نزله
لشجاعة قمر العشيره
الأمام أبا الفضل العباس عليه السلام
.....
تشهد كربله العباس و خباره
يوم أعله العساجر شال بتاره
.....
دك صدره أبو فاضل أله أدبها
وجيوش العدا أنتف شواربها
كل خطوة جدم بالملي حاسبها
من نهر الفرات أوياي البشاره
......
رف تك شاربه والبسمه بشفافه
بين الشافه أجاه البعده ما شافه
خلاها الجثث عالجثث تتوافه
غركانه أبدماها أشما يشن غاره
......
ترك بيهم رعب ما صاير أبكونه
ممنونه أو ألف ستين ممنونه
ربات الخدر سالم يرد كونه
تتعافه الخيم والماي بكتاره
......
بلاهم بلوه حكه الأمه بدويه
راضع من ثديها أخلاق شيعيه
فطمته أبعلي أبداعت علي النيه
صفيها لخوك أوأمشي مشواره
......
زعل وجها عبس ونكلبت أرسومه
شاط أمنالهضيمه أو مرعد أهدومه
ظرب كلب أبظهر ونذاعت أعلومه
كالوله خوالك مارضه أبعاره
......
نكبهم نكبة الله أبيوم أبابيله
سجيل أمطرت فوك أبرهه أو فيله
حيله دورو بس ماجدت حيله
صمصام أبو فاضل ماأله جاره
......
نسف كمام ثوبه أو سرفن أردانه
أو حمل حملة علي ما بين عدوانه
السبع بيكم يولكم يكرب أهنانه
يكلهم والنوايح تنقري أبداره
......
كلها أتصيح ظلت ساعة السوده
كمر هاشم كضانه أبسيفه وبزوده
جريح أبصف جريح أو جثه ممدوده
نامت عالبسيطه أشلون الحجاره
......
كل أجيوش أميه اليوم أنهيها
أو من وجه الخريطه كربله أمحيها
بس حسين أخيه كله خليها
كعبه الشيعتي بيام الزياره
......
عمود أبهامته أو طفه السهم عينه
أو حال الجيش بين حسين مابينه
معصم جف يساره أو معصم أيمينه
كطعوهن أله بسيوف غداره
......
خادم أهل البيت
الشاعر : أسماعيل الجوراني
السبت : 1/7/2023
نزله نجفيه :
ليلة أم البنين عليها السلام
.......
هاليله أمنالطف منسوبه
لسم أم عباس المنكوبه
........
هاي الليله أمنالطف هيه
لسم أم عباس البدويه
منسوبه أشكد بيك أتهيه
أدموعك لطماتك مطلوبه
.......
هاي أم عباس أو أخوانه
الرفعو راس حسين أو شانه
ضد أيزيد أو ضد أعوانه
صولتهم بالعز مكتوبه
.......
هاي الضحت كل ما عدها
لجل حسين أو جان أبودها
لهبت خيمه التلسع خدها
وبسياط العسكر مظروبه
.......
أنعم وكرم بم الفزعه
النصبت مأتم هلت دمعه
بالهم حد ماتت متشبعه
أو صارت للتاريخ أعجوبه
.......
حسين أبن الزهره المظلومه
يا ناعي الطف شنهي أعلومه
تسأل ما جن برض الحومه
بدماها أولاد المخضوبه
.......
عباس العالشط أموذر
عبد الله أو عثمان أو جعفر
فخر الشيعه اليوم المحشر
خلوها العسكر مرعوبه
.......
تحتاج أم عباس ألتمسك
خالحسك يثغب من حسك
باجر محشر حضر نفسك
تشفعلك هنيالك طوبه
......
عاشوري أبكل معنه الجلمه
لتخاف ألطم صدرك ألمه
أنته أبنعمه أو نعم النعمه
أبفاتحت حسين المنصوبه
.......
حضر نفسك هاي الليله
حيلك خله أيحشم حيله
ألطم عالخد دمعك سيله
دمعه البخدودك محسوبه
........
جانك رايد يكبر شانك
بين أهل الخدمه أو صدجانك
حصن بم عباس أيمانك
ما تبقه أبشانك عذروبه
........
خادم أهل البيت
الشاعر : أسماعيل الجوراني
الخميس : 17/5/2023
نسألكم الدعاء بنية الشفاء
أعكيلي
نشر السواد وأعلام شهر محرم الحرام وخدمة سيد الشهداء المولى أبا عبد الله
عليه السلام
.....
الرايات السود أنشرناها
أعلام أمصابك عليناها
.....
مسجد جامع وحسينيه
أبكل شارع موكب لطميه
نشرت رايتها المطويه
ويام أحزانك عشناها
.....
رايه أبكل حايط منشوره
هذا حسين أو حل عاشوره
والزهره أبضلع المكسوره
تتعنه المجلس معناها
.....
حمره وسوده وخضره الرايه
شاهد حال أتشيل أهوايه
خدامك كلهم وفايه
بدموع المجلس شفناها
.....
آآآ يحسين أو يمصابه
الظل أبشمس الله اللهابه
عاري ومسلوبات أثيابه
أبصدر أعلامك خطيناها
.....
عام أيجافي وعام أيوافي
من حزنك ما نعرف كافي
نتوجه يحسين أتشافي
مرضانه أبدعوه ونلناها
.....
عند حسين الزين أنظمه
باجر جده وحيدر ومه
ننخاهم والعدهم همه
نلكه الزينه الظميناها
.....
حزنك بينه أشكد متوالم
خادم لجلك يخدم خادم
يحسين الجننت الوادم
بيك الوادم جنناها
.....
فطره أويا محلاها الفطره
حته الطفل أبأول عمره
بجفوفه أيوسملك صدره
هيج أمحبتك عاشرناها
.....
وين الله أوتقبل خدمتنه
وتحضرنه أحياء أو لو متنه
أوعندك تتسجل دمعتنه
هاي المنك نتمناها
.....
طوبه الكلمن حبك طوبه
الله يفغر كل أذنوبه
ياراعي الشيبه المخضوبه
طوبتنه أبحبك ردناها
.....
خادم أهل البيت
الشاعر : أسماعيل الجوراني
الأربعاء : 18/7/2023أعكيلي
نشر السواد وأعلام شهر محرم الحرام وخدمة سيد الشهداء المولى أبا عبد الله
عليه السلام
.....
الرايات السود أنشرناها
أعلام أمصابك عليناها
.....
مسجد جامع وحسينيه
أبكل شارع موكب لطميه
نشرت رايتها المطويه
ويام أحزانك عشناها
.....
رايه أبكل حايط منشوره
هذا حسين أو حل عاشوره
والزهره أبضلع المكسوره
تتعنه المجلس معناها
.....
حمره وسوده وخضره الرايه
شاهد حال أتشيل أهوايه
خدامك كلهم وفايه
بدموع المجلس شفناها
.....
آآآ يحسين أو يمصابه
الظل أبشمس الله اللهابه
عاري ومسلوبات أثيابه
أبصدر أعلامك خطيناها
.....
عام أيجافي وعام أيوافي
من حزنك ما نعرف كافي
نتوجه يحسين أتشافي
مرضانه أبدعوه ونلناها
.....
عند حسين الزين أنظمه
باجر جده وحيدر ومه
ننخاهم والعدهم همه
نلكه الزينه الظميناها
.....
حزنك بينه أشكد متوالم
خادم لجلك يخدم خادم
يحسين الجننت الوادم
بيك الوادم جنناها
.....
فطره أويا محلاها الفطره
حته الطفل أبأول عمره
بجفوفه أيوسملك صدره
هيج أمحبتك عاشرناها
.....
وين الله أوتقبل خدمتنه
وتحضرنه أحياء أو لو متنه
أوعندك تتسجل دمعتنه
هاي المنك نتمناها
.....
طوبه الكلمن حبك طوبه
الله يفغر كل أذنوبه
ياراعي الشيبه المخضوبه
طوبتنه أبحبك ردناها
.....
خادم أهل البيت
الشاعر : أسماعيل الجوراني
الأربعاء : 19/7/2023
نزله نجفيه
في مديح شجاعة
الأمام علي الأكبر عليه السلام
.......
علي الأكبر من نزل لجيوشها
صارت أحفظ ركبتك ليحوشها
.....
صافرات أنذار دكت للخطر
علي الأكبر هذا لو فاس مضر
هاجم أعله الجيش والجيش أنكسر
بيها كص ركبتها بيها أطحوشها
.....
بينهم ما بينه ميدان الحرب
هالكثر ما علي بالغيره خصب
موت الأحمر كام عالعسكر يصب
والجنايز هلك حيل أطروشها
......
دوم ما ثنى علي ضربه أبد
لو يكص الراس لو يشطر جسد
على رمضة كربله ظلو قدد
جيف عفنه أمشولات أكروشها
......
ضاك صدر الجيش مو ضاك أختنك
بيها يشرد لحك بيها مالحك
سيف الأكبر جندله أوبالدم غرك
ولجهنم سفره كاطوشها
......
نايبه أبسد نايبه أبسد نايبه
الشارد أو مرعوب يسحك صاحبه
قاطبة جيش آل أميه قاطبه
سيفه مثل المجرشه جاروشها
......
أتحيرت وتوهدنت قاده أو جند
ماكو بيهم نجر طكاته يصد
أشباه طلعو مو زلم كدها وتهد
أو علي الأكبر بالحريبه أيروشها
......
أشلون جده المرتضى عقد الوله
أهديب عين حسين خلد كربله
من دخل للحومه ولحد مقتله
سيفه من أبعيد ظل أينوشها
.......
واحد من الجيش وصلها اليزيد
العلي الأكبر بالحرب صرنه عبيد
من شديد الخوف نفعل ما يريد
كالها والشام هز أعروشها
........
خادم أهل البيت
الشاعر : أسماعيل الجوراني
السبت : 6/8/2022
مولد
في محبة ومديح أمير المؤمنين الأمام علي عليه السلام وذكرى بيعة عيد الغدير الأغر
......
علي علي علي علي مولانه
رب الجلاله نصبه سبحانه
......
جل جلال الله في تكوينه
أرسل وحي من السمه الهادينه
بلغ محمد حته يكمل دينه
نصب علي مولا الفخامة شانه
......
في محكم القرئان ثبتت آيه
أتمام دين أو للنعم وفايه
غمه المخالف لو تزمت رايه
أبعقله دارك بس يطيع ألسانه
.......
سبحانه من زكاه صوت أو صوره
قرئان ناطق يحكم أبدستوره
حط بيه علمه وبعلوم أبحوره
شرع اليحكمه ما نكث ميزانه
.......
لا أول أو لاثاني أو لا ثالث
أنته الخليفه واليضدك ناكث
كلمن وكت عهده تبين حانث
بهل السقيفه ينحشر دعوانه
.......
مولاي يا حيدر علي يالغالي
المحد مثيله أتربع أبدلالي
الماله أول ماله أكيدآ تالي
ناس التأول بالحجي بطرانه
......
جيتك أبايع من عشك رباني
يا حجة الله أو يا نواة أيماني
بالحشر أدري لو ضعت تلكاني
حاشه يضيع المنهلك عنوانه
......
أبعيد الله الأكبر تبتهل جفيني
موتني شيعي ربي شيعي أحييني
نهج الولايه خله نهجي أو ديني
الخالف علي حيدر نقص بيمانه
......
أبعيد الغدير اليوم أعايد ناسي
وتباها شيعي حكي أرفع راسي
صك جنه باجر بالحشر نوماسي
أوكل الشدد بالدنيا ألي خلصانه
......
جاسي اليتامه من تعب جفينه
حامي الحمه ناصر نبينه أو دينه
عن تضحياته لو عمر ظلينه
نحجي ولا نوصل ربع عرفانه
......
أبجاه الزجيه أبجاه أبوها الهادي
أبيت الدعاء الليله أريد أمرادي
نور يربي دربي درب أولادي
آمن يجيب المضطر أقرى أهنانه
......
خادم أهل البيت
الشاعر : أسماعيل الجوراني
الثلاثاء : 27/6/2023
نزله
لذكرى أستشهاد
سفير الحسين الأمام
مسلم أبن عقيل عليه السلام
........
طوعه نادت جيشهم سد الدرب
كوم يا مسلم تحزم للحرب
........
نادته طوعه أوثب وثبة أسد
كال يا حيدر علي منك مدد
عن أميري حسين أجليها الشدد
رايد أبهاليوم حد ما أنصلب
........
الحد صلب طولك يمسلم يا بطل
يا غريب الكوفه يالمالك أهل
عسكر أبن زياد يم داري وصل
أمبيت النيات راسك ينخضب
........
ينخضب راسك أو من عالي الكصر
يا سفير حسين جسمك ينشمر
كوم شد حيلك عليهم يا نجر
روسهم بالسيف أحصبها حصب
.........
أحصب الروس الشرت ذل الحياة
أو باعت الذمه أعله مود المغريات
دك صدر ليها أو تعنه العاديات
كور العسكر عله العسكر غصب
.........
غصب عسكر كام بالعسكر ردم
بين ميت بين مجروح أو يهم
شارد أو من خوفه يعثرله أبجسم
هالشكل مسلم زرع بيهم رعب
........
هالشكل راعي الشيم بيهم زرع
خوف وبسيفه أشكثر منهم صرع
الدين جده المصطفى النشمي فزع
الروس بعد الروس كامت تنصلب
........
الروس بعد الروس كامت تنجلي
أو مسلم أبين العساجر معتلي
أمحزم أبغيرة أبو الحمله علي
ويله من مسلم يويله اليكترب
.......
اليوصل المسلم فلا يرجع عدل
%100 أكيده ينجتل
الكوفه تشهدله الحرب دكت طبل
كامت أصوات النوايح تنثغب
......
نايحه أبصف نايحه وصوت النحيب
الصار بالكوفه الوكت قرص المغيب
أثبت النسوان مو كلها تجيب
أشلون بطن الجابت الصافي الكلب
......
بطن شيعيه العشك جابت سبع
الثار أمه فاطمه أو كسر الضلع
نايره أبصف نايره كسر أبجمع
أبغيرة المولا علي مسلم خصب
.......
خصب كلبه أو طوعه تبقه شاهده
أشلون مسلم ثبت بوجوه العده
ماخذل دور السفاره أشما سده
أبن عم حسين بالكونه صعب
.......
خادم أهل البيت
الشاعر : أسماعيل الجوراني
الأربعاء : 28/6/2023
مولد
لذكرى ميلاد كريم آل محمد
الأمام الحسن المجتبى عليه السلام
.......
أبميلاد الحسن سبط النبي طه
فرحت فاطمه و الشيعه وياها
........
1
فرحت فاطمه يا محلا فرحتها
هذا اليوم سر فحوى ولادتها
عميد الساده روس الساده رفعتها
حكها أعله النساء الزهراء تتباها
........
2
أبرمضان الكريم الله أكرم الزهره
يوم 15 رمضان نص عمره
ها يم الحسن هاج الحسن بشره
الله أشكد يحب الزهره ونطاها
........
3
أبميلاد الكريم السبط أبو محمد
بوسات التهاني تنطبع عالخد
شيعي أيهني شيعي وينرسم مشهد
شيعه والفرح تارس ثنياها
........
4
يا بحر العلم يالما يجف نبعه
جينه المحفلك و ندور الرفعه
ورده أنشيلك بيد أو نشب شمعه
جددنه العهد وياك معناها
.......
5
أبو الفقره الدلال أمشبع الفقره
مضيفه بالمدينه واسع أشكبره
الكهوه أمهدره ومن دلته الصفره
لو صب كهوته ريحتها مزكاها
........
6
الليله الليله أجينه أنريد عيديه
من صرة الزهره الخير ممليه
كلمن طلب حاجه الحاجه مكظيه
تنطينه الأجر واللمه محلاها
.........
7
أبشهر الله الكريم أو لذة أصيامه
أصحاب العوايد كلها محتامه
ميلاد الحسن ها كربت أيامه
ملهوفه العوايد تحيي ذكراها
.........
8
حضر حاجتك يا طالب الحاجه
لا واحد يظل مكسوف بحراجه
راعي الغانمه هالليله منهاجه
كل أهل الحوايج يوفي رجواها
.........
9
سله أمنالتهاني الحاره أهوايه
لبو اليمه علي نوماس الولايه
عهد الشيعه ثابت ما يزل رايه
يعبرها الصراط أتريد مولاها
.........
خادم أهل البيت
الشاعر : أسماعيل الجوراني
الجمعه : 31/3/2023
هوسات :
لذكرى ولادة سيد الشهداء
الأمام الحسين عليه السلام
..........
أذا عندك مرض لو عوز لا تحتار
ظيف حسين كله أبسفرتك خطار
حاشا ما يقصر دوم أبو الأحرار
ها ها
أبميلاده ظيفه أنته أو شوفه
.........
أبكل عام اليهل شعبان وعياده
عزيز الزهره عند الشيعه ميلاده
عيد أو عسى الشيعه أمنهل عواده
ها ها
والمهدي أمعيد وياها
........
أبثالث أبشعبان صار حسين أبن عقد الوله
أو كله أبو القاسم محمد ياهله أبسبطي هله
باسه من نحره الشريف أو دمعه عالخد سايله
هذا فخر الشيعه كلها أبيوم عملة كربله
ها ها
أبتضحيته يخلد دين الله
..........
خادم أهل البيت
الشاعر : أسماعيل الجوراني
الخميس 23/2/2023
أعكيلي
لمديح شجاعة الأمام علي الأكبر عليه السلام
......
يوم الطب للحومه الأكبر
ظم راسه أمنالخوف العسكر
.....
سبحان الخالق جن جده
خلقه أو سيره وكومه وكعده
عد الهذا اليوم العده
ياهو أكباله اليثبت يكدر
......
طشرهم لمهم طشرهم
رد لمهم خاطر يدهرهم
عفيه أبني النشمي المرمرهم
نادت ليله أو داعيها أنسر
.......
بين العسكر فارض ذاته
توجع من أطك طكاته
وارث من حيدر كراته
لو كر يشبه حيدر لو كر
.......
فارس تارس هيبه أهدومه
بيده الصارم طب للحومه
من خوفه العسكر زردومه
ظل أيبلعم من هالمنظر
.......
تارسهم خوف أبن الزهره
واحد هوه وجيش أشكبره
كدامه ولمن دك صدره
أنه ألكم سجل يا دفتر
.......
فارس فارس ظل أينازل
ليلى أباب الخيمه أتسائل
يارب رده أبنصرك حافل
كص راس الفارس وتبختر
........
حسين الله أعله البلوه أيعينه
لمن شاف أوليده أبعينه
من هامه الجدمه أموذرينه
أو جسمه أبارض الحومه أطشر
.......
يا من للطف تحضر مأتم
هذا اليوم الغايه أتعلم
دين الله أبيا صيغه أستقوم
أخذ المعلومه من المنبر
........
شاب الأكبر بحله أيامه
ضحى أبروحه الشان أسلامه
كل شيخ أو شاب أبخدامه
يذرف دمعاته أو يتحسر
.......
خادم أهل البيت
الشاعر : أسماعيل الجوراني
السبت 6/8/2022
شده : حماسيه
في شجاعة قمر العشيره
وحامل اللواء الأمام
أبا الفضل العباس عليه السلام
.......
أخذ ماي النهر عباس بالكوه
.......
1
يم جرف الشريعه الرايه علكها
أو طبكها الزلم عالزلم طبكها
أجنود أبلا عدد بالسيف شككها
يا هو أينازله و يرده يا هوه
.......
2
ما همه أشكثر تنعد كتايبها
جايبها يمين أو يسره جايبها
من فوك الصدر بالسيف صايبها
سيفه ما نزل عن الصدر جوه
.......
3
لا عابت يمينه لا خمل سيفه
من عسكر أميه أبزوده أخذ حيفه
ملك الموت ضيفه ويكرم أبضيفه
ظل يبلي العساجر عالعمر بلوه
.......
4
شد أعنان مهره الخاطر أسكينه
يوم الأنتخت عمي البطل وينه
دك صدره أبعزيمه أو دمعت عينه
زحمه أمنالعطش علويه تتلوه
.......
5
مد سيفه عليهم تضحك أشفافه
بين الشافه خاف أو خاف ما شافه
يسعف جيشهم ما يلحك أسعافه
يوم الصال كافل زينب أشسوه
.......
6
صد عينه أو خزرهم خزره النشمي
دون حسين لو ما أضحي أبدمي
مو عباس أنه أو لا أبن أمي
أنه أو أمي نغدي للسبط فدوه
......
7
من عباس رادو عطوه منفيه
كال العطوه هايه أربات بدويه
كل واحد خلق حجه الجبانيه
للشرده أو يدور بالدرب خلوه
........
8
كل أطماع أميه أبكربله شلها
يوم أجيوشها عالشاطي بهذلها
يوم العاشر أعله حسين حولها
كمر هاشم حلو وطلعاته هم حلوه
.......
9
جف أيمينه كطعو كطعو أيساره
أو خلوها السهام العينه تتباره
شبت نار كلبه أو ما طفت ناره
بالجربه سهم من شاف يطوه
.......
10
طب للخيمه أخيه وطيح أعمدها
أو صدره أبأيد لده أو هامته لدها
وصلت يا بو فاضل خوتك حدها
يا سلوة زماني راحت السلوه
........
خادم أهل البيت
الشاعر : أسماعيل الجوراني
السبت : 30/7/2022
أعكيلي
لذكرى استشهاد سفير الحسين
الأمام مسلم أبن عقيل عليه السلام
........
يا مسلم تسلم يمناتك
توجع بالعسكر طكاتك
......
يم عتبة باب النشميه
طال أجلوسك عنده أشويه
كالت شنهو أتريد أميه
جاوبت أو سمعت حسراتك
.......
كالت منك أنعم وكرم
دار أختك دارك يا مسلم
خادمتك أتشرف و خدم
مولاتي الزهره و مولاتك
......
راكع ساجد ليلك كله
تدعي الله الرحمن أتكله
دون حسين السبط أو أهله
أستشهد عالخد دمعاتك
.......
يوم الخانت أهل الكوفه
وضدك جيش أستل أسيوفه
جفنك ما رف طوعه أتشوفه
خطوات الواثق خطواتك
......
جيش أمجهز واكف ضدك
ونته أبديرة غربه الوحدك
صلت أو رديته أو ما ردك
لليوم أمجاد الصولاتك
.......
نازل عالجيش أبيا غيره
كل ما يسمع ظل تكبيره
الساتر الله النيبه جبيره
يصرخ والزود النزلاتك
.......
صاعد سيفك نازل ماكل
بيهم صار أو زودك حافل
هذا أبذاك الظلو خاتل
والله أيسدد رمياتك
........
أبن زياد أبكل وحشيته
ظل يرجف خايف خليته
داخل أنذار أبنص بيته
كفيت أو كفت حملاتك
.......
واحد أنته أو همه الكثره
كالو هالواحد منكدره
غدرو بيك أو حفرو حفره
الله أيصبرنه أبمأساتك
.......
بسم الحجه اليوم المأتم
كد ما تتألم نتألم
مسلم ثوره أو ثورات الدم
باجر نحيهها أبثوراتك
........
خادم أهل البيت
الشاعر : أسماعيل الجوراني
الأربعاء : 3/8/2022
نزله : حماسيه
في مديح السيده الطاهره أم البنين
وشجاعة أولادها عليها وعليهم السلام
........
من صار وكت الوداع .. لحظه أمكم أتناديكم
يمه يولدي السباع .. بحسين ما وصيكم
.......
1
أم بنين الأربعه ببنينها
كامت أتوصي أو دمعها أبعينها
يمه ولدج دوم لتوصينها
جاوبو كلهم سوى من حينها
كلبج أبد لا يرتاع .. كالت نشامه أدريكم
يمه يولدي السباع .. بحسين ما وصيكم
.......
2
باجر أتسمعين كلبو كربله
على راس الجيش نزلو زلزله
أدري بيكم زين كلكم مرجله
يا بزر بطني الرباته أمعدله
سهر الليالي ما ضاع .. ما ضاع تعبي أعليكم
يمه يولدي السباع .. بحسين ما وصيكم
.......
3
هيجي وترفعون راسي أبنينوه
عاليه الشمس أو تحجبون الضوه
أمنالمدينه الكربله الدرب أنطوه
جنه وتشوف الولد كلهم سوه
بالجيش خسفوها الكاع .. هذا قليل أشبيكم
يمه يولدي السباع .. بحسين ما وصيكم
.......
4
صار شتريدين يجرالج بعد
تحرم أعله الجيش نومات الرغد
حرمله أو شمر أوعمر أبن سعد
نسحك أعله أخشومهم هذا وعد
بربعه ردوه الصاع .. أرضوني كد مرضيكم
يمه يولدي السباع .. بحسين ما وصيكم
........
5
من وطيس المعركه أشتد وحتدم
أبزينب أتواصو سوه أهل الشيم
أخوان زينب صاروا الزينب خدم
دكو الجتف أبجتف دون الخيم
بذراع مشدود أذراع .. دون الحرم خليكم
يمه يولدي السباع .. بحسين ما وصيكم
........
6
طاح الأول ثاني من دمه غرك
الثالث أمنالموت ما جفنه طبك
حي أبو فاضل بقه أولمن حمك
الجيش من الخوف دلاله نتك
طيحو لحم بالأجماع .. موت الشرف يحيكم
يمه يولدي السباع .. بحسين ما وصيكم
.......
7
بالعهد أهل الشيم وفو صدك
أو كربله أبدمهم صفت كعبة عشك
يشبك الشباج بذراعه شبك
الزاير ويتراوه لعيونه الطبك
لعيونه تتراوه أوجاع .. كلبي ألي ما ناسيكم
يمه يولدي السباع .. بحسين ما وصيكم
.........
خادم أهل البيت
الشاعر : أسماعيل الجوراني
الأحد : 1/8/2022
أعكيلي
.......
في حق مجالس عاشوراء
الحسين عليه السلام
.......
يا مجلس عاشوري أتحضره
بيه أستشعر روح الزهره
.......
1
أبضلعين العدها المكسوره
تتعنه المجلس مقهوره
تنشد عن أصبع مبتوره
ياهو الشاف أصبع منبتره
بيه أستشعر روح الزهره
.......
2
لنحور الباتت مدميه
حضر صدرك للطميه
عينك من دمعك معميه
خلها ونادي حسين أبحسره
بيه أستشعر روح الزهره
......
3
أبثوب أسود زين هندامك
خلي أيام الطف أيامك
عطشان أو مذبوح أيمامك
ويام أموسد عالغبره
بيه أستشعر روح الزهره
.......
4
آ يحسين أندب ومصابه
ظل أبشمس الله اللهابه
عاري أو مسلوبات أثيابه
أبحافر خيل أمهشم صدره
بيه أستشعر روح الزهره
.......
5
عن مسلم سولف وحجيلي
يا ناعي الطف وهدم حيلي
رايد من حزني أتبجيلي
عيني اليمنه وعيني اليسره
بيه أستشعر روح الزهره
........
6
أنصار حسين أستذكرهم
طيب بدموعك خاطرهم
أطلب الله أيحسبك منهم
أنجان حسين أتريد أتنصره
بيه أستشعر روح الزهره
.......
7
أبعباس الكطعو جفينه
أوسهم النيبه الودر عينه
عزي أرقيه أو عزي أسكينه
وشبك فوك الراس العشره
بيه أستشعر روح الزهره
.......
8
رمله أبدمعاتك واسيها
الله اليعلم شنو البيها
بس أوحيد شو تاليها
بالطف أوحيدها أتخسره
بيه أستشعر روح الزهره
........
9
عالأكبر كثر وناتك
يمناك أظربها أبيسراتك
ياثار الله أصرخ من ذاتك
جسمك ليش الكوم أتوذره
بيه أستشعر روح الزهره
........
10
عبد الله أو جبده العطشانه
السهم الظالم حز شريانه
مات أبيا مهجه الذبلانه
أشذنبه أيموت الباول عمره
بيه أستشعر روح الزهره
......
11
جان أسمك رايد يتسجل
يوم العاشر أخي المقتل
ليلة وحشه أشكد تتحمل
زينب داعيها الله أيصبره
بيه أستشعر روح الزهره
.........
خادم أهل البيت
الشاعر : أسماعيل الجوراني
الجمعه : 29/ 7/2022
ميمر
الخدمه الحسينيه المباركه
.........
لا تنخذل وتزل رجل
آبسبط النبي دربك عدل
الصفه النوايه ويه حسين ما يخسر أبتاليها
.......
1
هالدنيا غداره أو تدور الزله
و البيها ينغر بي تظل تتسله
من عدها أخلص والدرب تندله
يلا أستعد وبذل جهد
عاشور أجه أو رايد حشد
زحمه المأتم تنتهي أو جدمك فلا مر بيها
......
2
أمم حياتك للمصاب ابكل حين
أحيي العزه ولطم أو هل دمع العين
باجر تموت أو منكر أيسئلك وين
راح العمر ليش الصدر
ما بيه أثر ينطيك أجر
الفرصه أغتنمها هالسنه وم الحسن واسيها
......
3
أشكد بيك طاقة حيل حيلك حزمه
وخدم حسين أبيش ردت أتخدمه
تعبان أذا نفسك شفت متأزمه
أبطاسة ماي أسكي الجاي
حاجي حسين كله أبثوابك مولاي
مذخوره ألك عد حسين هالخدمه مو ناسيها
........
4
أبكد ما تحب حسين أصلح حالك
والصيت أذا أنطاك ألف هنيالك
بس أحذر أو بالك يعيش أبالك
دون الخدم صرت العلم
خلك نبه كبل الندم
وتواضع أوأذكر دوم زينب شمر سابيها
........
5
عاشور أجه أو رايدله منك دمعه
أو رايد لطم فوك الصدر وونين كون أيسمعه
أو رايد زياره التنقري لحسين ليل الجمعه
هاي الصور بيها العبر
جنة عدن عندك خبر
فتحتلك أثمن أبواب تنتظرك أتوافيها
........
6
بالثوب الأسود والكلب أبيض كون
حاجي الحسين أو كله منك ممنون
أو حلفه أبرقيه أو سكنه وبأخته أم عون
يا بو علي يبن الولي
يوم الحشر أنظر ألي
وحسين حاشا ينساك بس نيتك صفيها
........
خادم أهل البيت
الشاعر : أسماعيل الجوراني
الأثنين : 25/7/2022
نزله
لذكرى استشهاد سفير سيد الشهداء
الأمام مسلم أبن عقيل عليه السلام
........
تنعد أبطال الوغى بفعالها
والمثل مسلم قليل أمثالها
.........
الكاتبو إقبل أمس خانو عهد
وظل وحيد وماله ناس أبهالبلد
وينه عنه حسين ويمده أبمدد
الكوفه للدينار باعت حالها
........
أبلا عشيره لا أهل غربة وطن
كل هذن مسلم عليه أتلملن
أباب طوعه أمنالعطش حيله وهن
طوعه بالجنه ألف هنيالها
........
من تعد زود الزلم عد ما يلي
مسلم أبيوم البرز يندب علي
راجله أو فرسان كامت تنولي
الشرده بالروح العزيزه أشوالها
.........
غاره بعد الغاره عالعسكر حمل
الجندي من الخوف بالجندي ختل
طوعه نادت عفيه يا مسلم بطل
آل هاشم تعبت أعله أرجالها
........
ظل يكر عالجيش كرة حيدره
ومن كثر ما هي الجثث متناثرة
الكوفه ذاك اليوم صارت مكبره
والبكت عدله تخاف أخيالها
.........
ظل يباغتهم مثل عصف الهوه
أبضربه فوك الكاع روس أمكوره
أجساد موته أجساد بيها أمعوره
حابل أبنابل شركها أبفالها
........
هاشمي وغيراوي شد حيله أبعزم
وينه وينه أبسيفه يستنكه الزلم
والله ذاك اليوم سواهم فلم
جيفه عالجيفه الجيف منوالها
........
ثار مسلم ثار ثوره حاسمه
بيها يطلب من أميه المجرمه
كسرة الباب أعله أمه فاطمه
ومحسن الطاح أبفعل جتالها
.........
أتحايلو ضده أو أله حفرة حفر
والغدر من شيمة أصحاب الغدر
يا حميده عالجره المسلم صبر
كربله باجر تشيب أهوالها
.........
مفخره الكل شيعي مسلم بالشرف
والعرف مسلم ولا مثله عرف
صان مذهب ملته الحد مانزف
دمه وبعالي الكصر تكمالها
.........
خادم أهل البيت
الشاعر : أسماعيل الجوراني
الثلاثاء : 19/7/2022
نزله
ليلة الأنصار
رضوان الله عليهم أجمعين
.....
على حب أنصار أبن عقد الوله
خالنوصل صوتنه الحد كربله
.....
الليله أصحاب الصدك والغيره
الطيبين العشره خلق أو سيره
نزلو أعله الجيش نزله أجبيره
أو نالو أبهالنزله أشرف منزله
.....
ضيكو عالجيش ميدان الحرب
ها أجاك الموت و شتد الظرب
مالت الله العدله ما خلو درب
شرده أبد للجيش أهل المرجله
.....
وقعو عالموت أصحاب الشرف
حيلهم بالمعركه أعداهم عصف
أشلون زينب خايفه أبوجه أنخطف
و بكلب مكروص تقرى البسمله
.....
زينب أبخيمتها وشتد الجدل
%0 نعوفك محتمل
أشلون ترضه الليل نتخذه جمل
صاحو أو بالكاع صارت زلزله
.....
سوو أستعراض و حسين أبتشر
عنده جالعباس 70 كمر
أصحاب مثل أصحابي مدعاة الفخر
دوم أبد ماصار نخبه أمعدله
.....
أسيوفهم تستنكي روس القاده
ظلت أو سوح الحرب ولاده
فدوه روحي أتروح لبن الساده
الطاح منهم صاح ساعة مقتله
.....
الشاب والشايب عزيمتهم سوه
نزلو الحومه أو يسبكون الهوه
الجيش من صولاتهم حيله خوه
راجله أو فرسان جثه أمشوله
.....
أسباع والواجب فعلهم ينشكر
نبتهل لله أبحشرهم ننحشر
الدمهم الزاكي لحد هسه عطر
أشما نزور حسين نشتم منهله
.....
أنصار بالزينات كلهم غانمه
والمجالس بيها تحضر فاطمه
الرايد أم حسين تقبل مأتمه
لطم صدره الكربلاء أيوصله
.....
خادم أهل البيت
الشاعر : أسماعيل الجوراني
الأثنين : 24/7/2023
نزله
أستهلال شهر
عاشوراء الحسين عليه السلام
..........
لطمو عالصدر لطمه ولائيه
خلو أيامكم كلها عزائيه
..........
أهلال النايبه وافانه هاليله
مو شيعي أو علي الما يلطم أبحيله
حسين أبدمه ضحه أشما نضحيله
منوفيله نسبة واحد أبميه (1% )
.........
الما يلطم أو يوجع بالطم صدره
لا يرجه شفاعة فاطمه الزهره
كل مجلس عزه لحسينها أتحضره
أدور عالصدور الكلها حنيه
..........
عاشور المواجع هل هل أهلاله
هنياله البجى واللطم هنياله
أشماله الما يفكر غافل أشماله
ساعه أو لنها بيه الدنيا مجفيه
.........
شد أعنان حيلك و حضر المجلس
و ندب يا حسين أو ريجك أميبس
المجلس مدرسه أمنالدرس لا تفلس
كلبك نظفه من الضبابيه
.........
نيران أبخيم من عدها مخروعه
جم طفله يتيمه أو تشعر أبالوعه
أو لحد ينسه مسلم ولتقى أبطوعه
النصرت غربته أبنيه فدائيه
..........
أهلال أبشع جريمه أبحقد سفياني
جاب أويا وجه ماله وجه ثاني
وجه طفله أو عليها أمخيم الجاني
يشرم منها أذنها الشان ترجيه
..........
خالنلطم صدرنه أبحركه ونوجعه
وبحفاد إل أميه أنضيك الوسعه
كل دمعه أعله خدنه تنسحب شمعه
فاز الدمعته دمعه كفائيه
........
الزينب وبن أبوها العالنهر حتفه
الطفه السهم عينه ونكطع جفه
أو ماي البجربته أتبده يا وسفه
تهتز كون حيطان الحسينيه
.........
كل لحظه أبمحرم حسره مطلوبه
عالسلبو بناته و نسلب ثوبه
تسحك صدره خيل أوخيل هالنوبه
تسحك فوك صدره أبكل عدائيه
..........
وينه العنده حاجه أيسبل أجفوفه
هاليله الحوايج كلها معروفه
مكظيه أو شفيعه حسين ميعوفه
من بخته الحضر لحسين لطميه
..........
من مجلس حسيني المجلس أمشونه
خلونه نعزي المهدي خلونه
هاليوم أعله أبوه أمورمه أعيونه
ومورمه أعله عمته المشت مسبيه
.........
خادم أهل البيت
الشاعر : أسماعيل الجوراني
الأثنين : 23/5/2022
شده : حماسيه
بمناسبة تبديل الرايه الحسينيه المباركه
.....
أبتبديل الرايه .. أنعاهد وفايه
أنصارك نبقه .. وندكلك ثايه
.....
يا روح الزهره .. شهرك ننتظره
كل خادم منه .. يتنومس بجره
مرفوع الهامه .. للخدمه أحزامه
ويه اللطامه .. يلطملك صدره
الغايه أبهايه .. أبحبك توصايه
أنصارك نبقه .. وندكلك ثايه
.....
اليوم أتوضينه .. جينه أتعنينه
نشكر هالنعمه .. أو نحمد بارينه
الرايه أنبدلها .. أبدمعه أنبللها
أهواي أندللها .. راية غالينه
أبعباس أو مايه .. رضوانك غايه
أنصارك نبقه .. وندكلك ثايه
.....
مكطوع المنحر .. والجسم أموذر
تتعاله الصيحات .. ها يابو الأكبر
عاشورك جانه .. خيم بحزانه
المأتم مولانه .. حضرنه المنبر
لطميه أقرايه .. باجر مشايه
أنصارك نبقه .. وندكلك ثايه
.....
يا ماضي أو حاضر .. وياك أنتاجر
سداده الرقبه .. شاهدنه الساتر
أبفتوة مرجعنه .. أبغيره أتفازعنه
كلنه أتعاهدنه .. بالموت أنفاخر
الحبك شرايه .. نتعنه أعنايه
أنصارك نبقه .. وندكلك ثايه
.....
يا كعبه أبكعبه .. غيرك منحبه
%100 .. عالفطره النسبه
يا سيد الجنه .. أتقبل منه
عندك سجلنه .. أبكيفك يارتبه
صايه أو صرمايه .. جفك عطايه
أنصارك نبقه .. وندكلك ثايه
.....
خادم أهل البيت
الشاعر : أسماعيل الجوراني
الجمعه : 14/7/2023
أعكيلي
.......
في حق مجالس عاشوراء
الحسين عليه السلام
.......
يا مجلس عاشوري أتحضره
بيه أستشعر روح الزهره
.......
1
أبضلعين العدها المكسوره
تتعنه المجلس مقهوره
تنشد عن أصبع مبتوره
ياهو الشاف أصبع منبتره
بيه أستشعر روح الزهره
.......
2
لنحور الباتت مدميه
حضر صدرك للطميه
عينك من دمعك معميه
خلها ونادي حسين أبحسره
بيه أستشعر روح الزهره
......
3
أبثوب أسود زين هندامك
خلي أيام الطف أيامك
عطشان أو مذبوح أيمامك
ويام أموسد عالغبره
بيه أستشعر روح الزهره
.......
4
آ يحسين أندب ومصابه
ظل أبشمس الله اللهابه
عاري أو مسلوبات أثيابه
أبحافر خيل أمهشم صدره
بيه أستشعر روح الزهره
.......
5
عن مسلم سولف وحجيلي
يا ناعي الطف وهدم حيلي
رايد من حزني أتبجيلي
عيني اليمنه وعيني اليسره
بيه أستشعر روح الزهره
........
6
أنصار حسين أستذكرهم
طيب بدموعك خاطرهم
أطلب الله أيحسبك منهم
أنجان حسين أتريد أتنصره
بيه أستشعر روح الزهره
.......
7
أبعباس الكطعو جفينه
أوسهم النيبه الودر عينه
عزي أرقيه أو عزي أسكينه
وشبك فوك الراس العشره
بيه أستشعر روح الزهره
.......
8
رمله أبدمعاتك واسيها
الله اليعلم شنو البيها
بس أوحيد شو تاليها
بالطف أوحيدها أتخسره
بيه أستشعر روح الزهره
........
9
عالأكبر كثر وناتك
يمناك أظربها أبيسراتك
ياثار الله أصرخ من ذاتك
جسمك ليش الكوم أتوذره
بيه أستشعر روح الزهره
........
10
عبد الله أو جبده العطشانه
السهم الظالم حز شريانه
مات أبيا مهجه الذبلانه
أشذنبه أيموت الباول عمره
بيه أستشعر روح الزهره
......
11
جان أسمك رايد يتسجل
يوم العاشر أخي المقتل
ليلة وحشه أشكد تتحمل
زينب داعيها الله أيصبره
بيه أستشعر روح الزهره
.........
خادم أهل البيت
الشاعر : أسماعيل الجوراني
الجمعه : 29/ 7/2022
هوسات جنوبيه
لذكرى عيد الغدير
وتنصيب أمير المؤمنين الأمام علي عليه السلام
.....
حتى ما يترك محجه لمهم أبوكت الهجير
وكال أبو الزهره محمد علي من بعدي الأمير
البالمقدم سمع صوته وسمع صوته البالأخير
ها ها
كلهم صوته أيسمعونه
أو عرفو غاية مظمونه
حيدر مولاكم كونه
ها ها ( أبعافيته )
دين الله أيظل أبعافيه
......
أكمال دين أتمام نعمه أو واجبه الفرحه أكيد
أو بالثبات أعله الولايه أدعي للداني أو بعيد
عيدك أمبارك يشيعي أنشا الله عيدك سعيد
ها ها
أبهاي الليله المزهيه
أبجاه الزهره المرضيه
من جف حيدر عيديه
ها ها ( مكضيه )
كل حاجه العندك مكضيه
......
خادم أهل البيت
الشاعر : أسماعيل الجوراني
الأثنين : 3/7/2023
هوسات جنوبيه
لذكرى ولادة كريم أهل البيت
الأمام أبا محمد الحسن المجتبى عليه السلام
.........
يريحانة محمد يبن داحي الباب
دمعنه أبمولدك فوك الوجن سجاب
يم بابك الحاجه أنذبها هيجي أذباب
ها ها
أبهاي الليله المزدانه
يابو محمد مولانه
جودك شرع بيبانه
ها ها ( عيديه )
ونطينه أبجفك عيديه
........
يا سبط الرسول المصطفى المختار
يابن فاطمه أو حيدر علي الكرار
سبع دورات ألك روحي عسن تندار
ها ها
جيت أباليلة ميلادك
أندب وفرح بعيادك
رايد تنطيني أمرادك
ها ها ( مضمونه )
ودري أبفزعاتك مضمونه
.........
خادم أهل البيت
الشاعر : أسماعيل الجوراني
الأثنين : 3/4/2023
هوسات جنوبيه
لذكرى ولادة قائم آل محمد
الحجة أبن الحسن عجل الله فرجه
........
يالمهدي أبو صالح بعد هاي أو هاي
ليلة مولدك يبن الحسن مولاي
ليله أمناليالي الخاصات أهواي
ها ها
شيعة جدك موعوده
أبهاي الليله المعهوده
مهديها أيخضر عوده
ها ها ( أبمهديها )
هنيال الشيعه أبمهديها
.........
أمبارك السيده نرجس جابت الليله ولد
يا جمال الله أعله وجها منوجد مثله أبد
واجبه الليله التهاني أوخد يبوس أبلهفه خد
ها ها
الشيخ أبن أشيوخ الساده
نشعل شمعة ميلاده
ونطش جكليت أمراده
ها ها ( أنعليها )
والفرحه أبصفكه أنعليها
........
خادم أهل البيت
الشاعر : أسماعيل الجوراني
الثلاثاء : 7/3/2023
نزله نجفيه
في مديح شجاعة
الأمام علي الأكبر عليه السلام
.......
علي الأكبر من نزل لجيوشها
صارت أحفظ ركبتك ليحوشها
.....
صافرات أنذار دكت للخطر
علي الأكبر هذا لو فاس مضر
هاجم أعله الجيش والجيش أنكسر
بيها كص ركبتها بيها أطحوشها
.....
بينهم ما بينه ميدان الحرب
هالكثر ما علي بالغيره خصب
موت الأحمر كام عالعسكر يصب
والجنايز هلك حيل أطروشها
......
دوم ما ثنى علي ضربه أبد
لو يكص الراس لو يشطر جسد
على رمضة كربله ظلو قدد
جيف عفنه أمشولات أكروشها
......
ضاك صدر الجيش مو ضاك أختنك
بيها يشرد لحك بيها مالحك
سيف الأكبر جندله أوبالدم غرك
ولجهنم سفره كاطوشها
......
نايبه أبسد نايبه أبسد نايبه
الشارد أو مرعوب يسحك صاحبه
قاطبة جيش آل أميه قاطبه
سيفه مثل المجرشه جاروشها
......
أتحيرت وتوهدنت قاده أو جند
ماكو بيهم نجر طكاته يصد
أشباه طلعو مو زلم كدها وتهد
أو علي الأكبر بالحريبه أيروشها
......
أشلون جده المرتضى عقد الوله
أهديب عين حسين خلد كربله
من دخل للحومه ولحد مقتله
سيفه من أبعيد ظل أينوشها
.......
واحد من الجيش وصلها اليزيد
العلي الأكبر بالحرب صرنه عبيد
من شديد الخوف نفعل ما يريد
كالها والشام هز أعروشها
........
خادم أهل البيت
الشاعر : أسماعيل الجوراني
السبت : 6/8/2022
نزله نجفيه
في مديح الأمام القاسم أبن الحسن
عريس الطفوف عليه السلام
يوم طب سوح الحرب جسامها
شدها يمه أو لا ترخي أحزامها
.......
رمله نادت يوم شافته نزل
يضرب أبسيفه العدى ومنهم جتل
مثل أبوك الفحل يا جاسم فحل
رايده الوادم تخط أقلامها
......
يمه شدها أو لا ترخي أحزام أبد
خلني أباهي أبكربله أمضحيه أبولد
تحجي والدلال من عدها أنمرد
كربله لا شفنه كون أيامها
......
يمه أريدك بالحرب وايد كلف
التنسعف ما ريد تلحك تنسعف
حتى لو حيلك تبريد بالنزف
روسها عزلها عن أجسامها
......
ساعة البيها ألي سالم تعود
راح أسويلك عرس ما بالوجود
صار مثله أمحضره أشموع وشهود
أو حنتك بيدي أدوف أيدامها
......
صد لعد أمه أوضحك ليها الشهم
شوفي شوف العين مشراد الزلم
أله أخليها جسم يردم جسم
والشهاده أبصدري أشيل أوسامها
......
شدها شدة موت ما منها مفر
ماكو واحد دوم من سيفه طفر
جيش أميه أكبال جاسم ونكسر
ختم جاسم خاتم أعله أعدامها
........
أمي لجل حسين نذرتني نذر
ناده والمدمع على الوجنه يدر
اليوم أسحك فوك خشمك يا شمر
والحرب بيدي أدير أزمامها
.......
كام يحصد روسهم جاسم حصد
يربد العسكر على العسكر ربد
يمه لجل حسين ناذرتك عبد
اليوم أحقق لمي كل أحلامها
.......
للأمير حسين أبن حامي الحمه
سبط طاها النبي راعي الغانمه
روحي أضحي اليوم وخدم فاطمه
أمه وتسجلني من خدامها
.......
شسع نعله أكطع برض المنزله
حنى ظهره أوكام بيده أيعدله
أمصيبته ما صار منها أبكربله
غدرت أبجاسم الكوفه أو شامها
........
خادم أهل البيت
الشاعر : أسماعيل الجوراني
السبت : 6/8/2022
أعكيلي
في شجاعة الأنصار رضوان الله عليهم
.......
ينصار حسين أعله المنبر
من عدكم واجب نتشكر
.......
نتشكر من عدكم واجب
ما تعله العين أعله الحاجب
صاحب جنتو ونعمه الصاحب
بالطف يوم حسين أتحير
.......
أبخيمة زينب عن راويكم
سامع جلمه أتشين أعليكم
شاطت لله الغيره البيكم
موش أحنه الباجر يتعذر
.......
يا خوف المر كلبج زينب
موج الطف وياكم نركب
جينه أنموت ويبقه المذهب
خوفح خل عنج يتكتر
.......
باجر لمن يطلع فجره
بسم حسين وبسم الزهره
هذا العسكر نكسر ظهره
عالموت أنخلي يتحسر
.......
أنعم منكم برض الحومه
خاف الجيش أوذب أهدومه
حيدر عاد أو عاود يومه
وعورة صفين ألكم تظهر
........
حك يتباها حسين أبناسه
صانو عهده أو رفعوا راسه
واحدهم حد شهك أنفاسه
بالموت أويه حسين أتبشر
.......
ألكم والله أفضال أهوايه
لو ما دمكم مترف رايه
لا كو أزياره أو لا مشايه
كلب ألكم بالحق أستبصر
........
70 أو ماكو أسبع منكم
يا ألأشرف مرقد مرقدكم
حكنه أنباهي الدنيا أبحبكم
يهل الغيره أطياب المعشر
.......
خادم أهل البيت
الشاعر : أسماعيل الجوراني
الخميس : 4/8/2022
أعكيلي
......
في مديح وفضائل
السيده أم البنين عليها السلام
.......
بسم أم عباس البدويه
سمي اليوم أوصفي النيه
........
اليخدمها أم عباس أتريده
كون المجلس حشمه أيزيده
مو بس يبجي أو تلطم أيده
عاشوري أبذات أو قوميه
........
أبعاشور حسين أبن الزهره
كون المجلس مثل الحضره
هيج الناس أتخصه أبنظره
لمن تحضر فد مرثيه
.......
محبوبي أو محبوبك واحد
أحيا الدين أبموقف خالد
أتخيلها أم عباس أتناشد
كل شيعي اليوم أو شيعيه
.......
بخلاق آل البيت أتحله
عنهم أبدآ لا تتخله
لو ما دمهم ما ظل مله
دمهم خلالك شرعيه
.......
باهات الطف كد ما تكدر
جاهد نفسك فطره أو مصدر
شاهد حي أعليك المنبر
يا نسبه التاخذ من 100
........
كبلك جم خادم بكبيره
طوله أتواره أشبيك أبحيره
أطلب منها الطيبه السيره
ميت حي خصيني أبجيه
.......
بسم الضحت لجل المذهب
عباس البالغيره أمعذرب
سمي أو جند حيلك وتعب
أبمسجد أخدم وحسينيه
........
بالمجلس خامل لا تجلس
حرك ساكن خلي لك حس
لو تلزم مكناسه أو تكنس
لو بيد أتعدل زوليه
.......
شهر حسين أو هاذي أيامه
محتامه الزهره أو محتامه
أم عباس الكل خدامه
صلي أعله الزهره المرضيه
.......
خادم أهل البيت
الشاعر : أسماعيل الجوراني
الثلاثاء : 2/8/2022
عتاب
عن لسان حال
السيده فاطمه العليله عليها السلام
........
بلا حيل .. وجى الليل .. والمرض أذاني
رحت وين .. يالحسين.. ياهو جا يرعاني
.......
طفله وهلي غياب
عيني أتراقب الباب .. ودموعي جريه
سترن جلدي الهدوم
تعبانه من الهموم .. وتمنه المنيه
ميته أشكد تمنيت
لا متروكه بالبيت .. موتي أحسن أليه
الأوجاع .. والوداع .. زودن حرماني
رحت وين .. يالحسين .. ياهو جا يرعاني
......
صعبه أشكد الأيام
تمضي وكلبي محتام .. للهجرو نزلهم
باجر ها يردون
عيني أتشوف الضعون .. ولكاهم وكلهم
راحت كل الأحزان
من ردولي خوان .. يدري الله شحبهم
عمر فات .. حلم مات .. ما أجو خواني
رحت وين .. يالحسين .. ياهو جا يرعاني
......
أذكر ونته موجود
تمسح دمع الخدود .. و توصي أبسكينه
بنتي أشما تكدرين
يم أختك تكعدين .. و سكينه الحنينه
فدوه أختي رقيه
خالنكعد سويه .. و للمغرب بقينه
شنو الصار .. ترى الدار .. وحشه يا خلاني
رحت وين .. يا لحسين .. ياهو جا يرعاني
.......
خوفي أبكربله هناك
مذبوح وهلي وياك .. مكطوعه المناحر
تسحك صدرك أخيول
دمك عالثره أسيول .. خلته الحوافر
جسمك بضعه بضعه
جفك حن لصبعه .. الكطعته الخناجر
شبح موت .. خنك صوت .. حسك الإنساني
رحت وين.. يا لحسين.. ياهو جا يرعاني
.......
راسك يارمح شال
بكليبك سهم ضال .. حافرله حفيره
حركو ليش الخيام
زينب عمتي للشام .. عالهزل أسيره
بويه أوسلوة الروح
نحري أتمنه مذبوح .. دونك بالظهيره
ألف حيف .. مضه السيف .. أبحسنك الرباني
رحت وين يا لحسين .. ياهو جا يرعاني
.........
خادم أهل البيت
الشاعر : أسماعيل الجوراني
الأحد : 31/7/2022
نزله
ليلة الأنصار رضوان الله عليهم
........
أنصار أبو السجاد أهل الغانمه
حلفو أيطيبون خاطر فاطمه
........
حلفو أبهاليوم سجيل الغضب
ينزل أعله الجيش ويكصله الرقب
الما يكصله ركبته أيكصله العصب
باشطين أربات حامي الحمه
.......
أتعاهدو عالموت مدعاة الفخر
ما نعوف حسين لو صرنه وذر
يا شمر يكدرنه يكدر يا عمر
يا أبن مرجانه جدمه أيقدمه
.......
الجيش من أسيوفهم موت أرتوه
حاسرين الراس صوت ألهم دوه
اليوم جود حسين عالكاع أستوه
أو كربله للدين دوله وعاصمه
........
الغانمه البيهم ولا صارت أبد
الشاف أخوه أينام عالغبره جسد
أو داعتك لحسين ما أخلف وعد
عالعساجر فات شاهر صارمه
........
أكبال خيمة زينب أبنية علي
دويه صارت دويه وبحس معتلي
حاضرين أم عون كولي أدللي
ندري والزهره المنايه أمحتمه
.......
أمسابك أعله الجيش صار أبكربله
أبداعت المولى علي عقد الوله
عوفهم خلهم ألي الصوت أعتله
أكلوبهم عالموت هيج أموالمه
........
غيره عدهم تلهب أفجوج الحرب
فدوه أروحلهم على نفس الكلب
ترسو العسكر رعب بس يا رعب
كربله خلوها بحر أمنالدمه
........
دكو الجتف أبجتف أهل الشرف
ما يعوف أصويحبه الصاحب حلف
لو نموت أثنينه لو ماكو طف
حارين أهواي وكت الموزمه
..........
عن يمين الجيش عن الميسره
الحمله بعد الحمله شنوها تره
جيش أبن سفيان تيه محوره
راجله أو فرسان غاشيها العمه
.........
يالزجيه فاطمه الزهره أم حسن
اليوم جينه الكربله وجبنه الجفن
الموت دون حسين مكصدنه عسن
بالشهاده أنال حسن الخاتمة
.........
خادم أهل البيت
الشاعر : أسماعيل الجوراني
الخميس : 28/7/2022
شيله : حماسيه
في مديح قمر العشيره
الأمام أبا الفضل العباس عليه السلام
..........
حلف هاليوم عالشط أله أنهيهم
بس حسين كله فدوه خليهم
لوما حسين خلهم وصه أبو فاضل
والعباس جا عباس كاظيهم
.........
1
تعنه الشط يجيب الماي لسكينه
عطشانه أو نخت عمي البطل وينه
هلهل صارمه أو دخن غضب راسه
أونصهم روحه راحت من خزر عينه
من شافوه أجاهم دب رعب بيهم
أهل الكوفه بهل الشام شعليهم
هذا أيوصي هذا أشرد أبروحك
جن عباس موت أحمر أملاكيهم
.........
2
كشخه أو طوله راهي أو منفرد صدره
ماخذ من علي أبفن الحرب شمره
الديوان المراجل عنده تسيوره
ماجن كربله بيها أنحفر قبره
واكف مبتسم يفحص معانيهم
من الخوف رعشت رعشه رجليهم
شوف العين شافو شايفه أتخوف
علي وبنه أبو فاضل هدو أعليهم
........
3
كامت غبره وصلت للسمه السبعه
أنجلت عباس واكف خنكته الدمعه
يسمع صوت زينب عالتل أتناديه
لا عابت يمينك خويه وتشجعه
دك صدره أبشهامه هاج أنظريهم
راس أولهم أكطع راس تاليهم
خويه أوداعت أمك فاطمه الزهره
أله أبنار سيفي اليوم أكليهم
.........
4
صد لحسين كله أبداعتي أشلونك
يمن خيعوني بيك أو بيه خيعونك
راح أنزل غضب فوك العساكر هاي
لحد ما أنكتل يا بو علي دونك
حد ما أنكتل بالموت أغذيهم
ولأمة محمد فرجه أسويهم
أخوك أخويدمك ويخدمك أبروحه
يبعد أخويدمك حشمني أربيهم
.......
5
هد أبغيرة الله التارسه أنفاسه
جاس الجيش كله الجيش ما جاسه
زلم تردم زلم كربله خلاها
لحد ما بالغدر صاب العمد راسه
أبد ما ثنه ضربه أو ظل يدميهم
عله الروح العزيزه ظل يوازيهم
اليعز روحه ترى العباس بالمرصاد
ياخذ منه روحه أو هذا ياذيهم
.......
6
دخل نهر الفرات أو شرف أجروفه
غرف من عنده غرفه الحيد بجفوفه
لاكن ما شرب يا نفسي بعد حسين
هوني أو هالروايه عدنه معروفه
عطاشا البالمخيم وده يسكيهم
ماي ألي أبجربته جايبه ليهم
أنصابت جربته ونكطعن الجفين
بعد عباس جا ياهو اليحاميهم
.......
خادم أهل البيت
الشاعر : أسماعيل الجوراني
الخميس : 21/7/2022
هوسات جنوبيه
لذكرى بيعة
عيد الغدير الأغر عيد الله الأكبر
........
من بعد حج الوداع وبأرض خم الغدير
الله شاء أو الله قدر علي يتنصب أمير
ورسل الوحي أبرساله للنبي الهادي البشير
ها ها
يابو القاسم هالساعه
حيدر وجبتله الطاعه
بذراعك شيل أذراعه
ها ها ( خليها )
حجه أعله الوادم خليها
...........
البايعك يا علي فاز والمشى ضدك خسر
أو هوه لو حظ بيه أصلآ لحظه حقك ما نكر
اليعجبه الحجي أيعجبه الما يعجبه أمنالبحر
ها ها
يشرب خله أشما يكدر
كل شيعي اليوم أستبشر
من الله أمنصب حيدر
ها ها ( ناكص غيره )
و الما يقبل ناكص غيره
..........
خادم أهل البيت
الشاعر : أسماعيل الجوراني
الخميس : 14/7/2022
