شوط كربلائي
أستهلال هلال عاشوراء الحسين
شهر محرم الحرام
............
يا شيعة علي الكرار عاودكم شهر عاشور
كثروها الروايا السود عالدور أو أعالي الدور
..........
أبكل دار الروايا السود أبمسجد وبحسينيه
أو مجلس توعيه أو أرشاد بي دمعه ولائيه
أو لطميه أعله مد الحيل تخلص تبدي لطميه
كل مجلس عزه لحسين
بي تسجب دمعها العين
عند الزهره يمحبين
تلكونه أبسجل مكتوب ولكم بالحشر مذخور
.........
رايه أبواجهت كل دار أبكل موكب ترف رايه
عاده أو تنكطع هيهات هاي العاده من هايه
حسين أيكيف أبكل جاي لحد يهجر أقرايه
سجل يا حبيب الجاي
والكاعد يوزع ماي
صار أبخدمتك مولاي
شيخ أنصار أبو السجاد ناده والكلب مسرور
..........
عاودكم شهر ما صار كبله أو لا شهر بعده
شهر حسين أبو السجاد الطه المصطفى جده
هنياله الذي أبأخلاص عد الهالشهر عده
آيا يحسين ومصابه
مات أو سلبوا أثيابه
أو نار الخيم لهابه
مأجور اللطم لحسين واليبجي علي مأجور
.........
شهر البي أمير حسين كطعو من قفا نحره
عطشان أو خضيب الشيب وبجسمه 12 طبره
أو خيل الأعوجيه أتجول فوكه أو هشمت صدره
أو خيمات العلاوي أبنار
محتركه أو يتامه أزغار
من جيش العدا الجرار
فرت ترست الوديان أو تنور المنايا أيفور
..........
يا شهر الكدر والظيم جرح أمصيبتك بينه
ما دام الجسد بي روح يالمنه أو يبجينه
أو يا رمز الشهاده حسين وينه الحاربك وينه
صرخه أو ما تملها الناس
تحجيها أبفخر وحساس
أو تلطم عالصدر والراس
يحسين النصرت الدين للحق أسست دستور
.........
يمته أترف لبو الثارات رايه أطالب أبثاره
أو مهديكم ظهر يا ناس أمنادي أيزف البشاره
و فواج المنايا أتسير خلفه أو بيده بتاره
منا الذله أبد هيهات
مخطوطه على الرايات
لعروش الظلم دولات
تتساوى أويه وجه الكاع أو مايبقه ظلم لاجور
........
خادم أهل البيت
الشاعر : أسماعيل الجوراني
السبت : 4/6/2022
مولد
لذكرى ولادة أنيس النفوس
السلطان الضامن الأمام
علي أبن موسى الرضا
.........
حبك سعاده .. عايزها أراده
أعطف عليه .. أنطيني الجلاده
........
1
بالحب تراني .. مجنونك أني
يالساكن أبطوس .. يلهج لساني
مولى الحياره .. يا بو مناره
حبك تجاره .. مابي خساره
منك شهاده .. راد أبوداده
كلبي اليحبك .. حقق مراده
........
2
حبي مجازي .. موش أنتهازي
عالفطره حبي .. أبداعي أعتزازي
هنياله هسه .. اليمك تمسه
تضفيله لمسه .. مرتاحه نفسه
أعذيبي أبزياده .. نسمة براده
أبداخل ضريحك .. تشرح فؤاده
........
3
عيني أبدمعتي .. المشهد نظرتي
شعشع ضيائك .. نور ضلمتي
لجلك أمامي .. شدني هيامي
ذروة غرامي .. أهدي كلامي
أباليل الولاده .. نبره أبسعاده
يا حجة الله .. أعله عباده
.........
4
الضامن غزاله .. ماهي أستحاله
يضمنله خادم .. همه أشتكاله
أنعم وأكرم .. بالله أقسم
بهمومي ماهم .. مكظيه أجزم
عند الرشاده .. يوفي أجتهاده
مولايه مولاي .. علم أو عباده
.........
5
أبيقضه والأحلام .. تأخذني الأجدام
الشباكك الساع .. دلالي محتام
والماشرب ماي .. أبصملك أبهاي
تتراجف أعضاي .. تقبلني رجواي
أبدونك وكاده .. عمري حماده
تطلبني زاير .. صك أعتماده
........
6
يبن الزجيه .. أو حامي الحميه
أبميلادك اليوم .. سبلت أديه
يا ماي العيون .. ذبحتني الظنون
هايالرضا كون .. تفزعلي ممنون
الراجي أعتقاده .. دومه أبزياده
يحضرله مولاه .. لو بسمه ناده
..........
خادم أهل البيت
الشاعر : أسماعيل الجوراني
الجمعه : 10/6/2022
موشح
لذكرى استشهاد
الأمام جعفر الصادق عليه السلام
..........
الليله للصادق تجدد ثارها
الشيعه وتعاهد علي كرارها
...........
الجعفر الصادق عهد من شيعته
باجر أتصير القرايه أبحضرته
أو موش شيعيه بطنها الجابته
الما نطى حك حرمتك مكدارها
..........
حرمتك من حرمة الهادي الرسول
والشرح عن حرمتك وايد يطول
علمك أو تسبيحة الزهره البتول
توئم أو دارك أو حركت دارها
..........
أبدارها أو دارك النار المضرمه
بغضآ أبحيدر علي حامي الحمه
من سقيفة ساعده المو مسلمه
لعنة الله أعله السقيفه أو عارها
..........
لعنة الله الدايمه اليوم الحشر
ع لي سمم جبدك الهادم كبر
أبعون الله أتكوم رايات الخضر
بالبقيع أترفرف أو أمصارها
..........
أبكل شبر من البقيع الطاهره
رايه خضره أبكربلاء أمزوره
من قبر جدك حسين أمعطره
أمراد أبو فاضل تشيل أكتارها
...........
أمراد للعباس أبن أم البنين
العالنهر كطعو يساره واليمين
ثار تطلب للي دامي الودجين
الداسته أخيول العدا أبحفارها
............
أبحافر الخيل أعله رمضة كربله
حسين لمن طاح جثه أمرمله
أهدومه سلبوهن شمر وي حرمله
كربله أتحدث تظل أخبارها
........
أخبارها أتحدث خبر يلحك خبر
أو توصل الجعده التي أبسابع صفر
سممت جبد الحسن خير البشر
أو كبته أطيح أو محمد جارها
.........
كبب جار ألها الرسول أو طايحه
لازم أعله الدين صاحت صايحه
الهل سبب بمصابك أتحل نايحه
يوصل السابع سمه ثغبارها
.........
خادم أهل البيت
الشاعر : أسماعيل الجوراني
الثلاثاء : 24/5/2022
أعكيلي
لذكرى هدم
قبور أئمة البقيع عليهم السلام
...........
نبنيها أكبور الهدموها
..........
مطلبنه أو ثابت مطلبنه
أو موش أحنه النسكت عن حكنه
هدنه أنطينه أو حد الهدنه
ساعتها أشلون أيعرفوها
..........
قبه أو حضره أو يفياف أخضر
جانت لازم ترجع وكثر
لازم يتجسد فد منظر
قطبين الكون أيشوفوها
..........
قبر السبط السمو جبده
أبفعلة بنت الأشعث جعده
بغضآ بمه أو بغض أبجده
رادو أمجاده أيشوهوها
...........
قبر الشاهد ذبح حسينه
أو من هامه العله الرجلينه
مسبي أو مجتوفات أيدينه
أو عمته أعله الهزل مشوها
...........
قبر الباقر وبنه الصادق
شيخ المذهب بالحق ناطق
يرجع ذاك الصرح الشاهق
لازم والشيعة أيحجوها
...........
قبر الحمزه الجبده أتفرهد
أبهند أو وحشي أتمثل مشهد
ليث الدين البي غيره أشكد
أو كد الغيره البي كرهوها
............
قبر أشرف وطهر بدويه
أم العباس العلويه
الصفت ويه حسين النيه
جي زوجه حيدر عادوها
..........
باجر جاي أو تطلع شمسه
خل كلمن ظالم من هسه
بيده أيحضر قبر النفسه
موتاهم ماظن يحصوها
............
باجر رايه أبصف الرايه
مشايه أبجتف المشاريع
صاحب موكب زاده أو مايه
يتلكه الناس الكصدوها
...........
بسم القائم ثوره أتباشر
شيعة حيدر لو حل باجر
كل وهابي أبحقده أيجاهر
راح الثارات أيربعوها
...........
خادم أهل البيت
الشاعر : أسماعيل الجوراني
الأثنين : 9 /5/2022
أعكيلي
لذكرى استشهاد
أمير المؤمنين علي عليه السلام
............
أمشونه أنشيع نعش الغالي
............
أمشونه أنشيع شيخ الكوفه
نحضن نعشه أنبوس أجفوفه
أبكد ما غركنه أبمعروفه
أنبوس أيده أو دمعتنه أتلالي
..........
أمشونه أنشيعه أبأونه أو حسره
أو نشبج فوك الراس العشره
أنعزي الهادي أنعزي الزهره
أو منه المأتم ميظل خالي
..........
أنعزي حسين أنعزي أخوانه
يوم أذراعك شد ذرعانه
كان الله أبعونك مولانه
دمعك من دم يتراوالي
..........
أمشونه أنشيعه أنشيم نعشه
حزنه أعله المعمورة أنطشه
ذاك الطبرو هامه أبغبشه
لجله أهتز عرش الله العالي
...........
بعذيبي الفجر أو نسناسه
بالسيف الوالي أنشج راسه
يومين أو فاضت أنفاسه
وحنه اليوم أبعازة والي
..........
شيخ الكوفه الطبرو هامه
أو فاركنه أو ماتم أصيامه
من يسمع ونة أيتامه
حي بلجن يرجع بالتالي
...........
نعش الغالي أنوسده أبالحده
ماي أنرشه أو نكعد عنده
ياثار الله العهد أنعكده
ثارك ثاري أشما يجرالي
............
كل واحد منه أبدمعاته
يحيي أمصابه أبغيرة ذاته
يطلب من حيدر حاجاته
حيدر تدري أشصار أبحالي
...........
خادم أهل البيت
الشاعر : أسماعيل الجوراني
الخميس : 2022/4/21
هوسات جنوبيه
لذكرى ولادة كريم أهل البيت
الأمام الحسن المجتبى عليه السلام
.............
أعله بابك يالحسن جف النشد مديت
ونته البالكرم شهدولك أهل البيت
ترى الما عنده زحمه أيظل أسير الليت
ها ها
يبن الزهره أو غاليها
يمك انه أمخليها
كون الليله أو تكظيها
كون الليله أو تكظيها
ها ها ( الساده )
يا سيد سادات الساده
.............
يا سبط الرسول المصطفى المختار
أو يا بن فاطمه أو حيدر علي الكرار
أباليلة مولدك شهدي ألك محتار
ها ها
يا ماي أعيون الزهره
حاير شهدي أبهالذكره
خاطر أطمع بالنظره
ها ها ( وكت أحسابي )
منك لو حل وكت أحسابي
..............
خادم أهل البيت
الشاعر : أسماعيل الجوراني
السبت : 16/4/2022
مولد
لذكرى ولادة كريم أهل البيت
الأمام الحسن المجتبى عليه السلام
..............
فدوه أروحلك حبيبي الغالي
يا عشك عذري أو سكن دلالي
مولاي الحسن
مولاي الحسن
.............
يا سبط طه النبي خير البشر
يا أبن حيدر علي فارس مضر
يا وناسة فاطمه أباأفضل شهر
يا عضيد حسين وعضيد الكمر
أبدنيتي أو حشري أحب تبرالي
أو حاشا تنساني أو تخيب آمالي
مولاي الحسن
مولاي الحسن
............
أبذكرى ميلادك يبن خير العمل
كلبي من كد الفرح بيك أحتفل
وين أكو مثلك غني أو يلبس سمل
أو خيره عاالأيتام والفقره بذل
أنه جيتك ودري ما رد خالي
حاجتي مكضيه ألف هنيالي
مولاي الحسن
مولاي الحسن
..............
أبيوم ميلادك أجيت أبدمعتي
جفي ألك مديت رايد طلبتي
يالحسن مولاي حقق رغبتي
أذنوب عندي أهواي سوده كنيتي
بالحشر لمن تسوء أحوالي
أعمالي سوده فدوه بيض أعمالي
مولاي الحسن
مولاي الحسن
............
يا أبو محمد كريم أهل الكرم
خادمك دون الخدم ظل محترم
أحساسي غير أحساس والشوك أحتدم
فرحه صوت أو صوره عالواقع رسم
الماله أول ماله أكيدآ تالي
الغوث يابو الغوث أعشم حالي
مولاي الحسن
مولاي الحسن
............
يا وجيهآ عد مليك البالسمه
وجهت وجهي ألك ولفاطمه
أمك الزهره الزجيه العالمه
أبجالكم خاتمتي حسن الخاتمه
الخاتمه الحسنى الحسن كفالي
ثوب طهري البيه أشد ترحالي
مولاي الحسن
مولاي الحسن
............
أبنص شهر رمضان كالعاده عدت
أحيي ألك محفل أوبيك أتمسكت
أنطيتني كلشي ولا مني خذت
كون أحج قبرك فقط هايه ردت
بالبقيع أو هسه كونه أكبالي
قبرك أودمعات عيني أتلالي
مولاي الحسن
مولاي الحسن
............
خادم أهل البيت
الشاعر : أسماعيل الجوراني
الأحد : 10/4/2022
مولد
لذكرى ولادة
الأمام الحجة أبن الحسن
عجل الله فرجه الشريف
...............
أبمولد المهدي أبن عقد الوله
أنزف تهاني للنجف ولكربله
.............
1
نور من نور الزجيه فاطمه
نص شهر شعبان شهر الغانمه
شعشع أو صوت المنادي أمنالسمه
صار حلال اليحل كل مشكله
..............
2
بسم أبو القاسم وسم حيدر علي
نبدي محفلنه أو نترجم ما يلي
شيعتك يبن الحسن تهتف بلي
ونته موقفها أبسجلك سجله
...............
3
من صميم أكلوبنه أبداعي السعد
عالوعد جينه أو نعاهد عالوعد
أنجدد البيعه أو نشد راية عهد
درب أهلنه أوياك أحنه أنكمله
..............
4
حجة الله المهدي يبن العسكري
الليله يهتف بالفرح كل جعفري
صوته يوصل كربله أو لرض القري
أو حتى سامراء صوته أيوصله
..............
5
أبياس وبخور أو شمع زان الحفل
ملا عالمنبر بده أو صفك طفل
غير عالم عدنه فد عالم شكل
والفرح محد أبد يتخيله
..............
6
أسمى آيات التهاني أبهالخبر
أنزفها للمولى علي فارس مضر
مية ألف مبروك جد المنتظر
اليوم بالمهدي عدونه أنباهله
...............
7
الصوب أبو السجاد شيال اللوه
أبالهفة الملهوف ياخذنه الهوه
أشكد دربنه أبعيد ونحس أنطوه
وجر خدمتنه الكفيل أتكفله
...............
8
اليوسف الزهره أبن خير العمل
الليله كل جف جعفري لله أبتهل
العجل ثم العجل ثم العجل
المايل المهدي نريده أيعدله
...............
خادم أهل البيت
الشاعر : أسماعيل الجوراني
الأربعاء : 16/3/2022
نزله ( فزاعيه )
لذكرى أستشهاد
الأمام موسى أبن جعفر عليه السلام
......................
موسى أبن الهواشم خيرة الساده
أمشونه أنزور كبره أو نطلب أمراده
.....................
1
سلطان الكرم والعفه والغيره
مثل أبياض وجهه أبسمعه وبسيره
من سادات هاشم كل تعابيره
وارث والمذاهب تحجي بمجاده
......................
2
قديس الهواشم صاحب السجده
كاظم غيظ قلبه أبساعة الشده
جده المصطفى أو حيدر علي جده
والله والنعم من عنده وجداده
.......................
3
كاظم فاطمه الزهراء والزهره
والد لليتامه أو جاسي للفقره
أبديوان المكارم من يمد سفره
ديوان الحسن تتوارد أبعاده
........................
4
أبشخصيته حسيني الذات تربيته
شيخ أشيوخ عام الغانمه أبصيته
من يكعد فريضه أخيوط مزويته
الميزان العداله أتصير شداده
.......................
5
أنعم بالأمام السابع الهيبه
جد يوسف الزهره صاحب الغيبه
كل شيبه أبالحيته حكمه هالشيبه
أحسب حكمته الساعة أستشهاده
.......................
6
أبسجن اللا رشيد أنحجبت أسنينه
أبتسبيحت الزهره أو مذهبه أو دينه
كل لحظه درس للطاعه ينطينه
أبفرض أو مستحب فارشله سجاده
.......................
7
بالصادق يحلفه أبضامن الجنه
كلمن عنده عله الصحنه يتعنه
دكتور العلل من عندك أتمنه
ترجعلي العوافي أو يشفى وزياده
.......................
8
الليله الكاظميه أتصير خيمتهن
بالحضره الفواطم هاي ليلتهن
عالكاظم تون و تنوح و حدتهن
وحنه أويه الفواطم نحيي هالعاده
......................
خادم أهل البيت
الشاعر : أسماعيل الجوراني
الأحد : 7/3/2021
22/ رجب /1442
أعكيلي
لذكرى استشهاد
راهب آل بيت محمد
الأمام موسى أبن جعفر الكاظم عليه السلام
................
موسى الكاظم يا بن جعفر
...............
1
يا عبد الله الصالح جينه
أبذكرى أمصابك ولتمينه
نحيي الذكرى أو شاهد بينه
بتراب المجلس نتعفر
...............
2
والي النعمه الواجب شكره
جينه أبهاي الليله أنذكره
شنهو العنده النوب أيخسره
كلمن مثل الكاظم يخسر
..............
3
وافي السيره أبخلقه أو علمه
كاظم غيضه أبمعنه الجلمه
ما ذل راسه الحد ما سمه
هارون العباسي المغتر
...............
4
يوم الفارك جسمك روحه
أجفوفك بقيودك مذبوحه
شخصك وسفه الشمس أتلوحه
ويام أتلاثه أظل بالحر
..............
5
يا بن جعفر موسى الكاظم
عاين هذا اليوم الوادم
بين اليبجي أو بين اللاطم
بين اليخدم ناس التحضر
..............
6
مجلس يم مجلس مجتمعه
صوت الونه الدنيا أتسمعه
جان الموعد يوم الجمعه
أشلون الجمعه أبنعشك تظهر
...............
7
من كل أرجاء المعموره
رايه أبصف رايه المنشوره
مشايه القبرك و نزوره
شاب أو شيخ أو طفل أتحسر
...............
8
موكب يم موكب بعتابك
أبالهفه أو غيره أنطب محرابك
بسم أمصابك نحيي أمصابك
والقلب أبشوغاتك يحتر
...............
9
يا بن جعفر شيخ المذهب
يلي أبقعر السجن أمعذب
مهما أبحبك بينه أترتب
نهتف يالكاظم عالمنبر
.............
10
البغداد الليله أبكل حسره
عين الشيعه أتصد بالنظره
أو مهديها المنقذ تنتظره
حتى أوياه الثارك تثأر
..............
خادم أهل البيت
الشاعر : أسماعيل الجوراني
الثلاثاء : 22/2/2022
موشح
لذكرى وفاة
عقيلة الطالبيين أم االمصائب
السيده زينب الحوراء عليها السلام
.............
زينب الحوراء يا مولاتي
سجليها أبمجلسك لطماتي
.............
1
يا بنت حيدر علي حامي الحمه
أو ضنوة الزهره الزجيه فاطمه
أباليلة أمصابج لطمتي أمحتمه
أمحتمه فوك الوجن دمعاتي
.............
2
أمحتمه أدموعي على خدي تدر
ولطم أعله الراس نوبه أو عالصدر
نوبه ألطم ونتي يا أم الخدر
للمجالس سددي خطواتي
.............
3
خطوه خطوه أو واثق أنكل خطوتي
أو يا عقيلة آل هاشم لهجتي
القبرك البالشام صدت نظرتي
أو كامت أتلبي يزينب ذاتي
.............
4
كمت ألبي أبأسمك الطهر الطهور
أبعيني نور أو مو عجيبه أبعيني نور
شي أكيد الزهره ما بين الحضور
حاضره أو زينب ييمه أتحاتي
..............
5
أمك الزهره المجالس حاضره
ونتي يالطاهره أو بنت الطاهره
واكفه أباب المجالس ناظره
عطرك الزاجي ترس رياتي
.............
6
عطرك الزاجي يبنت الزاجيه
بي عبير أخوان صارو واعيه
بيك حلت يوم طاحت داميه
أجسادهم ولخيمتك شمر أأتي
.............
7
الشمر أتي الخيمتك شنهو الجرى
شي أكيد النفل سبع الكنطره
عالنهر واكع أدينه أمبتره
ونتي عالهزل أسيره أتباتي
.............
8
أشلون أسيره أتبات بت آل الرسول
أو للفرح بالشام تندك الطبول
والله أهل الشام ما عدهم أصول
خلها ألهم توصل أحجاياتي
..............
9
توصل أحجاياتي وحلفلك يمين
مني لو يسراي كطعو واليمين
ألساني ما يغفل ينادي عن يقين
تحضر أم عون أبوكت شداتي
..............
خادم أهل البيت
الشاعر : أسماعيل الجوراني
الأربعاء : 16/1/2022
مولد
لمديح وموالاة سيد الوصيين أمير المؤمنين علي أبن أبي طالب عليه السلام
........................
شيعي أو موالي .. طول الليالي
بس حب علي علي .. تارس خيالي
.......................
حبه شِجَاني .. شاغل كياني
أبداعي الأماني .. ألهج تراني
لو خيروني .. لو هددوني
ينكص لساني .. أوتعمه عيوني
أخصم جدالي ..طول الليالي
بس حب علي علي .. تارس خيالي
.......................
الما يدري خَله .. يسمعني اكله
حيدر أجله .. وبـغيره خِله
حبه جنوني .. هيج شجوني
يعني غزاني .. أوبدد ظنوني
هدالي بالي .. طول الليالي
بس حب علي علي .. تارس خيالي
......................
داعي السلامه .. روح الأمامه
مولا اليتامه .. شدني غرامه
حد المنوني .. ياروحي هوني
شمع الصواني ..أبميلاده كوني
خليني أعالي .. طول الليالي
بس حب علي علي .. تارس خيالي
......................
أنشر صحيفه .. أبنيه شريفه
حيدر خليفه .. الله حليفه
والصنفوني .. حاقد دروني
أبعمر الثواني .. دم أبسنوني
ذولي السحالي .. طول الليالي
بس حب علي علي .. تارس خيالي
....................
ياروحي طيبي .. ربي رقيبي
أفخر حبيبي .. شيعي نصيبي
والخاصموني .. والكفوروني
منهم شعاني .. ماغيروني
ماغيره غالي .. طول الليالي
بس حب علي علي .. تارس خيالي
......................
مولى البرايه .. راعي الوصايه
أبهايه أويه هايه .. أرفعله رايه
والضيعوني .. أبذروة سكوني
واضح مكاني .. أبحيدر لكوني
سامي المعالي .. طول الليالي
بس حب علي علي .. تارس خيالي
......................
خادم أهل البيت
الشاعر : أسماعيل الجوراني
السبت: 25/4/2015
هوسات جنوبيه
لذكرى ولادة الأمامين
محمد الباقر وعلي الهادي عليهما السلام
.............
الخامس أنوار الأمامه أو للأمام العاشر
علي الهادي تاج راسي أو تاج راسي الباقر
أكتب أبطوري الجنوبي الهوسه وطمع باجر
ها ها
ولد الزهره أيحضروني
أو من كل شده أيخلصوني
أو بالمحشر ما ينسوني
ها ها ( أيزكوني )
لو حان أحسابي أيزكوني
...............
سيدي محمد الباقر يا عظيم المنزله
أو يا علي الهادي أمامي يالتحل كل معضله
يوم مولدكم أجينه بالفرح نستقبله
ها ها
الباقر شيخ الساده
نشعل شمعه أبميلاده
أو لبنه الهادي أو أعياده
ها ها ( أنعليها )
صفكات الفرحه أنعليها
..............
خادم أهل البيت
الشاعر : أسماعيل الجوراني
الخميس : 3/2/2022
هوسات جنوبيه
لذكرى ولادة
السيده فاطمة الزهراء
سيدة نساء العالمين عليها السلام
.................
أستبشرت دار النبوه
أبمولد الزهره البتول
دمعه نزلت من خديجه
أو دمعه من عين الرسول
وحنه هاي الليله أجينه
أنعاود العاده أو نكول
ها ها
يا بو القاسم والزهره
منك نطلبها البشره
كل صاحب شده أتحضره
ها ها ( و تزكينه )
بالمحشر كون أتزكينه
................
أبيوم ميلاد الزجيه
أم أبيها فاطمه
الشيعه حلال المشاكل
طشت أو بالغانمه
كامت أتمني نفسها
أو ترجه حسن الخاتمه
ها ها
أبهاي الليله الميمونه
الخلاكم نصب أعيونه
يهل البيت أتحضرونه
ها ها ( أتبشرونه )
وبصك الجنه أتبشرونه
..............
خادم أهل البيت
الشاعر : أسماعيل الجوراني
السبت : 22/1/2022
نخوه للسيده
الجليله الطاهره أم البنين عليها السلام
..............
نخوه نخيتج يم كمر هاشم
نخوه نخيتج يم كمر هاشم
...............
نخوه نخيتج ودري الكفايه
بيج أو حشا أتكصرين يا الآيه
وفايه يم عباس وفايه
الكرم شدلج بالكرم رايه
نخوه نخيتج يم كمر هاشم
...............
نخوه نخيتج ونتي سهليها
يم البنين أو حاجتي أكظيها
نظرة أعيونج علي صديها
أو فضي حسبتي الليله فضيها
نخوه نخيتج يم كمر هاشم
...............
يا لطاهره أم عباس يا لحره
أبجاه الزجيه فاطمه الزهره
مكسورة الضلعين من عصره
والعين مطفيه أبسبب سطره
نخوه نخيتج يم كمر هاشم
.................
أبحرمة علي الكرار وصيامه
أو شيبه الخضيب أبطبرة الهامه
كلبي أبهمومي زادت أللامه
أو روحي الفزعتج والله محتامه
نخوه نخيتج يم كمر هاشم
..................
أبجبد الحسن هاليله أفزعيلي
يم البنين المرض هد حيلي
أكظي نهاري أبأسمج أو ليلي
أندب وصيح أمنالألم ويلي
نخوه نخيتج يم كمر هاشم
.................
أبداعت عزيز الزهره ومصابه
حسين الشهيد أو حرمة أخضابه
العطشان مات أمفطره أرضابه
أو كعبة عشك للدنيا محرابه
نخوه نخيتج يم كمر هاشم
..................
يم البنين أبجاه جفينه
عباسج أو سهم الطفه عينه
أو راسه أبعمد مجسوم تدرينه
طالب الحاجه الحاجه تنطينه
نخوه نخيتج يم كمر هاشم
..................
أبجاه العقيله البقت معلوله
وخوتها فوك الكاع مجتوله
والروس منها أبرمح مشيوله
حاجاتي عندج كون مقبوله
نخوه نخيتج يم كمر هاشم
.................
نخوه نخيتج طالب أزياره
الروض الجنان البيه يتواره
جثمانك أبطيبه النبي جاره
والجاره طه عالي مكداره
نخوه نخيتج يم كمر هاشم
................
خادم أهل البيت
الشاعر : أسماعيل الجوراني
الخميس : 13/1/2022
نزله
أستهلال شهر
عاشوراء الحسين عليه السلام
..........
لطمو عالصدر لطمه ولائيه
خلو أيامكم كلها عزائيه
..........
أهلال النايبه وافانه هاليله
مو شيعي أو علي الما يلطم أبحيله
حسين أبدمه ضحه أشما نضحيله
منوفيله نسبة واحد أبميه (1% )
.........
الما يلطم أو يوجع بالطم صدره
لا يرجه شفاعة فاطمه الزهره
كل مجلس عزه لحسينها أتحضره
أدور عالصدور الكلها حنيه
..........
عاشور المواجع هل هل أهلاله
هنياله البجى واللطم هنياله
أشماله الما يفكر غافل أشماله
ساعه أو لنها بيه الدنيا مجفيه
.........
شد أعنان حيلك و حضر المجلس
و ندب يا حسين أو ريجك أميبس
المجلس مدرسه أمنالدرس لا تفلس
كلبك نظفه من الضبابيه
.........
نيران أبخيم من عدها مخروعه
جم طفله يتيمه أو تشعر أبالوعه
أو لحد ينسه مسلم ولتقى أبطوعه
النصرت غربته أبنيه فدائيه
..........
أهلال أبشع جريمه أبحقد سفياني
جاب أويا وجه ماله وجه ثاني
وجه طفله أو عليها أمخيم الجاني
يشرم منها أذنها الشان ترجيه
..........
خالنلطم صدرنه أبحركه ونوجعه
وبحفاد إل أميه أنضيك الوسعه
كل دمعه أعله خدنه تنسحب شمعه
فاز الدمعته دمعه كفائيه
........
الزينب وبن أبوها العالنهر حتفه
الطفه السهم عينه ونكطع جفه
أو ماي البجربته أتبده يا وسفه
تهتز كون حيطان الحسينيه
.........
كل لحظه أبمحرم حسره مطلوبه
عالسلبو بناته و نسلب ثوبه
تسحك صدره خيل أوخيل هالنوبه
تسحك فوك صدره أبكل عدائيه
..........
وينه العنده حاجه أيسبل أجفوفه
هاليله الحوايج كلها معروفه
مكظيه أو شفيعه حسين ميعوفه
من بخته الحضر لحسين لطميه
..........
من مجلس حسيني المجلس أمشونه
خلونه نعزي المهدي خلونه
هاليوم أعله أبوه أمورمه أعيونه
ومورمه أعله عمته المشت مسبيه
.........
خادم أهل البيت
الشاعر : أسماعيل الجوراني
الأثنين : 23/5/2022
هوسات جنوبيه
في مديح الأمام علي أبن موسى الرضا
والسيده فاطمه المعصومه عليهما السلام
.............
أذا كلبك تشوفه زايده أهمومه
دك باب الرضا أو دك باب معصومه
و طلب طلبتك و حجي الذي أترومه
ها ها
صدك لمن تنخاهم
ولد الكاظم حاشاهم
يرجع خايب من جاهم
ها ها ( وفايه )
بالدنيا أو محشر وفايه
...........
أباليلة مولدك يالساكن أخريسان
أطش جيت التهاني أمنالكلب فرحان
ألف مبروك ألكم مولد السلطان
ها ها
أبميلاد الحجه الضامن
من ولد الزهره الثامن
لا تسكت حرك ساكن
ها ها ( أبميلاده )
بارك الزهره أبميلاده
..........
يا أخت الرضا أو بت موسى بن جعفر
أبجاه أمك الزهره فاطمه الكوثر
صدي أبنظره أليه أبدعوة المضطر
ها ها
يالقم بسمك تتباها
أو طوس أتباهت وياها
مضطر و بجدك طاها
ها ها ( دك بابك )
وده أتفزعيله دك بابك
..........
خادم أهل البيت
الشاعر : أسماعيل الجوراني
الجمعه : 10/6/2022
نزله
لذكرى استشهاد
الأمام جعفر الصادق عليه السلام
.........
جعفر الصادق ولينه
المات جبده أمسممينه
أبنفس الأحقاد الدفينه
اليوم قبره أمهدمينه
............
نفس الأحقاد القديمه
ترجمت نفس الظليمه
لبو الكاظم جان قبه
أو طاحت القبه هضيمه
السممو جبده النقيه
ورثو هاي السجيه
الكل عقول الناصبيه
الحاربت ملة علينه
..........
عادو أبنفس الجساره
أبنارهم حركوله داره
الكسرو أضلوع الزجيه
أبيوم والدها تواره
ما رعو حرمة عشيره
عادو أبنفس الوتيره
أمنيله الميت ظميره
مستحه أيندي جبينه
...........
جعفر الما مثله جعفر
بالطشت جبده توذر
كومو ننصبله العزيه
والمعزى المولى حيدر
يا علي صوت اليتامه
ينعى نبراس الأمامه
الصادق أبفعله أو كلامه
الساكن أبأأرض المدينه
..........
سادس أقمار الهدايه
الثبت أركان الولايه
سممه والي المدينه
الشاهد أبطون الروايه
آبأ آل هاشم يا مصيبه
خلت الكاظم نحيبه
يوصل الجده أو حبيبه
والد الزهره الحزينه
..........
الصادق أستاذ المذاهب
غدرته أحقاد النواصب
جيش المنصور حقده
على بيت آل أبو طالب
بالبقيع اليوم قبره
أبلا مناره أبلايه حضره
يمته بيده رايه خضره
صاحب الثأر أو يجينه
...........
الليله عالصادق مناحه
ننصب أو ما بيها راحه
كلمن أيحشم ظميره
لا تحد حزنك مساحه
نلطم أبحركه صدرنه
عالوجن يجري دمعنه
طول الثأر أو صبرنه
شيب أو لاشي بدينه
............
خادم أهل البيت
الشاعر : أسماعيل الجوراني
الجمعه : 20/5/2022
🚩وداعيه🚩
................
لذكرى أستشهاد أمير المؤمنين الأمام علي عليه السلام
................
الوداع الوداع ياأمير المؤمنين
الوداع الوداع ياأمام المتقين
................
ياأبو الحسنين حيدر ياولينه ياعلي
جادر أمصابك نصبنه والمدامع تنصلي
نلطم الليله صدرنه والحزن ماينجلي
ياولي الله أووصيه ياعشكنه الأزلي
ياملاذ الحائرين ... ياعرين الصابرين
................
ياأبو الكل اليتامه يتمانه أمصابك
هاي سجادة صلاتك باقيه أبمحرابك
ليلة الوحشه ثكيله لايطول أغيابك
ياأبو الشدات شده والفرج بعتابك
يامنار القاصدين ... ياصفاء العاشقين
................
المرادي أنشلت أيده أولاطبرلك هامك
ماخلص رمضان بعده العافيه أبهندامك
سفرة أيتامك تريدك تحتضن أيتامك
علي عاين عاليتامه حنت ألئيامك
يانواة الفاقدين ... يامظيف السائلين
................
الفجر حانت صلاته ماتصلي أبناسك
ياعلي لمن تأذن زاكيات أنفاسك
أوياعلي أبنية صلاتك مامثيله أحساسك جامع الكوفه يريدك والوفه نوماسك
ياحزن مايستكين ... يامعين المنهكين ................
أبابك الليله يتامه بالدمع ينعونك
سالم أوغانم يحيدر ودهم أيشوفونك
علي ياليث الحريبه أعداك ميهمونك
زودك أبكل المعارك ماخذل مظمونك
يامذل الكافرين ... يانجاة الراغبين
................
الوداع الليله هايه شيعتك حزنانه
ألتمت الليله أبمصابك والمهج ذبلانه
أنهدمت أركان الهدايه أبظربتك مولانه
أتنادي وتعشم نفسها بالحشر تلكانه
ياصراط الصادقين ... ياأمان الخائفين
................
خادم أهل البيت
الشاعر : أسماعيل الجوراني
كعديه
لذكرى أستشهاد أمير المؤمنين علي عليه السلام
.....................
أيتام أيتام .. حاصل طبرة الهام
شحجي الليله محتار .. عاجل كل الأخبار
حاصل طبرة الهام
.....................
يوم أبن ملجم تعنه .. أوطبر هامك ياعلينه
حرنه بالام اليتامه .. والألم ناسينه بينه
أوغصت الدمعه أبجفنها .. علي وين أمشيعينه
هذا مو موعد منيته .. خالنظل أمجابلينه
تختل موازين الدهر .. لو طوله بتراب أنطمر
صح راسه بالسيف أنطبر .. من أبن ذيج اللعينه
أنعام أنعام .. حيدر سفرة أنعام
نعمه أتكفي كل دار .. عاجل كل الأخبار
حاصل طبرة الهام
...................
ترست الكوفه اليتامه .. والحزن جسد صفاته
الما عليه أصيام شرعي .. حنضل الماي أبالهاته
محد أيدور فيايه .. بالشمس كلها أستماته
واكفه أوجاري دمعها .. بينت عالخد غواته
أزغار وكبار اليتامه .. غاركه أبهاي الظلامه
تشفه وتكوم أبسلامه .. تندعي كلمن نواته
عالهام عالهام .. شبجت عشره عالهام
دمع العين جرار .. عاجل كل الأخبار
حاصل طبرة الهام
...................
يا علي مولاي عطفك .. حتى لحظات المصاب
أتوصي وآيات السعاده .. واضحه أبعينك جواب
لا تمثلون أبخصمكم .. من يحل وقت العقاب
أنتو أهل دين أوشريعه .. والفصل حد الكتاب
أشكد علي كلبك جبير .. وين أكو من هالظمير
ونته بفراش المصير .. تزرع الحب للثواب
ألمام ألمام .. عندك كوكب ألمام
هاي الجنه والنار .. عاجل كل الأخبار
حاصل طبرة الهام
....................
يا علي نفس العصابه .. الأسست حقد السقيفه
أوظلمت الزهره الزجيه .. أونصبت غيرك خليفه
غمست بالسم نصلها .. أوبيد أبو النفس الضعيفه
سلمته أوأنته ساجد .. لله بالهامه الشريفه
وجهك أمراية محمد .. زين يدرون أوتعمد
ذاتهم وبحقده الأسود .. نفذ الرغبه الكسيفه
أسلام أسلام .. هذا أشلون أسلام
قتل أبسبق الأصرار .. عاجل كل الأخبار
حاصل طبرة الهام
.....................
زمرة الشيطان عادت .. تمتهن قتل الهويه
أتحلل أشما حرم الله .. أتحرم أشحلل نبيه
بقرت أبطون الحوامل .. تاخذ الحره سبيه
للرذيله أنطت فتاوي .. عمت الدنيه الرزيه
السالفه أطول أوعريضه .. الما رعو دين أوفريضه
عادو أبنيه مريضه .. ويلي من الناصبيه
أعدام أعدام .. أنطو فتوة أعدام
وين الشيعي ما صار .. عاجل كل الأخبار
حاصل طبرة الهام
.................
خادم أهل البيت
الشاعر : أسماعيل الجوراني
صلوات
لذكرى ولادة كريم آل محمد
الأمام الحسن المجتبى عليه السلام
.............
يا ماي وجه أمحبتي
الحبك ترس وجداني
من زغري حد ما شيبت
أسمك صفه عنواني
أو هايم ألوب أو ممتحن
أو عكده تكظ ألساني
عنك أذا يوم أنسئل
بيمن أجاوب أني
وسئلوني عنك وسكتت
أو حيل السكوت أذاني
والنوب سئلوني بعد
وسكت بعد شمتاني
كالولي وينك والعشك
كلت العشك برهاني
من شافت أعيوني الضوه
الحد هالوكت يخواني
كالولي سمي من تحب
كلت الذي خلاني
مرفوع راسي أبكل وكت
وشما طلبته أنطاني
اليحضرني ساعات الشدد
أو من علتي شافاني
كالولي دوخنه الوصف
سوي عمل أنساني
علمنه يا هوه التحب
كلت الأمام الثاني
الحسن أسمه المجتبى
ما غيره عاشك ثاني
..............
خادم أهل البيت
الشاعر : أسماعيل الجوراني
الخميس : 14/4/2022
هوسات جنوبيه
لذكرى ولادة قائم آل محمد
الأمام الحجة أبن الحسن
عجل الله فرجه الشريف
............
أبمولد المهدي أبو صالح
أرد أهوس يالربع
ورد أهني الخدم ناسه
والشعل بيده الشمع
ولي شال أوياي أيده
أرد أكله يالضلع
ها ها
أبمولد طاووس الجنه
صفك وفرح وتهنه
جاك اليوم التتمنه
ها ها ( أبميلاده )
بارك للزهره أبميلاده
..............
الليله ميلاد البقيه
عفيه يا شيعة علي
كلمن أبداعي ولائه
خل يترجم ما يلي
علويه جعفريه مهدويه
للولي وبن الولي
ها ها
أبمحفل ميلادك جينه
أنعيد والشاهد بينه
يا ثار الله أتمنينه
ها ها ( ويانه )
بالمحفل حاضر ويانه
.............
خادم أهل البيت
الشاعر : أسماعيل الجوراني
الجمعه : 18/3/2022
هوسات
لذكرى ولادة الأقمار الشعبانيه
..............
هاليله النواصب داخلين أنذار
الشيعه أشمالها فرحانه شنهو الصار
ما تدري أبشهر شعبان خمس أقمار
صارو للوصي حيدر علي الكرار
ها ها ( تجايه )
با جر بالمحشر تجايه
.............
أبمولد أقمار الأمامه
كلب كل شيعي أبتشر
أو كلمن أبداعي فطرته
للفرح ترجم صور
شيبه يصلب طول كوه
طفل بالمحفل حضر
خلها تسمعنه النواصب
بالمفيد المختصر
ها ها ( أنوفيها )
كالعاده البيعه أنوفيها
............
خادم أهل البيت
الشاعر : أسماعيل الجوراني
السبت : 5/3/2022
شوط كربلائي
لذكرى أستشهاد
الأمام موسى أبن جعفر عليه السلام
...............
ألمن هالجنازه أتصيح .. كلها ألتمت الوادم
جاوبها المنادي أبصوت .. هاي أجنازة الكاظم
....................
ألمن هالجنازه أوليش .. ملغوم الجسر حراس
ضجت بالصخب بغداد .. ناس أتعثرت بالناس
مشدوها أوجفاها الراي .. ظلت تحبس الأنفاس
شاعت للمنايا أعلوم
ياشيعه أبفجر هاليوم
شيخ الرافضه المعصوم
ابطامور السجن مسموم .. أبأمر الطاغيه الناقم
...................
مسجون أبسجن بغداد .. خلص بالسجن مده
ممنوعه الزياره أعليه .. محد يوصل العنده
أو هاليوم النذل هارون .. شيع شايعه الحقده
شيطانه أستغل ذاته
نفذ بيها رغباته
فاته أمنالخبر فاته
موسى أبمحفل التاريخ .. غانم بالشرف غانم
..................
أمام الرافضه الكاظم .. هذا الي تشوفونه
جثه أمكيده الرجلين .. خافن ما تعرفونه
أبصيته يرعب الظلام .. جان أبظلمت أسجونه
فارض سلطت أحساسه
حد منكطعت أنفاسه
مات أوماحنه راسه
عانه النايبات أبزود .. يهدم لذة الظالم
.....................
عالكاظم تون الناس .. هاليوم أنطفه نوره
أو حكها أبهالمصاب الصار .. تتلون بلف صوره
مولاها أوعزيز الروح .. واضح بالمجد دوره
هذا الكاظم الجَواد
أسس للقيم أمجاد
لولاه أنست بغداد
نعمين أوثلث تنعام .. جد المهدي القائم
..................
راهب بالعلم والدين .. خلص نشوة أسنينه
واثار السجود أشهود .. حفرن جبهت أجبينه
يستاهل ننشده اليوم .. وينه الحاربك وينه
يالكاظم يبو الكلفات
بسمك تخلص الشدات
نبصملك عشر مرات
لودربك مصيره الموت .. أبموته أيكيف الخادم
......................
مشايه أبسواد الثوب .. نحيي أمصيبة المغدور
وبحسره أودموع العين .. نوصل للضريح أنزور
مأجور اللطم عالراس .. واليخدم أجه مأجور
كلها أمسجله الليله
لحد يبخل أبحيله
خلو المجلس أنشيله
واويلي عله المسموم .. ثوره الثاره القادم
...................
خادم أهل البيت
الشاعر : أسماعيل الجوراني
الأربعاء : 19/4/2017
نزله : ختامية مجلس
وتشييع النعش الرمزي
لذكرى وفاة
جبل الصبر وأم المصائب
السيده زينب الحوراء عليها السلام
............
أنته علي لو عباس
............
1
أو هيه بفراش الأجل متمدده
صاحت الحره العقيله المسعده
أنته ياهو والدمع منها غده
فوك وجنتها مثل قطر النده
أو شبجت العشره عالراس
............
2
بين عدله أوميته والحيل أنتكس
شافته خيال راجب عالفرس
أنته ياهو أتصيح والكلب أنحبس
كوه بت حيدر علي أتجر النفس
حاجيني يا بو النوماس
............
3
صدت النظره أعله طوله المنزوي
نادته خليني منك أرتوي
حيلي خاوي والكلب مني خوي
والمرض طاوي العمر مني طوي
أو موقفي موقف حساس
............
4
شافت السجاد عالخد دمعته
أو يا علي السجاد عمه نادته
كلها بعد الروح فز العمته
أتلكه هالخيال وكرم شيبته
يا بو كرم ما ينقاس
.............
5
تمتم أتكلم علي سجادها
كلها عمه جنه سيد أمجادها
المجتبى جنه كريم أجوادها
حسين أبوي الصوره منه أبعادها
للغيره كلهم متراس
..............
6
جيتك من كربلا من القري
أنته عباس الكفلني لو علي
أمجانك أبدلالي ليهسه خلي
بيك أشمن ريحه من ريحة هلي
صاحت أبأخر أنفاس
.............
7
راح أموت أو حيل مرتاحه الكلب
أهلي حضروني أبوكت كلش صعب
رغم درب الشام مو ألهم درب
جوني متعنين لديار الغرب
بالفزعه كلهم نبراس
..............
8
أبدار غربه أتموت أم الغانمه
من فجيعة كربله متألمه
راس أخوها حسين من يكطر دمه
أتشوفه شوف العين تندب فاطمه
صدره أبحوافر أنداس
..............
9
أم عون ماتت والنفس منها خمل
أو كعبه برض الشام مرقدها يظل
اليوم ذكرى أمصابها ألنه وصل
وبدعاء الندبه للمهدي العجل
زينب كريمه يا ناس
..............
خادم أهل البيت
الشاعر : أسماعيل الجوراني
الأربعاء : 16/2/2022
مولد صلاوات
لذكرى ولادة يعسوب الدين
وأمام المتقين أمير المؤمنين
الأمام علي أبن أبي طالب عليه السلام
............
صلاوات صلاوات
طلكت أو جابت بت أسد
صلاوات صلاوات
نشمي شهم ما مثله أبد
صلاوات صلاوات
والكعبه صارتله مهد
صلاوات صلاوات
أسمه علي هذا الولد
صلاوات صلاوات
صلاوات صلاوات
.............
1
صلاوات صلاوات
ندبت مدد يمه علي
صلاوات صلاوات
هالشده أجليها ألي
صلاوات صلاوات
ناداها يمه أدللي
صلاوات صلاوات
كل شده أجليها وعد
صلاوات صلاوات
صلاوات صلاوات
.............
2
صلاوات صلاوات
ب 13 شهر الرجب
صلاوات صلاوات
صار الوصي المنتجب
صلاوات صلاوات
تشهدله كل أهل النخب
صلاوات صلاوات
غير الله أبدآ ما عبد
صلاوات صلاوات
صلاوات صلاوات
.............
3
صلاوات صلاوات
لله العلي سجدة شكر
صلاوات صلاوات
جا حكه أبو طالب يخر
صلاوات صلاوات
جاه الفرج بعد الصبر
صلاوات صلاوات
بوليده دلاله أنسعد
صلاوات صلاوات
صلاوات صلاوات
...............
4
صلاوات صلاوات
بيت الله شطرين أنشطر
صلاوات صلاوات
جد الأمام المنتظر
صلاوات صلاوات
حيدر علي فارس مضر
صلاوات صلاوات
ابيت الله هاليله أنولد
صلاوات صلاوات
صلاوات صلاوات
............
5
صلاوات صلاوات
دنياه أبد ما غرته
صلاوات صلاوات
كلش حنينه مهجته
صلاوات صلاوات
ينطي اليتامه خبزته
صلاوات صلاوات
والفقره مجلسها كعد
صلاوات صلاوات
صلاوات صلاوات
.............
6
صلاوات صلاوات
غيره أو عقيده أو مرجله
صلاوات صلاوات
العنده حل كل مسأله
صلاوات صلاوات
أبا الحسن عقد الوله
صلاوات صلاوات
بربع كتب أسمه ورد
صلاوات صلاوات
صلاوات صلاوات
.............
7
صلاوات صلاوات
باجر أذا أشتد الضرب
صلاوات صلاوات
روس العدا يحصب حصب
صلاوات صلاوات
بسمه المحافل تنصب
صلاوات صلاوات
بصياره كل شيعي أجتهد
.............
8
صلاوات صلاوات
واجب فرحنه أنعممه
صلاوات صلاوات
أبكل اللغات أنترجمه
صلاوات صلاوات
بجمل خلاصه نختمه
صلاوات صلاوات
حبنه العلي أبنوعه أنفرد
...............
خادم أهل البيت
الشاعر : أسماعيل الجوراني
الأحد : 13/2/2022
نزله
لذكرى أستشهاد
الأمام علي الهادي عليه السلام
...........
صاحب العصمه الأمام العاشر
يا علي الهادي النقي الطاهر
..........
1
الليله بمصابك مجالس فاتحه
تنصب الشيعه أو تنوح النايحه
أو يال ثاراتك حناجر صايحه
والحزن فوك الملامح ظاهر
...........
2
يا علي العمرك وصل رابع عقد
أو سممتك عن حقد أهل الحقد
نعشك الرمزي علي ننثر ورد
ننتظر مهدينه ثاره أيباشر
............
3
هذا صوت الواعيه أيهز الأرض
الليله مات أمنالفرض نص الفرض
يمته للثارات يظهر ينتفض
يوسف الزهره أنيس الخاطر
.............
4
الليله سامره أبحزن واضح جلي
جبدك أمسمم تعاين يا علي
أو نار حزن الفاجعه يصلي صلي
بيها و الحاضر يعزي الحاضر
............
5
يا علي الفقره أعله بابك تنتظر
ريت هذا اليوم ما طرله فجر
كاعده أتانيك و المدمع يدر
أوياها سامره أملها أتشاطر
............
6
يا ضريح أو حضره يا منقب علم
يا شهم ونته عدل ميت شهم
اليوم ألك تلطم نسا أو تلطم زلم
أشلون لطميات يوم العاشر
...........
7
ما متت حي أنته والمات العدو
ولي يسأل حزنت الشيعه شكو
أنكله شوف أصلك يالمصخم شنو
أو تالي أسأل عن حزنها السافر
............
8
السممك عاد أو هدملك كبتك
حتى منك عود يحرم شيعتك
ما دراها الشيعه لجل أزيارتك
ودها بدروب الشهاده أتسافر
.............
9
يا علي الهادي الأمين المؤتمن
شيعتك تقسم ألك يابو الحسن
ما تعوف أزيارتك مهما الثمن
يالضريحك شوفه سر الناظر
.............
خادم أهل البيت
الشاعر : أسماعيل الجوراني
الجمعه : 4/2/2022
مولد
لذكرى ولادة
الصديقة الطاهره مولاتنا
فاطمة الزهراء البتول عليها السلام
..............
آيات السعاده الليله محلاها
أبمولد فاطمه روح النبي طه
..............
1
با آيات السعاده أنهلي بالجانه
يا مية هلا به أبمحفل أخوانه
واحدنه يكوم أيكعده بمجانه
والثاني أعله راسه بوسه خلاها
..............
2
يا محلا السعاده أبمولد الزهره
كل خطوه أبهلا والمهجه مبتشره
ببخور المحافل كلها متبخره
وبعطر الولاده تزهي دنياها
..............
3
فرحتها جبيره أبجدة الساده
أو كالعاده تعود أتعاود العاده
20 أبجمادي الأخرى بزياده
للزهره تجدد بيعه فحواها
..............
4
أبمولد فاطمه تفاحة الجنه
أرباب المحافل كلها تتمنه
مولاها أبو صالح مبتشر سنه
وبصدر المحافل كاعد وياها
.............
5
أبهاليله العظيمه أنولدت الكوثر
وبدار النبي نور الولاده أزهر
أفرح يا محمد شانئك أبتر
من رب الجلاله رحمه معناها
.............
6
هاليله خديجه تحتضن بتها
أو مرسومه أبتسامه أبمحيا شفتها
باستها أعله خدها أبالهفه حضنتها
وبحب الأمومه تسند أكفاها
.............
7
من ساق العرش راضيه مرضيه
حوريه أم حسن وبهيئة أنسيه
من يوم الولاده أو هيه شيعيه
باريها أجتباها أو رحمه خلاها
..............
8
الله أنطاها ميزه الأولى خلتها
متعلمه أو عليمه من ولادتها
العفه و الشرف جلاب شيلتها
أو تسبيحة ذكرها بيها زكاها
.............
9
حجه فاطمه والحجه مذخوره
ولهذا السبب بالصوت والصوره
هاليله المحافل كلها معموره
أبمولد فاطمه أو تترجه مرضاها
..............
خادم أهل البيت
الشاعر : أسماعيل الجوراني
الأحد : 23/1/2022
فزاعيه
لذكرى وفاة أم الوفاء ورمز الأباء
السيده الصابره الطاهره
أم البنين عليها السلام
.............
آه وا ويلاه يا أم البنين
.............
1
صوت من طيات تربة نينوه
الموتى والأحياء سمعته سوه
صوت يشبه صوت شيال اللوه
العالنهر كطعو يساره واليمين
............
2
جن كمر هاشم وصل لذنه خبر
أمه. هذا اليوم ماتت و نقهر
من فيافي كربله كلبه أنفطر
يشتكي حزنه الئلاه العالمين
............
3
ما أله جفين يلطم عالصدر
بالسهم عينه أنطفت بمر الشمر
بالعمد نصين راسه منفطر
طا يح أعله الكاع مدمي الجبين
.............
4
أشلون نعش أمه أعله متنه ما حمل
أشحالت أمه أبحين وافاها الأجل
ويه نفسه جن كعد نفسه سئل
ماتت أبيا حال ينبوع الحنين
..............
5
أمصيبه هذا اليوم فوك أمصيبته
أتهون يمها أسهام صابت جربته
ماتت الما لحظه عافت صورته
بالرغم ما شافته أربع سنين
..............
6
آه وا ويلاه من غدر الزمن
الدولب أم عباس دولاب المحن
التحب حسين وتحب الحسن
ما تت أو دلالها أمشكبن أنين
.............
7
الطاهره الحره الوفيه الصابره
الباكيه أعله حسين وعظم ناصره
المنها بالنسوان ما تلكه مره
خادمه البيت أمير المؤمنين
...............
8
الشاركت زينب مصايب كربله
الصانت أعهود الوصي عقد الوله
أتموت بفراش المنايا أمعلعله
أو تندفن قرب النبي الهادي الأمين
..............
9
الليله لم عباس باب الغانمه
خل نشيم حيلنه ونعشمه
أن جان ترضه أعليك رايد فاطمه
علي صوت النايحه أو زيد الونين
...............
10
أبكل حسينيه عزه أو مجلس لطم
بيه نتحده الظلم وهل الظلم
فاطمه أم عباس بالمحشر خصم
كلمن أيسقط عزائات الحسين
...............
خادم أهل البيت
الشاعر : أسماعيل الجوراني
الأحد : 16/1/2022
نزله نجفيه
لذكرى شهادة سيدة نساء العالمين
السيده فاطمة الزهراء عليها السلام
...............
أبيا ذنب يم الحسن يا فاطمه
منج أثنين الضلوع أمهشمه
أو ساكط عالكاع غارك بالدمه
أو عينج أبسطره النذل عاميها
................
يوم أبن صهاك لصله أو مرضعه
عاود أو باب النوايب شرعه
صرتي أول فاجعه أو يافاجعه
ابمهجته المولى علي خافيها
................
يا بنت طه أو خديجه الطاهره
أشمالها أوياج السقيفه الغادره
سوت المحد أبد يتخاطره
أو غارك أبدم الجرم داعيها
................
ليش غصبو حقج أبنحلت فدك
ليش جف حيدر علي أبحبل أنشبك
ليش محسن حملج الزاكي هلك
ليش زينب يتمو تاليها
أبيا ذنب يا فاطمه شعلو حطب
أو عاملوج أبكل أساليب الغضب
بين باب أو حايط الحيل أنصلب
أشحليها التوها أفكدت غاليها
.................
واه وا ويلاه بسمار الصدر
أشحملج شوغات يابنت الطهر
يا عذر لهل السقيفه بالحشر
حتى ينفعها العذر تاليها
................
شفتي يا ويلات يا زهرة علي
أو قنفذ أبسوطه أعله متنج يعتلي
ولولي أبصوت النوايب ولولي
أو شيعتج بمصيبتج واسيها
...............
خادم أهل البيت
الشاعر : أسماعيل الجوراني
الثلاثاء : 4/1/2022
