Зикр аҳлидан сўранг

30 августа 2023 16:05

НАЗР ҲАҚИДА

@Savollar_kanal 13697-савол

Ассалому алайкум! Бир киши эрим қамоқдан чиқса қўй сўяман, рўза тутаман ва шунча ракат намоз ўқийман деб назр қилса бўладими? 

ЖАВОБ:

– Ва алайкум ассалом! Назр бўлади, шундай деб ўзига вожиб қилса, бажариши лозим бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

30 августа 2023 12:05

ГУВОХСИЗ НИКОХ ҚАБУЛ БЎЛАДИМИ

@Savollar_kanal 13695-савол

Ассалому алайкум! Никох гувохларсиз ўқилган бўлса хам қабул бўладими?

ЖАВОБ:

– Ва алайкум ассалом! Гувоҳлар никоҳнинг шартларидан ҳисобланади. У топилмаса никоҳ боғланмайди. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

30 августа 2023 08:05

НАМОЗ ҲАҚИДА

@Savollar_kanal 13693-савол

Ассалому алайкум! Мани кичкина болаларим бор кўпинча чақалоғим эмгалаб саждага кеволади 2ёшли қизим жойнамозга ётволади уларни суриб намозни давом этирораман лекин 3мартадан кўп бўлса шу ҳолат намоз дуруст бўладими Болани йиқилиши мумкин бўлган ҳолатда намозни бузиш жоизми бузса бошидан ўқиди ми Шом намозни вақти қачонгача кун ботгунгачами шу вақтда кўп йиғледи хуфтонгача ўқиса боладими

ЖАВОБ:

– Ва алайкум ассалом! 1. Болангизни бадани, кийими ва таглиги нажосатдан пок бўлса кўтариб олиб намоз ўқинг. Мусулмон одам зийрак бўлиши керак. 4та ёстиқни ўртасига болангизни ўтқазиб қўйсангиз намоз ўқигунингизча йиқилмайди ҳам йиқилса ҳам зарар қилмайди.
2. https://savollar.islom.uz/s/11183   Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

30 августа 2023 04:05

ХИТОЙ ЖАНГ САНЪАТИ (УШУ ХАҚИДА)

@Savollar_kanal 13691-савол

Ассалому алайкум! Мен Хитойда ўқийман, бизда бир фан ўтилади номи Ушу (кунг-фу) ҳудди ўзимизни жисмоний тарбияни ўрнига. Шу фанда биз турли соғломлаштирувчи ҳаракатларни бажарамиз. Ёга жоиз эмаслигини ўқидим ва кўнглимда ушуга нисбатан ҳам иккиланиш пайдо бўлди. Лекин ушуда руку, сажда кабилар йўқ. Биз фу фандан имтиҳон топширамиз. Шунга бу спорт турига шариатимиз қандай ҳукм қилади? Қуйида сизга ёутубеда ушудан бир парча лавҳа илова қиламан, Рахмат!:  https://youtu.be/QDIx22h2TBc

ЖАВОБ:

– Ва алайкум ассалом! Буддизм динининг ибодат ҳисобланган қилиқлари ва юзга уриш бўлмаса саломатлик учун қилишга рухсат берилади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

29 августа 2023 16:05

ПЕНЯ

@Savollar_kanal 13689-савол

Ассалому алекум! Дугонам рай.газда ишлайди. Пеня рибо эканлигини билади. Сизларда берилган жавоблардан келиб чиқиб энди қандай йўл тутиш кераклигини сўрамоқчи. Айтишича, белгиланадиган пеня миқдорини тўлаш фақатгина истеъмолчи маълумотнома олаётган вақтида бўларкан. Масалан уйини сотиши учун. Газ улатаётган вақтида тузиладиган шартномада пул вақтида тўланмаса пеня белгиланиши ёзиб қўйилган. Кўпгина абонентлар счетчикни айлантирган бўлишади, йиллар давомида газ ҳаққини тўлашмаган бўлишади. Шундай ҳолатларда ҳам белгиланган пеняни тўлаттирса рибога сабабчи бўлиб қоладими? Агар шундай бўлса, пеняси бор истеъмолчи маълумотнома учун келганда бошқа операторга ўтказиб юборгани маъқулми? Қандай йўл тутиши керак?

ЖАВОБ:

– Ва алайкум ассалом! Пеняли ишларга аралашмасин. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

29 августа 2023 12:05

РИБО ЭМАСМИ

@Savollar_kanal 13687-савол

Ассалому алайкум! Расулуллоҳ соллаллоҳу алайҳи васаллам дедилар: «Кимки биродарига (савоб умидида қилинадиган ишда) воситачи бўлса-ю, у эса бунинг учун унга ҳадя берса ва у буни қабул қилса, рибонинг катта эшикларидан бирига кирибди». Абу Довуд ривояти. Устозлар шу савол берилган экан яни бу уйда ўтирган ҳамширалага ҳам тегишлими ҳич ерда ишламиди лекин одамлага укол қилиб ҳақ олади (лекин бунча берасиз деб асло айтилмаган) шу олган пуллари рибога. Ўйланиб қолдим шу саволни ўқиб нима қилай?

ЖАВОБ:

– Ва алайкум ассалом! Ҳеч қаерда ишламайдиган ҳамширага укол қилдирилса қилган хизмати учун ҳақ олиши жоиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

29 августа 2023 08:05

БЕНИКОХ ЯШАБ ЮРИБДИ ҲУКМИ ҚАНДАЙ

@Savollar_kanal 13685-савол

Ассалому алайкум! Бир танишим бор уйланганига 15 йилдан ошиб кетди у рассия федератсиясидан уйланган. Келин рус миллатида яшагани учун никоҳдан ўтишга рози бўлмаган экан. Хозирда уларда 2 ёки 3 та фарзанди ҳам бор бе никох туғулган. Эндиликда никоҳдан ўтсак бўладими? Улар исломга кирмоқчи. Саволим шундай вазиятда улар на қилишлари керак? Ўзинг никоҳлаб қўёласанми деб сўрашди мендан ўзим никоҳласам ҳам бўладими ёки домлага ўқитиш шартми? Биров билишмасин дейишган эди.

ЖАВОБ:

– Ва алайкум ассалом! Никоҳнинг шартлари топилса бўлди. Унинг шартлари: Ийжоб қабул, гувоҳлар. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

29 августа 2023 04:05

ТАШЛАНДИҚ НАРСАЛАР

@Savollar_kanal 13683-савол

Ассалому алайкум! Ташлап кетилган, эгалари қайтмаслиги аниқ жарликларга қурилган, чирип қулап тупроқ босип қолган, уйларни атрофидаги, ичидаги кераксиз майиший мехнатга яроқсиз бўлган темир-терсакларни йиғиб сотиш халолми?

ЖАВОБ:

– Ва алайкум ассалом! Ишга мутлақо яроқсиз бўлганидан кейин эгалари ахлатга ташлаб юборган бўлса олишингиз мумкин. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

28 августа 2023 16:05

ҲАЛОЛЛИГИДА ШУБҲА БЎЛСА...

@Savollar_kanal 13681-савол

Ассалому алайкум! Мен ҳалоллигида шубҳаланган егулик ва шунга ўхшаган нарсаларни бисмиллаҳсиз ейман, ичаман! Масалан: Кола, пепси шунга ўхшаган газли ичимликларни бисмиллаҳсиз ичаман. Ҳа яна кейин бозорлардан сотиб олинган гўшт маҳсулотини шариятга мувоҳиқ сўйилганига шубҳам бор, шунга бисмиллаҳсиз ейман. Шу ишим тўғрими умуман бу масалада менга қандай маслаҳат берасиз?

ЖАВОБ:

– Ва алайкум ассалом! Бу иш нотўғри. Аввало суриштиринг, агар ҳаромлиги аниқ бўлмаса шубҳаланманг. Мабодо барибир шубҳалансангиз еманг. 
عن الحسن بن علي رضي الله عنهما قال : " حفظت من رسول الله  صلي الله عليه وسلم : دَعْ مَا يَرِيبُكَ إِلَى مَا لَا يَرِيبُكَ ، فَإِنَّ الصِّدْقَ طُمَأْنِينَةٌ ، وَإِنَّ الْكَذِبَ رِيبَةٌ  رواه النسائي
Ҳасан ибн Али розияллоҳу анҳудан ривоят қилинади:"Мен Расулуллоҳ соллаллоҳу алайҳи васалламдан «Сени шубҳага соладиган нарсани қўйиб, шубҳасизини ихтиёр қилгин. Чунки сидқ ҳотиржамлик, кизб эса шак-шубҳадир» деганларини эслаб қолганман". Насаий ривояти. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

28 августа 2023 12:05

КАССАДАГИ ҚАЙТИМ ВА АЛДОВ

@Savollar_kanal 13679-савол

Ассалому алайкум! 2019-йилдан юртимизада супермаркетда кассир лавозимида ишлаб келаман кассада 10-20-30-40 бизда колади масалан мижоз кассага бирор бир махсулот олиб келса нархи 4990 сум болади биз 5000 мин деб мижозларга айтамиз 10сум бизда коляпти. ёки жуда куп махсулот сотиб олса масалан 565 359 сум булса биз 359 сумни 400сум деп айтамиз агар кайтим 50 сумдан юкори булса 100сум берамиз агар 50 сумдан пас булса бизда кассада колади лекин хар битта мижозларга кайтимларини айтишга улгурмаймиз саволим шуки мен ишлашим жоизми овотган оилигим халолми ?

ЖАВОБ:

– Ва алайкум ассалом! Ишлашингиз жоиз, лекин бирорта ҳам одамни қайтимини олиб қолишга ҳаққингиз йўқ. «Улгирмаймиз» деган гап баҳона бўлмайди. Сизда қолиб кетган ҳар бир ҳақни қиёмат куни савобингиз билан тўлайсиз. Олдини олиш учун «фалон майда миқдор ҳақингизга рози бўлинг» деб сўраш керак. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

28 августа 2023 08:05

ОИЛАМ БУЗИЛИШИНИ ХОХЛАМАЙМАН

@Savollar_kanal 13677-савол

Ассалому алайкум! Мен оила Қурганимга 3 йил бўлди. 1 та ўғил фарзандим бор. Аёлим яхши ўзига тўқ оиладан биза ўрта холмиза 4 та опам бор 2 та синглим улар аёлимга кун бермиди опаларимга сийниларимга сўзим ўтмайди сал гапирсам ота-онам койиб беришади опа-сингиларини кўнглини оғритма деб жигарларин бўлади деб лекин аёлим хам бировни боласи ота-онам хам аёлимни тинч қўйишмиди онам қўшниларга аёлимни ёмонлайверадилар аёлим стрессга тушиб қолган бошида мен уни опа-синглим онамни гапига кириб қўл кўтаргаман энди яқиндан тушуняпман аёлимни фарзандими жуда хам яхши кўраман лекин аёлим стреесга тушиб қолган мен ота-онангиз билан яшамайман дейди. Мени бошқа уйга олиб кетинг дейди, лекин ота-онамга оқ бўлишни хохламайман, лекин аёлимни хам яхши кўраман нима қилай ёрдам беринг илтимос?

ЖАВОБ:

– Ва алайкум ассалом! Агар алоҳида чиқиб яшасангиз оилани сақлаб қолишга сабаб бўлса, алоҳида яшаб туринглар. Вазият яхши томонга ўзгарса, яна қайтиб келаверасизлар. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

28 августа 2023 04:05

КЎПХОТИНЛИК ВА АДОЛАТ

@Savollar_kanal 13675-савол

Ассалому алайкум! Аёлим билан 12 йиллик турмушимизда фарзанд кўрмадик, бир аёлни иккинчи хотин қилиб никохимга олдим, алохида уй жой қилдим, қодир қилгунча адолат қилишга харакат қиляпман. Лекин бази мен хукмини билмайдиган холатлар чиқиб ўртада келишмовчиликларга сабаб бўляпди. Саволларим қуйидагилар. Бир аёлдан фарзанди бўлмаса, иккинчи фарзанди бор аёлга, фарзандларга кўпроқ вақт, эьтибор қаратишда гунох йўқми? Дейлик иккинчи аёлим фарзандлари билан мехмонга онасиникига ёки акасиника 1 хафтага кетишди, ўша 1 хафтада эр қаерда яшаши керак? Агар тўлиқ биринчи аёлиникида яшаса, иккинчи аёл қайтиб келиб биз билан хам бир хафта турасан дейишга хақлими?

ЖАВОБ:

– Ва алайкум ассалом! Кеча ҳаққига рози бўлса, жоиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

27 августа 2023 16:05

ҚАСР НАМОЗИ

@Savollar_kanal 13673-савол

Ассалому алайкум! Уйдан тахминан 1000км масофада 14 кунлик вахтада ишлайман. Қандай намоз ўқийман?

ЖАВОБ:

– Ва алайкум ассалом! Киши сафар масофаси(88 кмдан узоқ)га 15 кеча ва кундуздан оз муддатни ният қилиб йўлга чиқса қайтгунича мусофир ҳисобланиб, намозларини қаср қилиб ўқийди. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

27 августа 2023 12:05

АВТОСАЛОНДАН БЕРАДИГАН ПЕНИЯ

@Savollar_kanal 13671-савол

Ассалому алайкум! Мен яқинда машина олиш учун автосалонга пул тўлаган эдим менга шартнома беришди. Агар машина шартномада кўрсатилган муддат ичида етказиб берилмаса завод машинани кечиктиргани учун менга маълум бир миқдорда пения тўлаб берар экан. Шу пулларни олиш мен учун халолми?

ЖАВОБ:

– Ва алайкум ассалом! Олиб, савоб умид қилмасдан фақир-мискинларга тарқатиб юборасиз. Ўзингизнинг эҳтиёжингиз учун ишлатишингиз жоиз эмас. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

27 августа 2023 08:05

ШОМНИНГ УЧИНЧИ РАКАТИГА ЗАМ СУРА ҚИЛИШ

@Savollar_kanal 13669-савол

Ассалому алайкум! (Ибн Масъуд розияллоҳу анҳудан ривоят қилинишича, Набий соллаллоҳу алайҳи ва саллам шом намозининг икки ракат суннатида Кофирун билан Ихлос сурасини қироат қилардилар). Намоз китобларда эса шомнинг фарзини 3-ракатида ва суннатининг 1-ракатида зам сура ўқилмайди деб ёзилган. Илтимос тушинтириш берсангиз.

ЖАВОБ:

– Ва алайкум ассалом! Сиз тушунмагансиз ёки китобга нотўғри ёзилган. Шомнинг учинчи ракъатига зам сура ўқилмаслиги бор. Аммо витр, суннат ва нафлларнинг барчасида ҳамма ракъатларга зам сура ўқилади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

30 августа 2023 14:05

ТУҒИЛГАН КУН, АБОРТ... ҲАҚИДА

@Savollar_kanal 13696-савол

Ассалому алайкум! 1. Ота-она туғилган кунларини нишонласалар, уларни хурсанд қилиш мақсадида тузайдиган дастурхон учун ширинликлар пишириб бериш жоизми? 2. Маблағи бор инсон (маблағи сарфланиб кетмасдан) ҳали ёш бўлса, ёки исломни қолган 4 шартидан ҳаммасини тўлиқ адо қилмаган ҳолда ҳажга бориш учун ҳаракат қилиши жоизми? Ёки аввал олдинги шартларни тўлиқ бажариш керакми? 3. Аборт ҳақида ўқиб ўрганганман, ҳаромлигини биламан. Лекин www.ҳерпес.ру сайтида "аборт и ислам" ҳақидаги мақолада 40 кунгача мумкин дейилибди. Қуръонда эмизиш муддати 2,5 йил экан. Масалан иккинчи фарзандни дунёга келтирадиган бўлса аввалги фарзандини (ҳали 1 ёшга тўлмаган) эмизиш мумкин бўлмайди, бу эса боланинг иммунитетига таъсири бор. Шу ҳолатда абортга рухсат борми ёки спирал қўлланилгани афзалми? Эътиборингиз учун ташаккур.....

ЖАВОБ:

– Ва алайкум ассалом! 1. Уларга бу иш дуруст эмаслигини билдириш керак. Агар туриб олсалар, ҳаром бўлмаса, пишириб берган одам ишаАллоҳ гуноҳкор бўлмас.
2. Ёши етмаган одамга ҳаж фарз бўлмайди ва унинг ҳажи фарз ҳаж ўрнига ўтмайди. Катта бўлганда яна ҳаж қилиши фарз бўлади. Ҳар ибодат ўзига яраша фарз. Уларни вақтида адо этиш керак.
3. Қирқ кунда жоиз дегани онанинг ҳаёти хавф остида бўлса, деган шарт ила. Эмизукли онанинг ўзига ва боласига аниқ хавф солса ва ҳозиқ табиблар ҳозир янги ҳомила хатарли десалар, обортдан кўра спирал икки ёмондан енгили бўлади.



Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

30 августа 2023 10:05

ШИОРИНГИЗДАГИ КЕНГБАҒИРЛИК СЎЗИНИ ИЗОҲЛАБ БЕРИНГ ИЛТИМОС!

@Savollar_kanal 13694-савол

Жамиятни ислоҳ қилишда соғлом ва эркин фикрлаш каби омилларни бевосита тарғиб қилиш, шакллантириш билан бир қаторда, диний саводсизлик, фирқачилик, гурухбозлик, фитна, фисҚ-фасодга сабаб буладиган зид харакатларга қарши амалда муносиб кураш олиб борилаётганлигини, айнан ушбу сайт, форум орқали кузатиш мумкинлигини кўриб хурсандмиз, Аллоҳ қилаётган ишларингиздан рози бўлсин. Хаммага ибрат бўладиган шиорингиз ҳақида саволим бор эди, яъни шиорингиздаги кенгбағирлик сўзини қайси маънода тушунишимиз кераклиги ҳақида батафсил тушунтириб берсангиз.

ЖАВОБ:

Бағри кенглик, бошқалар билан бўладиган муомалада сабр-бардошли бўлиш, уларнинг баъзи хатоларини кечириш ва инжиқликларини кўтариш каби ишлардир.Бағри кенглик ва осонлик Ислом шариатининг энг улкан мақсадидир. Бу маънони таъкидловчи ҳужжат ва далиллар кўп. Бағрикенглик инсон табиатига боғлиқ нарсадир. Аллоҳ инсонни худди шу табиат ила яратган. Соф табиат шиддат ва қийинчиликни ёқтирмайди. У доимо осонлик ва юмшоқликка мойил бўлади.Аллоҳ таоло:«Агар қўпол, қалби қаттиқ бўлганингда, атрофингдан тарқаб кетар эдилар», деган (Оли Имрон. 159). Исломнинг бағрикенглик ва осонлик сифати ўзи етиб борган ерларда тарқалиши ва боқий қолишига тасир қилган. Осонлик асосига биноан кишиларнинг қудрати етадиган нарсага таклиф қилиш жорий бўлган. Тоқат етмайдиган нарсага таклиф қилиш йўқ.Аммо таклиф қилинадиганларнинг иродаси таклифда эътиборга олинмайди. Чунки, бу ерда мақсад ҳавойи нафсга мослашиш эмас. Балки, мақсад иродани шариат тақозо қилган бузуқ нарсаларни ботил қилиш ва фойдаларни қарор топтириш каби инсон фаолиятини мўътадиллаштирадиган нарсаларга кўниктиришдир.Бу борадаги умумий қоида «Нафсни ҳалол бўлмаган нарсага мойил бўлишдан жиловлаш ва ҳалол нарсага мўътадиллик ила қўйиб юборишдир». (Шотибий. Мувафақот. 2-жуз. 109 – бет).«Ислом бағрикенг ва осон бўлса ҳам, унда машаққат тамомила йўқ қилинган эмас. Чунки осонлик шариатнинг мақсадларидан бўлгани каби машаққат ҳам унинг мақсадларидандир. Бунинг далили савоб олиш машаққатга боғликлигидир». (Шотибий. Мувафақот. 1-жуз. 329 – бет).«Бу ерда алоҳида эътибор бериш лозим бўлган бир иш бор. У ҳам бўлса, машаққат таклифни таклиф қилинувчининг тоқатидан ташқарига чиқариб юбормаслигидир. Агар баъзи сабабларга кўра тоқатидан ташқари бўлиб қоладиган бўлса, истисновий рухсатлар келиб уни енгиллатади ва тоқат чегарасига қайтаради. Бунда эътиборга олинадиган нарса шариат бурилмай, эгилмай, нуқсонга ва ҳаддан ошишга йўл қўймай васат – ўртача йўлда юришидир. Ана шу у келтирган сироти мустақимдир». (Шотибий. Мувафақот. 4-жуз. 258 – бет).


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

30 августа 2023 06:05

БАНК ИШИМНИ ТАШЛАЙМИ?

@Savollar_kanal 13692-савол

Устоз Шайх Муҳаммад Содиқ Муҳаммад Юсуф хазратлари Аллох Сиздан рози бўлсин! Менга сизнинг фатвонгиз керак, мен 13 йилдан бери банкда компьютер устаси бўлиб ишлаб келгандим. Бу сайтга яқинда кириб банк хақида кўпгина маълумотлар олиб, гумонда қолдим. Касбимни алмаштиришимга сиз қандай фатво берасиз? Мен молия бошқармасига ёки солиқ идорасига ўтиб ишласам бўладими ёки у сохаларда хам гумон борми? Нима касб қилсам Алох мендан рози бўлади! 

ЖАВОБ:

Уламолар сизнинг ишингизда банкда ишласа ҳам бўлади, деганлар.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

29 августа 2023 18:05

ОДАМ АТОДАН ОЛДИН ОДАМ БЎЛГАНМИ?

@Savollar_kanal 13690-савол

Бисмиллаҳир Роҳманир Роҳийм. Ассалому алайкум Шайх жаноблари. Бераётган жавобларингиздан Аллоҳ рози бўлсин ва улкан ажрлар билан мукофотласин, Омийн! Китоб ўқишга жудаям қизиққаним туфайли сизга яна савол билан мурожаат қилмоқчиман: 1. Яқинда «Пайғамбарлар тарихи Исломият тарихидир» (Раҳматуллоҳ қори Обидов.Тошкент Мовароуннаҳр-2005) номли китобда бир маълумотни ўқиб қолдим. Китобда (ўша китоб, 1-китоб 56-57бетлар) «... Бази муфассирларнинг айтишига қараганда, ерда аввал олти марта инсон авлоди яратилган ва яшаган бўлиб, еттинчиси Одам атонинг авлодларидир. Кўпгина муфассирлар эса, Ерда Одамдан олдин одам қиёфасидаги жон ва унинг авлодлари жинлар яшаган дейдилар» деб ёзилган маълумотни учратдим. Мен Одам (алайҳиссалом) отамизни дунёдаги биринчи инсон деб эътиқод қилардим. Илтимос Шайх жаноблари шуни аниқлаштириб берсангиз.

ЖАВОБ:

– Ва алайкум ассалом! Одам отанинг биринчи инсон экани Қуръонда келган ҳақиқат. Ундан олдин ҳам кимлардир ўтгани тарихчи ва баъзи тафсирчиларнинг тахмини. Тахминнинг қўйиб ҳақиқатни олган афзал.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

29 августа 2023 14:05

ЭРИГА ҲИЁНАТ ҚИЛАЁТГАН АЁЛНИ ЭРИГА АЙТИШ КЕРАКМИ?

@Savollar_kanal 13688-савол

Ассалому Алайкум ҳазрати шайҳ жаноблари мени сизга ота муҳим саволим бор эди. Мени Амаким ҳорижда ишлайдилар иккита фарзандлари бор яқинда аёлларини ҳиёнат қилиб юрганини билиб қолдик бу нарсани мен ва акамдан бошқа ҳеч ким билмайди. Амаким ҳорижда бўлсалар ҳам менимча ниманидир сезяптилар менга телефон қилиб кенайиндан хабар ол қанақа юрибти агар нотўғри юрган бўлса айт мен бу ердан кетмайман деяптилар мен у ерда бош кўтариб юра олмайман деяптилар. Айтсам келмайдилар, кенайимни ушлаб олганимизда тавба қилдим бошқа қилмайман деганди лекин барибир шу ишини қўймаяпти фарзандларини шаънини ҳам ўйламаяпти. Орада иккита фарзанд бор айтинг нима қилай. Айтмасам бу ишини қўймаяпти. Ва бунақа эрига ҳиёнат қилганларни нима қилиш керак? Илтимос тезроқ жавоб беринг. Жавобингиз учун олдиндан катта раҳмат ОЛЛОҲ сизда рози болсин.

ЖАВОБ:

– Ва алайкум ассалом! Бу жуда нозик масала, уни мактуб йўли билан эмас, шахсий суҳбат йўли билан маслаҳат қилиш керак. Ўзингиз яхши ишонган илмли кишига маслаҳат солинг.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

29 августа 2023 10:05

СУНИЙ ҲОМИЛАДОР ҚИЛДИРИШ

@Savollar_kanal 13686-савол

Бу мавзуни очишимга яқинда "Зикр аҳлидан сўранг" китобчаларининг бирида сунъий урчишнинг зиноми, йўқми деган саволга Шайх Ҳазратлари - Сизнинг берган жавобингиз ва бу мавзунинг оиламиздаги муҳокамаси сабаб бўлди. Сиз бундай урчишда бегона эркакнинг уруғи ишлатилса, албатта зино бўлади дегансиз. Бундай ҳолат, яъни ўзининг никоҳидаги ҳалол аёлига беникоҳ эркакнинг уруғи фарзанд кўриш учун ишлатилиши зино эканлиги, мантиқан шубҳасиз (манимча) тўғри. Демак, аёл ҳам зинокор ва туғилган фарзанд ҳам зинодан туғилган ҳисобланади. Аммо бошқача ҳолат юз берса, яъни фарзандсизлик эркакнинг фарзанд кўра олмаслиги туғма ёки бирор касаллик сабабли бўлса, ўзининг соғлом аёлини талоқ қилишни истамаса, бунда нима қилиш мумкин? Бошқа бола асраб олишда ҳам ҳозирги кунларда бироз мушкулликлари бор. Жавоблар учун олдиндан катта раҳмат! Сизларга Аллоҳдан саломатлик тилаб Саид Абдулла

ЖАВОБ:

Муҳтарам, Саййид Абдуллоҳ! Бундай ҳолда сабр қилишдан бошқа илож қолмайди.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

29 августа 2023 06:05

КАСАЛМАНД АЁЛ ҲОМИЛАСИНИ ОЛДИРИБ ТАШЛАСА БЎЛАДИМИ?

@Savollar_kanal 13684-савол

Ассалому Алайкум Ҳурматли Шайҳ Жаноблари!Ман Қуқон шаҳридан Исмоилов Шерали.Узимни қийнаётган бир савол ҳусусида сиздан маслаҳат олмоқчи эдим.Савол.Мани аёлим биринчи фазандимизни дунёга келтириш пайтига касалга чалиниб қолган.Оёги сал совуқ тушса ёки куп юриб қуйса,огир нарса кутариб қуйса юролмайдиган булиб огриқ беради.Ҳозирги кунда яна ҳомиладорлик гумони бор.Лекин фарзандни қолдирадиган булса ёки узини соглигига ёки тугиладиган фарзандни соглигига зиён этиши мумкин.Аёлимнинг узи туголмайман,тугадиган булсам ёки узим ёки болам ногирон булиб қолади деяпти,докторлар ҳам уни тезда даволаш кераклигини айтишяпти.Саволим шиндан иборатки: Агарда аёлим ҳозир ҳомиласини олдириб ташласа Оллоҳнинг олдида гуноҳкор булмайманми,шу ҳусусида шариатда бирор ҳукм борми?Сиздан илтимос шу масалага ойдинлик киритиб берсангиз.Менинг саволимга вақтингизни ажратганингиз учун олдиндан миннатдорман.Ҳурмат ва эҳтиром биланШерали Исмоилов

ЖАВОБ:

– Ва алайкум ассалом! Бу каби масалаларни бир-бирига билдирмай учта табибдан сўраш тавсия қилинади. Агар она ёки боланинг ҳаёти хавф оситда бўлса ёхуд маъйиб бўлиши муқаррар бўлсагина, ҳомилага жон кирмай туриб олдиришга уламолар фатво берганлар.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

28 августа 2023 18:05

ИСЛОМИЙ ФОРУМ НИҚОБИДАГИ САЙТЛАР

@Savollar_kanal 13682-савол

Ассалому алайкум,менда бир таклиф ва бир савол бор. Саволдан бошласам: охирги пайтда менда шундай фикр пайдо булаяпти, киши хакикий мусулмон даражасига эришганда ундан бирон бир гап чикиши жудаям кийин булиб колса керак, жудаям камгап булиб колади, гийбатдан ва яна бошка гунохлардан курккани учун. Шунинг учун умуман гапирмасаям керак баъзи вактлар. Бу фикрим тугрими еки йукми?Таклифимни айтишдан олдин бир вокеани айтиб берсам: кеча мен интернетда бир россия электрон газетасини укиб колдим. Унда езилишича урис эркак ва урис аёли Дубайда пляж буйида номаъкул иш килиб турганида уша ерни полицияси келиб конунни тушунтиради ва жамоат жойда мумкин эмас дейди. Улар эса билганидан колмайди. Сунгра уларни камаб куйишади... Хуллас, шу хакда тортишувлар булди. Хаммасини фикрини укиб чикдим. Эътибор берсам битта мусулмон никидаги киши бахсни атайлаб кучайтираетгандай куринди (у рус хотинларини жуда каттик масхара килди ва яна русларни обрусини пастга урувчи гапларни айтди). Сунгра мен умумий пост килдимда бу нарсалар хато эканлигини, динда бахс килишдан хеч кандай фойда йук, балки зарар булишини айтдим, хакикий мусулмон бахс килмайди дедим. Бирпасдан кейин мени хабаримни УЧИРИБ ташлашди. Менда бир гумон пайдо булди: бу ерда хеч кандай мусулмон йук, балки атайлабдан ихтилоф чикаришаяпти. Менга жуда дахшатли куринди бу масала. Чунки у ерда русларнинг жуда каттик жахли чикди ва буни сабабларини яхши билмасдан мусулмонлар хакида емон фикрларни билдиришди.Таклифим: Бутун жахон буйича шундай хабарми еки фатвоми эълон килинса, яъни кимки ислом динидан бошка диндагиларни еки динсизларни устидан кулса, уларни газабини чикарса бу одам мусулмончиликка карши деб. Шуни бошка диндагилар яхши тушунса яхши буларди деб уйлайман. Сиз нима леб уйлайсиз?Аллох килаетган хайрли ишларингизга ривож берсин.

ЖАВОБ:

– Ва алайкум ассалом! Шариат ҳукмига оид масалани ундан бехабар одамлар муҳокама қилиши шунга ўхшаш ҳолатларга олиб келади. Бундай пайтларда билган одамдан сўралади. Агар мендан сўралганда, ҳар бир меҳмоннинг ўзига яраша одоби бор. Мазкур экак ва аёл меҳмонлик одобини бузиб, ўзларига мезбон юрт ва унинг аҳолисига беҳурматлик қилишгани учун аввал оглоҳлантириб кейин жазланибди, деган бўлар эдим.Бир икки кишининг қилмишини мисол қилиб бутун бошли халқни ахборот воситасида қоралаш ҳам яхши эмас. Ҳар бир халқнинг яхши аъзолари бўлганидек яхшимаслари ҳам бўлиши табиий. Сиз таклиф қилаётган хабар ёки фатво маъносидаги таълимотлар минг тўрт юз йилдан бери бор. Мусулмон одам чумолига ҳам ноҳақдан озор бермаслиги кераклиги ҳаммага маълум ва машҳур.Бошқа дин вакилларига мусулмонларнинг муносабати ҳақида ушбу саҳифада ҳам маълумотлар бор. Топиб ўқинг.



Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

28 августа 2023 14:05

ИЧГАН ОДАМГА ЁРДАМ БЕРСА БЎЛАДИМИ?

@Savollar_kanal 13680-савол

Хазрат Аллох сизни ва оилангизни узи химоясида асрасин. Килаётган хайрли ишларингизга куп барокатлар берсин.Бугун кечга якин (шом махал) уйга кайтаётган едим. кун жуда совук ва кор ёгаетган еди. Йулнинг четида бир киши лойда ётган екан. Мошинамни четда тохтатиб уни олдига бордим ва уни холинии билмокчи едим шунда менинг ёнимга яна бир йуловчи кушилди ва биз биргаликда халиги кишини елкасидан ушлаб силтаб узига келтирдик лекин афсус у одам Аллох харом килган нарсани ичиб гирт маст екан. Ёнимдаги йоловчи ЭХХ ичган одам екан деб кетиб колди мен эса иккиландим агар кетсам кун жуда совук ва унга хеч ким ёрдам бермаса узини эплаши ва уйига бориши кийин эди ётган жоида улиб колиши мумкин эди. Бир тарафдан унга кулимни теказишимдан ва мошинамга утказишимдан жиркандим.. Лекин Виждоним кабул килмади уни шу холда яна лойга ташлаб кетишга ва мошинамга утказиб сураб сураб уйига обориб койдим... Кегин уйладим тогри килдимми унга ёрдам бериб ахир узи ичган узи жавобини бергани яхшимиди ?Бундай вазиятлар бизда куп учрайди шундай холатда нима килишимиз тугрирок...Аллох сиздан рози булсин

ЖАВОБ:

Абдуллоҳ ибн Умар розияллоҳу анҳудан ривоят қилинади:«Расулуллоҳ соллаллоҳу алайҳи васаллам: «Бир аёл ўзи ушлаб туриб, очдан ўлишига сабаб бўлган бир мушукни деб азобланди. Унинг учун дўзахга тушди. Аллоҳ билгувчидир, бироқ дўзахда унга: «Сен уни ушлаб турганингда овқат ҳам бермадинг, сув ҳам тутмадинг, ушлаб турдинг ёки ердаги нарсалардан емоғи учун қўйвормадинг ҳам, дейилади», дедилар». Бир мушук учун қилинаётган муомалага эътибор беринг. Бир аёл бир мушук учун дўзахга тушган экан. У мушукни ноҳақ, зулм қилиб ўлдирган.Абу Ҳурайра розияллоҳу анҳудан ривоят қилинади:«Расулуллоҳ соллаллоҳу алайҳи васаллам: «Бир киши йўлда кетаётиб жуда қаттиқ чанқади. Кейин бир қудуққа тушиб, сув ичиб, чиқди. Қараса, бир ит ниҳоятда қаттиқ чанқаганидан тупроқларни ялаб юрибди. Ҳалиги киши «Бу ит менга ўхшаб роса чанқабди. Менга етган чанқоқ бунга ҳам етибди» деб, қайтиб қудуққа тушиб, махсисини сувга тўлдирди. Сўнг уни тишига тишлаб чиқиб, сувни итга тутди. Аллоҳ унинг гуноҳини мағфират қилди», дедилар. «Эй Аллоҳнинг Расули! Бизга ҳайвонларда ҳам ажр борми?» дейишди. «Ҳар бир жигарда савоб бор», дедилар». Ҳа! Ҳар бир жонли нарсада савоб бор, яъни унга яхшилик қилган одам савоб олади. Одам боласи ким бўлишидан қатъий назар жонлиларнинг афзали. Унинг ҳаётини қутқариш яхшилик иш. Эҳтимол, сизнинг қилган яхшилигингиз, мазкур нобакор банданинг ҳидоятга тушишига сабаб бўлар.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

28 августа 2023 10:05

ТАКФИР (ҚАСДДАН КОФИРГА ЧИҚАРИШ) МАСАЛАСИ

@Savollar_kanal 13678-савол

Маъсият туфайли кофирга чиқариш ҳақида ислом.уз сайтида ўқиб қолдим, Аллоҳ рози бўлсин, аммо саволим қуйидагича, Шу такфир масаласининг бошқача кўриниши мазҳабсизликда айблаш ёки шунга ўхшаш ва ихтилофли масалаларда бир бирини қаттиқ айблаш ҳақида шариятимиз нима дейди?

ЖАВОБ:

- Ҳар нарсани ўз номи билан аташ керак. Ҳар нарсага, фалон пистон деган ҳукмларни чиқаравериш керак эмас.

Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

28 августа 2023 06:05

ОНА ФАРЗАНДИНИ ЭРИДАН БЕСЎРОҚ БОШҚА ШАҲАРГА ОЛИБ КЕТСА

@Savollar_kanal 13676-савол

ХАЗРАТ!!! Аёл эридан ўзи кетиб яшамайман деганда бола онасида қолган адаси бориб кўриб туради. Шунга қарамасдан у аёл болани бошқа шахарга, узоққа олиб кетишга хаққи борми? Адасини болани кўриб туришга имконияти йўқоладику шу масала буйча жавоб берсангиз рахмат.

ЖАВОБ:

Албатта, ҳақи йўқ. Бу борада «Мухтасари Виқоя» китобида «Талоқ қилинган аёл боласи билан ўзи никоҳдан ўтган ватанидан бошқа ерга сафар қилмайди. Бу фақат онага хосдир», дейилган.Онадан ўзга болани қарамоғига олган шахслар ҳеч қаерга сафар қилмайдилар. Чунки бу нарса болага зарар келтиради.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 августа 2023 18:05

ҲИНДИСТОНИЙ ДОМЛАНИНГ ТАФСИРИ ҲАҚИДА ФИКРИНГИЗ

@Savollar_kanal 13674-савол

Ҳиндистоний домла таржима қилган Қуръони карим нашрдан чиқибди, шу китоб ҳақида аҳли илмлар ва ҳусусан сизнинг бизларга насиҳатингиз керак. Сабаби ушбу китоб ҳақида ҳар ҳил сўзлар юрибди. 1. Ҳиндистоний бу китобни нашр қилдиришига рухсат бермаган экан. 2. Китоб нашрида домланинг шогирдлари ёрдам беришмаган экан. 3. китобни нашрга тайёрлаганлар кўп жойларини тушириб ва кўп жойларига қўшимча қилган экан. Динимизни ўрганишимизда ушу таржимадан фойдалансак бўладими? Сизнинг маънолар таржимасини алоҳида китоб қилиб чиқариш режаларингиз борми? Агар бор бўлса қачон амалга оширишга нийят қилгансизлар. Аллоҳ рози бўлсин.

ЖАВОБ:

Ҳақиқатда, мазкур китоб ҳақида сиз айтган каби гаплар бор. Улар ҳозирда охирига етгани йўқ.Инша Аллоҳ, «Тафсири Ҳилол»нинг еттинчи жузи Қуръони Карим маънолари таржимаси бўлади. Дуо қилиб туринглар. Яқинда нашр этилиб қолади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 августа 2023 14:05

ЎРИСГА УЛАНИШ МУМКИНМИ?

@Savollar_kanal 13672-савол

Мисол учун ўрис қиз билан танишсам улар билан алоқада исломий мезондан чиқмайман, аммо улардан шарият мезонида бўлишини талаб қилсам бўладими. (мақсадим ўрисга уйланиш - у аҳли китоб)

ЖАВОБ:

Муслмон эркакка аҳли китоб аёлга уйланишга рухсат бор. Аммо муслимага уйланиши тавсия қилинади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 августа 2023 10:05

ЮЗИГА КРЕМ СУРТГАН ХОЛДА НАМОЗ ЎҚИШИ

@Savollar_kanal 13670-савол

Ассалому алайкум Шайх хазратлари. Мени қизиқтирган савол қуйидагича: Менинг аёлим муслима. У юзига крем суртган холда намоз укиши мумкинми ёки тахоратни бошқатдан қилиши керакми?

ЖАВОБ:

– Ва алайкум ассалом! Мазкур нарсалар таҳоратни кетказмайди.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 августа 2023 06:05

ЧОЙҲОНАДА СПИРТЛИ ИЧИМЛИКЛАР СОТИШ

@Savollar_kanal 13668-савол

Ассалому алайкум Шайҳ ҳазратлари. Саволларимизга жавоб берганингиз учун сизга катта раҳмат айтиб, сизга Аллоҳдан узоқ умир соғлик-саломатлик тилаймиз. Шайҳ ҳазратлари бизни оъйлантираётган бирнечта саволлар бор эди.Бир чойҳона очган қоъшнимиздан чойҳонада спиртли ичимликлар сотиб, олинган даромадни яъни ҳаром боълган пулни битта “қорака” ҳалоллаш ёълини айтганлигини айтди ва биздан шу масалага ойдинлик киритиб беришимизни соъраб қолди. Агар ароқ сотмаса одамлар келишмай қоъйганли ва ароқ қоъймаса мажбур олбкелтиришаётган экан. Яна шоколад ва сақичларга қоъшиладиган Э322 ҳақида ҳар-ҳил гап соъзлар юрибди кимдир ҳалол деса, яна ким ҳаромлигини айтяпти. Сиздан илтимос шуларга ойдинлик киритиб берсангиз.Барч биродарлар сизга салом айтишимни қаттиқ такидлашди.Олдиндан раҳмат.

ЖАВОБ:

– Ва алайкум ассалом! Ҳаром нарсани ҳалоллаш йўли нима эканини билмадик. Менимча бу каби нарса бўлиши мумкин эмас. Е-322 ҳақида кўп ёздик, топиб ўқинг.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш