Зикр аҳлидан сўранг

25 июня 2023 12:05

САФДА БЎШ ЖОЙ БЎЛА ТУРИБ, ЯНГИ САФДА НАМОЗ ЎҚИСА БОТИЛ БЎЛАДИМИ?

@Savollar_kanal 13167-савол

Ассалому алайкум. Мен аввало савол бераётганимдан хурсандман. «Торикус саодатайн» китобида шундай келибдики, мисол: биринчи саф тўла турган пайт, бирор киши иқтидо қилмокчи бўлиб кирса ю, у орқа сафдан бир ўзи янги саф бошлаб турса (имомнинг орқасида) унинг намози ботил - дейилибди. Шу масала бўйича ойдинлик киритиб, бизни ақлимизни ғаш қилиб турган чигалликни ечилишига сабабчи бўлсангиз. Аллоҳ сизлардан ҳам биздан ҳам рози бўлсин!

ЖАВОБ:

– Ва алайкум ассалом! Сиз айтган китоб Ҳанбалий мазҳабига оид бўлса керак. Китоб ўқишни билиш керак. Бўлмаса, сизга ўхшаб ўзини ҳам, ўзгаларни ҳам ташвишга солиш ва кўнглини ғаш қилишга сабаб бўлади.-Ҳанафий, Моликий ва Шофеъий мазҳаблари бўйича бир киши сафнинг орқасида ёлғиз ҳолда намоз ўқиса намози ботил бўлмайди. Балки, макруҳ, яхши эмас бўлади. Намози ўтаверади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 июня 2023 10:05

ТЕЛЕФОНДА ЎҚИЛГАН СУРАЛАР

@Savollar_kanal 13166-савол

Ассалому алайкум! Абу Ҳурайра розияллоҳу анҳудан ривоят қилинади: “Набий соллаллоҳу алайҳи васаллам: “Уйларингизни қабрга айлантирманглар. Бақара сураси ўқилган уйга шайтон кирмайди”, дедилар. Саволим шундан иборатки телефонда Бақара сурасини қўйсак хам Набий соллаллоҳу алайҳи васаллам айтганидек уйга шайтон кирмайдими ёки Бақара сурасини ўзимиз ўқишимиз керакми чунки хато қилиб ўқишдан қўрқаним учун Бақара сурасини телефонда кўп эштаман. 

ЖАВОБ:

– Ва алайкум ассалом! Ўзларингиз ўқишни ўрганиб олгунингизча қўйиб туринглар. Тезроқ ўрганинглар ҳозир бу иш аввалгидек қийин бўлмай қолди. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

25 июня 2023 06:20

#yangilik #chegirma

🎉 Qurbon hayiti munosabati bilan Shayx hazratlarining mashhur asarlariga 3 kun davomida 15% chegirma!

Yaqinlashayotgan Qurbon hayiti barchamiz uchun muborak bo'lsin!

🥳 Bayram munosabati bilan shayx hazratlarining mashhur asarlariga 15% chegirma eʼlon qilamiz. Chegirma barcha 19 ta doʻkonlarimizda, hamda onlayn sahifamizda amal qiladi.

✅ Chegirmadagi kitoblar bilan tanishing:

1. «Tafsiri Hilol» — 688 000 - 578 000 soʻm
2. «Ruhiy tarbiya» — 180 000 - 153 000 soʻm
3. «Kifoya» — 215 000 - 183 000 soʻm
4. «Odoblar xazinasi» — 223 000 - 189 500 soʻm
5. «Baxtiyor oila» (kirill alifbosida) — 68 000 - 58 000 soʻm
6. «Baxtiyor oila» (lotin alifbosida) — 68 000 - 58 000 soʻm
7. «Baxtiyor oila» (Sovgʻabop nashri) — 300 000 - 255 000 soʻm
8. «Iymon» — 42 000 - 35 500 soʻm
9. «Qurʼoni Karim va oʻzbek tilidagi maʼnolar tarjimasi kitobi» (Sovgʻabop nashri) — 470 000 - 399 500 soʻm
10. «Qurʼoni Karim va oʻzbek tilidagi maʼnolar tarjimasi» (kirill alifbosida) — 170 000 - 144 500 soʻm
11. «Qurʼoni Karim va oʻzbek tilidagi maʼnolar tarjimasi» (lotin alifbosida) — 175 000 - 148 500 soʻm
12. «Yaxshilik va silai rahm» — 76 000 - 64 500 soʻm
13. «Xislatli hikmatlar sharhi» — 243 000 - 206 500 soʻm
14. «Nubuvvat va risolat» («Hadis va hayot» 19-20-juzlar jamlanmasi) — 258 000 - 219 000 soʻm
15. «Mukammal saodat yoʻli» — 62 000 - 52 500 soʻm
16. «Hadis va Hayot» 19-juz. Olamlarga rahmat Paygʻambar — 63 000 - 53 500 soʻm

Bayramda yaqinlaringiz uchun eng yaxshi «hayitlik» kitobdir. Marhamat, shayx hazratlarining shoh asarlarini chegirmali narxda xarid qilib, yaqinlaringizga «hayitlik» qilib bering 😊

📍 Manzillarimiz

☎️ Buyurtma uchun: +998712175999

📨 Murojaat uchun: @hilol_reception

🌐 Chegirmadagi kitoblar

* Chegirma 24-iyun 15:30 dan 27-iyun kuni 23:59 gacha amal qiladi. Chegirma munosabati bilan ertaga — yakshanba kuni barcha do'konlarimiz ishlaydi

@hilolnashr

Зикр аҳлидан сўранг

25 июня 2023 05:04

Badal haj qilganlar ham qurbonlik qiladimi

Зикр аҳлидан сўранг

24 июня 2023 18:05

ХАТОЛИК САБАБ БОШҚА СУРАНИ ЎҚИБ ЮБОРСА

@Savollar_kanal 13162-савол

Ассалому алайкум! Намозда бошқа сурани ўрнига бошқа сурани бир сўзини айтиб юборса ёки адашиб кетса намоз бузиладими?

ЖАВОБ:

– Ва алайкум ассалом! Алмашганида қандай маъно чиққанига қаралади. Агар сўзлар алмашганида оятнинг маъносидаги мўминлар дўзахга ёки кофирлар жаннатга кирадиган даражада хатолик бўлса, намоз бузилади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 июня 2023 14:05

ИЧКИЛИК ХАҚИДА

@Savollar_kanal 13160-савол

Ассалому алайкум! Ичаётган одамни пулини олиб қўйиш мумкинми?

ЖАВОБ:

– Ва алайкум ассалом! Ичган одамни пулини ўғирлаш ҳам ўғирлик бўлади. Ичкилик оладиган пулини олиб қўйиб, кейинроқ ичкиликка сарфламайдиган ҳолида қайтариб берса бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 июня 2023 11:04

Oq qo‘chqor qurbonlik qilish afzalmi

Зикр аҳлидан сўранг

24 июня 2023 08:05

ОЯТЛАР ОРАСИДАГИ ТЎХТАЛИШЛАР ҲАҚИДА

@Savollar_kanal 13157-савол

Ассалому алайкум Шайх ҳазратлари. Менинг саволим тажвид қоидаларидан бири, яъни Қуръон оятлари орасидаги тўхталишлар ҳақида. Агар тўхтайдиган жойда «жим» ҳарфи турган бўлса, тўхтамай ўтиб кетса бўладими?

ЖАВОБ:

– Ва алайкум ассалом! Бу каби нарсаларни устозлардан шахсий дарс давомида сўралади. Жим ҳарфи аломат қилиб қўйилганда тўхташ жоиз дегани бўлади. Яъни тўхтаса ҳам, тўхтамаса ҳам бўлади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

24 июня 2023 05:04

Qurbonlik qilinadigan hayvonlar

Зикр аҳлидан сўранг

23 июня 2023 18:05

МУШУКНИ "КАСТРИРОВАНИЕ" ҚИЛИШ

@Savollar_kanal 13154-савол

Ассалому алайкум! Мушук сотиб олмоқчимиз. Эгаси кастрирование шарти билан беришини айтди. Кастрирование қилишга динимиз қандай қарайди?

ЖАВОБ:

– Ва алайкум ассалом! Шариатда ҳайвонларни кастрация қилиш жоиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

23 июня 2023 14:05

СУВ ЯРОҚЛИМИ

@Savollar_kanal 13152-савол

Ассалому алайкум! Уйимизнинг олдида канал ўтган ҳозир суви ўчган уйимизда ҳовуз бор шуни тозалаб сув солдирдик тозалагани оёғга ҳеч нарса киймасдан кириб тозаланди кейин сув солинди ҳовуздаги сув таҳорат ва ғусл га яроқлими усталар ишлаяпти улар сув олгунча лой қўли билан сув томчилари томган бўлиши мумкин бошқа сув йўқ ичиш учун ҳам шу ҳовуздаги сувдан фойдаланамиз мен нажосат бўлмадим кин ибодатларимга зиёни йўқ микин деб шубҳадаман намоз ўқиётганимда ҳам фикру хаёлимни намозга қаратай десам ҳам бўлмаяпти намозинг барибир қабул бўлмаяпти деган васвасами нимадир бор тўғри ўқимаяпман аллоҳнинг буюклигига хос намоз ўқиёлмаяпман нимага ихлос қилолмаяпман қироат қилиш баробарида хаёл суриб кетаман чалғиб ўқима барибир қабул бўлмайди деган ўй доим миямни пармалаётгандай аллоҳдан қўрқиб ўқиёлмаяпман намоз ўқиётганимда қўрқув уйдагилар чақириб қолмасин болам йиғлаб уришиб қолишмасин ўқитмай қўйишмасин деган қўрқувдан юрагим зириллайди. 

ЖАВОБ:

– Ва алайкум ассалом! Ҳовуздаги сувни ичишга, таҳоратга, кийим ва идишларни ювишга ишлатилишини билсангиз эҳтиётини олиб устини ёпиш ва нажосат тушишни олдини ҳам олиш керакда. Сиз «Аллоҳнинг буюклигига яраша намоз ўқийман» деб васваса бўлмасдан, Аллоҳ буюргани учун намозни ўз вақтида ўқинг. Шайтон нима деса гапига ишонавериш керакмас. Мана аста секин гапига кириб охири намозни ҳам тарк қилиш даражасига олиб келибди. Тавба қилинг, тез намозни  бошланг. Мана шу жавобни олишингиз билан таҳорат қилиб бошқа нарсани ўйламасдан намозларни бошланг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

23 июня 2023 12:05

МАҲРГА БЕРИЛАДИГАН НАРСАЛАР НИМА?

@Savollar_kanal 13151-савол

Ҳозирда аёл киши турмушга чиқаётганда кўп ҳолларда маҳр ўрнида уй, ҳовли ер деб, мулк ажратилади. Бу албатта нотўғри. Шуни ота-онага тушунтира олмаган тақдирда қизга учрашув пайтида узук ёки шу миқдорда пулни ўзаро пинҳона берса маҳр ўрнига ўтадими? Қиз билан келишган ҳолатда бўлса.

ЖАВОБ ҚУЙИДАГИ ЛИНКДА:
👇
savollar.islom.uz/s/75


✅ Манба

➡️ Каналга уланиш

Зикр аҳлидан сўранг

23 июня 2023 10:05

НИКОҲ ҚУРИШ

@Savollar_kanal 13150-савол

Ассалому алайкум! Ёшим 21 да, бир ёқтирганим бор, уни ҳам манда кўнгли бор ҳозир ўзимни ишхонамга ишга олганман ман график дизайнерман у копирайтер (матнларни ёзувчи) ўзимни ўқувчим ўқув марказда мандан ўрганган 1-2 йилдан буён алоқадамиз. Ҳозир кўчада қарзимиз бор экани учун турмуш қура олмаяпмиз, кейин 19 ёшли синглим ҳам бор. Яхши кўрганим билан бирга ишлимиз, бирга тушликка чиқамиз ва ҳоказо. Ёлғиз қолишимиз зино эканлигни биламан ва қўрқаман. Зинода давом этмаслик учун никоҳлаб олмоқчи эдим ҳар куни кўнглим гаъш бўлмоқда, масжидмиз имомига этишга уялдим чунки закс қоғозимиз йўқ, ота онамга ҳозир уйланмоқчиман деёлмиман. Шунга нима қилсам бўлади маслаҳат берсангиз. Ўзимча бағишладим ва қабул қилдим калималари билан маҳрини бериб, бир нечта гувоҳлар билан никоҳ қурсак, қарзалимизни енгиллаб олиб уйдагилар билан тойни маслаҳатлашиб уйга олиб келсам деб режа қилгандим, шунга аввал маслаҳатингизни олсам катталар билан маслаҳатлашгани бироз уялдим.

ЖАВОБ:

– Ва алайкум ассалом! Аввало сиз у қиз билан хусусий алоқаларингизни тўхтатинг. Ҳозирда ёлғиз қолишингиз эмас, балки ҳар бир қиляпган муомалаларингиз гуноҳ ҳисобланди. Ота-оналарингизнинг розилигисиз бу ишга қўл урманглар. Чунки «бағишладим, қабул қилдим» билан никоҳланган тақдирингизда ҳам сиз қизнинг куфъи-тенги бўлмасангиз отаси-валийси никоҳни бекор қилишга имкони бор. Уйланмоқчи бўлсангиз совчи қўйиб уйланинг ёки алоқаларингизни тўхтатинг. Бундай гуноҳ қиладиган ҳолатда юрманг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

23 июня 2023 06:05

ОТА ОҚ ҚИЛИБ КЕЙИН РОЗИ БЎЛСА

@Savollar_kanal 13148-савол

Ассалому алайкум! Агар бир ота фарзандини оқ қилса ва вақт ўтиб ундан рози бўлса фарзанд оқ бўлганча қоладими?

ЖАВОБ:

– Ва алайкум ассалом! Агар рози бўлса, оққ бўлгани қолмайди. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

23 июня 2023 04:05

МАҲСИГА НЕЧА МАРТА МАСҲ ТОРТИЛАДИ?

@Savollar_kanal 13147-савол

Ассалому алайкум Шайх ҳазратлари. Ўтган ҳайит айёмингиз ва ьуборак Ҳаж амалларингиз қутлуғ бўлсин, Савол: Оёққа масҳ 3 марта тортиладими ёки 1 мартами? Агар таҳорат қилиб, маҳси кийиб юриб, сўнг зарурат билан маҳси ечиб қўйилса, маълум вақтдан кейин яна маҳсини кийиб намоз ўқиса бўладими? Таҳорат бузилмайдими? Жавоб учун олдиндан раҳмат. 

ЖАВОБ:

– Ва алайкум ассалом! Оёққа эмас, оёқ кийимига бир марта масҳ тортилади. Агар тўлиқ таҳорат билан маҳсини кийилган бўлса ва таҳорат кетмай туриб ечилса, яъни, маҳсига масҳ тортилмаган бўлса, намоз ўқилаверади. Агар маҳси кийиб юрганда таҳорат янгиланган, оёқ кийимига масҳ тортилган бўлса ва сўнг маҳси ечилса, оёқни алоҳида ювиб олинади ва таҳорат тўлиқ бўйича қолади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 июня 2023 11:04

Nima uchun Muzdalifada tosh teriladi va kechasi qolinadi

Зикр аҳлидан сўранг

25 июня 2023 08:05

ЖУМА НАМОЗИ ҲАҚИДА

@Savollar_kanal 13165-савол

Ассалому алайкум биродарлар. Мен о'зим талаба ман жума кунлари дарсларим бор жумага чиқишга имкон тополмаяпман, нима маслаҳат берасизлар?

ЖАВОБ:

– Ва алайкум ассалом! Иложи борича чиқишга ҳаракат қилинг.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 июня 2023 06:05

КЕЧҚУРУН АЙТИБ УХЛАСА ВАФОТ ЭТСА У ЖАННАТГА КИРАДИ

@Savollar_kanal 13164-савол

Ассалому алайкум! Мен бир зикрни эшитгандим. Ккимда ким бу зикрни кечқурун айтиб ухласа мабода тунда вафот этса у жаннатга киради, агарда тонгда айтса кун ботгунча вафот этиб қолса жаннатга киради дейилганди. Ушбу зикр сахиҳми? Агар сахиҳ бўлса илтимос арабчасини ёзиб юборселар.

ЖАВОБ:

– Ва алайкум ассалом! Саҳиҳ ҳадисда келади. 
عَنْ شَدَّادِ بْنِ أَوْسٍ رَضِي اللهُ عَنْهُ، عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: سَيِّدَ الْاِسْتِغْفَارِ أَنْ تَقُولَ: اللَّهُمَّ أَنْتَ رَبِّي لَا إِلَهَ إِلَّا أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، وَأَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي فَاغْفِرْ لِي فَإِنَّهُ لَا يَغْفِرُ الذُّنُوبَ إِلَّا أَنْتَ. وَمَنْ قَالَهَا مِنَ النَّهَارِ مُوقِنًا بِهَا فَمَاتَ مِنْ يَوْمِهِ قَبْلَ أَنْ يُمْسِيَ فَهُوَ مِنْ أهْلِ الْجَنَّةِ، وَمَنْ قَالَهَا مِنَ اللَّيْلِ وَهُوَ مُوقِنٌ بِهَا فَمَاتَ مِنْ يَوْمِهِ قَبْلَ أَنْ يُصْبِحَ فَهُوَ مِنْ أَهْلِ الْجَنَّةِ . رَوَاهُ الْخَمْسَةُ إِلَّا مُسْلِمًا  
Шаддод ибн Авс розияллоҳу анҳудан ривоят қилинади:«Набий соллаллоҳу алайҳи васаллам дедилар:«Истиғфорнинг саййиди «Аллоҳумма анта роббии. Лаа илааҳа илла анта. Холақтаний. Ва ана абдука ва ана ала аҳдика. Ва ваъдика мастатоъту. Аъуузу бика мин шарри маа сонаъту. Абууъу лака би неъматика алайя. Ва Абууъу лака би занбий. Фағфир лий. Фа иннаҳу лаа яғфируз-зунуба иллаа анта», демоғингдир.Ким уни ишонч билан наҳорда айтса, ўша куни кеч киришидан олдин ўлиб қолса, аҳли жаннатдан бўлур. Ким уни ишонч билан кечаси айтса, ўша куни тонг отишидан олдин ўлиб қолса, аҳли жаннатдан бўлади».Бешовларидан фақат Муслим ривоят қилмаган.Маъноси: «Эй Аллоҳим! Сен Роббимсан! Сендан ўзга илоҳ йўқ. Сен мени халқ қилдинг. Мен Сенинг бандангман. Мен қодир бўлганимча Сенинг аҳдинг ва ваъдангдаман. Сендан ўзим қилган нарсаларнинг ёмонлигидан паноҳ тилайман. Сенинг менга берган неъматингни эътироф қиламан. Сенга гуноҳларимни ҳам эътироф қиламан. Мени мағфират қил. Сендан бошқа ҳеч бир зот гуноҳларни мағфират қилмас». Ушбу «Саййидул истиғфор» номи ила машҳур бўлган дуони ўқиб юришни кўпчилик азизлар одат қилишган. Дуони яхшилаб ёд олиб, ўқиб юрмоқни ҳар бир мусулмон одат қилиши лозим. («Ҳадис ва Ҳаёт» китобидан). Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

25 июня 2023 04:05

АЁЛ ЖАҲЛ УСТИДА: «БУНДАН БУЁН ПУЛИНГИЗГА НАРСА ОЛМАЙМАН» ДЕБ ҚАСАМ ИЧСА ДУРУСТМИ? УНИНГ ҲУКМИ ҚАНДАЙ?

@Savollar_kanal 13163-савол

Ассалому алайкум. Агар хотин эридан хафа бўлганида жаҳл устида: «Сиз топган пулга бундан кейин ҳеч қачон нарса сотиб олмайман» деб Аллоҳ номи билан қасам ичса, уни қайтиб олса бўладими?

ЖАВОБ:

– Ва алайкум ассалом! Бундай ишни қилмаслик керак. Агар қилган бўлса, қасамида туриш керак. Қасамида турмаса, қасамхўр бўлади. Қасамхўр бўлган шахс эса, каффорот адо этиши лозим бўлади. Араб тилида «каффорот» сўзи бир нарсани яхшилаб, ҳеч ҳам кўринмайдиган қилиб тўсиб беркитишга айтилади. Шариатда эса, содир этилган гуноҳни ювиш учун адо этиладиган молиявий ёки бадан ибодатига каффорот, дейилади. Ичган қасамини бузишга мажбур бўлган инсон адо этиши вожиб бўлган каффорот қуйидагича: 1. Ўнта мискиннинг қорнини тўйдириш. Мазкур мискинларни тўйдиришдаги ўлчов-каффорот берувчи ўз аҳлига берадиган ўртача таом миқдоридир. Агар каффорот адо этиши лозим бўган шахс ўнта мискинга таом беришни хоҳламаса, иккинчи хил каффоротни адо этиши ҳам мумкин. 2. Ўнта мискинга бир сидра кийим олиб бериш. Кийим ҳам ўша вақтнинг, жойнинг ва қавмнинг ўртача кийими бўлади. Агар бу ҳам ёқмаса учинчи хил жазо ҳам бор. 3. Бир қул озод қилиш. Қасамини бузган кишига каффорот учун белгиланган жазо чораларидан Ислом дини бева-бечораларга, камбағал-мискинларга қанчалик эътибор билан қарагани очиқ-ойдин кўриниб турибди. Шунингдек, бу мукаммал ва оламшумул диннинг қулчиликка қарши бўлгани ва қулларни озод қилишга қаттиқ урингани ҳам кўриниб турибди. Исломда бу ишлар гуноҳларни ювадиган ибодат даражасига кўтарилгани эътиборга сазовордир. Оғзига кучи етмайдиган, ўзига эътибор қаратиш ва бир ишни, албатта, қилиш ёки қилмаслигини таъкидлаш мақсадида Аллоҳ таолонинг номи ила қасам ичиб, сўнгра ўз қасамига содиқ қола билмаган одам, аслида, Аллоҳга нисбатан катта беодоблик қилган бўлади. Бу ишнинг жазосига бошқачароқ чора ҳам белгилаш мумкин эди. Аммо Аллоҳ таоло айнан фақир-мискин ва қулларга меҳр кўрсатиб, уларнинг фойдасини кўзловчи чораларни белгилаган. Қасамини бузадиганларнинг ҳаммаси ҳам ўнта мискинни тўйғизадиган ёки уларга бир сидра кийим олиб берадиган ёхуд бир қул озод қилиш имконига эга бўлавермайди. Уларнинг ичларида камбағаллари ҳам бўлиши турган гап. Ана ўшандоқ имкони йўқ қасамхўрларга ўзига хос жазо чораси белгиланган 4. «Ким топа олмаса, бас, уч кун рўза тутсин». Демак, қасамини бузган одам каффоротни адо қилиш учун ўнта мискинни таомлантириш ёки шунча ададдаги мискинга кийим бош олиб бериш ёхуд бир қул озод қилишга молявий имкони йўқ бўлса, уч кун рўза тутиб, каффоротни адо этиши вожиб бўлади. Аввалги уч жазо чорасининг ичидан бирини танлаш ихтиёрий бўлиши билан бирга, тўртинчи жазо чорасини адо этишга фақатгина мазкур уч чорани адо этишга имкони йўқ кишиларгина муяссар бўладилар. 1. Шариатимизда қасамини бузган кишилар учун каффорот адо этишни жорий қилишда аввал зикр қилинган фойдалардан ташқари, тарбиявий омил ҳам бор. Қасамини бузган одамга каффорот адо этишни вожиб қилишда уни ўзига келтириш ва ваъз-насиҳат омили бор. Бир марта каффорот адо этишга мажбур бўлган инсон кейин ҳар гапини яхши ўйлаб гапирадаган ва Аллоҳ таолонинг номи ила қасам ичишдан олдин ўзига бир назар соладиган бўлади. Унинг ҳолини кўрган бошқа кишилар ҳам ибрат олиб, гапларини ўйлаб гапирадиган бўлишади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

24 июня 2023 16:05

ИСЛОМДА ЛАФЗ НИМА?

@Savollar_kanal 13161-савол

Ассалому алайкум ҳурматли Шайх жаноблари! Мен сизга бир савол билан мурожаат килган эдим, лекин ҳанузгача жавоб олмадим, бунинг сабаби нимада? Саволим исломда лафз тўғрисида эди. Мазкур саволни беришимдан мақсад, айрим шахслар ўртасида тушунмовчиликлар келиб чиқмоқда, агарда ҳаммасини ёзсам, бир достон бўлиб, уни ўқишга ва жавоб ёзишга ҳеч бир иштиёқингиз қолмайди. Қисқа қилиб айтганда, агарда инсон ўз лафзида турмаса, унга турмуш ўртоғи ҳаром бўлиши мумкинми?

ЖАВОБ:

– Ва алайкум ассалом! Мен бу саволга жавоб берганман. Жавобим нима учун сизга етиб бормаганини билмайман. Менинг сизнинг саволингизга жавоб беришдан бошқа ишларим ҳам бор. Шунинг учун жавобни сизга боришини кузатиб тура олмайман. Сизнинг саволингиз ва унинг жавоби қуйидагича: «Ассалому алайкум! Исломда лафз ҳақида мавжуд бўлган маълумотларни берсангиз. – Буни мен билмайман». Ўзингиз ўйлаб кўринг! Саволингиз топишмоқан бошқа нарса эмас. Лафз ҳақида маълумот беринг, деб турмуш ўртоғи билан алоқасини ўйлаётганинингизни ким ва қандай қилиб бўлади?  Топишмоқ, иккинчи саволингиздан кейин ҳам давом этмоқда. «Лафзида турмаса» дегандан нимани кўзламоқдасиз? Қасамида турмасами? Ваъдасида турмасами? Шартида турмасами? Ёки яна бошқа нарсами? Гапни аниғини ёзинг. Достонни эмас.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

24 июня 2023 12:05

ИСЛОМДА СУҒУРТА ҲАЛОЛМИ Ё ҲАРОММИ?

@Savollar_kanal 13159-савол

Ассалому алайкум, ҳазрат! Исломда суғурта ҳақида турлича фаволар берилган экан. Бир хил уламолар суғурта ҳаром дейишса, баъзилари мумкин, яна баъзилари суғурта турлари бўйича, шароитга қараб, жавоб беришган экан. Биз қайси ҳукмга эргашмоғимиз керак. Илтимос, шариатмизда суғуртанинг ўрнига батафсилроқ тўхтасангиз. Аввалдан ташаккур.

ЖАВОБ:

– Ва алайкум ассалом! Суғуртанинг молиявий муомалалар бўйича Ислом қоидаларига мувофиқ иш юритадиганлари тўғри. Яъни, рибо, бировнинг ҳақини суистеъмол қилиш каби ношаръий ишлари бўлмаган суғуртага рухсат бор.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

24 июня 2023 10:05

ҚУРБОНЛИК ПУЛИНИ БЎЛИБ БЕРИШ

@Savollar_kanal 13158-савол

Ассалому алайкум! 1. Айрим сабаб билан вақтида қурбонлик қилолмаса, ўрнига садақа қилиш лозим бўладиган пулни имконсизлик сабабидан бирдан беролмаса бўлиб берса ҳам бўладими? 2. Узр, ноқулай ва иккинчи саволим учун, шаҳарда аёл киши ҳайз ҳолатда ишлатадиган пахталарни кўмишни иложи йўқ, ўраб-чирмаб чиқиндиларга қўшиб ташлаб юборса бўладими?

ЖАВОБ:

– Ва алайкум ассалом! 1). Бўлади. Хоҳласа қодир бўлганида, тўплаб-тўплаб битта ўртача қўйни пули тўпланганида тарқатса ҳам бўлади. 
2). Кўринмайдиган қилиб ташлаб юборсангиз бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 июня 2023 06:05

БОЛА ПУЛИ

@Savollar_kanal 13156-савол

Ассалому алайкум! Бу саволни менга онам сўрашимни илтимос қилдилар. Ойлада 4та фарзандмиз. Онам 11ойлик синглимга бола пули оладилар. Пулга эхтиёж бўлганида ўша пулдан ишлатадилар. Масалан рўзғор учун. Ёки мен қаттиқ шомоллаб қолганимда бола пулидан дори дармонга ишлатганлар. Саволим шуки синглимга оладиган бола пулини бизагаям ишлатсала бўладими?

ЖАВОБ:

– Ва алайкум ассалом! Ҳукумат томонидан қайси бола учун берилган бўлса, ўшанинг эҳтиёжига сарфлаш керак. Мабодо бошқа нарсага ишлатилса худди, қарздек кейин ўрнига қўйиб қўйиш керак. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 июня 2023 04:05

ҚАЗО НАМОЗИДАГИ ИХТИЛОФ

@Savollar_kanal 13155-савол

Ассалому алайкум, ҳазратим. Сиздан уч саволни сўраш ниятида бу мавзуни очдим. 1) Намоз қазосини ўқиш ҳукми тўғрисида ўқидим ва менда қуйидаги савол туғилди. Агар мен Бомдод ва Хуфтон намозларини ўз вақтида ва тўлиқ: иншааллаҳ адо этсам-да, лекин пешин, аср, шом намозларини бегим кунлари қазо қилсам, беш вақт намоз ўқиш фарзини адо этган бўламанми? 2) Ҳазратим, сизнинг қаламингизга мансуб бўлган "Сунний ақидалар" китобини ўқишни бизга Анвар қори жаноблари тавсия қилган эдилар, шу китобни кўп жойдан қидирдим. Афсуски, барча дўконларда сотиб бўлинган экан. Шу китобни қайта нашрини қай вақтга мўлжалламоқдасиз ва иложи бўлса бир нусхасини яқин орада олишим мумкинми? 3) Мен ислом.уз сайтида кўп марта ғайридинлар ҳукмронлик қилган юртдан мусулмонлар ҳукмронлик қилган юртга ҳижрат қилиш ҳукми тўғрисида ўқиган эдим. Ҳозирги даврга келиб, шу мавзуга боғлиқ бир саволимга жавоб беришингизни сўрайман. Биз яшаб турган давлат, яъни Ўзбекистон Республикаси мусулмонлар ҳумронлик қилувчи юрт ҳисобланадими ёки ғайридинлар юртими? Албатта, бу савол сиёсатга аралашув деб қаралиши мумкин, лекин мен сиёсий қарашлар билан эмас, балки фақатгина ўзим учун шарт қилинган амални бажариш учун бу саволни бермоқдаман. Жавобларингиз учун олдиндан раҳмат.

ЖАВОБ:

– Ва алайкум ассалом! Намозни сиз айтган тарзда қазо қилиб юборишга рухсат йўқ. Бегим куними, бошқами намозни ўз вақтидан ўтказиб юбориш мумкин эмас. Сиз иложини қилиб намозларни ўз вақтида ўқишга ўтинг. Дуо қилиб туринг. Бу иш тезда амалга ошсин.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

23 июня 2023 16:05

ҲАР БИР ҚИЛИНГАН ГУНОҲ БИДЪАТ ҲИСОБЛАНАДИМИ?

@Savollar_kanal 13153-савол

Алҳамдулиллаҳ, вассолату вассаламу ала Расулиллаҳ. Ассаламу алайкум ва раҳматуллоҳи ва барокатуҳ!Ҳурматли Шайх! Сизга бу мавзуда кўплаб саволлар берилганига қарамай саволимга жавоб беришингизни илтимос қиламан! «Бидъат - динда бўлмаган ибодат (яъни, савоб умидида қилинадиган нарса)ни ихтиро қилиш ёки уни аслига бирор нарса қўшиш» деганлигини эътиборга олиб, ҳар бир ўзини мусулмон одам қилган гуноҳи ёки куфр амали туфайли бидъат қилган ҳисобланадими? Масалан: Инсон ароқни ҳалол уни ичса бўлади деса, ёки бирор аниқ ҳаромни инкор этиб уни ҳалол деса, уни хатоси тушунтирилиб бу иши куфр эканлиги айтилганидан кейин ҳам қайтмаса, лекин ўзини мусулмонман деса, унинг куфр амали ёки гуноҳ қилгани аниқ, шу амали Ислом ақидасига бегона бўлгани учун, у ҳам кофир ҳам бидъатчи (яъни, динга бирор нарса қўшган ёки қўшмоқчи бўлган) бўладими? Ва умуман кофир билан бидъатчи бир ҳукмда бўла оладими? Бу саволга жавоб топа олмаганим ва шу савол юзасидан баъзи бир баҳслар бўлганлиги учун сиздан сўрашга қасд қилдим. Агар саволимни тушунтира олмаган бўлсам унга яна аниқлик (таъриф) киритаман: иншааллаҳ Бидъат ҳақида сайтдаги маълумотларда уни: «Бидъат Расулуллоҳ соллаллоҳу алайҳи васалламнинг даврларида бўлмаган нарсадир» бидъат бир неча турларга тақсимланади деб: 1. Вожиб бидъат. 2. Ҳаром бидъат.3. Мандуб бидъат. 4. Макруҳ бидъат. 5. Мубоҳ бидъатларга ажратиб унга таърифлар келтиришибди. Бу Расулуллоҳ соллаллоҳу алайҳи васалламнинг «Ишларнинг энг ёмони динда пайдо килинган янгиликлар бўлади. Ҳар бир пайдо килинган янгилик бидъат, ҳар бир бидъат залолат-адашиш ва ҳар бир залолат дўзахдадир» деган ҳадисларига зид эмасми? Ва шу билан бирга одатда ихтиро қилинган замонавий нарсаларни шаръий бидъат ҳукмига киритиб бўладими? Имкон қадар ўз услубингизда яъни, ҳужжат ва мисоллар билан жавоб берсангиз! Жавобингиз учун олдиндан раҳмат! Оллоҳ рози бўлсин! Ассаламу алайкум ва раҳматуллоҳи ва барокатуҳ!!!

ЖАВОБ:

– Ва алайкум ассалом! Бу масала «Зикр аҳлидан сўранг» ойномасининг учинчи сонида батафсил ёритилган. Сиз ўз саволингиз ила Американи кашф қилаётганингиз йўқ. Балки ҳаммадан кеч қолганингиз сирини очмоқдасиз.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

23 июня 2023 13:48

#yangilik

«Baxtiyor oila» kitobi lotin alifbosida qayta nashr qilindi

Fazilatli shayx Muhammad Sodiq Muhammad Yusuf hazratlarining mashhur, oila borasida yozilgan «Baxtiyor oila» kitoblari lotin alifbosida qayta nashr qilinib, sotuvga chiqdi.

Ushbu kitob Islom dinining oilaviy munosabatlarga oid ahkomlarining keng va batafsil sharhi bo‘lib, musulmon kishi oilaviy hayotga oid bilishi lozim bo‘lgan barcha masalalarni o‘z ichiga oladi.

Eslatib oʻtamiz, mazkur kitobning kirill alifbosidagi nashri ham ayni dam sotuvda bor. Ikkala alifbodagi kitoblarni nashriyotimizning barcha doʻkonlaridan xarid qilishingiz, kitoblardunyosi.uz saytidan buyurtma berishingiz mumkin.

👉 Narxi: 68 000 so'm

☎️ +998712175999

📨 @hilol_reception

🌐 Saytdan buyurtma bering

📍 Manzillarimiz

@hilolnashr

Зикр аҳлидан сўранг

23 июня 2023 11:04

Muzdalifada uxlash sunnatmi

Зикр аҳлидан сўранг

23 июня 2023 08:05

ЭРКАК КИШИ ЙЎҚ УЙГА КИРСА БЎЛАДИМИ?

@Savollar_kanal 13149-савол

Эркак киши йўқ уйга номаҳрам эркакнинг кириши, ҳатто эшикдан мўралаб қараши ҳам мумкин эмас деб жума маърузасида бир  оят тафсирида эшитган эдим. Агар қўшни ёки қариндошнинг уйи бўлса ёки  эркакнинг ёши аёл кишининг ёшидан анча кичик бўлса, яъни орада фитна чиқмайдиган бўлса, ёки уйда кичик ёшдаги ўғил бола бўлса, шу хонадонга зарурат юзасидан кириш мумкинми?

ЖАВОБ:

Ассалому алайкум! Мумкин эмас. Агар кичик ўғил бола эркак ва аёл орасидаги масалаларни фарқлайдиган даражада бўлса бўлади. Аммо эҳтиёт бўлган яхши.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

23 июня 2023 05:04

Namira masjidining qaysi joyi Arafot hududidan tashqarida joylashgan

Зикр аҳлидан сўранг

22 июня 2023 18:05

РАСМ СОТИШ

@Savollar_kanal 13146-савол

Ассалому алайкум! Мен телеграм тармоғида турли хил Қуръон оятлари туширилган расмларни кўрдим. Улар сотувда эди. Яхшилаб суриштирдим. Улар тайёр чизмаларини хам сотишар экан. Мен улардан тайёр чизмани сотиб олиб, қўл мехнати билан бўяб, шу мехнатим учун чизмани олган нархимдан сал баландроқ нархда мижозларни рози қилиб сотсам гунох бўлмайдими?

ЖАВОБ:

– Ва алайкум ассалом! Ўша сотаётганлардан қайта ишлаб сотсам бўладими деб сўраб кўринг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш