1065
شعر ، وشعر فقط / أنا لو اني في حياتي مخير ؟ ماكان خليتك وأنا خاطري فيك ! \ للتواصل @sh3r00_bot
^
مـا شفتني بين التهاني والأنغام !
أنا الشموع اللي حبايبك "طفّوا"
^
يالحــياة انهد حيلي وطحت مْن الثبات
ويش ابجني منك مادامك انتي(الجانيه)
مـن كثر مانيب ميت عـلـى قيد الحياة
مـنصـدم اني ابآمووت . .مـره ثــانـيـه )؛
^
غيبتك توجعني وأنا الموجوع
اللي يحب حْضورك إن بنتي
ٰ
كيف أمتلت عيني بعدك دموع ؟
وأنا ما يملى عيني إلاّ .. أنتي !
^
ياحلم الحياة أنا بدونك بدون أحلام
ياويلك من الله كيف تصبر على فراقي
أنا معك مثل الطفل ابو خمس ست أعوام
على ادناة حاجه ،، تقدر تزيّن أخلاقي
^
أنت وينك ؟ .. ياوجع هالسؤال
ضاق صدرٍ .. كان بـ الدنيا : وسيع
الحزن : ماكان من .. وحي الخيال
وصوت راشد بـ الحزن : جداً بديع
أنكسر ، وأشتاق ، لاغنّى ، وقال :
"حبنا ،، يانور عيني ،، لايضيع !"
^
ما قلت لي ، وشلون خليت الأيام ؟
ما تضحك ... إلا وأنت قـدام عيني
^
لاسألتك : هو متى وقت اللقاء
كان ردك لي يجيب الله ( مطر )
والمطر مالي الشوارع وش بقى
مابقى لي غيير حظنك والعطر
^
وان ضاع عمري ف وجهك جعله يضيع
على الاقل ضاع في حاجه .. جميله :)
^
ما ابيك تهديني ولاني بمهديك
تكفي بهذا العيد .. حسن النوايا
كانك بظهر الغيب تدعي لغاليك
دعواتك اغلى من جميع الهدايا
^
لازلت في قلبي مثل مانت ساكن
ياما من عروقه رويت وتخيّرت
.
ناسك وأصاحيبك وحتى الأماكن
تغيّـــروا .. إلّا انا ما تغيّرت
^
ودنا يا ابو قحط بالجايزه .. لكنه :
تهزم زحول الملاقى نظرة الغرنوقه :)
.
جدّك آدم بايعٍ لعيون حوا .. جنه ،
سو مثله وش نسوي ؟ بارك لـ مرزوقه 💔
^
احبه حب لو اشيّب ما شيّب
ساكنً فالروح لين تروح روحي ..
^
ليلك طويل ومايجابه شمسي
والشمس ،من عينه تطالع فيها !؟
انا .. سكّت لحاجةٍ في نفسي
يوم الصراحة .. تعّبت راعيها .
.
^
لاتسأل " الليل هذا " يبتدي من متى ؟
الليل هذا طوييييييل و ظلّمته فاضحه
مو بس الاصوات تطلع واضحه فالشتا
حتى الاحاسيس تطلع فالشتا واضحه
^
مدري بداية شتا والا بداية جفا
بس الاكيد الاكيد الروح بردانه ..
وتمرني ذكرياتك ،، ماتمر بخفااا
تترك عيوني على البيبان زعلااانه
^
ألقوا فؤادي في غيابة جبهم
يارب يوسف مدني بالقافلة .
^
أنا في رجى اللي رد يوسف على يعقوب
يردّك ؛ [ ولو ريحة قميصك تكفّيني ] 💔
؛
^
مشتاق لك حتى لو أني ما حكيت
ولك وجه كل الوقت أقول اشتقت له !
لا تسأليني وين رحت ووين جيت
اللي أنتي ف باله ؟ طريقه يجهله !
^
الزمان اللي جمعنا .. والمكان ؟!
والظروف اللي بكت لي مُقنعه !!
قلبك المكسور من قلْ الامان ؟!
لا يجيني .. مالي قدرة "اجمعه"
^
هذا أنا باقي رغـم .. صراحتك
أخسـر الأحـلام من سماحتي
يوم غبت و قلت لك : خذ راحتك
ما دريت إنك بـ تاخذ "راحتي"
^
مالي فُتِنْتُ بلحْظِكِ الْفَتَّاكِ !
وسَلَوْتُ كُلَّ مَلِيحَة ٍ . . إِلاَّكِ
يُسْرَاكِ قَدْ مَلَكَتْ زِمَامَ صَبَابتي
ومَضَلَّتِي وهُدَاي في [ يُمْنَاكِ ]
فَإِذا وَصَلْتِ فَكُلُّ شَيْءٍ باسِمُ
وإذا هَجَرْتِ فكلُ شَيْءٍ باكِي
.
^
ما خلا الايام حلوة غير .. معرفتك
معك .. اتحمّل مللها .. واتحمّلها
ماشفتك بصورةٍ شينة واذا شفتك
لقيت .. في ذكرياتك .. ما يجمّلها
^
محتاج لي عزلة عن : الصبح والليل
والناس ، وأرصفة الطرق ، والمباني ..!
محتاج لي من كل الأشياء تبديل
محتاج أكون أنسان بـ أنسان ثاني ..!
^
لاتلتفت للي يحدك على اقصاك
لو هو يحبك ماختبر صبرك بصد
تتكفله الايام ..ثم يتمناك
الضد .. له يوم يتصادم مع الضد
^
حبيبة الورد وحروفي بها تثمل ،
كنها قصيده وابن جدلان قايلها
كل الاماكن تردد يومها تقبل :
هي شايلهَ الورد ولا الورد شايلها ؟ :)
^
كثير تسكت ، وإن حكت ؟
يذوب من فمها .. شهد ،
حلوة ..ولو بس ضحكت !
وإذا بكت ..؟ حلوة بعد ،
^
المدينة : لو تشبّ النور سمرا
والشوارع / والمباني/ والوجيه
وانت وجهك ياخليّ البال قمرا
اييه اشوفه..بسّ ما اقدر اجيه!
.
^
عين فيها خيال وعين يا خاطر
وسطها اللي يرد الشاعر لـ بوحه
.
برقٍ يبشر الظميان بالماطر
و بنتٍ تحبب الرجال في روحه
.
^
و تغيب عني ماعرف كيف حالك
والخوف من يزداد هذا الجفا فرض
.
صوتك بعد طول الزعل واتصالك
صوت المطر على الشبابيك والأرض
^
وإن غاب صوتك بتبقى سيرتك حيّة
ماكنت عابر عشان تمرّ بي عابر
يا اجمل حديث الغياب ويا طوارّيه
ياكسري اللي عجزت ألقى له الجابر