-
San’at, adabiyot, she’r va she’riyat, adabiy tanqid, adabiy jarayon hamda kitoblar haqida gaplashamiz! https://taplink.cc/donobekchan https://t.me/joinchat/UMKfsGCSJDfcvKNn
Akutagava Ryunoske - “Oʻrgimchak uyasining tolasi”
Insonlarning eng ulugʻi oʻziga ravo koʻrgan yashilikni oʻzgalarga ham ravo koʻrganidir.
Navoiy yozadi: “Yaxshidin yomonlar ham yomonligʻ koʻz tutmas, yaxshi yomonlarga ham yaxshiligʻni unutmas”.
Hikoya qahramoni qaroqchi Kandataga doʻzaxdan qutilib, jannatga tushish imkoni beriladi, ammo u oʻziga ravo koʻrilgan yashilikni oʻzgalarga ham ravo koʻradigan darajada kamolga yetganmikan, tinglab, fikrlaringizni yozing!
Audiohikoyaga havola:
https://youtu.be/vC_48t3ZGS0?si=5BBspkJojA0kcIjt
Бу вақт чиқиб келар эди мозий қаридан
на иблис, на худо бўлолган авлод -
алданган, таланган, адашган, бешон.
🔴
Биламан,
Тун дафтарин очган маҳалда
Ғийбату туҳматдан достон битасиз.
Ўзингиз олқишлаб, ўзингиз мақтаб,
Ўзингиз ҳасаддан қонлар ютасиз.
🔴
Эй узини худонинг авлоди билган ровийлар,
Нега йўл бошланса тугар албатта,
Нега гул ёнида тикан албатта,
Нега тоғ бағрида ўпкон албатта,
Нега эрк йўлида қопқон албатта,
Нега... сўзингизни осмонми ютган,
Нега... кўзингизда қонми, ким тўккан,
Нега... буйнингизда домми, ким таққан,
Нега сўровимга жавоб бермас ҳеч кимса ахир?
Ахир...
Тириклик бу - беш кунлик макр.
Дилга ёлғон қанот бериб кўкка учирган
Шон-шуҳрат - макр.
Дунёни сочига гул қилиб таққан
Муҳаббат - макр.
Кечанинг қалбида ғулувлар ёққан
Оловлар - макр.
Азиз САИД
@SozKimyosi
Ошкора СССРни қумсаётганлар ва “у давр унчалик ҳам ёмон эмас эди” деган қарашни сингдирмоқчи бўлаётганлар кўпаяётган вақтда ўқиб қўйиш керак бўлган китоб экан.
Воқеалар муллифнинг болалик хотиралари асосида, тадқиқотчи қизни оддий сабаб билан жувонмарг қилиниши ҳақида.
Жуда кўп одамлар оиласи, яқинларидан айрилган, “ойдин” ҳикоялари бор. Менингча, ҳамма ёзиши керак: боболари нега сургун қилинган, ўлдирилган, буви, момолари нега тошбўрон қилинган… ҳамма ҳамасини ёзиб қолдириши керак. Токи ҳунрезликлар унутилмасин, босқин оқланмасин, ота-боболар қони топталмасин, мустабид тузумга қайта сиғиниш бошланмасин…
Мустақиллигимиз абадий бўлсин!
@SozKimyosi
АЗИЗ САИД
УЙ
Тонг отади,
Нон-чой,
Жан-жал,
Туш бўлади,
Нон-чой,
Жан-жал.
Кун ботади,
Ёв-ғон,
Жан-жал.
Агар ҳар бир оиланинг
Давлатники каби
Гимни бўлганда,
Бу сўзлар
Гимни бўларди
Бизнинг оиланинг.
Тўққиз жоннинг
Қорни тўймасдан
Бўшаб қоладиган
Дастурхонимиз
Байроғимиз бўларди, балким.
Янги йилга тўрт дақиқа қолганда
Тўхтаганидай соат миллари,
Келгуси маошга тўрт кун қолганда
Тугарди дадамнинг пуллари.
Онамнинг бағрига ўт тушиб, фиғон
Ҳасрат зинасидан ўрлар фалакка:
- Эр бўлиб, ота бўлиб сизда ҳам ахир
Жой борми юракда бирор истакка?
Бошқалар қўлига тушган нарсани
Ташийди, дунёни ётибди ямлаб.
Қўлингиздан юз минглаб пул ўтса ҳамки,
Олиб қўёлмайсиз бир сўмни ғамлаб.
Емайсиз, бермайсиз бошқаларга ҳам,
Дўсту оғайнилар қочар шу учун.
Мол-дунё демайман, муҳтожлик ўлсин,
Олдинда қиш ахир, болалар юпун.
Сўнг ўртага тушар
Ямоқ кийимлару ўн олти йиллик
Пошнаси ейилган оёқ кийимлар
Ва икки синглим ҳам кийиб тўздирган
Кўйлакдан қирқилган пионер галстугим.
Кулади дадам:
- Қамалсам,
Сўнгра сен
Кўргани
Тугунни кўтариб борсанга-а...
Мен эса ўйлайман:
Онам
Тугунга нимани солса экана-а?..
Бечора онамнинг сўнгги чораси -
Йиғи бошланар:
- Сизга ҳамма нарса ҳазил,
Ҳамма нарса кулги.
Туйдим,
Ажрашмасак бўлмайди энди.
Яна кулади дадам:
- Ажрашсак,
меҳмон бўлиб келарсана-а
Бизларни сўраб?..
Онам эса
Ухлаб қолади йиғлаб.
Мен эса
Ҳар ойнинг сўнгида
Тўрт кеча
Олишиб чиқаман
Ўзим билан ўзим:
«Дадам билан қоламанми, онам билан,
онам билан қоламанми, дадам билан?»
Эрталаб
Мен ёлғон «эълон»ни эълон қиламан:
«Мактабга боринглар, мажлис бор бугун».
Ва яхши биламан у ерда
Ечилиб кетади ҳар қандай тугун.
Боришар,
Мажлис йўқ, ўзлари ҳайрон,
Муаллим ҳайрондир,
Директор ҳайрон.
Сўнг раҳмат айтилар ота-онага
Ғамхўрлик учуну
Тарбия учун
Ва мени мақташар узундан-узун...
Ҳаммамиз йиғганда яна кечқурун
Пулсизлик хаёлга келмайди сира.
Қўлда бурда нон,
Косада ёвғон,
Ширин орзуларга
Тула дастурхон.
Дадам жилмаяди:
- Ҳали, э-э онаси, улғайса булар...
Онам жилмаяди:
Ўғлимиз ё олим, ё раис бўлар...
Йўқ, улар билишмас, танаффусларда
Ечгандай ялмоғиз тилсимларини
Тенглама ечишлар жанг эканлигин.
Йўқ, улар билишмас, футбол ўйнашлар
Истагин улдириб, бўғиб юракда
Достон ёдлашларим жанг эканлигин.
Йўқ, улар билишмас, совуқ сув билан
Тонггача юз ювиб такрор ва такрор
Китоб ўқишларим жанг эканлигин.
Йўқ, улар билишмас, буларнинг бари
Ҳар ойнинг пулсиз тўрт кунидан
Биттасин сал хуррам ўтказмоқ учун
Дунёда энг оғир жанг эканлигин.
Тонг отади,
Нон-чой,
Жан-жал.
Туш бўлади,
Нон-чой,
Жан-жал,
Кун ботади
Ëв-ғон,
Жан-жал.
t.me/SozKimyosi
Сeвинч, шодлик руҳимизда изтироблар каби из қолдирмайди. Сeвинч ҳуркак оқ қуш каби, қўнар ва тeзда учар кeтар. Изтироблар қора қузғун каби, бир қўндими, осонликча кeтмас, узоқ қолар. Балки шундан инсонлар қора, ҳузун изтиробларни ҳайдай олмас. Оний қўнган қушлар билан эмас, қузғунлар билан узоқ қолар…
*️⃣*️⃣*️⃣*️⃣
Sevinch, shodlik ruhimizda iztiroblar kabi iz qoldirmaydi. Sevinch hurkak oq qush kabi, qo‘nar va tezda uchar ketar. Iztiroblar qora quzg‘un kabi, bir qo‘ndimi, osonlikcha ketmas, uzoq qolar. Balki shundan insonlar qora, huzun iztiroblarni hayday olmas. Oniy qo‘ngan qushlar bilan emas, quzg‘unlar bilan uzoq qolar…
t.me/SozKimyosi
Hayot yoʻlimizni bolaligimizda olgan yaralarimiz belgilaydi. Bu yaralar sabab yoki oʻzimizni yoʻqotamiz yoxud ular bizni hech kim qila olmaydigan ishni qilishga majbur qiladi.
*️⃣*️⃣*️⃣*️⃣
Наш путь определяют раны, которые мы получили в детстве. Мы либо теряемся в жизни с этими ранами, либо эти раны заставляют нас делать то, что никто другой не может сделать.
t.me/SozKimyosi
📖 Abdugʻani Abduvaliyev - “Gʻaroyib haykal” (hajviya)
🎙️ Oʻqidi: Dono Bekchan
Abdugʻani Abduvaliyev - “MATN”shunos (hajviya)
🎙️ Oʻqidi: Dono Bekchanova
Salomlarim. Yangi 🎅🎅 yil muborak!🎅🎅🎅🎅🎅🎅
Ancha kamayib qolibmizku. Qolganlarga Men bilan ekaningiz uchun rahmat. 😍❤
Faol boʻlishga harakat qilaman endi, kimda nima gap, ungacha gaplashib turaylik-chi?
”Эллик йилдан бери эзилдик, таҳқир этилдик, қўлимиз боғланди, тилимиз кесилди, оғзимиз қулфланди, еримиз босилди, таланди, шарафимиз сурилди, номусимиз ғасб қилинди, ҳуқуқларимизга тажовузлар бўлди, инсонлигимиз оёқлар остига олинди - тўзумли турдик, сабр этдик. Кучга таянган ҳар буйруққа бўйинсундик, бутун борлиғимизни қўлдан бердик. Ёлғиз бир фикрни бермадик, яшинтурдик, иймонларимизга қараб сақладик: Туркистон мухторияти!”
Абдурауф ФИТРАТ
t.me/SozKimyosi
🎙Audiohikoya.
📖 OʻGenri - “Diydor”
📝 Farzandlaringizga kuniga, haftasiga qancha vaqt ajratasiz? Bolalaringiz ularga ajratayotgan vaqtingizdan qoniqish his qilyaptimi?...
Mushohada qilishga va islohga undaydigan hikoya.
👀Eshitish va oʻqish uchun 5 daqiqa.
🎥YouTubeda eshitishga havola
📖 dbekchan-42696/WB-6tTS-jV5">Oʻqish uchun havola
(Kechki mutolaa rukni uchun oʻqilgandi).
t.me/SozKimyosi
🟡Агар инсонда тақво ва нафсни тийиш чегарасиз хуружли эҳтиросга айланиб кетса, Табиат ва Инсон мувозанати бузилиши, Камолот йўлини-да тўсиб қўйиши мумкин.
🟡Шубҳа йўқки, гўзаллик ҳиссини ривожлантириш – уйғун камол топган шахс тарбиясининг ажралмас шарти. Гўзаллик зарурийдир.
🟡Aниқки, гўзаллик фақат кўз учун манзара бўлиш ҳолатидан то ақл учун озуқага айланиш даражасига кўтарилмагунча муҳимлик касб этолмайди. Ақл учун ана шу озуқани ола билиш – алоҳида тарбиянинг иши. Зеро, ақл жуда кўп босқичларга эга. Агар танқидий ақл ҳиссиёт билан ёнма-ён турса, бизнинг қувваи ҳофизамиз кенгаяди. Биз яна ҳам узоқни кўра оламиз, агар бизнинг қарашимиз юксак ахлоқий идеаллар билан нурланган бўлса, бундай руҳланган нигоҳ чегара билмайди.
🟡Реалистик адабиётда биз ўз фикримиз, қайғуларимизни нафақат замондошларимиз учун муҳрлашга интиламиз, балки уларни абадийлаштиришга уринамиз.
🟡Афсус-надоматлар ва ёмонликлар ортида инсоннинг улуғлиги кўринмайдиган адабиёт билан фахрланиб бўлмайди.
Рабиндронатҳ ТҲАКУР
t.me/SozKimyosi
ЯНА САВОЛ
Оёғимга ботмон тошларни
болаликдан боғлаб қўйди ким?
Энди халос бўлмоққа етмас
ёвузлардан асраган умрим.
Худо берган сонияларни
хароб қилди қайси ғаламис?
Агарда шу тоғлар бўлмаса,
Учар эдик самоларда биз.
Шавкат РАҲМОН
t.me/SozKimyosi
Орзу қилиш қандай яхши, орзу ҳам қила олмай қолганингда...
Читать полностью…
Ясунари Кавабата - “Кўзгудаги ой акси”
Аёл қалби сиру, жумбоқларга тўла. Ҳикоя муаллифи Кёто мисолида аёл қалбининг сирли, сeҳрли дунёсини кўрсатишга ҳаракат қилади.
Аудиоҳикояга ҳавола: https://youtu.be/vDsCzviamVM?si=IgDOUnBu613I-3IR
Ясунари Кавабата япон ёзувчиси, Нобель мукофоти лауреати. Ҳавола этилаётган ҳикоя жаҳон адабтётидаги энг яхши ҳикоялардан бири ҳисобланади.
Қулоғига чалинган овоздан уйғонди. Ярим тунда гапираётган ким бўлди экан, ётоқхона эшиги ортида кимдир йиғларди. Секин юриб бориб, йиғи овозига қулоқ солди. Унинг тинглаётганини сезгандек, овоз баландланди...
Эшикнинг у томонида йиғлаётган ҳам, бу томонида тинглаётган ҳам ўзи эди...
@SozKimyosi
Bor ekan-da, yoʻq ekan, och ekanda toʻq ekan… qadim oʻtgan zamonda malika yoki shahzoda boʻlgan ekan…
…malika qurbaqani oʻpgan ekan, shahzodaga aylanibdi…
…oq otdagi shahzoda malikani qutqaribdi…
…
…va ular uzoq va baxtli hayot kechirishibdi…
Bizga yod boʻlib ketgan ertak syujetlari, a?
Biroq, qurbaqa shahzodaga aylanmasa nima boʻlardi, uyqudagi malika uygʻonmasa-chi, oq ot mingan shahzoda asli shahzoda boʻlmasa-chi, mahluq oʻzingiz boʻlib chiqsangiz-chi?…
…Ular uzoq va baxtli hayot kechirdilar, ammo har doim va hamma emas…
Voqealar shu shaklda davom etsa nima boʻlardi, nima deysiz?
🔵🔵🔵 📕 🔵🔵🔵
Бор экан-да, йўқ экан, оч эканда тўқ экан… қадим ўтган замонда малика ёки шаҳзода бўлган экан…
…малика қурбақани ўпган экан, шаҳзодага айланибди…
…оқ отдаги шаҳзода маликани қутқарибди…
…
…ва улар узоқ ва бахтли ҳаёт кeчиришибди…
Бизга ёд бўлиб кeтган эртак сюжeтлари, а?
Бироқ, қурбақа шаҳзодага айланмаса нима бўларди, уйқудаги малика уйғонмаса-чи, оқ от минган шаҳзода асли шаҳзода бўлмаса-чи, маҳлуқ ўзингиз бўлиб чиқсангиз-чи?…
…Улар узоқ ва бахтли ҳаёт кeчирдилар, аммо ҳар доим ва ҳамма эмас…
Воқеалар шу шаклда давом этса нима бўларди, нима дeйсиз?
@SozKimyosi
Kecha “Akademnashr” saytida olima Dilsora Mirzaahmedova bilan intervyuni e’lon qildik. Undagi bosh mavzu dunyoning shiddat bilan rivojlanayotgan mamlakatlaridan biri – Xitoyda o‘qituvchilarga bo‘lgan hurmat va e’tibordir.
Xitoyning taraqqiyot sirlaridan biri ham shudir, ehtimol. Men bu hurmatga shaxsan guvoh bo‘lganman. Pekinda Dilsora sotuvchilar bilan savdolashar ekan, avvaliga xitoy tilida gaplashayotgan ajnabiyligini oshkor etib chegirma olardi, so‘ng o‘qituvchiligini aytib. Qizig‘i, u chegirma so‘ramas edi, o‘qituvchi ekanligini “bilib qolgan” sotuvchilar o‘zlari narxni tushirib berishardi.
Men anchadan beri takrorlab yuraman: “Kitobxonlik targ‘iboti yo‘lidagi ilk qadam kitob o‘qiydigan odamlarning jamiyatdagi mavqeini oshirish bo‘lishi kerak”. Kitobxonning asl namunasi esa o‘qituvchilardir.
Mamlakatimizda kitobxonlikni targ‘ib etish uchun otadan ulug‘ insonlarga rahmatimizning ifodasi sifatida, mamlakat rivojiga shiddat bag‘ishlashda “ha” deb madad berish umidida bugundan boshlab “Akademnashr”ning istalgan kitobiga o‘qituvchilar uchun 10 foizlik chegirma e’lon qilamiz. Bu chegirma bugundan boshlab “Akademnashr” faoliyatining so‘ngigacha davom etadi, inshaalloh.
Postni imkon qadar ko‘proq o‘qituvchilar ko‘rishi uchun tarqatishda yordam berishlaringizni iltimos qilaman.
Telegram | Instagram | Facebook
Ilohiy bir sevgi bilan
sevilgan va...
Unutilgan g’arib kabi
meni suygin.
Kitobingning orasida saqlab qo’ygan
Bo’tako’zning sog’inchiday yoniq, kuygin.
Atirgulning tushlariga berkit meni,
Yashir meni,
Topolmasin toki hech kim!
Vujudimda yonib oqqan sening qayg’ung
Og’usidan qonlar yutay xasta, ichkin.
Sevgin meni...
Og’rib sevgin,
og’rinib sev.
Qahr qilsam, toshlar otsam, kechirmayin,
To qoyaga parchinlangan telbadayin
Ishqingni bir afsun kabi pichirlayin...
Ruhim achchiq ishqqa tashna,
bir xanjarman -
Tahlikali,
to’rt tomoni o’tkir, keskir -
Tikkalayin hayotingni ikki bo’lgan,
Ikki dunyo evaziga berilgan sir.
Barmog’ingga
zanjir urgan qulf emasman,
Men umringga sirtmoq solgan halqadirman.
Seni shunday anduh bilan unutaman,
Senga shunday to’fon bilan qalqadurman.
Meni sog’in,
ming yil yasha,
ming yil sog’in...
Sevgim qattiq,
qattiq hajru azobim ham.
Betaskin kut,
beqadr kut,
bir umr kut,
Meni senga qaytarmasin qodir Egam!
Garchand sen deb ko’z yummasdan
o’tay, garchand
Yuragingga hech kim mendek qaytolmasin!
Ammo qasam, shu ko’nglimni
bir Xudodan
O’zga kimsa meniki deb
aytolmasin!
Zebo MIRZO
t.me/SozKimyosi
YouTube havolasi ochyaptimi, kimdir koʻrib bersin?)
Читать полностью…
Sen oʻzing shodliksan, shodligim,
Oʻzing iztirobsan shaxsan.
Sen bilan kelmas baxt. Bilib qoʻy,
Sen oʻzing baxtsan.
Matnazar ABDULHAKIM
@SozKimyosi
Айтмаган сўзимда мавжланган ишқсан!
Айтмаган нафратим,
айтмаган қаҳрим!
Саҳройи кўнглимда ёмғир қўшиқсан!
Келсанг-чи, қайдасан,
Савдойи бахтим?!
@SozKimyosi
Абдулҳамид Чўлпонни титратган, қақшатган зулм эди. Зулм ўзбекнинг энг сара гулларини юлиб отди. Ҳамзани ўлдириб, бу ўлим баҳонасида биринчи ўзбек совет шоирининг қотиллари деб минглаб бегуноҳ мусулмонларни қириб ташлади. Бу зулм ўтган асрнинг 20-йилларида давлатчилик иқтидори ила юзага чиққан Туркистон автоном жумҳуриятини ер билан яксон қилди. Янги ўзбек ҳукуматининг аъзоларини қиличдан ўтказди. Масалан, 1917 йилдан 1947 йилгача фақат Россиянинг ўзида сталинизм қурбонларининг сони бир неча миллионга етди...
Зулм башариятнинг муқаддас бешикларидан бўлмиш улуғ Туркистонга бостириб кирди. Милён-милён гуноҳсиз инсонларимизнинг пок қонларини тўкди, илоҳий масжидларимизга кўппакларни боғлади. Мезаналарига қўнғироқлар осди. Боғларимизга “итларга ва сартларга кириш ман этилади” деб ёзиб қўйди. Жаҳоннинг кўрки бўлган обидаларга бомба ёғдирди. Бир кечада минглаб ўзбекларни, эру хотин, болаларни, ҳомиладор аёлларнинг қорнидаги гўдаккача жаҳолат пичоғи билан сўйди. Неки ҳалол бўлса, борини ҳаром қилди...
Зулм бир миллатни бир миллат билан хундор душман қилишга эришди. Зулм учун инсон инсонга дўст биродар эмас, ўч олишга доим шай турган жаллод бўлиши керак эди. Эришди...
Абдулҳамид Чўлпон зулмга қарши, сталинизмга қарши, манқуртликка қарши озодлик учун, Шеърият Ҳуқуқи учун курашаётганларнинг сардорларидан биридир. Халқ шундай шоирни кўп замонлардан буён кутган эди. У келди ва кураш майдонига чиқди. Ҳақ ва Ҳақиқат йўлида қурбон бўлди.
Рауф ПАРФИ
”Ҳукмнома”
t.me/SozKimyosi
Ichingda yashoyatgan soʻngsiz, ifodasiz dardlar, armonlar, yoʻqotishlar, ichkin ichikishlar, soʻngida yengilishlar...
Balki san’at shudir: ichingdagi olovni alanga oldirsa, kuydirsa...
Bir “Men”ingni oʻldirib, boshqa “Men”ing bilan yuzlashtirsa. Yangi odamga aylantirsa va yangi dard izlatsa. Koʻz oldingda esa sarob - nim tabassum bilan xayrlashadi.
Bu musiqa sizga nimalarni yashatdi? Koʻkragingiz ostida isyonni, toʻfonni uygʻotdimi, u olovga aylanib kuydiryaptimi...
@SozKimyosi
“Hayotimning bahorimisan, yozimi yoki qahraton qishi? Yuragimni oʻgʻirlagan qaroqchimisan yoki sayidmi?” Oltinmisan, durmisan... yoki yogʻochmi - arra boʻlayinmi?”, deyapti).
Ya’ni nima boʻlsang, oʻshaman, kim boʻlsang, oʻsha boʻlaman...
Мунисани овозида кимнидир излаб кўрайлик-чи.
Mood 🤍
Қаерларгадир бош олиб кетгим келиб қоляпти. Шундай имкон бўлса, ҳатто ўзингдан қочиб қутила олсанг, кутимларингдан қочсанг...
Читать полностью…
