3570
خدمة الزهراء ع والحسين ع لموالد الآل الأطهار والمناسبات الأخرى
بولاءٍ أبديا
صار حبي رضويا
@@@
هو روحي وحياتي وولائي لمماتي
حبه قاموس ذاتي فالرضا عين نجاتي
…
من الهادي المؤيد .. حبيب الله احمد
فؤادٌ قد توسد .. ثرىً طهرًا بمشهد
…
من وليٍ ذا وليا
صار حبي رضويا
@@@
ثامن الالِ العظامِ .. صار دستور هيامي
نبض قلبي وغرامي تاج راسي وامامي
…
بعلم الله مكنون .. مدار الارض والكون
مافز من يوالون .. ومن عاداه ملعون
…
من نبيٍّ لي وصيا
صار حبي رضويا
@@@
ان ابياتي الوجيزه .. لخراسان العزيزه
للرضا خطت مديحا وهو للمدح غريزه
…
اذا ما الشوق قد حان .. الى ارض خراسان
فمن حبٍ لمن كان .. على الوجود سلطان
…
أيه الشوق رويا
صار حبي رضويا
@@@
علي احمد الحمود
٢٩-٤-٢٠٢٥
مولد الرضا ع
🌷 *حِبها / قصيدة لميلاد أميرة قم*🌷
{٧}
🟢 *جديد*🟢
كُتبت القصيده على طور :
دقات قلبي اتنادي مولاي .. مهدي
لراثية ومادحة العتره : فاطمه كريم
*الطور خاص بخادمات المنبر*
🌷🕊🌷🕊🌷🕊🌷🕊
حِبها .. حِبها .. حِبها
بِتْ موسى لورايد تِقَف ليك .. حِبها
بالمحشر اهناكه تنجيك .. حِبها
حيران حاشه ماتخليك .. حِبها
اخدمها واهيا اللي تجازيك .. حِبها
إلزِم مودتها .. واحضى ابمحبتها
تِشملك نظرتها .. ويّه عِنايتها
ها ها ها ها
مفروض او لازم .. ها
حبها اعله الوادِم .. ها
اتكون الها خادم .. ها
{ هنياله اليِحضى ابخدمتها }
🌷🕊🌷🕊🌷🕊🌷🕊
خَلها .. خَلها .. خَلها
وسط القلب كريمة الآل .. خَلها
والراضيه دايم على البال .. خَلها
باب الفرج تفتحه بالحال .. خَلها
بيديها همك راح ينزال .. خَلها
اتزيل البلا عنك .. منها اسألِت لنك
ما مِبتلي چَنك .. هذا الحِسن ظنك
ها ها ها ها
إسأل بِت جعفر .. ها
الحاجاتك تقدر .. ها
عِد عينك تحضر .. ها
{ باب الحاجات ايسموها }
🌷🕊🌷🕊🌷🕊🌷🕊
چَفها .. چَفها .. چَفها
بنت الحسب بالكرم معروف .. چَفها
جربها بالكَلفات وتشوف .. چَفها
شبية الزهراء لَتعوف .. چَفها
اتمِده إلك وبكِل لِظروف .. چَفها
چفها مَردَ واحد .. لو جاها فَد قاصد
بس هُوا لِيْساعد .. والبارِي الشاهد
ها ها ها ها
لا تطلب غيره .. ها
خيرك من خيره .. ها
كل شي ابتدبيره .. ها
{ والزهره ميردك چَفها }
🌷🕊🌷🕊🌷🕊🌷🕊
يمها .. يمها .. يمها
الله يكافيك المُهمات .. يمها
اخت الرضا تنقضي الحاجات .. يمها
وتِنزاح من قلبك الشِدات .. يمها
وبس اهيا مذخوره للعازات .. يمها
الحاجه الضروريه .. تقضيها لك هِيه
بس صفيِ النيه .. ومِن يمها مقضيه
ها ها ها ها
بس لَتِشك بيها .. ها
واتيقن بيها .. ها
الحاجه اتلبيها .. ها
{ ماترجع منها بالخيبه }
🌷🕊🌷🕊🌷🕊🌷🕊
📗 *ديوان المَدائح النَّبَويه*📗
لخادمة النبي الاكرم
صلى الله عليه وآله
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*
🌷 *قصيده لميلاد شبيهة جدتها*🌷
*فاطمه الزهراء*
*مولاتنا فاطمه المعصومه عليهما السلام*
{٥}
*طور : علي الكرار قال الباب اقلعنه*
*بطريقه مُختلفه ومُختصره*
🌷🕊🌷🕊🌷🕊🌷🕊
*هلا ومية هلا ابشبيهة الزهره*
ياهلا ياهلا ياهلا ..هلا هلا هلا هلا
بالحميده
بالمجيده
بالرشيده
والسعيده
هلا ابضنوة الكاظم .. هلا ابريحة القاسم
*هلا ومية هلا ابشبيهة الزهره*
🌷🕊🌷🕊🌷🕊🌷🕊
ياهلا ياهلا ياهلا .. هلا هلا هلا هلا
بالشَريفه
واللَطيفه
والعفيفه
والمُنيفه
يقاموس الطهاره .. ياميثاقه وشِعاره
*هلا ومية هلا ابشبيهة الزهره*
🌷🕊🌷🕊🌷🕊🌷🕊
ياهلا ياهلا ياهلا .. هلا هلا هلا هلا
بالرَضيه
والزَكيه
والتقيه
والنقيه
يصوره امنِ العقيله .. يدُره يا جليله
*هلا ومية هلا ابشبيهة الزهره*
🌷🕊🌷🕊🌷🕊🌷🕊
ياهلا ياهلا ياهلا .. هلا هلا هلا هلا
بالفقيهه
والنزيهه
والوجيهه
والنبيهه
يمشكاةِ الهِدايه .. ينعمه اعله البرايا
*هلا ومية هلا ابشبيهة الزهره*
🌷🕊🌷🕊🌷🕊🌷🕊
ياهلا ياهلا ياهلا .. هلا هلا هلا هلا
بالكريمه
بالرحيمه
بالعليمه
بالحكيمه
يإكسير الشفاعه .. أيا اعظم بِضاعه
*هلا ومية هلا ابشبيهة الزهره*
🌷🕊🌷🕊🌷🕊🌷🕊
📗 *ديوان المَدائح النَّبَويه*📗
لخادمة النبي الاكرم
صلى الله عليه وآله
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال
🌷 *قصيده لميلاد العابده الزاهده*🌷
*زينب الرضا عليها صلوات الديان*
{٣}
*تُقرأ القصيده بعدة أطوار*
🌷🕊🌷🕊🌷🕊🌷🕊
*يابِتْ موسى والفُرقان.. زينب الرضا السلطان*
🌷🕊🌷🕊🌷🕊🌷🕊
*يانور وهُدى وإيمان .. زينب الرضا السلطان*
*ياحِرز ودوا وقُرآن .. زينب الرضا السلطان*
*سورة طه والإنسان .. زينب الرضا السلطان*
*يافيض وسَنا الرحمن .. زينب الرضا السلطان*
*ياجود وكرم واحسان .. زينب الرضا السلطان*
*وانتي نعمة الدَيّان .. زينب الرضا السلطان*
*معصومه غِصن ريّان .. زينب الرضا السلطان*
*يامشموم و ياريحان .. زينب الرضا السلطان*
*عِشق امسجل ابديوان .. زينب الرضا السلطان*
*اسمج للفخر عِنوان .. زينب الرضا السلطان*
*دُرة غالية لأثمان .. زينب الرضا السلطان*
🌷🕊🌷🕊🌷🕊🌷🕊
📗 *ديوان المَدائح النَّبَويه*📗
لخادمة النبي الاكرم
صلى الله عليه وآله
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
🌷*قصيده لميلاد السيده الجليله*🌷
*مولاتنا فاطمه المعصوم عليها السلام*
{١}
*تُقرأ القصيده بعدة أطوار*
🌷🕊🌷🕊🌷🕊🌷🕊
*قلبي وبنبضه يِدق .. قلبي ترتيله عِشق*
*فاطمه يخت الرضا .. فاطمه يخت الرضا*
🌷🕊🌷🕊🌷🕊🌷🕊
صلى دلالي وسجد .. رتل الفرد الصمد
قرلج ابحبه وشهَد .. *فاطمه يخت الرضا*
🌷🕊🌷🕊🌷🕊🌷🕊
باسمج اتوضى وطَهَر .. لأعلى رتل والقدر
والضحى ويَّه النصر .. *فاطمه يخت الرضا*
🌷🕊🌷🕊🌷🕊🌷
أذن وصوته ارتفع .. كبر وتالي ركع
وحده وياج انقطع .. *فاطمه يخت الرضا*
🌷🕊🌷🕊🌷🕊🌷
سبح ابحب وولاء .. ناده يَكْسير الدُعاء
هلل ابهذا النداء .. *فاطمه يخت الرضا*
🌷🕊🌷🕊🌷🕊🌷🕊
فاطمه يكعبته .. فاطمه يقبلته
فاطمه يسجدته .. *فاطمه يخت الرضا*
🌷🕊🌷🕊🌷🕊🌷🕊
📗 *ديوان المَدائح النَّبَويه*📗
لخادمة النبي الاكرم
صلى الله عليه وآله
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
هلا بأنوار الفضا .. لا اله الا الله
الرضا واخت الرضا .. لا اله الا الله
@@@
لموسى شعشع بالسمه
نور الله امعظمه
لعلي وخته و فاطمه
رضا ربنه ومرتضى .. لا اله الا الله
@@@
الكاظم الليله ابتهج
كثرة ابيته المهج
جوله ابواب الفرج
نور تقوى وموعظه .. لا اله الا الله
@@@
هلا بيهم يا هلا
بنور آيات العلى
عسى گلبي ما خلا
لمن ابحبهم حظا .. لا اله الا الله
@@@
طاب فاله من يحب
وبالحشر ما يرتهب
غالب او ما ينغلب
يقدر اعليه القضا .. لا اله الا الله
@@@
عدد كل نجم وشمس
ابحر حبهم منغمس
فدوه ليهم كل نفس
وفاز بيهم من مضى .. لا اله الا الله
@@@
بني طه الطاهرين
ونسل سيد المرسلين
بني مير المؤمنين
حصني من نار اللضى .. لا اله الا الله
@@@
العنده كربه لو شدد
ابمشهد ايلاگي المدد
وقم الى جروحه ضمد
سبب ربنه فارضه .. لا اله الا الله
@@@
علي أحمد الحمود
٢٩-٤-٢٠٢٥
مولد الرضا و المعصومه
🔴 أبوذيات في ذكرى مولد السيدة فاطمة المعصومة (عليها السلام)
إبقـــُم فاطمه نالت رضاهـــــــــــا
من طيبه إجـَت تقصد رضاها
ما شافت أخوها بس رضـّاها
إله الكون بالحضره الزهيــّه
ــ
ذكرها جعفر الصــــــادق وباهـــــــا
موسى الما نــِســَه الطيبه وباها
بيها الناس معصومه وباهـــــــــا
مثل زينب أبد مـَتــْذِل أبيـــّه
ـــــ
جدها الصادق إبوعده وعدهــــــــا
تصير إبقـُم علم عالي وَعـِدْها
تطوف الناس بالحضـره وَعَدْها
لهذا الدور أخوها الهاشميــّه
ـــــ
زاير فاطمه هيهـــــات ينضـــــام
نور إبقـُم أبد مـَيـْغيب ينضام
شعر واجب عليها اِيقول ينضــــــام
كـُل شاعر يحب بنت الزجيه
ــــ
هاذي فاطمه الطيـــــــــــــّب حسبهــــــا
بت موسى الكـُظم غيضه إو حـَسـَبها
سليله الفاطمه الله حـِِسـَبهــــــا
من أسرار أنواره الخفيـّه
ــ
معصومه إو حـُوَه الخيرات يمها
هـــاذي فاطمه إو ياريت يمها
نظل زوّار نهتف صــــــار يـَمْها
نزور الطاهره صبح إو مسيـّه
ـــــ
عساني بالحشر آخذ وصلهـــــا
زرتها فاطمه إو رايد وصلها
صرحها إبقـُم عـِلـَه الطيبه وصلهــا
من طيبه إو حـُوت نور الزجيه
الشاعر جابر النجفي
أريجُ ثرَاكِ جميلُ العَبَقْ
ونورُ سماكِ غرامُ الحَدَقْ
ولي خافقٌ يكتوي في البعادْ
يموتُ إذا عَن هواكِ افتَرَق
فمُدّي إليه حبالَ الوصالْ
فما خابَ مَن بابَ قُمٍّ طَرَقْ
- حَوراء
#متباركين
#السيدة_المعصومة
*#دُرّةُ_السّادات💕*
قلبُ المُوالي بالرّضِيّةِ مُولَعُ
مَعصومةٌ،في الحَشرِ حتمًا تَشفَعُ
بِرِياضِها الأطيارُ تَشدو في المَدى
وبِذكرِها كُلُّ الخَوافِقِ تَخشَعُ
علَوِيّةٌ مِن نَسلِ هاشِمَ أصلُها
وتَقِيّةٌ، حُسنَ الفَضائِلِ تَجمَعُ
في غُرّةِ الشّهرِ استَنارَ هِلالُها
فأبَت شُموسُ الفَجرِ إلّا تَركَعُ
باهَت بِها الأملاكُ في عَرشِ السّما
ومَدائِحُ الأفراحِ فيهِ تُسمَعُ
مِن ضِلعِ موسى قد أهلَّت فاطِمٌ
فَلَها فُؤادي يا كِرامُ مُشرَّعُ
مَن ذي سِواها لِلبتولِ شبيهةٌ
أَيقونةٌ هِيَ..، لِلمَكارمِ مَنبَعُ
أعلَنتُ جَهرًا في الأنامِ وِلايَتي
فوِلايةُ الأطهارِ حِصني الأمنَعُ
أنِسَت بِبَيتِ النّورِ فِلذةُ كاظِمٍ
ولَها بِرَوضةِ "قُمَّ" نَجمٌ يَسطَعُ
هِيَ دُرّةُ السّاداتِ،طابَ مُقامُها
ولِروحِها أزكى صلاةٍ نَرفَعُ
*#مَولدُ_المَعصومة*
*#دُرّةُ_السّادات*
*#بيتُ_النّور*
*#إبداع*
*زينب الموسوي*
*#بنت_الزهراء*
مولد السيدة المعصومه عليها السلام
المـعـصـومه هذي فاطمه لا اله الا الله
هذي الجـلـيـلـه الـعـالـمـه لا اله الا الله
بيها افرحت ارض وسمـا لا اله الا الله
والـشـيـعـه كلـهـا باسـمـه لا اله الا الله
فـي مــولـدچ عــم الفرح لا اله الا الله
كل شـيـعـي دلاله انشرح لا اله الا الله
وانــزاح هــمــه والـتـرح لا اله الا الله
ذكــراچ بلـســم لـلـجـرح لا اله الا الله
هــذي بــنــت الــكـاظــم لا اله الا الله
واخــت الـرضــا الـعـالـم لا اله الا الله
هـــذي ســمــيـة فـاطــم لا اله الا الله
الـبــيــهـا قـلـبـنـا هـايــم لا اله الا الله
اهيى الشفـيـعه الطاهره لا اله الا الله
ام الانــــــوار الــزاهـــره لا اله الا الله
ندعي ابنت خـيـر الورى لا اله الا الله
اويــاهـا دنــيـــا وآخــره لا اله الا الله
ونـطـلـبــچ فـي مـولـدچ لا اله الا الله
ابــذمـــتـــچ نـتــوسـلـچ لا اله الا الله
يـمـتـى نـشـاهـد قـبـتـچ لا اله الا الله
يمـتـى نـطـب الحضرتچ لا اله الا الله
وانـزور اخـيــچ الرؤوف لا اله الا الله
مولانا بـوالقلب العطوف لا اله الا الله
محلى على بابه الوقوف لا اله الا الله
سهلي إليـنـا هـالـظـروف لا اله الا الله
تمت بحمد الله ومنه
1446/10/29 هــ
*لخادم اهل البيت عليهم السلام*
*المُلا محمد سامي المرعي* الأحسائي
من موسى آيه بالسمه
معصومه حره وعالمه
من فاطمه چن فاطمه
يافاطمه المعصومه
@@@
بت موسى شيخه عالبشر
متگمط ابضيها الگمر
ونادى النجم لمن سهر
يافاطمه المعصومه
…
قطبها ابسمانه
طريقه لجنانه
عطانه ضمانه
هلا بيها هلا هلا
…
يا اغلى من كل الغله
ابحظن الهدايه امدلله
ابجيتچ مية هلا
يافاطمه المعصومه
@@@
اميره من شرع او سنن
طينتها من جنة عدن
وريحتها ريحة ام حسن
يافاطمه المعصومه
…
اسمها تلاوه
بحلگنه حلاوه
ومنحنه علاوه
هلا بيها هلا هلا
…
جبريل زين للعرش
ابفردوس ورده منفرش
واسم الكريمه منقش
يافاطمه المعصومه
@@@
بالجنه عالباب انكتب
بت موسى اغلى امن الذهب
فخر العجم ويه العرب
يافاطمه المعصومه
…
ابوها امامي
اخوها امامي
ونخاها هيامي
هلا بيها هلا هلا
…
ميمون بحجور الكرم
تحديها بالشوگ الامم
وتزرع بلنفوس القيم
يافاطمه المعصومه
@@@
مرقدها للوادم صفه
اسعاف للرايد شفى
انخيها بال المصطفى
يافاطمه المعصومه
…
كريمه وكرمها
يرفرف علمها
وننادي باسمها
هلا بيها هلا هلا
…
وصفه علاجل ابلا الم
واليعتني ايها سلم
ابذاك الصحن واجمل حرم
يافاطمه المعصومه
@@@
علي أحمد الحمود
٢٨-٤-٢٠٢٥
مولد المعصومه ع
الليله الگلب ينزاحن همومه
بميلاد اخت الرضا معصومه
فاطمه.. فاطمه.. فاطمه
.................
للرضا نبعث تهاني دايمه
انبارك بميلاد اخته فاطمه
الليله وجه الكون والدنيا ابتشر
وفرحت ويانه الأرض وهل السمه
بعيون اخوهه الفرحه مرسومه
بميلاد اخت الرضا معصومه
فاطمه.. فاطمه.. فاطمه
......................
باب للحاجه انفتح طول العمر
واليمد جفينه الها يبتشر
بنت الاجواد العفيفه ام الكرم
منهه اطلب حاجتك ماتعتذر
حاجاته تكضي الروحه ملجومه
بميلاد اخت الرضا معصومه
فاطمه.. فاطمه.. فاطمه
....................
الليله كون القم يسافر خاطرك
وبجمال الحضره كحل ناظرك
وهيه تعلم بالصدك نيته يزور
اتشوف گلبك ماتصد المضهرك
والخير كله الشاعت اعلومه
بميلاد اخت الرضا معصومه
فاطمه.. فاطمه.. فاطمه
......................
الليله عطر الفرحه بالمحفل يهب
ونورها مضوي الزمن ماينحجب
وبكريمة ال هاشم نفتخر
كون وبكل بيت اسمها ينكتب
گلب المحب افراحه من يومه
بميلاد اخت الرضا معصومه
فاطمه.. فاطمه.. فاطمه
.....................
موسى ابن جعفر فرح بيها فرح
عنده صارت فاطمه وصدره انشرح
مو بشر چنهه ملاك من السمه
وصوت حبه البنته بالرحمه صدح
وگلبه بمسرات وفرح دومه
بميلاد اخت الرضا معصومه
فاطمه.. فاطمه.. فاطمه
محمد هادي العقابي
الليله الگلب ينزاحن همومه
بميلاد اخت الرضا معصومه
فاطمه.. فاطمه.. فاطمه
.................
للرضا نبعث تهاني دايمه
انبارك بميلاد اخته فاطمه
الليله وجه الكون والدنيا ابتشر
وفرحت ويانه الأرض وهل السمه
بعيون اخوهه الفرحه مرسومه
بميلاد اخت الرضا معصومه
فاطمه.. فاطمه.. فاطمه
......................
باب للحاجه انفتح طول العمر
واليمد جفينه الها يبتشر
بنت الاجواد العفيفه ام الكرم
منهه اطلب حاجتك ماتعتذر
حاجاته تكضي الروحه ملجومه
بميلاد اخت الرضا معصومه
فاطمه.. فاطمه.. فاطمه
....................
الليله كون القم يسافر خاطرك
وبجمال الحضره كحل ناظرك
وهيه تعلم بالصدك نيته يزور
اتشوف گلبك ماتصد المضهرك
والخير كله الشاعت اعلومه
بميلاد اخت الرضا معصومه
فاطمه.. فاطمه.. فاطمه
......................
الليله عطر الفرحه بالمحفل يهب
ونورها مضوي الزمن ماينحجب
وبكريمة ال هاشم نفتخر
كون وبكل بيت اسمها ينكتب
گلب المحب افراحه من يومه
بميلاد اخت الرضا معصومه
فاطمه.. فاطمه.. فاطمه
.....................
موسى ابن جعفر فرح بيها فرح
عنده صارت فاطمه وصدره انشرح
مو بشر چنهه ملاك من السمه
وصوت حبه البنته بالرحمه صدح
وگلبه بمسرات وفرح دومه
بميلاد اخت الرضا معصومه
فاطمه.. فاطمه.. فاطمه
محمد هادي العقابي
☘ميلاد السيده معصومه ع☘
هلا وكل الهلا 💐👏
بميلادج هلا💐👏
هلا بمعصومه🌸🌺
وصبحهه ويومه🌸🌺
تزهي نجومه🌸🌺
حلوه مدلله...💐👏
هلا وكل الهلا 💐👏
بميلادج هلا💐👏
هلا يا فاطمه🌸🌺
هيه العاصمه🌸🌺
فرحانه السمه🌸🌺
بوجودج حلا...💐👏
هلا وكل الهلا 💐👏
بميلادج هلا💐👏
حلا هذا الصباح🌸🌺
حيا اعله الفلاح🌸🌺
شفت كل الجراح🌸🌺
وكل تعبي انجلا...💐👏
هلا وكل الهلا 💐👏
بميلادج هلا💐👏
هاي اخت الرضا🌸🌺
وكل همي انگضا🌸🌺
بشفاعتها حضا🌸🌺
دفعت كل بلا....💐👏
هلا وكل الهلا 💐👏
بميلادج هلا💐👏
اجينه لحضرتچ🌸🌺
وشفنه گبتچ 🌸🌺
حلوه هيبتچ🌸🌺
تزهي بالعلا...💐👏
هلا وكل الهلا 💐👏
بميلادج هلا💐👏
١/ ذوالقعده
✍ بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه
☘ولادة السيده معصومه ع☘
وزن / السريع
مستفعلن مستفعلن فعلن
لسان حال الشاعر
معصومه اجتنه وحلت الفرحه
هذا فجرنه اشكد حلو
صبحه
🍃🌼🍃🌼🍃🌼
حل الفرح وازهرت دنيانه
وين اليحبنه يفـرح ويانه
نهني الكاظم بيها مولانه
والّي انجرح طاب وشفه جرحه
✍☘ام فراس الساعدي ☘
🍃🌼🍃🌼🍃🌼
امبارك عله الأسياد معصومه
ميلادهه يوم السعد يومه
ابتشرت ارواح القبل مهمومه
مثل الابو باب الاسم اضحه
✍️الشاعره ام مجتبى الجزائري
🍃🌼🍃🌼🍃🌼
نهني الرضا هالليله هالليله
انبارك اله والفرحه تهليله
المولد اجانه ياله ندعيله
هالشيعه كلها بالفرح سرحه
✍️رياحين
🍃🌼🍃🌼🍃🌼
ازهر فرح بالعطر نشعتنه
اجمل خبر معصومه من جتنه
ترست الكــون اليوم فرحتنه
واليجي يحضر صدره ايشرحه
✍️ كلثوم الساعدي
🍃🌼🍃🌼🍃🌼
نهني الرضا بن موسى الوالي
هلت الفرحه والسعد جالي
اجمل عطيه ربنه اعطالي
المولد اجانه بالفرح مرحه
✍️الشاعره ام البنين
🍃🌼🍃🌼🍃🌼
هلت الفرحه وجت وياهه
فرحت الشيعه وبيها تتباهه
رب العرش شفيعه خلاهه
باب الرجى عله السلف صرحه
✍️ الشاعره ام محمد الساري
🍃🌼🍃🌼🍃🌼
ازهت الدنیه بطلعت الحره
ام الکرم للکاظم الدرّه
بمیلادهه انهنیه للزهره
هیه التشافی للگلب جرحه
✍🏻الشاعره ام حسین عبدالعالی
🍃🌼🍃🌼🍃🌼
قناة رابطة مسلم ابن عقيل عليه السلام🕊
قناة مخصصه لنشر القصائد الحسينيه
المشتركه بين مجموعة شاعرات اهل البيت في الرابطه
بمناسبة ولادة فاطمة المعصومة (وزن عگيلي)
يامحله الميلاد ويومه من هَل نورچ يامعصومه
★★★★★
يلنورچ من نور الزهره الدنيا بميلادچ مبتشره
ماضلت لوعه ولاحسره ولاروح اتون ومهمومه
★★★★★
صبح الدنيا يناغي النسمه يامنبع أيمان وحكمه
ميلادچ علوادم نعمه وگمره الليل وتزهي نجومه
★★★★★
بميلادچ يابنت الكاظم فرحان الزاير والخادم
الفرحه اليوم اتعم الوادم بعيون احبابچ مرسومه
★★★★★
من قداح الجنه أطيابچ وللجنه اليدخل من بابچ
ماخاب اليگصد لعتابچ كل شده بزودچ محسومه
★★★★★
لو (قم) نسئل من عَلَّاها وبنور اليسطع خَلَّاها
الرب ابنورچ سوَّاها جنه وبيها أنتي المخدومه
الشاعر حسن لعيبي الحريشاوي
🌷 *قصيده لميلاد سيدة نساء زمانها*🌷
{٦}
🟢 *جديد* 🟢
*طور ياعلي : ملا علي بوحمد*
https://youtu.be/ZvtT8aUsQbI
🌷🕊🌷🕊🌷🕊🌷🕊
*فاطمه فاطمه فاطمه*
*فاطمه فاطمه فاطمه*
🌷🕊🌷🕊🌷🕊🌷🕊
كريمة آل أحمد .. اسم بالعِز تِشَيَّد
نسل جعفَر .. لها مفخَر
عِدها النسب تِفرَد
*فاطمه فاطمه فاطمه*
*فاطمه فاطمه فاطمه*
🌷🕊🌷🕊🌷🕊🌷🕊
على العِفه تِربّت .. ومِن الورع تِغذّت
وثدي الحِشمه .. مع العِصمه
و ابيت التقوى نِشأت
*فاطمه فاطمه فاطمه*
*فاطمه فاطمه فاطمه*
🌷🕊🌷🕊🌷🕊🌷🕊
مِثل زينب وَقوره .. جبل راسي وصبوره
في كل شِده .. العلي اتحمده
اخت الرضا شَكوره
*فاطمه فاطمه فاطمه*
*فاطمه فاطمه فاطمه*
🌷🕊🌷🕊🌷🕊🌷🕊
شبيهتها الزجيه .. مُطَّهره وتقيه
اورِثت طيبه ..مع الهيبه
و رَزانه هاشميه
*فاطمه فاطمه فاطمه*
*فاطمه فاطمه فاطمه*
🌷🕊🌷🕊🌷🕊🌷🕊
بين الخلق جَليله .. وعندالله موقَليله
لها العزه .. وهِي امطَرزه
شَرف ماكو مَثيله
*فاطمه فاطمه فاطمه*
*فاطمه فاطمه فاطمه*
🌷🕊🌷🕊🌷🕊🌷🕊
📗 *ديوان المَدائح النَّبَويه*📗
لخادمة النبي الاكرم
صلى الله عليه وآله
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
🌷 *قصيده لميلاد اخت الرضا*🌷
*مولاتنا فاطمه المعصومه عليها السلام*
{٤}
*تُقرأ بطور الهوسه*
🌷🕊🌷🕊🌷🕊🌷🕊
*ايسموها اخت السلطان*
🌷🕊🌷🕊🌷🕊🌷🕊
بِتْ طه سيْدِ الاكوان
*ايسموها اخت السلطان*
🌷🕊🌷🕊🌷🕊🌷🕊
يانعمه مِنِ الرحمن
*ايسموها اخت السلطان*
🌷🕊🌷🕊🌷🕊🌷🕊
للحشمه رمز وعنوان
*ايسموها اخت السلطان*
🌷🕊🌷🕊🌷🕊🌷🕊
معصومه ورد وريحان
*ايسموها اخت السلطان*
🌷🕊🌷🕊🌷🕊🌷🕊
يا اللولو ويّه المُرجان
*ايسموها اخت السلطان*
🌷🕊🌷🕊🌷🕊🌷🕊
ينبوع وچف الاحسان
*ايسموها اخت السلطان*
🌷🕊🌷🕊🌷🕊🌷🕊
ياماي ويروي العطشان
*ايسموها اخت السلطان*
🌷🕊🌷🕊🌷🕊🌷🕊
يالحبها فرض وايمان
*ايسموها اخت السلطان*
🌷🕊🌷🕊🌷🕊🌷🕊
محفوره وسط الوِجدان
*ايسموها اخت السلطان*
🌷🕊🌷🕊🌷🕊🌷🕊
📗 *ديوان المَدائح النَّبَويه*📗
لخادمة النبي الاكرم
صلى الله عليه وآله
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*
🌷 *قصيده لمولد كريمة أهل البيت*🌷
*عليها السلام*
{٢}
*طور : ياحسن مولا*
*للرادود حسن كاتب*
https://youtu.be/OZxue2Ap4vo
*ملاحظه : مقاطع القصيده على طور و وزن الطور الثاني بالمقاطع لقصيدة الرادود*
🌷🕊🌷🕊🌷🕊🌷🕊
*فاطمه فاطمه فاطمه المعصومه*
*فاطمه فاطمه فاطمه المعصومه*
🌷🕊🌷🕊🌷🕊🌷🕊
فاطمه الدُره أختِ الرضا ايسموها
فاطمه العابده الطاهره ايوصفوها
ياحياء وحِشمه .. يفاطمه
ياضياء وحِكمه .. يفاطمه
*فاطمه فاطمه فاطمه المعصومه*
*فاطمه فاطمه فاطمه المعصومه*
🌷🕊🌷🕊🌷🕊🌷🕊
فاطمه بالحلم والكرم معروفه
فاطمه بالعلم والحسن موصوفه
ياحجاب وعِفه .. يفاطمه
مَظهَر الله و لُطفه .. يفاطمه
*فاطمه فاطمه فاطمه المعصومه*
*فاطمه فاطمه فاطمه المعصومه*
🌷🕊🌷🕊🌷🕊🌷🕊
طاهِره عابده قانته ومَرضيه
راشده حامده شاكره ونوريه
يانزاهه وتقوى .. يفاطمه
يا كمال وسلوى .. يفاطمه
*فاطمه فاطمه فاطمه المعصومه*
*فاطمه فاطمه فاطمه المعصومه*
🌷🕊🌷🕊🌷🕊🌷🕊
فاطمه يا فخر يا شرف يا قدوه
فاطمه يا أدب يا خُلق يا أُسوه
ياهُدى ونور الله .. يفاطمه
انتي رحمة الله .. يفاطمه
*فاطمه فاطمه فاطمه المعصومه*
*فاطمه فاطمه فاطمه المعصومه*
🌷🕊🌷🕊🌷🕊🌷🕊
فاطمه الزاهده الساجده الوجه الله
فاطمه الصابره التاليه الذكر الله
تاليه القُرآنه .. يفاطمه
ياكرم احسانه .. يفاطمه
*فاطمه فاطمه فاطمه المعصومه*
*فاطمه فاطمه فاطمه المعصومه*
🌷🕊🌷🕊🌷🕊🌷🕊
📗 *ديوان المَدائح النَّبَويه*📗
لخادمة النبي الاكرم
صلى الله عليه وآله
رقيه التركي
{{ *اللهم عجل لوليك الفرج*}}
*اسالكم الدعاء للشفاء والفرج*
*عن اختي وصديقتي الغاليه*
← *لا اسمح بإزالة الاسم عند الارسال*→
قم اويه مشهد .. قم اويه مشهد
روحي وغرامي .. قم اويه مشهد
@@@
گلبي تعلگ .. بديار ليمان
باهل الموده .. ودلالي هيمان
ريت انا عندي .. خاتم سليمان
واركب بساطه .. لولاد لمجد
@@@
موسى وعصاته .. لطه و بنينه
وبيهم ترى نوح .. سوه السفينه
وانا بخراسان .. شفت السكينه
وبيها المعاجز .. لبن المؤيد
@@@
ابشوگي وحنيني .. عميت عيوني
ورايد ضريح اليشفي شجوني
للرضا لو قم .. بس تاخذوني
چن انه يعقوب .. ويوسف له عود
@@@
لولاد لمجد .. ارحل وسافر
ودوم الهم انا .. بطياره طاير
واطفي اشتياقي .. بين المناير
دلالي مجروح .. وعدها تضمد
@@@
مشهد لي شريان .. وگلبي او وريدي
ومن استهلها .. يعيد لي عيدي
انا اضرب الها .. تحيه بيدي
بيها امام .. ابصدري تسيد
@@@
ياللي تريد .. الرتبه العظيمه
ورايد حياتك .. حره وسليمه
قم رحمة الله .. وبيها الكريمه
ما جاها حاير .. بفراجه يسعد
@@@
الرضا امامي .. وفاطم رضيه
ابصدري نيشان .. واجمل هويه
يسألون هالناس .. شنهو اللي بيه
وبشواگي لجواب .. وي دمعي ينهد
@@@
علي أحمد الحمود
٢٩-٤-٢٠٢٥
مولد الرضا و المعصومه ع
نخوة
بالحاجات جينا والأمل عِدها
بالمعصومة نتوسل في مولدها
+++
هذي ليلة المعصومة بالدعوات
جينا وفي ضمايرنا اشكثر حاجات
من محروم ومن مأسور ومن معلول
وكلها بالله وأهل البيت مقضيات
جمرات الألم هيّه التبرّدها
بالمعصومة نتوسل في مولدها
+++
ياللي انسدت الأبواب في اعيونك
لوذ ابعترة الهادي يخلصونك
لا تيأس من الله ورحمته وغوثه
وبالمعصومه اقسم مايخيبونك
علّمنا التوسل في الشدد جدها
بالمعصومة نتوسل في مولدها
+++
هذي الطاهرة الصار الدعا فنها
ومحراب العبادة يزدهر منها
منها ومن عبادتها تعلمنا
وسايل من قصدها ومن وسأل عنها
مدينا الأيادي وحاشى ما اتردها
بالمعصومة نتوسل في مولدها
+++
اخت الضامن ونقصدها للأسرى
مو هذي سلالة علي والزهره
مو هذا العليلة اتطيّب العلاّت
بلسم بيها أرواح البشر تبرا
ذكراها علينا ربي عوِّدها
بالمعصومة نتوسل في مولدها
+++
بالمعصومة تجمعنا مآتمنا
وتكشف هالمحن عنا وتسلمنا
و ترزقنا زيارتها و شفاعتها
يا ربي و تعَجّل فرج قائمنا
وبزيارة شمِس لشموس نسعدها
بالمعصومة نتوسل في مولدها
+++
والنسمة الطهورة بضعة الكاظم
شافي آية الله وحجته قاسم
ياربنا عليك المعتمد انته
اترده غانم الأرض الوطن سالم
لعمامة الطهورة للوطن ردها
بالمعصومة نتوسل في مولدها
+++
القرمزي
صلوات
للمعصومة
(فِداها أبوها) وهي مستودعُ النَدى
لقد عظمت شأناً وأعظم بهِ فِدا
وآل رسولِ اللهِ أغراسُ نورِهِ
وقد ملأوا الدنيا جمالاً مؤبدا
وهم كوثرٌ أجرى محمدُ نبعَهُ
وحيثُ فتحتَ العينَ تلقى محمدا
###
اليوم َ قد وُلِدت سليلةُ أحمدِ
أختُ الرضا أكرمْ بأشرفِ مولدِ
من نسلِ موسى من ذؤابةٍ هاشمٍ
أمُّ الهدى بنت الندى والسؤددِ
الإسم فاطمةٌ تباركَ اسمها
معصومةً في عشِّ آل محمدِ
###
تخرُّ السما مشغوفةً بثراها !
فماذا مَداها ما عَلاءُ سَماها ؟
لقد لمعت نجماً من العلمِ والتقى
وعمَّ فضاءَ الخافقينِ سناها
مدينةُ طه أشرقت يومَ أزهرت
ومن عطرِها الأكوانُ طاب شذاها
فبارِكْ إلى بابِ الحوائج والرضا
وأسعِدْ بتسبيحِ الإلهِ أخاها
كريمةُ أهل البيت روحي لها الفدى
وريحانةٌ يروي النفوسَ نداها
بتوليّةُ الأطباعِ مرضيةُ الخُطَى
وصدّيقةٌ والوحيُ عَطّرَ فاها
وطاهرةٌ معصومةٌ ورشيدةٌ
تقيةُ روحٍ لا يُنالُ تُقاها
وعابدةٌ لا يبلغُ الناسُ حقَّها
مبرّاتُها يعشي العقولَ صفاها
و من زارها زار البتولةَ فاطماً
و زار الرضا إن الرضاءَ رضاها
علَى فاطمٍ أجرِ الصلاةَ و فَدّها
فإن أباها بالعظيمِ فداها
القرمزي
من ديوان صلوات
_
🕊️ «لو أنّنا نحن الشيعة كنّا ندرك بشكل صحيح بركات هذا القبر المطهّر وعرفنا قيمة هذا المزار الشریف لعلّنا كنّا نحيط الآن أطراف الصحن المطهّر للسيدة المعصومة عليها السلام بخندق، فقط لأجل أخذ التراب تبرّكاً من أطراف هذا الحرم. لكنّنا للأسف، ليست لدينا تلك المعرفة كما يجب وكما هو مطلوب، ولا ندرك حقيقة أين نعيش و أيّ بركات تنزل آنًا فآنًا في هذا المكان!»
• الشيخ مصباح اليزدي ؒ
#ميلاد_السيدة_المعصومة (ع)
في قمَّ نورٌ تحتويهِ سماءُ
فالرّحبُ ضاقَ بوسعهِ والماءُ
وجلالهُ البرّاقُ يخطِفُ ناظري
إذ يعتليهِ رونقٌ وبهاءُ
سبحانَ من سوّى الجمالَ بنورهِ
حرمٌ لآلِ محمّدٍ وضّاءُ
هي فاطمٌ من نسلِ طهَ فرعُها
بنتٌ لموسى، بضعةٌ حسناءُ
معصومةٌ وكريمةٌ أختُ الرضا
سلطانُها كنفٌ لها وغطاءُ
ولقد تفيّأَ عمرُها بظلالهِ
عبقُ الأخوّةِ رحمةٌ وعطاءُ
يتهافتُ العشاقُ نحو مقامها
يجثو على أعتابها العظماءُ
إنّي لمفتونٌ بطيفِ جلالها
هل لي قريباً، موعدٌ ولقاءُ
#منال_بجيجي
قصيده ولادةمعصومه (ع)
معصومه
هالليله سجليها الاسامي
1
معصومه لحظة مولدچ
اتنظرين جان ومقصدچ
يعني تعال الوالدچ
خليني بحضانك
يابويه خل اشتم عطر
صدرك وخليني ابتشر
احضني ماضلي صبر
معصومه قربانك
بميلادي واعيادي خليني اضمك
يالغالي وآمالي من صدرك اضمك
انظرلك
هم والد انته وهم امامي
معصومه
هالليله سجليها الاسامي
2
باب الحوايج صرت الي
معصومه ياجنة هلي
ارد انه احلفج بعلي
كل حاجه تگضيها
يالحبج احله من الشهد
معصومه كاتبلج عهد
ماعوفج انه وللابد
والخدمه قبليها
معصومه مرسومه هالفرحه علينه
هالليله حاجتنه ناخذها بدينه
ابعثلج
يالغاليه شوگي وسلامي
معصومه
هالليله سجليها الاسامي
3
باب الحوايج للبشر
معصومه صرتي بكل فخر
واليوم من عندج اثر
نطلب يمعصومه
ترضين عن هاي الخدم
أنحلفج ابراعي العلم
عباس وبذيج الخيم
والمشت مظلومه
عباسج انفاسج بجفوفه نحلفج
معصومه للحاجه تگضيها نعرفج
والمثلي
متأكد وتسمع كلامي
معصومه
هالليله سجليها الاسامي
4
معصومه مولدها انتشر
عالعالم وطش الخبر
مولدچ سر المنتظر
والفرحه بشفافه
ياربي عجل للولي
بجاهك يحيدر ياعلي
ياريت انه وكل هلي
يشملنه بلطافه
بشفافه والطافه يشملنه بحنانه
والفرحه من يظهر ويرفرف لوانه
للمولى
ارد ارسل اشواگي وهيامي
معصومه
هالليله سجليها الاسامي
لاتنسون والدي ووالدتي وأبني عباس من الرحمه والغفران
خادمكم رياض الرسل الجابري
مولد للسيده فاطمه المعصومه عليها السلام
يله للكاظم نزف ابشاره
عطر الجنان اليوم فاح ابداره
شرفت معصومه. الكلب تجلي همومه
عطر الجنان اليوم فاح ابداره
ياهله بجيتج يبويه ياهله
الكون نور بيج والمنزل حله
يكبرلها وگام يقره البسمله
الفرح ذاك اليوم بان ابمنزله
ضحك سنه وابتهج
ياهله بنسل الحجج
عطر الجنان اليوم فاح ابداره
✍️. أم محمد علي الشيباني
اليوم بان الفرح بأسمچ فاطمة
نور جيتج بالارض وية السما
دار ابو طلبه ابفرحها باسمة
ياهلة بجية الجليله العالمة
جيتج جيت السعد
والدج بيج انسعد
عطر الجنان اليوم فاح ابداره
✍️ام علي الحسني
الرضا فرحان بولادتها الطهر
يهني بالوالد وگلبه مبتشر
اخت والنعمين ولگلبي تسر
افتخر بيها ويلوگلها الفخر
قدوه هيه للحرم
بيته مضيف الكرم
عطر الجنان اليوم فاح ابداره
✍️. أم محمد علي الشيباني
هله بميلادج يبت موسى هله. فرحت الأملاك والمولد حله. تباشرت بالجنه والصوت اعتله. صاحت بميلادهه الهم انجله الفرحه زادت بينه وبمولدج عيدينه. عطر الجنان اليوم فاح ابداره
✍ ام هاشم الحسني
يله كلكم هلهلوا لمعصومه
اليفرح إلها تزيل كل همومه
بجاه اخوها الشاعتلنه اعلومه
ابغربة الكاظم ابوها ويومه
ننخه نيه صافيه
نريد منها العافيه
عطر الجنان اليوم فاح ابداره
✍️. أم محمد علي الشيباني
ابتشرت الحور وتعلگ زينه
تنادي كلنه لفاطمة تعنينه
ام الحسن وبفرحتج نادينه
اصفوف كلنه ندور ولهادينه
للنبي سيد البشر
ولعلي نزف الخبر
عطر الجنان اليوم فاح بدارة
تمت بحمد الله بأقلام شاعرات مهدويات الهوى
✍🏻ام محمد باقر
الشاعر محمد هادي العقابي
بصوت حسين عدنان الگوبعي
🌸🍃 ريحانة الكاظم 🍃🌸
أنا لمعصومه كل عمري أظل خادم
ابهواها وابهوى السلطان أظل هايم
يمعصومه يريحانه وعطرها فاح
من الكاظم علينه و هلت الأفراح
الحزن راح بحضورج وي سحابه انزاح
شمس واليوم علی الدنيا أشرقت فاطم
خذاني الشوق يم قبرچ يضي عيني
وخيالي طاف بيج واشبك ايديني
علی الشباك وأصرخ يمج إخذيني
ويهب عطرچ ايذكرني بهوا الكاظم
بخيالي أقعد بصحنچ وأشم عطره
وتسوى الدنيا كلها قعدة الحضره
ومن قبرچ يسلم قلبي عالزهره
وأنسى بحضرتچ كل عمري والعالم
كريمه وبالعطايا نعرفچ كلنه
يبحر الجود يالقبرچ لنا جنه
هنياله الي يمچ عايش اتهنه
يظل مرتاح وخيرچ يغمره دايم
أهني للرضا الليله وأطش أورود
وأقله ريت يم قبرك چنت موجود
يسلطان البريه العاشرك محسود
كل صبح ومسيه لقبرك ايلازم
ألف مبروك بالمعصومه هالليله
احترت بالفرحه قلبك شنهو اهديله
وعلى بعد المسافة شوقي أرويله
يمن قبرك وسحره جنن الوادم
تمت بحمد الله تعالی
فاطمہ كريم
نسألكم الدعاء لتعجيل الفرج
يا أبا عبـــــــــــــــدالله
☘مدح ولاة معصومه ع☘
بحر /المتدارك
وزن /العگيلي
فعلن فعلن ...فعلن فعلن
هليوم انولدت معصومه🌼🌺
والراد يصفّگ منلومه🌼🌺
يامسعدنه هاي الليله
نور ومبعوث بقنديله
فرحانه وحضرتها العيله
بدر تحوم اعليه انجومه....👏👏
هليوم انولدت معصومه🌼🌺
انهني الكاظم ونزوره🌼🌺
ونطوف بصحنه وكل سوره🌼🌺
حگ البضعه وحگ الجوره🌼🌺
بَحر العتره اليوم انعومه.....👏👏
هليوم انولدت معصومه🌼🌺
تكتم هليوم نهنيها🌼🌺
ونبارك ليها نحييها🌼🌺
ونقبّل بلفرحه اديها🌼🌺
فرحتنه بهاي المعلومه......👏👏
هليوم انولدت معصومه🌼🌺
اخذت كل اعلوم الوالد🌼🌺
ويه اخوتها وگام اتجاهد🌼🌺
حوزتها بقم صارت قائد🌼🌺
دَرسَتهم من كل اعلومه.....👏👏
هليوم انولدت معصومه🌼🌺
بالجنه تشفع وتنادي🌼🌺
الشيعه كلهم اولادي🌼🌺
يدعوني الحاضر والبادي🌼🌺
وانفرج عن كل همومه.....👏👏
هليوم انولدت معصومه🌼🌺
١/ذوالقعده
✍ بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه
h
☘مولد السيده معصومه ع☘
من /بحر الرمل
فاعلاتن فاعلاتن فاعلات
موشح مقصور
انولدت المعصومه واحلا البنات
للرضا نقدم تهاني وصلوات
🔆🍃🔆🍃🔆🍃
هاي جدها حيدر وفحل الفحول
نجمه امها وبعد جدتها البتول
شما نوّصف عن نسبها شمانگول
ترتل ايات الكتاب
بيدها تحل الصعاب
من نسل كلهن فواطم زاكيات
🔆🍃🔆🍃🔆🍃
نزورها هليوم بالحضره الفرح
كل موالي حضر وگليبه انشرح
طابت الالام كلها والجرح
حبها منذ الازلي
بيها همي ينجلي
هاي بت العتره وبنت التقاة.....
🔆🍃🔆🍃🔆🍃
من الزُغر درست علوم وعَلّمت
حوزه صارت للمراجع خَرّجَت
ياما ناس بهل مفاهيم اهتدت
علمتنه شگد بحور
حوَّلت ظلمتنه نور
هم خلق واخلاق هم حلوه الصفات...
🔆🍃🔆🍃🔆🍃
مثل عمتها العقيله بالفكر
صارت اعلاميه ضد اهل الكفر
كل خبر مخفي تگوله وينتشر
انطت الناس الدليل
بكل حُكُم جائر رذيل
مثل صارت كلجبال الراسيات.....
🔆🍃🔆🍃🔆🍃
يلي حضرتها ملاذ لكل يتيم
كون هلنعمه على العالم تديم
سيده ومعطاء يابنت الكريم
بلكرم صارت عَلَم
تشافي كلمن بي الم
كلنخيل الشامخات الباسقات ....
🔆🍃🔆🍃🔆🍃
١/ذوالقعده
✍ بقلم شاعرة اهل البيت عليهم السلام
☘ام فراس الساعدي ☘
غير مبري الذمه لكل من يغيير الاسم
او ياخذ كلمات القصيده وينسبها اليه