❤️📝 روايات وقصص مميزة 📝❤️

10 September 2025 13:35

الجزء الثاني 2⃣
من فهرس الروايات التي تم عرضها على 📖 قناة روايات 📚 وقصص مميزة 😍
@storykaligi

❤️📝 روايات وقصص مميزة 📝❤️

10 September 2025 12:12

8⃣2⃣
🌼🍃🌺🍃🌸🍃🌺🍃🌸
🍃🌸🍃🌺🍃🌸
🌺🍃🌸
🍃
🌺 روايــ📔ــة /
#الهوى_لا_داعب_الغصن_حن_و_مال
🌺 الـــكــ🖌ـاتــبــة :زينب
🌺 عدد الصفــ📖 ــحات : 1598 📝

🍃📚 t.me/storykaligi 📚
🌺🍃🌸
🍃🌸🍃🌺🍃🌸
🌼🍃🌺🍃🌸🍃🌺🍃🌸

❤️📝 روايات وقصص مميزة 📝❤️

10 September 2025 09:25

👆🏻
🌺🍃🌸🍃🌼
بارتات يوم الأربعاء..
10 / 9 / 2025
#الـــــــبـــــارتــــات_الأخيرة...
من 241 وحتى 256

نتمنى لكم قراءة ممتعة ...
أثبتوا وجودكم بالضغط على أي إيموجي❤️
🌺🍃🌸🍃🌼

❤️📝 روايات وقصص مميزة 📝❤️

10 September 2025 09:23

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 255 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

مشت جود ورنيم يختفون عن انظارهم ولفت حسناء على رند اللي كانت منشغله بجوالها وابتسمت حسناء لما لاحظت انها تبتسم وتعض شفتها ونطقت:للحين ما حددتي زواجك؟
رفعت راسها رند تنطق:تكلميني يمه؟
هزت راسها حسناء وعدلت جلستها رند تنطق:احمد وده لو نستعجل بس انا انتظر لين اخلص دراستي
حسناء: باقي لك سنة
هزت راسها تبتسم: سنة واصير رسيمًا الدكتوره رند
ابتسمت حسناء بفخر تمد يدينها تنطق: تعالي ابوسك
ضحكت رند تقرب منها مسكت وجهها حسناء تقبّل خدها تنطق: فخوره فيك
ضحكت رند ترجع لمكانها و وقفت حسناء تقبّل خد سُميه بعد ومشت تبتعد عنهم تدخل غرفتها تتوجه لسرير زياد ولدها الصغير تشوفه نايم و ابتسمت تقبّل خده
عدلت وقفتها تشوف بتار يطلع يقفل ثوبه و تقدمت منه تنطق: بتجلس معنا كم
نزل يدينه بدون ما يقفل اخر زرين يمد يدينه يحاوط خصرها ونطق: قفليها و اجاوبك
رفعت حواجبها بذهول تلف تناظر الباب ولفت عليه تنطق: عيب بتار تراك شايب على ذي الحركات
ضحك يقرب منها يقبل خدها
ونطقت: لا يشوفونك بناتك ينقدون الحين
عض شفته يناظر شفتها و وسعت عيونها تنطق: بتار!
ضحك يميل راسه ينطق: علميني ليه صرتي عصبيه؟
زفرت ترفع يدينها تقفل ثوبه ورفعت يدينها على عنقه تنطق: بنتأخر حبيبي اتركني
ضحك يتركها ينطق: ورقتك الراحبه كلمة حبيبي
ضحكت تطلع بعد ما نطقت: استحي وانا اقولها بذا العمر
-
كانت جالسه مشاعل بحضنها بهاج ولدها صاحب الثلاث سنوات تلعب بشعره تحاول تساعده على النوم
لفت على دخول فارس تهمس: رجعت بدري
تقدم منها ينحني لها جالسه يقبّل جبينها ينطق: نامو؟
هزت راسها تنطق: منى نامت من زمان وبهاج توه
مد يدينه يحمله من حضنها ياخذه لغرفته و مشت معه توقف تشوفه يغطيه بعد ما حطه بسريره جنب سرير اخته صاحبة العشر سنوات
وقف جنبها فارس يناظر عياله منها و اجمل عطايا ربي ولف عليها يحاوط خصرها من الجنب ينطق: مشاعل
لفت عليه بأستغراب و لف عليها بجسمه ينطق: احبك
عضت شفتها تناظره و تقدم منها يعبر عن حبه
ابتسمت مشاعل من ابتعد عنها لانها حاولت وقدرت تنسى كل ماضيه وتعطيه فرصه ثانيه وكانت افضل شي سوته
-
صحى بعد وقت يحس فيها ورفع راسها يناظرها تبتسم له: نمت كويس؟
ابتسم بنعاس يهز راسه بنعم ولف ياخذ جواله يشوف الوقت وتثاوب ينطق:طولت نايم
ريم:البنات يبون يروحون للمزرعه وتأخرنا عليهم
وقف يتوجه لدورة المياه بعد ما نطق:قولي لهم يجلسون بتروش ونروح
مشت ريم تطلع ملابسها من الدولاب تفتح شنطه صغيره تحط فيها كم غرض و اخذت شنطة سلمان تحط فيها بعض ملابسه وطلع ينشف شعره ونطقت:خلصت بسرعه
هز راسه يمشي ياخذ ملابسه:مابي اطول عليهم
ابتسمت تمشي تطلع تشوف فايزه ومها منسدحين بالصاله كل وحده مشغوله على جوالها ولفت مها لما سمعت خطواتها تعدل جلستها تنطق:صحيتي
مشت تجلس تنطق:ما نمت انا
فايزه: وبابا صحى؟
هزت راسها بنعم تنطق:ايه بيلبس ويجي مجهزين انفسكم انتم؟ مو ناقص شي؟
هزت راسها بالنفي مها تنطق:ناقص بس نروح
فايزه: ماما ودي لو اجلس عند امي عفاف وانتم روحو
ريم: ما اقدر اتركك حبيبتي وبيت خالتي فيه عيال، لما نرجع بنروح كلنا ننام عندها طيب
زمت شفتها فايزه ولفت بعد دقايق لما تقدم سلمان يشوفهم جالسين وسلم يجلس جنبها يرفع يده على كتوفها ينطق: فوز قلبي
ابتسمت تلف عليه تنطق:عسى نمت زين بابا
وقفت مها تتقدم منهم تجلس جنبه من الجهة الثانيه ورفع يده الثانيه على كتفها يسمعها تنطق:اكيد بيرتاح نايم باحلى حضن
رمش يناظرها ولف يناظر ريم اللي فتحت فمها بذهول وضحك ينطق:هذي من دخلها غرفتنا
ضحكت مها ونطقت ريم:مها اعرفك مها طالعه على رويدا بس والله لو اسمعك تسولفين لاحد عنا بتنحرمي من الجوال اسبوع
وسعت عيونها تنطق:خير ماما صرت كبيره على سحب الجوال وانا ما بتكلم عنكم الا لاني احبكم
ضحك سلمان يوقف يوقفهم معه ونطق: لا تعلمين احد يلا ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:23

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 253 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

وقف عند بيته بعد دقايق ينزل يفتح لها الباب و يساعدها تنزل و مشى يفتح البيت يدخل معها يساعدها تجلس على الكنبه بخوف ينطق: اكلتي شي؟ اسوي لك اكل
هزت راسها بالنفي تجلس شبه منسدحه تتنفس بعمق و جلس بالطرف الثاني من الكنبه يرفع رجولها يحطها بحضنه ونطق: ارتاحي حياتي
ابتسمت بحب ترسل له بوسه و ابتسم لثواني ثم نطق: قالت الدكتوره ممنوع الحركه ليه تصري عشان تروحين
زفرت تنطق: شسوي هزاع امك عزمتني ولا قدرت اردها
هزاع: عادي لو قلتي لها تعبانه ما بتقول شي وانا اكلمها
زمت شفتها وناظرها يكمل:من اليوم خلاص مافي روحه لمكان لين تقرب ولادتك تقدري تتمشي شوي بالبيت ولا غيره ما توقفين من مكانك
حطت يدها تحت خدها :والله؟ وانت بتطبخ شهرين و تنظف صح
هز راسه يأكد لها:نعم انا
ضحكت تنطق:احبك ياخي
عض شفته يزفر براحه:اموت فيك
ابتسم ورفعت كفها على بطنها بعد ثواني ترفع عيونها تناظره يناظر بطنها ورفع عيونه يناظرها يبتسم بنفس تفكيرها ينطق:للحين ما فكرنا
هزت راسها تنطق:وش بنسميه
هزاع: اللي ودك انتي
دمجت شفايفها تفكر لثواني ثم نطقت:صقر
ابتسم ينطق:صقر يأم صقر
عضت شفتها تضحك و انسدحت تتلمس بطنها بحماس لشوفة صغيرها
-
سلمان، رجع لبيته من عند بيت جده، دخل يحمل على ذراعه مها اللي تتكلم و تلعب بأذنه دخل الصاله يشوف ريم جالسه جنب فايزه تلعب معها وضحك لما وقفت فايزه تركض فاتحه يدينها تصرخ بـ "بابا"
انحنى بسرعه يضمها يحملها على ذراعه الثانيه ينطق: قلب بابا وروحه صحيتي
هزت راسها بنعم تتمسك بكتفه ومشى سلمان لريم ينطق: عسى نمتي زين
هزت راسها بنعم تمد يدينها عشان تاخذ مها: مع من متهاوشة مها
ضحك يجلس على الكنبه يحط فايزه بحضنه: تهاوشت مع مروى وللحين مقهورة عشانها سحبت شعرها
ضحكت ريم تناظر مها اللي فتحت يدها كانت قافلتها على ربطة شعرها تأشر لها بأصبعها وتتكلم
واخذتها من يدها ريم تضحك تربط لها شعرها مره ثانيه ونطقت: ما تكون مها اذا ما سوت مشاكل مع احد
ابتسم يلف على فايزه ينطق:بنتي الحلوه جدي يسأل عنك لازم اخذك له بكرا
ابتسمت ريم وهي جالسه على الارض تلاعب مها: كيف جدك كانت رويدا تقول تعبان
سلمان:الحمدلله اليوم طيب
ريم:تعشيت؟
هز راسه بنعم:تعشيت عنده بس مها رفضت تاكل
وقفت تمسك يدها توقفها معها تنطق: بعشيها وحاول تخلي فايزه تنام مره ثانيه ماودي يخرب نظام نومهم
هز راسه يسحب راس فايزه على صدره و يرجع بظهره للوراء يخليها تنسدح على صدره وخلخل اصابعه بشعرها يلعب فيه و يده الثانيه يطبطب فيها ببطء على ظهرها يساعدها على النوم يتكلم معها لوقت وهي ترد عليه بلغة الاطفال اللي يحاول يفهمها لين بعد دقايق غلبها النعاس من حركاته اللي خلتها ترتاح حملها يتوجه للغرفه يشوف ريم تغطي مها اللي تتثاوب تغمض و حط فايزه يغطيها بعد ما قبّل خدها و توجه لـ مها يقبّل خدها ثم وقف يرفع كفه على ظهر ريم يطلعون من الغرفه ودخل غرفتهم ينطق وهو يفصخ ثوبه:بتصحى فوزي بنص الليل وتجي هنا
ضحكت تتوجه لغرفة الملابس:مدري متى تتعود تنام مع اختها
مشت تدخل غرفة الملابس و انسدح سلمان بتعب ينشغل على جواله ولف عليها من جلست على السرير جنبه يشوفها بالحرير و فتح ذراعه ينطق: تعالي
انسدحت جنبه يحضنها بذراعه ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:22

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 251 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

ابتسمت لانه يلاحظ تعبها حتى لو انكرت: ماعليه بس يرجع سهم
ابو سالم: وينه سهم
رويدا: راح مع خالتي ام ريم يجيبون اغراض لها وللبنات لان سلمان مو فاضي ارسله هو معها
هز راسه ابو سالم ينطق: اذا بيروح حامد قبل يرجع سهم روحي معه وارتاحي
ضحكت تنطق: عادي يبه مو تعبانه مره
ابتسم يلف يناظر سالم اللي يناظر فايزه بحضنه يبتسم لها

ابتسم سلمان يناظر بناته عندهم ولا يعرف كيف مرت سنتين على ذي اللحظه والان يشوف ريم تنحني تاخذ اللعبه من يد مهـا اللي كانت جالسه تلعب بالارض و بكت مها مباشره وفز سلمان يتقدم منها ينطق: ليه يا بابا وش فيك ؟
عقدت حواجبها ريم لما سكتت مها بحضن سلمان اللي حملها ونطقت بصدمه: اخذت منها اللعبه وبكت! هذي نهاية تربيتك
ابتسم يهزها وهو واقف: وليه اخذتيها منها بنتي محد ياخذ منها شي
زفرت بتعب تنطق: ابيها تنام نعسانه وما اقدر اتركها صاحيه وفوزي نامت ابي انومهم مع بعض
لف يناظر مها اللي تحاوط رقبته ما تبيه ينزلها ونطق: تبي تنامين بابا؟
هزت راسها بالنفي و قبل خدها ينطق: طيب
ناظرته ريم بذهول تنطق: اجل تحمل انت اقعد معها انا بروح ارتاح
نطق وهو يمدها لها: لا لحظه بروح ابدل لبسيها و بنروح عند امي
مشت ريم تاخذها تلبسها و طلع سلمان من غرفة التبديل يشوف ريم جالسه على السرير تربط لـ مها شعرها القصير بربطه وحده فوق و فايزه نايمه جنبها ابتسم يتقدم يقبّل خد فايزه و وصرخت مها بكلمة "بابا" تأشر على خدها وضربت ريم يدها بخفه تنطق: لا تصحي اختك
ضحك سلمان يتقدم منها يقبّل خدها ينطق: تغارين يابابا
حملها ولف على ريم اللي ناظرتهم تنطق: قفل الباب بعدك وانتبه لها سلمان لا تغيب عن عينك هز راسه ينحني يقبّل خد ريم ينطق: ارتاحي حبيبتي حاوطت رقبته بخفه تقبّل هي بعد خده تنطق: طيب
مشى يطلع يسمع مها اللي تتكلم بكلام ما يفهم نصه لكنه يعجبه و يطربه و يحاول يعطيها ردات فعل و يخليها تتحمس بالكلام
ركب السياره وهي بحضنه ينطق: بتسوقين غزالتي
ناظرت مها قدامها تحط يدينها على الدركسون و رفع جواله سلمان يصورها و حط الجوال يحرك وهي بحضنه يسوق متوجه لـ بيت امه
فتحت له العامله ودخل يسمع اصوات اطفال بالبيت و ابتسم يحط مها بالارض و ركضت مها تتوجه لـ سامي و مروى عيال محسن و اميره بنت اخت عفاف
ودخل يشوف امه جالسه مع اميره و ابتسمت عفاف تنطق: جبت البنات معك؟
سلم عليها ينطق: صايره تحبين جيتهم اكثر من جيتي؟
ضحكت تهز راسها بالنفي: محد اغلى منك عندي
ابتسم ولف يسلم على اميره واكمل: جبت مها هي برا تلعب مع سامي و مروى
رفعت صوتها عفاف تنادي مها و ابتسمت لما دخلت مها تركض وفز سلمان يلاحظ انها بتتعثر بركضتها و كذلك عفاف اللي فزت تتقدم منها تحضنها قبل تطيح وضحكت مها بفرح تنطق: تيتاا
ابتسمت ترفعها تنطق: يأمي ياتيتا بسم الله عليك تعالي
ابتسمت مها تجلس بحضن عفاف ودخلت مروى تتعكر ملامحها مباشره تتقدم من عفاف تنطق: مكاني
عضت شفتها اميره متعوده على حركاتهم تنطق: الحين تضربها ويتهاوشون على خالت…
فتحت فمها قبل تنهي كلامها دفت مها مروى و تقدمت مروى تسحب شعرها وبكت مها تميل راسها تعض ذراع مروى وانتشر صوت بكائهم الثنتين و وسعت عيونها عفاف تبعدهم عن بعض تنطق: خذو بناتكم
ضحك سلمان يتقدم ياخذ مها اللي كانت حامله ربطة شعرها تبكي بعد ما طيحتها مروى و سحبت اميره مروى اللي ماسكه مكان عضة مها وضحكت اميره تمسح عليها تنطق: خلاص ماما خلاص الحين اضربها لك النتفه تعلمت العض
ضحك سلمان ولف على جواله اللي يدق ياخذ يرد على ابو سالم اللي قاله يجيهم ولف على امه ينطق: يمه بروح لبيت جدي اجيك بوقت ثاني
هزت راسها عفاف تودعه و طلع سلمان يحمل مها اللي بدت تسكت وركب السياره ينطق: ليه بابا مو قلنا ما عاد تسوين مشاكل
زمت شفتها تتبدل ملامحها بترجع تبكي وضحك يمسك وجهها بكفه ينطق: خلاص خلاص لاتبكي ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:22

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 249 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

ضحكت تحط يدها على يدينه فوق بطنها تنطق: بتمر بلمح البصر و نشوف بنتنا او ولدنا
ابتسم : ابي بنت، ابيك كل سنه تجيبين لي بنت لين يصير عندي عشر غزالات
ضحكت تنطق: هي مره وحده وخلاص
رفع وجهه وهو رافع حواجبه: على كيفك؟
هزت راسها بنعم تنطق: الحمل تعب وانا للحين اخاف كل ما اتذكر وقت الولاده حسناء تقول انها توجع حيل واحس خايفه
سلمان: انتي ما تعرفين حسناء؟ حسناء تحب تبالغ لا تخافي ابدا
اخذت نفس تنطق: يارب يبلغني و اجيب اللي ببطني على خير
عضت شفتها تناظر وجهه من المرايه ونطقت بحماس: ابي اشوف شكله بسرعه احس بيطلع يشبهني اكثر
سلمان: لا اكيد يشبهني انا انا ابوه
تعكرت ملامحها: خير وانا امه انا حملت فيه
ميّل راسه يقبّل خدها: وانا اللي خليتك تحملين فيه ولا؟
لفت عليه بجسمها تنطق: ماعلينا اذا جاء نعرف يشبه مين
هز راسه يحاوط خصرها واكملت: ما فكرنا بأسماء لعيالنا
ابتسم ينطق: مين ما فكر؟ انتي ما فكرتي انا من زمان مقرر
ضحكت تنطق: تقرر اسماء عيالي بدوني؟
سلمان: اول بنت مافيها جدال بسميها فايزه وتصير سمية امي و ادلعها فوز قلبي
عضت شفتها ترفع حاجبها: فوز قلبي؟ يعني بتشاركني فيك؟
هز راسه ينفي توقعها: انا كلي لك
كورت شفتها تكتم بسمتها : وش خططت بعد
اخذ نفس يحتضن خصرها: الثانيه اسمها مها
ضحكت تناظر عيونه لما فهمت مقصده و ضحك يهز راسه بنعم: سمية امها
ميلت راسها تبتسم و اكمل: واذا جاء ولد انتي تختارين له
هزت راسها بفهم واكمل: و اللي بعدهم
رفعت اصبعها بسرعه على شفته تسكته وضحك من حركتها لما نطقت: مافي بعدهم ثلاثه خير وبركه
قبّل اصبعها اللي على فمه يبعده ينطق: بس خمسه
هزت راسها بالنفي تضحك: بنشوف لما نجيب اول واحد وقت تتعب و تسهر عليه تعال نتناقش
ضحك ينطق: لا دام فيها تعب و سهر خلاص
ابتسمت تغمض عيونها لما اكمل بهمس عاشق : ما اسهر الا على عيون حبيبتي
رفع يده يحاوط خدها : ما يسهرني غير نظراتها …كلامها …همسها …لمساتها
.
.
غمّضت عيونها تحس فيه يميل راسه و تحس بيده على بطنها يتلمس روحه اللي بداخلها ولا تصدق انها الحين اول ما فتحت عيونها بعد نومه طويله تشوفه يحملهم بين يدينه يحمل قطع منهم و روحين يجمعونهم، يحمل بين يدينه "بناتهم!"
فتحت عيونها تشوف المكان من حولها يمر شريط ولادتها امام عيونها وغمضت عيونها بتعب تتذكر صراخها و المها و صوت سلمان اللي كان ينادي الممرضات بجنون و تتذكر وقفته معها وهي تولد يكرر الدعاء و يمسح على راسها يحاول يهديها رغم استحالة هدوءها وقتها
-
.
ابتسمت بخفوت تتذكر وقت ولدت الطفله الاولى وصوت بكائها اللي انتشر بالمكان و صوت الممرضه تصرخ عليها عشان تولد الطفله الثانيه و تتذكر سلمان اللي ركض يتركها ياخذ بنته من بين يدين الممرضه تتذكر صوت صراخه يكبر و الحاله اللي صابته نوع من فرط الخوف خلاه يفقد ثباته، واخر شي تتذكره وقت انتشر صوت بكاء الطفله الثانيه و صراخ الممرضات بفرح يبشرونها بأنها ولدت التوأم الثنتين بسلامه وهذا اخر شي سمعته قبل تفقد وعيها من شدة تعبها
فتحت عيونها مره ثانيه ترمش بتعب تشوفه ماسك بناته الثنتين يناظرهم بفرح و رويدا جنبه تصور و تقدم سهم يحمل وحده منهم من حضن سلمان يضحك على صغر حجمها و توجه لـ أمه اللي كانت جالسه جنب ريم تقرأ و تسمي عليها و فز سهم اللي كان يحط الطفله في حضنه امه و نطقت ام فارس: علامك ياولد كنت بتطيح البنت
لف بصدمه يبتسم: ريم ريم صحت
ابتسمت ريم بتعب تناظره وفزت ام فارس تناظرها تنطق: الحمدلله على سلامتك يابنتي صحيتي
وقف سلمان بسرعه يحمل البنت الثانيه يتقدم منها ينطق: ريم صحيتي
حاولت تجلس و تقدمت رويدا تساعدها تكون منسدحه شبه جالسه
و رمشت تناظرهم تعض شفايفها تشوف وحده من بناتها بحضن امها و الثانيه بحضن سلمان و تقدم سلمان ينطق: مو متحمسه تشوفي بناتنا
هزت راسها بنعم تجتمع دموعها لا شعوريا و انحنى عليها سلمان يحط الطفله بحضنها و قف يبوس راسها يشوفها تناظرها بأبتسامه وعيون تلمع تمد يدها الثانيه تاخذ الطفله الثانيه من امها لما مدتها لها تشوفهم الثنتين بحضنها بمنظر حنون تدرك انها الحين صارت أُم لـ ألطف الكائنات
ابتسم سلمان يلاحظ عمق نظراتها لهم و عدم نطقها بحرف تكتفي بتأمل شكلهم اللطيف
و مد يدينه ياخذ وحده منهم يجلس جنبها ينطق: ريم
رفعت عيونها تناظره وضحك يلمح لمعة عيونها ينطق: الحمدلله ع السلامه ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:22

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 247 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

ابتسم يناظره و اخذته منه تنطق: عادي انام اليوم عند بيتكم؟
عقد حواجبه بأستغراب ينطق: ليه؟
دانه: ريام طلبتني تقول مشتاقه لي
ابتسم يهز راسه : تمام
ابتسمت لكن سرعان ما تلاشت بسمتها من تقدم حسين اللي كان بيمر من هنا و صادف انه يشوفهم ونطق بأستغراب لما شافها تحمل طفل: هذا فيصل؟
هزت راسها بنعم تبلع ريقها و ناظره هزاع لثواني يلاحظ ربكتها لما تقدم منهم حسين و ولف عليها يطمنها بنظراته ثم مشى يرجع لانه ما يحب و يتجنب يكون بذا القرب من حسين بسبب عدم تقبله له
اول ما راح هزاع اخذت نفس بتوتر من ابوها اللي المفروض انه يكون مصدر امانها وذا الشي ما خفى عن حسين و مدت له الطفل تنطق: معليش اخذته كنت بوريه لهزاع
سكت يناظرها متأسفه لانها اخذت اخوها، ربما لانها صارت تشوف نفسها غريبه عنهم؟
تنهد ياخذ فيصل منها ونطق: لحظه ترجعيه لامه
هزت راسها بسكوت توقف تنتظره و تشوفه يبتسم اول ما مسك فيصل وضحك يلاعبه ويسوي له حركات بوجهه و ابتسمت دانه لما لاحظت ان فيصل يضحك و يحرك يدينه
ضحك حسين على ضحكته اللي سرقت قلبه من صغره و ورفعه على كتفه يحضنه وهو يضحك ينطق: ياقلب ابوك جعلني فدا ضحكتك
ابتسمت تلمع عيونها تناظرهم بحنان و عدل حسين فيصل يمده لها ينطق: خذيه
تقدمت تفتح يدينها بتاخذه و لاحظ حسين لمعة عيونها من ركز فيها ينطق: دانه يابنتي
نزلت نظرها تعض شفتها من حرقها تجمع دموعها بعيونها لاول مره تتلمس الحنيه بصوته ونطقه لـ أسمها، لطالما كان ينادي اسمها بنبرة غضب لكن اول مره تحس انه يخاطبها كـ أب
رفعت عيونها تناظره وهي تضم الطفل تحمله و عقدت حواجبها تحارب دموعها من مد ذراعه يحاوط كتوفها يبي يحضنها ونطق: كيفك يابنتي؟
هزت راسها تهمس: بخير
اخذ نفس يستغرب لانه ما عاد يعرف كيف يتكلم مع بنته و اكمل: وش اخبارك ليه ما عاد تجينا
ميلت راسها بأستغراب من كلامه وبلعت ريقها تنطق: انت منعتني !
سكت بندم لثواني ثم نطق: اللي فات فات يابنتي
ضحكت رغم تجمع دموعها و غصتها ونطقت: الحين فات؟ يوم ابكي قدامك عشان تنسى اللي حاصل ليه ما كنت تهتم؟ ليه عمرك ما اهتميت غير لكلمتك، ابتعدت عنه ترتجف يدينها من بدت تبكي وهمست: ليه كنت تساعد بجرحي؟ ليه اهلي كانو اول اعدائي، ليه كنت توقف بوجه سعادتي؟
رفعت صوتها تنزل دموعها: ليه بس قول ليه كنت تستمتع وانت تجبرني اسوي كل شي ما احبه لدرجه انك كنت مستعد تزوجني واحد سكير ومجرم
بلل شفته يتقدم منها ينطق: كنت اشوف قراراتي الصح يابنتي وكل شي كان عشانك
بعدت عنه تهز راسها بالنفي تنطق: مافي شي صح الصح انك توجعني؟ ليه وانت تعرف اني احب سلمان خليت هزاع يخطبني وليه بعد ما حبيت هزاع جيت تبي تفرقنا ليه سببت لي مشاكل بحياتي و زواجي و اي شي ارتاح وافرح فيه كنت تكرهني فيه؟
هزت راسها لما ما رد تنطق: ما عندك جواب اعرف بس تأكد اني ما عاد احسكم اهلي من اليوم اللي قلت لي لا تسميني ابوك وانتي مع هزاع وانت تعرف ان هزاع الشخص الوحيد اللي أعطاني كل شي ما لقيته منكم
عقد حواجبه يحاول يفهم مقصدها بكل شي وهزت راسها تأكد له: الحنان، الاهتمام، الحب، اشياء عمري ما شفتها منكم عمري ما سمعتك تقول احبك يابنتي ولا عمرك اهتميت لي ولا شفت حنانك معي
مشت تطلع من عنده وهي تبكي غصبًا عنها كانت تحبس كلام بداخلها من سنين، ما تقدر تنكر انها تحبهم و تتمنى لو يكونون مثلها و تكون مثل اي شخص طبيعي يروح لـ اهله و يجون له لكنها انجبرت تفرغ كل شي بداخلها اليوم عشان ترتاح
وقفت تمسح دموعها قبل تدخل عند الحريم
ودخلت تتوجه لأمها تحط فيصل بحضنها ومشت تتوجه لشنطتها تحط جوالها بداخلها ولفت عليها رويدا بأستغراب تلاحظ ملامح وجهها: فيك شي؟ كنتي تبكين؟
هزت راسها بالنفي تلبس عبايتها واكملت رويدا بأستغراب: وين رايحه
دانه اخذت نفس تعدل نبرة صوتها: بيت عمي زيد بروح اساعد خالتي منيره و اجلس مع ريام شوي
هزت راسها رويدا وطلعت دانه تتوجه لبيت عمها ابتسمت لما دخلت تسمع ترحيب منيره فيها و لفت على ريام اللي تقدمت تنطق: دندون وحشتيني
ابتسمت تحضنها و همست: محد واحشك غير رواف
عضت شفتها تشاركها الهمس: احبه شسوي
ضحكت تبتعد عنها ومشت تسلم على منيره ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:22

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 245 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

ركزت بعيونه تعض شفتها وضحك لان تفكيرها نفس تفكيره و يفكر حاليًا بنفس الكلمه اللي بتقولها وهز راسه بالنفي ينفي توقعها وضحكت لانه فم تفكيرها ونطقت: الا والله صرت شاعر بعد
سلمان: وين كلها كم شعر ونصها سارقهم
هزت راسها وهي بنفس البسمه تنطق: اول شعر قلته لي والله انت قايله بحثت عنه بكل مكان
هز راسه بنعم: اي هذا انا قلته بس انه هبد صراحه ما اشوفه بيت
ريم: تكفى عيده سلمان كل ما اتذكره اموت من الحب
ضحك يجلس يقابلها بجسمه وعدلت جلستها بحماس تنتظره يتكلم لين نطق: وش كان هو
نطقت تذكره بأول البيت: الليل بشعرك
هز راسه يكمل: الليل بشعرك مسجون، والقمر بعيونك مفتون
هزت راسها ببطئ وحماس تنتظره يكمل ونطق: والنجوم المستوطنه وجهك تخلي العاقل مجنون؟
ضحكت ترفع يدينها تضمه وضحك يحاوطها لانه يشوفه سيئ ويعرف انه ما يتقن الشعر لكن لا شعوريًا لقى نفسه تطلع منه حروف كمحاولة وصفها لكن بالنسبه له هي اكبر من الوصف بالحروف ويعجز عن وصفها
ابتعدت عنه تقبل عينه اليُمنى ثم اليسرى وحاوط وجهها بيدينه ينطق: تتذكرين وقتها جيتي قدامي اعد شاماتك
ابتسمت تهز راسها بنعم واكمل يعض شفته: كان ودي ابوسك وقتها كنت بالقوه ماسك نفسي
عضت شفتها بخجل وهز راسه يكمل: ما اضعف الا قدامك
غمضت عيونها لما انهى كلامه وهو يقترب منها ينغمس فيها و حاوطت رقبته بيدينها تحس فيه يرفعها عن الارض يحملها بين احضانه، توقف لثواني لما سمع اصوات بالخارج يصحى من غرقه فيها و رمشت تحاول تستوعب: وش ذي الاصوات ؟
سلمان: شكلهم العمال متهاوشين
نزلها على السرير يكمل: اشوف وش حاصل و ارجع
هزت راسها وخرج من عندها توقف بعده تناظر من البلكونه و عقدت حواجبها تشوف العمال بينهم جدال ولا تفهم هم وش يقولون شافت سلمان يطلع ويتكلم معهم وبدت الاصوات تهدأ
مشت تدخل غرفة الملابس و رجع سلمان يدخل الغرفه ما يشوفها فيها ونطق: ريم
ردت عليه من الداخل تنطق: ابدل
هز راسه ومشى يوقف بالبلكونه يشعل سقارته، وحطها بين شفايفه يسحب منها هواء يضره لكنه عجز يوقف تدخين من وقت تعود عليه
ابتسم يحس بيدينها تلتف حوله تحط يدينها على صدره وراسها على ظهره ونطقت: وش تسوي هنا
لف عليها بجسمه يمد يد وحده يحاوط فيها خصرها والثانيه ماسك فيها زقارته رفع حواجبه بأعجاب
سحبها يجلس و يجلسها على رجله ونطقت تزم شفايفها لما شافته يدخن: ليه تدخن
رفع كتوفه يرجع بظهره الوراء يحطها بين شفيفه ناظرت فيه لثواني وسحبتها منه تنطق: سلمان ليه ؟
ضحك يهز راسه بعدم فهم وحطتها على الطفايه اللي جنبه تنطق: ريحتها مب حلوه
سلمان: وش تبين ياريم
رفعت يدها على خدها تتلمسه: ابيك تتركه ما كنت تدخن ليه صرت الحين ؟
ابتسم وهو ينطق: بالغلط صرت ادخن
اقتربت منه تقبّل خده و ابتعدت تنطق: طيب اتركه حاول
ضحكت تكمل: احسك شخص نظيف ما يناسبك الدخان
ضحك يمسح وجهه واكملت: بعدين كله امراض
هز راسه يسايرها: تمام ان شاءلله، طيب؟
وقفت تمشي داخل وهي تنطق: اذا تركته بعلمك بشي يمكن يخليك تطير من كثر الفرح
عقد حواجبه يوقف يلحقها : وشهو
رفعت كتوفها: شي بيخليك متحمس تسع شهور
صغر عيونه يناظر فيها تحاول ما تناظر فيه تخفي بسمتها ولا فهم وش قصدها
وضحكت ريم لانه ما استوعب مقصدها توجه لدورة المياه وطلع بعد ما تروش يشوفها تناظر السقف بتفكير و يدها على بطنها ومشى يغير ملابسه ورجع ينسدح جنبها بعد ما بسط ذراعه عشان تحط راسها عليها وحطت يدها على صدره تنطق: سلمان
سلمان: عيونه
ابتسمت ترفع راسها تناظر فيه: وش تتمنى الحين؟
ابتسم بعدم فهم لمبتغاها ونطق: بس نكمل العمر سوا، وتجيبين لي غزاله صغيره
عضت شفتها وهي تناظره مبتسمه تعرف انه يحب الاطفال حيل و وده اكثر منها انها تحمل، ولا تخفى عنها فرحته لما يمسك طفل وتعرف كم يتمنى ان ربي ينعم عليه بالذريه ويجرب شعور الابوه لكنه يحاول ما يضغطها من ذي الناحيه خصوصًا بعد اول تجربه ينتظرها تتخطى كل شي وكل خوف
ناظر بسمتها بـ استغراب ينطق: غزالتي فرحيني معك الابتسامه شاقه وجهك
اعتدلت تجلس ونطقت: للحين ما فهمت؟
عقد حواجبه يجلس يقابلها: وش افهم
مدت يدها تاخذ جوالها ونطقت: قبل يومين لما رحت مع رويدا للمستشفى سويت فحوصات و اليوم ارسلت لي الدكتوره النتيجه
سلمان: حق ايش؟ فيك شي؟
هزت راسها بالنفي تمد له الجوال مفتوح على المحادثه و عضت شفتها تشوفه يقرأ الكلام و وقفت لما لاحظت انه بدأ يفهم الموضوع، مشت توقف بالبلكونه و ضحكت لما وصلها صوته يصرخ بأسمها وقف بأستعجال الذهول و الفرح والصدمه مرسومين على ملامحه بعد ما شاف رسالة الدكتورة تأكد لها بأنها حامل ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:21

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 243 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

طلعت تتوجه لـ السياره وركبت تنتظر جدها يطلع
رفعت راسها لما حست بأحد يطق الشباك
ابتسمت بهدوء لما شافت حامد ونزلتها تنطق: حمود
ابتسم ينطق: قلبه، وين رايحه
اصايل: رايحه عند حسناء
نطق بأستغراب: وش فيها
اصايل: ولدت اليوم
رفع حواجبه بذهول ينطق: والله! مبروك وش جابت
اصايل: ولد
ابتسم بهدوء ينطق: عقبالنا
ضحكت تلف لما شافت جدها طالع ونطق ابو سالم: وش تسوي هنا انت
ابتسم يرفع يده لشعره: ابد يبه كنت طالع وشفت ام العيال قلت اسلم عليها
اشر له ابو سالم ينطق: توكل توكل
ضحك من اسلوب جده معه ومشى يتوجه لسيارته وكذالك اصايل حركت تتوجه لـ بيت مشعل بعد ما عرفت ان حسناء طلعوها لـ هناك
وقفت عند البيت تنزل ودخلت عند الحريم و ابو سالم عند الرجال
وبعد ثواني وقفت سياره سلمان معه ريم وعقد حواجبه يشوف سياره من زمان ما شافها توقف بنفس الوقت ضحك لما عرف صاحبها ونطقت ريم: وش فيك
هز راسه بالنفي ينطق: هذا منيف
هزت راسها لانه على كلام سلمان دايم مختفي ونادر يشوفونه
نزل سلمان يتوجه له وطلع منيف يحمل ولده وضحك ينطق: الحمدلله شفناك
ضحك منيف يسلم عليه وناظر سلمان بالولد اللي عنده خمس شهور حامله منيف ونطق: لا تقول هذا سمي ابوي
منيف: هذا الشيخ محمد
ضحك سلمان يمد يدينه يحمله ونطق: اخر مره شفته كان عمره اسبوع
منيف: دايم اجيبه عند بيت ابوي بس انت ما تجي وقت انا اكون موجود
ضحك سلمان يناظر فالولد و يناظر منيف ونطق: الله يعينه طالع يشبهك بيتعقد من وهو صغير
ضحك منيف يمسح وجهه ونطق سلمان: ولد اختي احلى منه
منيف: ولدها ما يسوى ظفر ولدي
قبّل سلمان خد الطفل يعدل حملته ويخليه فوق ذراعه يتمسك بكتفه ونطق: ادخل بلحقك انا والشيخ محمد
هز راسه منيف يعرف ان معه زوجته ومشى سلمان يتقدم عند ريم اللي نزلت تبتسم ترفع يدينها تسحب خدود الولد:قلبي ياناس صغير
ابتسم سلمان و اكملت تنطق: من وين ادخل
رفع يده الثانيه على ظهرها يمشي معها يدخلون يوجها لباب الحريم و قابلتهم رويدا اللي كانت تمشي بالبيت وضحكت تشوف سلمان حامل الولد و حاط يده على كتف ريم ونطقت: قلبي تنفعون تصيرون ام واب
ضحك سلمان و تقدمت تناظر ولد منيف: ياقلبي ياناس ولد اخوي الحلو
رفعت جوالها تكمل: لحظه تكفون ريم شيلي عبايتك خلوني اصوركم معه
ضحكت ريم ونطقت رويدا: ذي الغرفه فاضيه تعالو
سلمان: رويدا ماني فاضي خذي ريم
مسكت ذراعه تنطق: تكفى سلمان تكفى
زفر لما نطقت ريم: تعال سلمان
رفع كتوفه ينطق: الشكوى لله
مشى معهم يدخل الغرفه اللي كانت للجلوس لكن فاضيه وفصخت ريم عبايتها تعدل شعرها و وقفت جنب سلمان تنطق: الحين؟
هزت راسها رويدا بـ اعجاب تنطق: حلويين
رفعت جوالها تصورهم عدة صور يبتسمون لها و هز سلمان الولد لما بكى ينطق: بسببك رويدا
ضحكت تنطق: ماعليك هذا اصلا بكاي وده عند منيف يسكت
مشى يطلع من عندهم يدخل المجلس اللي كان يضم اهله فقط و رفع يدينه ابو سالم: هات هات ولدي
ابتسم سلمان يتقدم منه يعطيه ولد منيف وضحك ابو سالم يلاعبه ونطق منيف: مشعل جيب ولد اختك خلني اشوف هذا الورع اللي قال سلمان انه احلى من ولدي
مشعل: مافي مقارنه ولدك يشبهك و ولدها يشبهنا تخيل مين اجمل بس
ضحك يمسح لحيته ونطق: عمك انا توكل جيبه
مشى مشعل يجيب تميم ودخل بعد ثواني يحمله وقف منيف ياخذه من مشعل: بسم الله عليه
ضحك يكمل: خشمه كبير ذا طالع على من؟
لفو كلهم يناظرون مشعل ورفع اصبعه يأشر على نفسه : خير ابوه انا عشان يطلع علي!
ضحك منيف يجلس وهو بحضنه ونطق: نتفه ولدكم
لف يناظر ولده محمد اللي ناظره وهو بحضن جده وبكى محمد مباشره يمد يدينه عشان يروح لمنيف وضحك منيف ينطق: تغار على ابوك تعال تعال
وقف يحط تميم بحضن ابو سالم و اخذ محمد و ابتسم ابو سالم يرفع تميم بيدينه وقبّل جبينه ينطق: زمان كنت حامل جده بذا العمر واليوم هو
-
كشرت لما تقدمت امها تحط اكل ما تعرفه ولا تعودت عليه تنطق: كلي حسناء كلي
حسناء: يمه وش ذا
سُعاد: كلي وانتي ساكته
زمت شفتها حسناء و ابتسمت لما دخلت رند تمسك يد جود و ابعدت الاكل تنطق: ياهلا بناتي
ابتسمت من تقدمهم يسلمون عليها ونطقت رند: وين البيبي
مسحت على شعرها حسناء تنطق: عند اخواني الحين يجيبونه انتم مين جابكم
رند: بابا
حسناء: وبابا راح ولا دخل
رند: ما راح
هزت راسها واتصلت على مشعل عشان يرجع تميم ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:21

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 241 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

بيت ابو فارس
وقفت تدخل الصحون بالمطبخ بعد الفطور ولحقها فارس يحمل معها باقي الصحون وحطها على الرخام ولف يشوفها تبعد منها الاكل ونطقت: عاوني
ابتسم يوقف خلفها و حاوط خصرها ينطق: اذا ما عاونتك من …
قاطعته تنطق: فارس اترك الغزل و شغّل يدك بدال لسانك
ضحك : ما تفارقك نفسية الحوامل؟ وليت في ببطنك شي نفسيه على الفاضي
ضحكت بخفوت تنطق: طيب احسن شخصيتي كذا لو متغيره كان قمت اسوي نفسي اذوب من كلامك و انسى الشغل
مسك ذراعينها وهو خلفها: اتركي من يدك مو قلت بجيب شغاله
مشاعل: تتكلم بس انت للحين ما جبتها مين يشتغل لوقتها
فارس: وش اليوم
مشاعل: جمعه
هز راسه يتذكر: بكرا تجي
لفت عليه بجسمها تنطق: والله؟
حاصرها يحط يدينه على الرخام ورجعت براسها لورا لما اقترب منها ونطقت: فارس! يمكن تمر خالتي
فارس: ما بتمر خليني
رجعت لورا تضحك لما حاول يقرب من وجهها مره ثانيه وضحك ينطق: مشاعل! خليني
ابتسمت ترفع يدينها على وجهه ونطقت: فارس حبيبي توكل تكفى
عض شفته يضحك: مقبوله عشانك قلتي حبيبي
ابتسمت ترفع رجولها تقبّل خده ونطقت: يلا برا والا تعال غسل معي المواعين
ابتعد عنها يشمر عن ذراعينه ونطق: عشان اكون الرجال اللي يساعد حرمته بقعد
رفعت حاجبها تضحك لما انحنى يرفع ثوبه يربطه على خصره و نطقت: اغسل بالصابون وتغسل بالمويه اتفقنا؟
هز راسه و بدأ يساعدها لين خلصت و نظفت المطبخ بالكامل وهو معها يساعدها بكل شي رغم عدم خبرته وضحكت بقوه تسند جسمها على الحيط تشوفه متبلل و شكله مبهذل وناظرها فارس ينطق: ضريبة اني ساعدتك
ضحكت تتقدم منه تضرب كتفه ونطقت: باقي تطبخ الغداء وبتكون افضل رجُل بالعالم صدقني
ابتسم يرفع حاجبه: يكفي اني افضل رجل بعينك
ضحكت تمشي قبله ونطقت: لازم الحريم يتعلمون مني ساعدت زوجي بشغل المطبخ وذا الشي مو عيب ولا تقليل من انوثتي
لفت عليه تكمل بأمر: يلا يا رجال نظف البيت و جيب القهوة
رفع حاجبه من الشخصيه اللي تتقمصها ونطق: وخري بس
ضحكت ومشى يتوجه لغرفته
تأفّفت لما وصلها صوته يناديها و مشت تلحقه تعرف انه يبي ملابس
-
نايمه بتعب بعد ليالي طويله من حملها جلست تصحى من نومها ذي ثالث مره بنفس الالم
لفت تشوف بتار نايم جنبها و هزت كتفه تنطق: بتار بتار قم
همهم ينطق بنعاس: ما عندي شغل  اليوم خليني نايم
تنهدت من الوجع و نوم بتار وسكتت لثواني تستشعر الالم وصرخت تغرس اظافرها بكتفه وانتشر صدى صرختها بالغرفه وفز بتار يجلس بفجعه و صرخت مره ثانيه تبكي ونطقت: بتارر
عدل جلسته يمسك كتفها ونطق: حسناء حسناء وش فيك
مدت يدها تبيه يساعدها توقف و جلسها يناظرها بخوف ينطق: حسناء بتولدي؟
عضت شفتها تحط يدها على بطنها وتمسكت بالسرير توقف وحطت يدها وحده على بطنها و الثانيه خلف ظهرها وتنفست براحه وناظرها بتار بذهول من صارت هادية ينطق: حسناء شفيك! بتولدي
هزت راسها بالنفي تنطق: لا كنت بولد
عقد حواجبه ينطق: والحين؟
حسناء: ما بولد
رمش يناظرها بصدمه ونطقت تفهمه: الوجع يجي و يروح، خلينا نروح المستشفى انت شوف اذا اغراضي ناقصها شي وانا بدخل اولد
وسع عيونه من اخر كلمه و غمضت عيونها تنطق: اقصد اتروش
ضحك يتنهد براحه و وقف يقترب منها ونطق: اظن انه مثل العاده بس وجع عادي وانتي تقولي بتولدي من الخوف
هزت راسها بالنفي تنطق: لا والله مو طبيعي اليوم
سكت يفكر ونطقت: اتصل على امي او مشعل اذا احد منهم صاحي
هز راسه ومشى ياخذ جواله وكان بيضغط على رقم سُعاد لكن عقد حواجبه لما سمع صرختها لف عليها بسرعه
وطاح الجوال من يده يشوفها تتمسك بـ باب الحمام والارض تحتها تبللت
ركض لها و تمسكت حسناء فيه تبكي من خوفها ونطق: تعالي حسناء لا تخافي يلا نروح
مشت معه بصعوبه يساعدها تلبس عبايتها رغم صراخها من الالم اللي يجيها على شكل موجات
ركب السياره يحرك و مسكت بطنها حسناء تعض شفتها تصرخ بشكل مكتوم، رفع جواله يتصل على مشعل يعلمه ياخذ سعاد تلقاهم بالمستشفى حسب رغبة حسناء ولف عليها يمسح جبينه بربكه ينطق: حسناء معليك اول ما تولدي بيروح الجوع
صرخت تضرب الباب عدة مرات ما تتحمل اللي تحسه ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

09 September 2025 10:37

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 240 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🪸

هز راسه باسف سلمان: لقى له صيده ثانيه ولا ليه يكلم بعيد عنك؟
صغرت عيونها تناظره و مشى يدخل مع ريم و طلع وهو يحمل معها باقي الاكل و ابتسم يكتم ضحكته يشوف رويدا للحين واقفه تفكر ونطق: امزح ياعمتي صدقيني لو يسويها ادفنه حي
رمشت تشتت تفكيرها و مشت تجلس تنطق: على اساس انا بصدق خرابيطكم
ريم: برافو رويدا خليك واثقه بأخوي ابتسم سلمان يجلس ونطق: لا واضح ما صدقت لدرجه انها مختنقه الحين
ضحكت ريم تجلس جنبه ونطقت رويدا: يالليل انت ما تغيرت سلمان لازم تعكر مزاجي
سلمان: والله لو اعد كم مره عكرتي مزاجي بيخلص اليوم هذا غير المرات اللي تجيني بوقت غلط
ضحكت رويدا ورفعت راسها على سهم يدخل وهو يرجع جواله لجيبه ونطقت ريم: بونجور اخي العزيز
ضحك يصافحها: اهلا ببنت فرنسا
ضحكت تكلمه بالفرنسي بمزح ولف سهم على رويدا اللي ساكته ينطق: وردتي شفيها ساكته
رفع حاجبه سلمان وهو يتكي على ذراعه : اي ورداتك؟
عقد حواجبه بعدم فهم: كيف
ضحكت ريم تكمل مع سلمان: وردتك هذي والا الورده اللي كنت تكلمها
اكملت كلامها بغمزه و فتح فمه صدمه سهم : اعوذ بالله منكم تبون تخربون بيني انا و ام عيالي
قاطعته رويدا تنطق: سهم والله لو تطلع عندك ورده غيري والله اخليك تندم
لف سلمان على ريم يعلق: اهم شي هي مصدقه انها ورده
سهم: ورده غصبًا عنكم بعدين وش نظام تفكيك الأسر ذا، معبين راس زوجتي علي؟
لف على رويدا ينطق: وردتي قومي ما نقعد مع ناس كذا لفت عنه تنطق: روح لوحدك
ضحك سلمان و عضت ريم شفتها تناظرهم بحماس
لف عليهم سهم ينطق: والله بسببكم حسبي الله بس
سلمان: مالنا دخل احنا زوجتك تصدق اي شي
اقترب منها يهمس بصوت كلهم يسمعونه: اسمعي هذول يبونا نتهاوش بتخليهم يشمتون فينا؟
لفت عليه ترفع يدها على عُنقه بما انه كان قريب منها حيل ونطقت: يخسون
ابتسم يميل راسه يقرب وجهها منها
ناظرت ريم سلمان بصدمه تنطق: ما يستحون!
التفت يدور اي شي يرميهم فيه و اخذ بيالة الشاهي يرميها عليهم بغضب وضحك سهم يبتعد عن رويدا ونطق سلمان: جاي تقرب من اختي قدامي وش ناوي عليه
تنحنحت رويدا تعدل جملته: عمتي قصدك
سلمان: اص ياقليلة الحيا
ضحكت من شخصنته الموضوع ومسحت ريم على كتفه تنطق: ماعليك حبيبي
رفع حاجبه سهم يناظرها بحده وناظرته ريم تضحك مباشره ونطقت رويدا: اذا بنقعد كل واحد يغار على اخته ما بنرتاح
مسح وجهه سلمان وضحك بدو بالاكل و نطق سهم: انت متى ترجع للشغل؟
سلمان: ذي اليومين اشتقت للمكتب
سكت سهم لثواني ثم لف على رويدا ينطق: ما قلتي لي مين علمك وين ريم؟
تنهدت تشوفهم كلهم يناظرونها و ينتظرونها تتكلم و ارتشفت من الشاهي تنطق: ما تعلمون احد؟
عقد حواجبه سلمان: مين بنعلم؟
رويدا: لا اقصد حتى ذا الشخص ما تفتحون معه الموضوع او مع زوجها وكأنكم ما تعرفون انه هو
سهم: هي حرمه؟
هزت راسها بنعم تنطق: بنت عمك، زوجة فارس اخوك
رمشت ريم ذهول تتوقف عن الاكل و نطق سهم: زوجة فارس! تمزحي رويدا
هزت راسها بالنفي: والله العظيم هي سمعت ابوك مره يكلم ريم و بعدها اخذت جواله و شافت المحادثه و شافت كلامه مع ولد عبدالرحمن وهي قالت لي كل شي
هز راسه سهم ذهول ينطق: عجيب ما توقعت هي
ناظرت رويدا ريم اللي ساكته، ميلت راسها ريم تنطق: مشاعل منجدك؟ مستحيل ما اظن ممكن تساعدني
رويدا: مشكلتك ريم حتى لو بينكم مشاكل هي طيبه ترا
اخذت نفس ريم تهز راسها بعدم اقتناع واكملت رويدا: سهم تتذكر اليوم اللي جانا فارس و معه هي؟
هز راسه بنعم واكملت: تتذكر انه بعد ما راح على طول اتصلت على سلمان؟
رمش يستوعب و يربط المواضيع ونطق: الله يسلمها ما قصرت والله لولا الله ثم هي ما لقينا ريم
هز راسه سلمان يوافقه: اي والله يعطيها العافيه
ناظرت رويدا ريم و ميلت شفتها من شرودها تنطق: ريم وينك!
رمشت ريم تتنهد: مدري ما توقعت صراحه… ودي اشكرها ..

#يـــــتـــــــبــــــــــع...

🚫 يسعدنا مشاركة الرواية ولكن لا نسمح بحذف توقيع القناة 🚫

https://t.me/joinchat/AAAAAD1p6TqBBTyITQumpA

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

❤️📝 روايات وقصص مميزة 📝❤️

09 September 2025 10:36

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 238 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🪸

ضحك ينطق: لا مو صدق انتي ما عرفتي اني احبك الا بعد ما حاولت فيك اكثر من مره
ريم: والله كنت اعرف بس احسك متردد مثل لما كنا فالمزرعه
ضحك يمسح جبينه ونطق: اول يوم برمضان الله يغفر بس ما ادري وش جاني عشان ما تطلعين قدم السياره سحبتك
ضحكت تتذكر وكملت: ومافي طريقه غير تحاوط خصري و تكون قريب مني وانا ارتعب من ذا القُرب
رفع حاجبه ينطق: بس يومها كنتي مستسلمه حتى انك غمضتي عيونك
ضحكت تغطي وجهها بخجل تتذكر اليوم اللي كانو بالمزرعه وكان بيقبّلها لولا ان الفرس ارعبتهم
ضحك يكمل: بيومها كرهت شي اسمه خيل
ضحكت تبعد يدينها و اكمل: ولا ننكر بعد انك زعلتي عشاني ما بستك
فتحت ثغرها بصدمه تنطق: مو صدق انا حسبتك متردد لانك ما تحبني
سلمان: وانا حسبتك خايفه مني و ما تبيني
ضحكت لما تذكرت موقف وعقد حواجبه من ضحكتها ينطق: شفيك
هزت راسها تحاول توقف ضحك ونطقت: تتذكر وقت سويت نفسك ابكم؟
ضحك يرفع يده على وجهها ونطقت وهي تضحك: ياربي سلمان وقتها موتني ضحك
سلمان: كله عشانك تبي تشوفين امك مدري وش جاب ابوك بذاك الوقت
رفعت يدينها تغطي وجهها تدخل بدوامة ضحك عجزت توقف و ابتسم سلمان لضحكها ينطق: يابنت خلاص
اتبعدت عن حضنه تجلس جنبه وهي تضحك و ميل راسه على ذراع الكنبه وهو مبتسم يشوفها ماسكه بطنها تنحني من كثر الضحك ونطق: ما توصل
اخذت نفس تحاول تهدأ عن الضحك ونطقت: اهخ سلمان والله كل ما تذكرت شكلك تأشر على فمك و تمأمأ اموت ياربي
ضحك بهدوء و وقفت تنطق تحاول تنسى الضحك: بغير و انام تعبانه
وقف بعدها ينطق: محد جاب طاري ابوك؟
هزت راسها بالنفي تمشي معه لغرفتهم: محد تكلم ما اظن انه رجع
اخذ نفس بقهر ينطق: هارب بس مرده يرجع و ينسجن
زمت شفتها و مشت تبدل ملابسها و تتروش طلعت بعد وقت من غرفة الملابس و شافته منسدح بعد ما غير و تقدمت تجلس جنبه على السرير تنطق: تصدق طاير النوم؟
سلمان: حتى انا
انسدحت بعشوائية تحط راسها ونطقت: سولف لي
ابتسم يرفع يده على شعرها وهو منسدح ونطق: عن وش
ناظرت السقف تنطق: اي شي المهم اسمع صوتك
سلمان: اسولف عن حبي لك؟
ابتسمت تلف تناظر وجهه ونطقت: شكثر تحبني؟
سلمان: حب ماله حدود حالتي ما اسميها حب هي اكبر من كذا
عضت شفتها و همهمت: هممم سلمان بسألك
سلمان: اسئلي ياعيونه
بلعت ريقها تفكر لثواني تنطق: زعلت مني لما فقدت اللي كان ببطني؟
سكت لثواني ثم نطق: لا
تنهدت تسكت و مسح على راسها: بعدين انتي مالك دخل ليه ازعل منك انتي امه مثل ما انا ابوه
تنهدت تنطق: انا زعلت من نفسي لاني ما قدرت احافظ عليه كنت اتمنى اني اجيبه
اعتدل بجلستها يخليها تجلس و ناظرت بـ استغراب
اخذ نفس يمسك يدها ونطق: ريم حبيبتي انتي مالك ذنب الحق على ابوك بكل اللي صار لو ما ابعدك كنتي بخير
فتح ذراعينه ينطق: انسي ذا الموضوع الحين
-
بيت ابو سالم-
قاعد حوله كل اولاده يتكلمون قبل يفترقون كل واحد يروح لبيته دخلت نجود تناظرهم مجتمعين و وجلست تشاركهم بالموضوع لين انتهى لفت على زيد تنطق: اخبارك يازيد
زيد: الحمدلله
نجود: باقي ما طاح اللي براسك؟
عقد حواجبه يمثل عدم الفهم: وشهو
اخذت نفس تعدل جلستها : ولدي و بنتك يبون بعض وانت تعرف عاد لا تصعبها
زفر ينطق: ما انتهى ذا الموضوع
هزت راسها بالنفي نجود: ما بينتهي لين تبطل تحط راسك براس ورعان
ناظرها بغضب ينطق: عن الغلط
نجود: ما كذبت
لفت على الموجودين تنطق: ولا؟
ضحك بسخريه ينطق: ايه ما غلطتي لانها مب بنتك اللي كان يكلمها واحد ما عنده ذرة رجولة لانه ولدك الغلطان يهمك تضبطي الامور
نطقت بـ انفعال: لو كان ما يبيها ما خطبها زيد؟ ايه غلط والله ان ولدي غلطان ولا عرفت اربيه تمام و هاوشته و حلفت ما اكلمه وقت عرفت بالموضوع زعلت منه و حاولت اعاقبه يازيد
هدت نبرتها تكمل: بس انا أم قلبي ينحرق على عيالي لو شفت واحد منهم زعلان وصدقني لو ريام بنتي وسوت ذا الغلط بحن عليها و اعاملها احسن من معاملتك لها
مسح وجهه زيد بغضب ينطق: الموضوع مو هيّن مثل ما تشوفينه ولدك لو كان رجال يجي يخطبها مو يكلمها من ورا اهلها
نجود: زيد رواف ما خطبها؟ ما جيناك وخطبناها منك؟
زيد: خطبها بعد وش! حتى بعد م خطبها كان يكلمها ..

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

❤️📝 روايات وقصص مميزة 📝❤️

09 September 2025 10:36

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 236 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🪸

تقدمت اصايل تمسح وجهها و بالمنشفه ونطقت: كم الساعه
رويدا:عندك نص ساعه ترتاحي و النص الثاني تبدي تتجهزي
اصايل اخذت نفس تجلس ونطقت: مالي خلق ياليت اقدر اكنسل كل شي
رويدا: اسمعي يابنت لا تعكري مزاجي الحين اجهزي خليني افرح فيك
ميلت شفتها تلف عنها ونطقت حسناء: بنات احس بوجع ببطني
ريام: حسناء كل ما وجعها بطنها شكت انها بتولد
ضحكت حسناء تنطق: شسوي مره يخوف
لفت عليها ريم تنطق: حامل!
هزت راسها بنعم حسناء و نطقت ريم: ياقلبي الله يتمم لك على خير
حسناء: امين
-
فز حامد اول ما شاف دخول سلمان و تقدم منه بسرعه و ابتسم سلمان يصافحه و سحبه يضمه ينطق: مبروك ياخوي
ضحك حامد بفرح يبتعد عنه ونطق: الحمدلله على السلامه ليه ما علمتني انك جاي
سلمان: ما لحقت
لف على ابو سالم اللي تقدم يستند على عكازه و ابتسم سلمان يتقدم منه يقبّل رأسه وهو يسلم عليه و لف يسلم على بعض الحضور واخذ نفس يشوف أعمامه واقفين مع ابوه و تقدم يصافح زيد اللي يرحب فيه و حك جبينه يحتار مع حسين و سالم و مد يده يسلم على سالم و من ثم حسين و ابتعد عنهم يرجع يوقف جنب جده و حامد
و جلس حامد جنب زيد و على الجهة الثانيه ابو سالم و بـالوسط الشيخ اللي ختم عقد القرآن يعلن انها صارت زوجته
وقف حامد بفرح يحس بتسارع نبضه ورفع يده يمسح جبينه وهو يغمض عيونه يحس ان رجوله ما‌ عادت تحمله و تدارك وضعه يتقدم من جده يسلم عليه ونطق ابو سالم: مبروك الله يوفقكم
ابتسم يهز راسه و تقدم سلمان يصافحه ينطق: انتبه لبنت السيف
هز راسه ببسمه ما فارقت وجهه ولف من ناده ابو سالم و تنحنح يعدل وقفته يمشي مع ابو وجده

شبكت يدينها ببعض بتوتر تنطق: بيدخل؟
رويدا: ياربي اصايل خلاص صار زوجك اكيد بيدخل
اخذت نفس تجتمع دموعها بعيونها وهمست: خايفه
مشت رويدا تجلس جنبها و مسحت على ظهرها تنطق: خلاص مافي شي يخوف هذا هو تزوجك و اثبت انه يحبك خلاص اصلوتي لا تبكي و تخربي شكلك مره ثانيه
تنفست بعمق تحاول انها ما تبكي و مسكت يدها رويدا تنطق: قومي معي
وقفت معها يطلعون للغرفة اللي مُزينه عشان التصوير و بتطلع منها اصايل تنزف: اهدي يابنتي
اخذت نفس وهي واقفه ولفت لما انفتح الباب
ودخل حامد يرمش يشوفها لاول مره من لما كانت صغيره، يشوفها بصوره تتعب قلبه من شدة حبه لها
انقطعت انفاسه لثواني من لهفته لها ولف على زيد اللي مسك ذراعه يهمس: اثقل!
عدل وقفته يحاول انه يبقى ثابت قدامها
و ابتسمت بربكه اصايل ترفع عيونها على جدها اللي تقدم منها يحضنها ورفعت يدينها تحضنه
و ابتعد عنها ينطق: مبروك يابنتي الله يبارك لكم ويكتب لكم الخير و الفرح
ابتسمت له ورفعت عيونها بتوتر تشوف حامد جنب زيد اللي تقدم منها يسلم عليها و يبارك
و ابتعد عنها زيد و اخذت نفس تحس بالأختناق لما اقترب حامد بخطواته يوقف قدامها و غمضت عيونها تحبس انفاسها لما مسك يدينها يطبع قُبله على جبينها
و ابتعد عنها ينطق: مبروك
ما ردت عليه و سرعان ما تلاشت ابتسامة حامد لما نطق ابو سالم: نطلع
زفر ونطقت رويدا: حامد بتنزف الحين انتظر
ابتسم يوقف يعدل شماغه و انفتح الباب يطلع حامد و اصايل ماسك كفها تمشي معه بتوتر و ابتسمت لما وصلتها اصوات البنات و التصفير اللي تعرف انه من حسناء
وقف جنبها يبتسم و ناظرها منزله عيونها وهمس: اصايل
رفعت عيونها عليه و مسك يدها يشعر ببرودتها ونطق: فيك شي؟
هزت راسها بالنفي بتوتر و اخذ نفس يلبسها الدبلة ويدها ترجف و خرج بعد وقت يتركها تفرح
مرت ليلتهم بسلام و وقفت ريم تنطق بعد وقت: بروح انا
رويدا: بدري!
رفعت كتوفها: سلمان ينتظرني وترا ما ارتحت لما رجعت على طول جينا
زمت شفتها رويدا ومشت ريم تودع امها ثم لفت على رويدا تنطق: تعالي عندي بكرا تكفين
رويدا: ان شاءلله لو فضيت
مشت تطلع بعد ما ودعتهم و خرجت تشوف سلمان موقف ينتظرها و ركبت جنبه تسلم
ولف عليها ينطق: سهم بيلحقنا بعد شوي
ابتسمت تهز راسها و وصل قدام بيتهم ينزل و نزلت معه تدخل ونطق وهو يجلس على الكنبه : بروح عند أمي شوي تجلسي لوحدك لين يجي سهم؟
هزت راسها تنطق: ايه عادي
سكت لثواني يفكر ثم نطق: تمام
طلع من البيت و ابتسم براحه لما وقف سهم و نطق: جيت بوقتك
ابتسم سهم ينطق: وينها الريم
اشر على البيت سلمان: داخل
دخل سهم و مشى سلمان رايح لـ امه ..

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

❤️📝 روايات وقصص مميزة 📝❤️

09 September 2025 10:36

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 234 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🪸

فتحت الباب تركب جنبه ونطق سهم: ياهلا ياهلا بقلبي
ابتسمت تلف عليه ونطقت: حبيبي ياناس
ضحك و حرك يتوجه للبيت يسألها عن يومها اللي قضته عند اهلها لين وصل البيت ونزلت تدخل قبله لانه جاه اتصال و وقف يتكلم برا
دخلت البيت تتوجه لغرفتهم و عقدت حواجبها تشغل نور الغرفه و ابتسمت بأتساع لما شافت الهدايا على السرير و بوكيه الورد و ضحكت تتذكر يوم ميلادها اللي هي بنفسها كانت ناسيته
ولفت على دخوله خلفها ينطق: كل عام وانتي بحياتي
لفت عليه تتقدم بسرعه تحضنه و ضحك يحاوط خصرها لانها كانت تضحك و تصرخ بـ"أحبك"
بعدت عنه تناظر وجهه وهو ماسكها رافض تبعد عنه و مسكت وجهه تنطق: تدري محد تذكر غيرك؟
ابتسم بدون ما يرد كان مُراده يشوف ضحكتها مشرقه و يشوفها فرحانه فرحه حقيقة لانه فقدها بعد موت امها تغيرت و رفع يدينه من خصرها يمسك وجهها و ابتسمت تغمض عيونها لما قرب من وجهها : خليك كذا ما احلاك وانتي تضحكي
ضحكت تفتح عيونها وهمست: سهم
سهم:عيونه و قلبه ياروحه
عضت شفتها ترفع يدينها لوجهه تسحب خدوده بقوه تنطق: اموت في ذا الكلام ياناس
ضحك من حركاتها و مشت تبتعد عنه تجلس على السرير ونطقت: اوف احس ببكي
ضحك لانه سرعان ما لمعت عيونها ونطقت: مره لطيف
مشى يجلس جنبها ونطق: اجل دامك فرحتي فرحيني
عقدت حواجبها تلف عليه جالس قريب ونطقت: بس قول وش يفرحك وانا اجيبه
ابتسم يرفع حواجبه و ابعد شعرها خلف اذنها وهمس بأذنها: جيبي عمر
عضت شفتها بخجل يتلون وجهها وضحك يحب يشوفها بذا المنظر
نطقت: سهم خلني اشوف اللي جبت اول
ناظرها يرفع حاجبه ونطق: لاحقين تشوفينهم بعدين
ضحكت تبعده ونطقت: بس بشوف ياخي متحمسه
ابتسم يبتعد عنها و لفت تناظر بسمته و رفعت حواجبها كأنها تسأله وهز راسه بالنفي ينطق: لا بس احبك
ضحكت تعض شفتها ولفت عنه تفتح الهدايا
-
اليوم الملكه وهم توهم واصلين
جلست تبدأ تزين وجهها و ناظرت انعكاسه من المرايه يلبس ثوبه ونطقت: كم باقي وقت
رفع جواله من على السرير يشوف الوقت ونطق: نص ساعه و متأخرين
فزت تكمل اخر لمسات باقيه لها و ناظرته تنطق:باقي بس البس
هز راسه و مشت بسرعه تدخل غرفة الملابس و اخذ جواله وهو يقفل ازارير ثوبه يقرأ كلام حامد و ابتسم بخفوت لان محد يدري انه جا
لف يناظرها تطلع و ناظر الفستان الاسود مثل لون شعرها ورفع عيونه يناظر عيونها عض شفته ينطق: الاسود عليك عذابي
ضحكت تمشي تاخذ كبكاته و تقدمت منه تاخذ كف يده ونطقت: بعد ما كنت انا المتأخره الحين بتأخرنا انت
ابتسم يرفع حواجبه و رجعت شعرها خلف ظهرها وهي منزله راسها منشغله و ابتسم بخفوت تبان له اكتافها وابتسمت تعدل وقفتها تنطق: بعدل شعري و اجي
هز راسه و مشت للمرايه و بعد وقت لفت عليه جالس على طرف السرير منشغل على جواله ونطقت: سلمان حلو كذا والا اغير
عضت شفته يناظرها وابتسم من تغير شكلها و شعرها اللي صار اقصر من قبل و قاصه غره تناسب وجهها و محليتها و هز راسه بذهول ينطق: عذااب
اكمل وهو يأشر على عقله بالجنون: العاقل بعد شوفتك يصير مجنون
ضحكت و مشت تشعل الفحم و ناولته المبخره تنطق: امسك لحظه
انحنت تلبس كعبها و و وقفت جنبه تمسك المبخره و رفع طرف شماغه يمضها معه و ابتسمت تحط المبخره بعد ما خلصت
ونطق: البسي عبايتك و يلا قبل انجن
ضحكت ومشت تلبس عبايتها و طلعت بعده تركب السياره ونطقت: انت تعرف المكان؟
هز راسه ينطق: مشعل ما قصر
سكتت تناظر الطريق بتوتر ونطقت: اهلي بيكونو موجودين
لف يناظرها شابكه كفوفها ببعض يلمح توترها و مد يده يحطها على يدينها يطمنها ونطق وعينه على الطريق: انسي كل شي اليوم ابوك للحين ما رجع ولا يقدر احد يأذيك
هزت راسها بصمت لين وصل و نزل تنزل معه واشر لها ينطق: من هنا الحريم اظن
مشت تدخل بتوتر تشوف لوحة تضم اسم

« أصايل بنت سيف - حامد بن زيد »
ابتسمت بخفوت ومشت تدخل تستقبلها ريحة البخور و العود و الورد اللي يزين المكان و اخذت نفس بربكه تشوف رويدا اللي تستقبل مع منيره ومزنه و تقدمت تفصخ نقابها و طرحتها تعدل شعرها عند المرايا الضخمه اللي بالمدخل و تقدمت تمشي لهم و رمشت رويدا تتعرف على ملامحها مباشره لكن اخذت دقايق تحاول تتأكد من اللي تشوفه
و ابتسمت ريم تتقدم تصافح منيره تنطق: مبروك
لفت على رويدا اللي فتحت فمها بصدمه تصرخ: رييم!!

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

❤️📝 روايات وقصص مميزة 📝❤️

10 September 2025 13:33

💐
أعزاءنا المتابعين 🍃🌸

نتمنى لكم دائما قضاء أمتع الأوقات برفقتنا 😍
هذا فهرس بأسماء الروايات والقصص التي تم تنزيلها في القناة لسهولة البحث فقط
اضغطوا على الاسم 👇🏻..

تابعونا دائما لسنا الوحيدين ولكننا الأفضل 👍 ..

❤️📝 روايات وقصص مميزة 📝❤️

10 September 2025 09:45

8⃣2⃣
ـ🌼🍃🌺🍃🌸🍃🌺🍃🌸
ـ🍃🌸🍃🌺🍃🌸
ـ🌺🍃🌸
ـ🍃 #روابط_الرواية_الثاني_و_الثمانون
لروايات وقصص القناة 💫

روايــ📔ــة / الهوى لا داعب الغصن حن ومال 
🌼 الـــكـاتـبـــة / زينب...

1. البارت رقم 1
/channel/storykaligi/80028

2. البارت رقم 16
/channel/storykaligi/80065

3. البارت رقم 31
/channel/storykaligi/80095

4. البارت رقم 46
/channel/storykaligi/80125

5. البارت رقم 61
/channel/storykaligi/80157

6. البارت رقم 76
/channel/storykaligi/80191

7. البارت رقم 91
/channel/storykaligi/80220

8. البارت رقم 106
/channel/storykaligi/80247

9. البارت رقم 121
/channel/storykaligi/80276

10. البارت رقم 136
/channel/storykaligi/80306

11. البارت رقم 151
/channel/storykaligi/80335

12. البارت رقم 166
/channel/storykaligi/80364

13. البارت رقم 181
/channel/storykaligi/80401

14. البارت رقم 196
/channel/storykaligi/80427

15. البارت رقم 211
/channel/storykaligi/80455

16. البارت رقم 226
/channel/storykaligi/80487

17. البارتات الأخيرة
/channel/storykaligi/80518

🌼
🍃 @storykaligi 💫
🌺🍃🌸
🍃🌸🍃🌺🍃🌸
🌼🍃🌺🍃🌸🍃🌺🍃🌸

❤️📝 روايات وقصص مميزة 📝❤️

10 September 2025 09:23

لمشتركينا الجدد
أضغطوا الصورة 👆
للبدء بأول بارتات الرواية

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 -🔚- 256 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🔮🍃

#البارت
الاخـــــيــــــر 🍃🔮
مشت كل وحده من البنات تاخذ شنطتها ونطقت ريم: مها تعالي احملي شنطة ابوك تقدم سلمان ياخذ منهم الشناط ينطق: لا بناتي ما يحملون شي تعالو
رفعت حواجبها ريم تناظره وناظرها ينطق: وانتي من بناتي
ضحكت ولف يناظر حوله يشوف بناتهم مو في و تقدم منها بسرعه يحضنها يهمس: غزالتي و بنتي و حبيبتي انتي
ابتعد عنها ينحني ياخذ شنطهم ونطق: يلا البنات طلعو شكلهم
ركب السياره يتأكد من ان كلهم متواجدين وحرك ينطق: بنلقاهم يتعشون الحين
مر وقت وهو يسوق لين بدأ يبتعد عن المدينه والانوار وفتحت ريم الشباك تناظر وشافت السماء اللي تزينها النجوم وابتسمت بخفوت تتذكر ذكرى قديمه لها مع النجوم يزينها غزل سلمان و تشبيه شاماتها بالنجوم
وقف عند المزرعه يدخل سيارته من البوابه و وقف بزاويه ينزل ونزلو البنات يسبقونهم ولف سلمان يشوف اغلب اهله برا البيت ولعب الاطفال بالمكان والكشافات الصفراء اللي تعطي جو حنون يحمد الله على تواجد اسم عائلة بحياته ولف يشوف ريم واقفه جنبه تناظر مكان المضمار والخيول ونطقت: تتذكر ليل وهيام؟
لف عليها يحاوط كتوفها يتوجه لهم ينطق: هو اقدر انساهم؟
مشى معها يوقفون قريب من الخيول ينطق: تتذكرين اول مره نبدا نتعرف على بعض وين
ضحكت تتذكر: بنفس ذا المكان كنت تسألني عن سبب هروبي وقتها عرفت انك محامي وبدينا نعرف بعض
ميلت راسها على كتفه تنطق: الحمدلله اني هربت الحمدلله انك كنت بحياتي
ابتسم يناظر قدامه ينطق: ياحظي بصدفه جابتك لي
-
قبل اعوام بنفس هذي الوقفه كانت القلوب يسكنها الصد والكره وبعد سنين يعمرها الحب والغرام يشيبون على الحب ويرجعون شباب بسببه كل يوم تتجدد ارواحهم وتنتعش قلوبهم بفضل بعض
مهما كانت الظروف قاسيه معهم مردها تلين ومرد الوجع يبرى ويجي بعده العوض اللي ينسي بكل الجروح
-
في قصة تجمع الهوى و الغصن و الفهد والغزاله حب يعيش لا يموت ومحال ان يموت الحب لان الحب اقوى من القلوب و الهوى ان ما داعب القلب يعذبه وفي حكايه الحب اما ان تُهز وتصبح عاشق او عليك لعنة الحب، في الهوى تعيش جحيم بنعيم ومُر بطعم السُكر، الهوى عذب والعشق عذاب، ولا اصعب واحلى من ان تكون عاشق في درب الهوى، ولا اجمل وابشع من معاناة المحب، ولا اقسى واحن من الم الحنين يقسى عليك بوجعه لكنه حنون جدا بتذكيره لمحبوبك، الحب اجمل وابشع شعور، و الهوى احن واشح شعور، والعشق اعذب واحر شعور، وان ما كان الحب راضي عليك فعزتي لك
-
وفي النهاية وبعد طول الختام احبكم كما احب الصياد غزالته
تم بحمد الله خِتام اعذب حكايه « الهَوى لا دَاعـب الغصْن حنّ ومـال »
09/09/2024
دمتم بحب

" تمـت
#النهااااااايه......

🌺  رواية  💫✨
#الهوى_لا_داعب_الغصن_حن_و_مال💐 ..
للكاتبة المتألقة /  زينب 🍃

🚫  يسعدنا مشاركة الرواية ولكن لا نبيح ولانسمح بحذف توقيع القناة 🚫

كل الحب لكم اعزاءنا ومشكورين على المرور الدائم والمتابعة والمشاركة معنا

محبتي للجميع 💐 

#وانتظرونا_قريبا...

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:23

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 254 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

بعد خمسة عشر سنة في كل سنة يزداد الحب، يزداد الامان، تزداد الطمأنينة، وينمو العشق و تنمو ثمرات حبهم قدام عيونهم فبيت صاحب الغزالات المحظوظ اللي ياما كان الحظ بعيد عن دربه قبل تدخل حياته قبل تصير ام بيته، قبل تستوطن قلبه، وتسكن بروحه، وتزرع منها بين ضلوعه، وتصير جزء منه لا جزء من حياته هي حياته بالكامل، شاف في حياته كل شي الا حياته لكن من وقع بأكبر مشكله في حياته تغيرت اكبر مشكله لـ اكبر حظ و اعظم مجاديف الهوى ولا توقع انه بيوم تتحول مصيبة زواجه منها إلى احلى قصة و اعذب حُب، الحب اللي جاء على غفله و في وسط الصد كان الاحتياج يجعلهم اقرب من حبال المعاليق، و في وسط القسوه يخليهم أحن من عرق النسب والقرابه، ربما ما قبل ما تهرب كانت فكرة انه يتزوجها ابعد من المستحيل ما يجمعهم لا ديره ولا قبيله ولا معرفه ولا قلوب ولا شعور وبعيده عنه لحد انه ما يعرفها لكن بلحظه صارت اقرب له من انفاسه .

تمسح بيدها على شعره و راسه على صدرها يحتضن خصرها نايم بعمق من شدة تعبه، لفت ريم على صوت الباب ونطقت تحاول ان صوتها يكون منخفض: ادخلي
دخلت فايزه بعد ثواني تهمس: بابا نايم؟
هزت راسها بنعم ريم و تقدمت فايزه منها تنطق بهمس: اتصلت عمتي رويدا قبل شوي تقول ان الكل وصل المزرعه باقي بس احنا وتسأل متى نجي
بللت شفتها ريم تنطق: ابوك تعبان امس سهر عنده شغل اول ما يصحى بنروح
هزت راسها فايزه تنحني تقبّل خد سلمان ونطقت: بنجهز الاغراض على ما يصحى
هزت راسها ريم و خرجت فايزه تلقى مها قدامها ونطقت مها: وين ماما متى نروح الكل سبقنا
فايزه: بابا نايم وماما معه تقول تعبان اذا صحى نروح
مها: ماما وش تسوي؟ ابي اسألها اذا جدتي بتجي
مسكت يدها فايزه قبل تروح تنطق: تعالي لا تدخلي الحين ينزعج بابا ويصحى ماما ما تقدر تقوم
عقدت حواجبها بأستغراب تنطق: ليه
رفعت كتوفها فايزه: نايم بحضنها
عضت شفتها مها تضحك تنطق: ليه دخلتي عندهم
ضحكت تمشي معها: ما عرفت اطلع او اتكلم بس دخلت
ابتسمت مها تنطق: احس بابا ما يسترخي الا معها
هزت راسها فايزه تأكد لها: تتذكري لما مرضت جدتي وكانت ماما تنام عندها
هزت راسها مها تسمعها واكملت
فايزه تضحك: قالت لي ماما كل يوم يتصل عليها عشان ينام على صوتها
ضحكت مها بشده تمسك راسها ونطقت: آه بابا مع ماما يتحول مراهق ولهان
-
قبل ساعات فـ بيت بتار
مشت حسناء تدخل غرفة تميم تشوفه جالس يلعب سوني ونطقت: تميم تبي تروح معنا
رد وهو يلعب بدون ما يلف عليها:وين رايحين
زفرت حسناء تنطق:ممكن تناظر احد اذا كلمك
لف عليها يضحك ينطق:امري يمه
حسناء:رايحين المزعه وابوك معنا تبي تقعد هنا والا تروح معنا
رفع كتوفه ينطق:مدري الكل اصغر مني هناك بتصل على خويي يجيني هنا دامكم بتروحون
حسناء:اصغر منك بسنة سنتين تميم وفي رجال اقعد معهم
ميل راسه لثواني يفكر ثم نطق: طيب بشوف
هزت راسها تطلع تشوف بناتها مجتمعين بالصاله "رند، جود، سُميه، رنيم "
جلست تنطق:جهزتو كل اغراضكم
رفعت سُميه و رند يدينهم ينطقون مع بعض:انا خلصت
لفت على رنيم و جود تنطق:وانتم
جود: انا باقي لي اخذ ملابسي بس
هزت راسها حسناء:ما شاءالله وش اخذتي وانتي باقي لك ملابسك
جود:اخذت شاحني اهم شي
ضحكت تناظرهم تحك راسها:وبس بقوم اخذ الباقي
ضحكت حسناء بذهول تلف على رنيم تنطق:وانتي انسه رنيم
لفت عليها رنيم تعلك لبانه تنطق: انا صحيت من الفجر ما جلست تعرفين واكثر شخص كرفتوه اليوم انا عشان كذا ما فضيت اجهز اغراضي
حطت حسناء يدها تحت ذقنها تنطق:علمينا وش سويتي
ميلت راسها رنيم تعد على اصابعها:نظفت غرفتي و رتبت شنطة ملابس زياد اخوي
نطقت تفز:ايه و تخيلو غيرت لزياد حفوضته ماما صح
هزت راسها حسناء تنطق:ما شاءلله كملي وش بعد
رفعت كتوفها تنطق:وبس
زفرت حسناء تنطق:رنيم انتي وجود في وش يروح وقتكم؟ يلا بسرعه لا يجي ابوكم الحين يستعجلكم وانتم مو مسوين شي ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:23

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 252 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

فـ بيت عامر بالحب تمشي بأستغراب تفتح الغرف تنادي اسم صغيرها تدور عليه
اخذت نفس رويدا بخوف تنطق: عمر حبيبي وينك
مشت تدخل غرفتها تشوف سهم منسدح يناظر جواله يمثل عدم الانتباه ونطقت: سهم ما شفت عمر رحت اجيب ملابسه ولا لقيته بالغرفه
عقد حواجبه يمثل الاستغراب ينطق: كيف ما لقيتيه وين بيروح
زفرت تمشي تدخل الصاله تنادي: عمر ياماما تعال البسك
مشى سهم يلحقها يناظر و ابتسم يناظر الستاره عند النافذه يعرف انه متخبي خلفها و نطق: ليه ما انتبهتي له وين بيكون الولد الحين
مشت تتجاهله تدور و لفت عليه بعد ثواني تجتمع دموعها تنطق: سهم وين بيكون دورت بالبيت كله
عض شفته ما يعرف اذا يعلمها او يكمل بمسرحيته و
واخذت نفس بخوف تنحني على الارض تناظر تحت الكنبه وضحك ينطق: يعني بتلاقينه هنا؟
لفت عليه توقف بعد ما شافت ضحكته تنطق بشك: انت تعرف وينه؟
رفع كتوفه يبتسم و تقدمت منه تنطق: سهم!
ضحك مباشره لما وصلهم صوت ضحكة عمر اللي طلعت منه غصبا عنه و زفرت رويدا براحه لما سمعت صوته تنطق: عمر وينك
لفت عليه من طلع يحبي من وراء الستاره يصرخ بصوته الطفولي و ضحكت تنحني على الارض تحمله و تضمه بقوه
زفرت تناظره تنطق بغضب: ليه تتخبى الحين بتأخر بسببك
اخذه سهم منها ينطق: بطلي حب يلعب معك ليه كل ذا الخوف
زفرت تمشي تاخذ ملابسه من على الكنبه ترميها على سهم تنطق: وانت تعرف وين كان و تضحك ودامي تأخرت بسببكم يلا لبسه
اخذ الملابس يناظر عمر اللي كشر يمد يدينه عشان رويدا تحمله يناديها بتكرار ويحاول يتملص من سهم
و مسكه سهم ينطق: ورع خلني البسك وروح لها
هز راسه بالنفي يتحرك بعشوائيا ينطق: ماما ابي ماما
ضحكت رويدا تلف عليه تعض شفتها ونطقت: وانا ابيك ياحبيب ماما بس مستعجله
رفع حاجبه سهم يناظرها و مشت بسرعه تغير ملابسها و تتجهز و طلعت تتوسع عيونها وهي تشوف عمر لابس بس الحفاضه و بلوزته الصغيره بيده يحاول هو يلبسها لـ سهم رغم انها ما تقدر تدخل راس سهم الا انه يحاول وذا الشي خلا سهم يجلس على الارض يحط يده تحت خده بيأس
اقتربت منهم تنطق: سهم! قلت لك تلبسه
مسك سهم يدين عمر يسدحه بحضنه ينطق: هذا النتفه تقدري تسوين له شي ما يبيه؟ لي ساعه احاول البسه واخر شي صار هو بيلبسني
زفرت تنحني تجلس جنبه تاخذ ملابس عمر تلبسه تحت مقاومته و سهم ماسك يدينه بعد ما خلصت تنطق:خلصنا
ناظرها عمر بغضب يحبي على الارض يبعد عنهم مسافه يكتف يدينه وهو جالس و تنقلب شفت السفليه دليل على انه بيبكي و وقفت رويدا بسرعه تحمله تضمه: خلاص حبيبي خلصنا يلا نروح لا تبكي
ناظره سهم ينطق: ولد استرجل وشو ذا الدموع عشان لبسناك
اشرت له رويدا بأنه يسكت عشان ما يزيد بكاء عمر وزفر يوقف يلبس ثوبه ورجع بعد دقايق ينطق: يلا
مدت له عمر اللي سكت و لبست عبايتها تطلع بعده وركبت جنبه متوجه لبيت اهلها
و وقف عندهم بعد دقايق يلف عليها يشوف عمر اللي نام بحضنها ونطقت: لو اصحيه الحين بيقعد كل اليوم منفس
سهم: لا تصحيه دخليه اي غرفه فيها هدوء و خليه لين يكمل نومه
نزلت تحمله نايم ودخلت بالبيت تحطه بغرفتها القديمه و طلعت تتوجه للمجلس تشوف ابوها و اخوانها و ابتسمت تسلم عليهم وجلست جنب ابوها اللي نطق: وينه ولدي
رويدا: نام بالطريق وحطيته بغرفتي يكمل نومته
هز راسه ابو سالم ورفعت جوالها تشوف رساله من اصايل محتواها "احنا بمجلس الحريم ننتظرك"
وقفت تنطق: بروح عند البنات
مشت تدخل عليهم وضحكت مباشره تنطق: لقاء الحوامل هنا وانا ما ادري
ضحكت دانه ترفع يدها على بطنها تنطق: كنت عند بيت عمي زيد مريت اسلم عليكم
هزت راسها تجلس تنطق: باقي لك كم دانه
دانه: انا باقي لي شهرين
لفت على اصايل تكمل: وانتي اصايل
اخذت نفس اصايل تنطق: قالت الدكتوره تقريباً تسع ايام
رويدا: تمشي كثير وتتسهل الامور
لفت علي ريام تضحك تكمل: لك بس اربع شهور متزوجه كم لك حامل
ضحكت ريام ترفع يدها على بطنها الصغيره تنطق: عندي بس ثلاث شهور
ابتسمت رويدا تنطق: يارب نشوفكم امهات على خير
لفت دانه على رسالة هزاع بأنه ينتظرها قدام و وقفت تلبس عبايتها تنطق: انا بروح بنات مره ثانيه نلتقي
وقفت رويدا تودعها و ودعوها البنات ومشت تطلع تركب مع هزاع تنطق: الحمدلله جيت بسرعه
لف عليها ينطق بخوف: يوجعك شي؟
هزت راسها تتنفس: ما ادري احس اني تعبانه
مد يده يمسك يدها وحرك ينطق: بسم الله عليك الحين نوصل وترتاحي ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:22

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 250 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

ابتسمت ترجع بظهرها للوراء حاضنه بنتها تحطها على صدرها وهي تناظرها
لف سهم على رويدا اللي كانت مبتسمه تناظرهم وهمس يحاوط كتفها: عقبالنا
عضت شفتها تشاركه الهمس: امين
لفت عليه تأشر له بأنهم يطلعون و مشى معها بعد ما نطق: يمه يلا اذا بتجيبي لها شي
مشى مع رويدا يطلعون من الغرفه لصالة الجناح اللي كانت فيه ريم و ضحكت رويدا من الاتصالات اللي كانت بشكل متواصل على جوالها اللي حطته صامت
ونطقت: الكل يسأل اذا ولدت
سهم: علميهم
هزت راسها تنطق: قلت لهم بالقروب قبل شوي و ارسلت لسالم عشان يعلم ابوي
هز راسه سهم ينطق: بجيب لنا قهوة واجي
طلع و ابتسم يشوف فارس اللي جاء يركض ينطق: ريم وينها ولدت؟
هز راسه سهم يأشر له: ايه وجابت بنتين يسرقون القلب
التفتت ريم لامها اللي طلعت مع فارس بعد ما سلم عليها و مدت يدها تمسك يد سلمان اللي كان جالس جنبها حاضن وحده من بناتهم ونطقت: اي وحده اكبر
ابتسم يأشر على اللي بحضنه: فوز قلبي الكبيره و الغزاله الصغيره
ابتسمت تنطق: كيف فرقت
اشر على اللي بحضنها يحط اصبعه جنب اذنها: ما سميتها غزاله عبث
ضحكت ريم تلاحظ الشامه اللي فيها و اخذ نفس سلمان براحه يرفع فوز يقبّلها يشم ريحتها اللي تزرع ربيع بصدره وعمره وضمها بشعور غريب وده لو يخبيها بين ضلوعه من شدة صغرها يخاف يضمها بقوه وتتأذى
ضحك لما سمع اصوات برا يعرفهم اصوات اهله و وقف ينطق: بطلعهم
هزت راسها ريم و تقدم يحمل مها، بذراع حامل فايزه و بذراع مها يمشي بحذر و تركيز بمشيته يخاف ياذي وحده منهم و ابتسم يرفع راسه لما طلع من الغرفه و انتشر صوت صراخ الكل يفرحون بشوفته حامل بنات و و تقدمت حسناء اللي تصرخ بـ: صرت عمه صرت عمه
ولدها يبكي وهي حاملته و قفل اذونه مشعل ينطق بصراخ: اسكتي او سكّتي ولدك
ضحك سلمان من ضجتهم اللي كانت نتيجة فرحهم و اقترب من ابو سالم ينطق بصوت مرتجف من فرحه: يبه بناتي جو
ابتسم ابو سالم ياخذ وحده منه يبتسم بفرح يرفعها بحضنه يقبل جبينها ونطقت رويدا: يبه ذي سمية امي
ابتسم ابو سالم ينطق: سمية الغاليه غاليه حبها قلبي قبل اعرف اسمها
ضحك سلمان وتقدم مشعل ياخذ مها من حضن سلمان: هات اشوف اذا جت تشبهني
تقدمت حسناء تحط ولدها على الكرسي تنطق: بسم الله عليها بتتعقد اذا جت تشبهك
مشعل: توكلي بس من كثر ما تتنمرين علي جا ولدك يشبهني
ضحكت تاخذ مها منه ولف سلمان على دخول امه اللي جت بأستعجال، تقدم منها يحضنها و ابتسمت عفاف تنطق: مبروك ياروح امك
ابتعد عنها يهز راسه يحاوط كتوفها يمشي معها ينطق: تعالي شوفي حفيداتك
ابتسمت عفاف بتوتر من تجمعهم تدور بعيونها على سالم تتمنى يكون بينهم مو حباً فيه انما تتمنى انه يجي على الاقل يشوف احفاده و يبارك لولده
ابتسمت من مشى سلمان ياخذ مها من مشعل يتقدم منها ينطق: هذي غزالتي
ابتسمت عفاف تلمع عيونها ونطقت: امي انا بسم الله عليها
مشى من اشر له ابو سالم ياخذ لها فايزه عشان تشوفها وضحك سلمان لما جا بيحملها على صوت ابو سالم ينبه: بشويش صغيره
رفعها بين يدينه يتوجه لعفاف اللي جالست و بحضنها مها و عدلتها تخلي مكان بحضنها لـ فايزه لما تقدم سلمان يحطها بحضنها يكمل: وهذي امي انا و فوز قلبي ..

لف سلمان يبتسم لما دخل حامد و اصايل وسرعان ما تحولت بسمته لصدمه يشوف سالم اللي دخل معهم
ولف على امه ينطق: يمه اذا تبي تشوفي ريم داخل هي
ابتسمت تهز راسها بنعم و اخذ منها البنات توقف تدخل ولف سلمان على حسناء يأشر لها تدخل مع امه على ريم و مشت حسناء تترك تميم تنطق: لا تخلو تميم يطلع
انحنى مشعل يحمل تميم على ذراعه عشان ما يطيح من الكرسي وهو يحاول يحبي
ضحكت اصايل بفرح تتقدم من سلمان تنطق: ياربي مو مصدقه مبروك سلمان
وتقدم حامد ينطق: مبروك سلمان يتربون بعزك
وكذلك سالم نطق: يتربون بعزك
ابتسم يهز راسه و اخذ حامد منه مَها ينطق: بسم الله عليها مو كأنها اصغر من الطبيعي
ضحك ينطق: خلاص كافي تركزون في بناتي
تقدمت اصايل تاخذ فايزه تضحك تنطق: هذي وش اسمها
سلمان: فايزه
ابتسمت تقبّل خدها الصغير تنطق: قلبي سمية جدتي تعالي شوفي جدك
مشت تاخذها تحطها بحضن سالم اللي جلس جنب ابوه و ابتسم سالم لا شعوريا يهمس: بسم الله عليها
اخذت نفس رويدا بتعب ترجع بظهرها للوراء ولف عليها ابو سالم يلاحظ ان حالها يتقلب بثواني، حط يده على ركبتها ينطق: فيك شي يبه؟
هزت راسها بالنفي تفصخ نقابها: لا يبه
ناظرها ابو سالم لثواني ينطق: منتي مرتاحه ارجعي للبيت ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:22

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 248 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

ليلة الخميس زواج
«حامد بن زيد و اصايل بنت سيف»
تجمعهم الفرحه يشوفونها تمشي معه مبتسم يمسك يدها و الانوار مُسلطه عليهم تثبت انهم محور الليلة
مشت رويدا تضحك تتوجه لهم تمسك يد اصايل الثانيه تراقصها على صوت الزفه و ضحكت اصايل بـ هدوء تستجيب لها و توقفت رويدا بعد ثواني تلف على حامد تنطق: حامد ياويلك لو تجيني بنتي زعلانه بيوم
ابتسم يأشر على عيونه ينطق: بنت سيف هنا
عضت شفتها اصايل تناظرهم ولفت على رويدا تحضنها و اجتمعت دموع رويدا بعيونها مباشره لانها تشوف اصايل اختها قبل تكون بنت اخوها و ابتعدت عنها اصايل تضحك لما لمحت دموعها
ابتسمت ريم تناظرهم من بعيد و عقدت حواجبها تنزل عيونها على جوالها من وصلتها رساله كان مرسلها فارس بقروب فيه بس هي و هو و سهم و كان محتوى الرساله " وصلني خبر عن ابوي "
فزت بسرعه توقف و تمشي لمكان خالي من الضجه تتصل عليه و عضت اظافرها بتوتر لما ما رد عليها ورجعت تتصل مرتين وثلاثه لكن ما يرد
اتصلت على سهم ورد بعد ثواني ينطق: هلا
ريم: شوف وش ارسل فارس
قفل منها وراح يشوف اللي تقصد و ورفع حاجبينه بذهول لان فارس كان معه هنا قبل يرجع ياخذ امه و مشاعل راجعين ولا ذكر له شي عن ذا الموضوع
واتصل على ريم ينطق: وش وصله عنه
ريم: مدري سهم اتصلت عليه كثير بس ما يرد
بلعت ريقها بخوف تنطق: سهم لا يكون ابوي رجع
سهم: ما اظن مستحيل يرجع لانه خايف، وفارس يمكن الحين بالطريق راجع للديره ولا بيناظر جواله
عضت شفتها بتوتر تنطق: سهم تكفى
سهم: ريم اهدي قلت لك ما بيجي ومن بكرا بروح اشوف فارس و اعرف كل شي طيب؟
قفلت تمسح وجهها بتوتر و ارسلت لسلمان: بتطول؟ ابي ارجع للبيت
وصلها رده بعد وقت برسائل متفاوته : فيك شي؟ تعبانه؟ نرجع للبيت اذا ودك
ردت عليه بـ: ابي نرجع سلمان
سلمان: تمام اطلعي انتظرك
زفرت تمشي تلبس عبايتها و يدينها ترجف من مجرد فكرة ان ابوها رجع تنعاد امامها كل معاناتها من بداية حملها الاول لين سقطت و هي حاليًا بتكمل ثلاث شهور ولا ودها يصير شي للي ببطنها
تقدمت منها رويدا بأستغراب تنطق: بتروحي ريم؟ تو بدري
ابتسمت تحاول تكون طبيعيه: تعبانه رويدا سلمي لي على اصايل سلمان ينتظرني برا
زمت شفتها رويدا تودعها و طلعت ريم تلمحه ينتظرها و ركبت جنبه تسمعه ينطق: عسى خير غزالتي وش فيك؟
لفت عليه بدون كلام ترفع ذراعينها تحضنه و عقد حواجبه يرفع يدينه يحاوطها يستغرب حركتها ونطق: ريمي فيك شي
همست بـ: خايفه سلمان
مسح على ظهرها ينطق: ما تخافي وانا معك
ابتعد عنها يمسك يدينها ونطق: وش فيك؟ وش مخوفك
بلعت ريقها تنطق: خايفه يكون ابوي رجع
عقد حواجبه و رمش لما رن جوالها تفز بخوف اول ما شافت رقم فارس و اجتمعت دموعها تنطق: سلمان
عقد حواجبه ياخذ الجوال من يدها يرد هو على فارس ونطق: اهلين فارس وش في ؟
فارس: ريم كانت تتصل
لف سلمان يناظر ريم اللي تناظره بصمت تشبك كفوفها بتوتر ونطق يحاول يعرف وش فيها : في شي يخص ابوك صاير؟
فارس: ايه واحد من اصحابه قال انه كلمه وقال له انه بيستقر بعيد ولا عاد بيرجع هنا بس ذا اللي قال ولا قال له هو وين بالضبط
نطق سلمان قبل يقفل و يلف عليها: تمام
لف عليها ينطق: شفتي ما بيجي
زفرت ترفع يدها على قلبها تنطق: خايفه ابي حملي يتم على خير مابي يصير شي يخليني افقده
تقدم يمسك يدينها يطمنها ينطق: انا معك ما بيصير لكم شي،ولو الله كاتب لنا الخير و يتم الحمل بيتم بدون مشاكل بس انتي اهدي لا تتوتري و تتعبي نفسك طيب
اخذ نفس تحاول تهدأ: ما بيرجع ابدا؟
هز راسه بالنفي يشد على يدينها: ما بيرجع ولو رجع انا بنفسي بتخلص منه انتي ارتاحي لا تخافي
عضت شفايفها و مسك وجهها بكفوفه يقبّل جبينها و ارتخت مباشره تحس بالراحه و الامان اللي يحاوطها لما تكون جنبه
حرك يتوجه للبيت يفتح معها عدة مواضيع عشان ينسيها موضوع ابوها و نزلت تدخل قبله تفصخ عبايتها و نقابها و وقفت قدام المرايه بغرفتها تناظر بطنها اللي بدأ يظهر و ابتسمت بحنيه ترفع يدها على بطنها تتلمسه تنطق: محد بيأذيك ياماما، بابا معنا محد بيجينا لا تخاف
لفت من انفتح باب الغرفة يدخل سلمان و ابتسم بأنشراح يشوف شكلها لانه استعجل لما طلعو ولا اخذ راحته بتأملها
رمى شماغه على السرير يتقدم منها ولا لفت بجسمها ريم تناظر المرايه و وقف خلفها مسح على بطنها و نطق: كم باقي
نطقت بهدوء تفهم مقصده: خمس شهور
عقد حواجبه بأنزعاج : كثيره ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:22

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 246 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

مشى يشوفها واقفه تضحك ولفت عليه بجسمها تبتسم تشوف بسمته العريضه وضحك ينطق: والله؟
هزت راسها بنعم و ضحك يمسك راسه بعدم تصديق من فرحته يحمد الله عدة مرات وانحنى بجسمه يسجد شاكر لربه و ميلت راسها تناظره تجتمع دموعها بعيونها من فرحتها و اعتدل بوقفته يضحك بسعاده وتقدم منها يحضنها و بكت ريم بفرح من حضنها هم روحين و بتجي روح تجمع من ارواحهم قطعه منه منها فرح على هيئة طفله
ابتعد عنها يضم وجهها بين كفوفه يشوف دموعها اللي نزلت وهي مبتسمه و اقترب منها يقبّل كل عين ثم ميل راسه ينطق: بتجينا غزاله؟
ضحكت من بين دموعها تهز راسها بنعم وغمّض عيونه يحس ان بداخله مشاعر تتجدد من جديد بمجرد تفكير ان جزء منه بداخلها تحمله وبيعيش معها تسع شهور وياخذها منها اغلبها و بيتسمى "ولد سلمان و امه ريم"
-
صحت و اعتدلت بجلستها جسمها مكسر من الكرسي ناظرت للسرير شافته نايم ومرتاح وقفت بسرعه تسمع صوت الاذان وهزت كتفه تنطق: حامد حامد
فتح عيونه يناظرها عاقد حواجبه و اكملت: حامد قم
وقفت بعد ما تأكدت انه صحى و طلعت من غرفتها تمشي لغرفة جدها تتأكد انه طلع للمسجد و دامه طلع ما يروح بدون سالم مشت ترجع لغرفتها بسرعه تشوفه يحمل شماغه يحطه على كتفه بيطلع رغم نعاسه وابتسم بخفوت ينطق: اطلق نومه الله لا يحرمني
ابتسمت تتقدم منه : يلا باي بتفوتك الصلاة
ابتعد عنها بعد ما قبّل خدها و طلع يتوجه لبيته يستعد عشان يروح للمسجد وبعد ما رجع منه نام لين صحى على الفطور ينزل يجلس معهم ونطق زيد: انت ما نمت امس هنا؟
سكت لثواني يفكر وش يقول و نطق: اي واحد من خويي كان عازمني و تأخرت عنده و
حك راسه بوهقه يكمل: ورجعت الفجر
رفع حاجبه زيد: خويك تقعد عنده للفجر؟
حامد: وش فيها يبه من زمان ما شفته بعدين عادي يبه لو ما نمت بالبيت مب ورع انا
زفر زيد بعدم اعجاب ونطقت منيره: نجود كلمتك متى بيوصلون؟
عقدت حواجبها ريام بنفس استغراب حامد اللي نطق: عمتي بتجي؟ وش المناسبه
هز زيد راسه ينطق بـ هدوء: جايين يخطبون
رفعت حواجبها بذهول ريام تحاول تفهم كلامه ورفع عيونه زيد يناظرها بصمت يترقب ردة فعلها
وابتسم حامد ينطق: يخطبون لرواف؟ من عندنا؟
هز راسه بنعم يناظر ريام اللي نزلت راسها لثواني يراقب رجفة يدينها من تضارب مشاعرها و وقفت تمشي راجعه لغرفتها و وقف حامد يلحقها يدخل بدون ما يدق الباب يشوفها تمسح وجهها ولفت عليه تنطق بصدمه: صدق؟
هز راسه بنعم يضحك و تقدمت تحضنه تغمرها الفرحه بعد كل الحزن اللي عاشته وعدم التخطي اللي واجهته لان مهما طال الزمن مستحيل تقدر تنسى رواف او ينساها
ابتعد عنها حامد يمسح على شعرها: الله يتمم على خير
هزت راسها و خرج حامد تقفل الباب بعده و انسدحت على بطنها فوق السرير تدفن وجهها بالمخده عشان تكتم الصرخه اللي طلعت منها من فرط شعورها
-
دانه كانت فـ بيت جدها بعد ما وصلت عمتها والكل اجتمع عندها
ابتسمت تتقدم من امها اللي حامله اخوها عنده شهر و ايام
ناظرتها بحيره تنطق: يمه اخذه؟
هزت راسها مزنه تنطق: خذيه تعبني
ابتسمت تحمله وعضت شفتها من شعورها ما تعودت تحمل اطفال وبالاخص انه يكون اخوها
لفت على نجود اللي تتكلم: بنروح بالليل نخطب وبنحدد الملكه تكون قريبه يملك عليها قبل نروح عشان زيد ما اضمنه
ضحكت دانه على اخر كلامها تنطق: يعني اسبوع اسبوعين بعدها الملكه؟
هزت راسها نجود: ان شاءلله
مشت دانه تجلس بحضنها اخوها اللي كان يناظرها بصمت و ابتسمت تحس بالحنان من نظراته و سحبت جوالها بيدها الثانيه تصوره بحضنها و تصوره معها و ارسلتها للشخص الوحيد اللي تشاركه اصغر تفاصيلها تنطق: انفع اصير مامي صح
ما اخذ الا دقايق عشان يشوفها واتسعت بسمته يرد عليها: يارب اشوفك ماما لعيالي قريب
ضحكت على رده و ارسل بعدها بثواني: تعالي بشوفكم بالواقع يشبهك اخوك
ارسلت له يروح للمكان لللي غالبًا يكون فاضي بين مجلس الحريم و جهة الرجال
وقف يطلع من عند الرجال يمشي يدورها و ابتسم يشوفها واقفه حامله الطفل بحضنها ورفع يدينه على راسه ينطق: ما احلاك
ضحكت و تقدم يناظرها مبتسم ونطق: ياربي لا يحرمني واشوفك حامله ولدنا
ابتسمت تنطق: صار ودي احمل بعد ما شفته
ناظر حوله يتأكد ان مافي احد و تقدم منها يقبّل خدها بسرعه ينطق بعدها: ودك تقولين شد حيلك بس مستحيه
فتحت فمها بصدمه تنطق: وصخ ما اقصد كذا
ضحك يمد يدينه ياخذ منها الطفل ونطق: عمره كم، صغير
دانه: شهر و ايام ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:21

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 244 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

كانت جالسه على السرير تقرأ رسالته "بجيكم"
وقفت بسرعه تطلع من غرفتها وسمعت صوت دق الباب
مشت تفتحه ودخل حامد ينطق: جدي نايم؟
هزت راسها بنعم تأشر له عشان يخفض صوته وسحبته من يده يمشي معها لين دخلت غرفتها و نطقت: وش جايبك الحين
ابتسم يقفل باب الغرفه ويستند عليه ورفع حاجبه ينطق: هذا اول شي تقولينه
زفرت تنطق: حامد لو يشوفنا جدي يسوي سالفه بعدين باقي ما تزوجنا ما يصير تدخل غرفتي كذا
سحبها يحاوط خصرها ورفعت يدينها على صدره بربكه تنطق: حامد!
ابتسم يناظرها ونطق: عذبتيني سبع شهور وللحين تقولين ما تزوجنا وانا لو بيدي تزوجتك بعد اسبوع من الملكه، تبي تحرميني من شوفتك بعد؟
زمت شفتها ترفع يدها على خده وناظرته لثواني تنطق: طيب انا ما منعتك من شوفتي بس غلط تجي بذا الوقت
عضت شفته يناظر عيونها و بلعت ريقها لما نزل نظراته لـ ثُغرها ورجع يناظر عيونها ونطقت بربكه: اء حامد ارجع لبيتكم
هز راسه بالنفي حامد: ما ودي
اخذت نفس بربكه من قدم وجهه منها وغمضت عيونها تحس فيه يدفن وجهه برقبتها و ابتعد عنها ينطق: ودي بليلة من النعيم معك
رمشت تناظره واكمل: بنام عندك اليوم
فتحت فمها بصدمه ونطقت بأعتراض: لا جدي…
رفع اصبعه على شفتها يسكتها : جدي ما بيعرف اصايل بطلع قبل يشوفني خليني عندك اليوم من صرتي حلالي وانتي تعذبيني وانا كل يوم اتلهف لقربك
رمشت تناظره تتبخر كلها وهي بجانبه وهمست: حامد
رفع حاجبه ينتظرها تتكلم
اصايل اخذت نفس تكمل: مابي نتهور
ابتسم يفهم خوفها ونطق: مين قال بنتهور وش ذي النيه يازوجتي
كشرت تضرب كتفه وابتعدت عنه تنطق: سامج
ضحك وهو يجلس : طيب علميني وش اخبارك
مشت تجلس جنبه: بخير وانت
رفع راسه يسنده على ذراعه اللي متكي فيها: الحمدلله بس مشتاق
ابتسمت ترفع شعرها خلف اذنها واكمل: ودي نحدد زواجنا بأقرب وقت مافيني صبر زياده
اصايل: شوف بعد شهر كذا؟
حامد: شهر كثير
بوزت تنطق: حامد
ابتسم يعض شفته واشر على خشمه ينطق: ابشري
-
كانت معه بالمزرعه من ايام وهذا رابع يوم لهم هنا
راجعين قبل غروب الشمس بدقايق هي تركب هيام وهو ليل
نزل اول ما وصل يساعدها تنزل و ابتسمت تنطق: اعشق لما نكون هنا لوحدنا
سلمان: وانا اعشقك
ضحكت تشوف العامل اللي جاء ياخذ الخيول للمضمار و وقف معها سلمان لوقت طويل يناظرونهم يتجولون ولفت عليه تنطق:بدخل
هز راسه ومشت قبله للبيت و لحقها بعد ساعه يشوفها تلبس جلالها ودخل يتوضا يطلع لها يصلون مع بعض و ولف عليها لما انهت صلاتها
ابتسم بهدوء ينسدح يحط راسه بحضنها وجسمه على السجاده يغمض عيونه لما رفعت يدها تمسح على شعره ونطقت بتفكير مر على بالها: أحيانا اتعجب كيف الابتلاء دايم يجي بعده جبر و عوض يخليك تنسى كل مُرّ ذقته
ابتسم بهدوء يسترخي من مداعبتها لشعره و حديثها اللي اشبه بأعزوفه هادئة تطرب مسامعه، نطق يوافقها الرأيي: ان بعد العسر يسرا
هزت راسها تكمل: فعلاً، كنت بمرحله من حياتي اشوف كل شي انتهى وقت هربت حسيت ان مستقبلي راح وكل الابواب مقفله بوجهي وصلت نص الطريق وجاني خوف لو رجعت بيذبحني ابوي ولو كملت انا بنت لوحدي امشي بالصحاري ما اعرف وش ممكن يواجهني بس بعدها ربي سخر لي اخوك يلقاني ويكون السبب بعد الله بزواجنا
سكت يتذكر اليوم اللي كان فيه مختفي ونطق: سبحان الله ربي كتب اني يومها ما ارد على جدي و ارسل مشعل عشان يدور عليّ وبدال ما يلقاني لقاك انتي
ضحكت تنطق: انا و انت واحد
سلمان: ليه ما قلتي له الحقيقة وقتها؟
عضت شفتها ترفع كتوفها: مدري خفت انه يرجعني لهم او يعلم علي قلت له ان اهلي ميتين واني عايشه مع عمي وهو اخذني لبيتكم
ابتسمت لثواني تتذكر اول لقاء بينهم: اول مره التقينا ما كنا نفس الحين، اول ما شفتك فكرتك حرامي او شخص ما يخاف الله
ابتسم للحين يتذكرها ويتذكر وقفتها حامله سكين بيدها: كنتي تسوين نفسك قويه وانتي خوافه
ريم: بالاخص وقتها كنت بموت من الخوف بس كنت اسوي نفسي قويه
ضحكت تكمل وهي تمسح على جبينه: ياحياتي وقتها اكتشفت اني اعرف اصوب وقت جت الكاسه هنا
ضحك اول ما تذكر وابتسمت تراقب ضحكته يستمتع وقت تطري ذكرياتهم ونطقت: وانت كنت تقهر كنت متناقض وبارد و مستفز وعصبي بس اكتشفت انك كنت كذا بس معي بعدين تعدلت
رفع حاجبها ينطق: الحب يعدلك غصبًا عنك والله انا بعد ما حبيتك صرت شخص ثاني صرت ابادر احاول اصرّ عشانك وانا ما كنت كذا ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

10 September 2025 09:21

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 242 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🔮

مسك راسه بتوتر مشعل من صراخ امه عليه عشان يسرع ونطق: يمه بنسوي حادث لو بقيتي كذا خليني اركز
سُعاد: مشعل استعجل سوي حادث اللي تبي حسناء الله اعلم وش حالتها الحين
وقف قدام المستشفى ينزل معه امه ودخل يشوف بتار يدور قدام الغرفه ونطقت سُعاد بـ استعجال: وينها حسناء
اشر على الباب بتوتر ينطق: هنا
ودخلت سُعاد و وقف بتار يتوتر ما وده يدخل معها من شدة خوفه
غمض عيونه يسمع صوت صراخها وبلع ريقه يصنم لما انقطع صوتها و سرعان ما تبشرت ملامحه يلونها الفرح لما سمع صوت صراخ طفل و بُكائه
مسك راسه يجلس يحمد الله مرات عديده
-
اصايل،
فزّت تطلع من غرفتها بفرح اول ما انهت مكالمتها مع مشعل وركضت تشوف جدها راجع من صلاة الفجر معه سالم وناظرها ابو سالم بـ استغراب: بسم الله عليك وش في
ضحكت تعض شفتها بحماس ونطقت: حسناء ولدت
وسع عيونها سالم ينطق: حلفتك بالله!
ضحك ابو سالم بفرح ينطق: متى ولدت وش جابت
هزت راسها بنعم وضحك سالم يمسك راسه ونطقت: ولدت قبل شوي كلمني مشعل جابت ولد
مشى بأستعجال سالم ياخذ مفاتيح سيارته ونطق ابو سالم: لا تسوي حادث من فرحتك
ضحك سالم يطلع متوجه للمستشفى ولفت اصايل على ابو سالم تنطق: نروح يبه؟
حاوط كتوفها يمشي معها ونطق: يصبح الصبح و ترتاح حسناء ونروح لهم يابوك
هزت راسها واكمل: وانتي للحين ما حددتي زواجك؟ بيكمل سنة وانتي مملكه
اصايل: ما ادري كنت انتظر حسناء تولد لما تخلص الاربعين بنحدد
هز راسه ابو سالم: عقبال نشوف عيالك
ابتسمت بهدوء تلف على يده اللي على كتفها و قبلتها تنطق: الله لا يحرمني منك
-
سالم، دخل المستشفى يمشي بعجله، خطواته تسبقه لهم و ابتسم مشعل لما شافه يوقف ينطق: لحظه سلمان الحين اعود لك
سلمان: لا ما يحتاج جايكم الحين
قفل و حط مشعل الجوال يتقدم من سالم اللي نطق: وينها وين حسناء
مشعل: لحظه اشوف امي تتغطى
هز راسه سالم ودخل مشعل يعلم سُعاد ان سالم يبي يدخل وكشرت تنطق: وش يبي من صبح الله
مشعل: يمه بنته
كشرت توقف تلبس عبايتها ونطقت: بطلع ما اتحمل اكون معه بنفس الغرفه
وقف بتار اللي كان جالس جنب حسناء يمسك يدها و نطق: وانا يمكن يبي ياخذ راحته مع بنته
هز راسه مشعل و ناظرتهم حسناء بتعب تنطق: بتار جيب البيبي اشوفه تكفى
بتار: الحين
مشى يطلع وقابل سالم يسلم عليه ونطق سالم: مبروك الله يحفظه ويتربى بعزكم
بتار: امين ياعمي امين
خرجت سُعاد بعده بدون ما تناظر بسالم ودخل سالم يشوف حسناء اللي ابتسمت بمجرد ما دخل: بابا!
ابتسم يتقدم منها وانحنى يقبّل جبينها ينطق: الحمدلله على سلامتك ياقلب ابوك كيفك؟
ابتسمت له تنطق: الحمدلله بخير
جلس جنبها  يمسح على راسها
-
دخل سلمان المستشفى يتوجه لهم و عقد حواجبه يشوف الحرمه اللي جالسه قدام متكتفه ورفعت راسها سُعاد تشوفه ونطقت بغضب: وش تبي؟
انفكت عقدة حواجبه يعرفها من صوتها ونطق: انتي وش تبي؟
سُعاد: اظن انك ناسي ان اللي بالغرفه بنتي
هز راسه ينطق: مع الاسف ان اختي بنتك
رفعت حواجبها بذهول وتجاهلها يمشي يدخل و ابتسم يشوف حسناء اللي تتكلم مع سالم و رفعت عيونها عليه تسكت لثواني تبتسم وتقدم منها ينطق: ياناس ولدت بنتي
ضحكت تنطق: سلمان
تقدم منها يمنعها توقف وجلس بالجهة الثاني ينحني عليها يقبّل راسها ونطق: الحمدلله على سلامتك
هزت راسها تبتسم وحط الورد جنبها ينطق: وينه الشيخ
عقدت حواجبها تلف على مشعل: وين بتار راح يجيبه
عدل جلسته مشعل و انفتح الباب يدخل بتار و بعده المُمرضه و ناظرت حسناء السرير بتعلق يلتهف قلبها لشوفته ولف بتار يحمله يضحك بفرح و مده لسالم اللي نطق: حفيدي هاته
ابتسم سالم يناظره و عضت شفتها حسناء بحنيه تشوف سالم اللي يضحك بشوفة ولدها يبوسه و تقدم سلمان ياخذه منه و ابتسم يقبل جبينه ينطق: يابعد خواله كلهم
وكذلك مشعل تقدم توضح فرحته على وجهه ومدت يدينها حسناء تنطق: طيب ممكن تخلون امه تاخذه
ابتسم مشعل اللي كان حامله و تقدم يعطيه لها و عضت شفتها تجتمع عيونها من حست بثقل مشاعر الأمومه تشوفه ساكت وهادي بشكله البريئ
ضحك مشعل يلاحظ نظراتها ونطق : بكت بكت
بكت مباشره ترفعه تحضنه وضحك سلمان يطلع وطلع بعده مشعل و سالم
تقدم بتار يجلس جنبها ونطق: حسنائي
قبلت خده تحطه بحضنها ولفت على بتار تبتسم: بتار شكله مره لطيف
ابتسم يهز راسها و تقدم يناظره بحضنها و ضحكت حسناء تنطق: ما يشبه احد فينا
بتار: انتظري يكبر شوي بيطلع مزيون على ابوه
ضحكت وعدل جلسته بتار ياخذه من حضنها ينطق: ودك بأسم؟
رفعت كتوفها تنطق: ما فكرت بغير الاسماء اللي اقترحتها علي
بتار: تميم؟ على ابوي
هزت راسها تنطق: حلو تميم ..

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮

❤️📝 روايات وقصص مميزة 📝❤️

09 September 2025 10:38

👆🏻
🌺🍃🌸🍃🌼
بارتات يوم الثلاثاء..
9 / 9 / 2025
#الـــــــبـــــارتــــات_.. ..
من 226 وحتى 240

نتمنى لكم قراءة ممتعة ...
اليوم الأحداث حماس
أثبتوا وجودكم بالضغط على أي إيموجي❤️
🌺🍃🌸🍃🌼

❤️📝 روايات وقصص مميزة 📝❤️

09 September 2025 10:37

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 239 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🪸

وقف ابو سالم يطلع يستغفر بتعب منهم ونطق حسين: ابوي تعب من مشاكلكم
نجود لفت على زيد تنطق: فكر باللي تسويه
وقف زيد يطلع بغضب بدون كلام و اتكت نجود تنطق: الحين انتم ليه تفكيركم غبي كذا؟
ضحك حسين بسخريه ينطق: وانتي كيف تفكيرك
نجود: لا الحمدلله ما ابدي سمعه ولا عادات على رغبة عيالي
عدلت جلستها تنطق: عيالي اهم من كلام الناس
رفع حاجبه حسين لانها تقصدهم كلهم بمرة وحدة واكملت: يمكن زيد الوحيد اللي يتعامل كذا مع عياله لانه مقهور شوي بس شوي اما انتم كل همكم كلام الناس
سالم: الحين وش الطاري يانجود؟ كنتي تكلمين زيد احنا وش دخلنا؟
نجود: مالكم دخل بس ياريت تفكرون بعيالكم مره، لو تتذكر ياحسين انك حرمت بنتك من سلمان وهي من طفولتها كانت تبني احلامها معه وانت ياسالم وقفت معه ضد ولدك اللي ما اظن انه صار يعتبرك ابوه بعد كل شي شافه منك، حسين زوجت بنتك لواحد ثاني وسويت لها مشاكل بحياتها لو نسألها الحين وش اكبر مشكله بحياتك انا متأكده بتقول ابوي
حسين: احترمي…
قاطعته بـ انفعال: انت احترم نفسك انا اكبر منك و احترم قرار غيرك بنتك يوم تزوجت خلاص طلعت من جناحك وزوجها ولي امرها مالك حق تقطعها و تندمها عشانها راحت معه
سكت حسين يناظرها بصمت ما يلقى رد و هزت راسها تنطق: تعرفون الشخص لما يشيب و يضعف ويكون عله مين يلقى؟ يلقى عياله يلقى تربيته لهم، حسين شفت بنتك هذي اللي انت تعاملها كذا؟ صدقني يوم الكل يتركك و يبعد لو ما لقيتها هي ما بتلقى احد تذكر انت بنفسك اذا امي و ابوي ربوك مثل ما انتم تربون عيالكم على كرهكم و شوف النتيجة اليوم كلنا مجتمعين عند ابوي ولا نستغني عنه ولا يمر يوم بدون ما تجون كلكم تشوفونه و تطمنون عليه، كذا بيعاملونكم عيالكم؟
لفت على سالم تنطق: جاوب انت ولدك الكبير سلمان بيجي يعيش معك لما تضعف بيسندك وقت تحتاجه؟ او انت تستاهل انه يسوي لك كذا؟
ما لقت منه رد وضحكت تنطق: لا والله ما تستاهل اعذرني على الكلام انت اكبر مني لكن الحق ينقال محد فيكم يستاهل ينقاله اب وين الاب اللي يفضل كلام الناس و رأيهم على عياله، هذول نعمة هذول امانة ماهو بس وهم صغار حتى وهم كبار
ما لقت من واحد منهم رد و وقفت تنطق: بيمر الدهر وانتم جالسين هنا تتفقون على نفس الغلط و تمشون بنفس التفكير و بالنهاية بتبقون لوحدكم جالسين هنا
مشت تطلع من عندهم و اخذت نفس بضيق من سكون المكان و البيت اللي صار فاضي تماما من بعد موت فايزه
مشت تجلس بمكان فايزه و بكت مباشره تتذكر جلوس امها امامها هنا رفعت يدها تمسح دموعها لما سمعت صوت احد ولفت على اصايل اللي دخلت تنطق: عمتو للحين ما نمتي
ابتسمت تنطق: تعالي ياريحة الغالي
تقدمت منها اصايل تقبّل خدها و جلست جنبها تنطق بـ استغراب: كنتي تبكي؟
هزت راسها بالنفي تنكر: لا عيوني توجعني اليوم مدري وشبها
هزت راسها تميل شفتها بعد اعجاب ونطقت نجود: رجعتي عسى ما زعلك ولد زيد؟
هزت راسها بالنفي تنطق: لا طيب معي
نجود: الله يخليكم لبعض
ابتسمت توقف تتوجه لغرفتها ودخلت ترتمي على السرير بعد ما غيرت ملابسها و استحمت
رفعت جوالها تشوف رسالته و ابتسمت ترد عليها: ايه صاحيه
شاف الرساله بنفس الثانيه نفس و عدلت جلستها ترد عليه لما اتصل ونطقت بخفوت: الو
حامد: اذا مو احلى الو سمعتها بحياتي انا ما افهم
ابتسمت تحط المخده بحضنها تلعب بطرفها ونطق: ماني مصدق اصايل مو قادر انام من الفرح
اصايل: ماعليك بتنام من التعب
حامد: طيب قولي حتى انتي مو قادره تنامي عشان اعرض عليك نسهر
ضحكت بخفوت تنطق: انا تعبانه
حامد: بكرا بجي اشوفك
اصايل: ليه؟
حامد: لا بس مشتاق لك
اصايل: تو قبل شوي كنت معك
حامد: اشتاق لك بالثواني
ابتسمت تكمل حديثها معه ومر الوقت بدون ما تنتبه
-
دخلت رويدا مع سلمان تنطق: بعد ما جت ريم انا خلاص بصير تقريباً عايشه عندكم
ابتسم سلمان ومشى للجلسه الخارجيه: تعالي من هنا بنفطر بالحوش، وينه سهم
رويدا: سهم برا يكلم
ناظرها لثواني ثم اخفى بسمته يمثل الذهول ينطق: ما يكلم جنبك؟
هزت راسها بالنفي وطلعت ريم من البيت تحمل الصحون تنطق: تتكلمون عن اخوي
سلمان: تخيلي الولد تجيه اتصالات و يطلع يكلم برا
شهقت ريم بتمثيل وهي تحط الاكل : راحت عليك يادوده
عقدت حواجبها بـ استغراب: وش تقولون انتم ؟

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

❤️📝 روايات وقصص مميزة 📝❤️

09 September 2025 10:36

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 237 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🪸

دخل البيت بعد ما فتحت له العامله ومشى يشوف امه جالسه بالصاله تتابع الشاشه و تقدم يوقف خلفها ما تنتبه له و حط يدينه على كتوفها ينطق: ام سلمان!
فزت توقف بسرعه تناظره و ضحكت بفرح تنطق: سلمان ولدي!
ابتسم و تقدم منها يضمها و تمسكت بذراعه تنطق: ياريحة اهلي ليه طولت
ابتسم يسحبها عشان تجلس و جلس جنبها ينطق: كيفك يمه؟
عفاف: بخير وعافيه دامك بخير، كيفك انت وش اخبارك
سلمان: الحمدلله بخير
ابتسمت ورفعت يدها تمسح على راسه ونطقت: الله لا يحرمني منك الحمدلله رجعت ما كن الارض فيها احد يوم رحت
-
جالس بالسياره ينتظرها و سرعان ما ابتسم لما شافها تطلع و ركبت جنبه بصمت  تشبك كفوفها ببعض
حامد: السلام عليكم
ردت السلام بصوت خافت و حرك بتوتر ما يعرف كيف يفتح معها اي موضوع بس عشان تتكلم ونطق: تعشيتي؟
عقدت حواجبها من سؤاله ولا ردت و مسح جبينه حامد يوقف قدام مطعم ونطق: ننزل؟
عضت شفتها ما تعرف وش تقول و نزل يتوجه لبابها يفتحه و نزلت توقف جنبه بصمت، مد يده يمسك كفها و مشى معها يدخلون المطعم يطلب هو الاكل لانها ما تكلمت وحتى لما قالها تطلب اكتفت بأنها ترفع كتوفها
وصل الاكل وهو يناظرها تحرك الملعقه بالاكل بدون ما تاكله ونطق: اصايل
رفعت عيونها بإنتباه تناظره ونطق: مضايقك شي؟ ليه ما تتكلمين
بللت شفتها تحاول تجمع حروفها و اخيرا تكلمت تنطق: ولا شي، بس مب متعوده
ابتسم يهز راسه: بتتعودي
سكتت تناظر يدها على الطاولة و دبلتها

حرك رايح من عند المطعم: تبين نروح لمكان ثاني؟
هزت راسها بالنفي، و قف بمكان خالي من الناس ينطق: تعالي
فتحت الباب تنزل بـ استغراب و مسك كفها يشعر ببرودته ينطق: بردانه؟
اخذت نفس لما سحبها يجلسها على مقعد بالشارع و مسك يدينها الثتنين ينطق: وش فيك متوتره بزياده؟
رفعت كتوفها بحيره: مدري
مد يده يبعد نقابها عن وجهها ونطق: في شي مزعجك؟ قولي
هزت راسها بالنفي تنطق: مافي شي حامد بس… مادري
رفع كفها يبوسه ونطق: ياقلب حامد انتي ابيك لما تكونين معي مرتاحه و متطمنه مابي اشوف خوف و توتر مني
هزت راسها بصمت وضحك ينطق: طيب ليه ما تتكلمين ممكن افهم؟
ابتسمت بخفوت تنطق: مدري
ابتسم لانه لمح بسمتها و رجعت تتوتر من نظراته اللي تبحر بعيونها و زاد توترها لما نزل بنظره لـ ثُغرها لما نطقت: لا تناظر كذا اتوتر
ابتسم بخفوت يميل راسه ونطق: احبك
رمشت تسمع صوت قلبها اللي وده يتحرر من داخلها وانفجار المشاعر اللي بداخلها كان النوافذ اخيرا تنفتح بداخل قلبها الاشبه بغُرفه مُغلقه، مُظلمه من سنين
غمضت عيونها لما تقدم منها و بلعت ريقها لما استقرت شفته على خدها الرقيق
و ابتعد عنها يشوفها تشتت انظارها عنه ورفع يده خلف كتوفها ينطق: لا تستحين
بللت شفتها تحس بحرارة جسمها ترتفع واكمل: عادي ترا اصايل
-
رجع للبيت بعد وقت يشوف سهم جالس معها يتكلم والتفت له سهم ينطق: رجعت
هز راسه يجلس جنبها
وقف سهم ينطق: اجل انا بروح اخذ رويدا ونرجع للبيت نجيكم بكرا
سلمان: مع السلامة
وقفت ريم تودعه و سكرت الباب ورجعت تشوف سلمان يناظر جواله
رفع راسه يشوفها مستنده على الجدار تناظره وعقد حواجبه ينطق: في شي؟
هزت راسها بالنفي تتقدم منه و حط جواله يمد يده لها و مسك يدها يجلسها على ونطق: كيف يومك
رفعت يدينها تحاوط رقبته: حلو لقيت الكل و الوضع طبيعي الكل يحسبني سافرت طبيعي و انت معي محد يعرف الحقيقة
تنهد يحاوط خصرها بيده و مسحت على خدها بيدها تنطق: فيك شي؟
سلمان: لا بس تعبان
قامت بتوقف: اجل بقوم وانت تعال ارتـ...
سكتت لما نطق وهو يثبتها يمنعها توقف: خليك،، انتي راحتي
ابتسمت تناظره ولفت تناظر حولها: اشتقت لذا البيت اشتقت لوقتي فيه معك من اول ما سكناه لين الحين مستحيل انسى اي شي صار لي معك هنا
ابتسم يتذكر بدايتهم هنا ونطق: اول مره احس اني بحاجة احضن احد كنتي انتي
ابتسمت تتذكر ونطقت: قلت ضميني، كنت وقتها اخاف منك و اخاف اقرب لك واخاف تقرب لي
هز راسه سلمان: طول عمرك خوافه
زمت شفتها تنطق: بس ما خفت وقتها ضميتك
سلمان: لانها مو اول مره احضنك و مره نمت بحضنك كنت تعبان وقلتي اني اعترفت وانا نايم
ضحكت تتذكر لما زادت على كلامه كلام ونطقت: اتذكر وقتها كانت عليك حركات من لما تلمسني و تحط يدك على خصري و مره على ظهري و تمسح على شعري حسيتك يعني معجب ..

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

❤️📝 روايات وقصص مميزة 📝❤️

09 September 2025 10:36

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 235 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🪸

ضحكت ريم و تقدمت رويدا تحضنها بقوه و بادلتها ريم وهي تضحك ونطقت رويدا: كيف جيتي وينك وحشتيني
ابتسمت لما ابتعدت عنها و مسكت يدها رويدا تناظر لشكلها ونطقت: متغيره!
ريم: كيفك؟
رويدا: بخير بعد شوفتك ياروحي تعالي ندخل تعالي
مشت معها ريم و دخلت و عضت شفتها تشوف امها جالسه وجنبها مشاعل تتكلم معها
ومشت تتوجه لهم مباشره و رفعت راسها بصدمه مشاعل ما كانت تعرف انها رجعت و لفت ام فارس بـ استغراب و ابتسمت بفرح تجتمع دموعها بعيونها اول ما تقدمت ريم تحضنها وهي جالسه و ضحكت بفرح ريم اخيرا ترجع لمكانها بين ناسها
و رفعت راسها لما حست انها بتبكي تبتعد عن امها و نطقت ام فارس: وين رحتي يابنتي ليه ما علمتيني
ابتسمت تنطق: اعلمك بعدين يمه
لفت تناظر مشاعل اللي تناظرها و مدت يدها تصافحها بدون كلام و رجعت تجلس جنب امها من الجهة الثانيه لين تقدمت رويدا بعد وقت تنطق: ريم تعالي نشوف اصايل
ابتسمت تلف على امها ونطقت: برجع بعد شوي
هزت راسها ام فارس ولفت رويدا على مشاعل تنطق: مشاعل تعالي
لفت على ام فارس تنطق: خالتي معليش نسرق منك مشاعل شوي؟
ابتسمت ام فارس تنطق: اذا هي ودها
هزت راسها بالنفي مشاعل تنطق: ما ودي
رويدا: تعالي مشاعل هناك البنات و ناخذ راحتنا
ابتسمت تهز راسها بالنفي: مرتاحه هنا،شكرا
نطقت ريم: اتركيها على راحتها رويدا يلا
زفرت رويدا من علاقة ريم و مشاعل و مشت معها يتوجهون للغرفة اللي فيها اصايل و دخلت رويدا تلين ملامحها بصدمه لما شافت المصوره على وجهها نفس الصدمه وحسناء قاعده جنب اصايل تحاول تهديها و البنات جنبها بنفس الصدمه
تقدمت تستعجل بخطواتها منهم تنطق: وش في شفيكم
ناظرت اصايل تغطي وجهها بيدينها تبكي ونطقت: وش فيها اصايل وش صاير
نطقت حسناء: مدري كانت تتصور فجأه قامت تبكي
انحنت تجلس جنبها و مسكت يدينها تحاول تبعدها عن وجهها ونطقت: اصايل فهميني وش فيك احد زعلك بكلمه احد سوالك شي؟ قولي والله ما يتهنى فهميني ليه تبكي
ابعدت يدينها تمسح دموعها ونطقت: اتركوني
رويدا: فهميني اول وش فيك
رجعت تبكي ونطقت بتعب: ما اقدر خايفه خايفه ليتني ما وافقت
عضت شفتها رويدا تتقدم تضمها ونطقت: من وش خايفه يابنتي ما بيصير شي خلاص
ما ردت اصايل لان الخوف اللي سكنها اجبرها على البُكاء عشان ترتاح شعور مريب وخوف من ان الماضي ينعاد صارت تخاف من الانتظار تخاف تنتظر على امل الفرح و يتلاشى املها لانها كل مره يخيب ظنها وهي تنتظر اول مره لما انتظرته على امل انها بتكون زوجته و جاها معه زوجته و كانت تنتظر جدتها على امل انها تطيب و جاها خبر موتها وهذي ثالث مره تنتظر بذا الشعور تخاف تكون نفسهم
ابتعدت عنها رويدا ترفع يدينها لوجه اصايل تمسح دموعها ونطقت: من وش تخافي؟ محد يقدر يسوي لك شي واللي يوجع نوجعه اصايل لا تبكي انتي بنت سيف ما تبكي
هزت راسها بتعب تزفر ورفعت كتوفها تنطق: مدري شفيني
عضت شفتها رويدا تشوف وجهها و عيونها اللي احمرت ونطقت: شوفي خربتي شكلك الحين ليه تبكي المفروض تفرحي اليوم تعالي امسحي ذا المكياج وغسلي وجهك وريحي عيونك
لفت تدور بعيونها تنطق:وينها الارتست تعالي اذا ارتاحت عيدي لها الله يعافيك
و رفعت اصبعها بتحذير: ولا تبكي مره ثانيه ياويلك ..
اخذت نفس اصايل تمد يدها لحسناء و ساعدتها توقف و ابتسمت بخفوت تشوف ريم و ونطقت تحاول تبتسم: ريم جيتي
ابتسمت ريم تتقدم منها تسلم عليها ونطقت: مبروك ياحياتي
هزت راسها اصايل تمشي معها حسناء متوجها للحمام و لفت ريم تسلم على ريام و نوير و ترف و صافحت دانه وجلست تشوف رويدا اللي زفرت تنطق: ياحياتي اصايل ما تخطت صدمتها اول مره
سرعان ما ضحكت لما وصلها صوت اصايل تنطق: خفضي صوتك
لفت على ريم تنطق: ايه انتي علميني وينكم رجع سهم من شهر  وانتم لا
ابتسمت ريم تنطق: حبينا نطول لين ارتاح و مر شهر بدون ما نحس عليه
هزت راسها رويدا تكمل بحزن وهي ترفع يدينها بمعنى راح: و البيبي
نزلت عيونها ريم تهز راسها بنعم ونطقت نوير: لحظه ريم كانت حامل
ريم: ايه
نوير: ياقلبي الله يعوضكم
ترف : كيفك مع الوجع و التعب و فقد النفسية و الشهية و الوان الحياة
ضحكت رويدا تنطق: ترف مجربه
ريم بصدمه: خسرتي طفل؟
هزت راسها بنعم ترف: اول حمل لي بعدها الحمدلله ربي عوضني بـ تيا و اخوها
ابتسمت ريم تنطق: الله يحفظهم لك
نطقت ريام: الحمدلله على سلامتك
ريم: الله يسلمك
لفت على دانه اللي نطقت: الله يعوضك
وهزت راسها تبتسم: امين

🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸

❤️📝 روايات وقصص مميزة 📝❤️

09 September 2025 10:36

🪸🍃🪸🍃🪸
🍃🪸🍃🪸
🪸🍃🪸
🍃🪸
🪸 233 ..

📚 😍 📃
📖 روايـــــــــــــة ✍🏼
{ الهوى لا داعب الغصن حن ومال }

📖🖌 @storykaligi 🍃🪸

هز راسه يمشي معها يدخلون وابتسمت تشوف الأشياء الصغيره اللي حاطينها للسياح يشترونها كذكرى و كتب و قصص عن ثقافتهم و ناظر سلمان مجسمات صغيره و ابتسم يشوف مجسم على شكل غزاله واخذه يلف على ريم اللي كانت تناظر الاغراض ونطق: غزالتي
ضحكت تمسك يده اللي فيها المجسم ونطقت: كيف لقيتها
رفع كتوفه ينطق: اول شي جت عليه عيني
ابتسمت وناظرت شكل نفس "⚖️" ورفعته تنطق: العداله؟
هز راسه ينطق: العداله
انتهى تمشيهم في سان جير مان بأخذهم الاغراض شروها و ضحكهم بأماكن حبوها و تفاصيل جميله بذا المكان عاشوها
جلس جنبها بالميترو متوجهين لـ فيرساي اللي يتواجد فيها قصر فِرساي ونطقت: اخذت تذاكر للحديقة الخارجيه؟
هز راسه بنعم وسكتت تميل براسها على كتفه لين وصلو و نزلت معه يمشون دقايق لين القصر و دخلت تمشي معه حاط يده خلف ظهرها و يحاوط كتوفها عشان تكون جنبه ابتسمت تتمشى معه بالقصر اللي كان مليئ بالناس و السياح ودخلت غرفة الملكه اللي الوانها بين الوردي و البيج والذهبي و الوان هادئة للعين مليئة بزخرفات صغيره معطيه للغرفة شكل جميل، مر الوقت وهم يتجولون بالقصر و يستكشفونه و طلع ماسك كفها للحديقة و عضت شفتها وهي مبتسمه من جمال المكان و تنظيمه و ترتيب الشجيرات المقصوصه بأشكال انيقه و العشب اللي يرسم على الارض بطريقة زخرفه
رجعو لباريس بالليل ونطق: نروح بقارب جولة بالنهر و بعدها نتعشى ونرجع؟
هزت راسها بنعم وهي تشوف القوارب و مشى سلمان يتكلم مع رجال و تقدم منها ينطق: تعالي ريم
مشت معه و ركب القارب قبلها و مد يده يمسك يدها يساعدها تركب و جلست وهي مبتسمه تنطق: المكان بالليل خيال
ابتسم سلمان يلاحظ بسمتها وذي غايته انها تكون طول اليوم مبسوطه و رفعت جوالها تصور لما بان لهم برج إيفل مضئ بالليل
انتهى وقتهم بالنهر و مشى فيها لمطعم يدخلون وجلس بمكان اختاره بسبب هدوءه
انحطت صحون العشاء امامهم ومدت يدها تحطها على يده لما لاحظت شروده وهمست: سلمان
رمش يلف عليها و ابتسم ينطق: عيونه
ابتسمت تنطق: كل
هز راسه و بدأ ياكل و اول ما انتهى اخذ منديل يمسح فمه ينطق: خلصتي؟
هزت راسها بنعم توقف معه و شبكت ذراعها بذراعه يطلعون من المطعم و يتمشون للطريق العام عشان ياخذ تاكسي

دخلت البيت ترمي شنطتها على الكنبه ونطقت بفرح: الاماكن تجنن و تفتح النفس
ابتسم يتقدم منها ونطق: اهم شي انبسطتي
رفعت يدينها على كتوفه: واحلى شي ان اليوم معك
رفع حواجبه و مد يدينه يحاوط خصرها ينطق: مشتاق لبسمتك
سمع صوت الجوال وضحكت على وجهه تنطق: اذا مو سهم رويدا
ضحك يهز راسه بتعب و مشت ترد على الجوال و مشى يدخل الغرفة
وقفت بعد ما انهت المكالمه تتوجه للغرفة و دخلت تشوفه طالع من الحمام ينشف شعره ومشت تدخل تتروش و طلعت بعد وقت من غرفة الملابس، مشت تتوجه للسرير و انسدحت جنبه تشوفه يكلم بجواله و استنتجت انه يكلم عفاف من كلامه لفت بجسمها تناظره بصمت و حط الجوال لما انهى يلف عليها براسه وضحك ينطق: عاجبك؟
ضحكت تهز راسها بنعم و تقدمت منه تنطق: احبك
عض شفته يتنهد بعمق يقدر يقاوم كل شي الا فتنتها
-
رجعت دخلت عليها رويدا تنطق: معيي يقول لازم ذا الاسبوع
زفرت بغضب تنطق: اسبوع وش يقول ذا اسبوع وش بسوي فيه
تقدمت منها تنطق: ماعليك هي بس ملكه مو زواج يعني امور بسيطه نبدأ من بكرا انا وانتي نجهز وان شاءالله بنخلص
زفرت تسكت لثواني و ضحكت رويدا تكمل: يابنت وش عليك اهم شي تتزوجون
زفرت اصايل توقف: مدري ياختي اسبوع مره قريب
رويدا: اقولك بكرا بجيك و في مصممه الكل يمدحها نروح نشوف اذا عندها فساتين جاهزة وبنخلص قبل اسبوع صدقيني
اصايل: ابي تصميم خاص وشو جاهز
رويدا: يابنت تسوينه بالعرس بس خلينا الحين يصير كل شي على خير
زفرت بقهر ورجعت تجلس و ضحكت رويدا تنطق: ما الومه مستعجل في احد ما يستعجل عشان اصولتي
ضحكت غصبًا عنها تلف و وقفت رويدا تاخذ عبايتها بعد م وصلتها رساله ونطقت: سهم برا بروح انا
هزت راسها اصايل تودعها و مشت رويدا تخرج
-
🪸📚 @storykaligi 🪸📚🖋
🍃🪸
🪸🍃🪸
🍃🪸🍃🪸
🪸🍃🪸🍃🪸