Зикр аҳлидан сўранг

16 июля 2023 14:05

РИБОГА ҚЎЛ УРМАДИММИ

@Savollar_kanal 13336-савол

Ассалому алайкум! Бир Икки ой олдин масжидда эдим турк имом менга 30$ қарзини тангада берди, ва мен олдим ва унга банкдан пластик картамга тушириб олишимни айтдим. Бироздан сўнг унинг дўсти келдида бу гаплардан хабар топиб бу тангаларни менга бер мен сенга 29 $ картанга ўткизиб беркман деди. Бироз ўйланиб қолдим, рибо бўлмайдими, ахир бир дирхамни икки дирхамга сотишдан қайтарилганмиз деб имомдан сўрадим? У айтдики йўқ бу тангаларда бир захмат бор сен бориб буни алиштирасан вақтинг кетади, ўша захмат ишни бошқасига қилдиряпсан эвазига 1$ бераяпсан деди. Шундан сўнг мен кўниб 29$ олдим. Кейинроқ олтинни олтинга кумушни кумушга айирбошлашдаги миқдор тенг бўлиши ва нахтма нахт бўлиши хақидаги бошқа хадис ўқиб қолдим ва бу қилган ишимиз рибо бўлиб қолмадими деб ўйлаб қолдим. Агар рибо бўлган бўса нима қилишни маслахат берасизлар?

ЖАВОБ:

– Ва алайкум ассалом! Пулни бир жойдан бошқа жойга етказиб бериш учун иш ҳақи тўлаш жоиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

16 июля 2023 10:05

ҒУСЛ ҚИЛАЁТГАНДА

@Savollar_kanal 13334-савол

Ассалому алайкум! Ғусл қилаётган пайтимда ел чиқса ва шунга қарамай ғуслни давом эттириб оҳирига етказсам жунублик кетади. Аммо намоз ўқишга таҳоратли бўлмайман тўғрими? Шунда ғусл қилиб бўлгач артинмасдан туриб таҳоратнинг амалларини қилсам таҳорат олган бўламанми ёки қуриниб кейин таҳорат олиш керакми?

ЖАВОБ:

– Ва алайкум ассалом! Тўғри. Артиниш шарт эмас. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

16 июля 2023 06:05

ОНА РОЗИЛИГИ

@Savollar_kanal 13332-савол

Ассалому алайкум! Домда яшайман, дадам оламдан отган акам уйланиб чиқиб кетган, онам, синглим 3 кишимиз уйнинг эркагиман, уйимизга аёл қўшнилар кириб туришади, жуда хам кўп кирганидан ёмон кўриб қолганман, эртаман кириб кечки пайт чиқиб кетишади қўшничилик унчалик бўлмаса керак. Ахир мени олдимда уятмай ётволади хам керак бўлса, саволим кўчадан кирсам яна кирган эдикан. Мен улар билан сўрашмадим, чиқиб кетганидан кейин онам жахли чиқиб салом беришинг керак эди, энди шуларга салом бермасен икки дунё розимасман деди. Менга оқ тушмадими? Нима қилсам бўлади бундай холатда?

ЖАВОБ:

– Ва алайкум ассалом! Оққ тушмаган. Ўша аёлларни эрлари ёки маҳрамларига вазиятни тушунтиринг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

15 июля 2023 18:05

ҚИЗ БОЛА ЎҚИШГА БОРИШ МАСАЛАСИ

@Savollar_kanal 13330-савол

Ассалому алайкум! Сохам кимёгар. Кўплаб ютукларим бор. Аллоҳга шукур динимизни хам ўрганишга ва билганларимга амал қилишга харакат қиляпман. Хижобдаман. Лабараторияда тадқиқотлар олиб борамиз. Ёшим 20, 3-курсман. 2 йил олдин онамда гепатит С аниқланди. Магистрлик ишимни шу вирусни Аллоҳ бераётган илм билан йўқ қилишга бағишламоқчиман. Лекин юртимизда менинг сохам яхши ривожланмаган. Европага грантлар берилган ўқиш учун. Саволим: 1. Махрамсиз ўқиш учун 2 йилда қайтиш шарти билан ўқишга кетсам бўладими? Кўнглимни хеч кимга боғламаганман. Номзодлар амалпараст, менга тўғри келмагани учун турмуш қурмаяпман. Нима қилишни билмаяпман. Баъзилари мендан хафа. 2. Бундай пайтда нима қилсам бўлади? Муслима аёллар оила ва барча сохаларда энг яхшиси бўлиши керак деб харакат қиляпман. 3. Бу ишларим тўғрими?

ЖАВОБ:

– Ва алайкум ассалом! Аллоҳ сизни саломат қилсин ва сиз каби муслима сингилларимизни ададини кўпайтирсин. Чет элда ўқиш масаласида бирор маҳрамингиз олиб бориб ташлаб, қайтиб келишингизда яна бориб олиб келса бўлади. Сиз яхши ўқинг, шу соҳани энг олди мутахассиси бўлинг, агар ниятингизга етсангиз сиз сабаб тузалган барча мусулмонлар сиз ва сизни туғиб тарбия берган ота-она, устозларингизни дуо қилишади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

15 июля 2023 14:05

ЎЛИБ ТИРИЛГАН ФОЛБИНЛАР

@Savollar_kanal 13328-савол

Ассалому алайкум! Астағфируллах ўлиб тирилган айрим инсонлар фолбин бўлиб қолишади. Шу хақида кўп эшитганман, бунга сабаб нима?

ЖАВОБ:

– Ва алайкум ассалом! Ўлиб тирилган одамни биринчи марта сиздан эшитиб турибмиз. Агар кимдир "мен ўлиб тирилдим" деса ишонган бўлсангиз одам бунчалик даражада содда бўлмаслиги керак. Агар фолбин бўлиб олганлар «мен ўлиб тирилганман» деса уларни гапига ишониб тасдиқласангиз қуйидаги ҳадис ҳукмига тушиб қоласиз: 
عَنْ بَعْضِ أُمُّهَاتِ الْمُؤمِنِينَ رَضِيَ اللهُ عَنْهُنَّ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: مَنْ أَتَى عَرَّافًا فَسَأَلَهُ عَنْ شَيْءٍ لَمْ تُقْبَلْ لَهُ صَلَاةٌ أَرْبَعِينَ لَيْلَةً. رَوَاهُ مُسْلِمٌ وَأَحْمَدُ وَلَفْظُهُ: مَنْ أَتَى عَرَّافًا أَوْ كَاهِنًا فَصَدَّقَهُ بِمَا يَقُولُ فَقَدْ كَفَرَ بِمَا أُنْزِلَ عَلَى مُحَمَّدٍ صَلَّى اللهُ عَلَيْهِ وَسَلَّمَ
Мўминларнинг оналари розияллоҳу анҳуннанинг баъзиларидан ривоят қилинади:«Набий соллаллоҳу алайҳи васаллам:«Ким аррофга келиб, ундан бирор нарса ҳақида сўраса, унинг намози қирқ кечагача қабул бўлмас», дедилар».Муслим ва Аҳмад ривоят қилганлар.Аҳмаднинг лафзида:«Ким аррофга ёки коҳинга келиб, унинг айтганини тасдиқласа, батаҳқиқ, Муҳаммад соллаллоҳу алайҳи васалламга нозил бўлган нарсага куфр келтирибди» дейилган.Шарҳ: Ҳақиқий мўмин учун қирқ кунлик эмас, бир маҳал намозининг қабул бўлмай қолиши улкан мусибатдир. Бу мусибат фақатгина фолбинга бориб, ундан бир нарса ҳақида сўрашнинг жазосидир. Унинг айтганига ишонадими йўқми, фарқи йўқ.Аммо ким фолбинга бориб, унинг айтганини тасдиқласа, куфрга кетган бўлар экан. Аллоҳнинг Ўзи асрасин!
عَنْ أَبِي هُرَيْرَةَ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: مَنْ أَتَى كَاهِنًا فَصَدَّقَهُ بِمَا يَقُولُ أَوْ أَتَى امْرَأَتَهُ حَائِضًا أَوْ أَتَى امْرَأَتَهُ فِي دُبُرِهَا فَقَدْ بَرِئَ مِمَّا أُنْزِلَ عَلَى مُحَمَّدٍ صَلَّى اللهُ عَلَيْهِ وَسَلَّمَ. رَوَاهُ أَصْحَابُ السُّنَنِ
Абу Ҳурайра розияллоҳу анҳудан ривоят қилинади:«Набий соллаллоҳу алайҳи васаллам:«Ким фолбинга бориб, унинг айтганини тасдиқласа ёки хотинига ҳайз чоғида яқинлик қилса ёки хотинининг орқасига яқинлик қилса, батаҳқиқ, Муҳаммад соллаллоҳу алайҳи васалламга нозил этилган нарсадан тонибди», дедилар».«Сунан» эгалари ривоят қилганлар.Шарҳ: Мулоҳаза қиладиган бўлсак, хотинига ҳайз чоғида ёки орқа томонидан яқинлик қилиш соғлиққа зарар бўлганлиги учун ҳаром қилинган. Энди шу икки нарсага фолбинга бориш ва уни тасдиқлаш қўшилишида бу ишда ҳам маънавий, ҳам сиҳҳий (тиббий) зарар борлигига ишора бор. («Ҳадис ва Ҳаёт» китобидан). Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

15 июля 2023 10:05

БАРМОҚ УЧИДАГИ НАЖОСАТ

@Savollar_kanal 13326-савол

Ассалому алайкум! Намоз пайтда бармоқ учида бир оз нажосат бўлса намоз адо бўладими? Хуфтон намозида орт авратдан нимадир чиққандай бўлди теширсам хеч нарса йўқ аммо шунда бармоқ учида бир оз нажосат асорати қолибди намоз ўртасида нажосат теккан бармоғимни бош бармоғим билан тозаладим барибир озгина асорати қолибди. Шундай холатда намозим адо бўлганми?

ЖАВОБ:

– Ва алайкум ассалом! Агар орқа тешигингиздан чиққан нажосатни қўлингиз билан олган бўлсангиз таҳоратингиз кетган. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

15 июля 2023 08:05

АЁЛЛАР ҲАМ ҲАТНА ҚИЛИНАДИМИ?

@Savollar_kanal 13325-савол

Аёлларни хатна қилиш ҳақида бир китобда ўқиб қолдим. Бу Иброҳим а.с.ни давридан қолган экан. Шу гап ростми?

ЖАВОБ:

Ассалому алайкум! Бу иссиқ кучли юртларда бўлган. Бизда унга амал қилинмаган ва қилинмайди ҳам. (инша Аллаҳ)


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

15 июля 2023 04:05

ИМОМ ИҚТИДО ҚИЛАЁТГАН ОДАМНИ ҚАБУЛ ҚИЛМАСА?

@Savollar_kanal 13323-савол

яқинда бир биродарим билан намозгоҳга кирган эдик, у жойда бир киши ёлғиз аср намозини ўқиётган эди. биродарим, югуриб бориб, намозни иқтидо қилиб бошлаб юборди, мен эса иккиланиб қолдим. сабаби биз киришимиздан олдин, имом имомликни қабул қилганлиги ҳақида ният қилганми қилмаганми, билмаганимда эди.шундай ҳолатда нима қилиш лозим? ҳаққимизга дуода бўлинг.

ЖАВОБ:

Ассалому алайкум! Имом иқтидо қилувчи ният қилаётганда ният қилиб олиши мумкин. Жамоатдан кейин қолганлар жамоат бўлиши ҳақида яқинда жавоб берилди. Топиб ўқиб олинг.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

14 июля 2023 16:05

ҚАЗИЛГАН ҚАБР ҚАНДАЙ ҲОЛАТДА БЎЛИШИ КЕРАК?

@Savollar_kanal 13321-савол

Ҳурматли шайх жаноблари. Мен сиздан қабр қандай бўлиши кераклиги ҳақида сўрамоқчиман. Эшитишимча, Хоразмда қабр ерни устки қисмида қурилар экан. Ҳар хил бўлиши мумкинми? 

ЖАВОБ:

Ассалому алайкум! Қабрларнинг сифати ва уларни эҳтиром қилиш.1. Қабрларнинг энг саёзи ҳидни ман қилишга ва жасадни йиртқич ҳайвонлар еб кетишидан сақлайдиганидир.2. Қабрни иложи борича чуқур ва кенг қилиш мандубдир.3. Ҳанафий мазҳаби бўйича қабрнинг чуқурлиги одамнинг кўкрагигача бўлганидир. Унинг узунлиги маййитнинг узунлигича бўлади. Кенглиги маййитнинг бўйининг ярмича бўлса яхши.4. Лаҳад шақдан афзал эканига фуқаҳолар иттифоқ қилганлар. Ер қаттиқ бўлса, лаҳад қилиш, юмшоқ бўлса шаққ қилиш афзал деганлар ҳам бор.5. Хоразмга ўхшаш сувли ерларда қабрни ер устига қуриш мумкин. Буни сағана дейилади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

14 июля 2023 12:05

ИНТЕРНЕТДАГИ БИР ИШ?

@Savollar_kanal 13319-савол

Ассалому алайкум. Бир дўстим ҳозирда Россияда компьютерда дастурчи бўлиб ишлайди ва у менга бир ташкилотни таклиф килди. У орқали пул ишлаб топса бўларкан. Бу ишнинг моҳияти шундан иборатки мен у ташкилотга аъзо бўламан. Сўнгра у менга вазифалар беради, яъни бошқа сайтларга кириб рўйхатдан ўтишим керак. Шунга ушбу ташкилот менга пул тўлайди. Савол: Бундай меҳнат ҳалолми ёки харомми?

ЖАВОБ:

– Ва алайкум ассалом! Бажарадиган ишингиз бировга зарар етказмайдиган ва шариатга хилоф бўлмаса, шариат ман қилган нарсалардан иборат бўлмаса, ишлашингиз жоиз.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

14 июля 2023 08:05

ТУРЛИ ХИЛ МАЗҲАБЛАРДА ЮРИШ МУМКИНМИ?

@Savollar_kanal 13317-савол

Ассалому алайкум.1.Бир биродаримиз аҳли сунна вал жамоа мазҳабларининг ҳукмларида юрадилар, яъни бир мазҳабни ушламайдилар.Қайси бирини ҳукми осон бўлса ўшани оладилар.Мен уларга бир мазҳабни ушланг,чунки шайх жанобларини китобларида ўқиб қолдимки, ҳар хил мазҳабда юриш мумкин эмас деб дедим. Менга Албонийни ҳужжат қилиб келтирди. Бу биродаримиз кўпинча Албонийни фикрларини оладилар. Ўзлари Ҳанафийдаман дейдиларку, лекин Шофъей ва Албонийни фикрларини оладилар ва амал қиладилар. Бошқа биродармизга шундай қилаяптилар шу биродармиз десам, унда фақат Албонийни фикрида юрсин дедилар. Лекин мен тушуна олмай қолдим. Сиз мумкин эмас деган эдингиз. Илтимос шуни ҳикматини тушунтириб берсангиз. Мазҳабдан мазҳбага ўтиб юрган биродармиз тўғри иш қилаяптиларми?2.Сизни ҳужжат қилиб келтирсак бўладими? Яъни, бир масалада келиша олмай қолсак, шайх жаноблари шундай дедилар десак бўладими? Чунки биласиз сизни илмингизни ҳеч ким инкор қила олмайди.Фалончи айтди десак, э-э-э ким бўлибди у, дейишади. Ёки ҳадисда шундай ўқидим десак, у бошқа бир ҳадисни келтиради. Хуллас ҳамма ўзини фикрида юради. Биламан бу бизни илмсизлигимиз. Лекин шунақа пайтда сизни ҳужжат қилиб келтиришликка тўҳри келади.Чунки билишадики, ЎЗБ да сизни илмингиз саҳиҳ. Сизни илмингизни ҳеч ким инкор қила олишмайди. Шунга сизни гапларингизни келтирамиз. Бунга нима дейсиз?3.Абдували қори ва Обид қори акалар ҳақларида фикрингиз қандай? 4.Бу ерда бир биродарлар соқоллари оқариб кетганлиги ёки сарғайиб кетганлиги учун қорага бўяб юришади. Лекин мен сочни қорага бўяш мумкин эмас деб эшитган эдим. Лекин соқол ҳақида ҳеч эшитмаган эканман. Соқолни қорага бўяш мумкинми?5.Бир биродармиз билан мўйловни қисқартириш ёки қириш ҳақида талашиб қолдик. Мен айтдимки, ҳадисда келганки мўйловни қисқартиринглар ва соқолни ўстиринглар деб келган десам. У биродармиз эса йўқ,бу ҳадисда қириш деб келаяпти дедилар. Бунга жавобингиз илтимос.6.Бир биродармиз айтдики,сиз Абдували қори ака ҳақларида телевизорда ножўя гапларни гапирган экансиз. Яъни, ваҳобий ёки ундай бундай деб айтган экансиз. Мен ишонмадим. У айтдики, мен бир биродардан шундай деганларини архивдан топдираман деди. Кейин у биродари ҳам архивдан топа олмабди. Хуллас мен айтдимки, олимлар бир-бирларини бундай гапиришмайди дедим. Ҳаммалари ҳам олим, аҳли сунна вал жамоада дедим. Улар Аллоҳдан биздан кўра қўрқувчироқ дедим. Илтимос тўғри тушунинг. Бунга фикрингизни билмоқчи эдим. Уҳиббука филлаҳ.

ЖАВОБ ҚУЙИДАГИ ЛИНКДА:
👇
savollar.islom.uz/s/176


✅ Манба

➡️ Каналга уланиш

Зикр аҳлидан сўранг

14 июля 2023 04:05

САБИЙ, МУДАББАР, МУКОТАБ, МУҲРИМЛАР ДЕБ КИМЛАР АТАЛАДИ?

@Savollar_kanal 13315-савол

Ассаламу алайкум шайх ҳазратлари. Баъзи бир сўзларни тушунмадим, илтимос бунга ойдинлик киритиб беринг. Сабий, Мудаббар, Мукотаб, Муҳрим деб кимларни аташади? Олдиндан раҳмат.

ЖАВОБ:

– Ва алайкум ассалом! Бу каби сўзларнинг маъносини луғатдан кўрилади. Савол қилиб берилмайди. Илм ўзига яраша меҳнат талаб қилади. Бу каби ҳаракатлар дангасаликнинг белгиси бўлса ажаб эрмас. Сабий- кичкина бола.Мудаббар – хожаси мен ўлганимдан кейин озодсан деган қул.Мукотаб – хўжайини билан маълум миқдор пул тўлагандан сўнг озод бўлиши ҳақида шартнома тузган қул.Муҳрим – Ҳаж ёки Умрага эҳром боғлаган шахс.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

13 июля 2023 16:05

3 КУНЛИК ҚЎЗИНИ СЎЙСА БЎЛАДИМИ?

@Savollar_kanal 13313-савол

Ассалому алайкум ҳурматли шайх жаноблари. Саволим шундан иборатки, қоракўлчиликда қўзилардан сифатли қоракўл тери олиш учун уларни туғилгандан сўнг 3 кунлигида сўйишади. Гўшти эса истеъмол қилинади. Ушбу ҳолат юзасидан қандай фикрдасиз, 3 кунлигида жониворни сўйиш жоизми, гўштини истеъмол қилишчи?

ЖАВОБ:

– Ва алайкум ассалом! Яна қайтариб айтаман, бу каби ишларда менинг шахсий фикрим сариқ чақага ҳам арзимайди. Сизлар шариатнинг ҳукмини сўранглар. Фойда учун уч кунлик жониворни сўйиш жоиз. Унинг гўштини истеъмол қилиш ҳам жоиз.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

13 июля 2023 12:05

ФОЛБИН, КОҲИН, СЕҲРГАРЛАРГА ИШОНИШ ҲАҚИДА

@Savollar_kanal 13311-савол

Ассалому алайкум. Менинг бир дўстим бировнинг йўлланмаси билан, ёши 30 ларча бўлган одамнинг уйига ўзини ўқитгани боради. У инсон, 2 ракат намозни ўқиб Аллоҳдан, тўғри ва фақат тўғри маълумот бера олишини сўрайди ва қўлига Қуръонни олиб, дўстимнинг туғилган йили ва Ота-онасининг исмини сўрайди. Шунда дўстим тўғрисида баъзи бир маълумотларни беришни сўрайди - сизга кўз теккан, сизга қарши кимдир ўқитган, Аллоҳнинг сизда қаҳри йўқ, фақатгина одамлар сизга қасддан кўролмаслик қилишияпти, гуноҳларингиз бор экан, тавба қилинг ва ҳаказо..Фолбинлик- дейилганида у кишини жаҳли чиқиб "бу фолбинлик эмас!!"- деб бақириб беришган. - Буни қандай тушиниш керак?Бундан ташқари, айтган гаплари - сизнинг онангизнинг фаришталари бор, мана улар ёнимга келишди, ва сизнинг ота-бобонгиз пир ўтганлар - уларнинг арвоҳлари доим сиз билан бирга сизни бало-қазолардан асраб юрадилар, ва ўзларини бир сизга кўрсатайми деб мендан сўряпдилар.. Наҳотки инсон фаришта ёки ўтиб кетганларнинг арвоҳини кўра олса?Худди шуларга тегишли яна бир ҳодиса, эрталаб-саҳарда, бу одам дўстимни уйида меҳмон қилган кунда - бомдод учун уйғотишмаган, уйқудан кечроқ туриб нима учун уйғотмадингиз деганда- у киши бундай жавоб берган: "Хонангизга кирганимда, чап тарафингизда бобонгизнинг руҳлари яъни арвоҳлари ва ўнг ёнигда онангизнинг фаришталари ётган эдилар, бобонгизнинг руҳлари ҳуррак отаётганда - мушки анбар ҳиди таралиётган эди, шунинг учун ҳам сизнинг ширин уйқунгизни бузгим келмади " ваҳоланки, намоз бу ҳар нарсадан фарзроқ эмасми?Дўстимни бу йўлдан қайтармоқчиман, у киши билан алоқани ва кучайиб бораётган дўстлигини мутлоқ узишини сўрамоқчиман - ишим тўғрими, ёки мен янглишаётгандирман, бу кишини бекорга критика қилаётгандирман?!Ҳазрати Муҳаммад Шайх, илтимос сиздан шу воқеанинг ҳар бир деталига тасниф бериб ўз фикрингизни билдирсангиз, мен буни нотўғри деб ҳисбламайман, лекин сиздек олимнинг менга аниқ фикрлари керак.Олдиндан раҳмат.Аллоҳ барчамиздан рози бўлсин!

ЖАВОБ ҚУЙИДАГИ ЛИНКДА:
👇
savollar.islom.uz/s/172


✅ Манба

➡️ Каналга уланиш

Зикр аҳлидан сўранг

13 июля 2023 08:05

ЗИКР ЎҚИШГА КЎМАК БЕРИНГ

@Savollar_kanal 13309-савол

Ассалому аллайкум мен сизлардан зикрни қандай ўқишни сўрамоқчиман. «Ё илаҳа иллаллоҳ Муҳаммадур Расулуллоҳ» ёки «Ё илаҳа илаллоҳ» узр мен Ислом билан энди танишмоқдаман

ЖАВОБ:

– Ва алайкум ассалом! Бу каби нозик нарсаларни устоздан таълим олинади устоз сизга талаффуз қилиб кўрсатиб беради ва сизнинг талаффузингизни ҳам тўғрилайди. Ҳозир ёзган нарсангиз бунинг ёрқин далили. Ҳеч ким, ҳеч қачон сиз ёзган нарсани айтган ва ёзган эмас. «Ё илаҳа» эмас «Лаа илаҳа». Сиз биладиган одамдан ўрганишга ҳаракат қилинг. Бу ёзган нарсангиз ҳаммамиз учун уят.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

16 июля 2023 12:05

ОТАНИ ҚУЛЛИКДАН ОЗОД ЭТСА

@Savollar_kanal 13335-савол

Отаси қул бўлса, уни қулликдан озод этса, бу ҳол отасини ҳаққини адо этган бўладими? Бу ҳақида бир ривоятда ўқиб қолдим. Шундайми?

ЖАВОБ:

Ассалому алайкум! Ислом шариати қодир фарзандларига ожиз бўлган ота-оналар ҳақини кафолатга олишга ҳукм этади. Ишни уларнинг ўзларига топширмайди, балки бу кафолат фарздирки, агар вақтида вафо қилмаса ҳам кейинчалик қазоси вожиб бўлади. Бола ота-онасига қанчалик эҳсон қилмасин, қанчалик ўзидан ортиқ кўрмасин, ҳеч вақт ўзи дунёга келишига сабаб бўлган мукофотни қайтара олмайди. Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Бола отаси мукофотини қайтара олмайди. Фақат отаси қуллик азобида юрган бўлса, фарзанд уни сотиб олиб, озод қилсагина мукофот бўлиши мумкин», дедилар».


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

16 июля 2023 08:05

АФРИКАДА ЯШОВЧИ БИР ҲАЙВОН ГЎШТИ ҲАЛОЛМИ?...

@Savollar_kanal 13333-савол

Ҳурматли шайх ҳазратлари,  Африкада яшовчи шу Оҳулари деб ном олган шоҳли, соқолли ва ўтхўр бўлган кўринишидан худди сигирга  ўхшовчи ҳайвонни гўшти ҳалолми? Бу ҳақда фатво борми?

ЖАВОБ:

Ассалому алайкум! Фақат ўсимлик ила озуқаланса, ҳалол бўлади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

16 июля 2023 04:05

САЛМОН ФОРСИЙ ХИЗМАТ ҚИЛГАН УСКУФЛАР КИМЛАР ЭДИ?

@Savollar_kanal 13331-савол

Ҳурматли шайх жаноблари мен ўқиган «Саодат асри қиссаларида» (муаллиф Аҳмад Лутфий) саҳоба «Салмон Форсий» у кишига Аллоҳни саломи бўлсин, исломга келмасдан олдин хизмат қилган эканлар. У кишини 250 йил умр кўргани ҳақидаги ҳам гап эшитгандим.  Жавобингиз учун ташаккуримни қабул қилсангиз. Раҳмат...?

ЖАВОБ:

Ассалому алайкум! Салмон Форсий розияллоҳу анҳу Исфаҳон аҳлидан бўлганлар. Қишлоқларининг номи Жаййан эди. Баъзи манбаларда у кишининг ёшлари ҳақида сиз айтган рақам келтирилади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

15 июля 2023 16:05

ИРИМ СИРИМЛАРГА ҚАНДАЙ МУНОСАБАТ БИЛДИРМОҚ КЕРАК?

@Savollar_kanal 13329-савол

Ҳурматли шайх жаноблари, сиздан ирим-сирим ҳақида сўрамоқчиман. Биласиз, қишлоқ жойларида бундай нарса жуда кўп учрайди. Мисол тариқасида оладиган бўлсак (шевада чарбоғ,жиззахда) Тошкентда дала ҳовли деб номланадиган жойларда, олмазор, экин, ҳар-хил боғларга молни, эчкини калла суякларини ва турли рангда бўлган латталарни кўришимиз мумкин. Буларга қандай чора кўриш мумкин?

ЖАВОБ:

Ассалому алайкум! Буларни бидъат-хурофот деб билиш керак ва уларни йўқотиш ҳаракатида бўлиш зарур.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

15 июля 2023 12:05

ДОНИЁР ПАЙҒАМБАРНИНГ ҚАБРИНИ ЗИЁРАТ ҚИЛИШ

@Savollar_kanal 13327-савол

Дониёр алайҳиссаломнинг қабри Самарқандда эканлигини бир кишидан эшитиб қолдим. У ерга ҳамма зиёратга борар экан. Буни қандай тушиниш керак? Яна у ерга битта қўй билан ёки 10-15 кг гўшт билан бориш керак экан, бўлмаса, зиёрат қабул бўлмас эмиш. Ё тавба, бу қандай гап бўлди? Жавобингизни интизорлик билан кутаман.

ЖАВОБ:

Ассалому алайкум! Бу гапларнинг бирортасига ишонмаслик керак.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

15 июля 2023 08:22

#янгилик

«Ҳадис ва ҳаёт» туркумининг 19-жузи қайта нашр қилинди

Шайх ҳазратларининг қаламларига мансуб «Ҳадис ва Ҳаёт» силсиласининг 19-жузи — «Оламларга раҳмат Пайғамбар» китоби қайта нашр бўлиб, сотувга чиқди.

Ушбу китобида Аллоҳ таоло яратган бандалари ичида энг афзали, пайғамбарларнинг охиргиси ва мукаммали бўлмиш Муҳаммад алайҳиссаломнинг муборак ҳаётлари билан мўтаъбар ҳадислар орқали яқиндан танишиб чиқасиз..

Марҳамат, «Оламларга раҳмат Пайғамбар» китобини харид қилинг!

👉 Нархи: 59 000 сўм

☎️ +998712175999

📨 @hilol_reception

🌐 Сайтдан буюртма беринг

📍 Манзилларимиз

@hilolnashr

Зикр аҳлидан сўранг

15 июля 2023 06:05

МУАЛЛИФЛИК ҲУҚУҚИ

@Savollar_kanal 13324-савол

Ассалому алайкум! Мен нотўғри йўллар билан муаллиф розилигисиз виндовс дастурини ва яна бир қанча дастурларни ишлатар эдим бу иш нотўғри эканлигини энди билдим Савол: Шунча даврдан бери шу йўл билан анча иш қилиб юборганман ҳисоблаб ҳам бўлмаса керак энди мана пулини тўлаб ишлатаяпман, ўтган шунча даврим учун нима каффорат бўлади? Компанияга бу пулни қайтаришни иложиси бўлмаса керак.

ЖАВОБ:

– Ва алайкум ассалом! Энди ўшаларни ҳақиқийсини сотиб олингда, уларга ёзиб розилигини олиб қўйинг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

14 июля 2023 18:05

ИБОДАТЛАР

@Savollar_kanal 13322-савол

Ассалому алайкум! 1). "Аср намозидан то шом намозни ўқиб бўлгунга қадар нафл намоз ўқиш макруҳи таҳримий ҳисобланади". Устозлар бу ерда кириш чиқиш вақти назарда тутилганми ёки ҳар бир одам ўзи аср билан шомни ўқиган вақт оралиғими? 2) Онамга секин асталик билан динни ўргатияпман, алҳамдулиллаҳ 5 маҳал намозни ўқишларига эриштим . Аммо аврат масаласида қийналияпман айниқса намоз пайтида. Намозда ҳамма ёпилиши керак бўлган жўйларини ёпадилару тўпиқни тоғри ёпмайдилар иштонлари калталик қилади қиёмда тўпиқ баробар бўлсаҳам руку ва сажда қилганда 5-6 см кўтарилиб кетади. Пайпоқ кийинг кўтарилмаслиги учун, намозда авратлар ёпилиши шарт десам ҳам хўп деп барибр ўз билганларидан қолмаяптилар. Ўқиган намозлари дурустми? 3)Уйда розғорни отам юритади. Отамни унча диндан хабарлари ёқ. Даъват қилишга ҳам қийналияпман. Алҳамдулиллаҳ касблари, топишлари ҳалол аммо маънавий нопокликдан холи эмас яни закот умуман бермаганлар тахминан 10-15 йиллик. Мен энди университетни тамомладим 2-3 ой ичида иншааллоҳ ишга кираман. Ҳалол яшашни ният қилганман. Менга машина ёки уй олиб бермоқчилар, шартмас ўзим ишлаб оламан десамҳам кўнмаяптилар. Энди мен шу машина ёки уйдан фойдаланишим уни ўз мулким қилиб олишим ҳалолми?

ЖАВОБ:

– Ва алайкум ассалом! 1). Ана шу вақтда нафл намоз ўқиш макруҳи таҳримийдир. Аср намозининг ўзини ўқишда ҳам шомдан 10-15 минут олдинга вақт макруҳ бўлиб, бунда аср зиммангиздан соқит бўлади, лекин макруҳлик билан адо бўлади. Чунки асрнинг икки вақти бўлиб, қуёш нури ўз ичига киргунича ўқиб олиш мустаҳаб. Нури ичига кириб кўзни олмайдиган ҳолатга келгандан ботгунча ўқиш макруҳ.
2). Намоз ўқишларидан олдин имкон қилиб ўзингиз ёки бирор киши пайпоқ кийдириб қўйинглар.
3). Ҳалол. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

14 июля 2023 14:05

ИЗОРГА СУВ СЕПИШ

@Savollar_kanal 13320-савол

Ассалому алайкум! Бир мўйсафид тахоратни қилиб бўлгач иштонининг олдига 3 маротаба сачратиб сув сепди. Нима амал бу деп сўрагандим шайтон ушлаб қолган озгина бавл кийимга текгани учун сув сепиш суннат амал деди. Илтимос шу тўғрида тушунча берсангизлар.

ЖАВОБ:

– Ва алайкум ассалом! Шундай ҳадис келган. 
عَنِ الْحَكَمِ أَوِ ابْنِ الْحَكَمِ، عَنْ أبِيهِ أَنَّ النَّبِيَّ صَلَّى اللهُ عَلَيْهِ وَسَلَّمَ بَالَ ثُمَّ تَوَضَّأَ وَنَضَحَ فَرْجَهُ. رَوَاهُ أَصْحَابُ السُّنَنِ.
Ал-Ҳакам ёки Ибн ал-Ҳакам отасидан ривоят қилади:«Набий соллаллоҳу алайҳи васаллам бавл қилдилар, сўнгра таҳорат қилдилар ва фаржларига сув сепдилар».«Сунан» эгалари ривоят қилганлар.Шарҳ: Таҳорат қилгандан сўнг фаржга сув сепиш ки­йимнинг устидан бўлади. Бу иш асосан шайтоннинг васвасасини рад қилиш учун маслаҳат берилади. Баъзи одамлар таҳорат қилиб бўлгандан кейин фаржидан сув чиқиб, кийимига текканга ўхшаб, иккиланиб қолади. Ана ўша нарса сув сепганда йўқ бўлади.Имом Термизий қилган ривоятда Пайғамбаримиз соллаллоҳу алайҳи васаллам:«Жаброил менга: «Эй Муҳаммад, таҳорат қилганингда сув сепиб юбор. Чунки шайтон фаржни ҳаракатлантиради», деди», деганлар.
 عَنْ أُبَيِّ بْنِ كَعْبٍ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: إِنَّ لِلْوُضُوءِ شَيْطَانًا يُقَالُ لَهُ الْوَلَهَانُ فَاتَّقُوا وَسْوَاسَ الْمَاءِ.
Убай ибн Каъб розияллоҳу анҳудан ривоят қилинади:«Набий соллаллоҳу алайҳи васаллам: «Таҳорат учун Валҳон деб айтиладиган шайтон бор. Сув васвасасидан сақланинглар», дедилар».Шарҳ: «Валҳон»нинг луғавий маъноси «ўта берилган» деганидир. Демак, шайтонларнинг ичида кишиларни таҳоратда васваса қилишга ўта берилганлари бор экан. Унинг васвасасидан эса таҳорат ва ғуслни бошлашда «Аъузу биллаҳи» ва «Бисмиллаҳи»ни айтиш билан, эътиборни ва хаёлни бир жойга қўйиб, турли шубҳали фикрлардан узоқда бўлиш билан сақланиш мумкин. («Ҳадис ва Ҳаёт» китобидан). Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

14 июля 2023 10:05

ЧЕТГА КЕТИШ

@Savollar_kanal 13318-савол

Ассалому алайкум! Устоз, институтда 4-курсда ўқийман. Курсдошларим, синфдошларим, жуда кўп ақли ҳуши жойида танишларимнинг четга кетиш ниятлари бор. Сабаби 2 та: бири Ўзбекистондаги иқтисодий-ижтимоий ўсишнинг қийинлиги, ҳукуматнинг бунга ҳеч қандай ёрдам бермаслиги, иккинчиси эса бу ерда тўлақонли Исломда яшашнинг қийинлиги экан. Улар билан кўп тортишаман, шу ерда ўша шароитларни ким яратади сиздек яхши кадрлар четга кетаверса дейман, мусулмон киши ватанпарвар бўлиши керак дейман, шунда улар мусулмоннинг қадами етган жойи ватани бўлаверади дейишади. Улар четга бориб билим ва кўникма орттириб қайтиб келишсаю зўр, лекин кўпчилигининг нияти кетиб қайтиб келмаслик. Бири Дубай деса бири Туркия дейди яна бири Америкага кетиш керак дейишади. Улар бу гапни айтишмаган бўлсада гапларидан ҳудди Ўзбекистондан кетишни ҳижратга тенглаштиришади. Балки бирон насиҳат берсангизлар уларга кўрсатармидим деб савол йўлламоқдаман.

ЖАВОБ:

– Ва алайкум ассалом! Ўзи етишиб чиққан диёрни ривожи, тараққиёти ва илмий салоҳияти учун ҳаракат қилиш мусулмон шахснинг вазифасидир. Илм ўрганиш, тажриба орттириш мақсадида сафар қилиш ва бошқа ўлкаларга боришга ислом дават қилади. Аммо ўзини ватанига исломий, иймоний ҳамда илмий амалий тарафдан ёрдамчи бўлиш ҳам ҳар бир фарзанднинг бурчидир. Ўз навбатида болаларга шароит қилиб бериш масулларнинг вазифасидир. Ибн Халдун роҳимаҳуллоҳ буни алоҳида такидлаганлар. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

14 июля 2023 06:05

ФИЛ СУРАСИ ХУСУСИЯТИ

@Savollar_kanal 13316-савол

Ассалому алайкум! Мени кўп қорним оғриб туради, дори ичаман ўтиб кетади, Аллоҳга шкур Қуръон ўқишни биламан, шу сабабли бир қори акамиз, Фил сурасини 11 марта ўқиб дам солинг қорин оғриғига ёрдам бериши мумкин деди. Бу нарса шариатда борми?

ЖАВОБ:

– Ва алайкум ассалом! Айни бу сўзлар билан ҳадис борлигини билмаймиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

13 июля 2023 18:05

ШЕРИКЧИЛИК

@Savollar_kanal 13314-савол

Ассалому алайкум! Мени бир дўстим бор. Касби сартарош. У хорижда ғайриддинларнинг юртида сартарошлик қилган. Мен у билан шерикчилик асосида иш қиламиз. Лекин ўйлаб қолдим. У дўстим хорижда ғайриддинларни сочини шариатда қайтарилган ҳолатларда олган ҳолатлари бўлган. Шунинг учун унинг пулида ҳаром аралашган бўлиб қолмайдими? Агар унинг пулида ҳаром бўлса у билан шерикчиликни узишим керакми? У билан шерикчиликдан топган пулимни нима қилишим керак?

ЖАВОБ:

– Ва алайкум ассалом! Сизни «ғайриддинларни сочини шариатда қайтарилган ҳолатларда олган» деганингиздан айнан нимани ирода қилганингизга тушунмадик. Шариат ҳаром қилган ишлардан топгани ҳам ҳаром бўлади. Агар қиладиган ишининг кўпи шариатга мувофиқ бўлмаса, у билан муомала қилманг. Агар ишининг бир қисми шундай бўлса, дўстингизнинг ҳамма пули ҳаром бўлмайди. У билан шерикчилик қилсангиз бўлади. Албатта унга насиҳат қилиб, ўша ишларни қилмаслиги кераклигини тушунтиринг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

13 июля 2023 14:05

ОЗ МИҚДОРДАГИ СУЮҚЛИК

@Savollar_kanal 13312-савол

Ассалому алайкум! Ман тахорат об бўганимдан кейн олди авратими текшираман. Нажосат чиқмаганлигига амин бўлиш учун. Базида намоз ўқиб тугатганимдан кейн авратимни учини текширсам оз миқдорда суюқлик кўраман лекин ич кийимимга хеч қанақа намлик ўтмаган бўлади. Шунда намозни бошидан ўқишим керакми ёки намозим жоизми?

ЖАВОБ:

– Ва алайкум ассалом! Агар тешикдан чиқиб ёйилмаган бўлса, таҳорат ҳам намоз ҳам бузилмаган бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

13 июля 2023 10:05

1ХБЕТДА ЮТИЛГАН ПУЛНИ ЭХСОН ҚИЛИШ

@Savollar_kanal 13310-савол

Ассалому алайкум! Мени бир савол қийнаб келади кўпчилик танишларим 1хбетга пул тикишади ва анчагина даромад олишади мен охири ёмон бўлади олган пулинг харом десам масжидга эхсон қилиб қўямиз бўлди ҳалол бўлади дейишади. 1хбетдан ютган пули харом тўғри, лекин қилган эхсонига ажри бўладими? Улар қилган эхсонидан ажр олишадими? 2.Уларнинг эхсонини (1хбет ўйнашини била туриб) олган одам каффорат тўлаши (тавба қилиши) керакми?

ЖАВОБ:

– Ва алайкум ассалом! 1). Ҳаромдан озгина эҳсон қилса, ҳалолга айланади деган эътиқодда бўлган одам шариат бўйича  кофир бўлади. Ҳаромдан топилган нарсадан эҳсон қилганидан савоб бўлмайди. Қилган эҳсонларига ажр олишмайди.
2). Ҳаромдан пул топадиган кишининг эҳсонини олмаслик керак. Олган бўлса, савоб умид қилмасдан фақир мискинга бериб юбориш лозим. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

13 июля 2023 06:54

#янгилик

«Бахтиёр оила» китоби (30-нашр) қайта нашр қилинди

Шайх Муҳаммад Содиқ Муҳаммад Юсуф ҳазратларининг қаламларига мансуб «Бахтиёр оила» китоби қайта нашр қилиниб, сотувга чиқди.

Бугунгача оила борасидаги долзарб маълумотларни ўз ичига олган «Бахтиёр оила» асари 30-марта қайта нашр қилинди ва жами 299 000 ададда чоп қилинди.

Китобда инсонга икки дунё саодати йўлини кўрсатиб берган Ислом динининг бахтли, саодатли оила қуриш, эр-хотиннинг ҳуқуқлари, бурч ва мажбуриятлари, ота-онага, қайнота-қайнонага муносабат, келин ва куёв танлаш, ақийқа, фарзанд тарбияси, талоқ, идда ва шу каби кўплаб долзарб мавзулар келтирилган. Оятлар, ҳадислар ҳамда салаф солиҳларнинг ҳаёти мисолида мусулмоннинг бахтли оилавий ҳаёт дастури кўрсатиб берилади.

Китобни «Hilol Nashr» нашриётининг дўконларидан харид қилишингиз ёки kitoblardunyosi.uz онлайн саҳифамиздан буюртма беришингиз мумкин.

👉 Нархи: 68 000 сўм

☎️ +998712175999

📨 @hilol_reception

🌐 Сайтдан буюртма беринг

📍 Манзилларимиз

@hilolnashr