3343
❤Bitta "besh" qo'yib ber darsingdan hayot!
ТАВАЛЛУД АЙЁМИНГИЗ МУБОРАК БЎЛСИН УСТОЗ!
Борлиқ узра қўл чўзган, гулзордир бу юрт,
Аҳил-иноқ эл суйган, ғазалдир бу юрт,
Бахтли яшар ҳалқи тинч, гўзалдир бу юрт,
Шу юрт элим ўғлони, Ўлмасбек акам!
Шеъриятнинг султони, Ўлмасдир акам!
Сўзлари дур маъноли, ўткир қалами,
Денгиз бўлиб тошади, келса илҳоми,
Эшитсангиз юракка, бўлар малҳами,
Ватаним қаҳрамони, бўлсин унвони!
Ўлмасбек акам менинг, ўзбек ўғлони!
Келажак ёш авлодлар, буюк карвони,
Шогирдлари жуда кўп, йўқдир поёни,
Маҳв этади шеърлари, бутун дунёни,
Қадами қутлуғ инсон, ўзимнинг акам,
Ўлмасбек Самарқандий, Ўлмасдир акам!
Таърифлашга ожизман, тополмайман сўз,
Шогирдингиз бўлайин, ҳурматим чексиз,
Сизга атаб шеър битдим, этайин кўз-кўз,
Тилагим шул сўнмасин, бахт қуёшингиз,
Қутлуғ бўлсин акажон, қутлуғ ёшингиз!
Минглаб шеър-у достони, гўзал ҳамда соф,
Мадҳ этсам сўзларимда, бўласиз гувоҳ,
Эътибор фахр ила, этсам эътироф,
Пахтачимнинг ўғлони, Ўлмасбек акам,
Обиднинг қадрдони, Ўлмасбек акам!
Ёши улуғ ёшулли, менинг дўстим сиз,
Қадрлигим қадрингиз, мен учун тенгсиз,
Оллоҳимдан сўрадим, куч-қувват соғлик,
Ширин ҳаёт тиладим, ҳурматим чексиз!
Йўлларим ёритгувчи, зиё ҳам нурсиз!
Пайкон ўқи мисоли, нишонга уриб,
Қиличдек қомадингиз, ҳеч эгилмасин,
Юз эллик ёшингизда, чопқиллаб юриб,
Навқирон йигитлардек, ҳеч букилмасин!
Қаламингиз синмасин, кўнгил синмасин!
Чўғдек ёниб турсин деб, бу қаро кўзлар,
Бургут мисол нигоҳлар, самони қучинг,
Ёнингизда юзта дўст, эҳ мингта дўстлар,
Ҳавас ила қарашсин, баландла учинг!
Бағримга босай сизни, бағримни қучинг!
Эр йигитлар сардори, йўлбарс ҳам шери,
Қалб қўрим, кўзим нурим, даврамнинг тўри,
Таваллуд айёмингиз, муборак бўлсин,
Табригим сизга устоз, шеъримнинг зўри!
Умрингиз узоқ бўлсин, кўнглим ғамхўри!
Табриклайман акажон, соғ бўлинг доим,
Дўстлигимиз бир бўлсин, қўллар худоим!
Омад ёр бўлсин доим, бир умр соғлик,
Тинчлик, бахт-у саодат, умр тиладим!
Ўлмасбек Самарқандий, сизсиз устозим!
✍Ҳурмат билан ҳаваскор шогирд укангиз
ОБИДЖОН ҚЎЗИЕВ
АССАЛОМУ АЛАЙКУМ
ЎЛМАСБЕК САМАРҚАНДИЙ
ШОДИЁНА КУН МУБОРАК БЎЛСИН
ТАБРИКЛАЙМАН
САЛОМАТ БЎЛИНГ
ОИЛА БАХТИГА ОМОН БЎЛСИН
ИЖОДИЗГА ОМАД ТИЛАЙМАН
ХУРМАТ БН ХАВАСКОР ИЖРОЧИ
НИГОРА ХАКИМОВНА.
Таниқли шоир Ўлмасбек Самарқандийнинг таваллуд топган куни!
Бугун Пахтачининг фахри ва ижодкорларининг ёрқин намояндаларидан бири бўлган Ўлмасбек Самарқандий таваллуд топган кун. Унинг ижоди нафақат ўзбек адабиёти, балки миллий қалбни туйғулар билан бойитувчи асарлар билан ҳам қадрланади. Шоирнинг Каттақўрғон ҳақида ёзган чиройли шеърлари бу диёрнинг табиати, тарихи ва инсонлари ҳақидаги самимий туйғуларини ўзида акс эттирган.
Ўлмасбек Самарқандий ўз шеърларида туғилган юртига бўлган меҳр ва садоқатни, унинг гўзаллигини ва маданий меросини кўтаринки руҳда тасвирлайди. Шу боис, унинг ижоди нафақат Каттақўрғонликлар, балки бутун юрт аҳли томонидан қадрланади.
Шоирга ижодий парвозлар, соғлик ва узоқ умр тилаймиз! Унинг қалами ҳеч қачон сукунатга берилмасин, ва янги асарлари билан бизни илҳомлантиришда давом этсин!
Ҳурмат билан, @Jahongir_Safarov
Юрак ҳоли билан кўнгил иши йўқ,
Ва ё кўнглим томон қарар киши йўқ ,
Эй дўстим, одамлар бунча бераҳм,
Дейдилар: “Ўлмаснинг ҳеч ташвиши йўқ...
Бугун таниқли шоир Ўлмасбек Самарқандий таваллуд топган кун!
Шоирим туғилган кунингиз муборак бўлсин! Доимо соғ бўлинг. Халқнинг меҳри соянгиз бўлсин. Ўзингиздек беътакрор ва ўтли шеърларингиз юрагимизда, дилимизда, тилимизда. Барчамизга бугунги адабиёт байрами-Ўлмас Самарқандий таваллуд топган кун муборак бўлсин!
Ассалому алайкум.
Хурматли
Улмасбек ака !!!
Туғилган кунингиз, кутлуг 47 ёшингиз билан чин калбимдан табриклайман !!!
Сизга яратгандан соғлик ва саломатлик, куч-қудрат, фаровон турмуш, осойишталик ва оилавий тинчлик-хотиржамлик, кетмас бойлик, ишларинга файзу барокат ато этишини хамда фарзандларингизни ва невара, чеваралар куриб уларни камолини куриб юришликларни сўрайман !!!
Барча ишларингизда омадлар, мувофаккиятлар, ютуклар бутун умрингиз давомида Сизга хамрох бўлишини, аллохимиз доим тугри йил курсатиб куллаб кувватлашини тилайман !!!
Келажакда давлатимиз халк шоирлари булиб танилишлар насиб килсин !!!
Хурмат билан
Соликчи дустлар номидан
Рузимурадов Одил !!!
ТАБРИК!
Самарқанд бағрида яшар бир инсон,
Нур зиё бергувчи устоз бегумон.
Жўш урар юраги илҳом бағишлар.
Шогирдлар интилар доим у томон.
Бир изн берсангиз битта сўз айтсам,
Меҳр-ла сўзласам, дўст деб атасам.
Дунё шодликларин тилайин сизга,
Шукрона кунингиз муборак десам.
Аслида камтарлик ярашар сизга,
Яратган асрасин хас тушмай кўзга.
Марифат улашиб ҳар ўғил қизга ,
Дўстларнинг номидан тилаклар сизга.
✍✍АЗИЗАБЕГИМ
Ассалому алейкум биз учун қадрли инсон, ҳам устоз, ҳам ддст, бўлган
Шоир, ажойиб ижодкоримиз
ЎЛМАСБЕК САМАРҚАНДИЙ
БУГУНГИ ШУКРОНА КУНИНГИЗ МУБОРАК БЎЛСИН,
ҲАМИША АТРОФИНГИЗДА СОДИҚ ДЎСТЛАРИНГИЗ, ЯҚИНЛАРИНГИЗ,
ОИЛА АЗОЛАРИНГИЗ ЖАМ БЎЛСИН, ФАРЗАНДЛАРИНГИЗ АРДОГИДА БЎЛИНГ.
ИЖОДИНГИЗ БУНДАНДА ЮКСАК ЧЎҚИЛАРГА ЕТАКЛАСИН.
АЛЛОҲ ПАНОҲИДА БЎЛИНГ
СИЗГА БАХТ ОМАД ТИЛАБ
АЗИЗАБЕГИМ
🎂🎂🎂🎂🎂🎂🎂🎂
Ўлмасбекка ҳазил
Кеп қолинг, хохлаган мавзуда шеър бор,
Она ҳақдами ё ишқ, ҳижрон, Ватан?
Буюртма берсангиз бирпасда тайёр,
Қизиги, мен бепул хизмат қиламан.
Бор бисотим қалам, қоғоздир яккаш,
Шеър билан яшайди вужудим, жисмим.
Балки шунинг учун шеърларим талаш,
Балки шунинг учун Ўлмасдир исмим...
Ёр Муҳаммад.
#Qutlov
Bugun paxtachilik zabardast shoir, tumanimiz ma'naviyatini yuksaltirishda o‘zining munosib hissasini qo‘shib kelayotgan
O‘lmasbek SAMARQANDIY
o‘zining tavallud kunini nishonlamoqda!
Paxtachi tuman hokimligi hamda keng jamoatchiligi shoirimizni tavallud ayyomi bilan samimiy muborakbod etib, unga uzoq umr, tan-sihatlik hamda yuksak ijodiy parvozlar tilab qoladi!
Biz👉 http://myurls.co/paxtachi
Бугун дилкаш, самимий инсон, Ўзбекистон Ёзувчилари уюшмаси аъзоси, Ўзбекистон Республикаси халқ таълими аълочиси, миллионлаб кўнгилларни мафтун этган истеъдодли шоир, устозим Ўлмасбек Самарқандийнинг таваллуд аёми.
Бир инсон бор, содда, самимий,
Очиқ кўнгил, кулиб тургайдир.
Туйғулари теран, ҳақиқий.
Ғаразлик нелигин билмайди.
Сўзи ўткир, айтар гапи бор,
Каломи хуш, майин, мафтункор.
Битмишлари рангин, бетакрор.
Жўн сўзларга кўнгли тўлмайди.
Ўз йўли бор унинг ҳаётда,
Ва ўрни бор адабиётда.
У сайр этган куни, албатта,
Шеърият бўстони гуллайди.
Сўз мулкида эрур у даҳо
Аймтишлари гўзал, бебаҳо.
Жисм фоний, у ўтар, аммо
Ўлмасбекнинг исми ўлмайди!
Таваллуд айёмингиз муборак бўлсин пири комилим. Самимий тилакларим сизга армуғон.
Уйғун Ўсар
"Қайси тунни кўрдинг, тонги отмаган?"
Бирор тонг борми айт, тунга етмаган.
Ҳақнинг ҳудудида осмон бор, ой бор,
Юрт йўқдир оламда қуёш ботмаган.
ТУНИНГИЗ ХАЙРЛИ ЎТСИН!
•┈┈┈┈•❈••✾••❈•┈┈┈┈•
Бугун биз билан бирга бўлганингиз учун ташаккур!
@Samarqandiy77
Ꮻᴄʍᴏндᴀн иɜᴧᴀйʍи иɜᴧᴀᴩинᴦ,
Яɯᴀйᴄᴀн нᴀ ᴇᴩдᴀ ʍуҳᴀббᴀᴛ.
Ꮶᴇᴧяᴨᴛи биᴩ хуɯбўй иᴄᴧᴀᴩинᴦ,
Ꮇᴀнɜиᴧинᴦ қᴀᴇᴩдᴀ, ʍуҳᴀббᴀᴛ?!
Эҳᴄᴏнᴧᴀᴩ қиᴧᴀйʍи бᴏᴩиʍни,
Ҳиᴧқᴀᴛинᴦ хᴀйᴩдᴀ ʍуҳᴀббᴀᴛ.
Ꭲинᴦᴧᴀᴦин қᴀᴧбдᴀᴦи ɜᴏᴩиʍни,
Ꮇᴀнɜиᴧинᴦ қᴀᴇᴩдᴀ ʍуҳᴀббᴀᴛ?!
Ꮲᴀɸᴛᴏᴩинᴦ ўхɯᴀʍᴀᴄ ᴏддийᴦᴀ,
Ꮯийᴩᴀᴛинᴦ ᴄᴀйᴩдᴀ ʍуҳᴀббᴀᴛ.
Ꮾᴏɯ ᴏᴧиб ᴋᴇᴛᴀйʍи ʙᴏдийᴦᴀ,
Ꮇᴀнɜиᴧинᴦ қᴀᴇᴩдᴀ ʍуҳᴀббᴀᴛ?!
Ꮱᴀᴩҳᴏду – Ꮇᴀжнунᴦᴀ ёᴩʍиᴄᴀн,,
“Ꮧиᴄᴏн уᴛ-ᴛᴀйᴩ” дᴀ ʍуҳᴀббᴀᴛ.
Ꮱуɜуᴧий, Ꮾᴏбуᴩдᴀ бᴏᴩʍиᴄᴀн,
Ꮇᴀнɜиᴧинᴦ қᴀᴇᴩдᴀ ʍуҳᴀббᴀᴛ?!
Ꮶᴇᴧяᴨᴛи биᴩ хуɯбўй иᴄᴧᴀᴩинᴦ,
Ꮇᴀнɜиᴧинᴦ қᴀᴇᴩдᴀ, ʍуҳᴀббᴀᴛ?!
Ўᴧʍᴀᴄбᴇᴋ Ꮯᴀʍᴀᴩқᴀндий.
/channel/Samarqandiy77
Сарғиш япроқларнинг иси келмоқда,
Осмонни эгаллар сиёҳранг абр.
Жонимга ёққувчи сабо елмоқда,
Тонгларинг бир гўзал ноябр!
Ассалому алайкум !
Ноябрнинг яна бир тонги муборак бўлсин !
@Samarqandiy77
УКАЖОН
Яқин қондошларингизга сийлаий раҳм қилишни унутманг!
(Ҳадислардан)
Томирларда оқаётган қонимиз бир укажон,
Танимиз бошқадиру, жонимиз бир укажон.
Қайда бўлсанг дардингни ҳис қилгувчи юрак бир,
Отамиз шаънидаги шонимиз бир укажон.
Яқиним йўқдир менинг сендан бўлак, дунёда,
Сен яёв юрсанг магар, мен ҳам юрай пиёда,
Сен бой бўлсанг, менинг ҳам мол - давлатим зиёда,
Тақдир берган ризқимиз, нонимиз бир укажон!
Жонлар битта жонники, жисмимиз бошқа - бошқа,
Умримиз бир йўлдадир, измимиз бошқа - бошқа,
Гарчи ҳужжатлар ичра исмимиз бошқа - бошқа,
Насаблар сўралганда номимиз бир укажон!
Балки, бир-биримизни бўйларимиз фарқ қилар,
Туйғулар, тафаккурлар, ўйларимиз фарқ қилар,
Орамизда масофа, уйларимиз фарқ қилар,
Тўққиз ойлик уйимиз - қорнимиз бир укажон!
Ёруғ бўлсин оламнинг сен яшаган томони,
Толеъйингга битилсин замонларнинг замони,
Кунлар ўзимизники, яхшиси ҳам ёмони,
Бошимизга ёғгувчи қоримиз бир укажон!
Дардинг - дардим, оҳ урар ичимдаги ноламдир,
Кипригингга тушган ёш кўзимдаги жоламдир,
Табассуминг - қувончим, болаларинг боламдир,
Етти авлод етгунча қонимиз бир укажон!
Ака-укаларимизни йўқлаб қўяйлик!
Ўлмасбек Самарқандий.
Юракча ❤️
@Samarqandiy77
⚡️Бугун Халқаро ўғил фарзандлар куни!
ЎҒЛИ БОРНИНГ
Сулаймондек тахти бўлар ўғли борнинг,
Беклар каби бахти бўлар ўғли борнинг.
Шижоати, жасорати ёниб тургай,
Кўксида бир шаҳди бўлар ўғли борнинг!
"Эркаги бор эл ичида бош", дейдилар,
Ота - ўғил гуё кўзу - қош дейдилар,
Азал-азал, "қиз палаҳмон тош" дейдилар,
Кексайганда нақди бўлар ўғли борнинг!
Ҳеч бир сўзи айтилмайди тил учида,
Бир ифтихор порлаб турар дил ичида,
Суннат бўлса ҳатна дея, эл ичида,
Тўй қилмоққа ҳаққи бўлар ўғли борнинг!
Улғайишин кутиб яшар, куйиб - ёниб,
Пешонасин ўпиб қўяр тонг уйғониб,
"Мени Ҳажга олиб борар", деб қувониб,
Орзуларга вақти бўлар ўғли борнинг!
Ўқишлардан шаҳдам қадам ташлаб келар,
Соғинтириб кўзингизни ёшлаб келар,
Оқ куйлакли бир малакни бошлаб келар,
Муҳаббатда аҳди бўлар ўғли борнинг!
Сизни ташлаб кетмайдиган ҳамхонангиз,
Бу дунёда қоладиган нишонангиз,
Кексайганда бошингизда парвонангиз,
Таърифи йўқ бахти бўлар ўғли борнинг!
Ўғилнинг ҳам шаддодроғи, эркаси бор,
Не бўлса ҳам бу умрнинг эртаси бор,
Тобутингиз кўтаргувчи елкаси бор,
Сўнгги кунда нақди бўлар ўғли борнинг!
Сулаймондек тахти бўлар ўғли борнинг,
Беклар каби бахти бўлар ўғли борнинг.
Ўлмасбек Самарқандий.
@Samarqandiy77
Эртага энг яхши кунингиз бўлсин!
Кузак осмонидан мўралайди ой,
Бу оқшом энг гўзал тунингиз бўлсин!
Кўнглингиз кўшкида очилсин чирой,
Эртага энг яхши кунингиз бўлсин!
Сизни умидлардан қилмасин жудо,
Ғойибдан муждалар айласин садо,
Саодатлар берсин, бахт берсин Худо,
Эртага энг яхши кунингиз бўлсин!
Оройиш тилайман оғринганларга,
Шифо берсин Роббим оғриганларга,
Дийдор насиб этсин соғинганларга,
Эртага энг яхши кунингиз бўлсин!
Яйранг, наво-назму, куйларга боринг,
Сизни азиз билган уйларга боринг,
Кўнгилни чоғ қилиб тўйларга боринг,
Эртага энг яхши кунингиз бўлсин!
Тонг отса муборак Жума бошлангай,
Ибодатлар ила кўзлар ёшлангай,
Масжидлар томонга қадам ташлангай,
Эртага энг яхши кунингиз бўлсин!
Гўзалликни севинг, ҳаётни суйинг,
Шеъримни гўзал бир тилакка йўйинг,
Яқинларга уни жўнатиб қўйинг,
Эртага энг яхши кунингиз бўлсин!
Ўлмасбек Самарқандий.
@Samarqandiy77
Бугун Ўзбекистон Ёзувчилар уюшмаси аъзоси, Ўзбекистон халқ таълими аълочиси, «Маънавият фидойиси»кўкрак нишони соҳиби, истеъдодли шоир, самимий инсон, жонкуяр устоз Ўлмасбек Самарқандийнинг таваллуд аёми.
Шу муносабат билан устоз Ўлмасбек Самарқандийга узоқ умр, мустаҳкам соғлик, ижодий фаолиятида улкан муваффақиятлар тилайман!
Устоз Ўлмасбекнинг шукронасичун,
Кетма - кет келмоқда қутлов, табриклар.
Шу қутлуғ кун сабаб анжуман айлаб,
Соҳир сандувочлар шўхчан куй чалар.
Табрикка ошиқиб азим чинорлар,
Ям - яшил япроққа берарлар пардоз.
Олтинранг тусини олиб япроқлар,
Шоирнинг пойига бўлар поёндоз.
Табрикка шошилиб мен ҳам ушбу дам,
Сўзларни сўзларга бир - бир улайман.
Элнинг дуосидан бўлиб умидвор,
Мўйсафид чинорлар умрин тилайман!
Абдимурод Абдираззоқов.
Уйимга келган меҳмонлар эътирофи...
@@Samarqandiy77
Дўстим, бродарим дилдош яқиним,
Ижод осмонида ёнган чақиним.
Эй қалами ўткир Ўлмасбек иним,
Бугунги таваллуд айём муборак.
Мухлисларга ажиб ташбеҳ излашиб,
Юрибсиз ёшларга илим улашиб.
Мухлислар туришар тилак тилашиб,
Ўлмасбек таваллуд айём муборак.
Мисралар шодасин тузасиз қатор,
Хар бир мисрангизда катта маъно бор.
Асрагин шоиринг ё парвардугор,
Ўлмасбек таваллуд айём муборак.
Муборакбод этар шогирдларингиз,
Табриклар бирма бир ёр дўстларингиз.
Тилагим юксакка парвоз этингиз,
Ўлмасбек таваллуд айём муборак.
Ўхшар ё ўхшамас табрик сўзларим,
Қалбимнинг тубидан чиқди бариси,
Яна юз эллик йил ижодлар қилинг,
Ижодкор ҳалқининг бўлиб қариси.
✍️✨✨✨✨✨✨✨✨✨✨
Акрамжон Атабаев.
Бродарим Ўлмасбек яна бир бор табриклайман доимо соғ саломат бўлинг!
ТАБРИКНОМА!!!
Таниқли шоир, муаллим ва мураббий, Ёзувчилар уюшмаси аъзоси Ӯлмасбек Самарқандийни туғилган куни билан вилоятимиздаги барча ижодкорлар, уюшма аъзолари номидан самимий табриклаймиз!
Ӯлмасбек доимо саломат бӯлинг. Кӯзлаган мурод-мақсадларингизга етиб, илғор педагог, эл ардоғидаги ижодкор бӯлиб юринг.
Сиздан янада оташин, қалбларни эзгуликка тӯлдирувчи шеърлар кутиб қоламиз.
Тошпӯлат Ӯрхун
ҚУТЛОВ
(💐ТАВАЛЛУД АЙЁМИНГИЗ МУБОРАК БЎЛСИН , ҚАДРДОНИМ Ў Л М А С Б Е К!!!💐)
🪷🪷🪷🪷🪷🪷🪷🪷🪷🪷
Ташбеҳида оқ тулпорлар қанот қоқар,
Уммони-ю дарёсида ашъор оқар,
Шеър юртининг осмонида шамсдек боқар,
Ўлмасингни асра элим , Ўлмасингни!
Изҳорида Муҳаммаднинг райҳони бор,
Ҳисларининг залворига дунё ҳам тор,
Сўзласа байт , яшнар ҳар ён мисли баҳор,
Ўлмасингни асра элим ,Ўлмасингни !
Дил кўшкида Ватан деган Хумочаси ,
Ишқ-ла лим-лим кўнгил деган гулкосаси,
Қаламида туйғуларнинг энг тозаси,
Ўлмасингни асра элим, Ўлмасингни !
Қўлларида шараф ила шонни тутгил,
Йўлларида энг сарбаланд орзу битгил,
Ўғлонингдан юлдузлардек сайқал кутгил,
Ўлмасингни асра элим, Ўлмасингни!
Сўз бобида бонг уради бамисли шер,
Муҳаммадинг балким тирик , кўкрагинг кер,
Гар узатса қўлларини қўлингни бер,
Ўлмасингни асра элим , Ўлмасингни !
🖊СОЛИҲАБОНУ
(НИЛУФАРХОНИМ)
БУХОРО
🪷🪷🪷🪷🪷🪷🪷🪷🪷🪷
#Tabrik
⚡ Бугун Ўзбекистон Ёзувчилари уюшмаси аъзоси, Ўзбекистон Республикаси халқ таълими аълочиси, кўплаб ҳид қўшиқлар муаллифи ҳаётдаги қадрдон акам, шеъриятдаги устозим Ўлмасбек Самарқандийнинг таваллуд куни!
Қадрдоним Ўлмас акам,
Шеърдан кўнгли тўлмас акам,
Бугун шундай қувончли кун,
Қутламасам бўлмас акам.
Мартабангиз улуғ бўлсин,
Қалбингиз шод, ёруғ бўлсин,
Юзга киринг дейман устоз,
Таваллуд кун қутлуғ бўлсин!
Бугун кўнглим ёриб қутлай,
Дилга меҳрим солиб қутлай.
Соғинганман, бағрим очиб,
Ёнингизга бориб қутлай!
Устоз, таваллуд айёминг муборак бўлсин! Оилангиз ва яқинларинг, қолаверса биз шогирдларнинг бахтига ҳамиша омон бўлинг!
Ҳурмат билан Ҳамдам АЛЛАЁР.
🎉🎉🎉🎉🎉🎉🎉🎉🎉🎉🎉🎉
ТАБРИКЛОВ
(Бугун серқирра ижодкор, Ўзбекистон Ёзувчилар Уюшмаси аьзоси, шоир УСТОЗ Ўлмасбек Самарқандий таваллуд топган кун)
/channel/Samarqandiy77
🎉Шеърлари каби самимий ва софкўнгил инсон бўлган бу устозга дунёни барча яхшиликларини тилаймиз!
🎉 УСТОЗни таваллуд айёмлари билан муборак этамиз.
🎉 Нимаики эзгу тилаклари бўлса барча барчасини Аллоҳ ижобат қилсин! Ўзлари ва оила аъзоларини фақат ва фақатяхшиликлар ила сийласин!
✨Икки дунё саодати сизга ёр бўлсин устоз.
Хурмат эхтиром билан
Дилдора Абдиназарова
🎉🎉🎉🎉🎉🎉🎉🎉🎉🎉🎉🎉
👇 Каналга аьзо бўлиш
@Dildora_abdinazarova
Дўст десам ёнимда дўстдек турганим
Укамдай ҳар қадам бирга юрганим,
Ташвиш, қувончимга шерик бўлганим
Таваллуд кунингиз муборак бўлсин !
Аллоҳ умрингизни зиёда қилсин !
Камтарлик бобида дарс олсак арзир
Ҳаёт сиздан бир "беш баҳо" қарздир
Қанча яхшиликлар тиласам оздир
Туғилган кун аслида баҳона сабаб,
Йўқлагим келдида тонгдан атайлаб.
Шеърият боғида ифори ўзга
Ярқ этиб кўринар ҳар боққан кўзга
Ҳар кун янгисидан илинар бизга
Энди навбат келди шеър ёзмоқ сизга
Укажон таваллуд муборак бўлсин!
Кўнглингиз нурафшон бахтларга тўлсин!
Бир гулдаста қилдим тилакларимдан
Дуолар қилайин чин юрагимдан
Ортиғини берсин ҳар керагидан
Юз ёшда ҳам шундай навқирон бўлинг!
Ўзбекистон бахтига сиз омон бўлинг!
Таваллуд айёмингиз муборак бўлсин укажоним!
Қадрингиз ва қаддингиз баланд,ризқингиз,илмингиз,умрингиз зиёда,азиз бошингиз омон бўлсин илоҳим!
💐🌺🌸🌷🌹💮🏵🌼
Юлдуз Абдусамат қизи.
Бир чимдим меҳр.
Умримнинг ҳар лаҳзаси ёдда,
Гоҳ пиёда, гоҳида отда,
Ҳаммасини қолдириб ортда,
Яна бир ёш улғайдим бугун.
Ёшлигимдан кетдим кўп йироқ,
Тушди эй воҳ, кўнглимга фироқ,
Юзда ажин, сочларимда оқ,
Яна бир ёш улғайдим бугун.
Кунлар сарғиш олаётир тус,
Таърифига тополмайман сўз,
Хуш келибсан қирқ еттинчи куз,
Яна бир ёш улғайдим бугун.
Бошинг тик тут, кўкрагингни кер,
Қўй, одамлар нима деса дер,
Қутла мени муҳаббатим ШЕЪР,
Яна бир ёш улғайдим бугун.
Ўлмасбек Самарқандий.
@Samarqandiy77
СИНФДОШ
(Қадрдон синфдошларимизга жўнатиб қўямиз)
Яхшимисан синфдош,
Бормисан соғ-саломат?
Бир йўқлайин дегандим,
Қилмайсанда, маломат.
Дунё кенг эди бирам,
Сиғмасди қулочингга.
Гўзал эдинг, қорасоч,
Оқ тушибди сочингга.
Куйма кўздаги ғамдан,
Тақдир ўзи муаррих.
Қара, ортда жилмаяр,
Йигирма йиллик тарих.
Омонмисан синфдош,
Атрофга ҳеч йўқ ишинг.
Фарзандларинг баробар,
Улғайдими ташвишинг?!
Ташвишлардан ортиб, бир,
Ўзлигингни излаб қўй.
Ўн йил бирга ўтирган,
Партамизни эслаб қўй.
Шўрлик ёғоч бағрини,
Илма-тешик қилгандик.
Исмлар... юракчалар,
Қалам билан тилгандик.
Афсус, ошиқ икки қалб,
Учди ўзга юртларга.
Ишқимиздек парта ҳам,
Ўтин бўлди ўтларга.
Эсингдами синфдош,
Эдинг кўп моҳитобон.
Мактаб йўли - ишқ йўли,
Синфхона - хиёбон.
Учрашардик... титрардик,
Ловулларди юраклар.
Гувоҳимиз ер, осмон,
Стадион, тераклар.
Жим турардинг ер чизиб,
Қалин қошлар чимрилиб.
Менинг ҳам сукут бирла,
Кетар, сабрим емрилиб
Шундай хайрлашардик,
Топмасдим ҳеч кўнглингни.
Энг катта жасоратим -
Ушлагандим қўлингни.
Кўп чўзилди танаффус,
Босилмайди ҳеч титроқ.
Йигирма йил ўтса ҳам,
Чалинмайди қўнғироқ.
Омонмисан синфдош,
Толмадингми ҳаётдан?
Мен ҳам ризқимни териб,
Юрибман шеър - баётдан.
Энди йиллар ортидан,
Тополмасман изингни.
Кеча боғда учратдим,
Ўғлим билан қизингни.
Қўй индама уларга,
Ғов бўлма шу шаҳд учун.
Бир уриниб кўришсин,
Биз етмаган бахт учун!
Яхшимисан синфдош?!
©️ Ўлмасбек Самарқандий
Оловли юракча
@Samarqandiy77
📊 #Тонги_тарона
Эркак сўзи бешта ҳарфдан иборатдир,
Ҳар бир ҳарфи мардлик учун иморатдир.
Чин эркакка дўст топмоқ зўр тижоратдир,
Баъзилар бор, эркак дейиш ҳижолатдир!
🎙 Аброр Жамолиддинов.
@Samarqandiy77
Сўзламанг муҳаббат деган жафони,
Қалбимга ёлғон бир сафолар солманг.
Кўришга кўзим йўқ сиз бевафони,
Отишга ўқим йўқ, хавотир олманг.
Мен жангга кирмайин, ёлғон сўз эмас,
Чиқолмай қоласиз ташқарингизга.
Келурман эҳтимол, битта ўзим бас,
Хиёнат аталмиш лашкарингизга.
Нечук кўзим ёшлаб дардли куйимга,
Бўлмағур ишқ учун юрак ғашлайман.
Йўламанг ҳеч қачон Кўнгил уйимга,
Кўрсам, айтиб қўяй, отиб ташлайман!
✏️ Ўлмасбек Самарқандий.
🎙 Гулруҳ Эшонқулова.
@Samarqandiy77
Кунлар кўнглимизни маҳзун этади,
Умр рангларига тўймай қолар кўз.
Баҳорлар жуда тез ўтиб кетади,
Жуда тез келади, умримизга куз.
@Samarqandiy77
Маҳфират кун бугун, дерлар,
Дил нақши кун бугун, дерлар.
Қуёш чиққан кунлар ичра,
Энг яхши кун бугун, дерлар!
Тангрим этмиш таборак кун,
Ҳар лаҳзамиз ибодат кун.
Номин айтсам, яйрагай тил,
Бугун шундай муборак кун!
АССАЛОМУ АЛАЙКУМ!
ЖУМА АЙЁМИНГИЗ ҚУТЛУҒ БЎЛСИН, АЗИЗИМ!
@Samarqandiy77
ЭСЛАЙСИЗ...
Сиз мени эслайсиз, эслайсиз аҳён,
Ҳавоий хаёллар солганда ғулу.
Дайди дилингизни ўртаб ғалаён,
Кўнглингиз соғинса, шеър деган туйғу.
Олислаб кетарга топилса манзил,
Менга бошлагувчи йўллар билан дуч.
Эслайсиз, сукутлар соғинчга арзир,
Унутиб кетмоққа тополмайсиз куч!
Сиз мени эслайсиз, чин дилингиздан,
Айтиб - айтилмаган пушмонларим бор.
Исмим ўчиб кетса хотирингиздан,
Эслатиб тургувчи душманларим бор.
Эҳтимол, бугун бор, эрта йўқ жисмим,
Курашиб яшайман, мен ғафлат билан.
Эслайсиз, қайдадир айтилса исмим,
Ё соғинч, ё меҳр, ё нафрат билан!
Сиз мени эслайсиз, куздир, баҳордир,
Туйғулар туғёни ошган томонда.
Эслатиб тургувчи изларим бордир,
Андижон, Фарғона, Тошкан томонда...
Соғинч саҳросида битган байтингиз,
Менга етиб келгай, айламанг пинҳон.
... ва энди унутдим, деган пайтингиз,
Қаршингиздан чиқар сўзим ногоҳон.
Сиз мени эслайсиз, ҳамон эсдаман,
Унутмоқ учун ҳам керак зўр сабот.
Кеч хазон палласи ёдингиздаман,
Эслатиб туради ноябр бот -бот.
Ўлмасбек Самарқандий.
@Samarqandiy77