1133
الشاعرة الملاية ام محمد الكناني صاحبة ديوان (اقل الوفاء&بحر الولاء&منهل الرثاء&منابر النور&أئمةالهدى)
اكبر قناة على التلكرام لنشر القصائد الحسينيه تم نشر 300 قصيدة بالترتيب اشترك بالقناة يصلك كل جديد 👇👇👇👇
/channel/aabas78
#النعي_بديوان_بحر_الولاء_الجزء_١٦_.
نعي للوداع
زينب تكل لحسين بحماك
اكعد اريد اتسامر اوياك
محمل اكلك خويه فركاك
❥━──➸➽❥💔❥━──➸➽❥💔
انتسامر نريد الليل كله
وياك السمر يحسين يحله
لا تخليني بلمذله
❥━──➸➽❥💔❥━──➸➽❥💔
اكبال الولي هليله كعدت
صاحت ابعبره وحيل ونت
الغاليه يحسين ذلت
❥━──➸➽❥💔❥━──➸➽❥💔
حاجته ويلي وهملت العين
ساعه او يطر الفجر يحسين
ما ينشبع منك يلاحنين
❥━──➸➽❥💔❥━──➸➽❥💔
جم دوب خويه اتكلي صبري
والمثل مضروب اعله خدري
لو شلت عني انهتك ستري
❥━──➸➽❥💔❥━──➸➽❥💔
كلهه يزينب لا تونين
عندي وصيه للنساوين
اتبارينهن لو هملت العين
❥━──➸➽❥💔❥━──➸➽❥💔
اكعدي يخويه اتباصر اوياج
ساعه او تضل وحشه ثناياج
وتبكن بغربه ويه اعداج
❥━──➸➽❥💔❥━──➸➽❥💔
اتبارين ايتامي وصيتي
يا خويه لو كربت منيتي
وهاي العده توصل البيتي
واتدوس يا زينب ثنيتي
❥━──➸➽❥💔❥━──➸➽❥💔
دارت وجهه صوب عباس
اتكله الليله كلهه حراس
يطر الفجر واخيمي تنداس
❥━──➸➽❥💔❥━──➸➽❥💔
باجر تعيل اعداك بيه
يبن والدي الكلك حميه
احشم ومتكوم ليه
❥━──➸➽❥💔❥━──➸➽❥💔
باجر يصير الكون بينه
واعداك تتجسر علينه
واكلك يعباس انولينه
❥━──➸➽❥💔❥━──➸➽❥💔
لملم خواته وسال دمعه
هيهات خويه اتصير رجعه
اتجمعوا علينه فرد جمعه
❥━──➸➽❥💔❥━──➸➽❥💔
اوصيج يختي يا زجيه
يطر الفجر خويه عليه
باريلي يا زينب رقيه
متحمل افراكي هلبنيه
❥━──➸➽❥💔❥━──➸➽❥💔
لا توصيني خويه يحسين
بناتك لحطهه وسطة العين
اشكد هظم يا روحي تحملين
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_١_.
لطميه للوداع
ويه حسين هليله الوداعيه
تون يمه العقيله ابركبه محنيه
❥━──➸➽❥💔❥━──➸➽❥💔
ونت من كلب محروك علوالي
تكله ارجع يخويه والدمع هالي
كوني ميّته وياكم اشوالي
ولا شوف المصايب تجري عليه
❥━──➸➽❥💔❥━──➸➽❥💔
تون يمه او تكله لا تحيرني
لديار الوطن ردني يخال ابني
اخافن بلغرب خويه تظيعني
واروح اويه العده يحسين مسبيه
❥━──➸➽❥💔❥━──➸➽❥💔
لتوصيني يبن امي على العيله
حرمه ابكه يخويه اشلون بلشيله
ريت الصبح لا يطلع ابهل ليله
يصعب حيل يايوم الافراكيه
❥━──➸➽❥💔❥━──➸➽❥💔
اكعد يلولي خليني اودعنك
احبنك ابصدرك وارد اشمنك
وانته لو عفتني اشلون اعوفنك
هاي اوديعت امي او منهه الاوصيه
❥━──➸➽❥💔❥━──➸➽❥💔
حاجاهه الحسين او صبن ادموعه
تشوفين الصبح يازينب اللوعه
هاي اعداي كلهه عليه مجموعه
خويه اشلون لو ترحين مسبيه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#النعي_بديوان_بحر_الولاء_الجزء_١_.
نعي للرضيع عليه السلام
مالك ذنب واعداك صابوك
ابنبله يعبدالله يذبحوك
شنهو الذنب يمه اشيطلبوك
❥━──➸➽❥💔❥━──➸➽❥💔
مالك ذنب واشيطلبونك
ابنبله ييمه يفطمونك
عطشان وامسلهم عيونك
❥━──➸➽❥💔❥━──➸➽❥💔
عطشان يبني او ذبلن اشفاك
حرمله ابنبله موت صاباك
شنهو الذنب واشتطلب اعداك
❥━──➸➽❥💔❥━──➸➽❥💔
شنهو الذنب ذبحوك عطشان
كلبي عليك اليوم خلصان
مفطوم يبني ابنبل والزان
❥━──➸➽❥💔❥━──➸➽❥💔
يبني تريد الماي مني
يلحرمله ابجتلك فجعني
سهم العده منك حرمني
❥━──➸➽❥💔❥━──➸➽❥💔
اصد للمهد عبدالله خالي
اهزه يلمدلل والالي
اكعد ييمه او شوف حالي
❥━──➸➽❥💔❥━──➸➽❥💔
خالي المهد عبدالله هليوم
مفطوم يبني ابسهم ميشوم
عليك عيني ماخذت نوم
جاري الماي اومنه محروم
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_٢_.
لطميه للرضيع عليه السلام
الالي عليك يبني والمهد خالي
نايم بيه يايمه ايتراوالي
❥━──➸➽❥💔❥━──➸➽❥💔
الالي عليك يا شمعت صواويني
جف ثديك ييمه يابعد عيني
الماي امنين اجيبه او زين تدريني
يعبدالله الموت وياك يحلالي
❥━──➸➽❥💔❥━──➸➽❥💔
الالي اعليك يمه من يمر ليلي
حسبالي امنهزنك تناغيلي
يمه امصيبتك والله اهدمت حيلي
تفك عيونك الحلوات حسبالي
❥━──➸➽❥💔❥━──➸➽❥💔
نايم بلمهد حسبالي اهزنك
وألولي عليك عبدالله واشوفنك
جف صدري عليك اشلون ارضعنك
مصابك يا جنيني عذب احوالي
❥━──➸➽❥💔❥━──➸➽❥💔
حسبالي ييمه نايم ابحضني
الالي عليك يوليدي او تعب متني
بمصابك ييمه البين اتعبني
ميته اوياك يمه كون اشوالي
❥━──➸➽❥💔❥━──➸➽❥💔
الالي عليك عبدالله واهل العين
الماي اتريده مني او كلي اجيبه امنين
كل احنه عطاشه او هم ابوك حسين
لجن الماي يمه ابحكمت انذالي
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_١_.
لطميه للرضيع عليه السلام
عبدالله الرضيع امسوربه عيونه
يريد الماي لاجن ما يشربونه
❥━──➸➽❥💔❥━──➸➽❥💔
شاله حسين واتعنه ابظهريه
بلكت هلعده اتنكطله الاميه
هلعدوان ما بيهم مرحميه
العبد الله الطفل شربه مينطونه
❥━──➸➽❥💔❥━──➸➽❥💔
يريد الماي لاجنه ابحكم عدوان
عبدالله تفرفح والكلب لهفان
هل ادموع عينه او شايله العطشان
بلجن هلعده اليرضع يرحمونه
❥━──➸➽❥💔❥━──➸➽❥💔
صابوه العده بسهام ميشومه
بيد حسين واهوه سايله ادمومه
رد الوالي لخيامه امنلحومه
حتى الطفل مكصدهم يذبحونه
❥━──➸➽❥💔❥━──➸➽❥💔
جابه للرباب امسلهمه عينه
مذبوح الطفل وايجرجر اونينه
شالته تشمه او تحب جفينه
اشذنبه امنلعذب طفلي يحرمونه
❥━──➸➽❥💔❥━──➸➽❥💔
واشفركّ ييمه بينك او بيني
اكعد يا عزيزي او شمعت سنيني
هاك اشرب ييمه ماي الابعيني
يحسين العده شنهو اليردونه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_٧_.
لطميه لعلي الأكبر عليه السلام
لا تــــــــــــضيعني يلولــــــد يبنــــــي
ردتك الكبري ضخر انته تحفرلي الكبر
يلولـــــــــــــــــــــد يبنــــــــــــــــــــــــي
❥━──➸➽❥💔❥━──➸➽❥💔
ضيعت تعب الربه وانه ابغرب / يلجنت والي
اوهم معاناة الليالي اشكد صعب / اوبلهضم حالي
تالي اشوفنك طريح اعله الترب / اموذر اكبالي
ريت عيني تنعمي اوهيج اشوفك ياعلي
يلولـــــــــــــــــــــد يبنــــــــــــــــــــــــي
❥━──➸➽❥💔❥━──➸➽❥💔
اكعد اوحك التعب رجعه الي / يلتعبني ارباك
كلت تكبر لمك اوتبكه ولي / وانه اضل بحماك
ابعازتك هسه ييمه ياعلي / لاتظن انساك
اريدك ابطول الدرب خاف توليني الغرب
يلولـــــــــــــــــــــد يبنــــــــــــــــــــــــي
❥━──➸➽❥💔❥━──➸➽❥💔
جدمت يبني الناكه لليسر / اضن ماتدري
اشكد تعبت اعليك وافنيت العمر / وانحنه ضهري
تالي اعوفنك يلاكبر للدهر / وافلس ابعمري
اشلون اسلمك للوكت امشي والمدمع يكت
يلولـــــــــــــــــــــد يبنــــــــــــــــــــــــي
❥━──➸➽❥💔❥━──➸➽❥💔
ريت لا شوفك على الغبره طريح / ريت تعمه العين
مادريت اكليبي بصوابك جريح / صوباني البين
من مشيت اعليك يوليدي اصيح / مبري دنيه اودين
ليش ليه مكعدت يوم عنك حملت
يلولـــــــــــــــــــــد يبنــــــــــــــــــــــــي
❥━──➸➽❥💔❥━──➸➽❥💔
مااضن هين عليه من رحت / اوعفتك ابتربان
ضلت ابكلبي اللوعه من طحت / ضامي اوعطشان
لو يصحلي الماي جا ليك ارجعت / لاجن العدوان
جابو النوك الهزل حملونه بلعجل
يلولـــــــــــــــــــــد يبنــــــــــــــــــــــــي
❥━──➸➽❥💔❥━──➸➽❥💔
اشلون حالي من مشيت ابغربتي / اولا ولد عندي
عيني مشبوحه وراك او دمعتي / تجري ابخدي
يضربوني اوبيه تعثر ناكتي / وابجي الوحدي
بيك يمه حشمت ليش ليه ماكمت
يلولـــــــــــــــــــــد يبنــــــــــــــــــــــــي
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_١٦_.
لطميه لعلي الأكبر عليه السلام
اشلون انساك وانسه طولك الغاب
يلاكبر تشيل او بعدك اشباب
❥━──➸➽❥💔❥━──➸➽❥💔
يلاكبر تشيل وتعمي عيوني
اريد اوياك اضلن لو يخلوني
شفتك علتراب وخابن اضنوني
اعذيبي اتمر عليه يلهوى الهاب
❥━──➸➽❥💔❥━──➸➽❥💔
اشلون انساك وانسه ايامك الحلوه
كبرت ابعيني وابلاني الدهر بلوه
يا زهوة حياتي او للكلب سلوه
تعوف امك غريبه بين الاجناب
❥━──➸➽❥💔❥━──➸➽❥💔
اشلون انساك يا جلاب دلالي
تعبت عليك ردتك للكبر والي
عيوني ودرتهه وهدهدت حالي
تعوف امك ييمه ومالهه احباب
❥━──➸➽❥💔❥━──➸➽❥💔
مابيه على افراكك بعد عيني
اشلون انساك يا شمعة صواويني
اخذني الشيب وانته زين تدريني
تدريني حنينه ومحمل اغياب
❥━──➸➽❥💔❥━──➸➽❥💔
عساني لا عشت يايمه من بعدك
عسه عيني العمه فوك الترب خدك
اشلون امشي وتضل يلاكبر الوحدك
جمرك بلكلب يايمه لهاب
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الفزاعيه_بديوان_بحر_الولاء_الجزء_١_.
فزاعيه لعلي الأكبر عليه السلام
احا يلاكبر بلحرب
طاح اوهوه امنحصانه
❥━──➸➽❥💔❥━──➸➽❥💔
ليلى تون واتنادي
يبني او يريع افادي
متدري بيه اشسادي
امك صفت دوهانه
❥━──➸➽❥💔❥━──➸➽❥💔
من طاح محد شاله
صارت طشاش اوصاله
وحسين دمعه ساله
وامعيده عدوانه
❥━──➸➽❥💔❥━──➸➽❥💔
طايح ابساحات الحرب
وامه كلبهه منشعب
يوم الشباب اشكد صعب
والموته مو ميحانه
❥━──➸➽❥💔❥━──➸➽❥💔
طايح وابوه ايشوفه
يادمعته مذروفه
عليه العده مصفوفه
واهوه ابوصط ميدانه
❥━──➸➽❥💔❥━──➸➽❥💔
من طاح ابوه الكعّده
بلخيمه ويلي وسّده
واعداه كلهه امعيّده
وامه تون حزنانه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_٢١_.
لطميه للقاسم عليه السلام
علعريس رمله اتصيح عازوني
عجنت الحنه لبني ابدمعت عيوني
❥━──➸➽❥💔❥━──➸➽❥💔
عجنت الحنه لوليدي ابدمه اركبته
طايح علتراب وآنه ناطرته
يرجعلي اوليدي او افرح ابطبته
اونن علولد يا ناس خلوني
❥━──➸➽❥💔❥━──➸➽❥💔
علعريس اجر ونه بثر ونه
ووليدي ابزفافه اليوم متهنه
انصبت خيمته وهل عاجنه الحنه
ابحركه لو اونن لا تلوموني
❥━──➸➽❥💔❥━──➸➽❥💔
رمله اتكول عازيني يشيعيه
على العريس راح او ما يرد ليه
ابد ما كال امي تعتب عليه
عكب اوليدي اخافنهم يضيعوني
❥━──➸➽❥💔❥━──➸➽❥💔
عازوني على اوليدي المشه عني
وابليلت زفافه شال من يمي
اضل للموت ما يبطل بعد وني
اعوفه اعله الترب واشيل بضعوني
❥━──➸➽❥💔❥━──➸➽❥💔
عازوني على ابني الطفن شمعاته
من دم النحر هليوم حناته
يلعريس توجع حيل وناته
عينه غمضت واعداه يسبوني
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_١_.
لطميه للقاسم عليه السلام
نصبي يرمله خيمته نصبيهه
او جيبي عروس القاسم او زفيهه
❥━──➸➽❥💔❥━──➸➽❥💔
فرحي يرمله بلولد هليله
علكي الشمع والشوباش طشيله
فرحي ابزفاف ابنج او لمي العيله
او صيوان عرسه بلعجل عدليهه
❥━──➸➽❥💔❥━──➸➽❥💔
كومي يرمله او هلهلي لبن الحسن
عماته بلخيمه اعله موده اتجمعن
زفن عروسه الهلشباب او هلهلن
بلخيمه جيبي عروسته او كعديهه
❥━──➸➽❥💔❥━──➸➽❥💔
طشن الاملبس او جابن زينه
من فرحته جسام تهمل عينه
ايعاين الحنه الخظبت جفينه
جابو عروسه ابدمع ينظر ليهه
❥━──➸➽❥💔❥━──➸➽❥💔
ايعاين العمه والدمع بعيونه
ايشوفه الوحّده والعده يردونه
عاف العرس لنه او تغير لونه
شد علمهر وايريد يبرز ليهه
❥━──➸➽❥💔❥━──➸➽❥💔
طفت اشموعه الوالده من شافته
فوك الترب جسام صارت وجنته
احا يشبل المجتبى او ياقصته
وامه عليه ادموعهه تجريهه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_١٦_.
لطميه للقاسم عليه السلام
زفو الشباب الطلع من الخيمه
يكولون عريس الولد بلهيمه
❥━──➸➽❥💔❥━──➸➽❥💔
يكولون عرس ابكربله لبن الحسن
والتمن العمات شمعاته اعلكن
زفنه بس نسوان والدمعه جرن
جا وين ابوه ابو الكرم والشيمه
❥━──➸➽❥💔❥━──➸➽❥💔
امعرس يجاسم واحضرو خوانه
وامه تهلهله ابدمع حزنانه
خافن يلبسونه الليله اجفانه
او رمله تضل بس النياح اتجيمه
❥━──➸➽❥💔❥━──➸➽❥💔
كومي يرمله الخيمته زينيهه
نصبي الخيمه وبلعجل فرشيهه
عريس جاسم دمعتج هليهه
سويله زفه وحضريله اوليمه
❥━──➸➽❥💔❥━──➸➽❥💔
ساعه بعد ووليدج ايجتلونه
ابدم ركبته عريسنه ايحنونه
نوحي على العريس يا محزونه
يا ريت ابوه حاضرله والله اهضيمه
❥━──➸➽❥💔❥━──➸➽❥💔
كومي يرمله الشمعته طفيهه
نصبي مناحه او خيمتج فلشيهه
والونتّج يم الخدر عليهه
او كلي السكنه النوح خل اتجيمه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_١٠_.
لطميه حماسيه للعباس عليه السلام
احا احا على الكافل
من صاحت يبو فاضل
❥━──➸➽❥💔❥━──➸➽❥💔
زينب نادت ابعبره
عفت امدلل الزهره
كلبي عليك شيصبره
خليت الدمع هامل
❥━──➸➽❥💔❥━──➸➽❥💔
ياعباس خال ابني
خويه لا تضيعني
ادخيلك للوطن ردني
لتخلي الحمل مايل
❥━──➸➽❥💔❥━──➸➽❥💔
اكعد لختك الليله
اخلافك يلولي اذليله
اشلون إتيه العيله
وانته اتسدر العايل
❥━──➸➽❥💔❥━──➸➽❥💔
ماني اختك واريد انخاك
واجيت الكربله بحماك
يرهب لو يمر طرواك
وانته للحمل شايل
❥━──➸➽❥💔❥━──➸➽❥💔
اكعد ياعزيز اختك
شو نايم على بختك
واهيه اليوم ناخيتك
تندب والدمع سايل
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الفزاعيه_بديوان_بحر_الولاء_الجزء_١٠_.
فزاعيه للعباس عليه السلام
اضن هذا البرز عباس
صوته اليوم اسمعنه
❥━──➸➽❥💔❥━──➸➽❥💔
اضن هذا ابن عودي
اسمعه ايصيح بحدودي
اسمعه اودمعي بخدودي
هذا الحيد الامجنه
❥━──➸➽❥💔❥━──➸➽❥💔
اسمعه اليوم ضل يرعد
اوبلعدوان ضل يحصد
يذب الزلم وايعدد
اوكام ايجول كافلنه
❥━──➸➽❥💔❥━──➸➽❥💔
من شد اعله الاخياله
او ثوب الزود يحلاله
مدري شنهو الاباله
يتضهض اشوفنه
❥━──➸➽❥💔❥━──➸➽❥💔
طب اوهز ميادينه
تجادح جمر عينه
هز السيف بيمينه
يكطع اركاب اصدنه
❥━──➸➽❥💔❥━──➸➽❥💔
اسمعه ايجول بلحومه
ابن عودي كلف يومه
بلميدان جيدومه
اعجز بلوصف عنه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_أقل_الوفاء_في_مصائب_كربلاء_الجزء_١٤_.
لطميه للعباس عليه السلام
ردت خال الولد ومنين اجيبنه
ولاني الضيم وآنه اليوم اريدنه
❥━──➸➽❥💔❥━──➸➽❥💔
اليوم الي زمطلي غمضت عينه
معيول العليه وين والينه
نايم علتراب ومادره بينه
راسه بلعمد مفصوخ اشوفنه
❥━──➸➽❥💔❥━──➸➽❥💔
عافاني ابغرب ما كال عمت ابني
حملي اثكيل من شال الحمل عني
حرمه امحيره وخال الولد ذبني
مشينه اويه الغرب ماناشدت عنه
❥━──➸➽❥💔❥━──➸➽❥💔
ضعنه ابدار شلوه ومحد اويانه
جاوين الكفلنه اليوم عافانه
كل احنه حرم جاوين وليانه
يضربونه ونجر ونه بثر ونه
❥━──➸➽❥💔❥━──➸➽❥💔
اريد اروح للوالي واشوفنه
واهل دموعي يم راسه واعتبنه
حبت اوداع ابو فاضل احبنه
واكلله يخويه انكطعت الضنه
❥━──➸➽❥💔❥━──➸➽❥💔
ماني اختك واطلبنك يبعد اجلاي
بلخوه وربيت امنلزغر وياي
يلكلك امروه يانظر عيناي
اكعد للحمل مابيه اشيلنه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الهوسات_بديوان_بحر_الولاء_الجزء_١٦_.
هوسات للوداع
الليله حسين وي زينب يواسيهه
على ابنياته هل عينه او يوصيهه
من عكبي يكلهه اتكفلي بيهه
( اتنشفيهه لو سالت دمعه )
❥━──➸➽❥💔❥━──➸➽❥💔
ساعات ويطر فجره سواد الليل
وابكه اويه العده حرمه ونحيلة حيل
ميضل والي عندي بس علي وعليل
( ايضربونه واتسيل عيوني )
❥━──➸➽❥💔❥━──➸➽❥💔
الليله امجمعه وياي خواني
وباجر علترب مطروحه ولياني
وامشي من بعدهم ويه عدواني
( ايمشوني ايسيره الكوم )
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_١٦_.
لطميه حماسيه للوداع
الليله وحدنه يا علي
احضر لعدنه يا علي
❥━──➸➽❥💔❥━──➸➽❥💔
لملم خواته يا علي
وجمع بناته يا علي
بيهم وصاته يا علي
او زينب تكله ادخيل رجعنه الهلي
❥━──➸➽❥💔❥━──➸➽❥💔
الليله ابخيمكم يا علي
انجمعت حرمكم يا علي
ويه زلمكم يا علي
باجر تضل نيام كلهه بلخلي
❥━──➸➽❥💔❥━──➸➽❥💔
اليوم الحراير يا علي
تبجي وتناطر يا علي
الله يباجر يا علي
من الزلم خلوان يبكه منزلي
❥━──➸➽❥💔❥━──➸➽❥💔
الليله الحسين يا علي
ايجر بلونين يا علي
ويه البنين يا علي
اينام باجر والحراير تنولي
❥━──➸➽❥💔❥━──➸➽❥💔
ما تحضر النه يا علي
الليله زلمنه يا علي
كلهه ابخيمنه يا علي
ابعازتك يا بو حسين ما تحضر الي
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الفزاعيه_بديوان_بحر_الولاء_الجزء_١_.
فزاعيه للوداع
طول ياسواد الليل
خل نشبع امنلوالي
❥━──➸➽❥💔❥━──➸➽❥💔
طوّل بلسهر بينه
خل انشوف والينه
عكبه الكوم تولينه
وآنه بلهظم حالي
❥━──➸➽❥💔❥━──➸➽❥💔
الليله اشلون كعدتنه
والوليان جمعتنه
اوياهم محله لمتنه
محد كدر يدنالي
❥━──➸➽❥💔❥━──➸➽❥💔
طوّل ليلك عليه
بس هاي المغربيه
وايميل الوكت بيه
وامشي ابوليت انذالي
❥━──➸➽❥💔❥━──➸➽❥💔
محله الليل وياكم
واشبع من حجاياكم
مااكدر الفركاكم
ارد والكه النزل خالي
❥━──➸➽❥💔❥━──➸➽❥💔
هسه حسين ويانه
اوكلهه امجمعه اخوانه
اوباجر وين منوانه
ميسوره ابدمع هالي
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الفزاعيه_بديوان_بحر_الولاء_الجزء_٢١_.
فزاعيه للرضيع عليه السلام
هليله الرباب اتريد
من حسين الاميه
❥━──➸➽❥💔❥━──➸➽❥💔
اتريد الماي لليرضع
احا يمصيبته تفجع
ابعينه مابكه مدمع
اشوفه ايلوج بيديه
❥━──➸➽❥💔❥━──➸➽❥💔
يحسين الطفل عطشان
كلبه امنلعطش خلصان
وجهه كام ينطي الوان
وانه روح مابيه
❥━──➸➽❥💔❥━──➸➽❥💔
مابيه اصدن ليه
عطشان او سبل رجليه
جيب الماي واعطف بيه
شوفه شابح عليه
❥━──➸➽❥💔❥━──➸➽❥💔
شوفه شابح عيونه
عطشان انخطف لونه
ويلي وذبلن اجفونه
وينه البيه حنيه
❥━──➸➽❥💔❥━──➸➽❥💔
يحن اعله الرضيع اليوم
ابنبلة حرمله مفطوم
شوف الطفل يا مظلوم
اسكيه او رجعّه ليه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الفزاعيه_بديوان_بحر_الولاء_الجزء_١_.
فزاعيه للرضيع عليه السلام
يحسين شيل امدللك
بلكي العده ايرحمونه
❥━──➸➽❥💔❥━──➸➽❥💔
امه اليوم حيرانه
وديه لعند اعدانه
ياخويه لاتتوانه
شربت ماي يسكونه
❥━──➸➽❥💔❥━──➸➽❥💔
يحسين شيله يلولي
يابعد روحي اوكل هلي
وديه يبن حيدر علي
شوفه تهل عيونه
❥━──➸➽❥💔❥━──➸➽❥💔
عطشان عبدالله الطفل
وعيونه يبن امي تهل
خويه العطش ما ينحمل
هلطفل شيطلبونه
❥━──➸➽❥💔❥━──➸➽❥💔
وده رضيعه للعده
كلهم اسكوه الوحده
ماتدري زينب بلسده
بلمنحر ايصيبونه
❥━──➸➽❥💔❥━──➸➽❥💔
جابه اوتهل دموعه
واتلكته المفجوعه
والركبته مكطوعه
ابنبله العده ايفطمونه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الهوسات_بديوان_بحر_الولاء_الجزء_٧_.
هوسات لعلي الأكبر عليه السلام
ربيت الولد للكبره اريدنه
يشيل اجنازتي والكبري يتعنه
ماضنيت علتربان اشوفنه
( بدمومه علكاع امدد )
❥━──➸➽❥💔❥━──➸➽❥💔
ربيتك ييمه اوجنت احسب احساب
تحطني ابحفرتي واعليه تهيل اتراب
اشو نص الدرب شخصك ييمه غاب
( وين الكاه اوليدي الغرب )
❥━──➸➽❥💔❥━──➸➽❥💔
نايم يلولد وامك تحن اعليك
ضيعت الشباب اوضاع تعبي بيك
ينبض الروح يليحيي الكلب طاريك
( يا نور اعيوني شيعودك )
❥━──➸➽❥💔❥━──➸➽❥💔
شيعودك ييمه ابكعدت الشبان
اوترد تسعد حياتي مثل وكتي الجان
بس الصور ضلت يمه علحيطان
( اتبجيني والصوره اكبالي )
❥━──➸➽❥💔❥━──➸➽❥💔
انحنه ضهري ييمه والضهر مكسور
اوبعدك يلولد ضلمه اشوف الدور
غطاك الرمل يمه اوتراب لكبور
( مهظومه امك يمدلل )
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#النعي_بديوان_بحر_الولاء_الجزء_١٦_.
نعي لعلي الأكبر عليه السلام
طايح علي الاكبر الليله
ودمعه على الغبره يسيله
ضلت تون عليه ليله
❥━──➸➽❥💔❥━──➸➽❥💔
للخيم شاله اموذر حسين
حيله انهدم وايدير بلعين
يبني يكله طكني البين
❥━──➸➽❥💔❥━──➸➽❥💔
على ابنه الاحسين اينوح وايحوم
يكله يبويه الحيل مهدوم
من شفتك امخضب بلدموم
❥━──➸➽❥💔❥━──➸➽❥💔
يا علي يمه اهدمت حيلي
ما نام جفني عليك ليلي
ما هوّد ابفكدك عويلي
❥━──➸➽❥💔❥━──➸➽❥💔
شفتك امخضب علوطيه
ونيت ودموعي جريه
امنين اجتني الغاضريه
❥━──➸➽❥💔❥━──➸➽❥💔
يلأكبر ويا نور الاعيون
يصعب افراكك علي ميهون
رجعتك عليه صارت اضنون
❥━──➸➽❥💔❥━──➸➽❥💔
ياما اتعبت يوليدي عليك
اسهر ليالي وبس اباريك
لو تبرد ابثوبي اغطيك
ما حسبت بدماك اصد ليك
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_١٦_.
لطميه لعلي الأكبر عليه السلام
نايم علتراب الحار والونه يجر بيهه
علأكبر يليله عيونج اعميهه
❥━──➸➽❥💔❥━──➸➽❥💔
نايم علتراب امخضبه ارسومه
يكتل حيل يافركه الولد يومه
الام لو شال ابنهه تضل مهضومه
تبكه ابلا ولي اتعيل العده عليهه
❥━──➸➽❥💔❥━──➸➽❥💔
نايم علترابه وتنزف اجروحه
تضل الليل سهرانه وتجر نوحه
متئيس الدربه العين مشبوحه
ما بين الغرب حرمه يخليهه
❥━──➸➽❥💔❥━──➸➽❥💔
يا فركه الولد توجع وجتاله
اشحال الوالده امنتفارك اخياله
تضل للموت تجري العين هماله
حزينه ابنوحهه والون يسليهه
❥━──➸➽❥💔❥━──➸➽❥💔
علأكبر يليله جرّي الونه
اهلالج غاب ميرد كطعي الضنه
نايم والمنايه اليوم حاطنه
شنهي الوالده لو شال واليهه
❥━──➸➽❥💔❥━──➸➽❥💔
من عكب العزيز الوالده اشتسوه
ملج الموت منهه ماخذه كوه
شلهه بلعمر من عكب ابو النخوه
مهضومه وتريده يرجع عليهه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_٢١_.
لطميه رجاليه للقاسم عليه السلام
بعدك تون ليل انهار أمك يجسام
وحدهه ضلت بلدار أمك يجسام
أمك بكت وحيده يلردتك بعيده
أمك يجسام
❥━──➸➽❥💔❥━──➸➽❥💔
امك تنادي ياذخر ما ترد ليهه
بيك اطلعت من المدينه ياوليهه
عريس وابثوب العرس رادت تجيهه
واتصيح يابدر التام أمك تون بلاخيام
أمك يجسام
❥━──➸➽❥💔❥━──➸➽❥💔
نايم يعريس الحرب بلدمه امخضب
فركاك يصعب ياضناهه الكلب شيب
اتواسيهه ضلت بلخيم عمتك زينب
اتكلهه اوليدي وينه ابدم ركبته امحنينه
أمك يجسام
❥━──➸➽❥💔❥━──➸➽❥💔
من شال ابوك المجتبى كلت الخلف بيك
تالي على حر الثره بدماك احنيك
خليتني بين العده جا وين الاكيك
ثوب العرس صار الجفن والحنه من دم الطعن
أمك يجسام
❥━──➸➽❥💔❥━──➸➽❥💔
خليتني بلخيمه أونن واهمل العين
ياثمرة الدلال وداك الدهر وين
ضل بلخيم يبجي عليك او ينحب حسين
محني عليك ضلوعه بيده ينشف ادموعه
أمك يجسام
❥━──➸➽❥💔❥━──➸➽❥💔
شعليت شمعات العرس حسبالي اتدوم
تاليهه اشوفك بلدمه امحنه يجسوم
امنمصيبتك امك بعد ما تكدر اتكوم
علغبره تزهي ارسومك عطرك بكه بهدومك
أمك يجسام
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#النعي_بديوان_بحر_الولاء_الجزء_١_.
نعي للقاسم عليه السلام
يعريس يليومك اتعبني
ابديرة غرب شو ضيعتني
ما كلت برباهه تحكني
❥━──➸➽❥💔❥━──➸➽❥💔
يجسام يومك هدم حيلي
انه الوالده او سهرانه ليلي
عليك ماهود عويلي
❥━──➸➽❥💔❥━──➸➽❥💔
اطلبك تعب ذيج الليالي
يعريس يومك شده بالي
غيرك ييمه مالي والي
❥━──➸➽❥💔❥━──➸➽❥💔
حسبالي افرح يلولد بيك
اهلهل او بيديه احنيك
تالي على التربان الاكيك
❥━──➸➽❥💔❥━──➸➽❥💔
الخيمه يايمه انصبتهه
والحنه بيديه اعجنتهه
اثاري نمت وامك عفتهه
❥━──➸➽❥💔❥━──➸➽❥💔
اثاري نمت وامخضب الكاك
دم ركبتك يوليدي حناك
للموت اخذني اروح وياك
❥━──➸➽❥💔❥━──➸➽❥💔
ما صار عرس الغاضريه
جسام وازته المنيه
راح الولد من بين اديه
انه ابعازته شيجيبه ليه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_١٦_.
لطميه للقاسم عليه السلام
انصبي خيمت العريس والشمعات وجّيهه
كومي هلهلي وعروسه جيبيهه
❥━──➸➽❥💔❥━──➸➽❥💔
كومي هلهلي بالله يمحزونه
وكعدي ابخيمت العريس سكونه
بعد ساعات واوليدج يجتلونه
لبسيه الاعمامه وحيل شديهه
❥━──➸➽❥💔❥━──➸➽❥💔
نصبي خيمته وفرحي يحزنانه
اخاف اهدوم عرسه اتصير اله اجفانه
ملتمه تريد اتزفه خوانه
صينيت العرس بالله دعدليهه
❥━──➸➽❥💔❥━──➸➽❥💔
يا شبل الحسن عريس هليله
كومي حني اوليدج وافرحيله
بعد ساعه وتذبه اعله الترب خيله
وين ام الولد ونتج دعليهه
❥━──➸➽❥💔❥━──➸➽❥💔
طاح ابنج يرمله فزعي ابهمه
صارت حنته جسام من دمه
امعرس للمنيه وهل دمع عمه
كومي الخيمته وابساع فلشيهه
❥━──➸➽❥💔❥━──➸➽❥💔
كومي طفي اشموعه يمهضومه
صارت حنته جاسم امندمومه
نصبله عزه زينب وجلثومه
وعروسه ابدمه جسام حنيهه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الفزاعيه_بديوان_بحر_الولاء_الجزء_١٦_.
فزاعيه للقاسم عليه السلام
كل هذا وني واللطم
للزفته بالحومه
❥━──➸➽❥💔❥━──➸➽❥💔
كل وني صاحت عمته
جسام طيحو خيمته
نوح وونين ابفرحته
نايم اشحلوه النومه
❥━──➸➽❥💔❥━──➸➽❥💔
يا عمه شنهل فاجعه
للموت طوله انودعه
عريس زفته ابمصرعه
وامخضبات هدومه
❥━──➸➽❥💔❥━──➸➽❥💔
رمله وخواته اتعاونن
سكنه ورقيه اتكابلن
عالعاف زفته اشكد بجن
وامه تون مهضومه
❥━──➸➽❥💔❥━──➸➽❥💔
هاي المناحه للصبح
جانه الحزن شال الفرح
عريس بالحومه انذبح
منه تسيل ادمومه
❥━──➸➽❥💔❥━──➸➽❥💔
شفنه العجايب والدهر
شبان نامت بلكبر
عشرين ماتم العمر
كل حيد حلوه ارسومه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الهوسات_بديوان_بحر_الولاء_الجزء_١٠_.
هوسات للعباس عليه السلام
طب عباس للحومه او زلزلهه
الهذا اليوم اله التاريخ سجلهه
زينب هلهلت من برز كافلهه
( ايهز بيهه الرايه البيده )
❥━──➸➽❥💔❥━──➸➽❥💔
ابو فاضل كلبهه ابصولته الحومه
كمر هاشم يشع او تضوي ارسومه
ذكرهم ابداحي الباب وابيومه
( او هزاهه جن حيدر طب )
❥━──➸➽❥💔❥━──➸➽❥💔
تشبه حيدر الكرار صولاته
اببدر واحنين ذكرهم ابحملاته
فاض الكون كله ابزود طبراته
( بيامه من يجبل حيدر )
❥━──➸➽❥💔❥━──➸➽❥💔
الف تنعام من الربتك ياحيد
حره الجابتك والوالد الصنديد
يكلبهه كلب والحرب عنده عيد
( اموصينه عباس ابمهده )
❥━──➸➽❥💔❥━──➸➽❥💔
اسد سبع النويني من ظهر عوده
اتعلم علشجاعه من علي اوزوده
انطه اجفوف اديه او ما انطه احدوده
( اموفيهه خوته اويه حسين )
❥━──➸➽❥💔❥━──➸➽❥💔
وفه الخوه ليه اوزوّد اعليهه
اوصيت اخته تعّله ابزود واليهه
طب ميدان والعسكر صرخ بيهه
( ابعدوانه ضل يلعب سيفه )
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الطميه_بديوان_بحر_الولاء_الجزء_٢٠_.
لطميه للعباس عليه السلام
يا عباس يرهب بلحرب يومه
من حيدر علي يلماخذ ارسومه
❥━──➸➽❥💔❥━──➸➽❥💔
من حيدر علي يلماخذ اوصافه
جال اعله العده او مارفن اشفافه
بيده السيف والرايه على اجتافه
ضل يرعد على العدوان بلحومه
❥━──➸➽❥💔❥━──➸➽❥💔
جن حيدر علي لو صار بيامه
امدخن لو غضب وامضيك الثامه
امنلعدوان فنه الوكف جدامه
يصول او صولته بلحرب معلومه
❥━──➸➽❥💔❥━──➸➽❥💔
يرهب بلحرب لو جال الامشكر
هوس علشريعه او حطم العسكر
فنه الكابلاه من يركب الميمر
ما خله العقيله اتبات مهضومه
❥━──➸➽❥💔❥━──➸➽❥💔
هوس علشريعه او لازم الرايه
الف تنعام من البيه الاكفايه
شك نهر الفرات وطب وسط مايه
راعي الزود بين الكوم جيدومه
❥━──➸➽❥💔❥━──➸➽❥💔
زينب هلهلت للحيد واليهه
اموصى اعله الخدر وايريد يوفيهه
طش الكوم بلسيف او صرخ بيهه
جال اعله الشريعه او بكت مهدومه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t
#الندبه_بديوان_أقل_الوفاء_في_مصائب_كربلاء_الجزء_١١_.
ندبه لبو فاضل عليه السلام
للعباس متعنيه وازورنه
اخو زينب على الكلفات اندبنه
❥━──➸➽❥💔❥━──➸➽❥💔
متعنيه واندبنك يخو زينب
راعي المرجله عباس الامنتب
بلشدات بلكلفات اهو مجرب
اخو زينب ابيوم الضيج يحضرنه
❥━──➸➽❥💔❥━──➸➽❥💔
تعنيتك يبو فاضل وعندي اهموم
ابنحر حسين احلفك والكضه مسموم
عندك حاجتي وانخاك هذا اليوم
تره جور الدهر يا سيدي اتعبنه
❥━──➸➽❥💔❥━──➸➽❥💔
اتعبنه الوكت واهمومنه اهوايه
مشهودة الك يا شايل الرايه
سبع تنعام الك يلبيك الاكفايه
والينخاك ابد ما خيبت ضنه
٠❥━──➸➽❥💔❥━──➸➽❥💔
متعني واريد امراد من عندك
احلفك بلزجيه ام البنين امك
علوليان والشبان اكلفنك
وتقضي حاجت المحتاج بمجينه
❥━──➸➽❥💔❥━──➸➽❥💔
يا عباس عندك جبرت المكسور
احلفك بلشهيد المنحره منحور
للينخاك وايهل الدمع منثور
اقضي حاجت المحتاج من عدنه
❥━──➸➽❥💔❥━──➸➽❥💔
*تـــمت والـــــفضـــ🤲ـــل لله تعالى*
*بقلم ✍ الشاعره أم محمد الكناني*
*صاحبه ديوان📚أقل الوفاء في مصائب كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*
/channel/t198t