#قصيدة_شور
لسان حال الامام المهدي ع يخاطب الحسين ع
حسين حسين حسين حسين
ــــــــــــــــــــــــــــــــــــــــــــــــــــــــ
غايب عــن هلي و ناسي
بس عنـــــك فــــلا غايب
شيضمد جـــــــرح گلبي
و جرحك بعده ما طايب
سهم الصــــــابك بچبدك
تراه لچبــدي هم صايب
شلون اشرب لذيذ الماي
و گلبك بالعطـش ذايب
لمصابك //نار تدمع عيني//يحسيــــني
يم بابك //رفرفت حسراتي//و عبراتي
حسين حسين حسين حسين
ــــــــــــــــــــــــــــــــــــــــــــــــــــــــ
انه المهدي يابــو السجاد
جمرتك جمـــــــرة مـا تطـفه
بچفة كلهن اجـــــــروحي
و انتـــــــه لوحـــــدك بچـفة
وحگ خدر العقيلة اختك
و اخـــــــوك المنگـــطع چفه
لاظل انحـــــب وانوحلك
و اسوّي اعله الصدر خسفه
بچفوفي //حومرتها اعيوني //و امتوني
لطفوفي //تنسمع صرخاتي // و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
عاشك مجلسك يحسين
و لا اشبع لطـــــم عنك
شلون الـــــروح اصبرها
و انته الخيل سحگنك
منك منگـــــطع خنصر
بيقضة و نوم اشوفنّك
يا اكبر جـــــــرح نازف
بالـــــــدلال احسَــــنَّك
يلچمني // طاري طف نيرانك //و احزانك
يهضمني // و ارتچي بدمعاتي//و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
كل مجلــــس أله اتعنّه
و احضر وين اكو قراية
الك الطم لطـم مجنون
اخلي بصـــــدري دماية
نمير اعيوني من اجلك
اسيله بسيــــل مَبچاية
و اذكر راسك المنحور
و اطَّبّر راســي مولايه
يا حيدر //اصرخ بانفاسي // و حساسي
عالمنحر //تشتعل جمراتي //و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
مو دمعـــات الك ابچي
اصب اعيوني من اجلك
شمـــا زاد الوجـــــع بيه
ازورك و احتـــمي بظلك
متگطع وِصّل يحســين
امن الشبـــــاچ اعاينــلك
و اعاين منك ايشع نور
ينبع من نحـــــر طـــفلك
للقاسم // تنضويله شموعي // و دموعي
و يتناغم // الأكبر بلوعاتي // و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
غريب و غربتي وَيَّاك
بين الـــــــونة اگضيها
لعماتي احس بحـــشاي
نـــــــار شلون اطفّيها
يدوي بالخرابة الصوت
و لا سكتــت نواعيها
لرقيـــة و عمِّتي زينب
حرت يا دمعة ابچيها
حيرانة //عيني المن تنزف// يا مــــوقف
ذبلانة //روحي من لچماتي//و حسراتي
حسين حسين حسين حسين
ــــــــــــــــــــــــــــــــــــــــــــــــــــــــ
الحمدلله
#علي_حسين_الكناني
غيمت من مهـــــــــره دك الحافر
حسين مغضــب طبها يوم العاشر
مغضب بعينه الزعل
للعده ماضــــل امل
*---*--*--*
طبها ابو السجاد هيبه وبيها غار بزوده
حيئر زياد وزمرته وداس فوك جنوده
مواعد اخته يجيب ثاره وفه كل عهوده
لابس عمامت محمد شمرته من عوده
شمرته من حيدرا
سوه بيها الماجرا
وهيج سوه وياهــــــم الما صاير
*--*-*&**&---*-
صارحاديها وحدها وگادهه كود الغنم
وسمع زينب هلهلته بسكته بطراف الخيم
كام يحصد روس بيها وفوكها يرف بلعلم
وليزوم بروحئ هذا مات مايلحگ نئدم
محد الحده گرب
نار سواهم حطب
وخله جيش زياد بطف حاير
*-*&-----*-**-*-*
توسط الحومه بمهرته منين ماطبها حصد
اخذ زلمه بطرگ روحئ الاف همه البلعدد
هذ ينعد ذيب شلوه الحگ بروحئ شرد
منين يشرد وابو سكينه ماترك منفذ بعد
سد عليهم كل درب
ونار بيهم ظل يشب
ماكو زلمه الحده خطوه وعابر
*-*-*---****
ماكو زلمه الداك صدره وگابله بسوح النزال
حسين مترهي عليها الزامطه يكله تعال
من علي ومن يوم خيبر هيج رابي عله القتال
كربله وسواها حلقه وبيها ماظل كل مجال
حلقه سواها الطفوف
مايهاب من السيوف
حسين وحده وللخيم ظل ساتر
*-*-*-**-
غيمت وصبحت ظلمه من كثر مابيها غار
لگاط يتلگط زلمهم مايدور علزغار
السيف لو هزه بيمينه يگوم يجادح شرار
شويه هذا الي احجيته هواي اصلن بيها صار
بخوف خلاها تمــــوت
الحده لامحــــد يفوت
والوصل حده بحــــــياته يخاطر
ابو سلام الجابري
#شور كعديه
حيَّ على البُكاء
هلموا واتركوا الدنيا فإن الموتَ لاقينا
فلا تَسقِيكمُ الدنيا فكأس المرِّ ساقينا
هيامُ الدمعِ ان قاما فلا شيطانَ يُنسِينا
تعالوا نعزب الدمعات للعزب نحر لله
للشابع سهام وخيل للما سامع اسم الله
لذاك الجان شوفه گدار
الغطوا جثته بحجار
المِن شاف السهام تريد كام وشال عبدالله
حي على البكاء
.
.
.
.
. دارُ الوهمِ لا تَبقى وكلٌ راحلٌ منها
فيها المرؤا لا يشفى عليٌ أعرضَ عَنها
يخيبُ ظَنّ من حبها على الوهمِ بنى ظَنّها
الدنيا واسرت زينب جا شلك بعد بيها
شيخ الماي عبدالله يم الله اشتكى اعليه
شد تفكيرك وذبها
لتعذبك اوعذبها
سوي الدنيا طاست ماي ويم احسين بديها
حي على البكاء
.
.
.
.
قيامُ الحُزنِ قَد كبَّر وعينُ اللهِ ترعانا
كفوفُ العشقِ قَد مُدَّت وكفُ الساقِي حَيَانا
بنا الدنيا اذا ضاقت يكونُ الطفُ مأوانا
الواقع مو قضيتنه هذوله احنه الفهمنه الدم
خليه احنه الحزن نحلات واعلينه بقى يلتم
قضيتنه ابو رقيه
انسان وكله حنيه
من شاف السمه بلا نور هف عليها المخيم
حي على البكاء
.
.
.
.
جلَّ اللهُ سبحانه على الدمعِ غداً يثني
خيارُ الحزنِ توفيقا يفوق الذوق والفنِ
أربابُ الهوى قالت لذيذُ العيشِ في الحزنِ
تصير الدمعه وقت الضيج للمهموم عوجيه
افياي الحدب اعله حسين فيّ ايصير لرقيه
الدمع يتحول الغيمه
ويضل إيندي عالخيمه
سلام الله اعله كلشي يطيح وي طيحة العلويه
حي على البكاء
.
.
.
.
جرحُ نينوى قائم حتى يظهر القائم
مجروحٌ ولا يشفى ياتي باكياً هائم
تضيءُ شمسهُ الدنيا وجبريلٌ لهُ خادم
مدري شكم سَنه يبجي مدري شلونها آلامه
اليفر الفلك بالنظرات ضيگه الدنيا كدامه
ضلع الزهره بضلوعه
ابد ما تشف ادموعه
دلاله احترگ ياناس من احترگت اخيامه
حي على البكاء
الشاعر عبدالله الشويلي
((هلال الحزن))
هــــــلال الحزن لمن يهل بي تبدي الدموع
بي تبدي صيحات الخدم من تشعل شموع
نتمنه كـــــون مـن اللطــم تتكــــسر ضلوع
حبك خذاني المجلس عشگـ
وصــار الدليل بـ اسـمك يدگـ
وارفظ اعيـش ابــــلايه حرگـ
ابلايه مصابك عمري سهو ..
انزف شبابي الحـبك ردت
تربيتي موكب ألطم عشت
أنـــدل طـــريقك لا ماتهت
انته العزيز وانته الابو ..
ها يا ابوي الــــروح بسمك
اقدس دمه بهل كون دمك
مفجوعه ويلي اعليك امك
مولاتي يازهراء
كل دمعه كل احساس تحضر
كل مـــــا يصيح حســين منبر
يفيض العشـــگ بدمـوع عنبر
هذا اليحب ماشاء
حبيبي ياحسين ...
""""""""""""""""""""""""""""""""""""""""""""""""'''""""
لوانته لوضلمه الشمس يعني انته ابو النور
يعني انته كــل حبي الك كل دمعي عاشور
من زغـري الك ياســـــــيدي للخدمه منذور
عمري نذرته الحبــك أنـه
آنه بخدمتك ضگت الهـنه
وعشت بسفرتك داير سنه
بحزن المجالس لا ما أمل ..
وتگلي هــاك وما اســئلك
هوه آنه روحي كــلها الك
شيبي وكُبرتي ليك وهلك
من الچبير الحد الطفل ..
خادم أنه وممـلــوك ليكم
گلبي انذهل مـولاي بيكم
بروحي العزيزه وشاريكم
بخدمتكم وممنون
حسينيتي بيه وهاي هيه
بروحي دمعتـي ولطـميه
وبذني رقيه تصيح ارقيه
بابا اريده شلون
حبيبي ياحسين ...
""""""""""""""""""""""""""""""""""""""""""""""""'''""""
مو جنه وحده بحضرتك لا صارن اجنان
ونهر العســــل بمحبــــتك والــماي نهران
بس انته مجـبور وصرت ليهسه عطشان
الحد هسه انت عشت بضمه
وشيب المقـــدس احمر دمه
وتبچي الغـربتك چم فاطمه
وضعنك يويلي يدوس الجمر ..
شاغل دمعتي بليل الهمس
خليني احس بحـر الشمس
بلوعةّ سبيه خلينــي احس
هوه شبعدله گاضي العمر ..
هذا العمر يحســين رايح
بس افخر آنه بهـاي نايح
لجل الرمح مولاي صايح
مولاي ابو السجاد
هــذا الزمن يحسيــن عابر
بگبري انته يامولاي حاضر
واقرالك اعله الخيل باچـر
ماتخلف الميعاد
حبيبي ياحسين ...
""""""""""""""""""""""""""""""""""""""""""""""""'''""""
ياشاعل الدنـيا ضوه من خنصرك هيل
يالطايح وحار الترب يل ماغده الحيل
يالصدرك موزع عشگ من حافر الخيل
حتى آنه احبك تنطي الصدر
وتنطي العيــــــالك نار وجمر
وبالبـــر هضيمه صـــارت تفر
هذا السخاء وهذا الكرم ..
انته الكـــــريم وآنه العبد
آنه الچفوفه الحزنك يمد
وباب المدامع لا مـــا أسد
دمعةّ مصابك بيها طعم ..
دمعةّ شجوني تريد حُـبك
جدمي وكياني يريد دربك
گلـــبي الاملك يريد گلــبك
يادمعتي مولاي
حبـك غـرام الروح بيه
حبك جـمر مذبوح نيه
يالتجري بالانفاس ريه
يالشمتك بهداي
حبيبي حسين ...
عبد زينب
محمد الابراهيمي
✨خدمة محبي باسم الكربلائي تقدم:
📜قصيدة : يمه لحظة وداع وسفر
✒للشاعر : السيد عبدالخالق المحنة
يمه ، لحظة وداع وسفر
يمه ، ضلعج وقلبي انكسر
يمه ، مني شيريد الدهر ؟
🍂🔻🔻🔻🔻🔻🍂
يمه لو رحتي أظل إبلاية خيمة
يا حنينة وساعة افراقج أليمة
يا هضيمة ويا هضيمة ويا هضيمة
بعدج تقول الخلق زينب يتيمة
ردي .. لا تخليني بجرح
ردي .. لحظة وادعج ذبح
ردي .. ابقى ليلة ابلا قمر
🍂🔻🔻🔻🔻🔻🍂
يمه مخنوق الهوا والدنيا ظلمة
وعطرج بدخان باب الدار اشمه
صدمة البنت إعلى أمها بيها هضمة
أتعود إلساني إعلى جلمة يمه يمه
ويلي .. عفتي زينب للحزن
ويلي .. ليلي ظالم من يجن
ويلي .. نايمة بعيني السهر
🍂🔻🔻🔻🔻🔻🍂
جلمة الأم عاطفة والحب نزفها
جلمة بس اليفقد الأم ايعرفها
طلعت أمي وروحي طلعت من كهفها
صحت ليش القاع ربي ما خسفها
والله .. أنظر الحايط وأون
والله .. عادة الفاقد يحن
والله .. آني دلالي أنفطر
🍂🔻🔻🔻🔻🔻🍂
كل دموع العالم إلفقدج قليلة
والحياة إبلايا أمي مستحيلة
مرة أنظر لأخوتي ودمعي أسيله
مرة أصرخ ليش يا حامي دخيله
بوية .. أمي مكسورة ضلع
بوية .. يصرخ بعيني الدمع
بوية .. وسفة حيدر ما حضر
🍂🔻🔻🔻🔻🔻🍂
أنظر البسمار ويذكرني بيها
إحسين من يبجي يذكرني أبجيها
اشقد ثقيلة الباب وانطبقت عليها
إبلا حجاب الزهره واتغشت بإيديها
شفته .. من وقع منها الطفل
شفته .. من سطر خدها النذل
شفته .. خد رسول الله انسطر
🍂🔻🔻🔻🔻🔻🍂
الحرق بابج ترى يرجع علية
يحرق اخيامي علي بالغاضرية
والسطر وجهج يا بت سيد البرية
يضرب امتوني ويوديني سبية
وحدي .. ظهري بالطف ينكسر
وحدي .. يحدي بضعوني الشمر
وحدي .. آنا أموت امن القهر
🍂🔻🔻🔻🔻🔻🍂
#اللهم_عجل_لوليك_الفرج
◇◈◇⇩..تابعونا..⇩◇◈◇
قناة جروح عاشوراء
یوسف الزهراء 💔
#اهوازي #نزله
يجمال الضعن ارجوك يم حسين مر بيه
خل اعتب عليه ونروح مدري وين مسبيه
========================
نوخ بالضعن ارجوك خل اعتب عله اخواني
وارد اعتب عله العباس واكله الشمر طكاني
انهض خل يرف علمك نومك حيل أذاني
مامش نيه لينه تكوم ترد العالو اعليه
========================
سلبوها الخيم يحسين ماواحد فزع ينغر
اول تالي هايه تصير والعباس يتأخر
ماينهض يرد الجيش يرضى انتهكو الخدر
شافو خدري هالعدوان ماواحد نهض ليه
========================
ياطيحتكم وضيمي يحسين بظهر عاشر
اجاني ثوبك امدمه اجاني جايبه الحافر
وحكك ما بكالي راي صار الماسده وصاير
طلعت حافيه وتركض بين الزلم علويه
========================
انه المحد سمع صوتي هسا انشاف ياخدري
شنهي الچاره ها يحسين حرت وين انتجه مدري
ردت واحد يكوم وياي منكم يهلي ياذخري
ياطلعت اختكم ذيج من طلعت الظهريه
========================
ما فاد العتب يحسين ما واحد فزع منكم
انتم نومه عل تربان ويمكم طك اخيتكم
والحادي نذل ينغث مايرضى نضل يمكم
خل نتوادع الحداي ما يمهلني اشويه
========================
ابو حميدة الغنامي..
#العهد_الأبدي
بعدني اعلـه المـواعـيـد ابمحرم دمـعـتـي اتـزيد
نـــذر لـلـظـامـي عـمـري
ابخدمته امـعَـلّـي قَدري
*---------------*---------------*
عـلـى الـنـيّـه ورزق هـيـه الـخِـدامـه
اكــو يــزغــر واكــو يـكـبـر مـقـامــه
بقت يمّه الـيـجـي ابـهـمـه وهـيـامـه
يصب دمعه وصدگ يـسـعـه لـ امامه
قضيتي العبره والـنـوح حُسيّني وگلبي مجروح
هـوّه ابــنِــيــتــي يـدري
*---------------*---------------*
حـچـوا عـنّـي وانـه بوني ومـنـاحـه
خـذت دربـه واخـذ حُبه الـمـسـاحـه
كبر جرحه وصعب شرحه ابصراحه
فـضـل مـنـه عـلـى الـوَنـه وجـراحه
احسه ابـروحي موجود شــاهــد دمــع الـخـدود
اقـصّــر شـنـهـو عــذري
*---------------*---------------*
يظل نوحي وحزن روحي لـ قضيته
الـعـمـر كلـه رخص لٱجله وشـريـتـه
لـبـو الاكـبـر نـعـي الـمـنـبـر هـويـتـه
إلـه امـعـاهـد گـلـب والــــد لـگـيـتـه
اخـدمـه وانـي مـمـنـون خـلـهـم عنـي يـحـچـون
أوسّـم بـإسـمـه صــدري
*---------------*---------------*
العهد صـنـتــه واذا عـفـتـه خـسـاره
الحـمـد ربي ارسمت دربـي ابمساره
تـــره الـخــادم يـهـالـــوادم شـــراره
دمـع عينه علـى احـسـيـنـه شـعـاره
غير احسيني مـا شوف خـادم عـهـدي مـعـروف
اذكـره ودمـعـي يـجـري
*---------------*---------------*
حچي العاذل حچي الجاهل تـركـته
قمت فـرضـه المهم يـرضه الخدَمته
الجفن ميخف تظل تـنـزف دمـعـتـه
النـذَر عمره مثل جـمـره ابـمـحـبـتـه
كلشي لـ خدمته انطيت حـب بـفـطــره حـبـيـت
حـبـيـبـي ومـالـك امري
*---------------*---------------*
رحـت فـــــدوه الـنـفَـس هـوّه الـيـه
مـثـل جــده الـكـرم عـنـده سَـجـيـه
چـذب غـيـره يـصـب خـيـره عـلـيـه
وانه احـسـيـنـي ترس عيني اواديه
شـقَــدم كـلـي تـقـصـيـر لولـه حـسـيـن مـا صـيـر
عــدم مـن دونــه عـمـري
*---------------*---------------*
✍خادم الحسين ع
الشاعر رعد الچريخي
الله برحمته رزقني . شوگ لامامي وحنان
صبح ومسيه اندعيله . ومن عنده اريد الامان
هو الكفيل بنجاتي . مولاي إمام الزمان
ادعي با الفرج . لآخر الحجج . والدعاء نجاتي
گلبي كلِّمه . يبنَ فاطمه . التزم ثباتي
صاحب زماني . وحبيبي
المهدي يجرحي . وطبيبي
شلي بحياتي . ابلاه عيونك
طالب رضاك وحميتك
متأخر آنه اجيتك
يل ما يسد عمري ديونك
_
ما عندي غيرك واگصده . متعلم آنه عليك
يل رحْمتك عودتني . اي شي اريده اجيك
وقبل التوسل عرفتك . تترس اديه إمن اديك
صاحب الفضل .باچر وقبل . انته يابو صالح
غافر الذنب . ترحم المُحب . من تشوفه طايح
مروتك حبيب الزچيه
بإسم الأميرة رقيه
تحيي ضميري بدمعه الكم
بردت دمعتي دخيلك
وما عندي حل غير اجيلك
لن مدّعي آنه عبدكم
__
علمني نيةِ إنتظارك . بيا نيه أنطرك تريد
قربني قُربي أماني . بكل خوفي آنه بعيد
عيشني با الدمعه الكم . عَيش البواچي رَغيد
عايش بوهم . ورايد ابچي دم . هايه يمته صارت
ارد اواسي الك . يلي دمعتك . من دمه تجارت
اكطع ضايع الوساوس
وارزقني غيرة عوابس
زلمه اريد اصير وعد كلمتي
ومن عينك ارزقني نظره
يا الترحم وهيه حمره
مجروحه يا عالم رحمتي
__
اجمل عيون الخليقه . ايذبل حُسنها الحمار
من البچي للمصيبه . دم تجري ليل ونهار
تبچي اعله أبو گلبه حاير . ايطلبونه ماي الزغار
اطفاله تسأله . عنده عايله . وحاير بعياله
ماكو بيده حَل . وحّده نزل . يحمي عن دلاله
بعيونه شاف العطاشه
ذبلو فَرَاشَه فَرَاشَه
والساقي اخوه يم الشريعه
بگماطه جايب صغيره
ومحد فزعله ضميره
ما بين اديه رفرف رضيعه
سيد انور الموسوي
فصيح للزهراء عليها السلام
صارَ تَـرتيلُ اللسانْ كُلُّ ما في الكونِ فــانْ
والبقــاءْ .. البقــاءْ . وجْـهُ فاطِمه
........................
للنبـــيِّ الطُهْــرِ مِــن ربِّ السماءِ
دُونَ فـــاطِمْ كــلُّ ذيــكَ الانبيـــاءِ
فوقكُــمْ ذاك الِكِســا كانَ كِســـائي
إنْ يُقـــالُ اللهُ اسْميكُــــمْ ورائِـــي
قالها ربُّ السمـاءْ فـــاطِمٌ سِــرُّ البقَــاءْ
والــرِداءْ .. الـــرِداءْ ، وجْـهُ فاطِمه
........................
فــاطِمٌ لَمْ تُخْـلَقُ العَـــليا وأرضـي
قــالَهَـا ربُ السَمَــا الا لِتَـــرْضِـي
حين ربُّ الخلقِ بالمخلوقِ يقضي
كلُّ شيءٍ ما خَـلا الزهراءُ يمضي
كلُّ ما كــانَ يَـزولْ والبقــــــاءُ للبَتــولْ
فَهْــو شاء .. فَهْــو شاء ، وجْـهُ فاطِمه
.................................
كلُّ ما في الكونِ يمضي وهْيَ تَبْقى
صورةٌ مِـن كوثَــرِ الفِـرْدوسِ أنْــقى
قَـــدْ أوَتْـنــا مُــذْ بَـــرانا اللهُ خَـلْقَــــا
كيـفَ لا نَـنْـزِفُ للـزهْــراءِ عِشْقَـــا
ما بِنَــا قلبٌ جَحــودْ كيفَ لا نهوى الخلودْ
فالإبــاءْ .. الإبــاءْ ، وجْـهُ فاطِمه
...........................
يَغــرَقُ الكونُ واسمُ الطهرِ يَطْفـــو
يُهلِــكُ الحَتْــفَ إذا يَــدنــوهُ حَتْـــفُ
فــــاطِـمٌ حُـــبٌ وإيْثَـــارٌ وَ عَطْــفُ
هِــيَ حَــقٌ وَخَصِيـمُ البــابِ زَيْــفُ
هِــيَ سِـــرٌ للحيــاةْ يَـــرتَوي منْهَــاْ الفُــراتْ
الرَجَـــاء .. الرجـــاءْ ، وَجْـــهُ فاطِمه
.................................
حـيْنَ تنْــدَكُ الرواسـِـي وسِــواهـا
قُــربَ عَـــرشُ اللهِ تبقــى امُ طــه
خــالدٌ تبقـــى بِـأعنــــانِ سمَــاهــا
ضِــلْعُــها دامٍ وحُمـــرٌ مُقْلَتـــاهــا
قلبُــها يبقــى حَسِيْـــرْ مِــنْ أذى جَمْــرٍ سَعيـــرْ
في السمـــاءْ .. في السمـــاءْ ، وجْــهُ فاطِمه
..............................
خيْـرُ خلقِ اللهِ ذو الضِلعِ الكسيــرِ
بيْنَــها والعرشُ بعضٌ مِــن زفيـرِ
وآنـــا عَبْـــدٌ لَــها تَـــاهَ مصيــري
مَنْ سِـواها ساعَةَ الحَشْـرِ مُجيْري
مَــنْ سِــواهُ إنْ تضيقْ آخِـــذاً عبـــداً غَـــريقْ
مِــنْ فَنَــاء .. مِــنْ فَنَــاءْ ، وَجْــهُ فاطِمَه
علي كاطع البهادلي..
بصوت. مسلم المطيري
حسيني. انا. حسيني انا
كلمات الشاعر
ابو زينب الظالمي
بصوت. مسلم المطيري
نتشابه سويه.
كلمات الشاعر
ابو فدك الشامي
بصوت. مسلم المطيري
لاتجيهم
ذوله ماعدهم ضماير
لاتجيهم
كلمات الشاعر
رائد الناشي
بصوت. مسلم المطيري
حبيته عالفطره
كلمات الشاعر
رعد الچريخي
بصوت. مسلم المطيري
مارحمتني الأقدار. واسنيني شمع
كلمات الشاعر
مؤمل مازن الشمري
بصوت. مسلم المطيري
اهلالك عذباني ودوهن احوالي
كلمات الشاعرة
ام محمد تقي الموسوي
بصوت. مسلم المطيري
غيمت من مهره دگ الحافر
كلمات الشاعر
ابو سلام الجابري
بصوت. مسلم المطيري
حي على البكاء
كلمات الشاعر
عبدالله الشويلي
بصوت. مسلم المطيري
هلال الحزن لمن يهل بي تبدي الدموع
كلمات الشاعر
محمد الابراهيمي
بصوت. مسلم المطيري
يمه. لحظة وداع وسفر
كلمات الشاعر
سيد عبدالخالق المحنة
بصوت. مسلم المطيري
يجمال الظعن
كلمات الشاعر
ابو حميدة الغنامي
بصوت. مسلم المطيري
بعدني اعله المواعيد
بمحرم دمعتي تزيد
كلمات الشاعر
رعد الچريخي
بصوت. مسلم المطيري
الله برحمته رزقني
شوگ لامامي وحنان
كلمات الشاعر
سيد انور الموسوي
بصوت. مسلم المطيري
صار ترتيل اللسان
كلمات الشاعر
علي گاطع البهادلي
بصوت مسلم المطيري
هايم يالرضا لصحنك خذاني الشوگ.
واحس گلبي يطوف بروضة الحضره🌹
احسه من البعد نايم على الشباچ
مثل مخنوگ بس يمك يشم عطره🌹
خليني ابضريحك بس گلب مولاي
عاشگ ريحتك يا ريحة العتره 🌹
ادري الزار گبرك واليطوف اهناك
يسر گلب الزچيه الطاهره الزهره 🌹
مولاي الملوك ابابك امدنگين
خاضع تاجه يمك يجذب الحسره🌹
بليلة مولدك طلبيتك الحاجات
ومديت الچفوف اليمنه واليسره 🌹
وادري ما تردني ولا ترد محتاج
يباب الله الچبير اليكرم الفقره 🌹
الگلب يمك امانه وانت باب الله
وكسر گلبي بضريحك شخصك يجبره
💋🌿🥀🌷❤️🌺🌹🍀🌸☘🌼💐
الشاعر موسى البديري
ليلة ١١/ذي القعده /١٤٤٦ هجري
الجمعه 9 \5 \2025 ليلة ولادة
الأمام الرضا عليه السلام
قصائد محرم الحرام ١٤٤٥ هـ
نزلة / لليلة التاسع ليلة استشهاد علي الأكبر عليه السلام
حسينيٌ أنا حسينيٌ أنا
أخطف أرواح الأعادي
حسينيٌ أنا حسينيٌ أنا
——
أنه حيدر أنه حمزة أنه الأكبر وأفتخر
همتي همة أجدادي وللأبد ما تنكسر
دون أبوي وما أعوفه والولد وكته العسر
اليوم بت طه البتوله عالسقيفه تنتصر
حسينيٌ أنا حسينيٌ أنا
والسبط يسلم مُرادي
حسينيٌ أنا حسينيٌ أنا
——
اليوم تروي الطف دماهم فارگ السيف الغمد
اليوم أشُوف الدنيا كلها بيا عزم احمل وهد
إحنه ساعتنه الحرايب من تضيگ ومن تِشِد
ومن تصيح الگاع كافي أرتويت إبهاي أرد
حسينيٌ أنا حسينيٌ أنا
وما تخوفني الهنادي
حسينيٌ أنا حسينيٌ أنا
——-
لليضد إحسين أگله ما كو عطوه ولا مُهَل
إبن حماي الحميّه بلغوا الكوفه نِزَل
اليوم رايتهم أذلها و أعقر بإيدي الجمل
أصواتهم تخمد وأعلّي حيْ على خير العمل
حسينيٌ أنا حسينيٌ أنا
وبعلي إينادي المنادي
حسينيٌ أنا حسينيٌ أنا
———-
الجهاد إلنه ولهلنه وبالعرب من يعترض
البعض مستحب عدها وعدنه واجب هالفرض
السيف عالعاند نِحَكمه البالحچي ما يِتعض
واحد آنه ويعني هذا من غَضب هاشم بعض
حسينيٌ أنا حسينيٌ أنا
وبسبيل الحق جهادي
حسينيٌ أنا حسينيٌ أنا
———
اليوم جيش الكوفه هذا شما كِثر وشما يزيد
يِخْلَص أعله إيد الهواشم وإنت مدهم يا يزيد
إنريد إحنه ننصر الحگ وإنت للباطل تريد
هذا لسلافك عِجَزهم ومثل ما بادوا تبيد
حسينيٌ أنا حسينيٌ أنا
وصيدي إرگاب وأيادي
حسينيٌ أنا حسينيٌ أنا
الشاعر : أبو زينب علي الظالمي
🏴 سلاماً ياجواد الأئمة🏴
ــــــــــــــــــــــــــــــــــــــــــــــــــــــــ
قصيدة.. استشهاد الامام محمد الجواد.ع.. ( نتشابه سويه)
نتشابه سويه "" بيوم الغاضريه
لكن جدي ياناس "" شاف اصعب رزيه
بيوم الغاضريه "" بيوم الغاضريه
""""""""""""""""""""""""""""""""""""""""""""
انه ياناس الجواد وقصتي هايه
راح اروي بالدموع امن البدايه
عشت بهموم وحزن واصعب رزايه
تالي عمري يخلص بسم المنايه
وحشه بعيني الايام * حكمو بينه ضلام
قصه تشيب الراس * شاف اصعب رزيه
بيوم الغاضريه "" بيوم الغاضريه
"""""""""""""""""""""""""""""""""""""""""""
ضل ثلث تيام انه جسمي مطروح
لكن انه مو مثل الحسين مذبوح
اه وا ويلي اعله صدره وذيج الجروح
ماكو شي سالم بجسمه ومابقت روح
ضل ابلايه تغسيل * جسمه طحنته الخيل
وسفه جسمه ينداس * شاف اصعب رزيه
بيوم الغاضريه ""بيوم الغاضريه
""""""""""""""""""""""""""""""""""""""""""
اني سمتني مره ومعروفه هيه
وجدي ذبحوه العصابه ال اميه
امنه احنه الطاهره الزهره الزجيه
حقها لو صبت مدامعكم جريه
خلها تسيل العيون * مااعوف اليخدمون
حقنه نلطم الراس * شاف اصعب رزيه
بيوم الغاضريه ""بيوم الغاضريه
"""""""""""""""""""""""""""""""""""""""""""
آه وا ويلي على الراحت سبيه
عمتي زينب بالغرب شافت اذيه
اتمنه لو حاضر انه ذيج المسيه
اتمنه وياهم رحت مجتوفه اديه
زينب ياغريبه * مصيبتها مصيبه
غربه ماكو عباس * شاف اصعب رزيه
بيوم الغاضريه"" بيوم الغاضريه
"""""""""""""""""""""""""""""""""""""""""""
اني مااعوف المحب وكت المنيه
والي يخدمنه ويقدس هل قضيه
والعزاء الليله بأرض الكاظميه
تجي تحيّي بالخدم امي الزجيه
واكف اني بالباب * انتم اغله الاحباب
والله جفوفه تنباس *شاف اصعب رزيه
بيوم الغاضريه "" بيوم الغاضريه
""""""""""""""""""""""""""""""""""""""""""
الخادم _أبو فدك الشامي
لا تجيهـــم .. ذوله ماعدهم ضماير .. لاتجيهــــم
بين اديهـم .. تنــذبح يحسين باجـر .. بين اديهم
والله حيرة شلون اوصل صوتي ليك
انه يحسين وعلي خايف عليك
لاتجيهم لاتجيهم
ــــــــــــــــــــــــــــــــــــــ
كلها جذابه الرسايل والحجي جان اعلى غاية
انت نيتـك مـالت الله وهمه مـــو لله النــوايــه
ياحسين وخاف باجـر ستر زينب بس عبــاية
وجن اسم ظعن الهواشم باليسر ظعن السبايه
كلبي ينحب .. واصرخ ودمعاتي اهلها .. كلبي ينحب
ياخو زينب .. ارجــع بـــزينب لهلهــــا .. ياخو زينب
رجع ضعونك اذا صوتي يجيك
انه يحسين وعلي خايف عليك
لا تجيهم لاتجيهم
ــــــــــــــــــــــــــــــــــــــ
نكــرو البيعــة الخذتهــا وشككو ذيـــج الرســـايل
ودارت الكوفة اعلى اخيك بالشوارع وحدي اقاتل
بالحجــر تــرميني كامت كلهــا مــن فوك المنازل
وانوليت وطوعه تصرخ وين هالساعة ابو فاضل
ياكمرنه .. مسلم بغربه ويريدك .. يــاكمرنـه
والله محنه .. وحده وبعازت ايدك .. والله محنه
طيحته جن طيحت الرايه منديك
انه يحسين وعلي خـــاف عليك
لا تجيهم لاتجيهم
ــــــــــــــــــــــــــــــــــــــ
بالعــرب معروفه هـاذي ماهــو حيلــه الماهم اهله
بالثمــر مــاعنـــده حصة المالـــه وي النــاس شتله
يفزع بروحه وي روحه الكلها متحزمه اعلى جتله
بليلــه وحــده تبيعه كلهــا هاي صعبه وماهي سهله
والله حيرة .. حيرة الماهم عمامه .. والله حيـرة
هاي ديرة .. بيها ماتحصل سلامــة .. هـاي ديـرة
ما اهم بالصار بيه وهمي بيك
انه يحسين وعلي خايف عليك
لاتجيهم لاتجيهم
ــــــــــــــــــــــــــــــــــــــ
بكل كتـر كـامت تجيني نـار وسهام وحجاره
وطحت يحسين وخذوني مكيد لقصر الاماره
مجتفه تصورت زينب جنهـا وعيـالك يسـاره
بمجلس وخلوها عمده كبالهن روس الغيــاره
ما اصدك .. تمشي زينبكم اسيـــره .. مـا اصدك
مــا تـدنك .. العند ابو فاضل اميـرة .. مــا تــدنـك
ع الرمح وتهل دمع من تنتخيك
انــه يحسين وعلـي خايف عليك
لا تجيهم لاتجيهم
ــــــــــــــــــــــــــــــــــــــ
جابو الماي ولزمته وجني وسط الماي اشوفه
كمر ميت عطش لاجن شايل الماي بجفــوفـه
يعاتب الشاطي ويكله ضامي الحسين وتعوفه
تشـابهن ذنــي المواقف كربله تشبـه الكــوفـه
مــــاشربته .. المنه ظل يابس وريـدك .. مــاشربتـه
هم شمرته .. مثل ابو فاضل عضيدك .. هــم شمرته
ومثله يابو الاكبربروحي اشتريك
انــه يحسين وعلي خــايف عليـك
لاتجيهم لاتجيهم
ــــــــــــــــــــــــــــــــــــــ
يــاحسين وعندي طفلة يمك وعنـي بعيــده
تحيرك لمن تكلك عمي ابوي اليـوم اريــده
من بعـد ذيج العليلة الظلت بـدارك وحيـــده
ياحسين اول يتيمه بالضعن صارت حميـده
انت ابــوها .. كلها هيج يكول مسلم .. انت ابــوها
لو سبوهــا .. مــن تمــر منــا تسلـم .. لو سبوها
ادري كلبك ينلجم من ترتجيك
انه يحسين وعلي خايف عليك
لا تجيهم لاتجيهم
ــــــــــــــــــــــــــــــــــــــ
عشت غــربة وماهم اهلي بس قليل الصــار بيـه
عـــــاد مــو كل الاحبهــم بيــدي ازفهــم للمنيـــه
ولا عطاشى عيالي يمي وينذبح طفلي اعلى اديه
وعــــاد مــاشافت حميــده مثــل مــاشافت رقيــة
وماشفتهن .. من دوت بيهن خيمهن .. مـاشفتهـن
ومايسبهن .. شمر جدامي ويطكهن .. مـايسبهن
انت وحدك بالحزن مالك شريك
انــه يحسين وعلي خــايف عليك
لاتجيهم لاتجيهم
رائد الناشي
#حبيته_عالفطرة
حبيته عـالـفـطـره واليعشگ بـزغـره مـا يـنـظـر لــ ثاني
من ادخل الحضره گلبي يدگ صدره المحبوبي بحزاني
حسين حسين حبيبي حسين حسين حبيبي
*---------------*---------------*
صحره دنياي ولگيته لــ روحي مطره
حـسـيـن آيات الـمـحـبـه البيهن اقـره
حسين عاشرته ابشعوري احله عِشره
الـعـشـگ صادق تـحـسـه الچنه جمره
تتزايد اجـروحـه ومـايـهـتـم لـ روحه البالعشگ قـانع
الدمعه مسموحه اتزيد الوفه املوحه معناهه ياسامع
*---------------*---------------*
بعالم الـفـطـره عـشـگـته وگلبي جَنـه
ما شفت بالكون نـفـسـه بـهـالـمـحـنـه
اهـواي ازعله اوهوّه يـتـقـبـل زعـلـنـه
اخطه وٱبديلـه اعتذاري ويـعـفـي عنه
يـتـقـبـل ابسرعه وينشّف الـدمعـه مـيـرجـع الـواحـد
ابـلـيـلـة الجمـعـه لــ كـربـلاء اسعه مـاهـمـن لــ حاقد
*---------------*---------------*
اعـرفـت معنه الـمـحـبـه من عـرفـتـه
بعيني ماشـايـف حبيبي بكلبي شفته
تكثر اجـروحـي واروحـن يم حضرته
اسرح لـ عالم خـيـالـي بسر مـحـبـتـه
اتـغـزل بـحـبـه مـاعـوفـن لـ دربه احـچـيـهـه للغـالـي
الوادم الـغـربـه ما تـدخـل لـ گلبه الـعـاشـگ امـثـالـي
*---------------*---------------*
الـدمـعـه ويــاه الـسـعـاده وكلهه نعمه
اختنگ والغالي احسّه لــ روحي نسمه
اجمل الايام عـنـدي الـبـيـهـه اخـدّمـه
وتـنـزل ادمـوعـي جريه واذكر اسـمـه
للغالي اجـريـهـه والعـيـن اداويهه وتـفـاخـرت خـادم
التحچي معليهه الـدمـعـه شاريهه مـعـلـيّـه بـالــوادم
*---------------*---------------*
بـالـزغـر انطيتـه گـلـبـي وكلشي بـيـه
وافـخـر بـهـاي الـخِـدامـه وهـالـهـويـه
وسّمت عيـنـي ابـدمـع وچـفـوف اديه
ويـبـقـه للموت الـعـهـد لٱبـن الـزچـيـه
اسنيني منذوره والتحچي معذوره مـاعرفوا بـروحـي
اتخـيـل الصوره وٱحـتـارن بــنــوره وتتهيّج اجروحي
*---------------*---------------*
✍️خادم الحسين ع
الشاعر رعد الچريخي
عنوان القصيدة ﴿ ما رحمتني الأقدار ﴾
ما رحمتني الأقدار واسنيني دمع
گدما أشتعل نار رافگت الشمع
وجهه بالصوَر. ما ضل منه اثَر
ــــــــــــــــ*
الگلب من فرگته امزّگ شراعه
حسبت لرجعته انه ساعه ساعه
اعيشن عمر كامل بالمجاعة
ولا احمل ثواني من وداعه
امير الرحمه هوه والشفاعه
لچن خله الگلب مات ابضياعه
ــــــــــــــــ*
اوگف واوگع ادموع. من عين الحزن
گامت تكسر اضلوع. دمعات الوجن
بعيون الدهَر. ما ضل منه اثَر
ــــــــــــــــ*
طبع گلب البنت ينبض مشاعر
تموت ابكسرة وحده بالخواطر
لَمَن يا ناس گلي راح اسافر
دعيت الله اموتن قبل باچر
مشه وخله الگلب بفراگه حاير
شبه مذبوح بس رايد يكابر
ــــــــــــــــ*
گلبي ايعشگه يا ناس من يوم انولَد
يشعر چلمته احساس. لو هَز بالمهَد
من دار القدَر. ما ضل منه اثَر
ــــــــــــــــ*
مسافة دمع بيني وبينه هوه
تبچي اعيوني لو تزداد خطوه
اليسافر غير يطلع سفره حلوه
احس سفرة ابوية كلها بلوه
اذا يرجع عجب خدي تچوه
دمع فرگاه ما خلالي سلوه
ــــــــــــــــ*
ليش اتگول الأحوال أيسي ما يرد
والعاشت عالآمال يذبحها البُعد
من گد القهَر. ما ضل منه اثَر
ــــــــــــــــ*
البُعد سيف او يحز گلب الحنينة
عراق ابعيني صارت هالمدينة
الجفن من الدمع صاير سفينة
تموج ابحر الام الحزينة
انه وام البنين انون صفينة
منو اليسأل بعد عينه علينة
ــــــــــــــــ*
من سد بيده المضيف. ما مرت خلگ
لو مر يحزن الضيف. من دمعه احترگ
من هاي الكدَر. ما ضل منه اثَر
ــــــــــــــــ*
چفوفي من بعد چفه وسادة
حزن گلبي بعد گلبه سعادة
بعد مامش اصرار ولا ارادة
اذا يبعد علَي احزن زيادة
طحت واتطشرت مثل القلادة
جفن عيني اسود ابكثر العبادة
ــــــــــــــــ*
فوگ العلّه ما انام. وادعي لرجعته
ليلية اذكر الام. واشعر دمعته
واتذَكر الگمَر. ما ضل منه اثَر
ــــــــــــــــ*
خذت من عطره شمه وضاع عطره
اشبگت صدره ولگيته انداس صدره
گلت خلي اشمن عطر نحره
احس عطره اختلف وادمومه كثره
ذَبح احلامي كلها بفرد نظره
احس گلي اليسافر ما انطره
ــــــــــــــــ*
دمعه من بده ايلوح يشرح موقفه
يرسم نحره مذبوح. كله امن الگفه
من ذاكه النحَر. ما ضل منه اثَر
ــــــــــــــــ*
انتهت عشرة عمرنه وهاي هية
الأمل شيفيد لو جتي المنية
انه الكاسرني من هاي الرزية
شنو احسين انذبح فوگ الوطية
شنو والدي اتدوسه الأعوجية
شنو من جسمه ما ضلت بقية
ــــــــــــــــ*
گالوا حصة الخيل. صاير والدي
خلص عمري بالويل والهَم سرمدي
من جاني الخبَر. ما ضل منه اثَر
لخادم الحسين : مؤمل مازن الشمري ♥️
لطميه مربعه للهلال
اهلالك عذباني او دوهن أحوالي
محتاره اولچمني اليوم دلالي
لچم گلبي الهلال أو زيد اونيني
وانه املوعه أمن اصباي تدريني
اخلصهه ابقهر وبضيم يسنيني
شهرك لو يهل مايرحم ابحالي
༺༻༺༻༺༻
شهرك لو يهل يأخذ غوالينه
نضل نسوان والعدوان تولينه
رأسه اعله الرمح ويلوح والينه
محتاره وأصد بعيوني للغالي
،༺༻༺༻༺༻
گلي اشلون اصد بعيوني وانظرله
ياجرحي چبير وياهو اليشله
ماتشفى اوتطيب ابگلبي العله
حرمه أنه غريبه وماالي والي
༺༻༺༻༺༻
حرمه أويه الغرب والنار بضلوعي
سكته وبالگلب ياونتي او لوعي
تسيل وماتجف للدوم يدموعي
وكتال اخوتي يتبختر اگبالي
༺༻༺༻༺༻
چم غالي وعزيز البيك افگدنه
تسعر ماتهيد ابگلبي الونه
اموسد عالترب يبن امي اشوفنه
اصفگ بالچفوف ومدمعي هالي
༺༻༺༻༺༻
خادمة مولاتي ام البنين عليها السلام
ام محمد تقي الموسوي نسألكم الدعاء و الفاتحه لروح والدتي جزاكم الل
