3343
❤Bitta "besh" qo'yib ber darsingdan hayot!
#Якшанба_қўшиғи
Радарга тушавериб безор бўлганлар учун махсус!
Анвар Ғаниевнинг ўша машҳур "Кўнглима" қўшиғига пародия.
✏️ Ўлмасбек Самарқандий.
🎵 Анвар Ғаниев.
"Lady shou" дастуридан.
@Samarqandiy77
Нималар кўрмадима-а,
Қанчалар севмадима-а.
Кўзёшларим қолмади,
Қанчалар йиғладим-а...
Тунингиз хайрли ўтсин азизим!
@Samarqandiy77
ЭРКАК ЗОТИ
Осон деб ўйламанг, эркак зотига,
Бир умр мунғайиб ўтиши мумкин.
Ногоҳон минса у, ғазаб отига,
Шайтонни бўғзидан тутиши мумкин!
Азалдан подшога берилмас буйруқ,
Эркакнинг эркидан бўлинг эҳтиёт!
Эҳтимол, аёлдек қирқта жони йўқ,
Лек, сабри саналса қирқ мингдан зиёд!
Осон тутманг сира, эркак элига,
Умри шамолдайин, хаёлдан тезроқ.
Юзга ажин тушар, асо белига,
Сочлари оқаргай аёлдан тезроқ!
Эркак муҳаббати мангуга дохил,
Ҳаввонинг ҳилқати хосдир Одамга.
Балки эртак эрур, Фарходу Тохир,
Худо ишқ солгани ростдир, Одамга!
Эй сиз ожизалар, хақиқат қани,
Дейсиз, сизга меҳр биздан юққан, деб.
Унутиб гоҳида чап қовурғани,
Айтасиз, «...эркакни аёл туққан» деб!
Сиз Онам, сиз ёрим, гулгун яноқсиз,
Чиройингиз зўрдир ой бисотидан.
Эҳтимол, подшолар чиққан саноқсиз,
Пайғамбар чиқмаган аёл зотидан!
Эрмак қилманг сира эркак қалбини,
Кўнглидайин кўркам боғ йўқ, сиз учун!
Кезинг етти дунё қиру-адрини,
Унинг елкасидай тоғ йўқ, сиз учун!
Бемеҳр атаманг, юзлар сўз демас,
Меҳрини қирқ мингта сабридан изланг.
Унинг кулгуларин лабидан эмас,
Юрагидан изланг, қалбидан изланг!
Тилса, фақатгина бағрин тилар у,
Лек, жафо жаҳдида тиғлай олмайди.
Азоб, уқубатни, дардни билар у,
Фақат сизга ўхшаб йиғлай олмайди!
Осон тутманг сира эркак ахлига,
Сиз суйгунча кўнгли сўлиб бўлгайдир.
Фидо айланг, жонни ғазаб жаҳлига,
Кулмай яшаб бир кун, кулиииб ўлгайдир!
Осон деб ўйламанг, эркак зотига...
Ўлмасбек Самарқандий
t.me/Samarqandiy77
🇺🇿21 октябр-Ўзбек тили куни!
"ЕВРОПАГА САЙЁҲАТ"!
@Samarqandiy77
Кечаги кун - тарих.
Эртанги кун - сир.
Бугун эса - туҳфа, уни борича қабул қилинг!!!
Ассалому алайкум!
Бошланган БУГУНИНГИЗ муборак бўлсин, азизлар!!!
Эҳтиром ила: Ўлмасбек Самарқандий
t.me/Samarqandiy77
🇺🇿18 октябр - Самарқанд куни!
Амирлардай аҳди бўлсин,
Шоҳлар каби шаҳди бўлсин,
Кенг майдонда тахти бўлсин,
Самарқандлик бўлмоқ учун!
@Samarqandiy77
🇺🇿21 октябр - Ўзбек тили байрами!
Ўзбекчани билмайдиган ўзбеклар бор!
@Samarqandiy77
ҚАДДИНГНИ ТИК ТУТ АЁЛ
🎙Юлдуз Усмонова.
Қишлоқ аёлларига бугунги байрамлари муборак бўлсин!
@Samarqandiy77
ТОҒА
Қадрдон ва меҳрибон тоғаларимизга ташлаб қўямиз!
Тоға десам, тоғларга етар бошим,
Тоға десам, тоғдай бўлар бардошим.
Қадрим улуғ, қаддим баланд сиз билан,
Тоға десам, эгилмас сира бошим.
Сиздай саҳий, сиздай битта мард йўқдир,
Меҳрингиздан юрагимда дард йўқдир,
Сиз борсизки, осмонимда гард йўқдир,
Тоға десам, сўнмас умр қуёшим.
Ҳаққим бордир менинг ҳам мол-қўйингизда,
Кўнлим яйрар, юрсам ҳовли-уйингизда,
Жияним деб, сийланг мени тўйингизда,
Тоға десам, товоғимда тўла ошим.
Қачон борсам, бағрингизни очгувчисиз,
Муҳаббатда дилга ором осгувчисиз,
Ва меҳрда ота ўрнин босгувчисиз,
Тоға десам, жонимдадир жон талошим.
🌗🌘🌑🌒🌓🌗🌘🌑🌒🌓
Бахтимизга тоғаларимиз омон бўлсинлар!
🌗🌘🌑🌒🌓🌗🌘🌑🌒🌓
©Ўлмасбек Самарқандий.
⬇️⬇️⬇️⬇️
@Samarqandiy77
ПАХТАКОР АЯ
Аллоҳ таоло сизга ихлос неъматини берди. Ризқ талабида халол меҳнат қилишингиз ҳам ибодатдир. Бунинг эъвазига Аллоҳ сизни ажру савоб билан эҳтиром қилади.
Сабру-садоқатингизга тасанно қишлоқ аёли!
@Samarqandiy77
⚡️15 октябр - Халқаро қишлоқ аёллари куни!
ҚИШЛОҚ АЁЛИ
Бошин кўтармаган қуёш ҳам ҳамон,
Фақат у уйғониб очади эшик.
Ичкарида қолар, жўжабирдай жон,
Бола йўргакланган нақшувор бешик.
Тирамоҳ шудринги томчилар чак-чак,
Ботмаган ой боқар унинг кўзига.
Ғаддор супургисин тортар келинчак,
Хазонлар тўкилган ҳовли юзига.
Сўнг сигир соғади, говмиш бехато,
Жим тутиб туради елинларини.
Бегона қилмайди кучуклар ҳатто
Шу олис қишлоқнинг келинларини.
Челаклаб сув ташир шу нозик билак,
Ялт этиб тер томар пешонасига.
Обдаста ҳозирлаб қўймоқ ҳам керак,
Бомдодга уйғонган қайнонасига.
Тонг отар, уйғонар ҳамма шу чоқда,
У эса тўплайди яна бор кучин.
Чой қайнар, сут пишар ўтин ўчоқда
Дастурхон ёзилар нонушта учун.
Иш, мактаб ва боғча... Тарқайди ҳамма,
У эса ишсиздир, маълумоти йўқ.
Бироқ, ҳеч нимадан қилмайди таъма,
Тақдирнинг измига арзи-доди йўқ.
... Бироқ давом этар ҳаёт беомон,
Хиёнат йўқ аҳду паймонасига.
Сўнгра отланади пахтазор томон,
Гўдагин қолдириб қайнонасига.
Пахталарга тўлган этагин қучиб,
Аллоҳга шукрона айтади яна.
Тушликда милтиқнинг ўқидай учиб,
Боласин эмизиб қайтади яна.
Кеч тушиб қораяр осмоннинг қоши,
Тўлиб турар яна говмиш елини.
Бироқ тўлмайди ҳеч унинг бардоши,
Катта бир ҳовлининг кичик келини.
Яна сигир соғар, шиддати жўшиб,
Ечмай жомакорин ҳали устидан.
Қовурма тайёрлар, қотган нон қўшиб,
Эри олиб келган товуқ гўштидан.
Кейин кир ювади, уюм-уюм кир,
Бироқ, чеҳрасини кўрмайсиз хомуш.
Свет ўчса ҳамки йўқ ҳеч хавотир,
Осмон тутиб турар ой деган фонус.
Тун чўкар... ҳилол ҳам жилмайиб кулар,
Суқилар оҳиста осмон қўйнига.
У эса, рўмолин ечиб термулар,
Тўйида момоси берган ойнага.
Кафт-ла суриб қўяр қалдирғоч қошни,
Зебу пардозларга кетмас хаёли,
Айт қайдан оласан шунча бардошни,
Нолишни билмаган қишлоқ аёли?!
Ўлмасбек Самарқандий.
@Samarqandiy77
"БУЛБУЛ ҲИКОЯТИ"
✍ Ўлмасбек Самарқандий.
🎙 Севда Алихан.
•┈┈┈┈•❈••✾••❈•┈┈┈┈•
Биз билан бирга бўлинг
https://telegram.me/joinchat/EBkeNT8wOXpAsSelKCAtIA
Ассалому алайкум ҳурматли ва мен учун азиз каналдошларим!
Тез орада (соат 21.00 да) Сизлар билан жонли мулоқот ўтказмоқчиман.
Унинг учун менга 50 та юракча керак! ❤️
Нима дейсиз?
@Samarqandiy77
🌧🌧🌧
ЁМҒИРОЙ
Мен сени севаман, Ёмғирой,
Севаман, энтикиб, соғиниб.
Кетсайдим, тупроққа сингиблар,
Сен билан осмондан ёғилиб.
Марвариддай жамолинг бордир,
Айланай, дур жончаларингдан.
Ёғ, ёғавер, юзларимга ёғ,
Бўса олай, томчиларингдан.
Сен ҳам мени севасан, асли,
Ишқинг сочиб титроқчаларга.
Айтолмайин, севаман дея,
Шивирлайсан, япроқчаларга.
Ишқдан кўнглинг совийди дарров,
Ва айланиб кетарсан қорга.
Бевафолар дастидан нолиб,
Айтиб бергин, бориб баҳорга.
Севасан, ёғасан, сингасан,
Дийдорга етишмоқ туш эди...
Иккимизнинг висолимиздан,
Айирган - у ёмғирпўш эди.
Соғинчдан толиққан осмонни,
Бағри узра бир абри сиёҳ.
Яна ёғар бўлсанг, Ёмғирой,
Бошимгамас, юрагимга ёғ!
Мен сени севаман, Ёмғирой. . .
Ўлмасбек Самарқандий.
@Samarqandiy77
Ўз ишингизни севсангиз
"Душанба - оғир кун" деган гап сизга бегона💪
Ишни зерикарлиси бўлмайди,
зерикарли ишлайдиганлар бўлади, холос!🙂
Ассалому алайкум!
Бошланган янги кун - душанба барчага омадли келсин!🙏
@Samarqndiy77
#Тонгги_шеър
Ассалому алайкум,
Қадрдоним, азизим!
Ўтказиб юбормасдан,
Шеъримни ўқинг бир зум.
Ким бўлсам-да, сиз учун,
Ўзлигимга қайтурман.
Сизга ҳар тонг шеър билан,
Ассаломим айтурман.
Азизим, табассум-ла,
Юзингиз гулгун бўлсин.
Бугунги кун сиз учун,
Энг чиройли кун бўлсин!
Ташвишларни унутинг,
Гарчи ғамдан тўлгансиз.
Ахир сиз ҳам дунёда,
Бир марта туғилгансиз.
Кўнглингизни - кўнгиллар,
Ичра нақши кўраман.
Бир гапим бор айтайми,
Сизни яхши кўраман!
Ўлмасбек Самарқандий.
@Samarqandiy77
Хайрли кеч, сизларга,
Ашъор излаб юрганлар!
Омонмисиз, соғмисиз,
Мени яхши кўрганлар!
Сизсиз умрим баҳори,
Тўкилмас дил оҳори,
Сизга кўнглимнинг бори,
Мени яхши кўрганлар!
Гоҳ тўламан, озаман,
Қалби соф ва тозаман,
Мен сиз учун ёзаман,
Мени яхши кўрганлар!
Майли, дилдан кўчиринг,
Хатоларим ўчиринг,
Айбим бўлса кечиринг,
Мени яхши кўрганлар!
Ардоқлайман, чин юзни,
Садоқат деган сўзни,
Мен ҳам севаман, сизни,
Мени яхши кўрганлар!
Ўлмасбекман, мен ўша,
Шеърим қилмайман пеша,
Омон бўлинг ҳамиша,
Мени яхши кўрганлар!
100 та юракчага арзитсангиз, юзга киринг!
@Samarqandiy77
#шанба_ҳазили
Менга теккандан бери,
Хотин шўрлик кўрмас зеб.
Қулоғимни еб қўйди,
«Катта тошли узук», деб.
Ёрим орзуси армон,
Мен қандоқ қурумсоқ эр.
Тушларида ҳаттоки,
«Катта тошли узук», дер!
Ва ниҳоят, раҳм этдим,
Ул кўзлари сузукни.
Совға қилдим бугун мен.
Катта тошли узукни.
Ўлмасбек Самарқандий.
t.me/Samarqandiy77
- Молодой человек, я плохо понимаю узбекский язык. По русский говорите пожалуйста...
( Дўкондаги суҳбатдан парча)
МЕН ЎЗБЕКЧА ГАПИРАМАН
Неча йиллар бўзлаган, оҳ бўз тилим бор,
Ифтихорим, ўзлигимга дўст тилим бор,
Румдаманми, Чиндаманми, ўз тилим бор,
Мен ўзбекча гапираман, гапинг борми?!
Минг жилода товлангайдир, турфа ранги,
Дунёларни лол этгувчи сўз жаранги,
Менга бундай қарама эй, сен фаранги,
Мен ўзбекча гапираман, гапинг борми?!
Илм боғига не буюкни йиққан тилим,
Доно тилим, ширин тилим ва қанд тилим,
Нима қилай ахир шундок чиққан тилим,
Мен ўзбекча гапираман, гапинг борми?!
Минг зеб ила Навоий кўшк солган тил шу,
Нақши жило - Тожмаҳалда қолган тил шу,
Темур бобом юрагингни олган тил шу,
Мен ўзбекча гапираман, гапинг борми?!
Шу тил бирла келмоқдамиз, биз бахт тилаб,
Ўзлигимиз шаъни учун, зўр ахд тилаб,
Гоҳ "япти"лаб, ё "опти"лаб, ҳоҳ "вотти"лаб,
Мен ўзбекча гапираман, гапинг борми?!
Жоним садқа, тамаддунга шона тилдан,
Айрилмасман, кўнгилга хамхона тилдан,
ОНА хаққи кечиб бўлмас, Она тилдан,
Мен ўзбекча гапираман, гапинг борми?!
Ўлмасбек Самарқандий.
@Samarqandiy77
Ота, елкангизга бошимни қўйиб,
Йиғласам майлими...
@Samarqandiy77
Эртага Самарқанд куни!
Айёминг муборак, навқирон юртим!
@Samarqandiy77
Муҳаббатнинг ўзбекчаси
Муҳаббатнинг таржимасин Love дейдилар,
Ўти тушса гар, юзлари лов дейдилар.
Айтинг, севмас бу дунёда қай улуслар,
Биздай сева олармикан инглизлар?!
Муҳаббатнинг таржимасин Любовь деди,
Ишқ дардидан кўнгли куюк кабоб деди.
Магар шунча озор бордир ўз элида,
Бизникидай ишқ бормикан рус элида?!
Муҳаббатнинг таржимасин Ashk дейишди,
Чор томонин қўрғон этиб, рашк дейишди.
Қўрғон ожиз гар мусулмон юртларда ҳам,
Бизникидай муҳаббат йўқ, туркларда ҳам!
Муҳаббатнинг таржимасин «қаддаф» дерлар,
Асраб гуё, ани дуру садаф дерлар.
Инжу кўпдир ул саҳроий тарафларда,
Бизникидай муҳаббат йўқ арабларда!
Муҳаббатнинг таржимаси қалбда яшар,
У на любовь, на ashk, ва на love га ўхшар.
Тушса ўти, ёнгай товон - бошгачадир,
Муҳаббатнинг ўзбекчаси бошқачадир!
Ўлмасбек Самарқандий.
@Samarqandiy77
#Изоҳсиз
Она
Онасини яхши кўрганлар ёнаётган юрак билан билдириб қўйишсин!
@Samarqandiy77
#Tabrik
Жонон излаб, ёр излаб,
Неча йиллар ўйланди.
Ва ниҳоят дўстларим,
Беҳрўз укам уйланди!
Топди кўнгилга бир куй,
Бўйига муносиб бўй,
Олмалиқда бугун тўй,
Беҳрўз укам уйланди!
Бўйдоқлик ҳам бир мароқ,
Отди қанча шаталоқ,
Емайин деб "Шапалоқ",
Беҳрўз укам уйланди!
Ёрини суйиб жондан,
Тақиб дуру-маржондан,
Келин топиб Анжандан,
Беҳрўз укам уйланди!
Жам бугун устаси сўз,
Ярамга сепманглар туз,
Боролмадим минг афсус,
Беҳрўз укам уйланди!
Нигор кўзи-қош бугун,
Ҳасан ака бош бугун,
Тахтда икки ёш бугун,
Беҳрўз укам уйланди!
Шеър бирла дилда оҳим,
Бахт тилайман илоҳим,
Саодат бер Аллоҳим,
Беҳрўз укам уйланди!
Беҳрўзжон, Сизга ва аҳли оилангизга бахту-саодатлар тилаб:
Ўлмасбек Самарқандий канали жамоаси!
@Samarqandiy77
Пул чопон
Зарбоп чопон, зўр чопон,
Гулдор чопон, гул чопон.
Вой дод, бирам ярашибди,
Эгнингизга пул чопон.
@Samarqandiy77
15 октябр!
Халқимизда "Ойнинг ўн беши қоронғу бўлса, ўн беши ёруғдир", деган гўзал бир нақл бор. Ҳолбуки шундай экан, бугун ойнинг ўн беши бошланди!
Илоҳим, бугундан ҳаётингизда ёруғ кунлар бошлансин!
ХАЙРЛИ ТОНГ!
•┈┈┈┈•❈••✾••❈•┈┈┈┈•
Кун давомида биз билан
бирга бўлинг!
БОРИНГИЗГА ШУКУР!
@Samarqandiy77
Ярим соат ўтмай, салкам 60 та юракча йиғилди!!! ❤️
Раҳмат менинг садоқатли фанатларим!
Соат 21.00 да суҳбатни бошлаймиз!
@Samarqandiy77
ПОЧЧАЖОН
Поччаларингизга юборинг! 😊
“Пᴏччᴀ” ᴄўɜи биᴧʍᴀʍ қᴀйᴄи ᴛиᴧдᴀн ᴋᴇᴧᴦᴀн,
Пᴏччᴀᴧᴀᴩ ҳᴀʍ биᴩ ᴀжᴏйиб ϶ᴧдᴀн ᴋᴇᴧᴦᴀн.
Сўᴩᴀᴄᴀᴧᴀᴩ қᴀйниᴧᴀᴩᴦᴀ бᴇᴩᴀᴩ жᴏнин,
Мᴇҳᴩибᴏниʍ, қᴀдᴩдᴏниʍ ᴨᴏччᴀжᴏниʍ.
Яᴧᴛиᴩᴀйди ᴨᴇɯᴏнᴀдᴀ ᴛᴇᴩᴦинᴀᴄи,
Мᴇнᴦᴀ ᴀɜиɜ ᴏᴨᴀᴦинᴀʍнинᴦ ϶ᴩᴦинᴀᴄи.
Оᴨᴀᴧᴀᴩиʍ бўйнидᴀᴦи дуᴩ – ʍᴀᴩжᴏниʍ,
Бᴏйᴧиᴦиʍᴄиɜ, қиʍʍᴀᴛиʍᴄиɜ ᴨᴏччᴀжᴏниʍ.
Чᴀқиᴩᴀди иᴄʍиʍиɜᴦᴀ “жᴏн” ᴧᴀᴩ қўɯиб,
Дᴀдᴀʍни ҳᴀʍ дᴀдᴀ дᴇйди ʍᴇҳᴩи жўɯиб,
Қўɯиᴧиб ҳᴀʍ ᴋᴇᴛᴀᴩ ᴦᴏҳи ᴛᴀндᴀ қᴏниʍ,
Мᴇҳᴩибᴏниʍ, қᴀдᴩдᴏниʍ ᴨᴏччᴀжᴏниʍ.
Туᴛун чиқᴄᴀ чᴏᴨиб ᴋᴇᴧᴀᴩ уйᴧᴀᴩиʍᴦᴀ,
Эᴩᴛᴀю – ᴋᴇч хиɜʍᴀᴛдᴀдиᴩ ᴛўйᴧᴀᴩиʍдᴀ.
Оиᴧᴀʍиɜᴦᴀ ўɜиʍдᴀн ᴋўᴨ ʍᴇҳᴩибᴏниʍ.
Қᴀдᴩдᴏниʍ, ᴛᴀндᴀ жᴏниʍ ᴨᴏччᴀжᴏниʍ.
Қᴀᴛᴛиқ ᴦᴀᴨиʍ дўқ дᴇʍᴀйди, ᴏᴨᴀʍ учун,
Қᴀᴩɜ ᴄўᴩᴀᴄᴀʍ йўқ дᴇʍᴀйди, ᴏᴨᴀʍ учун.
Чᴏᴨиб ᴋᴇᴧᴀᴩ бᴏɯиʍᴦᴀ иɯ ᴛуɯᴦᴀн чᴏғиʍ.
Суянчиғиʍ, ᴛиᴩᴦᴀᴦиʍᴄиɜ ᴨᴏччᴀжᴏниʍ.
Аʙᴧᴏдиʍиɜ дᴀʙᴏʍидиᴩ иɜᴧᴀᴩинᴦиɜ,
Тᴏғᴀ дᴇйди ʍᴇни ўғиᴧ – қиɜᴧᴀᴩинᴦиɜ.
Бᴀхᴛинᴦиɜᴦᴀ ᴏʍᴏн бўᴧᴄин ᴏᴨᴀжᴏниʍ,
Мᴇҳᴩибᴏниʍ, қᴀдᴩдᴏниʍ ᴨᴏччᴀжᴏниʍ.
Ўᴧʍᴀᴄбᴇᴋ Сᴀʍᴀᴩқᴀндий.
Ижрочини танимадим. 🙈
@Samarqandiy77
БАХТ
- Бахтлимисан жўра?
- Албатта дўстим...
Дейдию, ичидан бир нола қайтар.
Лаблар жилмаяди... Бахтни негадир,
Кўзларин кўзимдан қочириб айтар.
Кўзларинг остидан бир мунг кетмайди,
Ҳеч нима қодирмас, уни артишга.
Нега ичингдаги кучинг етмайди,
"Мен бахтлиман!" деган сўзни айтишга.
Малол ботар гоҳо, тилингнинг гапи,
Ожиз кўринади, юракнинг аҳди.
Худди ўзга боғнинг олмаси каби,
Ширинроқ туюлар, бошқалар бахти.
Сени чўлғагувчи туйғулар қуруқ,
Сийратинг ёнида сунар суратинг.
"Бахтсизман!" демоққа ориятинг йўқ,
"Бахтлиман!" дейишга етмас журъатинг.
Бошқа ишонмайман, айтмагин қайтиб,
На дилдан, на тилдан чиқар гапларинг.
Дунёнинг энг катта ёлғонин айтиб,
Шивирлар: "Бахтлиман..." дея лабларинг.
Кел-чи, кўзларингда нима бор, ўқий,
Ичингда не бўлса, кўзингда қайтар.
Мен содда эмасман, алдамагин, қўй,
Бахтлилар "Бахт" сўзин бошқача айтар!
Бахтлимисан жўра?
Ҳамиша бахтиёрлар сафида бўлинг!
Кунингиз чиройли ўтсин!
@Samarqandiy77
БИР ГАП БЎЛАР
Умидлардан бўлмагин жудо,
Бузма кўнглинг жўртага дўстим.
Тонг отсин-чи, кун берса Худо,
Бир гап бўлар эртага дўстим!
Ғалатироқ тақдирнинг иши,
Тушма сира ўртага дўстим.
Тугармиди дунё ташвиши,
Бир гап бўлар эртага дўстим!
Ғам-аламнинг занжирларини,
Бўлиб ташла тўрттага дўстим.
Сўра Ҳақдан ажрларини,
Бир гап бўлар эртага дўстим!
Ғолиблик ҳам гуёки тугун,
Насиб қилар биттага дўстим.
Енгилдингми курашда бугун,
Бир гап бўлар эртага дўстим!
Умр зардир, замона заргар.
Гоҳ қадримиз бир танга дўстим.
Сабр берса ажалга агар,
Бир гап бўлар эртанга дўстим!
Қадрдоним, бугунги кунингиз бироз оғирроқ ўтдими?
Режаларингиз охирига етмай қолдими?
Тушкунликка тушманг!
Эртага бир гап бўлар...
Тунингиз хайрли ўтсин,
азизим!
Эҳтиром ила: Ўлмасбек Самарқандий.
@Samarqandiy77
