رِوايات سُودانية🪐🤎!)"

19 мая 2025 18:37

#مندرين12

#المستشفى
الساعة 8 : 00 صباحا
وصال بتتكلم مع عم عمر والهادي وقصي"
"دكتور مؤمن بجي خاشي الغرفة "
السلام عليكم ماشاءالله الحبايب موجودين الليلة والمعنويات عالية ظاهر.
" وعليكم السلام ورحمة الله"
عن إذنكم دقايق "بجر الستارة "
اتفضل يا دكتور
"لحظات عدت وكان في هدوء وترقب منهم"
"سييك صوت سحاب الستارة بتزح وصال بتعاين لي قصي الكان باين عليه انو متألم من وشو ، بدت تحس بألم وقلق ما طبيعي "

حاج محمد ؛: اها طمنا يا دكتور كيف قصي؟!

د. مؤمن: الحمدلله فل "بعاين لقصي" كنا وين وبقينا وين
طبعا الليلة حا نبدأ معاه جلسات العلاج الطبيعي حا تتحدد ليه 3 جلسات كل إسبوع مدة الجلسة ساعتين لكل واحدة
الفترة الجاية دي حا تكون صعبة عليه والموضوع ماهين الموضوع مرهق جسديا ونفسيا والجلسات بتاخد زمن طويل العادة بتكون مؤلمة .
حا يستمر على المسكنات بكون بياخدا على طول زي اي دوا تاني
وعشان عاملين ليو عملية بتاعة internal fixation ف شنو في الم بستمر ل فترة بالذات مع الحركة
"بخت يدو على كتف قصي" يعني البطل دا حا يكون قدامو طريق طويل حبة محتاج لصبر وطولة بال وهو ليها ان شاءالله قصي عارف كدا.
"بضحك" على العموم نحن السودانيين عندنا مقدرة على تحمل الالم بطريقة اعلى شوية لانو بنعتبرو دا قدر ودا كدا .
الالم ما بروح بالساهل والالم العصبي دا معروف اسواء انواع الالم ما بكون في حتة واحدة بكون في حتتين
فعليك بالصبر .

حاج محمد : ايوة ايوة
"منتبهين معاه في كلامو"
طيب يا دكتور مؤمن بالنسبة للعلاج الطبيعي ؟!

د.مؤمن : ايوة دي الحاجة التانية العاوز انبهكم ليها ان العضلات ضروري ليها العلاج الطبيعي لانو لو اتخلت بدون ما تمرنها بحصل ليها ضمور ودي من اسباب زيادة الالم زاتا عشان كدا بنعمل العلاج الطبيعي هو البقوي ليك العضلات عشان يديه قوة تاني من جديد ومع الزمن بعداك العضلات بتبدا تستعيد وظيفتها الطبيعية
ف حتى لو قصي طلع من هنا مطلوب منكم تهتمو وتلتزمو بحتة العلاج الطبيعي في وقتها ومواعيدها يمشي ويتابع عليها .
وربنا يكتب سلامتو .. حاليا الممرضة حا تجي تاخدك على الكرسي لأول جلسة حا يكون معاك مرافق منو؟!

الهادي : انا معاه

د.مؤمن : تمام طيب بستأذن انا
ورمضان كريم تصومو وتفطرو على خير

"الله اكرم شكرا يا دكتور"

بطلع منهم...

وصال : يعني سمعته كلام الدكتور قال شنو صاح عشان بعدين ما تزهج وتحس بعافية حبة تقول لا خلاص بقيت كويس وماف داعي اواصل فيه وببقى باب النجار مخلع..
هدا قدام عمو والهادي.

حاج محمد : ايوة كدا تحكيم من هسي
"بضحكو"
ياالله يا شباب انا بستأذن منكم حا امر عليك بعد اخلص شغل يا قصي ، انت ياالهادي حا تجيب امك لانها كانت جاية قبيل معانا وما رضت جيتنا بدونها. حا تطلع بعد يخلص اخوك العلاج.
الهادي : برجع اجيبها اي ان شاءالله
قصي : ما تجي الليلة ياخ امي دي تعبانة ظاهر عليها خلي مروة تتكلم معاها بتسمع ليها.
الهادي : يعني انت ما عارف امك وكان عرفت انك بدو ليك العلاج الطبيعي بدون هي قاعدة معاك دي مشكلة تانية كمان انت ما شفتها الصباح سوت لينا شنو يالله اقنعناها
وصال : طيب يا الهادي انت امش شغلك وانا بمشي مع قصي اصلا ما عندي حاجة وما تشيل هم وقت ترجع تجيبها بنكون طلعنا وقصي اخد راحتو ما بتقلق هي تاني.
حاج محمد : اصيلة يا بتي ، بالليل ابوك ضرب لي قال بغشاني بعد الضهر
وصال : اي قال دايرك في موضوع
حاج محمد : هوي ياالله معاكم سلامة
"بطلع منهم"
الهادي : خلاص انا اصلا كنت ماشي السوق ماجبت ليهم حاجات الافطار بغشى الشغل اديهم طلة وبطلع
والله انتي بت حلال يا وصال
وصال : عاين انتو ما تجو تفطرو معانا الليلة عليك الله يا الهادي انا بكلم خالتو وبضرب لي مروة ما تسوي حاجة..
قصي : والمجدوع هنا دا ما بتفكرو فيه ساي كدا؟!
"بصوت واحد"
انت فاطر
قصي : ايوااا ايوااا تمام كويس اطلعو بره ولا بنادي الممرضة تطردكم الإتنين لانكم عاملين لي ازعاج
وصال : انننن شوف كان بنطلع ليها
الهادي : "بضحك" انتو لسه عليكم المشاكل دي ما تستعجلو ليها ..
يلا يلا سلام هدا تلفوني بدا يضرب "بعاين ليه" دي مروة "طالع منهم وبقول " الووو يا مروة.
وصال : "بتجر الكرسي وبتقعد على جهة اليمين " حاسي كيف هسي كويس ومستعد للخطوة الاولى؟!
قصي : حاسي اني كويس الحمدلله
وصال : "بتعاين ليه" يارب
"بتدخل الممرضة وبتعدل الكرسي وبخشو معاها اتنين ممرضين "
الممرضة : اها جاهز للجلسة عشان نمشي؟!
قصي : جاهز
وصال : "بصوت هامس "
بسم الله اللهم ياشافي يامعافي اشفي قصي وخفف عليه اللهم هون عليه الجلسة و اشفيه من كل ما الم بيه من وجع لا يعلمه الا انت يارب العالمين.
✎﹏﹏﹏﹏﹏﹏﹏﹏﹏﹏﹏﹏﹏﹏

رِوايات سُودانية🪐🤎!)"

19 мая 2025 18:37

__"بتضحك" ياود خلي عندك صبر بس بيني بينك انا كمان منتظرة الدنيا تصبح بس تلقاني جمبك
**بحبك يا قلبي بحبك شديد "قالها براحة"
__بحبك انا كمان اكتر من روحي مالك قلتها براحة كدا "بتضحك" جمبك منو؟!
**امي وحنين لكن بعد كدا ماشين
__سلامي ليهم خالتو كيف كويسة؟!
**تعبانة والله لكن ما بتسمع الكلام يومي بتجي ورجلها ياالله تتحرك منها
__معليش ما هي ما حا تطمن بقعادها في البيت الا تشوفك وخلاص هانت قربته تطلع
**اوووف منتظر الايام تمشي زهجته خلاص عايز امشي البيت
يلا تصبحي على خير ما تساهري انتي كمان واتسحري كويس وقومي الصبح ادعي لينا .
__اكيد ياقلبي انا لسه بنوم شوية كدا منتظرة ابوي يجي من بره انت نوم وارتاح يلا تصبح على خير
**وانتي من اهلي .. طيب مع السلامة 💛
🌙⏰💤💤
✎﹏﹏﹏﹏﹏﹏﹏﹏﹏﹏﹏﹏﹏﹏
"قريب للجامع واقفين "
عمر : يا ابوي انا بمش قدامكم البيت"
احمد : خير يا الطاهر قلت دايرنا في موضوع
الطاهر : كلو خير إن شاءالله انا داير اكلمكم في موضوع عرس وصال وقصي حا يكون في مواعيدو العيد عقد وتمش مع راجلها.
محمود : عقد؟!!
الطاهر : اي عزومة فطور ونعقد ليهم
أحمد : دا كلام شنو يا الطاهر كيف عقد وخلاص ، بتنا شنو البنعقد ليها وتمش وهو نحن كان ما عزيناها البعزها منو غيرنا ، العز أهل افوو ، وصال ما بتعتب عتبة البيت من غير حفلة واحسن فنان نجيبو ليها كمان.
الطاهر : عارفكم ما بتقصرو ولا انا الاب البقصر في بتي كمان لكن دا رايها هي قالت دايرة تعقد بس وعندها أسبابها قعدت معاي واتفهمتها يعني ما بين يوم وليلة هي قررت قرار زي دا وقصي ما غريب عليكم كان ما وقفنا معاهم في الحارة نقيف متين؟!!
وخطوبتهم زاتا ما امس يعني عارفنو كويس وعارفين اهلو وواثقين فيهم تماما.
محمود : مش هو لسه في المستشفى؟
الطاهر : بطلع اسبوعين كدا بس عشان وضعو الصحي ما بقدر يعمل حفلة وكلام زي دا في الوقت الحالي وما الوضع الاصلا يسمح لينا في ظروف زي دي نفتح موضوع تافه نناقش فيه صالة وحفلة نحن رجال .
احمد : كويس طيب هم مستعجلين في شنو يأجلو العرس بس الدنيا ما طايرة
الطاهر : يا احمد دا كلام شنو كدي قول خير الحفلات وتبعاتا دي شغلات نسوان كمان الرجال ياتو يوم بتوقفو فيها وقول أجلناه حا نأجلو ستة شهور ، سنتين ولا رايكم شنو؟! وعلى الاستعجال الود ما فتح خشمو اصلا ، الخطوة دي جات من بتي وشاورتني اول كلمتني واخدت رايي وانا وافقته بالعكس انبسطه منها شديد. كونو ف ظروف كدا تقيف مع قصي .
محمود : "بنحنحة " لو جينا للجد الطاهر كلامو صاح
احمد : انا ما موافق بالعقد بس الدنيا ما طايرة يأجلوه شهر اتنين تلاتة وين المشكلة
الطاهر : انا قلت اوريكم وتكونو عارفين ان العرس حا يكون عقد في مواعيدو ان شاءالله كان ربنا حيانا والنساوين بتكلمهم امال .
"محمود بعاين لي احمد "
محمود : خلاص على بركة الله ربنا يتمم ليهم على خير
الطاهر : طيب سلام عليكم "رفع ليهم يدو واتقدم مشى"
✎﹏﹏﹏﹏﹏﹏﹏﹏﹏﹏﹏﹏﹏﹏
#بيت_ ناس_ وصال
#المطبخ
امال : البن دا كفاية ليك كدا يا زينب ولا اذيدو ليك؟!
__ لالا كدا كفاية ما تكتريه ، زيدي لي الطعمية والكفته والبليلة العدسية دي كتريها وختي بلح برضو والخمار ما تنسيه مجاهد معازيمو كتار وانا بكرا ما ناوية اجيكم ولا حاجة فتحت ليك اضانك فاطرين في بيتنا اول يوم دا..
رزان : "داخلة المطبخ بعدم انتباه" يلا يا ماما انا لملمته حاجاتي جاهزة
امال : اجي انتي ماشة وين كمان؟ والله ما بتمشي مننا البيت ببقى لينا فاضي
زينب : اجي شنو بتي تصوم معاي اول يوم اقعد انا والحيطة نفطر سوا وبعدين ممتحنة التهجس في البيت هناك تقرا هنا بعدنها ونسة وقرقرة هي وسلمى شايفاهن.
امال : اي كيتن عليك لانك ابيتينا
زينب : لملمي لي حاجاتي دي ما فاضية ليك انا هسي ، كدي يابت تاوقي الطاهر دا لسه ما جا نحن ماشين النمش افقد اخوك دا
"صوت الباب بفتح"
امال : اها دا هو جا ، سمح اقعدو اتعشو واصلا هو دايرنا الوقت زاتو اتاخر اتعشو ساي وامشو
الطاهر : ديل ماشين وين؟!
زينب : ماشين بيتنا
الطاهر : كدي تعالو بره هسي عندي موضوع معاكم ، امشي يا رزان نادي وصال
"امال وزينب بطلعو وراه وبقعدو في الكنبة في الصالة وكل واحدة تعاين للتانية"
وصال : جيت يا ابوي
الطاهر : بدون كلام كتير عقد وصال تالتة العيد في محلو والعزومة فطور وكان الله يحب المحسنين.
امال : الكلام دا شنو يعني ما فهمتو؟!
وصال : يعني عرسي بدون حفلة حنة وبدون حفلة بالمختصر المفيد عقد وبس.
زينب : هييي يا وصال شغل التلاتيق دا شنو؟! واعية انتي للبتقولي فيه دا؟!
وصال : واعية يا عمتو انا دايرة كدا وعليكم الله بدون كلام وجوطة خلوني اسوي الراحتي فيه.

رِوايات سُودانية🪐🤎!)"

19 мая 2025 18:37

"عليه الصلاة والسلام"
ابوي : ماشين التراويح؟!
امي : انا ووصال وزينب
ابوي : كويس امشو اتجهزو انا بطلع قدامكم وبعدها يا آمال تعالو البيت عندي معاك موضوع ما تغشي اخوانك.
آمال : خير يا حاج الطاهر
ابوي : كل الخير ان شاءالله
"طلعته منهم وجيت اتجهز للصلاة "
✎﹏﹏﹏﹏﹏﹏﹏﹏﹏﹏﹏﹏﹏﹏
#المستشفى
"جوه غرفة باللون الازرق الخفيف وسرير متوسطها وكنبة وتربيزة بالخشب البيج الخفيف ودولاب بالرمادي
واقفة الممرضة جمب قصي بتقيس في الضغط وصوت الجهاز بعمل في صفارة تيت تيت "
**بكرا على الساعة 9:00صباحا حا يكون عندك جلسة علاج طبيعي دكتور مؤمن بمر عليك قبل تطلع الجلسة الصباح.
"حرك ليها راسو بالايجاب دون يتكلم"
فوزية كانت قاعدة في كرسي بتصلي في العشاء
__لو سمحتي قللي التكييف دا شوية امي ما بتنفع معاها البرودة
**كويس "بتمسك الجهاز وتيت تيت "
"جات خاشة خدمة الغرف بالعشاء ختت صندوقين على التربيزة وختت قزاز موية وطلعت"
"وبعدها الممرضة طلعت"
"جرا الغطاء ومسك تلفونو"
الباب بفتح وصوت بقول :
**السلام عليكم أمسيتو كيف؟!
__حنين جاية لشنو براك بالليل كدا؟!
**قول بسم الله يا ولد ورد السلام كدي اول ، جيت مع بابا نزلني ومشى يصلي التراويح صادفنا الهادي بره طلع معاه ..
فوزية : السلام عليكم ورحمة الله ، السلام عليكم ورحمة الله
**تقبل الله يا خالتو
فوزية : منا ومنكم صالح الاعمال يارب
هاك يا حنين المصحف دا رجعيه هناك في الدرج
**حاضر "بتقوم تشيلو منها وبتجي تقعد جمب قصي"
"فوزية بتخش الحمام وهي بتتكل على الكرسي"
حنين : "بتقوم سرعة عليها تساعدها وبتجي على قصي"
**الدكتور الليلة قال شنو وبدو ليك العلاج الطبيعي؟!
__قال اني كويس الحمدلله لا لسه بكرا
**اجيب ليك العشاء ؟!
__لالا خلي امي تجي بناكل سوا
"بقى في سكات للحظات"
انتي اكلتي؟! اتسحرتي؟!
**" بإبتسامة" بتسحر بعد ارجع البيت لبعدين
بكرا وصال حا تغشاني قالت في الجامعة
__وصال!!!
**اي عارف اول ما لاقيتها جات مارة بجمبي جارية وحالتها حالة كانت حتى دعيت ليها ولي محاسن الصدف جيت لقيتها خطيبتك ، دموعها ما وقفت من البكى كل ما الاقيها بلقاها ماسكة المصحف والسبحة لدرجة كانت واقفة بحمتها وما حاسة بروحها جد والله انا حسيت بحبها شديد ليك واتمنيت لو القى لي زول يحبني كدا ما بقول اني حسدتها لانها حبيبتك وخطيبتك وقريبة ليك مني..
بس اتمنيت انك تعاملني ك اخت ما طالبة اكون مقربة ليك زي وصال بس عاوزاك تكون جمبي وتحسسني اني اختك "بتقش في دموعها"
"كرب بتطلع "
تعالي يا خالتو عشان تتعشي مع قصي
"بتجيب التربيزة وبتقرب الكرسي "
فوزية : ارح تعالي ماشة وين انتي؟!
**لالا انا حا اتسحر لبعدين ما جيعانة هسي ، ماشة اتوضا اصلي العشاء ما صليتو.
✎﹏﹏﹏﹏﹏﹏﹏﹏﹏﹏﹏﹏﹏﹏

"سهاد وأحمد في الشارع بعد التراويح طلعو من الجامع وماشيين يتونسو على مهلتهم"
__ياالله شوف الجو دا سمح كيف راييق وهاااادي واماااان كدا سبحان الله رمضان رمضان احساس الطمأنينة كدا
**هسي عايز اقول ليك كدا ختفتيها من خشمي
__هي خلينا نسرع البيت انا عندي شغل كتير وانت حا تساعدني دايرة ابل الكبكبي واسحن البهارات وابل الفول واجهز لينا سحور ظابط كدا وتختمو بي رقاق
**عليك الله نتونس حبة ونشم لينا هوى وبعدين يازولة انتي دايرة تعوقيني ولا شنو؟ الرقاق دا صحيني قبل الاذان بشوية سندة اخيرة "بضحك"
__اها اها الجرسة بدت من هسي قول بسم الله لي هسي رمضان ما بدا ولا خشى العضم زاتو
** بسم الله ، انا بفكر امشي المستشفى اول اتطمن على قصي وارجع نتعشى الوقت لسه
__لسه شنو بالعكس إتأخر ما بدخلوك تاني ، صحي بالمناسبة دي مش عرسهم كان حا يكون في العيد هسي حا يتأجل ولا كيف؟!
** ايوة غالبا مع الحصل دا بأجلوه مستحيل قصي دا يرضى بعرس عادي انتي ما شفتي مخطط لعرسو كيف نايم وصاحي بيه
__شكلو بحبها شديد
**واكتر من كدا وصال ما مجرد حب عادي علاقتهم دي مميزة في حد زاتها.
__ايوااا قلت لي "بتسكت"
**مالك سكتي؟!!
__ما سكته بس كنت بفكر في علاقتهم مميزة دي لاني كان نفسي اعيش قصة حب قبل الزواج ما اعرس عرس تقليدي
** عارفة عرسنا بالطريقة دي ربنا ببارك لينا فيه وهسي عايشين علاقة حب بتفاصيلها كفاية انك هبة الله لي مونساني وباسطاني ومريحاني وماف شي بفرقني عنك الا الموت تاني.
__"بضيق" اوعك تقول الكلمة دي تاني
** "بضحك" للدرجة دي بتحبيني وما بتقدري تفارقيني
__بطل هظار يا احمد في الموضوع دا وغيرو خلاص
**خلاص خلاص معليش ما بعكنن عليك ح اقعد ليك كدا في قلبك لما تزهجي مني انا اصلا ما بتمنى شي زيادة ياخ انتي عندي عندي بالدنيا كلها الزينا منو بس اتحدا اي زول ، كفاية انك مرتي .

رِوايات سُودانية🪐🤎!)"

19 мая 2025 18:37

الهادي : كلامك المسيخ دا !
وصال : هه انا حا امشي لو في اي شي كلمني عليك الله
الهادي : حاضر - استني دقيقه اكلم احمد يوصلك
وصال : لالالالا معاي عربية عمتي
الهادي : طيب تمام - عربية قصي موجودة برضو
وصال : عربية قصي ! مش مع احمد ؟
الهادي : جاب موتر تاني ..
وصال : اها تمام لو احتجتها بكلمك
الهادي : تمام طيب .. يلا
وصال : مع السلامة ..
الهادي : الله يسلمك ..

و من هنا … مرت الايام ، كل يوم و التاني بحاول امشي اشوف قصي و اتطمن عليه رغم رفض الدكاترة المستمر لانه لمن بشوفني بحاول يتكلم ، بقولو م مفروض يبزل مجهود في حاجة ، المهم بين يوم و التاني  بقينا في آخر يوم من شعبان و انا قلبي مقسوم نصين ، نص مع قصي و نص معاي ، عايشه على اعصابي رغم ان كل شي عن قصي كان مطمن لكن طالما م قدام عيوني انا ما بتطمن برضو حتى بعد كلامو معاي ..
فاتو 18 يوم على وجود قصي في المستشفى -
ريحة رمضان كانت ماليه كل مكان و تحديداً قلوبنا ..
زينة بيتنا و زينة شارعنا - و الهدوء و السعادة الكانت مالية قلوبنا و رحمة ربنا البنحس بيها محاوطانا من كل اتجاه ، احساس انه انحنا بخير كون ربنا بلغنا الايام المفترجة دي - كان فاضل 12 يوم على خروج قصي من المستشفى ، لي لحظه أستوعبت انا فرحانه انه حيطلع من المستشفى ! طيب و بعده ؟؟ حيحصل شنو ؟؟؟
لقيت انه جا الوقت المناسب اواجه قراراتي ، و كان لازم اقعد مع أبوي و من ثم خيلاني و باقي أهلي …
و بالفعل في نفس ليلة رمضان - مشيت لي أبوي و قلت ليه  :

وصال : فاضي ولا انتظر بعد التراويح و تبقى سهرة جميله ؟
__ أفضى ليكي ، و لسه ساعه على الصلاة ، تعالي " خت تلفونو من يده "
وصال : حاصل عليك شي " و انا بقرب منه و بقعد في الكنبه جمبه "
__ كالعاده لخبطة في الشغل !
وصال : حاجات ينفع تتحكي لي ؟
__ عندي زميل عمل ، طلب 15 عامل لمنطقة معينه عنده في المصنع لتقسيمات هما أدرى بيها ، و ما كان ينفع اتأخر عليه رغم انه ما مجالي ولا حتىجزء من شغلي ، و لكن الدايرين ياكلو عيش كتار و رزق الله واسع ، موافقتي كانت جزء من رد جميل قديم لخدمة قديمة ، المهم في خلال 8 يوم ، وفرت ليهو العمال بمساعدة الشباب معاي اكيد - و رسلنا ليهو المجموعه الطلبها ، و بعد مراجعة لمتطلباتهم و شروطهم تم قبول 12 منهم و بكدا انا دوري انتهى !
بعد تلاته يوم بالضبط اتنين من العمال ديل ، دخلو المكتب و سرقو منه حاجات و طبعاً الكاميرات جابتهم و للاسف بقت في وشي انا و بسبب الاتنين ديل ، تم فصل العشرة الباقين اللي جبتهم !
وصال : لا حول ولاقوة إلا بالله العلي العظيم ! حزينه والله يا ابوي
الدنيا دي ابواب الخير فيها كتيرة ليه الناس بتلجأ لباب السرقه م قادرة استوعب ..
__ منظري بايخ قدام الراجل
وصال " قامت باست راسه " : حاشاك انت م قصرت معاه و لا ديل بتعرفهم معرفه خاصه ، م تلوم نفسك .. بالعكس تماماً خليك طبيعي و عادي ، و بعدين كون يفصلو الباقين من غير وجهه حق دا ظلم و إداري فاشل بالمناسبه ..
__ من حقه
وصال : لا م من حقو
__ طيب م علينا ، كنتي عايزاني في شنو ؟ احكي لي !

وصال " اخدت نفس و قربت منو و قلت ليهو  " :
بعيد عن الحصل لي قصي في الفترة الاخيرة كلم عم محمد انه " انا عايزة العرس يتم في نفس زمنو  المحدد " !!

يتبع …

#أستككانة🦩🌶️

#فاطمة_قسم_الله
#سحر_سمير

رِوايات سُودانية🪐🤎!)"

19 мая 2025 18:37

حنين : وصال انا اتأخرت على امي مفروض امشي بعد كدا !
وصال : معليش انا حتصرف لانه مشية بعد دا م بتنفع و انتي جاية من بحري مشوار حتى لو حنوصلك الليل بروح في الطريق ! الليله حتبيتي معانا لانك منورانا و مبسوطين بيك شديد ، اتفقنا ؟
حنين : طيب اكلم ابوي
وصال : حكلموا انا كدا كدا عايزة اضرب ليهم !
حنين : طيب ح الم معاهم الاكل و اجيك
سلمى : اجي تلمي كيف يعني حنلموا انا و رزة ..يا رزااان .. رزاااان
حنين : خلي رزان يا بت انتي عويرة ولا شنو والله تقعدو تعاملوني كدا و تحسسوني اني ضيفه بشيل شنطة يدي و بمش اهلي ، عشان كدا روقي ساي !
سلمى : لطافتك م طبيعيه ! اسي جد كدا انتي اخت قصي والهادي ! والله مافي شبه نهائي !!!
زينب : الله يجيبك ي مجاهد يا ولدي
امال : و يجيبك ي سراج يا ولدي
زينب : اهااااا قمنا على الزحمة و المداقرة يا امال ؟
امال : اجي اسي مالك انتي ما اطرى ولدي يعني ؟
زينب : اممممم اتذكري انا قلت اول
امال : و القسمة حاسمة " غمزت ليها بضحكة "

سلمى : عاينو قومو اتخابطو عليكم الله !
حنين " بتضحك"
وصال : ما بسألكم لكن هه " قامت "
حنين : جاية معاك
وصال : تعالي

#جانب_رزان
" فاتحه البرنامج و بترسل و بتمسح في دموعا "
** رد علي انا بتكلم معاك !؟
** يعني م شايف رسايلي ؟؟ رد علي عشان انا جبت آخري
" جاها رد " ( انا ما جسور )
** كيف يعني انت منو ؟
" انا حبيبتو "
** حبيبتو !! ههههه كيف يعني
" جاها تم الحظر "

رزان بتقول :
الحصل كان مريب شديد ، فجأة لقيت نفسي محظورة رجعت ارسل ف الواتساب و اتصلت عليهو ماسينجر ! بعد مسافة رد لي قالي :
__ نعم !
رزان : انت حظرتني من ال ** ؟
__ لا م انا دي بتكون وردة
رزان : وردة ! يعني جد جد حبيبتك ؟؟
__ ما هدا انتي فالحة و عارفه كل شي !
رزان : كيف يعني ي مجتبى ! طيب و انا و امك الكلمتها و كلامك لي و عيد الضحية و الكلام دا كلو شنو ؟ و بحبك البتقولها لي على راس كل دقيقة و التانيه ؟؟؟
__ امي منو هاهاهاهاهاها ؟ و انتي صدقتي يعني ههههه
يا بت انتي عويرة ! بتتغشي سريع خلاص هههههه هي امي حخليها تكلم كل من هب ودب ؟؟؟ انتو راسكم خفيف اسوي ليكم شنو
الواحد من يجيب ليكم سيرة اهلو بتقعو رب زي خرفان الضحية !! هاها
رزان : مجتبي ليه ؟؟؟ ليه جبرك علي شنو ؟ اذيتك بشنو انا ؟ فضلت جاري وراي من روم لي روم لشنو ؟ و … و .. ولو دي ما امك دي منو طيب ؟
__ دي منو ؟؟ اسمعي دايرة شنو انتي ؟؟؟
رزان : انت الداير مني شنو و استفدت شنو ؟
__ جبت راسك و دعسة ببلاش و هدايا و ماسات هه !؟
رزان " بصوت عالي " : دعس !!! مجتبى اكيد انت بتهظر معاي لا اكيد انت ما كدااا - داير تدعسني ؟؟؟؟؟؟؟؟ ليه طيب و كيف ؟
__ مصورك يا بيبي و مصور كل مكالمتنا !؟
رزان : مجتبى اوعى ! مجتبى ارجوك ما تعمل كداا انا وثقت فيك و اديتك الامان !
__ امانك دا زي ما اديتيني ليه اكيد اديتي لي مليون واحد قبلي !
رزان : ابداً والله ما حصل احلف ليك بشنو بي رحمة ابوي ؟ والله ما حصل صدقني !!!
__ خشي روم وحيد !! العرض م يفوتك الليله الساعه 6 بتوقيت السعوديه !! باااي #قفل
رزان : مجتبى ! الووووووو م تقفل دقيقه ….
رزان : وكمان حظرني !!!!!

حيلي برد ، قعدت على رجولي قعدة وحدة بي حيلي كلو في الارض ، بعاين في زوايا الغرفة احساس توهان ملاني ! كرهت نفسي شديد لدرجة اني بقيت بفكر اتخلص من وجودي في الدنيا دي .. في نفس اللحظة نعلت الشيطان و بدل اضيع وقتي في الاستسلام و الانهيار و البكى قررت لازم بكل وعي اني اعاقب نفسي على أكبر غلطة عملتها في حق ربنا قبل يكون في حقي ..
دايرة اقوم كدا و انا بمسح في دموعي ، لقيت باب الغرفة فتح ! و انا بعاين تحت من بنطلون البجامة عرفتها وصال ! مع رفعت راسي كدا دموعي اتحدتني و نزلت …
لقيتا جات علي و قعدت على رجولها و حضنتني شديد ، قلت ليها بصوت مكتوم :
رزان : كنت جاية اجيب ليك التلفون اسي !
وصال " بتطبطب عليها " : م جيت اشيل التلفون ، جيت اضمك علي بس !
رزان : وصال انتي عارفه انا غلطت غلط كبير شديد
وصال : اسسس م تتكلمي ! انسي الحصل انا بثق فيك و انتي واعيه انا عارفه بس انحنا البنات بتخذلنا عاطفتنا ، بتاخدنا الحنية .. لكن بنوعى سريع و اذكياء شديد ، و ما بننكسر فهمتي !؟
رزان : وصال خذلني شديد بس حمدت ربنا انه القصة دي م طولت و ان الاذى الى حد ما م مس اهلي ! حالياً هددني و قال حيدعسني بالصوت و الصور و الفيدوات كان بيسجل مكالماتنا !
وصال : حدو وين ؟ مش الكلام دا حدو في البرنامج الزفت دا ؟ خلي ينقلع !! اهم شي الدرس الطلعتي بيه شنو ؟
رزان : حق ربنا قبل حقي !

رِوايات سُودانية🪐🤎!)"

19 мая 2025 18:37

روايات سحر سمير:
#مندرين
بقلم سحر سمير و فاطمة قسم الله
-١٠-


#مندرين10

ما تخلو التجارب تفقدكم أيمانكم بالحب.. الحب قاعد و الزواج قرار و العايزك ما في شئ بوقفو من طريقك، عمرها العلاقات و الونسة وما كانت المعيار الصاح للعلاقة دي حاجات متوفرة من غير مشاعر، وما تندم على ذرة مشاعر بادلت بيها شخص أي أن كان و أتذكر الربنا ما برضى بيه ما بتبارك فيه.

___

و لقيت نفسي بعد صرخته
ختيت يدي في خشمي و دخلت و قفلت باب الغرفة سرعه !!!

#رزان بتقول :
الحصل لي كأنه سِحر ! فجأة لقيت مجتبى مستحوذ علي و سيطر علي بطريقه انا ما قادرة استوعبا ! كيف ومتين ؟؟؟
اخر حاجة بتذكرها كان قبل يومين بيحنسني عشان ارسل ليه صورة و بعدين انا البتصل عليه فيديو و هسي … هسسسسسي !!!! بتكلم معاه بالمنظر دا ! و لو ما وصال جات داخله علي الغرفه م كنت حا اجيب خبر لحاجة ! يا ترى كنت حا اوصل معاه لحد وين ؟ فضل شنوو ؟ خليت شنو  انا ؟

بين همسو لي و كلامو المعسول لي و حنيتو لي و كلامو الكلو لين و حب ! دي كلها حاجات اتمكنت مني ! كلمة ورا التانيه لقيت نفسي بعمل في حاجات اسي انا ما قادرة استوعبها !!
فجأة باب الغرفه فتح ! و لقيت وصال بت خالي في وشي !!! ما كان عندي مجال لي اي تصرف ممكن أستر بيه نفسسي !
رفعت التلفون لي فوق عملت فيها بتصور و الخط كان فاتح للاسف و بقيت بهبش عشان اقفل المكالمة و لا اجر الملايه و استر نفسي !!
حرفياً اتختيت في موقف ما بتمنى لي زول …

#وصال بتقول :

صرخته بي خلعه ، و لحظة إدراكي للموقف كانت سريعه ، سكتت و دخلت سرعه و قفلت الباب وراي بالقفل و إتأكدت انه مقفول ..
وقفت مسافة بعاين ليها مصدومة و خاته يدي في خشمي بين حلم و خيال من همس الشيطان لي بقيت بعاين لي اركان الغرفة لي ريحة و لا نفس غير نفس رزان في الغرفه ! الشيطان م خلا لي مجال لي حُسن النيه و بتلفت و من جواي بقول يا الله لاا ، يا رب لاا ، م تختبرني في رزان يا الله هي لسه صغيرة ، غمضت عيوني في وقفتي ديك و ... كل القلتو ليها بي تماسك مبالغ فيه  " إنستري " و قبلت منها و جريت على ادراج التسريحه حقتي  طلعت مجموعة احزمة ، لافاهم في بعض اسطوانات " جامعه كل الموديلات القديمة و الحديثه " ملفوفه في بعض و شلت واحد منهم لفيتو على يدي لفتين و قبلت عليها !!
كانت ياداب بتلبس في بلوزة البجامة و ماسكة البنطلون باليد التانيه !! انتظرتها لحد م خلصت و قلت ليها قومي !!
مع وقفتا كدا نزلت فيها ضربة بالحزام في نص ضهرها !!  شهقت و لحقتها التانية !! قلت ليها بي مغسه دايرة تشقني شق !

وصال : الضرب للبهايم ! لكن انتي الضرب فيك حلال عارفة كدا ؟!
رزة " بتبكي " : انا كنت بتص**" قاطعتني "
وصال : انا بكره الزول البعالج غلطو بالكذب ، يا رزان انا ما شافعه قدامك احترمي عقلي و ما تخليني اكورك عشان حسي ما يصل برا انا يا الله متمالكة نفسي !! قلة ادبك وصلت لحد هنا يا رزان ! يا خسارة يا خسارة يارزان ليه عمتو قصرت معاك في شنو ؟ هاه
( اتناولت التلفون المكفي على وشو في السرير ، لسوء حظي مكالمة كانت داخله ، لقيتا وجهت علي التلفون و قالت لي دي صورك البتتصوريها صح ؟؟ - مسكت قفلت التلفون و طلعت منو الشريحه و شالتو ، و قالت لي ) من الليله تلفون مافي ليك فاهمه !!!
و العامل فيها راجل دا خلي يتم راجلتو دي و يصل البيت لو صحي عايزاهو !!!

رزان : وصال الله يخليكي ! والله انا ما كعبه والله انا ما قصدي كدا والله والله .. والله خجلانه منك ! عايني اضربيني بس انسي لي الشفتيهو دا بالله عليكي !! و بعدين انا م عارفه انا عملت كدا كيف لقيتو بقول لي كلام و انا بنفذ فيهو من غير م احس بنفسي والله ، و هو دايرني و كلم اهلو و امه كلمتني ! بس عشان ظروف قصي م كان الوضع مناسب و كل شي جا ورا بعض !

وصال : تمام " رجعت الشريحه و فتحت التلفون  " اتصلي عليهو ، و افتحي اسبيكر ! اديني ليه
رزان : حاضر " رجعت ليهو بمكالمة طوالي رد "
مجتبى : دي حركة تعمليها ؟ قايله نفسك زوغتي مني ؟؟
رزان : مجتبى ! انا جمبي وصال بت خالي عايزة تتكلم معاك
مجتبى : قومي من جمبها دا ما وقتها !
رزان : مجتبى انا بتكلم بالاسبيكر و "قاطعتو "
وصال : اها وقتو متين ؟؟
مجتبى " احم - صلح نبرة صوتو " : اهلاً و سهلاً وصال كيفك ؟
وصال : اهلك جاهزين يجو متين ؟
مجتبى : مجرد م انا اخد اجاز و اجي
وصال " عاينت لي رزة و قالت ليها " : مش قلتي كلمتيهم و قالو جاين !!!
رزان : ايوا هو قالي كدا
مجتبى : صراحة انا م بحب زول يتدخل في خصوصياتي !
وصال : خصوصياتك !! عاين انا فيني المكفيني و اكيد م جاية قاطعه موضوع عشان اتكلم معاك كلامي دا ! لو انت زول واعي و عاقل ما بتعمل العملتو دا ، عشان كدا يا ود الناس لو داير البت دي عندها وليان تعال دق بابهم !

رِوايات سُودانية🪐🤎!)"

19 мая 2025 18:37

" فضل احمد واقف جمب وصال ، قال ليها "
__ ما تشيلي هم كله حيبقى تمام ان شاءالله !
" رفعت راسها عاينت ليه و وطت صوتا بحيث انه مافي زول يسمع كلامها غيرو " : قلبك عليه شديد ؟ هاه جد كدا عايزو يبقى كويس ؟؟ بيهمك شديد يعني !
__ " بي استغراب " دا كلام شنو ؟؟؟
وصال : دا المنطق بالمناسبه ! انت عارف انا مسيطرة على نفسي و ساكته اليومين ديل لانه مافيني حيل للكلام بس كل ما بشوفك قدامي بحس بأستفزاز شديد !!
__ استفزاز !!! ليه شفتي مني شنو كعب يا وصال ؟
وصال : عارفو ما بيعرف يسوق ! كيف سمح ليك قلبك و عقلك تخليهو ؟ حتى لو صمم لو عمل شنو داااك ما مبرر ليك انك تديهو الموتر حقك ، انت عارف مدى خطورة الحاجة دي !! دي حياة اخوك و صاحبك كان بإمكانك ترفض …
__ فعلاً كان بإمكاني ارفض رغم اني رفضت بس هو صمم ! صمم شديددد !!

وصال " انتبهت لي ابوها جاي عليها و عمتها زينب ، عاينت لي احمد و قامت من غير ما ترد على كلامو الاخير "

" بس كان في زول مركز معاهم من بعيد "

ابوي : كفاك بعد دا !
وصال : اي ماشة معاكم !
زينب : وشك اصفر ! " مسكت جسمها " جسمك مسخت شديد …
" ابو وصال كان بودع فيهم و اتقدم لي برا مسافة وصال و الحيوصلهم يجو يحصلوا "
وصال : كويسه انا بس عدم نوم !
زينب " بي همس بعد جات حنين جمبهم " : الدخان و طلعتي في الهواء و لابسه خفيف تحت عبايتك و الضغط حق اليومين ديل ، بعملوا ليك التهاب .. اصلوا قعدتك دي كانت مضايقاني !
وصال : مضايقاك في شنو يا عمتو ؟
زينب : م علينا يا وصال ارح … خلينا نحصل ابوك
وصال : و امي ؟
زينب : جايه معانا عشان الفطور نحصلوا في البيت !
وصال : انتو لسه صايمين ؟ ربنا يتقبل منكم !
زينب : خلاص الليله اخر يوم في الايام البيض حمدلله
وصال : صحي والله ، تلاته يوم عدو زي تلاته سنه !
زينب : حمدلله

وصال بتقول :
مشيت ودعت خالتي ام قصي ، و مروة و امها ، و خليت الهادي يوعدني انه م يقطع مني و يوريني المستجدات اول ب اول .. و حنين قالت حابة تجي معانا البيت و انبسطت بيها شديد ،بعد استأذنت ابوها و الهادي ..و مشينا على البيت !!!

#في_نفس_الجانب

#سهاد بتقول :
الوضع كان غريب و ندمت اني جيت مع احمد ، و كنت عايزة امشي ، بس كل شي حصل بدايتاً من نفور وصال مني ، انا ختيت ليها عذر و قلت اكيد وضعها صعب و قلقانه على قصي ..
جيت لي احمد اللقيتو ماخد زاوية براه و قلت ليهو :
__ نمشي البيت ؟؟
احمد : ايواا
__ غريبه ! اتوقعتك تقول لي متين جينا عشان نمشي ! لكن ارح ..
احمد " م رد و مشى من غير ما يقول لي زول حاجة ، و سهاد كانت وراهو بس اتأخرت لانها ودعت ام قصي و مروة و امها ، و حصلتو "
__ احمد .. احمد .. استناني ،، في شنو ؟؟؟ هييييييي
احمد " وقف امجاد و انتظر سهاد المستغربه فيهو لمن رمبت و ركب قدام تفادياً لي اسألتها "

#قالت بعد ساعه وصلنا البيت ..
ما صدقت وصلنا البيت عشان افهم الحاصل منه ! قلت ليهو :
سهاد : معانا عربية صحبك ليه ركبتنا امجاد في حين انه جينا بيها !!
احمد : م ممكن تأجلي اسألتك ؟ انا متضايق اسي ممكن ؟
سهاد : لا ما ممكن !! فهمني !! دا غير ان شايفه وصال كانت بتتكلم معاك و ملامح وشها مقلوبه فوق تحت !!!
احمد : بحكي ليك بس ما هسي !
سهاد : تمام " سكتت شويه و تاني قالت "
صراحة زولة غريبه ! ريحتا دخان دخان كيف كانت قاعده بيهو كدا و في مستشفى كمان ! امرها غريب !!
احمد : من ماين اناي سطحيه كدا ي سهاد ! الزولة دي محبوسة للعرس و اكيد جات مخلوعه و اكيد ما قصدها و بعدين ما كان في اي ريحه بالعكس منسترة بالجوينات و الحاجات دي !!!

سهاد : ماشاءالله .. هههه معليش يا سيدي
احمد : من متين بتعلقي على الناس ؟
سهاد : انا م كدا ولا بحب اكون كدا .. بس حاجة لفتت نظري و دا غير انها ما طايقاني السلام بالرجالة ردتو لي !
احمد : ما براك حتى انا ما طايقاني و شايفه اني السبب في الحصل لي قصي و بترمي علي اللوم ! فا لأنك من طرفي عشان كدا م طايقاك زي واحد رغم ان ما ليك ذنب !! بس عادي تاني اصلاً م حتمشي و ما مضطرة تتعاملي معاها تاني ! و الما بقدر مرتي زاتو ما بلزمني !!

سهاد " رقدت في حضنو و سكتت و ابتسمت "
احمد " بيمسح ليها في راسها "
سهاد : احمد ! غريبه و لا مرة سمعت منك ان قصي عنده اخت اسمها حنين !
احمد : انا زي زيك عرفت في المحنة حقت الحادث دي ! لاخر لحظه كنت قايلها اخت وصال دي !
سهاد : بصراحه انا زاتي افتكرتها اخت وصال لكن ما بتشبها الزوله دي حنينه و لسانها حنين و طيب زي اسمها ! ما بتشبه وصال في حاجة .. لمن سألتها قالت لي اخت قصي ! احترته !!
احمد : ربنا يحفظا لي اهلها و يقوم قصي بالسلامة ! " اخد نفس " بيني و بينك انا زاتي حاسي بالذنب ..

سهاد " سكتت مسافة طويله و بعدين قالت ليهو "

رِوايات سُودانية🪐🤎!)"

19 мая 2025 18:37

#مندرين9

لو ركزت شوية حتلاقي إن عمرك في حياتك ما كنت جاهز لأي حاجة بتحصل ليك !
‏بس سبحان الله أول ما بتبقى في الموقف و تقول يارب
‏بتعمل حاجات ما كنت متتخيل أبدا إنك بتعرف تعملها !
‏التوكل و التسليم الكامل لله مبهر و ما ببالغ إن بسببه بتحصل معجزات.
—————————-

**عندي طلب بس خايف تصديني وتزعليني بعد فرحتي دي.
__اممم ال هو شنو؟!
**عاوز اتصل بيك مكالمة فيديو!!!
__ يا تبو انت عارف ال " سكتت "
** عايني ما تكملي كلامك ، وصلني العايزة تقوليه ، على العموم اسف و قبل اقفل يا ريت ما تتأخري علي في موضوع امك دا و شوفي ميعاد مناسب ليكم عشان ناس امي ديل يصلوكم ! انا على عيد الضحية داير اكون خلصته كل شي ، و ياداب اللحق اقدم طلب اجازتي .. يلا عايزة حاجة !!
__ مجتبى! عاين ممكن تسمعني ؟؟ انا ما قصدت أزعلك والله
** القاليك انا زعلان منو ؟ اقفلي باب الموضوع دا يلا سلام !
__ دقيقه طيب خليك معاي لحظه !

" قامت سرعه ناطة مشت على تسريحة وصال و بقت تفتش في الادراج بي ربكة ، وبتطنطن "
ياخ وصال دي خاته الفرشة حقتا وين هفففف " و بتعاين و بالها مع التلفون القاعد في السرير تتأكد المكالمة لسه شغاله و لا قفل .. ايوا دا مشط كويس ما كعب ..
" سرعة سرعة بقت تفك المسيرتين و تسرح و خلت شعرها فاكي ، و طلعت مرطب شفايف وردي خفيف و صلحت بلوزة البجامة حقتها و رجعت على السرير ، اخدت نفس ، مسكت التلفون و عملت طلب فيديو …

** عايني مافي داعي يارزة و قلت ليكي اقفلي باب الموضوع دا ، انا ما حا ارد ..
__ تمام اتذكر انك ما سمعتني و انك اخدت موقف مني م مفروض تاخدو مني ! لانه بدل الصورة الواحدة عندك لي عشرة ، ما حصل قلت ليك لا ، حتى قبل تاخد معاي اي خطوة !
** كلامك دا قولي لي واحد من كلاب" ال.." (السعرانين قصدو البرنامج الاتعرفو بيه ) ، ما لي انا ! انا زول جيتك دغري و دايرك بالحلال ، اهلي و كلمتيهم و حالياً كل شي متوقف عليك ! اعمل شنو انا تاني ! انتي مرتي خلاص تاني البمنع شنو املا عيوني منك و اكتفي بيك و احبك و اخد راحتي معاك !
__ جسور اسمعني
** كم مرة قلت ليك الاسم دا مكانو ما هنا ، ما تناديني بيه ..
__ عموماً انا بحبو و لي معاه ذكريات حلوة ..
** و انا بحبك أنتي ! ممكن تفهمي ؟
__ و انا كمان بحبك ، بحبك قليله شديد عليك ..
** اسف لو انفعلت فيك !
__ ولا يهمك يا مجتبى ، البينا أكبر من كدا و انا كلي فداك ..
** طيب رايك شنو لو نعد لحد تلاته و نفتح كاميرتنا سوا !!
__ اتفقنا
** دقيقه دقيقه … لحظه بس
__ ماشي وين ؟
** " م رد " بعد لحظات .. " الوووو "
__ جمبك مشيت وين قلت ليك ؟
** مشيت لبست لي تشيرت بس .. يلا ارح واااحد ..
اتنيييين … تلاااته … ترااااااا -
__ احم
** ول ..ول .. " منبهر و بعاين ليها " اسمعي جد كدا ! شعرك دا بالله عليكي م تكوني غاشاني و عاملة الشي البركبنو البنات دا و تقولي لي شعري طوال !
__ بسم الله كمان الشعر دا حقنا تب ، يحرم علي اخت لي سبيبه وحدة في راسي دا ما حقتي !
** محظوظ بيك شديد انا " بيهبش في حاجة في التلفون "

#المستشفى !

وصال بتقول :
لقيت يد في كتفي ! بعد م قفلت من رزة ، إتلفت لقيتا حنين .. بتقول لي :
حنين : واقفه كدا ليه ؟؟
وصال : جيبي يدك .. " مسكتها قوي "
حنين : في شنو ؟ يدك سخنه يا وصال .." ختت يدها على جبهتا "
وصال جسمك سخن !! في شنو ؟؟
الهادي " انتبه على صوت حنين " : في شنووو ؟؟؟ " جا عليهم "
وصال : مافي حاجة بس فجأة راسي لف هههه دي فرحة قصي ، اللهم لك الحمد ، اللهم لك الحمد ..
حنين ( جرتا جابتا جمب المقاعد ) : أقعدي اقعدي
الهادي : حاسة بشنو يا وصال ؟
وصال : مبسوطة بس و لسه متوسمة خير في ربنا انه يراضينا اكتر و يتمم شفاء قصي على خير و نعمل ليه الكرامة و اتم نزري !
الهادي : نزر !!!
حنين : نزر شنو يا وصال ؟
وصال : كدي خلوه اسي ، عارفين فكرة ان قصي نجا من حادث زي دا
مخليني عايزة افضل اشكرربنا و احمده طول الوقت ..
الهادي : الحمدلله .. اسمعيني يا وصال ! انا مشيتك على هواك اليومين الفاتو ديل م حبيت اضغط عليك لان مفروض الرجال يكونو قاعدين معاي ما انتي ! بس ما حبيت اضغط عليك و ازيد وجعك وجعين ! قصي و فتح حمدلله و حالتو عرفتي الفيها و حالياً حترجعي البيت من غير نقاش و تلفوني مفتوح ليك و شيلي رقم الممرضه زاتا معاك عشان لو حتفتكري اني حا ادس منك حاجة ' قعاد في المستشفى كفايه و كان من البداية م مناسب … ما داير اسمع غير حاضر
و انتي يا حنين ، شوفي جامعتك و حالك بي وين و م تخلي امك بهناك كمان براها و شوفو حياتكم ، قصي م قاعد يوم ولا اتنين هنا ، لا لسه قدامو شهر ..

رِوايات سُودانية🪐🤎!)"

19 мая 2025 18:37

د. مؤمن: ايوة بس الحمدلله انو هسي بقى كويس وكلو بتصلح مع الادوية والعلاجات ومسكنات الالم حا تساعدو ان شاءالله وكمان وجودك جمبو "بضحك" وانتي حاجات زي دي عارفاها. ربنا يتم ليه الشفاء واي شي انا موجود .
وصال : الحمدلله والشكر لله شكرا ليك يادكتور ما قصرته شكرا مرة تانية
حاسة اني عايزة انطط عديل
بشرته خالتي وعمي يا الهادي
** ايوة وهسي جايين في الشارع
__ كويس انا حا اتصل ببيتنا اكلمهم زاتي " مسكت تلفونها و
#مكالمة
"في بيت حاج الطاهر وبالتحديد في مطبخ ست البيت كان في ونسة ودردشة بين زينب وآمال "
آمال : سبحان الله ب الليلة دي تالت الايام البيض في شعبان يا زينب ربنا يتقبل مننا يارب
" قاعدات في تربيزة السفرة وبقورو ليهم في طماطم وكوسة وأسود وبطاطس وفلفلية للمحشي"
زينب : ربنا يتقبل يارب العالمين ويقبل دعانا وقصي ود فوزية يقوم منها بالسلامة ببركة رب العالمين والايام السمحة النحن فيها .
آمال : آميين آميين يارب
كدي قومي شوفي الفرن دا يا زينب الجداد دا استوى ولا عليه شوية وجيبي خلطة المحشي معاك عشان اختو بعد دا ..
"بتكورك"
يا سلمى سلمى يابت يا سلمى
"بترد رزان"
سلمى دي ناااايمة في سابع نومة يا خالتو "صوتها بقرب على المطبخ" عاوزة حاجة
احيي شامة حاجات كدا خطرة خطرة الليلة مالكم من الصباح تقعو وتقومو ..
زينب : بنجهز ماشين المستشفى
آمال : كدي اضربي لي وصال يا رزة شوفيها اذا دايرة حاجة نجيبها ليها مع الحاجات دي.
رزان : حاضر يا خالتو تلفوني جوه "بتطلع"
زينب : انتي يا آمال مش مفترض نبدا نجهز موية رمضان للناس ديل والله فوزية دي يدها طويلة فينا وما مقصرة مننا في اي حاجة لكن كمان خايفة ما يكون عندهم العادات دي ولا رايك شنو؟!
آمال : بري ياهو قبل حادث قصي دا في بالي اجيب السيرة لي وصال تسأل مروة او قصي والحمدلله على ما اراد الله ياهو حصل الحصل .
زينب : سمح هسي العرس ياهو حا يكون في محلو زي ما اتحدد ولا بتأجل؟!
آمال: الله يكتب سلامتو ويقوم بالسلامة وتاني كل شي ملحوق
زينب : اي والله
" قبل تتم كلامها كويس جاهم صوت رزان بتكورك فرحانة وجات جارية عليهم نفسها قايم "
يا ماما يا خالتو
قصي فتح قصي فتح
زينب : الحمدلله الحمدلله والشكرلله
امال : الحمدلله رب العالمين
رزان : مع دخلتي الاوضة سامعة تلفون سلمى بضرب لقيتا وصال رديت وقبل اقول ليها شي لقيتا بتكورك ان قصي فتح الحمدلله وهو حاليا كويس
وقالت ليكم ضربت في تلفوناتكم انتي وخالتي مجدعنهم وين ما بتردو قلت ليها ما فاضيات يقعو ويقومو في المطبخ "بتضحك"
"بضحكو معاها الله يطمن قلبها"
امال : يومين ما شافت ليها نوم تجي تستحمى و تجري المستشفى وكان قعدت حبة تمسك المصحف وتصلي لما تطلع
زينب : وصال زولة حارة وقصي امو داعية وراضية عليه وقع ليه في مرا ما هينة النصيحة .
آمال : ربنا يسعدهم ويبعد عنهم كل شر يارب ويتم ليهم على خير.
"بتحشي آخر حشوة وهي واقفة بتكب خلطة الصلصة في حلة المحشي"
سمح انا رفعته الحلة هدا في النار ما باقي لينا كتير انتهينا الحمدلله .
زينب : خلاص النمش على البيت وبجي الليلة رزان وسلمى ما شغالات جامعة امشي معاي ساي بقعدن في البيت.
امال : اي خلاص
زينب : اها انا طلعته ما بتأخر.
"خلال ساعتين كانت زينب وآمال مجهزات اي حاجة وطالعات وامال بتوصي في رزان وسلمى الوصاية العشرة"
رزان : حاضر حاضر يا خالتووالله بنقعد هاديين ورايقيين وسمحين كدا لما ترجعو اجي شفع روضة المعالي نحن ولا شنو البجينا شنو .
زينب : سمح ورح ورح يا امال الزمن دا ما فات اطلعي مسافة نصل براها دي ما هينة.
"كرب كرب صوت الباب بطبلوه وراهم "
رزان بتجي خاشة الغرفة جوه
" هووف اخيرا الواحد ياخد حريتو شوية
** لا خلاص محسساني انك مقفولة وشايلين تلفونك شوف دي بالله.
__ عايني انا ماشة اتكلم في غرفة وصال اوعك تجي لاحقاني امشي شوفي ليك موضوع غيري دي فرصة ما بتتعوض قريب
** امشي يختي ما معلقة فيك
"بتشيل تلفونا وسماعتها وبتطلع"
#واتساب
جاري الكتابة...
__عاين ارجع لي اتصال سرعة سرعة
**جدا
#مكالمة
__الووو واحشني
**الله الله في شنو الليلة الصوت والمزاج رايق كدا
__مبسووووطة خطيب وصال بقى كويس الحمدلله
**انتي وين هسي في المستشفى؟
__لالا في البيت وماما وخالتو طلعو قبل شوية
**والمعاك منو براك؟!
__معاي سلمى بس وانا زاتي طلعت منها في غرفة وصال هسي يعني بتكلم معاك بي راحتي
**طيب اسمعي خليني اعمل مكالمة جماعية تتكلمي مع امي واخواتي
__ياود دقيقة هي لا "
الا واشوف مكتوب مكالمة جماعية و
°° وعليكم السلام
**امي كيفكم ان شاءالله كويسيين
°°اهلن الحمدلله كويسيين كيف انت اخبارك شنو؟!

رِوايات سُودانية🪐🤎!)"

19 мая 2025 18:37

غير كنا مبسوطين بعرسنا ما كان في خاطرنا ابدا ان ممكن تحصل حاجة زي دي..
اخر حاجة كان اتكلمنا لما قال لي ماشي البيت انا واحمد لموضوع الكهرباء وانا منتظرة منه يتصل بي اطمن عمل شنو اذا انتهى او لا ولما طول مسكت التلفون ومع ردو...
غمضت عيوني وكأني سامعة الخبطة واصوات الجوطة من تاني...
" هوووف هووووف بتنفس بضيق واني كان لازم اطلع غصتي ف" البسكويته الغمستها وقعت في الارض قمته اجيب منديل انضفها الا وفي ممرضة جاية علي وبتقول:
انتي اخت المريض قصي؟!
"ما بكذب قلبي اتقبض وقلت خلاص في حاجة معناها لدرجة غلبني ارد الا وهي بتتكلم تاني"
انتي اختو؟
__انا خطيبتو قصي كويس في حاجة ولا شنو مالو؟!
**لالا ما تخافي اتوترتي مالك كويس هو الحمدلله بس في ادوية مفترض تجيبوها هسي دي الروشته..
__حاضر "بتشيلها منها" طيب اذا سمحتي خليني اخش بس دقايق اشوفو
"بتعاين لي وحسيتها ما قادرة تقول لي لا"
قلت ليها :
__معليش انا اسفة بختك في موقف كدا وانا زاتي دكتورة و عارفة انو في العناية وممنوع الزيارة لكن الله لا يختك في موقفي دا بس انا من جواي مخنوقة وعايشة على نار وما قادرة استحمل اني لحدي اللان ما اشوفو واطمن عليه.
** ربنا يطمن قلبك عليه يارب ، طيب عايني بعد ساعة كدا بخليك تخشي تطمني عليه وتطلعي سرعة لكن.
"بفرح"
__سمح سمح شكرا كتير ليك
"مسكته الروشته وبعاين وبقرا فيها ومتقدمة
مورفين 5 ملجم
ترامادول 50 ملجم
oxycodone
و
جاني صوت الهادي يا وصال في شي حصل وين كنتي؟!
__ايوة جات الممرضة وطلبت الادوية دي
"بشيل مني الورقة"
**قالت اي شي بخصوص قصي ؟!
__بس ياهو نفس كلام الدكتور على حسب حالة المريض بعد العملية غالبا يومين او تلاتة ايام بفيق ان شاءالله ، عاين انا حا اجي معاك الصيدلية
**لالا انتي انتظري هنا امكن يحتاجو شي افضل ما نمش الاتنين
__ايوة كلامك صاح طيب خلاص
"الهادي بطلع مني وانا بمشي على غرفة الممرضات"
بعد ساعة بالضبط من لما جاب الادوية المطلوبة الممرضة دخلتني بهدوء
#وصال بتقول
وانا داخلة الغرفة وشايفاه هناك راقد في السرير مغطى وكل الاجهزة دي موصلة فيه من فوق ومافي صوت الا صوتها "تيييت تييييت تييت" كان في بالي اجري عليه واحضنو قوي واقول ليه قصي قوم حبيبتك جات قصي قوم وصال جات
قربته منو وختيت يدي على يدو وضغطته عليها شديد
وبصوت هامس
يا حبيب قلبي انت سامعني ابقى كويس عشانا وعشان حلمنا القربنا نحققو وعشان بيتنا "بتقش في دموعها وعيونها بتعاين ليه"
انت عارف انا مشتاقة ليك شديد والله العظيم مشتاقة اسمع صوتك واشوف عيونك وانت بتتكلم معاي ضاحك ومشتاقة لي مكاواتك لي ب يا مندريني
انا مشتاقة لي كلامك السمح الكلو حنية وطاقة وحب لي..
حاسة ان ليك كتير هنا
قوم عشاني يا روحي.
"بتخت يدها على راسو براحة وبتهمس"
بسم الله أرقيك من كل شيء يؤذيك من شر كل نفس أو عين حاسد الله يشفيك بسم الله أرقيك
"بتقرب منو بتسلم عليه في راسو وبتطلع"
✎﹏﹏﹏﹏﹏﹏﹏﹏﹏﹏﹏﹏﹏﹏
#في جانب قريب من بيت ناس حاج الطاهر " والد وصال"
"كان في مشكلة كبيرة في بيت الجيران"
"بيت ناس حاج عثمان ووداد وعندهم البراء الولد الكبير حدو اولى ثانوي عاطل في البيت ما شغال عندو تاكسي بس موقفو في البيت وبيان الاصغر منو شغالة في منظمة اجنبية بتاعت بحوث ، و تقى الصغيرة بتقرا في الجامعة اقتصاد وعلوم سياسية ، و ميمونة حبوبتهم جهة ابوهم مرا كبيرة ومخرفة" اما حاج عثمان عندو دكاكين اسبيرات ومتزوج اتنين تاني غير وداد "
_أسمعني يا عثمان انا عداني العيب بعد كدا أمك #ميمونة إتحملتها بما فيه الكفاية اكتر منك انت ولدا
طالعة كل يوم حايمة في دربا افتش فيها من بيوت الناس
متحملة هرجيها وشلهتتها لي قلت معليش يا وداد مرا كبيرة وبسايرا حسب خرفها دا
نضافة بنضفا وحمام بحممها واكل ما مقصرة منها
لكن امك الليلة جابتا كبيرة يا عثمان كيف تقول شافت بتي واقفة مع ولد في الشارع والدنيا ليل تخلي اخوها يضربها كدا وانت عارف البراء دا مع اخواتو شديد وعصبي ما بتفاهم لما في البت دق وقلع تلفونا وكان صوت كوراكو طالع بداية الشارع منو هو الما اتفرج فينا.
ماشاءالله عندك اتنين غيري قاعدات مرتاحات نايمات ماكلات شاربات سوقها ليهم.
* وانتي هسي فرقك شنو منو يا وداد ما هدا رافعة صوتك تهرجي من قبيل خلاص الموضوع دا اقفليه واسكتي منو خلي اليوم يعدي على خير
_ما بسكت اسكت لي ياها حالتك اي شي تدمدم وتغتي فيه لا بتحل مشكلة لا بتسوي شي اقلاها خش اتكلم مع ولدك دا اقنعو يمش معاك المنطقة مسكو دكان ما ياهو ولد واحد عندك تاني ولد.
*اها دايراني اسوي شنو اودي امي وين ؟! دار العجزة كدا بترتاحي وتنومي وانتي ضميرك رايق. انا بجي البيت دا ارتاح لي شوية . ولدك كان داير يشتغل كان اشتغل جبت ليه عربية يشغلها تكسي هديك مركونة ما بطلع بيها صغير هو اسوي لي شنو؟!

رِوايات سُودانية🪐🤎!)"

19 мая 2025 18:37

#مندرين8

**بـ
"لكلكة الباب كلك كلك"
"بفتح"
"عينها عليه "
وقفلت الخط..

"مجاهد أخوها عينو عليها"
رزان قاعدة هنا وقافلة الباب لشنو؟! "بعاين ليها بحزم"
رزان: بسم الله انت جيت متين
مجاهد : بسألك ؟!!
رزان : ابدا بس دخلت بتكلم مع مريم اتصال عاوزاها تجيب لي شيتات ...
مجاهد : طيب تعالي اعملي حاجة اكلها وسوي لي شاي
رزان : حاضر جاية

─────────ೋღ 🌺 ღೋ─────────

هناك خيرٌ في كل شر، لا أحد يعرف إلا الله.

#وصال بتقول:

انزويت في ركن براي وكنت شايلة المصحف ما فارق يدي وفتحتو من البداية وبديت اقرا
بِسْمِ اللَّهِ الرَّحْمَنِ الرَّحِيمِ (1)الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7).
واصلت بعدها في قراية سورة البقرة بيقين من جواي ان قصي يطلع منها بخير ونزرت نزر بيني وبين نفسي.
"جاني صوت بتكلم"
**ممكن أقعد أقرا معاك
"رفعت راسها ليها"
__اقعدي يا حنين
**عارفة لما انتي جيتي ماشة بجمبي عيني جات فيك وسبحان الله لما شفتك مخلوعة وجارية دعيت ليك في سري وشاءالله انك تكوني خطيبة قصي. واننا نشوف بعض في ظروف زي دي.
__الحمدلله على كل حال ربنا يكتب ليه السلامة ونتعرف في ظروف احسن واحلى بإذن الله..
**ان شاءالله
"مع كلمتها وقفت"
#الدكتور الدكتور
"لقيت روحي بمسك يد وصال قوي وبنتقدم بإستعجال وبعاين ليها في وشها وهي بتمتم بالحوقلة ومترقبة كلامو"
كنا واقفين كلنا وبابا بتكلم مع الدكتور ال قال
الحمدلله العملية نجحت وحا يحتاج ليومين او تلاتة ايام عشان يرجع ليه الوعي ويفتح ان شاءالله
حاج محمد : حالتو كيف هسي؟!
بوضوح شديد الحالة خطيرة لكن مستقرة ونحنا ح نخليو على الاجهزة في وحدة العناية المكثفة لحدي م يتحسن بس للاسف الاصابات في العمود الفقري سببت اصابات في الحبل الشوكي و ده ح ياثر على حركتو . لكن بالعلاج الطبيعي ومواصلة العلاجات بإذن الله حا يتخطى المرحلة الصعبة دي
الهادي : حركتو يأثر على حركتو كيف يعني قصدك ممكن ما يمشي ولا شنو يا دكتور ممكن توضح لينا؟!
الدكتور : ايوة الحركة حا تبقى صعبة عندو بس مفترض بعد يطلع من العناية ان شاءالله يبدا ب جلسات علاج طبيعي ل تقوية الاعصاب ولازم يستخدم اشياء مساعدة للحركة زي مثلا كرسي متحرك او عكازات ..
فوزية : الجاتك تختاك يا قصي ياولدي الجاتك تختاك
لااا حول ولا قوة الا بالله العلي العظيم
حاج محمد : استهدي بالله يا فوزية قدر الله وماشاء فعل
واصل كلامك يا دكتور
الدكتور : الكلام دا طبعا ما بين يوم وليلة اقلاها بقعد شهرين او شهر في المستشفى اولا للمتابعة الشديدة لان الفترة دي حرجة زي ما قلت ليكم بالإضافة للعلاجات و ادوية لتقليل الالم بتاع العضلات .
وصال : خاته يدها في خشمها ودموعها في عينيها متابعة الموضوع بإنتباه "عمتها قربت عليها ومسكتها من يدها"
نحن ممكن نشوف قصي حاليا ونطمن عليه؟
الدكتور : للأسف ممنوع في العناية لكن ممكن نسمح لي زول واحد بس يزورو لمدة عشرة دقايق ما اكتر.
فوزية : قصي خلوني اخش اشوفو عامل كيف واطمن عليه "بتبكي ومتكلة على مروة"
مروة : "ماسكاها" حا تخشي يا خالتي انتي اي بس روقي انتي عيانة براك وقصي محتاجة ليك اكتر مننا
"بتعاين للدكتور وبتتكلم معاه"
كويس يا دكتور هو حا يقعد كم في العناية وتطلعوه؟!
الدكتور : ان شاءالله عشرة ايام ويتحول لي غرفة عادية
اي استفسار انا حاضر و حمدالله على سلامتو مرة تانية وما تقيفو من دعواتكم ليه.
عن إذنكم.
حاج محمد : شكرا ليك يا دكتور
الحمدلله الحمدلله على ما اراد الله الحمدلله رب العالمين
قدر اخف من قدر ما تبكو ولا حاجة بكرا ان شاءالله يتحسن ويرجع زي ما كان وافضل احمدو الله على ان قصي حاليا كويس وعناية ربنا شملتو واتكتب ليه حياة من تاني وسطنا..
الحصل ليه والحادث دا كلو ما هين كان ممكن نفقدو لا قدر الله
الحمدلله يارب
فوزية : الحمد والشكر لله رب العالمين
وصال : "بتحضن خالتو فوزية " الف سلامة لي قصي يا خالتو الحمد والشكر لله
زينب: ربنا يتم شفاءه يارب يا فوزية حمدالله على السلامة دي براها سلامة وكرامة
الهادي : يا امي ويا عمتي ومروة انتو حا تمشو البيت و حنين تعالي ووصال كمان امشي البيت وانت يا ابوي ارجع معاهم برضو وجودكم هنا ما ليه داعي الا تعب ليكم ساي ما بخلو زول يخش ليه.
انا بقعد وبطمنكم عليه
فوزية : انا ما بمش من هنا الا اشوف قصي وقلبي دا يرتاح يا الهادي ما ماشة الا اشوفو

رِوايات سُودانية🪐🤎!)"

19 мая 2025 18:37

طلعته بره اشم هوا لاني حسيت بخنقة شديدة وقلبي واجعني ما قادرة اتحمل الانتظار دا...
انا حنين محمد عمر الاخت الصغيرة لي قصي والهادي من ابوهم
بالرغم من علاقتي الشبه مقطوعة مع قصي بس لما بابا جاني وقال لي اخوك قصي عمل حادث وحاليا في المستشفى ما عارفة حصل لي شنو بس حسيت حاجة من جووه نقزتني وقلبي وجعني وبكيت حسيت بحاجة تقيلة جواي ..
علاقتي مع الهادي كويسة بتصل علي طوالي وبنطلع وما بغيب عني تلاتة ايام ورا بعض بسأل عني وبتطمن علي وحريص علي شديد ومتابعني زي ضلي ..
لدرجة بعمل ليه حساب مرات واي خطوة لما اكون عاوزة اعملها بقيف عندها كويس .. لالا دا ما خوف منو بس لاني حاسة بمسؤوليتو دي تجاهي وبحاول اكون قدر ثقتو الخاتيها فيني.
كنت حابة شعور الاخوة دا شديد لاني وحيدة امي ..
حاولت اتقرب من قصي كتير لكن ما كان برد على مكالماتي ورسايلي ولما يرد بختصرني كأني زول غريب. حدو معاي كيف انتي وان شاءالله تمام صاح كنت بتضايق منو وانا عملت ليه شنو شي كعب يعاملني عليه كدا؟!
بس في نفس الوقت بتمني يسأل عني ونتكلم سوا ونطلع وعلاقتنا تتحسن.
لما اشوف ردو على رسالتي بفرح شديد ولما يرد على اتصالي يومي كلو بكون فرحانة.
بس مع مرور الوقت بطلت المحاولة والسنين مشت زي ما هي ما بينا اي صلة الا اللهم اننا اخوان بالدم.
انا بقول كل شي بحصل من ربنا هو خير
و إمكن دي تكون فرصة لي عشان اتقرب من قصي أكتر وعلاقتنا تتصلح ك أخوان.
"اتلفته على جهة المدخل من تاني وبخطوات سريعة دخلته.. "
متقدمة عليهم وشايفاهم واقفين ومعاهم مرا وبت مديني ضهرهم.
قربت عليهم وبصوتي
**السلام عليكم
__وعليكم السلام ورحمة الله
✎﹏﹏﹏﹏﹏﹏﹏﹏﹏﹏﹏﹏﹏﹏

__انا القلق بياكل فيني أحمد ما قاعد يتأخر كدا وما يرد على تلفوني ما من عوايدو ما يديني خبر ...
"خاته يدها في صدرها" انا مقلقة مقلقة الحاصل عليك شنو يا أحمد
يارب يارب
اتصرف كيف اتصل بمنو ؟!
ولا اصبر كمان شوية امكن جاي في الشارع
بتلبس في التوب طالعة الشارع
#مكالمة
رقم غريب...
بترد من اول جرس...
الووو
**انا احمد يا سهاد
__احمد انت كويس قلقتني اتاخرته مالك كدا وما بترد على تلفونك ودا رقم منو؟!!
** معليش قلقت بيك بس الحمدلله انا يادوب وعيت يا سهاد قصي عمل حادث
__"شهقة " يا ساتر يارب لا حول ولا قوة الا بالله
**وهسي نحن في المستشفى لانو دخلوه عملية فترتا طويلة وكلنا منتظرين .. ادعي ليه معاك يا سهاد حالتو حرجة..
__ان شاءالله يقوم بالسلامة يارب، انت صوتك تعبان كمان اكلته وشربت ليك حاجة
**"بصوت حزين" بعد اطمن على قصي، المهم انا ح اقفل اقفلي عليك الباب كويس ما تفتحي لي زول وخلي بالك من نفسك .. اناتلفوني نسيتو في العربية ولسه ما رجعت عليها.
__العربية؟!! لي وينو الموتر ؟!
**دا موضوع طويل بعد ارجع بحكي ليك الحاصل ، حا اتصل بيك شوية كدا تاني يلا سلام يا روحي.
__معاك سلامة يا قلبي ما تقلق ان شاءالله بيكون كويس.
"قعدت " مسكين والله ربنا يشفيه ويعافيه ويطمن اهله عليه ..
ياربي حال خطيبتو حا يكون كيف هسي"مسهمة بتفكر "
لالا اعوذ بالله الله لا وراني شينة في أحمد ربنا يحفظو ويحميه يارب.
✎﹏﹏﹏﹏﹏﹏﹏﹏﹏﹏﹏﹏﹏﹏
"عمتي وعمو وسلمى وانا قاعدين في الصالة وعمو الطاهر كان بتكلم في التلفون مع عمو محمد بطمن على قصي وعمتي بتتكلم مع خالتو فوزية وسلمى بتتكلم مع وصال برسايل الواتس وانها وصلت وحاليا في المستشفى وكلهم منتظرين يخرجوه من العملية "
حرفيا اليوم دا والليلة دي كانت منهكة للاعصاب ونفسيا وجسديا ماف زول فينا كويس كلنا في حالة ترقب وقلقل وخوف ما طبيعي ..
بإختصار ليلة تقيلة وحزينة..
نصلي وندعي ونقرا قرآن ان ربنا يشمل قصي بعنايتو ويقوم بالسلامة .
#واتساب✔
جاري الكتابة...
"بولع وبطفي ماسكة تلفونها بتعاين في الرسالة"
__صحي النوم يا ست البنات براك ؟!!عاوز اتصل اسمع صوتك
**صاحية ما عندي طريقة وما عندي مزاج !!
__عايني انا عاوزك في موضوع ضروري امشي اي حتة
"قبل ارد عليه كويس"
جاني #اتصال
"عاملة التلفون صامت كالعادة"
#مكالمة برقم من السعودية
00966533322083
"قمته وخشيت الاوضة جوه ورديت"
**الووو
__احلى الووو دي ولا شنو"بضحك"
**انت عندك رقمين؟!!
__لا دا بتاع الشركة
**اهاااا
__اها مالك الليلة ما عندك مزاج ؟!
**خطيب وصال عمل حادث وهسي كلنا قاعدين منتظرين يدنا في قلبنا لانو قالوا حالتو حرجة ودخلوه عملية صعبة .
__ ربنا يشفيه
**مالك قلتها كدا؟!!
__عشان ما شغالة بي اليوم دا نهائي
**ما كدا بس انا زعلانة على بت خالي ونحن متربيين سوا وهي زي اختي الكبيرة عشان كدا متأثرة وما لي نفس في حاجة.

رِوايات سُودانية🪐🤎!)"

19 мая 2025 18:37

ورزان مخلوعة وخاته يد في صدرها والتانية غازاها في جمبتها بتعاين لي وصال بوجع..
عمتو زينب : بسم الله الرحمن الرحيم "بتقوم في وصال" قومي العني الشيطان كدي وقولو كلكم لا حول ولا قوة الا بالله " العرفك شنو انو دا قصي العمل الحادث انا متأكدة ما هو " وامكن ما حادث زاتو عرفتي كيف حادث
قومي يا وصال قومي ..
"مسكتا بتقوم فيها"
"خاته يديها الاتنين في راسها ومدنقرة بتبكي "
دا هو يا عمتو دا هو ما ردا علي والخط فتح ما سمعت صوتو ولا شي الا الخبطة وصوت العربات والجوطة
ولا كان ردا علي"
قامت مهجومة جارية جوه وفتحت الدولاب جرت العباية والطرحة وجات جارية طالعة
امي : يا وصال انتي في الحبس طالعه وين بدخانك كدا؟!
__ امي حبس شنو؟! ودخان شنو قصي العمل حادث وانا في الدخان
امي : سمح هاك البسي "جونتاتك دي" و كدي استهدي بالله النتأكد اول اتصلي تاني امكن العمل حادث زول تاني مع اتصالك سمعتي الجوطة او ما معروف وينو تلفونك النتصل تاني اقيفي...
رزان : هدا يا خالتو" رفعتو من الارض" واصلا كنت دايرة اتصل
امي: اتصلي اتصلي كدي
**جاري الاتصال...
"بتعاين للمكالمة ما بخش معاها اي جرس بتختو في اضانها تاني وبفصل ماف جرس"
عينا وقعت في عين وصال الواقفة هناك بتعاين ليها بقلق وخوف ودموعها في عيونا "وبتلبس في الجونتات"
#وصال
قلت ليكم انا قلت ليكم قصي عمل حادث اصلا انا من قبيل قلبي قابضني اصلا ما مطمنة ومن قبيل تقولو لي دا توتر العرس وما عارفة شنو بحصل كدا عادي
عرس شنو ؟
دا احساس قلبي كان حاسي ان في شي حا يحصل وهسي حصل قصي ما كويس "بنفس حار منهارة"
ياريتني كنت معاه واصريت يجينا من الضهر
ياريت اتصلت من قبيل وما انشغلت بحاجة عنو
عمتو : استهدي بالله كدي اول حاجة وامسكي التلفون دا وتعالي اقعدي اضربي لي الهادي اخوه او امو اتصال عادي شوفيهم
__ما قادرة يا عمتو ما قادرة انا بضرب لي عمو اسألو عديل
امي : يابتي بتخلعي الناس ساي اضربي اتصال عادي كدي اول
"وصال ماسكة التلفون بتضغط على رقم مروة وبتفتح الاسبيكر
" ضاغطة على طرحة العباية وحاسة قلبها حا يطلع مع كل جرس والتاني وماف رد توترها زاد زيادة ودموعها جات جارية اكتر"
رزان : اتصلي ب امو طيب امكن مروة نزلت ليها تحت...
"ما بترد يا رزان برضو ما بترد ويدها ضغطت على التلفون تاني على إسم
#خالتو #فوزية
جرس والتاني والتالت....
" رب رمت التلفون من يدها وقعت في الكرسي وبدت تبكي"
دا قصي العمل الحادث والله العظيم هو العملو ما دايرين تصدقوني لي
انا قلبي حاسي بكدا انو ما كويس
"رزان بترفع التلفون "
**مسجلة اسم اخوه ب شنو؟
__الهادي
**الهـ جاها الاسم وعملت اتصال
تاني رجعت اتصلت في تلفون مروة وخالتو فوزية بس برضو ماف رد...
#وصال
"بتلبس في طرحتها "
رزان جيبي التلفون "بتمدو ليها" انا ما بقدر اقعد كدا واكتف يدي ارح يا عمتو النمشي على بيتهم خلاص ما قادرة ما قادرة اتحمل من القلق والتوتر "بتاخد نفس حار " حاسة قلبي داير يطلع من الوجع..
عمتي : سمح امرقي ارح دقيقة اجري يارزان جيبي شرابات التلبسهم في رجولها الدخان.
رزان : سمح "بتجري بسرعة "
امي : ربنا يجعل العواقب سليمة ، اتصلو علينا طمنونا يا زينب
عمتي : ان شاءالله " بتعاين لي وصال المشت قداما فتحت الباب وطلعت وكانت شبه جارية ما ماشة"
✎﹏﹏﹏﹏﹏﹏﹏﹏﹏﹏﹏﹏﹏﹏
#المستشفى
#الطواريء
الساعة 7:00 مساء
في كراسي الإنتظار كانت
"ام قصي بتبكي ما صابرة جمبها مروة بتخفف عنها وهي نفسها خايفة مرة ومرة تقش في دموعها والهادي ماشي وجاي طول الممر مترقب ابوه يجي وبعاين لي بقلق"
أحمد بقول بتزكر :
وقت وصلنا المستشفى من خلعتي اتصلت طوالي ب الهادي ورميت ليه الكلام رررب بدون مقدمات
يا الهادي قصي دا عمل حادث ونحن حاليا في قسم الطوارئ..
حاولت اتصل ب عم محمد "والد قصي" بس ما كان في رد منو.. "
وتاني الحصل حصل انهم جو مخلوعين والحمدلله انهم وصلو بخير بس انا ما كنت واعي وقتها بعمل في شنو"
أحمد قاعد في المقعد ثابت ونظرو تحت بفكر ..
كلو بسببي الجدا شنو الليلة لما وافقت اديه الموتر وانا عارف قصي ما بعرف بسوقو كويس وليه فترة طويلة منو..
الخلاني بالبساطة دي اطاوعو شنو وامد ليه المفتاح بدون ما امنعو وارفض ليه..
زول عريس ياخي زول عريس
"هبيت من مقعدي بخوف وترقب وقلبي وعقلي بدعي ان قصي اخوي ورفيق عمري يكون بخير "
"وقفت جمب الهادي"
__انت اتصلت بخطيبة قصي؟!
*"عاين لي" لا ما عارفة ما اتصلته بيهم
__مفترض تكلمها ولا شنو؟!
"بعاين في تلفونو"
*متصلة اكتر من خمسة مكالمات هي زاتا
"بقرب من امو "
امي هاك وصال دي كلميها بس هوني عليها الموضوع ما يتخلعو

رِوايات سُودانية🪐🤎!)"

19 мая 2025 17:43

لا انا م ببكي بس ف شي دخل ف عيني❤️.

رِوايات سُودانية🪐🤎!)"

19 мая 2025 11:18

عايزة زول من دنقلا مكان اسمو الدرجة التالتة او فندق بلازا، وو بعرف زول من هناك.

رِوايات سُودانية🪐🤎!)"

19 мая 2025 18:37

امال : "بعدم رضا واضح " وانت رايك شنو يا الطاهر من راي بتك مش؟
دا الكنتو بتتوشوشو فيه قبيل جوه؟!
زينب : بري عليك يا وصال نحن من قبيل قدامك في الطاهر اخوي دايرنا في شنو وانتي ولا على بالك جنس غتاته عليها بتك يا امال
امال : "بزعل" من يوما بت ابوها وسرهم واحد ، البركة في ولدي الله يجيبو لي.
"وصال والطاهر بضحكو"
الطاهر : يا ناس العرس كدا فيه بركة زاتو اخير من تعرس بموسيقى وحفلات وهيلمانة غير تجيب العين ليهم والحسد ما تستفيد شي.
امال : انا ما موافقة ما موافقة بالكلام دا ، دا اول عرس في البيت واول عرس لبتي الجابرني شنو اعقد ليها وتمش ، في حنة وفي حفلة وفي جرتق وقبل ديل كلهن في ريحة بتتعمل مفروض نعملها وما عملناها بسبب الحادث ياهو الصاح العرس يتأجل لما يبقى كويس ويقوم بالسلامة الشفقة تطير .
وصال : الموضوع ما شفقة ولا استعجال يا امي كل الحاصل انا عايزة اقيف مع قصي في ازمتو الصعبة دي كان ما وقفت هسي معاه اقيف متين ؟! انا حاسة اني مقصرة شديد في حقو كل البعمل فيه هسي اني مكتفة يدي وما قادرة أساعدو بأي شي وانا عارفة بعد طلوعو من المستشفى المرحلة الجاية دي حا تكون صعبة وتقيلة عليه شديد يا أمي حا اقعد في غرفتي هنا واتفرج عليه بس ترضيها لي يا امي؟؟!! قولي موافقة عشان بالحلال اقدم ليه الدعم والسند المفروض اسويه بقلب قوي.
اذا أجلت العرس وقلت ليه كدا رايوو فيني حا يكون شنو؟!
حتى لو قال لي هو وانا عارفاه حا يرفض هسي عشان كدا كلمت ابوي انا ما ممكن اكون قليلة اصل واقول ليه اي احسن نأجلو عشان لازم نسوي الحنة والحفلة والبس الزفاف واسوي الجرتق... ولا نفسي بتسمح لي.
يا امي عليك الله افهميني انا ما دايرة دا كلو والله بعد الحصل لقصي دا عرفته قدر شنو ان كل الهيلمانات بتاعت العرس دي ولا شي ولا شي قصاد انك تكون شايف الانسان البتحبو هو كويس قدامك.
انا عاوزة عرسي يقتصر على العقد والعزومة بس من غير حفلة وجوطة وكلام كتير ولا فيني حيل لمناهدة زاتي .
امال : كبرتي يا بتي وبقيتي تحكمي رايك
زينب : النقول لخير يا امال امكن ربنا كافي عنهم شر كان حا يحصل .
امال : سمح ربنا يتم على الخير الدايرنو بحصل
"وصال اتقدمت على امها وحضنتها"
لا الدايراه انا رضاك عني يا امي وتكوني مبسوطة عشان انا كمان اكون مبسوطة.
امال : وانا دايرة شنو غير انكم تكونو مبسوطين
قادر يا كريم يكفيكم من كل شر يارب
وصال : سمح يا ست الحبايب اديني زغرودته عشان اعرفك رضيانة...

ايووووووووووي "بتزغرد"

"مع زغرودة جات من فرحة جوه خلعتنا بس بقينا كلنا نضحك مبسوطين بيها"
"ومنها عمتو بتقول لينا وهي طالعة على الباب ورزان وراها"

تصومو وتفطرو على خير اعاده الله علينا وعليكم جميعا باليمن والبركات

‌وعلى الخير والمحبة نلتقي✎﹏﹏﹏﹏﹏﹏﹏﹏﹏

#مندرين
#سحر_سمير
#فاطمة_قسم الله

رِوايات سُودانية🪐🤎!)"

19 мая 2025 18:37

__ احم احم "خلاص ولا حرف تاني ما بقول " ابتسامة كبيرة" ياخ انت حناك حناك والله العظيم
"بمد ليها يدو تخش قدامو"
"بضحكو وبخشو على بيتهم "
وكان في حد من وراهم مراقبهم
✎﹏﹏﹏﹏﹏﹏﹏﹏﹏﹏﹏﹏﹏﹏
"جايين على البيت من الجامع"
آمال : ناس وداد ديل عندهم شنو العربات دي واقفة قدام بيتهم كدا
زينب : بري تتزكري من الخميس الفات عندهم زحمة كدا ما طبيعية الا كان واحدة من بناتا خطبوها
امال : الا بيان ، ديك صغيرة
__انتو وقت الشمار حارقكم امشو بالباب هنوهم برمضان واعرفو الموضوع بدل تجادعو الحاصل شنو والحاصل شنو
زينب : هي امال تاني ما عندها وش معاها " بتضحك" والله وداد تطردا من خشم الباب
__ليي تطرد امي عملت ليها شنو هي الزي امي منو
زينب : امك ما كلمتك يختي هي وابوك بالحصل ؟!
__لي في شنو ما جابو سيرة مالا وداد معاك يا امي؟!
امال : تتزكري يوم صادفناها بره داك اها فاتحتني قالت دايرة سلمى للبراء ولدها الكبير
__اها
امال : هي يا يمة هيي البراء شنو البعرس لي بتي ولا بجدعها لي وداد
__سلمى زاتا صغيرة ، اها وابوي رديتو ليها بشنو؟!
امال : قال ليها قسمتو ما معاها ربنا يديه بت الحلال ، قلت ليها ما مدخلين في راسا موضوع العرس دا هسي دايرنها تتم قرايتها اول.
اها من ديك وتاني ما ورتني وشها وكان شافتني بره ما بتديني سلام الله
__الاباك ريحك يا امي ما عندنا شغلة بيهم
زينب : انتي يا امال الطاهر شايفاه واقف مع احمد ومحمود مشو لي قدام جهة الفسحة حقت الجامع بيوت ناس المحامي مالهم في شنو؟!
امال : بري لاحظت ليهم زاتي لكن علمي علمك يختي صحي زكرتيني قال دايرنا في موضوع بعد دايرة اسوقك نخش عليهم
__انا داخلة البيت انتي وعمتو ما بتبطلو ونسة جمب الباب خلي ابوي يجي ويشوفكم وعارفين رايوو في الموضوع دا احسن تخشو البيت وكملوها جوه.
زينب : خشي خشي يا امال نرجاه جوه
"وصال بتضحك ودخلت قدامهم طلعت تلفونها من جيب العباية وفتحتو ضغطت على رقم قصي
#مكالمة
" ودخلت على غرفتها"
الخط بفتح بتقول ليه
__رمضان كريم والسنة دي في بيتنا والسنة الجاية صايمنو سوى
**ونحن تلاتة ان شاءالله دعيتي لينا في التراويح المرة دي اول مرة اكون غايب عنها ولا اكون صايم "بنبرة حزن في صوتو"
__معليش يا قلبي كلو امتحان من رب العالمين ، بكرا تبقى لينا زكريات نتذكرها ونضحك فيها. انت كيف هسي كويس؟!
**ببقى كويس بصوتك من قبيل مختفية عني
__معليش حبيبي قريب نتلما لما تزهج مني "بتضحك"
**مستحيل ازهج منك انتي نصي التاني يارب يارب قريب
__انا حا اغشاك الصباح بدري على سبعة ونص بتلقاني في وشك ان شاءالله
**خير في شنو ؟!
__هههه حسيتك نططه عيونك كدا مافي اي شي بس عاوزاك في موضوع
**ال هو؟!
__ماينفع طبعا في التلفون الا وش لي وش
**ولا تلميحة ساي طيب
__ولافتفوتاية زاتو
انت كويس؟!
**كويس
__ما حاسة صوتك كويس؟!
**كويس والله بس متألم شوية
__بعد الشر عليك يا روحي معليش ان شاءالله فترة وتعدي تبقى ماضي ، الدكتور مرا عليك لموضوع العلاج الطبيعي؟!
**حا يمر علي الصباح واول جلسة بكرا ان شاءالله
صحي حنين قالت انك حا تمري عليها في الجامعة ؟!!
__اختك في خشمها ما بتتبلى كلمة"بتضحك" قلت ليها احتمال احتمال اغشاك معاي
**وانتي ماشة وين؟!
مشوار كدا ما ياخد بالك كدا كدا ان شاءالله بكرا بجي الصباح وبنتكلم
"بصوت حنين"
**طيب ما تتأخري علي!!
"بصوت مليان حب ورقة"
__وانا بقدر مستحيل أتأخر عليك ياروحي؟!
**عارفة لو انتي ما كنتي في حياتي ما عارف انا في الحصل لي حاليا دا ح اكون عامل كيف؟! لمجرد التفكير بس بحس بالعجز
__ سمح انت عارف لولا وجودك في حياتي ما كان ح يكون لحياتي معنى واضح .. وصال الانت شايفها قدامك دي انت بقيت ليها حياة جديدة مليانة اهداف ومشاركات وحاجات كتيرة سمحة جاية مش دايما { سحر و فطوم } بقولو الجاي سمح شديد
تتزكر لما زمان كنا في الجامعة حصلت بينا اول مشكلة كبيرة ف بقينا نتشاكل وفجأة انا قعدته ابكي وغلبني
بعدها انت سكته وقلت لي وصال معليش اسف حقك علي
قلت لي تعالي اقعدي وقلت لي كلام لحدي هسي انا ما نسيتو
انك لما شفتني ببكي وتعبانة فعليا من المشكلة جا في بالك ما مهم الصاح منو والغلط منو لحظتها كل الكان هاميك انك تكسب قلبي افضل من تثبت انك على حق ، كل المهم عندك انا وانك تراضيني في لحظتها وبس واي حاجة تانية تتحلا بعدين.

ف انا هسي وحاليا كل المهم عندي انت وانك تبقى كويس وبس.

**عارفة بعد كل الكلام المليان حب دا انا بقيت كويس بيك خلاص ما عاوز شي من الدنيا دي غير نكون سوا سوا وبس بيت وباب يتقفل علينا برانا..
ياخ يوم بكرا دا ما يجي انا مشتاق ليك حاسي لي مية سنة ما شفتك

رِوايات سُودانية🪐🤎!)"

19 мая 2025 18:37

#مندرين11

الظروف الحاصله ما رايحة عليك ، و انا مريت بفترة م يعلم بيها إلا الله -و انا اتعلمت منك ان الفرح م بدوم و كذالك الحزن ، طالما من البداية اخدنا قرار انه نكمل حياتنا مع شخص انحنا #واثقين فيه انه يستاهل نقدم ليه اهم و اجمل فترة في حياتنا و نشاركه كل لحظاتنا ، يبقى ليه لا ؟ ليه العرس م يتتم في نفس مواعيده
بالعكس قصي في شِدة ما يعلم بيها الا الله كان م لقاني فيها اسي تاني م اظن لي وجودي لازمة
احساس العجز يا أبوي و انا م قادرة اساعدو و معتمدة بس على المستشفى و هسي بعد يطلع حيكون مسؤلية امه و دي حاجة صعبه عليها في عمر زي دا !

" اخدت نفس و كملت كلامها "

ابوي .. انا نزرت نزر يوم الحادث و هو ان ربنا لو كتب عمر جديد لي قصي انا حابة اتمم عرسي منه .. بس من غير عرس …
من غير تحقيق احلامنا - من غير صالة - من غير فستان - من غير قومة و قعدة ...

"مبتسم بعاين ليها"
"لكزها في كتفها وهو بتكلم "
الرسول صلى الله عليه وسلم قال شنو؟!
" وصال : عليه أفضل الصلاة وأتم التسليم .. قال شنو ؟!"
"بصوت ابوي عالي شوية "
قال : الدنيا متاع وخير متاع الدنيا المرأة الصالحة
"لقيت روحي ببتسم وانا بعاين لابوي بجلابيتو السمنية حقت البيت "
"تاني اداني لكزة خفيفة وبصوت مبهج "
ما كل النسوان ديل صالحات عشان كدا خص المرأة الصالحة " بضحك وضحكت معاه"
في دليل الفالحين شرح رياض الصالحين القرطبي قال فسروها في الحديث انو المرأة الصالحة
كان عاين ليها سرتو وكان أمرها أطاعتو وكان غاب منها حفظتو في نفسها وماله
يا سلاااام شفتي الكلام دا سمح كيف
"بتعدل حبة وبقول ليه اي والله ربنا يجعلني من الصالحات"
"بعاين ليها
قصي الله اداه مرا سمحة من بره ومن جوه مرا هميمة فاهمة ومستعدة تقيف معاه في الحارة. دي ما هينة وانتي هسي السويتي دا تضحية حاجة ما هينة ولا شنو؟!
" إبتسامتي زادت خجلته ودنقرته وبقيت اجرجر في هدومي"
انتي قايلة امك دي لو ما كانت سمحة وفاهمة ورايقة وهدية ورضية كنت بعرسها "بضحك" وداعمة لي كانت
__ولي هسي يا ابوي امي سمحة شديد وهميمة ربنا يخليها لينا يارب
**زمان لما كنت بجي من الجامعة كنت خاطبا وهي كانت صغيرة عمرا 12 ولا 13 سنة بجيب ليها الطرح شالات كدا كبيرة ومجلات روز اليوسف ومعاهم مناديل قماش كدا سمحة خلاص قماشتا رهيفة بلقاها مطرزة لي اسمي فيهم تاني يوم .
امك كانت بتريد الخياطة والتطريز عندها مكنة لونا اسود لي هسي بتزكرا ياما خيطت ليكم المرايل وانتو صغار قدر كدا "بأشر بي يدو"
__شوووف امي ما حصل جابت لينا السيرة دي
**"بضحك وبواصل في كلامو" الوقت داك دكان خالي كان ما بين بداية بيتهم ونص المسافة لي بيتنا لما اجي بخت الكرسي وبقعد قدامو وباكل في التسالي بنات الحلة يمشو ويجو يمشو ويجو"بضحك"
امك قالت لي اي واحدة تقول للتانية شفتي الطاهر انا شفتو
__"بضحك"ابوي انت زاتك كنت سمح انا كل ما اشوف صوركم بتمنى لو كنت في زمنكم دا. والحمدلله اني بت الطاهر وامال
**والحمدلله على نعمة وجودكم
__اها ياابوي قلت شنو العرس في محلو تالتة العيد؟!
**قلته اني مبسوط منك شديد يا وصال
المرأة الصالحة كلها ارباح
وعلى بركة الله ...
انا بشاور اخوك وبكلم اعمامك وخيلانك بلاقيهم هسي في الجامع تاني امك بتكلم النسوان بطريقتا معاهم..
__صحي هو سراج قال جاي متين ما ح يصوم اول رمضان معانا؟!
**اتصل علي قبيل قال بجي لكن ما أكد ياتو يوم
"بحول في محطة الراديو بتاعو "
"لحظتها وانا بعاين ليه وبحمد ربنا وبشكرو اني بتو وهو ابوي نزل مني هم كبير واني لما اجري لابوي اول واحد واقول ليه الجواي لاني عارفة هو قدر شنو حكيم وحنين وبسمعني لا في يوم نهرني او سمعني فارغ او كورك فيني وحتى لما اغلط كنته بلقاه بتكلم معاي بهدوء ويوريني غلطي انا بحب ابوي شديد العمرو ما خلاني احتاج لزول غيرو وكان لي الاب والرفيق والصديق البلجأ ليه اول زول. "
سمح انا خايفة من رد فعل امي!!
**امك دي خليها علي بكلمها بتهرج ليها لحظة وبترضى انا عارفا
" بقينا نضحك وفجأة جانا صوتها"
امي : بقولو ود الحلال بجي على سيرتو
انت وبتك طريتوني في شنو ؟!
"صوت الأذان في اللحظة دي وكلنا بقينا ساكتين الا من جواي بقيت اردد معاه "
الله أكبر الله أكبر الله أكبر الله أكبر
أشهد أن لا إله إلا الله أشهد أن لا إله إلا الله
أشهد أن محمداً رسول الله أشهد أن محمداً رسول الله
حي على الصلاة حي على الصلاة
حي على الفلاح حي على الفلاح
الله أكبر الله أكبر
لا إله إلا الله

ابوي : "بصوت " اللهم صل وسلم على رسول الله
اللهم رب هذه الدعوة التامة والصلاة القائمة آت محمداً الوسيلة والفضيلة وابعثه مقاماً محموداً الذي وعدته إنك لا تخلف الميعاد

رِوايات سُودانية🪐🤎!)"

19 мая 2025 18:37

بعدها مشيت غرفة رزان و سلمى - لقيت سلمى بتجهز و رزان لابسة و فاتحه الابتوب و ماسكة دفتر و مركزة شديد ، و دي اول مرة اشوفها كدا من مدة طويلة شديد و كانت قاعده و لابسه بجامة بي طاقيه و رافعاها في راسها _ عاينت ليهم مافي وحدة عبرتني و طلعت زي م جيت ..
نزلت لي عمتي قلت ليها :
وصال : عمتو ممكن اتكلم معاكي في موضوع ؟
__ تعالي حبيبتي حاصل شنو ؟
وصال : ما حاصل حاجة اتطمني ، بس كنت محتاجة عربيتك عندي كم مشوار ! لو ما حعطلك !!
__ انا اليومين دي ما عندي مشاوير الا للضرورة  قضي بيها امورك
وصال : م اعدمك يارب

من دربي مشيت لبست عبايتي ، و نزلت طوالي مشيت أول حاجة لي نسرين ( الماسكة لي فستان زفافي  ) ، حاولت تتكلم معاي م اديتا فرصه ، شلت منها الفستان من غير تفاصيل لانه كان مفروض ناقصه الاكمام تتركب و باقي الخرز اليدوي كان عندي عملتو في البيت ، ناقصو يتشطب بأختصار ( هي كانت بتنفذ بس تصميمي عشان م كان عندي زمن ) - المهم شلتو معاي ختيتو في العربية ورا - و اتذكرت ان كان عندي طلبية من شي ان معلقه ، اكدت عليها و حددت التاريخ قبل العيد توصلني  .. و كان عندي مشوار خاتاه في حساباتي انجزتو و مشيت بعدها المستشفى .. مجرد م وصلته الدور المرقد فيهو قصي ، لقيت كمية شباب متوسطهم الهادي و احمد ، وقفت بعيد الهادي جا علي ! لاحظت ان في واحد من شافني من بعيد قام وقف و فضل بعاين فيني و مركز ..
الهادي : وصال ! كيفك ؟
وصال : حمدلله بخير الحاصل شنو ؟
الهادي : انتي الجابك شنو مش قبيل طمنتك ؟
وصال : معليش بس انت عارف انه غصب عني و طالما طلع على غرفه عاديه لازم اشوفو و اتطمن عليه انا طول الوقت دا قاعده على اعصابي يا الهادي ، و حاسه اني م لاقيه فرصه اكون جمب قصي !

الهادي : وصال قصي لو عارف البتعمليهو دا زاتو م بيرضى ، م حينفع 
لو في اي شي انا بكلمك تلفون ! جيتك م ليها لازمة انا م داير ليكم التعب حتى امي و مروة م قعد اخليهم يجو !

وصال : انا فاهمه كل دا بس كمان مشاعر الخوف و القلق م بتفهم المنطق البتتكلم فيهو دا زول بحالة قصي الشفناهو بيها ديك منو قال انه ممكن يعيش ؟ فا اني اتطمن بي شوفتو رغم انها م بتكفي لكن راضيه بالدقيقه دي ، المهم انا عايزة اخش ليه ، غرفتو في نفس الدور دا ولا كيف؟
الهادي : انا اسف ما قصدي احرمك والله و لا امنعك ! بس ربنا عالم بالجواي - تعالي معاي بي جاي " عكس اتجاه الشباب محل كان قاعد "
وصال : اعذرني .. يلا .." مشيت معاه " ديل منو يا الهادي ؟
الهادي : جماعة زمايلي وفي منهم معارف قصي ياداب سمعوا بالحادث
وصال : اهااا كتر خيرهم -
الهادي : م شايف زول لكن دي غرفتو " وقفو جمبها " خشي ان شاءالله م يكون نايم ! " فتح ليها الباب "
وصال " بي لهفه " : حاضر حاضر " دخلت و قفلت الباب "

وصال قالت :
رغم اللهفه الا انه كان ماليني خوف خوف غريب ، رغم انه كان احسن و مافي مقارنه منظر الاجهزة و الخراطيش الكانت في كل حته في جسمو ديك براها مخيفه !
وصلت جمب سريرو و بعاين في وشو الملان كدمات و مورم و الشاش الفي النخرة ، بقيت بحاول امد يدي اهبشو م قادرة اوصلو من الرجفه ! لقيت نفسي بقول ليهو :
شفاك الله يا حبيب روحي ، و حبيب عمري ، فرحة شبابي و نعمة ربنا علي ، قدر شنو انا محظوظة انه ربنا سمع دعاي و كتب ليك عمر جديد تعيشو معاي ! قدر شنو فراقك شين و بيوجع ! قدر شنو مؤلم امسك تلفوني و م القى منك رساله ولا اتصال ! قدر شنو الدنيا من غير شينه و يومي من غيرك م ليه طعم !!
شفاك الله و عافاك يا حبيبي … انا جمبك و لو لي مراد نتقاسم الكسور و الآلام و اخد المسكنات دي بدلك انا م حا اتردد اقاسمك ..
" بمسح في دموعي و لقيتو بحاول يرد لي و يقول لي"

قصي " بلسان تقيل " : كبيرة كدا و بتبكي !؟
وصال " ب لهفه و فرح و لخبطة بكى على فرح " : قق قصي ! حبيبي يا عمري " بتبكي زيادة "
قصي : ما تبكي انا كويس يا مم مندرين ! اديني ساعه كدا انوم فيها و اقوم نلعب لينا كوره !
وصال : هه ههه مجنون حتى و انت راقد رقدتك دي بتتعابط !
قصي : ج ج ججج جادي معاك انا اااح
وصال : م تتكلم ريح ريح ! ابقى لي كويس شد حيلك
قصي " غمض و غلبو الرد كل الحاول ينطقو " : بب بح حبك و وصال !!
" الباب فتح - الممرضه و برا الهادي كان واقف "

مسحت دموعي و عاينت ليها قالت لي :
__ لسه شوية على انه ياخد و يدي ف الكلام بس في تحسن ! استأذنك تطلعي لانه كدا كدا حينوم من المسكن و العلاجات ..
وصال : حاضر حاضر ! " طلعته "

الهادي : اتكلم معاك ؟
وصال : ايوا .. شويه لسه لسانه تقيل و متألم يا حليلو
الهادي : عيونك حمرت
وصال " بتمسح " : فيني ولا فيهو يارب

رِوايات سُودانية🪐🤎!)"

19 мая 2025 18:37

مجتبى : يا رزان ما شايفه قريبتك دي بتجدع في كلامها كيف ؟ شنو لو عاقل و ما عاقل يا زولة كلميني كويس !!
رزة : و هي قالت ليك شنو غلط ؟؟ مش دا الكلام الكنت بتحنسني فيهو قبل شويه اني اكلم اهلي عشان عيد الضحيه تكون انجزته ؟؟ وين الغلط ، رسل اهلك زي م قلت لي !!
مجتبى : يا زولة غيرت راي ! طالما شايفني غلط و قريبتك دي صح ، خليها تنفعك .. يلا سلام !
رزة : دا كلام شنو اسي ؟
وصال : دا زول عيان والله راسو دا م تمام … واضح شديد انه بيتلكك و يتهرب !
رزة " ب صدمة " : قفل الخط !
وصال : دا المتوقع - البخش ليك بالتلفون دا ما بخش ليك بالباب اللقى منك بي بلاش م حيتعب عشان يوصل ليكي ، المجان و الرخيص زيووو مافي .. عيب لمن تكون امك زينب و انتي تعملي كدا في حقها .. الموضوع دا حنساه و ياريت يكون ليك درس و تمسحي البرنامج الزفت دا !!
قدامك ساعه وحدة بس شوفي حتعملي فيها شنو و رجعي لي التلفون …في ضيفة قاعدة تحت ، امشي اقعدي معاها و شوفي سلمى اقعدو معاها لحد م اجي  " مشت على الدولاب و خلتني واقفه في صدمتي "

وصال بتقول :
شلت ملابسي و دخلت الحمام ! فتحت الدش و بقيت واقفه تحتو و مغمضه عيوني لعل و عسى افوق و ناري تبرد ! القاها من وين و لا من وين ! لقيت نفسي قدام مسؤلية في رقبتي انا ما عارفه اتصرف معاها التصرف الصح و كل الحصل مني ردود افعال -
غياب قصي كاسرني و محسسني بالنقص ، لدرجة اني م قادرة اعيش يومي عادي ، بس للاسف مرفوض اضعف .. مرفوض
كل شي واجعني و كاسرني اسي مطلوب مني اقيف قدامو صامدة و قوية … كمية حاجات شاغله عقلي اااه يا ربي ..  ولا النزر !!
حعمل شنو ياربي !؟؟

#في_الصالة

زينب : تعالي يا حنين اقعدي جمبي ، وصال وين لسه ما انتهت يا سلمى ما تشوفي اختك دي المغرب اذن !
حنين : دا بلح بي شنو ؟
امال " مدت ليها الصحن " : محمص بي سمن و سمسم ضوقي حيعجبك ، حللي صيامك يا زينب ديل ما صايمين مدي يدك ساي حارسه شنو انتي م تنتظري  !
زينب " اتناولت منها البلح " : ، اللهم اني بقدرتك صمت و بك آمنت و على رزقك أفطرت .. بسم الله الرحمن الرحيم !
سلمى : حسستوني بي رمضان !ربنا يتقبل
حنين : ربنا يقبل ان شاءالله ! خلاص رمضان م فضل ليهو حاجة اااه مع الجامعه والشمس صعب شديد هههه حمدلله بس !
سلمى : وااي ما تذكريني بس ههه ما قلتي لي بتقري وين انتي ؟
حنين : انا في "M.F“
سلمى : واو حبيت ..
امال : يا انتو خلو الكلام الاكل برد ، يا سلمى اطلعي شوفي اختك دي !
وصال : جيت جيت م تكونو منتظرني بس !
زينب : انا اكلته غايتو.
وصال : ابوي وين ؟
امال : رجع المستشفى
حنين : الله البلح طعمو حلو شديد اممممم رهيب !
امال " بتخت ليها في الاكل قدامها " : اكلي اكلي دا كمان حيعجبك !
وصال : امي معليش اديني معلقه من جمبك !
امال : هاك " عاينت لي رزان الما جايبه خبر ليهم " رزان !!! يا بت
رزان " قامت ناطه " : اي اي !!
امال : اي اي شنو وين ؟ لا فاتحه خشمك للكلام و لا فاتحه للأكل ! عيانه ولا شنو ؟
زينب : هي مالها قاعده كدا موقفه ضهرك دا الف ! ما تقعدي عديل و اتكي في شنو يا بت ؟؟
رزان : ما جعانه اكلت قبل تجو ! قلت اقعد جمبكم ساي " قامت "
امال : يا بت تعالي اكلي ! اجي
زينب : انسيها لو جعانه بتجي تاكل - خليك من دا اسي موضوع موية رمضان دا كيف ؟
امال : م عارفه والله المشكلة ظروفهم م بتسمح الواحد يسأل زاتو !
وصال : جيبوها عادي كدا كدا حالتهم حالة م حيفضو يجهزو حاجة لي رمضان !
حنين " مبتسمة و تعاين ليهم مبسوطة "
وصال : حنونه انتي م غريبه انا حطلع غرفتي عندي كم حاجة
خلصي اكلك و تعالي لي فوق !
سلمى : وصال ! نسرين دي قبيل اتصلت قالت كانت عايزاكي بخصوص الفستان في حاجات كانت عايزة ترجع ليك فيها ، انا قلت ليها انك حترجعي ليها !
وصال " بعد قامت قعدت راجعه ، بي خنقة قالت " : الفستان !!! ااا همم اا طيب ارجعي اتصلي عليها اسي و قولي ليها ترسلو لي و م تعمل فيهو حاجة تاني !
زينب : دا كلام شنو يا وصال يا بتي !
وصال : عمتو حبيبتي ! الله يرضى عليكي .. انا كدا تمام خليهم بس يرسلو لي ! لو الله اراد انا بتمو براي ، و بعدين انتو ليه مخلين حاجات الدخان و الشملة و الحاجات دي لسه كدا ! خلاص لموهم بدل مجوطين بيها البيت كدا !
امال : وصال ! قصي ما مات بعد الشر ! الاكتئاب و الفيهو انتي دا بيكسرو زياده يا بتي !
وصال : اعمل شنو يا امي ؟ اقعد في الدخان عادي و اتم امور عرسي كأنه ما حاصل شي ولا قصدك شنو لانه أكيد دا ما قصدك ؟؟
زينب : امك م قالت كدا ، بس كل البنقصدو الانكسار الفيهو انتي دا م وقتو ! اتقوي و اسنديهو !
وصال : حاضر - انا حا اقوم .. سلمى بعد تخلصو جيبي حنين غرفتي

رِوايات سُودانية🪐🤎!)"

19 мая 2025 18:37

سهاد : من الجهل رمي اللوم على النفس او على غيرنا ، ربنا سخرك عشان يختهم في الاختبار دا ، انت ماليك ذنب ، بس هي من زعلها اكيد و موقفها صعب ، فا نحاول نعذرها و لا رايك شنو ؟
احمد : تسلم لي الواعيه الفاهمه ست البنات ! عشان كدا بحبك

سهاد : بمووووت فيك و في حِلتك زاتو !
احمد : اهااا حلتي لشنو اسي ، إتأدبي ! حبيني براي عشان ما اعضيك فاهمه ولا لا هههه
سهاد : ابيت ههههه و فك شعري ياخ
احمد : ابيتي مش هههه "و قام عليها بحاول يعضي فيها و بتزوغ ، و اصوات ضحكاتهم بترن حوليهم " !!

#الشارع

عثمان : يا مرة في شنو جايباني على ملا وشي لمن داير اخش لي في عمود كهرباء ! في شنو انتي جنيتي ؟؟
اسسسمعي قبل تفتحي خشمك دا كان تاني يا وداد قلتي لي امك و امك قسماً عظماً زعلي منك رجال قبايل م بحلنو !!

وداد : خلصتي هرجي !!!!
عثمان : خلصته ! جيبي العندك و ارح خلينا نخش جواا
وداد : لااااا خلينا قبلنا !
عثمان : في شنو يا وداد ! امرقي جوز كلامك الواقف ليك في حلقك دا !
وداد : انا دايراك تساعدني ! و بدون كلام كتير و لف و دوران البراء دا غير مرة ما ليهو هداية !
عثمان : يعني شنو ؟
وداد : يعني نشوف لي وحدة و نعقد ليه ؟
عثمان : و بت الناس ذنبها شنو دايرة تحملينا ذنب ناقصين ذنوب احنا ؟
وداد : ما بالطريقه الفهمتها دي ! حنكون واضحين و نوريهم ولدنا فيهو و فيهو ! يقبلو و يرفضوا بعدين دي حقتهم ! و عشان كدا مالينا غير بنات البلد !
عثمان : اشمعنى ؟
وداد : بنات سترة
عثمان : لا دي خليها علي انا ! سلميني طرف الخيط و انتظري مني اشارة !
وداد : قلت كدي ؟؟
عثمان : ولدك يا الميمونة كمان انا بتكلم ساي ؟
وداد : عفيت منك
عثمان : ارح خشي
وداد : اقيف النسلم على آمال زمن منها !
عثمان : سمح " دخل خلاها "

وصال بتقول :

وصلنا جمب البيت ، نزلنا من العربية ، لاحظت لي جارتنا واقفه متبسمة و تعاين لينا لمن نزلنا و جات علينا ، سلمت علينا و خليتا مع امي و عمتي ، سُقتا حنين و دخلنا البيت ، فضلتها و استأذنت منها و جريت على غرفتي أول حاجة عشان اشيل لي غيار و اخش استحمى .. بس اتفاجأت ان باب غرفتي مُتاكااا و شفت رجول في سريري .. لذيت الباب و دخلت .. و لقيت نفسي بعد صرخته
ختيت يدي في خشمي و دخلت و قفلت باب الغرفة سرعه !!!

يتبع …

#استككانة🍊

#فاطمة_قسم_الله
#سحر_سمير

رِوايات سُودانية🪐🤎!)"

19 мая 2025 18:37

وصال " بي نظرة وجع " : كلامك كلو صح بس انت ما عارف العلي يا الهادي ! و فكرة ان يوم يعدي علي من غير قصي دي الله لا خت زول فيها، و احساس انه كان مرقد بين الحياة و الموت دي صعبه شديد !!
الهادي : صعبه علينا كلنا لكن أمر الله … ابوك قال جاي علينا ارجعي معاه !
وصال : اااي ان شاءالله و أمي و عمتي كمان في السكة بعد يجو نشوف البحصل !

" جاهم صوت "
السلام عليكم …

#في_جانب_تاني
( في بيت عثمان و وداد جيران ناس وصال ، في قعدة جبنة )

جاهم صوت كوراك : متلبسة كدا طايرة وين ؟؟ هااااه !! و بعدين دا شنو العاملاه في وشك دا ؟؟؟ " رفع يده داير يضربا "

وداد : نزل يدك يا البراء ! كم مرة قلت ليك يدك ما ترفعا على وحدة من اخواتك !! و بعدين ما ياهو ماشة المنظمة حتكون ماشة وين يعني ؟؟ انت لو زي الرجال المنك بي شهامتو يدور عربيتو دي وتودي اخواتك ديل و ترجعهم بدل شحططة المواصلات ، بدل شغال تنهر فيهم في الرايحة و الجاية !!!

براء : امي ! ما تدخلي بينا !
وداد : ( دفرتوووو و لذتو لي جوا جهة الصالون ) شايف الحريم معاي م بتختشي جاي قاطع في نصهم لا و كمان بتوريهم قلة ادبك !!! خش غادي يا براااء …
براء ( عاين ليها بزعل و دخل رقد في الصالون )

__ اسمعي كلامي دا يا وداد يا اختي
وداد : معليش اعفو لي .. بيان امشي مشيك امرقي بي باب ورا ، و خلي بالك من نفسك ..
بيان ( بترجف ) : مامشة .." دخلت جوا بي ضيق "
وداد : معليش ي مريم تمي كلامك ..
__ ولدك دا حلو العرس يا اختي ، حيتعلم المسؤلية غصباً عنه !
** اجي هو امه و ابوه ماقدرو عليه ! حتقدر عليه بت الناس !
وداد : هي وينا زاتا البت البتقبل بيه ! حرام زاتو علينا نرمي عليها بلوة زي دا !
__ صدقوني دا الحل الوحيد ، المرة بتهدي الراجل ! امشي على البلد شوفي البنوت هناك راقدات و كلهن دايرات السُترة ، عزلي ليه و وريهم انه ولدك صعب شويه و افتحي ليهم اضانهم عشان دا حق الله برضو ، و شوفي وحدة و اعقدو ليه !
وداد : قلتي كدي ؟
__ اااي .. جربي
وداد " شالت فنجال الجبنه و اخدت رشفه بي رفعة حاجب و سرحة و تتكلم بي قلبها "

#في_جانب_تاني
" كان فاتح لابتوبو و سرحان .. لحد م قام مفزوع بي صوت بيقول ليهو "

مصطفى ..مصطفى …..
مصطفى " قام ناطي " : اي ايوا ي سلاف !
سلافة : وينك ؟ من قبيل بتكلم معاك م بترد جيت اشوفك !
مصطفى : اي عندي شغل سرحته فيهو !
سلافة " مدت ليه صحن صغير فيهو شمام " : حاصل عليك شنو ؟
مصطفى : ما حاصل شي ! كيفك انتي مع ضغط العيادة ؟
سلافة : الحمدلله ، بالنسبه ليك مش مفروض تسافر بعد دا ولا كيف ؟
مصطفى : اي مفروض ، لكن انتي زهجتي مني ولا شنو ؟؟
سلافة : بطل عوارة اكيد ما كدا ، انت اخوي الوحيد بطل كلامك البايخ دا !! اسمعني جيب اخرك و وريني راسك دا فيهو شنو ؟

مصطفى : فيهو زولة ما قادر اشيلها من بالي ! صابر بس لحد ما اشوف الاخر و بعدها حا اسافر أن شاءالله ، و ما تسأليني هي منو !
سلافة : طيب م حسألك بس طالما عندك زوله خلينا نمشي ليهم انا و امي و نطلبا ليك عديل ، ليه تقعد تغلغل في روحك ؟؟
مصطفى : حيحصل ان شاءالله بس عايز اضمن انها م تقابل مشاعري بالرفض …
سلافه : لالا ان شاءالله ، راجل و الكمال لله ما ناقصك شي ، م بتترفض م فيك كلمة يا اخوي والله ..
مصطفى : طيب انتي جاية من وين كنتي ؟
سلافة : من #سهاد - مطولة منها بس مشيت خبطت الباب و ما لقيتا ….

#المسشفى

لمة أهل و جوطة زي الفي مناسبه سعيدة !
و الدور أتملا بي ابوي بي علبة الحلاوة في يدو يوزع للناس كلها و عم محمد و الهادي و مروة و اهل مروة و حنين و أمي و عمتو زينب و …….

الهادي ( اتلفت ) : اووه احمد و عليكم السلام !!
وصال " رفعت راسي " : و عليكم السلام
حنين : و عليكم السلام
احمد : كيفكم ! طمنوني ، مع ان لمة الاهل بي فرحتهم دي حاجة مُبشرة شديد . فرحوني عليكم الله !!
وصال " زحت نظرها منهم و رجعت سهمت بعيد عنهم "
حنين " عاينت للكانت واقفة جمب احمد " : انتي اختو ؟
__ لا انا زوجته ! و .. كفارة و الف سلامة عليه .. يا وصال !!
وصال " رفعت راسها و قالت " : هاه !!!
__ كفارة و سلامتو ربنا يتمم عافيتو على خير
حنين " منقذة الوضع هي و الهادي " : الله يسلمك الشر م يجيك
وصال : تسلمي

" ناداهم صوت زينب "
تعالو اتغدو تعالووو تعالو .. وصال قومي .. تعال يا ولدي " لي احمد " تعالي ي بتي …
حنين " تعالي - اتقدمت مع سهاد عليهم "
سهاد : انحنا اتغدينا قبل نجي عليكم ، لكن بمشي معاك اسلم عليهم
حنين : حبابك والله
سهاد :انتي اخت وصال ؟
حنين : م مشيتي بعيد ، بس انا اخت قصي و الهادي الصغيرة !
سهاد : ماشاءالله ! ربنا يحفظك

الهادي : ارح يا احمد .. قومي يا وصال ..
وصال : انا مادايرة كدا كدا حا امشي البيت حا اكل …
الهادي : احمد ارح !
احمد : اكل انت انا اكلت في البيت " عينو على وصال "
الهادي : حا امد يدي معاهم و اجيك ..
احمد : اخد راحتك بالعافيه عليكم ..

رِوايات سُودانية🪐🤎!)"

19 мая 2025 18:37

**انا كويس الحمدلله ديل كيف كويسات هاك هاك اتكلمي مع مرتي المستقبلية القلت ليكم عليها هي معانا في المكالمة دي
°°اجي ما سامعاها
__يا خالتي كيفك " كنت متوترة وبرجف حرفيا والكلام ياالله طلع مني بصوت صغييير بقى لي "
°°اهلا يا رزان اهلك شديدين وربنا يكتب سلامة خطيب وصال مجتبى كلمنا والله
__الله يسلمك يا خالتي الحمدلله كويسيين
**يا امي فلانات ديل وين جمبك
°°لالا مافي الا تضرب ليهم في تلفوناتهم
**خلاص بنضرب ليكم تاني وبخلي رزان تسجل رقمك وتتواصل معاكم اها ادعي لينا يا امي بس.
°°بدعي ليك كل صلاة صبح الله يعدل طريقك وتقع في بت الحلال راضية وعافية عنك يا مجتبى
**الله الله اصلا كان ما دعواتك دي ما بمشي لقدام
مع السلامة سلمي عليهم لبعدين
__مع السلامة يا خالتو ان شاءالله بتصل عليكم تاني
" بقفل الخط مني"
وبقوم من محلي وانا قلبي بعمل دق دق ويدي ديل تلج تلج بس واي واي دا شنو دا دا شنو الليلة الليلة "بتتبسم وتضحك" احييي
"بتتخلع مع الهزاز العاملاه لتلفونها وبتفتح طوالي"
الووو دا شنو العملتو دا ياود الليلة بقتلك لي هسي برجف
**عملت شنو اها لقيتي امي كيف شفتي صوتها حنين كيف احمدي ربك حا تقعي ليك في ناس طيبانين
__انت زاتك احمد ربك لاننا طيبين شديد
**عندي طلب بس خايف تصديني وتزعليني بعد فرحتي دي.
__اممم ال هو شنو؟!
**عاوز اتصل بيك مكالمة فيديو!!!

‌وعلى الخير والمحبة نلتقي ✎﹏﹏﹏﹏﹏﹏﹏﹏
#مندرين
#سحر_سمير
#فاطمة_قسم_الله

رِوايات سُودانية🪐🤎!)"

19 мая 2025 18:37

_ما شغلتي ولدك وانت ابوه
امك ما بتغلبك اتصرف رجعها البلد محل كانت قبل كدا مش عندها بيت وحق التمشي تقعد فيه تعبنا نحن من المشاكل الكل يوم دي.
*وياتو يوم مشاكل البيت دا انتهت من غير امي كانت في وبعدين تعالي هنا اجدعها في البلد لمنو ؟! زمان كانت بشدتها ومروتها لا محتاجة لذيد لا عبيد لكن هسي كبرت وماف زول معاها انتي بتقولي في شنو بس.
_انا العندي قلتو امك انت ملزم بيها تقعد تحرسها او تقسم قعادها بيني ونسوانك.
"جاهم صوت بقول"
شين وقوي عين " همء همء حركة بخشمها"
_شايف امك يا عثمان هدي قدامك بتجادع في الكلام كيف؟!
*يا وداد عليك الله انتي العاقلة والرزينة وهي مرا كبيرة ومخرفة كان جدعت كلام زي دا حا تزعلي زي بنات العشرين
"قر قر قر جاهم صوت ضحكة حاجة ميمونة وهي بتقول
مخير الله الله يكبر العقول
بيان : انتو لي هسي في الموضوع دا ما فترتي منو يا امي ارح ارح يا حبوبة نومي انتي المصحيك لحدي هسي شنو بس
" ماسكاها من يدها وماشة معاها خطوة خطوة بعكازتها وصوت طق طق على السراميك وصوت هدهدت ميمونة وهي بتغني"
النوم النوم بكريك بالدوم
النوم النوم دومتين حلوات
دومتين مرات في البحر عايمات
ماشات مقرات
"بصوت حنين بتواصل هدهدتها"
هودنة يا هودنة .. يا
"والدنيا بتبقى صاااانة الا من صوت المكيفات الشغالة.
بيان بتقول :
" حبوبة هي الحاجة الوحيدة الحلوة عندنا ومديه حياة وفرفشة للبيت دا بأغانيها لينا وحكاويها عن البلد واهلها عن الحيشان الواسعة ووقت القمرة نص الليل وعن العنقريب بتاعها
حبوبة هي الام والخالة والاخت الكبيرة واليد الحنينة ، هي الصوت الدافي البحسسك بالطمأنينة "
بعاين ليها وهي ماسكة "المحفضة " زي ما بتنطق اسمها وبتفتحها تطمن على قروشها وتقفلا تاني وتختها تحت مخدتها .
بعاين ليها لما اتدمدمت بتوبها ونامت حتى قفلت اللمبة ورقدته نمته
✎﹏﹏﹏﹏﹏﹏﹏﹏﹏﹏﹏﹏﹏﹏
مع إقتراب ريحة رمضان ال بدت تفوح في الأفق ..
ف اللهم بلغنا رمضان لا فاقدين ولا مفقودين
･ ｡ﾟ☆: *.☽ .* :☆ﾟ.
♥︎♥︎
#الطواريء
**وصال وصال اصحي يا وصال
"بتقوم مهجومة "
__بسم الله الرحمن الرحيم حنين من بتين انتي هنا
**من قبييل دا كلو نوم يا بتي قومي غسلي وشك جبت ليك الشاي
__تصدقي كنت صاحية بس اتكلته بالجمبة على الكرسي كدا وتاني ما حسيت بحاجة
**للدرجة دي انتي بتحبي قصي كدا يا وصال؟!
__ واكتر من روحي
**الله يديني واحد يحبني زي حبك دا ما دايرة احبو انا ولا بقدر على دا
__عارفة اول مرة شفت فيها قصي اننا كنا مزنوقين مع الإمتحانات وسامعة البنات ديل كلهم مهجومين بي اسم واحد اتردد علي كم مرة من كذا بنت
**حنين "بتضحك" ما قصدي اقاطعك ب الاسم اكيد قصي
__"مبتسمة" ياااهو زاااتو وما عارفة امكن غيرة او شميتو ساي فقلت ليهم كان ابيت وانوم واصحى في المكتبة وآكل المراجع دي اكل ما بمش للإسمو قصي دا يشرح لي او يدينا الشيتات وهو كان مميز كلنا عندنا حاجة بتميزنا بس محتاجين نكتشفها في روحنا بالثقة.
**اهاا تمي "منتبهة مع وصال"
__قامت ردت لي واحدة من دفعتنا متزكرة كلامها لي هسي قالت لي يا بت دا سنير معروف اصلا بشرح للطلبة وشاطر واول دفعتو وبتاع كيف تقولي كلامك دا على اي اساس وانتي لسه ما لاقيتيه اصلا ولا بس كونتي عنو فكرة كعبة كدا والسلام.
**وانتي رديتي عليها بشنو؟!
__صراحة كلامها كان منطقي بس امكن انا ما حبيت التهويل والتطبيل الكنت بسمعو منهم عنو وقررت احضر محاضرة الشرح وكان ما عجبني شرحو حا اطلع .
" مع كلامنا سمعنا صوت الهادي بنادي علينا وبأشر نجي عليه بسرعة"
انا وحنين هبينا من مكانا وبالي وقلبي مشغول بي قصي قلت ليه
__في شنو يا الهادي قصي كويس؟!!
** قولي الحمدلله يا وصال قولي الحمد والشكر لله رب العالمين
قصي فتح
" انا وحنين من فرحتنا بقينا حاضنين بعض وبنطط زي شفع الروضة لما الواحد امو تجي تسوقو"
__ الدكتور الدكتور وينو؟!
يا دكتور يا دكتور مؤمن
د.مؤمن : يا دكتورة حمدالله على سلامة قصي
وصال : الله يسلمك طمنا عليه يا دكتور كيف هو حاليا.
** حاليا فصلنا عنو اجهزة التنفس الصناعي وختيناه على اكسجين بس ، كمان علاماتو الحيوية ممتازة حتى استجاب معانا كويس بعد شرحنا ليه الحصل معاه في الحادث وقصي ماشاءالله زول واعي وفاهم ف اتقبل انو حا تكون في صعوبة في مشيه لان الجزء الاسفل اتأثر نتيجة الكسور الحصلت ليه زي ما قلت ليكم من قبل ومحتاج لعلاج طبيعي بياخد فترة طويلة امكن لي ستة شهور تستمر او اكتر وحا يستعين بكرسي متحرك او غيرو
وصال : اها اها تمام طيب حا يظل يعني في العناية المركزة لسه

رِوايات سُودانية🪐🤎!)"

19 мая 2025 18:37

وصال : معليش يا الهادي دا ما اعتراض لي كلامك لكن انا بقعد انتظر معاك معليش بس كدا بكون مرتاحة وانا قاعدة في المستشفى قريب لي قصي.
"عمتو زينب بتقرب وبتسوقني لي قدام وبصوت هامس"
تقعدي شنو بي ريحة دخانك دا والدنيا انصاص ليل والله ابوك يرجعني من الباب أمشي قدامي بدون كلام كتير
"وصال بتتكلم براحة"
يا عمتو انتي بتقولي في شنو كيف اخلي قصي في يوم زي دا وهو كان بين الموت والحيا وارجع بيتنا زي ما حاصل حاجة
انا كان عملته كدا معناها قصي ما بيعني لي حاجة يا عمتو حسي بي حبة والله ما بقدر ارجع معاك.
عمتي: انا ما قلت ليك امشي وخليه بس ما تبيتي وانتي كدا في فترة حبس ومدخنة تقعدي هنا براك ما صاح زاتو ، نرجع هسي والصباح ان شاءالله بدري بنجي تاني.
وصال : انا ما ماشة يا عمتي وبقعد هنا للصباح خليني بس
عمتي : عارفاك راسك قوي سمح اتصلي كلمي ابوك واستأذنيه اول وكان ما الحالة الفيها دي شبر ما بخليك وراي اعرفي كدا كويس
وصال: حاضر كنت حا اتصل بيه اي
"مسكت تلفونها واتقدمت للممر جهة الباب"
الهادي : ارح يا امي عشان تخشي تشوفي قصي وترجعي البيت معاهم..
حاج محمد : انا بسوقها نمشي سوا
"اتقدمو لي قدام "
"والهادي انتبه لي احمد مافي"
أحمد وينو؟!
" بتلفت يمين وشمال"
في اللحظة دي جا خاشي وصادف وصال بتتكلم في تلفونها "ما قال ليها اي حاجة واتقدم مشى"
الهادي : كنت بفتش فيك يا احمد افتكرتك مشيت البيت
احمد : مشيت جبت عربية قصي وجيت هاك المفتاح
الهادي : لالا خليها معاك حا تحتاج ليها وانت موترك اتكسر في الحادث ح تتحرك بشنو وبعدين خلاص ارجع بيتك مرتك براها ما معاها زول والوقت اتأخر شديد ..
احمد: اتصلت بيها وعارفة اني حا ابيت الليلة هنا
الهادي : يازول والله ما بتقعد كفاية انا ووصال بنطمنكم عليه ، حا تخلي بت الناس براها ما معاها زول ولا كيف يا احمد ، والله قصي ما يرضيه الكلام دا زاتو.
احمد : ما بمش ياالهادي قلت ليك وانا حاسي بالذنب وان الحصل لقصي كان بسببي لو ما اديتو الموتر ما كان دا كلو حصل. فخليني براحتي.
الهادي : انت مجنون ولا ولا بديت تهضرب ، الحصل دا قدر قدر ربنا كدا كدا كان حا يحصل بيك او بدونك ، فشنو بسببي وبتاع "جراه من يدو ودفرو لقدام " يلا يلا الصباح رباح ارجع تاني لكن والله العظيم تلاتة ما بخليك تبيت هنا كان شنو داك.
احمد : خير خير يا الهادي
"بس وقف في محلو وما مشى"

وصال بتقول :
بعد انتهيت من مكالمة ابوي وجيت سامعة بدون قصد كلام احمد والهادي الأخير...حسيت الدنيا لافة وما اكذب كنت عاوزة اهب فيه واطلع كل الغصة الجواي فيه بس بالغصب مسكت روحي لانو لا الزمان والمكان حاليا كانو مناسبين لاي تصرف ممكن يتحسب علي قدام الناس ويقلل من إحترامي الشايل إسم أبوي قبل إسمي وصال الطاهر.
قلت ليه:
معليش سمعت كلامكم بدون قصد مني
يا احمد بس كلام الهادي صاح وانا ما دايرة افرض عليك رأي بس ما تخلي سهاد براها وانت عارف الزمن دا بقى ما أمان وهي حتى لو قالت ليك اقعد بتكون خايفة وما حتغمض ليها عين للصباح انا عارفة. انت امشي بيتك هسي وارجع الصباح .
أحمد : ان شاءالله كلامك على العين والراس
"بقينا نتكلم انا والهادي واحمد ووقفت معانا حنين ومروة مع عمتو زينب لما فوزية ومحمد عمر جو الا ونلقى روحنا كلنا مشينا عليهم عشان نتطمن على قصي "
الهادي : اها يا امي شفتيه لقيتي كيف؟!
فوزية : الحمدلله رب العالمين اخوك كويس يا الهادي ادعو ليه
حنين : يعني كويس كويس يا خالتو
فوزية : الحمدلله الحمدلله كويس ادعو ليه كلكم.
حاج محمد : يلا يا جماعة نحن نمشي هسي وبنرجع الصباح ان شاءالله ، ياالهادي ما نوصيك
وصال : انا حا اقعد مع الهادي يا عمي الليلة
حاج محمد : كلمتي اهلك يا وصال
وصال : عارفين يا عمي وهم زاتهم قالو لي اقعدي مع قصي
فوزية : بت اصول من يومك يا وصال ربنا يعدي الايامات دي يارب
"بصوت سوا اللهم آميين يارب العالمين"
طلعته اتقدمته معاهم ووهمست لي عمتي حاسة خالتو فوزية زي داسة حاجة قلبي ما مطمن ياعمتو بتحاول تهون علينا .
عمتي : اتفائلي خير امكن صحي هو كويس يا وصال
وصال : ان شاءالله يارب
"بعد مشو جيت راجعة وحاسة في هدوء وصنه عجيبة لدرجة حسيت اني بردااانة وما قادرة اقيف حيلي ميتان الا واتزكر اني كنت صايمة ولا اتزكرت حتى بسبب خلعتي شربته ولا ما شربته "
"جاني صوت الهادي"
**جبت ليك شاي وبسكويت
"ابتسمت ليه"
__شكرا ياالهادي وانت وينو شاييك
**انا بطلع اشرب لي قهوة وبجي ما بتأخر
__كويس
"وانا بعاين للهادي لما اختفى من قدامي مسكته الكباية وبديت اشرب وانا نفسي اشوف قصي واطمن عليه
يااااه اليوم دا كان طويل لدرجة ما كان مفهوم ولا الحصل شنو ؟!

رِوايات سُودانية🪐🤎!)"

19 мая 2025 18:37

__طيب و نحن؟
**مالنا نحن زي الحلاوة امورنا ماشة تمام
__بس انا زي ما قلت ليك عاوز اخد خطوة جادة وكل كلمة قلتها ليك جادي فيها شديد يا بت الناس.
**طيب كلامك دا يعني شنو هسي؟!
__يعني اني كلمت اهلي عنك وهم دايرين يتعرفو بيكم
**انت انت جااااادي ؟!! دا شنو العملتو دا ؟!!
__ايوة جادي زي ما قلت ليك انا ما زول بتاع ونسات ودردشات وتقضية وقت الا اذا انتي من النوع دا!!!
**طبعا لا ولا ما كان رسلت ليك رقمي اصلا بس انت مستعجل لزوم شنو ؟ ونحن لسه ما اتعرفنا كويس على بعض ولا اتفقنا اصلا كيف نوصل اننا اتلاقينا واتعرفنا على بعض.
__دا كلو ما تشيلي همو انا اتكلمت مع هند اختي كمان هي في عمرك كدا وبتقرا في جامعة الاحفاد طب وفهمتها انها حا تقول انك صاحبتها بتعرفك من الثانوي وما تخافي هند دي فردتي وصاحبتي شديد حا تحبيها انا متأكد. حتى قلت ليها تجيك الجامعة وتتلاقو وتتعرفو كويس.
**خوفتني من هسي بكلامك دا
__البخوفك شنو ؟! وعشان تعرفيهم اول ان شاءالله حا اتصل مكالمة جماعية اخليك تتكلمي مع امي واخواتي عندي غير هند واحدة تانية اسمها هيام واخ اسمو علي بس دا شغال في كوستي ما قاعد معاهم في البيت وهيام دي اتخرجت قريب وشغالة.
"هوووف اخدت زفرة كدا"
**انا قلبي جد جد بقى يدق ما قايلاك جادي للدرجة دي
__جادي وعاوز نتعرف ونحن واثقين من بعض وتاني كل شي في وقتو حلو تمام كدا يا ستي.
**سمح بس حاليا دا ما وقتو زي ما قلت ليك موضوع بت خالي يعني ما مناسبة افتح الموضوع مع ماما ومعاهم خليه شوية لما الامور تروق وتهدا.
__ما عندي مشكلة بس ح تتعرفي على اهلي في الوقت الراهن اتفقنا.
**اتفقنا
__طيب بحبك يا مرتي
"سكتت بتضحك"
__اها ما حا تقوليها لي
**امممم
__انا راجلك بعد كدا اها منتظرك فرحيني حبة ما تبقي بمشاعرك بخيلة
"يدها بقت عرقانة باردة دقات قلبها حاسة بيها، متوترة وخايفة وهي ماسكة التلفون غمضت عيونا قوي"
**بـ
"لكلكة الباب كلك كلك"
"بفتح "
"عينها عليه "

وقفلت الخط...

‌على الخير والمحبة نلتقي ✎﹏﹏﹏﹏﹏﹏﹏
#مندرين
#سحر_سمير
#فاطمة_قسم_الله

رِوايات سُودانية🪐🤎!)"

19 мая 2025 18:37

خالتو فوزية: خلي مروة تتكلم معاها يا الهادي انا ما قادرة ياولدي الا اشوف قصي قدامي كويس "بتبكي "
مروة : راقدة في كتفها وبتمسح على ضهرها "
ان شاءالله يا خالتو ما يكون فيه الا الخير يطلع ونشوفو ونطمن عليه سليمة بإذن الله ادعي انتي أمو دعواتك مجابة..
"ماسكة سبحتها وبتسبح "
فوزية : كلمت ابوك يا الهادي
الهادي : اي يا امي بغشى حنين قال جايين
"مروة بتعاين للهادي"
اقعد جمب خالتي
" وشالت منو التلفون اتقدمت لي قدام شوية "

#عند_وصال
#اتصال_من_الهادي ...
"بترد بسرعة"
__الوو الهادي انتو وين لينا ساعة جمب باب بيتكم دقينا ماف زول انتو كويسيين قصي...
** وصال وصال انا مروة اهدي بس كدا
__مروة في شنو انتو ين وماف زول برد علي من تلفونو وين قصي "صوت بكى" قصي كويس
الوو مروة قولي حاجة
"مروة بتبكي"
"سامعة صوت جوطة كلام"
وصال : انا ما قلت ليك يا عمتو قلبي ما مطمن قلت ليك قلت ليك
"جيبي التلفون"
عمتو زينب : الو مروة ان شاءالله خير يابتي
** يا خالتو قصي دا عمل حادث وحاليا نحن في الطواريء كلنا منتظرين الدكاترة يطلعو منو..
عمتو: لا حول ولا قوة الا بالله
وصال : في شنو يا عمتو في شنو قصي حاصل ليه شنو ؟!
"صوت بكى وصال عالي"
قالت قصي عمل حادث وهم هسي عندو ف المستشفى
كدي اخدي نفس وقولي الحمدلله هو كويس ما تخافي
كدي عايني لي
وصال انتي مش مؤمنة وعندك ثقة ب رب العالمين وكل شي مكتوب انتي عارفة كدا
__"بصوت تقيل " اتحركي يا عمتو على المستشفى انا ما قادرة اتحمل والله العظيم ..
لا اله الا الله محمد رسول الله..
"العربية بتتحرك"
عمتو : افتحي الدرج دا طلعي المصحف اقري ليه وادعي ليه مسافة نصل عليه
"بيد بترجف ودموع جارية وشهقات وتمتمه استغفار بتطلع المصحف وبتفتح الصفحات ودموعها جارية بتنقط على اول صفحة وقفت اتفتحت ليها وهي بتقرى بصوت محشرج ومخنوق
"وَإِذَا سَأَلَكَ عِبَادِى عَنِى فَإِنِى قَرِيبٌ أُجِيبُ دَعْوَةَ الدَاعِ إِذَا دَعَانِ فَلْيَسْتَجِيبُواْ لِى وَلْيُؤْمِنُواْ بِى لَعَلَهُمْ يَرْشُدُونَ".
✎﹏﹏﹏﹏﹏﹏﹏﹏﹏﹏﹏﹏﹏﹏
#قسم_الطوارئ
" خطوات جري وصوت ابوها بنادي"
حنين انتظري يا حنين ما تجري اقيفي انا وراك انتظري
__الهادي "جاية عليه" قصي كويس وين هو والحصل شنو بابا ما وضح لي
"صوتو من وراها"
**دخلوه متين وقالوا شنو ماف دكتور طلع هنا
الهادي : لسه يا ابوي م...
"قطع كلامو لما شافو الدكتور، طالع وجاي عليه كلهم قامو بنفس واحد وعينهم بتترقب بقلق شديد"
**انا والدو طمنا يا دكتور وضع قصي كيف؟!
"كنا واقفين حوالين حاج محمد ومنتظرين كلمة تطمنا"
الدكتور : حاليا قيمنا حالة المريض ولما وصل كان فاقد الوعي ، كان محتاج لنقل دم واديناه كم درب بتاع محلول، ف حاليا وصلنا عليه اجهزة لمراقبة العلامات الحيوية الضغط وكدا وعملنا ليه موجات صوتية وصورة مقطعية للجمجمة واشعة للصدر والفخذ لانهم فيهم نزيف
"كان في انتباه شديد والدكتور بتكلم وفوزية غلبها تقيف مروة والهادي مسكوها سندوها قعدوها "
أحمد : طيب يا دكتور في كسور يعني قصدك؟ !
الدكتور : ايوة للأسف في كسر مركب في الفخذ الايسر ، و كسور في الصدر في الاضلاع التالت والرابع والخامس بالجهة اليمين واليسار وفي تهشم كامل في الفقرة الصدرية رقم اتناشر والفقرات القطنية رقم واحد واتنين ، وبناء على كل الفات ده لازم انو يخش عملية طارئة حاليا وبتاخد حوالي 6 ساعات.
حنين : لالا اخوي "بتبكي"
فوزية : "بتبكي بصوت عالي لا اله الا الله يارب ياكريم"
مروة : خالتي ان شاءالله سليمة خلينا نقوم نمشي المصلى ونصلي المغرب ونقرا قران قصي محتاج لينا حاليا كلنا ندعي ليه.
الدكتور : قولو الحمدلله انو وصل عايش لانو حوادث المواتر دي خطرة جدا ..
انا بستأذن واذا والدو تتفضل معاي تخلص الاجراءات دي
الهادي : مروة خلي بالك من امي انا حا امشي مع ابوي
احمد : وانا كمان جاي معاكم
حنين : "اتقدمت " ربنا يكتب ليه الشفاء يا خالتو وما يشوف شر يارب
فوزية : ادعي ليه يا حنين ادعي لي اخوك
مروة : يلا يا خالتي قومي تعالي معاي نمشي المصلى "ماسكاها وبتتقدم خطوة خطوة لما اخدو اول لفة على يدهم اليمين"
حنين بتقول :
اتقوقعته في اقرب كرسي وانا بعاين حوالي بتوتر وما بعرف اي زول كل الكانو قاعدين ملامحهم ما بتطمن كل زول مترقب المريض الجوه بقلق .. الماسك سبحة ، والماسكة مصحف ، البتبكي بدموعها ، والبتتكلم بالتلفون ماشي وجاي ...
بقيت منتظرة والله ما يخت حد في لحظة إنتظار...
بعاين لتلفوني نص ساعة من جيت هبيت واقفة ومتقدمة لقدام
في بت جارية علي عاينت في وشها كانت مخلوعة وبتبكي مرت بي جمبي ...
"اكيد وصلها خبر زول عزيز عليها تعبان ربنا يديها القوة ويكتب سلامتو يشفيه ويعافيه ليها"

رِوايات سُودانية🪐🤎!)"

19 мая 2025 18:37

#مندرين7

#التقاطع
الساعة 4:18 دقيقة عصر
أحمد بقول :

قريب من التقاطع لما شفتو ماخد حريتو بقى وذايد من السرعة كنت عارفو مبسوط لحظتها ذدت سرعتي وقربت منو وبكورك لي يهدي السرعة ف سمعت صوت تلفونو
قلت ليه تاني
(ما ترد هدي شوية )
عاين لي بإبتسامة وضغط بنزين وطار من قدامي كأنو بقول لي شوف وإتعلم يا صاحبي...
ما تم لحظات من كلامو الا و
"صوت رجة "
وانا شايف الموتر طار "ولستكو طار فوق وبقع وبطير تاني لقدام " وهناك قصي إتنفض منو واتصدم بالارض واتدردق لمسافة ما قريبة. .
اصوات البوري "تيييت تيييت والجوطة همهمات على كلام"
انا نزلته كيف وجريت كيف ووين ما حاسي بروحي غير بكورك بقول لا اله الا الله في شنو ما عارف
مخلوع
مهجوم
ايوة مخلوع شديد
وخاتي يدي الإتنين في راسي بكورك قصي يا قصي
شايف الناس دي بدت توقف عرباتها والكان ماشي ببره الشارع وجارية على الزول المجدوع هناك بدون حركة..
برجف قعدته ختيت يدي في راسي وقمته تاني
ما قادر اجري حاسي بتقلة ما عادية في رجولي وراسي لافي لافي وزنننن في أضاني وانا شفت تفاصيل كل الحصل قدامي في كسر من الثانية ..
كنت كلي برجف وما مستوعب الحصل من لحظة بس
لحظة بس وانا كنت قصادو وهو كان معاي مبسوط وبضحك ..
"يارب يارب"
سامع جوطة الناس بتذيد ومتلمية شايف الوشوش دي دافرة قدامي وكل زول بقول كلام
‌لا حول ولا قوة الا بالله "تصفيق باليد"
‌ياجماعة ماف زول يهبشو احتمال في كسور
‌زحو زحو يا جماعة ادوه النفس بالطريقة دي بتخنقوه
‌اتصلو بالاسعاف
‌لالا نشيلو اقرب مستشفى احسن
‌المعاه منو
‌وين حاجاتو يا جماعة لملموها ليه
‌الزول دا شكلو مات ما قاعد يتنفس

مع الكلمة دي انا حيلي اتهدا بقيت بكورك بطول حسي
زحو زحو وبدافر من طرف بزح فيهم
دا اخوي دا اخوي
واحد بكورك
‌يا جماعة ماف زول يهبشو انا اتصلت بالاسعاف اتصلت بالإسعاف
ما عدا زمن الا ونين صوت الإسعاف بدوي وبقرب بصوت عالي شديد بطريقة اقل ما اوصفها مخيفة وكل ما ليه يقرب بحس بالغصة والاه وكتمت النفس في موقف ما قادر اوصفو الا وانو مهول ومخيف شديد...
وانا بارك جمبو شايف صاحبي واخوي بموت قدامي وما قادر اسوي ليه حاجة..
كلها تمتمات حوالي سامعها و صوت واحدة وهي بتقول:
‌سترك يارب يا خفي الألطاف نجينا مما نخاف اللهم استرنا
لطفك يارب اللهم الطف عليه.

" دا كلو وانا لسه كنت تايه وما مستوعب اي شي كل الشايفو ان قصي بينزف والدم نازل منو مغطيه بلا حركة ..
والمسعفين نازلين فيه
واحد منهم بينادي معاه منو الزول دا في زول بعرفو؟!
__انا انا انا اخوه
"بعاين لي وهم شغالين اسعاف فيه"
واحد بفحص يشوفو حي او ميت من خلال كلامهم وبرفعوه على النقالة بطريقة معينة وعلى سيارة الاسعاف وانا دخلت معاه
ولساني ما وقف من لا حول ولا قوة الا بالله العلي العظيم "وعيني فيهو اطمنته حبة وقت عرفتو بتنفس وعايش"
بدو الاسعافات بتاعتهم يوقفو النزيف و يوصلو ليو اوكسجين و يوصلو ليه محاليل وريدية. .
واحد فيهم اتصل على اقرب مستشفى وبعدها الاسعاف اتحرك بأقصى سرعة ليه وصوت
"ويو ويو ويو بذيد وبذيد... "
✎﹏﹏﹏﹏﹏﹏﹏﹏﹏﹏﹏﹏﹏﹏
#وصال
لا اله الا الله لا اله الا الله محمد رسول الله
اللهم سلم لا اله الا الله
وااااي وااااي امي امي "بتكورك بصوت"
"بتطلع في الجونتات ورمتهم في الارض"
قصي قصي يا امي يا عمتو قصي ما كويس
الووو الووو قصي قصي الووو
"جدعت التلفون عمل ربب"
"زينب وامال لما سمعو صوتها بتكورك بالخلعة جو جاريين عليها مهجومين"
عمتو زينب: وصال بسم الله في شنو؟! "منططه عيونا وخاته يدها في صدرها"
امي: يابتي في شنو الحصل شنو في شنو يا وصال في شنو ابوك حصل لي حاجة ولا اخوك اتكلمي "منططه عيونا ومخلوعة بتعاين لي وصال"
"بتبكي وتقعد ف الممر محل واقفة خاته يدها في راسا بترفعو وتاني التلفون بقع مع رجفة وخلعة"
قامت تاني
"سلمى ورزان جو جاريات مخلوعات لما سمعو الجوطة والكواريك"
بصوت واحد : في شنو مالكم في شنو " سلمى بتعاين بخلعة وبدت تبكي"
"وصال جرت لقدام باب الغرفة وبترجع دايرة ترجع الصالة تاني"
بتكورك
مخلوعة
اللهم سلم يارب اللهم سلم...
"طق جاها كف ومع الكف دا قعدت في الارض وبقت تعزي تبكي"
بقينا كلنا مخلوعين مع عمتو زينب الضربت وصال كف وفي نفس الوقت ما مستوعبين حاجة ولا في شنو؟!
#وصال
بدت تبكي وتتهزه قصي قصي يا عمتو قصي عمل حادث انا سمعته صوت رجة وضربة قوية
دا حادث يا امي قصي ما كويس قصي عمل حادث
"بصوت واحد لا حول ولا قوة الا بالله لا حول ولا قوة الا بالله العلي العظيم"
امي : لا اله الا الله محمد رسول الله "خاته يدها في راسا "
سلمى : بقت تبكي بزيادة

رِوايات سُودانية🪐🤎!)"

19 мая 2025 11:18

او حي الصفا والمروة وغرب بنا

رِوايات سُودانية🪐🤎!)"

18 мая 2025 18:30

علاقة الأُستاذ طارق بإبنته تالين المفروض تُدرس في المناهج وتكون عِبرة للأباء والأجيال الجاية في إنك كيف تبني طفل وتخليهو في سن صغيرة يكون ذو فكر عالي وعقلية ناضجة جدًا بتعرف تتكلم وتعبر عن نفسها صح وبإريحية وتواجه العالم بكل ثبات وثقة..

أُمبارح لفتني لقاء ليهم في برنامج إسمو " بالمحبة" بيجي على شاكلة أسئلة مكتوبة وأي واحد بيسأل التاني، فقام بابا طارق سأل بتو وقال ليها:

حاجة ما عاجباك فيني ونفسك تغيريها !؟

فردت البت بلا تردد وقالت:
العصبية الكتيرة، عارفاك إنك بتعصب لأسباب، مرات بحسها هي طبع فيك ومرات بحسها ردة فعل..

هو رد ليها وإعتذر ليها إنو حيتمالك نفسو ويغير منها وهي تساعدو..
دي السلسلة المفقودة في أغلب البيوت لإنو مافي ثقافة حوار البتخلي علاقة الأب بالإبن تكون كتاب مفتوح وتجي تقول لأبوك وتتناقش معاه وتنصحو وينصحك..

أغلب العلاقات بتكون قافلة جدًا ما فيها مساحة للتعبير والحوار وأتمنى لو كل الأباء إنو يركزو على جانب لما تدي الطفل الشجاعة من صغير إنو يعبر عن كل حاجة فأنت بتصنع منو شخصية شجاعة مستقبلًا والعكس.

رجع سألها تاني وقال ليها أنا ممكن أعمل شنو عشان أكون أب أفضل؟

ردت: عشان تكون أب أفضل إنت محتاج تتفرغ لي أكتر قصدي إنو يكون في وقت للكلام والنقاشات..
تحاول تبطل عصبية حتى لو ما قدرت أو عصبت بسبب ردة فعل مع بعض الناس حاول قُدر ما تقدر ما تكون عصبي معاي أنا بالذات..
أنا عارفة إنو ظروف البلد ممكن تكون أثرت فيك..
عشان أنا عندي حاجات كتيرة عايزة أحكيها ليك وكلام أنا داساهو منك عشان إنت أحيانًا بتكون حساس ومتضايق وأنا ما بحب أزيدها عليك.

_اللهجة الردت بيها ولغة الجسد خلتني أتأثر أكتر وأدمع ما عشان التأثير العاطفي عشان إنو البيت فعلًا بتبني بالمحبة وإنو القسوة الكتيرة بتنفر الأطفال والبيت بيكون باهت..
الأب الصح هو الأب المتزن البيعرف متين يكون أب ومتين يكون صاحب ومستمع جيد..
وأداني إلهام ودرس عشان إتعامل بيهو مستقبلاً مع أسرتي لو ربنا أداني عُمر

فرجع تاني وسألها بتنصحيني بشنو.؟!

ردت: صحي إنت بتقدر تشاركني وتقول لي كل حاجة لكن إذا في حاجات سبق وقلت ليك لو إنت متضايق أو حاسي بحاجة ما حلوة تعال أحكي وفضفض لي..

الجملة الشدتني وحركت فيني ساكن لما قالت ليهو:
إعتبرني أمك، أي إعتبرني أمك إنو أنا الشخص الإنت بتحس بالآمان لما تجي تتكلم معاه..

كلنا في حياتنا محتاجين شخص حنون لطيف مستمع جيد لما نجي نتكلم معاه ونحكي ليه كل حاجة حاصلة معانا..
فتبارك الرحمن كنت بسأل نفسي كيف إنو طفلة في سن 7 أو 9 سنوات بتجاوب بالإريحية والشفافية والوضوح دا..

فهنا إتأكدت تمامًا من مقولة صاحبو أولادكم وخلوهم قراب شديد بالنسبة ليكم، ودي حاجة قد تكون مفقودة في الوقت الحالي..

وفي آخر المطاف بسبب طفلة إتعلمت مفاهيم كتيرة، أتمنى في يوم من الايام أكون أب ذي طارق دا عشان ربنا يرزقنا بكائن لطيف ذي تالين دي💚.

#محمد_ورق