•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:47

بعد شهوووور ...
ازال : سام اطرح بنتي لو سمحت

سام بيتليقن عليها: سام اطرح بنتي ياسعم مش هي بنتي والكل

ازال: ياروحي قصدي عتولف الحضن لاتدلعها

سام: بنتي تدلع وادلعها

ازال: والله لما تبكي ماطرحها الا لك

سام بيفتح عينها: واصل راقده

ازال: امانه انك أعظم من الجهال

سام: بتغير امش يا ترتيل

النونو نكزت وبكيت

سام: ها سكتيها

ازال هربت من الغرفه: والله ماتسكتها الا انت ...نزلت الصاله

سام خرج بها

جدته: مالك ؟ ماتغطيها؟ وين الشال!
ازال: اشهدوا عليه كل مارقدتها ولفها الحضن
الجده: اديها انت وهي مش انتو حق جهال كيف بدون قماط

ازال: هو قال بنته ماتتربط
الجده: اطلعي ادي قماطها

بعد فتره ...
في الزمن الحاضر...

ازال : ترتيل ...ترتتتتيل جي امسكي اخوش لاعبيه امد ماقرب الشاهي...

ترتيل: يا ماما لو سمحتو اشتي العب قلت لكم ميه مره لما يجي هشومي مش وقت اخي

سام صيح: ترتيل جاوبي امش

ترتيل: شاخسر كلهم بيلعبوا بالتلفون

ازال قربت منه: كلم بنتك ترحلها من هشومي والله ماتحب وتتزوج ابن هبه

سام ضحك: زكاش عقلش يا مجنونتي قدش عجوزه عادش بتغيري من هبه، جهال بنت سبع مش حق حب

ازال: ليش ماتحب ابن سميه مايعجبها الا ابن هبه

سام: ولا تحب حد ياويلها

ازال: ياسلام لمه ما انت حبيتني

سام: انا وانتي ثانيين، الجيل هذا مش ساعنا


الجده في الصاله :مابتولعوا لاعيني ؟
ابن سميه: ياجده شافعل لكم مقطع في التيك توك

الجده بتشوف نفسها: يو هذه انا؟ كيف لوما ساع المرايه بينبسر نفسي مش صوره

ترتيل: ياجده انتو ذلحين بتتصوروا لايف

الجده: ليفه مه

سميه: امير من بتصور؟

ابنها: جده مناسبين مقطع عجوزه عنفعلهم منشور يوقع لايكات

سميه هزرت التلفون : انا الغلطانه سمحت لك تلعب

الجده: فهموني ليفه مع
ازال بتضحك: مش ليفه انا فدالكم

الجده: ماهو

ترتيل: الناس عيبسروكم العالم كله عتشتهروا

الجده قامت لهم بالعصيه: شهروا بطونكم ياجن ، مامنكم الا المصايب ، سيرو صورو جدكم

ابن هبه: جدو مابش معهم اسنان

ازال شاورت سام: ماحبهش وقح ساع امه.

سام: وانا احب اللقنه حقي
ازال: اخيرا اعترفت انك تحبني

سام: يانكاره...
ازال: اشتيك كل يوم تقولها عقاب الايام الي ماقلتها
سام: شاقولها لما قدش ثرما ساع جدو قوله ابن هبه

ازال ضحكت: لاحرمني جنانك
♥️

وفي ختام هذه الروايه
كانت بسيطه جدا ببساطه ايام زمان وعاديتها وهدوئها وصدقها وعفويتها...
كانت المشاعر أوسع من حروف تترجم
وأصبح اختلاف الفتره الحاليه عن تلك الايام الجميله
كغربة جاءت بعد ألفة
فإن بقي من الحكايه شيء
فهي ذكريات الزمن الجميل

انتهت( ت.ع.خ)

الي ماعلقوش وين هم اخر بارت♥️🌹

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:46

الجد فرح : ماشاءالله تبارك الله ، مبروك
سام: انتو اول من يعرف قبل ازال ...وضحك
ازال مش مصدقه : انا ؟ واحمه؟
الجد خلاهم ومشي يصيح فوق الجهال بيلعبوا بالماء ...

سام بحماس أكثر لما مشي جده: والله واحمه ،، الحمدالله ، قلتلش يا ازال عيرزقنا الله ماصدقتي

ازال دمعت ويدها ترجف من الصدمه والفرحه: متاكد ؟ ماتغالطوش مع فحص ثاني مشتيش انكسف، اصلا مش حاسه اننا واحمه

سام ضحكككك: اصه اصه من الهباله ، ماتغالطوش ، جي نفرحهم هيا ...

ازال بتمشي معه وهي مش مصدقه و مزيج مشاعر ملخبطه...

سام سار لاعند جدته : ادووو حق البشاره اول واقلكم حاجه حاليه

جدته شافت ورقه في يده ومتحمس مبتسم و ازال جنبه: ازال نجحت؟

سام ضحك: هرمتونا سنه وذلحين وقت الخبر قمتو تهموا نجاحها

جدته: ماهو ؟ واحمه؟؟

ليلى ضحكت: قد دريت من خورات امس وطبيعه امس وانتو عادكم صدقتوا بالورقه

فاطمه: ايش من خوره

ليلى حكت لها الي حصل

صفاء نزلت : خبزتي يابنتي ؟

ازال: ماقد خمرش العجين...دكمت سام قلهم انت انا مش مصدقه

ليلى: هيا خداره امس حق ازال مش هي قات بنتش واحمه

صفاء فرحت: يووه صدددق .. بكيت ...الحمدالله

ازال بتتفرجهم سالت جدتها: طيب مابينحس اننا واحمه ايحين عيتحرك

جدتها ضحكت: عادش بسم الله ..

سام: يارب ولد امد الله معي كل بقعه

ازال : مع يارب بنت امد تعاوني ابسر عمه ليلى كم بيتعبوا حين وقعت انت الولد الاول

الجده صيحت فوقهم: مش هي جعاله تتخوروا ، مادا الله بخير وعافيه وبطلوا الجنان وصلوا على النبي بطلي حقش اللعب والجنان من الصبح وهي حافيه بتلعب ملاحقه مع الجهال في الحوش وتقطف لهم وتتسلق الشجر

سام مسك دقنتها: متزوج قرده انا !! عتعقلي

ازال: اشهدوا عليه

ليلى ضحكت: يعني ماعنسكه الكلمه هذه

صفاء : عاد عيجي ابنهم أو بنتهم يشهدونا ليل ونهار


الجده: كيف كان البيت حياه وانتو في الحوي جهال، وذلحين عيحيوه جهالكم عيجبرني بهم ويطول بعمري ابسرهم وانا بخير

ازال: شاطلع عند سميه افرحها

جدتها: واساليها زوجها ماعد جا يدي حقها الشقران

ازال : حرام ياجده بيخسر يوميه وهي والله مابيعجبها ولابتاكلهن، بعدا قدها بخير مابش داعي لحقكم الاكل الي يضبحها قدها ضابحه بيض ني وشقران ومدري مه

جدتها : من بيفرع للدم ، عادش عتلحقيها يابي وروحي مابش على ماتشتين...

سام: هيا وانتو وفو يكفي الرجال ضابح يشتي يفرح بابنه عنده من حين ولدت بيجي زياره ويرح له

جدته: مابش تتم الاربعين وتسير تتغذا سوا وتشتحط عتسير على بزا وعمر ( عمل )



بعد شهرين...

سام سار يزور سميه بيت زوجها في العيد

ازال: كيف ازال مع الوحام ؟

سام: كم تشوقنا...

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:46

سام: هو نفسه عطري الي عجبش من يوم العرس

ازال بتدور فوق التسريحه : مش هو والله إنه شم عطر ثاني

فتحت الطيقان

سام : مالش بتجنني برررررد ماكرها دفي المكان

ازال خرجت من الغرفه ادت نار وجالسه تبخر: قوم تغسل يا سام ولاتتعطرش لو سمحت الظاهر منتهي

سام: والله ماتغسل برد بينقلش من الجنان عليش تصنيفات احيان مالش خزنتي

ازال بتتغاثى : ماشي ...

خرجت من الغرفه ونزلت عند سميه

ليلى شافتها: مالش يابنتي ماترقدي ؟

ازال: مابش نوم شاجلس عند سميه اليوم وانتو اطلعوا غرفتكم

بعد اسبوعين ...
ازال طلعت بصحن ...
سام بيشتغل اوراق منسجم ويسطرهن سمع صوت قرمشه وهي بتاكل : جوعتيني مابتاكلي؟؟
ازال قربت جنبه اخذت قطعه : افتح فمك

سام فتح فمه وهو مركز في الأوراق ،،، بهررر وخرجها بسرعه من فمه شافها وشاف الصحن في يدها : مجنوووونه !!!

ازال مسكت قطعه ثلج وجالسه تقحصها وتتلذذ

سام شل الصحن منها: برد بردددد !!! انتي بعقلش !!! مالش خرفتي

ازال: خوووورته قوي

سام: خورتي الثلج حتى الثلج ماخليتي له حاله

ازال: عادك لو تدرا ايش فعلت نازل عتصيح عتقل الثلج اخرج

سام مقزز هزر الصحن والثلج من يدها: خلااااص قشوطتيني وانتي بتاكليهن ساع البطاطس

ازال ضحكت: عتدي الثلج أو انزل اكمل قد تقهويت ماء المداعه باقي ثنتين شانزل

سام شافها ضحك: ماء المداعه !!!! خراطه انا داري انش تكرهي شمها

ازال قامت فتحت باب غرفتها: والله انت أخبر

سام لحقها بالصحن ونزل

ازال خرجت من الديوان وفي يدها مداعه خرجت الحوش

سام لحقها واقف: اشربي ابسر

ازال سكبت ماء المداعه للقلص وبتشرب

سام طرح الصحن وجري هزر القلص والمداعه وبيصيح : تشتي تنتحري او ايش مالش جننتي مش وقت مزاح ومقالب معي عمل مالش بتتخيبلي

خرجت من المطبخ امه : مالكم

ازال : اشهدوا عليه بيدور هدار مابسر في يدي شله بيحانكني وبكيت .....

سام مصدوم رفع راسها: بتبكي صدق !!!

ليلي جريت والبصله والمقص في يدها : مالكم ماقلت لها!

سام بخوف: والله ماقلت شي يمه شكل مرتي جننت

ازال وهي بتبكي: خصمه لانا مفتهنه بيدور لي المشاكل صميل مش طايقني متخيصم لي

سام ناولها القلص والصحن : ها لو قدو عندش هذا خيصمه، سيروا عالجوها جننت رسميا .... ودخل زاعل منها

ازال شلت الصحن وهي بتبكي وبتاكل ثلج

ليلى : بنتي عتمرضي مالش !!

ازال: مابينمرضش بيناكل واصل ولافيني شي ...

ليلى: طيب ليش بتبكي ! هو بيحنجش خايف عليش لاتغثيش ماقال شي، يابنتي خزنتي أو ماهو !

ازال وهي بتبكي: كلكم مكنوني خزنتي جننتي مالش ، وانا مدري مالي ضابحه بتزيدو لي الضبح

صفاء سمعتها: تحاكي مع عمتش سوا مالش ؟؟

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:46

ازال : تمام.. امتدت

سام دخل لقيها نوم: مالش ماشبعتيش من امس نوم!

ازال نكزت: يوووو كيف تجي تنكزني في احلى اللحظات نوم عسل

سام: قومي ياعسل اصتبحي هيا مع سميه به فتوته وقهوه ياطعماه من الي كنا نسرقها على عمه دلال وهي والده

ازال قامت جلست:قلدك الله

سام: والله، هيا جي نصتبح معها

ازال قامت

سام ضحك : كان امشطي شعرش

ازال رجعت شعرها لاورا ولفته غسلت وجهها وبدلت ونزلت

سام وهو بينزل معها: امانه حد غثاش امس مالش رقدتي
أازال : انا فدالك والله مافيني شي يا روحي بس جالي نوم ماقدرت تمسك نفسي
سام طرح يده على كتفها وضمها : الحمدالله طمنتيني

جدهم كان وراهم شافهم وسمعهم : والله مانا موافقه، ياروحي انا فدالك طمنتيني ، معرصين

ازال وقفت ولفتت وراها طلعت بسرعه تسلم عليهم: جدوووو فقدت لكم قوي قوي قوي اسفه امس رقدت قبل ماتجو

جدها: ايوه مش انا روحش

ازال ضحكت : هيا عتبطلوا تحرجونا بيرجع يضايق سام فوقي بتذكروه اني رفضته

جدها: عيس ...
دخلوا عند سميه ...

سميه: جو اصتبحوا معي من الصبوح الي يعجبكم حين كنا نسرق من فتوته عمه دلال

دلال ضحكت: وذلحين عمه دلال الي بتفعلش

سميه: جبرني بكم تسلم الايادي طعيمه...
ازال اكلت معها : طعيمممه ماشاءالله كنت خاورتها

سام: انتي خاوره كل شي مابش شي مش انتي خاورته
جدته: صلي على النبي ، مجعجعين غربه شهر اكيد عتجي خاوره كل شي

سام: والله انها هانك تخطى من جنب اي شي تبسره وتخوره حتى الدمي ماخلت له حاله خورته

جدتها : يو صرفوا يابنتي مالش

ازال: لاتصدقوه بيتذربني بس

بعد العصر ...
ازال شافت بطن هبه: مابش معش بطن ماشاءالله

هبه: عادنا بدايه ماقد يبانش البطن ، وانتي ابسرش مبورده مافي حسش انش ماوحمتيش ، ياخبلا لايسير سام يتزوج عليش سيري تعالجي عند الدكتورات كلهن

ازال: ماشتعالجش مابش فيني شي، ولو يشتي سام يتزوج ازوجه حبيب قلبي اهم شي مايجلس شي في نفسه

هبه سكتت : برودش لحاله

ازال : اهم شي انتي بطلي ترسمي الرسمه تيه لانه صدق احس بعدها زوجش الي عيتزوج

سميه مسكت ضحكتها وبقصت ازال

هبه: ماعيتزوجش سعليش جمال وحلا و ادب وواحمه ماعد باقي

ازال: باقي الرسمه لاذمتي غيريها بحجر الله بتخلي عيونش مسحوبات ساع جناح الطايره ...اوبهي تغثي بنمزح طبعا

هبه تبرقطت وسكتت : ماشزعلش اكيد مزح داريه بش، اسير ابسر جدو ماسلمتش عليهم

سميه : يوه منش محد يقدر عليش مالش عليها

ازال : تستاهل هي بدات اللقانه سكتها

سميه : امانه قبال اهل زوجي حين يجو تسكتين دعمميها


ازال ضحكت: حاضر ، اسير ابسر ابنش قالو اديه ترقديه قبل مايجين النسوان

سميه: حاضر جبرني بش

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:44

ازال شافته بهرر : وقفت وجلست تدق الباب
سام قرب لجنبها: مالش ساع الجهال اهدأي خليتي الشارع يلفت لنا بطلي دقدقه مابش حد

ازال: تعبت لاخليتني العب ولا اجلس

سام: انتي الي بهذلتي بروحش فرحيهم...

قبل اذان المغرب ...
وصل جمال بسيارته من راس الشارع

جمال: شاطرحش واسير للمستشفى لو يشتي اخي شي

دلال: من عند الباب ؟ يوو ازال و سام
جمال سرع بالسواقه وصل خلف سام وطرق له بقوووه
سام عصب لفت شاف عمه ابتسم

جمال نزل سلم عليه : حيا الله من جا الحمدالله على السلامه مالك ماتقل لنا انك جيت

ازال قربت للطاقه : عمه دلال

دلال فتحت الباب ونزلت : تحاضنين تسالمين

سام: مش في الشارع راعين تدخلين

جمال فتح الباب ...سام دخل الشنط

دخلين ...
ازال: كيف لهم اول مره البيت كله يفضى

دلال بحماس : مادريتيش سميه في المستشفى ولدت

ازال فرحت : يوه الحمدالله ماوقع لها؟

دلال: مدري والله هم سارو المستشفى واحنا خرجنا قدهم شويه ويرجعوا اكيد اصلا خرجوا ظهر..

ازال: كنت اشتي افرحكم بجيتنا فرحتنا سميه...

دلال: عقبال مانفرح بش إن شاءالله
ازال: إن شاءالله يارب ...
دخلوا البيت ....
ازال طلعت غرفتها
سام دخل الشنط ..
ازال: ذكرت حين رجعنا من الفندق ...
سام ابتسم : ذكرتي جدو عيصيحوا هيا نروح

ازال ضحكت: قدك خال انت مصدق سميه معها جاهل

سام: مش انا مصدق مسرع الايام ...
ازال : صوت سيارات !!! تقل جو؟ خايفه عمه دلال يفركوا بنا جي ننزل الحوش ... نزلت بسرعه

سام لحقها: اول تاكدي هم او مع
نزل بعدها...
ازال خرجت للحوش واقفه ورا الباب
سام : هكذا عتفجعيهم بس خباله

ازال سحبته : مايقع بهم شي ..
عابد فتح الباب ودخل عشان يفتح الباب الكبير للسياره

ازال سحبت ابوها حضنته....
عبدالوهاب فوق السياره مستغرب : ماله عابد دخل ومافتح الباب

ليلى: الظاهر لو به حجره محوره
صفاء قلقت: صورته لقي سارق شانزل ابسر زوجي
الجده: يوو والفعله سارق بس جمال داخل الكهرباء رابعه..
سميه : وعمه صفاء تاخرو ...
عبدالوهاب نزل يفتح الباب شافهم سلم عليهم وبيسمع ازال بتامنه لايتكلم

عابد فتح الباب خرج يدخل السياره ...
الجده: مالك تاخرت ؟ واخوك دخل مارجع ماوقع!

عابد دخل بالسياره بيضحك: ماوقع شي

سميه فوق السياره شافت ازال بتفتح لها الباب : ازاال

ازال: مش قلت لش تراعي لما اجي ، ماراعيتي جيت ..يعني عتسمي النونو عليا

سميه ضحكت: بس هو ولد

ازال شافت النونو سارت تحضنه ودخلت قبلهم..

سام كمل يسلم عليهم نزل اخته وبيمشيها لداخل البيت

الجده دخلت جنب ازال جلست: هيا ابسرتي محلاه ساع خاله

ازال: يشبه من ولايشبه حد مدري كيف هو عجوز

النهايه قربت🫢

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:44

ازال حبت تعاقبه شويه تنرفزه: انا الي مبورده !!! ولا انت

سام : يعني حنقتي حين رقدت تقومي تفوتي الاختبار وترقدي

ازال: طبعا صحيتك لما شبعت وانت بتصيح وترقد وتغطي وجهك

سام : مالش ماتسيري

ازال: ماذاكرتش سوا شاذاكر على مهلي واختبر بعد شهرين

سام : لاحول ولاقوه الا بالله انتي من امس بتدوري مشاكل مالش

ازال: لانك جيت تتفرج مباريات ولاهمك اختباراتي

سام: مافعل اذاكر بدلش

ازال : مارضيت تسمع لي

سام: ذلحين انتي تشتي تجننيني صح انا شاسافر

ازال ضحكت : صح، عتسخى تفلتني وتسافر

سام شاف ملابسها وشنطتها : سرتي تختبري !!!
ازال : ايوووه عادنا رقدت نكزتني، ذلحين جاوعه سير ادي غدا

سام تنهد : الله يسامحك خفت الحجز حق العوده كان عيقرح علينا

ازال : مش مصدقه ايحين ارجع قبلك مدري ليش كارهه الشقه مش هي ساع حقنا مريحه

سام :هيا البسي نخرج نتغدا ونرجع

ازال : تمام اشتي اخرج ضبحت من هنا

سام: طيب قومي يلا جاوع ماعشيتيني امس ولا اصتبحت

بعد اسبوع في اليمن ...
سميه جالسه تاكل بلس من الشجره ...
جدتها: انا قلت لش تخرجي تخطي قد عتكملي التاسع وماولدتي مش تاكلي بلس بدون غسال

سميه: قلت لكم ماشولدش الا لما تجي ازال ولادي

جدتها: مش هو على ماتشتي اخطي من الكسل هيااا

سميه بزعل : قوا ياجده جيت عندكم امد ارتاح مش تخطوني

جدتها شلت غصن يابس من حق الشجر : والله لوما تقومي تخطي لايقع لش ضرب

سميه قامت مشيت بسرعه دخلت تتصل لزوجها
صفاء: لمن بتتصلي؟؟ مسرع عادو طرحش !
سميه بتبكي: معاذ هيا جي ذلحين لو ماجيت شاجي تكس... غلقت

صفاء : مالش صلي ع النبي

سميه : تاعبه وجده يشتوني اخطى صميل قلدكم الله بهذه البطن احمل ملان الحوي بيخافعوني بالعصيه... سكتت شويه مسكت بطنها وكتمت نفسها
صفاء شافتها مش طبيعيه عصبيتها ،حست انها بدات لها مغصات الولاد : بطنش بتوجعش؟

سميه: ايوووه ، اكلت بلس بدون ماغسله

صفا: هااا ، يلا تمام شاسير افعل لش فاير ونعنعه ...

في المطار وصلوا ...
سام: عتخلينا نقلهم يجو لنا قلك نفرحهم هيا راعي اسير ادي تكس

ازال: تمام اشر له وهو عيجي، لاتحلقها انا داريه انك تشتي تهنجم يجو لك كلهم

سام اشر للتكس : تليقني بس مافالحه غر باللقانه
ازال مشيت شويه لاعند التكس وحملوا الشنط ومشيو...

في بيت الجد...
عابد وصل عبدالوهاب والجده وصفاء للمستشفى
ومعاذ مع سميه وليلى فوق سياره...

في البيت...
جمال وصل : مابتفعلي؟؟

دلال: ولاشي كملت ارفع واغسول فرصه سارو المستشفى قلت ماشطبخش هيا نسير مطعم ونلحقهم

جمال ضحك: فرصتش مابحد امي تشحطش
دلال: ايوه ... يعني موافق

جمال: تمام لبسي الجهال هيا قطبه...

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:44

صفاء بضبح : مالش يمه صلي على النبي ليش تفاولي عليهم عادهم غلقوا

كلهم لفتوا لها

ليلى رفعت راسها: هم بخير ؟؟؟

الجده: كان كيف الخبر والله اني ابسرت الاخبار نكعت الطايره ؟؟؟
عبدالوهاب بضبح ارتزح يمسح عرقه وفتح زرار الزنه( الثوب)

جمال جلس وسط الصاله: صدق لك نسوان هيا ها قد عزين وبكين ودوخين وهي طائره ابسرتها امي يعني مابش الا هي في العالم منكم صدق يمه؟

الجده: وانا مادراني انا قلت هي نفس الطائره حين سافروا

عابد جلس يضحك عليها : خلاص الحمدالله هم بخير مابش شي تواصل بي واحد زميل في السفاره رسلوا لهم السواق ووصلوهم الشقه

الجده: الحمدالله على سلامتهم

ليلى ماسكه راسها

٠جمال شاف ليلى ضحك: هم وصلوا بالسلامه واحنا حوادث وسط البيت...

ليلى: الحمدالله انها روحت سميه ماشي كانت عتزيد تولد لنا بسبب الخبر هذا الله يهديش يمه بس طفوا عليها الاخبار تماما فجايع...

الجده ضبحت: انا قلت للمحترم هذا يتصل بي حين يوصل يطمني

رن تلفون البيت ...
جمال جاوب شافهم وضحك : الحمدالله على السلامه انتو بخير مانكعت بكم الطايره

الجده: ادي اسمع صوته اتاكد

سام مستغرب : ايش من طايره، ليش ماوقع؟

الجده: الله يقلعك انت وهي قد قلنا لها قد تزوجت ماتشتي بالشهاده خلاص ابوها

سام فاتح سبيكر التلفون الثابت

ازال بصوت واطي : ياسعم إن الشهاده تبطل لو قد تزوجت

سام : اسكتي اسمعهم .. ليش مالكم

الجده: ابسرت الطائره في الاخبار نكعت وبكيت كان عيوقف قلبي

جمال سحب السماعه يحكي له بقيه التفاصيل...

ازال بتصيح جنب سام : احنا بخيررر سعليكم ساجده

جمال بيضحك : اهم شي انتو بخير واحنا البيت كله إصابات

الجد قام من النوم نزل وصل اخر درجه وبيسالهم ايش الصياح الي وقع ماقدر يرقد

انقطع كرت الاتصال وتغلقت المكالمه بعد ما تطمنوا

ازال : هيا نخرج

سام: هيا قدنا جاوع الله يهديهم جدتي ولارضيو يفكروا كل مايبسرو اخبار حريق وزلازل يتخايلهم مابلا اليمن في العالم

ازال ضحكت: لاتزبج عليهم، والله إنه صدقك انهم هذك اليوم اتصلوا نقل لعمه ايمان يروحوا تسونامي قلك البحر عيوصل لصنعاء ..

جلسوا يضحكوا ويتجهزوا يخرجوا...



بعد مرور شهر آخر اختبار لازال ..

ازال : سام مش وقت المباراه سمع لي

سام : يلا عرفي ...

ازال : استراتيج

سام: لا ، تعرف المجتمعات ال

ازال بضبح : ساااام ركزز انا في التعريف الاول

سام : لو انتي حافظه عتسمعي اي تعريف يلا سمعي الثاني

ازال : مش هو على قولك اشتي تسمع لي الاول مش هو رياضيات تختبرني مذاكره او لا

سام معاجل على المباراه: طيب سمعي التعريف الاول

ازال: مشتيش شاسمع الثاني امد تعرف اننا حافظه

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:43

سام : ومن ايحين سميه تعرف ايش يعني سر مالها

ازال حكت له القصه..

سام : يعني بعسسه مابش شي

ازال: المشكله انها حلت المشكله ولا طمنتني وانا قلقه عليها

سام ضحك

بعد شهرين ...
ازال بتذاكر

سام وصل من الشغل : ازال انزلي ابسري من جا عندنا

ازال: اطلعلك عشا؟

سام: مع شانزل ، هيا جي نتعشى كلنا

ازال: مابش نفس معي مذاكره خيرات

سام: هيا هو يوم انزلي ابسري من جا بعدا اطلعي
ازال: اكيد هبه مادم فارح

سام ضحك مع ، طرح ادواته غير ملابسه : انا شنزل

ازال قامت غيرت ملابسها ونزلت معه بتتلفت مابحد وينهم كلهم....بتسمع مجابره مشيت للمكان الي نازل ولقيتهم كلهم : سسسسميه

سميه: مفاجاه

ازال: حيااا، ايحين جيتي من الحديده

سميه: الان وصلنا قلت له يوصلني عندكم ويروح
أازال بفرحه حضنتها : عتمسي هنا

سميه: ايوه ، دلا على الجاهل لاتحضنيني قوي

ازال فرحت: واااحمه؟

الجده : ايوه مش ساع بعض الناس مكنونا مش وقت

ليلى بمشاوره: لاعد تحانكيها يمه حرام ، ما اراد الله مش هو بيدها

الجده : الا جلست تفاول ع روحها لوما ماوحمتش

ليلى: خلاص حرام مشهو بيدها

الجده شافت ازال بتضحك وتتجابر مع سميه: والله مافي حسها ابسري

سميه : جيت خاوره اكلكم ايش عتعشونا؟

ازال : مافي نفسش من عيوني افعل لش

سميه: مش خاوره من يدش شي ( قرربت تشاورها) , اليوم نتجابر بكره شاقلش ماخاوره امد لاتسيري المطبخ

ازال ضحكت: جبر الي بتهربني من المطبخ


سميه: هيا ازال اوحمي امد يتزوجوا عيالنا

ازال: ناهي قدو على الله ايحين ماسخر لنا

سميه: يارب ، وبعدا لاتهمي الاختبارات عتسيري وانتي واحمه مابش بزا تهمي

ازال: ماعد بينهم شي مخليتها على الله

سميه: خاوره نخرج الحوش ونتجابر ونجعل ونعيش ايام طفولتنا

ازال ضحكت: برد عليش يامجنونه
سميه : سهل اهم شي يا سام مش تقل تاعب وعنلعب صراحه

سام: ماعد نحتاجها

سميه ضحكت: خلينا نخرج لو عاد باقي شي ماعترفت به

الجد: وانا شالعب معاكم

عابد : وانا

سميه شافت ازال وسميه: والله مارحمكم ماذلحين حتى لو لعبوا لافضحكم

ازال ضحكت: الله يستر

دلال: هيا ماتخوري

سميه: الخبز حق ماما ، والمطيط حق عمه صفاء ، وحقكم السحاوق والشاهي حق ازال

الجده: هيا كلكن للمطبخ خورين سميتي


سام: حالي الدلع هذا توصل تتشرط تدخل البيت كله للمطبخ

الجده: عنبسر مرتك لما تتخور ماعتفعل

سام: حتى لو الجاهل جا اعور ولا شافعل شي




في الحوش سامرين
الجد : هيا عتلاعبونا

الجده : اليوم متحمس يلعب

الجد: اللعبه تيه من حين لعبوها ابسرنا سام قال يشتي ازال


سام شاف ازال: جدي فهمو من يومها وانتي ولا فهمتي

ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:43

ازال: طيب وخرج قلتي ، خلاص عيتاكد ، يلا ابسري مشكلتش وارجعي طمنيني تمام..

سميه سمعت صوت غلقت وجالسه تفكر بكلام ازال

معاذ دخل معصب : مالش ماتتكلمي وتدافعي على نفسش يحصل اي شي تهربي لدرجه خليتيني من تصرفش اشك إن به شي بسببش

سميه مافهمت صياحه إنه دفاع عليها: والله مافعلت شي ابسرتهن يتصايحين ماحبيت اتدخل خطيت

معاذ : لما حد يسالش جاوبي

سميه : مقدرش ساعهن اقالع وارادد وقت الصدق يسير الحكا مني مافعل ( بكيت)

معاذ مسك راسها وضمها: انا عشانش ياخبلا عشانش زعلت عليش مش منش ، زعلت يصيحين ويتحانبين وانتي بدل ماتقلي مش هو انا، خطيتي

سميه: يعني مش غاثي مني

معاذ : ليش اغثى منش ،بتغثيني بلادتش جاوبي بهدو بدون مشاكل

سميه : قد عمتي دافعو عليا رجعت خطيت ، غثيت منك انت الي شكيت فيني وخرجت ابسر

معاذ : لانه ماتوقعت طيبتش لهذه الدرجه قلت شكلها تفعل الفعله وتهرب بيجننين حين تخرجي

سميه ابتسمت لما سمعت كلمه طيبتش : اهم شي مش انت زاعل

زوجها حبها فوق راسها : ماشي مابتفهميش إن زعلي عليش بس مش زاعل افتهني ...

في بيتهم في غرفتها ...
ازال جالسه تقلق تلوي وكل شويه ترفع سماعه التلفون تشوف شغال عشان سميه تتصل تطمنها

سام دخل في يده اثنين عصاير: حقش الجوافه وحقي المنجا
ازال : اشتي المنجا ماعد بتعجبني الجوافه
سام : من ايحين ! زمان كان تضاربي على الجوافه

ازال: زمان، ذلحين يعجبني المنجا ..

سام: الله ، كيف لوما

ازال بشقاوه ودلع قربت منه : زمان

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 April 2026 23:34

سام: اهااا مش موافقه عليا

ازال قربت تكلمه بصوت واطي : مش قلتلك احبك خلص ماعليك من ايام الموافقه

سام ضحك على حركتها: هااا صح

الجد بيتلفت لهم: مابتقلوا ارفعوا صوتكم مابيضحكك ماقالت لك

سام: قالت ماكانت موافقه الا عشانكم وافقت

الجد فاهمهم بس بيدعي عدم الفهم ضحك: الله يصلحكم...

دخلت الجده واعمامهم جلسوا يتجابروا ويضحكوا...

بعد ماطلعوا غرفتهم...

ازال: شاغير بقعه ثيابك في الدولاب

سام: ليش كلهن سوا

ازال: ماشي ، هنا اريح لي على ماتعودت في غرفتي كان جهه اليمين ملابسي

سام: ناهي ماتفرقش معي عادي ...
ازال: طيب بدل الكسل جي شل لداتك انت وانا ارتب لداتي ( ملابسي)

سام: هيا ازال مش وقت ذلحين بعدين
ازال : الا وقت مابش معك شي ، هيا اشتي ارتب ملابسي

سام: شليهن انتي مايقع بش

ازال: ارتب ملابسك وملابسي يهي او معي عشر ايدي

سام: المره ترتب لزوجها هيا مه

ازال سرحت شويه وضحكت لفتت له مسكت وجهها : ساااااام

سام شافها : مالش

ازال بحماااس : تصدق عادنا اوقات اتعامل معك ابن عمي الي كنا تتضارب سوا او اخو سميه الي بنتداور انا وياها في عمل البيت وانسى انك زوجي ، ذلحين ياسعم لو انت زوجي ارفع لك انا

سام ضحكككك بصوت: الله يقلع عدوش قلك اخو سميه نكرتني ، ايوه المفروض ترفعي ملابسي انتي

ازال: يو لازم ااتعود على وضعنا الجديد ،، و انسى محانبتنا كن ذكرني مش تزعل مني تمام

سام ضحك وهز راسه: تمام،،،

ازال منسجمه بترفع وترتب وتعطف

سام شافها كملت : تميتي ؟؟

ازال: اخيرااااا من يصدق الدولاب كله عطفته و رتبته في نص ساعه
سام بنظره هنجمه الي تضبح منها ازال رفع يده يأشر لها : هيا رفعي زد الادراج حقي الي هنا وهناك وابسري اين تفعليهن لي في بقعه واحده

ازال بنرفزه : ساااام بتزبج او منك صدق ! انت داري مايعجبني تتحاكى معي هكذا

سام عدل جلسته وبعصبيه : ليش !! زوووجش كيف تشتي احاكيش ساع زمان !! اسير اخسر جعاله مدري بكم وافترش في الحوي بين جلسه بنات امد نبسرش وفوق هذا كله اسمع لي كلمتين ولقانتين ويقع لي نزفتين من جدو ودخلت اكوبس بش للصبح و ارجع ابكر ع صورتش


ازال مصدومه : ساااام !!! مالك ؟؟

سام شافها مستغربه ضبح اكثر : ماااالي ؟!! تشتيني اجلس ساع اول !!! قسما بالله لو ما تغيري اسلوبش وتحترميني وتبطلي لقانه على كل كلمه اقولها ، مابش جدو جده بابا ماما بتسمعي بينحاكيش

ازال: مالك بتتكلم هكذا !!! ليش قلبت ايش حصل ؟

سام: عادنا ماقد قلبت انا عادنا بينتحاكى بفمي كيف اشتيش تتعاملي معي وتعامليني، ذلحين مش ساع اول ...


خارج غرفتهم الجده بتمشي مع دلال للمكان الثاني سمعين اصواتهم

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 April 2026 23:33

سميه: مابيخرج العقل الا لي نصايح ،هذا وشبعتي اخي امس بكاء ، هيا شاعلمش امس معاذ ولاعد تكلم مبسوط من مجابرتي

سام ضحك: مبسوط؟ لحالش يختي

دلال قاطعتهم : جي دخلي العصير لزوجش

فاطمه: عصير مه سير ياسام امسكه غدا هيا قربين

شافت سميه وازال

الجده: من بينحاكي سيرين قريبين

دلال: يوه انا شاسير

فاطمه: كملين حرويه

ازال لفتت اسميه: قد بتدخلي مطبخهم؟

سميه: مع

ازال بمزح: سمعتوا يا ماما حنجا، قلت لكم بتعاملوني مرت ابنكم مش بنتكم

ازال قامت : خيره الله شاسير اجلسي ياسميه
ليلى ضحكت: اجلسي بيمزحوا معش

جدتها عاندت بمزح: سيرين

ازال وسميه سارين يقربين

ليلى:مالكم؟

عمتها ضحكت: خليهن ابسر عاد لي كلمه عليهن او مع

دخلين المطبخ

سميه: اين المضرب اضرب الحلبه

دلال ضحكت: بقعته ولا غيرنا شي بالمطبخ

سميه شاورت ازال: قد اعترف لش إنه حبش ؟
ازال بنص عين: مافايده ذلحين كان عيعترف زمان

سميه بضبح: شلوش ، انا امس قلي كلمه حبيت طبعش وفرحت قوي

ازال ضحكت : غر قعي عاقله عيقل خفيفه

بعد ايام اخر يوم لهم بالفندق بيتجابروا.

سام: يعني اعرفش ذكيه ونبيهه و لافهمتي اننا حبيتش

ازال باستغراب : حبيتني ؟! ماع مافهمت! كيف افهم واحنا واصل كلمه بكلمه مطابزه محارشه

سام: هذا حب يا ذكيه، ليش ماكنت قريب من هبه وغيرها

ازال مسكت خصرها: ومن قال انك ماكنت قريب كنت الذوق والاحترام لها وانا تحانكني

سام: لاني احبش

ازال ابتسمت وبتعطف الشنطه

سام: دريتي ذلحين

ازال تذكرت أنه ماصاارحها : مادريت

مفروض كنت توضح لي مش تدعمم انا حسيت اخر مره انك تشتي تعترف بس حسيت اني بينفكر غلط لما شفتك مالمحت

سام: ماحبيت اعلقش وانتي بعيده واشغل بالش بشي مش بيدنا هذك الفتره بس لمحت لش قلت لش لوما تجي شاقلش شي مهم

ازال تغيرت ملامحها لزعل ذكرت الاعتراف هذا وحست أنه حب بس راح شكوكها لما سمعت خبر خطبته

سام: ياساتر ماهذه القزازه

ازال: لاني حسيت عتقل شي يخصنا بس انصدمت بخبر خطوبتك

سام: بيسحب الشنط وهم خارجين، محد قلش تركني تنبي سميه وصلتها لي بطريقه جديه انش رافضه لي و زد من حق سميه لاتخسرنا إخوتها انتبه تعترف صدقني انا اعرف ازال لو شي انها حاكتني ، وانا رجعت خطبت

ازال: خلاص ماعلينا من الي سار اهم شي الان والي جاي ، مانسينا شي ؟ بتتفاقد الدولاب والتسريحه

سام: الا نسيتي اهم شي

ازال بتشوفه وتتلفت : ايش؟

سام مسك خدودها : نسيتي تقلي لي تحبيني أو مع

ازال استحت : انت داري

سام: ماهو؟
ازال زلت لسانها وهي بتصلح البرقع قدام المرايا : اننا بينحبك اكيد

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 April 2026 23:33

معاذ كركر يضحك: خليها على الله خزنت معي امس ولا عد قدرت اجمع المواضيع من كثر ماتحاكت

سام جلس يكركر: هي بدون ماشاءالله عاد لما تخدر ، سهل تخديره مجابره خيرات ولا دحس وبكاء

سميه دخلت : بتحشوا عليا ، قد استلمت اخي تشتكي له

معاذ : هو بدا يزبج عليا وانا استقضيت بش

دخل عبدالوهاب والجد وعابد

في الغرفه الثانيه

ازال بلقانه: رجعتي ؟ومعاذ
سميه: بس خباله خلص قد دخلوا كلهم عنده وانا رجعت

ازال: ياسعم عيفتجع وحده

الجده: عادنا بينقل اول انش عاقله وبتعقليها ماذلحين عتمحقي ، سوا مره تبسر زوجها مش ساعش جيتي ولا عد دريتي وين زوجش

ازال بغيره: جددده بطلوا لو سمحتوا من حين تزوجت وقعتوا مع سام وكأننا مش بنتكم كاني عروسه مخرجيه

ليلى: ماعزش وماغلاش بيمزحوا معش ، كيف انتي ياسميه مرتاحه كيف عمتش والي في البيت

سميه عدلت وضعيتها تشتي تبدأ تشكي

ازال بهررت لها: بيسالوش كيف هم جاوبي الحمدالله بخيرين

سميه: هم امي مالش ، خليني أقلهم ماكرها جيت اقل كل شي ، بس اول شي جاوعه ماقدرش اكل عندهم سوا مدري كيف بينخزا واحس الاكل غير حقنا

دلال: يو بعيني الان اغرف لش

ازال لفتت لها

دلال: وانتي والكل من عيني

ازال: مع تسلموا شابعه والله بس بينحس بيندفع ضريبه اننا حريوه من وسط البيت الي عشته مابش لي هيبه هكذا

ضحكين كلهن

صفاء: مالها عمتش ، خليها ي ازال واهجعي من اللقانه

سميه: اول شي قالوا على الكسوه ، ذوليه بس ، الناس بيدو سبع زنين مطرزه وانتي ثنتين من حقنا حسبتيهن

ازال: مالش ماتقلي لهم كنتو عتزيدو المهر

جدتها بهررت: اصه هذه مدكومه عتسير تقلهم صدق

ليلى: دعممي قلي لو فعلتوا ثالث كنا زيدنا زنه

ازال قاطعت: ليش انتو عتفعلوا لي ثالث

دلال دخلت بصحن الاكل وهي بتضحك : ياهمتاه لكن ذلحين مقارنه

صفاء: ماشي إذا مافعلوش لسميه ماعنفعلش، نفعل لكن يوم شكمه وبس

ليلى: ليش مادخلنا بهم لو مافعلوش نفعل لازال احنا ونعزمهم ونتوج بنتنا

الجده: وعليهم حق الكوافير قعي حاذقه طالما عمتش بتتليقن

ازال: هيا مه ياجده من بيخرب انا او انتو

ليلى: و زوجش مابيقل شي

سميه: هم يصتادوني وانا وحدي ياسعم يدخلين يرفعين غرفتي أو يدين لنا الاكل ويفعلوا لهم كلمتين،

سام دخل : اول مره ادخل بدون مادق الباب قدي مرتي المخدره هذه

ازال شافته ضحكت: خلاص لاتبدع بي

سام متحمس يقلدها: والله لاقلهم ، فعلت لي امس ليله ساع ماكانت ياعمه صفاء وهي جاهله تبكي ماعد تسكت ومبهرره ياسااتر وجدو كسرت راسي جدو ماعيقلو انحنا هنا

سميه: مابيخرج العقل الا لي نصائح ،هذا وشبعتي اخي امس بكاء ، هيا شاعلمش امس معاذ ولاعد تكلم مبسوط طبيعتي حاليه

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 April 2026 23:32

معاذ : لو دريت اني خليتش تدعسي انتي ارجعي اساليها امانه ايش الفرق من تحاكا اكثر هي ولا اخوش

سميه : تمام يارب بكره نتلاقى انا وياها حين نسير بيتنا

في مكان ثاني ...
ازال : الحمدالله مالك ماتاكل انا كنت جاوعه

سام: بعد القات ماقدرش اتعشا بس عشانش

ازال: عشاني بعد ايش ، وعاد سده النفس لك مفروض انا الي ماكنت اكل

سام: الا كلي ، بس انتي داريه لاعد تخزني

ازال: كنت داريه انك غاثي على حقك القات اني شليت نصهن وحين قدنا مرتك ماعتقلي حاسبيني ساع زمان نفرق

سام : اشربي حليب عاد باقي شويه اثار قدش احسن من اول

ازال: ليش مالي ؟

سام: الضبح بينحس بعد منش شويه

ازال: ايوه مالي شي احسن ، هيا نخرج

سام: حاضر الساعه ١٢ سهل؟

ازال: يو مع شرق خلص بكره، قد فيني نوم ، تصبح على خير

سام : يارب مايجي لش نوم

ازال: مالك بتتخيبل

سام: امد ننزل الحوش حق الفندق لوما جالش نوم

ازال: خلص هيا ننزل شويه مافيها لو الساعه ١٢

سام: هيا البسي
ازال: راعي ابدل

سام: البسي بالطو ليش تبدلي؟

ازال: انزل بتويتي قلدك الله

سام: قلدني الله لاتنزلي بها ساع مالبستيها لي وعتبدلي لهم ! والله ماسبرت ، هيا البسي البالطو وانزلي يا تويتي

ازال ضحكت

سام: اخيرا جنه لش حين قد بانين اسنانش

ازال: او قصدك اننا ثرما

سام : هيا بحجر الله قومي ، بقي نكد لبقيه الايام مش كله اليوم .. هيا اقطبي

ازال بتتلثم بسرعه وتتمرا

سام: هااا عادها عتسبك البرقع قدهن حاليات من الله عيونش
ازال ابتسمت ومشيت معه

وهم بيتمشوا في الحديقه

سام: لو ادهفش لاوسط المسبح ماعتفعلي؟

ازال: ماعتدهفنيش لان بيسبحوا رجال فيه

سام: صح ذكيه ، بعدت الخداررره اخيرا؟

ازال: ايش من خداره

سام: الجنان الي فعلتيه طالع؟
ازال ذكرت الضبح الي كان فيها: مع باقي شويه ...
اوريك

سام: اسكه؟؟

ازال قربت منه مسكت يده ..

سام ابتسم فرح ماسكه يده من نفسها

ازال قربت منه : ماعتفعل لو اجنن وادهفك ذلحين

سام: شاسبح مع ال...

ازال دهفته لاوسط الماء

سام تفاجأ وقدو وسط الماء : يحححح ... جلس يضحك والله يا ازال؟ وانا ماشخرجش ،،،، ابسري مع من شاسبح....

ازال: لفتت تشوف المسبح فيه اجانب بس عادها ركزت إن في المسبح واحده

سام: كنت بينقلش شاسبح مع الاجنبيات بس انتي قفزتيني

ازال حست بغيره: هيا اخرج هو مقلب صدق نفسه
سام: ماشخرجش مابش معي منشفه

ازال: شاسير اديلك

سام: سيري

ازال:وحدي ؟

سام: مافعلش ماحد قلش تدهفيني

ازال: جحفه مني يمزح معك

سام: ابسري كيف شاسير لاعند الشقرا اقلها مرتي بتسلم عليش

ازال: سام بس خباله عيب اخرج هيا قدنا مضايقه


ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 April 2026 23:32

سام قام مسك التلفون الارضي و بيتصل لجمال: راعي ابسر عمي جمال لو ذاهن يفتح لنا ، بس مشتيش تسيري وانتي غاثيه مني اول نتفاهم وبعدا تسيري والله ماخطفتش كيف اخطفش انتي مرتي يا مجنونه

ازال بكيت: مجنووونه؟ كيف قلت بتحبني وذلحين تقل مجنونه

سام بيسمعها مصدوم وعمه ثالث مره يرد( الووو ) : ايوه ياعم العفو غر بينسمع ازال

جمال: مالها؟

سام: انت ذاهن ! تشتي تروح عتفتح لنا الباب

جمال: ليش مالكم؟
سام: مدري والله مالي علم مالها قلك خطفتها وضويتها بدري مش داري مالها بتبكي تشتي تروح شاروحها

جمال ضحكك: صوتك مخزن؟
سام: ايوه
جمال: وهي خزنت؟
سام: -ايوه

جمال: هيا هو القات خليها تبعده واديلها اي شي ، قد وقع بي ساهم بس مانا بكاء بكيت حين ضربتها امها قبل خطوبتها باسبوع حين عجنت ونسيت الملح ملحت وعجنت ابي ذك اليوم

سام ضحك : طيب مالهن! هذه عمه دلال بتخزن مابش فيها شي

جمال: ايوه ، وجدتك ولافيها شي ، بس هولا مدري مالهن

سام ضحكك: الله يستر على سميه شكله القات فيه جنون البقر مش هي اللحمه

ازال: بقره !! والكل جنون بقر !!, ماذلحين والله لاتروحني ادي السماعه : بتسمعوا ياعم بتسمعوا قال مجنونه وبقره

جمال بيضحكككك: لو تروحي هكذا حرام جدش لايعلقكم للصباح في الشجره خارج الحوي

ازال: وانتو بتضحكوا والكل عليا كلكم قلبتو معه من حين تزوجني حتى جده حتى عمه ليلى وانا ماكني بنتكم

سام شل منها السماعه: مافعل ياعم ابسرت

جمال: خليها تبعد القات خرجها تشم هواء عشيها شربها حليب ، مرتك خدرت للطرف
ازال: مافعل قد قلك جدي عيربطونا ساع زمان عرض الشجره ربطها طالما مجنونه قلبتو كلكم عليا..

سام غلق التلفون مسكها: جي ابعدي هذا اول احس ثقل على راسش وقلتي لي ماعجبش وعجبهم هم انا تعجبني ازال نفسها مش لبسها البنت الي نتفنا شعر بعض لما قلنا بس ابردي لش من حقهم اللبس هذا

ازال بتبعده: قد راسي بيوجعني كنت عتقل لي هكذا من اول

سام بصوت واطي:عدي الليله يارب على خير يارب اقدر اسيطر على الوضع بدون مانروح ويشمتو جدي فيني

ازال: بتحاكي نفسك؟

سام: مع بينقلش يعلم الله الليله ايش عيطلعوا لنا من عشاء

ازال: جاوعه قلهم يدو اكل ذلحين، ساع حق امس ، ولا امس حين احنا عرسان

سام: الله واليوم والكل بس مراعيين نتصل

ازال أ:ابسر شعري كيف قعف

سام: من البخاخ هذك حقكن سهل عيغتسل
ازال: والله لاغسله ذلحين مش هو على مايشتين قلك لاغسل المكياج وشعري وهو ماعجبني

سام: ايوووه والله انش تغسلي مابحدهن مالهم دخل انتي حره هيا ادخلي افعلي دش تبردي شويه

ازال : وانت اخرج ادي عشاء ماجلستك هنا

سام: حاضر شاخرج خارج الان ادي عشاء سيري

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 April 2026 23:32

ازال : هذا حقهن العصبه قلك لازم البس هكذا

سام ضحكككك: شكلش غريب

ازال: ابسر انت عادك اول مره تبسر حريوه ماكان معك خوات يتزوجين قبلي لاتجلس تضحك عليا والله لابعدها بس عيصحيوا عاد النسوان طالع

سام: مادخلني من النسوان ايحين عيجلسين يجين قومي البسي هيا نرجع الفندق

ازال: بس خباله عاد الساعه ست والنسوان ملان

سام بهنجمه:ازال خمس دقائق وانتي نازل قدنا ضابح من التفاريط حقكن هذه...ومشي

ازال طلعت مستغربه ماله بيعصب قد بدأ يهنجم عليها

ليلى لقيتها في الدرج: ليش نزلتي

ازال باستغراب: مدري ماله دعاني سام بيصيح قال البس واخطى الان

ليلى: يلا وقت اخطي

ازال: حتى انتو ياعمه عادو مغرب

ليلى: ايوه اخطي لش بس، جي البسي وانزلي

ازال تحسست من ليلى ليش توقف لاول مره مع سام لانه ابنها بدل ماتكلمه تجلس شويه

صفاء : ماعتاكلو انزل افعل لكم عشاء سندوتشات
ازال: مع يمه معهم كل شي


صفاء: ماهو كل شي كيك عصير مايشبعش

ازال: به مطعم بيطلع اكل

صفاء : ها تمام ، ماتشتي شي

ازال: سلامتكم ،،ودعتهم ونزلت طلعت السياره

ازال شافته استغربت: مخزن ؟؟؟

سام: ايوه صاحبي شل قاتي وحلف

ازال: مش وعدتني ننزل اليوم نتمشى في حديقه الفندق ونسهر عند المسبح

سام بيضحك عليها: مش هو بحر نسمر عليه، عادي نخرج نصتبح ونسمر بكره كيف تنزلي وانتي لابسه هكذا فوقش دورين ( قصده العصبه)
ازال: قد قلت لهم ابعده مارضيو يخلوني ابعدها قلك تبسرها مش داريين انك عتجلس تزبج عليا طول الوقت

بعد ماوصلوا ..
سام : ايش القمر هذه قلك ازبج عليها ، تشبهي امي حنجا حين يلبسوا المصر الطالعي فوق اللثمه الملس

ازال تشتي تبعدها
سام مسك يدها: والله ماتبعديها

ازال ذكرت انو شعرها قد شكله عيكون مخرب من العصبه جلست

سام: خزني معي

ازال: طعمه حامض مايعجبنيش

سام: ايحين طعمتيه!

ازال بتشرب عصير كوكتيل : في خطبه سميه طعمت ورقه حامض

سام بيمزح معها: سكعيه في العصير

ازال شلت عودي وغمسته في العصير

سام بيضحك عليها: هبلا صدقتي

ازال : صدق كلامك وقع مسكر

سام: ياخبلا ماهو هذا الجغيص مش هو ابو ولد

ازال: ماشخزنش الا هكذا

سام: ناهي افعلي ماشتيتي

ازال : اصلا سميه اتصلت لي على خرجتي قالت خزنت مع زوجها العصر

سام: عادنا متجمل انش سمعتيني وانه عشان سميه

ازال ضحكت: ماغرتش من سميه زمان عتغير منها ذلحين

سام: زمان ماقدرت اقلش اني احبش كنت افرح بقرب سميه منش امد اتعذر بها واجلس معاكن

ازال كل شويه وتشل عودي

سام : اين بتجي بهن قد تميتي نص الكيس

ازال: اشتي افعل ساعك ولاقدرت بيذوب ويمتغط


( اعتذر عن انقطاعي لنشر البارتات تعبانه شويه)

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:47

سام: كم تشوقنا للوحام هذا احنا الاثنين ، بس فرحت به وكرهتني انا ماعد بتحبني

سميه ضحكت: ماشي ياخي كيف ماتحبك مالك رجعت هكذا ، هي المره في الوحام تتغير طبيعتها ويعيفين الزوج والأهل والبيت والأكل وكل شي

سام حس باستغراب : صدق ؟؟ انتي عيفتي؟

سميه: ايوه

سام: وتحملش زوجش تسعه شهور

سميه ضحكت: انا عيفت ثلاثه شهور وبعد الخامس خف وافتهنت

سام بيحسب: يعني كم باقي لها وترجع طبيعيه ، أحسها مش طايقتني كل ما اجي تتعرض بعطري وقد حلفت مابينتعطر، بينتاخر في العمل امد ترتاح لو انا موجود ابسرها في مكانكن مع جهال عمي جمال

سميه: سهل لاتغثاش منها وتعاملها بزعل ، تحمل عتتغير

سام: قد خفت لو كرهتني

سميه: مع مع صلي على النبي ..هي فتره وتعدي....

سام : الله يعين، هيا ادي حبيب خالو اعسبه واسير اكمل السلام...
سميه: راقد يامنعاه ماكرها رقد ادي عسبه لي

سام طرح عسبها وعسبه: وقلدش الله لاتشليه عليه، اول لعبه من خالو شاعسبه اكثر منش ...

سميه قربت تعطره..

سام: مااااع يامنعاه عيد ماشتيش اتصايح معها

سميه: ضحكت ، يلا الله يعينك...


في البيت ...
ازال جالسه جنب ابوها بعد مارجع من سلام العيد...
سام جلس جنب عمه شمه عطر : وعمي معطرين!

عابد : من كل لون ونوع ...

سام شاف ازال: سبحان الله ياعم عطركم مايدي التعب

عابد ضحك شافها وشافه: اديلك عطري

ازال: مابينشمهم معطرين

سام: لا اله الا الله...

الجده : سيري اضربي لعمتش الحلبه

ازال : يووو ياجده ادولي اي عمل غير المطبخ...

جدتها: كان اعيف و اتلثم وادخل اطبخ وافعلهن كلهن من الغنج

ازال: انتو حميش محد ساعكم ولا انا شي جنبكم

جدتها: انا اوريش يامعرصه....

بعد العصر جلسه العيد ..

هبه: تاكدتي إنه وحام بعض اوقات يغلطوا

سميه: اكيد مش هي حامل من امس قدلها شهرين

هبه: ماشاءالله هذا وانتو والكل بتخبو
ازال: ماخبيتش ماجيتي ولا اتصلتي عسب تدري

هبه: مانا ماشمرعش قد شاولد لاتفتجعي عيني ملان

ازال: الله يعينش بس ..خرجت من عندها

في الحوش جالسه تتفرج الجهال بيلعبوا وتتذكر ايامهم شافت سام دخل بالسياره

سام : مالش هنا؟

ازال: اشم هواء ، يا سام تذكر وانا صف سادس شليت عسبنا سلف تشتري لك سيكل ، انت داري انك ماقد رديت لي الزلط

سام جلس جنبها ضحك: عادش ذاكره صف سادس ، يو والحاذقه كيف لوما ذكرتي

ازال بتضحك و بتأشر له: ابسر الجهال بيسلفو بعض ذكرت

سام خرج من جيبه: كانت ٢٥٠٠ صح هااا شليها

ازال ردتها : ماعه كانت خيرات

سام: ٢٥٠٠ كانت

ازال: ايوه
سام: كيف خيرات

ازال: ميه وعشرين وعشره

سام ضحك: عيزكيش عقلش ، ياجهاال جو اصرفوا لي عيطلع الجاهل داحوس ساع امه..

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:46

ازال : ماقلت لهم شي، هم داريين غاثيه من سام مش منهم ماخلانيش اكل ثلج وخورت ماء المداعه ولا خلاني مادخله يتحكم بي انا حره ...

صفاء لطمت وجهها : يووو خاوره هولا ؟؟

ليلى ضحكت جلست في الارض : مادريت انش تشتي ماء مداعه صيحت على الثلج انتي داريه انش واحمه؟

ازال: ماشي

ليلى قامت سحبتها من يدها: قومي أخطي البسي ذلحين

ازال: ليش ! مالكم اي شي يقع قلتو واحمه واسير افعل فحص مش انا واحمه، انا ضبحت دغاز والله مادي خطوه بتكتسر نفسي انا مش انتو

صفاء: قومي ناهي من العناد جحفه يا ازال لاقد عاندتي يخ

ليلى طلعت تدعي سام: ابني شل مرتك تفعل فحص

سام: مش انا فاضي ، وبطلو تدعوها اي شي تخوره قلتو واحمه لو ماخرفت البنيه قد بتخور مداعه

ليلى ضبحت منهم: قسما ان قد رفعت لي ضغطي مرتك مش انا ناقصه لك قوم شل مرتك ذلحين

سام: لبكره تصوم ونفحصها عتطلع مجنونه رسميا قلك ولحمه

ليلى: هو انت الي جننتها وقهرتها ماعندها حجه تبكي منك تفلج القلب...خرجت وغلقت الباب

سام ضبح انحرج تخرج ابوه اخر الليل أو حد من أعمامه قام شل المفاتيح ولبس الكوت فوق بجامته والفلوس من الدرج ومشي...

صفاء : قومي البسي استحي ع نفسش قد نزل زوجش هيا قد اديت لش حقي البالطو هاا

ازال قامت بضبح لبست ...

فوق السياره هدوووووء وهي بتبكي

سام مقهور عليها وساكت يشوفها تبكي ويزيد الضبح ويسوق بعصبيه

وصلوا المستوصف فعلوا الفحص وقالو لهم ثاني يوم النتيجه

ازال : خلاص بكره رجعتك من العمل لديها ، يبطلوا فضول ضبحوني واحمه واحمه


ثاني يوم ...


سام راجع من العمل وفي يده كيس ومبتسم فاااارح ...: دخل الحوش بيتلفت سمع صوتها بتلعب مع الجهال ...

ازال ورا الشجره مخبايه مغمضه عينها: قوق ولا عادو ؟؟؟

سام وراها واقف ابتسم ذكر ايام طفولتهم : مسك طرف شعرها وتخبى ورا الشجره...

ازال شافت انعكاس ظل حد واقف ورا الشجره : ابسرتك يا حمودي...

سكتت شويه لما لمحت طرف جاكت سام قربت من الجهه الثانيه فاجأته : سااااام


سام افتجع: الله يقلعش ليش جيتي من هنا نكزتيني

ازال شافت يده كيس فيهن ايسكريمات: الله لمن هذااا !!!!

سام حضنها بقووووه : لش كلهن لش اجلسي كلي لما تشبعي

ازال حضنته بفرحه : يوووو انا فدالك ياروحي احلى زوج في الدنيا مادراك اني خاوره ايسكريم

سام خرج نتيجه فحص الحمل وهو مبتسم ...

جدهم خرج لهم من ورا الأشجار بالغصن الرفيع حق الشجره خفع سام: عاد شي حيا انت داري كم واحد ساكن في البيت !!! وقبال الجهال تتحاجفوا ماهي قله الحياء هذه

سام خزززي : والله ياجدو أنها حضن فرحه مش قصدي شي والله فارح حين ازال واحمه....

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:46

هبه شافت سميه وحدها دخلت عندها : يختي مسكين سام مابش عليه سخى

سميه: ليش؟ ماله !!

هبه: ماتحسيش ازال قوي لقنه وهو الصدق رزانه و هيبه مدري كيف سديين مع بعض

سميه ضحكت: عيموت فيها قلك كيف سديين

هبه: انا داريه حين انتي صحبتها بتدافعي عنها بس انا بينقلش انصحيها ، بتتخايل نفسها قوي حين لها وش والله لو هو انا ماتليقن عليه واعامله سوا يكفي محروم من الجهال

سميه : صلي على النبي مالش مقهوره وانتي هم اخبر ، وبعدين مش هو محروم وازال و سام عيقع لهم احلى جهال ماقدلهم الا سنه مالش

هبه: ماعد شاتحاكش كلامش هجوم عليا انا بس بينواسيش اننا حاسه بكم ماتستروش تتحاكو حين هي بنت عمو وحين هم في البيت


سميه: ابسري اخر مره نفتح الموضوع هذا معرفش مافي راسش بس الي اعرفه ان سام حب ازال من زمان واحنا جهال واختارها من بين بنات الاهل والجيران كلهم

هبه ضحكت: صدقتش ولما خطب كيف لوما وين سار الحب

سميه: انا قلت له حسيت من ازال ماكان في حسها منك حب وانت بتحبها وحدك و رجع قرر يخطب امد لاحد يغصبها عليه

هبه استغربت :يعني حبها !! وكان يعاملها عكسنا كلنا وكانها خصمه

سميه: مادراش هو الحب عند بعض ناس هكذا ، وحبها لانها مش هي ساع البقيه

هبه ضبحت : الله يعين الصدق انا سكت لقانتها اول لاجلش ابسرتي كيف تمسخرت عليا

سميه: انتي بداتي وتدخلتي في حياتها وهي قالت لش ابسري نفسش اول وبعدا تدخلي في حياتي انا اعرف ازال هذا قصدها

هبه شافت النسوان دخلين سكتت...

في الغرفه ...
ازال دخلت تطرح ابن سميه وبتسمع هديل بتجابر اجلال ..

هديل : والله انها جننت ماسدت مع زوجها ولا اهله ولا حد بتدور مشاكل وامس قالت لامي تشتي تتطلق

اجلال: يمكن معيفه لزوجها واهله لو تجي عندكم ..

هديل شافت ازال سكتت

ازال طرحت النونو وخرجت وغلقت عليهن الباب

في الديوان قدام النسوان..

ايمان : الحمدالله على السلامه يا بنت اخي ، نجحتي ؟

ازال: الله يسلمكم ياعمه امتحنت وجيت والنتيجه عادها عتطلع

ايمان: ماكلفش الله لتخصص الرجال هذا ..

ازال: عجبني وبعدا مش هو للرجال بس عادي

ايمان: كنتي عتدرسي شي ينفع البيت خياطه تدرسي مش اخبار

ازال ضحكت : مش هو اخبار ، ابردولكم من التخصص ماعنفعل به شي

ايمان: إن شاءالله تنجحي قدو بحق السفر والخساره لو عادو طب.في عيني

ازال بممازحه : شانجح اوائل إن شاءالله وابشركم امد تفرحوا لي ومسامحين على الهديه

اخر اليوم ...

ازال دخلت الغرفه وقززت : يخخ ماهو هذا !!

سام شافها باستغراب : ماهو ؟؟

ازال: شم عطرك شووعه ساع الاسبرت

سام: هو نفسه عطري الي عجبش من يوم العرس

ازال بتدور فوق التسريحه : ماااشي

ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:44

الجده ضحكت: هو معه معه عيبان ملامحه اصه لاتسمعش سميه قلك عجوز، وانتي بشريني مافعلتي يابنتي !

ازال: تعالجت وقالت الدكتوره مابش اي مشكله

الجده ماحلت تضغط عليها بعد ماشافت النونو: على الله

دخلوا كلهم ...
دلال: جو ابسروا المرتبه( مكان تجلس الوالده فيه في الديوان)
عبدالوهاب : مالكم ماتحاكونا انكم جايين؟

سام: المدام قالت تشتي تفرحكم خلتنا ثلاث ساعات بالشارع حظنا وصلنا ومابش حد

ليلى: يو الله يهديكم عتتحاكوا حد يجيلكم

سام: دبرنا الجيه بس حنبنا بالباب

ازال: قد ظهري مكسور وقفه ماخلانيش اجلس جالس هو وحده

عابد ضحككك: تشتي تفرحينا تحملي

اصوات ضحك ومجابره و ازال جنب سميه

سام: وين جدو فاقدين لهم

جمال: يو نسيت ابي اسير اديهم

الجده:ليش وين سرت حين جو ومابش حد بالبيت؟؟
جمال : خرجت الجهال يلعبوا شويه

امه: هيا سير ادي ابوك شرق عليهم العلاجات والعشاء ...
صفا جلست جنب ازال: كيف الاختبارات وكيف امتحنتي

ازال: الحمدالله فعلت جهدي وعلى الله ..

امها: زد سرتي المستشفى

ازال حست بضيق: ايوه الحمدالله كل شي تمام

امها : ماقالت الدكتوره.
ازال: شارجع اقلكم بس ذلحين اسير افعل لسام اي شي ماقد تغدينا

صفاء قامت: يو جعلي خير نسينااا إن انتو هنا من ظهر

ازال: انا شاسير قد انتو تاعبين

صفا : والله ماتسيري
ازال :شاجي معاكم...
دلال في المطبخ بتجهز عشاء الجد : صفاء ادخلي انتي وبنتش انا شافعل عشاء سميه ولنا كلنا

صفاء: -تعب عليش شاعاونش

ازال : مدري مال ظهري بيوجعني قد تعبت وقفه والله في الشارع اليوم

دلال: قوا لش من ظهر لمغرب غير السفر من الصبح ، اطلعي افتهني وانا شادعيش اما تعاوني حلفت يمين

ازال: اطلع اصلي العشاء وانزل

صفاء: تمام

ازال طلعت غرفتها سكته حست بنوووووم صلت و امتدت...

بعد ساعتين...

صفاء: وين مرتك؟

سام بيتلفت: مدري كانت هنا اطلع ابسرها

صفا: اطلع قلها هيا عشاء...
سام: حاضر...
في غرفتها طافيه الكهرباء

سام ولع واستغرب مانكزت لانها تنكز من ابسط ضوء : ازاااال

ازال نوووم

سام بيصحيها.. مالش تحمستي يومين سامره امد تروحي وجيتي ترقدي اول ماوصلتي

ازال: سام بحجر الله تخرج وتغلق الباب

سام : عشاء هيا انزلي واطلعي ارقدي

ازال: مشتيش ولاحد يطلع يقيمني لو سمحت قلهم اكلت

سام : حد غثاش؟

ازال : قوا ياسام اسكت بتطير نومي مجابره طفي واخرج
سام استغرب خرج وطفا وغلق

ثاني يوم الصبح ..
صفاء دخلت لاعندها: بنتي تاعبه؟

ازال: ماشي بس كان فيني نوم قوي امس سامره يومين ، وجسمي مكسر من السفر والوقفه

صفاء: شافعلش شاهي وليم لاتطرحي ، اليوم عيجين عماتش وبناتهم وإجلال واهل زوج سميه

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:44

دلال : الجهال لابسين وانا غر البس البالطو قد وكفته هنا في الحوي

جمال ضحك : لاحول ولاقوه الا بالله الناس في المستشفى وهذه حسها عند بطنها ،وين ابي سارو معهم؟
دلال: ماشي معزومين غدا عند ايمان اختك

جمال: هااه هيا قومي قد جا رزقش من الله

دلال:ايوه والله اننا خاووووره

جمال: او بتتوحمي

دلال: يمكن، نفعل فحص على الطريق

جمال فرررح: يو لو صدق واحمه لطلب لش المطعم كله

دلال كملت تلبس: زكاك عقلك مش هو اول واحد لما تزقرع ( تفرح) هكذا قدنا شابعه جهال، قدو الخامس

جمال: خير وبركه محلاهم امانه هيا قومي اقطبي اخرجي غلقي الابواب كلهن سوا

خرجوا بالسياره من جهه اليمين حق البيت،، ونفس اللحظه بعدهم بدقيقه وصلت سياره التكس قدام البيت ...

سام نزل الشنط : خلاص رحلك

ازال بتدق الباب بتدق بقوووه : اين الجهال؟
سام: شكلهم خرجوا ، غطي يدش مش انتي في مصر

ازال نزلت كم البالطو: وين عيخرجوا ، ذلحين يتعازموا

سام: تذكري انا فتحت اول دورش وهؤلاء ساعدنا

ازال ضحكت: ايوووه تعبت وقفه اين هم جحفه تجحفهم يف

سام جلس فوق الدكه: تستاهلي تشتي تفرحهمممم

ازال: سام ينفع اجلس جنبك تعبت وقفه

سام لفت لها ببهرره: ماعدلا تجلسي في الشارع قبال الساير والجاي ، نزلي اللثمه غطي حواجبش

ازال: اطفح احسن ماعدلا هي اوف ، انت جالس ايش همك مش حاسس بالتعب

سام: تعب مش حاسس جالس اهم شي انتي بعد التعب ترجعي تحسي الفرحه اتعبي لوما تبطلي راس يابس معانده

ازال: خلاص هرم ، مش حالي ندخل واحنا متصايحين

سام: كم عنراعي مش احنا داريين اين هم

ازال: سير من الكبينه اتصل للبيت

سام: مافتحو الباب عيجاوبوا التلفون الجن صح

ازال: طيب مانفعل تعبت والله لاجلس

سام معصب: والله ماتجلسي...
بعد ساعه انتظار شويه تجلس ولو حد مشي في الشارع توقف

سام: ساعه ونص واحنا خارج انا قلق وين هم ماقد وقعت يفلتو البيت كلهم وقت واحد ...

ازال: يمكن سارو عند سميه ولدت؟

سام: ماشي ،قالو ابي عتولد عندنا في البيت

ازال : صدددق الحمدالله حالي عندنا فرحت

سام: افرحي يا دوعا وفرحيهم واحنا مضحايين بين الشمس من قلي اصدقش ياريت ماصدقت

ازال قربت منه بصوت واطي: سام قوا اكذب معي لجده قلهم تعالجت للحمل

سام: ماشي عتفرحيهم بجيتش وانا ماشاكذب يكفيهم فرحه واحده

ازال: بيغثوني بكلامهم والله

سام زعل عليها : تمام محد له دخل

ازال: ماشقلهم هكذا مالكم دخل بنا بعقلك قلهم مابش شي وبس

سام: تمام.

بعد ربع ساعه صمت ويتفرجوا الي في الحاره

سام قرريلعب كره مع عيال الحاره

ازال وصلت الكره عندها شاتتها


سام بهرر لها: باصي سوا ياحمود

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:44

سام طرح الكتاب : انتي بتدوري تتذربي سيري ذاكري وبس
ازال حنقت منه شلت الكتاب و رجعت غرفتها بكيت ذاكرت ونعست ورقدت وهي جالسه ...

سام كملت المباراه شافها ماخرجت ماتعشت لها ساعه ونص دخل يتفقدها نعست شل الكتاب منها وضعها و دفاها .. وطفا الغرفه ...

وقت اذان الفجر صحيت ازال انصدمت بتدور الساعه جنبها شافت قامت وسام نوم نكز : مالك خليتني ارقد؟


سام نوم مش مركز سمعها هز راسه : اص خليني ارقد

ازال بضبح : قوم صلي على الاقل قيمتك للصلاه وانت رقدتني عن المذاكره ...

سام قام : شفتش نوم وضعتش هذا جزاتي يعني

ازال : اصلا مش انت داري وين انا حسك عند المباراه مادراك كملت اذاكر او لا كنت عتسالني

سام: مشتيش انكزش

ازال : الله ايش الحنيه هذه

شلت كتابها وثياب الصلاه وخرجت: الله يسامحك يا سام لو ارسب بسببك

سام ممدد شويه وبعدين قام يصلي : انتي ملاحظه اليومين هذه كيف بتخرجي قلق اختباراتش فيني وانا ساكت

ازال: شكراااا دائما انت صح وانا غلط ... بدات تصلي

سام : استغفر الله العظيم....دخل يتوضا للصلاه...
ازال : بعد ماكملت تصلي بتدعي

سام خرج من الحمام شافها: ادعي الله يهديش وتعقلي

ازال : ليش ابسرتني مجنونه !

سام عقد حواجبه : قدنا ساكت مع....

ازال لفت السجاده وراحت جلست فوق الكنب وبدات تذاكر

سام بعد ماكمل يصلي : تشتي افعلش معي نسكافيه؟

ازال: لاا

سام قام يسوي له وجلس يتفرج من الطاقه الشروق وهو بيشرب قهوته طرح القلص وبيفتح الطاقه

ازال قامت شلت القلص وبتشرب

سام: ليش يعني هذا الغنج قد سالتش تشتي قلتي لا

ازال حنقت طرحت القلص : ها حتى هذه عتفعلها مشكله والله إنه انت الي مش طبيعي كيف بتدور هداررر ،،

سام شافها باستغراب: لاحول ولاقوه الا بالله... شل القلص وطرحه قدامها لما تسيري الجامعه قيميني شارقد شويه لاوقت الاختبار

ازال هزت راسها وجالسه تذاكر..
بعد الظهر ...

ازال دخلت الشقه هدووووء...

فتحت باب غرفتها سام نوم غيرت ملابسها ورقدت ...
بعد ساعه سام نكز والغرفه ظلام بسبب الستائر

سام فتح عينه شافها: ازال ...ازززال.. ايحين عتسيري تختبري شاف الساعه جنبها في الكمدينو كم الساعه اسكه ابسريها

ازال : اششش خليني ارقد ..

سام : كيف اخليش ترقدي اختبارش ؟؟؟

ازال: اصصص قلتلك عتطير النوم

سام قام فتح الستاير والطاقة : ازاااال تاخرنا قومي قدو ظهر

ازال فتحت عينها معقده حواجبها : نكزتني مالك ؟؟؟

سام: امتحانشششش شاف الساعه بهرر: فاتش الاختبار

ازال: سهل نجلس للصيف واعيده

سام: بغير جنان قدنا اشتي اسافر الان قلك الصيف مالش مبورده

ازال حبت تعاقبه شويه تنرفزه: انا الي مبورده !!!

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:44

بعد شهور ... قبل سفرهم لمصر
عابد بيوصي بنته:نسقت مع اصحابي يجهزوا لكم السكن وعيوصلوا للمطار يستقبلوكم ومدفوع حق الايجار

سام: مابش داعي ياعم تتعبوهم انا شادبر نفسي هانك مجهز نفسي تكاليف ومعي كل شي

عابد : ماعليك شي عاد معي مستحقات عندهم مادوهاش

سام: تمام شابسر كم كلفهم وادفعهن لكم

عابد مسك يده: انا مابينتعامل معك كعم ابو زوجتك، بينعاملك ابني وابن اخي ،لاتزعلني منك انا داري انك رجال ومش مقصر خلي الي معك تتفسحوا بها هانك ، اهم شي انتبه لها وهي في امانتك

سام: تطمنوا هي في عيوني اكيد

ازال حضنت امها وبكيت : شوعه قوي اسير وحدي وانتو مابحد

سام : الله المستعان وانا وين سرت

ازال شافته ابتسمت: قصدي حين كانو معي

سميه: يارب اولد وقد رجعتوا

ازال ضحكت: كملي التاسع كله واحنا عنرجع عادش في الثامن
الجده بمشاوره لازال: قوا يابنتي حين انتي في مصر تعالجي وارجعي واحمه

ازال: ادعولي بس وربنا كريم

الجده : يارب ماترجعي الا بخبر حملش

ازال: على الله ..

ليلى مسكت يد عمتها وبمشاوره: لاعد تغثوها خلوها تركز في مذاكرتها

صفاء : انتبهي لاتخرجي وحدش سام يشلش ويردش تمام شاجلس قلقه كوني اتصلي لنا طمنينا

ازال: تمام

جمال دخل بعد ماحمل شنطهم : هيا وقت تسيروا المطار شرق عليكم
فوق السياره
ازال بتبكي ..
سام : خلاص اهداي مالش

ازال: اول مره اسافر بدونهم

جمال: هي الحجه حين تزوجتي لاعندهم ماحسيتي بمفارقه لو انتي ساع سميه إن ماعد بش بكا
ازال : ساكته و زعلانه بتتذكر ايامهم سوا وضحكاتهم مع اهلها وخرجاتهم

سام بيكلم جمال: حسستني اننا شاخطفها هي الي تشتي تسافر عشان شهادتها

جمال بممازحه : ولو ترسب مش بحق البكا هذا

سام ضحك: عاد لو ترسب من عيرحمها مني شاذلها

ازال : ماشرسبش

سام: اكيد ماعترسبيش مازبجنا هكذا إلا بعد ماشربتي الكتب شرب مذاكره ليل ونهار

ازال : عينك لاتمرعني اشهدوا ياعم عليه

جمال: كم لي من كلمه اشهدوا عليه

سام : كما هذه مجنونه يوم قلت لها ذاكرتي خيرات قصت شعري

جمال: المسايره حق جدتك علمتها قصقصه الشعر...كم قصقصو شعرنا لو واحد فينا ركز على واحد منكم وانتو جهال

سام وجمال و ازال ضحكوا ... وصلوا المطار ...
كملوا شحن الشنط و طلعوا الطائره...

سام: ذلحين شافتجع انا اول مره اطلع طايره انتي امسكيني

ازال ضحكت وفي عيونها حزن بعد مابكيت

سام: العيون الحاليه هذه مايليق بها الغثا والزعل، انا داري انش زاعله على عمي وعمتي بس الزعل الاقوى الي اثر فيش كان بسبب كلام جدتي لش سمعتهم

ازال دمعت

سام رفع راسها: بطلي هباله وهذا الشي على الله وبعدا من قلش اشتي جهال انتي جاهله بكلش

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:43

ازال بشقاوه ودلع قربت منه : زمان ماكنت احبك واحب الجوافه وذلحين احبك وماحبش الجوافه

سام ضحك وبيتحيلا لها: خلاص اقنعتيني انتي والعيون الحول هولا قصدي السود

ازال تنهدت : احمد الله اننا متوتره مش فاضيه المجانيه

سام بجديه جهز لها العصير وناولها: ليش مالش

ازال بتشرب :ولاشي سر بيني وبين صحبتي

سام: تمام ،ايحين عيبعد التوتر

ازال: لما تتصل لي تطمني

سام :افرضي حلت المشكله وتخارجت اتصلي لها انتي عتنساش لو حلت المشكله

ازال : مع مش هي هكذا ، هي تكلمني كل شي اول باول

سام : تمام جي نخرج شويه عندهم ، واصل واحنا في الغرفه عنتهزأ

ازال : تمام ..

بعد الغدا ...

ليلى : ازال .. سميه بتتواصل معش ؟

ازال خافت : ايوه مالكم سالتو ؟

ليلى: مابلا بينستحي اتصل لبيت زوجها، لو تواصلتين خليني احاكيها

ازال: حاضر
الجد : سام اخرج سقي الشجر ، جا المشروع قبل مايتم

سام: حاضر ...

سام لفت لها وبصوت واطي وهم يتكلموا : هيا جي نخرج افعلي لنا قلصين شاهي واسير اجعل لنا ونخرج نجلس ساع زمان مابش من ينازفنا

بعد نص ساعه هم تحت الشجره

ازال : لاغيبها سميه

سام: ياسعم اني كنت اخرج لاجل سميه ، هو كان لاجلش

ازال عدلت جلستها وشافته : ياسلام مش قلت ماحبيتني إلا حين سافرت

سام: مع كنت اظن هكذا بس هو بدا قبل ا

ازال : كيف يعني
سام: يعني كان يعجبني احانكش وابرقطش بعدها حبيت شخصيتش وقوتش كان سميه تحنق هبه تزعل انتي تعجبيني كنتي بعدها وقع اعجاب وحبيتش بعد مارجعتو من السفر قبل سفر مصر

ازال: وقت ماصارحت سميه مش اناأ
سام ضحك: ايوه يالقنه المهم اني احبش بعدد الايام الي ماقلت لش فيها احبش

ازال ابتسمت تشتي ترد حسو بالماء من فوقهم: جدو

سام لفت لجده: مانزيد نفعل خطبنا وتزوجنا

جده ضحك: بطلوا رمسسسه
سام: بعيني ياجدو حاضررر

ازال قامت وقفت: اسير اتنشف وابسر لو وصل لي اتصال

سام: اتصلي لها احسن

بعد المغرب ...
ازال : اخيرا اتصلتي قد كنت شاتصل وين انتي قلقه عليش

سميه بصوت هاديء وخزا: لو تبسري عادنا روحت خرجني معاذ اغير جو و دافع عليا عندهم وصيح فوقي اوقع طيبه مازعلش مني

ازال: الله يقلعش ياسميه وانا مش متهنيه الجلسه والمجابره الحاليه حسي عندش وغاثيه عليش وانتي عايشه حياتش

سميه : مالحقت احاكيش جا وخرجنا

ازال : مره ثانيه اشكي لي ياسميه بعد مايراضيش تمام مش اجلس اتبرقط عليش وانتي مفتهنه
سام على دخلته سمعها: هي سميه مش قلتي صحبتش مالها؟
سميه : يلا جا
ازال: اصبر شاحاكيك ،،،

ازال : يلا مع السلامه يا شوعه ..غلقت

سام: هي اختي وماتقلي لي مالها؟ مافعل

ازال: ماقلت لك لان الموضوع قله عقل وهي سر قالت

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 May 2026 20:43

دلال خافت : يو مالهم بيتصايحوا

الجده: شكلش نسيتي قوانين البيت

دلال: مع مانسيت اكيد محد له دخل بالثاني بس مقصدي عادهم عرسان يعني لو تبسروهم يجي هذه الفتره وواصل محانبه

عمتها: قد قلتي بنفسش يجي هذا الوقت وواصل محانبه عيسدو

دلال: بس مش هم اول مره يتعرفوا ع بعض

الجده: ولا اول مره يتصايحوا اخطي ماعليش

سمعين صوت ضحكهم ...

ازال بصوت عالي : سخيف ماتحاكيني هكذا مره ثانيه

سام: شكلي شاطبق الطريقه هذه صدق

ازال : قصدي عادي يحق لك تتشرط بالطريقه وكيف وايش الي تحب يكون في تعاملنا بس لاتتكلم معي بطريقه انا ولا حاجه بتسمع

سام: حتى وانتي بتشرحي بتهديد بتسمع !! ايوه بينسمع

ازال: بس تصدق رغم انه كان مزح الا انه لازم اغير طريقه تعاملي

سام: مشتيش تغيري شي اشتي ازال الي عرفتها وحبيتها ومش احنا عايشين مع ناس غريبين هولا اهلنا تربينا وكبرنا وسطهم تعاملي براحتش مشتيش اقيدش باسلوب معين...

خارج الغرفه

الجده: من هذا هاااه بنقل لحد يتدخل بين الرجال ومرته عيسدو كم ماكان وكيف ماوقع بينهم لكن حين تتفيضلي وتسيري تدقي لهم الغرفه عيتضايقو ومايحسوش بخصوصيه في البيت ...

دلال: ولا اسالها بكره مالهم

عمتها: صورتش يشتي لش دروس من اول وجديد انسين انكن كنتين تفرعين بينهم وهم جهال

في مكان ثاني ...

فوق الغدا ثاني يوم

سليفتها: اخيرا ابسرناش تفعلي الفعله وتهربي
سميه: ايش من فعله ؟

سليفتها: امس بنتصايح من طرح الصحن حق العشاء بدون مايغسله وانتي بدل ماتجاوبي هربتي مايقع بش لو تكلمني إنه انتي محد عيخليش تغسولي بس الحركه مستفزه...

سميه: اول ماسمعت اصوات مرتفعه بينكن خطيت عشان لاتدخل اما غسوله وماغسوله والله ماسمعت شي ولو دريت اني غسلتهن مايقع بي

عمتها : ولاتغسلي شي ولاتعسي شي عادش حريوه تطرحيهن وهن يغسولين ولا اسمع لواحده صوت كلكن فعلنالكن هكذا تميتين الشهر ودخلتين المطبخ ...

سليفتها بحسد : تشتي تفعل نفسها مسالمه قلك سمعتكن وخطيت ومش داريه ع ايش تضايحتين ع غيري ، ماعد بش بنات جاهلات قدهن معلمات

عمتها: دعممي يابنتي سيري مكانش ، وحسابي معهن

سميه دخلت غرفتها بضبح وصلت ترفع ترتب وجالسه تفكر في كلامهن

معاذ : قد سمعتي لش كلمتين

سميه هزت راسها لا

معاذ: اعرفش توصلي تغرقي (تضبحي) فوق الغرفه والقلافد عمل ..

سميه بضبح : اهم شي مش فوقك بينضبح خلاص

معاذ: ماحصل؟

سميه: ولاشي

معاذ قام بمزاح: شاخرج ابسر شكلش انتي بتبداي المشكله تطبزيهن وتهربي تتخبي هنا

سميه شلت التلفون اول ماخرج معاذ واتصلت لازال تشكي لها

ازال: تمام خليهم يقولو له هم عادو احسن اجلسي بعيده
سميه: بس ضبح واتهمني

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 April 2026 23:33

سام ضحك بصوت: ماتوقعتش ابدا

ازال لفتت له باستغراب : ماهو ؟

سام: صدق بتحبيني

ازال شافته بنظره: مارايك

سام : طيب ايحين حبيتيني

ازال : ايش السؤال هذا وانا مدراني

سام: يعني من زمان او ذلحين او ايحين

ازال: يو ياسام ايش السؤال الصعب هذا ،

سام: اسكه لحظه واحده اوقعي رومانسيه فيها
قلي لي ايحين واحنا صغار

ازال: لا واحنا صغار كنت اكرهك

سام: ايحين

ازال: لما قلت لي انك بتحبني حسيت اني كنت احبك ومش داريه ودريت اني احبك لما اعترفت لي

سام : ومالش ساكته من زمان

ازال بتتلغج عليه: عشان لا اشغل بالك معك دراسه

سام ضحك طرح يده على كتفها وضمها وسحب الشنطه: محلاش وانتي رومانسيه وانتي محارشه وبكل حالاتش محلاش...

ازال استحت نزلت برقعها وخرجوا...

بيت زوج سميه ...

سميه شافت سليفتها واخت زوجها بيتصايحين طلعت غرفتها وغلقت ...

زوجها: مالش ؟

سميه: ولاشي

زوجها: مالش بسرعه دخلتي وغلقتي ووجهش ماله مفجوع

سميه بتتذكر كلام ازال لاتتكلمي شي : مش مفجوع مابش فيني شي

زوجها سمع صوت صياحهن زاد : من هولا ؟

سميه بكتفها: مدري

زوجها: مالهن صوتهن للشارع سيري قلي لهن عيب

سميه: ابرد عيسكتين

زوجها: بيوصل صوتهن من الشارع سيري قلي لهن يسكتين

سميه: قوا يامعاذ لاتخليني اتدخل ، مالي دخل عيسدين عمتي عندهن عتسكتهن

معاذ: وليش ماتدخلي ماقلت لش سيري صيحي قلت سيري قلي لهن معاذ قال

سميه: اخرج انت قلهن، انا عيقع حساسيه بيننا أ

معاذ: بينش انتي ومن؟

سميه: اختك ومرت اخوك

معاذ: مش قلتي مش انتي داريه من

سميه: انا قلت هكذا امد لاتدخل بحد

معاذ ابتسم : الله الله ، ايش المره العاقله المحترمه الي معي ، والله انش بطله، كنت اهم لو انتي نقاله كلام كما هنا بيتنا واصل محانبات ولو تجنبتيهن عتريحي راسش و راسي

سميه: الله يحفظها ازال هي الي حذرتني قوي قوي اصلا بغير عاني اوقات اجي اتحاكا مش قصدي نقال حكا لكن بعض ناس عيظن إنه عاني

معاذ: مع مع خليش هكذا حالي قوي ،اخيرا حاجه مفيده من قصص ازال خرجتي بها



في بيت جدهم..

الجد شافهم وصلوا :ما جا بكم؟؟

سام وصل يسلم عليه: كملت اقامتنا المجانيه ، عتدفعوا نرجع

الجد بقصه: عاد عندفع له ، ادفع لنا انت ذلحين ع إقامتك هنا

سام: تمام ادي لكم عيوني

الجد سلم على ازال : مش انا موافقه يابابا سيد لو سمحتوا

ازال ضحكت: خلص ياجدو عتسمعوه ويحنق مني

سام: اهاااا مش موافقه عليا ....

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 April 2026 23:33

الجد: هيا اخطى شاسحبهم صميل
عابد ضحك: هيا اخطوا امد ماطلع ادي الدواير حق السياره ...
طلع عابد ...
الجد طرح الشال فوق رأسه ومسك العصايه بينزل

وصل اخر درجه ودخلوا وهم بيضحكوا

سام: حيا الله بابا سيد كيف انتوا

الجد: انا قلت لك تخرج قبل العرس مش بعد العرس

سام ضحك: طردتوني مافعلكم ،منعتوني ابسر مرتي رجعت شليتها وهربت

ازال سلمت على جدها وحضنته: فقدت لكم قوي والله

جدها حضنها: فقدت لكم قوي وانتي جالسه مع الربح هذا ماتدوريني

ازال: انا امس عندكم واليوم جيت مابينفلتكم

جدها: مابش رجعه ، اجلسوا هنا ماهذا فضي البيت لا سميه ولا انتي ولا سام ضبحنا

سام: اكيد عتضبحوا مابش من تقالعوا وتنازفوه وتطردوه

جده: سلم اول يالقن.. عاد اختك والله ماراحت لها ولاجت ولا اتصلت

سام سمع الباب : راعو اسير افتح الباب

ازال: اكيد من عندهم نسوان امس ماجت لاتغثوا منها

الجده سلمت عليها: جدش تزوجتوا وبدأ الهرم

الجد: بدل ماتعقليهم هو انتي الي بحرضيهم بدل ماتنصحيهم
ازال بتشاورها: حرام لاعد تكارحوهم

سام دخل هو وسميه بيضحكوا: طريق ادخلي ي ازال زوج سميه خارج

الجد : هيا اطلعين نقالع الثاني هذا
ازال وسميه تحاجفين كان لهن سنه

الجده سحبتهن الغرفه وغلقت : الي يبسركن يقل قدلكن سنه مش ثلاث ايام

ازال : ماهو هذا الحلا شكلش حريوه

سميه ضحكت: هي البتره والكحل الي منعونا منهن

ازال ضحكت: يعني تشتي تقلي لي انها البتره، فقدت لش قوي جي اجلسي

سميه: راعي ابسر معاذ

ازال بتتلغج عليها: تبسري معاذ عادش جيتي من عنده ماقد لش خمس دقائق

سميه ضحكت: يو مالش قدش ساع عمتي قالت لي اليوم، من حين جيتي مابسرتش ابني ، وانا مابينبسر ابنها الا بعد المغرب يوم العرس نسوان ويوم الصباح نسوان واليوم حين خرجنا قالت هكذا

ازال بهررت لها: ماقلنا نبطل ننقل الحكا الي عيفعل مشاكل

سميه: ناهي انتي اهلي مش اهلهم سهل انقل لش

الجده: انا شارجع اسمعها كلمتين قلعو عينها ابنها شل بنتنا وعادها عتتليقن

ازال أشرت لجدتها : هيا ابسرتي للمه قلنا لاننقل الحكا

سميه مشيت : اسير ابسر معاذ عيب هو في بيتنا اول مره لايخزا
ازال: زكاها عقلها قلك يخزا

جدتها ضحكت ...

سميه شافت امها نازله جريت تسلم عليها وتحضنها شافت صفاء ودلال بعدها سلمت عليهن

ازال من الغرفه سمعت المجابره خرجت

جنب الديوان الي فيه معاذ و سام

سام انحرج لما سمع أصواتهن : ذلحين عيتلاقين حسسونا انحنا جينا من سفر قد تم دورنا الان دور مرتك

معاذ ضحك: طبيعي

سام: ماقد اعدتك سميه هدره بينبسرك مقطف أو محرج

معاذ كركر يضحك: خليها على الله خزنت معي امس ولا عد قدرت اجمع المواضيع

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 April 2026 23:33

سام: ابسري كيف شاسير لاعند الشقرا اقلها مرتي بتسلم عليش

ازال: سام بس خباله عيب اخرج هيا قدنا مضايقه

سام: عاد المضايقه لها
ازال: والله لاعد للثلاثه لو ماطلعتش شانبع
سام اشر لها بيده ( الجنان)
ازال: 1
سام: 2
ازال بتحمش البالطو بعدت الصندل من رجلها : ثلاث
سام خاف تجنن صدق طلع بسرعه تسلق المسبح بيده لخارج ماعد لف للسلم: قسما انش مدكومه، البسي الحذاء عادي بتحشررر البالطو

ازال : مارضيت تسمع بالحلا اسمعك بالحنان

سام بضبح: مش كل شي مزح عندش كوني فرقي بين الجنان والمزح جايه تنبعي لاوسط المسبح فيه رجال مجنونه

ازال بنرفزه: ياسلااااام ،،،الله ،،، من بيتحاكا الي يسمعك يقول كنت مع الملائكه غاطس

سام : اديتيها يشبهين الملائكه

ازال شافته بنص عين : قوي ابسر هذك الملائكه تشبه اخوها الملاك الي جنبها

سام بيتليقن ويقلد نبرتها بسخريه : اخوها الملاك

ازال: اصلا يتشابهوا نفس الشقره والزرقه قلت انهم اخوه صح؟

سام قرب لاقدام عيونها: صحححح بعدت الخداره عند الملاك واخته

ازال: مالك ؟

سام: مالي ، ولاشي الخداره قرحت لي والاجنبي سخر له الله من يداعيه ملاك في غمضه عين قدو ملاك
ازال بنبره : بتغيررر

سام: مااااع قدش مرتي لانه اغير

وصلوا غرفتهم

سام: عجبش البهذله الي تبهذلتها كلهم بيتبسروني وانا بينقطر ماء للغرفه مابش منشفه

ازال: هن الملائكه حولين عينك لوسط المسبح

ثاني يوم....بيت زوج سميه
معاذ : مالش ماتصتبحي ؟
سميه:, خدي معضل من القات ماعد شاخزنش ولا يوم

معاذ ضحك: والله ماهو من القات إنه معضل من المجابره ماشاءالله عليش رقدت اول مره بحياتي وانا مخزن ارقد من كثر القصص الي حكيتيها لي امس

سميه بحماس: يهييي ماعليك شي معي قصص ليوم القصص

معاذ : انتي داريه اننا خصمي حد يجابرني واجابره وانا مخزن

سميه بامتنان وابتسامه: يوو يعني امس عشاني سمعتني

معاذ ماحب يكسفها ابتسم: ايوه

سميه مدت يدها: وانا عشانك شاصتبح معك



بعد صلاة الظهر...

الجد بيلوي ضابح مابحد سام وسميه و ازال كانو حياه في البيت ..

الجده: مالك؟

الجد: بتبسري على قله حيا ولا حد فيهم يتصل ولا يسال ولايبدي

الجده: عادهم امس هنا ، خليهم مامعهم الا هذه اليومين وبعدا يبدا الشغل و وحام



الجد: مابش يرجع سام هنا ليش الفندق والخساره انتي داريه بكم الليله هذا المجنون

الجده: هي وقعت له هديه

الجد: كذاب هو جلس يهددني عيشلها علينا وشلها

الجده: غر اعقل يا حج بغير جنان خلي للجهال حالهم
عيرجعوا

الجد : خليه يبدي بس ماعيقلو الناس معهم بيت وساروا فندق من ايحين عندنا هذا الجنان

عابد ضحك: مارايك نسير لاعندهم

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 April 2026 23:32

ازال: ماشدخلش الا لما تخرج

سام شل الماء حقه وخرج

بعد نص ساعه ...
سام واقف ومعه النادل بعربه فيها العشاء: سير انت عنكمل نتعشا واخرجها لك

سام دق الغرفه دقه خفيفه : ازال

ازال: راعي ابدل

سام بيخمن صوتها كانه تغير شويه: حاضر

ازال كملت وفتحت له الباب وهي بتبكي

سام: يو ماالش

ازال: مدري ضايقه قوي

سام دخل بالعشاء : عتتعشي وننزل نتمشا ويبعد الضبح

ازال:قد لبست البجامه ماذلحين كنت عتتحاكا اول ابدل
سام شاف لبسها بيساليها: يوووه محلا البجامه ساع حق ابن اجلال بياشر على كم يدها : هذا تويتي
ازاال: ناهي ابعد يدك ياسعم إنه حقيقي تويتي عتسلم عليه

سام طرح الاكل فوق الطاوله : هيا عشاء قدنا جاوع
ازال جلست وبدات تاكل معه : حمي هنجمه الفندق مابيحشوشوش سوا مابش طعم مسبوك

سام: ايوه ابردي من ذيه، اطعمي من يدي محلا الكباب

ازال سحبت من يده الاكل: معي يد

سام داخل نفسه: لاراحت لش هذا اليوم يا ازال بعيني


في بيت زوجها

سميه مخزنه ماسكه خدها: معاذ بتسمعني او ماشي

زوجها بيضحك: ايوه لي اربع ساعات اسمعش انتي قلتلش جابريني عن نفسش نسيتي نفسش وجابرتيني قصص اهلش وين انتي في المواضيع، بعدين مالش شابحه( ماسكه خدش)

سميه: قد خدي بيوجعني ومشتيش يخرب شكلها

زوجها ضحك: هن ورق جالسه تخليهن ورق

سميه: ايوه بينقلدك، اسمع بعدا متوقع

معاذ: تمام ، مارايش نخلي باقي الحكا بكره عيتمين القصص كلهن اليوم

سميه : مع لاتقلق سعليك والله إن به قصص خيرات اصلا حين كانت ازال عندنا كان احس نفسي عايشه

معاذ: خيره الله قد انا داري بقصه اخوش ومرته اكثر منهم ومنش

سميه: اوبه تسير تقله يرجع يغثى مني هو سر

معاذ بيضحككك: الله المستعان هذا كله سر ، اكبر من اسرار الكون اربع ساعات يامره افتهني شويه اشربي ماء طيب
كم لش ماجابرتيهم في البيت

سميه: تصدق من حين سافرت ازال ماعد بش حد كان اجابره ورجعت مالحقنا شهرين نتجابر سوا انشغلنا بتجهيزات العرس

معاذ : خيره الله سهل قد معش انا جابريني بس ماعد اشتيش تلفزيون ومسجله وخبره وانتي معي تكفي الكل

سميه انحرجت : تسلم الله يحفظك وانت قد انت بدل اهلي وصحباتي والكل ساعك مشتيش تلفزيون ومسجله

معاذ بيضحك : تصدقي حبيتش قوي ماتوقعت إن انتي هكذا لطيفه بريئه على نياتش

سميه مستحيه بترجع شعرها لورا : بس يامعاذ بتحرجني مش من ثاني يوم

معاذ: ماهو؟
سميه: تعترف لي انك حبيتني

معاذ ضحك: ياسعم مسلسل نراعي الحلقه الاخيره اعترف

سميه: تصدق للان ماقد اعترف سام لازال إنه حبها

معاذ ضحك:رجلهم بتحكهم منش اليوم


سميه: عاد على ارجلهم انت دعست رجلي انت داري إن ازال دعست سام هي

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

26 April 2026 23:32

سام: من العصير لاعد تشربي عصير ، فتح لهم اغاني بيلمح لها بالاغاني كلمات إنه كان يحبها وماقال لها

ازال منشغله بالقات بدات تخدر

سام: خلاص شويه وتخزني مش واصل، سمعتيني ماقلت لش

ازال: ايوه
سام: يعني مابينغير حين بتستمعيها او تفعلين سوا بس

ازال قاطعته: كيف تقدر تخليهن هكذا

سام: ابردي ي روحي مش ضروري تخزني يكفي الي خزنتي به

ازال زعلت فكرته خايف تكمل عليه القات طرحت الكيس شافته بنظره وجلست مكسوفه

سام مافهم مالها قلبت : سمعتي الاغنيه

ازال : -ايوه

سام: لو ماعجبش اغيرهن، ماتشتي افتح لش؟

ازال: اي شي

سام : مراعي تقلي لي نتجابر احنا انني داريه كم كلام كان مأجل

ازال بجديه : ليش تأجل؟؟

سام : ماجت لنا فرصه نتكلم فيه كنتو مسافرين واصل

ازال: اجلس تعذر لك بالسفر مكنتني حين ترجعي وتسيري وتجي، ولما رجعت جيت وقد انت خاطب

سام: قد قلتلش موضوع الخطوبه هيا مه، ابرديلش منه ، قلي لي ايش الكلام اولا

ازال : لو اسالك عتجلس تمكني لما نروح شاقوله مش واحنا هنا
سام برواق وملامح حب: ماشي ماذلحين ماعد يتاجل ولا دقيقه انا اجلته لاسباب عشانش

ازال: عشاني ! ومن ايحين بتهتم إنه عشاني

سام: يوه منش صدق
ازال القات غير مودها وضبحها: ايوه مني صدق ، اليوم ماحترمتني بتحاكيني بهنجمه و ضويتني (روحتني) وعاد النسوان ملان وماكاني حريوه روحت قبل النسوان كلهن) ماعيقلين زوجها بيروحها من مغرب وعادها حريوه مابعدا عيخليها تجلس بس ساعه

سام انصدم: ازال بس خباله، روحت امد اشتي اجلس معش ضبحت من الاوادم الي معي فقدت لمرتي، والنسوان ابسرنش امس عيجلسين يوميه يجين

ازال: ايوه بكره ثالث مش تجي مغرب من ذلحين بيننبيك

سام : هيا ابسرتي كل يوم يشتين يجين طيب وانا ليش تزوجت وين هن قبل ماتزوج مايجين بيتنا يوميا

ازال بكيت جلست تبكي

سام مصدوم : مالش ماقلت؟؟؟

ازال:كيف ماقلت ! حسستني انك اشتريتني ماتزوجتني ماعد تشتي حد يبسرني ولا اسير عندهم حتى انك خطفتني من بيتنا خطف

سام بعد القات من فوقه وقام جنبها مسك يدها: ايحين خطفتش؟ ماكنتي تشتي تجي معي !

ازال : اصلا ماسالتني ولاقلت لي اين عنسير ، مابسرت نفسي الا هنا

سام: فعلت لش مفاجاه

ازال:ماهي من مفاجاه تشلني هكذا سكته ولا خليتنا نستأذن ابسرت اليوم كيف جدو قلبو

سام : اززززال صلي على النبي مالش يا مرتي بسم الله عليش مالش ؟

ازال: روحني ذلحين بيتنا يلا

سام: الساعه عشر قدهم راقدين

ازال: ولو معنا مفتاح

سام قام مسك التلفون الارضي و بيتصل لجمال: راعي ابسر عمي جمال لو ذاهن يفتح لنا ، بس مشتيش تسيري وانتي غاثيه مني اول نتفاهم وبعدا تسيري والله ماخطفتش

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

14 April 2026 02:47

ليلى: حالي يابنتي

ازال: ماعجبنيش، شامكيج نفسي ...
ليلى: ماعتقدريش من ايحين تقدري تتمكيجي

ازال: شاخلي عمه دلال يسبرو الي ماقدرش شجرب

ليلى: شاسير ادعيها الله يهديش يابنتي ، يعلم الله بنتي مابتفعل لهم هانك او قد سديتين تمسحين المكياج

ازال ضحكت : سدينا بس نلبس سوا
ليلى: جنه لكن صدق ،، خرجت تدعي دلال

صفاء سمعتها : ماهو هذا الدلع ؟ ليش تغسليه

ازال: لو تبسروا كيف وقعت

صفاء: يابنتي بتفعل كل النسوان حالي مكياجها

ازال: ماعجبنيش

دلال: خلاص ناهي يا خواتي ، ذلحين نعدل لها وبس هيا وين مكياجش اسير ارفع واغسول مع البنات واجي اكمل لش الباقي ابداي انتي مكيجي نفسش ساع ماعلمتكن
خرجين وغلقين عليها

رجعت ليلى: مالش هنا ؟ مالش ماتدخلي مكانش

ازال ضحككت : مكاني ! صح نسيت والله

ليلى ضحكت: الله يهديش ، هيا تمي المهم تقطبي مش هو عرس نزفش مغرب

ازال: حاضر ، عاد الساعه ٣

ليلى: نص ساعه وقد النسوان بيتوالفين اقطبي خرجت وغلقت

ازال جلست تتمكيج وتمسح وتعدل وتمسح ، اخر شي فتحت الصور الي جمعتها هي وسميه عشان يفعلين مثلها ،بدأت تطبق نفس تعليمات المجله ...

بعد نص ساعه دخلت دلال بهررررت : من مكيجش ؟

ازال شافتها بخوف : ليش ماله ؟ انا !!

دلال: كذابه !! قلدش الله انتي ؟

ازال: والله، ليش حالي ؟

دلال: قووووي حالي يجنن كيف فعلتي ؟ بس الرسمه شاعدلها لش

ازال: ايوه يدي بترجف مابتثبت...

دلال: نفس الكوافيرات ماشاءالله عليش ... روعه

ازال: مسكينه سميه عيبدعين بها يارب تفعل مثلي

دلال ضحكت خفعتها : يكفينا مجنونه واحده خلي سميه لحالها لاتعلميها وتقلي لها تسير تفعل مثلش

ازال: حاضر

ازال: عمه دلال ابعدوا المصر هذا الي في رقبتي شوعه

دلال: ماشي لاتزيدي اللغاجه ماذلحين عيجو لش امي فاطمه تقرصي العافيه

ازال: يلا طز عيبسرني النسوان الي بيفعلين هكذا ويعجبهن هذا الرباط ...

دلال: عيعجب سام ، عمش قوي عجبه هولا التراثيات حقنا

ازال: الله يحفظكم عيجلس يزبج عليا للصبح والله

بعد اذان المغرب ..
سام في الحوش شاف واحد من عيال عمه جمال: اطلع شاور ازال قلها تنزل تجاوبني للباب

الولد: قالو لاندخلش عند النسوان

سام: سهل سير شاورها ضروري لحد يسمعك

ازال جالسه بتتجابر مع اجلال وبنات عمتها فجاه وقفت

هبه كانت تشتي تلحقها: اين عتسيري

ازال عشان لاتزبج عليها قدام النسوان : اصلي
هبه جلست

ازال نزلت بسرعه وهي ماسكه راسها

فوق السياره شافها نزل : مالش ؟

ازال: انت دعيتني ؟

سام: ايوه

سام: ايوه ، بس مال رقبتش او مريضه؟

ازال : هذا حقهن العصبه قلك لازم البس هكذا

ت.ع.خ