-
عَنْ عُثْمَانَ رضي الله عنه : عَنْ النَّبِيِّ صلى الله عليه وسلم قَالَ: "خَيْرُكُمْ مَنْ تَعَلَّمَ الْقُرْآنَ وَعَلَّمَهُ". رواه البخاري (4/ @ppoossddBot للتواصل مع مدير القناة عبر معرفة1919)
حينما يقول الملبِّي
👈لبيك اللهم لبيك لبيك لا شريكَ لك لبيك فهو بذلك يُقرّ بإعلانه بالوحدانية يُقرّ بوحدانية الله تبارك وتعالى ويُعلن ذلك ويلهج به بأعلى صوته حتى يبحّ صوته
👌كم قلوبنا مشتاقه لهذا الصوت وكم نتمنى نكون منهم في السنوات القادمة
اللهم اكتب لنا زيارة بيتك المحرم وفقنا ووفق كل من يريد الحج والعمرة يارب العالمين
الله أكبر الله اكبر الله أكبر لا ٱله إلا الله
الله أكبر الله اكبر الله أكبر ولله الحمد
الحمد لله على أنك ربي وليس لي إله غيرك
منقول
أكثر من الدعاء يوم عرفة ..
فإن الدعاء يوم عرفة كله مستجاب في الأغلب إلا ما كان فيه اعتداء.
[الحافظ ابن عبدالبر]
السلام عليكم ورحمة الله وبركاته
صباح الخير يا شباب
خلاص، جينا لوقت الجد!
النهارده #يوم_عرفة
اليوم اللي ممكن حياتك بعده تتغير بجد!
هتعمل إيه طيب؟
عيش يوم عرفة كما يحب الله ويرضى في بلدك، لعل الله يجعلك تعيشه على عرفات العام القادم..
فاثبت لله إخلاصك وجديتك 🤲🏻
📝 طب إزاي تعيش النهارده صح؟ 👇🏻
1️⃣ التوبة 👈🏻 بس قبلها هنحدد إيه غلط عايزين نبطله، سواء كانت أخطاء رافضها المجتمع أو بيحبها، وحدد من له حقوق عليك..
يعني هنتوب من كل حاجة 👈🏻 هتدخل تتوضى وتلبس حلو وحط عطر وهيأ نفسك للوقوف أمام الله "فالله ينصب وجهه لوجه عبده عند الصلاة " وصلي ركعتين بنية التوبة، وادعي كتير وانت ساجد.
2️⃣ الصيام 👈🏻 النبي ﷺ قال: "صيامُ يومِ عَرفةَ إنّي أحْتسبُ على اللهِ أن يُكفّرَ السنَةَ التي بعدهُ، والسنةَ التي قبلهُ."
فاحتسب صومك وتحمل طول الصيام والحر.
3️⃣ تحفظ سمعك وبصرك ولسانك 👈🏻 النبي ﷺ قال: "إِنَّ هَذَا يَوْمٌ مَنْ مَلَكَ فِيهِ سَمْعَهُ وَبَصَرَهُ وَلِسَانَهُ غُفِرَ لَهُ."
فمتسمعش حاجه غلط، وغض بصرك..
ولو في البيت اقفل السوشيال ميديا، وأمسك عليك لسانك..
⚠️ النهارده يوم (من غير فيس بوك) 📵
4️⃣ الذِكر 👈🏻 حدد الأذكار اللي هتقولها وعددها إيه، وماتنساش النبي ﷺ قال: "...خَيْرُ مَا قُلْتُ أَنَا وَالنَّبِيُّونَ مِنْ قَبْلِي: لَا إِلَهَ إِلَّا اللهُ، وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ، وَهُوَ عَلَى كُلِّ شَيْءٍ قَدِيرٌ.»
5️⃣ قراءة القرآن 👈🏻 انت ومقدرتك حزب أو جزء أو اتنين بعد كل صلاة..
المهم إنك تحاوط يومك بكلام ربنا.
6️⃣ الصلاة 👈🏻 حافظ أنها تكون على وقتها مع السنن، وصلي بخشوع وحسِّن هيئتك فيها.
7️⃣ الصدقة 👈🏻 فالصدقة تطفيء الخطيئة.
8️⃣ الدعاء 👈🏻 فخير الدعاء دعاء يوم عرفة..
ادعي بكل حاجة، والتمس كل أوقات الإجابة..
وقبل الدعاء ماتنساش الثناء على الله وعز وجل وبعدها الصلاة على النبي ﷺ وبعدها ادعي براحتك، واختم دعاءك بالصلاة على النبي ﷺ.
وكمان وانت بتدعي قسِّم دعواتك عشان متنساش حاجة..
- دعوات الآخرة.
- دعوات للدنيا.
- دعوات لمن تحب.
- دعوات للآخرة:
نفسك تكون إنسان صالح.
إنسان متدين قريب من الله.
نفسك تخشع في صلاتك وتحسِّن إقامتها.
نفسك تحفظ كلام ربك وتفهمه وتعمل به.
نفسك ربنا يستعملك لنصرة دينه.
نفسك ربنا يهديك ويأخذ بقلبك إليه.
نفسك في قلب سليم.
نفسك ربنا يتوب عليك من المعاصي أو من معصية معينة مش قادر تسيبها.
نفسك تُرزق بحسن الخاتمة.
نفسك قبرك يبقى روضة من رياض الجنة.
نفسك تدخل الجنة بغير حساب ولا عذاب.
نفسك تشوف النبي ﷺ وتُحشر معه.
نفسك تشوف الله جل جلاله.
نفسك في الفردوس الأعلى.
- دعوات للدنيا:
ادعي بالتفصييييل، واطلب كل اللي انت عايزه..
نفسك تتجوز، نفسك تتخرج، نفسك تنجح، نفسك تتفوق. نفسك تنجب من البنين والبنات.
نفسك في صحبة صالحة.
عندك مشكلة في شغلك، في دراستك، في عملك.
عندك أزمة مالية أو أسرية.
متخانق مع زوجتك أو زعلانة من زوجك.
خايف على عيالك ونفسك ربنا يحفظهم وتأمن حياتهم ومستقبلهم.
نفسك تكون حياتك أفضل أو تحسِّن من مؤهلاتك أو وظيفتك.
نفسك ربنا يشفيك.
خايف من حاجة، بتتمنى حاجة.
- دعوات لمن تحب:
هات قلم وورقة ويلا اكتب أسامي صحابك، وقرايبك، وأهل الفضل عليك، وأهل الحقوق عليك، ومن وصاك بالدعاء..
خلي ليهم وقت مخصوص ادعيلهم وقلبك متعلق بالله أنه يحقق لهم اللي يتمنوه، وأنه يغفر لهم، ويجمعكم في الجنة.
ومتنساش تدعي لمن مات ولم يُدرك اليوم مثلك.
وتدعي للمسلمين ولأمة الإسلام.
وأن يُفرج عن إخوانك المستضعفين في المشارق والمغارب، وأن يفتح لهذه الأمة وأن يُفرج كربها.
🌥️ النهارده هات آخرك في الدعاء، واجتهد لغاية آذان المغرب، وخد أجر إفطار صائم ولو بتوزيع التمر على أهل بيتك.
وآخر حاجة 👇👇
✨ (((محمد الغليظ))) --> متنساش تدعيلي.
من عرف ربه؛ أحبه، وعظَّمه..
ومن عظَّم ربه؛ عظَّم شعائره..
ومن عظَّم شعائره؛ كان ذلك علامة على تقواه..
قال الله تعالى: {ذَٰلِكَ وَمَن يُعَظِّمْ شَعَائِرَ اللهِ فَإِنَّهَا مِن تَقْوَى الْقُلُوبِ}
فعظِّم شعائر دينك في نفسك، وأهلك، ومجتمعك..
عظِّمها بقولك وفعلك..
عظِّمها، ففيها النجاة في الدنيا والآخرة بإذن الله.
#تعظيم_شعائر_الله
د. محمد الغليظ
رمضان خلص، وفطرنا وكان العيد بعد مغرب يوم 30
بكينا على الفُرقة، وقلنا "هتوحشنا يا رمضان"
وبعدها جاه عيد الفطر، وفرحنا بالعيد..
وبكاء امبارح اتحول لضحك، ولعب، وسرور حاولنا ندخله على أهالينا وأطفالنا وجيراننا، تعظيم لشعائر ديننا.
أما عيد الأضحى، فرحة مختلفة وأجرها أكبر وأعظم!
وعشان كدا هفكرك بحاجات مهمة عن العيد قبل ما يجي..
عيد الأضحى عاشر أيام العشر، يعني عيد في خير الأيام إلى الله، والأعمال الصالحة فيها أحب إليه سبحانه.
وكمان بيجي بعد خير يوم طلعت عليه الشمس، يوم عرفة!
يوم العتق والمغفرة للمسلمين كلهم، مش بس للحجاج.
يعني العيد هنا مش بس فرحة!
ده تتويج لاجتهاد، ومسك الختام للعشر!
وما تنساش: الله عز وجل لا يضيع أجر المحسنين.
فكل لحظة بتجتهد فيها = محفوظة
وكل دمعة، كل دعاء، كل نية طيبة = بتترفع!
فخلي عيدك مختلف، مش بس لبس جديد، ولمة حلوة..
لكن قلب نضيف، حسنات كتير، وصُحبة صالحة معاك.
وافتكر إن اللي بيجتهد في الطاعة، العيد عنده بيبقى طعمه مختلف؛ لأن فرحة قلبه مش فرحة عادية!
فإوعى تضيع كل حسناتك في ليلة العيد في لهو ومعاصي، بعد ما ربنا وفقك تطيعه وتكسب حسنات كتير، هتبقى زادك الحقيقي في الآخرة إن شاء الله.
جاهد نفسك واستغل كل دقيقة في أيام العشر اللي باقية؛ عشان عيدك يكون سعيد بجد، ويبقى ختامه مسك ببداية انطلاقة إيمانية جديدة في طريقك لله.
#رمضانك_المُصغّر
د. محمد الغليظ
■ لا تتجرأ على الفتوى!!
♧ قال عبد الله بن الإمام أحمد: سألت أبي هل تحرم المصة، والمصتين؟ أي الرضعة، والرضعتين.
♤ قال: لا أجترئ.
♧ قلت: إنها أحاديث صحاح!!
♤ قال: نعم، ولكن أجبن عنها!!
-------------------------------------
[ينظر: مسائل الإمام أحمد رواية ابنه عبد الله (1258)].
خالد الجهني
اعمل حاجة لآخرتك..
ستموت، ولن ينفعك سوى عملك ..
خالد الجهني
لو ضاع منك بداية العشر فالسة عندك فرصة تلحق نفسك وتسارع في الخيرات والقربات🤍💫.
Читать полностью…
القرآن..
كلام الله تعالى المُنزَل على أشرف الخلق محمد ﷺ..
رحمة الله للعالمين، أخرجهم به من ظلمات الكفر إلى نور الإيمان واليقين..
الكتاب الوحيد الذي تكفل الله بحفظه..
هدى ونور، وشفاء لما في الصدور..
روح تحيا به القلوب، وتطمئن به النفوس..
سفينة النجاة، ومنهج الحياة..
فبالله عليك، ألا تُعظِّم كلام ربك!
قال الله تعالى: {فَاسْتَمْسِكْ بِالَّذِي أُوحِيَ إِلَيْكَ ۖ إِنَّكَ عَلَىٰ صِرَاطٍ مُّسْتَقِيمٍ}
وقال رسوله ﷺ: "إنَّ الشيطانَ قد يَئِسَ أن يُعبَدَ بأرضِكم، ولكن رضِيَ أن يُطاعَ فيما سِوى ذلك مما تُحاقِرون من أعمالِكم، فاحْذَروا، إني قد تركتُ فيكم ما إن اعتصمتُم به فلن تَضِلُّوا أبدًا، كتابَ اللهِ، وسُنَّةَ نبيِّه."
فيا ساعيًا ترجو النجاة، إليك السبيل!
عَظِّم كتاب ربك وتمسك به واعمل بما فيه..
عَظِّمه واحرص على فهم معانيه..
عَظِّمه واحفظه في صدرك، وأظهره في خُلقِك..
عَظِّمه واجعله رفيق دربك، تتلو ما تيسر منه آناء الليل وأطراف النهار..
عَظِّمه لعله يشفع لك عند رب العالمين.
#القرآن
#تعظيم_شعائر_الله
د. محمد الغليظ
دينك هو حياتك..
هدفك الأسمى الذي تحيا به، وله!
تحبه، وتعلم يقينًا أن نجاتك به..
ولكن..
أمَا آن أن تُترجم حبك لأفعال، وعلمك لعمل
فتُعظِّم شعائر ربك امتثالًا لقوله تعالى: {ذَٰلِكَ وَمَن يُعَظِّمْ شَعَائِرَ اللهِ فَإِنَّهَا مِن تَقْوَى الْقُلُوبِ}!
#تعظيم_شعائر_الله
د. محمد الغليظ
الصلاة..
آخر وصية للنبي ﷺ قبل أن يلقى ربه، وأول ما ستُسأل عنه يوم أن تلقى ربك!
ركن من أركان الإسلام، من تركها جحودًا كفر
ومن تركها تهاونًا وتكاسلًا، فهو على خطر عظيم؛ لأن العلماء اختلفوا في حكمه هل هو كافر أم فاسق!
فبالله عليك، أترضاها لنفسك!
ولذلك أول ما تُعظّم به شعيرة الصلاة أن تُحافظ عليها، ولا تُضيعها أبدًا..
وأن تتعلم أحكامها؛ لتؤديها كما أمر الله عز وجل.
فتلك الصلوات الخمس في كل يوم وليلة، هي أصل نجاتك يوم القيامة، فقد قال النبي ﷺ: "أولُ ما يحاسبُ بهِ العبدُ يومَ القيامةِ الصَّلاةُ، فإنْ صَلَحَتْ؛ صَلَحَ سائِرُ عَمَلِه، وإنْ فَسَدَتْ؛ فَسَدَ سائِرُ عَمَلِه"..
فيا من أردت النجاة، عظِّم الصلاة!
#الصلاة
#تعظيم_شعائر_الله
د. محمد الغليظ
قرآن يتلى
طمأنينة
كل يوم نزل استوري قرآن عندك حسنات مضاعفة في هذة الأيام المباركات فأستغل كل فرصة
السلام عليكم ورحمة الله وبركاته
صباح الخير يا شباب
اغتنم عشرك بالصيام..
فهو من أحب الأعمال الصالحة إلى الله.
قال الله تعالى في الحديث القدسي: "كُلُّ عَمَلِ ابْنِ آدَمَ له، إلَّا الصِّيَامَ؛ فإنَّه لي، وأَنَا أجْزِي به..."
وصيام العشر مش بس عبادة!
ده تطهير للنفس، ومغفرة للذنوب، ورفعة للدرجات، وخصوصًا صيام يوم عرفة، اللي قال عنه النبي ﷺ: "إِنِّي أحْتَسِبُ على اللهِ أنْ يُكَفِّرَ السنَةَ التي قَبلَهُ، والسنَةَ التي بَعدَهُ."
فاستعن بالله وانوي تصوم، ولو حتى يوم واحد.
والنية وحدها إن صدقت؛ فلها أجر عظيم بإذن الله.
ومتنساش تُكثر من الذكر، فما طابت الأيام إلا بذكر الله، ولا طابت القلوب إلا بقربه.
اللهم وفقنا لصيام العشر، وأعنَّا على ذكرك فيها، وبلْغنا يوم عرفة ونحن مقبولون.
د. محمد الغليظ
وهل مثل ذكر الله يغفر الذنوب فلمٓ تقعد عن ذكر الله وأنت تعلم ذلك الشيطان يثبطك ويجعلك متكاسل متخازل فأحذر أن تكون من المنافقين الذين ذمهم الله ﷻ في القرآن الكريم فقال: ﴿ إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ وَإِذَا قَامُوا إِلَى الصَّلَاةِ قَامُوا كُسَالَىٰ يُرَاءُونَ النَّاسَ وَلَا يَذْكُرُونَ اللَّهَ إِلَّا قَلِيلًا﴾ [النساء: ١٤٢]
📚 أگـآدِيَـميَـةّ يَـقيَـنْ 🤍.
يوم نقول لجهنم هل أمتلئت وتقول هل من مزيد🥹❤🩹.
تلاوة رائعة للشيخ عبدالله كامل 🩵.
أجعلها صدقة جارية لك في هذا اليوم المبارك 🩵⚡.
«إِذَا بَلَغَكَ عَنْ أَخِيكَ شَيْءٌ فَالْتَمِسْ لَهُ عُذْرًا،
فَإِنْ لَمْ تَجِدْ لَهُ عُذْرًا، فَقُلْ: لَهُ عُذْرٌ».
[ابن سيرين]
أدعية لا تنسها يوم عرفه
👈قال رسول الله صلى الله عليه وسلم :أفضل ما قولت أنا والنبيون من قبلى لا إله إلا الله وحده لا شريك له الملك وله الحمد وهو على كل شى قدير خير
👈رسول الله صلى الله عليه وسلم كان يحب أمنا عائشة رضى الله عنها كثيرا فقال لها : يا عائشة عليكِ بجُمَلِ الدعاءِ و جوامعِه قولي : اللهم إني أسألك من الخير كله عاجلِه و آجلِه ، ما علمتُ منه و ما لم أعلمُ و أسألك الجنةَ و ما قرَّب إليها من قولٍ أو عملٍ ، و أعوذُ بك من النَّارِ و ما قرَّب إليها من قولٍ أو عملٍ و أسألك مما سألك به محمدٌ ، و أعوذ بك مما تعوَّذَ منه محمدٌ ، و ما قضيتَ لي قضاءً فاجعل عاقبتَه رَشَدًا
👈الدعاء لكل من تحبه من الاقارب والاصدقاء وإيضا لأهل عرفه أن يتقبل الله منهم وان يجعلهم من عتقاء الرحمن فكل دعوة تدعوا بيها للغير ملك يدعوا لك ويقول ولك بالمثل
👈إدعي وانت واثق من الإجابة لأنك بتدعى القادر على كل شي لا يعجزه شي فى الارض ولا فى السماء وهو السميع العليم
وقبل ما تدعي حاول تركز فى الأتى
🌟 الوضوء واستقبال القبلة
🌟إستشعر إنك جالس وهتدعي وترفع يديك إمام الملك وتطلب منه حاجاتك لأنك العبد الفقير بين يديه وهو الغنى القادر
🌟إبدأ بالحمد والثناء على الله بالأسماء الحسنى
🌟صلى على الرسول ﷺ
🌟حدد دعواتك من الآخرة كلها من أول حسن الخاتمه وسكرات الموت وعذاب القبر وهول يوم القيامة والصراط والعرض أمام الملك والأستعاذة من النار لحد دخولك الجنة بإذن الله من غير حساب ولا سابقة عذاب
🌟إدعى لنفسك بكل ما تتمني وتحلم بيه فى الدنيا ثم اهلك وأقاربك واصدقائك ولا تنسى أخواتنا المسلمين المستضعفين فى كل مكان ثم أختم بالصلاة على النبى ﷺ مرة أخرى
🫵حياتك هتتغير فعليا دنيا وأخرة لو اشتغلت علي نفسك فى اليوم ده ودعيت الله بخيرى الدنيا والأخرة، حاول لا تشغل نفسك فى ذلك اليوم من بعد صلاة العصر لحد المغرب
اللهم وفقنا واستعملنا وتقبلنا دعائنا فى ذلك اليوم وارزقنا الوقوف بعرفات العام القادم يارب العالمين
الحمد الله على أنك ربي وليس لي إله غيرك
منقول
"لا تعمل للناس شيئا،
ولا تترك لهم شيئا،
ولا تعط لهم شيئا،
ولا تكشف لهم شيئا".
معنى: لا تكشف لهم شيئا
لا تتكلم عنهم بسوء، ولا تفشي أسرارهم.
#السري رحمه الله
السلام عليكم ورحمة الله وبركاته
صباح الخير يا شباب
عارف إن الدنيا بقت سريعة، والناس بقت عايزة تعمل كل حاجة بسرعة، وتاخد أجر كبير بأعمال بسيطة..
طيب اقرأ معايا الحديث ده 👇
قال رسول الله ﷺ: "عمرةٌ في رمضان تعدِلُ حجَّة"
وفي رواية: "حجة معي"!
تخيّل!
تعمل عمرة في رمضان، يبقى لك أجر حجة مع النبي ﷺ!
طبعًا هتقولّي:
رمضان لسه، وإحنا فين ورمضان فين!!
هقولك:
لو معاك، اعزم النية من دلوقتي!
حطها في خطتك: السنة دي هعمل عمرة في رمضان إن شاء الله.
ولو لسه مش معاك..
ابدأ حوّش، واعزم على الأمر
حتى لو الطريق صعب، اجتهد، وخلّي النية حاضرة.
وصدقني لو كنت صادق؛ ربنا هييسرلك الطريق، ويمكن يوصلك لحاجة ماكنتش تتخيلها!
وحتى لو ماوصلتش، الله عز وجل هيأجرك على السعي والنية؛ لأنه يرى قلبك، ويعلم حالك.
فمتبخلش على نفسك..
وخلّي من دلوقتي نيتك: عمرة في رمضان؛ علشان تحج مع النبي ﷺ.
اللهم ارزقنا صدق النية، وقبول العمل.
د. محمد الغليظ
«قد كان السلف يلبسون الثياب المتوسطة لا المرتفعة ولا الدُّون، ويتخيرون أجودها للجمعة والعيدين ولقاء الإخوان».
[الإمام ابن الجوزي]
ختمت كام مرة في رمضان؟
واحدة؟ اتنين؟
يمكن اكتر؟ ويمكن حتى بدأت ومكملتش؟
كان فيه حماس، منافسة، صحبة بتشدّك، وجوّ كلّه إيمانيات عالية.
طب تعرف إنك ممكن تعمل ختمة، بس المرّة دي بتحدي أقوى؟!
ختمة العشر من ذي الحجة..
يعني ختمة تلاوة في 10 أيام بس.
وزي ما كنت بتحفز نفسك في رمضان بإنه شهر القرآن
حفز نفسك في العشر من ذي الحجة بإنها أفضل أيام الدنيا والعمل الصالح فيها أحب لله.
فتخيل بقى تتقرب لله فيها بكلامه سبحانه وتعالى!
بس خلّينا واقعيين رمضان، الجو كان مساعد..
و️ردك مواظب عليه
️الناس حواليك بتختم
️سوشيال ميديا بتفكّرك
️المساجد مفتوحة طول الوقت.
أما في أيام العشر..
مفيش الطابع الإيماني العالي اللي كان في رمضان
مع ضغط الشغل أو المذاكرة
حتى الموبايل بقى مشتّتك أكتر منه محفّزك.
فلو مش هتقدر تختم، على الأقل زوّد وقت التلاوة.
ولو همّتك عالية، حاول تختم ولو ختمة واحدة.
ولو لسه ما بدأتش، استعن بالله وابدأ..
وبصدق نيتك تقدر تسبق وتفوز بختمة كاملة في موسم ذهبي إن شاء الله.
القرآن في العشر مش بس ثواب، ده تجديد عهد مع كلام ربنا، بلاش ترجع تنشغل عنه تاني.
#رمضانك_المُصغّر
د. محمد الغليظ
الصيام..
من أحب العبادات إلى الله تعالى..
أحبَّه الله؛ فأحبَّ رائحة فم الصائم..
أحبَّه الله؛ فتولى جزاءه، وانفرد بعلم مقدار ثوابه ومضاعفة حسناته..
أحبَّه الله؛ فجعل للصائم فرحتان، فرحة عند فطره، وفرحة يوم يلقاه..
أحبَّه الله؛ فجعله وقاية من كثير من المعاصي في الدنيا، ووقاية من النار في الآخرة..
أحبَّه الله؛ فأحبَّه رسول الله ﷺ، وأحبَّ أن يُرفع عمله وهو صائم..
فبالله عليك، ألا تُعظِّم ما أحبَّ ربك!
قال رسول الله ﷺ: "إِذا كَانَ يَوْمُ صَوْمِ أَحدِكُمْ، فَلا يَرْفُثْ وَلا يَصْخَبْ، فَإِنْ سَابَّهُ أَحَدٌ، أَوْ قاتَلَهُ، فَلْيَقُلْ: إِنِّي صائمٌ."
وقال أيضًا ﷺ: "مَنْ لَمْ يَدعْ قَوْلَ الزُّورِ والعمَلَ بِهِ فلَيْسَ للهِ حَاجةٌ في أَنْ يَدَعَ طَعامَهُ وشَرَابهُ."
فيا صائمًا لله ترجو ثوابه؛ عظِّم صومك واحفظ لسانك من كل فحش وقول حرام، واحفظ جوارحك من المعاصي والآثام.
#الصيام
#تعظيم_شعائر_الله
د. محمد الغليظ
فاكر التراويح والتهجّد وسكينة الليل؟
واللحظات اللي كنت فيها بتقف بين يدي ربك..
طب ليه تكون لحظات وعدّت!!
ما ترجع تعيشها في العشر من ذي الحجة.
قيام الليل عبادة عظيمة في كل وقت، وفي الأيام العشر المكسب أكبر؛ لأن مواسم الطاعات لها أثر إيماني مختلف على القلب، فإوعى تضيعه!
وافتكر حديث نبينا ﷺ: "أفضلُ الصلاةِ بعدَ الفريضةِ صلاةُ الليلِ."
يعني ركعتين في هدوء الليل، في أفضل الأيام = عبادة ثقيلة في الميزان إن شاء الله.
وخد بالك في رمضان، التراويح كانت بتجمعنا
المسجد والإمام والصحبة، كلها كانت مُعينات تشجعك تقوم.
لكن في العشر!!
إنت لوحدك، وده ممكن يخلي القيام أصعب..
لكن اصدق الله؛ يصدُقك.
ومش لازم تبدأ بقيام طويل..
الأهم إنك تبدأ، ولو بالقليل.
إوعى ماتضيعش ليلك كله من غير قيام ليل واستغفار لله ودعاء.
الفرصة لسة بتناديك، وانت قدّها بفضل الله.
#رمضانك_المُصغّر
مفتقد صيام رمضان؟
حاسس إن الصيام كان بيشحن إيمانك ويقويك في باقي عباداتك؟
طب ما تيجي تعيش التجربة تاني وانت معاك فرصة ذهبية!
"️أفضل أيام الدنيا"
وكمان الصيام من العبادات اللي أجرها عظيم أوي عند ربنا
فتخيل تتعبد لله تعالى بالصيام في أحب أيام العمل الصالح!
قال الله عز وجل في الحديث القدسي: "كُلُّ عَمَلِ ابْنِ آدَمَ له، إلَّا الصِّيَامَ؛ فإنَّه لي، وأَنَا أجْزِي به..."
فحاول تحافظ على صيامهم وتفوز بثوابهم العظيم..
ولو مش قادر أو ظروفك ما تسمحش تصوم التسع كلهم، ممكن تصوم يوم الاثنين والخميس مع يوم عرفة..
وحتى لو هتصوم يوم عرفة بس، انت كسبان سنتين مغفرة؛ لأن النبي ﷺ خصّ صيام يوم عرفة، فقال: "إِنِّي أحْتَسِبُ على اللهِ أنْ يُكَفِّرَ السنَةَ التي قَبلَهُ، والسنَةَ التي بَعدَهُ."
يعني يوم واحد = مغفرة سنتين بإذن الله.
وخلي بالك رمضان صيامه فرض، فكنت بتلاقي كل الناس حواليك صايميين..
إنما في العشر لأنه صيام تطوع فممكن تلاقي إنك لوحدك اللي صايم، وده ممكن يسببلك فتور فتكسل عن الصيام، رغم إن مفيش عذر أو ظروف تمنعك من الصيام.
فافتكر إنك بتصوم حبًا وسعيًا لرضا ربنا..
قال رسولنا ﷺ: "مَن صامَ يَوْمًا في سَبيلِ اللهِ، بَعَّدَ اللهُ وجْهَهُ عَنِ النَّارِ سَبْعِينَ خَرِيفًا."
فلو تقدر على الصيام؛ فده ثواب عظيم وأجر مايتفوتش!
#رمضانك_المُصغّر
د. محمد الغليظ
بكرة إن شاء الله أول يوم في والعشر يعني اول يوم صيام أوعى تكسل تصوم اوعى الشيطان يهيألك أنه صعب هو يسير مادمت تفعله أبتغاء مرضاة الله يسير مادمت تفعله بحب أوعى تكسل وذكر كل الي حواليك 🧡🌺.
Читать полностью…
جهز نفسك من بكرة بإذن الله تبدأ ختمة جديدة كل يوم 3أجزاء حتى تختم في العشر ختمة كاملة بإذن الله وبلاش تضيع فرصة زي دي من إيدك الشيخ محمد الغليظ كان بيقول العشر رمضانك المصغر وانا بقولك ضيعت من عمرك كثير وكفاية لحد كده 3أجزاء مش كثير عش معاهم بقلبك ومش هتبطل🥹💛⚡.
Читать полностью…
لو لسه قلبك متعلّق برمضان وكنت بتتمنى الشهر ما يخلصش، فخد بالك فيه هدية ربّانية جيالك!
الهدية دي زي رمضان، ويمكن أعظم!
"العشر من ذي الحجة"
النبي ﷺ قال عنها: "ما مِن أيَّامٍ العملُ الصَّالحُ فيها أحبُّ إلى اللهِ من هذِهِ الأيَّام" يعني أيَّامَ العشرِ، قالوا: يا رسولَ اللهِ، ولا الجِهادُ في سبيلِ اللهِ؟ قالَ: "ولا الجِهادُ في سبيلِ اللهِ، إلَّا رَجلٌ خرجَ بنفسِهِ ومالِهِ، فلم يرجِعْ من ذلِكَ بشيءٍ."
تخيّل العشر الأوائل من ذي الحجة، ربنا بيحب فيها الطاعة أكتر من أي وقت تاني في السنة!
يعني لو كنت بتصلي، وبتصوم، وبتذكر ربنا، وبتتصدق في رمضان، فالعشر من ذي الحجة فرصتك تكمّل وتزود.
وربنا أقسم بيهم في القرءان وقال: {وَالْفَجْرِ * وَلَيَالٍ عَشْرٍ}
العلماء قالوا: دي ليالي العشر من ذي الحجة.
وده قسم عظيم من ربنا، يعني لازم تقف عنده!
رمضان يمكن خلص خلاص..
لكن لسه عندك #رمضانك_المُصغَّر
عشرة أيام فيهم كنوز وطاعات وسباق جديد للجنة.
فاستعد تبدأ من تاني ونكمّل الرحلة سوا.
د. محمد الغليظ
السلام عليكم ورحمة الله وبركاته
صباح الخير يا شباب
في أيام ربنا اختصّها علشان تقرّبك منه وتصلّحك..
والعشر الأوائل من ذي الحجة من أعظم الأيام دي.
وأجمل صحبة تمشي بيها في الأيام دي، هي صحبة القرآن.
القرآن مش مجرد كتاب عادي!
ده رسالة خاصة من ربنا ليك، فيها النور، والهدى، والحياة.
قال الله تعالى: {...كِتَابٌ أَنزَلْنَاهُ إِلَيْكَ لِتُخْرِجَ النَّاسَ مِنَ الظُّلُمَاتِ إِلَى النُّورِ بِإِذْنِ رَبِّهِمْ إِلَىٰ صِرَاطِ الْعَزِيزِ الْحَمِيدِ}
وقال النبي ﷺ: "إِنَّ الَّذِي لَيْسَ فِي جَوْفِهِ شَيْءٌ مِنَ الْقُرْآنِ كَالْبَيْتِ الْخَرِبِ."
فمتخليش قلبك خَرِب..
عمَّره بكلام الله؛ عشان يتملى نور وسكينة وطمأنينة.
اقرأ وتدبّر ولو آية واحدة، هتفرق معاك إن شاء الله.
اللهم بلغنا العشر ووفقنا فيها للعمل الصالح.
د. محمد الغليظ