👦🏻 سيرة وقصص للأطفال 👧🏻

11 февраля 2024 03:58

#سيرة_امهات_المؤمنين

🌴السيدة زينب بنت خزيمة رضي الله عنها

🌻كان ياما كان و مايحلي الكلام
إلا بذكر النبي .. عليه الصلاة و السلام ..

🌼اللهم صل علي سيدنا مُحَمَّد

🌻 هي زينب بنت خزيمة بن الحارث

🌻وهي أمُّ المساكين، وكانوا بيسموها بالاسم ده في الجاهلية قبل الإسلام؛ لرحمتها ورقَّتها مع المساكين

🌻أمُّها هند بنت عوف بن زهير بن الحارث، التي قيل عنها: "لا تُعْلَم امرأة من العرب كانت أشرف أصهارًا من هند بنت عوف، أُمِّ زينب وميمونة وأخواتهما". فأصهارها اللي تزوجوا بناتها وأخواتها الرسول صلَّ الله عليه وسلم ، والعباس وحمزة ابنا عبد المطلب أعمام الرسول، وجعفر وعلي ابنا أبي طالب ولاد عّم الرسول، وأبو بكر وشداد بن أسامة بن الهاد

🌻وأختها من الأم ميمونة بنت الحارث رضي الله عنهما

🌻اتولدت قبل بعثة النبي ب١٣سنة تقريباً

🌻 ولما سمعت إن سيدنا محمد بقى رسول كانت من أول الستات اللي أسلموا على طول

🌻وكانت السيدة زينب رضي الله عنها زوجة الصحابي المشهور الجليل عبد الله بن جحش قبل لما تتجوز الرسول

🌻وَعَبَد الله بن جحش يبقى ابن عمة الرسول أميمة بنت عبد المطلب وكانت من الناس اللي هاجرت إلى الحبشة ومن النساء اللي كانت بتعالج الجرحى في غزوة بدر

🌻وكانت بتحب زوجها وعايشين مع بعض في سعادة

🌻 ولما جه معاد غزوة أحد

🌻زوجها قال يا رب أموت شهيد وكمان يقطعوا أنفي ووداني الأتنين

🌻طبعاً هو قال كده لصاحبه سعد بن أبي وقّاص وهو كمان كان عايز يموت شهيد

🌻علشان الشهيد ربنا بيديله جناحين يطير بيهم في الجنة

🌻وربنا بيحب الشهيد

🌻وهو قال عايز تتقطع أنفي وودني علشان الكفار لما بيكونوا متغاظين من حد قوي بيقطعوا له أنفه وودانه علشان هما ناس وحشين فعلشان كده تمنى الأمنية دي

🌻علشان كان عايز يبقى أقوى واحد في المعركة ويغيظ الكفار

🌻وفعلاً ربنا حقق له أمنيته ومات شهيد

🌻والكفار قطعوا ودانه وأنفه وشافه صاحبه سعد وقال صدق الله فصدقه الله

🌻يعني كان بيدعي وهو عارف إن ربنا هيحقق له أمنيته علشان هو بيسمع كلام ربنا والرسول

🌻وسيدنا حمزة ابن عبد المطلب عّم الرسول كان خال عبد الله بن جحش

🌻وكانوا بيحاربوا الكفار جنب بعض في غزوة أحد

🌻وهما الأتنين استشهدوا

🌻والرسول دفنهم هما الإتنين مع بعض

🌻ولما مات زوج السيدة زينب زعلت عليه لكن كانت متأكدة إن ربنا معاها وهيعوضها

🌻لكن طبعاً مكنتش عارفة إنها هتتجوز الرسول

🌻بس علشان هي كانت طيبة وبتعطف على الفقرا ربنا خلاها تتجوز الرسول

🌻وتزوجها النبي في شهر رمضان سنة ٣هجرية.

🌻وفرحت أوي وزاد حبها للإسلام وزاد عطفها على الفقرا والمساكين

🌻والرسول بنى ليها أوضة جنب السيدة عائشة والسيدة حفصة

🌻وعاشت مع الرسول في سعادة وهدوء وكان اللي بيشغلها دائماً الفقراء والمساكين

🌻ومكنتش بتعمل مقالب ولا أي حاجة لأنها كانت راضية بكل شيء ومكتفية إنها زوجة أحسن واحد في الدنيا

🌻وكانت بتتعلم من الرسول كل حاجة وبتصوم كتير وبتقوم تصلي بالليل

🌻لكن السيدة زينب بنت خزيمة منقلتش ولا حديث عن الرسول عارفين ليه؟؟

🌻لأنها عاشت مع الرسول ٨ شهور بس

🌻وماتت وهي عندها ٣٠ سنة

🌻وكانت أول زوجة للرسول تموت في المدينة بعد موت السيدة خديجة في مكة

🌻وادفنت في البقيع رضي الله عنها وأرضاها وجعل جنة الفردوس مثواها

🌻وبكرة إن شاء الله معادنا مع أم المؤمنين أم سلمة

🌻ودلوقتي جه معاد النوم

🌻تصبحوا على خير يا حلوين

🌼اللهم صل علي سيدنا مُحَمَّد
🌼🌼🌼🌼🌼🌼🌼
/channel/seerawqass

👦🏻 سيرة وقصص للأطفال 👧🏻

01 февраля 2024 23:45

#قصص_الأنبياء_للأطفال

🌴 سيدنا عيسى عليه السلام

🌼 الحلقة 3 🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 بعد ان كلم سيدنا عيسى امه السيده مريم وهو طفل في يومه الأول وأوصاها بأكل التمر

🌻 فرحت فرحا شديدا و احست لأول مرة بالسعادة تملأ قلبها منذ ان حملت بعيسى عليه السلام

🌻 قامت في سعادة غامرة تهز جزع النخله كما قال لها

🌻وما أن لمست الجزع حتى تساقط عليها التمر و الرطب فأكلت و شربت

🌻ووضعت طفلها في ملابسها ثم نامت من شده التعب والإعياء

🌻 وجاءت اللحظة الحاسمة التي ستعود فيها مريم الى قومها

🌻 وكانت تفكر ماذا ستصنع و ماذا سيقولون لها

🌻 وهل سيصدقون ان الله هو الذي رزقها بهذا الطفل ام انهم سيوجهون اليها أبشع التهم

🌻 وعادت مريم قرب العصر و كان السوق الكبير الذي يقع في طريقها للمسجد قد امتلأ بالناس

🌻 الذين فرغوا من البيع و الشراء وجلسوا يتحدثون

🌻 وما إن وصلت مريم الى السوق حتى نظر الناس إليها ولاحظوا أنها تحمل طفلا وتضمه لصدرها

🌻 فقال أحدهم أليست هذه مريم العذراء ؟ وما هذا الطفل التي تحمله ؟

🌻 ثم جاء إليها أحد الكهنه وسألها من هذا الطفل هل هو ابنك و كيف يكون ابنك و انتي لم تتزوجي ؟ ~سورة مريم 28

🌻 فقد قال الله تعالى ( فَأَتَتْ بِهِ قَوْمَهَا تَحْمِلُهُ قَالُوا يَا مَرْيَمُ لَقَدْ جِئْتِ شَيْئًا فَرِيًّا
يَا أُخْتَ هَارُونَ مَا كَانَ أَبُوكِ امْرَأَ سَوْءٍ وَمَا كَانَتْ أُمُّكِ بَغِيًّا )

🌻 وبدأ الإتهام يتوجه للسيده مريم من الناس حولها و مع ذلك كانت واثقه في ربها و رافعه رأسها و لم تتأثر بكلامهم

🌻 وعندما زادت الأسئلة أشارت بيدها الى سيدنا عيسى

🌻 فتعجبوا و اندهشوا ( فَأَشَارَتْ إِلَيْهِ قَالُوا كَيْفَ نُكَلِّمُ مَن كَانَ فِي الْمَهْدِ صَبِيًّا ) ~مريم 29

🌻 وإذا بسيدنا عيسى الطفل الرضيع ينطق و يكلمهم ~مريم 30 الى 33

🌻 ( قَالَ إِنِّي عَبْدُ اللَّهِ آتَانِيَ الْكِتَابَ وَجَعَلَنِي نَبِيًّا وَجَعَلَنِي مُبَارَكًا أَيْنَ مَا كُنتُ وَأَوْصَانِي بِالصَّلاةِ وَالزَّكَاةِ مَا دُمْتُ حَيًّا وَبَرًّا بِوَالِدَتِي وَلَمْ يَجْعَلْنِي جَبَّارًا شَقِيًّا وَالسَّلامُ عَلَيَّ يَوْمَ وُلِدتُّ وَيَوْمَ أَمُوتُ وَيَوْمَ أُبْعَثُ حَيًّا ذَلِكَ عِيسَى ابْنُ مَرْيَمَ قَوْلَ الْحَقِّ الَّذِي فِيهِ يَمْتَرُونَ مَا كَانَ لِلَّهِ أَن يَتَّخِذَ مِن وَلَدٍ سُبْحَانَهُ إِذَا قَضَى أَمْرًا فَإِنَّمَا يَقُولُ لَهُ كُن فَيَكُونُ وَإِنَّ اللَّهَ رَبِّي وَرَبُّكُمْ فَاعْبُدُوهُ هَذَا صِرَاطٌ مُّسْتَقِيمٌ

🌻 لقد رأى الناس أمام أعينهم معجزة حقيقيه

🌻 طفل جاء بغير اب و يتكلم و هو مازال يرضع و يقول انه نبي و معه كتاب

🌻 وهذا معناه ان ملكهم سيزول عندما يكبر هذا الطفل

🌻 ولن يستطيع وقتها احد منهم ان يبيع الغفران للناس كما كانوا يفعلون

🌻 وأحس كهنة اليهود بأن ميلاد هذا الطفل الصغير ستكون مأساه بالنسبه لهم

🌻 لأن حياتهم قائمة على الغش و الخداع و السرقه

🌻 ومجيء عيسى عليه السلام سيكون سببا في عودة الناس الى دين الله

🌻 و هذا معناه اعدام كهنه اليهود الموجودين في هذا الوقت لأنهم كانوا يخدعون الناس ويبيعون دينهم

🌻 ومع ان الله سبحانه و تعالى انطق سيدنا عيسى و هو طفل رضيع و علموا ان مريم طاهره و عفيفه

🌻 و لكنهم اختلفوا في شأن مريم ( فَاخْتَلَفَ الأَحْزَابُ مِن بَيْنِهِمْ فَوَيْلٌ لِّلَّذِينَ كَفَرُوا مِن مَّشْهَدِ يَوْمٍ عَظِيمٍ ) ~مريم 37

🌻 فمنهم من قال انه جاء من الحرام ومنهم من قال ان عيسى هو الله ومنهم من قال انه ابن الله

🌻 اما المؤمنون فيقولون انه عبدالله ورسوله و كلمته التي ألقاها الى مريم وروح منه

🌻 وقد قال الرسول صلى الله عليه من شهد انه لا اله الا الله وحده لا شريك له و ان محمد عبده و رسوله و ان عيسى هو عبد الله و رسوله و كلمته القاها الى مريم و روح منه و الجنه حق و النار حق ادخله الله الجنه على ما كان من العمل

🌻 وغدا إن شاء الله سوف نعرف كيف نشأ سيدنا عيسى عليه السلام

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

01 февраля 2024 23:41

#سيرة_امهات_المؤمنين

🌴السيدة حفصه رضي الله عنها

🌼 الحلقة 2 والأخيرة 🌼

🌻كان ياما كان و مايحلي الكلام
إلا بذكر النبي .. عليه الصلاة و السلام ..

🌼اللهم صل علي سيدنا مُحَمَّد

🌻وبعد ما طلق النبي السيده حفصه لأنها محافظتش على سره

🌻و طبعاً الرسول رجع تاني للسيدة مارية

🌻 وزعلت السيده حفصه جدا وقعدت تعيط

🌻 لكن سيدنا جبريل نزل لسيدنا محمد وقاله رجعها تاني وقال عليها إنها صوامة قوامة وهي زوجتك في الجنه

🌻وطبعا لازم نتعلم من الموقف ده إن الصيام والقيام ممكن ينقذونا من حاجات وحشة كانت ممكن تحصل

🌻ولازم نتعلم كمان إنه مينفعش حد يقول لنا سر وإحنا نقوله للناس لأن دي حاجة بتخلي ربنا يزعل مننا

🌻وبكده اتعلمت السيده حفصه إنها لازم تحافظ على أسرار النبي وتسمع كلامه

🌻 و السيده حفصه كانت مشهوره بغيرتها على الرسول

🌻و في يوم من الأيام كانت السيده حفصه قاعده عند السيده عائشة و جت تزورها السيده سوده

🌻و كانت لابسه لبس جميل و جديد و كانوا بيشتروه مخصوص من اليمن

🌻فراحت السيده حفصه قالت للسيده عائشة احنا هنسيبها لابسه حلو كده و يجي الرسول يشوفها و هي لابسه حلو و احنا لابسين وحش

🌻ايه رأيك نبوظلها العبايه بتاعتها

🌻 فراحت قالت السيده حفصه للسيده سودة مسمعتيش ايه اللي حصل

🌻قالتلها المسيح الدجال اللي الرسول قال عليه ظهر ووصل المدينة

🌻فالسيده سودة خافت و قالتلها طيب هنعمل ايه دلوقتي و هنستخبى فين منه

🌻فراحت قالتلها شايفه الخيمه اللي هناك دي روحي استخبي فيها لأنها مليانه عنكبوت و مش نظيفه و محدش هيشوفك جواها

🌻فجريت السيده سودة تستخبى جوه الخيمه و قعدت السيده عائشة و السيدة حفصه يضحكوا عليها

🌻و جه الرسول صلَّ الله عليه وسلم و سألهم 3 مرات بتضحكوا على ايه و هما قاعدين يضحكوا وراحوا شاوروا بإيدهم على الخيمه

🌻فراح الرسول و لقى السيده سودة قاعده ترتعش فسألها مالك يا سوده

🌻فقالتله يا رسول الله المسيح الدجال جه

🌻فراح الرسول قالها لأ لسه مجاش متخافيش اطلعي

🌻و طبعا كانت عبايتها اللي جايباها من اليمن اتملت تراب و عنكبوت و باظت

🌻و ده كان من المقالب و المواقف المضحكه اللي السيده حفصه بتعملها في زوجات الرسول

🌻و في يوم من الايام اتفقوا زوجات الرسول إنهم يطلبوا من الرسول يزود لهم مصروف البيت

🌻و كانت السيده حفصه و السيدة عائشة هما اللي بدوءا يتكلموا عن الموضوع ده و يقنعوا زوجات الرسول الباقين

🌻فربنا نزل آيه 4 في سوره التحريم و معنى الآيه انهم لازم يبطلوا اللي بيعملوه ده و يستغغروا ربنا و ميزعلوش الرسول صلَّ الله عليه وسلم

🌻و في يوم من الايام كان الرسول قاعد و كل زوجاته قاعدين معاه

🌻و بعدين جم سيدنا ابو بكر و سيدنا عمر و دخلوا لقوا الرسول قاعد زعلان و ساكت

🌻فسيدنا عمر قال أنا هحاول أخلي الرسول يضحك

🌻و قاله يا رسول الله عارف مراتي لوجت قالتلي زود مصروف البيت انا كنت كسرت رقبتها طبعاً هو بيهزر علشان الرسول كان زعلان

🌻فضحك النبي و قاله شايف كلهم قاعدين علشان يطلبوا زيادة المصروف

🌻 و بعدين ربنا نزل ايه 28 في سوره الاحزاب و الايه دي بتقول لزوجات النبي لو انتوا عايزين الدنيا و الحاجات الحلوة اللي فيها انا ممكن اخلى الرسول يطلقكوا و تعيشوا الحياه اللي انتوا عايزينها

🌻و الرسول قالهم كل واحدة تسأل اهلها و ترد عليا

🌻فكلهم اختاروا انهم يعيشوا مع الرسول طبعا

🌻وراح سيدنا عمر ودخل في اوضة السيده حفصه و قالها تاني مره متطلبيش من الرسول حاجه تعالي اطلبي مني اللي انتي عايزاه وسيبي الرسول في حاله

🌻و كان الرسول بيهتم بالسيدة حفصه و يعلمها الدين و يطلب منها انها تعلم باقي النساء الكتابة والدين

🌻و فعلا كانت بتنقل كل الأحكام و الأحاديث اللي بيعلمها ليها الرسول للناس

🌻و فضلت كده لغايه لما الرسول صل الله عليه وسلم مات

🌻و لما مسك سيدنا أبو بكر الخلافه وقرر إنه يجمع القرآن اختار السيده حفصه علشان يشيلوا عندها

🌻لأنها كانت الوحيده اللي بتعرف تقرأ و تكتب و بتعرف ترتب القرآن

🌻و اطلقوا على السيده حفصه حارسة القرآن و كانوا الناس بييجوا على بيتها و يتعلموا منها و يسألوها

🌻و بعد لما مات ابو بكر و مسك أبوها عمر الخلافه فضلت عايشه زي ما هي و كان معروف عنها انها كثيره الصيام و القيام و كانت مشهروة بالصوامه القوامه

🌻ولما أبو لؤلؤة المجوسي طعن باباها سيدنا عمر بالسكينه راحت عند ابوها تهتم بيه و تدعيله

🌻و لما مسك سيدنا عثمان الخلافة ولقى ناس كتيرة دخلت الإسلام وكانوا بيتكلموا بلغات كتيرة طلب من السيدة حفصة القرآن وعمل نسخ منه وبعت لكل مدينة نسخة لأنه خاف إنهم يقرأوا القرآن غلط

🌻وبعد لما سيدنا عثمان مات وكانت السيدة حفصة و السيده عائشة اصحاب اوي فلما اتقتل سيدنا عثمان كانت عايزة تسافر مع السيده عائشة علشان يطالبوا بالقصاص لسيدنا عثمان زي ما حكينا قبل كده

👦🏻 سيرة وقصص للأطفال 👧🏻

01 февраля 2024 23:15

https://youtu.be/t-mq67FS-Uo?si=UtroQ73-kdpuKSJw

👦🏻 سيرة وقصص للأطفال 👧🏻

11 января 2024 23:22

#قصص_الأنبياء_للأطفال

🌴 سيدنا عيسى عليه السلام

🌼 الحلقة 2 🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 يخبرنا القرآن الكريم عن مولد سيدنا عيسى

🌻 قال تعالى:(وَاذْكُرْ فِي الْكِتَابِ
مَرْيَمَ إِذِ انتَبَذَتْ مِنْ أَهْلِهَا مَكَانًا
شَرْقِيًّا. فَاتَّخَذَتْ مِن دُونِهِمْ
حِجَابًا فَأَرْسَلْنَا إِلَيْهَا رُوحَنَا
فَتَمَثَّلَ لَهَا بَشَرًا سَوِيًّا)

🌻 فقد إعتزلت مريم أهلها وأقاربها في مكان شرقي ببيت المقدس من أجل أن تتفرغ لعبادة الله

🌻 وكانت تضع سترا وحاجزا حتى تتفرغ للعبادة دون أن يضايقها أحد

🌻 فأرسل لها الله سبحانه وتعالى جبريل عليه السلام وهي في المحراب وحدها وجاءها في صورة شاب أبيض الوجه في غاية الحسن والجمال

🌻 فخافت منه مريم و(قَالَتْ إِنِّي أَعُوذُ بِالرَّحْمَن مِنكَ إِن كُنتَ تَقِيًّا)

🌻 ومعنى الآية إني أحتمي وألتجئ إلى الله منك فإن كنت تقياً فاتركني في حالي ولا تقترب مني

🌻 فرد جبريل عليه السلام و (قَالَ إِنَّمَا أَنَا رَسُولُ رَبِّكِ لِأَهَبَ لَكِ غُلامًا زَكِيًّا)

🌻 حتى يطمأنها أخبرها أنه ملك أرسله الله لها ليعطيها غلاما زكياً طاهراً من الذنوب

🌻 فاطمأنت مريم ولكنها استغربت و( قَالَتْ أَنَّى يَكُونُ لِي غُلامٌ وَلَمْ يَمْسَسْنِي بَشَرٌ وَلَمْ أَكُ بَغِيًّا)
أي كيف سيحدث ذلك وأنا لم أتزوج ولم يمسسني بشر

🌻 فقال لها جبريل ( كَذَلِكِ قَالَ رَبُّكِ هُوَ عَلَيَّ هَيِّنٌ وَلِنَجْعَلَهُ آيَةً لِلنَّاسِ وَرَحْمَةً مِّنَّا وَكَانَ أَمْرًا مَّقْضِيًّا)

🌻 أخبرها أنه أمر سهل ميسور على الخالق جل وعلا فالله هو الذي أمر بأن يُخلق عيسى من أم بلا أب ليكون معجزة ورحمة من الله لبني إسرائيل

🌻 وهذا معناه أن الأمر انتهى ما دام الله أمر بذلك فليس هناك أي مجال للمناقشة لأن أمر الله لا بد من تنفيذه على الوجه الذي أراده الله حتى لو كنا غير مقتنعين

🌻 ولماذا تعجبين فلقد خلق الله آدم عليه السلام من غير أب ولا أم وخلق حواء من آدم فهي خُلقت من ذكر بغير أنثى وسيخلق ابنك من أم بلا أب وخلق الناس جميعا من أب وأم حتى يعلم الناس قدرة الخالق جل وعلا وعظيم سلطانه

🌻 واستقبلت مريم كلمات جبريل عليه السلام بكل رضا واستسلام لأمر الله جل وعلا


🌻 ( إِذْ قَالَتِ الْمَلَائِكَةُ يَا مَرْيَمُ
إِنَّ اللَّهَ يُبَشِّرُكِ بِكَلِمَةٍ مِّنْهُ اسْمُهُ
الْمَسِيحُ عِيسَى ابْنُ مَرْيَمَ وَجِيهًا
فِي الدُّنْيَا وَالْآخِرَةِ وَمِنَ
الْمُقَرَّبِينَ )

🌻 سبحان الله عرفت اسم ابنها قبل أن تحمله في بطنها وعرفت أنه سيكون وجيها في الدنيا والآخرة وسيكون من المقربين إلى الله بل وإلى من حوله من الناس

🌻 وانتهى الحوار بين جبريل عليه السلام ومريم ونفخ جبريل في جيب مريم والجيب هو فتحة الثوب التي تكون في الصدر

🌻فدخلت النفخة في جوفها فحملت فورا بعيسى عليه السلام

🌻 ومرت الأيام صعبة على مريم فهي تفكر ماذا ستقول للناس وهي التي حملت بغير زواج

🌻 وكان حملها يختلف عن حمل باقي النساء فهي لم تشعر بثقل ولا بمرض ولم تكبر بطنها

🌻 واقتربت ساعة الولادة وأحست مريم بألم الولادة

🌻 فخرجت من القرية وذهبت الى مكان بعيد يمتلئ بالأشجار والنخيل وهو مكان لا يعرفه أحد غيرها ( فَحَمَلَتْهُ فَانتَبَذَتْ بِهِ
مَكَانًا قَصِيًّا )

🌻 ولم يكن أحد يعرف أن مريم حامل وأنها ستلد فهي تغلق عليها المحراب للعبادة ولا يقترب منها أحد حتى لا يسبب لها إزعاج

🌻 وجلست مريم تستريح قليلا تحت جذع نخلة وتفكر فيما سيحدث لها في الأيام القادمة

🌻 وفجأة زاد عليها الألم ( فَأَجَاءَهَا الْمَخَاضُ إِلَى جِذْعِ
النَّخْلَةِ قَالَتْ يَا لَيْتَنِي مِتُّ قَبْلَ
هَذَا وَكُنتُ نَسْيًا مَّنسِيًّا )

🌻 وبدأت لحظات ميلاد المسيح عيسى ابن مريم عليهما السلام

🌻 وفي هذه اللحظة الصعبة ومريم تتألم وتفكر فيما سيحدث لها

🌻 جاء التثبيت من عند الله وحدثت معجزة لقد أنطق الله عيسى عليه السلام وتكلم مع امه وهو مازال طفل في يومه الأول

🌻 ( فنادى أمه وتكلم معها
فَنَادَاهَا مِن تَحْتِهَا أَلاَّ تَحْزَنِي قَدْ
جَعَلَ رَبُّكِ تَحْتَكِ سَرِيًّا وَهُزِّي
إِلَيْكِ بِجِذْعِ النَّخْلَةِ تُسَاقِطْ عَلَيْكِ
رُطَبًا جَنِيًّا فَكُلِي وَاشْرَبِي وَقَرِّي
عَيْنًا فَإِمَّا تَرَيِنَّ مِنَ الْبَشَرِ أَحَدًا
فَقُولِي إِنِّي نَذَرْتُ لِلرَّحْمَنِ صَوْمًا
فَلَنْ أُكَلِّمَ الْيَوْمَ إِنسِيًّا )

🌻 لم تصدق مريم ما تراه وما تسمعه معقول طفل صغير وُلد منذ دقائق معدودات ينطق ويتكلم

🌻 وطلب سيدنا عيسى عليه السلام من أمه أن تهدأ ولا تحزن وأن تهز إليها بجذع النخلة ليتساقط عليها التمر والرطب

👦🏻 سيرة وقصص للأطفال 👧🏻

11 января 2024 22:59

https://youtu.be/txS9JYnl4M8?si=rjmUOdzXtIAXB3aD

👦🏻 سيرة وقصص للأطفال 👧🏻

02 января 2024 11:45

🌻و فعلا وصلوا للعراق و وقفوا على الحدود و بعتوا واحد من عندهم يقول لسيدنا علي علشان يبلغهم هما جايين ليه

🌻و سيدنا علي كان عنده جيش مكون من عشرين ألف مقاتل و وافق على كلامهم و بعتلهم واحد من عنده يقولهم إنه موافق على كلامهم بس لازم يعملوا خطه علشان يعرفوا يهاجموا الناس اللي قتلوا سيدنا عثمان

🌻و وافقت السيده عائشة على كلام سيدنا علي و رضيوا إنه هو الخليفه ليهم كلهم

🌻و لما عرف اليهود و هما أصلا كانوا بيمثلوا إنهم مسلمين و كان اسمهم المنافقين لكن في الحقيقه انهم مش مسلمين

🌻اتفقوا إنهم يقسموا نفسهم نصين نص يروح في جيش السيدةعائشة و النص التاني في جيش سيدنا علي

🌻و النص اللي في جيش السيده عائشه يقتل ناس من الجيش و النص اللي راح في جيش سيدنا على يقتل ناس من جيش سيدنا علي

🌻و بعدين المنافقين اللي جوه جيش السيده عائشة يصرخوا و يقولوا غدر بينا جيش سيدنا علي و المنافقين اللي جوه جيش علي يقولوا غدر بينا جيش طلحه و الزبير

🌻و طبعا المسلمين اللي جوة الجيش ده و الجيش ده صدقوا الكلام و بقوا يدافعوا عن نفسهم لأن بقت فيه ناس قاعده تقتل فيهم فافتكروا إن الكلام ده صح

🌻و فعلا مات سيدنا طلحه و سيدنا الزبير و السيده عائشة قعدت تصرخ في الجيش و تقولهم وقفوا القتال و سيدنا علي بيعمل نفس الكلام في جيشه ويقول لهم وقفوا القتال

🌻و لكن كان اتقتل 13 ألف من جيش السيده عائشة و 5 الاف من جيش سيدنا علي وكلهم من أصحاب الرسول وكلهم مسلمين

🌻و بعد كده سيدنا علي أرسل السيده عائشة الى المدينه مع الحراس بعد ما اقنتعت ان كلام سيدنا علي صح و انه مش هينفع يهاجم الناس اللي قتلوا سيدنا عثمان لأنهم دخلوا في وسط المسلمين زي ما عملوا في الجيشين

🌻ولو سيدنا علي هاجمهم مسلمين كتير هيموتوا زي ما حصل من شويه

🌻لكن فضل سيدنا معاويه مصمم على رأيه و مصمم إنه هو يحارب سيدنا علي بردوا بالرغم من كل اللي حصل

🌻و كان من ضمن جيش سيدنا علي سيدنا عمار بن ياسر و سيدنا عبد الله بن عباس و محمد بن أبي بكر أخو السيده عائشة

🌻 والنبي قال حديث معناه إن عمار هتقتله الفئه الباغية يعني معنى كلام النبي ان سيدنا علي هو اللي على حق لأن سيدنا عمار مات و اللي قتله الناس اللي مع سيدنا معاويه و طبعا المنافقين هما اللي قتلوه

🌻و حزنت السيده عائشة إنها خرجت بالجيش ده كله و كانت كل لما تفتكر تقعد تعيط و تلوم نفسها إنها خرجت بالمسلمين في وقت زي ده لأن ده اسمه وقت الفتنه و المنافقين بيدخلوا جوه المسلمين و الناس مش بتكون فاهمه إيه اللي بيحصل فكان لازم إن الكل يسمع كلام سيدنا علي و يستنى لما الامور تهدى علشان يعرفوا يخططوا صح و يحاربوا اللي قتلوا سيدنا عثمان

🌻 و بعد الرحله الطويله دي في شهر رمضان سنه 58 من الهجرة مرضت السيدة عائشة مرض جامد و في ليله الثلاثاء 17 من رمضان ماتت السيده عائشة رضي الله عنها و دفنت في البقيع في المدينة المنورة جنب النبي

🌻 و ماتت في عهد معاوية بن أبي سفيان بعد لما مات سيدنا علي و هبقى احكيلكوا سيدنا علي مات إزاي و إحنا بنحكي عن قصه حياته إن شاء الله

🌻و بكده نكون خلصنا قصه أمنا عائشة رضي الله عنها اللي قال عنها النبي فضل عائشة على النساء كفضل الثريد على سائر الطعام

🌻و الثريد هو العيش المنقوع في الشوربه مع اللحمه و هو كان أكتر حاجه بيحبها النبي في الأكل و علشان كده شبهها بأحب حاجه إليه وقال إن الثريد فيه بركة

🌻و بكره معادنا مع أمنا حفصه بنت عمر بن الخطاب رضي الله عنهما و دلوقتي جه معاد النوم

🌻تصبحوا على خير يا حلوين

🌼اللهم صل علي سيدنا مُحَمَّد
🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

30 декабря 2023 00:42

https://youtu.be/l3C_TEJJL_I?si=GG4ouT6wjZrdGo6D

👦🏻 سيرة وقصص للأطفال 👧🏻

28 декабря 2023 18:23

#سيرة_امهات_المؤمنين

🌴تابع السيدة عائشة رضي الله عنها

🌙 الحلقة 10 🌙

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼 اللهم صل علي سيدنا مُحَمَّد

🌻 زعلت السيده عائشة بعد موت الرسول

🌻 وعاشت وهي بتنفذ وصيته و بتتقرب من ربنا زي ما هو علمها و كان عمرها 19 سنه لما مات الرسول

🌻و مع ان سنها لسه صغير لكن كانت بتعلم كل الرجال و كل الستات أحاديث الرسول صل الله عليه وسلم والحاجات اللي اتعلمتها منه

🌻فالكل بيروح عندها علشان يتعلم منها

🌻 و العلماء قالوا ان عندها ربع الشريعه و انها اكتر واحده نقلت لناأاحاديث عن الرسول صلَّ الله عليه وسلم

🌻و مش بس كانت بتنقل أحاديث عن الرسول دي كمان كانت بتدرس الناس الفقه و كانت شاعره و كانت بتعرف كتير عن الطب علشان كانت بتروح مع الرسول الغزوات و بتعالج المرضى

🌻و مش بس كده دي كمان كانت بتصحح المعلومات للصحابه و لزوجات الرسول

🌻في يوم من الايام اتجمعوا زوجات الرسول و بعتوا سيدنا عثمان لأبي بكر علشان يسألوه عن الورث بتاعهم من الرسول

🌻و وقفت السيده عائشة و قالت لهم انتوا نسيتوا حديث الرسول اللي قال فيه لا نورث ما تركناه فهو صدقه

🌻و معنى الكلام ده ان اي حاجه بيسبها الرسول بتكون صدقه

🌻و فضلت السيده عائشة تعلم الناس كلام الرسول و انشغل ابوها ابو بكر في حروب الردة

🌻و حروب الرده دي يا اولاد حصلت بعد لما الرسول مات علشان كان في ناس كتير سابت الإسلام

🌻و قالت طالما الرسول مات يبقى خلاص مش هنبقى مسلمين

🌻فسيدنا ابو بكر قرر انه يحارب الناس دي و بعت جوابات لكل الناس اللي فضلت مسلمه علشان يتجمعوا عنده في المدينه

🌻و بعت رسايل يهدد فيها الناس اللي رجعوا في إسلامهم وقال لهم لو مرجعتوش تاني مسلمين هنييجي نحاربكم

🌻و بعد ما اتجمعت الجيوش عند أبو بكر في المدينه

🌻راحوا يحاربوا و كون ابو بكر 11 جيش علشان كل جيش يروح يحارب قبيله من القبائل المرتده

🌻و فضل ابو بكر يحاربهم لغايه لما رجعوا كلهم في الإسلام تاني

🌻وفي الوقت ده مات مسلمين كتير

🌻فأمر أبو بكر بجمع القرآن لأن الناس اللي كانت حافظة القرآن بتموت في الحرب فخاف على القرآن وجمعه كله مكتوب وخلاه عند السيدة حفصة بنت عمر بن الخطاب وزوجة الرسول

🌻بس ابو بكر قعد سنتين و 3 شهور و 10 ليالي و هو بيحكم المسلمين و كان اسمه خليفه رسول الله وهنحكي عن أبو بكر كتير إن شاء الله بعد لما نخلص زوجات الرسول

🌻و بعد كده تعب اوي و فضل عيان لمده 15 يوم و السيده عائشة قاعده معاه علشان تديله الدواء

🌻 و كانت ساعات تقعد تقول شعر علشان هي بتحب الشعر و كان لما بيسمعها يقولها عندنا حاجه أحسن من الشعر اللي هي القرآن متقوليش جنبي شعر قولي قرآن وبس

🌻و وصى السيده عائشة قبل ما يموت
إنها تشوف فلوسه زادت قد إيه من ساعة ما مسك الخلافة وترجعها للخليفة اللي هيمسك بعده

🌻فبتقول السيدة عائشة فلقيناها زادت عبد من النوبه و جمل فأرسلانهم لعمر

🌻فبكى سيدنا عمر وقال رحمة الله على أبي بكر لقد أتعب من بعده تعباً شديداً

🌻و قال لها يا عائشة انا كنت اديتك بستان ولم أعطي اخواتك زيه فرجعيه للميراث فردته السيده عائشة للميراث

🌻و عاشت مرة تانيه السيده عائشة في حزنها

🌻و مات سيدنا أبو بكر و هو عنده 63 سنه و هو نفس العمر اللي مات فيه الرسول صلَّ الله عليه وسلم و كان يوم أثنين 22 من جمادي الاخر سنه 13 هجريه

🌻و اتدفن جنب الرسول في غرفه السيدة عائشة و ده كان القمر التاني اللي السيده عائشة حلمت بيه

🌻ولسه مكملين مع قصة حياة السيدة عائشة

🌻بس دلوقتي جه معاد النوم

🌻تصبحوا على خير يا حلوين

🌼اللهم صل علي سيدنا مُحَمَّد
🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

16 декабря 2023 18:17

https://youtu.be/Ki3k17aymcE?si=NkDs1E1c5F5q7LK1

👦🏻 سيرة وقصص للأطفال 👧🏻

10 декабря 2023 20:55

#سيرة_امهات_المؤمنين

🌴تابع السيدة عائشة رضي الله عنها

🌙 الحلقة 9 🌙

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼 اللهم صل علي سيدنا مُحَمَّد

🌻 قلنا إمبارح إن فيه حاجات حصلت خلت السيدة عائشة تعرف إن الرسول صلَّ الله عليه وسلم خلاص هيموت

🌻في يوم من الأيام اجتمع زوجات النبي في غرفة السيدة عائشة

🌻 وجاءت فاطمة ابنة الرسول تمشي مشية الرسول كلهم وصفوا طريقة مشيها إنها تشبه مشية الرسول

🌻فرحب بيها النبي وقال مرحباً بابنتي فأجلسها بجانبه وبعدين كلمها بشويش في ودنها وقال لها حاجة خليتها تعيط

🌻وبعدين قال لها حاجة تانية فضحكت

🌻فسألتها السيدة عائشة ماذا قال لك رسول الله

🌻فردت فاطمة وقالت لها أنا مقدرش أقول لك على سر الرسول قالوا لي

🌻ولما مات الرسول سألتها تاني

🌻فقالت لها إن الرسول قال لها إن جِبْرِيل كان بييجي له مرة في السنة ولكن هذه السنة جاله مرتين وقال لها أنا خلاص هموت وإنت أول واحدة من أهلي هتموتي بعدي فعيطت السيدة فاطمة

🌻وبعدين قال لها أنت سيدة نساء أهل الجنة فضحكت

🌻وكمان الرسول قال لهم عايز أشوف الحسن والحسين فلما وصلوا فقعد يتكلم معاهم ويبوس فيهم وكمان جمع زوجاته وقعد ينصحهم ويذكرهم بالتقرب إلى الله

🌻والسيدة عائشة بتحكي إن الرسول زمان يهود خَيْبَر حطوا له السم في الأكل وجبريل نزل قال للرسول ميكلش من الأكل ده بس كان فيه شوية سم دخلوا فم الرسول فبتقول إن الرسول حس بالسم ده وهو بيموت واشتد عليه الوجع

🌻وبتحكي إن الرسول قال لها إنه مفيش نبي جه يموت إلا لما ربنا يفرجه مكانه من الجنة وبعدين يخيره يفضّل في الدنيا ولا يروح عند ربنا

🌻وبعد لما الرسول صلَّ الفجر ودخل ونام على رجل السيدة عائشة ساعة وبعدين فضل بيبص على السقف وبيقول اللهم الرفيق

🌻فقالت السيدة عائشة فعرفت إنه مش هيختارنا وهيختار ربنا

🌻وجاء عبد الرحمن بن أبي بكر وفي يده سواك فنظر الرسول للسواك فعرفت السيدة عائشة أنه عايز سواك فأخذته وأعطته للرسول فنظف به فمه

🌻وبعدين وقعت يد النبي

🌻فقعدت السيدة عائشة تدعوا للرسول

🌻بالأدعية اللي الرسول علمها لها

🌻وبعدين الرسول نظر للسما

🌻وقال الرفيق الأعلى

🌻وجه جِبْرِيل وقال للرسول إن ربنا إشتاق له

🌻وإنه مش هينزل على حد تاني لأن الرسول آخر نبي

🌻فرد عليه الرسول وقال له وأنا مشتاق إلى ربي

🌻ومات الرسول صلَّ الله عليه وسلم

🌻وأظلمت المدينة بالكامل بموت الرسول

🌻ودُفن الرسول في غرفة السيدة عائشة

🌻وقبل كده كانت السيدة عائشة حلمت حلم

🌻إن ٣أقمار وقعوا في حجرتها

🌻وراحت حكت لأبيها أبو بكر

🌻قال لها ان كانت دي رؤية وصدقت فهيدفن في بيتك ثلاث رجالة من أحسن أهل الارض

🌻فلما مات الرسول صلي الله عليه وسلم ابو بكر قال لابنته عائشة بعد ما الرسول أدفن في غرفتها دا احد اقمارك يا عائشة وهو احسنهم

🌻وبعد كده دفن ابوها ابو بكر و دا كان القمر الثاني وبعدين عمر بن الخطاب ودا كان القمر الثالث و بكده اتحققت رؤية السيدة عائشة و خلصت حلقة النهارده لانه جه وقت النوم

🌻وبكرة ان شاء الله هنكمل ونعرف ايه اللي حصل بعد موت الرسول

🌻تصبحوا على خير يا حلوين

🌼اللهم صل علي سيدنا مُحَمَّد
🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

01 декабря 2023 13:43

#سيرة_امهات_المؤمنين

🌴تابع السيدة عائشة رضي الله عنها

🌙 الحلقة 8 🌙

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 يالا بينا نكمل مع السيده عائشة

🌻وبعد ما رجع الرسول من البقيع دخل على السيده عائشة ولقاها بتقول اه يا رأسي فقالها وانا كمان يا عائشه رأسي بتوجعني

🌻و بعد كده زاد المرض على الرسول و كان ساعتها في بيت السيدة ميمونه

🌻وقالها اجمعي كل زوجاتي و جمعتهم السيده ميمونه و استأذنهم النبي إنه يقعد في بيت السيده عائشة علشان مش هيقدر يتنقل بين بيوت زوجاته لأنه كان كل يوم يبات عند زوجه من زوجاته

🌻المهم وافقوا زوجات الرسول إنه يروح بيت عائشة

🌻وهو عند السيده عائشة جاله صاحبه عبد الله بن مسعود وكان الرسول تعبان جدا

🌻فقاله يا رسول الله زاد عليك المرض فرد عليه الرسول وقاله أنا أتألم زي رجلين منكوا

🌻وطلب النبي من السيده عائشة إنها تدلق على راسه 7 زجاجات ميه علشان حرارته تنزل

🌻وبعد ما حرارته نزلت طلع المسجد و قال خطبة للناس و في آخرها قال إن عبداً خيره الله بين زهرة الدنيا ما شاء وبين ما عنده فاختار ما عند الله

🌻يعني الرسول بيقول إن ربنا خلاه يختار بين إنه يعيش في الدنيا ولا يروح عند ربنا فاختار يموت ويروح عند ربنا

🌻والوحيد اللي فهم ان دي لحظة الوداع هو سيدنا أبو بكر وقاله فديناك بآبائنا وأمهاتنا يا رسول الله

🌻والنبي كان بيصلي بالناس بالرغم من شده مرضه لغايه يوم الخميس قبل الوفاه بأربعة أيام

🌻في اليوم ده صلى المغرب بسورة المرسلات وفي صلاة العشاء زاد المرض على الرسول والناس فضلت مستنيه إن الرسول يخرج لكن كان كل شويه يغمي عليه ويقولهم ادلقوا على راسي الميه لكن يغمي عليه تاني

🌻والحكايه دي حصلت اكتر من مرة فبعت الرسول لأبو بكر وأمره إنه يصلي بالناس

🌻وفضل أبو بكر يصلي بالناس الأربع أيام وفي يوم الأحد قبل ما الرسول يموت بيوم أعتق الرسول كل غلمانه وتصدق ب7 دنانير وهي اللي كانت عنده

🌻ووزع الأسلحة بتاعته على المسلمين

🌻وباليل السيده عائشة لقت زيت المصباح خلص

🌻فخذت من جارتها زيت علشان تنور

🌻 والسيدة عائشة بتقول ان كانت درع النبي مرهونه عند يهودي ب 30 صاع من الشعير

🌻والدرع ده حاجة زي القميص بس مصنوعة من حديد علشان في الحروب تحمي الجسم من الأسلحة

🌻ويوم الاتنين الصبح خرج النبي صلَّ الله عليه وسلم يسلم على كل صحابه فلقاهم بيصلوا الصبح وأبو بكر إمام ليهم وفرحوا أصحابه وإفتكروا إنه خف من المرض وربنا شفاه

🌻ووسعوا له في الصفوف علشان هو يبقى الإمام لكن شاور لهم انهم يكملوا صلاتهم وكل واحد يفضّل مكانه وصلى وراء أبو بكر

🌻والسيده عائشة بتحكي إنه بعد كده رجع من المسجد و نام على رجلها وتعب تاني

🌻و لسه هنكمل إن شاءالله بكره مع السيده عائشة و هي بتحكي ايه اللي حصل للرسول قبل موته بس دلوقتي جه معاد النوم

🌻تصبحوا على خير يا حلوين

🌼اللهم صل علي سيدنا مُحَمَّد
🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

16 ноября 2023 20:52

#قصص_الأنبياء_للأطفال

🌴 سيدنا زكريا ويحيا عليهما السلام

🌼 الحلقة 2 🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 بعد أن كفل سيدنا زكريا عليه السلام السيده مريم لاحظ تلك العنايه الربانيه لمريم و كرامه الله لها

🌻لأن ربها تقبلها بقبول حسن وأنبتها نباتا حسنا

🌻 فقد إختارها على نساء العالمين وقد كان لمريم محراب خاص تتعبد فيه وكانت لا تغادر مكانها الا قليلا وتقضي وقتها كله في العباده والصلاه والدعاء

🌻وكان سيدنا زكريا يزور مريم في المحراب ليطمئن عليها لأنه كان متكفل بها وبرعايتها

🌻وكلما يدخل عليها زكريا المحراب يجد عندها رزق من الله

🌻 والعجيب انه كان يجد عند مريم فاكهة الشتاء في الصيف وفاكهة الصيف في الشتاء

🌻ولم ير ذلك مره واحده بل تكرر هذا المشهد عدة مرات

🌻ولذلك سألها من أين يأتي هذا الرزق يا مريم ؟

🌻قالت هو من عند الله ~ال عمران 37


🌻في هذه اللحظه تحركت في نفس سيدنا زكريا عليه السلام الرغبة القويه بأن يرزقه الله الذريه الصالحه

🌻وذلك بعد ان رأى الكرامات التي اكرم الله بها مريم عليها السلام

🌻و لكن في هذا الوقت كان زكريا عليه السلام صار شيخا كبيرا وقد وهن عظمه وضعف وشاب شعره

🌻وكانت زوجته خالة السيده مريم هي أيضا عجوز وعقيم

🌻هنالك دعا زكريا ربه قال ربي هب لي من لدنك ذريه طيبهإانك سميع الدعاء

🌻فكانت الاستجابه الفوريه من فاطر السموات و الارض الذي لا يعجزه شيئا في الارض و لا في السماء

🌻وقال تعالى "وزكريا اذ نادى ربه ربي لا تذرني فردا وانت خير الوارثين" ~الأنبياء 89

🌻وكان سيدنا زكريا يريد ان يكرمه الله بولد صالح يرث النبوة من بعده و يحفظ امر الدين

🌻ولم يكن الغرض من دعاءه عرض الحياة الدنيا فقط ~سورة مريم من 1 الى 7

🌻فقد كان سيدنا زكريا يخشى ان يضل الناس من بعده إذا لم يبعث الله فيهم نبيا

🌻فنادى الله سبحانه وتعالى سيدنا زكريا و قال يا زكريا إنا نبشرك بغلام اسمه يحيى لم نجعل له من قبل سميا

🌻اي ان الله سبحانه و تعالى استجاب دعاء سيدنا زكريا واختار الاسم أيضا وكان هذا الاسم لم يسمى به احد قبل ذلك

🌻فوجيء سيدنا زكريا بهذه البشرى وخاصه انه سيكون له ولد لا شبيه له من قبل

🌻وقال ربي انى يكون لي غلام و كانت امرأتي عاقرا و قد بلغت من الكبر عتيا

🌻اي أنا شيخ كبير وامرأتي عجوز عقيم لا تلد فكيف سيكون عندي غلام ؟

🌻فقالت الملائكة لسيدنا زكريا كذلك قال ربك هو علي هين فقد خلقتك من قبل و لم تكن شيئا

🌻فليس هناك شيء يصعب على الله سبحانه و تعالى فإنما إذا اراد شيء فإنه يقول له كن فيكون

🌻ونادته الملائكه و هو قائم يصلي في المحراب ان الله يبشرك بيحيى

🌻مصدقا بكلمة من الله و المقصود بالكلمه هنا هو سيدنا عيسى بن مريم

🌻لأنه هو اول من صدق بيحيى و قال الله وسيدنا وحصورا اي سيدنا في العلم و العباده والخلق

🌻وحصورا اي يحبس نفسه عن الشهوات ونبيا من الصالحين و هذه بشاره اخرى بنبوة يحيى عليه السلام

🌻وطلب سيدنا زكريا من الله ان يجعل له دليلا و علامه على وجود الحمل في بطن زوجته

🌻وغدا إن شاءالله سوف نكمل قصه سيدنا زكريا و يحيى عليهما السلام و نعرف كيف اعطى الله العلامه لسيدنا زكريا

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

07 ноября 2023 17:22

#قصص_الأنبياء_للأطفال

🌴 سيدنا زكريا ويحيا عليهما السلام

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 كان في بني إسرائيل في قديم الزمان نبي كريم اسمه زكريا عليه السلام

🌻و كان يعيش وحده مع زوجته في فلسطين

🌻 و لم يكن عندهما أطفال رغم أن سنهما كبير

🌻ومع ذلك لم ييأس سيدنا زكريا من رحمة الله جل وعلا بل كان يدعو دائما ان يرزقه الله الولد و كان عنده ثقه و يقين في الله

🌻و كان زكريا عليه السلام يعمل نجار ويأكل من كسب يده كما كان يعمل جده داوود عليهما السلام

🌻 وكان في نفس المكان و الزمان الذي يعيش فيه سيدنا زكريا عليه السلام كان هناك عالم جليل يصلي بالناس اسمه عمران ويعلمهم الخير

🌻وكانت زوجه عمران لا تلد وكانت تدعو الله أن يرزقها الولد

🌻وفي يوم و هي تمشي في الحديقه وجدت طائر يطعم ابنه الصغير و يسقيه و يأخذه تحت جناحه من البرد

🌻فأحست في هذه اللحظه بالحنين الى الولد فبكت ودعت الله عز و جل ان يرزقها ولد صالح

🌻وقالت يا رب إن رزقتني ولد سوف اجعله خادم لبيت المقدس و هذا نذر مني بذلك ~ال عمران 35

🌻فاستجاب الله لها وحملت وامتلأ قلبها بالسعاده و نذرت ما في بطنها محررا لعباده الله و خدمة بيت الله

🌻ومرت الأيام و مات زوجها عمران العالم الجليل وترك زوجته و هي حامل

🌻وعندما جاء موعد الولاده تمنت ان يكون المولود ذكرا حتى يخدم بيت المقدس لأن الإناث لا تخدم بيت المقدس في ذلك الزمان

🌻وكانت المفاجأة التي أدخلت الحزن على قلبها أن المولودة كانت أنثى

🌻فحزنت حزنا شديدا وجلست تفكر كيف ستفي بنذرها وتجعل هذه البنت تخدم بيت المقدس

🌻وفي النهايه قررت أن تفي بنذرها وقالت ربي إني وضعتها أنثى والله اعلم بما وضعت وليس الذكر كالأنثى وإني سميتها مريم

🌻وطلبت من الله ان يعصم ابنتها من كيد الشيطان هي وذريتها ~ال عمران 36-37

🌻وقد اخبرنا الرسول صل الله عليه وسلم ان أي مولود يولد لابد ان ينخثه الشيطان فيصرخ الطفل

🌻وعندما وجد العلماء والشيوخ ان امرأة عمران وحيده بعد ان مات زوجها

🌻أرادوا ان يكفلوا مريم و كل واحد منهم كان عنده حرص ان يكفلها بنفسه لأن ابوها شيخهم و عالمهم

🌻فقام زكريا عليه السلام وقال انا اكفلها لأنها قريبتي فزوجتي خالتها وأنا نبي هذه الأمه فأنا أولى الناس بها

🌻واختلف العلماء و الشيوخ و كان كل واحد منهم يريد كفالة مريم

🌻وفي النهايه اتفقوا جميعا على إجراء القرعه بينهم ومن تقع عليه القرعه هو الذي يكفلها و يربيها حتى تكبر وتخدم بيت المقدس وتتفرغ لعباده الله

🌻وتمت القرعه وذلك بعد ان جاءوا بمريم ووضعوها وهي مولوده صغيره على الأرض

🌻ووضعوا حولها أقلام وجاءوا بطفل ليختار قلم من الاقلام فأختار قلم سيدنا زكريا

🌻فأعترض العلماء والشيوخ وقالوا نريد ان نعيد القرعه مرة أخرى

🌻فوافق نبي الله زكريا على ذلك وقاموا بأجراء القرعه الثانيه بعد أن حفر كل واحد منهم اسمه على القلم الخشبي

🌻وقالوا نلقى أقلامنا في النهر وقالوا من سار قلمه ضد التيار هو الذي سيكفل مريم ~ال عمران 44

🌻فألقوا أقلامهم في النهر فسارت كل الأقلام مع التيار ماعدا قلم سيدنا زكريا سار ضد التيار

🌻ومع ذلك لم يوافقوا وطلبوا عمل القرعة مرة ثالثة وأخيرة فقالوا سنلقي أقلامنا في النهر

🌻ومن سار قلمه مع التيار هو الذي سيكفل مريم وألقوا الأقلام

🌻وكل الأقلام سارت ضد التيار ماعدا قلم سيدنا زكريا سار مع التيار

🌻وهنا فقط وافقوا ان يعطوا مريم لسيدنا زكريا وأخذها سيدنا زكريا ليربيها و يعلمها ويكفلها

🌻وأخذ يعلمها العلم النافع والعمل الصالح و أصبح بعد ذلك لها مكان خاص في المسجد يسمى المحراب وأخذت العباده كل وقتها و كانت بديلا للطفل الذي لم يرزق به سيدنا زكريا

🌻وغدا إن شاء الله سنكمل قصه سيدنا زكريا مع مريم و الكرامات التي اعطاها لها الله

🌻تصبحوا على خير يا حلوين

🌻وصل اللهم على سيدنا محمد
🌻🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

07 ноября 2023 17:16

#سيرة_امهات_المؤمنين

🌙 الحلقة 6 🌙

🌴تابع السيدة عائشة رضي الله عنها

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 أمنا عائشة كانوا بيسموها الصائمه العابده علشان هي كانت دايما تصوم السنه كلها ومتفطرش غير في عيد الفطر وعيد الأضحى وده بعد لما الرسول مات

🌻وكمان كانت بتصلي قيام الليل وممكن تفضل في آيه واحده طول الليل تقعد تدعي وتعيط

🌻 وكانت دايما بتحاول تتقرب من ربنا سبحانه وتعالى بأي طريقه

🌻وفي يوم من الايام راحت للرسول وقالت له انا عايزة أروح معاك للجهاد

🌻لأنها كانت سمعت ان الجهاد ده حاجه ربنا بيحبها اوي وليها ثواب كبير

🌻 فرد عليها الرسول وقالها جهاد الستات بيكون في الحج

🌻لكن السيده عائشة فضلت مُصره إنها تخرج مع الرسول في الغزوات وفعلا خرجت في غزوة أحد مع الرسول ومع نساء الصحابه وكانوا بيوزعوا ميه للجرحى و بيعالجوهم و في بعض النساء زي ام عماره وصفيه بنت عبد المطلب كانوا بيشاركوا أصلا في القتال

🌻وفضلت السيده عائشة تساعد الرسول وتعبد ربنا الإسلام انتشر أكتر وأكتر

🌻لكن كان في عدو تاني غير الكفار واليهود عايز يأذي الرسول ويقضي على الإسلام والمسلمين

🌻الاعداء دول اسمهم المنافقين ومنهم واحد اسمه عبدالله بن أُبَي بن سلول كان بيحاول هو وباقي المنافقين يعملوا خطط ويساعدوا الكفار واليهود علشان يموتوا المسلمين

🌻المنافقين دول لما عرفوا ان السيده عائشة هي اكتر واحده من زوجات الرسول هو بيحبها عملوا خطه خبيثه علشان يقولوا على السيده عائشة انها ست وحشه

🌻والكلام ده حصل بعد ما خرجت السيده عائشة مع الرسول في غزوة من الغزوات اسمها بني المصطلق

🌻وهما راجعين من الغزوة كان الجيش بيرتاح في الصحراء علشان ياكلوا ويشربوا و يريحوا الجمال والأحصنة

🌻و بعد ما الجيش استريح طلعوا علشان يركبوا الخيول بتاعتهم و الجمال والستات بيركبوا حاجة اسمها الهودج

🌻و ده بيكون صندوق فوق الجمل الستات بيركبوا جواه

🌻وبعد ما ركبت السيده عائشة الهودج بتاعها لقت العقد بتاعها مش موجود راحت نازله تدور عليه

🌻ولأن السيده عائشة كانت رفيعه فمحدش حس إنها نزلت من الهودج وراحوا خلوا الجمل بتاعها يقوم من الارض علشان يتحركوا و كانوا فاكرين ان السيده عائشة فيه

🌻ومشي الجيش و سابوا السيده عائشة في الصحراء لوحدها

🌻فلما رجعت السيده عائشه لمكان الهودج ملقيتش الجمل وعرفت إن الجيش مشي وسابها

🌻فقعدت في المكان اللي كان قاعد فيه الجيش وقالت أكيد لما يكتشفوا إني مش جوه الهودج هيرجعوا ياخدوني

🌻وبالصدفه جه واحد من الصحابه اسمه صفوان بن المعطل السلمي ولقى السيده عائشة قاعده على الأرض

🌻فخلاها تركب على الجمل بتاعه وهو مسك الجمل ووصلها على بيتها في المدينه

🌻المنافقين طبعا اللي في المدينه شافوا السيده عائشة و هي راكبه على جمل سيدنا صفوان و هو ماشي على الارض و شادد الجمل

🌻فقعدوا يقولوا كلام وحش على السيده عائشة

🌻و للأسف في ناس مسلمين هما كمان اتكلموا على الموضوع ده زي مسطح بن اثاثه و حسان بن ثابت و حمنه بنت جحش

🌻وفضل الموضوع ده لمده شهر و انتشر الكلام في المدينه و بدأت الإشاعات تكتر

🌻وطبعا كان اللي بيعمل الموضوع ده من أوله لآخره هو المنافق عبد الله بن أبي بن سلول

🌻وطبعا النبي كان زعلان جدا لكن كان دايما بيدافع عن السيده عائشة و يقول على كلامهم إنه كله غلط

🌻وتعبت السيده عائشة و مرضت مرض جامد و استأذنت الرسول إنها تقعد في بيت أبوها علشان ياخدوا بالهم منها

🌻وبعد شهر من الموضوع ده ربنا أنزل سورة النور من الايه 11 إلى الآية 20 و نزلت في الآيات دي براءة السيده عائشة ام المؤمنين من الكلام الوحش اللي كانوا بيقولوه

🌻وكان المنافقين عايزين يؤذوا النبي والسيده عائشة و المسلمين لكن ربنا خيب ظنهم و بالعكس ده موقف خلى ناس تدخل الإسلام لأن الناس الكفار اللي كانت بتقول ان الرسول هو اللي كاتب القرآن تأكدوا إن الكلام ده غلط

🌻علشان لو الرسول هو اللي كان بيكتب القرآن زي ما بيقولوا كان نزل الآيات دي من أول يوم حصل فيه الموقف ده ومكنتش الناس قعدت تتكلم كلام وحش عن السيدة عائشة

🌻و كمان ربنا علمنا حاجات كتيرة من الحادثه دي و من الحاجات دي ان احنا منتهمش حد ولا نتكلم عن حد وحش

🌻وكمان الموقف اللي حصل مع أبو السيده عائشة أبو بكر هو كان بيدي فلوس لمصطح بن اثاثه اللي كان من الناس اللي اتكلموا على السيده عائشة كان بيعطي له مصروف علشان هو فقير و من أقرباؤه

🌻فلما حصل الموقف ده سيدنا أبو بكر قرر إنه مش هيساعد مصطح تاني علشان هو قال عن بنته عائشة كلام وحش

🌻لكن ربنا نزل في سورة النور الآيه 22 علشان يقول لأبو بكر لو تحب إن ربنا يغفر لك ذنوبك متقطعش الصدقه اللي كنت بتديها لمسطح أو أي حد لأنك بت تعامل مع ربنا مش مع الناس
وحتى لو كانت الناس وحشة عاملوهم إنتوا كويس علشان ربنا يحبكم ويغفر لكم

👦🏻 سيرة وقصص للأطفال 👧🏻

11 февраля 2024 03:53

https://youtu.be/M-argmc7Ja8?si=MjyZXgtj6MnOs9PZ

👦🏻 سيرة وقصص للأطفال 👧🏻

01 февраля 2024 23:41

🌻لكن اخوها عبد الله بن عمر منعها من الخروج

🌻والسيدة حفصة نقلت في حدود ال60 حديث عن الرسول صلَّ الله عليه وسلم

🌻 و فضلت عايشه بين الصيام و القيام و تعليم الناس أحكام الدين لغايه لما ماتت سنه 45 هجريه في شهر شعبان و دفنت في البقيع

🌻 و بكره معادنا مع زوجة تانية من زوجات الرسول وهي أمنا زينب بنت خزيمه

🌼اللهم صل علي سيدنا مُحَمَّد
🌼🌼🌼🌼🌼🌼🌼
/channel/seerawqass

👦🏻 سيرة وقصص للأطفال 👧🏻

01 февраля 2024 23:16

https://youtu.be/k4T59sTz29I?si=7mzl1gY_L9KigZgv

👦🏻 سيرة وقصص للأطفال 👧🏻

11 января 2024 23:36

🌻 ثم قال لها عيسى عليه السلام وإذا رآك أحد من البشر فقولي له بالإشارة أنك نذرت صوما للرحمن ولن تكلمي اليوم أي إنسان

🌻 فرحت مريم فرحا شديدا وأحست لأول مرة بالسعادة تملأ قلبهامنذ أن حملت بعيسى عليه السلام

🌻 وغدا إن شاء الله سوف نكمل قصة عيسى عليه السلام وكيف كلم الناس وهو طفل رضيع

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

11 января 2024 23:08

#سيرة_امهات_المؤمنين

🌴السيدة حفصه رضي الله عنها

🌼 الحلقة 1 🌼

🌻كان ياما كان و مايحلي الكلام
إلا بذكر النبي .. عليه الصلاة و السلام ..

🌼اللهم صل علي سيدنا مُحَمَّد

🌻 هنتكلم النهردة عن السيده حفصه بنت سيدنا عمر بن الخطاب اللي الرسول قال عنه لو كان نبي بعدي لكان عمر

🌻و هو ورث من عيلته كتر الزواج فأتجوز 9 نساء و كان عنده 8 ولاد و 4 بنات

🌻وأمها زينب بنت مظعون أخت الصحابي عثمان بن مظعون و كان أول واحد يُدفن في البقيع

🌻 وعمتها فاطمه بنت الخطاب من أوائل النساء اللي دخلوا الإسلام

🌻و زوج عمتها سعيد بن زيد أحد العشرة المبشرين بالجنه

🌻وأخوها عبد الله بن عمر اللي شهد ليه الرسول إنه رجل صالح و حكى أحاديث كتيرة عن الرسول

🌻 ولدت السيده حفصه رضي الله عنها لما كانت قريش بتجدد بناء الكعبه و ده كان قبل بعثه النبي بخمس سنوات

🌻وأكيد كلنا فاكرين اليوم ده اللي حكينا عنه في قصه الرسول صلَّ الله عليه وسلم

🌻و كانت السيده حفصه بتحب تتعلم و بتحب الشعر و الأدب و كانت كاتبه

🌻تربت السيده حفصه في بيت رجل من اللي قال عنهم الرسول صلَّ الله عليه وسلم (اللهم أعز الإسلام بأحد العمرين) فطلعت مسلمه قويه زي باباها

🌻وتزوجت خُنيس بن حذافه و هو أخو الصحابي عبد الله بن حذافه و عاشت معاه في سعاده و كان خُنيس من أوائل الناس اللي دخلت الإسلام و أسلم على ايد أبو بكر و هاجر للحبشه و لما رجع و لقى نفس المعامله من الكفار قرر انه يهاجر للمدينه مع زوجته حفصة لأن الرسول كان أمر المسلمين بالهجرة

🌻و عاش الزوجين في سعاده وخصوصا بعد هجرة النبي للمدينه

🌻و لما جت غزوة بدر كان الخنيس واحد من أبطالها و كان دايماً يقول لحفصه إنه عايز يموت شهيد

🌻و فعلا ربنا حقق له أمنيته و مات بعد غزوة بدر لما اتملى جسمه جروح

🌻و دفن في البقيع جنب الصحابي الجليل عثمان بن مظعون

🌻و مع ان السيده حفصه كانت زعلانه إنه مات بس كانت فرحانه إنه استشهد زي ما كان بيحلم

🌻طبعا سيدنا عمر كان زعلان إن بنته زوجها مات وهي لِسَّه عندها ١٨سنة

🌻و فضل يدور لها على عريس

🌻فراح لسيدنا أبو بكر و قاله إيه رأيك تتجوز بنتي حفصه؟؟ فسكت أبو بكر

🌻فزعل سيدنا عمر و راح لسيدنا عثمان و قاله إيه رأيك تتجوز بنتي حفصه؟؟

🌻فراح قاله سيبني أفكر وبعدين قال لسيدنا عمر أنا مش بفكر في الزواج دلوقتي

🌻فحزن سيدنا عمر و انكسر قلبه و راح اشتكى للنبي صلَّ الله عليه وسلم

🌻فراح النبي قاله إنه هيتزوج حفصه من هو خير من عثمان و يتزوج عثمان من هي خير من حفصه

🌻و طبعا الرسول كان يقصد إنه هو اللي هيتزوج السيده حفصه و ان سيدنا عثمان هيتزوج السيده ام كلثوم ابنته لأنها كانت اخت السيده رقيه بنت الرسول وماتت في غزوة بدر

🌻و لما اتجوز الرسول السيده حفصه جه أبو بكر و إعتذر من سيدنا عمر و قاله الرسول كان قالي انه هو اللي هيتزوج بنتك حفصه فعلشان كده أنا مردتش إني أقول سر الرسول قاله لي

🌻وتزوجت السيده حفصه الرسول صلَّ الله عليه وسلم سنه 3 من الهجرة قبل غزوة أحد

🌻و كانت السيده عائشة بتشكر في السيده حفصه و بتقول إنها ليها مكانه كبيره عند الرسول صلَّ الله عليه وسلم

🌻وطبعا كانت بتغير على الرسول زي السيده عائشة بالضبط

🌻و كانت دايما تتسابق مع زوجات النبي علشان تعمل الحاجة اللي هو بيحبها

🌻 والسيدة عائشة بتحكي إن زوجات الرسول كانوا عاملين فريقين

🌻فريق فيه عائشة و حفصه وصفية وسودة

🌻وفريق فيه أم سلمة وباقي زوجات النبي

🌻وكان كل فريق بيعمل مقالب في الفريق التاني

🌻وفي يوم من الأيام جت للرسول صل الله عليه وسلم هدية من مصر

🌻وكانت الهدية هي السيدة مارية القبطية وهي أم ابنه إبراهيم

🌻و تزوجها النبي في غرفة السيده حفصه

🌻لكن السيده حفصه زعلت من الرسول لأن اليوم ده كان دورها

🌻و الرسول علشان يصالح السيدة حفصه قال لها طيب أنا لو سبتها مش هتكوني زعلانه فقالت له أيوه

🌻فالرسول قال لها طيب أنا هسيبها بس بشرط

🌻فقالت له إيه هو الشرط!!

🌻فقال لها الموضوع ده يبقى سر بيني وبينك ومتقوليش عليه لحد

🌻لكن السيده حفصه مسمعتش كلام الرسول وراحت حكت للسيده عائشة على اللي حصل

🌻لكن ربنا نزل سورة التحريم من الآية1 إلى الآية4

🌻وربنا قال للرسول مينفعش تحرم حاجة ربنا خلاها حلال

🌻وكان في نفس الوقت ده حصل موضوع عسل المغافير اللي حكينا عنه قبل كده

🌻 و الرسول قال برده مش هآكل عسل تاني

🌻فنزلت سورة التحريم للموقفين دول

🌻و طبعاً الرسول رجع تاني للسيدة مارية

🌻وطلق السيده حفصه لأنها محافظتش على سر النبي

🌻 و طبعا زعلت السيده حفصه جدا وقعدت تعيط

🌻 وبكرة ان شاء الله هنكمل مع أمنا حفصة ونشوف عملت إيه علشان دلوقتي جه معاد النوم

🌼اللهم صل علي سيدنا مُحَمَّد
🌼🌼🌼🌼🌼🌼🌼
/channel/seerawqass

👦🏻 سيرة وقصص للأطفال 👧🏻

02 января 2024 11:50

#قصص_الأنبياء_للأطفال

🌴 سيدنا عيسى عليه السلام

🌼 الحلقة 1 🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 كان هناك عالم جليل يصلي بالناس اسمه عمران وكان يعلم الناس الخير

🌻 وكانت زوجة عمران لا تلد وكانت تدعو الله أن يرزقها الولد

🌻 وفي يوم وهي تمشي في الحديقه وجدت طائر يطعم ابنه الصغير ويسقيه ويأخذه تحت جناحه من البرد

🌻 فأحست في هذه اللحظه بالحنين الى الولد فبكت ودعت الله عز و جل ان يرزقها ولد صالح

🌻 وقالت يا رب إن رزقتني ولد سوف اجعله خادم لبيت المقدس و هذا نذر مني بذلك ~ال عمران
35

🌻 فاستجاب الله لها وحملت وامتلأ قلبها بالسعاده ونذرت ما في بطنها محررا لعباده الله و خدمة بيت الله

🌻 ومرت الأيام ومات زوجها عمران العالم الجليل وترك زوجته وهي حامل

🌻 وعندما جاء موعد الولاده تمنت ان يكون المولود ذكرا حتى يخدم بيت المقدس لأن الإناث لا تخدم بيت المقدس في ذلك الزمان

🌻 وكانت المفاجأة التي أدخلت الحزن على قلبها أن المولودة كانت أنثى

🌻 فحزنت حزنا شديدا وجلست تفكر كيف ستفي بنذرها وتجعل هذه البنت تخدم بيت المقدس

🌻 وفي النهايه قررت أن تفي بنذرها وقالت ربي إني وضعتها أنثى والله اعلم بما وضعت وليس الذكر كالأنثى وإني سميتها مريم

🌻 وكانت هذه البنت هي مريم أم عيسى عليهما السلام

🌻 وجاء في الحديث عن النبيﷺ انه قال: " ما من مولود يولد الا نخثه الشيطان فيستهل صارخا من نخسة الشيطان الا ابن مريم وأمه"

🌻 لذلك طلبت امرأة عمران من الله ان يعصم ابنتها من كيد الشيطان هي وذريتها ~ال عمران 36-37

🌼 وكان نبي الله عيسى النبي الوحيد الذي لم يمسه الشيطان هو وأمه مريم عليها السلام نتيجة دعوة جدته إمرأة عمران

🌻 وجعل الله كفالة ورعاية مريم إلى سيدنا زكريا عليه السلام وهو نبي هذا الزمان وزوجه خالت مريم

🌻 بعد ان فاز بالقرعه ثلاث مرات على باقي العلماء الذين كانوا يريدون كفالتها أيضا ويتسابقون من يفوز بكفالتها

🌻 وأخذت مريم من سيدنا زكريا العلم النافع و العمل الصالح

🌻 وخصص لها زكريا مكانا متميزا من المسجد الأقصى لا يدخله أحد سواها مكانا شرقيا

🌻 وكانت تعبد الله فيه وتقوم بما يجب عليها من خدمة البيت وتوصل الليل بالنهار في العباده

🌻 حتى اصبح يضرب بها المثل من كثرة عبادتها في بني إسرائيل

🌻 وكان سيدنا زكريا يزور مريم في المحراب ليطمئن عليها لأنه كان متكفل بها وبرعايتها

🌻 وكلما يدخل عليها زكريا المحراب يجد عندها رزق من الله

🌻 والعجيب انه كان يجد عند مريم فاكهة الشتاء في الصيف وفاكهة الصيف في الشتاء

🌻 ولم ير ذلك مره واحده بل تكرر هذا المشهد عدة مرات وكمان بيلاقي المكان مليان خشوع وبيحس انه مستجاب الدعوة

🌻 ولذلك سألها من أين يأتيك هذا الرزق يا مريم ؟

🌻 قالت هو من عند الله ~ال عمران 37 و معنى الآية أنه رزق رزقها به الله لذلك دعا زكريا ربه ان يرزقه ولد وكانت إمرأته عاقر فرزقه الله بسيدنا يحيا عليه السلام

🌻 وكان ميلاد مريم تمهيدا للمعجزة الكبرى

🌻 حيث سيولد نبي الله عيسى عليه السلام من هذه المرأة الطاهرة التقية النقيه دون ان يكون له أب كسائر الناس ~ال عمران 42-43

🌻 قال تعالى "وإذ قالت الملائكة يا مريم ان الله اصطفاك وطهرك واصطفاك على نساء العالمين"

🌻 فقد إختارها الله وطهرها وأعطاها صفات تميزها على نساء العالمين بالإضافه أنها ستنجب للدنيا عيسى عليه السلام ذلك النبي الكريم من أولى العزم الخمسة

🌻 وأولوا العزم معناها الثبات على العهد المأخوذ من الانبياء وعدم نسيانه والصبر عليه و هم (النبيﷺ وموسى وعيسى وإبراهيم ونوح) وقد قال الله سبحانه و تعالى للنبيﷺ عندما اشتد أذى الكفار عليه " فاصبر كما صبر أولوا العزم من الرسل ولا تستعجل لهم" فأمره الله بالصبر و التحمل وإنتظار الفرج

🌻 ثم قالت الملائكة لمريم "يا مريم اقنتي لربك و اسجدي واركعي مع الراكعين"

🌻 وغدا إن شاء الله سوف نعرف كيف ولد سيدنا عيسى و ماذا حدث له هو و امه مريم

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

02 января 2024 11:45

#سيرة_امهات_المؤمنين

🌴تابع السيدة عائشة رضي الله عنها

🌙 الحلقة 11 والأخيرة🌙

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼 اللهم صل علي سيدنا مُحَمَّد

🌻 استمرت السيده عائشة في تعليم الناس احاديث الرسول صل الله عليه وسلم و الفقه

🌻و في ناس كتير اتكلمت عن علم السيده عائشه

🌻 فمثلا في عالم اسمه الزهري قال لو جمع علم عائشه الى علم جميع النساء لكان علم عائشة أكبر

🌻وفي واحد تاني اسمه عطاء قال كانت عائشة أحسن الناس رأياً في العامه

🌻وعروة بن الزبير قال ما رأيت احد اعلم بفقه ولا بطب ولا بشعر من عائشة

🌼 وقال قال أبو موسى الأشعري كل ما نحتار في حديث و منفهمش معناه مفيش غير عائشه هي اللي بتشرحه لنا

🌻و كانت النساء بتروح لعائشة علشان تتعلم منها حتى المرأة المخزومية و دي كانت ست من عيله كبيره جدا بس سرقت أيام الرسول و أمر الرسول بقطع يدها و هو اللي قال عنها لما الناس حاولوا يتوسطوا ليها علشان ميقطعش يدها لو فاطمه بنت محمد سرقت لقطعت يدها وزعل من سيدنا زيد لما جه علشان يتوسطلها و قاله أتشفع في حد من حدود الله يا زيد وطبعاً قريش هي اللي طلبت من زيد إنه يتوسط لها عند النبي علشان كانوا عارفين إن النبي بيحبه

🌻و معنى الكلام إن مهما كان الإنسان من عيله كبيره و غنيه لازم نعامله زي باقي المسلمين و ميبقاش فيه فرق بينهم

🌻لأن الرسول قالنا ان الناس اللي قبلنا ربنا دمرهم و راحوا النار علشان كانوا بيفرقوا في المعامله بين الغني و الفقير

🌻و فضلت السيده عائشة تقضي حياتها بين التعليم و العباده

🌻 و بعد لما أبوها مات مسك سيدنا عمر بن الخطاب الخلافه و كان مشهور عنه العدل و الرحمه و الإنتصار في كل المعارك

🌻و كان سيدنا عمر لما تحصله مشكله يروح علطول يسأل السيده عائشة

🌻وخلى السيده عائشة مفتيه يعني الناس تروح تسألها في أي حاجه مش فهماها في الدين

🌻و مرت الأيام و مات سيدنا عمر شهيد بعد لما واحد من الكفار قتلوا و هو بيصلي الفجر

🌻و قبل ما يموت و كان جسمه كله مجروح و بينزل دم بعت واستأذن السيده عائشه إنه يدفن جنب أصحابه النبي و أبو بكر

🌻و السيده عائشة كانت بتقول أنا كنت بقول إني أنا اللي هدفن جنب زوجي و أبويا لكن لما عمر بعت يستأذن إفتكرت الحلم و إفتكرت إن هو ده اللي هيكون القمر الثالث اللي مدفون في غرفتي فوافقت زي ماقال لها أبوها عن تفسير الحلم بتاعها

🌻و ده يا ولاد اسمه الإيثار و ده معناه إن الواحد يكون عايز الحاجة دي لكن يفضل غيره عن نفسه ويعطيها له

🌻و بعد كده مسك الخلافه سيدنا عثمان بن عفان

🌻و بردوا في عهد سيدنا عثمان فضلت السيده عائشة مفتيه و كملت في تعليم الناس وفي تقربها إلى الله

🌻لكن حصلت حاجة خلت السيده عائشة زعلانه أوي

🌻اليهود عملوا نفسهم إنهم أسلموا ودول إسمهم المنافقين لأنهم بيقولوا إنهم أسلموا لكن في الحقيقة هما بيكرهوا المسلمين و حاصروا بيت سيدنا عثمان و منعوا عنه الأكل و الشرب و كان أي حد بيحاول يدافع عنه يموتوه

🌻و في الوقت ده كانت السيده عائشة في مكه بتحج

🌻فراح لها الأحنف بن قيس و قالها على اللي حصل في المدينه و إنهم قتلوا سيدنا عثمان

🌻و في نفس الوقت ده كان الصحابه اللي في المدينه إختاروا سيدنا علي إنه يكون خليفه للمسلمين بعد لما مات سيدنا عثمان

🌻و لما لقى سيدنا علي إن اليهود دخلوا المدينه و معاهم ناس كتير و إنهم دخلوا في وسط المسلمين قليل و مش هيعرف يواجهم

🌻فقرر سيدنا علي إنه ياخد الصحابه و يسافروا على البصره في العراق علشان يبعد عنهم ويعرف يفكر في خطة علشان يموتهم وينتقم منهم

🌻ولما عرفت السيده عائشه باللي حصل خرجت هي و سيدنا طلحه و سيدنا الزبير و راحت تقابل سيدنا علي في البصره في العراق

🌻و خصوصا بعد ما عرفت ان المسلمين اتقسموا لفرقتين فرقه مع سيدنا علي اللي هو خليفه المسلمين و اللي بتقول إنه مش هينفع ناخد بتار سيدنا عثمان دلوقتي علشان المنافقين دخلوا في وسط المسلمين ولو قتلناهم ممكن نقتل معاهم مسلمين كتير

🌻و فرقه تانيه مع سيدنا معاويه بتقول لازم نحارب اليهود دول و ناخد بتار سيدنا عثمان دلوقتي حالا حتى لو مات المسلمون معاهم

🌻فلما عرفت السيده عائشة إن في مشكلة بين المسلمين خرجت علشان تصلح بينهم و خصوصا بعد ما كتير من الصحابة راحوا ليها على مكه و هي بتحج و طلبوا منها إنها تدخل في الموضوع و تصلح بين المسلمين فهي أم للمؤمنين و أحب زوجه للرسول بعد السيده خديجه و هي اللي كانت بتعلم الصحابه و بتحكم بينهم لما يختلفوا

🌻فراحت تقابل سيدنا علي علشان تقنعه إن رأي سيدنا معاويه هو اللي صح و إنهم لازم يأخذوا بتار سيدنا عثمان و أخدت معاها جيش مكون من ثلاثين ألف مقاتل بس مش علشان تحارب علشان تبين إن كل الجيش ده

موافق على الأخذ بثأر سيدنا عثمان وإن سيدنا علي لازم يقبض على القتلة ويموتهم قبل ما يبقى خليفة

👦🏻 سيرة وقصص للأطفال 👧🏻

28 декабря 2023 18:25

#قصص_الأنبياء_للأطفال

🌴 سيدنا زكريا ويحيا عليهما السلام

🌼 الحلقة 5 🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 ظل سيدنا يحيى عليه السلام بعد موت ابيه زكريا عليه السلام عابدا لله وداعيا اليه بكل لين و رحمه و حنان حتى احبه الناس جميعا

🌻 ولكن كما قال النبي صل الله عليه و سلم اشد الناس بلاءاً الانبياء

🌻 فقد مات نبي الله يحيى مقتولا فقد كان هناك في زمان سيدنا يحيى ملك ظالم طاغيه قاسي القلب

🌻 وكان الفساد منتشرا في قصره

🌻 وكان يغار من سيدنا يحيى لأنه محبوبا من الناس في الوقت الذي كان هو مكروها من الناس بسبب ظلمه

🌻 وكان يريد الزواج من ابنة اخيه لأنها كانت في غايه الجمال

🌻 و كانت هي الآخرى تريد الزواج منه لأنها كانت تطمع في الثروة والمُلك مع انه لا يجوز لها لي شريعتهم

🌻 فأراد الملك ان يأخذ فتوى من سيدنا يحيى عليه السلام ليتم هذا الزواج المحرم

🌻 فذهب اليه ليستفتيه و يعرض عليه الأموال كرشوى حتى يصدر له فتوى بأن زواجه من ابنة اخيه حلال

🌻 فرفض سيدنا يحيى عليه السلام وأعلن امام الناس جميعا ان زواج الملك من ابنة اخيه حرام

🌻 فغضب الملك غضبا شديدا وامتنع عن هذا الزواج حتى لا يُفضح امام الناس

🌻 اما الفتاه فكانت لا تزال تريد ان تتزوج من عمها طمعا في الملك والثروة

🌻 فذهبت الى الملك بعد ما تزينت له حتى تفتنه فتعلق بها وأصر على الزواج منها

🌻 فرفضت وقالت إذا أردت ان أوافق على هذا الزواج لابد ان تأتني برأس يحيى مهرا لي وإلا فلن اوافق على هذا الزواج

🌻 فبعث الملك جنوده ودخلوا على يحيى وهو يصلى في المحراب وقتلوه وقطعوا رأسه

🌻 وأحضروها على صحن للملك وأعطاها الملك لبنت أخيه كهديه

🌻 فوافقت على الزواج و تزوجها في الحرام

🌻 وهكذا مات يحيى مقتولا ليلحق بأبيه و سائر الانبياء في جنات النعيم

🌻 ولنا وقفة مع قصة زكريا ويحيى عليهما السلام فلا بد ان نتعلم منها ان المسلم لا ييأس من رحمه الله

🌻 فلقد رزق الله امرأة عمران بمريم ورزق زكريا بيحيى بعد عمر طويل و بعد ان شابت رأسهما

🌻 ولابد ان نتعلم ان نستعمل نعم الله في طاعته وخدمة دينه كما فعلت امرأة عمران ووهبت مريم لخدمة بيت المقدس

🌻 ولابد ان نتعلم ان المسلم لابد ان يرضى بقضاء الله وقدره حتى يفوز برضوان الله في الدنيا و الآخرة

🌻 فقد كانت امرأة عمران تتمنى ان تلد ذكرا و لكنها ولدت انثى فأكرمها الله بصدق نيتها ورزق مريم بعيسى عليه السلام

🌻 ولابد ان نتعلم ان المؤمنين يجب ان يتنافسوا في فعل الخيرات كما تنافس زكريا مع باقي العلماء ليكفلوا مريم

🌻 ولابد ان نعلم ان كرامات الاولياء ثابته لأهل السنه و من كرامة الله لمريم ان يكون عندها فاكهة الصيف في الشتاء و فاكهة الشتاء في الصيف

🌻 ولابد ان نتعلم ان الدعاء سلاح المؤمن طالما كان المؤمن على ثقه ويقين في الله كما استجاب الله لدعاء امرأة عمران و زكريا عليه السلام بعد ما ظنوا انه ليس هناك امل واستغربوا كيف يرزقوا في مثل تلك العمر بأولاد

🌻 ولابد ان نعلم انه ليس الدعاء فقط الذي يجعله مستجاب ولكن الاخلاص في الدعاء والمسارعه في فعل الخيرات وفي طاعة الله هي التي تجعله مستجاب

🌻 وتعلمنا ان الرحمة يفتح الله بها قلوب العباد كما حدث مع يحيى عليه السلام وأحبه الناس بسبب رحمته

🌻 وتعلمنا ان اشد الناس بلاءاً هم الانبياء ثم الأمثل فالأمثل كما حدث مع سيدنا يحيى عليه السلام وباقي النبياء

🌻 وغدا إن شاء الله موعدنا مع سيدنا عيسى عليه السلام

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

23 декабря 2023 23:41

https://youtu.be/j17Uz_J9JI0?si=-n3WzxeXkBq-aW9A

👦🏻 سيرة وقصص للأطفال 👧🏻

10 декабря 2023 21:05

#قصص_الأنبياء_للأطفال

🌴 سيدنا زكريا ويحيا عليهما السلام

🌼 الحلقة 4 🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 عرفنا أن سيدنا يحيى عليه السلام لم يكن كبقية الأطفال يلعب ويلهو وإنما كانت طفولته غريبة

🌻 وقلنا كيف كان يطعم الحيوانات طعامه ويأكل هو ثمار وأوراق الأشجار أو يبقى بدون طعام

🌻 وكلما كبر يحيى عليه السلام في السن إمتلأ قلبه بالحكمة وحب الله

🌻 وكان يحيى عليه السلام يحب القراءة وعندما صار صبيا أمره الله بالنبوة وقال عز وجل:"يا يحيى خذ الكتاب بقوة وآتيناه الحكم صبيا"

🌻 ومعنى أن يأخذ الكتاب بقوة أن يدرس كتاب الشريعة وأحكام القضاء

🌻 وكان يحيى يحكم بين الناس وهو صبي

🌻 وكان أعلم الناس وأشدهم حكمة في زمانه

🌻 وكان يبين لهم أسرار الدين ويعلمهم كل أمور دينهم ويبين لهم الصواب من الخطأ

🌻 وكبر يحيى عليه السلام وزاد علمه وزادت حكمته ورحمته وزاد حنانه لوالديه والناس والمخلوقات والطيور والأشجار

🌻 ولم يكن هناك إنسان يكره يحيى عليه السلام لأنه كان محبوبا من الجميع

🌻 وكان يتميز بالزهد ومعنى الزهد أنه يملك كل شيء ويتركه بإرادته لغيره

🌻 وكان يقضي أغلب وقته في البراري يتأمل في خلق الله

🌻 وفي يوم من الأيام غاب سيدنا يحيى ثلاثة أيام

🌻 فخرج أبوه سيدنا زكريا عليه السلام يبحث عنه في البرية

🌻 فوجده حفر قبرا وجلس يبكي فيه فغضب والده زكريا فرد عليه سيدنا يحيى وقال يا أبت ألم تقل لي أن بين الجنة والنار مسافة لا اقطع الا بدموع البكائين

🌻 فقال له سيدنا زكريا ابك يا بني وجلس يبكي بجانبه

🌻 وأمر الله سبحانه وتعالى سيدنا يحيى بخمس كلمات يعمل بهن ويأمر بني إسرائيل بهن

🌻 وقد أخبرنا الرسول صل الله عليه وسلم أن سيدنا يحيى أبطأ في تبليغ الناس فجاء إليه سيدنا عيسى عليه السلام وكان يعيش في نفس زمنه وقال له لقد أمرك الله بالتبليغ فإما أن تبلغ الناس أو أبلغهم أنا

🌻 فرد عليه سيدنا يحيى وقال لسيدنا عيسى يا أخي أخشى إن سبقتني أن يغضب الله علي

🌻 وجمع يحيى بني إسرائيل عند بيت المقدس حتى إمتلأ المسجد حتى ان الناس جلسوا على نوافذ المسجد لأنهم لم يجدوا مكان

🌻 فحمد الله وأثنى عليه ثم قال لهم إن الله أمرني أن أبلغكم خمس كلمات

🌻 الكلمة الأولى أن تعبدوا الله ولا تشركوا به شيئا وأعطاهم مثال حتى يفهموا فقال لو اشترى أحدكم خادم من ماله الخاص

🌻 ثم ذهب الخادم يخدم شخص آخر غير الذي إشتراه

🌻فمن منكم يحب أن يكون خادمه كذلك!!

🌻 ولله المثل الأعلى فهو خلقكم ورزقكم فلا بد أن تعبدوا الله وحده ولا تشركوا به شيئا

🌻 والكلمة الثانية أن الله أمركم بالصلاة فإن الله ينظر لعبده وهو يصلي فإذا إلتفت العبد ونظر في أي مكان صرف الله نظره عنه

🌻 والكلمة الثالثة أن الله أمركم بالصيام وإن خلوف فم الصائم أطيب عند الله من ريح المسك

🌻 والكلمة الرابعة أن الله أمركم بالصدقة وأعطاهم مثال حتى يفهموا أهمية الصدقة وقال لو هناك رجل أخذه العدو أسير عندهم وقرروا أن يقتلوه فقال لهم الرجل أتقبلون الفدية وتتركوني أعيش وأخذوا منه أموال كثيرة حتى يتركوه فكذلك الصدقة تنجي العبد من الموت

🌻 والكلمة الخامسة أن الله أمركم بذكره ذكرا كثيرا وأعطاهم مثال حتى يفهموا وقال لو هناك رجل يجري وراءه العدو ليقتله فوجد حصن حصين فاختبأ فيه وكذلك العبد المؤمن يبعد الله عنه الشيطان وهو العدو الأكبر له ما دام لسانه رطبا بذكر الله عز وجل

🌻 وهكذا ظل يحيى عليه السلام يدعوا بني إسرائيل

🌻 وغدا إن شاء الله سوف نعرف نهاية قصة سيدنا يحيى عليه السلام

🌻وسوف نعرف كيف مات مقتولا

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

01 декабря 2023 13:47

#قصص_الأنبياء_للأطفال

🌴 سيدنا زكريا ويحيا عليهما السلام

🌼 الحلقة 3 🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 بعد ان بشرت الملائكه زكريا عليه السلام بغلام

🌻 طلب سيدنا زكريا من الله سبحانه و تعالى دليل على وجود الحمل في بطن زوجته

🌻 واستجاب الله سبحانه وتعالى لطلب زكريا عليه السلام

🌻 وقال آيتك الا تكلم الناس ثلاث ليال سويا ~ال عمران 41 و مريم 10

🌻 وخرج زكريا من المحراب وأوحى الى من حوله من الناس بإشارة باليد وبالرأس

🌻 يأمرهم فيها بالذكر و التسبيح ~سورة مريم 11

🌻 وقد وضح الله سبحانه وتعالى سبب إجابته لسيدنا زكريا ~سورة الانبياء 90

🌻 حيث قال "إنهم كانوا يسارعون في الخيرات ويدعوننا رغبا و رهبا وكانوا لنا خاشعين "

🌻 وهذه من أسباب إجابة الدعاء ان يسارع الانسان في عمل الخير وأن يكثر من الدعاء في السر والعلن وفي الرخاء والشده وأن يذكر الله في خشوع

🌻 وأكرم الله سيدنا زكريا بيحيى عليه السلام و كان بارا بوالديه

🌻 وفرح به سيدنا زكريا و رباه على الإيمان والتوحيد وحب الدعوة الى الله

🌻 حتى أصبح سيدنا يحيى عليه السلام نبيا كريما وآتاه الله الحكم صبيا

🌻 وظل زكريا عليه السلام عابدا لله داعيا إليه حتى توفاه الله وألحقه بالأنبياء والمرسلين في جنات النعيم

🌻 وهناك روايات ضعيفه تقول أن سيدنا زكريا مات مقتولا على يد ملك ظالم في ذلك الوقت ولكن ليس لدينا ما يثبت صحة ذلك

🌻 وقد فضل الله يحيى عليه السلام بفضائل و صفات

🌻 فقال لم نجعل له من قبل سميا ~مريم 7

🌻 وقال آتيناه الحكم صبيا ~مريم 12

🌻 وقال وحنانا من لدنا وزكاة وكان تقيا ~مريم 13

🌻 فتعطف الله على سيدنا يحيى بالرحمه و المحبه والحنان فكما أعطى الخضر علما من لدنه أعطى يحيى حنانا من لدنه

🌻 وقال برا بوالديه ولم يكن جبارا عصيا ~مريم 14

🌻 وقال وسلام عليه يوم ولد ويوم يموت ويوم يبعث حيا ~15

🌻 فهذه الاوقات الثلاثه هي أشد ما تكون على الإنسان لأنه ينتقل في كل منها من عالم الى عالم آخر

🌻 فيفقد الأول بعد ما عرفه واطمئن إليه ويصير الى الآخر الذي لا يعرف عنه شيء

🌻 وقال الله سبحانه و تعالى عن سيدنا يحيى مصدقا بكلمة من الله

🌻 اي ان سيدنا عيسى سوف يصدقه و سيدنا عيسى هو المقصود بالكلمه

🌻 وقال وسيدا في العلم و الحلم و العباده

🌻 وحصورا يحبس نفسه عن الشهوات

🌻 ونبيا من الصالحين ~ال عمران 39

🌻 وكانت هذه هي المؤهلات التي أكرم الله بها يحيى عليه السلام ليكون نبيا من خيرة الأنبياء

🌻 وقد كان ميلاد سيدنا يحيى معجزة أنه جاء لأبيه بعد عمر طويل و بعد ان أصبح شيخا

🌻 وكانت طفوله سيدنا يحيى غريبه بالنسبه لباقي الأطفال

🌻 فكان معظم الاطفال يلعبون و هو جاد طوال الوقت وكان يطعم الحيوانات والطيور من طعامه الخاص رحمه بها وحنان عليها و يبقى هو بدون طعام

🌻 وأحيانا يأكل من أوراق الشجر وثمارها

🌻 وغدا إن شاء الله سوف نكمل قصه سيدنا يحيى عليه السلام

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

30 ноября 2023 17:26

https://youtu.be/XYVKNWxLEbU?si=GwMWAB7P0r3C-ZAS

👦🏻 سيرة وقصص للأطفال 👧🏻

16 ноября 2023 20:45

#سيرة_امهات_المؤمنين

🌙 الحلقة 7 🌙

🌴تابع السيدة عائشة رضي الله عنها

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 يالا بينا نكمل مع السيده عائشة

🌻انتوا عارفين يا ولاد ان آيه التيمم نزلت بسبب السيده عائشة

🌻 وعارفين يعني ايه تيمم؟؟

🌻يعني لو مفيش ميه ينفع نضرب بايدينا الاتنين على التراب و بعدين ننفضها و بعدين نمسح بيها وشنا و ايدينا

🌻طيب إيه اللي حصل وإزاي نزلت آية التيمم؟؟

🌻سافرت السيده عائشة مع الرسول و هما في وسط الصحراء و الجيش قاعد علشان يستريح ضاع العقد بتاعها

🌻 فقام الرسول هو و الصحابه يدوروا عليه و ده خد منهم وقت كبير و مكنش معاهم ميه كفايه و مش فاضل غير ميه للشرب بس

🌻و فضل الصحابه يفكروا هيعملوا ايه و يتوضوا ازاي دلوقتي لدرجة إن أبو بكر قعد يقول للسيدة عائشة أنت السبب في اللي حصل دلوقتي

🌻و ناموا كلهم و نام الرسول على رجل السيده عائشه و لما صحي الصبح مكنش فيه ميه فربنا أنزل آيه 6 في سورة المائدة

🌻والآية دي بتتكلم عن التيمم

🌻و بكده بقى مسموح لكل المسلمين ان لما مايلاقوش ميه يتوضوا بالتراب

🌻وطبعا دي كانت حاجة كويسة مش بس للصحابة لأ لينا إحنا كمان علشان لما ميكنش فيه ميه نعرف نتيمم ونصلي

والسيدة عائشة زي ما قلنا قبل كده إنها أكتر واحدة حكت مواقف حصلت مع الرسول ومن أكتر الناس اللي قالت أحاديث عن الرسول

🌻بتحكي السيده عائشة وبتقول انه حصلت شويه حاجات عرفوا منها ان الرسول صلَّ الله عليه وسلم قرب يموت

🌻فمثلا كان كل سنه بيعتكف عشر ايام في رمضان لكن في السنه الاخيره اعتكف 20 ليله

🌻و كمان سيدنا جبريل كان بييجي للرسول مره واحده في رمضان و في السنه الاخيره جاله مرتين

🌻و بتحكي السيده عائشة ان الرسول اما بعت سيدنا معاذ لليمن خرج معاه الرسول يودعوا و هو راكب على حصانه والرسول ماشي جنبه

🌻و قاله يا معاذ يمكن دي آخر مرة تشوفني فيها و لما ترجع هتزورني في قبري فبكى معاذ وودع الرسول

🌻و بتحكي السيده عائشة انه لما خرج النبي صل الله عليه وسلم الحج في السنه العاشرة من الهجرة

🌻قال للناس اتعلموا مني مناسك الحج كويس علشان يمكن متشوفونيش بعد الحج ده تاني

🌻و هو كمان في الحج نزلت آيه في القرآن رقم 3 في سوره المائده اللي بتقول (اليوم أكملت لكم دينكم و أتممت عليكم نعمتي و رضيت لكم الإسلام دينا)

🌻و في تاني يوم من أيام التشريق (يعني العيد ) نزل عليه سوره النصر

🌻والسورة دي لما نزلت سيدنا أبو بكر قال إن دي علامه على موت النبي لأن معناها إن الناس خلاص كلها آمنت بالرسول و رسالته خلاص إكتملت

🌻و الرسول صل الله عليه وسلم في الوقت ده قالهم حديث (و الذي نفس محمد بيده ليأتين على أحدكم يوم و لا يراني ثم لأن يراني أحب إليه من أهله و ماله معهم

🌻يعني هيبقى نفسكم تشوفوني ولو كان التمن إنكم تبيعوا كل اللي عندكم علشان تشوفوني

🌻و سيدنا على بن أبي طالب قال إن دي علامه على أن موت الرسول قرب

🌻و في يوم 29 من شهر صفر سنه 11 هجريه و كان يوم اتنين حضر النبي صل الله عليه وسلم جنازة لواحد في البقيع

🌻و البقيع ده المكان اللي بيدفنوا فيه المسلمين اللي ماتوا في المدينه

🌻و هو راجع في الطريق جاله صداع جامد جدا و ارتفعت درجه حرارته

🌻و لسه هنكمل إن شاء الله بكره مع السيده عائشة و هي بتحكي ايه اللي حصل للرسول بس دلوقتي جه معاد النوم

🌻وصل اللهم على سيدنا محمد
🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

07 ноября 2023 17:16

🌻وسيدنا ابوبكر قال بعد ما نزلت الايه دي بلى و الله إني أحب أن يغفر الله لي و رجع تاني يعطي لمسطح المصروف اللي بيعطيه له

🌻و اتعملنا كمان ان ممكن تحصلنا مشكله و نبقى زعلانين و مضايقين منها لكن ربنا بيكون عايز يعملنا حاجه منها

🌻فلازم نصبر ونفكر كويس قبل ما نتكلم ونتصرف

🌻ودلوقتي تصبحوا على خير يا حلوين ونكمل بكرة إن شاء الله

🌻وصل اللهم على سيدنا محمد
🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

01 ноября 2023 18:24

#قصص_الأنبياء_للأطفال

🌴 سيدنا إلياس واليسع عليهما السلام

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 كان هناك نبي كريم من انبياء الله عز و جل اسمه إلياس و هو أحد أنبياء بني إسرائيل

🌻و هو إلياس بن ياسين من نسل سيدنا هارون أخو سيدنا موسى عليهما السلام

🌻 أرسله الله نبيا الى أهل مدينه اسمها بعلبك و كان أهل هذه المدينه يعبدون صنما اسمه بعل

🌻و بدأ سيدنا إلياس يدعوهم الى التوحيد و ترك عباده هذا الصنم الذي يسمى بعل فقد ذكر الله ذلك في صورة الصافات من الآيه 123 الى 132

🌻وكان سيدنا إلياس يحاول إقناعهم بشتى الطرق فيقول لهم كيف تعبدون هذا الصنم الذي لا ينفع و لا يضر و لا يسمع و لا يبصر و لا يتكلم و لا يستجيب لكم الدعاء و تتركون عباده الخالق العظيم

🌻 و لكن قومه كفروا كالعاده وأصروا على كفرهم وعنادهم و كان يدعوهم و يذكرهم ان هذا الدين ليس دينا جديدا و إنما هو دين ابائهم و اجدادهم

🌻ولكن قومه أصروا على الكفر و رقضوا ترك عباده أصنامهم و قرروا قتل سيدنا إلياس عندما شاهدوا اصراره على الدعوة الى الله

🌻فهرب منهم و اختبأ في كهف في الجبل و يقال ان الغربان كانت تحمل اليه طعاما حتى لا يموت جوعا

🌻و لقد توعدهم الله بالعذاب في الدنيا و الآخره و قال فكذبوه فإنهم لمحضرون و لكن الله استثني منهم من آمن مع الياس فقال الا عباد الله المخلصين

🌻و قد مدح الله نبيه إلياس عليه السلام في قوله تعالى "سلام على إل ياسين إنا كذلك نجزي المحسنين إنه من عبادنا المؤمنين"

🌻و لقد أعد الله سبحانه و تعالى ثوابا في الدنيا و هو ان الناس ستذكره دائما بالخير و هم يقرؤون القرآن اما في الآخره فهو في أعلى مكان مع الرسل و الانبياء

🌻و الذكر الحسن بين الناس يكون ناتج عن حب الله سبحانه و تعالى للعبد المؤمن فيجعل الناس تذكره دائما بالخير

🌻و لم يأتنا عن سيدنا إلياس غير هذا ولكننا تعلمنا منه ان المؤمن دائما مشغول بدعوة الناس و ان المؤمن يغار إذا وجد إنسان يعبد غير الله

🌻و تعلمنا ان المؤمن لابد ان ينشغل دائما بدعوة الناس في كل وقت و حين و تعلمنا ان أعداء الدين يحاولون إيذاء الدعاه بالقتل و التعذيب

🌻و لكن الله سبحانه و تعالى يحمي الانبياء و الدعاه و العلماء من كيد اعدائهم

🌻وننتقل الى قصه نبي آخر من أنبياء الله و اسمه اليسع عليه السلام و قد اتاه الله النبوة بعد الياس عليه السلام

🌻و قد ذكره في سورة الانعام الآيه 86 و قد قام نبي الله اليسع بدعوة الناس بعد موت إلياس عليه السلام

🌻و كان في زمانه قد كثر الملوك الجبابرة الذين يقتلون الأنبياء و يشردون المؤمنين و كان سيدنا اليسع يعظهم و يخوفهم من عذاب الله و لكنهم لم يستجيبوا له

🌻و استمر قومه في التعذيب و الأهانه حتى مات نبي الله اليسع فسلط الله على بني إسرائيل من يسومهم سوء العذاب جزاء على ما فعلوه

🌻و لقد اثنى الله عز و جل على نبي الله اليسع فقال في سورة ص الآيه 48 "و اذكر إسماعيل و اليسع و ذا الكفل و كل من الأخيار"

🌻و هذا يعلمنا انه لا يخلوا زمان من نبي يدعو الناس و يدلهم على طريق الجنه ليفوزوا في دنياهم و آخرتهم

🌻و انه لما كان نبينا محمد صل الله عليه و سلم هو خاتم الانبياء و ليس هناك نبي بعده جعل الله علماء هذه الأمه هم ورثه الأنبياء الذين بيلغون شرع الله و سنه رسوله الى جميع الناس

🌻و غدا إن شاء الله مع قصه سيدنا زكريا و يحيا عليهما السلام

🌻تصبحوا على خير يا حلوين

🌻وصل اللهم على سيدنا محمد
🌻🌼🌻🌼🌻🌼🌻🌼
/channel/seerawqass