34945
لكي نُنْشِأْ جيلاً واعياً لا بد من وجود قُدْوَة حَسَنَة نَقْتَضِي بِهَا وليس هناك أفضل من الرسول وأصحابه والأنبياء وقصص القرآن فهيا بِنَا نجدد النية ونُروي كل يوم قصة قبل النوم لأبناءَنا بطريقة سهلة
ما معنى وَلَقَدۡ فَتَنَّا سُلَيۡمَٰنَ وَأَلۡقَيۡنَا عَلَىٰ كُرۡسِيِّهِۦ جَسَدٗا ثُمَّ أَنَابَ
Читать полностью…
#سيرة_امهات_المؤمنين
🌙 الحلقة الأولى 🌙
🌴السيدة عائشة رضي الله عنها
🌻كان ياما كان و مايحلي الكلام
إلا بذكر النبيﷺ ..
🌼اللهم صل علي سيدنا مُحَمَّد
🌻هنتكلم النهردة عن اكتر زوجه الرسول كان بيحبها بعد السيده خديجه و اسمها السيده عائشة
🌻 ابوها كان أبو بكر الصديق صاحب النبيﷺ و امها أم رومان بنت عامر و أختها من أبوها اسماء بنت أبي بكر اللي كان إسمها ذات النطاقين
🌻و عارفين إسمها ذات النطاقين ليه ؟
🌻علشان لما أبوها هاجر هو و النبيﷺ وقعدوا في غار حراء علشان يهربوا من الكفار
🌻كانت بتروح توديلهم الأكل و كانت بتحط حزام على وسطها فقطعت الحزام ده نصين
🌻نص تحط فيه الأكل زي الشنطة و النص التاني تربط بيه هدومها
🌻و الحزام ده اسمه نطاق و علشان كده النبيﷺ سماها ذات النطاقين
🌻و قالها ان ربنا هيديلك نطاقين في الجنه
🌻و زوج أختها ابن عمة النبيﷺ و واحد من العشرة المبشرين بالجنه و اسمه الزبير بن العوام
🌻و جدها من ابيها اسمه أبو قحافه
🌻و جدتها من ابيها اسمها أم الخير و اسمها سلمى بنت صخر
🌻و عماتها الثلاثة هما أم عامر و أم فروة و قريبه
🌻و أخوها عبد الرحمن و كل دول كانوا مسلمين
🌻اتولدت السيده عائشة بعد بعثه النبيﷺ بسنوات و لقت ابوها و امها مسلمين
🌻و كانت طفله جميله و مرحه بتحب تلعب
🌻و كانت ذكيه اوي
🌻و في يوم من الأيام حصلت حاجه غريبه جدا!!
🌻 حلم النبيﷺ بسيدنا جبريل و هو ماسك صوره السيده عائشة و بيقوله دي زوجتك في الدنيا و الآخرة
🌻صحي النبيﷺ من النوم و استغرب لأنها كانت لسه بنت صغيره عندها ست سنوات
🌻و علشان احنا عارفين ان الحلم بتاع النبيﷺ اسمه رؤيا يعني بيتحقق في الحقيقه فكان ده أمر من ربنا إن النبيﷺ يتجوز السيدة عائشة
🌻وبعد كده النبيﷺ قال اللي ربنا عايزه هيكون
🌻ولما مات أبو طالب عم النبيﷺ و السيده خديجه زوجه النبي
🌻و جت صاحبه السيده خديجه خوله بنت حكيم علشان تقول للرسول أنت لازم تتزوج
🌻طبعا كلنا فاكرين لما النبيﷺ سألها أتجوز مين قالتله السيده سودة و السيدة عائشة
🌻 فلما قاتله كده إفتكر الحلم اللي حلمه و قالها ماشي روحي كلمي أهلها
🌻فراحت خوله لبيت أبي بكر و قعدت مع أم السيده عائشة و قالتلها أنا جايبالك خبر حلو جدا
🌻فقالت لها خير إن شاء الله
🌻قالتلها النبيﷺ بعتني علشان أخطب السيده عائشة فردت عليها و قالتلها إستني لما أبوها ييجي
🌻فلما جه أبو بكر و قالتله السيده خوله على موضوع الجواز
🌻 قال لها بس في مشكله كبيره
🌻قالتله إيه هي المشكلة؟
🌻قال لها ان في واحد اسمه مطعم بن عدي خطب عائشة مني و أنا وافقت و مش بحب أرجع في كلامي لأني وعدت لازم أنفذ وعدي اللي اتفقت عليه وقال لها لما نشوف خلي ربنا يحلها من عنده
🌻وتاني يوم راح أبو بكر لبيت مطعم بن عدي و كانت أمه قاعده معاه و كانوا كفار
🌻فلما فتحت الباب لسيدنا أبو بكر كانت مكشره و مضايقه منه
🌻و أول لما دخل علشان يقعد قالتله أنا بصراحة مش موافقه على الجوازه دي
🌻و لما سألها ليه قالتله علشان إنتوا مسلمين و إحنا مش بنحب الإسلام ولو ابني إتجوز بنتك ممكن تخليه يبقى مسلم زيها وكمان أولادهم هيطلعوا مسلمين
🌻ولما سأل مطعم عن رأيه في الكلام ده قاله انا رأيي كده بردوا أنا موافق على كلام أمي ومش عاوز أتجوز عائشة
🌻فخرج أبو بكر و هو مبسوط إنه حافظ على وعده وربنا خلصه من الناس الكفار الوحشين دول
🌻و رجع قابل السيده خوله و قالها إنه موافق إن النبيﷺ يتزوج عائشة و في اتتظاره يجي البيت علشان يخطبها
🌼يا ترى حصل ايه بعد كده
🌻هنعرف بكرة ان شاء الله
وصل اللهم على سيدنا محمد
🌻🌼🌻🌼🌻🌼🌻🌼🌻🌼
/channel/seerawqass
#السيرة_النبوية_للأطفال
🌙 الحلقة 39🌙
🌛تابع فتح مكة🌜
🌻كان ياما كان ...و ما يحلي الكلام إلا بذكر النبي .....
🌼عليه الصلاة و السلام .....
🌻أحسنتم يا أولادي ... ممتازين ....
🌼الكفار اللي عذبوا المسلمين بكل أنواع العذاب و حاربوهم بكل الطرق .. ؟
🌻يا تري المسلمين لما يدخلوا مكة بجيشهم القوي ده هيعملوا إيه في الكفار ؟؟؟
🌼سيدنا محمد وقف جوة مكة .... و اتجمع حوليه الكفار ....
🌻سيدنا محمد وقف يكلمهم .... و سألهم : تتوقعوا إني أعمل معاكم ايه جزاء ليكم ؟
🌼رد عليه أهل مكة الكفار : والله إحنا ما نعرفش عنك إلا إنك كريم و أخلاقك كريمة
🌻سيدنا محمد قالهم : أنا عفيت عنكم و سامحتكم ...
🌼قالهم كل واحد هيدخل بيته هيبقي في أمان ...وكل واحد هيروح عند الكعبة هيبقي في أمان
🌻و كل واحد هيدخل بيت أبو سفيان اللي بقه مسلم خلاص هيبقي في أمان ...
🌼سيدنا محمد سمي اليوم ده يوم المرحمة ...لأنه كان يوم كله رحمة رغم قوة المسلمين .
🌻ياااااااه رغم قوتك و قوة جيشك و قوة جنودك يا رسول الله ؟
🌼رغم إنك تقدر تنتقم من الكفار دلوقتي بكل سهولة ؟
🌻لكن اخترت العفو و الرحمة ...
🌼كل أخلاق سيدنا محمد تعلمنا نبقي أحسن و نبقي ازاي أقويا و في نفس الوقت عندنا رحمة تملي قلوبنا
🌻كفار كتير لما شافوا أخلاق سيدنا محمد و معاملته الطيبة ليهم رغم شرهم ...
🌼بقوا عايزين يبقوا مسلمين ... ويبقوا مؤمنين طيبين ...و يتعلموا الإسلام والأخلاق الطيبة
🌻أخيرا رجع سيدنا محمد مكة . ...
و رغم قوته و انتصاره علي كفار مكة ...
🌼ألا إنه دخلها و هو موطي راسه و متواضع لنصر ربنا ... و مدخلش قلبه أي غرور ...
🌻سيدنا محمد دخل مكة ... و هو بيقول آيات القرآن :
🌼إذا جاء نصر الله و الفتح ...ورأيت الناس يدخلون في دين الله أفواجا ..
.فسبح بحمد ربك و استغفره إنه كان توابا🌼
🌻وفضل سيدنا محمد يسبح بحمد ربنا🌼
🌻و يستفغره و يتوب إليه🌼
🌻و حمد المسلمين ربنا علي نصره و فتحه لمكة و رحمته بيهم
🌼يا ترى إيه اللي حصل بعد كده هنعرف بكرة إن شاء الله
🌻وصل اللهم وسلم على سيدنا محمد
🌼 تصبحوا على خير يا حلوين
🌻🌼🌻🌼🌻🌼🌻🌼🌻
/channel/seerawqass
#قصص_الأنبياء_للأطفال
🌙الحلقة 2 🌙
🌴تابع سيدنا سليمان عليه السلام
🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..
🌼وأولادي اللي بيحبوا سيدنا محمد أكتر واحد في الدنيا كلها ..
🌻لأنه بيعلمهم كل الخير و بيعرفهم إزاي يكونوا في أحسن مكان ... جنة ربنا
هيقولوا بأحلي صوت :
🌼اللهم صل علي سيدنا مُحَمَّد
🌻 رأينا امس كيف جمع الله لسيدنا سليمان بين الملك و النبوة
🌻و كيف كان سيدنا سليمان يسخر الجن و يفهم لغة الحيوانات
🌻 وكيف كان يسخر الريح و كيف كان سيدنا سليمان دائم الشكر على كل هذه النعم
🌻و من بين النعم التي انعم الله بها على سيدنا سليمان انه اذاب له النحاس
🌻و كان يجري بين يديه كأنه ماء متدفق كما اسال الله الحديد لسيدنا داوود
🌻 وأعطى الله لسيدنا سليمان جيشا من الجن و الانس و الطير فهم يوزعون اي يمنعون عن التقدم خارج الصف
🌻و قد اتاه الله العلم و الحكمه و شدة الذكاء و الدليل على ذلك القصة التي رواها النبيﷺ
🌻انه كانت امرأتان معهما ابنائهما ثم جاء الذئب فأكل احد الطفلين
🌻وكل ام قالت ان الذئب لم يأكل ابنها وذهبوا الى سيدنا داوود ليحتكموا عنده
🌻فحكم سيدنا داوود للمرأة الكبيرة في السن بالطفل بعد ان جمع الدلائل التي تدل على ذلك
🌻فخرجتا من عند داوود وكان سيدنا سليمان في انتظارهما في الخارج
🌻فقال ائتوني بالسكين لكي اقسم الطفل بينكما
🌻فقالت الصغرى لا تفعل يا نبي الله يرحمك الله ودع الطفل لها
🌻فحكم سيدنا سليمان لها بالطفل لأنها فضلت ان يعيش و يتربى مع الآخرى على ان يموت
🌻وهذا دليل على ان الحكم عند القاضي لا يستند الى الدلائل فقط و إنما يحتاج الى الذكاء و الفطنه وتقدير الأمور بشكل صحيح
وكان النبيﷺ قد سمع خصومة بباب حجرته فخرج إليهم فقال إنما أنا بشر وإنه يأتيني الخصم فلعل بعضكم أن يكون أبلغ من بعض فأحسب أنه صادق فأقضي له بذلك فمن قضيت له بحق مسلم فإنما هي قطعة من النار فليأخذها أو ليتركها
🌻وفي يوم من الأيام كان سيدنا سليمان يمر على وادي نمل و معه جيشه من الجن و الأنس و الطير
🌻فقالت نمله كان دورها الأشراف و التنظيم على باقي النمل
🌻و من المعروف ان مملكة النمل و النحل تكون دقيقة التنظيم
🌻ولكل فرد فيها وظيفة معينة ولديهم نظام عجيب يعجز البشر غالبا عن اتباع مثله
🌻فقالت هذه النمله لبقية النمل بلغتها التي فهمها سيدنا سليمان
🌻ادخلوا مساكنكم لا يحطمنكم سليمان و جنوده و هم لا يشعرون يعني هيدوسوا عليهم والنمل هيموت
🌻و استغرب سيدنا سليمان و تبسم ضاحكا من قولها
🌻فدعا الله و قال ربي أوزعني أن أشكر نعمتك التي أنعمت علي و على والدي و ان أعمل صالحا ترضاه
🌻فالعمل الصالح يوفق إليه من يشكر نعم الله
🌻ثم قال وأدخلني برحمتك في عبادك الصالحين
🌻لأن سيدنا سليمان يعلم اننا لن نكون عباد صالحين بأعمالنا فقط و إنما برحمة الله و توفيقه لنا
🌻و الى العمل الصالح
🌼و تم ذكر هذه القصص في سور كثيرة في القرآن
سورة الاسراء و النمل و ص و الانبياء و سبأ
🌻و غدا إن شاء الله سوف نكمل قصة سيدنا سليمان و نحكي قصته مع الهدهد
🌻تصبحوا على خير يا حلوين
🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻
/channel/seerawqass
#قصص_الأنبياء_للأطفال
🌙الحلقة الاولى 🌙
🪴سيدنا سليمان عليه السلام
🌻كان ياما كان و مايحلي الكلام
إلا بذكر النبيﷺ
🌼وأولادي اللي بيحبوا سيدنا محمد أكتر واحد في الدنيا كلها ..
🌻لأنه بيعلمهم كل الخير و بيعرفهم إزاي يكونوا في أحسن مكان ... جنة ربنا
هيقولوا بأحلي صوت :
🌼اللهم صل علي سيدنا مُحَمَّد
🌻 ورث سيدنا سليمان ابوه سيدنا داوود وهما من سبط يهوزا بن يعقوب
🌻وينتهي نسبه الى ابراهيم عليه السلام
🌻 و قد ورث من ابيه الملك و النبوة
🌻وقد عرف انه حكيم وكان أهل الكتاب يسمونه سليمان الحكيم ولا يلقبونه بالنبي
🌻فقد ملك الدنيا اربعة مؤمنان وكافران فأما المؤمنان فسيدنا سليمان و ذو القرنين
🌻 و اما الكافران فالنمرود بن كنعان وبختنصر
🌻و لم يرث سيدنا سليمان مال ابوه سيدنا داوود لأن النبيﷺ أخبرنا وقال نحن معاشر الانبياء لا نورث
🌻وقال لا نورث ما تركنا فهو صدقه
وجميع الانبياء عندما يموتون تكون اموالهم صدقه للفقراء و المحتاجين ولا يرث اقاربهم منهم شيئا
🌻ولقد طلب سيدنا سليمان من اللهﷻ ان يهب له ملك لا ينبغي لأحد من بعده ابدا
🌻فأستجاب اللهﷻ له ووهبه ملكا لا ينبغي لأحد من بعده
🌻و كان سيدنا سليمان يعرف لغة الطيور و يخبر الناس عن حديث الحيوانات و الطيور و الحشرات
🌻فقال اللهﷻ عنه وأؤتينا من كل شيء والمتحدث هنا في الآيه هو سيدنا سليمان كما نقله لنا القرآن
🌻فقد كان عنده الآلات و الجيوش وسخر له الجن و الطيور والوحوش والشياطين
🌻حتى انه كان يعرف ما تفكر به هذه الكائنات ويفهم كلامهم
🌻فكان يسخر الشياطين لبناء الأبنيه الهائله التي لا يقدر عليها البشر
🌻و يسخر طائفه منهم ليغوصون له في البحار ليستخرجون له اللآليء و الجواهر التي لا توجد الا في البحار
🌻و هناك شياطين تم حبسها بالأغلال و هؤلاء هم الشياطين الذين تمردوا و عصوا و امتنعوا عن العمل
🌻كما سخر اللهﷻ له الجن و الجن هم ولد ابليس كما ان الأنس من ولد آدم
🌻ومنهم المؤمنون ومنهم الكافرون
🌻و كان سيدنا سليمان يعرف نعم الله عليه و دائم الشكر لها
🌻حتى ان اللهﷻ قال اعملوا آل داوود شكرا
🌻وأنهى اللهﷻ الآيه وقال وقليل من عبادي الشكور اي ان القليل من عباد اللهﷻ من يشكر اللهﷻ على نعمه
🌻فالبصير لا يشكر اللهﷻ على نعمة البصر و غيره اعمى
🌻والذي يتحرك لا يشكر اللهﷻ على هذه النعمة و غيره قعيدا
🌻و الذي يتكلم لا يشكر اللهﷻ هذه النعمة و غيره اخرس
🌻و قال اللهﷻ و إن تعدوا نعمة الله لا تحصوها يعني عندنا نعم كثيرة لا نشعر بوجودها لأننا تعودنا عليها
🌻ولكن اغلب الناس تعتقد ان النعمة فقط في المال و لا تنظر الي كل هذه النعم التي اودعها الله فينا
🌻وقد كان سيدنا سليمان يحب الخيل وكان يقضي معها وقت طويل
🌻وذكر الله ذلك في القرآن وسيدنا سليمان يقول أحببت حب الخير عن ذكر ربي
🌻وذلك ليس معناه ان الخيل شغلت سيدنا سليمان عن ذكر الله
🌻ولكن معنى الآية ان العمل عبادة وسيدنا سليمان كان قائد للجيش وكان يجب عليه ان يتفقد احوال الجيش وكان عبارة عن 200000فرس حتى يجاهد في سبيل الله بهم
🌻 وكما قال الرسول عن الخيل أن في نواصيها الخير وان من يطعمها فقد فعل فعلا عظيما
🌻 ومعنى الآية ان العمل يعتبر جزءا من العبادة لذلك قال احببت حب الخير عن ذكر ربي وعن هنا لا يقصد بها التفضيل كما نقول ورثت الكرم عن ابي
ولا يجوز لنبي ان يقتل جيش من الخيول ولقد عاتب الله النبي الذي أحرق قرية النمل لانها ذاكرة لله فمن غير المنطقي ان يقتل سيدنا سليمان الخيول كما يقول بعض المفسرون
🌻وكان له بساط من اخشاب يسع كل ما يحتاج اليه من قصور و الخيام و الأمتعة و غير ذلك
🌻فكان اذا اراد الذهاب الى الحرب أمر الريح فتدخل تحت البساط وترفعه بكل ما عليه من متاع
🌻وقد كان يسافر في عدة ساعات ما يأخذه غيره في مسيرة شهر
🌻وغدا إن شاء اللهﷻ نكمل قصة سيدنا سليمان و ما اتاه اللهﷻ من ملك و حكمه و نبوة
🌻تصبحوا على خير يا حلوين
🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻
/channel/seerawqass
#قصص_رواها_الرسول_ﷺ
🐈المرأة التي دخلت النار في هرة
🌻 كان ياما كان و مايحلي الكلام
إلا بذكر النبي .... محمد ﷺ
🌼 اللهم صل علي سيدنا مُحَمَّد
🌻 كان هناك في بني إسرائيل امرأة قاسية القلب لا ترحم احد حولها
🌻 وفي يوم من الايام خرجت هذه المرأة من بيتها لقضاء بعض حوائجها
🌻 فوجدت هرة (قطة) ضعيفة تسير في الطريق
🌻 فأخذتها و وضعتها في البيت و اغلقت عليها الباب
🌻 فظنت القطة انها ستطعمها و سترحمها و سوف تنام في هذا البيت الجميل
🌻 و لكن الذي حدث ان المرأة حبست القطة في البيت و تركتها بلا طعام و لا شراب
🌻 و اشتد الجوع و العطش لتلك الهرة
🌻 و ظلت تصرخ ليل نهار و المرأة تسمع صوتها
🌻 و مع ذلك تركتها محبوسة بلا طعام ولا شراب
🌻 و كذلك لم تتركها لتبحث عن رزقها في مكان آخر
🌻 و ظل صوت الهرة ينخفض شيئا فشيئا حتى انقطع
🌻 و ماتت الهرة و هي تشكو لربها ظلم الانسان و تحجر قلبه
🌻 و قد اخبرنا النبيﷺ اننا نأجر في الإحسان للبهائم
🌻 و قد دخلت امرأة بغي الجنه لأنها سقت كلب
🌻 و قد شكى جمل الى النبيﷺ من صاحبه الذي يسيء معاملته
🌻 و قد اخبرنا النبيﷺ ان هذه المرأة دخلت النار بسبب ظلمها لهذه الهرة مع انها كانت كثيرة العبادة
🌻 و قد رأى النبيﷺ هذه الهرة و هي تهاجم هذه الهرة في النار يوم القيامه
🌻 فتحدث بها خدوش في وجهها و جسدها جزاء بما فعلته بها في الدنيا
🌻 لأنها لم تطعمها و لم تتركها تأكل من خشاش الأرض
🌻 و قد جاءت هذه القصة في صحيح البخاري
🌻 و نستفاد من هذه القصة ان اللذين يعذبون الحيوان و يعتدون عليه بالضرب و القتل لهم عذاب اليم في الآخرة
🌻 و نستفاد انه يجوز للإنسان حبس الحيوانات من القطط و الطيور و غيرها و لكن بشرط ان يقدم لها الطعام و الشراب و غيرها
🌻 فإن عجز عن ذلك فعليه ان يخلي سبيلها و يطلقها في ارض الله الواسعة كي تطلب رزقها بنفسها
🌻 و نستفيد اخيرا ان الجزاء من جنس العمل فكما اسائت هذه المرأة الى الهرة فسوف تأخذ الهرة حقها يوم القيامة من هذه المرأة و تهاجمها
🌻وغدا إن شاء الله سوف نحكي قصه جديدة
🌻تصبحوا على خير يا حلوين
🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻
/channel/seerawqass
https://www.instagram.com/reel/CqT3mT8jB2u/?igshid=MDJmNzVkMjY=
Читать полностью…
#قصص_الأنبياء_للأطفال
🌙الحلقة 3 🌙
🌴تابع سيدنا سليمان عليه السلام
🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..
🌼اللهم صل علي سيدنا مُحَمَّد
🌻 في يوم من الأيام أراد سيدنا سليمان عليه السلام ان يتفقد أحوال الجيش
🌻وكان جيش سيدنا سليمان مكون من الجن و الإنس والطير والحيوانات
🌻 وإذا به يفاجيء بغياب الهدهد وكان سيدنا سليمان يستخدمه في البحث عن الماء
🌻لأن الله سبحانه وتعالى أودع في الهدهد قوة و قدرة عجيبه وهو أنه يستطيع ان يرى الماء الذي تحت سطح الأرض بمسافات كبيرة
🌻وعندما يراها الهدهد يخبر سيدنا سليمان بمكانها
🌻 فيأمر سيدنا سليمان جنوده من الشياطين فيحفروا في هذا المكان ويستخرجوا الماء
🌻ولكن الهدهد في هذا اليوم لم يجده سيدنا سليمان في مكانه الذي أمره ان يقف فيه
🌻وغضب سيدنا سليمان غضبا شديدا ولكنه ليس ملكا جبارا في الأرض
🌻وإنما هو قبل ذلك نبي فلم يعاقب الهدهد الا بعد ان يسمع منه سبب غيابه
🌻وهذا معنى الآيه التي تقول لأعذبنه عذابا شديدا او لأذبحنه او ليأتيني بسلطان مبين
🌻اي يكون عذر قوي واضح يبرر غيابه عن الجيش
🌻وحضر الهدهد بعد أن غاب فترة ليست بطويله
🌻وعندما سمع ان سيدنا سليمان قد غضب عليه فأراد ان يبدأ حديثه معه بمفاجأة تغطي على موضوع غيابه و تضمن اصغاء سيدنا سليمان له
🌻فقال له أحط بما لم تحط به و جئتك من سبأ بنبأ يقين
🌻يعني عرفت شيء لم تعرفه انت ولا جنودك يا سيدنا سليمان
🌻وهو خبر صادق و سبأ هم حمير و هم ملوك اليمن
🌻وأخبر الهدهد سيدنا سليمان انه وجد امرأة تملكهم اسمها بلقيس بنت شراحيل
🌻وكانت تحكمهم في أرض اسمها مأرب قريبه من العاصمة صنعاء
🌻وكان عندها وزراء تستشيرهم و حكماء عددهم 321 رجل
🌻وكل رجل منهم يحكم 10000 رجل آخر
🌻وأوتيت من كل شيء اي عندها كل ما يحتاج إليه الملك العظيم المنتصر
🌻ولها عرش عظيم مزخرف بالذهب والجواهر و اللآلي وعندها 600 امرأة تخدمها
🌻وقال الهدهد إنه وجدهم جميعا يعبدون الشمس ويتركون عبادة الله الواحد الأحد
🌻وتعجب الهدهد من ذلك و قال أيسجدون للشمس و لايسجدون لله الخالق العظيم
🌻الذي يعلم الخفايا في كل العالم العلوي و السفلي ويعلم السر والعلن ما ظهر منها وما بطن
🌻وهو سبحانه وتعالى رب العرش العظيم الذي يستحق العبادة والسجود
🌻ولم يتسرع سيدنا سليمان في تصديق الهدهد او تكذيبه
🌻فقال سننظر أصدقت أم كنت من الكاذبين
🌻وأمر الهدهد أن يذهب برسالة منه الى هؤلاء القوم وأن يلقي الرسالة أمام عرشها
🌻 وفعلا سار الهدهد الي بلقيس و ذهب الى قصرها في مأرب و القى الرساله امامها
🌻ووقف يراقب ماذا سيحدث..وغدا إن شاء الله سنعرف رد فعل الملكة بلقيس على رسالة سيدنا سليمان
🌻تصبحوا على خير يا حلوين
🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻
/channel/seerawqass
#السيرة_النبوية_للأطفال
🌙 الحلقة الثامنة والثلاثون🌙
🌛تابع فتح مكة🌜
🌻كان ياما كان ...و ما يحلي الكلام إلا بذكر النبي .....
🌼عليه الصلاة و السلام .....
🌻أحسنتم يا أولادي ... ممتازين ....
🌼طبعا فاكرين إحنا وقفنا فين إمبارح؟؟
🌻مين الشاطر اللي هيقول لنا
🌼صح براڤو لما واحد من المسلمين اسمه حاطب عمل غلطة كبيرة أوي!!
🌻قال فيها إن المسلمين مجهزين جيش و رايحين علي مكة ...
🌼و أعطى الرسالة لواحدة ست وقالها وصليها للكفار في مكة !
🌻بس طبعا سيدنا جبريل قال ... لسيدنا محمد عشان ينتبه...
🌼بسرعة سيدنا محمد بعت إتنين مسلمين ..."علي" و "الزبير " ...
🌻وقالهم امنعوا الست اللي معاها الرسالة ...
🌼و هاتوا منها الرسالة ...
🌻راحوا بسرعة الاتنين .."علي " و "الزبير " .. وراها و هي لسه في الطريق ..
🌼وقالو لها هاتي الرسالة اللي معاكي ...
🌻الست قالت أنا مش معايا اي رسالة ..
🌼فالاتنين المسلمين "علي "و "الزبير " قالولها إحنا سيدنا محمد قالنا إنك معاكي رسالة ....
🌻وإحنا متأكدين من كلام سيدنا محمد لأنه نبي ...و لومش هطلعيها هنقتلك بسيوفنا ...
🌼فالست طبعا خافت ... و طلعت الرسالة ... وكانت مخبياها جوه شعرها ....
🌻فالاتنين المسلمين أخدوا الرسالة بسرعة ورجعوها لسيدنا محمد
🌼سيدنا محمد نادى "حاطب " ...و سأله : ليه عملت كده ؟
🌻ليه تعرف الكفار في مكة إننا رايحين مكة ؟؟
🌼رد حاطب و قال :يا رسول الله ..أنا مؤمن طيب.. ومش كافر ...بس أنا عملت كده ..
🌻عشان أنا سايب أهلي وولادي في مكة ...
🌼و خفت لحسن الكفار يؤذوا أهلي لو هجمنا علي مكة ..
🌻ففكرت إني أعمل كده عشان الكفار ما يؤذوش أهلي ...
🌼سيدنا محمد عليه الصلاة و السلام سامح حاطب و عفا عنه ....
🌻وبكده ما حدش من الكفار في مكة بقي عارف إن جيش المسلمين رايحلهم .
🌼جيش المسلمين كان ضخم جدا ... ...
🌻جيش المسلمين كانوا 10 آلاف واحد ...
عشان ناس كتير دخلوا في الإسلام و بقوا مسلمين طيبين
🌼جيش المسلمين وصل قرب مكة بليل ...
🌻و الجيش وقف ...ليه ؟
🌼عشان يدخلوها الصبح و الناس صاحيين ...و ما يصحوش الناس بليل وفيهم أطفال وستات هيخافو
🌻أبو سفيان زعيم الكفار ... شاف جيش المسلمين بليل ... و الجيش مستني بره مكة .
🌼إيه جيش المسلمين ده ....ده ضخم جدا و قوي جدا ...
🌻أبو سفيان بقي خايف من قوة المسلمين ...
🌼مين هيشوفه ؟ "العباس" عم سيدنا محمد ...
🌻"العباس " قال ل"أبو سفيان" تعالي ...
🌼تعالي أنا هخدك عند سيدنا محمد عشان تكلمه و يسامحك ..
🌻"ابو سفيان " راح مع "العباس " لسيدنا محمد ....
🌼"أبو سفيان " اتكلم مع سيدنا محمد و لقي سيدنا محمد بيكلمه كلام جميل وطيب
🌻و قاله ليه يا أبو سفيان " ما تبقاش مسلم ...
🌼و تعبد ربنا بس و تسيب الأصنام اللي مش هتنفعك ولا تضرك ولا ليها أي لازمة
🌻أبو سفيان لقي سيدنا محمد قلبه مليان رحمة و طيبة و عايز يعلمه الإسلام اللي فيه كل الخير ...
🌼أبو سفيان زعيم الكفار قال " أشهد أن لا إله إلا الله و أشهد أن محمدا رسول الله " و بقي مسلم كده خلاص
🌻أول لما الصبح جه ... أبو سفيان اللي بقه مسلم خلاص وقف عند مدخل مكة فوق مكان عالي ...
🌼يتفرج علي جيش المسلمين .... وهما داخلين مكة
🌻جنووووود كتييييييييييير ... و كل مجموعة شايلة أعلامها ... و أحصنة كتيرة ...
🌼كلهم داخلين مكة ...و هما في منتهي القوة و الشجاعة ... طابور طوييييييل ....مش بيخلص ...
🌻و أبو سفيان متعجب و يسأل : كل دول جيش المسلمين؟ كل دووول جنود مسلمين أقويا و شجعان ؟
🌼لغاية لما دخل مكة آخر مجموعة من الجنود راكبين أحصنتهم و شايلين أعلام خضرة جميلة ...
🌻أبو سفيان سأل مين دول؟؟
قالوله ... دول المجموعة اللي معاهم سيدنا محمد عليه الصلاة و السلام ..
🌼أبو سفيان فضل واقف يتفرج و هو مبهور من ترتيب الجيش و نظامه و قوته و عدده الكبير
🌻أبو سفيان راح للكفار في مكة ...
و جمعهم وقالهم ما حدش يحارب المسلمين ....
🌼دول أقويا جدا وما حدش هيقدر منكم يكسبهم
🌻سيدنا محمد أخييييييرا دخل بلده ....مكة .... البلد اللي بيحبها أكتر مكان علي الأرض
🌼مكة اللي فيها كعبة ربنا ... مكة اللي طرده منها الكفار ...و مشي منها رغم إنه بيحبها جدا
🌻طب يا تري سيدنا محمد هيعمل إيه مع الكفار ؟؟
🌼 هنعرف بكرة إن شاء الله
🌼اللهم صل علي سيدنا مُحَمَّد
🌼 تصبحوا على خير يا حلوين
🌻🌼🌻🌼🌻🌼🌻🌼🌻
/channel/seerawqass
#سيرة_امهات_المؤمنين
🌙الحلقة3 والأخيرة 🌙
🌴تابع السيدة سودة رضي الله عنها
🌻كان ياما كان و مايحلي الكلام
إلا بذكر النبيﷺ
🌼اللهم صل علي سيدنا مُحَمَّد
🌻هنكمل قصة أمنا سودة
🌻في يوم من الأيام لقت النبيﷺ بيصلي فقالت أنا هصلي وراه علشان آخد الثواب لوحدي
🌻وفضلت واقفه ورا النبيﷺ و هو طول أوي في الصلاة وهي كانت ست عجوزة فتعبت أوي
🌻وتاني يوم كانت عايزة تضحك النبيﷺ قالتله إمبارح لقيتك بتصلى فقلت اصلى وراك و اخد الثواب لوحدي بس انت طولت في الصلاة اوي يا رسول الله لدرجه اني اما جيت اركع مسكت مناخيري علشان حسيت انها هتنزل دم من كتر الوقفه
🌻فضحك النبيﷺ عليها وهو كان عارف انها دايماً بتحب تضحكه وتهزر معاه
🌻وفاتت الأيام وفضلوا عايشين في سعادة
🌻و لما جه وقت الحج خرج النبيﷺ علشان يحج حجة الوداع
🌻وخرجت معاه كل زوجاته و منهم السيده سودة و استأذنت النبيﷺ انه يسمحلها انها ترمي الجمرات قبل ما الدنيا تبقى زحمه علشان كانت تخينة أوي وبتتحرك بصعوبة
🌻وعاشت أمنا سودة بعد ما النبيﷺ مات لغايه سنه 23 من الهجرة وحلفت إنها مش هتخرج تحج تاني من بعد ما حجت مع النبيﷺ
🌻وفضلت قاعدة في بيتها
🌻وفي يوم من الايام لما بقى سيدنا عمر أمير المؤمنين بعت ليها كيس كبير مليان فلوس
🌻فأستغربت و قالت انا هعمل ايه بكل الفلوس دي وقالت للخدامه بتاعتها وزعي الفلوس دي على الفقراء
🌻وهي دائماً كانت بتعطف على الفقراء والمساكين والأيتام اللي معندهمش حد ياخد باله منهم
🌻وفضلت السيده سودة تعبد ربنا وهي قاعده في بيتها
🌻وفي عهد عمر بن الخطاب جه الوقت انها تموت علشان تقابل زوجها وحبيبها النبيﷺ في الجنه وماتت وهي مبسوطه إنها اتجوزت النبيﷺ وعاشت معاه في الدنيا وكمان هتكون زوجته في الجنة
🌻 وبكده نكون خلصنا قصه أمنا التانيه سودة بنت زمعه و أشوفكوا بكره إن شاء الله مع تالت زوجه للنبيﷺ
🌻عارفين هي مين؟؟
🌻صح براڤوووا السيدة عائشة بنت سيدنا أبو بكر صاحب النبيﷺ وأول واحد آمن بيه وهي أكتر زوجة بيحبها النبيﷺ يا ترى ليه؟؟!!
هنعرف إن شاء الله لما نحكي قصتها
🌻ودلوقتي جه معاد النوم
🌻تصبحوا على خير يا حلوين
🌼اللهم صل علي سيدنا مُحَمَّد
🌼🌻🌼🌻🌼🌻🌼🌻🌼
/channel/seerawqass
#السيرة_النبوية_للأطفال
🌙 الحلقة 37🌙
🌛فتح مكة🌜
🌻كان ياما كان ...و ما يحلي الكلام إلا بذكر النبي .....
🌼عليه الصلاة و السلام .....
🌼أنتم عارفين إن ربنا اختار سيدنا محمد عليه الصلاة والسلام عشان يعلم الدنيا الإسلام ...
🌻يعلمهم دين ربنا و إزاي يعبدوا ربنا ...
ويعلمهم أحسن الأخلاق و أطيب الأعمال ..
اللي تملي الدنيا خير و صلاح ..
🌼طب إزاي سيدنا محمد يخلي الدنيا والبلاد البعيدة كلها تعرف عن الإسلام ؟؟؟
🌻سيدنا محمد بعت مسلمين شجعان...
يسافروا للبلاد البعيدة و معاهم رسايل .....
🌼عشان يوصلوها لملوك البلاد .... و يعرفوهم يعني إيه إسلام ...
🌻و يعرفوهم إن كل الناس لازم تعبد ربنا بس و يدعوا ربنا بس ...
🌼و ربنا هو بس اللي يقدر يعمل لنا كل حاجة حلوة عاوزنها ...
🌻وربنا بس هو اللي يقدر يمنع عنا أي شر ....
🌼سيدنا محمد بعت رسايل للملوك... ملوك الأرض ...
🌻بعت رسايل لملك الحبشة ... و ملك فارس ...و ملك مصر ... و ملك الروم
🌼كل ملك يفضل يسأل عن سيدنا محمد ...
🌻و يسأل عن صفاته وأخلاقه ...
🌼و يسأل عن الإسلام دين ربنا ..
🌻لغاية لما كل ملك عرف إن سيدنا محمد عليه الصلاة والسلام هو فعلا النبي اللي ربنا أختاره ...
🌼فيه ملوك أول لما عرفوا كل حاجة عن سيدنا محمد بقوا ملوك مؤمنين طيبين
... و بقوا مسلمين ... دول بإذن الله في الجنة
🌻و فيه ملوك تانية قالت لأ إحنا ملوك وحتي لو هو النبي إحنا مش هنسمع كلامه عشان إحنا ملوك !
🌼طبعا المغرور بمملكته و قوته و متكبر إنه يسمع كلام النبي مكانه بإذن الله في النار
🌻عشان مفيش متكبر هيدخل جنة ربنا زي ما الرسول قال لنا .
🌼و زي مانتم عارفين يا أولاد ... سيدنا محمد عمل إيه مع الكفار في مكة ؟
🌻عمل معاهم اتفاق صلح ... صلح الحديبية ...
🌼يعني مفيش حد يحارب التاني و لا يؤذيه ...
🌻بس كفار مكة بقه عملوا إيه ؟؟.. ما نفذوش الاتفاق ...
🌼عارفين الكفار عملوا ايه؟
🌻الكفار بقوا في السر يبعتوا أسلحة و رجالة أقويا لأي حد عايز يحارب المسلمين
الكفار ساعدوا الأشرار ... و قتلوا 20 واحد من غير ذنب ...
🌼الكفار خانوا العهد و مانفذوش الاتفاق و بيساعدوا أي حد بيكره المسلمين ...
🌻مفيش فايدة في قلوبهم اللي مليانة شر للمسلمين ...
🌼أهل الناس اللي اتقتلوا ... راحوا استنجدوا بسيدنا محمد
🌻وقالوا له انقذنا من شر الكفار .. دول قتلوا ولادنا و بيساعدوا الأشرار
سيدنا محمد عرف إن الكفار خانوا الاتفاق ....
🌼سيدنا محمد أخد قرار ... قرار بتجهيز جيش يدخل مكة عند الكفار ...
🌻الكفار في مكة عرفوا إنهم عملوا غلط و أنهم عملوا عمل سيء جدا
🌼الكفار في مكة خافوا ...خافوا إن المسلمين يلغوا اتفاق الصلح ...
🌻و بسرعة الكفار قعدوا يفكروا في حل ...
🌼فقالوا أحسن حل نبعت واحد من الكفار عندنا...
🌻بس مش أي واحد ... دول اختاروا يبعتوا رئيسهم ..
🌼رئيسهم "أبو سفيان " .... رئيس الكفار
عشان يطلب من سيدنا محمد إن اتفاق الصلح يفضل موجود
🌻سافر أبو سفيان من مكة للمدينة ...
و راح لسيدنا محمد ....
🌼بس سيدنا محمد ما رضيش يكلمه ...ولا يرد عليه ....
🌻فراح أبوسفيان لسيدنا "أبوبكر " صاحب سيدنا محمد ...
🌼و قاله : أطلب من سيدنا محمد إن الاتفاق يفضل وقت زيادة كمان
🌻بس سيدنا أبو بكر قاله :لا مش هعمل كده ...
🌼فراح "أبو سفيان " لسيدنا "عمر بن الخطاب" صاحب سيدنا محمد ...
🌻و قاله كلملي سيدنا محمد عشان يفضل الاتفاق وقت زيادة كمان
سيدنا "عمر بن الخطاب " برضه ما رضيش
🌼و قال لأبو سفيان : أنا مش هقول الكلام ده لسيدنا محمد .. انا أصلا عاوز أحارب الكفار .
🌻فراح أبو سفيان لسيدنا "علي" صاحب سيدنا محمد .. و قاله كلملي سيدنا محمد ..
🌼سيدنا "علي" قاله :ماحدش هيقدر يكلم سيدنا محمد في الموضوع ده ..
🌻أبوسفيان رجع مكة ...و هو عارف إنهم خانوا الاتفاق .. و المسلمين مش هيسامحوهم ..
🌼سيدنا محمد و المسلمين بدؤوا يجهزوا جيش من أضخم الجيوش
🌻عشان دي أهم معركة .... ده الجيش ده هيروح للكفار جوة مكة ...
🌼بس لازم كل التجهيزات تبقي في السر ...
🌻عشان مش عايزين حد من كفار مكة يعرفوا إن المسلمين جايين عشان ما يجمعوش الأشرار..
🌼سيدنا محمد دعا ربنا إن الكفار ما يعرفوش أبدا
🌻سيدنا محمد قال لكل المسلمين إنهم هيروحوا بالجيش علي مكة
🌼بس لازم يبقي في السر و ماحدش يعرف الكفار في مكة ...
🌻بس فيه واحد من المسلمين اسمه "حاطب" عمل غلطة ...غلطة كبيرة
يا ترى عمل إيه؟؟ وإيه اللي حصل بعد كده
🌼هنعرف بكرة إن شاء الله
🌼اللهم صل علي مُحَمَّد
🌼 تصبحوا على خير يا حلوين
🌻🌼🌻🌼🌻🌼🌻🌼🌻
/channel/seerawqass
#سيرة_امهات_المؤمنين
🌙الحلقة الثانية 🌙
🪴 السيدة سودة رضي الله عنها
🌻كان ياما كان و مايحلي الكلام
إلا بذكر النبيﷺ
🌼اللهم صل علي سيدنا مُحَمَّد
🌻وتزوجت أمنا سودة من النبيﷺ
🌻 وفضلوا عايشيين مع بعض 3سنين في مكة
🌻وكانت أمنا سودة بتعمل اللي تقدر عليه علشان تخلي النبيﷺ سعيد
🌻وكانت دايما تقول نكت و تحكي قصص علشان تضحك النبيﷺ وكانت مشهوره بخفه دمها
🌻لكن كانت حاسه إنها مش قادرة تملى الفراغ الذي تركته السيده خديجه
🌻 وكانت بتخفف عن النبيﷺ لما الكفار بيضايقوه وكانت تقعد تحكيله عن بلاد الحبشه والحاجات اللي حصلتها وهي هناك
🌻وكانت تقعد تحكيله عن بنته رقيه وزوجها عثمان لانها كانت عارفه انه بيحب يعرف اخبارهم و يطمن عليهم وهي كانت جارتها لما هاجروا للحبشة
🌻وفي يوم من الايام رجعت السيده رقيه بنت الرسول هي و زوجها عثمان من الحبشه
🌻وانتشر في مكه الخبر ده و أول ما الباب خبط جريت أم كلثوم وفاطمه علشان يفتحوا لأختهم وقعدوا يفتكروا أيام أمهم السيده خديجه
🌻وطبعا أمنا سودة اهتمت بيهم وقعدت تصبرهم ولما جه الرسول فرح جدا وحضن بنته و زوجها ورحب بيهم وقعدوا يتكلموا عن اللي كان بيحصل في الحبشه
🌻 وفضلوا عايشين مع بعض و بيواجهوا الكفار و بيصبروا الرسول و جه سيدنا جبريل للنبيﷺ وقاله إن ربنا بيقول انه لازم يهاجر للمدينة المنورة
🌻وبعدين جهز النبيﷺ نفسه و زي ما إحنا عارفين من قصه الرسول اللي حكيناها قبل كده ان نام مكانه سيدنا علي بن أبي طالب وإنه سافر هو وسيدنا أبو بكر بعد ما عملوا خطه علشان يهربوا من الكفار
🌻وأول ما الرسول وصل للمدينه بعت سيدنا زيد و أبو رافع مولاه بجملين وفلوس علشان ياخدوا زوجته السيدة سودة وبناته للمدينة
🌻و قعدوا كلهم في المدينه و بعدوا عن الكفار الاشرار
🌻وبدأوا يساعدوا النبيﷺ في تعليم الناس دينهم
🌻وتزوج النبيﷺ بأمنا عائشة بعد الهجرة للمدينه
🌻 وحست أمنا سودة ان النبيﷺ بيحب السيده عائشة أوي
🌻وكانت شايفه ان النبيﷺ علطول مشغول ومعندوش وقت علشان كان في غزوات كتير وعلشان كانوا بيبنوا مدينه جديده وعايزين يخلوا كل الناس يبقوا مسلمين
🌻وعلشان كده أمنا سودة قالت للنبيﷺ انا عايزة أخلى اليوم بتاعي اللي بتقعد معايا فيه للسيده عائشة
🌻وطبعا الموقف ده كان موقف عظيم لأنه مش سهل ان الزوجه تسيب زوجها
🌻بس هي كانت بتحب النبيﷺ واللي بيحب حد بيحاول يعمل الحاجه اللي هو بيحبها
🌻و كانت دايماً السيده عائشة تقول عن السيده سودة إنها ست عظيمه ودمها خفيف
🌻وكانت بتحصل مواقف تضحك بينها و بين السيده عائشة
🌻 في يوم من الأيام كانت السيده عائشة جايبه للنبيﷺ أكل
🌻و النبيﷺ كان قاعد بين السيده سودة والسيدة عائشة
🌻فحطت الأكل وقالت للسيده سودة يالا اتفضلي كلى
🌻فراحت قالتها السيدة سوده لأ مش عايزة آكل
🌻فراحت السيده عائشة قالت لها لو مكلتيش هأكلك بالعافيه
🌻وهي بتأكلها وشها اتملى أكل زي الأطفال لما بييجوا ياكلوا
🌻فراح النبيﷺ أعطى الأكل للسيده سودة وقالها اكليها وبوظي وشها زي ما عملت فيكي
🌻وقعدوا يضحكوا هما الثلاثه
🌻و بعدها جه سيدنا عمر بن الخطاب فراح النبيﷺ قالهم قوموا بسرعه إغسلوا وجهوكم
🌻 ومن يومها والسيده عائشة بتقول انها بتخاف من سيدنا عمر علشان لقت النبيﷺ بيعملوا حساب
🌻 وفي يوم من الأيام سمعت النبيﷺ و هو بيحكي عن قصه المسيح الدجال فخافت وجريت إستخبت في بيت مفيش حد ساكن فيه
🌻وقعدوا السيده عائشة و السيدة حفصه زوجات الرسول يضحكوا عليها
🌻و لما جه النبيﷺ قالها إنتي بتعملي إيه يا سودة قالتله هو جه المسيح الدجال ولا لسه يا رسول الله
🌻فقعدوا يضحكوا عليها كلهم فطلعت من البيت المهجور وهدومها كلها تراب
🌻 يعني يا ولاد كانوا عايشين حياة عادية جدا زي اي حد فينا
🌻وبكرة إن شاء الله نكمل قصة امنا سودة
🌻ودلوقتي جه معاد النوم
🌻تصبحوا على خير يا حلوين
🌼اللهم صل علي مُحَمَّد
إقرأ 📚 وانشر 📬 تُؤْجَرْ
/channel/seerawqass