1065
شعر ، وشعر فقط / أنا لو اني في حياتي مخير ؟ ماكان خليتك وأنا خاطري فيك ! \ للتواصل @sh3r00_bot
^
تتابعت خلف الشهور !.. الأسابيع
والشوق واقف .. و الحنين متركّي
خل السكوت يسود كل المواضيع
أنا أكبر من اللوم .. ومن ، التشكّي
من أبسط حقوق الكلام إنّه يْضيع
الواقع أصدق !.. من يقيني وشكّي
لا تنتظر منّي !.. ( عبارات ) توديع
ما عندي ألّا الضحكة .. اللي تبكّي
^
ياجميله ترانا ،، كلنا ،، مسلمين
كل شي يجوز ،، الا طريق الهجر
الوصل ضني انه يجوز للصايمين
من بعد ساعة الافطار لين الفجر
حددي وقت من ساعه اللى ساعتين
بعدها عاد سوي للمشاعر حجر
انتي تدورين الاجر وانا حزين
صدقيني ليا كلمتي ان في اجر )؛
^
دوك خيط، ودوك جـرح، ودوك الابره
شفني مسـلمك الامـر انت وضـميرك
جيـت لك مـعـاد لـي بالـحـال دبـره
لان ما يـقـدر يخـيـط الجـرح غـيرك
^
لا تخليني على دربك .. وداعه
القلوب العاشقه ماهيب صلبه
ودي بوصلك لو إنه .. ربع ساعه
طالبك لو كان مافي الوصل طلبه
راضيٍ في كل شي إلا .. القطاعه
لا تقاطع واحد " قطعت قلبه "
^
,
جعله فطورك يالغضي طيب الفال
يروي ضماك عقب الجهـد والمصاميل
ليت الفطور يفطـر بـه القلب لامـآل
وتروي ضمـآ منهو ضمـآ للموآصيل
^
أشتقت ! والي حط في قلبي الشوق
" ما فيه ليل يْمرني ليل هادي "
في داخلي غصّة وفي صدري فْتوق
ولا رحت أدوّر عند غيرك ضمادي
فرقت في عيني ولا فيه مخلوق ؛
ينافسك والي ينافسكْ غاااادي !
ياليتك " العادي " ولا تملك فروق
واستسهلك ويْكون فرقاك " عادي "
^
عادي لو إنّ من قسى ظروفنا نروح
لكن يروح الحب ؟! ماهو بعادي
ياللي تحسب إنّي ليا صرت مجروح
إنّي بعاف الوصل ؟ شرواك غادي
أبيه .. لو إنّي من الضيقة آنوح
وهو يبيني .. لو يغيضه عنادي
أيّام يسري ليلها ضحك ومزوح
ونهارها فارق ، ورايق ، وهادي
فقدتها فقدٍ أردّه عن البوح ؛
لو تنزل الدمعة معه لا إرادي
مازال رغم فراقه أقرب من الروح
ومازال في وادي وغيره فـ وادي
^
جعل السهر والضيق فدوة مُواطيه
والطاري الي لو تناسيت جابه ؛
عسى الله يجمّل حياته ويعطيه :
" حظٍ عظيم " و" دعوةٍ مُستجابه "
^
لك الغلا الي ما خذوه القريبين !
لو ما عرفهْ إلّا " الكتاب المسطّر "
تعال .. لو راحوا حبايب وغالين
لو تستضيق نْفوس وتْشين خطّر ،
وإن غبت عن عيني وعد والوعد دين
" بعيش وقلبي للمجيّ يْتنطّر " ..
^
قلبك تحوّل و أثرّت فيه الأيام
وقلبي على حطّة يدك ما تحوّل
مثلي حرام إنك تحسّسه الآلام ؛
ومثلي حرام الضيق فيه يطوّل
يزهمكْ جفنٍ من سواياك ما نام
كنّه على مسح الدموع يتسوّل !
و يعذركْ صدرٍ ما رحمته من العام
يستصغر أغلاطك معه ما يهوّل ..
^
ماكنت احبك حب نزوه وتدرين
بالخافي اللي عنك ماهو بـ خافي
واذا نويتي عقب حبي ؛ تحبين
أمانتك حبي الشجاع السنافي
^
يا حبيبي يومٍ يجيبك يجي له ( معنى )
قيمته من قيمتك >> يا غايتي ومرادي
مد حبل الوصل قبل ظروفنا تمنعنا
واترك التاريخ .. لا الهجري ولا الميلادي
مانبي تاريخ " متميّز " لـ اجل يجمعنا
لا اجتمعنا انميز التاريخ لو هو عادي ..!
^
من قديم الوقت لاخر ذكرياتي
والله إن قلبي من الضيقه تشوه
'
على نفس الطريق اللي لقيتك فيه قبل اعوام
طرى طاريك واجتاحت دموع العين خدّيني
كفلت الدمع بيديني مثل ماتِكفل الايتام
على ماهلّته عيني . . جزا الله خير يدّيني
رحلت ولا رحل طيف الغلا والشوق والالهام
وعلى قل التواصل والهجر ماطحت من عيني
'
'
ما كل ّ حيل الحب فيني ولا مل ّ
ولا وهَن عود الشعور .. وتمايل
ولا تغيّر لك "حنيني" ولا قل ّ !
الله يدري وش لك القلب شايل
'
^
عاجز عن الشكر ياليل رمضان القصير
مايمدي الحزن ياكل فيك كل جسدي
من قبل لاوادعك لابد تذكر بخير
ياللي مزاياك لاموحش ولا سرمدي
لو ان الانسان عن حزنه مايقدر يطير
لكن بك القلب يخشع والنفوس تهدي
عساك باعمارنا مانت رمضان الاخير
ويقبل بك الله دعاي وطاعتي وجهدي
^
يارب صدري شال من مر الاحساس
مالا يشيلنّه متون البواخر
ماودي إن الضيق يفطن له الناس
ويْطيح بين ايدين عاذل وساخر
يارب أنا لي قلب طيب وحساس
ليت الشعور الي حَضَنهْ يْتباخر
ولأنك الرحمن مايدخله ياس
وعنده أمل تجبرهْ عشر الأواخر
^
أشتقت لك حتى وحنا برمضان
الشوق مابه صوم وافطار وسحور
معقولة أجلس وانتظر وقت الأذان!
عشان اقول أشتقت لك بعد الفطور؟
ماهو حرام اقول احبك برمضان
أي والله أحبك مثل باقي الشهور
أن كان حبك ذنب يانور الزمان
أقول أنا أحبك وأقول الله غفور
^
انتي قدر .. من يقدر يرد القدر
وانتي سما فيها سحاب الامنيات
عمر الهوى ماقدر اوراق الشجر
انا معك .. لين النهايه والممات !
^
انا فوادي من اللوعات ماهو خلي
واصوم لكن شفوق قلوبنا ما تصوم
يا الغايب اللي لو الدنيا تردك علي
عيدت والعيد باقي له ثلاثين يوم
^
يا الّي غيابك شر ومْواصلك خير
يرضيك عوّدنا على طير يا الّي ؟
وشلون يجرحني كلامك ولا ادير
ظهري .. وأهدّي ضيق صدري وغلّي
وقلّي وش أقسى من دموعي وأنا غير ؟
ووش غيّرك وأنا أتحفّاك .. قلّي ؟
تعال مع فرحة من احساسها آطير
وأنا أوعدك لا جيت أرحّب وأهلّي
^
نلهى لكَّن قلوبنا صعب تنسى
ما ينّسي ليلٍ جمعنا .. ولا عاد
والظرف لو هو حَد الأجواد تقسى ؟
يبقون رغم الي عثى فيهم أجواد ..
^
هذا مُكانك فـ ايسر الصدر محفوظ
أوّل ربيعك فيه وآخر مبيتك ؛
وهذا الشعور الي على الوجه ملحوظ
أحّس لا منّي نسيته عصيتك !
وعذب الكلام الي من شْفاك ملفوظ
لا من طرى عفت المنام وسريتك
وعلى الأراضي السبع مافيه محظوظ
" إلاّ أهل بيتك وزوّار بيتك " ..
^
بكيت الموادع وأقرب الناس ما يدرون !
دُموعي وش الّي من عُيوني منزّلها ؟
لك الّي أبيّن قلّته .. وأكثره مكنون ؛
ولك ذكرياتٍ ما قدرت أتجاهلها
على مامضى ليّ معكْ أنا الشاكر الممنون
وعسى المقبلة ربّي وربّك يسهلّها ؛
لو أضّم صدرك ببتسم والشعور يهون
" لكَّن ضمتك ما الله علينا محللها "
^
يِزْعلني إنْك تبدّي الناس والناس
مافيهم اللي كثر قلبي سعى لك
ما أعاتبك إلاّ وأنا أكّـن الاحساس
الي على رغم المسافة .. وفى لك
ما للشعور الي ورا الصدر مقياس
وما فـ الحياة الي عوَضكْ وبدالك ؛
أمانتك قلبٍ " رهيّف وحسّاس "
عليه من جرح " القسى " دير بالك ..
^
مناقع الما ، ذكريات المقفّين ،
مثل السحايب بلّلونا ، و راحوا
^
ما أشتقت لك أشتقت لي وياك
أشتقت أحس إني على حيلي
نسيت نفسي ما قدرت أنساك
تغيرت دونك تفاصيلي
,
حنا القديمين مهما الوقت غيرنا
نحط نفس العطر ، ونثقّل القهوة
,
'
مرت بعَدك ظروف ووجيه واصوات
ولا قدرت ؛ انساك . . ولا تناسيت
ماهو صحيح ان ( كل متوقع آت )
ياما توقعتك تجي وانت ماجيت !!
'
^
هذا ومني وعد ؛ تبقين لين الزوال :
في ذمة القلب لو مـ انتي على ذمتي
..