Telegram-канал sanaaroohi2 - •┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•: Неотсортированное

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

10 июля 2025 01:24

مهاب : يا جناه كيف انتين البنات تحلقين المواضيع، احنا الشباب نبيع بعض ونسرق بعض ونرجع حبايب نتسالم نتجابر عادي الدنيا سلامات

تمكين: انتو اكثر من يتصايح ويتضارب ، على دكمه سياره على دور في طابور معامله وكم يانثرات بتوقع بنبسرها بين رجال

مهاب : هذك ع شي كبير ، بس كاصدقاء بيننا مابنوصل لهذا الوضع الاعلى شي كبير
تمكين: خلص ابرد من موضوعها شاقابل مع ميه موظفه وهي لا مابش لها رجعه معي

مهاب : تمام ،عتفرحي لو تجلس بدون عمل ؟

تمكين: لا طبعا مش انا انانيه لهذه الدرجه ، الله يوفقها بس بعيد عني
مهاب : اها ، طيب الحمدالله أن مايهون عليش قطع رزق حد

تمكين: يو ي مهاب ليش فكرت هكذا مش انا للدرجه هذه كريهه

مرت ايام ..في فرع من محلات مهاب

مهاب : كيف الشغل مرتاحه هنا؟

حنان : اكيد الله يحفظك ، بس اشتي مجالي يعني لو ممكن استلم تصوير الفساتين كلهن انا قبل مايتوزعين للفروع

مهاب: هااا، والله تمكين الي ماسكتهن ، بس معي لش فكره ، أثناء تركيب الكوش في الصالات بنحتاج تصوير ، ومشتيش اتعب تمكين عشان مع الحمل وهكذا، فما رايش لما يشتغلوا الشباب التنسيقات تسيري تصوري لنا

حنان : عشانك بس حاضر ، ولا انا اصلا مجالي تصوير مثل تمكين

مهاب استغرب : مش عشاني ، انا قادر اخلي اي حد فيهم يصور ، انا لاني شايف مجالش هذا وتشتي تصوري الفساتين قلت ادي لش الكوش والتنسيقات

حنان : خلاص الي تشتيه انت حاضر .
مهاب : يلا بستأذن لو في شي مهم او شي ، تواصلو معي

في المحل حقها ..
تمكين بتتجهز تسير معها تصوير حفله عقد

مهاب وصل: هيا

تمكين: تخيل نسيت موعد اليوم مدري ليش ع بالي عادحنا ٦ والتاريخ طلع ٧، معي تصوير

مهاب : تمكين ما اتفقنا؟ وانتي حامل مشتيش تتعبي ، ماعتطير موهبتش لو ريحتي فتره الحمل

تمكين: لاتخافش مش هو عرس ، هي حفله عقد بمزرعه

مهاب : كم ساعه؟

تمكين: تقريبا اربع او خمس
مهاب : تخيلي اربع او خمس ساعات وانتي واقفه !!!

تمكين: طيب عادي خفيف مش مكان كبير

مهاب بضبح: براحتش

تمكين مانتبهت أن رده فعله زعل جالسه تلفلف اشيائها

مهاب وصلها و رجع البيت يتغدا ويرتاح

امه : وين مرتك ؟

مهاب : معها عمل

امه : مش اقنعتها تفتهن

مهاب : هي أخبر ،

امه: وانت مالكش كلمه او كيف

مهاب بيطلع الدرج لشقته بدون توقف : تكلمت وهي حره
لو تاعبه عتفلت من نفسها ، دخل شقته
لقي الغدا جاهز فوق البوتجاز رسل لها : ( تسلمي لانش فعلتي المكرونه الي احبها كنت خاورها قوي ، عاد نفسي تهتمي بنفسش مثل مابتهتمي بي)

تمكين سمعت رنه الرساله ردت له ( مهتمه والعمل بيريحني من الصبح وسط البيت ، بعدين ي حبيبي عتعودني زياده الدلع