بصوت. مسلم المطيري
شما وكتي افتر ابدولابه
يبقى حسين ويبقى مصابه
كلمات الشاعر
ابو محمد الموالي
بصوت. مسلم المطيري
موش تنساني اذا ينسوني
بالگبر يحسين لو نزلوني
كلمات الشاعر
الملا ناجي الصالحي
بصوت. مسلم المطيري
اهلي شكثر وصوني
كلمات الشاعر
رائد الاسدي
بصوت. مسلم المطيري
فرحان امن اخدم. گلبي گلبي
ما. أگدر اكتم. حبي حبي
كلمات الشاعر
مؤمل مازن الشمري
بصوت. مسلم المطيري
انكسر گلبي على طفلة اتبچي حالتها
كلمات الشاعر
سلام المشعل
بصوت. مسلم المطيري
يالنويت اعله السفر عندي وصيه
كلمات الشاعر
حسن بشير السوداني
بصوت. مسلم المطيري
يمهدي. لشوفتك حنينه
كلمات الشاعر
علي كاظم المنصوري
بصوت. مسلم المطيري
خادم بالمجالس
كلمات الشاعر
علي الحاج الصبيحاوي
بصوت. مسلم المطيري
الكوفه هاي الكوفه
بالغدر. معروفه
كلمات الشاعر
ابو احمد الطائي
بصوت. مسلم المطيري
ياخذ جوده اجه ويسمع رقيه
كلمات الشاعر
احمد البصراوي العبادي
بصوت. مسلم المطيري
اجن بليل وبنيات الحسين
كلمات الشاعر
ابو سلام الجابري
بصوت. مسلم المطيري
لا تگلولي وداع اخذوني وياكم
كلمات الشاعر
ناصر البو عبيد
بصوت. مسلم المطيري
يحسين يا اجمل عشگ
كلمات الشاعر
كامل السعيدي
بصوت. مسلم المطيري
تحزم براية علي وطب عالنهر
كلمات الشاعر
علي الزرگاني
بصوت. مسلم المطيري
ايسمونه خدام حسين
وبهل الاسم نتباها
كلمات الشاعر
كامل السعيدي
شما وكتــــي أفتر بدولابه يبقى حسين ويبقـى مصابه
)))))))))((((((((((
مــــــاتبرد دمعــــه عيناي فوك جفونــــي اتنوح وياي
ناذر دمعــــي وحتى دماي واركع واسجــــــد يم عتابه
)))))))))((((((((((
أقسم بضلـــــوع الزهــراه والمنحـــــر والجــف والاه
اه حسيـــــــن وطفلــه واه اه التصــــــرخ بيهه أحبابه
)))))))))((((((((((
شلون انسه الفوك التربان داسته خيـــــــــول العدوان
وبخيامـــــه اتشب النيران واتخضبـــوا بالدم اصحابه
)))))))))((((((((((
مـــــاانسه الكافل وجفوفه والماي ونبلــــــه ومعروفه
يقبلنــي اتمنى من ضيوفه هــــاليوم ارد الطم بمصابه
)))))))))((((((((((
ومـــا انسه الاكبر والنوح مـــن قدم لحسيــن الروح
طايـــــح عالغبره ومذبوح اه الجرحـــه وذاك اصوابه
)))))))))((((((((((
ومـا انسه القاسم والدمعه من طفوا بدموعـه الشمعه
ومـــن ودع امه بلا رجعه أوداع الما حاسبلـه حسابه
)))))))))((((((((((
وبضلـوعي اتشب النيران مـــــن أنظـــر فوك التربان
طايـــــح عبدالله وعطشان كون اشتم من عطر اترابه
)))))))))((((((((((
أنصار وضحـــــوا بدماهم شلون اتريــد بيوم انساهم
كل واحــــــد يتمنى وياهم بـــــالطف ويصبح محرابه
)))))))))((((((((((
وما انسه الحره المظلومه وأطفال التاهـــت بالحومه
هذا حسين وهذي أعلومه وهذا الطـــــف وهذا كتابه
)))))))))((((((((((
للخادم ابو محمد الموالي.
موش تــــــــــــنساني اذا ينسوني
بالكبر يحــــــــــــــسين لو نزلوني
""""""""
""""""""""
تدمع عيوني جنــــت لومر ضعــــن
اذكر ايتامك وانوحن عالمشــــــــن
جنت بالموكب ادك فوك المــــــــتن
اثر زنجيلك يــضل بمــــــــــــــتوني
"""""""""
"""""
اقسم اعليك بعلي وخدر المشــــت
حسين تحضرني اذا باجــــــر متت
جنت اقرالك نعي وياما صــــــحت
ما اعوفك والله لـۆ كطــــــــٽٽــعوني
"""""""""""
يمن فضــــلك سابق اعليه نعــــــم
سيدي احسبني خدم عنــــد الخدم
ما اضن خايب ارد يابو الشــــــــيم
وادري ما تنسه الدمع بعيــــــــــوني
"""""""""""
كلشي ما رايد قسم بس نضــــرتك
احسبني لو ذرة رمل يم خيــــمتك
ريت يسحكني جدم مـــِن عيــــلتك
حتى افخر عيلــتك سحــــــــــــكوني
"""""""""""
بعد يمك ضــــلت وانــــــته الوفي
اتريد تقبلني فضل يبن النبــــــــي
خيط كون اتــريد بطــــراف العبي
بعد يمك وانته ترس اضــــــــــــنوني
"""""""""""
بقلم الملا ناجي الصالحي ✏✏✏
ونسالكم الدعاء
اهلي شكثر وصوني ومن زغري علموني
درس السنين حب الحسين
*
بعالم الارحام سمعت صوت امي
يازينب اينادي وتــــــزايد همــــــــــــي
حب امي للعطشان كون جسمي
واختلط حبهم من لبنــــــــــها بدمي
وتاخذني كل قراية واسمع نعي الملاية
اصبح يقين حب الحسين
-----------------------------------------------------
من تمشي لقراية خذتنــــــــي وياها
يا فاطمة الزهرة غــــــــــــدت تنخاها
واسم الحسين اتصب دمع خلاها
وانة بحجرها وابجي لمبــــــــــچاها
ودمعي يبلل خدي من اسمة ابجي لوحدي
ايزيد الحنين حب الحسين
--------------------------------------------------------
كَمت امشي والوالد لزمنــي من ايدي
لحچي المجالــــــــــس استمع يوليــــــــدي
بكل مجلس آخــــــذ لي درس تمهيدي
ويحسين يحسين اصبــــحت ترديدي
والمله من اسمــــعة من عيني تنزل دمعة
عد الله دين حب الحسين
--------------------------------------------------------
يعلمني حب حسين ابوي ابزغــــــزي
يكَلي النجاة ابحــــــبة اريــــــدك تدري
بدمك اريــــــــــــدن حبة لازم يجــــــــري
واصبح حبيبي حسين باول عمري
بوية بطريقة اتمسك وافتهم يبني درسك
افتهمة زين حب الحسين
-------------------------------------------------
ياخذني ابوي وكال هاي الجنة
ترتاح يبني من تجي وتتــــــــهنة
هذا الطريق اوصيح لاتزل عنة
زور الحسين ولا تبــــــــــــطل منة
من اتزورة اعرف حقة ويوليدي خادم ابقة
من العاشكَين حب الحسين
-----------------------------------------------
يوليدي خادم دوم اريــــــدك الهم
فاز والف هنيالة من يخــــــــدمهم
بال النبوة اتمــــــــــسك واتبعــــــــهم
اخلص يبوية والخلاص ابحبهم
بالدنيا يعلة شانة الخادم ملك زمانة
اعلى العالمين حب الحسين
_
أسالكم الدعاء رائد الاسدي
عنوان القصيدة. { رجواه ايخدمك }
فرحان أمن اخدم. كلبي كلبي
ما اكدر اكتم. حبي حبي
واليعشگ أسمك. رجواه يخدمك
كلبي كلبي
ــــــــــــــــ*
فدوه أخذ عمري. وأنه اخذ الخدمه
مالي أبد غيرك. ولله يبو اليمه
يومية اموت اهواي. وتاخذني الك هضمه
واذكر وضع زينب. ركضت وأهي حرمه
صاحت تعاليلي لحگيلي يا يمه
هذا ابنج المذبوح. وماكو أحد يمه
ــــــــــــــــ*
وي زينب يجري. دمعي دمعي
هاك أخذ صدري. وضلعي وضلعي
خذ كلبي يمك. رجواه يخدمك
كلبي كلبي
ــــــــــــــــ*
منطيلك اوعودي. مو بس حجي الساني
من اترك الخدمه. يعني سُده ايماني
ولله احبك موت. بس ذنبي أذاني
وادري حقير أنه. يالطبعك انساني
لو لا سمح الله. والمهدي عافاني
يعني يبو الأكبر. هم انته تنساني
ــــــــــــــــ*
لو بيها ادركني الغفوه الغفوه
بس لا تتركني. فدوه فدوه
عبدك يحشمك. رجواه يخدمك
كلبي كلبي
ــــــــــــــــ*
فطرس اجه لمهدك. يدري أنته مفتاحه
ولأجلك أمر الله. يرجع اله جناحه
جيتك أنه مثله. بكليبي وجراحه
كتلك أنه ضايع. وذنوبي ذباحه
جيتك بلا راحه. وادريبك الراحه
جيت بظهر محني. وأيدي على اصفاحه
ــــــــــــــــ*
وبغصني الذابل. احچي احچي
يم جف الكافل. ابچي ابچي
وبداعة امك. رجواه يخدمك
كلبي كلبي
ــــــــــــــــ*
تهت ابمتاهه اصرخ الحگ يمحبوبي
يا منقذ انقذني. من موجة اذنوبي
وسفه ذنب وأثام. انترست اجيوبي
من گد عرگ خوفي. واسع علَي ثوبي
تنسد وصل حالي. گدامي كل بوبي
ما طب حضرتك خاف ما ترضه بعيوبي
ــــــــــــــــ*
ما طب للحضره خايف خايف
كلبي والزهره ناشف ناشف
وهسه ارد اشمك. رجواه يخدمك
كلبي كلبي
ــــــــــــــــ*
واسطتي يم الله. أنته يبو النية
انظر گطع خنصر. من ادعي بيدية
كلما اعيشك ليش. ابقه بس شوية
يمكن ذبح نحرك. ما عشته ليلية
ولله العياله اتروح بالغربه مسبية
عنده الذبح اهون. ولا تنسبي أبنية
ــــــــــــــــ*
والجثمانه أخته. تركض تركض
ما تشرب شفته. يرفض يرفض
مذبوح ارسمك. رجواه يخدمك
كلبي كلبي
ــــــــــــــــ*
عاشورك بعيني. ما ينّسي يومه
ما انسه شام النوح. ساجنله معصومه
عن كربله ابعيده. أمن الگبه محرومه
ومشتاگه زينب حيل. من الفرگه ملجومه
الغرقد يبو الأكبر. ليهسه مهدومه
نار الضلع والخيل. بالمهدي محكومه
ــــــــــــــــ*
ايجيب أمن الظالم ثارك ثارك
وتخمد بالقائم. نارك نارك
وهذا أنه سلمك. رجواه يخدمك
كلبي كلبي
انكسر كلبي اعلى طفله تبّجي حالتها
تناطــــر كاعـــده وكتلتنــي كعدتها
* * * *
شفت طفله حزينه وتكسر الخاطر
شفت مجرى دمعها بالوجه حافر
اباب البيت كعده كاعــده تناطــــر
تعاين للدرب شغلتنـــــــي قصتها
* * * *
لعب بيها القهر بالكوه تتكلم
لتحت العين لو صديت تتألــــم
بدت هالات سوده امن التعب والهم
حسرتها تفت الروح حسرتــــها
* * * *
كمت امسح دموعي بطارف ثيابي
ومنو هاي اسألت كلولي يصحابي
بنت حسين كالــــوا هـــاي يعرابي
كل الناس هاي الطفلـــــــــه بجتها
* * * *
مريضه والمرض كلش قسه وياها
والهذا السبب والدهــــا خلاهـــا
لجن افراك ابوها حيـــــل آذاها
كل يوم اليمر تتراده صحتها
* * * *
صار هواي إله لاجن أمل عدها
وهالكعده غدت كل يوم تكعدها
ما تقنــــع بعد ما يرد والدهــا
مشتاكه تشوفه افراكه موتها
* * * *
تترجه يجيها وتنتهي الفركــــه
وتركض ركضه تتلكاه وتشبكــه
وشايلها الحنين اعلى الصدر يبكه
وهي هاي الاماني العدله خلتها
* * * *
عليله امن المرض ذبلت ورد ذبلت
ومرمرها البُعد من راحــوا أوظلت
اتراده الحال من ضيم الهجر ملت
الشافاها يظن وصلــــــت منيتها
* * * *
سلام المشعل
يالنويت اعله السفر عندي وصية
اقره يبني الفاتحة واهديها لية
الله لا راواك شـــــــر الغاضرية
ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ
بالنويت اعله السفر كلبي هالليلة انكسر
حسين روحي وبرحيلك تطلع الروح
بوجهك آنه عاينت قصة امصابك شفت
و بجبينك منرسم جم نحر مذبوح
كَلب امك تعرفه اعليك يبني خايفه
وانه من هاي المسية كلبي مجروح
ارحم وريّض يبعد امك واخوتك
ريت اموت ولا سمعت بيوم موتك
هذا كَلب ام البنين ابين ادية
الله لا راواك شر الغاضرية
ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ
بيدك اتشد الضعن وانظر اضلوعي انحنن
بعيني اتصور مواقف حيل صعبة
دربك طويل وخطر خوفي يبني تنغدر
وخوفتي تحط هاي الضعينه بأرض غربة
خوفي توصل كربلا وتهجم اذياب الفله
ما ترد يرجع قميصك دم يخضبه
وصلت اهواي الكتب لارض المدينة
خايفـــــــه هاي الكتب تكَلب علينه
وانته تدري الكوفة ما عدهم حمية
ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـ
كَلبي كَلب الوالده اعليك روحي معوده
لو تروح احسب غيابك لحضة لحضة
اربع اولادي الك لو تـــــــرد المنزلك
كلها فدوه و لكن انته من يعوضه ؟
ارفع ايدي بالدعه واتجـــــــه للمشرعه
ادعي كل ساعه يربي لية حفظه
ارفع ايدي و الدمع بعيوني هالي
وانته تدري يالعزيز اشكثر غالي
إِذكر أمك يالعزيز بكل مسية
ـــــــ ـــــــ ـــــــ ـــــــ ـــــــ ـــــــ ـــــــ ـــــــ ـــــ
أبد ما فكّر بعد لا بحالي و لا ولد
انته ياهو الاغلى منك و اندعيله
بحق امك فاطمة وياك اخذني خادمة
خل اروح ويه الرباب ويه العقيله
انجوي بنار الحزن ميته تلكَاني اظن
ترضه دمعي الفركَتك من دم اسيله
يبني تدري ابلايه وجهك ليلي ضالم
خل اروحن بالضعن ويه الفواطــــــم
افرش امصلايتـــــــك كل مغربية
ـــــــ ـــــــ ـــــــ ـــــــ ـــــــ ـــــــ ـــــــ ـــــــ ــــــ
ابكربلا اتصور لون يوصل اهناك الضعن
يحتركَ كَلبي لون حركَوا خيمكم
ويه الهواشم كل فرد تطلع الروح وترد
عيوني توكع يبني لو طاحت زلمكم
ويه كل طعنة رمح بالكلب اشعر جرح
من الضمه ميته ولا تعطش حرمكم
يبني كل رمية سهم اشعر اجاني
يصهل ابداري المهر جنه لفاني
يصهل ابيتي ويسولفلي الرزية
ـــــــ ـــــــ ـــــــ ـــــــ ـــــــ ـــــــ ـــــــ ـــــــ
حسن بشير السوداني.
يمهدي لشوفتك حنينه
يمهدي اْغيابك ايــأذينه
ــــــــــــــــــــــــــــــــــــــــــــــــــ
انته هيبتنه وفخرنه ونته عزنه وســـــورنه
بيك يالمهدي نصرنه وبيك تشفه صدورنه
لطلعتك مولاي كلنه نفدي هاي انحـــــورنه
ما حظرنه العاشر احنه طلعتك عاشـورنه
ضهورك يشفي جرح البينه
يمهدي اغيـــابك ايأذينه
ــــــــــــــــــــــــــــــــــــــــــــــــــ
َننتظر ساعة ظهورك يمته يا مهدينه
يمته يتحقق حلمنه لشوفتك حــنينه
طالت الغيبه علينه ولبـعد مــأذيذنه
احنه ننتظرك يمهدي بعازتك تـدرينه
يغايـب طوليت اعلينه
يمهدي اغيابك ايأذينه
ــــــــــــــــــــــــــــــــــــــــــــــــــ
انه كل جمعه تأمل مطلعك ومّتاني
عاهديتك يابو صالح ما ابايع ثـاني
بيك تنزل رحمة الله ويكتمل ايماني
حبك امن الباري نعمه عالعدل دلاني
نصرتك بالحشر تنّجينه
يمهدي اغــيابك يأذينه
ــــــــــــــــــــــــــــــــــــــــــــــــــ
روحي مهمومه وحزينه ولوكت ماذيها
خاف باجر ميته روحي لو ظهر مهديها
وخاف متشوفك يمهدي والگبر غاطيها
كون من تظهر بجاهك سيدي تـــحيّيها
ويالاْنصار سيدي خلّينه
يمهدي اغيابك يأذينه
ــــــــــــــــــــــــــــــــــــــــــــــــــ
لو گصر عمري يمهدي ولگبر ظــــــــــمّاني
كون من تظهر تردني وكون اعيشن ثاني
كون شاهر سيفي اطلع مؤتز بـــــــكّفاني
وبين جفينك اموتن يابو صــــــــالح اني
حياتي فدوه الك والينه
يمهدي اغيابك ايــأذينه
ــــــــــــــــــــــــــــــــــــــــــــــــــ
يالغبت من عيني لجن عايش ابــــدلالي
يالسكنت بروحي وسمك ما يفارگ بالي
حلمي بين ايدك اموتن ياحبيبي الغالي
هايه امنيتي ابحياتي وهايه كل امالي
وانصرك حتى يكمّل ديني
يمهدي اغيابك ايأذينه
علي كاظم المنصوري..
خادم بالمجالس..عاشك جني عابس
بالخدمه افتخر..مننزل للكبر
......
مابين الحيا والموت حاظر كلشي كدامي
ثلثين العمركظيت وانه بخدمت ايمامي
شايف جنة الفردوس راسم كلشي بحلامي
خادم تابع باخلاص وانته السيد تحامي
والشايل عقيده..نال شمايريده
وبتالي الامر..بالخدمه افتخر
خادم بالمجالس..خادم بالمجالس
.....
خادم وافتخر خادم عن ادراك بالفكره
ارفض فكرة العاشك من يهوه على الفطره
مؤمن وبخلايا الروح من واليت للعتره
متيقن وسط كبري تحظر فاطمه الزهره
اعرف من تجيني..تاخذني بيميني
يامحله الذخر..بالخدمه افتخر
خادم بالمجالس..خادم بالمجالس
.....
صفحت سجلي وعمالي بس اثام غاطيها
بين اسطور ايامي سوده الدنيا كاظيها
باجر تنشر فعالي حته الجنت خافيها
وعندي معتقد ثابت حبي العلي يمحيها
يحظر يمي كلهم..خادمكم اكلهم
وبكل العمر..بالخدمه افتخر
خادم بالمجالس..خادم بالمجالس
....
ماعندي ذخر بيدي وانتم ذخري لسنيني
مذنب اعترف غلطان بس حبكم ينجيني
ادري بحقي شويه نار النار تصليني
لاكن يمكم حمولي وهيه الراح تحميني
حاشا الكم تخلوني..لحظه بنارتنسوني
وبطن الجمر..بالخدمه افتخر
خادم للمجالس..خادم للمجالس
....
يانار التمس صدري متوسم لطم لحسين
وياعين الاغمظها تبجي دموم هاي العين
بين الاه والحسره كبرت بيه اه سنين
حكي افتخر مشاي ماينحركن الرجلين
بين ادروب امشيها..لحسين اعتني بيها
ولحد الكبر..بالخدمه افتخر
خادم بالمجالس..خادم بالمجالس
....
للشاعر الطيب
نسأل الله له الشفاء العاجل
علي الحاج الصبيحاوي..
الكوفه هاي الكوفه بالغدر معروفه
ياسفير حسين. احذر..... لاطبعها اتشوفه
ــــــــــــــــــــــــــــــــــــــــــ
اسد ومتعب الحرايب. ودري ميهمونك
لكن احذر يبن عمي خافن ايغدرونك
ادري عالكوفه واهلها يكفي خزر اعيونك
ولو الف مره عددهه يزود مي لاوونك
غادره وغدار.ه وبيها مية شاره
ومو وجه واحد يمسلم..... الهه ميت شوفه
ــــــــــــــــــــــ
اتمنه اشد حيلي ويحلك من نهد اعليهه
الكوفه من ارض العراق وداعتك نمحيهه
مسلم وعباس هدوا. هالخبر يلفيهه
تگوم وحدهه الرگاب اطيح من راعيهه
والشرد نمشيله. والهجم ياويله
والتعنه ابروحه الـــــــنه... الا أكطع اجفوفه
ــــــــــــــــــــــ
حيهم الرايه تصيح اويانه اشمحلاهه
وطوعه لو هلهلهت النا. انكبر الله اوياهه
كبر اعله ارگاب خصمك من تسيل ادماهه
وهايه ابو الاكبر يحبهه وحيل يتمناهه
غاره تتبع غاره. ونكسر الفياره
ومانبطل من ضربهه. ... الا دمهه انشوفه
ــــــــــــــــــــــ
قبل لاتوصل حسين اجيوشهم نمحيهه
١وحالف ابام البنين ليله ماخليهه
مسلم الكوفه نجرهه ونينوه نجفيهه
والفرات اجتاف اجتفه الزينب وارضيهه
روحي اجت ملهوفه. تريد دم الكوفه
وراح اخلي الخيل تردم... والزلم مجتوفه
ــــــــــــــــــــــ
أدعي ابو الاكبر نروح اثنينه ايخلينه
وداعتك يابو حميده الا اكحل عينه
ياهو دگ صدره العدونه انجيبه مجتفينه
وابن مرجانه ارد جيبه سحل يم رجلينه
حالف بكل ايه. لو عگدت الرايه
اردم الكوفه اعله اهلها.. بضربه مامئلوفه
خادم الزهراء ع ابو احمد الطائي
منهاج محرم الحرام الحرام 1447 هـ
أبا الفضل العباس (عليه السلام)
ياخذ جوده اجه ويسمع رقيه
بحضنها الجود وتوصيه وصيه
إنطي الماي لو رادوه
بس عباس لَيجرحوه
بحضنها الجود وتوصيه وصيه
بحضنها الجود واتگله العطش فدوه
ترى مو إنت تروي بصاحبك نروه
وترى صار إلك صيت وتمتلك حظوه
چي عباس جاسك اصبحت تسوه
ويا جود استمع هاي
روح وبَلّغ الماي
گِله اتگول الاطفال
اليهمهم عمهم هواي
أما انت شي مو مهم ليهم
ويشربونك اذا قَبَلّت اديهم
وعطاشى العمر لو يگضوه
بس عباس ليجرحوه
بحضنها الجود وتوصيه وصيه
ــــــــــــــــــــــــــــــ١ـــــــــــــــــــــــــــــــــ
گعد عباس يسمع لنها تسترسل
الگمر والله نَفَسنَه اليصعد وينزل
شوف الـ بالخيم واقسملك إحنه الكِل
جرح مو بالگمر بالخوذه ما نِحمِل
تدري شكثر نهواه
لَمَن نمشي وياه
لو ملكولنه الكون
هم ما نِهد يمناه
وإلا بإيده نلزم لو مشينه
واحنه هواي بس يلزم ايدينه
وگِلهم كل طفل مَوَتِوه
بس عباس ليجرحوه
بحضنها الجود وتوصيه وصيه
ـــــــــــــــــــــــــــــــ٢ــــــــــــــــــــــــــــــــ
الگمر ينظرها لكن هي ما تعلم
وتشبگ جوده واتگله ارد ازيل الهَم
وعطرك عطر أحلى وأغلى وأترف عم
خليني اعله كيفي ومنك أشبع شَم
ومَتنَه الشالك بيوم
انه اعليه چنت دوم
وكثر ما افرح هناك
أحس اعلى من النجوم
الله عمي حنيته شكبرها
ويَجود المشرعه ايخَوّف غدرها
الحنين الوادم ايغدروه
بس عباس ليجرحوه
بحضنها الجود وتوصيه وصيه
ــــــــــــــــــــــــــــــ٣ـــــــــــــــــــــــــــــــــ
كثر ما تبچي جوده ايطيح من عدها
وترفعه بچفها بس من تِمسَحَه بخدها
تطيح عيونها اعله الگاع مَتردها
وجوده يطيح فوگ الترب ما ودها
هي تگول العيون
هسه ويِنعِمن كون
ولا اباوع لعباس
جرح واحد يجرحون
كون هنا اموت وآنه انعه
ولا عباس اسمع ماله رجعه
هسه العمر لو ينهوه
بس عباس ليجرحوه
بحضنها الجود وتوصيه وصيه
ــــــــــــــــــــــــــــــ٤ـــــــــــــــــــــــــــــــــ
علگ بالجود شَدَّت شاف ابو فاضل
ولَن هذا العلگ من راية الكافل
شَاهَد چفها لَن ثاني علگ شايل
من خيمة أم عون اتگله تستاهل
وتگله بذيچ الدموع
بحرگه وگلب موجوع
ثق لو بيدي چا بيك
أشد گلبي اويه الضلوع
وعلگ بي مسحت الجود وتِرِدَه
لعباية عمتي هذا شلون أشِدَّه
زحمه الوادم يشوفوه
بس عباس ليجرحوه
بحضنها الجود وتوصيه وصيه
ــــــــــــــــــــــــــــــ٥ـــــــــــــــــــــــــــــــــ
طلعت وبوجهَّا الگمر نظرتَّه
ونحبت مدري ضحكت لچن حضنَتَّه
ومثل شم الورد من نحره شَمَتَّه
وسمع كلشي الحچَتَّه لجوده عرفَتَّه
وصار انوب الوداع
رقيه وعمها للگاع
هِوَو بس حلوه الاوكات
لازم تنگضي بساع
راح وعمي صاحت بعد ترجع
يحچي ايريد لكن حسره تطلع
گالت موتي خَيعَجلوه
بس عباس ليجرحوه
بحضنها الجود وتوصيه وصيه
ــــــــــــــــــــــــــــــ٦ـــــــــــــــــــــــــــــــــ
أحمد البصراوي العبادي
نسألكم الدعاء والفاتحة لوالدّي
وخادمكم بأمس الحاجة للدعاء
اجن بليل وبنيات الحســــــــين
يدورن والدمع مافارك العيــــن
اجن بلــــــــــيل ويدورن وليهن
وحبالي الــــــسبي تاكل بديهن
يدرن راح مايرجع علــــــــــيهن
وباجر بــــــــسبي يطبن دواوين
اجــــن ودموعهن تاكل بلجفون
يشــــكن عد ابوهن من العيون
بنظرات الشمــاته الكل يصدون
سكته ونوحهن وبطــرك الونين
اجن سكته بونين وكعدن حذاه
وكلله يبويه المــــــــــــاي جبناه
بس راسك سليــــــب وين نلكاه
تدري نظل بعد عينــك مساكين
اجن وجدامهن بيهــن جمر حار
وكالن هل وصلنه وجبنه الخبار
لا ظلت خــــــــــيم لامن بعد دار
وحنه اليوم حرنه بهــــل ميداين
حرنه خلاف عيــــنك بين الجناب
ومدلل بناته توســــــــــــــد تراب
من بعــــدك يويه وهل عمر غاب
ونگظــــــيهن دمع ياباقي السنين
ابو سلام
لا تگلولي وداع اخذوني ویاکم
لا تعوفوني اذوب ابهم بلیّاکم
طفله ما اَحمل قهر
ویني و وین السهر
لا تگلولي وداع اخذوني ویّاکم2
*
طفله و بعیني الأمل یبعث سلامي
وینتظرکم گلبي یبقی و هْوَ ضامي
شلون ترضون ابقي وحدي ابلا محامي
لا تعوفوني یجف دهري ابتسامي
تطفه بسمة روحي والله لو تعوفوني
شمعه آني و النواصب راح ایطفّوني
راح ایذوّبني الدهر
ویني و وین السهر
لا تگلولي وداع اخذوني ویاکم 2
*
بویه شو عبدالله نحره ایشع شهاده
و شو رقیه اتبث سبي عدهه الگلاده
اشمحله من تفرش الک بویه السیاده
اْوْیاک تعرج للسمه ابحین العباده
بویه شو حتی بچفوفک صرت اشم یُتمي
حین تمسح راسي چانت تبچي دم امّي
خایفه ایطول السّفر
ویني و وین السهر
لا تگلولي وداع اخذوني ویاکم 2
*
بویه ضمني الصدرک الینضح حمیه
من عطر صدرک اشم عطر الزچیه
بویه خذني ویاک لرض الغاضریه
راح اشتاق العطر شیلة رقیه
عیني متروسه غلق و بگلبي ساعوره
خایفه اتگلي ابوچ ایلاگي عاشوره
خایفه ایغیب الگمر
ویني و وین السهر
لا تگلولي وداع اخذوني ویاکم 2
*
چنت اذا چف الحزن یبضع جروحي
جربة العباس اشمها و تروه روحي
واعلی شیلة عمتي زینب انسی نوحي
و هیه تمسح دمعتي و بذاني توحي
عمه دمعة ناظرچ یصعب علَيْ قطره
لن تذکرني ابدمع خد امّيِ الزهره
وبضلعها الّي انکسر
ویني و وین السهر
لا تگلولي وداع اخذوني ویاکم 2
*
بویه عصره ابگلبي تشبه عصرة الباب
راح یشب باب الگلب من نار الغیاب
لا تعوفوني وحیده ابّین الذیاب
راح یذبل گلبي والله ابجمر العتاب
بویه راح ابقی بهجرکم اعلگ اشموعي
دمعة اشموعي تون من ونة ادموعي
اسکب ادموم النظر
ویني و وین السهر
لا تگلولي وداع اخذوني ویاکم2
*
خادم خدمةالحسین ع
ناصرآلبوعبید.
يحسين يااجمل عشگ .. عايش وسط دلالي
غالي وزرعتـك بالگلب .. ماعندي غيرك غالي
يا نور العيون ،،،، بيك آنه مجنون
عايش وسط دلالي
////////////
يالعليك اتعوَدت .. غير دربك ماردت
خلاني مهيوب
يالنجاتي ابخدمتك.. روحي تعشگ گبتك
يااغله محبوب
من چهبتك من ضريحك عنبـرك فاح
اوياك مهيوب ابخدمتي وحيل مرتاح
اي وحق راعـي الكفاله العل نهر طاح
من غــدر عذالي املك حبـك اســلاح
صرت آنه خادم منبرك … ونته المْبـارك بيه
والزهره تلطم عالوجه … من ابدي بالطميه
ماحبك اشلون ،،، بيك آنه مجنون
عايش وسط دلالي
©©©©©
اهلال شهر المعظله.. بالسواد استقبله..
اوصينية اشموع
وبسم أهل بيت النبي.. ابدي انصب موكبي..
ومحظر ادموع
احــــترگ مثل الخيـام ابنار فرگاك
وتترس الدنيــه دمعتي لمـن انعاك
ألچــم كل ما اگــولن ما حظـــرناك
يوم عاشـر سيدي كون احنه وياك
ياليتنا ابطف كربله .. گبلك نطب للحومه
واحدنه عابس بالحرب.. لجلك يشگ اهدومه
بالدم يضحون .. بيك آنه مجنون
عايش وسط دلالي
©©©©©
خاف ماعيش السنه .. اتعود اخدم انه .. لبن الزچيه
بالگبر خاف انحرم .. ماكو زنجيل ولطم.. وشلون بيه
ربي احلفك ابحبيـب ودمـــع عابس
تجــعلنه ابعــــالم البـرزخ مجـــالس
حبنه الك يحسـين صار ابلا منافس
كلشي من دونك يصير ابغير واهس
من مخلصينك سـيدي …. سجلني ورحم حالي
ارزقني حسن العاقبه …. يالقــاري كل اعـمالي
وبنيتي تدرون … بيك آنه مجنون
عايش وسط دلالي
©©©©©
بحتظاري وموتتي … وحتى لحظة دفنتي … تحظرني ادريك
ابثقت حُبنه انكلمك … حاشه تترك خادمك … من يرتبط بيك
ولأن ادري ابمجلسك تحضر الزهـره
كون امــوتن وآني فوگ المنــبر اقره
بلكــي تبچيلــي ولو يحســــين قطره
حتى افوزن والسراط ابلحظه اعبره
وشگبر بخته الينقبل …. ونته التصدق اعماله
بالجنه توگف فاطمه …. وتهـــيء استــــقباله
كل هذا مضمون … بيك آنه مجنون
عايش وسط دلالي
©©©©©
العاش مخلص من صدگ ... ثوبه ابد ما يلثگ ... ويعيش سلطان
يالتحت ضِل خيمتك… ابفخر عاشت شيعتك … صرتلها عنوان
يا اعْذيبـي وكل وكت تستـــورحه الناس
اهـواي بالمجلس نسيــمك طيـب انفاس
اوياك اسولف سيدي ابكل رِقّه وحساس
المنتمــــيلك گَضّــه عمــره رافــع الراس
يا رحمة الله الواسعه ….. يالمكتفين ابخيرك
يالغرگتنه ابنعمتك ….. ماعدنه صاحب غيرك
يالتارس الكون … بيك آنه مجنون
عايش وسط دلالي
©©©©©
الخادم
كامل السعيدي
اتحزم ابراية علي وطب عالنهر
وصار يومه اعله اليضدونه شهر
مو بسيفه ماتو امن اخياله
،،،،،،،،،،،،،،،،،،،،،،،
نزل بيهه وطب عليهه
يومه چنه القارعه
عنده غايه وبيده رايه وهوس اعله المشرعه
سيفه بيده ابن الصميده هذا طيب مرضعه
السمع صوته گرب موته والعذر ماينفعه
الركض ميت والوگف ياحاله
مو بسيفه ماتو امن اخياله
،،،،،،،. ،،،،،،،،،،،،،،
زوده بالطف ما توصف والغضب بعيونه
چفي حلهه وآنه الهه يگول وايسمعونه
جيش شارد واكو اللابد وفنهم ايلاگونه
ركضاهه وشد وراهه وصوبه مايدنونه
ميت الي جابه حضه گباله
مو بسيفه ماتو امن اخياله
،،،،،،،،،،،،،،،،،،،،،،،،،،،،،،،،،،،،،
چنه حيدر ليث هزبر والعذاب اجفوفه
سيف باشط من يزامط وصلاهه الكوفه
روس طارت لمن لاگت يمنته المعروفه
الموت عنده من يگصده الگوم كل ملهوفه
صطرته لهل الغدر چتاله
مو بسيفه ماتو امن اخياله
،،،،،،،،،،،،،،،،،،،،،،،،،،،،،،،
لمن يمشي مات كلشي الخيل والمشايه
چنه يقره ومن يفسره سيفه بالطف آيه
بالشريعه حل فجيعه وتعب الرمايه
دخيل صاحت كلهه طاحت طبهه راعي الرايه
وهمه يوصل ماي يروي عياله
مو بسيفه ماتو امن اخياله
،،،،،،،،،،،،،،،،،،،،،،،،،،،،،،
عنهه مارد عبرت الحد للنجف وداهه
الزلم قله وسيفه سله موت بيه راواهه
حرگه عنده ومن يردهه المشرعه چواهه
سهم عينه وچف يمينه لجل اخوه انطاهه
مات بس ضلت لهسه افعاله
مو بسيفه ماتو امن اخياله
،،،،،،،،،،،،،،،،،،
خادم اهل البيت / علي الزركاني
ايسمونه خدام حسين وبهل أسم نتباها
ـ/////////////////ـ
بينه اليلومون اهواي واهل البدع سمونه
گالو خــرافه اتلطمون وبـلا عقل تهمــونه
لكن وحق دم حســــين ما گدرو ايغيرونه
بعين الظلم شوكه انصير وعدانه عجزناها
ايسمونه خدام حسين وبهل أسم نتباها
ـ//////////////ـ
ابدمــنه العهد وقعنا ما نترك ابن الزهره
موعن طمع حبينا حب خالص وعل فطره
بالشده الحسين ايصير خيمه اعله روس الفقره
لوما وجوده ابهل كون هل نعمه ماشفناها
ايسمونه خدام حسين وبهل أسم نتباها
ـ/////////////ـ
حسين مو بس محبوب حسين عِبره وعَبره
والرايد العزه ايروح يخـدم اباب الحظره
يتسجل اويه الخدام ياخذ امراده واجره
الخدمه مكروهه اهواي بس خدمته شمحلاها
ايسمونه خدام حسين وبهل أسم نتباها
ـ/////////////ـ
شيعة علي ومتربين ومنبر حسين انجله
نعرف ابيا درب انسير وحنه العدل نندله
وحسـين علمنه انصيح هيهات من الذله
وبكل مجالس عاشور هل كلمه رددناها
ايسمونه خدام حسين وبهل أسم نتباها
ـ////////////////ـ
حســـــين قبله وقرآن ومنور المعموره
ننصـبله مأتم كل عام لمن يهل عاشـوره
كلشي عدم عدنه ايصير لوماوجوده ونوره
ضحينه من اجله ارواح والدنيه طلگناها
ايسمونه خدام حسين وبهل أسم نتباها
ـ//////////////////ـ
الخادم
كامل السعيدي
