Зикр аҳлидан сўранг

29 ноября 2023 03:05

ЗИНОДАН БЎЛГАН ХОМИЛАНИ ОЛИБ ТАШЛАШ

@Savollar_kanal 14301-савол

Ассалому алайкум! Хомилани олиб ташлаш шариатда харомлигини биламан. Аммо нигохга ўқитишга сал бепарво бўлиб қолдим. Турмуш ўртоғим билан никохни ўқитмасдан яқинлик қиб қўйдик, хомиладор бўп қолган бўлса уни олдириб ташлаш жоизми? Ё никохимизни кеч ўқитган бўлсак туғилажак фарзандимиз зинодан бўлган хисобланадими? Бу бепарволигимизга қандай маслахат берасиз?

ЖАВОБ:

– Ва алайкум ассалом! Никоҳсиз бўлган бўлса ҳам олдириш мутлақо жоиз эмас. Боланинг насаби зино қилган эркакка берилади. Сизлар тавба қилиб, истиғфор айтинглар ва тез никоҳланинглар. Болани ҳам туғиш керак ва тарбияси билан астойдил шуғулланинглар. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

28 ноября 2023 15:05

ЮРТИМИЗДА ҲАМ ИСЛОМИЙ БАНКЛАР ОЧИШНИНГ ИМКОНИ БОРМИ?

@Savollar_kanal 14300-савол

Ассалому алайкум Устоз!  Ҳозирда кўпчилик давлатларда яъни АҚШда, Буюк Биритания, Туркия, Саудиа Арабистони, БАА хатто Россияда ҳам ва бошқа давлатларда ислом банклари фаолият кўрсатмоқда. Билишимча Саудиа Арабистонидаги "Ислом Тараққиёт Банки" ва бошқа банклар янги исломий банклар очилишига яқиндан ёрдам беришаркан. Шу имкониятлардан фойдаланиб бизнинг юртимизда ҳам исломий банклар очишнинг имкони борми? Шундай банклар очилса юртимизнинг иқтсодиётининг ривожланиши учун ҳам катта ёрдам бўларди менимча. 

ЖАВОБ:

– Ва алайкум ассалом! «Ислом тараққиёт банки» Ўзбекистон банклари орқали ўз фаолиятини бошлади. Баъзи иқтисодий режалар учун қарз ҳам берди. Келажакда банклар очилиб қолса ҳам ажаб эмас.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

28 ноября 2023 08:05

ФАРЗ ВА СУННАТ НАМОЗИДА САЖДАДА ДУО ҚИЛИШ ЖОИЗМИ?

@Savollar_kanal 14298-савол

Ассалому алайкум Устоз! Сиздан қуйидаги саволларни сўрашимга ижозат бергайсиз: 1. Фарз ва суннат намозларидаги сажда пайтида ўз эҳтиёжларимизни (шариатга зид бўлмаган эҳтиёжларимизни) Аллоҳ таолодан қалбан сўрашлигимиз жоизми? 2. Ҳар бир инсонга гуноҳлари сабабидан қийинчиликлар етадими ва шу гуноҳларига лойиқ қийинчиликлар етадими? Агар шундай бўлса, нега бегуноҳ ёш чақалоқлар ва болалар касал бўлиб азоб тортадилар, ахир улар бегуноҳку. 

ЖАВОБ:

– Ва алайкум ассалом! 1). Қалбдан бўлса, жоиз.
2). Аллоҳ истаганини қилади ва қилганидан сўралмайди. Мусибат фақат гуноҳ туфайли эмас, гоҳида синов учун, гоҳида раҳмат юзасидан, гоҳида огоҳлантириш учун ва бошқа ҳикматлар юзасидан бўлади. Болаларга етадиган беморликлар уларнинг ота-оналари учун юқоридаги ҳикматлар юзасидан бўлиши мумкин.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

28 ноября 2023 03:05

ДАСТУР ЯРАТИШ

@Savollar_kanal 14297-савол

Ассалому алайкум! Мен яқинда янги дастур яратмоқчиман унга кўра кимдир иш беради, бошқа Бир инсон эса ўзига иш қидиради. Ишлар тури кўп. Мен программа яратишим керак. Шу программа яратиш ҳалолми? Бу программа олх.га ўхшайди, лекин фақат иш бўйича. Бу орқали кимдир иш топади яна кимдир иш топади. Агар улар гуноҳ қилишса гуноҳларига шерик бўлмайманми? Мен фақат дастурчиман, уни тузиб бераман холос.

ЖАВОБ:

– Ва алайкум ассалом! Ҳалол бўлган ишларни рўйхатини киргизсангиз, улар дастурдан фойдаланиб иш топиб ҳаром ишларни ҳам қилдиришса сиз жавобгар бўлмайсиз. Албатта, агар ақлингиз етса соҳангиз бўйича ҳаром ишларни қилолмайдиган қилиб қўйинг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

27 ноября 2023 15:05

ИРИМ

@Savollar_kanal 14296-савол

Ҳазрат, яна битта саволим бор эди. Буни излаб кўрдим топа олмадим. Иримга ишониш куфр амал ҳисобланадими ёки ширкми? Агар иккаласи бир нарса бўлса узр минг бора... Бандачилик...

ЖАВОБ:

Ирим нималигига қаралади. Ақийдага футур етадиган даражда бўлса, куфр ёки ширк бўлиши мумкин.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 ноября 2023 08:05

АЗОН ҲАҚИДА

@Savollar_kanal 14294-савол

Ҳурматли шайх Жаноблари! Намоз вақти бўлиши билан азон айтадиган дастур бор. Шу дастур ишга тушиши билан яъни азон айтишни бошлагандан кейин охиригача эшитмай, ўчирса бўладими?

ЖАВОБ:

Охиригача эшитган яхши. Ўчирса, ўзининг иши.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 ноября 2023 03:05

БОМДОД НАМОЗИНИНГ ИККИНЧИ ВАҚТИ

@Savollar_kanal 14293-савол

Ассалому алайкум! Бизнинг бир қариндошимиз бомдод намозини қазо қилди ва офтоб чиққандан кейин намозни қазо қилмасдан ўқиди, ундан сўрасам бу бомдод намозининг 2-вақти бўлади деди. Бу тўғрими?

ЖАВОБ:

– Ва алайкум ассалом! Қуёш чиққанидан кейин бамдод қазо бўлади. Агар қариндошингиз қуёш чиққанидан кейин ўқиган бўлса, қазо қилиб ўқиган бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

26 ноября 2023 15:05

НАСОРОНИНГ ТАОМИ

@Savollar_kanal 14292-савол

Ҳурматли Ҳазрат! Битта танишим бир насоро билан бир ишда ишлашар эди. У насоро ўз динига жуда эътиборли ва сал камчлик томонлари бор эди (касалроқ). Шу насоро бир куни қайсидур динининг байрамида дастурҳонга қўйилган таомни олиб келиб танишимга берган экан. Ва манинг танишим ўша нарсани мажбурий ҳолатда олиб еган. Чунки у насоро мажруҳроқ бўлгани учун кўнгли ярим бўлади ва агар олмасам қаттиқ тегиб ўксимасин деб олиб еган. Ҳазрат, танишимни иши тўғрими? Ва биз бундай ҳолатларга ўҳшаган вазиятга тушсак нима қилишимиз керак?

ЖАВОБ:

Аввало таом нимадан иборат эканига қараш керак. Ҳаром нарса бўлса, зинҳор мумкин эмас. Аммо биз учун ҳалол нарса бўлса оддий ҳолатларда тановул қилинаверади. Аммо улар байрамлари учун, қандайдир нарсаларига атаб қилган таомларидан кўнгилларини ранжитмай ўзни четга олган яхши.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

26 ноября 2023 08:05

ҚУРЪОННИ ТАҲОРАТСИЗ, ЁДДАН ТИЛОВАТ ҚИЛИШ

@Savollar_kanal 14290-савол

Ассалому алайкум шайх ҳазратлари! 1. Қуръонни таҳоратсиз, ёддан тиловат қилса бўладими?2. Аёллар уйда юзларига турли бўёклардан суртишса бўладими? Агар бўлса уларни суртган ҳолда намоз ўқиб бўладими? 

ЖАВОБ:

– Ва алайкум ассалом! 1. Бўлади. Аммо савоби камаяди.
2. Бўлади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

26 ноября 2023 03:05

ҲАДИСГА ШАРҲ

@Savollar_kanal 14289-савол

Ассаламу алайкум! "Гўзал ўрнак" китобида қуйидагича ҳадис ўқиб қолдик: Ибн умар розияллоҳу анҳумодан ривоят қилинади: "Расулуллоҳ соллаллоҳу алайҳи ва саллам: "Одамларнинг киши уловликка арзийдиганини топа олмайдиган юзта туяга ўхшаганини кўрасизлар", дедилар". Имом Муслим ривояти. Илтимос, ушбу ҳадисда зикри келган одамлар қандай тоифадаги кишилар эканлигини тушунтириб берсангиз.

ЖАВОБ:

– Ва алайкум ассалом! Ушбу ҳадисга устозимиз шайх Муҳаммад Содиқ Муҳаммад Юсуф раҳимаҳуллоҳ қуйидагича шарҳ ёзганлар: 
عَنِ ابْنِ عُمَرَ رَضِيَ اللهُ عَنْهُمَا أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ: تَجِدُونَ النَّاسَ كَإِبِلٍ مِائَةٍ لَا يَجِدُ الرَّجُلُ فِيهَا رَاحِلَةً. رَوَاهُ الشَّيْخَانِ وَالتِّرْمِذِيُّ.
Ибн Умар розияллоҳу анҳумодан ривоят қилинади:«Расулаллоҳ соллаллоҳу алайҳи васаллам:«Одамларни юзта туя каби топасан. Киши уларнинг ичида битта ҳам минишга яроқлисини топа олмайди», дедилар».Икки шайх ва Термизий ривоят қилганлар. Шарҳ: Туя номини олган ва сиртидан туя бўлиб кўринадиган ҳайвонлар кўп. Аммо уларнинг ичидан ҳақиқий туя деса бўладигани жуда кам бўлади. Шунингдек, сиртидан одамга ўхшаб кўринадиганлар жуда ҳам кўп. Аммо ҳақиқий инсонлар жуда ҳам оз. Шунинг учун одамлар билан муомала қилишда эҳтиёт бўлмоқ зарур. («Ҳадис ва Ҳаёт» китобидан). Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

25 ноября 2023 15:05

ТИЛ ЎРГАНИШ МАҚСАДИДА КИНО КЎРИШ

@Savollar_kanal 14288-савол

Ассалому алайкум ҳурматли шайх! Савол: Тил ўрганиш мақсадида ёмон жойларини ўтказиб чэт эл киноларини кўрса бўладими?

ЖАВОБ:

– Ва алайкум ассалом! Тилни махсус манбалардан ўрганиш афзал.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 ноября 2023 08:05

ОФТОБДА ИСИТИЛГАН (ТАҲОРАТ) УЧУН СУВ

@Savollar_kanal 14286-савол

Ассалому алайкум ҳурматли Шайх домла! Саволим қуйидагича: Биз билишимизча офтобда қизиган сувдан таҳорат ва ғусл олинмайди. Биз электр ва газдан иқтисод қилиш мақсадида сувни офтобда қиздирадиган мослама ўрнатиш режамиз бор ва бу сувни чўмилиш, идишларни ювиш ва балки, агар қуввати етса, хоналарни иситишда қўлламоқчимиз. Бу сувдан таҳорат ва ғуслда ишлатсак бўладими?

ЖАВОБ:

– Ва алайкум ассалом! Қадимги китобларимизда қуёшда исиган сувда тахорат қилиш макрух дейилган. Яъни, яхши эмас дейилган. У сув тахоратга ярамай қолади дейилмаган.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 ноября 2023 03:05

НАМОЗ АЗОН ТАЯММУМ

@Savollar_kanal 14285-савол

Ассалому алайкум! Мен россияда ишлайман совук кунларда тахоратга имкон болмайди ташкарида, таяммум билан намоз укисам боладими ва масжид бор азон айтилади лекин бутун шахарга эшитилмайди хар намозга азон айтаманми айтиш керак болса пастрок овозда хам айтсам боладими имкон кадар?

ЖАВОБ:

– Ва алайкум ассалом! Ҳиммат қилинг. Таҳорат учун ярим литр илиқ сув бўлса бўлди. Намозингиз учун бир рюкзак қилиб унга кичикроқ термосда сув, сочиқ, жойнамоз ва шунга ўхшаган керак нарсаларни солиб юринг. Эрталаб таҳорат қилиб бўлиб маҳси кийиб олинг, кейинги таҳоратларда оёқ ювишда сизга енгиллик бўлади. Азон айтиб ўқисангиз, азон айтганнинг учун ҳам савоб оласиз. Пастроқ овоз билан айтсангиз бўлади. Айтмасдан ўқисангиз ҳам намозингиз адо бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 ноября 2023 15:05

МАХФИЙ НИКОХЛАРИ ХАЛОЛМИ ЁКИ ХАРОММИ?

@Savollar_kanal 14284-савол

Ассалому алайкум Хазрат! Умир Гултожи маколасида Насавий ва Термизий ривоят килган Сир никох, харом никохни биров билмасин деб овоз чиқармай, чилдирма чалмай, қўшиқ айтмай жим-житлик билан ўтказиб юборилади. Халол никохни эса иложи борича кўпроқ кишига эълон қилиш, билдириш матлубдир - дейилган. Саволим шундан иборатки: Мархум укасини аёлини 2та фарзанди билан никохига олган биродаримни бу мақола ўйлантириб қўйди ва манга ўқиб бериб сўради, эндиликда ман сиздан шу масалани сўрамоқчиман. Уларни ўзоро келишиб никохдан ўтганлари ва шу кунда ахил бўлиб яшаб келишвотгани тўғрими? Уларнинг махфий никохлари халолми ёки харомми? Бу мақоладан кегинги саволларига қандай жавоб беришим мумкин, аммо билмаганим туфайли сизнинг жавобингиз билан кифояланишни афзал топдим. 

ЖАВОБ:

– Ва алайкум ассалом! Никоҳ ўқилаётган пайтда камида икки эр киши гувоҳ бўлиши ва никоҳни бошқалардан яширишга келишиб олмаслик шарт. Бунга хилоф бўлган никоҳ нодуруст.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

24 ноября 2023 08:05

ИСЛОМ ДИНИДА ҚАЙСИ ПАЙТ ҚЎШИМЧА УҲЛАШ МУМКИН?

@Savollar_kanal 14282-савол

Ассалому алайкум Ҳазрат, устоз. Оллоҳ сиздан рози бўлсин. Савол: 1. Ислом динида қайси пайт қўшимча ухлаш мумкин? 2. Супирги ҳақида нима дейсиз? Ҳақиқатдан ҳам у палакатми? 3. Ман балоғат ёшидаман. Номаҳрамлардан тийилиш йўлини ўргатинг?

ЖАВОБ:

– Ва алайкум ассалом! 1. Ёш экансиз қўшимча ухлашга одатланманг.
2. Супурги супурадиган нарса.
3. Уларга назар солманг. Аллоҳ доим кўриб турганини унитманг.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

28 ноября 2023 16:04

Аллоҳ қиёматда соялантирадиган етти тоифа

Шайх Муҳаммад Содиқ Муҳаммад Юсуф раҳимаҳуллоҳнинг
2007 йилдаги Рамазон суҳбатларидан

#Видео

Бизни ижтимоий тармоқларда кузатиб боринг!
⬇️
Telegram | Facebook | Instagram | savollar_kanal?sub_confirmation=1">Youtube

Зикр аҳлидан сўранг

28 ноября 2023 12:05

ҚУМОР

@Savollar_kanal 14299-савол

Ассалому алайкум! Мен олдин қимор ўйнаганман. Жуда кўп пул ютганман. Лекин 3-4 ой бўлди тавба қилганимга. Ютган пулларимга кийим-кечак олгандим. Шу қиморни пулига олган нарсаларимни нима қилсам бўлади?

ЖАВОБ:

– Ва алайкум ассалом! Ютган пулингизни эгаларини топишни имкони бўлса, топиб қайтаринг. Топа олмасангиз қанча ютган бўлсангиз ўшанча пулни савоб умид қилмасдан фақир-мискинларга садақа қилиб юборинг. Кийим-кечакларнинг ҳам ўзи ёки қийматини фақирларга садақа қилишингиз керак бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

28 ноября 2023 06:05

Фарзандларни қийнаб ҳажга бориш

Шайх Муҳаммад Содиқ Муҳаммад Юсуф ҳазратларининг «Ҳикматли дунё» деб номланган аудио тўпламининг 1-қисмидан

#HikmatliDunyo

Telegram | Facebook | Instagram | savollar_kanal?sub_confirmation=1">Youtube

Зикр аҳлидан сўранг

27 ноября 2023 16:06

Ғорда қолиб кетган уч киши ҳақидаги ҳадис

Шайх Муҳаммад Содиқ Муҳаммад Юсуф раҳимаҳуллоҳнинг
2007 йилдаги Рамазон суҳбатларидан

#Видео

Бизни ижтимоий тармоқларда кузатиб боринг!
⬇️
Telegram | Facebook | Instagram | savollar_kanal?sub_confirmation=1">Youtube

Зикр аҳлидан сўранг

27 ноября 2023 12:05

ЖАННАТ

@Savollar_kanal 14295-савол

Ассалому алайкум! дўстларимиз билан сухбатда бир массала бўйича бахслашиб қолдик. Дўзахдаги барча Жаннатга чиқариладими? Ва Дўзахда абадий қолувчилар борми

ЖАВОБ:

– Ва алайкум ассалом! Бахслашмасдан, қўлларингизга китоб олиб ўқинглар. Албатта дўзахда абадий қоладиганлар бор. Кофирлар дўзахда абадий қоладилар. Осий мусулмон бандалар гуноҳларига тавба қилмай вафот қиладиган бўлишса, уларнинг иши Аллоҳ таолога ҳавола бўлади. У Зот хоҳласа гуноҳларини кечиради, хоҳласа дўзахда азоблайди. Аммо улар дўзахда абадий қолмайдилар. Қилган гуноҳларига яраша жазо олганларидан кейин дўзаҳдан чиқиб жаннатга кирадилар. Тавба қилган бандаларни эса, Аллоҳ лутфи карами ила авф этади. Шунинг учун мусулмон киши доим гуноҳларига тавба қилиши, истиғфор айтиб гуноҳларини кечирилиши ва иймони саломат бўлишини Аллоҳдан сўраб юриши керак бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

27 ноября 2023 06:05

Маошни оширишни сўраш

Шайх Муҳаммад Содиқ Муҳаммад Юсуф ҳазратларининг «Ҳикматли дунё» деб номланган аудио тўпламининг 1-қисмидан

#HikmatliDunyo

Telegram | Facebook | Instagram | savollar_kanal?sub_confirmation=1">Youtube

Зикр аҳлидан сўранг

26 ноября 2023 16:06

Муроқаба ҳақидаги оятлар

Шайх Муҳаммад Содиқ Муҳаммад Юсуф раҳимаҳуллоҳнинг
2007 йилдаги Рамазон суҳбатларидан

#Видео

Бизни ижтимоий тармоқларда кузатиб боринг!
⬇️
Telegram | Facebook | Instagram | savollar_kanal?sub_confirmation=1">Youtube

Зикр аҳлидан сўранг

26 ноября 2023 12:05

ЧЎЧҚА ГЎШТИНИ ЕДИРГАН БЎЛСА

@Savollar_kanal 14291-савол

Ассалому алайкум! Менинг ёшим 20да хозирда Россия Федерацияда Медицина Университетида 3-курсда укийман мен бу йерда Узбекистонлик бир талаба билан бирга яшайман 3 чи бирга яшаймиз магазинга копрок шеригим чикади мен у инсон мусульмон чучка йемаса керак деб ойлардим ва хар доим магазинга чикишидан олдин чучка гошти бор махсулот олма дердим лекин орада биз тортишиб колдик ва у менга 3 йил давомида факат чучка гошти бор махсулот олгани ва шу махсулотни йеганимизни айтди бу холотда мен кандай иш тутишим керак мен йеган харом лукмадан афсус даман

ЖАВОБ:

– Ва алайкум ассалом! Аввало мусулмон одам закий бўлиши керак. Олдингизга нима олиб келса, суриштирмасдан еявериш ҳам тўғри эмас. Бу гапни дўстингизни уришиб қолганда аламзада бўлиб айтган деб гумон қиламиз. Тавба қилинг, истиғфорлар айтинглар. Мусулмонлар бунақа уришиб гина сақлаб юриши тўғри эмас. Бу масаланинг биринчи тарафи. Иккинчиси чўчқа гўштидан бошқасини еса бўлади деган гап ҳам нотўғри. Чўчқадан бошқа гўшти ҳалол ҳайвонларнинг гўштини ейиш учун улар шариатга мувофиқ сўйилган бўлиши керак. Россиядаги магазиндаги гўштларнинг аксари шариатга мувофиқ сўйилмаган бўлади. Буни ҳам инобатга олишингиз керак. Ҳалол, мусулмон қассоблар «Бисмиллаҳ, Аллоҳу Акбар», деб шариат қоидалаги асосан сўйган гўштларни истеъмол қилиш керак. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

26 ноября 2023 06:05

Намоз ўқимаса шайтон айбдорми?

Шайх Муҳаммад Содиқ Муҳаммад Юсуф ҳазратларининг «Ҳикматли дунё» деб номланган аудио тўпламининг 1-қисмидан

#HikmatliDunyo

Telegram | Facebook | Instagram | savollar_kanal?sub_confirmation=1">Youtube

Зикр аҳлидан сўранг

25 ноября 2023 16:07

Муроқаба нима?

Шайх Муҳаммад Содиқ Муҳаммад Юсуф раҳимаҳуллоҳнинг
2007 йилдаги Рамазон суҳбатларидан

#Видео

Бизни ижтимоий тармоқларда кузатиб боринг!
⬇️
Telegram | Facebook | Instagram | savollar_kanal?sub_confirmation=1">Youtube

Зикр аҳлидан сўранг

25 ноября 2023 12:05

ОНАМ ҚУРЪОН ЎҚИШИМГА ҚАРШИ

@Savollar_kanal 14287-савол

Ассалому алайкум! Тошкентда Мен Ахборот хафсизлигида ўқийман. Мен Қуръон ўқишга роса қизиққандим. Тошкентдан Қуръон курси топгандим. Онамдан сорасам онам йўқ бормисан диябди. Сени ёналишинга умуман бомиди ҳозир сен фақат ўқишини ўқи сенга ҳозир ўқиш муҳим деб кўнмадила. Агар қори бўламан деганинда сени у ўқишга топширтирмасдим деди. Ўзим ўқий десам барибир устозсиз уддалай олмиман. Лекин онамни гапидан ҳафа бўлдим. Менга маслахат берин нима қилай? Онам менга бу гаплари билан гуноҳкор бўлиб қолдими? 2. Масжид эшигида мушк анбар суркаб турадиганлар бор. Бир домла марузада одамлар ўшалардан суркатиб масжидга кириб кетаётганларни гадойга ўхшатибди. Мушкни пулинга омасдан текинидан фойдаланасанлар дебди. Бу қанчалик тўғри?

ЖАВОБ:

– Ва алайкум ассалом! 1). Онангиз Қуръон ўқишингизга қарши бўлиши дуруст эмас, гуноҳкор бўлади. Сиз у киши билан тортишиб ёки бахслашмасдан ўқисангиз ҳам бўлади. 
2). Бу масалада икки эҳтимол бор. Биринчиси бирор киши атирни сотиб олмаслик учун бориб суртиб қўйишини сўраса, ўша домла айтган гапга тўғри келади. Иккинчиси ҳозир одатда атирфурушлар эшик олдида ўзлари суртиб туришади. Бунда суртириб олса бўлади, ҳатто суртириш суннат ҳисобланади. Чунки Расулуллоҳ соллалоҳу алайҳи васаллам  хушбўйни ҳеч рад қилмаганлари ҳадисларда айтилади:
عَنْ أَنَسٍ رَضِي اللهُ عَنْهُ أَنَّهُ كَانَ لاَ يَرُدُّ الطِّيبَ وَزَعَمَ أَنَّ النَّبِيَّ صَلَّى اللهُ عَلَيْهِ وَسَلَّمَ كَانَ لاَ يَرُدُّ الطِّيبَ. رَوَاهُ الْخَمْسَةُ. وَفِي رِوَايَةٍ: مَنْ عُرِضَ عَلَيْهِ طِيبٌ فَلاَ يَرُدَّهُ فَإِنَّهُ طَيِّبُ الرِّيحِ خَفِيفُ الْمَحْمَلِ. وَلِلتِّرْمِذِيِّ: ثَلاَثٌ لاَ تُرَدُّ الْوَسَائِدُ وَالطِّيبُ وَاللَّبَنُ.
 Анас розияллоҳу анҳудан ривоят қилинади:«У киши хушбўй нарсани қайтармас эди ва Набий соллаллоҳу алайҳи васаллам хушбўй нарсани қайтармас эдилар, деган даъвони қилар эди».Бешовлари ривоят қилганлар.Бошқа бир ривоятда:«Кимга хушбўй нарса тақдим қилинса, рад қилмасин, чунки унинг ҳиди хушбўйдир ва вазни енгилдир», дейилган.Термизийнинг ривоятида:«Уч нарса қайтарилмас: болишлар, хушбўй нарса ва сут», дейилган.Шарҳ: Хушбўйликнинг соф инсон табиати учун маҳбублиги матлуб. Ҳамма жойда, ҳамма вақтда хушбўйлик бўлишига нима етсин. Исломда бу нарсага эътибор берилиши қанчалик экани ушбу ривоятнинг ўзидан ҳам яққол кўриниб турибди. Бунда Пайғамбар соллаллоҳу алайҳи васалламнинг ўзларига хушбўй нарса тақдим қилинганда ҳеч ҳам қайтармай қабул қилиб олганлари ва саҳобаи киромлар  ҳам  ушбу  яхши  одатга  эргашганлари  ҳамда қолган барча мусулмонлар ҳам бунга эргашмоқликлари лозимлиги таъкидланмоқда.Охирги ривоятда хушбўй нарсага болиш ва сут ҳам қўшилмоқда. Худди шу ривоятларда айтилган нарсалар мусулмонларнинг ўзаро алоқалари маданиятига мустаҳкам ўрнашган нарсалар бўлиб қолган. Мазкур нарсалар ҳадя қилинса, рад қилинмайди. Мабодо, баъзи кишилар унутибми, билмасданми рад қиладиган бўлсалар, суннатда бу нарса рад қилинмаслиги айтилган, деб эслатма берилади. Қаранг, қандоқ ҳам гўзал. («Ҳадис ва Ҳаёт» китобидан). Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

25 ноября 2023 07:22

#янгилик

«Амаллар ниятга боғлиқдир» китоби қайта нашр қилинди

Фазилатли шайх Муҳаммад Содиқ Муҳаммад Юсуф ҳазратларининг қаламларига мансуб «Амаллар ниятга боғлиқдир» китоби қайта нашр қилининб, сотувга чиқди.

Ушбу китоб орқали динимизда ниятнинг қанчалар улуғлиги, ҳар бир иш олдидан албатта яхши ният қилиш, қалбни Аллоҳ таолога боғлаш кераклиги ва бошқа ният ҳақидаги керакли маълумотларни билиб оласиз.

Марҳамат, «Амаллар ниятга боғлиқдир» китобини харид қилинг!

👉 Нархи: 19 000 сўм

☎️ +998712175999

📨 @hilol_reception

🌐 Сайтдан буюртма беринг

📍 Манзилларимиз

@hilolnashr

Зикр аҳлидан сўранг

24 ноября 2023 16:07

Ризо мақомининг биринчи тури

Шайх Муҳаммад Содиқ Муҳаммад Юсуф раҳимаҳуллоҳнинг
2007 йилдаги Рамазон суҳбатларидан

#Видео

Бизни ижтимоий тармоқларда кузатиб боринг!
⬇️
Telegram | Facebook | Instagram | savollar_kanal?sub_confirmation=1">Youtube

Зикр аҳлидан сўранг

24 ноября 2023 12:05

РАСУЛУЛОҲНИ ТУШДА КУРИШ

@Savollar_kanal 14283-савол

Ассалому алайкум! Мен бугун энг катта оруларимдан бирига эриштим Расулимиз алайҳисаломни тушимда курдим у кишини ёшлик болалик вақтлари тушимга кирипти саволим шундан иборатки ким расулулоҳ с.а.вни тушида курса 12марта қурони каримни хатим қилгандай савобини олади ва ундан қабр азоби кутарилади деб эштганман шу тўғрими? 

ЖАВОБ:

– Ва алайкум ассалом! Пайғамбаримиз соллалоҳу алайҳи васалламни тушда кўриш бу хайрнинг белгиси. Бу ҳақида ҳадиси шарифда шундай дейилади:
عَنْ أَبِي هُرَيْرَةَ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: تَسَمَّوْا بِاسْمِي وَلَا تَكْتَنُوا بِكُنْيَتِي، وَمَنْ رَآنِي فِي الْمَنَامِ فَقَدْ رَآنِي، فَإِنَّ الشَّيْطَانَ لَا يَتَمَثَّلُ فِي صُورَتِي، وَمَنْ كَذَبَ عَلَيَّ مُتَعَمِّدًا فَلْيَتَبَوَّأْ مَقْعَدَهُ مِنَ النَّارِ
Абу Ҳурайра розияллоҳу анҳудан ривоят қилинади:«Набий соллаллоҳу алайҳи васаллам: «Исмим билан номланаверинг, куням билан куняланманг. Ким мени тушида кўрса, аниқ мени кўрибди, чунки шайтон менинг қиёфамга кира олмайди. Ким менга нисбатан қасддан ёлғон тўқиса, дўзахдан жойини олаверсин!» дедилар». Куня – кишининг ўз фарзандига нисбат берилган ҳолда олган номи. Расулуллоҳ соллаллоҳу алайҳи васалламнинг кунялари Абул Қосим (Қосимнинг отаси) бўлган. Лекин сиз айтган хатм ва қабр азоби ҳақида шариатимизда гап йўқ. Шунингдек туш кўрган киши тушига суяниб қолмаслиги, балки шариат ва Расулоллоҳ соллалоҳу алайҳи васалламнинг суннатларига янаям эргашишга ҳаракат қилиши керак бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 ноября 2023 06:05

Гаров ўйнаш

Шайх Муҳаммад Содиқ Муҳаммад Юсуф ҳазратларининг «Ҳикматли дунё» деб номланган аудио тўпламининг 1-қисмидан

#HikmatliDunyo

Telegram | Facebook | Instagram | savollar_kanal?sub_confirmation=1">Youtube