6878
امتدادي من السيده شريفه بنت الحسن ع
قصيده لمسلم ابن عقيل عليه السلام
على طور باسم الكربلائي
على محمد واويلاه
🖊️📙
هذا السفير. الخانته الگوم
هذا السفير الخانته الگوم
❥✿•┈┈*📘*┈┈•✿❥
مسلم وحيد ايـديـر بالعـين
ماعنده ناصـر لا اله معيــن
ابحاله وسفه مادره احسين
خانوهه بيعـة مسلم اليوم
❥✿•┈┈*📘*┈┈•✿❥
ما تـدري بي بتـه حميـده
حالت ابوها شگد شديده
مهظومه يا ويلي وتريـده
صبح گلبـهه اعليه مالـوم
❥✿•┈┈*📘*┈┈•✿❥
حاصرو مسلـم اجـو للدار
وطـوعه گلبهه مستعر نـار
صاحت عليهم هذا خطـار
تنحب عليه والگلب مهموم
❥✿•┈┈*📘*┈┈•✿❥
عالسطح من وصل سلامه
لحسين ابـن عـمه وامامـه
ايگله هـاي اخـر علامـه
هـذا امـر بــاري الـقيــوم
❥✿•┈┈*📘*┈┈•✿❥
البايعوا مسلـم وسف خانوه
بسهم الغــدر ياويلي صابوه
من القصر عالگــــاع شمروه
عالارض سالت منــه ادموم
❥✿•┈┈*📘*┈┈•✿❥
جـثته طاحت ويلـي عالگاع
امهشمه منه وسفه الـضـلاع
وين الهواشم خل تجي ابساع
بالكوفه مسلم مـــــات مظلوم
❥✿•┈┈*📘*┈┈•✿❥
تمت بعون الله تعالى
بـ✍ــاقـ✍ــلام خـادمـات أهل البيت عليهم السلام
✍خادمة السيده رقيه(ع) سهام المالكي
✍خادمة الحسين (ع )مله أم مجتبى
لااجيز حذف اسماء الشاعرات
نسالكم الدعاء
بتعجيل الفرج لصاحب الزمان (( ع))
/channel/ssrgk
قصيده بحق مسلم ابن عقيل ع
وزن نص بحر طويل
~«»»««««»«««»
مسلم صال عالجيمان
ياحي وهله بزوده
*ام منـــــــــــ✍️ـــــذرالحجار*
٪٪٪٪٪٪٪٪٪٪٪٪٪٪٪
بسيفه وحده لاگاهم
شمرت علي راواهم
خيب كل نواياهم
ومحد گرب لحدوده
*ام مــــــــــ✍️ــنذرالحجار*
٪٪٪٪٪٪٪٪٪٪٪٪٪٪٪
يرعد مثل ابو فاضل
فرق جيش متكامل
بحب حسين متفائل
بطل حي الله سعوده
*ام محــــــــ✍️ــمد الساري*
٪٪٪٪٪٪٪٪٪٪٪٪٪٪٪
شجاع وتعجب افعاله
وبيده السيف يحلاله
محد. گدر يدناله
ماخذ زود من عوده
*مريـــــــــ✍️ـم الحجيمي*
٪٪٪٪٪٪٪٪٪٪٪٪٪٪٪
ماخذ زود من جده
منهو اليوصل الحده
شمحله سيفه بزنده
حمل حملته المشهوده
*ام روكــ✍🏻ـان الشمـــريه*
٪٪٪٪٪٪٪٪٪٪٪٪٪٪٪
الحومه اليوم طباها
وبيده الرايه شالاها
وحده الگوم لاگاها
صارت جثث ممدوده
*سهـــــــ✍️ــــام المالكي*
٪٪٪٪٪٪٪٪٪٪٪٪٪٪٪
صال وطشر الجيمان
مشهوده اله الريسان
جثثهم ترست الميدان
ضربته بالف مردوده
*شاعـــ✍🏻ـره ام روكان الشمريه*
٪٪٪٪٪٪٪٪٪٪٪٪٪٪٪
هلا ابمسلم وصولاته.
ماتنكر حملاته.
اصيل وطيب ابذاته.
امأصل طلع لجدوده.
*ام كيــــــــــ✍️ـان المحياوي*
٪٪٪٪٪٪٪٪٪٪٪٪٪٪٪
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
/channel/ssrgk
مجلس المسلم ابن عقيل [عليه السلام]
من ديوان مجالس الأتقياء في مأتم كربلاء الجزء الثالث
بسم آلَلَهّ الرحمن الرحيم
إنا لله وإنا إليه راجعون
في بعض كتب المقاتل كان لمسلم بنت اسمها حميده كان الحسين (ع) قد حملها بضعنه مع بناته إلى العراق لعلها تتمتع برؤية أبيها مسلم (ع) ولكن بينما حطَّ رحل الحسين في زرود وإذا برجلين قدما من الكوفة فسألهما الحسين (ع) كيف خلّفتم الكوفة ؟ فقالا : ما خرجنا منها إلاّ وجثتا مسلم وهاني تسحبان بالحبال في أزقّة الكوفة :
عندما ٱسترجع الحسين (ع) بكى بكاءً شديداً
وأخذ يتخطّى الأطفال طفله بعد طفله حتى جاء إلى حميده يتيمة مسلم بن عقيل ( ع) ولها من العمر ثمان سنوات فمسح على رأسها ودموعه تجري وإذا بتلك الطفله قد أحست بيتمها قائلة : يا عم ما عهدتك تعمل بي هذا العمل أفهل أصيب أبي مسلم بشيء ؟
فقال لها : بنية أنا أبوك وبناتي أخواتك
قالت : نعم يا عم ولكن ما أحلى الأب حينما يجلس معه اولاده وبناته
كأني بالسان حال حميده بنت مسلم (ع)
⚫️ نعي
محله الابو ومحله گعدته
ومن تگعد بحضنه ابنيته
حـنـيـن ويامحله محنته
حـنيـن الابـو اوكله محنه
ومـن بعـده أطـشـر شملنه
فراگه صعب والله هضمنه
يومه صعب والله ولجمني
والـــدهــر بغيابه هضمنـي
والدمـعات لبـعـيـني عمني
راح لابـــو مني مـااجانـي
والدهر بــفراگـه صـوبـاني
صعب اغيابه وفگده عماني
عماني الدهر من يوم اخذاه
تمنيت مـوتي ايـكــون ويـاه
بقيت انحب وون اعله فرگاه
بـعـدك يبـــــويه انـــه حزينه
ويالغــالـي مـــــنـــك أيسينه
يالحـنـيـن مــاتـــرجــع علينه
ابوذيه
ابوي الراح عني وبعد ٠٠ مارد
ويعمي افـراگـه للدلال ٠٠ مارد
بعـد عينه الحنين العمر ٠٠ ماريد
يريت اوياه تاخذني المنيه
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
لطميه ثقيله المسلم ابن عقيل(ع)( انه ابنيتك)
بويه ناديت ... انـــــــي ابنيتك حميده
بويه ناديت ... يتيمه من بعدك وحيده
ــــــــــــــــــــــــــــــــــــــــــــــــــــــ
يتيمه بعدك راح كـــل عزي ودلالي
وحيده واخلافك يبويه نشده بالي
اعليك انـادي شكثر ماترجع ياغالي
بويه ناديت... اعليك وناتي شديده
ــــــــــــــــــــــــــــــــــــــــــــــــــــــ
شديده ونــاتي ودمع اعيني اسيله
اعليك اونـن صـرت يابـــويه نحيله
وماغمـــض جفــني ولا طبگله ليله
بويه ناديت ... غيبتك كلش بعيده
ــــــــــــــــــــــــــــــــــــــــــــــــــــــ
ابعيد عنــي رحت بــويه ويتمتني
مارجعـــت اعليـه يالغالي وشفتني
غيبتك صعبه وطــــويله وعذبتني
بويه ناديت.... الحنان اليـوم اريده
ــــــــــــــــــــــــــــــــــــــــــــــــــــــ
مـدلـلـه عندك يغالي وجني اميره
مــن عفتني بقيت ياوالدي بحيره
انـــه ابنيتك حميده رحــت اسيره
بويه ناديت...وسكنت بعدك البيده
ــــــــــــــــــــــــــــــــــــــــــــــــــــــ
بعــدك انه ابقيت مالومه وحزينه
انه واخـــــواني يبــــويه تيتمينه
وأيست ياعــــودي ماترجع علينه
بويه ناديت...مايرد گطعو وريده
ـــــــــــــــــــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
لطمية لفاطمة العليلة ( ع) تقرأ على طور طارش يطارش
بويه يبويه أنـه العليله
تعبني فرگاك مابيه حيله
:=::=::=::=::=::=::=::=::=::
تدري المرض حيل والله تعبني
عني مشيتوا بويه وعفتني
ليش وي العيال شو ما خذتني
روحي عليكم بويه نحيله
:=::=::=::=::=::=::=::=::=::
روحي نحيله وتحن عليكم
وديت الكتاب ويه اليجيكم
شوگي وسلامي وديته ليكم
الجيتك اتاني ليله اعله ليله
:=::=::=::=::=::=::=::=::=::
الجيتك عالباب ضليت اتاني
انطر خبركم بلكت اجاني
فراگك يايوالي والله عماني
غيرك يبويه ياهو اشتكيله
:=::=::=::=::=::=::=::=::=::
ظليت انوحن سهرانه ليلي
وجملني الافراكَ ويهدم بحيلي
مهظومه اونن وذايب دليلي
وثوب العليه مابيه اشيلــه
:=::=::=::=::=::=::=::=::=::
بويه گلتلي بطلي نحيبج
من نوصل اهناك عمج يجيبج
عمج العباس والاكبر حبيبج
ظليت اتاني ودمعــــي اسيله
:=::=::=::=::=::=::=::=::=::
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
# فزاعيه الفاطمه العليله عليه السلام
🖊️📙
عليله بالنزل ضليت
يهلي ليش عفتوني
ــــــــــــــــــــــــــــــــ
ليش الفرگه يحبابي
اليــوم عليكم عتابـي
وانـــه واكفــه بابـــي
اوياكم يهلي خذوني
ـــــــــــــــــــــــــــــــــ
اروحن يهلي وياكم
مالي حيل فرگاكم
بويه الروح تهواكم
فگدكم يرحن عيوني
ــــــــــــــــــــــــــــــــــ
انوحن بالنزل وحدي
جرحت دمعتي خدي
لاو الــي البگه عندي
تذي الفرگه تدروني
ــــــــــــــــــــــــــــــــ
ومن الفرگه والــوعه
عيوني ماغفت ساعه
عليكم بويه موجوعه
من شلتوا هضمتوني
ـــــــــــــــــــــــــــــــــ
هضموني هلي وشالوا
وحته الطفل ماخلـــوا
وأنه بحــالي شخــلوا
فوگ المرض جرحوني
ــــــــــــــــــــــــــــــــــــ
تجرح فرگة الأحباب
كلهـم صبحوا غيــاب
وأنــــه گاعده بالباب
عليهم ذابله اجفـوني
ـــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام علــــــــي المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
اللهم صل على محمد وال محمد
قصيده رجاليه للعليله عليها السلام
★ العليــــله تــبچي وتــنادي ★
بويه اومـوهجت افــادي
يالوالي لاتتركنه
وبفراكك لتفجعنه
بويـه ومـهجت افـادي
ـ✧•┈•✦..○◯○..✦•┈•ـ✧
ودعتك يبويـــه ابدمعــه مجريه
وتكول الغالي افراكـــه اشعمل بيـه
وخافن لويسافــر مايــرد ليـــــــه
وضل امناطره بلكن الك جيــــــــه
ونيني ماابطلنه....ولاطارش وصل منه
بويـه اومـهجت افـادي
ـ✧•┈•✦..○◯○..✦•┈•ـ✧
بويه من سفركــم ماشفت راحـــــه
بس اكضيه يومي كلـه بنياحــــــــه
لحضات الـــوداع لڰـــلبـــي ذبــاحه
ودمــعات الـــعتب لخـدودي جراحه
مثل روح وجسد ﭼنه.. وبلحضه تفاركنه
بويـه اومـهجت افـادي
✍بقلم الملا ام زينب الواسطي💔
ـ✧•┈•✦..○◯○..✦•┈•ـ✧
شلــون الكـلب يصبر يـابعد حيلي
بيـا حـالــه اصيرن لـو اجــه ليــلي
اكل لدمعه مـن دم عالـوجن سيلي
ويــفـراك الاحـــبــه ذوب ادليــلي
شلون بعمري اتهنه..برجعتك اكطع الضنه
بويه اومهجت افادي
ـ✧•┈•✦..○◯○..✦•┈•ـ✧
مــن سار الضـعن بــويه وبــعد عـني
صحت بصوت فـت حته الحجر وني
شلـون تـروح بــويه وحــدي تتركنـي
مــن تـرحــون نـار الـفـرڰـه تـڰتـلنـي
راح الـﭼان الي جنه..ابوي ابيش اعوضنه
بويه اومهجت افادي
✍🏻بقلم الشاعرة زهراء الحربي
ـ✧•┈•✦..○◯○..✦•┈•ـ✧
حـادي النوڰ طـــوح للمسيــر ايــروح
ونـاديتــك يــــبويه لاتــعــذب الــروح
ابقى ابـغربه وحـدي والدمع مـسفوح
ونار الفـرڰه تركت بـيه كومـه اجــروح
لو راح وبعد عنه...اكضي عمري بالونه
بويه اومهجت افادي
ـ✧•┈•✦..○◯○..✦•┈•ـ✧
شني يعــوض الابــو لــوراح شيــرده
جـرح فراڱه ردتــه هــــوه الـــــيشده
بحضـنه اڰـعد وٲشڱي الهظـم عـنـده
مشــــــــه عنه ومـكانه يـاهو اليسده
راح البيه المحنه.. اعليه دمعي اسيلنه
بويه اومهجت افادي
✍بقلم الشاعره سهام المالكي
ـ✧•┈•✦..○◯○..✦•┈•ـ✧
تمت بعون الله تعالى
بـ✍ــاقـ✍ــلام خـادمـات أهل البيت ع
الملا ام زينب الواسطي💔
والشاعرة زهراء الحربي
والشاعرة سهام المالكي
نسألكم الدعاء
بتعجيل الفرج لصاحب الزمان ((عج))
غير مبري الذمه من يحذف اسماء
الشاعرات وينسب الكلام له
/channel/ssrgk
لطميه لفاطمه العليله (عليها السلام)
من لدار شالو كل هلي لا ما خذوني
يوم المشوا عني بقت تهمل اعيوني
"":::""""""::::"""":::"""":::""""
يوم المشوا عنــي هلي ضــلمت يداري
وحدي بقيت انحب وون والدمع جاري
يانارهم بالروح ابد مـــــا تطفه نـــــاري
ناديت جايمـــته الــي يهلــــي تجوني
"":::""""""::::"""":::"""":::""""
جــا يمته تلفون النزل يحبابـي ناديت
وشكثر على الباب انتظر ياهلي ضليت
خطيت بدموعي العتب بالهظم وديت
ايخبركم بحالي شجره من ودعتونــي
"":::""""""::::"""":::"""":::""""
من فارگونــــــــي علتــي زادت عليه
خلوني وحدي وسافروا أهل الحميه
بالدار انوحن ونتحب وحشه وخليه
احبابي كلهم من مشوا زادت شجوني
"":::""""""::::"""":::"""":::""""
ياريت كـــل عمري تظل احبابي وياي
من تدنه ليـــه منيتي يجيبولي الماي
ايسبلون اديه بموتتي يغمضولي عيناي
ايشيعون نعـشي وللگبــر ايوصلــونـي
"":::""""""::::"""":::"""":::""""
نعشي يشيعونه ردت اهلي ويدفنون
يحفرولي بديهم لحـــد وعليه يبجون
يقرون اليه الفاتحه وعــالگبر ينعــون
ضليت مهظومه وون اعله الجفوني
"":::""""""::::"""":::"""":::""""
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
لطميه ثقيله للعليله (ع) (رحت وعفتني)
من ديوان مجالس الأتقياء في مأتم كربلاء الجزء الثالث
🖊️📙
تنادي يبويه شلون رحت وعفتني
ويه الضعن جا ليش مــــا حملتني
━━━━▣◤◢▣━━━━
ويه الضعن يابوي ارد امشي وياك
يظلم عليه البيت اخــــلاف عيـناك
متعوده انه اعليك افرش امصلاك
فوگ المرض افراگ هــل جملتنــي
━━━━▣◤◢▣━━━━
فوگ المرض افراگ بويه حملتــه
يوم الرحت يحنين گلبي اخذتــه
يالغالي هم وظيم والمر جرعتـــه
ابجي ونوح اعليك مـــن ودعتني
━━━━▣◤◢▣━━━━
ابقه انــوح الليل وابــچي بنزلكم
ودعي اله الكون ليه يـــــردكـــم
من هالسفر تلفون ويلتم شملكـــم
الغيبه طويله هواي شـــگــد المتني
━━━━▣◤◢▣━━━━
وبـغيابكم هـالـــروح صارت نحيله
وخط العتب وديت والدمع اسيله
عفتوني يهلي شلون وانــه عليـــله
ضليت اون بـالـدار الفرگه أهضمتني
━━━━▣◤◢▣━━━━
بالدار اون ظليـت صبــح ومسيه
وترجه بويه اتعود يالغــــالي ليــــه
اترد اخوتي اوياك اهـــل الحمـيــه
ويفرح دليلي بيك يل دللتنـــــــــي
━━━━▣◤◢▣━━━━
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
لطميه ثقيله للنزول ( لاتنزلوها)
لا تنزلـوها ٠٠ لا تنـزلــوهـــا
هالحرم يحسين لا تنزلـوهـا
هنا يحگروها ٠٠ هنا يحرگوها
خيامي يبن امي هنا يحرگوها
"":::""""""::::"""":::"""":::""""
هـنا يبن امـي تهجـم الـعـدوان
اعلينه يالوالي تحرگ الصيوان
وابقى محتاره يخوتي بنسوان
گلبي اعليكم امن الهظم خلصان
ما يرحموها ٠٠ ما يرحموها
عيلتك يحسين مايرحموهـا
"":::""""""::::"""":::"""":::""""
ما يرحمونه طفلي مــن يبچي
يخوتي المن امن الظلم اشچي
ظيم البگلبي عدمن انه احچي
بدمعاتي اتسند وبالهـم انتچي
من تعوفوها ٠٠ مــن تعوفوهـا
روحي تبقه بظيم من تعوفوها
"":::""""""::::"""":::"""":::""""
بـكربله ادري الــعـده ايسلبونه
بالبـراري انبات وسفــه ايخلونه
من بعد عيناك بقسوه ايضربونه
وين اهـلـــي انادي ما يلحگونه
العيله سلبوها ٠٠ العيله سلبوها
خويـه من بعدك العيله سلبوهـا
"":::""""""::::"""":::"""":::""""
امشـي مسبيـه بالـغصب عنــكم
تجــري دمعاتي و ارد اشوفنــكم
او ما يخلونـــي حته اودعـنكـم
بلا غسل وكفـان اشلون اعوفنكم
روحي تدروها ٠٠ روحي تدروها
ماتحمل افراگ روحي تدروهـا
"":::""""""::::"""":::"""":::""""
ابهمـي وبحـالـي وبالگلب تدرون
اعليه فـــــرگـاكـم لا ابــد ميـهون
اشلون أنه انساكم يالحنان اشلون
تبقـه سـهـرانـه يــا هلي لــــعيـون
خويه اذوهـا ٠٠ خويه اذوهــا
هنا مداليلك خويه اذوهــــا
"":::""""""::::"""":::"""":::""""
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
*📜 زيـارة الـصحـابـي الجـلـيـل مـيـثـم الـتـمَّـار رضوان الله عليه📜*
✋🏼 السلام عليكَ أيّها العبدُ الصالح، يا ميثمَ بنَ يحيى التّمار، المطيعُ لله ولرسولهِ ولأميرِ المؤمنين ولفاطمةَ والحسنِ والحسين..
✋🏼 اشهدُ أنّكَ قد أقمتَ الصلاة، وآتيتَ الزكاة، وأمرتَ بالمعروف، ونهيتَ عن المنكر، وجاهدتَ في الله حقَّ جهادِهِ، وعملتَ بكتابهِ، مقتدياً بالصالحين، ومتَّبعاً للنبيين...
✋🏼 وأشهدُ أنّكَ قُتِلتَ مظلوماً شهيداً.. فلعنَ اللهُ مَنْ ظلمكَ، ومَنْ إفترى عليكَ، ولعنَ اللهُ مَنْ نَصَبَ لكَ العداوةَ والبغضاءَ إلى يومِ القيامةِ، وحشا اللهُ قبورَهم ناراً وأعدَّ لهم عذاباً أليماً...
✋🏼 _والسلامُ عليكَ أيّها الشهيدُ ورحمةُ الله وبركاتُه._
*🏴#مضيف_ثارالله*
: فزاعيه للنزول
دگ الثايه ابو السجــــاد
وگال الخيم نصبــــــوها
✭┈✺✺---- ✭◌*
صاح بصوت يالشجعــان
وينك ياگمر عدنــــــــــان
ابني الخيمه يالريســـــان
والنسوان نزلـــــــــــــوها
✭┈✺✺---- ✭◌*
بهيده نزل العــــــيله
بهيمه تبات هاللـــيله
حرم ورواحه نحــيله
وبكربله خلـــــــــــوها
✭┈✺✺---- ✭◌*
اجت الكربله هـــاليوم
زينب والگلب مــــالوم
تنادي خويه يالمظلوم
هاي الگاع عوفـــــوها
✭┈✺✺---- ✭◌*
هاي الگاع خــــــــوانه
بينه ارجع يرجــــوانه
احجي وروحي حـزنانه
خويه الحــرم رجعوها
✭┈✺✺---- ✭◌*
نادت والدمــع بـالعـين
وگلبهه منجسم نصين
رجعوا اعيالكم يحسين
وتون ام عون شافـوها
✭┈✺✺----✭◌*
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علـــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
فزاعيه لنزول الحسين ع
في كربلاء
وزن حدي
اليوم ضجت كربله
ولخيام دگوها
انجمعت جميع الساده
والحر عليهم ناده
والحرب منهم راده
والانصار رادوها
*المله ولشاعره ام ناديـــــــــ✍️ـن المحمداويه*
~
طبوها اهل المرجله
هتزت اراضي كربله
وصوت النشامه اعتله
وسيوفهم حدوها
*مريــــــــــــ✍️ـم الحجيمي*
~
الساده کلها امحزمه
ولجل المنایه اموزمه
عباس ابن حامی الحمه
ام الخدر نزلوها
*المیرزا ام لیــــــــــ✍️ـلی الخاقانی*
~
نصبوها لـلعيله الخيم
حارسها عباس الشهم
كافل الـحره والحرم
والعده ما وصلوها
*سهــــــــــــــ✍️ـام المالكي*
~
اشحده اليصل لحدودج
اوليسيل دمع اعيونج
افدي العمر من دونج
والشبان حرسوها
*ام ازهـــــــــــــــــ✍️ـر*
~
اليوم نصبوها الخيم
الحسين وي راعي العلم
وكل الهواشم والشيم
لام الخدر. حاطوها
*ام انــــــــــــ✍️ـور الذبحاوي*
~
العباس هوس بالخيم
كل لحظه ويهز العلم
يم زينب وكلها الشهم
خيمتج ميكربوها
*ام محــــــــــ✍️ـمد الساري*
~
العباس زينب ندبته
ياتاج راسي نادته
يالگلب خويه ومهجته
بجالك فلا يهضموها
*ام مــــــــــــــــــ✍️ـازن*
()()((//()(/())//))((
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
/channel/ssrgk
لطميه للنزول
من ديوان مجالس الأتقياء في مأتم كربلاء الجزء الثاني
اليوم طب الكربله /احسين ابن عقد الوله
ناده عباس الكفيل / خويـه نزل العايلـــه
ـــــــــــــــــــــــــــــــــــــــــــــــــــــــــــــــ
ناده ابـو اليمه شيـال العـــــلم
خويه ياعباس ابنــيــهه الخــيم
حامي يابو الغيره زينب والحرم
ياكفيــــــل العـيله انتـــه يلشهم
انته راعي الموزمه / ابروح ناده امألمه
يبن حماي الحمه / خـــويه نزل العايله
ــــــــــــــــــــــــــــــــــــــــــــــــــــــــــــــ
ابني خويه اخيامهه وحميهه
لا تخلي العده توصل ليـــــهه
اعلينه زينب خايفه تدريــــهه
تبچي ودموع الهظم تجـريهه
اتنوح يالوالي وتحن / تبجي اعلينه وتون
بعينهه تشوف المحن / خويه نزل العايـله
ـــــــــــــــــــــــــــــــــــــــــــــــــــــــــــــــ
زينب اتشوف الهظم من العده
وتدري تبقه اجسادنــــه امدده
تهجم اعله اخيامهه أهل الرده
والعده الصيوان خويه اتفرهده
والدمع من دم يصب / والگلب ناره تشب
تبقه مابيـن الغـــرب / خويه نزل العايـله
ــــــــــــــــــــــــــــــــــــــــــــــــــــــــــــــــــــ
ناده خويه گلبي هل يسعر جمر
مـن شفت عبدالله نـايم يالگمر
الرباب اتلولي وتشم بالنــحر
وبذبحته گلب امـــــه ينكسر
تشتكي الرب الجليل / منفجع منهه الدليل
والدمع ويلي يسيل / خــــويه نزل العايله
ـــــــــــــــــــــــــــــــــــــــــــــــــــــــــــــــ
تبقه زينب بالطفــال امحــيره
وروحهه اعله امصابنه امرمره
نارهه ابوسط الدليل اموجـره
وتنادي ياخويه يسبع الگنطره
اشلون يالوالي تروح / بعد عينك وين اروح
اعليك العيله تنــــوح / خــويه نــزل العايله
ـــــــــــــــــــــــــــــــــــــــــــــــــــــــــــــــ
تــــمت بعون الله تعالى
بقــــ✍🏻لم خـادمة السيده رقيه عليها السلام
الشـــاعره سهام المـــالكــي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
قصيده للمسير كأني بلسان حال العليله ع
المستهل 👇
سار كل ظعن الهواشم وي ابن عقد الوله
من المدينه حسين طالع رايح لطف كربله
✧►◄❖••◐❁💔❁◐••❖►◄✧💔
❖•◐❁◐•❖
مر على گبر الزجيه يودع امه الطاهره
وراح يشكي لجده طه ونار گلبه مسعره
ظلت اتنوح العليله بدار اهلهه امحيره
دموعهه من دم تهلهه للابوا والعايله
✧►◄❖••◐❁💔❁◐••❖►◄✧💔
❖•◐❁◐•❖
نادته يحسين بويه وَحَدي بالدار وأون
فوگ هم الي عليه بويه غاطيني الحزن
المرض هدحيلي وعليله امساهره اولكم احن
اعزاز انتوا وفاركيتوا افراكم مااحمله
✧►◄❖••◐❁💔❁◐••❖►◄✧💔
❖•◐❁◐•❖
عمه يازينب يعمه خلي اودع اخواني
وبيدي عبدالله الولي وَاطفي نار احزاني
اه يادهري وزماني من الاهل حرماني
خله بالدلال حسره والهم آنه امعلعله
✧►◄❖••◐❁💔❁◐••❖►◄✧💔
❖•◐❁◐•❖
راح كل غالي عليه البيت اصبح خالي
لا اخوا ولا اخت يمي ولا ثمر دلالي
حسين ابويه الماأخذني ويلي يصعب حالي
شلون يتركني وحيده ابجاله جنت امدلله
✧►◄❖••◐❁💔❁◐••❖►◄✧💔
❖•◐❁◐•❖
راحوا وايست منهم سار حادي اظعونهم
اعيونهم مافارگتني ولا نسيت ارسومهم
ادري لا طارش يمرلي يجيب اليه اعلومهم
وادري هذا اخر وداع ادموعي الهم هامله
✧►◄❖••◐❁💔❁◐••❖►◄✧💔
❖•◐❁◐•❖
تــــمت بعون الله تعالى
بقــــ✍🏻لم خـادمة االزهراء عليها السلام
الشـــاعره أم حسين الفريداوي
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/+2QlMg8MB8scyNGVi
نعي گرناوي المسلم ابن عقيل (ع) لسان حال بنته حميده (ع)
اشوفنك يعمي اللون مخطوف
اجتك اضن مـن الابـــو اعلوم
على راسي تمسح مثل الايتام
ودمعك يهل ياعمي ادمــــــوم
خبرني ببوي اشجــاري اعليه
أبگلبي احـس بـاليتم هالــيوم
صغيـره واليتــم مـــابيه حيله
من يوم المشه والحيل مهدوم
طالـت غيبته ايـــام وشهـــور
حيل اعليه عنت ذيــج الـرسوم
خوفـــي بعد مــا يرجــع الـنـه
وعلينا ايطول هذا السفر للدوم
ماانسه حنانـــه وگعدتي اوياه
الجانت شوفته اتـــزيل الهموم
انـه ابعــازتـه والوَجـهَ حنيــت
على افراگه اون اوگلبي ملجوم
...............................
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
من ديوان مجالس الأتقياء في مأتم كربلاء الجزء الثالث
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
فزاعيه جنوبيه لمسلم ابن عقيل ( ع)
(رباط هوسه)
🖊️📙
مسلم طاح بالكوفه وجره دمه
وين الي يخبر حسين ابن عمه
✹✭┈✺✺---- ༄✹✭◌*
ويـن اليفزع وبي غيره ويـنادي
ويگله اعله مسلم الهظم السادي
يحضر بالعجل ريحانة الهادي
( ويگله الحگ // طاح الهيبه )
✹✭┈✺✺---- ༄✹✭◌*
وحده اليوم مسلم ما اله ناصر
لا الحسين يمه ولا اخو حاضر
وسفه ما دروا ابمسلم اشصاير
( يحضرونه / وين اهله اليوم )
✹✭┈✺✺---- ༄✹✭◌*
ايحضروله هـله وتطالب ابثاره
مسلم بالگلب مــــاتنطفي ناره
خانت بي اهـل الكوفه غـداره
(وخانت بي /الحگ يلكافل )
✹✭┈✺✺---- ༄✹✭◌*
غدروه السبع جاويــن احسينه
ومن فوگ القصر يدير اله عينه
نــــــــزلت دمعته او رفع جفينه
( اعله حبابـه / سلم بـدموعه)
✹✭┈✺✺---- ༄✹✭◌*
سلم على حسين ودمعه يجاره
يريد الي يوصل الخبر لدياره
ويلي يالغريب انگطعت اخباره
(يتحسر مسلم / عالوالي)
✹✭┈✺✺---- ༄✹✭◌*
من گوم العده تتنازف اجـــروحــه
اعله حسين خايف مو على روحه
يتحسر على المظلوم كل نوحه
(جاوين احبابه / يفزعوله)
✹✭┈✺✺---- ༄✹✭◌*
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام المـــالكــي*
لاأجيز حذف الأسم
القصيده من ديوان مجالس الأتقياء في مأتم كربلاء الجزء الثاني
نسالكم الدعاء بتعجيل الفرج لصاحب الزمان ((عج ))
/channel/ssrgk
اللهم صل على محمد وال محمد
# قصيده لمسلم إبن عقيل ع
مسلم الليله عظيم امصابه
ضل وحيد ودمعته سجابه
╌────═❁═────╌
╌────═❁═────╌
ابحاله أبو سجاد ويلي مادره
طاح مسلم بين ناس الغادره
لامعين و لا نصير أيناصره
والعاهدو صاروا عليه اذيابه
مسلم الليله عظيم امصابه
.. ✍🏻سهام المالكي
╌────═❁═────╌
╌────═❁═────╌
يمه لا ناصر بقه ابديره وحيد
حسين لايمه ولا يمه العضيد
دارت جيوش الكفر ذبحه تريد
تالي غدروه الكفر واصحابه
مسلم الليله عظيم امصابه
.. ✍🏻مريم العبوديه اسيرة الاحزان💔
╌────═❁═────╌
╌────═❁═────╌
ياسفير احسين محنه محنتك
برض كوفان الإعادي غدرتك
وين عنه احبابه تنظر حالتك
العضيده من يودي اجوابه
مسلم الليله عظيم مصابه
✍🏻 ام نور الزهراء الزينبيه
╌────═❁═────╌
╌────═❁═────╌
وحده مسلم دارت عليه العده
بس مره طوعه هي تسانده
من السطح شمروه جثه امدده
ابعيد عنه ما دروا احبابه
مسلم الليله عظيم صوابه
✍🏻أزهار جبار الجياشي
╌────═❁═────╌
╌────═❁═────╌
من السطح شمروها ويلي جثته
نهدت اجبال الروسي الونته
لون هذا اليوم بنته شافته
شلون ناره تستعر لهابه
مسلم اليله عظيم امصابه
. ✍🏻ام زهراء الزيداويه البصراويه
╌────═❁═────╌
╌────═❁═────╌
بنيته حزنــانه وتهل دمع الحزن
حيل مهظومه الغيابه وبس تون
ولدمع منه يصب اعله الوجن
تكـــله ما احـــمل عذاب غيـابه
مسلم اليله عظيم امصابه
. ✍🏻ورود الظالميه
╌────═❁═────╌
╌────═❁═────╌
تمت بعون الله تعالى
بـ✍ــاقـ✍ــلام خـادمـات أهل البيت ع
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
/channel/ssrgk
اللهم صل على محمد وآل محمد 🥀
للعليله
مساجله بالدارمي خطت بأروع وأبدع الاقلام لخادمات أهل البيت عليهم السلام
الشاعرات المبدعات في كروب جبل الصبر زينب عليها السلام
لا واحد ولا ثنين كلهم جفونــي
ودمعي جمر همال يحرگ عيوني
✍الشاعره أزهار جبار الجياشي
┈┅✦▪️✦┅┈
نار الأبو يا ناس بالگـلب تسعر
ومعلمه آنه اعليه ولفراگه مگدر
✍ المله أم علي الكناني
┈┅✦▪️✦┅┈
ياوسفه الخلان شالــــوا فـــــرد يوم
يصحه العليل اشلون لو جرحه ملچوم
✍الشاعره ام زهراء الزيداويه البصراويه
┈┅✦▪️✦┅┈
ضل الدمع بالعين من فارگوني
راحو بعد الاحباب لا مايجوني
✍ الشاعره رقية العامري
┈┅✦▪️✦┅┈
عله وفگد الاحباب والگلب حزنان
عافوني اون بالدار محتاجه الحنان
✍الشاعره أم حسين الفريداوي
┈┅✦▪️✦┅┈
فراگ الأهل يا ناس ايذوب الروح
يخلي الگلب مهموم ولدمع مسفوح
✍ الشاعره سهام المالكي
┈┅✦▪️✦┅┈
نار الابو ياناس جمـره بدليلي
ضليت اون بجفاه مانمت ليلي
معلوله اون بلدار وجهر ونيني
لاخبر لامكتوب مــنهم يجيني
✍الشاعره أم باقر السراي
┈┅✦▪️✦┅┈
وحشة الدار تهون والعِلَه همـــين
خنجر يحز بالروح افراگ الحسين
✍الشاعره أزهار جبار الجياشي
┈┅✦▪️✦┅┈
ياكل بروحي فراگ امي وخواتي
وافراگ ابويه الصار مـــر بلهاتي
✍الشاعره أم علي الأماره
┈┅✦▪️✦┅┈
ظليت اون بالدار صبـح ومسيه
وسط الگلب نيران ماتطفه بيه
✍الشاعره ام زهراء الزيداويه البصراويه
┈┅✦▪️✦┅┈
حنظل يجر بالروح يفراگ الأحــــباب
ردولي صحت بصوت منتظره عالباب
✍الشاعره أم علي الأماره
┈┅✦▪️✦┅┈
تمت بعون الله تعالى
بـ✍ــاقـ✍ــلام خـادمـات أهل البيت عليهم السلام
👈بأشراف ومتابعة خادمات جبل الصبر
زينب ( ع)
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
/channel/ssrgk
💔 لطميه للعليله عليها السلام 💔
راحو بعيد ومشو اهل الحمية
وتركوني لوحدي بدار الزجية
💔➖➖➖➖💔
يهلي عفتوني عليلة وحيدة أتاني
افراكم يهلي جفة عيوني وعماني
من مشيتو بعيد عفتوني اعاني
ناركم تستعر بكلبي جوية
✍🏻 هدى المرزوق
💔➖➖➖➖💔
ناركم تستعر بكليبي ولهيبه
دمعتي عليكم بقت يهلي سجيبه
كلبي مايحمل هضم هاي المصيبه
بداركم وجعانه محد ضل اليه
✍️ ام حسين العامري
💔➖➖➖➖💔
اطحن بصبري وگولن يا مماتي
اجبل اعليه بعد شلي بحياتي
عگب احباب الكلب ماكو منياتي
بصوتي انادي ومحد ايردهن عليه
مريم العبوديه اسيرة الاحزان 💔
💔➖➖➖➖💔
بدمعي خطيت العتب ليكـم يالحباب
وأنتظر جيتكـــــم اوعيني على الباب
يمته اتعودون الي يهـلي من الغياب
ابقيت اون وانتحب صبــــح ومسيـه
✍سهام علي المـــالكــي
💔➖➖➖➖💔
انتحب واصرخ هلي يمته تجوني
من بعدكم عميه يحبابي عيوني
ردو وحشه دياركم يالتركتوني
خلي ترد ايامنه ونرجع سويه
ام ✍️ علي الموسوي
💔➖➖➖➖💔
تمت بأقلام شاعرات رابطة احزان العقيله
غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام
/channel/ssrgk
*نعي لمولاتنا فاطمة العليله (عليها السلام)*
*✧❖❥✿✧━❖❥✿✧*
📍يقول بشر ابن حذلم لما رجع ضعن عائله الحسين (ع) الى المدينه قال لي الامام زين العابدين (ع) يابشر رحم الله اباك كان شاعرا محباً لنا فهل تقدر على شي من الشعر فقلت اي والله اني لشاعر ومحب لكم اهل البيت. قال يابشر انعى الحسين
يقول فلما وصلت مسجد رسول الله (ص) رفعت صوتي انعى الحسين..
يااهل يثرب لامقام لكم بها
قتل الحسين فادمعي مدرار
الجسم منه بكربلاء مضرج
والرأس منه على القناة يدارُ
يقول فمابقت مخدره ولا محجبه الا وبرزن من خدورهن... الآ ابنت الحسين ع فاطمة العليله
💔 نگله يا بشر لا توجع گلب العليله على اهلها ...
خفف صوتك يناعـــي الاجل
لاتسمعك العليله وتزيد العلل
لا تخبرها على مصاب الاهل
عــليله وبمرضــــها حايره
لاتخبرها عـلى الصـار وجره
لا تگلها اجسادهم امِـــوذره
(✍)⇣✿ خادمة محمد وآل محمد
✧❖❥✿✧━❖❥✿✧❖
لا تخبــرها عــن حسين وهله
ضــلو مطاعين اهل المــرجله
وضاعـت لايتام بــوادي كربله
ضاعت الرضعان وعودج نذبح
يالعليله والدج بي ميت جرح
وراسـه مـــگطوع عــله الرمح
✍🏻مريم الحجيمي
✧❖❥✿✧━❖❥✿✧❖
عن اخوها الاكبر لا تخبرها
وبموته لا تفجـــــــــع كلبها
يــــرد ليها تدعـــي ربـــــها
تدعــي لعليله اخوها يـرد
سالم وحيـل عـذبها البــعد
ما ظل صـبــــر بيهــــا بعد
✍🏻 تبـارك فاطميه الهوى
✧❖❥✿✧━❖❥✿✧❖
لا تگلها عـمج العــباس راح
تزود عليهه العـلل والجراح
تضل ابهظم ماتبطل النياح
على افراگهم اتنوح العـليله
تون اعليهم والمدمع تسيله
عــله بـعـدهم ضلت نحيله
✍️ سهـام المالكي
✧❖❥✿✧━❖❥✿✧❖
📍هنا الشاعر يصور حال مولاتنا فاطمه العليله عندما سمعت صوت الناعي 💔
تگله....
يـــــابشر خبرني عن حسين
شسوت بحالـــه هالمـلاعين
ترى كلبي نفطر وصار نصين
خبرني عـــن ابــوي واحواله
كله بدونه ترة ضــاعت عياله
جنت مدلله واتنومس بجاله
✍🏻زينب المحمداوي
✧❖❥✿✧━❖❥✿✧❖
اسألـك يناعـي ردلي لجواب
عــن والدي بن داحي لابواب
من سافر عليه الدمع سچاب
لاتگول ابوچ انذبح عطشان
ونرفـع راسه فـــوگ لاسنان
جسمه عاري ضل عـالتربان
أم علي ✍️ دمعة لقاء
✧❖❥✿✧━❖❥✿✧❖
تـــمـ بعون الله تعالى ـــت
باقـــ✍ـــلام خادمات اهل
البيت (عليهم السلام)
*رابطه (عزيزة الزهره (ع)*
لانجيز حذف الاسماء الشاعرات ❌
غيـر مبري الذمه كل من يتلاعب
بالقصيده أو ينسبها إليه
ونسألكم الدعاء 🤲
/channel/ssrgk
﷽قصيده
للعليله عليه السلام،،،
رجف گلب العليله والظعن صدر
تنادي بالدمع منها الجفن أحمر
★--------------✾-❀✾---------------★
تنادي بالدمع ياعمتي ادخيله
لوحدي لاتعوفوني وانه اعليله
هظم ماتحتمل روحي ترى انحيله
التفارگ أهلها شلون تتصبر
تنادي بالدمع منها الجفن احمر
✍🏻خادمة الزهراء الشاعره ليلى زغيب
★--------------✾-❀✾---------------★
اشلون اصبر يعمه ووحدي عافوني
اشكد ناديتهم . بس مايسمعوني
ومن كثر الدمع هلذبلن. اعيوني
ونيران الحزن بالروح تتوجر
تنادي بالدمع منها الجفن احمر
✍🏻الشاعرة ام زهراء الزيداويه البصراويه
★--------------✾-❀✾---------------★
يبويه شلون عفتني بالهظم وحدي
عليله يالولي ودمعي جرح خدي
نزف دم الكلب من .الجـرح يدي
وعيني اعله الدرب يالغالي تتنطر
تنادي بالدمع منها الجفن احمر
✍🏻 خادمة السيده رقيه ع سهام المالكي
★--------------✾-❀✾---------------★
وحيده اشلون عمه بغربه عفتوني
وانه من المرض ذبلانه اجفوني
صحت بصوت بویه ویاکم اخذونی
نار افراكم بالكلب هل تسعر
تنادی من الدمع منها الجفن احمر
. ✍🏻الشاعره ام یوسف منبوهی
★--------------✾-❀✾---------------★
اركض عالضعينه وبيه الف ونه
يبويه حسين وسفه حملت عنه
وانه الوحدي بس دمعي اهلنه
دمعتها تهل اعله الوجن تنثر
تنادي من الدمع منه الجفن احمر
. ✍🏻الشاعره زهره الكناني
★--------------✾-❀✾---------------★
يضل غافي الدمع مني بوسط هالعين
وانشد عن ضعنكم وين بويه حسين
حده الحادي وجزه ولغيبه احسه اسنين
الكلب شب بلهيبه بنار يتحسر
تنادي بالدمع منها الجفن أحمر
✍🏻الشاعره رماد الخيام
★--------------✾-❀✾---------------★
تمت بعون الله تعالى
بـ✍ــاقـ✍ــلام خـادمـات
كروب جبل الصبر زينب ع..
👈بأشراف ومتابعة
ازهار جبار الجياشي
مريم العبوديه أسيرة الاحزان💔
نسألكم الدعاء
بتعجيل الفرج لصاحب الزمان (( ع))
/channel/ssrgk
قصيده للعليله( ع)
الوزن تجليبه
ـــــــــــــــــــــــــــــ
ابعيد الــــــدرب وياكم اخـــذوني
ازغيره اعله اليتم وعليله تدروني
ــــــــــــــــــــ😭ـــــــــــــــــــــــــــــــ
ازغيره اعله اليتم والنـــوح ليليه
اخذوني ياهلي وي سكنه ورقيه
يطول اغيابكم ماضن بعـــد جيه
ولا طارش يجيلي وضني تنسوني
مـــ✍🏻ــــــــــــيساء ام حسن
ـــــــــــــــــــ😭ــــــــــــــــــ
ولا طارش المنكم بـــــعد يلفيني
عله دروب المشو مشبوحه ياعيني
عافاني عليله ورايح حسيني
عله فراش المرض بس تهمل عيوني
ام وليــــ✍️ــــد الموسوي
ـــــــــــــــــــ😭ــــــــــــــــ
تدروني عليله ومحمل الفـــــرگه
واضن ماكو بعد يهل الفخر ملگه
ماادري اموتن مرض لو حـــــركه.
من شدة ضعنـكم خابت اضنوني
ام عـــــــ✍🏻ـــــلي البابلي
ـــــــــــــــــ😭ـــــــــــــــــ
ماكلـتوا بعـد بلبـــــيت إلا بنـيه
سفركم طال بويه دموعي مجريه
نذر أنـذر لان عاوتـووو علـيه
اطش كل الورد منذوره خلوني
رمــ✍ـاد الخيام
ـــــــــــــــــ😭ــــــــــــــــــ
من حمل ضعنكم ماشفت راحه
ينزف هالگلب اعليكم اجراحه
واعلى افراگكم منگطع سباحه
وعيني ما غفت يوم التركتوني
✍️ سهام المالكي
ـــــــــــــــــ😭ــــــــــــــــــ
عيني ماغفت من حمل الوالي
ضل البيت مظلم والنزل خالي
يوم المشوا عني ضاعت امالي
محمل فرگتك يابوي تدروني
✍️ ام صادق المنصوري
ـــــــــــــــــ😭ــــــــــــــــــ
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /28/ شوال / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره
/channel/ssrgk
فزاعيه للنزول ( ابن الرساله)
ابن الرساله اليوم
طــب الـكــربـــله
"":::""""""::::"""":::""""
اليـوم طب النينوه
وياه شـيـال الـــــوه
الخيم نصبوها سوه
ونـزلو بيها العايـلـه
"":::""""""::::"""":::""""
نزلت الحره ام الخدر
وعباس دگـــاه الصدر
ناده يخويه ام الطهر
بحماي انتـــي امدلـله
"":::""""""::::"""":::""""
نادت يخويه والنعم
منك يشيال الـعـلــم
تفداك روحي ياشهم
والـعـين منـها هامله
"":::""""""::::"""":::""""
ابعبره اتسيل الـدمع
الگلب بالهم منصدع
وتخاف بيهم تنفجع
والروح تبقه اموجله
"":::""""""::::"""":::""""
تبقه تـون وتنتحب
فراگهم تدري صعب
وكلها عدوان وغرب
وهم وهظم امحمله
"":::""""""::::"""":::""""
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
( ختمة الشفاء )
السلآم عليكم وحياكم الله جميعأ
نظرا لما التمسناه من فوائد سورةالمزمل سنقوم بقراءة سورة المزمل بنية تعجيل الفرج وبنية الشفاء العاجل لجميع المرضى المنضورين بلخصوص الاخ
(احمد علي المالكي )
يلتمسو منكم الدعاء لعل دعائكم اقرب الى الله تعالى
*✨ سورة المزمل✨*
*▫بسم الله الرحمن الرحيم▫*
*((يَا أَيُّهَا الْمُزَّمِّلُ💧قُمِ اللَّيْلَ إِلَّا قَلِيلًا💧نِصْفَهُ أَوِ انْقُصْ مِنْهُ قَلِيلًا💧أَوْ زِدْ عَلَيْهِ وَرَتِّلِ الْقُرْآَنَ تَرْتِيلًا💧إِنَّا سَنُلْقِي عَلَيْكَ قَوْلًا ثَقِيلًا💧إِنَّ نَاشِئَةَ اللَّيْلِ هِيَ أَشَدُّ وَطْئًا وَأَقْوَمُ قِيلًا💧إِنَّ لَكَ فِي اَلنَّهَارِ سَبْحًا طَوِيلًا💧وَاذْكُرِ اسْمَ رَبِّكَ وَتَبَتَّلْ إِلَيْهِ تَبْتِيلًا 💧رَبُّ الْمَشْرِقِ وَالْمَغْرِبِ لَا إِلَهَ إِلَّا هُوَ فَاتَّخِذْهُ وَكِيلًا💧وَاصْبِرْ عَلَى مَا يَقُولُونَ وَاهْجُرْهُمْ هَجْرًا جَمِيلًا💧وَذَرْنِي وَالْمُكَذِّبِينَ أُولِي النَّعْمَةِ وَمَهِّلْهُمْ قَلِيلًا💧إِنَّ لَدَيْنَا أَنْكَالًا وَجَحِيمًا💧وَطَعَامًا ذَا غُصَّةٍ وَعَذَابًا أَلِيمًا💧يَوْمَ تَرْجُفُ الْأَرْضُ وَالْجِبَالُ وَكَانَتِ الْجِبَالُ كَثِيبًا مَهِيلًا💧إِنَّا أَرْسَلْنَا إِلَيْكُمْ رَسُولًا شَاهِدًا عَلَيْكُمْ كَمَا أَرْسَلْنَا إِلَى فِرْعَوْنَ رَسُولًا💧فَعَصَى فِرْعَوْنُ الرَّسُولَ فَأَخَذْنَاهُ أَخْذًا وَبِيلًا💧فَكَيْفَ تَتَّقُونَ إِنْ كَفَرْتُمْ يَوْمًا يَجْعَلُ الْوِلْدَانَ شِيبًا💧السَّمَاءُ مُنْفَطِرٌ بِهِ كَانَ وَعْدُهُ مَفْعُولًا💧إِنَّ هَذِهِ تَذْكِرَةٌ فَمَنْ شَاءَ اتَّخَذَ إِلَى رَبِّهِ سَبِيلًا💧إِنَّ رَبَّكَ يَعْلَمُ أَنَّكَ تَقُومُ أَدْنَى مِنْ ثُلُثَيِ اللَّيْلِ وَنِصْفَهُ وَثُلُثَهُ وَطَائِفَةٌ مِنَ الَّذِينَ مَعَكَ وَاللَّهُ يُقَدِّرُ اللَّيْلَ وَالنَّهَارَ عَلِمَ أَنْ لَنْ تُحْصُوهُ فَتَابَ عَلَيْكُمْ فَاقْرَءُوا مَا تَيَسَّرَ مِنَ الْقُرْآَنِ عَلِمَ أَنْ سَيَكُونُ مِنْكُمْ مَرْضَى وَآَخَرُونَ يَضْرِبُونَ فِي الْأَرْضِ يَبْتَغُونَ مِنْ فَضْلِ اللَّهِ وَآَخَرُونَ يُقَاتِلُونَ فِي سَبِيلِ اللَّهِ فَاقْرَءُوا مَا تَيَسَّرَ مِنْهُ وَأَقِيمُوا الصَّلَاةَ وَآَتُوا الزَّكَاةَ وَأَقْرِضُوا اللَّهَ قَرْضًا حَسَنًا وَمَا تُقَدِّمُوا لِأَنْفُسِكُمْ مِنْ خَيْرٍ تَجِدُوهُ عِنْدَ اللَّهِ هُوَ خَيْرًا وَأَعْظَمَ أَجْرًا وَاسْتَغْفِرُوا اللَّهَ إِنَّ اللَّهَ غَفُورٌ رَحِيمٌ💧))*
*▫صدق الله العلي العظيم▫*
*أهداء سورة المزمل مع👇🏻*
*صلوات محمديه 10 مرات*
*نادي عليا مظهر العجائب تجده عونا لك في النوائب كل هم وغم سينجلي بولايتك ياعلي ياعلي ياعلي
10 مرات*
*🌹مهدا الى مولانا امير المؤمنين عليه السلام*
*..
https://vt.tiktok.com/ZSkpaTPo9/
Читать полностью…
لطمية للنزول
وزن البحر الطويل
~~
مهمومه العقيله اتلوب
وصلوا كربله الطيبين
عين تصد لعد عباس
وعين امعلگه اعله حسين
~~~
عيون الحره مشبوحه
لا تهده ولا تغفه
مشدوه الگلب حيران
بيا حاله بعد تصفه
تشوف الاهل والاحباب
وحسين الگرب طفه
نزلوا ارض المنايه
وللموت اهلي متعنين
~~
للموت اعتنواوسفه
وزينب تنظر اعليهم
لو دارت جيوش الگوم
وخلصوا كل مواليهم
يظل ابن الزجيه اوحيد
بعينه السبط يوميهم
يگلهم صعبه هظمتكم
غريب وبس يديرالعين
~~~
وحيد ايظل ابو السجاد
ويلي ايدير بعيونه
لاناصر اله ولا معين
واهل الكفر يولونه
جسمه يبقه عالتربان
واهله مايحضرونه
ويمه الاكبر وجسام
ضحايه علثره امطاعين
~~~
ضحايه تعوفهم زينب
و يحدي بالضعن جتال
ودمع االنايبه يوجع
وحالتها تهد اجبال
ويتامه تلوذ بحماها
ويريد الحمل شيال
عباس التركها وراح
وتجيب الكفيل منين
~~~
الحنين يروح من عندي
واروحن خويه مسبيه
احشم وانتم امنومين
ونيران الحزن بيه
ماعندي بعد كل راي
واني دموعي مجريه
اخليكم عله الغبره
وگلبي منجسم نصين
~~~
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام علــــــي المـــالكــي*
من ديوان مجالس الأتقياء في مأتم كربلاء الجزء الاول
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
نعي النزول الكربلاء
ــــــــــــــــــــــــــــــــــــ 💔
لرض الكدر يمه نزلنه
شفتهه وظليت اجرونه
وهنا ينفگد عزنه واملنه
ــــــــــــــــــــــــــــــــــــ 💔
هنا ينفگد عزي ودلالي
ويروح من ايدي الوالي
وبعده اظل بلضيم حالي
ــــــــــــــــــــــــــــــــــــ 💔
يوم النزلنه الگلب ملجوم
ارجع يبعد اختك مظلوم
والحر عليك شعنده يحوم
ــــــــــــــــــــــــــــــــــــ 💔
حاطونه هالعسكر الصوبين
گلبي انجسم اعليك نصين
حشمت ارجع ياضوه العين
ــــــــــــــــــــــــــــــــــــ 💔
ارجع يخويه للمدينه
والتمت العسكر علينه
انادي بلوعه ياولينه
ــــــــــــــــــــــــــــــــــــ 💔
گلبي رجف خويه عليكم
ورد الحريم لمنازلكم
واخاف الاعادي تغدر بيكم
ــــــــــــــــــــــــــــــــــــ 💔
تــــمت بعون الله تعالى
بقــــ✍🏻لم خـادمة السيده رقيه عليها السلام
*الشـــاعره سهام المـــالكــي*
لاأجيز حذف الأسم
نسالكم الدعاء بتعجيل الفرج لصاحب الزمان ((عج ))
/channel/ssrgk
نعي لسان حال حميدة بنت مسلم( ع ) لما سمعت بخبر مقتل أبيها في الكوفة أخذت تنعى وتقول......
غالي الابـو ماكو بمعزته
والـدللاني الـيـوم ردتـه
گولوله تبچي اعليه بته
✦❥※❥※✿✿※❥※❥※✿✿※❥※❥✦
انه رايده شوفته وملگاه
شيعـود الليالي بعد وياه
عـنـي بعيد الـدهـر خلاه
✦❥※❥※✿✿※❥※❥※✿✿※❥※❥✦
عـنـي بـعـيـد ومـا حويته
بديرة غـرب صارت منيته
راح الـحـنيـن وضـيعيـته
✦❥※❥※✿✿※❥※❥※✿✿※❥※❥✦
ضـيعـت المحنه وفاگدتك
مرني الهظم بويه وندبتك
ارجـع وخلي اگعد ابسدك
✦❥※❥※✿✿※❥※❥※✿✿※❥※❥✦
ارجـع ونـشـف دمـع الـعيون
يلذبحوك گـوم الما يرحمون
من الله ورسوله ما يخافون
✦❥※❥※✿✿※❥※❥※✿✿※❥※❥✦
مـن الله الـقـدر ابـقـه يـتيمـه
وللموت حزني اعليك اجيمه
ردتـك يـالولي تـبقـالي خيمه
✦❥※❥※✿✿※❥※❥※✿✿※❥※❥✦
سـور وتـفـيـي اعـلـيـه ردتـك
ولو مرني هظم اشكيه عندك
مـا عـشتـه عمري كـون بعدك
✦❥※❥※✿✿※❥※❥※✿✿※❥※❥✦
لا عـشت لا
ظلمه الليالي الموش وياي
يارويحتي يالما شرب ماي
✦❥※❥※✿✿※❥※❥※✿✿※❥※❥✦
تم والحمدلله ✍🏻 خادمة أم أبيها الشاعرة أم علي الحلفي ( من ديوان مصارع الكرام الجزء الأول) لا أجيز شرعاً حذف الأسم أوتغير الكلمات أهدي ثواب عملي هذا إلى أرواح المؤمنين والمؤمنات وإلى روح المرحوم ( والدي رحمهُ الله)
نسألكم الدعاء
/channel/Om_Abeha
*فزاعيه للهلال*
___
بهلالك شهر عاشور
ام الحسن مفجوعه
ــــــــــــــــــــــــــــــــ💔
شهر الدمع والأحـــزان
زينب شافت الولـــيان
مطروحه على الــتربان
حسين مكسره ضلوعه
✍️ ام صادق المنصوري
ـــــــــــــــــــــــــــــــــــــ💔
بيك مذبحه الايـــــات
قران اعله المســـــنات
مصاب المابرد هيـهات
الشيعي تجري ادموعه
ام عـ✍🏻ــــــلي البابلي
ــــــــــــــــــــــــــــــــ💔
زينب شافت المذبوح
جسمه يدي بس جروح
قران الامم مطروح
وتحملت چم لوعه
✍️ام زهراءالفاطميه
ـــــــــــــــــــــــــــــــ💔
اهواي اتحملت لوعات
وهسه زادن الونــات
لجل احسينها الاهات
اعليه دارت المجموعه
✍️أم أحمد الساعدي
ـــــــــــــــــــــــــــــــــ💔
ريت وكـــون لاهليت
بيك افگد چبير البيت
يهلال الحـــزن مليت
بمتني اسياط مطبوعه
✍🏻 الحجيه ام علي
ــــــــــــــــــــــــــــــ💔
بيك الـــعده تولينـي
تحرگ كـــل صواويني
وبعد اخوتي تسبينــي
عليهم روحي موجوعه
✍️ سهام المالكي
ـــــــــــــــــــــــــــــ💔
((( رابط راثيات العتره )))
تـــمـ بعون الله تعالى ـــت
باقـــ✍ـــلام خادمات اهل البيت ع
(((رأّبِطّةّ رثّأّء أّلَعٌتّرهِ)))
بتاریخ /22/ذو القعده / 1443هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻
قناة رثاء العتره للقصائد المشتركه تتضمن اروع القصائد الحسينيه بجميع الاوزان والاطوار باروع اقلام شاعرات اهل البيت في رابطة رثاء العتره
/channel/ssrgk