Telegram-канал storykaligi - ❤️📝 روايات وقصص مميزة 📝❤️: Неотсортированное

❤️📝 روايات وقصص مميزة 📝❤️

25 сентября 2024 05:24

🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 77 ..

📚 😍 📃
📖 روايـــــــــــــة ✍🏼
{ حب أحيا قلب الذياب }

📖🖌 @storykaligi 🎀🍃

ليان فركت يداتها ومثلت الحزن : خالتي مره متأثره و حزينه و كل شوي تمسح دموعها
ذياب عقد حواجبه : امي ! خير شفيها ؟ لايكون تعبانه؟
ليان : لا لا مو تعبانه ، بس عشان بتنقل من هالبيت مره متأثره
ذياب اخذ نفس وتطمن انه صحتها كويسه : اذا على هالموضوع شي طبيعي
ليان : ذياب هذي امك ما تخاف عليها ؟
ذياب رفع يده لكتفها : ليان مو انتي يلي تنصحيني ترا انا لو جبت بنت بعمر العشرين تراها بعمرك
ليان حست قلبها انتفض من لمسه يده وبنفس الوقت فرحت اكثر رفعت يدها ومسكت يده : بس انا مو بنتك يا ذياب
ذياب سحب يده : اعتبرك بنتي
ليان حست انه رميها من برج عالي حطم كل امالها فيه ، تكلمت بصوت هادي وتخنقه العبره : لا تعتبرني بنتك !
ملاذ كانت واقفه وتاكدت شكوكها ب ليان انه لها مشاعر تجاه ذياب ، شدت ع يدها بقهر وهي تشوفهم قريبين من بعض و لأول مره حست بالغيره على ذياب ، قوت من نفسها وبينت العكس ابتسمت بتصنع ومشت بكل ثقه : ذياب انت هنا ؟
ذياب لف لها و ابتسم : ي هلا والله
ملاذ ناظرت ليان : شفيك تعبانه؟
ليان هزت راسها : لا ، ليه ؟
ملاذ تعمدت تضايقها : لانه وجهك متغير كانه صاير شي ؟
ليان هزت براسها : لا مافيني شي ، مشت و وقفت من بعيد تبي تشوف ملاذ بتعاتب ذياب انه مسكها!
ملاذ لفت ع ذياب : شفيها ؟
ذياب وهو يصرف الموضوع : شدراني عنها ، الا انتِ تبين شي ؟
ملاذ : لا بس نسيت جوالي بالغرفه وقلت بجي اخذه
ذياب : طيب انا بروح اشوف امي ليان تقول انها تعبانه وموضوع خروجي من البيت مأثر فيها بزياده
ملاذ هزت راسها ولفت بتمشي بس ذياب مسكها من معصم يدينها و رجع خطوه لورا وصار قدامها : وش مضايقك ؟
ملاذ رفعت كتوفها : ولا شي
ذياب باس كتفها : الشي يلي مضايقك انا بحله بطريقتي ، اهم شي لا يضيق لك خاطر و انا حيّ.

هاللحظه ليان دموعها غرقت خدها ، م توقعت ذياب يعامل ملاذ بهالحنيه والحب كل يلي تعرفه انه انسان قوي و قاسي حتى بزواجاته السابقه كان جامد جدا لكن مع ملاذ يصير انسان مختلف جدا !
.
بعد مرور أسبوع ؛

عند ألاء ؛
كانت جالسه فوق السرير و رافعه رجولها لصدرها ومنزله راسها فوق ركبتها وسرحانه للفراغ يلي قدامها ،
نواف طلع من الحمام و قف قدامها وناظرها بهدوء رفع تست الحمل : متى كنتي بتقولي لي؟
ألاء اخذت نفس: طلعت حامل
نواف ابتسم وتقدم لها و ضمها وهو مبسوط : احلى خبر هذا ، ليش م قلتي لي اول ما عرفتي
ألاء مسحت دموعها : نواف ترا بدري مرا ع الحمل
نواف التمس من صوتها الحزن بعد عنها شوي وشافها تبكي و زاد استغرابه اكثر : ألاء شفيك ؟ مو فرحانه انه بتصيرين ام ؟
ألاء رفعت كتوفها : م ادري ، احس خايفه و احس بدري
نواف جلس جنبها : حبيبتي ابي اعرف وش يلي مخوفك ؟
ألاء اخذت نفس : م ادري ي نواف بدري مره ع الحمل ، ما ابي هالطفل بنزله
نواف ناظرها بصدمه وتكلم بحده : تنزلينه ؟ يعني تموتي طفلنا انتِ صاحيه ؟
ألاء ناظرته بحزن : ما ابيه الحين مو وقته
نواف : هذا رزق من ربنا نمنعه ؟ وبعدين انتِ عارفه انك تاخذين حبوب ومع هذا كله حملتي يعني ربي كاتب لك الحمل كاتب لك تصيرين ام ولأنه ربي يحبنا رزقنا هالرزق الكبير ترا الأطفال رزق و اكبر رزق من ربي
ألاء مسحت دموعها : تتوقع بنقدر نربيه ؟ انا مو جاهزه لحتى اصير أم و اصير مسوؤله عن طفل
نواف ضحك : بنربيه سوا يد بيد ، بنعلمه كل شي و بنتعلم منه بعد رح تكون احلى تجربه بحياتنا صدقيني انا وياك قدها
ألاء : و اذا ما قدرنا ، ترا هذا انسان بنكون نحنا مسوؤلين عنه ، نواف بليز ما ابي هالطفل
نواف وقف وناظرها بعصبيه : اذا بتنزلينه بيكون اخر يوم بيني و بينك تفهمين ، ولحظه لا تنسي بتكوني قتلتي روح
الاء بكت بصوت مسموع : افهمني بليز
نواف اخذ نفس وجلس جنبها ، ألاء ناظرته و حطت راسها بصدره ،نواف رفع يدينه وضمها مسح ع ظهرها وباس راسها : صدقيني لو نزلتيه راح تندمي أساسا كيف بتقدري تكملي باقي حياتك وانتي قتلتي اول طفل لنا
ألاء تكلمت وهي تشاهق : لا تقول قتلتيه
نواف : الوشه حبيبتي ، اول شي اشكري ربي وثاني شي كل يلي ابيه منك انك تعيشي مرحله الحمل و انتي مبسوطه و استمتعي بكل شي ، بليز لا تفكري بشي ثاني
الاء رفعت راسها : م توقعت بتفرح ؟
نواف : قتلتي فرحتي وقت قلتي بتنزلينه
ألاء حطت يدها ع بطنها و ابتسمت بين دموعها
نواف ميل راسه وباس بطنها : انتِ مستوعبه انه في روح بداخلك ، استشعري هالنعمه و اشكري ربي ترا الحين هو يتغذا منك انتِ بالنسبه له كل شي وكيف قدرتي تقولي بتنزلينه؟
ألاء رفعت كتوفها: م ادري
نواف : خلينا ننزل ونبشرهم هالبشاره عاد امي بتطير من الفرحه .

🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀
🎀🍃🎀🍃🎀