Зикр аҳлидан сўранг

01 июля 2023 18:05

ИСМ ЎЗГАРТИРИШ ҚАНДАЙ АМАЛГА ОШИРИЛАДИ?

@Savollar_kanal 13218-савол

Ассалому алайкум шайх жаноблари.Мен Иброхим угли Ахроржоннинг аёллари Гуломжон кизи Дилафруз.Мен исмимни узгартирмокчиман.Шаръият буйича кандай амалга оширсам булади.Менга маслахат берсангиз.Олдиндан рахмат.

ЖАВОБ:

– Ва алайкум ассалом! Яхши исмни танлаб танишларга исмингизни ўзгартирганингиз ҳақида айтиб қўясиз. Бошқа гап йўқ.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

01 июля 2023 14:05

ҚИЗЛАРГА БАЙЪАТ БУЮРИЛГАНМИ?

@Savollar_kanal 13216-савол

Ассалому алайкум .Мен 2004 йил тариқат йўлида пирга қўл бериб байъат қилгандим. Ҳазратимиз бераётган вазифаларни ўз вақтида қила олмаяпман бу билан мен гуноҳкор бўламанми. Ҳазрати Ғавсул Аъзам тариқатидаман «Қодирия». Шуни билмоқчи эдим. Вазифаларни тўхтатиб бўлмайди биламан, аммо ўқишдаман ҳозир. Ўзи қизларга байъат буюрилганми?

ЖАВОБ:

– Ва алайкум ассалом! Қизлар байъат қилсалар бўлади. Иложи борича вазифаларни бажаришга ҳаракат қилинг. Ҳазратингиз ўқишда эканингизни эътиборга олиб, сизга енгил вазифа бериши керак эди. Аммо буни мулоҳазасини қилмай сизни қийнабди.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

01 июля 2023 10:05

МУСУЛМОНЛАРГА КОФИРЛАР ТАМОНИДАН БЕРИЛГАН САВОЛЛАР ҲАҚИДА

@Savollar_kanal 13214-савол

Ассалому алайкум ҳурматли Шайх ҳазратлари.Бизга маълумки Аллоҳни қўлидан ҳар бир иш келади. Шу хақида бир савол учраганди жавоб топа олмаган эдим.Пайғамбаримиз замонларида кофирларни даьват килишда мусилмонлар тушинтириш ишлари олиб борганлар ва шу музокара булган экан "Аллоҳни қўлидан ҳамма иш келади" деган у мусилмонларга кофирлар "Агар Аллоҳни қўлидан ҳамма иш келса, ўзига ўхшаган Аллоҳ ярата оладими?" деган эканлар. Бу саволга сизнингча мусилмонлар нима деб жавоб беришган экан? мени шу савол қийнайди, бу билан Аллоҳга очик ширк келтирмаганмикан?

ЖАВОБ:

– Ва алайкум ассалом! Бу гапнинг асли йўқ. Агар бўлганда мусулмонлар дарҳол, бундай аҳмаќона саволга жавоб бермаймиз, дейишарди. Бошқа бирлари, Аллоҳ Ўзи кўтара олмайдиган тошни ярата оладими? деган аҳмақона саволни ҳам тўқишган. Тариқча ақли бор одам ўз-ўзидан Аллоҳнинг қудратини билиб олади ва улардек бунга ўхшаш саволни беришни ўзига ор деб билади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

01 июля 2023 06:05

ШАХСИЙ ФИКР, ТАКЛИФЛАР

@Savollar_kanal 13212-савол

Ассалому алайкум ҳурматли Шайх жаноблари. Сизнинг бераётган саволларинингиздан беҳад хурсандмиз. Аллоҳ бизларни ҳам сиздек илмга эришишликни тақдир этсин. Берилган жавобларингиздан янада саволларим кўпаймоқда.1. Шу форумни ТВ да намойиш қилиш иложи борми? 2. Берилган жавобларингизни босмадан чиқариб, далил сифатида ишлатсак бўладими (тижорат мақсадида эмас)?

ЖАВОБ:

– Ва алайкум ассалом! Бўлмайди.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

30 июня 2023 18:05

ҒИЖДУВОНИЙ ҲАМАДОНИЙ ТАЪЛИМОТГА ҚАНДАЙ ҲИССА ҚЎШГАН?

@Savollar_kanal 13210-савол

Ассалому Алайкум ҳурматли шайх ҳазратлари. Бази бир китобларда айтилишича, Хожа Абдулхолиқ Ғиждувоний(1103-1179) Хамадоний таълимотини ҳар томонлама бойитиб амалиётга зикри хуфияни олиб кирди ҳамда Хожагонликни 8-таРашхасини(қонун-қоида) шакиллантириб берди. Айтингчи ушбу қонун қоидалар нималардан иборат ва уларга нималаркиради? Жавобингиз учун олдиндан рахмат.

ЖАВОБ:

– Ва алайкум ассалом! Бир куни Хожа Абдулхолиқ Ғиждувоний раҳматуллоҳи алайҳи ўз устозларига Аъроф сурасидаги «Роббингизга тазарруъ ила ва махфий дуо қилинг. Зотан, У ҳаддан ошувчиларни севмас» ояти ҳақида «Махфийликнинг ҳақиқати ва хафий зикр қандоқ бўлур? Агар инсон зикр ва дуони ошкора қилса, риёкорлик хавфи бор. Орага риё киргач ҳақиқий зикр ва дуо бўлиши мумкин эмас», дедилар.Бу ва бунга ўхшаш фикрлар самараси ўлароқ Аллоҳ таолонинг инояти ила у киши нақшбандия тарийқатида зикри хафий ва вуқуфи ададий жорий бўлишига сабаб бўлдилар.Шунингдек, «нафий ва исбот» йўли ила бўладиган зикр ҳам айнан Хожа Абдулхолиқ Ғиждувоний раҳматуллоҳи алайҳининг номлари ила боғлиқдир. Бунда бошни эккан ҳолда нафасни тутароқ еттидан йигирма бир мартагача «лаа илаҳа иллаллоҳ»ни қалбдан зикр қилиш ила бошланур. Бу ҳам зикри хафий, ҳам нафйи исбот ва ҳам ҳаққоний муроқабадир.Хожа Абдулхолиқ Ғиждувоний раҳматуллоҳи алайҳи йигирма ёшларида шайх Юсуф Ҳамадоний ҳазратлари ила кўришдилар ва у зотдан дарс ола бошладилар. Кейинроқ кўзга кўринган машойихларнинг бирига айландилар.Хожа Абдулхолиқ Ғиждувоний раҳматуллоҳи алайҳи нақшбандия тарийқатида ўн бир асосга эга бўлган дастур ишлаб чиқдилар. Бу дастурнинг сайри сулукка кирган ҳар бир кишига билиш жуда ҳам зарурдир:1. Хуш дар дам.Хуш сўзи ақл-хуш, хушёрлик маъноларини, дам эса нафас маъносини билдиради. Бу шиордан ҳар бир олинган ва чиқарилган нафасда хушёр бўлиш, Аллоҳни эсдан чиқармаслик маъноси ўз аксини топган. Яъни, сўфий ҳар нафасида Аллоҳни ёд этиб туриши лозим.2. Назар ба қадам.Қадамга назар солиш. Бу шиорга биноан сўфийга юрганда доимо оёғининг учига назар солиб юриши тавсия қилинади. Яъни, турли ҳаром нарсаларга назари тушишининг олдини олиш лозим.3. Сафар дар ватан.Ватанга сафар қилиш. Бу шиорда ҳар одимда аслига ва Ҳаққа сафар қилиш маъноси бўлиши кераклиги олдинга сурилган.4. Хилват дар анжуман.Анжуманда хилват қилмоқ. Бу шиорда сўфий ўзи халқ ичида турган бўлса ҳам Ҳақ билан холий бўлиш малакасига эга бўлиши кўзда тутилган.5. Ёд кард. Ёд эт. Бу шиорда нафасни тутиб туриб тил ва дил билан бирданига тавҳид зикрини қилиш кўзда тутилган.6. Бозгашт.Сўнгра ўт. Бу шиорда мақсад ва матлаб фақатгина Аллоҳнинг ризоси бўлиши розилиги кўзда тутилган. Бунда солик зикр қилиб бўлгач «Илоҳи анта мақсуди ва ризока мақсуди» дейди ва бунинг маъносини ўйлайди. Бунинг маъноси эса, Илоҳим, Сен мақсудимсан ва розилигинг матлубимдир, деганидир.7. Нигоҳ дошт.Нигоҳ сол. Бу шиорда қалбни хавотирдан сақлаш кўзда тутилган. Бу орқали қалбга Аллоҳнинг муҳаббатидан бошқа нарса кирмаслиги таъминланади. 8. Ёд дошт.Ёдга ол. Бу шиорда ҳар лаҳзада Аллоҳ таолони ёдда тутиш кўзда тутилган.9. Вуқуфи замоний.Замондан воқиф бўлмоқ. Бу шиорда солик ўзи яшаётган замонни билмоғи ва ундан унумли фойдаланмоғи кўзда тутилган.10. Вуқуфи ададий.Ададдан воқиф бўлмоқ. Бу шиорда сўфий зикр қилишда унда талаффуз қилинадиган лафзларнинг ададига алоҳида эътибор бериши кўзда тутилган. 11. Вуқуфи қалбий.Қалбдан воқиф бўлмоқ. Бу шиорда қалбни Аллоҳнинг зикри, фикри ва амри ила машғул қилмоқ ҳақида сўз кетади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

30 июня 2023 14:05

ЭРКАК КИШИ ҒУСЛ ҚИЛАЁТГАНДА ИЧКИ КИЙИМИНИ ЕЧМАСЛИГИ КЕРАКМИ?

@Savollar_kanal 13208-савол

Ассалому алайкум ҳурматли Шайх Мухаммад Содиқ ҳазратлари. Мени анчадан буён бир савол қийнайди. Эшитишимча, эркак киши чўмилаётганда (ғусл қилаётганда) ички кийимини ечмаган ҳолатда чўмилиши керак экан. Бу гап тўғрими? Аллоҳ сизни Ўз паноҳида асрасин.

ЖАВОБ:

– Ва алайкум ассалом! Авратини беркитган ҳолда чўмилгани афзал ҳамда одобдандир, дейилса яхши бўлади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

30 июня 2023 11:04

Ehromdagi odam taqiqlangan ishni qilib qo‘ysa nima bo‘ladi

Зикр аҳлидан сўранг

30 июня 2023 08:05

ПРОПАНДА ЛЕВА ИШ

@Savollar_kanal 13205-савол

Ассалому алайкум! Ахолига суйултирилган газ (пропан) йеткизиб берадиган давлат ташкилоти берадиган пропан ахолига арзон нархда олиб келишади бир ойда бир келади ахоли уйига рўзгорга ишлатади, енди навбатдан ташқари ўша ташкилотдаги ишчилар ёки таниш билиш ортириб балонларни дамлаб берадиган лар бор ўшалар билан гаплашиб лева қилиб пропан балонлар икки баравар қиммат нархга сотишади одамлар олади олиб уйига ишлатади йана запрафкада кимман деб машинага ўткизиб кира килади шу лева қилинган нарсадан фойдаланиш жоизми?

ЖАВОБ:

– Ва алайкум ассалом! Давлат ёки хусусий ташкилот мулкини ўғирлаб сотишаётган бўлса албатта ҳаром бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

30 июня 2023 05:04

Ketma-ket qilingan umra uchun hajning savobi beriladimi

Зикр аҳлидан сўранг

29 июня 2023 18:05

ИСМНИ ОҒЗАКИ ЎЗГАРТИРИШ УЧУН НИМА ТАЛАБ ҚИЛИНАДИ?

@Savollar_kanal 13202-савол

Агар мен исмимни Абдураҳмонга оғзаки ўзгартирсам яъни, мени шундай чақиришларини хоҳласамда бунинг учун мендан нима талаб қилинади? Раҳмат!

ЖАВОБ:

Ассалому алайкум! Ҳеч нарса талаб қилинмайди.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

29 июня 2023 14:05

ҲАЛОЛ ДЕБ ЁЗИЛГАН СОСИСКА ВА КОЛБАСАЛАРНИ ИСТЕЪМОЛ ҚИЛИШ ЖОИЗМИ?

@Savollar_kanal 13200-савол

Ҳалол деб ёзилган сосиска ва колбасаларни истеъмол қилиш жоизми? Баъзида шубҳа уйғотади. Лекин ёзилган ҳалол сўзи сал ўйлантиради.Сиз тақводор ёшларга қандай маслаҳат берган бўлардингиз? Сизга маълум ва машҳурлари бўлса айтинг илтимос! Раҳмат!

ЖАВОБ:

Ассалому алайкум! Ёзилса ҳам, суриштириш керак.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

29 июня 2023 11:04

Hajdan qaytgan kishi qiladigan amallar

Зикр аҳлидан сўранг

29 июня 2023 08:05

ҚИМОР ЭМАСМИ

@Savollar_kanal 13197-савол

Ассалому алайкум! Ман инглиз тили бўйича мусобақа қилмоқчи эдим. Мусобақа шарти бўйича ўқилган инглиз тили бўйича саволларни ечиш. Ким кўп тўғри ва тез топса ўша ғолиб бўлади. Инглиз тили китоби ва саволларни эса бизни сайтимиздан пул эвазига сотиб олишади ва мусобақа қилишади. Шундай мусобақа қиморга кириб қолмайдими? Саволларни ўзимиз тузамиз, ҳеч қаердан кўчирмаймиз

ЖАВОБ:

– Ва алайкум ассалом! Кўпчилик томонидан ўртага пул ташланиб, охири ютуқни бир киши олиши бу қимор ҳисобланади. Ўйинга қатнашмайдиган учинчи томон пул тикса жоиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

29 июня 2023 05:04

Uch ulug‘ masjidda o‘qilgan namozlarning savoblari

Зикр аҳлидан сўранг

28 июня 2023 18:05

АЁЛ ЭРИНИНГ НАФСИНИ КАМ ҚОНДИРСА НИМА ҚИЛМОҚ КЕРАК?

@Savollar_kanal 13194-савол

Аёл эрини ҳурмат қилса ва айтганларини қилса лекин фақат бир нарсада ожиз болса, яни эрини нафсини кам қондирса шунда эр нима иш қилиши керак?2чи аёлга уйланиш нияти бор эди лекин ортиқча мажбурият ва адолат қила олмасликдан қорқдим.Шунинг учун ҳам ишда, кочада, йигинларда нафсим бузилиб кетишидан қорқаман.Нима қилай айтинг?Раҳмат!

ЖАВОБ:

Ассалому алайкум! Аёлингиз бемор бўлса, кўрсатинг. Унгача нафл рўза тутиб турсангиз фойда беради. Номаҳрамларга назар солиш гуноҳ эканини, Аллоҳ назар солиб турганини унитмасликка ҳаракат қилинг.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

01 июля 2023 16:05

БИР НЕЧТА САВОЛЛАРИМ

@Savollar_kanal 13217-савол

Ассалому алайкум! 1. Мен намоз ўқишни бошладим аммо ўзим ИИО сафади ишлиман шу сабабли хозирда фақат бомдод намозини хамда ишдан келганимдан кейин хуфтон намозини (гарчи хуфтон намозини вақти ўтиб кетса хам) ўқимоқдаман. Шу сабабли орада ўқимаётган пешин, аср ва шом намозларини қай тартибда ўқиман. 2. Намозни янги бошлаганим учун хозирда Фотиха сурасидан кейин фақат "Ихлос" , "Кавсар", "Фалақ" ва "Нос" сураларини биламан қолганларини ёдлашга харакат қилмоқдаман. Ушбу зам сураларни қайта қайта ўқисам нотўғри бўлмайдими. 3. Намоз ўқишни бошлаганимдан сўнг тағин ушбу холат бўлганлиги учун намозни ўқишни бошлабди деган хаёлга борманглар. Хозирда аёлим билан уришиб қолганман ва биз сал кам 5 ойдан буён яшамаяпмиз. Мен унга жахл устида талоқ қуйиш мақсадида эмас агар мани топиш тутишим ёқмаса мани топаётган даромадим камлик қивотган бўлса ўзингга бойроқ эр топиб олгин деб айтганман шу гапимдан кейин аразлаб кетиб хозирда бирга яшамаяпмиз уйидан нарсаларини хам олиб кетган. Хозирда ярашишга харакат қилмоқдамиз. Бу ўринда хотиним билан никоҳим бузилганми? талоқ тушганми? у мени алиментга судга хам берган. Фарзандларимни моддий жиҳатдан таъминламоқдаман

ЖАВОБ:

– Ва алайкум ассалом! 1). Фарзларини ўзини бўлса ҳам вақтида ўқишга ҳаракат қилинг. Мабодо қазо бўлса, имкон бўлганида тез қазосини ўқиб оласиз. Хуфтон намозининг вақти азон айтгандан бомдод намозининг вақти киргунча.
2). Нотўғри бўлмайди.
3). Талоқ ниятида айтмаган бўлсангиз талоқ тушмайди. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

01 июля 2023 12:05

МАКРУҲ БЎЛГАН ВАҚТДАГИ НАМОЗ

@Savollar_kanal 13215-савол

Ассалому алайкум! Мен уйга ишдан кеч қайтганлигим сабаби баъзида чарчаб уҳлаб қолиб, бомдод намозига уйғонган пайт (яъни бомдод намози вақти киришига 20-30 дақиқа) ҳуфтон намози ўқиб олардим. Бугун билиб қолдимки бу пайт намоз макруҳ ҳисобланар экан. Ўз вақтида ўқиган ва бомдод вақти киришига оз қолган вақтда ўқиган ҳуфтон намозимни ададини аниқ билмиман. Бу шароитда қандай йўл тутишимни тушунтириб берсангиз.

ЖАВОБ:

– Ва алайкум ассалом! Бамдодни вақти кирмасидан олдин хуфтонни ўқилса хуфтон адо бўлади. Кечани ярмидан кейинга кечиктириш макруҳ бўлади, бунчалик даражада кечиктиришга одат қилмаслик керак. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

01 июля 2023 08:05

ЭРИМ БИЛАН ОЛДИН ИНОҚ ЭДИК

@Savollar_kanal 13213-савол

Ассалому алайкум! Эрим билан орамиз узоқлашиб кўп уришиб қоляпмиз деярли хар куни бир биримиздан совиб кетяпмиз. Олдин иноқ эдик хозир ундай эмас. Маслахат берин нима қилай қайси дуони ўқий?

ЖАВОБ:

– Ва алайкум ассалом! Дуо билан иш битганида эди, ҳамма дуо қилиб юраверар эди.Бир аёл эрининг устидан шикоят қилиб, бир аҳли илмнинг олдига келибди. Шунда масалани яхшилаб эшитган илмли киши, бир идишда сув бериб «буни, қачон эрингиз билан жанжал бошланганида оғзингизга олиб, ютманг ҳам, чиқариб ҳам юборманг. Ин шаа Аллоҳ тез орада жанжаллашмай қоласизлар» дебди. Орадан бир қанча вақт ўтгач ўша аёл миннатдорчилик билдиргани келиб, оилада жанжаллар буткул тўхтаганини айтибди. Шунда олимнинг шогирдлари «Устоз сувга нима ўқиб дам солган эдингиз. Келажакда шундай ҳолатга тушсак, биз ҳам қўллаймиз» деганида, «Мен ҳеч нарса ўқимадим, эътибор бериб қарасам жанжалнинг сабаби аёлнинг тилидан экан. Шунга сукут сақласин деб шу усулни қўлладим» деган экан. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

01 июля 2023 04:05

ВАКЦИНАДАН КЕЙИН ТАҲОРАТ ҚИЛМАДИМ

@Savollar_kanal 13211-савол

Ассалому алайкум! Ҳозирги кунда ваксина одамлар ваксина олишмоқда мен ҳали олганимча йўқ лекин олмоқчиман. Ваксина олгандан сўнг 3 камида 3 кунгача сувга тегишмасин дейилмоқда. Сувга теккан кишини ахволи оғирлашганини гувохи бўлдим. Агар мен ваксина олсам намоздаги тахорат масаласи нима бўлади. 2. Намозни масжидда ўқимасликда гунох йўқми. 3. Шароити бўла туриб масжидда ўқимасликда-чи?

ЖАВОБ:

– Ва алайкум ассалом! Вакцина олган сув теказмасин дегани таҳорат ҳам қилмасин дегани эмас. Ғусл қилишда 2-3 кун ўша укол қилган жойнинг ўзига сув тегмасин дейишади. Сиз намозларни қолдирманг. Таҳорат қилиб ўқийверинг. Масжидда ўқишни фазли катта шунинг учун уни доимий сабабсиз тарк қилмаслик лозим. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

30 июня 2023 16:05

ЎҚИШДА ПЕШИН БИЛАН АСРГА ВАҚТ БЎЛМАСА

@Savollar_kanal 13209-савол

Ассалому алайкум! Мен намозни бошлаганимга Алхамдулиллах 2ой бўлади. Мен таътилда ўқиб бошлагандим. Олдин ўқишимиз 1-сменада эди. Хозир ўқиш 6-сентабрдан 2-сменага кўчибди соат 13:00га. Соат 13:00 да кирганнан то аср вақти ўтиб кетгунича ўқишда бўламиз. Уйга боргунча 1 ярим соатсиз бора олмайман чунки бошқа шахардан қатнайман кунда. Нима қилсам бўлади. Ўқитувчиларга айтиб бироз вақтга дарсни тарк этиб ўқий десам, яқинда устозимиз дин, намоз хақида гапирган эди қани ким 5 вақт намоз ўқийди деб сўраганларида факултетимиз бўйлаб хеч ким индамади, хеч ким ўқимас экан. Шунда устозимиз "тўғри қиласиз, хали вақт кўп, хозр ўқишингизга улгурмайсиз, қариганда ўқийверасз" - деди.

ЖАВОБ:

– Ва алайкум ассалом! Ҳозирги кунда тошкент вақти билан пешин вақти 12:22да кирмоқда. Вақти кириши билан сиз ўқиб олиб мактабга кетишингиз мумкин. 17:00дан 19:00гача асрни ҳам ўқишингиз мумкин. Намозларни қолдирманг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

30 июня 2023 12:05

АЛЛОҲНИ ЭСЛАШ

@Savollar_kanal 13207-савол

Ассалому алайкум! Устозлар бугун телеграм каналларизда зикр аҳлидан соранг гуруҳида шундай савол болган экан яни АЛЛОХНИ ТАССАВУР ҚИЛИШ @Саволлар_канал 9479-савол Ассалому алайкум! Аллоҳни тассавур қилиш мумкин эмаслигини, бу нарса ширк эканлигини биламан. Баъзида шу ўзим хохламаган холда тассавур қилиб қояман. Шундай холларда нима қилай маслахат беринг. Аллоҳга ширк келтиришдан қўрқаман. ЖАВОБ: – Ва алайкум ассалом! Тасаввур қилманг. Шу ҳолат келса, тезда бошқа нарса билан чалғинг. Бошқа гап йўқ. Валлоҳу аълам! Шу ҳолатда мен олимни ва Аллоҳни коп эслаб тураман ва номозда ҳам Аллоҳни кориб тургандай ёки Аллоҳ мени кориб тургандай тасаввур қилиб номоз оқишга ҳаракат қиламан мен ҳаёлни бошқа нарса билан банд қилсам ҳам барибир яна шу ҳаёллар келаверадида яни Аллоҳни эслаганда беихтиёр қандайлигини тасаввур қилиб эслайман мен бундан қутила олмаяпман саволда берилгандай ширк боладими бу илтимос менга ёл корсатинг Жавобингиз учун олдиндан рахмат

ЖАВОБ:

– Ва алайкум ассалом! Ёдлаган сураларингизни маъноларини ҳам ёдлаб, зам сура қилаётганингизда маъноларини тафаккур қилиб ўқинг. «Руҳий тарбия» китобини ўқинг ва ўқиганларингизга амал қилинг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

30 июня 2023 10:05

ТАҲОРАТДАН СЎНГ ЮЗГА СПИРТ СУРТСА ТАҲОРАТ БУЗИЛАДИМИ?

@Savollar_kanal 13206-савол

Ассалому алайкум ҳурматли шайх ҳазратлари. Иккита саволим бор эди. 1. Мен ҳар куни ҳуфтон намозини ўқиш учун таҳорат олганимдан кейин, юзимда (касаллик бўлгани учун) спирт, ва ҳар хил дорилар суртаман. Ундан кейин намоз ўқийман . Бу нарсаларни суртгандан сўнг таҳорат бузилмайдими? 2. Мен намоздан кейинги ва Қуръон тиловатидан кейин қиладиган дуони қоғозга ёзиб олиб ўқийман. Шу ишим тўғрими? Жавобингиз учун олдиндан раҳмат. Аллоҳ сизни ҳамиша Ўз паноҳида асрасин!

ЖАВОБ:

– Ва алайкум ассалом! 1. Мазкур нарсаларни суртганингиз учун таҳорат бузилмайди. Аммо шу ишларни намоздан кейин суртсангиз, яна ҳам яхши бўлади. Ўзингиз ҳам шубҳаланмайсиз. 
2. Яхши. Кўпрқ ўқиб ёдлаб олсангиз яна ҳам яхши бўлади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

30 июня 2023 06:05

ИТОАТСИЗ АЁЛИМДАН ЎҒЛИМНИ ОЛСАМ БЎЛАДИМИ?

@Savollar_kanal 13204-савол

Ассалому алайкум Шайх ҳазратлари.Бир масала мени қийнайди. Кўп йиллар беморлигим сабаб 34 ёшимда уйландим. Аранг бир йил тинч яшадим. Аёлимнинг аммаси оиламизга аралашди ва тинчлик йўқолди. Оқибатда аёлим итоатсизлик қила бошлади. Бир неча бор қайнотамга оиладаги келишмовчилик сабабчиси синглиси (аёлимнинг аммаси) эканлигини айтдим. Эътибор бермади. Натижа ўлароқ аёлим кекса отамни ҳақоратлашгача борди ва мен уни уйига жўнатиб юбордим. Бу воқеа 5 апрель куни эди. Орадан 7 ой ўтиб 6 октябрда қайнотам (синглиси билан иккови) келиб менга дағ-даға қилиб кетишди. Мен уларга мен ёлғиз Аллоҳдан қўрқаман камбағал бўлсам ҳам эрлик ғурурим бор. Итоатсиз қизингизни хотин қила олмайман. Отасиз, холис туриб ёндашганингизда бунчаликка бормаслиги мумкин эди, десам у киши сени қўлинга кишан тақаман деди. Узр, мен фақат Аллоҳдан қўрқаман десам у, киши ўша худойингга ҳам керак бўлса буюртирамиз деди. (Астағфируллоҳ) Шундан сўнг мутлақо умидимни уздим. Аммо 3 яшар ўлим кўз олдимдан кетмаяпти. Ўғлимни динсизлар қўлидан олсам бўладими? Энди бир тақводор қизга уйланмоқчиман (иншааллоҳ, насиб этса) сиз қандай йўл кўрсатасиз жавобингиз учун олдиндан раҳмат. Аллоҳ сиздан рози бўлсин!

ЖАВОБ:

– Ва алайкум ассалом! Шариат ҳукми бўйича ёш бола онаси билан бўлиши керак. Ўғлингиз бор экан, сабр қилиб оилангизни бузмасангиз яхши бўлади. Аччиқ устида ҳар хил ҳолатлар бўлади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

30 июня 2023 04:05

ЖИНСИЙ ҚУВВАТНИ ОШИРУВЧИ МАХСУЛОТЛАРНИ РЕКЛАМАСИ

@Savollar_kanal 13203-савол

Ассалому алайкум! Мен телеграмда каналим бор. Менга жинсий кувватни кучайтирувчи ва жинсий алоқа вақтини узайтириш бўйича махсулотларни рекламаси килиб беришимни сўрашяпти. Мен жинсий кувватни кучайтириб жинсий алоқа вақтини узайтириш деб шу махсулотни реклама қилсам жоизми? Мен шу махсулотни реклама қилиб ёмон нарсани тарғиб қилиб қолган бўлмайманми?

ЖАВОБ:

– Ва алайкум ассалом! Аслида таркиби ҳалол бўлса, тарғиб қилиш мумкин. Лекин бунга муҳтож бўлган тақводор одамлар рекламасиз ҳам шифокорларга учраб у нарсаларни топиб олишади. Бошқа мақсадларга ишлатадиганларга етиб боришига сабаб бўлмаслик учун рекламасидан сақлансангиз яхши бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

29 июня 2023 16:05

ЖАНОЗАДА 40 КИШИ ҚАТНАШСА ГУНОҲЛАРИ КЕЧИРИЛДИМИ

@Savollar_kanal 13201-савол

Ассалому алайкум! Жаноза намозида 40 та киши қатнашса ва тўғри амалларди бажарса, ўша ўлган инсонни Аллоҳ таоло кечиради деган гап эшитдим. Бенамоз инсон вафот этса ва жанозасида 40 та инсон қатнашса, у ўлган инсонни ҳам Аллоҳ таоло кечирадими?

ЖАВОБ:

– Ва алайкум ассалом! Ҳаётдаги фарз амалларига ва шариатга итоатига қаралади. Вафот этганларнинг охирати савол жавоби Аллоҳга ҳавола. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

29 июня 2023 12:05

НАМОЗДАГИ НИЯТ

@Savollar_kanal 13199-савол

Ассалому алайкум! Мен ишда вақтим намозда имомликка ўтаман. Кеча бир ҳолат бўлди Шом намозини ўқиш учун сафландик Аллоҳу акбар деб такбир айтиб қўлни боғлаганимдан сўнг ният қилдимми ё‘қми деб иккиландим ва қайтадан ният қилиб қайтадан такбир айтиб қўлни боғладим бу пайтда эргашувчилар биринчи такбир тушурганимда қўлини боғлаган эди ва мен билан қайта такрорламади. Бу мени айбим эди лекин уларнинг намози намоз бўлдими бўлмадими ҳавотирдаман.

ЖАВОБ:

– Ва алайкум ассалом! Ният қалбга оида нарса. Агар шомдан олдин айнан шом намозига ҳозирлик кўраётганизи билсангиз намозни фарзи бўлган ниятига кифоя қилади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

29 июня 2023 10:05

ҚАЙСИ СУРАНИ ЎҚИБ ЮРСА АЛЛОҲ БОЙЛИК БЕРАДИ?

@Savollar_kanal 13198-савол

Ассалому алайкум Шайх ҳазратлари! Бойиб кетиш учун «Мулк» сурасини ҳар кечада ўқиб туриш керак дейишди.Баъзилар эса «Воқеа» сурасини ҳар куни ўқишни таклиф қилишди.Қайси сурани ёки дуони ўқиб юрсак Аллоҳ эсни оғдириб қўймайдиган бойлик беради? Агар сизга маълум бўлса шуни бизга билдирсангиз.Раҳмат!

ЖАВОБ:

– Ва алайкум ассалом! Бойликни сўраб дуо ёки баъзи сураларни ўқишнинг ўзи кифоя қилмайди. Балки ўша нарсага сабаб бўлувчи ишни ҳам талабга яраша амалга ошириш керак.Абдуллоҳ ибн Масъуд розиялоҳу анҳу ўлим тўшагида ётганларида халифа Усмон ибн Аффон розияллоҳу анҳу кўргани келибдилар ва у кишига,«Нимадан шикоятинг бор?», дебдилар. Шунда Абдуллоҳ Ибн Масъуд: «Гуноҳларимдан», деб жавоб берибдилар.«Нимани хоҳлайсан?» деб сўрабдилар ҳазрати Усмон. «Роббимнинг раҳматини», дебди Абдуллоҳ ибн Масъуд. «Сенга табиб юборайми?» дебдилар ҳазрати Усмон. «Табиб (яъни Аллоҳ) Ўзи касал қилди», деб жавоб қилибдилар Абдуллоҳ ибн Масъуд. «Бўлмаса, моддий ёрдам беришни буюрайин. «Менинг унга ҳожатим йўқ! «Сенга бўлмаса, кетингдан қолган қизларингга керак бўлар». «Менинг қизларимни камбағал бўлишларидан қўрқяпсанми?! Менинг бешта қизим бор. Барчаларига ҳар кечада «Воқеа» сурасини ўқишни буюрганман. Чунки, Пайғамбаримиз алайҳиссаломнинг, ким «Воқеа» сурасини ҳар кечада ўқиса, камбағаллик ва ҳожатмандлик кўрмайди, деганларини эшитган эдим, - деган эканлар Абдуллоҳ ибн Масъуд.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

29 июня 2023 06:05

УЙДА ҲАЙВОН БОҚМАСА КЕЛГАН БАЛО УЙ ЭГАСИГА УРАДИМИ?

@Savollar_kanal 13196-савол

Уйда уй ҳайвонларини боқиш керак, акс ҳолда бало келса уй эгасига уради дейишмоқда.Шу гап ростми? Балиқ боқса ҳам уй ҳайвони ҳисобида ўтаверадими? 

ЖАВОБ:

Ассалому алайкум! Бу гап бидъат, хурофот ва гумроҳликдан бошқа нарса эмас.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

29 июня 2023 04:05

БАЪЗИ САВОЛЛАР

@Savollar_kanal 13195-савол

Ассалому алайкум! 1. Жума намозларида бизда масжидимиз ташқарисига ҳам жамоат узаяди. Қуёшли, иссиқ бўлган вақтларда масжид ташқарисидаги жамоатда баъзилар сояга қочиб, жамоатдан узилиб қолишади, аммо шу сояга келган бошқалар билан кичик жамоат ҳосил қилишади. Лекин улар ҳам масжид имомини эшитиб унга иқтидо қилишади. Шундай қилса, намоз қабул бўладими? Сўраганим боиси, ўзим ҳам шундай сояда бошқалар билан бирга намоз ўқисам, қабул бўлармикин деб ўйлаб қоламан. 2. Таҳорат олётганда бурнимга ачишгунча сув тортсам, эртасига бурним битиб қолади. Мен шунда қандай йўл тутай? 3. Плай маркетдан ислом.уз иловасини юклаб олмоқчиман.

ЖАВОБ:

– Ва алайкум ассалом! 1). Масжид хонақоси ва ховлисидан ташқари кўчада саф тортилганда саф уланиши шарт. Фуқаҳолар саф орасидан битта отарава ўтадиган жой қолган бўлса орқадагиларнинг намози намоз бўлмайди деганлар.
2). Сиз ачишгунча тортманг. Бурунни юмшоқ жойигача сув кирса кифоя қилади. Валлоҳу аълам!
3). Қуйидаги линкда берилганини юклаб олинг. 
http://e-hilolnashr.uz/namoz



«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

28 июня 2023 16:05

ОЗИҚ-ОВҚАТ ДЎКОНИ

@Savollar_kanal 13193-савол

Ассалому алайкум! Озиқ-овқат дўконим бор харидорлар махсулот сотиб олиб қайтимига танга берсак керак эмас, тушиб қолади, кейинги сафар келишамиз деган гапларни айтишади. Ўрнига қурт, звачка ва шунга ўхшаш нарса берсак олишмайди. Харидорларни хаққи қолиб кетмаябтими менда?

ЖАВОБ:

– Ва алайкум ассалом! Ҳеч ҳам бу гапга рози бўлманг. Ўшаларни ҳаммаси зиммангизга қарз бўлиб қолади. Олмаса ҳам мажбурлаб беринг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш