Samarqand_LIVE – Юзинг қийшиқ бўлса ойнадан ўпкалама!

21 ноября 2024 11:01

#Мурожат (таҳрирсиз)

Видеодаги ҳолат буйча ким шуғиланади? Самарқанд вилояти Нуробод тумани Тепақул МФЙда экалогия зарарланмоқда.

- Оддий халқ нима қилсин. Пул бор ҳамма нарсани қилади деганими. Биронта масъул борми? Халқни дардини эшитадиган. Самарқанд вилоят экология бошқармаси бундай ҳолатдан хабари борми? Ушбу ҳолатни ўргани чиқишини сўраймиз.

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

21 ноября 2024 10:00

#Статистика

САМАРҚАНДДА 2024 ЙИЛ 9 ОЙИДА 82 913 ТА ТУҒИЛИШ ҚАЙД ЭТИЛДИ

Шундан 43 090 нафари ўғил,
39 823 нафари қиз.

Энг кўп туғилиш Самарқанд (26 265 та) шаҳри ва Ургут (9 274 та) туманида кузатилди.

Туғилганлик ҳолати қайд этилиши туманлар кесимида:

1. Самарқанд шаҳри – 26 265 та
2. Самарқанд тумани – 2 403 та
3. Тойлоқ тумани – 2 211 та
4. Жомбой тумани – 3 628 та
5. Булунғур тумани – 3 955 та
6. Оқдарё  тумани – 2 457 та
7.Пастдарғом тумани – 4 686 та
8. Каттақўрғон тумани – 4 163 та
9. Каттақўрғон шаҳри – 3 473 та
10. Иштихон тумани – 4 010 та
11. Пайариқ тумани – 6 127 та
12. Ургут тумани – 9 274 та
13. Қўшработ тумани – 2 369 та
14. Нарпай тумани – 3 638 та
15. Нуробод тумани – 1 652 та
16. Пахтачи тумани – 2 602 та 

2023 йилнинг мос даврида бу кўрсаткич 85 927 тани ташкил қилган.

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

21 ноября 2024 08:03

#Тайинлов
Қурилиш ва уй-жой коммунал хўжалиги вазирининг тегишли буйруғи билан Негматов Баҳодир Аминович Самарқанд вилоят қурилиш ва уй-жой коммунал хўжалиги бош бошқармаси бошлиғи лавозимига тайинланди.

Б.Негматов бунга қадар бош бошқарма бошлиғи ўринбосари лавозимида ишлаб келаётган эди.

Манбаа: Zarnews

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

21 ноября 2024 06:23

#Жараён

Тошкент шаҳрида «Аҳоли саломатлигини сақлаш мавсадида саломатликка нисбстан хавфлар ҳақида мулоқот ва ҳамжамиятлар иштироки» мавзусида семинар бўлиб ўтмоқда.

Видео муаллифи Абдуалим Жалолов

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

21 ноября 2024 05:15

#ТЕЗКОР #ДИҚҚАТ

⚡️2 ТА КЎЧАДА ИЧИМЛИК СУВИ ВАҚТИНЧА ТЎХТАТИЛАДИ ❌

Самарқанд шаҳридаги Афросиёб (эски ароқ завод олдида) магистраль сув тармоғида юзага келган носозлик сабабли бугун, 21 ноябрь соат 9-00 дан Регистон, Ислом Каримов ва ушбу кўчаларга туташ ҳудудида ичимлик сув таъминоти вақтинчалик тўхтатилишини маълум қиламиз.

Сув таъминоти қачон тикланиши тўғрисида қўшимча маълумот берилади.

Келтирилган ноқулайлик учун узр сўраймиз дейилади хабарда

☎️ Мурожаат учун телефон:
(66)233-18-21

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

21 ноября 2024 04:00

Ijtimoiy himoya milliy agentligi hamda Qozog‘istonning “Ana Yyi” jamoatchilik jamg‘armasi hamkorligida Samarqand shahrida “Ona uyi” markazi tashkil etildi

Jamg‘arma joriy yilning aprel oyidan Ijtimoiy himoya milliy agentligi bilan hamkorlik memorandumi tuzilib, yurtimizda ham o‘z faoliyatini boshladi. Ilk “Ona uy”lari Toshkent shahrida tashkil qilindi.

Samarqand viloyatida ochilgan “Ona uyi” markazi yurtimizdagi uchinchi muassasaga aylandi.

Markazda og‘ir ijtimoiy vaziyatga tushib qolgan 30 yoshgacha bo‘lgan, 4 yoshdan oshmagan ikki nafargacha farzandli onalar hamda homilador ayollarga xizmat ko‘rsatiladi.

Mazkur muassasalarda ona va bolaga ijtimoiy yordam ko‘rsatilishi bilan birga onaga kasb-hunar o‘rgatilib, o‘z hayotini izga tushirishi uchun imkoniyat yaratiladi.

Asosiy maqsad – o‘ziga bo‘lgan ishonchni yo‘qotgan, hayotga qiziqishi so‘ngan onalarni jamiyatga qaytarish, bolalarni yetimlikdan asrash.

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

20 ноября 2024 16:30

ИШҚ  НИМАДИР...

Ишқ бир ҳасратдир...

Ҳожар онамиздек бир гўдак билан чўлларда Аллоҳга омонат яшамоқдир.

Ишқ нимадир...

Иброҳим Халилуллоҳдек энг севганини энг севганига икром қилмоқдир!

Ишқ ҳаёдир...

Oдам Атодек гуноҳлардан уялиб, қирқ йил осмонга қарай олмасдан йиғлаб, авф сўрамоқдир.

Ишқ фидойиликдир...

Яъқуб алайҳиссалом каби Аллоҳга қилган биргина хатоси учун энг суйганининг фироқида ҳижронда яшамоқдир.

Ишқ фидокорликдир...

Худдики бор давлатини дин учун фидо қилган Хадича онамиздек.

Ишқ рашкдир...

Худдики Оиша онамиздек, вафот этган бўлсалар ҳам севганларини Хадича онамиздан қизғаниб кўз ёш тўккандек.

Ишқ кечиришдир...

Юсуф алайҳиссаломдек ўзига мингларча xиёнатларга севги билан жавоб бергандек.

Ишқ йиғламоқдир...

Танимайдиган умматининг гуноҳлари учун йиғламоқ каби.

Ишқ Аллоҳ учун мўминни севмоқдир...

Худдики севимлиси Ҳамзанинг жигарини суғуриб олган Ваҳшийдан мўмин бўлгани учун нафратланмаган Ҳабибимиз Муҳаммад соллаллоҳу алайҳи васалламдек!!

Сакия Расулмуҳаммад қизи

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

20 ноября 2024 12:00

Бюрократия ва коррупция ака-ука.

Биласизми, нега бизда инвестиция кириб келиши ва тадбиркорлик ривожланиши секинлашиб бормоқда? Чунки бизда бюрократия кучайиб бормоқда, бюрократия эса ўз-ўзидан коррупуциянинг кичик укаси.

Бюрократ — французча bureaucratie (ижро бошқарув органлари) сўзидан келиб чиққан бўлиб, ҳокимият ва бошқарув тизимида расмиятчиликка ортиқча ёндашадиган, қарорлар қабул қилишда қонунлар ва қоидаларга қаттиқ боғланиб қоладиган шахсни англатади.

Бюрократ шахс:
1. Қонун ва расмий қоидаларга сўзсиз риоя қилишга ҳаракат қилади.
2. Одатда шахсий ташаббус ва ижодкорликдан кўра, расмиятчиликни афзал кўради.
3. Ҳужжатларни, расмий ёзишмаларни ва мансабдорлик талабларини биринчи ўринга қўяди.

Бюрократ одамлар имкон борича тадбиркорга тўсқинлик қилиш ҳаракатида бўлади, иложи бўлса, ёрдам бериш учун эмас, ёмонлик қилмаслик учун ҳам бюрократия қилади.

Чунки бюрократия тартиб ва тизим яратишга хизмат қилса-да, айрим ҳолларда ортиқча расмиятчилик ва секин ҳаракат қилиш сабабли ишларни мураккаблаштиради ва ўз-ўзидан кейинги босқич, яъни коррупциянинг вужудга келишига замин яратади.

Тарихий келиб чиқиши:
Бюрократия тушунчаси 18-асрда Европа давлатларида пайдо бўлиб, замонавий маъмурий бошқарув тизимининг ажралмас қисмига айланган. Аслида, “бюро” сўзи “идора” ёки “стол” деган маънони англатиб, идорачилик ва бошқарув ишлари билан шуғулланувчи шахслар фаолиятига ишора қилади.

Бектош Ҳотамов

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

20 ноября 2024 10:02

2025 ЙИЛ - “АТРОФ-МУҲИТНИ АСРАШ ВА “ЯШИЛ” ИҚТИСОДИЁТ ЙИЛИ”

Президент: Мамлакатимизда уч йил аввал “Яшил макон” умуммиллий лойиҳаси бошланди. Қўшни мамлакатлар билан биргаликда Минтақавий иқлим стратегиясини амалга оширишга киришилди. Пойтахтимизда Марказий Осиё атроф-муҳит ваj иқлим ўзгаришларини ўрганиш университети ташкил этилди.

Эл-юртимизнинг фикр-мулоҳазалари, хоҳиш-истакларини атрофлича ўрганиб, билдирилган тавсиялардан келиб чиққан ҳолда, бу борадаги ишларни янги, янада юксак босқичга кўтариш мақсадида Президентимиз 2025 йилни юртимизда “Атроф-муҳитни асраш ва “яшил” иқтисодиёт йили” деб эълон қилишни таклиф қилди.

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

20 ноября 2024 08:15

⚡️Абдулла Арипов яна Бош вазир бўлди

Ҳукумат ўз фаолиятини мутлақо янгича асосда ташкил этиши керак, бунинг учун унга кучли раҳбар, яъни, Бош вазир зарур.

Давлатимиз раҳбари бу масалани атрофлича ўйлаб, Ўзбекистон Республикаси Бош вазири лавозимига Абдулла Нигматович Арипов номзодини кўрсатишга қарор қилганини айтди.

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

20 ноября 2024 07:35

Президент аҳолимиз сони кўпайиб бораётган ҳозирги шароитда озиқ-овқат хавфсизлигини таъминлаш энг долзарб вазифа бўлиб қолишини таъкидлади.

Бу борада қишлоқ хўжалигининг барча тармоқлари, аввало, мева-сабзавотчиликни интенсив ривожлантириш, янги уруғ навларини яратиб, импортни 50 фоизга қисқартириш бўйича дастурлар бор.

Ҳукумат бу дастурлар ижросини таъминлаб, қишлоқ хўжалигида ишлаб чиқаришни 1,3 баробар ошириш, ҳар гектар ердан олинадиган ўртача даромадни 5 минг долларга етказиш, соҳада экспорт ҳажми 10 миллиард доллардан иборат бўлиши, сув тежайдиган технологиялар билан қамраб олинган ер майдонларини 2 карра ошириш бўйича ишни самарали ташкил этиши зарур.

Янги йилда сув тежайдиган технологияларни жорий қилишга 5 триллион сўм, каналларни бетонлашга 800 миллиард сўм йўналтирилади.

Facebook|Instagram|X

Samarqand_LIVE – Юзинг қийшиқ бўлса ойнадан ўпкалама!

20 ноября 2024 07:35

Президентимиз иқтисодиёт ва аҳоли даромадларини ўстиришда юқори қўшилган қиймат яратадиган саноат тармоқларига алоҳида аҳамият қаратиш кераклигини қайд этди.

Вазирлар Маҳкамасининг инвестиция комплекси келгуси йилда иқтисодиётимиз учун муҳим бўлган 300 дан зиёд йирик лойиҳани ишга тушириши ва тўлиқ қувватлар билан ишлашини таъминлаши зарур.

Жумладан, “Ёшлик-I” конида биринчи босқичга, “Мурунтов” конида эса кейинги босқичларга старт берилади. Шунингдек, Самарқандда йилига 910 минг тонна минерал ўғитлар ишлаб чиқарадиган комплекс, 600 минг тонна маҳсулот берадиган металлургия корхонаси, Зарафшонда каустик сода заводи, Нукусда иситиш тизимлари ишлаб чиқариш қувватлари фойдаланишга топширилади.

Навоийда микро-ГЭСларни барпо этиш бўйича барча босқичлар ўз ресурсларимиз асосида ташкил қилингани юртимизда саноат кооперацияси ва маҳаллийлаштириш имкониятларини тўлиқ ишга солиш учун барча шароитлар мавжудлигини кўрсатди.

Шунинг учун, саноат кооперацияси ва маҳаллийлаштириш бўйича катта дастур қабул қилиниши белгиланди.

Иқтисодиётни энергия ресурслари билан ишончли таъминлаш ва энергия самарадорлигини 2 карра оширишга алоҳида эътибор қаратиш кераклиги кўрсатиб ўтилди.

Facebook|Instagram|X

Samarqand_LIVE – Юзинг қийшиқ бўлса ойнадан ўпкалама!

20 ноября 2024 07:14

Давлатимиз раҳбари Ҳукумат фаолиятининг энг муҳим йўналишларини белгилаб берди.

Аввало, макроиқтисодий мувозанатни сақлаб, келгуси беш йилда иқтисодий ўсиш суръатини 6-7 фоиз атрофида таъминлаш зарур. Бунда инфляция даражаси 5-6 фоиз, бюджет тақчиллиги 3 фоиз доирасида бўлишига эришиш, йиллик кредитлаш ҳажмини 30 миллиард долларга олиб чиқиш асосий вазифа бўлади.

Ушбу даврда Ҳукумат камида 100 миллиард долларлик хорижий инвестицияларни ўзлаштиришга ҳамда йиллик экспорт ҳажмини 45 миллиард долларга олиб чиқиб, унда тайёр маҳсулотлар улушини 50 фоизга етказишга эришиши лозимлиги таъкидланди.

Хорижий туристлар оқимини 5 йилда 15 миллион нафарга, туризм хизматлари экспортини 5 миллиард долларга олиб чиқиш учун барча имкониятлар борлиги кўрсатиб ўтилди.

Шу билан бирга норасмий иқтисодиётни “соядан чиқариш”да рақамли технологияларни таянч воситага айлантириш лозим. Хусусан, келгуси йилда нақд пулсиз ҳисоб-китобларни янада рағбатлантириб, онлайн тўловлар улушини 60 фоизга етказиш муҳим вазифа бўлади.

Жаҳон савдо ташкилоти билан ҳамкорлик доирасида асосий чора-тадбирлар амалга оширилгани ва яқин йилларда ушбу ташкилотга албатта аъзо бўлиб киришимиз таъкидланди.

Facebook|Instagram|X

Samarqand_LIVE – Юзинг қийшиқ бўлса ойнадан ўпкалама!

20 ноября 2024 07:14

Президент жаҳон миқёсида ҳукм сураётган бугунги ўта кескин ва оғир шароитда юртимизда тинчлик ва ҳамжиҳатликни сақлаб, иқтисодиётимизда барқарор ўсишни таъминлаб, мана шундай марраларга эришиш осон бўлмаганини таъкидлади.

Келгуси 5 йилда аҳолимиз сони 40 миллиондан ортиши кутилмоқда. Бундай демографик ўсиш, албатта, катта имконият, лекин, шу билан бирга бу ҳолат олдимизга янги-янги, ўткир вазифаларни қўйиши ҳам шубҳасиз.

Айниқса, камбағалликни қисқартириш, экология, энергетика, транспорт, йўл, ичимлик суви таъминоти, аҳолини уй-жой билан таъминлаш каби муҳим соҳаларда халқимизнинг талаб ва эҳтиёжлари тобора ўсиб бораётгани таъкидланди.

Шундай долзарб муаммоларга самарали ечимлар топиб, янгича фаолият олиб бориш Ҳукумат учун жиддий синов бўлиши табиий.

Бугун Бош вазир лавозимига тавсия этиладиган номзод ана шу масалаларнинг барчасини ҳисобга олиб, уларнинг ижросини таъминлаш юзасидан ўз дастурини тақдим этиши кераклиги қайд этилди.

Facebook|Instagram|X

Samarqand_LIVE – Юзинг қийшиқ бўлса ойнадан ўпкалама!

20 ноября 2024 06:59

Президентимиз ижтимоий соҳада муҳим ўзгаришлар рўй берганини таъкидлади.

Ўтган даврда 25 мингдан зиёд хусусий боғча, 70 га яқин нодавлат олийгоҳи ташкил этилиб, қамров мактабгача таълимда – 74 фоиздан, олий таълимда эса – 39 фоиздан ошди.

Ижтимоий хизматлар тизимида ҳам катта ислоҳотлар бўлмоқда. Барча ҳудудларда “Инсон марказлари” очилиб, ижтимоий ходимлар томонидан бевосита маҳаллаларда аҳолига 100 дан ортиқ ижтимоий хизматлар кўрсатиш йўлга қўйилди.

Парижда бўлиб ўтган Олимпия ва Паралимпия ўйинларида азму шижоатли спортчиларимиз чинакам рекорд натижаларни
қайд этиб, жами 39 та медаль, жумладан 18 та олтин медални қўлга киритдилар.

“Ўзбекистон тарихида илгари ҳеч қачон бўлмаган бундай ютуқлар барчамизга янги куч-ғайрат бахш этиши табиийдир”,

Samarqand_LIVE – Юзинг қийшиқ бўлса ойнадан ўпкалама!

21 ноября 2024 10:31

ТАЪЗИЯ

Самарқанд вилоят мусиқали драма театрининг устоз санъаткори, Ўзбекистонда хизмат кўрсатган артист Зуҳра Турғунбоева 74 ёшида вафот этди.

Зуҳра Турғунбоева 1950 йилнинг 8 март куни Тошкент вилоятида таваллуд топган. А.Н.Островский номли Тошкент театр ва рассомчилик санъат институтини тамомлаб, ўз ижодий фаолиятини 1973 йилда Самарқанд вилоят мусиқали драма театрида бошлаган.

Устоз санъаткор ўзининг узоқ йиллик самарали фаолияти давомида кўплаб спектакль ва теленовеллаларда турли қаҳрамонлар образини яратди.

Умрини театр санъатига бағишлаган маҳоратли актрисага 1999 йилда Ўзбекистонда Республикасида хизмат кўрсатган артист фахрий унвони берилди.

Театр жамоаси марҳуманинг яқинлари ва оила аъзоларига ҳамдардлик билдиради.

Марҳуманинг жойлари жаннатдан, охиратлари обод бўлсин.

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

21 ноября 2024 09:05

Она ер – тупроқ қолиб,
осмон билан овворамиз...

Инсоф қолиб, инсон қолиб, шайтон билан овворамиз...

Яхшилар бунда қолиб, ёмон билан овворамиз...

Ҳақ қолиб, иймон қолиб, ёлғон билан овворамиз...

✍️Фарид Афрўз
🎙Рамзиддин Эгамбердиев

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

21 ноября 2024 07:01

#Таҳрирсизфикр

Бизнинг ДНКмиз кўпкаридаям билинади...

Клан (4-5отлиқ улоқни орасидан биттаси олиши учун шароит яратади) бўлиб олиб қимматроқ нарсага 4-5чавандоз келишиб битта чавандозни етаклайди))) хамма билсаям жим туришади, чунки қолганларам шуйтип ўйнайдида...

Микрофондаги одам хам ора-сирада "халлол ўйнанглар-эй" деб қўяди лекин бойнаги етакланган чавандоз улоқни келиб ташласа:- халлол, деб қўйилган ютуқни бериб юборади))

Шупилла, чаман ичинда от бир ён улоқ бир ён бўптирган пайт 60-70% одам пастта нима бўлаяпканиминан иши йўқ...орақ ичиш, шашлик жэйиш билан оввора бўлиб ётади... ора-сирада худди озодлик суриштирувида янгилик эшитгандай бошини кўтариб:- ўхбилла онов бойнинг оти совринни опти, вахбилла орақтан қуй, деб дальше ишини даввом эттираверади...

Хаммаси тугаганидан сўнг 8-10га жойда бутылка, семичка пўчоғи, баклажка, учиб юрувчи салафан пакет, салфетка ва тўнкарилиб ётган алкашлар қолади...😊🤭
#миллийўйин

Хайрулла Мамасолиев

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

21 ноября 2024 06:03

#Murojaat (tahrirsiz)

Samarqand shahar Qorasuv maskani 25-26 ko’p qavatli uyning oldidan ayrim odamlar tomonidan o’zboshimchalik bilan o’zlarining mashinalari uchun avtoturargohlar qurgan, 26 ko'p qavatli uyning yonidagi yer maydonini zanjir bilan o'rab olingan. Bu noqonuniy qurilish natijasida shu ko’p qavatli uylarning boshqa fuqarolari mashinasini quyish uchun joy yo’qligidan aziyat chekmoqdalar.

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

21 ноября 2024 05:02

Самарқандни ривожлантириш бўйича таклифлар тақдимот қилинди

Президент Шавкат Мирзиёев Самарқанд вилоятини ижтимоий-иқтисодий ривожлантириш, аҳоли фаровонлигини ошириш чора-тадбирлари юзасидан йиғилиш ўтказди.

Келгуси йилда вилоятда ҳудудий дастурлар доирасида камида 1 миллиард 850 млн доллар инвестицияларни ўзлаштириш, 20 минг иш ўрни яратиш ва қўшимча 1,2 триллион сўмлик маҳсулот ишлаб чиқариш ҳисоб-китоб қилинган.

Масалан, Пастдарғом тумани Чимбойобод ҳудудида ҳокимлик захирасида турган 234 гектар ерда махсус саноат зонасини ташкил қилиш мумкин. Тадбиркорлар у ерга 500 миллион доллар инвестиция киритиб, фармацевтика, кимё, электротехника, қурилиш материаллари лойиҳаларини бошлашга тайёрлигини билдирган.

Ёки Зарафшон дарёси атрофидаги 25 гектар тошлоқ ер «Ургут» эркин иқтисодий зонасига қўшилса, 30 миллион долларлик лойиҳаларга жой бўлади. Дарғом канали бўйида 35 километрли туристик йўлак, Нарпай каналида гастрономик кўприк ташкил этиш орқали 500 млрд сўмлик лойиҳалар амалга оширилади.

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

20 ноября 2024 20:38

Shaharning bir qismida tabiiy gaz uzatilishida vaqtincha uzilish bo‘ladi

“Samarqandshahargaz”gaz ta’minoti bo‘limi tomonidan Samarqand shahar Kimyogarlar qo‘rg‘onida yuqori bosimli D-219 mmli yer osti gaz quvurida ta’mirlash ishlarini olib borish ko‘zda tutilgan.

Shu munosabat bilan bugun, 21 noyabr kuni soat 9:00 dan soat 17:00 ga qadar Samarqand shahrining quyidagi mahalla va hududlarida tabiiy gaz uzatilishida vaqtincha uzilish bo‘ladi:

Nurli kelajak;

Nurafshon;

Madaniyat;

Shukrona;

Darg‘om;

Chorbog‘;

Navruz;

Yoshlik;

Chilquduq;

Samarqand shahar hokimligi axborot xizmati.

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

20 ноября 2024 12:00

#Milliy_kontent

Masalan dadangni olaylik. Senlarni boqaman deb har kuni dalada. Ertalabdan kechgacha tinmaydi. Dadangni ishida toʻsiqlar yoʻq deysanmi?

🎬 "Sehrli qalpoqcha-2" filmidan parcha

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

20 ноября 2024 11:01

Табиий газ сарфи ва харажатларини онлайн кузатиш имконини берувчи “Hudud Gaz Ta’minot” мобиль иловаси тест режимида ишга туширилибди.

➖iOS;
➖Android

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

20 ноября 2024 10:00

Кўпкарига 1 млн АҚШ долларидан зиёд ютуқлар қўйилгани айтилмоқда. Бундан юз йил аввал ҳам бойлар пулни мана шунақа кераксиз нарсаларга сарфлаб, "бу бир носни кафидай кайф" деб юришган эди. Жадидлар таълим учун ҳар қанча ёрдам сўрамасин, деярли ҳеч бири ҳаракат қилмаган.

Озгинадан кейин большевиклар келиб, ҳамма бойларнинг қўлидан бор-будини тортиб олди. Камига баъзиларини сургун қилди.

Бугунги бойларимиз ҳам кўзини очиб, таълим ривожи учун шахсий фуқаролик фаоллигини кўрсатмас экан, яқин келажакда бор-будини тортиб олишга бир тарафдан руслар, бир тарафдан хитойлар тайёр туришибди...

Адолат куйчиси

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

20 ноября 2024 07:35

Президент таъкидлаганидек, соғлиқни сақлаш, таълим ва спортни ривожлантириш бўйича катта дастурларни самарали ва тўлиқ амалга ошириш – ҳамиша Ҳукуматнинг кун тартибида туриши керак бўлган асосий вазифалардир.

Энг аввало, ўртача умр кўриш даражасини 78 ёшга етказиш учун бирламчи тиббий хизматларнинг аҳоли учун қулайлиги ва сифатини ошириш зарур.

Хусусан, 2025 йилда бирламчи бўғинда 3 миллион 700 минг нафар аёлни скринингдан ўтказиш, бу жараённи рақамлаштириш орқали саратон касалини эрта аниқлаш кўрсаткичини 85 фоизга етказиш мумкинлиги таъкидланди.

Ҳукумат маҳаллалардаги 18 мингта тиббиёт бригадаларини ўқитиш, 884 минг нафар беморни уй шароитида реабилитация билан қамраб олиш бўйича янги тизимни жорий этади. Шу билан бирга туғруқхоналарнинг моддий-техника базасини мустаҳкамлашга 100 миллион доллар йўналтирилади.

Давлат тиббий суғуртаси ва аҳолига “кафолатланган пакет” асосида тиббий ёрдам кўрсатиш тизими келгуси уч йилда барча шаҳар, туман ва қишлоқлар қамраб олиниши зарурлиги қайд этилди.

Шунингдек, аҳоли ўртасида соғлом турмуш тарзи, тўғри овқатланиш, жисмоний тарбия ва спортни оммалаштириш каби масалалар бўйича Ҳукумат алоҳида дастурлар ишлаб чиқиши лозим.

Facebook|Instagram|X

Samarqand_LIVE – Юзинг қийшиқ бўлса ойнадан ўпкалама!

20 ноября 2024 07:35

Келгуси беш йилда иқтисодиётнинг хусусий сектордаги улушини 85 фоизга етказиш ҳам асосий вазифалардан бири сифатида белгиланди.

Бу борада 2 мингта корхонада давлат улушини, 5 мингдан зиёд кўчмас мулк объектини сотиш, 16 та йирик мажмуа акцияларини IPOга чиқариш талаб этилади.

Ҳукумат 30 миллиард долларлик хусусий шериклик лойиҳаларини амалга оширишни таъминлаши керак.

Вазирлар Маҳкамаси 2025 йилда “тежамкорлик ва барқарорлик” тамойили асосида давлат компанияларини трансформация қилишни тезлаштириб, уларнинг харажатларини 15-20 фоизга қисқартириши зарур.

Бу борада 1 миллиард долларлик 18 та давлат компаниясининг улуши берилган Миллий инвестиция жамғармаси фаолиятини самарали йўлга қўйиш лозим.

Facebook|Instagram|X

Samarqand_LIVE – Юзинг қийшиқ бўлса ойнадан ўпкалама!

20 ноября 2024 07:35

Бу йил Сайхунобод, Уйчи, Зарбдор, Ғиждувон туманларида амалга оширилган ишларнинг ижобий натижалари асосида “Камбағалликдан фаровонлик сари” комплекс дастури қабул қилинган эди.

Эндиликда кўп қиррали ёндашувлар асосида камбағал оилаларнинг аъзоларига сифатли таълим бериш, уларни касбга ўқитиш, иш билан таъминлаш, соғлиғини яхшилаш, психологик ёрдам кўрсатиш бўйича индивидуал кўмак бериш пакетлари бўлиши белгиланди.

2025 йилда 1 миллион аҳолини камбағалликдан чиқариш Вазирлар Маҳкамаси иқтисодий комплексининг асосий вазифаси этиб белгиланади.

Шу мақсадда камбағал оилалар болалари мактабларда чет тили, касб-ҳунар ва IT бўйича бепул билим олиши учун 500 миллиард сўм ажратилади. Ижтимоий аҳволи оғир 1 мингта маҳаллада инфратузилмани яхшилаш дастури амалга оширилади. Бунга 2 триллион сўм йўналтирилади.

Камбағалликни қисқартириш ва аҳоли фаровонлигини оширишга жами 46,5 триллион сўм маблағ сарфланади.

Ҳукумат 2030 йилгача ишсизликни халқаро эътироф этилган даража – 5-6 фоиздан оширмаслик бўйича долзарб вазифаларни ҳам самарали ҳал этиши лозимлиги таъкидланди.

Facebook|Instagram|X

Samarqand_LIVE – Юзинг қийшиқ бўлса ойнадан ўпкалама!

20 ноября 2024 07:14

“Ўзбекистон – 2030” стратегиясида келгуси йиллар учун катта марралар белгилаб олинган.

Хусусан, мамлакатимиз ялпи ички маҳсулоти ҳажмини 160 миллиард долларга етказиш мақсад қилиб қўйилган.

Дастлаб бунга айримлар шубҳа ёки иккиланиш билан қараган, лекин ўз вақтида зарур чора-тадбирлар амалга оширилгани, барча имкониятлар ишга солингани туфайли бу йилнинг ўзида ялпи ички маҳсулот ҳажми 110 миллиард долларга етиши кутилмоқда.

Янги Ҳукумат, барча раҳбарлар биргаликда қаттиқ ишлаб, ислоҳотлар шиддатини пасайтирмасдан, ижтимоий, иқтисодий ва сиёсий ҳаётимиздаги ўзгаришларни жадал давом эттирса, 2030 йилга бориб, иқтисодиёт ҳажмини 200 миллиард долларга етказиш мумкинлигига ишонч билдирилди.

Бу натижани таъминлаш орқали аҳолининг турмуш даражаси ва сифатини кескин яхшилашга эришилади.

“Яна бир бор айтаман, бундай натижаларга эришиш учун куч ва имкониятимиз ҳам, салоҳиятимиз ҳам етади!”,

Samarqand_LIVE – Юзинг қийшиқ бўлса ойнадан ўпкалама!

20 ноября 2024 07:02

🇺🇿🇺🇿🇺🇿🇺🇿🇺🇿

DIQQAT E’LON!

▶️Hurmatli Samarqand viloyati, Samarqand shahri fuqarolari hamda tadbirkorlari!

🌟Sizning kadastrga oid murojaatlaringizni ko‘rib chiqish maqsadida Davlat kadastrlari palatasi rahbariyati hamda viloyatning tizim mutasaddilari ishtirokida sayyor qabul o‘tkaziladi.

🗓Sayyor qabul kuni: 2024-yil, 21-noyabr, soat 15:00 da

📍Manzil: Samarqand shahar, Kimyogarlar qoʻrgʻoni, Narpay koʻchasi 7-b uy. Monomarkaz binosi

📃Qabulga yozilish uchun +998 95-508-81-50 telefon raqamiga murojaat qilishingiz mumkin.

✅ @Samarqand_live

Samarqand_LIVE – Юзинг қийшиқ бўлса ойнадан ўпкалама!

20 ноября 2024 06:59

Олдин тўлиқ давлат тасарруфида бўлган соҳалар, яъни, энергетика, кимё, авиация, геология, металлургия, машинасозлик, таълим ва тиббиётда хусусий секторга ва давлат-хусусий шериклик муносабатларига кенг йўл очилгани уларнинг ривожида кучли омил бўлмоқда.

Айниқса, энергетика соҳасида том маънода тарихий ишлар амалга оширилмоқда. Ишлаб чиқарилаётган электр энергияси ҳажми 1,5 карра ўсиб, 83 миллиард киловатт-соатга етгани ҳам буни яққол кўрсатиб турибди.

Сўнгги уч йилда умумий қуввати 2,7 миллион киловатт-соат бўлган 10 та йирик қуёш ва шамол станциялари ишга туширилди. Муқобил энергия улуши ўтган йилга нисбатан 3 баробар кўпайди.

Facebook|Instagram|X