وگلبي حزين
عليكم بعد مابطل اونيــــــــن
انه ابجي الاربعه وبجي للحسين
✍️ام سلام
ـــــــــــــــــــــــــــــــــــ 💔
أبجي ييمــه ليل ونــهــار
أنعاكم ووسط الگلـب نار
ماريد اطب واگعد بهل دار
ديرانــــكم وحشه عمتني
مرمرت روحي وصوبتني
بفركه ياويلي فجعتنــــي
ام ✍️ علي الموسوي
ـــــــــــــــــــــــــــــــــــ 💔
تمت بأقلام شاعرات رابطة احزان العقيله
غير مبري الذمه من يحذف اويغير اويتلاعب بالكلمات او يحذف اسماء الشعارات وينسي الكلام له
حال ام البنين .بعد سفر عزيزها الحسين .عليه السلام.
.................................
رفت حزن عيني. . من سافرحسيني
ضحيت اله بكل غالي .
سالم يرد حسبالي.
من سافر حسيني
.......................................
الله يرحمني ويعاود سيدي الداره.
واكعد بكوسر حنانه واسمع اخباره.
أنه من ساعة رحيله وروحي محتاره.
ياوكت يرجع وكلبي تنطفي ناره.
انه ادري ميردلي. . وانتظره يرجعلي.
والظن كَطع أمالي .
سالم يرد حسبالي.
.......................................
ادري مايرجع واتاني وانتظر يرجع.
هلبت الله ويذكر.امه وينشف المدمع.
اربع انذور انذرتله. فدوه اله الاربع.
بس يرد سالم اليه (ويمه) منه اسمع.
بيها الترد روحي. . وتبلسم اجرحي.
هيج واشوفه اكبالي.
سالم يرد حسبالي.
.....................................
ربي زاد الخوف بيه وطالت الفركَه.
وانتظر لحسين جيه.وروحي مختنكه
تروح وترد المشاعر .بالظنون الكَه.
ماترد ذيج الليالي ..مايصح ملكه.
تستعرض عيوني.. .واقع مله اظنوني.
صورت نحر تبرالي.
سالم يرد حسبالي.
....................................
صوت آهات ومصيبه اسمع واقره.
لو جبل هالكَلب صبره جانفذ صبره.
توجهت لله بصلاتي وسبحت الزهره.
ارزقني وجه اوليدي اشوفه حتلو نظره.
يارافع السبعه. . .رد يوسف البضعه.
ويكسر الخاطر حالي .
سالم يرد حسبالي.
............ . .......... ...........
راح اتاني وابقى اتاني.احسب الجيته.
واحضن بطيات كلبي فاطمه ابنيته.
انه ناطرته بشعوري وهيه ناطرته.
تريد ابوهه العين تجري بعالم السكته.
فوك الحزن كله. . جرحتني هالطفله.
مثل الجمر دلالي.
سالم يرد حسبالي.
....................................
بين دمعتها ودمعتي لن بشر صايح.
يهل يثرب خبر عندي والخبر جارح.
صوته بسم حسين ينعه والدمع سايح.
هناك برض الغاضريه من المهر طايح.
والجثه مسلوبه . .وعياله مرعوبه.
والله الممات اشوالي.
سالم يرد حسبالي.
........ .... ....... ...........
✍ ابو منتظر الحجامي 2024
قصيده لأم البنين ( عليها السلام )
[ آذان الطف ]
آذان الطف صوته ينادي
يـا حــيّاكــم يـا ويـلادي
متقصرون ... وتريدون ... رفعة راسي
يالـگدها اوصـيكم اذا رحـتو ودربـكم اخـضـر
عالـعايله وهـذا الخـدر اعـيـونكـم خـل تسـهـر
شما هالسفر دربـه كُبر ابقـه انـتـظـركم واكــبر
يلفيني شـيْبـي من وگت لو ابو الـيـمـه اتـأخـر
شـلـه بعـمـره الـودع غـالي
خنگه وحسره تعيش ابالي
وشيب اچفون ... وتريدون ... رفعة راسي
1____
ولْـدي أوصــّيـكم بـعـد زيـنـب أمـانـه عــدكـم
غطـوهـا بـرموش النـظر تـرتـاح كـون اختـكـم
حتى الهـوه يـمـشـي بـأدب ويـاكم ابعـهـدتكـم
عين الشمس لوفتّحت تنـفـگس من خــزرتكـم
مااريداً تعطش بت حيدر
اعرفـكم غيرتـكم محـشر
هاي ام عون ... وتريدون ... رفعة راسي
2____
يالرايحين اويـه الـضـوه لا ينـلچـلم مـن النـاس
لو راد يـتنـفس هـوه للـريـه اركـضـو بأحـسـاس
ولو شـده صـارت يالـوِلِد ظـهـر بظهر وي عباس
شدو الحزم وافدو النحر وادري ترفعون الراس
بالطف بيكم راح أتبـاهـا
خوتكم حُب يامـحـلاهـا
تنتصرون ... وتريدون ... رفعة راسي
3____
يايمـه هـالدنـيا حلـم سـاعـه ونـِفـز مـن عـنده
وهـنيـاله كلـمـن للصـدگ رايح و للـطـف حـده
واحدكم بوجهه نـحـر و طابـع حـسيـن بخـده
شـلال واحـدكـم صـبـح ويـا گــاع هـاي تـرده
يـالطـلگـتو الـدنيا وبـيها
والخـوه بـمنحر شاريـها
وتركضون ... وتريدون ... رفعة راسي
4____
لو خيـّم المـغرب عـليّ اجـروحي تبـدي تــدّي
البيت فارغ من ضوه والظـلمه صـارت ضـدّي
وهـاي العليـله بروحِتـه والـداها تبـقى اتنـدّي
عالباب چم دمعه وجرح واحزآن بيها تـِحـدي
يـومـيه المغرب مشـتاگـه
لــلــوالـد وتـريـد الــنـاگـه
ترجع كون ... وتريدون ... رفعة راسي
5____
محتاره شحجي وهالسفر هيّج مواجع بيه
للفـرگـه رايـد چـم گـلب عـلـويه هـاشـمــيه
بفـراگ الحسين انحـني وظهري تلزمه اديه
اللــيل شيـخـلصه بـلا وجـه الصـباح وضيه
الله وْيـاكم مـا اوصـيكـم
مــن اولـكم و لــتالــيـكـم
وتـضوّون ... وتريدون ... رفعة راسي
6____
احمد_رزاق_الاعرجي
وفاة ام البنين ع
اشكد تمنيت ابجـفوفه ايـطمني عباس
حسين اشوفنه عدل يحضرني مو راس
اتمـنه تشـيعي سبي من بيتي للشام
ومو تراب ابكبري اريد ارماد الاخيام
اشكد تمنيت اشكد تمنيت
*****
صبر ...اهوايه صبر .... كلبي ونطر
بفراش موتي وانه اتاني اجفوف عباس الكمر
حلم ... واشكد حلم .... اجفوف النجم
اتكود الحسين واشوفن مو نحر عنده جسم
اشكد تمنيت
احسين اشوفن طوله موش ابرمح حاضر
اشكد تمنيت
مـا اشــوف ابــصــدره بــاقـي اثـر حـافــر
اشكد تمنيت
ادمـوعه تـجري بـهاذه نعـشي اليهد خاطر
كمت اباوع بلكي اشوف حسين بالناس
لان قـبل اســنـيــن كـالـو ضـل بـلا راس
مـنهه ما ضـلـت الـيـه بـس الاحـلام
ومو تراب ابكبري اريد ارماد الاخيام
اشكد تمنيت اشكد تمنيت
********
عطش ... شوفج عطش ... صاح النعش
اشلون يحضر هوه يمج نحره مطبور اثنعش
جرح .... عيشي الجرح .... راس ابرمح
وانه اكولن حلم هاذه ويفز صوت امن الذبح
لا تنطرين
حسين طلعت روحه من السحك بالخيل
لا تنطرين
العشره مـوش اشـويه ذني ايهدن الحيل
لا تنطرين
ابـنعـشج احـبابـج تجـي لو جـالـج اللـيل
وانه اناطر عاليجي واسمعت بس صوت
صـعبه عـالـما عنـده جـف ايـشـيل تابوت
الــصــوت فـزز بـيـه مـو مـوت الالام
ومو تراب ابكبري اريد ارماد الاخيام
اشكد تمنيت اشكد تمنيت
*****
نحت .... النعشي نحت .... چلمه وكلت
ايهون كلشي وحته موتي وما يهون الطف صحت
عمت ....الوادم عمت ..... الزينب اجت
واعله الجبيره الركضه صعبه ابهاي زينب تيهت
عمر خمسين
صعبه لو ركضت جبيره وانضر ابهاي
عمر خمسين
بين ناس وخيل زينب ركضت اهواي
عمر خمسين
صـارت ابـمنـضر صعـب للرايح وجاي
عالجبيره اشلون تكدر تركض اركاض
اتمنه بيه الصار بيهه والدمع فاض
الحبل والصوط انه احمله عن الايتام
ومـوتراب ابـكبري اريـد ارمـاد الخيام
اشكد تمنيت…….. شكدتمنين
******'
الم ..... عشت الالم ..... عين وسهم
ليش ما محروك جفي ابذيج نيران الخيم
حبل .... وكون الحبل ..... مو للطفل
بجفوفي ذني الحبل ينشد واصعد انه اعله الهزل
ادعي ربي
كـون مـو هيـه اليـفروهـه عـلى النوك
ادعي ربي
ابمـجـان ام الـخـدر انـه ادخـل السوك
ادعي ربي
ابدال كون ارقيه جدمي ابجمر محرك
اتمنه طولي موش زينب بالقصر بان
ودخلت ام عباس اسمع على الديوان
اتـهون بـيه بس عليهه صعبه عالعام
ومو تراب ابكبري اريد ارماد الاخيام
اشكد تمنيت اشكد تمنيت
*****
حجي .... واخر حجي ..... بلكي يجي
واسمع الماعنده راسه ابنعشي يشبع بس بجي
غرب .... ابنص الغرب .... كال الكلب
كمر هاشم على جيه ذبي شوفج عالدرب
ردت هايه
يـحـفر الـعـباس كبـري وعـنـده جـفـين
ردت هايه
احسين اسمعه ابنحره يقره عليّ تلقين
ردت هايه
وغـيرهـه مـاني اريـدن خـل يجي البين
عــازت الام بــالــدفــن للـــولــد عــازه
واحمدالله اعله اليجي ايشيل الجنازه
ردت هايه بلكت الله الكلب محتام
ومو تراب ابكبري اريد ارماد الاخيام
اشكد تمنيت اشكد تمنيت
*****
سجاد الكعب
على لحن حلو بيارغهم
شدّوا محاملهم
وبعيني اصد الهم
هذا الزمان اشسوّه والله بحالي
ام البنين وجيت اودع الغالي
ـــــــــــــ
وي الفجر وكَليبي ضل كَارصني
ادري بعزيزي رايد ايودّعني
حضّرت دمعي وحضّرت كل ونّي
تعنّيت اله ولن شفته الي متعنّي
دمعاته بعيونه
وشفته انخطف لونه
تتعثّر الجلمه اعله طرف اشفافه
وتغيّرت من كَلّي يمّه اوصافه
شكَد صعبه اودّعهم
وبعيني اصد الهم
ــــــــــــــــــ
حين الوصل يمي اعتنيته بهمّه
مولاي كتله اوكَالّي ها يمّه
والله شكبرهه اعليّه هاي الجلمه
كلّي شرف لو روحي لحضه اتخدمه
أي والوجد قِبله
مخلوقه من اجله
شرّفني ربي وآمنت بسلامه
ابّيت الرساله من صرت خدّامه
وادخل منازلهم
وبعيني اصد الهم
ــــــــــــــــــ
يم الضعن رحنه واصد لعياله
وبس طفله ماكو من حسبت اطفاله
لنهه العليله الحيل شغلت باله
وصّاني بيهه بدمعته الهمّاله
بالدار اخليهه
خل عينج اعليهه
ابنيتي عليله وردتّج اتباريهه
والهل سبب يم الوفه امخلّيهه
وصبّت مدامعهم
وبعيني اصد الهم
ــــــــــــــــــ
عباس اجاني وابني راضع غيره
ماريد كَتله اتضل سكينه ابحيره
بعينك اعداك اعرفهه تبقه ازغيره
ها يا كَمر نورك ضوه بكل ديره
ها يا بعد بيتي
وبزينب اوصيتي
عينك عليهه يبني يا كافلهه
هاي الحنينه وانت التدلّلهه
وبس انت تكفلهم
وبعيني اصد الهم
ــــــــــــــــــ
ودّعت ابو اليمه ودمعتي ابعيني
ليش الزمان ابحسرتي امخلّيني
من ودّعتهم ما شلت جفّيني
ماعندي حيل وفركَته اتبجّيني
كَوّه وي ألآمي
شالتني اجدامي
ردّيت امشي واوكَف آنه الداري
علحسين ضلّت بيّه تسعر ناري
كتلتني فركَتهم
وبعيني اصد الهم
ــــــــــــــــــ
الشاعر محمد حسن ضيغم
بأذن رب العالمين أنه أجازي أم البنين
**
هـــــــاي لجل حسين ضحّت كل ولدها
بقت وحشه دارهـــــــــــا وظلمه بعدها
سنين ضلّـــــت باجيه الدمعه عله خدها
تصيح يبني حسين وتــــــــون الوحدها
بجت من أجله سنين أنه أجازي أم البنين
***
أربعه شبّـــــــــــــــــــــــانها كلهم فنتهم
لجل أبـــــــــــــــو اليمه عزيزي قدمتهم
بكربله كبـــــــــل أبني ضحّوْ سال دمهم
وبالوفه والتضحيه مـــــــــــــاكوا مثلهم
وتضحيتهم عن يقين أنه أجازي أم البنين
*****
الضحّت الأجـــــــــل النبي وأله عمرها
أنـــــــــــــــه أوافيها وأجازيها بحشرها
مـــــــــــــن تحير الناس كلها في أمرها
أنـــــــــــه أبيّــــــن بالحشر قيمة قدرها
التبعت أمر المتقين أنه أجازي أم البنين
***
بعد مــــــــــــــــا بيّن حقيقتها وفضلها
أبدي أجازيها علــــــــــــى دمعة مقلها
يم إلــــــــــه الكون أنــــــــــي أوكفلها
وبيدي جفين الكمــــــــر عزها وأملها
يم شفيع المذنبين أنه أجازي أم البنين
*****
لو سألني البــــــــــاري بيمن أبدي شكواي
مـــــــــــــــا أكلّه بنحر أبني وضوه عيناي
ولا بضلعي اللي أنكسر والجــــــــره ويّاي
أبدي بجفوف الوفــــــــــــه والساقي للماي
وضحّه من أجل الحسين أنه أجازي أم البنين
***
موقفي هـــــــــذا جــــــــــــزاء التضحياته
ورد جميل الربّــــتــــــه بهـــــــــذه صفاته
مات مـــــــــــــا مسهن أذه ولوعه الخواته
ويعتذر مــــــــن أبني مــــــن حانت وفاته
ساعة أنصاب الحنين أنه أجازي أم البنين
***
بجاه أبــــــــــــــو اليمه وعضيده والوفيه
الضحّت بــــــــــــــــــأولادها بالغاضريه
أسأل الربــــــــــي وأنشـــــــده بهل مسيه
أيعجّل أمـــــــــره الصاحب الطلعه البهيه
الجيته كلنه مناطرين أنه أجازي أم البنين
الشاعر
قاسم حتروش البلداوي
خادمكم
أسألكم الدعاء
غير مبري الذمه كل من يقرأها بطور الغناء
اليوم نقره الفاتحه بدمعه وحنين
هاي ام عباس هاي ام الحسين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاي ام عباس ضحت بربعه
قدمت لولاد بس ماقانعه
تريد تفدي بروحه علمشرعه
تصيح فدوه الروح لبن الطاهرين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اليوم نقره الفاتحه لم البنين
هاي بعباس ضحت للحسين
مانوفيهه تضل تطلبني دين
تحضر الزوار يوم الاربعين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
هاي ام اربعه الراحو فده
كالت لهم لا تهابون العده
لا تعوفون الحسين الوحده
ميته هيه وروحنه كلهه ونين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
احنه خدامج اجينه بل عزاء
اليوم نقره الفاتحه بسمج شفاء
انتي ام عباس يا ام الوفاء
نصيح تشهد كربلاء وثائرين
٠٠٠٠٠٠٠٠٠٠٠٠٠٠٠٠٠٠٠٠٠٠٠
والله تكضي حاجته الينخاهه
هاي باب الحاجه نترجاهه
تنكضي حاجاتنه بطرواهه
نلطم بحسره ونصيح ام البنين
٠٠٠٠٠٠٠٠٠٠٠٠٠٠٠٠٠٠٠٠
خدمتك متضيع يم الطاهره
هاي ام عباس سبع الكنطره
هاي يوم الحشر تشفعلك تره
نبقى حد الموت مطلوبين دين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اليوم نقره الفاتحه تسهيل امر
هاي ام عباس منه نعتذر
نفدي حتى الروح ألهه والنظر
ما نجازيه ونضل مقصرين
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اليوم اقره الفاتحه ودمعي يسيل
هيه ام عباس شتسوي قليل
بكربلاء ياناس سوت مستحيل
وخلت الشمات بيهه حايرين
كلمات خادم أم البنين
حيدر ناجي الدراجي
اتقله وجرني زماني بجمرة اخيامي
وجرني كفيلي ماسمع وني
وجرني وجرني خويه اقبالك والشمر سبني
وجرني وجرني الزم بيك خويه ويجر بيه
اللهم صل على محمد وال محمد
ابوذيات نعي في حق ام البنين عليها السلام
ليالي حسين بعد الأم ويمه
سوده والحزن جاره ويمه
تكَله ام البنين ابني ويُمه
يكَللهه وبواجيهم سويه
...........
صدك عن الحسن وحسين يمهُم
رحتي وهام صار الآه يمهم
لنهه ام البنين اتكَول يمهم
تجيهم بعد ماتلفي المنيه
.............
امعرف من نسب طاهر ولدهه
هاي ام البنين اللي ولدهه
سوو بالطف الأعظم ولدهه
لحد مافاظ دمهم عالوطيه
........
ماتت وبكَلب ولهان موجِر
يعتهه الحزن عت لحسين موجَر
عليهه الوكت ياهالناس مو جار
يظل الكَبر ليش ابلا بِنيه
الشاعر ياسر العارضي
*اصدار جديد#*
*حوار بين ام البنين وبشر (نعي)*
*📍لما سمعت ام البنين بشر ينعى في المدينه خرجت مذهوله وتنادي :افسحوا لي أيها الناس، أريد ان اعرف من ينعى هذا الناعي*
بـالله افـرجولي يـاخلق
قلبي رجف حيل وخفق
منهو الذبيح اللي انسحق!!
ومخيـمه أبنار احـترق
*سأل بشر من هذه المرأة،قالوا هذه ام البنين،*
گلها ياحره فاجعه
ذِبحوا القمر عالمشرعه
وتـعنه اخـوه المـصرعه
وشاف الجفوف امقطعه
*جواب ام البنين*
صاحت فداه الأربعه
بس يسلم ابن المرتضه
قلها ضلوعه امرضرضه
چم مره روحه امطلعه
من الظهر ليما المسه
خيل الأعادي تسحقه
حتى السمه مِطرت دِمه
ويمّ رأسه حضرت فاطمه
شافت على صدره شمر
مـاسك لحـيته ويـــجر
صاحت يـظالم لا يــمر
سيفك على عروق النحر
ضجه استوت في كربله
من القفى رأسه اعــزله
والخــيل جــتله امنعله
وطـلعت خواته معـوله
**تمــت*
*خادمة أهل البيت عليهم السلام*
*زهـرا الحساوي*
قصيدة شهادة ام البنين••♕
ثگيله حزن
ماضل كل شوف عميانه العين
ميته من فراگ وجهك يحسين
وينك يحسين
وينك يحسين
•••••••••••••••••••••••••••••••••••••••••••••••
يايمه الگلب شيب
بفراگك ضهر حدب
منتظره بشوگ
شيب كل شعر راسي
يمه ختنگت انفاسي
ونته المعشوگ
لا فيني الموت يابوسكينه
وگلبي بليلك زاد اونينه
وينك يحسين
وينك يحسين
•••••••••••••••••••••••••••••••••••••••••••••••
يايمه الجرح يكتل
ونطر ضعنك بكل ضل
جرحي بدونك
امشي وسال والوادم
مابين ضعن هاشم
گلي شلونك
كل مغرب صار انطر عالباب
بلكت يلفون الدياري احباب
وينك يحسين
وينك يحسين
•••••••••••••••••••••••••••••••••••••••••••••••
يايمه النضر رايح
يالشوگك بقه يراوح
بيه من اسنين
خلصن عمري ويامي
يالطايح ذبح ضامي
وبني بلا دين
بفراش الموت يمه انخاكم
بالطف ميتين الله وياكم
وينك يحسين
وينك يحسين
•••••••••••••••••••••••••••••••••••••••••••••••
اعتب عالربه يبني
كون بموتي ودعني
ميته ابغربه
منيتي باخر انفاسي
شوفك يابعد راسي
هاي الصعبه
يايمه الدار وحشه وظلمه
ولا ناعي يصيح كلمة يمه
وينك يحسين
وينك يحسين
•••••••••••••••••••••••••••••••••••••••••••••••
تعبانه وحزن دهري
بدونك خلصت عمري
مشتاگه هواي
كل ولدي فده جروحك
بس سالم ترد روحك
يمه لعيناي
ضل بيه الشوگ وانه بگبري
من ترد يحسين يرجع عمري
وينك يحسين
وينك يحسين
•••••••••••••••••••••••••••••••••••••••••••••••
خادم الحسين ع
مهند العايدي
تمت بفضل الله وال محمد ع
نسالكم الدعاء//1446ه
قصيدة حال ام البنين••♕
نزال ••حزن
وسفه ماشالو نعشهه اولاادهه
مصاب ابنهه احسين كلش هادهه
•••••••••••••••••••••••••••••••••••••••••••••••
على فراش الموت ضلت تنتظر
بالحزن والنوح والمدمع جمر
من لبچي فگدت بصرهه ام لگمر
لجل حب حسين ضل ميعادهه
•••••••••••••••••••••••••••••••••••••••••••••••
حيل تعبانه. ومريضه بلا ولد
والظهر مكسور عالطاح بعمد
لگلب ضل بحسين ينشد ماگعد
وحشه ضلت دارها من عمادهه
•••••••••••••••••••••••••••••••••••••••••••••••
گضت كل العمر تنشد عالضعن
واليالي تگضي بالضيم ومحن
والزمن غدار وياهه الزمن
خيمة العباس طاح اوتادهه
•••••••••••••••••••••••••••••••••••••••••••••••
تمنت حسين وچفيل العايله
الميت من يموت يطلبهم هله
ضلت بحسرتهه تبچي الكربله
وينكم يولاادي ظل نشادهه
•••••••••••••••••••••••••••••••••••••••••••••••
طلع نعش ام البنين بلا وداع
ولچفيل اعله لنهر فاگد ذراع
بلمدينه طاحت لچانت شراع
وسفه والتربان صار اوسادهه
•••••••••••••••••••••••••••••••••••••••••••••••
شلون يقره لفاتحه بلايه لچفوف
والسهم بالعين مايگدر يشوف
يبچي ضل اعله لگبر يمهه ويطوف
والمدينه تنوح عگب افرادهه
•••••••••••••••••••••••••••••••••••••••••••••••
خادم الحسين ع
مهند العايدي
تمت بفضل الله وال محمد ع
نسالكم الدعاء//1446ه
ــــــــــــــــــــــــــــــــــــــــــــــــــــــــ
أخـر نـفـس بيه وأنـه أنـتـضر جـيه
بس شنتضر * محــد يـمـر * غــــطاهم تراب
محــد وصل * بـــس الأجل * ناطرني عالباب
****
1= أقترب موتي * صرخ صوتي * بعد طولي * تعال تعال
يبو جروحي * ويمذبـــــوحي * يمســـؤلي * تعال تعال
أريد أشــــتم * هــوه المبسم * ودللـــولي * تعال تعـال
سهل كلـشي * أذا تمــــشي * ويكلـــولي * تعال تـعال
------------------------------------
أتمـــنه تلــفــــيني يحسـيني يحسيني
مشتاكه ألك * أنته وهلك * ياأغـله الحباب
محد وصل * بس الأجل * ناطرني عالباب
****
2= دصالحـــني * يجارحـــــني * أضل وحــدي * حرام حرام
ولا أخــــرك * دمع هـــجرك * حفر خــــدي * حرام حـرام
ردت لحضه * بهواك أحضه * وصل وعدي * حرام حـرام
مثل أمــك * شلت هـــمك * صـرت ودي * حــرام حرام
-------------------------------------------
يالمــــنكطع راسك مر بيه بحساسك
يابـو الوفه * شوفي طفه * وحبابي غـياب
محد وصل * بس الأجــل * ناطرني عالباب
3= ولــو صدرك * كسر ضهرك * لجن مـــرني * سكوت سكوت
تســع مــــيه * جرح بـــــيه * وألف ضرني * سكوت سكوت
عله عضامي * بجبد ضــامي * الدهر جــرني * سكوت سكوت
ولا أغـــالي * يــــــهل غالي * يهـــــــاجرني * سكوت سكوت
--------------------------------------------------------
موتني جم مره حسين بكطع نحره
لمن طحت * أشعر طحت * أقسم ببو تراب
محد وصل * بس الأجــل * ناطرني عالباب
**
4= أحترك ثوبي * يمحــــــبوبي * أنه أستاهل * تعود تعود
أريدنـــــــــك * وأحلفـــــــنك * ببو فـــاضل * تعود تعود
علـــه راسي * يبو حساسي * صعب قابــل * تعود تعود
أبوس أيــدك * وأشم جـيدك * ونــــتسا ئـل * تعود تعود
--------------------------------------------------------
بس تلمس عيوني مـــاريدن شلـــــوني
مات الضوه * خنكه الهوه * ياشبل الاطياب
محد وصل * بس الأجــل * ناطرني عالباب
5= نهجم بـــيته * الكلب ريته * وكف نبضه * وراك وراك
عجب كلـبي * بعد تعـبي * يدك يرضه * وراك وراك
قبل دفــــني * دصادفـــني * أذا تــرضه * وراك وراك
تغسلـــــــني * وتشيعـــني * ولو لحضه * وراك وراك
---------------------------------------------------------
عوضني عن تعبي ها يابعــد كلبي
شاب الكلب * من العتب * حل وكت الغياب
محد وصل * بس الأجل* ناطرني عالــباب
***
خادم العتره الطاهره عبد الجليل المالكي
يابالفضل يمه انتظر
نزلني بيدك للگبر
تمنيت تحضرني هناك
وحسين اشوفنه وياك
يابالفضل :: يابالفضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
آخر نفس يابو الفضل هاي المنيه
ياهو اليغمض عيوني ويسبل بأديه
وحشه الممات ومحد اليبچي عليه
ولدي النشامى استشهدو بالغاضريه
ياهو اليشيل جنازتي
ياهو اليهون غربتي
تمنيت عباس الگاك
وحسين اشوفنه وياك
يابالفضل :: يابالفضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ردتك تغسلني بدمع من ضيم الطفوف
بس وسفه بعيونك سهم ما تگدر تشوف
محتاجه روحي لشوفتك مو عمري مخطوف
ردتك تشيل جنازتي وما عندك چفوف
ظليت اباوع بالسمى
احضرني يابن فاطمه
فدوه اليسار ويمناك
وحسين اشوفنه وياك
يابالفضل :: ،يابالفضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
محتاجه تقرا الفاتحه وتهيل التراب
بيدك تنزلني الگبر مو چف الاغراب
تنزل دموعك علرمل يا اغلى الاحباب
وتصيح يمه اتيتمت وتشم الثياب
تحظني ساعه بهالحد
وتگلي يمچ ما ارد
يلصعبة اعيش بلياك
وحسين اشوفنه وياك
يابالفضل :: يابالفضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
أگعد على تراب الگبر لو راحت الناس
خليني احس بونتك يلكلك احساس
منكر يجيني ولو سأل والله ارفع الراس
انا ام الحسين وبعد امك يعباس
فضلته حتى اعلى الهوى
يحسين يا اصل الضوى
عباس امك بحماك
وحسين اشوفنه وياك
يابالفضل :: يابالفضل
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ابني الگمر لا ما رجع وادريها متصير
لا هو غايب يوسفي ولا طايح ابير
ابني السيوف اتلگته وما يرجع بخير
هذا المهم ويا فاطمه ما عنده تقصير
كفى اوفى ابني الشهم
عباس يا شيخ الزلم
ارفع الراس بطرواك
وحسين اشوفنه وياك
يابالفضل :: يابالفضل
كلمات خادم ام البنين
رعد الفريجي
قصيده مربعه لأم البنين
~~~~
اليوم اتوفت ام عباس حزنانه
تريد اولاد ايحضرون دفانه
~
تريد الاربعه وحسين يحضرهه
بيده للكبر رادت يوصلهه
او عباس اعله متنه الشهم شايلهه
يشيع الوالده او وياه خوانه
العلويه ام ناصر الياسري
➖➖💔➖➖
تريد الاربعه يشيلون الجنازه
مهضوم الكلب ويدور اعزازه
وبعازت ولي هل يوم معتازه
ضلت من بعدهم حيل نحلانه
ام ايه العامري
➖➖💔➖➖
نحلانه بقت من يوم فركاهم
مشتاكه وتريد الكعده وياهم
تنعى بكل وكت مايوم تنساهم
تون وتنوح ليش الدار خلوانه
ام ✍️ علي الموسوي
➖➖💔➖➖
تون وتنوح بالديران عافوها
واعزاز الكلب راحو ولاجوها
تعتب عله العزاز تريد يلفوها
نادت صوت للكطعو ذرعانه
✍️ ام حسين العامري
➖➖💔➖➖
للكطعوا ذرعانه تون وتنوح وصاحت صوت يمه ياعزيز الروح
وابو اليمه تنادي والكلب مجروح
من اعزاز الكلب ياوسفه فلسانه
✍️ ام اكرم ناصريه
➖➖💔➖➖
ماتت بالقهر محد اجه زتها
لاعباس لاجعفر بكه عدها
وسفه اليوم بالغربة منيتها
وين الي حظر ويشارك ويانه
مريم العبوديه اسيرة الأحزان 💔
➖➖💔➖➖
تمت بفضل الله وعونه بأقلام خادمات الحسين في رابطة أحزان العقيله غير مبري الذمه من يحذف الاسماء أو ينسبها له
#نعي
مولاتي ام البنين روحي فداها
حانت منيتي وهذا حدي
وياهو اليوسد بيده خدي
چانو خمس اولاد عنـدي
وهسه وحيده بغـير ولـدي
ريض الدفن ما كفت العـين
لهسه تتاني يلفي الحــسين
يرجعولّي بلكي المضعـنين
الصاير عليهم گلبي نصـين
ياهو اليگلهم امكم تـنوح
والنعش فوگ الگاع مطروح
تنتضر واحد مات مـذبوح
وهيه بنعشها النضر مشبوح
لأربع ولـد ما صـار وني
بس فگد ابو سكينه كتلني
روحي وعزيز الگلب يبني
شمحلاها لو بـيده دفنّـي
سنين الفگد للدلال -- ولمن ( آلمن)
ونوحي واللطم بجفاك -- ولمن
المن عايشه يحسين -- والمن
اشتم هوه وما ترجع عليه
عبد العليله
✍حيدر ابو كيان الفاطمي
#اللهم_عجل_لوليك_الفرج
ياام البنين.
•••
فرشنه سفـرتچ ودمــوعنه أيطلبن.
ورفعنه أچفوفنه وچفوفچ أيعزبن.
•••
بس نشتم عطرها السفره كلشي أيهون
يالمضحيه گمــــر والنوب فوگه أعيون
الله أيقدر ادمـــــــــــوعچ البيهن عون
لأن لحسين مـــــــــاهودن ويعزن.
•••
وأجينه والأجاج الكسر بي واصل
طرف گلبه واجــــاج ابهمة السائل
نوه يطلب ولكن بعـــــــده ماگايل
ويشوف أچفوفه مــنچ ترس ينترسن.
•••
ومحد عـــــــــاف هاي السفره والبيها
وخل تسمع الناس اعله الهوه احچيها
اليصفي النيه اصــعب حاجه تگضيها
ندعي أچفوفچ النه كل مسه يدعن
•••
أبوحسين السرگودي...
{أم البنــــــــين إنخاها}
أم البنــــــــين إنخاها .. بالشِــــــــــده لا تنساها
انتي الوسيله وما اعوفج .. انتي الوسيله
إنطت ولدها *** آه الفكدها
**
هاي ام البنين الواست البضعه
واجبنا عليها نسجب الدمعه
تستاهل حزن واعليها لو ننعه
هاي الما نست للكسرّوا ضلعه
وادمـــــــوعك التبجيها .. ام الحســــــــن ترويها
اتسجل اسامينه الليله .. اتسجل اسامي
يالكلبي عدها *** آه الفكدها
***
مثل ماي النهر دمعي الج مدرار
واسولف بيج وي روحي بحزن واكدار
عهد وياج يم الأربعه الأقمار
اضل طول الدهر خادم والج مغوار
من روحـــي اكتب ليها .. تسمعنـــي وادري اشبيها
هاي الرسايل يالحره .. هاي الرسايل
ابقى الوعدها *** آه الفكدها
*****
يالكلج وفــــــــه ومن الوفـــــــه كلج
على حسين اشكثر هليتي من دمعج
وماجن ضلعه جن ذاك الضلع ضلعج
بس فاطـــــم يحــــره تعرف ابطبعج
والحيــــــدر امحييها .. يم فاطمــــــــه تلكيها
تسجب دمعها بكل ليله .. تسجب دمعها
محـــد يردهــــا *** آه الفكدهـــا
**
اخذ منها الحوائج ساعــة الشِــــــــده
هاي أم الوفــه ما واحــــد إتـــــــــرده
كلها اعليج احلفج بالكطـــع زنــــــــده
وعليج حسين الضل اعله الترب خـده
لوتنهظم ناديـهـــــــا .. والفاتحه إهديهــــــــا
تلكاها يمك بالعازه .. تلكاها يمك
واضح مجدهـــــا *** آه الفكدهـــــا
*****
شرايين الأرض كلها عليج اتنوح
يالشفتي سرت بالطف سفينة نوح
كتبتيهــــا حياتج بالقلـــــم واللوح
ترستيها السفينه بالوفه والــروح
بالأربعه اتمشيهـــــــا .. ضلمـه وكمر يضويهــــا
فوك الشريعه اشخليتي .. فوك الشريعه
من جفه سدها *** آه الفكدها
**
خادم اهل البيت عليهم السلام
زيد الحدراوي
يل امسافر .. يل امسافر..اخذ روحي يل امسافر
…… ..
الحادي من سره بضعنك.. ورفّت راية الكافل
شما اشوف الضعن يبعد… انوحن والدمع هامل
آنه ام البنين آنه .. معشوگ الگلب راحل
عيني اتضل تصد للباب… وگلبي ابجيته متفائل
الگلب شاجر ..الگلب شاجر.. على افرگك.. يل امسافر
……
انظر والضعن يمشي .. وي كل خطوه اتلوّع
بيد اتوادع وياهم .. وبيدي آنه امسح المدمع
صحت يحسين خبّرني .. ترجع لولا ما ترجع
الله وياج يا يمّه .. اخر كلمه جن اسمع
فلا صاير .. فلا صاير ..النبض يمشي .. يل مسافر
ـــــــــــ
الرايه اترف اصد الهه ... وترف روحي لفراكَه
كتبت اعله الترب بيدي .. الك راح ابقى مشتاكَه
لما ترجع يضي عيني ... الجفن وي جفنه يتلاكَه
وزينب اشّرت ليّه ... شفنتهه من على الناكَه
يجي باجر .. يجي باجر ...واضل احسب ... يل مسافر
ــــــــــــــ
آنه الكَلّفت عباس ... بخته وليّه دكَ صدره
يرد سالم اضل انطر ..يرد عباس مانطره
كَتله تذود دون حسين .. نحرك من كَبل نحره
ومادامك عدل يبني ... محّد يوصل الحرّه
اهي تامر ... اهي تامر ...وتنفذ انت ..يل امسافر
ــــــــــ
شلون اتحمّل امن اسمع ... يرجع هالضعن خالي
وزينب جنها مو زينب ... ترد ابلا ضوه الوالي
من تحجيلي عن الصار ... اموت وينشعب حالي
اموتن موتت العباس ... امنشوفن زينب اكَبالي
بلا ناصر بلا ناصر .. تكَلي ضل ... يل امسافر
ـــــــــــــ
الشاعر محمد حسن ضيغم
للشاعر محمد حسن ضيغم
قصيده بحق السيدة ام البنين (ع)
ضحت بأربع ولدها
والدمع يحفر بخدها
تشعر امقصره بعدها
ام البنين
1
قدمت اربع ولدها للمنيه
اتگول خاف الزهره ماتقبل عليه
ربت الاقمار وانطتهم هديه
بوجه ابيض باچر اتلاگي الزچيه
قدمتهم دمعه دمعه
للحبيب العدها شمعه
مو عليهم هيه تنعه
ام البنين
2
بعد فاطم حضرت البيت الامامه
هم اسمها فاطم ونالت كرامه
ضحت بأربع بنيها والعلامه
حسين رادت الها يرجع بالسلامه
حچت وياهم يولدي
وي اخوكم اوفو عهدي
حسين منكم اغله عندي
ام البنين
3
من بعد ضيم وعذاب الغاضريه
ظلت ام الاربعه بونه شجيه
ماردتهم ولدي ويرجعون اليه
حسين سالم ردته بس ايرد عليه
مارجع سالم واشوفه
غالي ما أگدر اعوفه
ما شفت گبره واطوفه
ام البنين
4
بعد رحلتها ومصاب الطف عليها
وبعد ماضحت لبو اليمه بنيها
سلمت لامر القدر رفعت اديها
اتسلم اعله حسين واتمنت يجيها
من بعد رحلت صبرها
لان محد ما حضرها
اتمنته يحفر گبرها
ام البنين
5
راحت ام الاربعه الليله بحزنها
محد امن اولادها حاضر دفنها
اتمنته حاضر عزيز الزهره ابنها
چان نزلها الگبره بيده وحضنها
لٱن محد ما وصلها
الفاتحه نقراها الها
الليله بالدمعه ونگلها
ام البنين
الشاعر السيد رياض الرسل الجابري
ام البنين الصابره
ام الوفه سموها
**___***
ام عباس البطف ضحت
أربـع شبان اومـا قصرت
لجل حسين الأربع نذرت
ضحت بيهم كل الولد ام الكرم وصفوها
**____*****
اروع امثال النه انطيتي
الزينب والزهره واسيتي
وسيد العتره هـم وفيتي
اعليهم دمعه لا ماهلت كل المله عرفوها
**___****
لوعندك حاجه ومتعسره
ام الـــقــرآن الـهـا إقــره
وتوسل بـيهـا وبـالزهـره
متعسره أبداً ما تظل كل المحن حلوها
**___**
بـس اقـراها وصفي النيه
تكـول الصعبه خلها اعليه
كل حاجه احسبها مكظيه
بجاه الضحت وام العتره كل الشدد فلوها
___**
مـعـروفـه أم الاربـعـه
الـيـنخاها لا مترجـعه
صك الحاجات أتوقعه
مـن الـزهره والـخاتمه ام الكفل خلوها
**___*****
لخادم أهل البيت(ع): علي فائز الخفاجي
#_1442
ياحسين
اه يم الوفه اه يم الوفه
*
ألف حسره عليج ودمعتي بخدي
اليوم بمجلسج يحضرنه المهدي
اجه يعزي الكمر ويصبر بزينب
ودمعات الحزن فوك الكبر تنحب
ألج يرخص عمرنه ** دمعه وبدمعه
يا ام الاطايب ** بل كلب وجعه
اسمج ضل تخلد وانتي باب الله
وكل عام اليجينه احنه ما ننساه
*
ياهو الشيعج يحنينه ذاك اليوم
لا يمج كمر لا يمج انجوم
اضن حسين يمج بجنازه ينوح
وعباس اليسنده والكلب مجروح
ضحيتي بكمر ماننسه معروفج
المثلج ماتصح ياكعبه ونطوفج
ذبل حتى الورد لا مايفيد الماي
ياورد طفوف ويه الضعن حداي
***
ياشمس الغروب الغابت بلا وداع
يا ام غياره شلون جوه الكاع
ألج كبه بكلبنه يم الكمر العباس
انتي البنبض والروح والاحساس
هنياله النخاج بشدته تحضرين
بس الفاتحه يقراهه وتعرفين
وتكضي حاجته ومنه يزيل الهم
يل اسمج مبارك وحنه بي نلتم
**
انه ابنج وحضرج بدفن وياج
اجيتج بس دمع يا طيبه عد عيناج
انه حسين يمه وراسي ضل مرفوع
عله ارماح الحقد من الجسد مكطوع
ونعم هل التربيه اولاد ربيتي
جفوف وروس بيهم انتي ضحيتي
صرتي بمنزله ما تنوصف صعبه
تعلمنه اعله حبج دوم نتربه
*
اضن جنج ييمه ما عرفتيني
لاني بليه راس ومدمي شفتيني
انه حسين حتى ضلوعي مكسوره
وجت وياي زينب تمشي مقهوره
انه حسين يمه وجيتج انه بهم
يم عباس يمج ناصب المئتم
سلام منل كفيل الضل بلايه جفوف
روحه اجت يمج والوجه مخطوف
خادم ام البنين / حيدر ناجي الدراجي
قناة وَجيهاً بِالْحُسَيْنِ:
https://youtu.be/p0J3yjltPAU?si=SE-vWpRyI42dSb2u
سفرة ام البنين
💢 _*سفرة ام البنين (بدون محاضره)*_
💢 _*ملا عبد الستار الطويل*_
نــســــــألكم الدعـــــاء وبرائـــــــة الذمـــــه إن وجـــــــــد أخطـــــاء اثنــــــاء نقـــــل النعي
خــــــادمه لخدمـــــة الزهــــــراء وابنائهـــــــا عليهم الســـــــلام
_*خـــــــــادمتكم ( أمينـــــــــه) تسألكم الدعـــــــــاء🌹🍃*_
لا اجيـــــــــز حذف اسمـــــــــي
او بيع ماانقله او نسبه له
ملا عبد الستار الطويل 2015
🔻🔳..............................
🔷 *القصيده ..*
وإن أنسَ لا أنسى أمَ البنين
وقد فقدت وِلدها أجمعا
تنوحُ عليهم بوادي البقيعْ
فيُذري (الطريدُ)(1) لها أدمُعا
ولم تَسْلُ من فقدت واحداً
فما حالُ من فقدت أربعا
🔶 *النعي..*
لا تـدعِـوَنّـي ويكِ أم البنين
تذكريني بليوث العرين
كانت بنون ليَ أٌدعى بهم
و اليوم أصبحتُ و لا من بنين
أربـعةٌ مثل نسور الرُبى
قد واصلوا الموت بقَطع الوتين
تنازع الخرصان اشلاءهم
و كلهم امسى صريعا طعين
يـا لـيت شعري أكما أخبروا
بأن عباساً قطيعُ اليمين
يــا أم الــبــنــيــن
......................................
حبيبي حسين نساني عزيز ومهجة العباس
اون ونحب على امصابه وما اذكر احد ياناس
الوج بروحي من اسمع حبيبي بنعل ينداس
طريح موسد الغبره ياويلي مترب الخدين
ياشيعه ياليت بكربله وياه وفدي حسين بعيوني
📌 *الله الله اشعضمها المره هاي*
ياليت بكربله وياه وفدي حسين بعيوني
وطب المعركه وياه وخليهم يذبحوني
قالت وخليهم يوذروني وبالخيل يسحقوني
وخلو اوصالي تطشر بس يسلم عزيزي حسين
ياشيعه شلون اتسلى واسمع ضجت اعياله
وشوف الحوره اقبالي تصب ادموع هماله
📌 *شتقول زينب ؟؟*
اتقول مرمي وماحد للقبر شاله
ثلاثة ايام بالغبره بلا غسل وبلا تجفين
📌 *بعد اعددلك كم مصيبه وياها ؟*
ياشيعه شلون اتسلى والرباب اقبالي محزونه
تصيح شلون يايمه طفل عطشان يذبحونه
طلع بيه الشهيد حسين ولبالي يرحمونه
وجاب حسين اوليدي وشفته امدد الايدين
ياشيعه شلون اتسلى ورمله اقبالي تتحسر
اتصيح وتون يايمه شفته اقبالي يتعفر
شباب متربه اخدوده وجسمه الغالي مطبر
وجابو وليدي للخيمه وشفته مخضب الجفين
ياشيعه شلون اتسلى وليلى تصب ادموع هماله
تون وتصيح يايمه حبيبي تفجع احواله
عباة احسين فرشوها يايمه وجمعو اوصاله
وجابو اوليدي للخيمه وراسه منشطر شطرين
........................................
🔷 *يلا نروح اشوي على الشباب ، اتقول الروايه لمن جاب علي الاكبر ، وجابه للخيمه ونسوان راحو ، وليلى ماتدري ، كلما تشوف واحد تسأله شلخبر مايجاوبها ، الى ان شافت طفل قالتله اصاير ؟؟ قال عظم الله لك الاجر لقد ذبح ولدك ، يقول صارت تطلع من خيمه الى خيمه وتصرخ واولداه*
قلها حلي احزامه ياليلى وغمضي عين الشباب
وعدلي خد المدلل ياحزينه امن التراب
شدي اجروحه يازينب فجع قلبي بونته
ياختي شدي بهالعصابه طبرة الي بجبهته
هيجتني راد قلبي ياشبيه المصطفى
عقبك انه العمر ماريده على الدنيا العفه
الامر والمرجع والحكم لله على ظالميهم لعنة الله
▪ثم تاتي بالمحاضره ان اردتم ذلك
........................................
🔶 *النعي ..*
اقولها ....
انخاج يم البنين لا تخيبيني
يم البنين انخاج وانتي الوسيله
اعليج القلب ممرود وهمومه ثقيله
ابجاه القمر عباس وبأخته العقيله
في ساعة الشدات لا تترميني
ياأم البنين ..... ياام البنين
اقسم قسم بحسين وبأمه الزجيه
وبنحره المقطوع بالغاضريه
وبصدره المرضوض بالاعوجيه
قالت يمه ودموع العين منثوره
انه زينب يايمه وجيت مقهوره
واذا ماتعرفيني والله معذوره
المصايب شيبة راسي يم البنين
قالت مااصدق العقيله انتي
لونج منخطف وشلون يابنتي
جنتي شباب ومحنيت ظهر صرتي
🔷 *شلي غيرج يازينب ؟؟*
اتقلها يايمه السوط سودلي امتوني
ولهب نار المخيم غير ترى لوني
ومن كثر البواجي ذبلت اعيوني
والدمع حفر لي في وجنتي نهرين
طلعتي يازينب ابحمه الابطال
عزيزه هناك جنتي ورجعتيلي ابياحال
الغبار ابعباتج ويه هالاطفال
معصبه الراس تصفقي راحت الايدين
يايمه انه العصابه حطتها على الراس
من شافت اعيوني يايمه مصرع العباس
وشفت حسين يايمه بخيول العده ينداس
.......................................
🔻 *زينب بسألج سؤال ليش هذا الغبار على عباتج هاا ؟؟*
قالت اذا تسالي عن هالغبار ياحره
ابركوب التل طحت عالقاع جم مره
ومن الناقه جم مره طحت يمه على الغبره
🔷 *ويلي كاني بها خرجت من خيمتها قاصده الى ابيها ، اتقله*
خويه انا جيتك فاقده الراي
ومن الرعب تتراجف اعضاي
وعليه اعداك توماي
يقلون هاي ام الخدر هاااي
هاي اخت الذبيح الماشرب ماي
.......................................
بيت الدعاء واسألك الدعاء
📌 *اشقالت له ؟؟*
الله يساعدچ يالفاگده حسين
حگج لو دموعچ تجري بالعين
وانطيتي اربع زلم منچ صدگ والنعم
يا ام البنين__ ياام البنين
___
ماشفنه الحسين ومن نذكره انوح
بس يمرنه ذكره نصير كلنه اجروح
وانتي الچان بيتچ عطره منه يفوح
اشصار ابحالچ امن اسمعتي بي مذبوح
هم گلولچ اسوالف على الخيل
من داست بصدره وسحگته حيل
وبهايه عندچ علم_منچ صدگ والنعم
ياام البنين____ياام البنين
____
بشر لمن حچالچ ماحچه الحاله
ماگلچ عزيزچ فوگه خياله
ولا گلچ يحره بحالة اطفاله
وبحرگ الخيم من طشت اعياله
لوبس سامعه وشصار ماصار
لمن بالخيم واشتعلت النار
وماتت رقيه بحلم ____منچ صدگ والنعم
ياام البنين ____ياام البنين
____
مايرجع بعد شيرجعه ابو اليمه
ومكتوب اعله دارچ بالحزن ضلمه
مثل يعگوب عينچ بالبجي تعمه
حسين الچان نعمه وراحت النعمه
راح حسين لا مايرجع الراح
والرايح عزيزه اشلون يرتاح
جرحچ بده ينرسم———منچ صدگ والنعم
ياام البنين ____ياام البنين
_
عن ولدچ اسئلچ وين صارو وين
كون تشوف عينچ طيحة الچفين
وعباس بوگعته وكسر ظهر حسين
اولدچ من مشو واشلون لوتدرين
بحب حسين ذابو مثل الشموع
صدگ يستاهلون انصب الدموع
من عندچ اخذو عزم _منچ صدگ والنعم
ياام البنين ____ياام البنين
__
سواچ الله باب وللكرم خلاچ
لان لحسين بالطف چان كل ارباچ
تمنينه اعلى گبرچ كون بي شباچ
ونجي لصحنچ نزوره ونضل نبچي وياچ
چا هسه اعله بابچ تبچي هالناس
چا غير انتي ام الگمر عباس
ابنچ هذاك الشهم _منچ صدگ والنعم
ياام البنين ___ياام البنين
___
✍️احمد علي البغدادي
محرم الحرام 1445 هـ
قصيدة حياة ام البنين||
شور•• وگفه
يم العطاء
يم الگمر
يانبع الجود البلخيم نبع الخوه
انتي وصفاتچ ماله حد بيچ مروه
منچ عباس ومن زغر گمره وضوه
انتي الحنينه وعارفه منچ طلع كافل
اول شخص يم حيدر صاير ضواه كامل
أم البنين املقبچ عالحاجه لوسائل
ام البنين••انتي وكفايه
ام البنين •••منچ الرايه
ام البنين ••كافل ومايه
يم العطاء
يم الگمر
•••••••••••••••••••••••••••••••••••••••••••••••
انتي الااصيله وخيرچ لجازي لفضه
وللحاجه باب وللگمر گلبچ رضه
انتي الوفيه بلايه رد كلشي نگضه
بت الفحول معدله وحته علي تباهه
انتي لكريمه وفاضله معروف معناهه
يامره مثلچ يابخت محلاته طرواهه
ام البنين •••كلفه بزلامچ
ام البنين •••مانزل هامچ
ام البنين •••كلهه گدامچ
يم العطاء
يم الگمر
•••••••••••••••••••••••••••••••••••••••••••••••
وماينحسب طبعچ على هاي الخلگ
ليتعنه بيت اهل النبي يشبع صدگ
وماعنده غيره لعايف ادروب لعشگ
فاطمه وسمچ موصعب كلش سهل رده
وكل الخلگ يم عتبتچ ماعنده والنعده
يالغاليه ودربچ عدل شمعت علي اولده
ام البنين••• منهچ الغيره
ام البنين•••ماتضل حيره
ام البنين••• أول السيره
يم العطاء
يم الگمر
•••••••••••••••••••••••••••••••••••••••••••••••
أشگد عضيمه وشوفتچ كلهه امان
أصل الشرف يافاطمه وم الحنان
هنياله عايش رحمتچ وبكل زمان
أول هديه الكربله هذا البزر كله
لمايعرف اسمچ خل يجي من يسال نگله
اطت گمر راعي العلم كل ماطلع يحله
ام البنين •••شمعة الساده
ام البنين ••••راية القاده
ام البنين •••• ربت اولاده
يم العطاء
يم الگمر
•••••••••••••••••••••••••••••••••••••••••••••••
خادم الحسين ع
مهند العايدي
تمت بفضل الله وال محمد ع
نسالكم الدعاء//1446ه
تمت 2024/12/9
قصيدة فخر ام البنين ع•&
نزال
يم البنين
يم البنين
•••••••••••••••••••••••••••••••••••••••••••••••
شگد وفيه وعالمه يم الگمر
حگه عباس الگصد ماي النهر
انتي منبع للوفه ودربچ مطر
بيت حيدر والملائك تبتشر
يالحنينه وصابره
ماشفت مثلچ مره
يم البنين
يم البنين
•••••••••••••••••••••••••••••••••••••••••••••••
حگه حيدر يفتخر يم الوفه
رحمة الله وبيچ كل المعرفه
والصفاة البيچ ماكو بكل مره
طاهره وعلويه والشاف اكتفه
معدله بكل مقياس
ونار مثلچ عباس
يم البنين
يم البنين
•••••••••••••••••••••••••••••••••••••••••••••••
انتي ستر الله وعفافچ ماله حد
يالجليله شلون خلفتي الولد
جبتي ثلث انجوم والرابع گمر
يالبخيته وسمچ ايحل الشدد
خيرچ من الله زهر
ماشفت مثلچ بشر
يم البنين
يم البنين
•••••••••••••••••••••••••••••••••••••••••••••••
انتي رحمه ونقره بسمچ فاتحه
فاطمه بنت الااصل والواضحه
وعلي يعرف لمن ختارچ بعد
الراده منچ زلم للطف. مالحه
عنبر الله بچلمتچ
اية الله بشوفتچ
يم البنين
يم البنين
•••••••••••••••••••••••••••••••••••••••••••••••
الحاجه يمچ ماتعسر تنگضي
بت حزام وحگه مولانه الوصي
جابچ البيته وعرف گلبچ اكيد
منيتچ تصيرين عد بيت النبي
فاطمه گول ونعم
حگهه تنخاچ الزلم
يم البنين
يم البنين
•••••••••••••••••••••••••••••••••••••••••••••••
خادم الحسين ع
مهند العايدي
تمت بفضل الله وال محمد ع
نسالكم الدعاء//1446ه
تمت2024/12/7
[تراث ( اهوازيه ) لسان حال ابو الفضل العباس عند رحيل امه ١٤٤٤]
من أرض الطفوف اليوم ... اجت ولدج يبدويه
من سمعو الموت احذاج ... اجينالج فرد جيه
****
الهواشم قافله اتعنت ... والانصار اجت كلها
ومثل مارحنه من يمج ... ردينه ابقوافلها
اجينه وتنعه اخيتنه ... واحنه دموعنه نهلها
واحنه منكبين اعليج ... منيتج صعبه نحملها
سبب موتج يريته الباب
ومثل الزهره ضلعج عاب
ولفينه العمامه انكاب ... وبجه احسين وعلاويه
***
سمعت حسين يم زينب ... كال احجايه وألّمنه
يم عون ابدمع سجاب ... كلها احنه تيتمنه
كبل هم امنه ام عباس ... بزر شركتها وتحبنه
ويزينب كل بشر بلكون ... يفدي ارويحته لبنه
وفدتنه ام الشهم كلهم
ومانشدت اشصار الهم
بس نشدت فعايلهم ... عظيمه هاي المريه
****
يحره يلفكدتي الشوف ... بكثر ما للدرب تربي
الزهره جايه تغلسج ... وتكول لزينب اتكربي
يبنيتي انتي جيبي الماي ... وعلى جفيني صبي
وخلنه انجهز ام عباس ... الفدت أولادها لتعبي
تجازي ارباج والفزعه
اجت فاطمه تصب دمعه
اتكول اليوم شمضيعه ... مضيعه التنعى ليليه
***
وكفتي اشكد اباب حسين ... وبحين الدفن حاضر
يكلي ايعّظم الله أجرك ... وحاله يكسر الخاطر
تشابك وي اخيه وصاح ... راحت ام كلب شاجر
حسن تدري شكد نادت ... اويلي احاه من العاشر
تنادي وتطلم الخدين
يمه حسين يمه حسين
وينك ياافتاش العين ... لحد ماجتها المنيه
**
ييمه والج صار انياح ... وعد هاشم صفت ثلمه
وشالو نعشج أهل الجود ... وساده وعرب ملتمه
بس يايمه حال حسين ... صريع وبلعرى جسمه
يريتج حاضره اتشوفين ... ضل اوحيد ابو اليمه
ومو بالغربه من رحتي
ولا من العطش متي
ولا علترب اخو عفتي ... ولا رحتي انتي مسبيه
الخادم: عباس محمد الحميداوي
٢٠٢٣ .١٤٤٤ هجري
٥/١/٢٠٢٣ ليالي ام البنين عليها السلام
ام البنين ع
مو صدفه دار الزهره تصـبح دارچ
الله لعقيل اوحى و عقيل اختارچ
...................
ربچ اوحى ابقدرته قُم يا عقيل
اخطب ام الأربعه لحامي الدخيل
لبوه غير اشبال قطعاً ما تشيل
حره اصيله وما تخلف بس اصيل
سرچ عظيم او واحد امن اسرارچ
الله لعقيل اوحى و عقيل اختارچ
...................
لدار حيدر جيتچ چانت ربح
وللعقيله البلسم اليشفي الجرح
ابلا شمس ما ينعرف وجه الصبح
ودونچ الطف يبقه زاد ابلا ملح
يَمُ الوفه وأكراماً لأيثارچ
الله لعقيل اوحى و عقيل اختارچ
...................
درتچ ما غذت اولادچ اضن
رضعيتيهم وفه ابدال اللبن
انتي اول ام تمنت بالزمن
اچفوف ابنها اعله النهر يتگطعن
لا مو عجب يلمرتفع مقدارچ
الله لعقيل اوحى و عقيل اختارچ
...................
زينة الدنيا انعرف مال وبنون
وانتي عندچ كلشي لحسينچ يهون
اوصيتچ لولادچ ابحدي الضعون
سالمين ازعل عليكم من تجون
يل بس عله احسين احترگتي ابنارچ
الله لعقيل اوحى و عقيل اختارچ
...................
يبني يلعباس گلتيله ابألم
يُمه حاذر لا يجي لعينك سهم
انه كل خوفي اذا طاح العلم
زينب اتضل لا كفيل ولا خيم
چي خوفچ اعله ام الخدر واعبارچ
الله لعقيل اوحى و عقيل اختارچ
...................
يلوفائچ جاوز احدود الوفاء
انتي لا شك باچر اويه اهل الكساء
بيده ابو صالح لون حان النداء
يبني الچ گبه ومقام ابكربلاء
وكل الحوائج تنگضي لزوارچ
الله لعقيل اوحى و عقيل اختارچ
...................
سيد علي عبدالزهره الناجي
يلجناز الله عليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عطلوهه الجنازه ولا تشيلون
تانو اولادهه وهلبت يردون
هاي ام البخت يا وسفه وشلون
ما حضرو ولدهه ولا يشيعون
ما ثغبو وراهه
لا عباس اجاهه
خلي ام البنين شواي خليهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يا جناز تاني وهلبت يعود
گمرهه من الطفوف وشايل الجود
يشيل جنازة امه بذيچ الزنود
نعرفه بكل وكت عباس موجود
يكض صفاحه وينوح
گلبي اليوم مذبوح
امي ابمگبره وتربان غاطيهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي ام البنين الوفت الدين
هاي اطت عمرهه لعمر الحسين
ها يا موت رايح بيهه لا وين
خل نشبع لطم ودموع وونين
ويانه العقيله
هاي شلون ليله
والزهره بدمعهه اليوم تبچيهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ودوهه اعله گبره وخل تشم بيه
تعدل من نجيب حسين طاريه
صاحت هذا امامي وما اجازيه
كون بكلبي ادفنه بروحي اغطيه
هذا ابن العظيمه
انه بدونه اليتيمه
فديته اربع بنين وروحي الافديهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
هاي ام الكلافه الربت ارجال
بزغرهم والتشوفه تگول خيال
بس عباس وحده اليعدل المال
شال الكون بيده بساعة الگال
هل من ناصر حسين
ذب چفوفه الاثنين
زينب هذا اخوهه العتبه يگضيهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ودوهه لابنهه الدمعه تنراد
يفتح باب گبره لبت الاجواد
اهلا بيچ يمه النوح ما فاد
يلغمضتي عينچ والهظم زاد
اي وحشه الجنازه
لهذا اليوم عازه
ولدهه اعله المتن لو غربو بيهه
يلجناز الله اعليك يم عباس وديهه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلمات خادم ام البنين
رعد الفريجي