لكي نُنْشِأْ جيلاً واعياً لا بد من وجود قُدْوَة حَسَنَة نَقْتَضِي بِهَا وليس هناك أفضل من الرسول وأصحابه والأنبياء وقصص القرآن فهيا بِنَا نجدد النية ونُروي كل يوم قصة قبل النوم لأبناءَنا بطريقة سهلة
#قصص_رواها_الرسول_ﷺ
🌴 قصة السبعون ألف الذين يدخلون الجنة بغير حساب🌴
🌻 كان ياما كان و مايحلي الكلام
إلا بذكر النبي .... محمد ﷺ
🌼 وأولادي اللي بيحبوا سيدنا محمد أكتر واحد في الدنيا كلها
🌻 لأنه بيعلمهم كل الخير وبيعرفهم إزاي يكونوا في أحسن مكان ... جنة ربنا
هيقولوا بأحلي صوت :
🌼 اللهم صل علي سيدنا مُحَمَّد
🌻 جلس النبي ﷺ مع أصحابه و ذكر لهم أن الأمم عرضت عليه في ليلة الأسراء و المعراج
🌼 و أنه رأى كل نبي مع أمته فرأى نبياً و قد استجاب له ٩ من قومه فقط
🌻 و رأى نبياً آخر قد أستجاب لدعوته رجل واحد و آخر لم يستجب له إحد من أمته
🌼 ثم رأى النبي عدداً كبيراً من الناس و ظن أنهم أمته
🌻 و قالت الملائكة له هذا نبي الله موسى و معه أمته
🌼ثم قالت الملائكة للرسول ﷺ أنظر إلى يمينك فنظر النبي فرأى عدداً كبيراً من الناس
🌻 ثم قيل له أنظر إلى يسارك فرأى عدداً كبيراً من الناس
🌼فقالت له الملائكة هؤلاء هم أمتك يا رسول الله و معهم سبعون ألفاً يدخلون الجنة بغير حساب
🌻 فلما ذكر النبي ﷺ ذلك لأصحابه ثم دخل بيته أخذ الصحابه يفكرون في هؤلاء السبعين ألفا كيف دخلوا الجنة بدون حساب
🌼فقال أحدهم لعلهم الذين صحبوا النبي ﷺ منذ بداية البعثة
🌻 و قال آخر لعلهم الذين ولدوا مسلمين فلم يشركوا في الله شيئا
🌼و ظل أصحاب النبي يذكرون أشياء كثيرة حتى خرج عليهم النبي ﷺ وسألهم عما يتحدثون
🌻 فأخبروه بما قالوا فقال لهم النبي ﷺ هم الذين لا يسترقون أى لا يطلبون الرقيا
🌼و لا يتطيرون أي لا يتشائمون و لا يكتوون أي لا يتعالجون بالكي و على ربهم يتوكلون
🌻 فقام صحابي جليل أسمه عكاشة بن محسن أدعو الله أن أكون منهم
🌼فقالﷺ أنت منهم
🌻 فقام رجل آخر وقال ادع الله أن يجعلني منهم يا رسول الله
🌼فقالﷺ سبقك بها عكاشة
🌻 وجاءت هذه القصة في صحيح البخاري ومسلم
🌼ونتعلم منها أن المسلم إذا دعا الناس إلى اللهﷻ فلا ينبغى أن يحزن إذا لم يستجب لدعوته إلا قليل فقد رأينا كيف حدث ذلك مع الأنبياء أنفسهم
🌻 و أن أمة النبيﷺ هي أعظم الأمم و أكثرهم وستكون ثلثا أهل الجنة
🌼ونتعلم أننا إذا حققنا التوكل على الله فسندخل ضمن السبعين ألف الذين يدخلون الجنة بغير حساب
🌻 و أخيراً نتعلم أن المسلم لابد أن يتسابق إلى كل خير يقربه إلى الجنة كما فعل عكاشة رضي الله عنه و طلب من النبيﷺ أن يدعو له أن يكون من السبعين ألف و سبق بها أصحابه
🌼 و غداً إن شاء الله موعدنا مع قصة جديدة من القصص التي رواها النبيﷺ
🌻تصبحوا على خير يا حلوين
🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻🌼
/channel/seerawqass
#سيرة_امهات_المؤمنين
🌴 السيدة صفية بنت حيي ابن الأخطب رضي الله عنها(1)🌴
🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..
🌼اللهم صل علي سيدنا مُحَمَّد
🌻 النهردة معادنا مع السيده صفيه بنت حيي ابن الأخطب رضي الله عنها
🌻السيده صفيه قال عنها الرسول صل الله عليه وسلم انك لأبنة نبي وإن عمك لنبي و انك لزوجة نبي
🌻 السيده صفية كان أبوها حيي بن الأخطب سيد يهود خيبر وكان عالم من علماء اليهود
🌻وكان دايما يحكيلهم ويقولهم إن سيدنا محمد نبي مرسل من الله
🌻والسيده صفيه بتحكي وبتقول أنا كنت البنت المفضله عند أبي وعمي
🌻وكنت بسمعهم وهما قاعدين يتكلموا و كل يوم يروحوا يشوفوا أوصاف الرسول من غير هو ما يحس ويرجعوا يقولوا لبعض أهو هو ؟
🌻يعني هو ده فعلا الرسول اللي مكتوب عندنا أوصافه في كتاب التوراة
🌻فيرد عليه أخوه ويقول له ايوه هو
🌻فيرد عليه يقول له طب ناوي على ايه يرد عليه ويقول ناوي على عداوته طول ما أنا عايش
🌻وأم السيده صفيه اسمها بره بنت سمويل والسيده صفيه كانت متجوزه اتنين قبل الرسول
🌻الأول اسمه سلام بن مشكم وده كان شاعر وبعدين اتجوزت كنانة بن ابي الحقيق وهو بردو شاعر ومات يوم غزوة خيبر
🌻وزوجها ده كان من بني النضير فهي كانت سيده بني النضير كمان
🌻وحصلت حادثه كان في واحده ست مسلمه راحت لسوق يهود بني قينقاع علشان تبيع دهبها
🌻وفي واحد من اليهود حاول يضايق الست المسمله
🌻لكن هي رفضت فاستنى لغايه لما انشغلت في الشراء والبيع راح خد طرف فستانها وربطه في الحجاب بتاعها من فوق
🌻فلما قامت انكشف جزء من جسمها
🌻فصرخت وقعدت تعيط واليهود قعدوا يضحكوا عليها
🌻فجه راجل من المسلمين وقتل اليهودي اللي عمل فيها كده
🌻فراح اليهود اللي في السوق قتلوا الراجل المسلم
🌻فلما عرف الرسول اللي حصل طرد يهود بني قينقاع من المدينه
🌻وفضلوا اليهود يعملوا خطط ومؤامرات على المسلمين و الرسول وخصوصا بعد غزوة أحد لما المسلمين اتغلبوا
🌻وابتدوا يتفقوا مع الكفار ضد المسلمين
🌻والرسول كان متفق مع اليهود في ورقه مكتوبه اسمها المعاهده ودي كانت عقد بين الرسول واليهود علشان كانوا عايشين مع بعض في المدينه
🌻ومن البنود دي انهم يتعاونوا في دفع الديه والديه دي لما حد يقتل حد بالغلط بدل ما التاني يقتل حد منهم يدفعوا فلوس لأهل اللي مات
🌻فالرسول راح لليهود وطلب منهم يدفعوا دية رجلين قتلهم واحد اسمه عمرو بن اميه
🌻ودي حاجه كانوا متفقين عليها في العقد
🌻فاليهود قالوا حاضر هندفع بس اقعد هنا استريح وهنجيب لك الفلوس
🌻والرسول قعد وكان معاه أبو بكر وعمر وعلي واتفقوا اليهود انهم يرموا من فوق سطح البيت حجر على الرسول علشان يموتوه
🌻وطلع واحد اسمه عمرو بن جحاش علشان يرميها بس ربنا بعت للرسول سيدنا جبريل علشان يقول لسيدنا محمد على المؤامره دي
🌻فمشي الرسول هو وأصحابه ورجعوا للمدينه
🌻والرسول أمر بتجهيز الجيش علشان يحاربوا اليهود اللي رجعوا في كلامهم ومنفذوش العقد اللي بينهم
🌻والرسول بعت واحد اسمه محمد بن مسلمه الى بني النضير علشان يأمرهم انهم يخرجوا من المدينه
🌻واليهود خافوا ووافقوا في البداية لكن جه رئيس المنافقين اللي اسمه عبد الله بن أبي
🌻وقالهم خليكوا أوعوا تخرجوا من بيوتكم وأنا هحميكم و ابعتلكوا 2000 واحد من عندي وكمان يهود بني قريظة هيساعدوكم وقبيله غدفان هتساعدكوا
🌻و يهود بني النضير رجعوا في كلامهم وبعتوا للرسول يقولوا له إحنا مش هنخرج واعمل اللي انت عايزه
🌻يا ترى إيه اللي حصل بعد كده؟؟
🌻هنعرف بكرة إن شاء الله علشان دلوقتي جه معاد النوم
🌻تصبحوا على خير يا حلوين
🌻وصل اللهم وسلم على سيدنا محمد
🌻🌼🌻🌼🌻🌼🌻
إقرأ 📚 وانشر 📬 تُؤْجَرْ
/channel/seerawqass
manar_riad_/video/7396327888372485384?_r=1" rel="nofollow">https://www.tiktok.com/@manar_riad_/video/7396327888372485384?_r=1
Читать полностью…https://www.instagram.com/reel/C-sxpobO1zt/?igsh=bXQ0ZGIxOGg4N3J5
Читать полностью…https://youtu.be/Oar5laa3iIo?si=G7-fqTNnI33HKocN
Читать полностью…┄┉✽̶»̶̥ 🌴🕌🌴 »̶̥✽̶┉┄
🍃السلام عليكم ورحمة الله وبركاته🍃
🌙 قناة : سيرة وقصص للأطفال
⭐️ لكي نُنْشِأْ جيلاً واعياً لا بد من وجود قُدْوَة حَسَنَة نَقْتَضِي بِهَا وليس هناك أفضل من الرسول وأصحابه والأنبياء فهيا بِنَا نجدد النية ونُروي كل يوم قصة قبل النوم لأبناءَنا بطريقة سهلة للأم والطفل
⭐️ لو أصبحت حدوتة قبل النوم عادة، ستنمو مع
طفلك وعندما يكبر ستصبح القراءة قبل النوم عادة أيضاً، ومن ثم القراءة في أي وقت.
⭐️ كيف نتبع رسول الله ونسير على هديه؟؟ ⭐️
🌙🌴لابد أن نتبعه على بصيرة 🌙🌴
🌙ويجد العلماء في سيرة الرسول ما يعينهم على فهم كتاب الله تعالى ، لأنها من العلوم الهامة لتفسير القرآن الكريم ، ففيها أسباب النزول لكثير من الآيات فتعينهم على فهمها ، والاستنباط منها ، ومعايشة أحداثها ، فيستخرجون أحكامها الشرعية ، وأصول السياسة الشرعية ، ويحصلون منها على المعارف الصحيحة في علوم الإسلام المختلفة ، وبها يدركون الناسخ والمنسوخ وغيرها من العلوم .. فهناك سور بأكملها تتكلم عن غزوة مثل سورة الأنفال التي تتكلم عن غزوة بدر ، وسورة التوبة التي تتكلم عن غزوة تبوك ، وسورة الحشر التي تتكلم عن جلاء بني النضير، وهناك آيات كثيرة في سورة آل عمران تتحدث عن غزوة أحد ، وحتى تُفهم هذه الآيات جيدا لا بد من دراسة السيرة النبوية ..
🌙ومن خلال سيرته ـ صل الله عليه وسلم ـ تُعرف منزلته وشرفه وعصمته ـ صل الله عليه وسلم ـ من الناس ، وكيف نزلت الملائكة تقاتل معه يوم بدر ويوم الأحزاب ويوم حنين ..
فسيرته ـ ذاتها معجزة من معجزاته ، وآية من آيات نبوته ـ صل الله عليه وسلم ـ كما قال ابن حزم : .. " .. فإن سيرة محمد ـ صل الله عليه وسلم ـ لمن تدبرها تقتضي تصديقه ضرورة ، وتشهد له بأنه رسول الله ـ صل الله عليه وسلم ـ حقا ، فلو لم تكن له معجزة غير سيرته صل الله عليه وسلم لكفى .." ..
🌙ومن أهمية دراسة السيرة النبوية التعرف على حياة الصحابة الكرام الذين جاهدوا مع رسول الله - صل الله عليه وسلم - ، ومن ثم محبتهم والسير على نهجهم واتباع سبيلهم ..
🌙وتزداد أهمية دراسة السيرة النبوية العطرة إذا علمنا أنها لا تتناول رجلاً عاديا ، بل إنها دراسة لتاريخ أعظم مخلوق وُجد على ظهر هذه الأرض منذ آدم وإلى يوم القيامة ـ صلوات الله وسلامه عليه ، الذي قال عنه ربه ـ عز وجل ـ :
{ وَإِنَّكَ لَعَلَى خُلُقٍ عَظِيمٍ }(القلم:4)،
والذي لن ندخل الجنة إلا خلفه ، فعن أبي هريرة ـ رضي الله عنه ـ أن رسول الله ـ صل الله عليه و سلم ـ قال :
( كل أمتي يدخلون الجنة إلا من أبى ، قالوا : يا رسول الله ومن يأبَى ؟! ، قال : من أطاعني دخل الجنة ومن عصاني فقد أبى )(البخاري) .
🌙فإن عرفنا سيرته ونهجه واقتدينا به واتبعناه كانت السعادة في الدنيا والنجاة في الآخرة ، قال الله تعالى :
{لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيراً }(الأحزاب:21) ،
وقال ـ تعالى ـ : {وَإِنْ تُطِيعُوهُ تَهْتَدُوا}(النور: من الآية54) ..
🔷أخي أختي هل اجتهدتم أنتِم في طلب العلم وهو متاح الآن بأيسر الأساليب والوسائل؟!
🌙نحن في قناة
((سيرة الرسول والصحابة للأطفال))
نعمل على إيصال العلم الصحيح بالأدلة الصحيحة ومن مصادر موثوقة ومراجعة
🔑جعلنا الله وإياكم متبعين لا مبتدعين وجعلنا مفاتيح للخير مغاليق للشر
⬇️ للإِنْضِمام إلينا ⬇️
❶ اضغط على رابط القنـ↙ـاة
❷ لا تنسى الضغط على"اشتراك" أو join قبل أن تخرج حتى لا تضيع القناة
/channel/seerawqass
✍🏻 بادر بالاشتراك وادع غيرك ؛ فالدال على الخير كفاعله
┉✽̶»̶̥ 🌴🕌🌴 »̶̥✽̶┉
https://youtu.be/c0fgdDbRMV0?si=_hS8GKhUOH54dYNj
Читать полностью…#سيرة_امهات_المؤمنين
🌴 السيدة جويرية بنت الحارث رضي الله عنها(2)والأخيرة🌴
🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..
🌼اللهم صل علي سيدنا مُحَمَّد
🌻 طلبت السيده جويريه من الرسول إنه يساعدها و يديها الدهب علشان تديه لثابت علشان ترجع حرة تاني
🌻والرسول صل الله عليه وسلم قال لها أنا عندي حل أحسن من كده
🌻 إيه رأيك إني أساعدك وأعطيكي الدهب وكمان أتجوزك
🌻ففرحت ووافقت لأنها بعد ما كانت أسيره هتبقى سيده وأم للمؤمنين كمان
🌻و السيده جويريه كان اسمها اصلا بَرَّه
🌻 والرسول هو اللي سماها جويريه
🌻لأن بره معناها كثيره البر ودايما بيقولوا على الرسول لما يخرج من عند زوجاته انه خرج من عند عائشة أو من عند زينب أو من عند بره
🌻وكده يكون معنى الكلام إنه خرج من البر ودي حاجة كان بيكرهها الرسول إن حد يقول عنه خرج من البر يعني خرج من عمل الخير وعلشان كده غير اسمها وسماها جويرية وبيقولوا كمان إن السيدة زينب برده كان اسمها بره وسماها زينب
🌻وأبو السيدة جويريه راح للمدينه ومعاه جِمال كتير علشان يفدي بنته
🌻وهو في طريقه للمدينه قعد يستريح في مكان اسمه العقيق
🌻فالجمال اتفرقت عن بعضها وقعدت تاكل من الأعشاب اللي في الأرض
🌻فعجبه شكل جملين فراح خبى الجملين دول وقال هخليهم ليا واخد الباقي علشان يفدي بيهم بنته
🌻فراح لسيدنا محمد وقاله إنه عايز يفدي بنته
🌻فالرسول رد عليه وقاله وفين الجملين اللي إنت خبتهم في العقيق
🌻واستغرب علشان مكنش في حد شايفه وتأكد إن سيدنا محمد هو الرسول وأسلم
🌻وبعت جاب الجملين وراح وداهم للرسول وقاله الجملين أهم أعطيني بنتي يا رسول الله
🌻فقاله طيب إيه رأيك لو خلناها هي تختار
🌼وجابوا السيدة جويرية وقالوا لها إختاري إما ترجعي مع أبوكي أو تتجوزي الرسول وتفضلي هنا في المدينة
🌻فاختارت الرسول و أسلمت
🌻و تزوجها الرسول صل الله عليه وسلم
🌻ولما عرف أصحاب الرسول بخبر زواجه سابوا كل الأسرى اللي خدوهم من بني المصطلق وأعتقًوهم
🌻وقالوا مينفعش نشغل أهل زوجة الرسول عندنا
🌻وكان عدد الأسرى 100 عائلة
🌻والسيده عائشة قالت معرفش ست أكثر بركة على أهلها زي جويريه لأن بزواجها حررت القبيله كلها
🌻وكل قبيلة بني المصطلق أسلمت
🌻وبدأ النبي صل الله عليه وسلم يعلمها الدين وكانت بتتعلم بسرعة وتقضي يومها في العبادة والتقرب من الله
🌻 وفي يوم دخل الرسول لقاها صايمه و كان يوم جمعه
🌻فسألها إنتي صومتي إمبارح الخميس قالتله لأ قالها طيب هتصومي بكرة السبت قالتله لأ فراح قالها خلاص إفطري مينفعش تصومي الجمعة لوحده
🌻وفي يوم دخل الرسول عليها بعد صلاة الفجر لقاها قاعده بتسبح فخرج وبعدين رجع الظهر لقاها قاعده بردو نفس القعده تسبح
🌻فراح سألها إنتي قاعده زي ما إنتي من الصبح ؟!
🌻قالت له أيوه
🌻قال لها عارفه أنا عملت حاجه أحسن بكتيير من اللي إنتي عملتيه ده كله و أخدت عليها ثواب أكبر منك بكتير ولو اتوزن باللي إنت قلتيه لكان اتقل بكتيير⬇️
🌻أنا قلت بعدك 4 كلمات 3 مرات سبحان الله وبحمده عدد خلقه ورضا نفسه وزنة عرشه ومداد كلماته
🌻 والسيده جويريه روت 7 أحاديث عن الرسول صل الله عليه وسلم
🌻وفي يوم من الأيام جت السيده جويريه واشتكت للرسول من باقي زوجاته انهم بيقولوا لها إنتي جاريه وأسيرة مش زوجه
🌻فالرسول قال لها مش انا أعطيتك مهر و أعتقت 40 واحد
🌻قالت له أيوه
🌻فرد عليها وقال لها العبد مش بنعطي له مهر
🌻و بعد ما عاشت أحلى سنين مات الرسول صل الله عليه وسلم
🌻وعاشت السيده جويريه راضيه بالفتره القصيره اللي عاشتها مع الرسول وكان وقتها بين التعلم والذكر والدعاء والتسبيح
🌻وقعدت السيده جويريه تحكي عن قصه زواجها بالرسول لأي حد تشوفه وبتحكي إن هي حلمت من زمان إن القمر مشي من المدينه ووقع عندها وبتقول إنها ما حكتش الحلم ده لحد ولما طلبها الرسول للزواج فهمت إن دي رؤيه
🌻ومن الأحاديث اللي علمتها للناس إن الراجل حرام يلبس حرير وإنه مينفعش حد يتوضأ من مية وضوء حد تاني
🌻وماتت السيده جويريه في شهر ربيع الاول سنه 56 وكان سيدنا معاويه هو الخليفه وكان عندها 65سنه رضي الله عنها وجمعنا بها في الفردوس الأعلى
🌻وبكره إن شاء الله هنحكي قصة السيده صفيه بنت حيي بس دلوقتي جه معاد النوم
🌻تصبحوا على خير يا حلوين
🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻
/channel/seerawqass
https://www.instagram.com/reel/C8dFvjSsqDT/?igsh=MmdmMnAycWh4YnVy
Читать полностью…https://www.instagram.com/reel/C8NPAISMGu_/?igsh=OWlwazJlanBrcmxk
Читать полностью…https://www.instagram.com/reel/C7Hs7bXsI4M/?igsh=MXhwNjdqZXJ0aDk2Mg==
Читать полностью…#قصص_رواها_الرسول_ﷺ
🌴 البعير الذي اشتكى
صاحبه لرسول اللهﷺ🌴
🌻 كان ياما كان و مايحلي الكلام
إلا بذكر النبي .... محمد ﷺ
🌼 وأولادي اللي بيحبوا سيدنا محمد أكتر واحد في الدنيا كلها
🌻 لأنه بيعلمهم كل الخير وبيعرفهم إزاي يكونوا في أحسن مكان ... جنة ربنا
هيقولوا بأحلي صوت :
🌼 اللهم صل علي سيدنا مُحَمَّد
🌻 في يوم من الأيام خرج النبيﷺ من بيته و ركب دابته وأخذ عبد الله بن جعفر خلفه على الدابه و سارا سويا
🌼 و بعد فترة دخل النبيﷺ بستانا لرجل من الأنصار وأخذ يتأمل في الزروع والثمار
وهو يسبح اللهﷻ وفجأة رأى النبيﷺ جملا وحدث أمر عجيب أغرب من الخيال
🌻 لقد نظر الجمل إلى النبيﷺ وظل يبكي فذهب إليه النبيﷺ وأخذ يمسح على رأسه فسكت الجمل وكف عن البكاء
🌼 فسأل النبيﷺ من صاحب الجمل؟ فجاء فتى من الأنصار وقال أنا يا رسول الله صاحب هذا الجمل
🌻 فغضب النبيﷺ وقال له: ﴿أفلا تتقي الله في هذه البهيمه التي ملكَّك الله إياها؟ ﴾
🌼 فتعجب الفتى من كلام النبيﷺ لأن النبيﷺ لم يره كيف يعامل الجمل
🌻 فمن الذي أخبر النبيﷺ بذلك
🌼 فعلم النبي ما يفكر فيه الفتى وأخبره بأن الجمل قد شكى إليه أنه يتركه بلا طعام و إن أطعمه يطعمه طعاما رديئا
🌻 وبالإضافة إلى ذلك فهو يكلفه من الأعمال فوق طاقته
🌼 وأستجاب الفتى لنصيحه النبيﷺ وأحسن معاملة الجمل بعد ذلك
🌻 ونتعلم من هذه القصه أن المسلم لابد أن يكون متواضعا
🌼 وقد رأينا كيف أن النبيﷺ وهو قائد الأمه أخذ عبد الله بن جعفر معه على الدابه وسارا سويا
🌻 وأن المسلم لابد أن يكون رحيما بكل من حوله من الناس وأن يكون رحيما بالحيوانات
🌼 وقد أخبرنا النبيﷺ أن الله قد غفر لإمرأة بغي لأنها سقت كلبا
🌻 وأدخل إمرأة النار لأنها حبست هرة
🌼 وأخيرا نتعلم أن المسلم إذا كان رحيما فإن الله يرحمه في الدنيا والآخرة
🌻 فقد قال النبيﷺ (الرَّاحِمونَ يرحَمُهم الرَّحمنُ تبارَك وتعالى؛ ارحَموا مَن في الأرضِ يرحَمْكم مَن في السَّماءِ).
🌼 وموعدنا غداً مع قصه جديدة من قصص رواها الرسولﷺ
🌻تصبحوا على خير يا حلوين
🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻
/channel/seerawqass
https://youtube.com/shorts/s4EFooi37kA?si=PswfGzzEdkGj_7HK
Читать полностью…#قصص_القرآن_للأطفال
🔦 قصة العزير
🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..
🌸 اللهم صل علي سيدنا مُحَمَّد
🌸 كان في زمان راجل صالح اسمه عزير وكان عايش في قرية قريبة من بيت المقدس وكان عنده أرض بيزرعها علشان يعيش منها
🌸 وفي يوم من الأيام راح لأرضه ولكن وهو رايح في الطريق حس بالحر الجامد ومقدرش يستحمل
🌸 فقال أنا هدور على حته أقعد فيها في الظل لغاية الشمس ما تروح حرارتها
🌸 ولقي أرض مفيش أي حد عايش فيها فنزل عزير من على حماره وقعد في الظل يستريح لغاية ما تخف حرارة الشمس
🌸 وكان معاه سلة فيها تين وسلة فيها عنب وشوية عيش ناشف حطهم على بعض وقال بسم الله وأكل منهم وبعد ما خلص أكل قال الحمد لله
🌸 وبعدين نام على الارض وقعد يبص على سقف البيوت اللي قاعد فيها لقاها مكسرة ومحدش عايش من أصحاب البيوت دي
🌸 فراح فكر مع نفسه وقال هو إزاي ممكن ربنا يخلي الحياة ترجع للأرض والناس بعد ما ماتوا
🌸 وطبعا هو مكنش بيشك في قدرة ربنا سبحانه وتعالى على إحياء الموتي ولكنه كان بيفكر في الموضوع بصوت عالي مع نفسه وبيستغرب
🌸 وفي نفس اللحظة دي مات عزير وهو قاعد بيفكر في الموضوع ده
🌸 وفضل نايم لمدة ١٠٠سنة وطبعا في الـ١٠٠سنة دي مات ناس كتير واتغير شكل القرية اللي كان عايش فيها
🌸 وبعد ما عدوا الـ١٠٠سنة ربنا خلى عزير يقوم تاني ويصحى من النوم وربنا كان بيجمع أجزاء جسمه وهو صاحي يعني يلاقي ايديه جت عند كتفه وكمان رجليه وبدأ يشوف بعينه ويفكر بعقله
🌸 وكل ده كان بيحصل قدام العزير وهو مش مصدق اللي بيحصل
🌸 وبعت ربنا ملاك من السما للعزير وسأله انت نمت قد ايه قاله غالبا خمس ساعات كده علشان انا نمت الظهر ودلوقتي المغرب
🌸 فراح قاله الملك لأ أنت نمت لمدة ١٠٠سنة وقاله عايزك تبص على الأكل والمية قدامك هتلاقيهم زي ما هما
🌸 وعزير مكنش مصدق علشان الأكل زي ما هو متغيرش ولا حصل له أي حاجة
🌸 ولما الملاك لقي عزير مش مصدق قاله طيب بص على حمارك كده وشوف ايه اللي بيحصل له
🌸 لقي الحمار ميت وعظمه مبعتر واندهش جامد العزير
🌸 فراح الملك نادى على العظام بتاعت الحمار علشان تتجمع تاني وبعد كده لبسها لحم وجلد وشعر
وراح نفخ الملك في الحمار وراحت الروح رجعت ليه تاني وقعد ينهق تاني بعد ما كان ميت
🌸 ولما عزير شاف كل ده قال أنا عارف إن ربنا على كل شيء قدير
🌸 يا ترى حصل إيه بعد كده هنكمل بكرة إن شاء الله مع قصة العزير
🌸 تصبحوا على خير يا حلوين
🌸 وصل اللهم وسلم على محمد
🌸🍃🌸🍃🌸🍃
إقرأ 📚 وانشر 📬 تُؤْجَرْ
/channel/seerawqass
https://youtu.be/I72Cro6YWuk?si=qaqO50DpSN3EqdO6
Читать полностью…#حكايات_منار
🪴قصة السبعون ألف الذين يدخلون الجنة بغير حساب🪴
#قصص_القرآن_للأطفال
🐄قصة بقرة بني إسرائيل🐄
🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..
🌸 اللهم صل علي سيدنا مُحَمَّد
🌸 كان في ناس عايشين مع بعض اسمهم بني إسرائيل
🌸 وكان عايش معاهم شاب فقير لكن المشكلة مش في فقره
🌸 المشكلة ان أخلاقه مكنتش حلوة وكان عمه عنده فلوس كتير و بنت عمه جميلة أوي
🌸 وكان الشاب ده عايز عمه يموت بسرعة علشان ياخد فلوسه ويتجوز بنت عمه الجميلة
🌸 لكن عمه عاش كتير وكانت صحته كويسة جدا
🌸 ففكر الشاب ده في خطة علشان يقتل بيها عمه
🌸 وفي ليلة من الليالي قتل فعلا عمه وعلشان الناس متعرفش إنه قتل عمه حطه قدام بيت حد من قرايبهم علشان الناس تفتكر إنهم هما اللي قتلوه
🌸 ومش بس عمل كده ده كمان قعد قدام الباب يعيط وعمل نفسه حزين على موت عمه
🌸 وقال للناس لما اتجمعوا إن أهل البيت ده هما اللي قتلوا عمي
🌸 فخرج أصحاب البيت وحلفوا إنهم معملوش كده
🌸 والناس مبقتش عارفة تعمل إيه ولا تصدق مين
🌸 فاتفقوا إنهم يروحوا لسيدنا موسى عليه السلام وحكولوا اللي حصل
🌸 حاول سيدنا موسى إنه يعرف مين القاتل فواحد من الناس قال لسيدنا موسى إسأل ربك علشان يقولك مين القاتل
🌸 فسأل سيدنا موسى الله عز وجل فأمره الله إنه يقولهم لازم تدبحوا بقرة علشان تعرفوا مين القاتل
🌸 فأستغرب الناس وقالوا لسيدنا موسى إنت بتتريق علينا وبتستهزأ بينا ؟!
🌸 فسيدنا موسى قال أنا مقدرش أقول حاجة ربنا مقالش عليها
🌸 وهما لو كانوا ناس بتعرف تفكر صح كانوا سمعوا الكلام ودبحوا البقرة اللي قال عليها لأن ربنا مطلبش أي حاجة غير إنهم يدبحوا بقرة
🌸 ولكن هما صعبوا الموضوع عليهم فسألوا سيدنا موسى عن عمر البقرة فقالهم لا هي كبيرة ولاصغيرة
🌸 وسألوه كمان عن لونها قالهم لونها أصفر فاقع أوي لما الواحد بيبصلها بيبقى مبسوط ومرتاح
🌸 فقالوا لسيدنا موسى بس في بقر كتير بالأوصاف دي إسأل ربنا عن أوصاف توضح لنا أكتر شكل البقرة
🌸 وأول ما نعرف شكل البقرة دي هنسمع كلام ربنا وندبحها
🌸 قالهم سيدنا موسى لونها أصفر سادة خالص من غير أي بقعة فيها
🌸 وكمان مش بتعرف تقلب الارض بالمحراث و تسقيها زي باقي البقر
🌸 فقعدوا يدوروا على بقرة بالشكل ده لحد ما لقوا بقرة واحدة بس فيها كل الأوصاف دي
🌸 وكان صاحبها ولد فقير باباه مات وهو عايش مع مامته
🌸 فراحوا علشان يشتروا البقرة منه فلما قالهم ثمن البقرة مكنوش عايزين يدفعوا له كل الفلوس دي
🌸 وكانوا بيقعدوا يتناقشوا مع بعضم على ثمنها ويرجعوا للولد تاني فيروح الولد مزود السعر
🌸 وفضلوا كده لغاية ما طلب منهم إنهم يوزنوا البقرة ويعطوه قد وزنها ذهب
🌸 فوافقوا في الآخر لأنهم ملقوش بقرة غيرها ودفعوا للولد فلوسه
🌸 فبقى الولد ده اكتر واحد معاه فلوس فيهم كلهم
🌸 وده بسبب إنه بيسمع كلام مامته وبيساعدها دايما
🌸 وبعدين بني اسرائيل أخذوا البقرة وذبحوها واخدوا جزء منها وضربوا على الميت
🌸 فقام الميت وقالهم إن ابن أخي هو اللي قتله
🌸 وبكده اتعاقب القاتل وحرموه من فلوس عمه ومعرفش كمان يتجوز بنت عمه
🌸 ومن ساعتها وربنا حرًم على أي قاتل إن هو ياخد من فلوس اللي قتله
🌸 واتعلمنا من القصة دي إن المسلم مينفعش يكون طماع ولا ظالم ولا يقتل حد علشان ربنا ميزعلش منه ويعاقبه
🌸 وكمان المسلم مينفعش يكذب ويقول على حاجة حصلت وهي محصلتش
🌸 واتعلمنا إنه لازم ننفذ اللي ربنا أمرنا بيه من غير ما نسأل لأن ربنا عارف الصح من الغلط
🌸 ولأننا لما نسمع كلام ماما وبابا ربنا بيوسع في رزقنا زي الولد صاحب البقرة ما بقى أغنى واحد في المدينة كلها
🌸 وآخر حاجة ممكن نتعلمها من القصة إن زي ما ربنا خلى الميت يصحي هيخلي كل الناس اللي ماتت تصحي تاني يوم القيامة علشان يحاسبهم على أعمالهم
🌸 واللي بيعمل صح هيدخل الجنة واللي بيعمل غلط هيدخل النار
🌸 وبكده تكون خلصت قصة النهارده
🌸 ومعادنا بكرة إن شاء الله مع قصة سيدنا موسى والسامري
🌸 تصبحوا على خير يا حلوين
🌸 وصل اللهم وسلم على محمد
🌸🍃🌸🍃🌸🍃
إقرأ 📚 وانشر 📬 تُؤْجَرْ
/channel/seerawqass
https://youtu.be/yb0atYPjIMc?si=d66F9ZMZzhvESJqc
Читать полностью…https://youtu.be/RIYuHJEQRsE?si=-Qf7LWa-0UL-uZqg
Читать полностью…🍃السلام عليكم ورحمة الله وبركاته🍃
🌙«ينطفئ النور في حجرتي الجميلة، عدا ضوء صغير خافت يسمح لي فقط برؤية خيال الأشياء التي تبدو أكبر بكثير من حجمها الطبيعي، أسمع خطوات تقترب، ورائحة اللبن الدافئ تقترب أيضاً، متحمساً جداً لسماع المزيد عن (سيرة الرسول صلَّ الله عليه وسلم والصحابة) وهي مليئة بالعبر والمواعظ لترويها لي أحب الناس إلى قلبي.. ألا وهي أمي».
😴فوائد حدوتة قبل النوم😴
لحدوتة قبل النوم فوائد عدة فهي ليست فقط للتسلية👇
⭐️وقت للتواصل.. لانشغالك طوال اليوم، قد لا تتسنى لكِ الفرصة للتواصل مع طفلك، لذلك تعطيكِ حدوتة قبل النوم المساحة من الوقت لتقضيه أنتِ وطفلك فقط.
⭐️تساعد طفلك على النوم.. بعد يومه الطويل يهدأ طفلك ويستعد للنوم على صوتك الدافئ المطمئن وأنتِ تروي له الحدوتة.
⭐️توصيل الحكمة أو العظة بدون إعطاء أوامر أو نصائح.. من خلال حدوتة قبل النوم تستطيعين توصيل رسالة معينة لطفلك بطريقة غير مباشرة.
⭐️التفكير المنطقي.. الأطفال غالباً غير صبورين، ودائماً يريدوا أن يعرفوا ماذا سيحدث بعد ذلك، شجعيهم على أن يفكروا «ماذا سيحدث»، تلك الطريقة ستساعد طفلك على التفكير المنطقي من خلال سلسلة الأحداث في القصة،
سيتوقع ماذا سيحدث أو ماذا ستكون ردة فعل الشخصيات.
⭐️تنمية اللغة.. سيتعلم طفلك مفردات جديدة من خلال القصص، مما سينمي اللغة عنده، ابقي بجانبك القاموس لتبحثي عن الكلمات الجديدة ومعناها في السياق.
⭐️التحفيز على التخيل.. قراءة كتاب من عدة فصول سيجعل طفلك يتخيل الشخصيات، مما سيحفز التخيل والإبداع عنده.
⭐️حب القراءة.. إذا ما أصبحت حدوتة قبل النوم عادة، ستنمو مع طفلك وعندما يكبر ستصبح القراءة قبل النوم عادة أيضاً، ومن ثم القراءة في أي وقت.
وضع روتين.. يحب الأطفال أن تنظم حياتهم ويحبون الروتين اليومي، مما سيعلمهم التخطيط ليومهم حسب مهامهم فيما بعد.
⭐️شعور طفلك أنه محبوب.. حقيقة أنكِ تستقطعين من وقتك نصف ساعة أو أكثر لتقرائي لطفلك قبل النوم، فهذا يعطي لطفلك رسالة مهمة.. ألا وهي أنكِ تحبيه وتفضليه دائماً، وأنه برغم انشغالك له مكانه الخاص.
😴كيف تختارين الحدوتة😴
⭐️حدوتة قبل النوم هدفها أن تهدء طفلك لكي ينام، أنتِ أكثر الناس علماً بما يخوف أو يضايق طفلك، لذا اختاري له حكاية مفرحة لتساعده على الاسترخاء والهدوء، حتى لا تصيبه الكوابيس، أو أن يكون نومه غير مريح.
⭐️اختاري الكتب والحكايات الملائمة لسن طفلك، للأطفال الصغار اختاري كتاب ليس به كلمات كثيرة، لكن به صور كثيرة لتشد انتباهه، للأطفال الأكبر سناً.. دعيهم ينتقون الكتب وساعديهم في انتقائها لتختاري القصة الجيدة التي ستشد انتباههم.
😴كيف تضعين روتينا لحدوتة قبل النوم😴
إليكِ بعض النصائح التي ستساعدك:👇
⭐️ابدأي حدوتة قبل النوم قبل أن تطفئي النور بنصف ساعة.
⭐️ضعي حدا لما تقرأينه حتى لا تسترسلي في القراءة إلى منتصف الليل مثلا، أيضا تذكري ما ذكرناه عاليا حول كيفية اختيار الكتاب.
⭐️استرخي وشاركي طفلك سريره، أو اجلسيه على حجرك في كرسي هزاز، أو أي كرسي آخر مريح لكما.
⭐️عند القراءة غيري في صوتك حسب الشخصيات، ويمكنك أيضاً أن تقومي بأصوات مصاحبة حتى يندمج طفلك أكثر.
⭐️إذا كان كتاباً مصوراً، استكشفي الرسم أنتِ وطفلك، وأسأليه إذا كان هو من يقوم بالرسم.. ماذا كان قد رسم أيضاً.
⭐️وأنتِ تقرائي اسألي طفلك أسئلة مفتوحة، مثل ماذا سيحدث؟ ماذا كان سيفعل هو في ذلك الموقف؟
⭐️قارني سلوكيات الشخصيات في القصة بمواقف حياتية واقعية، واستخدميها كأداة تعليم.
⭐️اسألي طفلك «ماذا كنت ستفعل لو أنك مكان الشخصية؟ وما رأيك بما قامت به الشخصية؟، هل سيكون لك تصرفا آخر؟»
استمتعي بوقتك وشاركي طفلك حماسته وضحكاته، فذلك وقتكما سوياً استمتعوا به لأقصى درجة
🌙⭐️عزيزتي الأم وجدتُ أن خير ما يمكن أن ترويه لطفلك هو سيرة الرسول بشكل بسيط وسهل فانه بالإضافة لما ذكرته عاليا فإنك سوف تعلميه سيرة أحب الخلق سيدنا محمد وليس هناك قصة أروع من ذلك بما تحتويه من مواقف وأحداث وعبر ومواعظ وسلوكيات❤️
┄┉✽̶»̶̥ 🌴🕌🌴 »̶̥✽̶┉┄
⬇️ للإِنْضِمام إلينا ⬇️
❶ اضغط على رابط القنـ↙ـاة
❷ لا تنسى الضغط على"اشتراك" أو join قبل أن تخرج حتى لا تضيع القناة
✍🏻 بادر بالاشتراك وادع غيرك ؛ فالدال على الخير كفاعله
/channel/seerawqass
┉┉✽̶»̶̥ 🌴🕌🌴 »̶̥✽̶┄┄
#قصص_القرآن_للأطفال
🔦 قصة توهان بني إسرائيل في الأرض
🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..
🌸 اللهم صل علي سيدنا
مُحَمَّد
🌸 خرج موسي عليه السلام ومعاه بني إسرائيل علشان يهربوا من الملك الظالم فرعون
🌸 بس فرعون مسابهمش
وخرج وراهم هو وجيشه علشان يموتهم كلهم
🌸 لغاية لما وصل موسى واللي معاه لشاطيء البحر
🌸 ولما بص وراه لقي فرعون وجنوده قربوا يوصلوا لهم فأصحاب سيدنا موسى قالوا له كده فرعون هيمسكنا
🌸 لكن سيدنا موسى رد عليهم وقالهم طالما معانا ربنا محدش هيقدر يضرنا
🌸 صحيح إن سيدنا موسى مكنش عارف ربنا هينجيه إزاي بس هو كان متأكد إن ربنا مش هيسيبه
🌸 وفي آخر لحظة لما كان خلاص فرعون هيمسك سيدنا موسى وأصحابه
🌸 نزل الملاك سيدنا جبريل من السما وبأمر من ربنا قاله أمسك عصايتك واضرب بيها البحر
🌸 وهنا حصلت المعجزة والمعجزة دي هي حاجة غريبة بتحصل للأنبياء والرسل بأمر من ربنا ومش بتحصل للناس العاديين
🌸 يا ترى ايه اللي حصل؟ أول لما ضرب سيدنا موسى البحر بعصايته راح اتقسم البحر نصين كل نص أد الجبل الكبير خالص
🌸 وفي النص طريق مفيهوش ولا نقطة مية واحدة والأمواج من على يمينهم وشمالهم عالية جداً
🌸 وسيدنا موسى أخد أصحابه وجري جوه الطريق الناشف اللي ربنا عملهوله في البحر
🌸 ووصل فرعون وجنوده لشاطيء البحر وشافوا المعجزة دي بتحصل قدامهم ومكنوش مصدقين اللي بيحصل
🌸 ولكن فرعون مكنش بيفكر غير في حاجة واحدة وبس
وهي إزاي يمسك سيدنا موسى واللي معاه ويموتهم
🌸 وخلى جنوده يجروا وراهم في الطريق اللي في وسط البحر
🌸 لكن لما وصل سيدنا موسى للناحية التانية من البحر ربنا قاله اضرب بعاصيتك البحر مرة تانية علشان يختفي الطريق الناشف ويرجع البحر مرة تانية زي ما كان
🌸 وطبعا كان فرعون وجنوده جوه البحر فكلهم غرقوا في الميه
🌸 وبكده مات الملك الظالم فرعون هو وجنوده علشان مكنوش بيسمعوا كلام ربنا وسيدنا موسى
🌸 ونتعلم من القصة دي إننا لازم نتوكل على ربنا علشان يكون دايما معانا و ينجينا
🌸 والتوكل بيكون الدعاء لربنا بعد ما نعمل اللي علينا وناخد بالأسباب يعني مثلا علشان ننجح لازم نذاكر وده اسمه الأخد بالأسباب وبعدين ندعي ربنا إننا ننجح ونكون من الأوائل المتفوقين وده هو التوكل على ربنا
🌸 وعكس التوكل هو التواكل اللي بيخلي الناس تقول ربنا بيحبنا وهينجحنا من غير ما نذاكر وده طبعا غلط يا حبايبي يا حلوين
🌸 ومعادنا بكرة إن شاء الله مع قصة رحلة سيدنا موسى مع بني إسرائيل
🌸 تصبحوا على خير يا حلوين
🌸 وصل اللهم وسلم على مُحَمَّد
🌸🍃🌸🍃🌸🍃
إقرأ 📚 وانشر 📬 تُؤْجَرْ
/channel/seerawqass
#قصص_رواها_الرسول_ﷺ
🌴 قصة شهيدة في بيتها🌴
🌻 كان ياما كان و مايحلي الكلام
إلا بذكر النبي .... محمدﷺ
🌼 وأولادي اللي بيحبوا سيدنا محمد أكتر واحد في الدنيا كلها
🌻 لأنه بيعلمهم كل الخير وبيعرفهم إزاي يكونوا في أحسن مكان ... جنة ربنا
هيقولوا بأحلي صوت :
🌼 اللهم صل علي سيدنا مُحَمَّد
🌻 كان هناك صحابيه جليلة اسمها أم ورقه بنت عبد الله
🌼 وكانت تتمنى أن تقدم أي شيء لخدمة دين الله ﷻ
🌻 وتمر الأيام سريعا وتأتي غزوة بدر وكانت أول لقاء بين المسلمين والمشركين
🌼 و إذا بأم ورقه تذهب للنبيﷺ و هي في غايه الشوق لتستأذنه في أن تخرج معه للجهاد في سبيل الله
🌻 وعرضت على النبيﷺ أن تخرج معه لتعالج الجرحي وأخبرته بأنها تتمنى أن يرزقها الله الشهاده
🌼و إذا بالنبيﷺ يأمرها بأن ترجع إلى بيتها ويخبرها بأن اللهﷻ سوف يرزقها الشهادة وهي في جوف بيتها
🌻 فتعجبت أم ورقه وأمتلأ قلبها بالسعاده والسرور بهذه البشرى التي أخبرها بها رسول اللهﷺ وكانت تقرأ القرآن فاستأذنت النبيﷺ أن تعلم القرآن في بيتها فأذن لها
🌼ولما علم الناس بهذه البشرى كانوا يسمونها الشهيدة
🌻 وجلست أم ورقه في بيتها وأحست بأنها بحاجه لمن يخدمها لأنها أصبحت كبيرة في العمر
🌼فأحضرت غلاما وجاريه وعاشت في بيتها تصلي وتصوم وتذكر اللهﷻ وهي تنتظر الشهاده التي وعدها بها النبيﷺ
🌻 وظلت هكذا إلى عهد عمر بن الخطاب رضي الله عنه
🌼وفي يوم من الأيام كانت نائمه فتآمر عليها الغلام والجاريه
🌻 ووضعوا على وجهها قطعه من القماش حتى انقطع عنها الهواء و ماتت شهيده
🌼فقام عمر بن الخطاب ونادى في الناس وقال لهم
🌻 من كان عنده علم عن مكان الغلام و الجاريه فليأتي بهما
🌼فجيء بهما فأمر بهما فصلبا وكانا أول من صلب في المدينه المنورة
🌻 وهكذا رزق الله أم ورقه الشهاده في بيتها كما وعدها رسول اللهﷺ بذلك
🌼ونتعلم من هذه القصه أن المسلم لابد أن يكون حريصا على العمل لخدمة هذا الدين
🌻 وأن المسلم لابد أن يصدق كلام رسول اللهﷺ بكل ما أخبر عنه حتى لو تأخر
🌼وأن نعرف أن الشهاده أنواع ودرجات ومن هذه الأنواع هي أن يقتل الأنسان غدرا وهو يدافع عن نفسه
🌻 ونتعلم أن عقوبه القاتل أن يقتل وهذه العقوبه لايقوم بتنفيذها إلا ولي الأمر أو من ينوب عنه مثل القاضي والشرطة
🌼و موعدنا غدا إن شاء الله مع قصة جديدة من قصص رواها الرسولﷺ
🌻تصبحوا على خير يا حلوين
🌼 اللهم صل علي مُحَمَّد
🌻🌼🌻🌼🌻🌼🌻🌼
/channel/seerawqass
https://www.instagram.com/reel/C8Xo_mZOYGD/?igsh=MWkwNXljNG5qYjJydw==
Читать полностью…https://www.instagram.com/reel/C8AA1Ebs4Kj/?igsh=ZHk4bjJmbDVwOHI1
Читать полностью…https://www.instagram.com/reel/C6w6d5PsoD4/?igsh=Y3VodXRha2R3MW8y
Читать полностью…#سيرة_امهات_المؤمنين
🌴 السيدة جويرية بنت الحارث رضي الله عنها(1)🌴
🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..
🌼اللهم صل علي سيدنا مُحَمَّد
🌻 النهردة هنتكلم عن السيده جويريه بنت الحارث رضي الله عنها وهنشوف مع بعض قصتها ايه
🌻هي كانت من عيله كبيره اسمها قبيله بني المصطلق
🌻 وأبوها كان الحارث بن أبي ضرار وكان رئيس القبيله دي وكل الناس بتسمع كلامه وبتحترمه
🌻والسيدة جويرية كانت جميله جدا ومؤدبه جدا وغنيه جدا
🌻وأبوها جوزها مسافع بن صفوان من عيله كبيره اسمها خزاعه
🌻 وفي الوقت ده كان الرسول في المدينه وحط فيها قوانين علشان تنظم العلاقه بين الناس اللي عايشين فيها
🌻زي اليهود وقبائل الكفار اللي حوالين المدينه
🌻لكن أبوها الحارث من قبيله بني المصطلق وبعد مرور ست سنوات من وجود الرسول في المدينه
🌻خاف على الحكم بتاعه من وجود الرسول لأنه شاف إن ناس كتير بدأت تدخل في الإسلام وكل الناس بتحب الرسول أول لما تشوفوا
🌻فعمل إجتماع مع القبائل اللي حواليه وقرروا إنهم يحاربوا الرسول
🌻لكن الرسول عرف بالموضوع وقرر إنه يبدأ يهاجمهم قبل ما يهاجموه
🌻وكانت السيده عائشة هي اللي مع الرسول في الغزوة دي
🌻لأننا عارفين إن كل غزوة بتخرج زوجه من زوجات الرسول معاه
🌻وهما في الطريق لقوا جواسيس بيحاولوا يعرفوا أخبارهم و بيروحوا يقولوها للحارث
🌻ولما عرف الحارث إن الرسول جاء علشان يهاجموا هو والناس اللي اتفقوا معاه
🌻خافت كل القبائل اللي إتفقت معاه ورجعوا في كلامهم وسابوا الحارث لوحدوا هو وقبيلته بني المصطلق
🌻ووصل الرسول هو والجيش بتاعه المريسيع
🌻و ده المكان اللي فيه الميه اللي كانوا بيشربوا منها بني المصطلق
🌻واستعدوا علشان يهجموا عليهم
🌻الأول رموهم بالنبال وبعدين هجموا عليهم
🌻واتقتل منهم 10 وكان من ضمن اللي ماتوا زوج السيده جويريه مسافع
🌻وباقي الجيش استسلم للرسول وانتصر الرسول
🌻والرسول أخذهم أسرى عنده في المدينه لأن اللي بيفوز بياخد كل حاجة الفلوس والنَّاس والحيوانات
🌻وطبعا كانت السيده جويريه من الأسرى اللي خدوها المسلمين
🌻و كان عدد الناس اللي خدوهم 700 راجل وست و 2000 جمل و 5000 خروف
🌻و طبعا بعدكل غزوة بتتوزع الغنائم دي بالتساوي على المسلمين
🌻وكانت السيده جويريه من ضمن غنائم ثابت بن قيس وهو واحد من الصحابه
🌻وكان عمرها 20 سنه
🌻ولكن هي رفضت إنها تبقى من العبيد وقالت لثابت أنا هفدي نفسي وأدفع الفلوس علشان أرجع حرة تاني
🌻واتفقت مع ثابت بن قيس إنها تديله 9 أواقي من الذهب
🌻ووافق ثابت على كده وخرجت السيده جويريه وراحت للرسول وطلبت منه إنه يساعدها بعد ما شرحت له إنها كانت سيدة قومها ولأنهم اخدوا كل فلوسهم في الغزوة فجت تطلب المساعدة من الرسول
🌻يا ترى وافق الرسول يساعدها و لا لأ و ايه اللي حصل بعد كده للسيدة جويرية
🌻بكره هنعرف الرسول قال لها إيه
🌻بس دلوقتي جه معاد النوم
🌻تصبحوا على خير يا حلوين
🌻وصل اللهم وسلم على سيدنا محمد
🌻🌼🌻🌼🌻🌼🌻🌼🌻
/channel/seerawqass
#قصص_القرآن_للأطفال
🔦 تابع قصة العزير
🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..
🌸 اللهم صل علي سيدنا مُحَمَّد
🌸 وبعد ما حصل الموقف الغريب ده وعرف إزاي ربنا قادر على كل شيء
🌸 قام العزير من مكانه وركب حماره
🌸 ورجع تاني لقريته وهو مش عارف إيه اللي حصل في ١٠٠ سنه اللي فاتت دي
🌸 ولما وصل للقرية مفيش حد من الناس اللي عايشين فيها كان عارف هو مين ولا هو كمان كان يعرف حد
🌸 لأن كل الناس اللي يعرفهم ماتوا وابنه كبر فمكنش عارف شكله خالص
🌸 وقعد يدور على بيته وبعد ما تعب خالص لقاه وخبط على الباب
🌸 وكان فاكر ان ابنه اللي سابه و هو عنده ٢٠ سنه هيلاقيه زي ما هو وكمان الخادمة كان عمرها ٢٠ سنة وهو كان عمره ٤٠ سنة قبل ما ينام النومة الطويلة دي لمدة١٠٠سنة
🌸 واتفاجئ لما شاف قدامه ست كبيرة مش بتعرف تشوف عندها ١٢٠ فتحتله وبتسأل مين واقف عند الباب
🌸 فقالها هو ده بيت العزير؟ قالتله اه وقعدت تعيط
🌸 فسألها ليه إنتي ليه بتعيطي ؟
🌸 قالتله لأنه اختفى من زمان ومحدش سأل عليه من ساعتها
وإنت أول واحد يسأل عليه من ١٠٠سنة
🌸 قالها أنا العزير..فسألته مش معقول تغيب ١٠٠سنة وبعدين ترجع تاني إنت كنت فين كل الوقت ده؟ فحكى ليها القصة كلها
🌸 فقالتله طيب علشان أصدقك أنا كنت عارفة إن العزير كان راجل مستجاب الدعوة ادعيلي إن ربنا يخليني أسوف بعنيا تاني علشان اشوفك واتأكد إنك العزير
🌸 فحط العزير ايديه على عينها وقال بسم الله
🌸 فرجع ليها بصرها تاني وكانت مش قادرة تمشي فحط ايديه على رجلها ورجعت تمشي تاني كأنها شابة صغيرة
🌸 وبصت عليه وقالتله أنا اتأكدت دلوقتي إن أنت العزير واخدته للمكان اللي بيتجمع فيه أهل القرية كلها
🌸 وشاف ابنه بقى عنده ١٢٠سنة يعني كان العزير أصغر من ابنه بـ٨٠ سنة
🌸 فقالت لهم الخادمة ده هو العزير ورجع لينا تاني
🌸 فمحدش صدق كلامها وقالو لها إزاي يعني يرجع بعد ١٠٠ سنة
🌸 فقالتهم إنتم مش شايفين إني رجعت أشوف وامشي تاني هو كمان ربنا أحياه تاني بعد ١٠٠ سنة
🌸 فالناس كلها اتجمعت حواليه وابنه قاله أنا كنت عارف إن والدي العزير كان عنده حسنة سودة على كتفه
🌸 فكشف العزير كتفه فبانت الحسنة السودا ففرح بني إسرائيل أوي لأن العزير هو اللي كان حافظ كتاب التوراه بالكامل والتوراة ده كتاب زي القرآن الكريم ربنا نزله لسيدنا موسى علشان الناس تعرف الصح من الغلط وتعرف إزاي تعبد ربنا
🌸 لأنهم كان عندهم كتاب واحد بس وجه ملك شرير اسمه بختنصر وحرق ليهم التوراه
🌸 وطلبوا من العزير إنه يكتبلهم التوراه تاني بالكامل
🌸 فقالهم أنا فاكر إن بابا كان مخبي كتاب التوراه الأصلي تحت الارض في مكان معين علشان محدش يقدر يوصله و يسرقه
🌸 وفعلا راحوا ولقوا الكتاب موجود بس كله متقطع وبايظ
🌸 فزعلوا وقالوا للعزير لازم تكتبلنا التوراه تاني
🌸 فقعد العزير تحت الشجرة وقعد حواليه بني إسرائيل و كتب التوراه مرة تانيه
🌸 وعاشوا كلهم في خير وسعاده لحد ما مات العزير
🌸 وربنا حكى لينا القصة كاملة في سورة البقرة في القرآن في الآية رقم٢٥٩
🌸 ونتعلم من القصة دي إن لازم كل مسلم يشتغل زي ما كان العزير عنده أرض بيزرعها علشان يعرف يعيش كويس
🌸 وإن ربنا قادر على كل شيء زي ما شفنا إزاي خلى العزير يموت لمدة ١٠٠ سنة وده اللي هيحصل لينا يوم القيامة كلنا ربنا هيصحي كل الناس اللي ماتت
🌸 وإن المؤمن لما يكون عايز يعرف حاجة ربنا بيخليه يشوفها ويتعلمها زي ما علم العزير إزاي ممكن الواحد ترجع له الحياة بعد ما مات
🌸 ومعادنا بكرة إن شاء الله مع قصة توهان بني إسرائيل في الأرض
🌸 تصبحوا على خير يا حلوين
🌸 وصل اللهم وسلم على محمد
🌸🍃🌸🍃🌸🍃
إقرأ 📚 وانشر 📬 تُؤْجَرْ
/channel/seerawqass
https://youtu.be/-jxbnYZCJNw?si=GYQtqgv90XWD1pP1
Читать полностью…https://youtu.be/oUHb2Ub2Mhg?si=5KSMuirYCP9bApso
Читать полностью…