Зикр аҳлидан сўранг

25 октября 2023 10:05

ЎҒИЛ БОЛАНИ СУННАТ(ҲАТНА) ҚИЛДИРИШ

@Savollar_kanal 14142-савол

Ассаламу алайкум! Ўғил фарзанд кўрилганда уни дарров (24 соат ичида) хатна қилдирса бўладими? Биз яшаб турган жойларда ўғил болаларни туғилгандан кейин 24 соат ўтиб хатна қилишади агар ота она ҳоҳлашса, тез битиб кетади деган манода асосан. Хатнани мусулмон бўлмаган дўхтир қилса мумкинми? 

ЖАВОБ:

– Ва алайкум ассалом! Мумкин.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 октября 2023 06:05

ҚАБУЛ ҚИЛИНГАН ҚАРОР ТЎҒРИЛИГИ

@Savollar_kanal 14140-савол

Ассалому алайкум! Шайх ҳазратлари! Мен яқинда Имом Ғаззолийнинг "Ўлимни эслаш ва ўлимдан сўнг" китобларини ўқиб чиқдим. Бундан ташқари фойдаланилган адабиётлардан шу нарса маълум бўлдики, Ибн Сино Ғаззолийнинг замондоши бўлиб, унга мунофиқ тарзда қараган. Менинг танлаган касбим хуқуқ-тартибот органлари билан боғлиқ бўлиб терговчи бўлиб ишлашни орзу қиламан. Терговчининг қарорига асосан суд-тиббиёт экспертизаси ходимлари одамни ёриш ва кўмилган одамни қабрини очиш (эксгумация)ни амалга оширадилар. Савол: Терговчи томонидан қабул қилинган қарорга ислом дини қандай қарайди?

ЖАВОБ:

– Ва алайкум ассалом! Имом Ғаззолий ҳақида ушбу саҳифада мақола бор. Ўқисангиз яхши бўлади. Терговчи шариатга мос қарор қабул қилса, яхши қаралади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

24 октября 2023 18:05

ЖАННАТГА КИРИШ УЧУН

@Savollar_kanal 14138-савол

Ассалому алайкум! Ҳурматли шайҳ. Қуйидагича саволларим бор эди. 1. Қутайба ибн Муслим саҳобий бўлганми. Домламизнинг айтишига кўра ва тарих китобларимизда ёзилишича у Мовороуннаҳр аҳолисини кўпчилигини қатл этган, қишлоқларни вайрон этган, қадимий урф-одатларни оёқ ости қилган эмиш. 2. Жаҳаннамга кирувчилар (Аллоҳ Ўзи бизни Жаҳҳаннамдан асрасин) у ерда абадий қоладиларми. 3. Бир кунмас бир кун албатта жаннатга кириш учун иймоннинг ўзи кифоями?

ЖАВОБ:

– Ва алайкум ассалом! 1. Қутайба ибн Муслим саҳобий бўлмаган. У киши ҳақида айтилган гапларга қўшилиб бўлмайди. Албатта, диёримизга Ислом у киши бошчилигидаги фотиҳлар орқали кирган. Сизга Қутайба ибн Муслим ҳақида ажойиб бир ҳодисани келтиришимиз мумкин.Бундан ўн тўрт аср илгари мусулмонларнинг муқаддас китобида бошқа дин ва мафкура эгаларига, душманларига ҳам қонун бўйича мусулмонлар билан бир хилда ва тенг муомала қилиш ҳақидаги оятларнинг битилиши, уларга оғишмай амал қилиниши, инсон ҳуқуқлари масаласидаги жаҳон тарихининг олтин саҳифаларидир.Шуни ҳам таъкидлаш лозимки, балки таълимотлар олтин саҳифалигича қолиб кетмаган, балки ҳаётга тўлиқ татбиқ қилинган. Бунга мисоллар кўп. Лекин шартимиз фақат биргина мисол келтиришга имкон беради холос.«Қутайба ибн Муслим ал-Боҳилий бошчилигидаги мусулмон фотиҳлар Самарқандга аввал у ернинг аҳолисига, Исломга кириш, аҳднома тузиш ёки уруш қилишдан бирортасини танлашни таклиф қилмай, Ислом қоидасини бузган ҳоларида тўғридан-тўғри кириб олдилар. Ерли аҳоли бу иш Ислом қоидасига хилоф эканлигини англаб етганидан кейин халифага шикоят хати юбордилар. Халифа бу ишни кўриб чиқишни қозига оширди. Қози Қутайба ва унинг одамлари Самарқандни ташлаб чиқишлари лозимлиги ҳақида ҳукм чиқарди. Бу дунё тарихида ғолиб халқ қозисининг мағлуб халқ фойдасига чиқарган биринчи ҳукм эди. Қутайба аскарлари билан Самарқандликларга узр айтиб, чиқиб кетди. Буни кўрган Самрақанд аҳолиси Исломга кирди.2. Жаҳаннамга кирувчилардан мўмин бўлганлари қилганига яраша азобни тортганидан кейин у ердан чиқарилиб, жаннатга киритиладилар.3. Жаннатга кирмай қолиш амал туфайли.Қуръони Карим оятлари ва ҳадиси шарифларга чуқур назар соладиган бўлсак, банданинг жаннатга киришдан маҳрум бўлиши ҳам унинг қилган баъзи амаллари туфайли бўлади. Аллоҳ таоло шуни ирода қилган. Мўмин банда ўзи қилган баъзи гуноҳлар туфайли маълум муддат жаннатга киритилмаслиги маълум. У мазкур гуноҳнинг жазосини ўтагунича жаннатга киришдан маҳрум қилинади. Қуръони Карим ва ҳадиси шарифда баъзи катта гуноҳларни қилиш жаннатга киришни ман қилиши ҳақида хабарлар бор.Аллоҳ таоло «Нисо» сурасида: «Ким бир мўминни қасддан ўлдирса, унинг жазоси жаҳаннамдир. Унда абадий қолур. Унга Аллоҳнинг ғазаби ва лаънати ёғилур. Ва Аллоҳ унга улкан азобни тайёрлагандир», деган (93 - оят).Аллоҳ таоло «Нисо» сурасида: Албатта, етимларнинг молини зулм ила еганлар, қоринларида оловни еган бўлурлар. Ва, шубҳасиз, дўзахга кирурлар», деган (10 - оят).Жубайр ибн Мутъам розияллоҳу анҳудан ривоят:«Набий соллаллоҳу алайҳи васаллам:«Қариндошлик алоқасини узувчи жаннатга кирмайди», дедилар». Имом Бухорий, Муслим, Абу Довуд ва Термизийлар ривоят қилган.Муслимнинг ривоятида:«Қўшниси ёмонлигидан омонда бўлмаган одам жаннатга кирмайди», дейилган.Ҳаммам розияллоҳу анҳудан ривоят қилинади:«Ҳузайфа билан бирга эдик. Бас, унга:«Бир киши гапни Усмон розияллоҳу анҳуга олиб бориб туради», дейилди.Шунда Ҳузайфа унга: «Расулуллоҳ соллаллоҳу алайҳи васалламнинг «Чақимчи жаннатга кирмайди», деганларини эшитганман», деди».Имом Бухорий ва Муслим ривоят қилган. Демак, баъзи бир амаллар ўз эгасининг жаннатга киришига монеъ бўлиши мумкин экан. Албатта, мўмин банда диндан чиқмаса ва шариатнинг фарзу вожибларини инкор қилмаган, ҳалол ва ҳаромни инкор қилмаган бўлса, қилган гуноҳига яраша жазосини олгандан кейингина жаннатга киритилади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

24 октября 2023 14:05

ДИННИ ХИМОЯ ҚИЛИШ УСУЛЛАРИ НИМА?

@Savollar_kanal 14136-савол

Ассалому алайкум! 1-саволим: Иймонга келишдан, исломни қабул қилишдан мақсад динни химоя қилиш эмасми? 2-саволим: Динни қандай йўллар билан химоя қилиш керак? 3-саволим: Жиход тушунчаси хақида хабар берсангиз?

ЖАВОБ:

– Ва алайкум ассалом! 1. Иймонга келишдан мақсад, инсонлик – бандалик бурчини адо этишдир.2. Динни Аллоҳнинг Ўзи ҳимоя қилиб олишини ваъда қилган.Албатта, зикрни Биз нозил қилдик ва, албатта, уни Биз муҳофаза қилурмиз.Ушбу зикр-Қуръон, кофир-мушриклар мажнун деб номлаётган Муҳаммад соллаллоҳу алайҳи васалламнинг таълифи эмас. Уни айнан Биз нозил қилдик. Уни одамлар инкор қилсалар ҳам, тан олмасалар ҳам, йўқ қилиб юбормоқчи бўлсалар ҳам, барибир, «албатта, уни Биз муҳофаза қилурмиз».Ислом даъвати ўз бошидан энг оғир кунларни кечираётган бир пайтда, яъни, мушриклар Муҳаммад соллаллоҳу алайҳи васаллам бошлиқ оз сонли мусулмонларни бутунлай йўқотишга, Қуръонни, умуман, номини ҳам қолдирмасликка қасд қилишиб қолган бир пайтда нозил бўлган бу ояти карима ҳақиқий илоҳий мўъжизадир. Агар мазкур китоб ҳақиқий илоҳий мўжиза бўлмаганида, шундай қийин пайтда ишонч ва таъкид билан бу гапларни айтмас эди. Бу бир мўъжиза бўлса, оятдаги ваъданинг юзага чиқиши минг мўъжизадир. Қуръон туша бошлаганидан ҳозирги кунга қадар уни йўқ қилиб юбориш, унга зарар етказиш ва ўзгартириш киритиш учун қанчадан-қанча уринишлар бўлди. Аммо Аллоҳ таоло ваъдаси устидан чиқди. Ўз китобини муҳофаза қилиб қолди. Бу китобнинг бирор ҳарфи ҳам ўзгаргани йўқ. Дунёдаги ҳамма китобларга, ҳатто Инжил ва Тавротга ҳам ўзгартириш киритилди. Аммо Қуръони Карим софлигича қолди. Ҳатто Пайғамбаримиз соллаллоҳу алайҳи васалламнинг ҳадиси шарифларига ҳам ғаразгўйлар ҳамла қилишди. Оқибатда кўплаб ҳадис илми соҳиблари, улуғ уламоларимиз ҳадисларни бу ҳамладан ҳимоя қилиш учун бир талай ишларни амалга оширишга мажбур бўлдилар. Аммо Қуръони Каримнинг бир ҳарфига ҳам биров тил тегиза олмади. Аллоҳ таоло ваъдасига биноан китобини Ўз ҳимоясига олди.Мусулмонлар бошларидан оғир замонларни ўтказдилар. Улар тамоман бошқаларга қарам бўлиб қолган вақтлар ҳам бўлди. Кўп урф-одатлари ўзгариб ҳам кетди. Аммо Қуръони Карим ўзгармади. Ҳолбуки, Ислом душманларининг, мусулмонлар душманларининг асосий мақсади Қуръонга зарар етказиш эди. Улар мақсадларига ета олмадилар. Аллоҳ Ўз китобини ваъдасига биноан муҳофаза қилиб қолди. Қуръоннинг муҳофазаси Исломнинг муҳофазасидир.Бундан кейин ҳам муҳофаза қилинажаги муқаррардир.3. Бу ҳақда кўп марта тушунчалар берганмиз. Топиб ўқинг.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

24 октября 2023 10:05

ИСМ ТАНЛАШ ВА ДАМ СОЛДИРИШ

@Savollar_kanal 14134-савол

Ассалому алайкум! 1-саволим: Хожиакбар деб исм қўйиш исломда жоизми? Хожиакбар исмини шархлаб берсангиз, маъноси нима? 2-саволим: Дам солдириш деганда нимани тушуниш керак? Домлаларнинг дам солишлари исломда гунох хисобланмайдими?

ЖАВОБ:

– Ва алайкум ассалом! 1. Бу исмни болаларга қўйиш жоиз. Исмларни шарҳланмайди. Бу исмнинг маъноси катта ҳаж дегани.
2. Дам солдириш деганида бировдан дардига даво тилаб дуо қилишни тушунилади. Домлалар шариатга мувофиқ дам солсалар гуноҳ ҳиобланмайди. «Ҳадис ва Ҳаёт»нинг «Тиб ва дам» китоби чиқди. Ўшани ўқисангиз, бу масалани тўлиқ тушуниб оласиз.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

24 октября 2023 06:05

ФАҚАТ АЁЛЛАР ЎҚИСИН!

@Savollar_kanal 14132-савол

Ассалому алайкум! Аёлимни сизларга саволи: бола бўлмаслиги учун спирал қўйилади. Бунда тухум уруғланиб, кейин тушади. Бу Аллоҳ берган хомилани ўлдиришга кирмайдими? Жавобингиз учун рахмат

ЖАВОБ:

– Ва алайкум ассалом! Бу масалани кўп марта ёритганмиз, топиб ўқинг. Фақат аёлнинг ҳаёти ёки бирор аъзоси ҳалокатга учраши муқаррар бўлгандагина истисно тариқасида рухсат берилган.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

23 октября 2023 18:05

ТУРЛИ САВОЛЛАР

@Savollar_kanal 14130-савол

1. Хикоя ва романларда мавжуд булмаган одамлар ва ходисалар хакида суз боради. Бу каби адабиётлар кайсидир мавзуга эътиборни каратиб, ибрат булади. Аммо якинда Пайгамбаримиз :сав нинг «Энг ёлгон гап – икки кузи билан курмаган нарсани курдим, демокдир» деган сузларини укиб колдим ва хикоя ва роман ёзиш хам ёлгон тукишга кирмасмикин деган савол кийнай бошлади. Кейин уша хикоялар ичида кахрамонларнинг туш куришлари хам булиши мумкин. Пайгамбаримиз с.а.в нинг ёлғон туш тукиш хақида хадислари бор. «Кимки ёлгон туш тўқиса, қиёматга унга икки қилни бир бирига боғламоқ амр қилинади, аммо у қанча уринса хам эплай олмайди». Умуман олганда хаётда бўлмаган ходисалар хақида тўқиб ёзиш (ибрат учун бўлса хам) тўғрими ёки бу хам ёлғоннинг бир турига кириб қоладими?  2. Эр ёки хотин вафот топиши билан улар бир бирларига номахрам бўладиларми? 3. Исломда вақтинчалик махрамлик борми ёки бу хам мутъа никохи каби нарсами? 4. Агар инсонда маълум бир микдорда ортикча пул булса, уни бирор камбагал-фақирга берган афзалми ёки Исломга фойдаси тегадиган манбаларга (китоб, кино, болалар учун филм) тайёрлашга харажат килиш афзалми? 5. Аёл киши учун Фарзи Айн бўлган ила нима? 6. Рак касаллигининг охирги стадияларида оғрик қолдириш учун морфий каби наркотик моддалардан укол қилинади. Шундай холатда бу каби моддалардан фойдаланиш жоизми? 7. Спиртли ичимлик ичиб ва шу сабабли оламдан утган, қайси диндан эканлиги номаълум бўлган кишининг хаққига дуо қилиш жоизми? 8. Аёл киши хаёти давомида бир неча кишига турмушга чиққан бўлса, у жаннатда қайси эри билан бирга бўлади? 9. Қизимга соғлиги яхши эмаслиги туфайли докторлар художественный гимнастика билан шуғуллансин дейишди. Аммо хўжайиним иккиланиб турибдилар: «Бу яхшимикин ёки кейинчалик бирор зарари бўлсачи тарбиясида» дея. Шундай жойларга қизларни бериш яхшими? Жавобларингиз учун олдиндан рахмат. Аллох рози булсин, Хазрат.

ЖАВОБ ҚУЙИДАГИ ЛИНКДА:
👇
savollar.islom.uz/s/628


✅ Манба

➡️ Каналга уланиш

Зикр аҳлидан сўранг

23 октября 2023 14:05

ЯНА ПАЙҒАМБАРИМИЗ ҲАЁТЛАРИ ҲАҚИДА

@Savollar_kanal 14128-савол

Кадрли шайх ҳазратлари! Кўрсатган ҳимматингиз учун ташаккурлар. Шу саволга бобомиз айнан ўзингиздан жавоб олмоқчи. Пайғамбаримиз Расулуллоҳ (С.А.В) милодий 571 йил туғилганлар. 622 йили ҳижрат қилганлар. Ва ҳижратининг ўн биринчи йили яни 62 ёшида вафот этганлар. Шу тўғрими? Олдиндан катта раҳмат. Нишонлик Муллахудоёр бобо номидан.

ЖАВОБ:

Пайғамбар алайҳиссаломнинг туғилишлари- Фил йили, 12-Робеъул Аввал. (570 мелодий сана. 20 апрел) Пайғамбар алайҳиссаломнинг Мадинага ҳижратлари-пайғамбарликнинг ўн тўртинчи йили, Сафар ойи-Биринчи ҳижрий сана. Пайғамбар алайҳиссаломнинг вафотлари - Ўн биринчи ҳижрий сана, иккинчи робийъул Аввал. У зот 63 ёшда вафот этганлар.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

23 октября 2023 10:05

ҒИЙБАД

@Savollar_kanal 14126-савол

Ассалому алайкум! Шайх ҳазратлари, сиздан сўрамоқчи бўлган саволим бор эди. Биррор инсонни кимлигини билдирмасдан ёки исмини ўзгартириб ўша инсон ҳақида гапирса ғийбадга кирадими ёки кимлигини танитмагани учун ғийбад ҳисобланмайдими? 

ЖАВОБ:

– Ва алайкум ассалом! Аввало ғийбад эмас ғийбат. Бировни ўзи йўқ пайтида ёмонлаш ғийбатдир.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

23 октября 2023 06:05

КОМПИЮТЕР ЎЙИНЛАРИ

@Savollar_kanal 14124-савол

Ассалому алайкум! Шайх ҳазратлари! Компиютер ўйинларини пулга ўйнатадиган жой қилиб пул ишласа бўладими? Мени иккилантирб қўйятган нарса бу компиютер ўйинларини кўпроқ ёшлар (мактаб ўқувчилари) ўйнашади шунинг учун нима қилишни билмай турибман. Илтимос менга маслахат беринг.

ЖАВОБ:

– Ва алайкум ассалом! Иккиланган нарсангизни қилмаганингиз афзал. Бошқа шубҳасизроқ нарса топинг. Аллоҳ барака беради.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

22 октября 2023 18:05

АҲЛИ КИТОБ АТАМАСИ

@Savollar_kanal 14122-савол

Ассалому алайкум! Ҳурматли шайх ҳазратлари мен "Ислом тарихида аҳл ал-китоб мақоми берилган динлар" мавзуси бўйича илмий иш олиб бораётган эдим шу мавзу бўйича баъзи нарсаларга аниқлик киритиб олиш мақсадида сизга савол йўллаяпман саволлар қуйидагилардан иборат1. собиий ва мажусийлар аҳли китобми агар улар аҳли китоб бўлса уларнинг самовий китоблари қайси ва пайғамбарлари ким баъзи тафсир китобларида уларни аҳли китоблиги ҳақида тахминий гаплар ёзилган экан2. Аҳли китоб атамаси қачондан бери ишлатила бошланган3. жизя фақат аҳли китоблардан олинганми?

ЖАВОБ:

– Ва алайкум ассалом! Илмий иш қилган одам бу тарзда иш тутиши яхши бўлмаса керак. Шу билан бирга «аҳли китоб мақом эмаслигини ҳам айтиб қўймоқчиман. Сизга «Тафсири Ҳилол»дан ўзингиз сўраган саволларга жавоб топишингиз мумкинлигини эслатишга ижозат берсангиз. Илмий ишингизда мувофақиятлар тилаб қоламиз.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

22 октября 2023 14:05

УЙЛАНИШ ХАҚИДА

@Savollar_kanal 14120-савол

Ассалому алайкум! Мусулмон, ўзбек йигити татар миллатидаги қиз билан турмуш қурса бўладими?

ЖАВОБ:

– Ва алайкум ассалом! Агар ўша қиз исломда ёки хиристян динида бўлса, бўлади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

22 октября 2023 10:05

УХЛАШ ҲАҚИДА

@Savollar_kanal 14118-савол

Ассалому алайкум! Биз толиби илмларга неччи соат ухлашликни тавсия қиласиз?

ЖАВОБ:

– Ва алайкум ассалом! Ҳар ким ўз ҳолига қарайди.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

22 октября 2023 06:05

УЗРЛИ ҲОЛАТДА ҚУРЪОН ЁДЛАШ

@Savollar_kanal 14116-савол

Ассаламу алайкум ҳурматли домла!Бу саволни беришдан олдин беҳаёлик бўлган бўлса сиздан узр сўраймиз.Бир оз бўлса ҳам саҳобия аёллар тутган йўлни афзал билдик.Бизни эшитишимизча Миср, Саудий Арабистони каби давлатларда Қуръони каримни ҳайз ҳолатида бўлса ҳам дарс миқдорида ёдлашар экан. Буни бизни исломий ўқув масканларимизда ҳам жорий қилиш мумкини? Ҳурмат билан муслима қизингиз!

ЖАВОБ:

– Ва алайкум ассалом! - Имом Термизий, Ибн Можа ва бошқалар Ибн Умар розияллоҳу анҳудан ривоят қилган ҳадисда Пайғамбар соллаллоҳу алайҳи васаллам: «Ҳайзли аёл ҳам, жунуб ҳам Қуръондан ҳеч нарсани қироат қилмайди», деганлар.Аммо ҳайзли аёл таълим учун ҳарф-ҳарф қилиб ўқиса жоизлигига уламолар рухсат берганлар.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

21 октября 2023 18:05

ТАЛАБАНИНГ ҲОЛАТИ

@Savollar_kanal 14114-савол

Ассалому алайкум!  Муҳтарам шайҳ ҳазратлари. Мен талабаман. Жума куни 3 пара дарсимиз бор. Жума номози вақтида дарсда бўламан. Жумага бориш учун нима қилишим керак? Тўғри йўлни кўрсатганингиз учун раҳмат.

ЖАВОБ:

– Ва алайкум ассалом! Бу каби ҳолатларда чора тадбир қилиб йўл топиш ҳар кимнинг шахсий вазифаси. Бошқа одам шароитни тўлиқ тушунмагани учун сизга у ёки бу ишни қилиш борасида кўрсатма бериши қийин.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 октября 2023 08:05

ҲАДИС ҲАҚИДА

@Savollar_kanal 14141-савол

Ассалому алайкум! Бир кишидан ҳадис эшитдим бошқа тилда гапиргани учун яхши тушуна олмадим ман тушунганим "Ислом эркак кишини олов тилла, кумуш ва темирни эритгандай эритади. Ким ислом динига кирсам ислом менга дабдабали ҳаёт беради дунёйимни орттиради ва кунларимни ҳотиржам ўтказаман, етишмовчиликлар бўлмайди деб ойласа адашади бундай ҳаёт фақат жаннатда" илтимос шу ҳадисни тўлиқ арабча матни ва таржимасини ёзиб юборсангиз.

ЖАВОБ:

– Ва алайкум ассалом! Бу Ҳаж сурасининг тафсирида келадиган бир воқеъа. Унда бир одам Исломни қабул қилганидан кейин кўзи кўр бўлиб, бойлигидан ажраб, фарзандларидан баъзилари вафот топганида исломдан ёмон гумонга бориб Расулуллоҳ соллаллоҳу алайҳи васалламнинг олдиларига келиб «Мен Исломдан чиқаман, рухсат беринг» деганида Расулуллоҳ соллаллоҳу алайҳи васаллам «Ислом ҳеч кимни чиқариб юбормайди» дейдилар. Шунда у одам «Исломга кириб ҳеч қандай фойда кўрмадим, мол-дунё, қўзим, фарзандларим кетди» дейди. Шунда Расулуллоҳ соллаллоҳу алайҳи васаллам «Ислом, унга кирган одамни олов темирни, кумушни, тиллони қолибга солгандек қилиб қўяди» деган маънода гап айтадилар(имом Зайлаий - Ҳидояни хадисларини тахриж қилган ханафий муҳаддис олим буни заиф деганлар). Шунда Аллоҳ таоло "Ҳаж" сурасида қуйидаги оятини нозил қилар экан: 
 وَمِنَ النَّاسِ مَن يَعْبُدُ اللَّهَ عَلَى حَرْفٍ فَإِنْ أَصَابَهُ خَيْرٌ اطْمَأَنَّ بِهِ وَإِنْ أَصَابَتْهُ فِتْنَةٌ انقَلَبَ عَلَى وَجْهِهِ خَسِرَ الدُّنْيَا وَالْآخِرَةَ ذَلِكَ هُوَ الْخُسْرَانُ الْمُبِينُ۝ 
11. Одамлардан Аллоҳга бир томонлама ибодат қиладиганлари ҳам бор. Агар унга яхшилик етса, кўнгли тўлур. Агар унга бало етса, юз ўгириб кетур. У дунёда ҳам, охиратда ҳам зиён кўрур. Ана ўша очиқ-ойдин зиёндир.Мунофиқлар Исломга фақат бир тарафни ўйлаб, ундан ўзларига яхшилик – фойда етишини кўзлаб кирадилар. Агар Исломга кирганидан кейин кўзланган фойда ҳосил бўлса, хотиржам юраверади. Аммо кўзланган фойда ҳосил бўлмаса, юз ўгириб, динни тарк этади. Улар бу қилмишлари билан икки дунёда ҳам зиён кўрадилар.Мунофиқлар субутсизликлари туфайли, аввало, бу дунёда катта зиён кўрадилар. Охиратда эса жаҳаннамнинг энг қаърига тушадилар. Бундан ортиқ зиёнкорлик бўлмаса керак.Ислом тижорат эмаски, унга фойдани кўзлаб кирилса. Ислом – иймон, эътиқод, Аллоҳга бандалик қилиш, Унинг йўлида жонни ҳам, молни ҳам фидо этиш, ҳар хил бало-офатларга бардош бериш, демакдир. Ана ўша синовлардан ўтганлар икки дунё бахтига сазовор бўладилар. Аммо Исломга муайян фойдани кўзлаб кирган, ўша фойдага эришса, хурсанд бўлиб, эришмаса, динни тарк этиб, юз ўгириб кетадиган мунофиқлар икки дунёда зиён кўришлари муқаррар. Аслини олганда, мунофиқ кимса Исломдан, Аллоҳдан юз ўгириб, қаёққа ҳам борарди, кимга ҳам топинарди? ("Тафсири Ҳилол" китобидан). Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

25 октября 2023 04:05

ҒАЙРИДДИН ГИНЕКОЛОГ

@Savollar_kanal 14139-савол

Ассалому алайкум! Муслима аёллар ғайриддин ва ғайримуслима (корейс, рус ёки армани) аёл гинеколог шифокорига бориб даволанса бўладими? Бу кўп муслималарни ўйлантирган саволи.

ЖАВОБ:

– Ва алайкум ассалом! Муслима аёл шифокор бўлмаса, даволанса бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 октября 2023 16:05

ХОМИЛА АБОРТИ

@Savollar_kanal 14137-савол

Ассалому алайкум! Аллоҳга шукур 2та фарзандим бор 2ласини ҳам кисирва билан дунёга келтирганман. 2 фарзандимни аператсия қилишганда ҳали чоклари яхши битмаган экан вирачлар роса қийналдик дейишди. Кейинги фарзандига камида 5йил сақланмаса бачадон ёрилиб кетиши мумкин дейишган. Аммо 1йил ўтиб ҳомиладор бўлдим ва уни дунёга келтиришга уйдагилар ва доктирлар рухсат бермади ва абортга рози бўлдим. Шундан бери мени виждон азоби қийнаб келмоқда. Саволим шуки мен гуноҳкорманми. Тавба қилсам Аллоҳ шу гуноҳимни кечирадимикан. Албатта Аллоҳ кечиргувчи. Номоз ўқийман эсимга тушса йиғлайман қилган гуноҳимдан.

ЖАВОБ:

– Ва алайкум ассалом! Ҳомила туғилса қанчалик зарар бўлишини биз билмаймиз. Шаръий узр даражасида бўлмасдан олдирган бўлсангиз гуноҳкор бўласиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 октября 2023 12:05

ХИЖРИЙ 2 ЙИЛ ШАББОН ОЙИ

@Savollar_kanal 14135-савол

Ассалому алайкум! закот ва руза 2чи хижрий йил шаббон ойида фарз булишган.Руза Шаббон ойининг 10чи кунида фарз булган. Закот рузадан олдинрок фарз булганми? ёки Кейинми?

ЖАВОБ:

– Ва алайкум ассалом! Уламолар «Закот иккинчи ҳижрий йилнинг рамазон ойида 28-куни фарз бўлган» деб айтган. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 октября 2023 08:05

ХИЗР НОМИ БИЛАН ҚИЛИНГАН ДУО

@Savollar_kanal 14133-савол

Ассалому алайкум! Ўзбекларда, топганинга Хизр барака берсин деб дуо қилиш бор. Шу нарса тўғрими?

ЖАВОБ:

– Ва алайкум ассалом! Тўғри эмас. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 октября 2023 04:05

ТАЛОҚ ҲАҚИДА

@Savollar_kanal 14131-савол

Ассалому алайкум! Саволим талоқ ҳақида. Синглим икки ой олдин қиз узатди. Яхши яшаб келишаётган эди, қайнона бувижониси шахсиятига тегадиган гапла билан ҳақоратлайдиган бўлиб қолди, Куёв билан ҳам ораларига совуқчилик туширишга ҳаракат қиляпти. Жияним ёшлик қилиб отасини уйига келиб қолди. Куёв бошинг очиқ жавобини бердим депти. Эртасига буюмларини олишга борсак қуда тараф биз ажратмаймиз бирга яшашсин дейишди, қизимиз ҳам конди. Ота уйига келиб об кеган кийимларини олишга келди шу орада Куёв тел қилиб талогини бердимку нмага яшайман дединг ғурурин борми депти. Талоқ туштими ёқми шуни билмоқчимиз. Қуда тараф никоҳ оқитворамиз яшашаверади дейишяпти, қандай ёл тутайлик.

ЖАВОБ:

– Ва алайкум ассалом! Куёвни айтган гапларидан талоқ тушган. Бу каби масалаларни жонли мажлисда, икки томон ҳузурида кўриш керак. Улар ўзларига яқин жойдаги тақволи аҳли илмга учраб маслаҳат қилсинлар. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

23 октября 2023 16:05

ИНВЕСТОРНИНГ ТОПГАН ПУЛИ ХАЛОЛМИ?

@Savollar_kanal 14129-савол

Ассалому алайкум! Инвесторлик яни бошлангич тадбиркорларга уз бизнесини бошлаш учун пул бериш.Ва бизнесни бошлагандан кейин хар бир фойдадан малум бир улуш олиш халолми? Масалан 100минг сум пул бериб хар ой 50 мингдан фойда олиш

ЖАВОБ:

– Ва алайкум ассалом! Пул нима шартнома ва келишув асосида бериляпти? Шариат жоиз қилган шартлар асосида бўлса ва фойдани рақамларда тайин қилмасдан шартнома қилинса жоиз. Шартномани исломий молиядан илми бор одамга кўрсатиб ҳолол шартлар билан иш бошланглар. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

23 октября 2023 12:05

НАМОЗ

@Savollar_kanal 14127-савол

Ассалому алайкум! Ҳозирда намоз вақтларини кўрсатувчи ҳар хил дастурлар мавжуд, манам шу дастурлардан фойдаланиб намоз вақтларини кўриб намозларни ўқийман. Лекин бомдод намозини ва бошқа намозларни ҳам азондан олдин ўқиш мумкин эмас деб эшитиб қолдим гарчи намоз вақти кирган бўлса ҳам. Намоз вақти кирган бўлса ва биз азон айтилишини кутмасдан ҳам намозни ўқийверсак жоизми. Узи азондан олдин ўқимаслик керак деган тшунча мавжудми

ЖАВОБ:

– Ва алайкум ассалом! Ўша намозни тўғри тақвимдаги вақти кирган бўлса ўқиш жоиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

23 октября 2023 08:05

МУСУЛМОН БЎЛМАГАН ДАВЛАТГА ЯШАШ УЧУН КЎЧИБ ЎТИШ

@Savollar_kanal 14125-савол

Ассалому алайкум! Мен грин карта ютсам ва АҚШга ойилам билан кўчиб ўтсам гунохкор бўлиб қолмайманми? Олимларимиз бу масала бўйича нима дейишади?

ЖАВОБ:

– Ва алайкум ассалом! Кўчиб ўтиш ёки яшашингизга шаръан монеълик йўқ. Қаерда бўлса ҳам яшаб, ҳаром ишларни қилиш ёки қилмасликка эътибор берилади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

23 октября 2023 04:05

ТИРИК БАЛИҚ ИСТЕМОЛИ

@Savollar_kanal 14123-савол

Ассалому алайкум! Бизни водийда тирик балиқ истемол қилиш масканлари бор. Кирсангиз ҳовуздан тирик балиқни тутиб тарозидан ўтказиб 20 дақиқа ичида қовуриб олиб келишади. Тирик балиқни қовириш учун балиқни қозонга тиригича солади ёки бош қисмига қаттиқ жисим билан уриб ўлдириб сўнг солади. Динимизда бу ҳолатни ҳукми қандай?

ЖАВОБ:

– Ва алайкум ассалом! Сўйиладиган ҳайвонга ҳам зулм қилмасдан, қийнамасдан сўйиб пишириш керак. Балиқларда тасмияни айтиб сўйиш шарт эмас. Қайси йўл билан ўлдирилса ҳам ҳалол бўлаверади. Нима билан ўлгани маълум бўлмай сув устида қорни юқорига бўлиб оқиб келган балиқни еб бўлмайди.Жониворларни сўйишнинг исломий усулиАллоҳ таоло «Моида» сурасида мусулмонлар учун ҳалол қилинган гўштларни баён қилиб, жумладан, шундай марҳамат қилади: «…сўйиб ‎олсангиз (ҳалол)». «Сўйиб олсангиз» деб таржима қилинган сўз ояти каримада «заккайтум» (ذكيتم) деб келган. Бу сўз барчамизга маълум бўлган закот сўзига ўзакдош бўлиб, поклик, ўсиш маъноларини англатади. Унинг «тазкия» шакли эса «поклаш» деганидир. Ислом шариатининг жонивор сўйиш усули қуйидаги шартларнинг бажарилишини тақозо этади:a. Ҳайвон ўткир, жуда кескир тиғли асбоб (пичоқ) билан сўйилиши лозим. Шунингдек, жонивор қийналмаслиги учун тез сўйиш ҳам шарт.b. Сўйганда жониворнинг нафас йўли (ҳалқуми), томоғи ва қон томирлари кесилиши керак.‎Араб тилидаги «забиҳа» феъли сўйишни англатади. Забҳда ҳайвоннинг бўғзи, нафас йўллари (трахея) ва бўйнидаги қон томирлари кесилади, бироқ орқа мияси кесилмайди. c. Жонлиқнинг қони оқизиб юборилиши шарт.Жонлиқнинг бошини узишдан аввал унинг қони имкон қадар тўлиқ оқизиб юборилиши керак. Бундан мақсад шуки, ҳайвоннинг танасида турли микроорганизмларнинг урчиши учун қулай муҳит бўлган қон қолмаслиги керак. Орқа миянинг кесмай турилади, бунинг ҳикмати шуки, орқа мия кесилса, юракка борувчи нерв толалари узилиб, юрак тўхтаб қолиши, натижада томирларда қон қотиб қолиши мумкин.‎2. Қон микроб ва бактериялар учун қулай муҳитдир.Дарқиқат, қон – микроблар, бактериялар ва токсинлар кўп учрайдиган жойдир. Шунинг учун қоннинг тўлиқ оқизиб юборилиши талаб қилинадиган шаръий сўйиш усул гигиена талабларига тўлиқ жавоб берадиган усулдир. Шу тариқа сўйилган гўштга қондаги бактериялар, токсинлар ва микроб каби турли хил зарарли моддалар ўтиб қолишининг олди олинади.‎3. Шаръий усулда сўйилган гўшт кўпроқ вақт бузилмай сақланади.Шаръий талабларга кўра сўйилган гўшт узоқроқ вақтгача бузилмай сақланади, чунки унинг таркибидаги қон миқдори бошқа усулларда сўйилган гўштларга қараганда камроқ бўлади.‎4. Шаръий усулда сўйилган ҳайвон оғриқни сезмайдиБўйин томирлари кескин ҳаракат билан кесиб юборилса, миянинг оғриқ сезувчи асаб толаларига қон бормай қолади. Натижада ҳайвон оғриқни сезишдан дарҳол тўхтайди. Шунинг учун ҳам, шаръий усулда сўйилган ҳайвоннинг оёқларини типирчилатиб, бор кучи билан зўриқиши оғриқ туфайли эмас, балки мушакларнинг тез-тез қисқариб, бўшаши, танадан қоннинг шитоб билан оқиб чиқиши туфайли юз беради. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

22 октября 2023 16:05

ЭР ВА ХОТИН ЖАМОАТ НАМОЗИ

@Savollar_kanal 14121-савол

Ассалому алайкум! Эр ва аёли бирга жамоат бўлиб намоз ўқишса эр имом бўлиб қандай ният қилади? Ниятда нима деб ният қилади?

ЖАВОБ:

– Ва алайкум ассалом! Фалон намозни ортимдагиларга имом бўлган ҳолда ўқишга ният қилдим дейди бўлди. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

22 октября 2023 12:05

ЖУМА КУНИ ЎҚИЛАДИГАН НАФЛ НАМОЗ

@Savollar_kanal 14119-савол

Ассалому алайкум! Жума намозига борганда жума намози ҳали бошланмай туриб қандай намозлар ўқилади? Кўпчиликни кузатганимда масжидга кириб келиб намоз ўқишади ва ҳамма хар ҳил тартибда ўқишади бир хиллар 2 ракат яна бир хиллар 4 ракат. Бу қандай намоз?

ЖАВОБ:

– Ва алайкум ассалом! Масжидга кирганда ўқиладиган намоз бор шуни ўқишади.
Таҳиятул масжид намози
Намозхон масжидга кирганида агар фарз намозлари адо этилмаётган бўлса, масжид билан саломлашиш ниятида ўқийдиган намози «таҳийятул масжид» дейилади. Бу намозни икки ёки тўрт ракат ўқиса бўлади. Афзали тўрт ракат ўқишдир. Агар масжидга кирган киши жамоатнинг равотиб суннатларни ёки фарзни ўқиётганини кўрса, таҳийятул масжид намозини шу суннат ёки фарзларга қўшиб ният қилади. Шу билан у суннат ва ёки фарзга қўшиб таҳийятул масжидни ўқиганлик савобини олади. Аммо ниятни қилмай, суннат ёки фарзнинг ўзини ўқиса, ундан таҳийятул масжид намозини ўқиганлик савобига эришмайди. Таҳийятул масжид намозини масжидга кирган киши ўтирмасдан олдин ўқиши суннат ҳисобланади.
Абу Қатода розияллоҳу анҳудан ривоят қилинган ҳадисда «Пайғамбар соллаллоҳу алайҳи васаллам: «Бирортангиз масжидга кирса, ўтиришдан олдин икки ракат намоз ўқисин», деганлар» (Имом Бухорий, Муслим, Термизий, Абу Довуд ва Насоий ривоят қилган). Бу икки ракатли намоз «таҳийятул масжид» (масжид саломи) намози дейилади.
Шофеъий ва ҳанбалий мазҳабида таҳийятул масжидни қай вақтда бўлса ҳам: намоз ўқиш макруҳ ёки имом хутба ўқиётган пайтда ҳам ўқиш керак, дейилади. Моликий ва ҳанафий мазҳабларида эса, имом хутба қилаётган бўлса, таҳийяти масжид ўқилмайди. Шунингдек, ҳанафий мазҳабида намоз ўқиш макруҳ пайтларда ҳам таҳийятул масжид ўқилмайди. Намозхон масжидга кириши билан фарз намозни ёки бошқа бир намозни ўқисаю, таҳийятул масжидни ўқишни ният қилса, таҳийяти масжид ўрнига кифоя қилади. Борди-ю масжидга бир кунда бир неча бор кирадиган бўлса, бир марта ўқиса кифоя қилади.
Бу намознинг ҳукмидан Масжидул ҳаром истисно қилинган. Бу масжиднинг таҳийяти тавоф билан бўлади.
 Масжидга кирганда бирор узр билан таҳийятул масжид намозини ўқий олмаса, «Субҳаналлоҳи, валҳамду лиллаҳи, ва лаа илаҳа иллаллоҳу валлоҳу акбар»ни айтса кифоя қилади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

22 октября 2023 08:05

НАМОЗ

@Savollar_kanal 14117-савол

Ассалому алайкум! Айтингчи жума куни пешин намози қай тартибда ўқилади ва жума намозидан олдин ўқиладими ёки кейин ўқиса ҳам бўладими?

ЖАВОБ:

– Ва алайкум ассалом! Бирор шаръий узр билан жумага бормаган одам пешин намозини ўқийди. Намозни вақти кириши билан, жума намози ўқилмасдан олдин ўқиса ҳам бўлади. Лекин масжидда жума адо қилинганидан сўнг ўқиши афзал ҳисобланади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

22 октября 2023 04:05

ҲОМИЛАДОРНИ НИКОҲИМГА ОЛСАМ МУМКИНМИ

@Savollar_kanal 14115-савол

Ассалому алайкум! Бир қизини никохимга омохчиман, лекин у қиз хомладор, уни эри унга талоқ қўйган, у қиз хомладор ман ашу қизди ўз никохимга омохчиман фарзандига оталик қилсам ўзи билан бир жойда яқинлик қилинса зино боб қомидими? Никохимга осам бўладими?

ЖАВОБ:

– Ва алайкум ассалом! Аёл киши талоқ қилингандан кейин идда ўтириши керак. Иддаси тугамагунча эрга тегиши мумкин эмас. Ҳомиладорнинг иддаси боласини туққунича бўлади. Иддаси тугамасдан ўқилган никоҳ боғланмайди. Иддада ўтирган аёлга у билан турмуш қуриш ҳақида гапириш ҳам мумкин эмас. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

21 октября 2023 16:05

ҚИМОРГА ПУЛ ТИКМАСДАН ЎЙНАСА

@Savollar_kanal 14113-савол

Ассалому алайкум! Мен футболга қатнайман, мурабийлар пул қўйиб ўйнашади. Мен хам улар билан ўйнайман, лекин пул бермайман. Шу қимормасми?

ЖАВОБ:

– Ва алайкум ассалом! Бу айни қимор бўлиб, пул тикмасангиз ҳам ўша қиморда иштирок этганингиз учун гуноҳига шерик бўласиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш