Зикр аҳлидан сўранг

28 сентября 2023 08:05

ПАЙҒАМБАРЛАР ИСМЛАРИ

@Savollar_kanal 13925-савол

Ассалому алайкум! Мен исмим Имронбек, қайси пайғамбар исмининг маноси халоскор деган манони беради?

ЖАВОБ:

– Ва алайкум ассалом! Ийсо алайҳиссалом. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

28 сентября 2023 04:05

ҒУСЛ БЕТОБЛИК

@Savollar_kanal 13923-савол

Ассалому алайкум! Инсон бетоблиги сабабли таҳоратга сув ишлатолмай қолса, таяммум қилади. Лекин шу инсон эҳтилом бўлиб қолиб ғусл вожиб бўлган бўлса, намоз ўқиш учун қандай покланади? (сув ишлатса касаллиги кучайиб кетиши мумкин, лекин ғусл вожиб бўлиб қолган)

ЖАВОБ:

– Ва алайкум ассалом! Ҳолат шу даражада бўлса, ғуслга ҳам таяммум қилади. Аммо беморни ҳолатини биз ҳақиқатан таяммум даражадалигини билмаймиз. Умумий қоида сув ишлатиш касални зиёда бўлиши ёки тузалишини кечга сурилишига сабаб бўлса, таяммум жоиз бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

27 сентября 2023 16:05

ЭРКАК ЗИНО ҚИЛСА КЕЧИРИЛИБ КЕТАДИМИ

@Savollar_kanal 13921-савол

Ассалому алайкум! Биламизки исломда зино энг катта гунох саналган. Агар эркак зино қилса унга айиб эмаскан, аёлники ҳеч қачон кечирмаскан. Унда эркакларга зино қилиш мумкинми ва аёл зино қилсаю у қандей гунохини ювса бўлади?

ЖАВОБ:

– Ва алайкум ассалом! Аллоҳ таоло зинонинг гуноҳида эркакни ҳам аёлни ҳам бир хил ҳукм қилган. Ояти каримада зинокор эркак ва зинокор аёлни ҳар бирига юз дарра урилиши айтилган. Шундай экан, уларнинг гуноҳлари ҳам, жазолари ҳам бир. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

27 сентября 2023 12:05

ҒУСЛ ТЎҒРИСИДА

@Savollar_kanal 13919-савол

Ассалому алайкум! Менда деярли ҳар куни эрталаб уйғонганимда ички кийимимда сал оқишроқ кичик доғ бўлади лекин ички кийимим қуруқ бўлади беҳаё туш кўрмайман. Ҳазрат роҳимаҳуллоҳнинг Мўминнинг меърожи китобларида келтирилишича Ибн Обидийн раҳматуллоҳи алайҳ "Раддул муҳтор" китобларида қуйидаги ҳолатда ғусл вожиб бўлмаслиги ёзилган "кўрган нарсасининг мазий ёки вадий эканига шак қилиб турса ва туши ҳам эсида бўлмаса"(75-саҳифа) Мени ҳолатим шунга тушадими? Имом Абу Ҳанифа томонидан баъзи ҳолатларда агар маний ёки мазий, маъний ёки вадий эканига иккиланса ва туш кўргани эсида бўлмаса ғусл вожиб бўлиши айтилган бу иҳтилофли масала экан. Мен кўрганим маний эмасми? мен бу ҳолатда ғусул қилайми йўқми?

ЖАВОБ:

– Ва алайкум ассалом! Ҳар куни чиқишига қараганда манийга ўхшамайди. Юқорида сиз зикр қилган гаплар сизнинг ҳолатингизга таққослаб бўлмайди. Чунки сиз ҳар куни туш кўргаингизни эслай олишингиз мумкин эмас. Катта эҳтимол бу шамоллашдан чиққани нарса бўлиши керак. Сиз мутахассисга бориб текширтиринг. Шундай бўлса ғусл қилмайсиз. Шамоллаш бўлмаса ғусл қилишингиз шарт. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

27 сентября 2023 08:05

УЧ РАКАТЛИ НАМОЗНИ ҚАЗОСИ БОШҚАЧА ЎҚИЛАДИМИ

@Savollar_kanal 13917-савол

Ассалому алайкум! Адашмасам Меҳроб уз каналидан Шом ва Витр намозлари 3 ракатлик бўганлиги учун уларнинг қазоси бошқача ўқилади деган маънодаги бир пост кўриб қолган эдим. 1) Мени кўп йиллик шом қазоларим бор уни ҳам қолган 4 ракатлик намозларнинг қазоси каби ўқийманми, ёки бошқача ўқиладими? 2 ) бир кунда 2 та витр ўқилмайди деб эшитганман. бир кунда бир неча кунлик витрни қазосини ўқиб кейин витрни адосини ўқисам бўлаверадими, 1 кунда 2та витр ўқилмайди деган гпани қандай тушуниш мумкин.

ЖАВОБ:

– Ва алайкум ассалом! Намоз ўз вақтида қандай адо қилинса, қазо бўлганида ҳам айни шундай ўқилади. 1 кунда 2та витр ўқилмайди деган гап нотўғри, қазоси билан вақтидагини ўқилаверади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

27 сентября 2023 04:05

БРОЙЛЕР ТОВУҚЛАРИ

@Savollar_kanal 13915-савол

Ассалому алайкум! Мен бройлер жўжалари боқиб сотмоқчи эдим, ўзим ушбу жўжаларни гўштини емайман, жўжаларнинг насли ўзгартириб юборилганми. Ушбу жўжаларнинг емига ҳам қандайдир семиртирувчи нарсалар қўшилиши ва чет элдан келишини эшитдим. Шу иш билан шуғуллансам бўладими? Ушбу гўштнинг инсонларга зарари йўқми? Шу иш билан шуғуллансам топадиган пулим ҳалол бўладими?

ЖАВОБ:

– Ва алайкум ассалом! Ҳаром нарсалар едирмасангиз, боқишингизнинг зарари йўқ. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

26 сентября 2023 16:05

БОТ ОРҚАЛИ ПУЛ ИШЛАШ

@Savollar_kanal 13913-савол

Ассалому алайкум! Бир киши телеграмда фойдали бот очди. Унга маърузалар, 30пора Қуръон тиловатлари, китоблар, фактлар каби маълумотлар жойлади. Жойлагунча ҳам 2ойдан кўп вақт кетди. Бу барча маълумотларни муаллифидан ботга жойлашни рухсат сўради. Ва 150, 200 $ пул сарфлаб реклама қилиб обуначиларини м: 30мингта қилди. Энди у ўзининг шу ботида 50минг, 60минг пул эвазига бошқа одамнинг (каналини, кийим-кечагини ёки бошқа маҳсулот)ъини реклама қилса. Топаётган пули жоизми? Муаллифдан фақат бўтга жойлашни сўраш керакми ёки реклама ҳам қиламан деб айтиб қўйиш керакми?

ЖАВОБ:

– Ва алайкум ассалом! Диний маълумотларни қўядиган одамнинг диний илми ҳам бўлиши талаб қилинади. Маълумотларни тўғри эканлигини билиши керак. Бўлмаса одамларнинг динига боғлиқ масаларда ўзи билмай нотўғри маълумот тарқатиб қўйиб гуноҳкор бўлиб қолади. Одамларнинг динга бўлган ихлосини суистеъмол қилмагани маъқул. Ҳозирда шу иш урфга кириб қолди. Кўп каналлар шундай ҳолатда реклама билан шуғулланяпти. Сиз айтган киши рухсат олибди-ку, бошқалар рухсат ҳам олмайди. Кимдир меҳнат қилиб ёзган маълумотларини рухсатсиз тарқатиб, савобни даъвосини ҳам қилишади. Бундай ҳолатда савобдан бебаҳра қолишлари ҳам мумкин. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

26 сентября 2023 12:05

ЭР ХОТИН АЛОҚАСИЗ ЯШАШ

@Savollar_kanal 13911-савол

Ассалому алайкум! Мени бир танишимни оила қурганига 30 йил бўлган. Бу орада эри билан хар хил бемуросаликлар бўлган чунки эри ичади уради 3 марта талоқ қилиб 3 марта сўратган. Орада 5 та фарзанди бор. Аёл бизга йўл йўқ деса хам мен йўлини топдим деб сўратган. Хар сафар аёл эрини ёнига қайтса озгина яхши гапириб яна хўрлаган. Аёл намозхон бўлгани учун болалари хам онани тарбиясини олган. Хозир эри билан бир уйда яшайди, лекин эр хотин алоқаси йўқ. Аёл кўнгли ғаш мен гунох иш қилмаябманми деб. Ибодатларим қабул бўляптимикин деб. Ўзини эрига қайтгиси йўқ, чунки зада бўлган.

ЖАВОБ:

– Ва алайкум ассалом! Улар орасига биринчи уч талоқ тушганида бир-бирларига ҳаром бўлиб бўлган. Ундан кейингиз барча ишлар зино бўлган. Алоҳида яшашлари керак. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

26 сентября 2023 08:05

ХУФТОН ВА ВИТР НАМОЗЛАРИ ЎҚИШ ТАРТИБИ.

@Savollar_kanal 13909-савол

Ассалому алайкум! Хуфтон намозини ўқиб тугатганимда яъни ўнг ва чап томонга салом бериб бўлиб, хеч қандай зикр ёки дуо ўқимай, жой номоздан хам чиқмай хуфтон намози ортидан дархол витр намозини ўқиб кетяпман чунки намоз ўрганадиган китобда хуфтондан кейин витр деб ёзилганига шундай ўқиб юрувдим аммо хамкасбим витрни алохида тунда туриб ўқияпсизми деб сўраб қолдилар, бу билан демак мен хувтон ортидан витрни ўқиб хато қиляпманми? Яна витр намозини овоз чиқарман махфий ўқиш керакми? Илтимос намозларимни тўғри ўқишда ёрдам беринг.

ЖАВОБ:

– Ва алайкум ассалом! Хуфтонни фарзидан кейин икки ракъат суннати бор. Ўшани ўқиб бўлиб, кетидан витрни ўқишингиз ҳам мумкин, бир ухлаб туриб таҳажжуд вақтида ўқишингиз ҳам мумкин. Ёлғиз намоз ўқувчи ҳамма намозларини энг камида ўзи эшитадиган даражада пичирлаб ўқиши шарт. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

26 сентября 2023 04:05

МАСЖИДДАН ЧИҚИШДА

@Savollar_kanal 13907-савол

Ассалому алайкум! Масжиддан чиққунча Бисмиллахур рохманур рахйм деб чиқсам. Ёнимдаги дўстим. Масжиддан чиққунча бундай дейилмайди деди. Шу гап ростми? Убу хадисда келганми?

ЖАВОБ:

– Ва алайкум ассалом! Ҳадисда қуйидагича келади: 
عَنْ أَبِي حُمَيْدٍ أَوْ أَبِي أُسَيْدٍ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: إِذَا دَخَلَ أَحَدُكُمُ الْمَسْجِدَ فَلْيُسَلِّمْ عَلَى النَّبِيِّ صَلَّى اللهُ عَلَيْهِ وَسَلَّمَ ثُمَّ لِيَقُلِ اللَّهُمَّ افْتَحْ لِي أَبْوَابَ رَحْمَتِكَ، فَإِذَا خَرَجَ فَلْيَقُلِ اللَّهُمَّ إِنِّي أَسْأَلُكَ مِنْ فَضْلِكَ. رَوَاهُ مُسْلِمٌ وَأَبُو دَاوُدَ وَالنَّسَائِيُّ 
Абу Ҳумайд ёки Абу Усайд розияллоҳу анҳудан ривоят қилинади: «Набий соллаллоҳу алайҳи васаллам: «Қачон бирортангиз масжидга кирса, Набий соллаллоҳу алайҳи васалламга салом берсин. Сўнгра: «Аллоҳуммафтаҳ лий абвааба роҳматик», десин. Агар чиқадиган бўлса, «Аллоҳумма инний асъалука мин фадлик», десин», дедилар». Муслим, Абу Довуд ва Насаийлар ривоят қилганлар.Шарҳ: 1. Масжидга кирадиган одам Пайғамбаримиз соллаллоҳу алайҳи васалламга «Ассалому алайка йаа Расулаллоҳ», деб салом бериши керак.2. Шу билан бирга, масжидга кираётиб: «Аллоҳуммафтаҳ лий абвааба роҳматик» – «Аллоҳим, менга раҳматинг эшикларини очгин» деган дуони ўқиш керак.3. Масжиддан чиқаётганда эса «Аллоҳумма инний асъалука мин фадлик» – «Аллоҳим, мен Сендан фазлингни сўрайман» деган дуони ўқиш лозим.Олдин билмаган бўлсак, энди билиб олдик. Доимо ушбу дуоларни  ўқиб юрайлик. («Ҳадис ва Ҳаёт» китобидан). Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

25 сентября 2023 16:05

ТАЛОҚ ОЛМАСДАН БОШҚАГА ТЕГИШ

@Savollar_kanal 13905-савол

Ассалому алайкум! Мен биринчи турмушимдан қонуний ажирашганман лекин собиқ турмуш ўртоғим талоқ деган гап айтмаган. Орадан бир йил ўтиб бошқа инсонга турмушга чикдим, собиқ турмуш ўртоғим хам бошқа аёлга уйланган. Хозирги никохим харом хисобланадими, биринчи турмушимдан талоқ олишим керакми?

ЖАВОБ:

– Ва алайкум ассалом! Талоқ ёки талоққа далолат қиладиган бирорта ҳам сўз айтилмаган бўлса, сиз ҳали ҳам шаръан ўша одамнинг никоҳидасиз. Иккинчи ўқилган никоҳингиз боғланмаган ва ораларингиздаги барча ишлар зино бўлмоқда. Агар ажраши вақтида талоққа далолат қиладиган гаплар бўлган бўлса ва орада иддангизни ҳам тугатган бўлсангиз кейинги никоҳ жоиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

25 сентября 2023 12:05

АЁЛИМНИ ОНАСИДАН СЎКСАМ ТАЛОҚ ТУШАДИМИ

@Savollar_kanal 13903-савол

Ассалому алайкум! Мен аёлимга урушиб қолганимизда онасидан сўкардим. Бир танишим онасидан сўксанг аёлингни талоқ қилган бўласан деди. Шу тўғрими?

ЖАВОБ:

– Ва алайкум ассалом! Сўкишни ўзи билан талоқ тушмайди. Бировларни ота-онасини сўкишдан сақланиш керак. 
عَنْ عَبْدِ اللهِ بْنِ عَمْرٍو رَضِيَ اللهُ عَنْهُمَا قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ «إِنَّ مِنْ أَكْبَرِ الْكَبَائِرِ أَنْ يَلْعَنَ الرَّجُلُ وَالِدَيْهِ». قِيلَ: يَا رَسُولَ اللهِ، وَكَيْفَ يَلْعَنُ الرَّجُلُ وَالِدَيْهِ؟ قَالَ: يَسُبُّ الرَّجُلُ أَبَا الرَّجُلِ، فَيَسُبُّ أَبَاهُ، وَيَسُبُّ أَمَّهُ 
Абдуллоҳ ибн Амр розияллоҳу анҳумодан ривоят қилинади:«Расулуллоҳ соллаллоҳу алайҳи васаллам: «Кабираларнинг катталаридан бири – кишининг ота-онасини лаънатлашидир», дедилар. «Эй Аллоҳнинг Расули, қандай қилиб киши ўз ота-онасини лаънатлайди?» дейилди. «Киши бировнинг отасини сўкади, шунда у ҳам бунинг отасини сўкади, онасини сўкади», дедилар».Имом Муслим ривояти. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

25 сентября 2023 08:05

ИМОМ ЗАХАБИЙ ХАҚИДА

@Savollar_kanal 13901-савол

Ассалому алайкум! Имом Заҳабий ақийда ва фиқҳда қайси мазҳабда бўлганлар? Бугунги кунда баъзи бир тоифалар Ашъарий ва Мотуридийларга қарши Имом Заҳабийдан фойдаланшяпти.

ЖАВОБ:

– Ва алайкум ассалом! Ҳанбалий мазҳабида бўлганлар. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

25 сентября 2023 04:05

ТАРК ҚИЛМОҚ.

@Savollar_kanal 13899-савол

Ассалому алайкум! Мен бир йилча олдин санъат институтида актёрлик йўналишида ўқир эдим. Аллоҳ дилимга солдими билмайман, лекин мен ҳар қандай мусиқани эшитишни, кино кўришни, байрамлардан, янги йил байрами, 8 март, туғилган кун ва шунга ўхшаш дунёвий байрамларни тарк қилдим. Фақат диний илмга қизиқиб қолдим. Аҳли илмларимизни марузаларини эшитаман. Қалбимга фақат Қуръон киряпти. Бу байрамларни нишонламайман ва ҳеч кимни табрикламайман ҳам. Баъзан дўстларим, танишларим мусиқа эшитмаганим учун, кино кўрмаганим учун, дунёвий байрамларни нишонламаганим ва уларни табрикламаганим учун, ароқ ва сигарет чекадиган синфдошларим ўтиришларга чақиришганда, бормаганим учун, ва улардан деярли воз кечганим учун нотўғри тушунишяпти, айримлари хафа ҳам бўлишяпти. Баъзан намозларимда Аллоҳдан мағфират сўраб йиғлайман. Йиғи ўзи келаверади. Айтингчи, янглишдимми? Танлаган йўлим тўғри эмасми? Ошириб юбордимми?

ЖАВОБ:

– Ва алайкум ассалом! Сизнинг танлаган йўлингиз тўғри. Ислом дини мўътадиллик дини. Шунинг учун ҳар бир ишда, шариатнинг буйруқларига амал қилишда ҳам мўътадил бўлмоқ керак. Сиз ўзингизни гуноҳлардан асраганингиз каби сизга яқин бўлганларни ҳам гуноҳдан йироқ бўлишга чақиринг. Қариндошларингиз билан ҳам силаи раҳм қилишга ҳаракат қилинг. Дўстларингиз учун ҳам яхшиликни раво кўриб, уларни ҳам тўғри йўлга бошланг. Сиз тушкунликка тушманг. Улардан воз кечманг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 сентября 2023 16:05

ЗАКОТ ҲАҚИДА

@Savollar_kanal 13897-савол

Ассалому алайкум! 1.Уйим 2-этаж биринчи этажини ижарага берганман ижара ҳаққини 40 дан 1 ни закотимга қўшиб бераманми? 2. Ижара ҳақидан закот берадиган бўлсам 5 ой ижара берди 7 ой магазин ишламаса 5 ойлигини закоти чиқариладими? 3. Укам отамни уйида яшайди ўзи учун ер сотиб олинган уй қурмаган қарзлари кўп, укамга закот берсам бўладими? 4. Магазинимда эхтиёт қисмлари бор масалан 30 минг сўмдан 500 та (остатка) қолиб кетган махсулот бор шу нарсалар йилига 20 дона сотилмаслиги хам мумкин 5 минг сўмдан булса хам сотишга тайёрман чунки хозирда нархи аниқмас сотилмаслиги хам мумкин шу нарсларни нархини закот пулини қайси нархда чиқараман?

ЖАВОБ:

– Ва алайкум ассалом! 1). Одатда ижаранинг пуллари умумий пулга қўшилиб кетади. Шунда ўша умумий пулдан закот адо қилинса кифоя қилади. Агар алоҳида бўлса, ундан сиз айтганингиздек қирқдани бирини закот маблағига қўшиб берасиз.
2). Ижарачи қанча пул берган бўлса, ўшани нисобингизга қўшиб закотга ажратасиз.
3). Берсангиз бўлади.
4). Закот бераётган кунингизда бозорда сотилаётган нархидан берассиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

28 сентября 2023 06:05

АЛКАГОЛ(АЛ-КУҲЛ) ҚОШИЛГАН ТАОМ.

@Savollar_kanal 13924-савол

Ассаламу алайкум ҳазрат! Куни кеча бир неча араб биродарлар билан,японларни ошҳонасига овқатлангани кирган эдик. Улар овақатга буюртма беришдию, лекин мани конглим нотинч эди. Японлар бирор бир овқат қилса албатта уларни миллий усули СОУС(шою) қошади. Буни ичида эса албатта алкагол моддаси бор. Биродарларга билдирмай, оша ердаги ҳизматчиларга соус қошмасликни илтимос қилдим. Лекин биродарим билиб қолди шекилли нега ундай қилдинг деб, манга олимларни бу ҳақда иҳтилофлар қилишган, яни овақат таркибига соус қошилса ёқ болиб кетади, ёқ болган нарса қандай ҳаром болсин деб гап қилди. Савол: Шундай таомларга таркибида алкагол моддаси мавжуд болган маҳсулот қошилса эстемол қилиш учун ҳозирги уламаолрни шу ҳақда ижмоси мавжудми?

ЖАВОБ:

– Ва алайкум ассалом! Йўқ.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 сентября 2023 18:05

ДУОЛАР

@Savollar_kanal 13922-савол

Ассалому алайкум шайҳ ҳазратлари! Агар жамоат 10 кишидан кам бўлса намоздан кейинги дуоларни имом жамоатга ўгирилмасдан ўтирса бўладими?

ЖАВОБ:

– Ва алайкум ассалом! Бўлади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 сентября 2023 14:05

ДУО ҚИЛИНГ

@Savollar_kanal 13920-савол

Ассалому алайкум шайҳ ҳазралари! Мен сиздан бир гуруҳдошимиз чэт эл ўқиш имтиҳонларига имтиҳон топширмоқдалар. Уларнинг ҳақига дуо қилиб берсангиз. Имтиҳонлардан ўтиб кетсинлар илоҳим.

ЖАВОБ:

– Ва алайкум ассалом! Аллоҳ Ўзи нажот берсин! Осон қилсин!


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 сентября 2023 10:05

САЖДАИ САҲВ

@Savollar_kanal 13918-савол

Ассалааму алайкум муҳтарам Устоз! ."МЕН ҲАМ НАМОЗ ЎҚИЙМАН" китобидан намозни мустақил ўрганганман, ўша китобда саждаи саҳв тўғрисиудаги шарҳга яҳши тушунмаганман. Намоз тугагандан сўнг ўнг элкага салом бергач икки марта сажда қилинади, кейин чап елкага салом бериб намоз тугатиладими ёки яна бошқатдан аттаҳиётни, саловот ва дуо қилиб яна салом бериладими. Илтимосим эса шуки, қалбимда озгина бўлса ҳам кибр бордай туюлади ўзимга, ўзим кибрдан ҳазар қиламан, шу нарсадан кўнглим ҳира, илтимос дуо қилинг барча мўминлар қатори менинг қалбимда ҳам заррача кибрга жой қолмасин.

ЖАВОБ ҚУЙИДАГИ ЛИНКДА:
👇
savollar.islom.uz/s/511


✅ Манба

➡️ Каналга уланиш

Зикр аҳлидан сўранг

27 сентября 2023 06:05

УЧАР ЛИКОБЧАЛАР ҲАҚИДА УЛАМОЛАРИМИЗ ФИКРИ.

@Savollar_kanal 13916-савол

Ассалому Алайкум! Мени қийнаган бир саволи бор эди. Телевизор ва газеталарда учар ликобчалар ҳақида жуда кўп гапиришади. Айримлар уни кўрдим ҳам дейди. Илтимос агар Қуръони Каримда ёки Ҳадисларда бу ҳақида малумотлар бўлса билдиринглар. Умуман бу ҳақда Ислом нима дейди.

ЖАВОБ:

– Ва алайкум ассалом! Бу саволга қийланиш учун ўрин йўқ. У ҳеч кимнинг бу дунёси ёки охиратига боғлик эмас. Айтилаётган гаплар тахминдан бошқа нарса эмас. Қуръони ва ҳадисда булар ҳақида гап йўқ. Чунки улар тахминга эмас, илмга асосланган.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

26 сентября 2023 18:05

КИМ АЖРАТДИ?

@Savollar_kanal 13914-савол

Амалларни фарз, вожиб, суннат, ... ларга ким ажратди? Пайгамбаримиз ми, сахобалармизми ёки мазхаб асосчиларимизми?

ЖАВОБ:

Пайғамбаримиз ва саҳобалар даврида ҳамма бу нарсаларни ўзи билгани учун ҳеч кимнинг алоҳида иши бўлмаган. Кейин одамларга баён қилиш эҳтиёжи тушганда мазҳаб асосчилари тартибга солиб тутунтиришган.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

26 сентября 2023 14:05

ХАРОМ НАРСА ОМОНАТ БУЛА ОЛАДИМИ?

@Savollar_kanal 13912-савол

Харом нарса омонат бўлиб хисобланадими? Мисол учун бир куни менинг машинамда бир одамнинг сигарети қолиб кетди мен уни ташладим ва яна ишимда ишлайдиган бир танишимнинг телефонидаги уятсиз суратларни ўчириб ташладим ва у мендан хафа бўлди чунки у хар бир сурат учун пул сарфлаган эди. Бу омонатга хиёнат хисобланадими? Бу ишим тўғри бўлдими ёки мен бошқачароқ харакат қилишим керакмиди?

ЖАВОБ:

Йўқ, омонат ҳисобланмайди. Ҳаром нарса мусулмонга мулк бўлмайди. Сиз тўғри қилгансиз.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

26 сентября 2023 10:05

МАХФИЙ ДУО

@Savollar_kanal 13910-савол

Эшитишимча Аллоҳнинг каломида дуо махфий қилиниши керак экан. Унда нима учун баъзи олимларимиз ошкора дуо қиладилар ёки Қуръони Каримда бу масала хақида эмас балки бошқа масала хақида айтиб ўтилганмиди? Катта Рахмат.

ЖАВОБ:

Дуо махфий қилиниши шарт деган гап йўқ. Дуони махфий қилинадигани ва огкор қилинадигани бор. Ҳар қайсиси ўз ўрнида бўлади. Буни олимлар билади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

26 сентября 2023 06:05

МАШИНАДА НАМОЗ ЎҚИСА БЎЛАДИМИ?

@Savollar_kanal 13908-савол

Ассалому алайкум! Ҳазрат сизга каттадан катта раҳмат Аллоҳ рози бўлсин! 1. Одам ўз машинасида намоз ўқиса бўладими, айниқса жамоат жойларда бўлиб қолса(яни намоз вақти ўтиб кетвотган бўлса)? 2. Сигарет билан масжидга кирса бўладими? 3. Таҳорат олиб турган вақтда бурни қонаб кетса нима қилиш керак? Яна бошидан таҳорат олиб буринни устида сув юргизиб намозга қўшилиб кетса бўладими?

ЖАВОБ:

– Ва алайкум ассалом! 1. Намоз арконларини тўлиқ бажариб ўқиган афзал. Жамоат жойларида намоз ўқигани жой топиш осон.
2.Бўлмайди.
3.Таҳорат пайтида бурун қонаса, қонни ювиб, келган жойидан таҳоратни давом эттиради.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 сентября 2023 18:05

ҲАССА ҲАҚИДА

@Savollar_kanal 13906-савол

Ассалому алайкум шайҳ ҳазратлари! Сиздан бир нарсани сўрамоқчи эдим. Маълумки имомларимиз жума намозида хутба қилаётганда қўлларига ҳасса ушлаб оладилар. Бу нарса пайғамбаримиз соллаллоҳу алайҳи васалламнинг суннатлари экан. Саволим бунинг асл сабаби нима. Эштишимизга қараганда Росулуллоҳ даврларида динга одамларни таёқ билан уриб киргизишган экан. Шу ҳақда бизга маълумот берсангиз. Билмаганларимизни сиздек зотдан сўраш имконини берган Оллоҳга бе ҳисоб шукурлар бўлсин.

ЖАВОБ:

– Ва алайкум ассалом! Одамларни динга таёқ билан уриб киритган деганлар дин душманларидир.Фиқҳ китобларимизда сиз сўраган масала ҳақида қуйидагилар айтилган:«Хатибнинг хутба давомида чап қўлидаги асо, камон ёки қиличга суяниб туриши суннатдир.Абу Довуд ал-Ҳакам ибн Ҳазан розияллоҳу анҳудан қилган ривоятда қуйидагилар айтилади:«Набий саллоллоҳу алайҳи васалламнинг ҳузурларига ҳайъат ила бордим. У зот билан жумада ҳозир бўлдик. У зот қилич, камон ёки асога суяниб қисқа хутба қилдилар».Мазкур нарсаларга суяниш хатибга яхши имкон яратади. У ўнг қўлини минбарга суяб туради.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 сентября 2023 14:05

НАФЛ НОМОЗИ ҲАҚИДА

@Savollar_kanal 13904-савол

Ассалому алайкум! Авваломбор Оллоҳ сизларга мададкор бўлсин. Илтимос менга нафл номози ва уни қандай ўқиш ҳақида маълумот берсангиз . Мен нафл номози ўқимоқчиман лекин уни тўлиқ тартибини ҳеч билолмаябман. Жавобингиз учун олдиндан рахмат сизга .

ЖАВОБ:

– Ва алайкум ассалом! Фарз, вожиб ва суннат намозлардан бошқа намозлар нафлдир. Уларни худди бошқа намозларни ўқигандек, ўқилади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 сентября 2023 10:05

ЛАҚҚА БАЛИҚ

@Savollar_kanal 13902-савол

Ҳазрат, яқинда бир биродаримиз лаққа балиқни, яъни сомни ейиш дуруст эмас деб қолдилар, лекин мен негалигини сўрасам аниқ жавоб ололмадим. Бу савол билан олимдан сўраш рукни форумга кўчганидан ҳабарим бўлмаганлиги учун уни эски манзилидан қидириб топа олмадим ва шу боис россия мусулмонлар сайтига мурожаат этгандим. У ердан ҳам қисқа Шофеий мазҳабида еса бўлади деган жавобни олдим ва Ҳанафий мазҳабида бунга қандай муносабат билдирилганлигини билмай қолавердим. Шуни тушунтириб берсангиз. Раҳмат.

ЖАВОБ:

Барча мазҳабларда номи балиқ бўлса ҳалол.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 сентября 2023 06:05

НАМОЗ

@Savollar_kanal 13900-савол

Ассалому алайкум, ҳурматли шайх жаноблари! Ислом динида намозлар араб тилида ўқилиши маълум, узрли кишиларга зарурат туғилганда форс тилида ўқишликка рухсат борлигини эшитганмиз. Диёримизнинг баъзи жойларда ҳозирда ўзбек тилида намоз ўқилаётган экан. Ўзбек тилида намоз ўқишлик жоизми ёки йўқми? Шундай намоз ўқийдиган кишиларга қандай йўл билан тушунтирса бўлади? Аввалдан жавобингиз учун раҳмат.

ЖАВОБ:

– Ва алайкум ассалом! Намозда қироатни Қуръондагидек қилиш фарз. Бошқа ҳеч бир тилда ўқиб бўлмайди.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

24 сентября 2023 18:05

ОЛИМЛИК ВА МУЖТАҲИДЛИК

@Savollar_kanal 13898-савол

Олимнинг олимлигини ким айта олади? Мужтаҳиднинг мужтаҳидлигиничи? Олимнинг олимлик сифати нимада? Қандай қилиб биз омилар "мана шу инсон Олим" деб айта оламиз? Албатта шу савол кўпчиликни қизиқтиради. Жавобини кутаман.

ЖАВОБ:

Бу сифатларнинг шартини билган одам айтади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

24 сентября 2023 14:05

ҲИЖОБ МАСАЛАСИ

@Savollar_kanal 13896-савол

Ассалому алайкум Устоз! Бугунги кунда Аллоҳ таолога шукурлар бўлсин ҳижоб киядиган муслималар сони кўпаймоқда, аммо баъзи бир ҳижоб кийган сингилларимизнинг ҳижобларида нуқсонлар бор манимча, баъзиларининг ҳижоблари тор, баъзиларининг ҳижоблари калта. Ҳижоблик аёлни кўйлагининг узунлиги қанча бўлиши керак, тизасидан паст бўлса бўлдими ёки узунроқми?

ЖАВОБ:

– Ва алайкум ассалом! Оёғининг устини ёпиб турадиган даражада бўлиши керак.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш