1065
شعر ، وشعر فقط / أنا لو اني في حياتي مخير ؟ ماكان خليتك وأنا خاطري فيك ! \ للتواصل @sh3r00_bot
^
أشتقت ! والي حط في قلبي الشوق
" ما فيه ليل يْمرني ليل هادي "
في داخلي غصّة وفي صدري فْتوق
ولا رحت أدوّر عند غيرك ضمادي
فرقت في عيني ولا فيه مخلوق ؛
ينافسك والي ينافسكْ غاااادي !
ياليتك " العادي " ولا تملك فروق
واستسهلك ويْكون فرقاك " عادي "
^
عادي لو إنّ من قسى ظروفنا نروح
لكن يروح الحب ؟! ماهو بعادي
ياللي تحسب إنّي ليا صرت مجروح
إنّي بعاف الوصل ؟ شرواك غادي
أبيه .. لو إنّي من الضيقة آنوح
وهو يبيني .. لو يغيضه عنادي
أيّام يسري ليلها ضحك ومزوح
ونهارها فارق ، ورايق ، وهادي
فقدتها فقدٍ أردّه عن البوح ؛
لو تنزل الدمعة معه لا إرادي
مازال رغم فراقه أقرب من الروح
ومازال في وادي وغيره فـ وادي
^
جعل السهر والضيق فدوة مُواطيه
والطاري الي لو تناسيت جابه ؛
عسى الله يجمّل حياته ويعطيه :
" حظٍ عظيم " و" دعوةٍ مُستجابه "
^
لك الغلا الي ما خذوه القريبين !
لو ما عرفهْ إلّا " الكتاب المسطّر "
تعال .. لو راحوا حبايب وغالين
لو تستضيق نْفوس وتْشين خطّر ،
وإن غبت عن عيني وعد والوعد دين
" بعيش وقلبي للمجيّ يْتنطّر " ..
^
قلبك تحوّل و أثرّت فيه الأيام
وقلبي على حطّة يدك ما تحوّل
مثلي حرام إنك تحسّسه الآلام ؛
ومثلي حرام الضيق فيه يطوّل
يزهمكْ جفنٍ من سواياك ما نام
كنّه على مسح الدموع يتسوّل !
و يعذركْ صدرٍ ما رحمته من العام
يستصغر أغلاطك معه ما يهوّل ..
^
ماكنت احبك حب نزوه وتدرين
بالخافي اللي عنك ماهو بـ خافي
واذا نويتي عقب حبي ؛ تحبين
أمانتك حبي الشجاع السنافي
^
يا حبيبي يومٍ يجيبك يجي له ( معنى )
قيمته من قيمتك >> يا غايتي ومرادي
مد حبل الوصل قبل ظروفنا تمنعنا
واترك التاريخ .. لا الهجري ولا الميلادي
مانبي تاريخ " متميّز " لـ اجل يجمعنا
لا اجتمعنا انميز التاريخ لو هو عادي ..!
^
من قديم الوقت لاخر ذكرياتي
والله إن قلبي من الضيقه تشوه
'
على نفس الطريق اللي لقيتك فيه قبل اعوام
طرى طاريك واجتاحت دموع العين خدّيني
كفلت الدمع بيديني مثل ماتِكفل الايتام
على ماهلّته عيني . . جزا الله خير يدّيني
رحلت ولا رحل طيف الغلا والشوق والالهام
وعلى قل التواصل والهجر ماطحت من عيني
'
'
ما كل ّ حيل الحب فيني ولا مل ّ
ولا وهَن عود الشعور .. وتمايل
ولا تغيّر لك "حنيني" ولا قل ّ !
الله يدري وش لك القلب شايل
'
^
الليل طعمـه سهر ي نـآيم ليلك
ليتك تذوقـه مثل مـآشفتك وذقتـه
الحيـن وقتـي بسولف لك وبشكيلك
مو انت قايل حـلآة الشـي في وقتـه
^
ما يوجع البعد . . لكـن الولَه يوجع !
يا آخر اخبار قلبي ، وش هي اخبارك ؟
مدري متى آخذك وامشي ولا نرجع
وأصير دارك . . اذا حنيت لـ ديارك
^
من زبنتي في قفص صدري من اوّل مرّه
ارتعي بين الضـلوع ؛ وغامري ؛ واتّجهي
انتي بوجهي .. من ايام الحياة " المـرّه "
ليـن اخليهـا مـع الأيـام . . تكره وجهي
^
فقدنا في ليالينا مواعيد . . وفقدنا " ناس "
مشوا معنا الطريق أكثر من اللي مافقدناهم
حبايب كم دعينا الله عساهم مايرون الباس
وعسانا كثر ما اشتقنا لهم في يوم ؛ نلقاهم
يجي يوم ويجيب الله لنا من صوبهم نسناس
طرف علمٍ يطمنّا .. ونَعرْف "إنّا وحشناهم"
^
ألقوا فؤادي في غيابة جبهم
يارب يوسف مدني بالقافلة .
^
يا الّي غيابك شر ومْواصلك خير
يرضيك عوّدنا على طير يا الّي ؟
وشلون يجرحني كلامك ولا ادير
ظهري .. وأهدّي ضيق صدري وغلّي
وقلّي وش أقسى من دموعي وأنا غير ؟
ووش غيّرك وأنا أتحفّاك .. قلّي ؟
تعال مع فرحة من احساسها آطير
وأنا أوعدك لا جيت أرحّب وأهلّي
^
نلهى لكَّن قلوبنا صعب تنسى
ما ينّسي ليلٍ جمعنا .. ولا عاد
والظرف لو هو حَد الأجواد تقسى ؟
يبقون رغم الي عثى فيهم أجواد ..
^
هذا مُكانك فـ ايسر الصدر محفوظ
أوّل ربيعك فيه وآخر مبيتك ؛
وهذا الشعور الي على الوجه ملحوظ
أحّس لا منّي نسيته عصيتك !
وعذب الكلام الي من شْفاك ملفوظ
لا من طرى عفت المنام وسريتك
وعلى الأراضي السبع مافيه محظوظ
" إلاّ أهل بيتك وزوّار بيتك " ..
^
بكيت الموادع وأقرب الناس ما يدرون !
دُموعي وش الّي من عُيوني منزّلها ؟
لك الّي أبيّن قلّته .. وأكثره مكنون ؛
ولك ذكرياتٍ ما قدرت أتجاهلها
على مامضى ليّ معكْ أنا الشاكر الممنون
وعسى المقبلة ربّي وربّك يسهلّها ؛
لو أضّم صدرك ببتسم والشعور يهون
" لكَّن ضمتك ما الله علينا محللها "
^
يِزْعلني إنْك تبدّي الناس والناس
مافيهم اللي كثر قلبي سعى لك
ما أعاتبك إلاّ وأنا أكّـن الاحساس
الي على رغم المسافة .. وفى لك
ما للشعور الي ورا الصدر مقياس
وما فـ الحياة الي عوَضكْ وبدالك ؛
أمانتك قلبٍ " رهيّف وحسّاس "
عليه من جرح " القسى " دير بالك ..
^
مناقع الما ، ذكريات المقفّين ،
مثل السحايب بلّلونا ، و راحوا
^
ما أشتقت لك أشتقت لي وياك
أشتقت أحس إني على حيلي
نسيت نفسي ما قدرت أنساك
تغيرت دونك تفاصيلي
,
حنا القديمين مهما الوقت غيرنا
نحط نفس العطر ، ونثقّل القهوة
,
'
مرت بعَدك ظروف ووجيه واصوات
ولا قدرت ؛ انساك . . ولا تناسيت
ماهو صحيح ان ( كل متوقع آت )
ياما توقعتك تجي وانت ماجيت !!
'
^
هذا ومني وعد ؛ تبقين لين الزوال :
في ذمة القلب لو مـ انتي على ذمتي
..
^
حتى فساتينك بها كبر وغلوّ
عشانها تحضّن جسدك وترتديك
أسود حلو أحمر حلو أبيض حلو
حتى اللذي ماهو حلو - حلو عليك
^
صرت من حلمٍ حقيقي لـ حلمٍ مستحيل
( اعترف به ) بس ماله على الواقع محل
مارضيت اكون هامش ، ولا ارضى بالقليل
لو وطيت الجمر ؟ عادي ، ولا آطا في وحل
^
محبتك أمانة .. لا تفكّر بـ يوم انساك
انا حالف احفظ لك أمانتك لين تعود
^
مـا شفتني بين التهاني والأنغام !
أنا الشموع اللي حبايبك "طفّوا"
^
يالحــياة انهد حيلي وطحت مْن الثبات
ويش ابجني منك مادامك انتي(الجانيه)
مـن كثر مانيب ميت عـلـى قيد الحياة
مـنصـدم اني ابآمووت . .مـره ثــانـيـه )؛