3570
خدمة الزهراء ع والحسين ع لموالد الآل الأطهار والمناسبات الأخرى
🌷#افراح_رضوية🌷
. الـكـــــون كـــلــــه ردد
جـنــــة الـلـه مـشــهــد
*---------------*---------------*
بـيـهـه مـرقـد نـور ويـشـع للـسـمـه
اقصد لضامن سـَمـي حـامي الحمه
الليـلـه كـلـنـه انـهنـي أمـه فـاطـمـه
وبـيـن أديـهـه الحفل هـذا انـقـدمـه
كـلـمــه بـيـهـه مـقـصـد
*---------------*---------------*
مـا يـهـمنــه الـي رضـه والـمـا رضـه
هـايـه فـرحـه عمّت أرجـاء الـفـضـه
الـكون كـلـه الليلـه يـهـتـف يالـرضٰـه
ألـف هـنـيالـه الــذي بـحـبـك حـضـه
بـاب حــزنــه يـنــســـد
*---------------*---------------*
فـرحـت ابـيـات الـشـعــر غـنّـت ألـه
هـذا مولانــه الـرضا بـنـوره اعـتـلـه
على اجـنـاح الشوگ حـبـنـه انوصّله
ونـاخـذ لـمـشـهـد عـطـر من كـربـلـه
اهـنـاك حـبـنـه يـنـشــد
*---------------*---------------*
الليلـه بـگلـوب الـفــرح نـقـصـد تـره
وبـينـه تحدي أشواگنه وتـلـزم سـره
انـگـلـه نظره انـريـد يـبـن الـطـاهـره
لـكـل مـوالـي كـون تـجـبـر خـاطـره
فـرحــه تــعــبــر الـحـد
*---------------*---------------*
خادم الأمام الرضا (ع) 🌷
✍الشاعر رعد الجريخي
أبوذيه بحق الأمام الرضا (ع)
يهالتـســأل عـلـيـه الـيـوم.. هل هيل
اوصفه اشلون ما ينوصف.. هل هيل
الـكــون بـمـولـده يـا نـاس.. هل هيل
سـطـع نــور الـرضـا وشــع لـلـبــريــه
*---------------*---------------*
خادم الأمام الرضا(ع)
✍الشاعر رعد الجريخي
١١ // ذي القعدة ميلاد السلطان الامام علي الرضا عليه السلام
هوسات
🌹🌹
حبي لهل البيت ابد مابي دغش
بالولاء وبالعشگ گلبي انفرش
من شهر ذي القعده كل يوم هدعش
الجنّه بضامنها اتباهت
🌹🌹
بميلادك هله ياضامن الجنّه
بضمانك يالرضا ياسيدي اضمنّه
بشباچ نطوف الليله نتمنّه
والحضره نشم عطر البيهه
🌹🌹
متباركين بميلاد الثامن الضامن
شمس الشموس وانيس النفوس
ابن موسی الكاظم
الرضا عليهما السلام
اللهم ارزقنا زيارته بالدنيا وشفاعته بالاخرة
ام محمد الحجاج
لولادة الامام علي بن موسى الرضا عليه السلام
بميلاد الرضا يامحله الانوار
اهني الناس كلها صاحب وجار
اهني الرايح وجاي
وكلمن فرح وياي
بميلاد الرضا يامحله الانوار
★★★★★
دفع سود الليالي وَنَوَّر الليل
صب على الجهل انواره سجيل
واغصان الخميلة بطلعته اتميل
يهني اهل الأرض فرحان جبريل
نزل جبريل فرحان
يطوي ليل الأحزان
بميلاد الرضا يامحله الانوار
★★★★★
كرم يوم القيامه چفك وخير
شافع لليجييك وكله تقصير
ومحافلنه سعاده بأسمك اتصيير
انفاسك هدايه الكلمن ايحيير
حبك نَوَّر الكون
غصبن عليكرهون
بميلاد الرضا يامحله الانوار
★★★★★
ياثالث علي ياكعبة الروح
يابلسم نزل مَحَّاي الجروح
گبل الناس اسمك چان باللوح
اسمك باب للجنات مفتوح
ريحان الهوه الهاب
نگول ومحله الاسباب
بميلاد الرضا يامحله الانوار
★★★★★
ابو محمد سندنه بيوم الأهوال
يوم الجاه ماينفع ولا مال
بميزان العشگ كل ذنب ينشال
حبك وحگ طه خير الأعمال
بميلاده الحزن شال
عنه وشد الأرحال
بميلاد الرضا يامحله الانوار
★★★★★
محافلنه زهت بالورد والياس
بميلاد الرضا خل تفرح الناس
من بيت النبوة وللعلم ساس
ياثامن إمام ورفعة الراس
افراح ومسرات
وللدمعه نهايات
بميلاد الرضا يامحله الانوار
الشاعر حسن لعيبي الحريشاوي
لولادة الامام علي بن موسى الرضا عليه السلام
ينور ومعدنه الدين والاطهار الميامين
بميلادالرضا اليوم. سرور الگلب والعين
★★★★★
وحگ الثامن الضامن وعينه
بحبه من الصغر احنه وعينه
يربي انطي الصبر گلبي وعينه
افراگ ازيارته شمسوي بيه
خذاني الشوگ بجناح
خذاني المشهد وراح
هناك همومي تنزاح. وتذوب اجروح السنين
بميلاد الرضا اليوم. سرور الگلب والعين
★★★★★
شنهي قيمتي بدونك هوانه
ذليل الگلب مايرحل هوانه
يبن موسى الك مكثر هوانه
خذانه الشوك ليك بهلمسيه
جناح الشوگ مولاي
خذاني ورحت عناي
والله زيارتك هاي. چنها زيارة حسين
بميلاد الرضا اليوم. سرور الگلب والعين
★★★★★
عاجز كل فكر من راد وصفه
ياماي الزلال الگلب وصفه
من الله زيارته للناس وصفه
يمه ماتظل عله خفيه
حبيب واغله محبوب
مالك كل الگلوب
من بحور الذنوب سفينه وبيها ناجين
بميلاد الرضا اليوم. سرور الگلب والعين
★★★★★
فكر عالي مظامينه وسامي
ذلاها ملوك اشگد وسامي
اسمك علصدر هوه وسامي
بيه افخر على اليفخر عليه
بيش الي يفخرون
وبيانهج يمشون
وأساس الدنيا والكون. محبة ال ياسين
بميلاد الرضا اليوم. سرور الگلب والعين
★★★★★
من ذروة بني هاشم وصلها
مكانه الك ماواحد وصلها
الفرحة اليوم يامحله وصلها
بميلاد الرضا نفرح سويه
أمام ابامر معبود
ابن من ذل الگيود
وابو من أسس الجود. سطع مابين نورين
بميلاد الرضا اليوم. سرور الگلب والعين
الشاعر حسن لعيبي الحربشاوي
(أبوذيتين) :
المجد بس إلك يالغالي .. وِ لَهْلَك
او دلالي اشكثر شايل .. وَلَهْ لَك
ما أخسر أنا ابحبك .. ولا أهلَك (من الهلاك)
إذا بِذْيالك الجنه العلِيه
&&&&&
الغيرك بالشرف مولاي .. مشهد
و ابعُمري هيامك أجَل .. مشهد
مشتاكـ اشكثر لتراب .. مشهد
لأن بيْه ريحَةِ الزهره الزجيه
&&&&&
إبراهيم الدريس
في ذكرى ميلاد الإمام الرضا (ع)
بيك الشيعه فرحانه .. يالرضا يمولانه
& & & & &
ابنورك اللي شع .. يا أبا الحسن .. كل موالي فرحان
اوكلبه يا علي .. هم عِزَف إلك .. أحله وَأعْذب ألحان
ساكن الدِّمه .. اوتشهد السِّمه .. إنته أغله إنسان
اوبس نورك سِطع .. يا علي الرضا .. اتخضِّرت هَلغصان
نورك انته أحيانه .. يالرضا يمولانه
& & & & &
يا إبن علي .. إنته يا علي .. كل علي نحبه
إحنه نبتعد .. عنك ابشبر .. هذي والله صعبه
تدري سيدي .. لو ما نذْكِرك .. جا دنيتنه غربه
اومنعوفك أبد .. وانته هم شفت .. نبض ايعيفه كلبه ؟!
يا عشكنه وِاهْوانه .. يالرضا يمولانه
& & & & &
الشاعر اشكتب .. واشما يا علي .. وَصَّف ابخياله
ما يوْصَل عِشِر .. من وَصِف حِسِن .. وجهك اوجماله
يوسف انذِهَل .. يمك أعتقد .. يا حامي الغزاله
واللي يعشكك .. صله عالنبي .. اوسلم اعله آله
سُودَنِتْها دنيانه .. يالرضا يمولانه
& & & & &
يا نور الشمس .. من تمر يِكف .. يالرضا لك الكون
اومن تمشي المحب .. ما ينثر ورد .. لجلك ينثر اعيون
عيني امْن افْتحِت .. غيرك ما شفت .. يا كافَ الله والنون
الهذا امْن الزغر .. يا علي الرضا .. بسمك آنه مجنون
روحي الليله نشوانه .. يالرضا يمولانه
& & & & &
يوسفي صرت .. يا علي الرضا .. اوحالي مثله يعقوب
من عندي النظر .. يا علي انعِمه .. اوما شفت إلك ثوب
يمته حضرتك .. آنه أعتني .. يا طبيبِ لِكلوب ؟! ..
اويمك أندعي .. واَهْمِل الدمع .. اوما تِظَل إلي اذنوب ؟!
بالحشر لَتِنسانه .. يالرضا يمولانه
& & & & &
خادم الرضا (ع) : إبراهيم الدريس
ابدمائي والله يالغالي اشتريتك
او هذا اليوم يالطاهر نخيتك
أجي يمك وأطوفن مرقدك ذاك
وأقبِّل بالفرح بيبان بيتك
ضايع بالحياةِ او ما لي عنوان
من يوم الذي بيْه فارگيتك
ما رايد قصر ما رايد أموال
بس ظلِّلني يالغالي ابحميتك
مثل أُم ضاع ابنها ابّين زوار
يبن راهب العتره دوّريتك
گلت يمكن ابيمنه ابيسره ألگاك
لاكنِّي ابوسط گلبي لگيتك
مِنَّ الله المحبه و آنه أهواك
و ابنبضي المُتيَّم غازليتك
شفتك ما تردِّ انسان محتار
لذلك يا إمامي عاشريتك
خدمتك عطِّرت أيامي مولاي
او تاج المفخره املبِّسني صيتك
إنته اهواي أكبر منِّ الظنون
لذلك بالعقل لا ما حويتك
شفتك من گبل الأنوار قنديل
او ترى گبل الأزل والذر هويتك
بيِّض وجهي بالدارين أرجاك
عليك الله مثل ما بيضه نيتك
او ريتك.. بالحنان الرضوي ذاك
وابغيرة علي تشبگني ريتك
عليك أقسم إمامي اباب المراد
و أمشِّي اعليك هيبتها لحيتك
سامحني إذا زعَّلتك ابيوم
و اذا بذنوب كثره كدِّريتك
لا تبعدني عن عالم الخدام
و لا تطردني عن بابك رجيتك
صح صارت اسنين او ما إلك جيت
بس صدِّگني والله ما جفيتك
كل يوم او يمر ذكرك على البال
و ابكل لحظه آنه اتأمِّليتك
إمامي او قائدي او سلطان دنياي
او حبيبي الأغلى گبل الحب دعيتك
إبراهيم الدريس
لولادة الأمام علي بن موسى الرضا عليه السلام
بميلادك ولاتنوصف فرحتنا
ومحلاها بعد هليوم. لمتنا
يسلطان المهج حلت سعادتنا
لاوينه الهموم الياما لاوتنا
يبن خير البشر للموت سادتنا
شفيع وناصر بأيام شدتنا
نودع بالملاگه وياك. غربتنا
من بحر الذنوب أنته سفينتنا
((أعلينه اليوم أتفصل ثوب الفرحه افصال ))
الشاعر حسن لعيبي الحريشاوي
*جلوة نخوة بعلي إبن موسى الرضا عليه السلام.*
الطور " *للنجف روحي حنّت* "
الرادود علي بو حمد.
🕊️🌺🕊️🌺🕊️🌺🕊️🌺
*نَخْوَه نَخْوَه يَا مَوْلَاي - يَا عَلِيّ إِبْنَ مُوسَى ٢*
*عَلِي عَلِي عَلِي ٢*
أَنْتَخِي بِك يَا مَوْلَاي وَ أَدْرِي تِسْمَع كَلَامِي
أَبْعَث آنا التَحِيّه وَ اَهْدِي حُبِّي وَ سَلَامِي
لَا تِرِد إِيدِي أَرْجُوك عِطْنِي بَاللَّه مَرَامِي
إِبْجَاه أَبُوك إِنْدِعِي لِي يَا رَفِيعِ المَقَامِي
*لَا إِلَه إِلّا اللَّه - لَا إِلَه إِلّا اللَّه*
*عَلِيٌ وَلِي اللَّه*
يَالرَؤُوف إِلّي نِهْوَاه نِقْسِم إِبْكَفْ حَنَانُك
رُخْصَه عِطْنَا و زِيَارَه نُوصَلُك عِدْ مَكَانُك
خَلْنَا نِدْخِل في صَحْنُك بِينَا يِسْكِن أَمَانُك
و اِلْضَرِيحُك نِقَبِّلْ نِحْيَى وَسْطَة جِنَانُك
*لَا إِلَه إِلّا اللَّه - لَا إِلَه إِلّا اللَّه*
*عَلِيٌ وَلِي اللَّه*
بِالزِچِيّه العَظِيمَه نِرْتَجِيهَا العَطِيّه
مِنْ بِلَادُك نِسَافُر لَلِّي في الغَاضِرِيّه
إِنْزُورُه شِيخِ العَشِيرَه و تَلّةِ الزَيْنَبِيّه
وَ لَلْقَمَر بَعْدِه بِنْرُوح كِلِّنَا بِالسَوِيّه
*لَا إِلَه إِلّا اللَّه - لَا إِلَه إِلّا اللَّه*
*عَلِيٌ وَلِي اللَّه*
كَمْ مَرْاضَى وَ أَسَارَى سَيّدِي لَا تِرِدْنَا
نَظْرَه نَظْرَه إِلِيهُم إِنْتَ بَس إِلّي عِدْنَا
بِالعَقِيلَه طَلَبْنَا تِنْقَضِي الحَاجَه وِدْنَا
بِاخْتُك الفَاطِمِيّه لُك يَغَالِي قَصَدْنَا
*لَا إِلَه إِلّا اللَّه - لَا إِلَه إِلّا اللَّه ٢*
*عَلِيٌ وَلِي اللَّه*
🕊️🌺🕊️🌺🕊️🌺🕊️🌺
🖋️ *حليمة الأحمد*.
( *الفاتحة لخدمة الإمام الحسين عليه السلام المرحوم والدي ملا محمد الأحمد و المرحومة جدتي الملاية بنت علي القمارة*).
٨ / ١١ / ١٤٤٦
رابط الطور :
https://youtu.be/23dYAvhGREg?si=PD9gUXX7-WgxMODK
هايم يالرضا لصحنك خذاني الشوگ.
واحس گلبي يطوف بروضة الحضره🌹
احسه من البعد نايم على الشباچ
مثل مخنوگ بس يمك يشم عطره🌹
خليني ابضريحك بس گلب مولاي
عاشگ ريحتك يا ريحة العتره 🌹
ادري الزار گبرك واليطوف اهناك
يسر گلب الزچيه الطاهره الزهره 🌹
مولاي الملوك ابابك امدنگين
خاضع تاجه يمك يجذب الحسره🌹
بليلة مولدك طلبيتك الحاجات
ومديت الچفوف اليمنه واليسره 🌹
وادري ما تردني ولا ترد محتاج
يباب الله الچبير اليكرم الفقره 🌹
الگلب يمك امانه وانت باب الله
وكسر گلبي بضريحك شخصك يجبره🌹
الشاعر
موسى البديري
🌹بين الرضا والمعصومه عليهما السلام 🌹
🌹طور اغلى من كل غالي 🌹
فيض من انًواره علي مولانه علي
النه احلى ابشاره علي مولانه علي
ابهالشهر انوار اله مولوده
رحمه من ْ الله لنا مو عوده
مولد المعصومه فاطمه الميمونه
نور من ْ الكاظم بيها گر اعيونه
فرحه جت للساده والرضا يهنونه
مثل عمتج زينب طاهره ومصيونه
انهني حيدر بيها علي مولانه علي
والرضا واليها على مولانه علي
ياهلا بمعصومه و ابطاريها
فرّحت گلب الرضا واليها
🌹———-🌹————🌹
هذا وعد الهادي الثامن لا طهاره
اسمه ماينسونه الضامن إلزواره
بهالشهر مولوده وشعشعت انواره
ريت والله ابصحنه ضيفه وخطاره
بروحي الملهوفه علي مولانه علي
ريت من اضيوفه علي مولانه علي
ابهالشهر نور الرضا يتْلاله
هنّا دلالي علي وهناله
🌹———-🌹————🌹
للرضا ومعصومه علّه گلبي افراحه
علي نور العالي ووردته الفواحه
من بُعد انخاهم اتطيب والله اجراحه
زاير واتْمَنى الليله عند امراحه
اطلبه بزياره علي مولانه علي
هاي احلى بشاره علي مولانه علي
هايمه الروح بعلي وانواره
واخته معصومه بحر اسراره
🌹———-🌹————🌹
الرضا بس هو وهيّه المرضيه
التعنى وزاره حاجته مگضيه
والگصد معصومه قصتّه منهيه
هو نور الكاظم ودرته بس هيّ
هو ّ هوّ الضامن علي مولانه علي
الامام الثامن علي مولانه علي
إلزارها معصومه جن زايرني
وإلحضر مرقدها جن حاضرني
🌹———-🌹————🌹
#بنت_الشمري
مولد الامام الرضا (عليه السلام)
حاير ومازاير
وانته تدري صاير
روحي الك ملهوفه
يالرضا مشغوفه
ارد ازورك باجر
...............
ادخيلك انتَ دعيني
المشهدك وديني
بعيد لاتخليني
خل اجي ناديني
ويمك تقر عيني
سيد اجبر خاطر
..............
الخاطر المعصومه
كلبي زيل همومه
روحي الك ملجومه
زيارتك محرومه
ياكمر ونجومه
وانه كوه صابر
.........
زيارتي سهلهه
وألك لاتئجلهه
الفركه مااحملهه
يبو محمد حلهه
حضرتك ادخلهه
عيوني خلهه تناضر
.............
بالجواد وجودك
سيدي اوفي وعودك
انت تنطي عهودك
ببوجعفر عودك
خل اشوف حدودك
يمك اسجد ناذر
..............
ارد ازورك ذايب
لاتردني خايب
انتَ كد الواجب
ارد احلفك حابب
باالامام الغائب
الك كلبي يهاجر
.............
الشاعر
اياد الفرح المهدوي
صلوات صلوات على الرضا واخت الرضا
صلوات صلوات على الرضا واخت الرضا
…
بنين الزچيه وعلى ولينه المرتضى
صلوات صلوات على الرضا واخت الرضا
…
امنلمهاد هلكرام لنوار شعت بالفضا
صلوات صلوات على الرضا واخت الرضا
…
يسعده اليحبهم ترى جنان الله حظه
صلوات صلوات على الرضا واخت الرضا
…
بيديهم على الناس كل خير بارينه قضى
صلوات صلوات على الرضا واخت الرضا
…
انعرفهم هلكرام دوه جرحنه اللي ألتضى
صلوات صلوات على الرضا واخت الرضا
…
اليجيهم ما ينهان آل الهدى والموعضه
صلوات صلوات على الرضا واخت الرضا
…
الى الناس كرمهم موبس ترى للرافضه
صلوات صلوات على الرضا واخت الرضا
…
التوسل بسمهم الباري عنه تحفظه
صلوات صلوات على الرضا واخت الرضا
…
يشفعون ويعفون ماكان منه وما مضى
صلوات صلوات على الرضا واخت الرضا
@@@
علي أحمد الحمود
٤-٥-٢٠٢٥
مولد الرضا و المعصومه ع
غالي .. غالي
اهلا يابن موسى الرضا يالغالي
@@@
الحجه من آل الحجج والضامن .. ياهلا ياهلا
هالعنده علم الكون ويّه الكائن .. ياهلا ياهلا
نادينه عاللي في گلبنه ساكن .. ياهلا ياهلا
هلا بولي الله الامام الثامن .. ياهلا ياهلا
…
بالمهجه نبضي وسيدي والوالي
اهلا يابن موسى الرضا يالغالي
@@@
مثل الگمر وجناته بي غمازه .. ياهلا ياهلا
وبحسنه يوسف ما ابد يتوازه .. ياهلا ياهلا
هلا ابعجب كل العجب بعجازه .. ياهلا ياهلا
والما يرد سائل اجاه ابعازه .. ياهلا ياهلا
…
ناديته ياللي فاله خير لفالي
اهلا يابن موسى الرضا يالغالي
@@@
ياللي نبض طه النبي في دمه .. ياهلا ياهلا
وشبه الوصي الكرار صوره ورسمه .. ياهلا ياهلا
الانسان ويه الواقعه وي عمه .. ياهلا ياهلا
جن جده حيدر نازلات ابأسمه .. ياهلا ياهلا
…
مو عجبه نادى بالوله دلالي
اهلا يابن موسى الرضا يالغالي
@@@
مو عجبه تقره عالصدر مكتوبه .. ياهلا ياهلا
بضلوعي بن موسى الگلب محبوبه .. ياهلا ياهلا
ابكل نشأه افضاله ترى مطلوبه .. ياهلا ياهلا
هذا اللي يشفي كل مهج مصيوبه .. ياهلا ياهلا
…
هو حياتي ابدنيتي ولي تالي
اهلا يابن موسى الرضا يالغالي
@@@
شمس الشموس الليله بين صبحه .. ياهلا ياهلا
وابمولده هالكون كله ابفرحه .. ياهلا ياهلا
خليني انقل من حياته لمحه .. ياهلا ياهلا
هو الفجر هب ابنسيمه ونفحه .. ياهلا ياهلا
…
اثقال مدحه ماتشيل احمالي
اهلا يابن موسى الرضا يالغالي
@@@
اكليل من جنه عدن ومورّد .. ياهلا ياهلا
لسلطان من الله انوجد في مشهد .. ياهلا ياهلا
هنياله من بيه ألتحق واتودد .. ياهلا ياهلا
ابيض يخلي حظك او مو اسود .. ياهلا ياهلا
…
صحت ابزيارة مرقده هنيالي
اهلا يابن موسى الرضا يالغالي
@@@
علي أحمد الحمود
٤-٥-٢٠٢٥
مولد الرضا ع
من گد احبه الجوف سميته سلطان
وغيرت اسم لضلوع صارن خراسان
@@@
لغيره الوله ياناس لا والله ميلوگ
وبين الگلب والروح بس وحده معشوگ
المولى الرضا بالجوف دگات لعروگ
البي ارتوي كل يوم من دونه عطشان
@@@
ريحة عطر مشموم قصة حياته
ومن احچي عنه الكون ذاب ابصفاته
لفوگ البشر مخلوق والدين ذاته
الله خلق مولاي من نوره انسان
@@@
بضعة نبي مختار فلذة دليله
او وارث علي الكرار وامه الجليله
ويَّه الحسن وحسين ويَّه العقيله
وچن بوالفضل هم شال بالشاره نيشان
@@@
اليگصد إله ما خاب عالباب رجواه
لا اتگلي واحد جاه ومولاي خلاه
بأمن او أمِن وايمان يترسله يمناه
المولى الرضا معروف من زود لحسان
@@@
الطب اعله بابه شاف هيبة جماله
وحتمًا غرگ بحسان خيره ودلاله
هذا اللذي ما عاف حتى الغزاله
ولشيعته ميعوف من جاه ولهان
@@@
علي أحمد الحمود
٤-٥-٢٠٢٥
مولد الرضا ع
صلاوات صلاوات على الامام الثامن
صلاوات صلاوات على الامام الثامن
______
يا شيعه صلو عل نبي جانه الزكي الصابر
علي ابن موسى الرضا الطاهر ابن الطاهر
وجهه مثل وجه الگمر محلى جماله الساحر
لا عقل يگدر يوصفه ولا من قصيده او شاعر
همت بي همت بي بالگلب اصبح ساكن
صلاوات صلاوات على الامام الثامن
______
يا شيعه من عين الحسود امعوذات اقروله
وجو له شمعات الفرح هاذه المسه وجو له
كلمن عليه واجب فرض للرضا فد هلهوله
ابهاذه المسه عن العشگ عن الفرح غنوله
عله اعناد عله اعناد كل حاقد او كل واهن
صلاوات صلاوات على الامام الثامن
______
ميلاده نور او معرفه او آيات بي موسومه
ميلاده خير اعله الارض واعله السمه وانجومه
سلطان واسمه من يمر عل گلب يجلي اهمومه
الي ايتجنن بالرضا ما لومه لا ما الومه
للارواح للارواح. هو الملاذ الآمن
صلاوات صلاوات على الامام الثامن
______
ماضل ملك ما بي حچه او سولفت كل حوريه
أوصافه تذهل كل عقل انوار بي قدسيه
چنه شعاع امن العرش في هيئة الأنسيه
أشويه بي من فاطمه او من علي بيه اشويه
بل گلوب بل گلوب الشوگ اله ضل كامن
صلاوات صلاوات على الامام الثامن
______
عيد او تتمم للخلگ بهدعش من ذي القعده
أسمه من ايمر عل المحب حتمن يفرحه ايسعده
أول سلاطين العشگ لا گبله او لا بعده
فدوه اروح الشوفته والگومته والگعده
للجنان للجنان. هو الامام الضامن
صلاوات صلاوات على الامام الثامن
______
عيد الامبارك سيدي يا فرح كل الشيعه
يامن شرينه امحبته بالدم وابد منبيعه
انغمض او نمشي اله وامغمضين انطيعه
او گدام الله والخلگ انجدد الليله البيعه
يمولاي يمولاي. ارحم ارواح الهامن
صلاوات صلاوات على الامام الثامن
______
ابو فاطمة الطائي
دعم قنوات دينيه فارس الحجاز
☘☘☘☘☘☘☘☘☘☘☘
ــــــــــــــــــــــــــ
الدوله المهدويه😍
🌹 @satob_mn_ajl_al_mahde
ـــــــــــــــــــــــــ
⚡️قناة أهل البيت (ع) للمواليد
❤️ @ahlulbayta
كلمة الله
❤️ @t999gil
إرشاد القلوب
❤️ @shjgbbgdsju
العباس باب الحوائج
❤️ @alrbeaae92
النعي والرثاء لمجالس سيد الشهداء
❤️ @AL_Nay_and_Alrthaa
ريــآحيـــن فآطـمـهہ🌿🕊
❤️ @nasayimaymanih
ذكر الامام علي بن أبي طالب (عليه السلام)عبادة
❤️ @qwpaslzmx
ادعية ايام الاسبوع
❤️ @dsjjdgsb
العــشـق الـمهـدوي
❤️ @avkq1
قناة فقه ومعارف ال البيت ع
❤️ @Feqh_Maaref_alulbayt
الشاعرة ام بهاء الدين الموسوي
❤️ @VAKXBAKXSK
عشاق ملاباسم الكربلائي
❤️ @rrrhz34
اجمل صور
❤️ @Afubxev
الشاعرة حوراء الساري
❤️ @asdfghf24
اسرار و خفايا اهل البيت (ع)
❤️ @ssoammar
🕊 هـــ🔖ــــمســة_امـــل 🕊
❤️ @hamsat_amal
العابرون نیوز
❤️ @alabiroun_news
الشاعرة ام محمد الحجاج
❤️ @ommohamadalaebaadey
الشاعره ام علی المالكي
❤️ @typkj
الشاعرة العلوية الموسوية
🌹@alweyaamosaweyarrrr2626
تجمع الزهراء ع العاشورائي
🌹 @tajalzahraa1
تجمع الزهراء ع للموالد
🌹 @tajMawaledalathar
قصص وعبر ... 💙
🌹 @methakamad555
ذكر الامام علي بن طالب (ع) عبادة
🌹 @qwpaslzmx
قناة :(خواطر الوالهين)
🌹 @mohammadssadiq
في سبيل الزهراء
🌹 @fatima313fatm
خادمة الزهراء ام حيدر
🌹 @aseel1278
تصاميم دينيه
🌹 @hssnhssnn
الشاعر فالح العامري
🌹 @falehalameri
العارف يالله السيد القاضي ر ه
🌹 @gjjfkugkoyo
بشارات ام البنين للختمات
🌹 @GYsvBXS8uEPA
منازل الآخره و المطالب الفاخرة
🌹 @manazel_ar
قصص علماء العرفانين
❤️ @alarfan
لقاء العاشقين
❤️ @jkhkll
الشاعره ام مهدي الفرطوسيه
❤️ @alikerem
قناة دمع زينب للقصائد و الالحان
❤️ @eazinaab
قناة أدعية آل البيت
❤️ @Azkar_alulbaiyt
قناة مهدي آل البيت
❤️ @Mahdi_Allbayt
قناة فقه النساء
❤️ @fakhh1
قناة أحاديث اهل البيت عليهم السلام
❤️ @bbbcgl
قناة لانجاة لنا الا بالظهور
❤️ @MulayMAHDl
قصص وعبر
❤️ @methakamad555
قناة حب الحسين يجمعنا
❤️ @ahobalhosseinyajmeauna
قناة كربلاء الحسين ع
❤️ @Karblaaalhusain
قناة قصاید نسائیة فقط
❤️ @ghsahdhossinyat
قناة مواليد مكتوبة
❤️ @ashaghalhosseinn
قناة الأبوذیة مكتوبة
❤️ @ashaghalhossein3
قناة الشاعر عزیز الفیصلي
❤️ @azizalfesli
قناة تلحين قصاید مکتوبه
❤️ @ashaghalhossein
خادمة ام البنين ام محمد تقي
❤️ @KADMTAMALBNEN
🏴🏴🏴🏴🏴🏴🏴🏴🏴🏴🏴
⚠️#شروط_الدعم
1⃣غير مبري الذمه يخالف قوانين دعم
مدير القناة احذف لسته من بعد وقت مذكور
2⃣تثبيت نص ساعه بدون نشر العصر الحذف من بعد ساعتين ولستة الليل حذف بوقت صلاة الفجر
3⃣تحذف البوت يحذف قناتك متحب تبقي بالدعم بلغ مدير الدعم
4⃣اوقات نشر ساعه 4 العصر و 10 مساء قنوات مقبوله من 500 متابع فما فوق
5⃣زياده مضمونه أن شاء الله
🔺للاشتراك بدعم عبر معرف مثبت↙️
@ansar_313_m
@satobmnbot
🚩🚩🚩🚩🚩🚩🚩🚩🚩🚩
/channel/satob_mn_ajl_al_mahde
لولادة الامام علي بن موسى الرضا عليه السلام ( تجليبه )
جمال الليل ناغه طلعة الگمره
الماخذ روعته من ثامن العترة
يافرع الإمامة ومن نبي أصله
يطيب الفرح لجلك والسهر يحله
قليل شماشكرناه العمر كله
وقليل شماحمدنه الباري ألف مره
يتاج المعرفة المعروفة اوصافك
استحه وذاب الگمر مولاي من شافك
بلطف الله ابتشرنه بجية الطافك
السمه ويانه وأرضها اليوم مبتشره
شمحله افراحنه وإلي يكملها
التهاني بمولدك من عدنه تقبلها
يسلطان المعارف ياعلي كلها
علوم الناس عندك يابحر گطره
مثل والد شفيق على البشر گلبك
تهدي الضاع تايه ماعرف. دربك
فوز ولايتك بالاخره. وحبك
يوم الماتفيد ابنادم. الحسره
ياعلم وسماحة وسيد الحكمه
وجهت على نهج المصطفى الأمة
السعادة اليوم ماتتوصف بكلمه
بخشوع وحب نجدد سيدي الذكره
أمام الله اصطفاك وثامن اختارك
نعيم على المحب ماتنطفي انوارك
السمة وي الأرض بالفرح تشارك
تهني المرتضى والهادي والزهره
الشاعر حسن لعيبي الحريشاوي
في ذكرى ميلاد الإمام الرضا (ع)
لو لم تكُنْ يا سيدي أحشائي
لم تَجْرِ يا شمسَ الشموسِ دِمائي
أنا لا أراكَ سِوى إمامٍ قَلَّ ما
جادَت بِهِ الدنيا ومَحْضَ بَهاءِ
لا أرتَجِي بهواكَ يا ابنَ محمدٍ
في النَّشْأَتَيْنِ سِوى رِضا الزهراءِ
أنتَ الذي أخرَسْتَ قافيةَ الضُحى
فاعذُرْ إماميْ ألسُنَ الشُعَرَاءِ
إن ضاعَ منها الحرفُ يا عِطْرَ الشَذَا
فالشِّعرُ لا يقوى على الأضواءِ
إبراهيم الدريس
(موسايَ) أنتَ .. (خُراسانُ) التي احتضَنَتْ
نسْماتَكَ الخُضْرَ .. في وِديانِها (طُوري)
أحتاجُ نجواكَ كي أرقى لمنزلةٍ
أراكَ تمسحُ عن عَيْنَيَّ دَيجوري
أحتاجُ وَحْيَكَ لا أحتاجُ محبرةً
على القراطيسِ كيما أزرعَ (الجُوري)
أحتاجُ عَطْفَكَ فالأيامُ تَدْهَسُني
أحتاجُ نورَكَ فالدُّنيا بِلا نورِ
يا سيِّدي لا أرى إلاَّكَ عاصمةً
بِلا حروبٍ بِلا جُنْدٍ بِلا سُورِ
لذلكَ اللهُ لم تَزْدَنْ فرادِسُهُ
إلاَّ وحُبُّكَ بينَ الحُورِ والحُورِ
إبراهيم الدريس
في ذكرى ميلاد الإمام الرضا (ع)
سلطان اعله لكلوب..اوكلبي ابحبك ايذوب
يبِن موسى الرضا .. يبِن موسى الرضا
&&&&&
سلطان انته عالأكوان أشوفك
و الليله الفرح يمك يطوفك
أحسِّ ابراحه منّ اَلفُظ حروفك
يمَن بابك مُحال ايرد ضيوفك
الهذا آنه جيتك .. او بالفرحه اعتنيتك
يبِن موسى الرضا .. يبِن موسى الرضا
&&&&&
من أم الحسن يالغالي عطرك
او روضه امن الجنان ابعيني كبرك
يضوِي بالسمه ليليَّه بدرك
او كلبي ذايب ابحبك أخبرك
منِّ الذر أحبك .. او بس أمشي اعله دربك
يبِن موسى الرضا .. يبِن موسى الرضا
&&&&&
أغلى امن النفَس إنته عليه
او يم تُرْبك شنو نجم الثريه ؟!
أهنِّي ابمولدك حامي الحميه
او على حبك أظل حد المنيه
فرحانه الليالي .. ابميلادك يغالي
يبِن موسى الرضا .. يبِن موسى الرضا
&&&&&
لو غاب الكمر عدنه بداله
وجهك هوه يا حامي الغزاله
منّك عِرْفَت الدنيه الجلاله
و ابنورك فرح بيت الرساله
إنته شمْس لشموس .. ابكبرك تِهنى لنفوس
يبِن موسى الرضا .. يبِن موسى الرضا
&&&&&
مَتْرِدْني أعرفك حاشه حاير
طبعك سيدي تجبر خواطر
لأنْ مِبْعِد عَلَيْ كبرك يطاهر
أريد أتعنّى لك يالغالي زاير
بس كبرك أريده .. او بيْه أقره القصيده
يبِن موسى الرضا .. يبِن موسى الرضا
&&&&&
خادم الرضا (ع) : إبراهيم الدريس
(هوستين) :
خِدْمِتك يالرضا تاج اعله الرؤوس
و اللي ما يفهم حجينه اِنْفَهِمه
انكِلّه باوِع على أي خادم تريد
اتشوف بيْه حتماً جلالَةْ فاطمه
الهذا مو عِجْبَه إذا اتحسده الملوك
او هوه حتى الجنه صارت تِلْثِمه
امدَلّل خِدّامك .. او مِهْدِيها أنسامك
ياللي امن اِبهامك .. يطفح بحر الهيبه
&&&&&
إجيتك آنه زاير يا شَمِس لشموس
بعد أعوام منِّ الشوگ واللهفه
إجيت اوبالگلب حاجات يا بو الزود
اوحاجاتي عليك آنه أدري ما تخفه
كل هذا الكلام اوآنه يمِّ الباب
منك إذْن أنِطْره اودمعي عالشفه
ما طال اوگوفي .. كضّيت اچفوفي
اوگتلي : (ابمعروفي .. حاجاتك مقضيه)
&&&&&
إبراهيم الدريس
هوسه لولادة الإمام الرضا عليه السلام
هليوم الباري اختاره
هلت علدنيا آثاره
من سر الكون اسراره
ابن الكاظم تزهي أنواره
جتنه من الباري ابشاره
ايبشر ناسه وزواره
حجه وعمره وكَفَّارَه
كلمن گاصد لدياره
وكلمن رايد أخباره
(من مشهد هلت أنواره )
الشاعر حسن لعيبي الحريشاوي ✍️
لولادة الإمام علي بن موسى الرضا عليه السلام
هب النسيم الساكن.
بمولد إمامي الثامن
حرك الغصن الغافي
وناغه الغدير الصافي. بمولد إمامي الثامن
★★★★★
گلبي الحزين اتهنه.
من شاف مايتمنه
مولد حضارة وجنه
مدري شسولف عنه
من سطع نور الگمره
انزاح الظلام وشره بمولد إمامي الثامن
★★★★★
بيه فرحت المعموره.
وصارت باحسن صوره
انزاح الظلام بنوره.
بيه الخلگ مسروره
ابشارة الباري وعطفه.
علناس انزل لطفه. بمولد إمامي الثامن
★★★★★
بشر الباري بأسمه.
ابن العلم والعصمه
بالدنيا خير ونعمه.
وباچر شفاعه ورحمه
نور ومحبته جناحي.
ماتنوصف افراحي. بمولد إمامي الثامن
★★★★★
للدين انته البشرى.
وعيد السلام ونصره
وثوبه وهواه وعطره
يبن الوصي والزهره
محله الوكت وانسامه.
مختلفه عندي ايامه. بمولد إمامي الثامن
★★★★★
حتماً حفلنه يحله.
هليوم ماكو مثله
محله جماله وشكله.
بمولد الخير وأصله
ابغبطه الحقل وازهاره.
وضي البدر وانواره. بمولد إمامي الثامن
ألشاعر حسن لعيبي الحريشاوي
بمناسبة ولادة ثامن الحجج
الامام علي بن موسى الرضا عليه السلام
ياامامي الرضا ياشبيه الگمر
صبر عمرك گضه. ماتهاب الخطر
★★★★★
اهواي ضدك موعجيبة من شفتها
كل مفاهيم الضلاله غيرتها
شگد براهين بعلومك قدمتها
قصورهم بالصبر ياما زلزلتها
رافعه وخافضه امواج علمك بحر
ياامامي الرضا ياشبيه الگمر
★★★★★
مولدك ياما امور شگد حسمها
صالت انفاس العلم ضد الكتمها
اهتزت عروش الطغاة انذّل اسمها
هيبتك مذلول بالدنيا خصمها
ابدرب خاسر مضه الناظرك ماگدر
ياامامي الرضا ياشبيه الگمر
★★★★★
كل بني العباس ظل ثابت عهدهم
من ظهر سابع على العتره حقدهم
مولدك ارعبهم وهّدم مجدهم
بلامجد بس الغدر بالدنيا عدهم
مااخذ موعظه الظالم ولعتبر
ياامامي الرضا ياشبيه الگمر
★★★★★
ابعاد للمامون معروفه النوايا
للخلافه رادك وصّر على رايه
اعلان للسلطه يريدلها ودعايه
حتى كلشي لاجله يصفه بالنهايه
بالغدر من حضه. فرصه إلها انتظر
ياامامي الرضا ياشبيه الگمر
★★★★★
ثامن الاطهار من هلت انواره
بمولده يعني المفاخر والحضاره
المجد واضح تشهد أنوار المناره
الخاصمه رد بفشل بعد الخساره
جدك المرتضى ياسليل الفخر
ياامامي الرضا ياشبيه الگمر
الشاعر حسن لعيبي الحريشاوي
العيد بين بدره .. هلا بيهم ياهلا
خل نهني العتره .. هلا بيهم ياهلا
اليوم غنى الگمر ويه انجومه
عالرضا واخت الرضا المعصومه
@@@
عيد عدنه الليله .. والفرح يامحله
وكل نجوم الدنيه .. بالضيه مكتحله
خير الله نازل .. عالبشر بالجمله
يالله صيحوا يالله .. ياهلا وياسهلا
…
بيوم جيت العالم .. هلا بيهم ياهلا
مع اخته فاطم .. هلا بيهم ياهلا
وبالفرح كشخه الموالي اهدومه
عالرضا واخت الرضا المعصومه
@@@
نور الله ابطيبه .. موسى شايل شمسه
وعالمهد من أذن .. ابعرش الله حسه
مهاد بيه الضامن .. فدوه نفسي لنفسه
چن گمر بكماطه .. بهالولاده انقدسه
…
سمي حيدر جده .. هلا بيهم ياهلا
وحد الله ابمهده .. هلا بيهم ياهلا
وريحة الجنه المهد مشمومه
عالرضا واخت الرضا المعصومه
@@@
محله هاي الليله .. عيد عند العتره
والثواب اعليها .. باجر حج وعمره
للي گلبه ابفرحه .. عالتشبه الزهره
تنگضي كل حاجه .. والله سهل امره
…
مشفى للمهمومه .. هلا بيهم ياهلا
فاطمه المعصومه .. هلا بيهم ياهلا
دوه ناجح للصدر وهمومه
عالرضا واخت الرضا المعصومه
@@@
الليله عدنه حاجه .. للعلا واملاكه
باليقين العالي .. ولا بي شكاكه
نسأل الله باللي .. عليها دار افلاكه
نزور ضامن مشهد .. ونعتني لشباكه
…
من سأل گله تعال .. هلا بيهم ياهلا
سيدي محيي الغزال .. هلا بيهم ياهلا
غيث الله ورحمته بغيومه
عالرضا واخت الرضا المعصومه
@@@
لقم ملاذ الشيعه .. نريد والله روحه
وعدنه مهجه بينه .. بالوله مجروحه
كل موالي ابشوگه .. اعليها رفت روحه
يريد بس ازياره .. بقم اجمل دوحه
…
گلبه طاير بالسمه .. هلا بيهم ياهلا
للي تشبه فاطمه .. هلا بيهم ياهلا
عدها گبه بالصدر مرسومه
عالرضا واخت الرضا المعصومه
@@@
علي أحمد الحمود
٦-٥-٢٠٢٥
مولد الرضا و المعصومه ع
في ذكرى ولادة مولانا علي بن موسى الرضا وأخته المعصومه عليهم السلام..
زهور الكاظم ابذو القعده طلعت
علينا بالرضا ومعصومه وزهت
بالرضا ومعصومه
بالمسك ملمومه
زهور الكاظم البيضه ابحلاها
يلمْها سيّدي ويشم شـذاها
ويقدّمها لنا امناظر سـماها
العزيزه المشرقه ابكامل عطاها
تشافي الوادم ابشمت عطرها
وتشرح بالهوا العالي صدرها
ضاحكه مرسومه
بالرضا ومعصومه
رضا الله سيدي الطهر اتّباعه
علي موسى الرضا في كل طاعه
رضا الله والرضا اتام ابسماعه
العلى ايمينه الولي نيل الشفاعه
الإمام الثامن ابعلمه ومكانه
المراده خالقي عنده بيانه
مخزن المعلومه
بالرضا ومعصومه
أنيس المغترب له عن دياره
حبيب المبتعد له عن جواره
مواسي سيدي ابطبعه صغاره
ابقضائه للحوايج في مزاره
ابجوارك مو جواره تأتي امامي
النفوس ابشوفه تستأنس مرامي
تأنس المهمومه
بالرضا ومعصومه
أُخيته فاطمه المعصومه قدوه
ابتمسّكها ابأخيها اتروح فدوه
مع خوها الرضا في كلّ خطوه
بعد مابوها سلمها النا أسـوه
توصّينا الحنونه كم بهلها
أهل بيت النبوه في وصلها
البشر مرحومه
بالرضا ومعصومه
ابغيابه الكاظم المعصومه طلعت
تجاوب بالمسائل ناس قصدت
وعلمها مثلَ ابوها الناس نظرت
علوم المصطفى جدها النا نقلت
عفيفه وعالمه مثل العقيله
مثل عمتها زينب هالوسيله
بالابو مدعومه
بالرضا ومعصومه
مُزارعها الزهور العطره يُشكر
على البذر الفواكه دوم تظهر
عوالم نافعه مو بس مظهر
مواليد الولي موسى ابن جعفر
مواليده الرضا ومعصومه تكتم
العفيفه الطاهره له جابت امهم
وابتشر في يومه
بالرضا ومعصومه
✍️
علي الأحسائي
ذو القعده ١٤٤٦هـ
بسمڪ اسقي نفسي گلبي نبضي همسي
ذهني شعوري حسي
حبي و غرامي ٢
꧁꧁꧁꧂꧂꧂
اهواڪ ... عاشقڪ يا عاصمة شوقي
وياڪ.... لآخر انفاسي يمعشوقي
منساڪ... يالغرامڪ ساڪن اعروقي
گلبي ضاوي ابغرامڪ
حتى عاشق حمامڪ
انطي كل عمري بس كون
استمع رد سلامڪ
منوه يسقيني نورڪ
فدوه ارزقنى ازورڪ
چن اشم ريحة الله
حين اشمن عطورڪ
بسمڪ انسى يَأْسي گلبي نبضي همسي
ذهني شعوري حسي
حبي و غرامي ٢
꧁꧁꧁꧂꧂꧂
مولاي... نظره منڪ ترتوي روحي
منواي.... سيّدي اتوقّع تحت لوحي
شرّاي.... بسمتڪ. يا بلسم اجروحي
التفت لحظه صوبي
و لا تصدهن ذنوبي
ابتسملي ابرحمتڪ
و غمّض اعلى عيوبي
بسمتڪ. تطفى ناري
والله ماخذ قراري
انت هيبة وجودي
ضامن انت اعتباري
شوقي انت اُنسي. گلبي نبضي همسي
ذهني شعوري حسي
حبي و غرامي ٢
꧁꧁꧁꧂꧂꧂
منوه. ابضامري و من حضرتڪ اطلب
فدوه. ڪون اروحنلڪ امير الحب
يروه من ودادڪ نبضي حين ايطب
هالگلب نبضه انته
انت گلبي سكنته
ما ڪو غيرڪ طبيبي
عمري بسمڪ رهنته
ما ڪو غيرڪ أميري
استعينڪ مُجيري
انت مالڪ وجودي وْ
گلبي ، عقلي و ضميري
ابحبڪ اصبح امسي گلبي نبضي همسي
ذهني شعوري حسي
حبي و غرامي ٢
꧁꧁꧁꧂꧂꧂
يا. من حبّڪ ابوجه الگلب ملموح
آمن... كلمن البيتڪ امامي ايروح
اضمن... سيّدي ابحبّڪ غزال الروح
الله حبُڪ رزقني
و اعلى مودڪ فلقني
حتى اخدم مضيفڪ
من ترابڪ خلقني
يا الرضا انت طبيبي
انت غوثي و مُجيبي
مبتلي ابعشقڪ سنين
يا أمامي و حبيبي
سنين هذا درسي گلبي نبضي همسي
ذهني شعوري حسي
حبي و غرامي ٢
꧁꧁꧁꧂꧂꧂
خادم خدمة الحسين عليه السلام
ناصر البوعبيد
مولودي
جانه الرضا جانه .. حي الله مولانه
گولوا ماشاء الله ما شاء الله
گولوا ماشاء الله ما شاء الله
حي الله مولانه
@@@
هالليله اجرام السمه .. متزاحمه وادور
اوحي الله نازل للولي .. ابمهد انترس من نور
للكاظم امبارك اجه .. مثل الگمر منشور
سيد عظيم المرتبه .. بيه الفضل دستور
…
لا اله الا الله .. لا اله الا الله
لموسى شعشع بالسمه .. لا اله الا الله
نور الله امعظمه .. لا اله الا الله
بضعه من بوفاطمه .. لا اله الا الله
علي سمي حامي الحمه .. لا اله الا الله
…
عالكون سلطانه .. حي الله مولانه
گولوا ماشاء الله ما شاء الله
گولوا ماشاء الله ما شاء الله
حي الله مولانه
@@@
لمن وسط مهده نزل .. گمر بني عدنان
حتى العرش بيه اكتحل .. والجنه بالالوان
عدل وموده ابغرته .. ودين وتقى وايمان
چن هيبة اباءه ضنه .. من انولد سلطان
…
لا اله الا الله .. لا اله الا الله
غالي واغله امن النفيس .. لا اله الا الله
والقدره بجداده نقيس .. لا اله الا الله
امن المهد تاج ورأيس .. لا اله الا الله
اهلا يالغالي الانيس .. لا اله الا الله
…
وسط المهد دانه .. حي الله مولانه
گولوا ماشاء الله ما شاء الله
گولوا ماشاء الله ما شاء الله
حي الله مولانه
@@@
تكتم عظيمه وانجبت .. كوكب سمه دري
بوجوده ربنه للارض .. إلها أمر قري
لبعيوني شلته والگلب .. روحي فده وعمري
وهو ضماني ابدنيتي .. وابحفرتي وحشري
…
لا اله الا الله .. لا اله الا الله
العنده كربه لو شدد .. لا اله الا الله
ابمشهد ايلاگيله المدد .. لا اله الا الله
الرضا عزوه وسند .. لا اله الا الله
وللجرح مشفى وضمد .. لا اله الا الله
…
مشفى خراسانه .. حي الله مولانه
گولوا ماشاء الله ما شاء الله
گولوا ماشاء الله ما شاء الله
حي الله مولانه
@@@
علي أحمد الحمود
٤-٥-٢٠٢٥
مولد الرضا ع
تم العثور على مبلغ من المال كبير جدا مع موبايل وسند اراضي كبيره وباسم
شكريه هادي جواد عبد علي من اهالي البصره /التنومه
اللي يعرف هذا الاسم يراسل الصفحه او الاتصال على الرقم ٠٧٧٣٤٥٣٨١٧٦
او ٠٧٧١٤٨٥٧٢٣٣
وكل من لديه اصدقاء من البصره يعمل اشاره لهم ومشاركة المنشور للثواب
علما ان المفقودات عثر عليها في سياره من اهالي طويريج
شاركو المنشور يرحم والديكم الامانه ثكيله كلش
ولكم من الله الاجر والثواب
ابو رسل الصباغ
إعلام لمواكب طويريج