-
San’at, adabiyot, she’r va she’riyat, adabiy tanqid, adabiy jarayon hamda kitoblar haqida gaplashamiz! https://taplink.cc/donobekchan https://t.me/joinchat/UMKfsGCSJDfcvKNn
Шу ҳайкалчага дил кетди...
Масалан, менга совға танлаш унчалик қийин эмас. Ўзим ишора қилиб тураман, аммо етиб бормайдими, билмадим-да.😅
Евгений ЕВТУШЕНКО
АФҒОН ЧУМОЛИСИ
Афғон деб аталган олис тупроқда
Бир ўрис йигитин мурдаси ётар.
Ўрмалаб юрибди муздек яноқда
Мусулмон чумоли айни кунботар.
Қийналиб ўрмалар — ўлимдан сўнг ҳам
Ўсишдан тўхтамас мурда соқоли.
Йўл излаб бораркан, жим қотиб бир дам
Мурдага гапира бошлар чумоли:
«Сен ҳатто билмайсан бу ернинг номин,
Билмайсан қаерда бўлгансан қурбон.
Фақат биласанки — ҳаётинг зомин,
Фақат биласанки — ёнингда Эрон.
Сен-ку «Ислом» деган сўзнинг маъносин
Фақат шу ўлкага кирганда билдинг,
Ахир, айт, сен ўзинг билмаган юртга
Нега милтиғингни кўтариб келдинг?
Нимаям берардинг менинг элимга
Мабодо қошингга келиб бош урса,
Ахир, ўз юртингда колбаса учун
Одамлар соатлаб навбатда турса?
Йигирма миллион қабр каммиди,
Каммиди ноҳақ қон, ёлғон, хиёнат?
Нега яна сонсиз қурбонлар тилаб
Бу ерга келдингиз бошлаб қиёмат?
Афғон деб аталган олис тупроқда
Бир ўрис йигитин мурдаси ётар
Ўрмалаб бораркан муздек янокда
Мусулмон чумоли боз ўйга ботар
Ва минг алам ила билмоқчи бўлар,
Йитсин дегандайин бу юртдан ўлим,
Исога чўқинган чумолилардан
Бу ўрис йигитни тирилтмоқ йўлин,
Аммо ўша олис — етимлар доди,
Бевалар фарёди пажмурда этган
Ўлкада бу йўлнинг чорасин билган
Чумолилар бари қирилиб кетган.
Хуршид Даврон таржимаси
t.me/SozKimyosi
18 +
ФУРУҒ ФАРРУХЗОД
ГУНОҲ
Гуноҳ қилдим, лаззат кўпирган гуноҳ,
Қайнаб турган иссиқ оғуш ичра маст.
Гуноҳ қилдим, темир билак сиртмоғи
Жисмимга, жонимга айлаганда қасд.
Қоронғи ва жим-жит ул хилватгоҳда
Боқдим сеҳр тўла кўзига беҳол.
Кўксимда юрагим титради зир-зир,
Истак тошиб турган нигоҳидан лол.
Ўшал жим-жит, тийра хилватгоҳ ичра
Тўзғидим, бағрида туйиб эҳтирос.
Шавқ тўкиб лабларим юзига лаби,
Телба дил ғамидан айлади халос.
Мен ишқ қиссасидан сўйладим бир-бир,
Сени истаюрман қадимдан-қадим.
Сени истаюрман, эй жонбахш оғуш,
Фақат, сени, телба ошиғим маним.
Унинг кўзларида порлади ҳавас,
Жон чайқалди гулгун шаробга тўлиб.
Майин тўшак узра менинг вужудим,
Кўксида титради маст-аласт бўлиб.
Гуноҳ қилдим, лаззат кўпирган гуноҳ,
Бир бағирда титраб, ҳушдан айрилдим.
Ул қоронғи, жим-жит хилватгоҳ ичра,
Қайдан билай, Тангрим, мен нима қилдим?!
t.me/SozKimyosi
Меҳрга элтмади ёздаги йўлим:
Шодлик - ўйинқароқ, ғусса - тамизли...
Куз - менинг сен томон узатган қўлим,
Боққа чўз қўлингни... Ярашамизми?
Осмонга қарагин, кенгайиб кетди,
Қанча ғусса бўлса, сиғар оламга.
Келгин, ярашайлик... Дард ёмон етди -
Дарднинг зарраси ҳам улкан одамга.
Вужудни тўлдирди бир оғриқ майин,
Ёқамни чок этиб йиғласам ўзим...
О, сени йўқотиб борганим сайин,
Юракка айланиб боряпти сўзим.
Чидаб яшайверсанг, айрилиқ - кўним,
Бир журъат топмасанг, ҳижрон толмайди.
Куз менинг сен томон узатган қўлим,
Боққа қўл чўзмасанг, куз ҳам қолмайди.
Усмон АЗИМ
t.me/SozKimyosi
Умид,
Қайга етаклайсан,
Узилмаган умид?
Муаллақ турибман,
Узилиб бўлди-ку
Бари ришталар,
Нега узилмайсан, умид?
Дормисан,
Ё чиндан,
Ёрмисан, умид?!
Абдувоҳид ҲАЙИТ
t.me/SozKimyosi
Тимоти Уинтер - «XXI асрда ислом: Постмодерн дунёда қиблани топиш» (Islam 2001: Finding the Qibla in a Postmodern World)
Читать полностью…
Miya eng ko’p quvvat sarf qiladigan organ. Miyadagi quvvatni tejash uchun salbiy xayollardan chekinib, ijobiy xayollarni o’ylash, meditatsiya va vizualizatsiya bilan shug’ullanish yaxshi natijalar beradi. Miya neyronlari va ishlamayotgan qismlariga ta’sir qilishga qodir bo’ladi.
****
Agarda doimo yomon gumonlarda boʻlsangiz miya kortizol gormonini ishlab chiqishga buyruq berardi, oqibat stress, depressiyani boshlab keladi. Shunchaki yomon gumon-xayollar bilan kishi oʻz-oʻzini tushkun holatga tushib qolishiga sababchi boʻlishi mumkin.
****
Istalgan narsa haqida va odamlar haqida doimo yaxshi oʻylashga harakat qilish kerak. Yomon xayol va gumonlarning kishini oʻzidan oʻzgaga zariri deyarli yoʻq.
Deylik, oʻzingizni omadsiz, baxtsiz ekaningizni takrorlab yursangiz bu miyaga buyruq sifatida ketadi, oqibat baxt gormoni oʻrnini kortizol egallaydi.
Odamlarni ham besabab yomon koʻrib qolish hollari kam boʻladi. Koʻpincha oʻzimiz yomon gumonlarimiz, fantaziyalarimiz bilan biror kishidan yomon yoki dushman yasab olib, oqibat uni yomon koʻrib qolishimiz mumkin. Miya ham yomon gumonda boʻlgan odamlarimizni koʻrganda yomon reaksiya beradi, asabiylik, toqatsizlik yuzaga keladi.
@SozKimyosi
Bu ketishda Clubhouse barcha tarmoqlarni ortda qoldiradiyov. 😉
4 soatdan oshiq vaqt davomida dunyoning turli burchaklarida o’qiyotgan, ishlayotgan o’zbekzabonlar bilan ta’lim tizimi borasida yaxshi munozara boʻldi. Jahondagi ta’lim tizimlari bilan bizdagi ta’lim qiyoslandi. Ziyoli, ilmli yigit-qizlarni, aka-uka, opa-singillarni kashf etdim.
Qobiqdan chiqishga, fikrlar o’sishiga, yaxshi va yangi ma’lumotlar olishga, fikr almashishga zo’r platforma ekan.
Sayohat qilish ishtiyoqi oshdi. Kitob o’qishning o’zi kifoya qilmas ekan, degan xulosaga keldim. Safar qilish, boshqa madaniyatlar ichida yashab koʻrish zarur. Ilm olish qanchalik muhim boʻlsa, sayohat uningdek muhim, egallagan bilimlarni tatbiqi boʻlar.
Clubhouse’da bor boʻlsangiz izohlarga nikname’ni qoldiring.
@SozKimyosi
Odamlar siz haqingizda nima oʻylashlari va nima deyishlaridan havotirga tushmang. Oxir-oqibat natijalar soʻzlaydi. Bor kuchingiz bilan oldinga intilishda davom eting. Kurashda Allohdan uzoqlashmaysiz. Unga intiling. Alloh sizni hech qachon yolg’iz tashlab qoʻymaydi. Hatto hamma sizni tark etganida ham U siz bilan boʻladi.
Mufti Menk
Dono Bekchan tarjimasi
@SozKimyosi
Нусрат Касаманли
Кетмоқ истайсанми?
баҳонасиз кет,
Уйғотмагин телба хотираларни.
Сасинг - ўша-ўша,
боқишинг - ўгай,
Кетсанг, унутилар албатта бари.
Сен денгиз бағрида тўлғонган чечак,
Устингга долғалар отилажакдир.
Сохта муҳаббатинг сохта ой каби,
Қачондир бош узра тутилажакдир.
Демамки, сен тоғсан, эгил бироз, бас,
Демамки, қолибдир иложим сенга.
На сенда муҳаббат қора пул эмас,
На мен тиланчиман, қўл очгум сенга.
Йўллардек узалдим оёқларингга,
Сенга ёлвораман...
Йўқ, мумкун эмас.
Калбимдек қўймайман сени ёлғиз ҳеч,
Лаҳзалаб яшамоқ умр-кун эмас.
Кетмоқ истайсанми,
у йўл, у ҳам сен,
Бир жуфт кўз термулар орқангдан, гулим.
Кетдингми, ортингга қайтмоқ истасанг,
Тиканли йўлларга айланар йўлинг.
Кетмоқ истайсанми,
на сўзла, на тин,
Йўқ бўл узоқдаги туманда, тунда.
Нега мени севдинг? - дея олмадинг,
Нега сени севдим? - демадим мен ҳам.
Кетмоқ истайсанми,
баҳонасиз кет,
Уйғотмагин дарвеш хотираларни.
Сасинг - ўша-ўша,
боқишинг - ўгай,
Кетсанг, унутилар албатта бари.
Озарбойжон тилидан Раҳмат Бобожон ўгирмаси
@SozKimyosi
Clubhouse’ga a’zo bo’ldim. Bu platformada jonli ovozli suhbatlar uyushtirilar ekan. Bugun 3,5 soat davomida “O’zbek tilida kontent yaratish” mavzusi muhokama qilindi. Shu o’rinda til, yozuv, alifbo, imlo, ta’lim masalalari ham koʻtarildi.
Umuman olganda Clubhouse yaxshi joy ekan. Turli fikrlarni eshitib, yangi fikrlar tug’iladi. Faqat moderator mavzu tanlagach, mavzudan kelib chiqib soha mutaxassislarini speaker qilgani maqsadga muvofiq.
Til borasidagi ko’p savollarga soha mutaxassislari emas, blogerlar javob berdi. «Til so’zlashuv vositasi, bugun bor, ertaga yo’q», degan qarashlar bildirildi. Bizningcha bunday qarash xato, har holda tilshunos sifatida men uchun katta xato. Til bor ekan, millat bor! Milliy g’urur masalalari boshqa narsa.
O’zlashma so’zlar haqidagi qarashlarga mutaxassis javob bersa moderator ko’zlagan maqsadiga yetardi. Imlo, alifbo borasida ham shunday.
Ta’lim haqida (doimo aytaman) mutaxassislarni tinglash kerak. Muammoni, ichidagi kasalliklarni ta’limdagilar, o’qituvchilar biladi.
Sun’iy ong borasida berilgan savol yaxshi edi. Javob ham qoniqarli.
Xullas kalom, kimda iPhone bo’lsa - o’qituvchilar, tilshunoslar, adabiyotshunoslar, yozuvchilar, shoirlar, tarixchilar, ilm bilan shug’illanuvchi har kim Clubhouse’da bo’ling!
Muammolarni yetkazish va ochiq tahlil uchun yaxshi platforma.
Taklif va imkon uchun BBC jurnalisti Ibrat Safo akaga katta rahmat!
@SozKimyosi
«Mustaqillik bizga nima berdi deb emas, biz mustaqillikka nima berdik» deb yashagan qo‘shni «mahalla», Temur bobolaridan g’urur tuyadigan - Buxoro va buxoroliklar...
«Ura-ura!»
/channel/trolluz/8370
Fikrlaydigan odamga hayot komediya, hislar bilan yashaydiganiga tragediya...
Hayotimiz adabiy janrlar ichida kechadi, adabiyotdan tashqarida emasmiz!
@SozKimyosi
Кейин у мени қучоқлади: қучоқлашни биладиган одам – яхши одам.
Ўрхон Помуқ,
"Менинг исмим қирмизи" романидан
👉 @xurshidabdurashid
Матназар АБДУЛҲАКИМ
ЖАЛОЛИДДИН
Наҳот, энди боғлар сўлади,
Ариқларда, наҳот, оқар қон.
Шаҳидларга майдон тўладир,
Қўзғунларга тўладир осмон.
Унутмайман ёт тупроғида
Хоразмнинг кўзёш, хунларин.
Мен соғиндим, қаттиқ соғиндим
Жайхунимнинг ўз тошқинларин.
Қилич серпаб, довулдек елиб,
Кўп жонларни адо қилдим мен.
Салтанатда дунёга келиб,
Балки, мудҳиш хато қилдим мен.
Ҳаёт — жумбоқ. Йўқдир ечими.
Бу хатони ўлим тўғирлар.
Ишонаман, эртами-кечми,
Даф бўлади юртдан мўғуллар.
Мардлик ҳамда номардлик чекин
Илғамадим, тўкиб шунча қон.
Тавба деган ҳасса бор... лекин
Таянмайман унга ҳеч қачон.
Жанг тўхтади. Олар барча тин.
Лаб теккизди отим майсага.
Мен ҳоридим. Ёмон чарчадим.
Суянаман бирпас найзага.
t.me/SozKimyosi
Oмон МАТЖОН
Мен булут бағрига син солиб боқсам
Селлари кўзимда бир намча йўқдир.
Ваҳшати тун ёрган йилдиримнинг ҳам
Бардоши титраган бир шамча йўқдир.
Қадимда бир юртнинг нодон хоқони
Варрак кашф этганнинг тўкибди қонин,
Ёлғоннинг тахтдаги юз йил даврони
Ҳақиқат айтилган бир дамча йўқдир.
Тенглик йўқ жойларда ёмондир қисмат,
Тили омон бўлса ўлмайди миллат,
Дунёда ҳеч бир хил қуролда қудрат
«Тинчлик» сўзин ёзган қаламча йўқдир.
Табиат гўёки биз билан сирдош.
Гулларнинг бағри доғ, оҳу кўзи ёш,
Дарёни опичиб турган тоғу тош
Бари дард билган бир одамча йўқдир.
Жоним, бу одамлар бунчалар тажанг,
Олдингда-ку жанглар, орқада ҳам жанг,
Жаҳон йўлларини қилиб боқсак жам,
Иккимиз отган бир қадамча йўқдир!
t.me/SozKimyosi
Адабиётга қўйилаётган талаблар жуда қизиқ. Кимдир адабиёт дин тарғиби билан шуғуллансин, яна кимдир маънавиятимиздан ташқарида бўлмасин демоқда...
Гап шундаки, адабиёт бир сиқим одамлар истаган ижтимоий вазифани бажармайди. Ўз эҳтиёжимиз, диний, дунёвий қарашларимизга қараб адабиётдан у ёки бу вазифани бажаришни талаб қила олмаймиз. Ҳеч ким адабиётни ўзининг тор, биқиқ, мутаассибона қарашларига тўғирлай олмайди. Адабиёт уммондир. Унда кўпиклар ҳам, жавоҳирлар ҳам бирдек бор...
Адабиёт маълум доира одамларининг дунёқараши, дидига мосланмайди. Адабиёт ўқиш, уқиш, тафаккур қилиш учундир.
Кимлардир таққан кўзойнакдан адабиётга қарашни ўрганмаслик керак. Етишиб келаётган ижодкорлардан тортиб мунаққидларгача ўз қараши, қаричи, табиийки кенгроқ қулочи бор, бари биқиқликни ёриб чиқишга ҳаракат қилмоқда! Истайлик-истамайлик бу жараённи тўхтата олмаймиз! Яқин ўтмишда қурилган жамиятни кўрган авлод ортиқ қўштирноқ ичидаги маънавият ортидан эргашмайди! Ҳозирги ёш ижодкорлар эркка ташна, инсоний эрк - эътиқоди! Муте тафаккур сарҳадларига сиғмайдиган кенглик, озодлик, эркинликдан нафас олишади...
Ёшлар уйғоняпти, атрофидагиларни уйғотмоқчи, уйғоқ ёшларни эргаштирмоқчи. Бу ўринда фақат қўллаш ва ишонч билдириш керак. Токи бой берилган авлоднинг тафаккур зулматида адашиб қолмасинлар...
t.me/SozKimyosi
«Эй, нимасини айтасан, улар дунёда ишонч деган, эрк деган, озодлик деган ва яна қанча-қанча муқаддас туйғулар борлигини унутиб юборишган. Нимасини айтасан, уларнинг қоринларидан бошқа эрмаклари йўқ...
Улар, Турон тасвирлагандек, чиндан ҳам росмана сен ва менга ўхшаган одамлар. Лекин биздан битта фарқи бор, уларнинг қиёфаси йўқ, улар билан хайрлашганинг заҳоти уларнинг башарасини унутиб қўясан. Ҳа, билиб қўй - улар шундай қиёфасиз нусхалар».
«Ўлим ўпқони»дан
Темирпўлат ТИЛЛАЕВ
t.me/SozKimyosi
Аҳмад Яссавийнинг янги топилган «Ҳикмат»лари асосида тайёрланган луғат. Жами 2500 та турксўғд сўзлари маъноси изоҳланган.
«Турксўғд деганда, биз турк ва сўғд тиллари учун муштарак сўзларни, яъни 4-5 минг йил бирга яшаш натижасида, туркникими ёки сўғдникими эканлиги қоронғилашиб кетган сўзларнигина эмас, балки ҳозирги айрим олимларимиз янглиш ҳолда форс тожик тилига тааллуқли деб ҳисоблаган сўзларни ҳам назарда тутамиз», дея изоҳлаб ўтади Бахтиёр Исабек, ўзнинг «Яссавийни англаш йўлида» мақоласида.
Бахтиёр Исабек изланишларида кўп нарса янгилик бўлди. Яссавий ижоди, айниқса, 63 ёшдан кейинги ҳаёти талқини биз ўрганган талқиндан фарқли, илмий ва мантиқли ёндошилган. Ундан ташқари, «Аналҳақ» масаласи ҳам яхши тушунтирилган. Ясаввий ижоди таҳлил қилинар экан, унинг ҳикматларидаги «Ўз» ва «ўз» масаласи мисолида Инсон руҳи Ундан эканига ишора қилади:
«Сен мен темак биздин қолди», яъни сен ва менга тиш бу дунё иши, аввало, «биз» ва охири «биз»дир. Бундан яна англашиладики, Инсон руҳи – Биз у Мендан, яъни Ўзидан яралган. Ўзи - тоқ, якка ёлғиз. Ушанинг учун ҳам «Яккалии фақат Ўзига (Худога) ярашибди» дейишади. Инсон Руҳи – Бир лекин у биз инсонлардаги «Биз»дан ўзгача биз. Инсонлардаги Биз-мен + сен+у (лардир). Инсон Руҳи «Биз»лиги: биз + биз, яъни «мен» ва «сенларсиз» Биз. Барча яратиқлар билан ўзининг яхлитлигини англаб етган суфий энди олам сирларини билишда Сулаймонга берилган мақом даражасига етади. Сулаймон пайғамбарга бу ҳолат шундай инъом қилинган бўлса, суфийнинг машаққатли ўқиб ўрганиши – меҳнати туфайли бу ҳолатга эришилади. Аҳмад Яссавий, айнан шу мақомга етганида «Қул Сулаймон»тахаллусини қўллаган бўлиши эҳтимолдан холи эмас».
Китоб филолог, адабиётшунос ва Яссавий ижодини ўрганувчилар учун яхши қўлланма.
t.me/SozKimyosi
«— Мен кўб умримни шу юртнинг тинчлиғи ва фуқаронинг осойиши учун сарф қилиб, ўзимга азобдан бошқа ҳеч бир қаноат ҳосил қилолмадим. Иттифоқни не эл эканини билмаган, ёлғиз ўз манфаати шахсияси йўлида бир-бирини еб, ичкан мансабпараст, дунёпараст ва шуҳратпараст муттаҳамлар Туркистон тупроғидан йўқолмай туриб, бизнинг одам бўлишимизға ақлим етмай қолди.
Биз шу ҳолда кетадирган, бир-биримизнинг тегимизга сув қуядирған бўлсақ яқиндирки, ўрус истибдоди ўзининг ифлос оёғи билан Туркистонимизни булғатар ва биз бўлсақ ўз қўлимиз билан келгуси наслимизнинг бўйниға ўрус бўйиндириғини кийдирган бўлармиз. Ўз наслини ўз қўли билан кофир қўлиға тутқин қилиб топширқучи — биз кўр ва ақлсиз оталарға худонинг лаънати албатта тушар, ўғлим!
Боболарнинг муқаддас гавдаси мадфун Туркистонимизни тўнғузхона қилишиға ҳозирланған биз итлар яратгучининг қаҳрига албатта йўлиқармиз! Темур Кўрагон каби доҳийларнинг, Мирзо Бобур каби фотиҳларнинг, Форобий, Улуғбек ва Али Сино каби олимларнинг ўсиб-унган ва нашъу намо қилғанлари бир ўлкани ҳалокат чуқуриға қараб судрағучи албатта тангрининг қаҳриға сазовордир, ўғлим! Гуноҳсиз бечораларни бўғизлаб, болалар ятимхоналарини вайрон қилғучи золимлар — қуртлар ва қушлар, ердан ўсиб чиқған гиёҳлар қарғишиға нишонадир, ўғлим!..»
Абдулла ҚОДИРИЙ
«Ўткан кунлар» романидан
t.me/SozKimyosi
Baxt gormonlari:
1) Dofamin - asab impul’slarini uzatishda va asab tizimini normal ishlashiga javobgar gormon. Dofaminning eyforiyaga ta’siri katta. U qoniqish hissini hosil qiladi: ovqatlanganda, intim munosabatlarda... U orqali oshiq boʻlamiz, onalik muhabbatini va mehrini ham shu gormon shakllantiradi.
2) Serotonin - asab tizimini susaytiradi, shu bilan birga ijobiy his-tuyg’ularga ham javobgar. Ekstaz va eyforiya paytida gormon yuqori miqdorda boʻladi. Kamayishi depressiyaga olib boradi. Ultrabinafsha nurlari gormonni faol ishlab chiqishiga sababchi boʻladi, qish faslida, quyosh nurlarining kamayishida tushkunlikka tushishimiz sababi ham shunda.
3) Oksitotsin - muhabbat gormoni, ishqiy munosabatlar uchun mas’ul. Qoʻrquv, havotir va bezovtalikni kamaytirib, sevgi-muhabbat, onalik muhabbati, doʻstlik tuygʻularini kuchaytiradi. Ichkilikka qaramlikni shu gormonni oshirish hisobiga davolsh natija bergan.
4) Endorfinlar - eyforiyamiz (shijoatimiz) uchun javob beradi. Endorfinlar - bizning ichki morfinlarimiz. Orgazm paytida koʻp miqdorda ishlab chiqariladi. Tanamizda stressli vaziyatlarga javoban hosil boʻladi, ogʻriqlarni kamaytirish xususiyatiga ega.
Dono Bekchan
t.me/SozKimyosi
Rus segmentida yaxshi suhbatlar bo’lar ekan. Hozir neyropsixologlar suhbatini tinglayapman. Aynan, biznesga, mablag’ga aloqador masalalar ko’rilyapti. Xayollarning, yomon gumonlarning miyaga va u beradigan buyruqlariga ta’siri masalasi ham tilga olinyapti.
Yoqmagan tomoni o’zbeklar ham munozaralarni rus tilida olib boryapti. Mavzular chegaralangan. Koʻpi rejasiz va soha mutaxassislari yig’iladigan munozaralar kam. Oddiy “choyxona” kayfiyatida.
Tezda o’zbekzabonlar bilan ta’lim; tarix; psixologiya; jamiyatdagi muammolar: ayollar masalasi; erkaklar masalasi; chet elga grantlar; jurnalistika: muammo va yechimlari; badiiy adabiyot, ijod, adabiy tanqid; noshirlik va undagi mavjud muammolar... va boshqa mavzularda faollikni qo’lga olish kerak.
Speaker boʻlish istagidagilar bormi?
Clubhouse’da rusiyzabon blogerlar bilan munozara boʻlyapti.
Rusiyzabon bloger Kirill Altmanga savol berishdi: YouTube’dagi rusiyzabon kanallar ahvoli qanday?
Javob: Rus tilidagi kanallar kuzatuvchilari borgan sari qisqarib boryapti.
Savol: Bunga o‘zbek tili haqida chiqarilayotgan qonunlar sababmi?
Javob: Yo'q, sabab qonunlarda yoki til bilmaslikda emas. Har ikki tilni biladigan yoshlar yetishib kelyapti va ular o‘z ixtiyorlari bilan o‘zbek tilini tanlashyapti. O‘zbek tilida kanallar ham ko‘paygan.
Bizga kanalingizda juda qiziq narsalar bor, ammo ko‘ruvchilari juda kam, deyishadi.
****
Yoshlarimizning oʻzbek tilini tanlashayotgani quvonarli. 🙂
@SozKimyosi
Хуршид АДБУРАШИД
КЕЧИРАСИЗ
Кечирасиз, хоним, ухлолмаяпсиз,
юрагингиз оғридими,
ёки кўзингиз?
интиҳоси йўқ орзулар бўлса ўйланг,
ёки умидни вақтида узингиз
аммо бир гапни айтай,
сиз гўзалсиз ниҳоятда,
ниҳоятда самимий,
жавоб ҳам бермайсиз,
сезяпман,
йиғлаяпсиз, ўзингиздан ўзингиз.
@SozKimyosi
Ayrim shoir va shoiralarning she’rlarini o’qiganda Anvar Obidjonning quyidagi misralari xayoldan oʻtadi:
U dunyoda shilsalar gar teringni,
Demak oʻqishgandir biror she’ringni.
****
У дунёда шилсалар гар терингни,
Демак ўқишгандир бирор шеърингни.
Анвар Обиджон
@SozKimyosi
Чем более послушен человек, тем менее ценна его личность.
Людмила Улицкая,
российская писательница.
****
Inson qanchalar itoatkor boʻlsa, uning shaxsiyati shu qadar qadrsizlanadi.
Lyudmila Ulitskaya,
rus adibasi.
t.me/SozKimyosi
Xiva. Hozirgi kun.
«Asosiysi, bizning hech kimda yo’q buyuk bobolarimiz bor! Ura-ura!»
@SozKimyosi
Оиша розияллоҳу анҳодан ривоят қилинади: Расулуллоҳ соллаллоҳу алайҳи васаллам ҳузуримга кирдилар. Ўша пайтда жаҳлим чиқиб турган эди. Бурнимнинг бир тарафини ушлаб тортдилар-да, «Эй Увайш (Оиша исмининг қисқартмаси),
اللهُمَّ اغْفِرْ لِي ذَنْبِي وَأَذْهِبْ غَيْظَ قَلْبِي وَأَجِرْنِي مِنَ الشَّيْطَانِ
«Аллоҳумма иғфирлий занбий ва азҳиб ғойза қалбий ва ажирний минаш шайтони», деб айт», дедилар».
(Маъноси: «Аллоҳим, гуноҳларимни кечириб, қалбим ғазабини кетказ ва шайтондан сақлагин».)
Ибн Сунний ривоятлари.
@SozKimyosi
«Bekajon» bilan hamkorligimiz yaxshi ketyapti.
Marhabo SHODMANOVAga katta rahmat. ❤️
Ҳайнрих Ҳайне «Олмония. Қиш достони».
Ушбу китоб ўзбек тилига икки марта таржима қилинган бўлиб, Академнашр нашриёти нашр қилган вариантини аслиятдан, олмон тилидан Аъзам Исмоил таржима қилган.
Жаҳон сатирасининг чўққиларидан ҳисобланмиш ушбу асарда қирол ва қироличалар, уларнинг маъшуқалари, мансабдор шахслар, тарихий воқеалар ҳажв қилинади. Тарихни билган киши қиролнинг маъшуқаси қатлигача битилганини кўриши мумкин.
Ҳозирда Людовиклар тарихи ўрганилади, сатира ҳам севиб ўқилади. Сатирани буюк тарихий шахслари шуҳратига соя солувчи, буюклигига рахна деб қарашмайди. Қайтангга, тарихчилари ҳам аямай бошқарувдан тортиб, шахсий ҳаётигача таҳлил қилади.
National Geographic’да туркум ҳужжатли фильмлари ҳам бор ва бирорта тадқиқотчи унда қўйилган саволларни “халқни бўладиган” дея талқин қилмайди. Бу шоҳ, бу шоир демай хато, камчиликларини айтишади. Тарихий хатоликлардан қўрқмай баҳс қилинади. Бизда-чи, биз нега ҳақиқатга тик қарашга қодир эмасмиз?
Тарих баъзан мана шундай адабиётларда яшаб қолади. Муаллиф шафқатсиз танқид билан ҳеч кимни бу шоҳ, бу генерал дея аяб ўтирмайди. Асардаги ҳеч бир исм бекорга тилга олинмаган. Қани эди бизда ҳам маддоҳликдан ошиб, шундай асарлар ўқилса, ҳақиқатга кўзгу тутиб сатира ёзишса-ю, уни ўқишга, қабул қилишга қодир халқ бўлса. Аммо ҳозирча бу имконсиз, ёзувчи, шоирлар сатира ёзишдан ўзини тийгани маъқул. Ҳақиқатни ҳар турли кўринишида қабул қилишга қодир тоифа йўқ.
Асарни маза қилиб ўқийсиз. Ўқиш жараёнида Муқимийни эсладим, ёзганлари ўқилмай ётган Муқимийни. Ўтган замонларга кўчиб, Ҳайнени бизнинг тарихий воқеалар, шахсларни қандай ёзарди, тасаввур қилдим. Қўлида тош билан “зиё”лиси келаверди.
Бизда бундай асарлар ёзилса, муаллиф ёки миллатни бўлувчи ғояларни ташишда, ёки маҳаллийчиликда, ёки феодал қарашли қалоқликда, ёхуд “катта”ларига ҳурматсизликда айбланган бўлар эди.
Ура-ура билан ўрганамиз тарихни ҳам, бошқа тарихлар оддий, қусурли тарих, бизники идеал, тарихий шахсларимиз мукаммал. Таҳлилга ҳожат йўқ. Тил теккизиш мумкин эмас, симпатиялар тушунишга ҳам йўл қўймайди. Илм фан биқиқ, қолипланиб қолар экан, тўғри баҳога, ҳақиқатга ҳаракат йўқ экан, ривожланишни орзуламайлик.
Сиз эса Ҳайне, тинч ётинг, ҳайрият бизнинг мамлакатда туғилмагансиз.
@SozKimyosi
