#Рост_ҳикматлар

✅ Энг аччиқ ҳақиқат шуки, ҳатто ўта даражадаги бой инсонларнинг ҳам ўта даражадаги камбағал яқинлари бўлади..

✍️Чарльз Диккенс

❄️ Кунингиз хайрли бўлсин!

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️Европа банки Ўзбекистонда қуёш фотоэлектр станциясини қуриш учун қарийб 200 миллион доллар ажратади

Европа тикланиш ва тараққиёт банки Қашқадарё вилоятида қуввати 300 МВт бўлган янги қуёш фотоэлектр станциясини қуришини маълум қилди. Станция ва 75 МВт/соат қувватга эга аккумулятор омборини қуриш ва эксплуатация қилиш учун 195,5 миллион долларгача маблағ ажратилади.

Маълум бўлишича, мазкур станциянинг йиллик ишлаб чиқариш қуввати 664 ГВт/соатни ташкил этади, BESS энергия сақлаш тизимининг жорий этилиши эса энергия тизимининг ишончлилиги ва мослашувчанлигини оширади. ЕТТБнинг 141,6 миллион долларгача бўлган кредити ва 25 миллион долларгача бўлган кафолатидан иборат молиявий пакет қайта тикланадиган ва тоза энергия билан шуғулланувчи Masdar глобал компаниясига тўлиқ тегишли бўлган Nur Kashkadarya Solar PV FE LLC махсус лойиҳа компаниясига тақдим этилиши айтилган.

Лойиҳа 2030 йилгача 25 ГВт қувватга эга қуёш ва шамол энергияси манбаларини яратишни назарда тутувчи ЕТТБ томонидан қўллаб-қувватланадиган қайта тикланадиган энергия манбаларини ривожлантириш бўйича ҳукумат режасини амалга оширишга ёрдам бериши кутилмоқда.
Қуёш электр станцияси қурилиш ишлари якунланганидан сўнг йилига 664 ГВт/соат электр энергияси ишлаб чиқаради, бу миқдор 60 минг хонадонни электр энергияси билан таъминлайди ва йиллик CO2 эмиссиясини 400 минг тоннага камайтиради.

Кутилаётган лойиҳа 75 МВт/75 МВт соат қувватга эга батарея энергиясини сақлаш тизимини (BESS) жорий этиб, миллий электр тармоғининг барқарорлигига ҳисса қўшиши мумкин. BESS юқори талаб вақтида қўшимча энергия қувватларини тақдим этиш орқали тармоқнинг ишончлилиги ва мослашувчанлигини оширишга ёрдам беради.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️Ҳокимнинг уй-жой коммунал хўжалиги бўйича ўринбосари лавозимини жорий этиш таклиф қилинди

Бу таклиф президент Шавкат Мирзиёев кўп квартирали уй-жой фондини бошқариш тизимини такомиллаштириш ва аҳолига сифатли хизмат кўрсатишни таъминлашга қаратилган таклифлар тақдимоти билан танишганида билдирилди.

Шунингдек, 2026–2030-йилларда соҳадаги институционал ислоҳотларни давом эттириб, ҳокимликлар ҳузурида уй-жой коммунал соҳани назорат қилувчи ҳудудий инспекциялар ташкил этиш, уларнинг бюджетдан ташқари жамғармаларини шакллантириш ҳам таклиф қилинди.

Ўзбекистонда айни пайтда ҳокимларнинг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосарлари бор. Туман (шаҳар)лар ҳокимларининг бундай ўринбосарлари 2026 йил 1 январдан бошлаб бир вақтнинг ўзида ободонлаштириш бошқармалари бошлиғи ҳам ҳисобланади.

Президентнинг 2025 йил 26 декабрдаги қарори билан аҳолини коммунал хизматлар билан узлуксиз ва барқарор таъминлашда маҳаллий ҳокимликлар масъулиятини ошириш мақсад қилинган. Туман (шаҳар)лар ҳокимликлари аҳолини коммунал хизматлар (электр, табиий газ, ичимлик сув ва оқова сув таъминоти) билан узлуксиз ва барқарор таъминлашда юзага келган муаммолар (авариялар)ни тезкорлик билан бартараф этишга шахсан масъул ва жавобгар этиб белгиланган.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️Эрон ҳаво ҳудуди ёпилди

Эрондаги сиёсий вазият ортидан бугун мамлакатда ҳаво ҳудуди ёпилди. Шу сабабли бир қанча самолётлар учиб кетиш аэропортларига қайтгани хабар қилинмоқда.
Қайтган самолётлар орасида Uzbekistan Airways учоқлари ҳам бор.

Шунингдек, Fly One Asia, Jazeera Airways, Sam Air ва Fly Khiva авиакомпанияларининг рейслари ортга қайтишга мажбур бўлди.
Бу ҳақда Uzbekistan Airports матбуот хизмати хабар берди. Маълум қилинишича,
- Fly One Asia авиакомпаниясининг 7Q7742 рейси Мадина - Тошкент йўналиши бўйича;
- Fly One Asia авиакомпаниясининг Мадина - Фарғона йўналиши бўйича 7Q4442 рейси;
- Jazeera Airways авиакомпаниясининг Тошкент - Қувайт йўналиши бўйича J9650 рейси;
- Sam Air авиакомпаниясининг Самарқанд - Жидда йўналиши бўйича 9S3303 рейси;
- Fly Khiva авиакомпаниясининг Урганч - Мадина йўналиши бўйича 2U7911 рейси;
- Uzbekistan Airways авиакомпаниясининг Жидда - Тошкент йўналиши бўйича HY336 рейси ортга қайтган.

Эслатиб ўтамиз, дўкондорларнинг пулнинг қадрсизланиши ва юқори инфляцияга қарши иш ташлаши оқибатида Теҳронда 2025 йил декабрь ойи охиридан бери норозилик намойишлари давом этмоқда. Норасмий маълумотларга кўра, намойишларда камида 12 минг киши ҳалок бўлган.

Кеча Ўзбекистон ТИВ Эрондаги юртдошларимизни огоҳликка чақириб, зарур ҳолларда мурожаат қилиш учун алоқа рақамларини маълум қилган эди.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️Энди енгил саноат корхоналари ортиқча “яшил” электр энергиясини сотиши мумкин

Президентнинг 2026 йил 12 январда қабул қилинган фармонига мувофиқ, тўқимачилик ва тикув-трикотаж корхоналарини молиявий соғломлаштириш ҳамда инвестициявий жозибадорлигини ошириш бўйича қатор муҳим чора-тадбирлар белгиланди.

Хусусан, 2026 йил 1 январдан енгил саноат корхоналарида қуввати 5 МВтгача бўлган қайта тикланувчи энергия манбалари орқали ишлаб чиқарилган ва корхона эҳтиёжидан ортиқ бўлган электр энергиясини сотишга рухсат берилади.

Шунингдек, 2026–2028 йиллар давомида пахта тайёрлаш пунктлари учун мол-мулк ва ер солиқлари 50 фоизга камайтирилган ставкада ундирилади.

2026–2029 йилларда тижорат банклари балансидаги тўқимачилик ва тикув-трикотаж корхоналарининг мол-мулклари инвесторларга сотилганда қўшилган қиймат солиғидан озод этилади. Ушбу корхоналарни харид қилган инвесторларга ишлаб чиқариш фаолиятини 6 ой ичида тўлиқ тиклаш шарти билан 1 йил муддатга мол-мулк солиғи бўйича 50 фоизлик имтиёз берилади.

Бундан ташқари, корхоналарнинг иқтисодий ҳолатидан келиб чиқиб, улар “яшил”, “сариқ” ва “қизил” тоифаларга ажратилади ҳамда 2 миллион АҚШ долларигача кредитлар ажратиш, аввал олинган тижорат кредитлари муддатини 7 йилгача узайтириш имконияти яратилади.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

#Рост_ҳикматлар

✅ Хақиқат ҳар доим камтар ва жим!
Фақат ёлғоннинг овози баланд бўлади.

✍️Суқрот

❄️ Кунингиз хайрли бўлсин!

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

#Исталмаган_сўровнома

"2025 йилда халқ кўнглидан жой ололмаган вилоят ҳокими"

"Шнобель" танловининг "Халқ кўнглидан жой ололмаган вилоят ҳокими" номинацияси бўйича номзодларга овоз беринг.

Қайси вилоят ҳокими ушбу йўналиш бўйича "Шнобель — 2025" номинациясига муносиб?

Сўровнома қоидалари

Мурожаат ва эътирозлар учун: @rost24aloqa_bot

👉"Халқ кўнглидан жой ололмаган вилоят ҳокими"га овоз беринг 👈

Читать полностью…

⚡️Хавфсизлик камаридан фойдаланмаслик ҳуқуқига кимлар эга?

Соғлиқни сақлаш вазири хавфсизлик камаридан фойдаланиш мумкин бўлмаган касалликлар рўйхатини тасдиқловчи буйруқни имзолади.

Рўйхатда 20 та касалликлар номлари келтирилган бўлиб, энди фуқароларга "Йўл ҳаракати қоидаларини тасдиқлаш тўғрисида"ги ҳукумат қарорига кўра, Соғлиқни сақлаш вазирлиги томонидан белгиланган касалликлар ва ҳолатлар рўйхатига мос равишда, уларнинг мавжудлигини тасдиқловчи тиббий маълумотнома мавжуд бўлган тақдирда хавфсизлик камаридан фойдаланмасликка рухсат берилади.

Рўйхатга киритилган касалликлар ва ҳолатлар:
• ўмров ва тўш суягининг синиши;
• елка камарининг синиши;
• қовурғалар синиши;
• чап ўмров суяги синиши билан боғлиқ операциялар;
• чап ўмров сохта бўғимининг синиши;
• умуртқа поғонасининг компрессион синиши;
• ўпканинг сурункали обструктив касаллиги (IV босқич);
• бронхиал астма (IV босқич);
• ўпканинг интерститсиал зарарланиши (фиброз ва бошқалар);
• ўпканинг бир қисмини ёки ҳаммасини (чап ёки ўнг) олиб ташлаш - лобектомия, пневмонектомия;
• III босқич ва декомпенсация босқичидаги сурункали юрак етишмовчилиги;
• оғир юрак-қон томир касалликлари (ўтказилган инфарктлар, ишемия ва бошқалар);
• семизликнинг III даражаси (BMI ≥ 40);
• паст бўйлик (нанизм) - 150 см дан паст;
• қўл ёки елка ҳаракатини чекловчи неврологик касалликлар;
• кўкрак қафасидаги аллергик ёки дерматологик касалликларнинг оғир шакллари (экзема, псориаз);
• ўмров, тўш, елка, курак ва қовурға соҳаларида ички ва ташқи имплантларнинг мавжудлиги;
• кўкрак қафаси ёки қорин бўшлиғида ўтказилган очиқ операциялар;
• стома мавжудлиги (сунъий чиқиш);
• кўкрак қафасининг йирик ўсмалари.

Камардан фойдаланмаслик имконини берувчи тиббий маълумотнома 1 йил муддатга берилади. Ўпкасининг бир қисми ёки ҳаммаси олиб ташланган, шунингдек бўйи паст бўлган фуқароларга тиббий маълумотнома муддатсиз берилади.

Ўмров суяги, тўш суяги, елка камари, қовурғалар, чап ўмров суягининг сохта бўғими синганда, умуртқа поғонаси компрессион синганда ёки чап ўмров суяги синганлиги муносабати билан ўтказилган операцияда маълумотнома белгиланган муддатларга (2 ойга, 4 ойга, 6 ойга, 1 йилга) берилади.

Мазкур касалликлар мавжудлиги тўғрисидаги QR-кодли электрон тиббий маълумотнома "Электрон соғлиқни сақлаш" ахборот тизимида илова кўринишида расмийлаштирилади ва бемор бириктирилган бирламчи тиббий-санитария ёрдами ташкилоти ёки у даволанган тиббиёт ташкилоти томонидан берилади.

Электрон тиббий маълумотнома бирламчи тиббий-санитария ёрдами ташкилоти томонидан бемор даволанган нодавлат тиббиёт ташкилотининг тегишли хулосаси асосида берилиши мумкинлиги айтилган.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️Дональд Трамп устидан арз қилган Ўзбекистон фуқароси жаримага тортилди

Тошкент шаҳрида ғайриоддий ҳолат кузатилди. Жиноят ишлари бўйича Бектемир туман судида 102 қисқа рақамига қўнғироқ қилиб, АҚШнинг амалдаги президенти Дональд Трамп устидан ариза берган фуқарога нисбатан маъмурий иш кўриб чиқилди.

Иш материалларига кўра, фуқаро маст ҳолатда Тошкент шаҳар ИИББнинг 102 рақамига қўнғироқ қилиб, Дональд Трамп одам ўғирлаб кетганини ва у Оқ уйда яшашини айтиб, унга нисбатан ариза қабул қилишни талаб қилган.

Судда мазкур шахснинг ҳаракатлари махсус хизматларни асоссиз равишда чалғитиш ва жамоат тартибини бузиш сифатида баҳоланган.

Натижада у айбдор деб топилиб, БҲМнинг уч баравари — 1 миллион 236 минг сўм миқдорида жаримага тортилган.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️Жисмоний ва юридик шахслар учун мол-мулк солиқлари – ўзгаришлар қандай?

Ўзбекистон Солиқ қўмитаси республикада мол-мулк солиғини ҳисоблаш тартиби ва ставкалари ўзгарганини хабар қилди.
Солиқ қонунчилигига киритилган ўзгартиришлар 2025 йил 25 декабр куни президент Шавкат Мирзиёев томонидан тасдиқланган.

Мазкур ўзгаришлар 2026 йил учун солиқ ва бюджет сиёсатининг асосий йўналишларини белгилаб берувчи ҳамда жисмоний шахслар мол-мулк солиғининг янги ставкаларини жорий этувчи қонун орқали мустаҳкамланган.
Бу жисмоний шахслар учун мол-мулк солиғи ставкаларини оширилишини ва юридик шахслар учун солиқни ҳисоблаш базаси янгиланишини назарда тутади.

Юридик шахслар учун асосий солиқ ставкаси 1,5% миқдорида сақланиб қолган ҳолда, юридик шахслар мол-мулк солиғини ҳисоблашда 1 кв метр учун минимал қиймат оширилмоқда. Шу ставка бўйича юридик шахслар ёки якка тартибдаги тадбиркорларга ижарага берилган ва тадбиркорлик фаолиятида фойдаланилаётган кўчмас мулк ҳам солиққа тортилади.

Юридик шахслар мол-мулк солиғини ҳисоблашда 1 кв метр учун минимал қиймат
Тошкент шаҳрида — 3,53 млн сўмгача,
Нукус шаҳри ва вилоят марказларида — 2,35 млн сўмгача,
бошқа аҳоли пунктларида — 1,39 млн сўмгача оширилган.

Халқ депутатлари кенгашлари ушбу қийматларга нисбатан пасайтирувчи коэффициентларни қўллаш ҳуқуқини сақлаб қолади. 208 та туман ва шаҳар бўйича тасдиқланган ставкалар жадвали Ҳукумат порталида эълон қилинган.
Умумий фойдаланишдаги темир йўллар, магистрал қувурлар, алоқа ва электр узатиш линиялари учун солиқ ставкаси 0,65% дан 0,7% гача оширилиши кўзда тутилган. Мазкур ставка Вазирлар Маҳкамаси қарорларига асосан тугалланмаган ва консервация қилинган объектларга ҳам қўлланилади.
Юридик шахслар мол-мулк солиғи бўйича ҳисоботларни проактив (автоматик) тарзда шакллантириш тартиби жорий этилади. Солиқ органлари мавжуд маълумотлар ва солиқ тўловчи томонидан шахсий кабинет орқали киритилган ахборотлар асосида ҳисоботларни тузади. Солиқ тўловчига тузатиш киритиш учун беш кун муддат берилганидан сўнг ҳисобот қабул қилинган ҳисобланади.
Айтиш мумкинки, юридик шахслар учун мол-мулк ва ер солиғи бўйича имтиёзлар бериш шартлари кучайтирилмоқда. Имтиёзларни сақлаб қолиш учун компания сотилган товарлар ва хизматлардан олинган даромадни берилган имтиёзлар суммасидан юқори даражада таъминлаши, йил давомида ўртача камида уч нафар ходимга эга бўлиши ва уларнинг иш ҳақи меҳнатга ҳақ тўлашнинг энг кам миқдорининг икки бараваридан кам бўлмаслиги керак.
Солиқ қўмитаси вакили 2026 йил 1 январдан бошлаб солиқ органлари солиқ тўловчилар ўрнига олти турдаги солиқ бўйича ҳисоботларни автоматлаштирилган тарзда тайёрлашини маълум қилган.

Булар:
мол-мулк солиғи,
ер солиғи,
жисмоний шахслар даромад солиғи,
ижтимоий солиқ,
қўшилган қиймат солиғи
ва айланмадан олинадиган солиқлардир.

Маълум қилинишича, бу солиқ тўловчилар томонидан солиқ мажбуриятларини бажаришда қонунчилик талаблари бузилишининг олдини олишга имкон беради ва хатолар ҳамда ноаниқликлар сони камаяди. Шунингдек, ҳисоботларни ўз вақтида тақдим этмаганлик учун жарималар қўлланилишининг олди олинади.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️Пойтахтдаги Akay City мажмуасида ёнғин содир бўлди

Жорий йилнинг 14 январь кунига ўтар кечаси Тошкент шаҳрининг Мирзо Улуғбек туманида жойлашган кўп қаватли уйда, аниқроғи Akay City мажмуасида ёнғин содир бўлди.

Ижтимоий тармоқларда тарқалган видеоларда ёнғин кўп қаватли уйнинг юқори қаватларидаги хонадонлардан бирида чиққанини, шунингдек, воқеа жойига 5 та ёнғин-қутқарув экипажи етиб борганини кўриш мумкин.

Пойтахт ФВБ маълумотларига кўра, 13 январь куни соат 23:59 да Ниёзий кўчасида жойлашган кўп қаватли уйдаги хонадонлардан бирида ёнғин юз бергани ҳақида хабар келиб тушган. Шунга мувофиқ, ёнғин-қутқарув бўлинмалари соат 00:04 да воқеа жойига етиб борган ва соат 00:37 да ёнғин тўлиқ бартараф этилган.

Маълумотларга кўра, ҳодиса оқибатида тан жароҳати олганлар йўқ. Ёнғин келиб чиқиш сабаблари ҳозирча аниқланмоқда, дейилади хабарда.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️B2 cертификати йўқ ўқитувчиларга яна муҳлат берилди

Мактабгача ва мактаб таълими вазирлиги хорижий тил фанлари ўқитувчиларининг меҳнат фаолиятига доир хабарларга аниқлик киритди.

Вазирлик маълум қилишича, эндиликда умумтаълим мактабларида фаолият юритаётган хорижий тил ўқитувчилари учун камида B2 даражадаги миллий ёки унга тенглаштирилган халқаро тил сертификатига эга бўлиш лавозим малака талабларининг асосий шартларидан бири сифатида белгиланган.

Бу талаб Вазирлар Маҳкамасининг 2021 йил 19 майдаги қарорида белгиланган бўлиб, унинг амалга кириш муддати педагоглар ва жамоатчилик мурожаатлари асосида бир неча бор узайтирилган.

Вазирлик томонидан сертификат олиш учун ўқитувчиларга бепул онлайн ва офлайн тайёрлов машғулотлари ташкил этилгани хабарда эслатиб ўтилган.

Натижада 2025 йилнинг сентябрь–декабрь ойларида 5 минг нафардан ортиқ педагог сертификатга эга бўлди. Ҳозирга келиб эса 39 минг нафардан ортиқ хорижий тил ўқитувчилари тегишли сертификатларга эга, дейилади маълумотда.

Маълум қилинишича, сертификатга эга бўлмаган ўқитувчиларга 2026–2027 ўқув йили бошлангунига қадар имтиҳон топшириш ва ҳужжатни қўлга киритиш имконияти берилади. Шу билан бирга, тайёрлов курслари келгусида ҳам давом эттирилади.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️Энди Ўзбекистонда болага ота исмини фамилия сифатида фойдаланишга рухсат берилиши мумкин

Олий Мажлис Қонунчилик палатасининг 13 январдаги мажлисида депутатлар Оила кодексига шу ҳақда қўшимча киритиш кўзда тутилган қонун лойиҳасини биринчи ўқишда қабул қилди.

Мажлисда сўзга чиққан Адлия вазири ўринбосари Нуъмон Муҳаммадиев ота ёки она томонидан миллий анъаналарга кўра, ҳозирги кунда бобонинг исми бўйича фамилия бериб борилаётганини билдирди.

“Ҳозирги вақтда ота исмини болага фамилия сифатида бериш имкониятининг мавжуд эмаслиги қонунчилик ҳужжатларини турлича талқин қилинишига ҳамда фуқароларнинг ҳақли эътирозларига сабаб бўлмоқда. Масалан, болалар уйида улғайганлар ёки оталик ҳуқуқидан маҳрум қилинган шахсларнинг фарзандлари ўз болаларига оталик ҳуқуқидан маҳрум қилинган отанинг исмини фамилия сифатида беришни хоҳламаяпти”, деди Нуъмон Муҳаммадиев.

Унинг қайд этишича, бундай ҳолларда ҳар куни 10-15 нафар ота-она маълум муддатдан сўнг гувоҳнома олганда, фарзандларининг туғилганлиги ҳақидаги далолатномаларига ўзгартириш киритиш орқали ўзларининг фамилияларини, исмларини бериш ҳолатларини расмийлаштиряпти.

Халқаро тажриба
Адлия вазири ўринбосари халқаро тажриба ҳам ўрганилганини, Россияда, Қозоғистон, Қирғизистон ва Тожикистон ҳамда қўшни Туркманистонда ҳам боланинг фамилияси ота ёки бобонинг исми бўйича берилиши белгилаб қўйилганини билдирди.

Юқоридагиларга кўра, Оила кодексининг 69-моддасига отанинг исмини болага фамилия сифатида бериш бўйича қўшимчалар киритиш таклиф этилмоқда. Мазкур лойиҳа фуқароларга қўшимча қулайликлар яратиб, миллий ва диний анъаналарга мувофиқ уларнинг хоҳиш-истакларини рўёбга чиқаришига хизмат қилади.

Амалда қандай?
Амалдаги Оила кодексининг 69-моддасида боланинг фамилияси ота-онанинг фамилиясига қараб белгиланиши кўрсатилган.

Ота-она турли фамилияларда бўлганда ота-онанинг келишувига биноан, болага отасининг ёки онасининг фамилияси берилади.

Ота-онанинг хоҳишига кўра, болага ота ёки она томонидан миллий анъаналарга биноан, бобонинг исми бўйича фамилия берилиши мумкин. Ота-она ўртасида боланинг исми ва (ёки) фамилияси бўйича келишув бўлмаганда, келиб чиққан низо васийлик ва ҳомийлик органи томонидан ҳал этилади.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️Президент раислигида Хавфсизлик кенгашининг кенгайтирилган йиғилиши бўлиб ўтди

1 апрелдан бошлаб ҳарбийлар учун қатор ижтимоий-иқтисодий имтиёзлар жорий этилади — офицерларнинг кўп йиллик хизмати учун устама ҳақи 2 бараварга оширилади, контракт бўйича хизмат қилувчи ҳарбийлар ва сержантлар маоши 10 фоизга кўтарилади, ҳудудий мудофаа органларининг ҳарбий бўлмаган ходимлари иш ҳақи жорий йилда 20 фоизга, келгуси йилда эса қўшимча 50 фоизга оширилади. Шунингдек, 30 йилдан ортиқ хизмат стажига эга ҳарбийлар учун пенсия ҳисоблашда инобатга олинадиган пул таъминоти 75 фоиздан 100 фоизга етказилади.

Батафсил: https://rost24.uz/uz/news/2464

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

#Исталмаган_сўровнома

"2025 йилда халқ кўнглидан жой ололмаган вилоят ҳокими"

"Шнобель" танловининг "Халқ кўнглидан жой ололмаган вилоят ҳокими" номинацияси бўйича номзодларга овоз беринг.

Қайси вилоят ҳокими ушбу йўналиш бўйича "Шнобель — 2025" номинациясига муносиб?

Сўровнома қоидалари

Мурожаат ва эътирозлар учун: @rost24aloqa_bot

👉"Халқ кўнглидан жой ололмаган вилоят ҳокими"га овоз беринг 👈

Читать полностью…

⚡️Ўзбекистон ташқи қарзининг ортиши хавфми ёки зарурат?

Бугун йўллар, кўприклар, электр станциялари ва ижтимоий соҳаларни ривожлантириш учун олинаётган миллиардлаб доллар қарзлар эртанги тараққиётга хизмат қилаяптими ёки келажак авлод елкасига ортиқча юк бўлиб тушяптими?

👉 Ютубда кўриш: https://youtu.be/MA08bFbB6CA

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️“Янги банк” АЖнинг лицензияси бекор к,илинди

Ўзбекистон Республикаси Марказий банки Бошқарувининг 2026 йил 15 январдаги 1/1-сонли қарорига мувофиқ, “Янги банк” акциядорлик жамиятининг банк фаолиятини амалга ошириш ҳуқуқини берувчи лицензияси чақириб олинди.

Марказий банк томонидан қабул қилинган мазкур қарор банк фаолиятида аниқланган қатор камчиликларни бартараф этиш бўйича аввал кўрилган чора-тадбирлар етарли даражада самара бермагани билан изоҳланади. Хусусан, банкнинг устав капитали миқдори қонунчиликда белгиланган энг кам талаблар даражасига етказилмаган, шунингдек, банклар ва банк фаолияти тўғрисидаги қонун ҳужжатларида назарда тутилган айрим мажбурий талаблар бажарилмаган.

Шу муносабат билан, “Ўзбекистон Республикасининг Марказий банки тўғрисида”, “Банклар ва банк фаолияти тўғрисида” ҳамда “Банкларни санация қилиш ва тугатиш тўғрисида”ги қонунлар талабларига мувофиқ, “Янги банк” АЖ фаолиятини белгиланган тартибда тугатиш тўғрисида қарор қабул қилинди. Банкни тугатиш мақсадида махсус тугатиш комиссияси тайинланиб, унга банк фаолиятини тугатиш билан боғлиқ барча ташкилий ва ҳуқуқий жараёнларни амалга ошириш ваколатлари юклатилди.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

Жиззахда болалар учун сохта хайрия тўплаган фирибгар ушланди

Жиззах вилоятида болаларни даволаш учун хайрия йиғиш баҳонасида интернет орқали фирибгарлик қилган шахс қўлга олинди. Тезкор тадбирлар давомида 26 ёшли, Тошкент вилоятида яшовчи фуқаро аввал касал бўлиб, ҳозир соғайиб кетган болаларнинг суратларидан фойдаланиб, ўзини уларнинг ота-онаси сифатида таништиргани аниқланди.

У ижтимоий тармоқлар орқали хайрия эълонлари жойлаштириб, тушган маблағларни шахсий банк карталарига қабул қилган ва ўз эҳтиёжлари учун сарфлаган.

Ҳолат болалардан бирининг отаси мурожаатидан сўнг фош этилди. Гумонланувчига нисбатан Жиноят кодексининг 168-моддаси 3-қисми билан жиноят иши қўзғатилиб, тергов ишлари олиб борилмоқда.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

❗ Яллама қишлоғини ларзага солган дахшат

Жамиятда оддий саволдек туюладиган “Қачон уйланасан?” деган сўзлар баъзан инсон қалбида қай тарзда из қолдиришини тасаввур қилиш қийин.

Яллама қишлоғида юз берган қонли воқеа эса руҳий эътиборсизлик, босим ва сукутнинг қандай фожиали оқибатларга олиб келиши мумкинлигини очиқ кўрсатди.

👉 Ютубда кўриш: https://youtu.be/hvBOWthTM3Q

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️Аҳолини рўйхатга онлайн олиш бошланди
(Видеойўриқнома)

2026 йил 15 январь соат 00:00 дан Ўзбекистонда аҳоли ва қишлоқ хўжалигини рўйхатга олишнинг онлайн босқичи бошланди.

Аввало фуқаролар OneID тизимида идентификациядан ўтади, шундан сўнг census.stat.uz портали орқали онлайн рўйхатдан ўтишни амалга оширади. Бу жараён 17 кун давом этади ва хорижда бўлган ватандошларимиз учун ҳам мавжуд.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️АҚШ ўзбекистонликларга ҳам виза беришни тўхтатди

Аввалроқ, АҚШ Давлат департаменти давлат бюджетига юк бўлиши мумкин бўлган аризачиларга қарши кураш доирасида 75 мамлакат фуқароларига виза олиш учун аризаларни кўриб чиқишни тўхтатаётгани ҳақида хабар берилган эди. Маълум бўлишича, мазкур рўйхатга Ўзбекистон ҳам киритилган.

Тўлиқ рўйхат

Афғонистон, Албания, Жазоир, Антигуа ва Барбуда, Арманистон, Озарбайжон, Багама ороллари, Бангладеш, Барбадос, Беларусь, Белиз, Бутан, Босния ва Герсеговина, Бразилия, Мьянма (Бирма), Камбоджа, Камерун, Кабо-Верде, Колумбия, Кот-дъИвуар, Куба, Конго Демократик Республикаси, Доминика, Миср, Эритрея, Эфиопия, Фижи, Гамбия, Грузия, Гана, Гренада, Гватемала, Гвинея, Гаити, Эрон, Ироқ, Ямайка, Иордания, Қозоғистон, Косово, Қувайт, Қирғизистон, Лаос, Ливан, Либерия, Ливия, Шимолий Македония, Молдова, Мўғулистон, Черногория, Марокаш, Непал, Никарагуа, Нигерия, Покистон, Конго Республикаси, Россия, Руанда, Сент-Китс ва Невис, Сент-Люсия, Сент-Винсент ва Гренадинлар, Сенегал, Серра-Леоне, Сомали, Жанубий Судан, Судан, Сурия, Танзания, Тайланд, Того, Тунис, Уганда, Уругвай, Ўзбекистон ва Яман.

Аризаларни кўриб чиқиш 21 январдан бошлаб тўхтатилади. Қайд этилишича, вазирлик виза бериш тартибини қайта кўриб чиқаётган бир пайтда пауза “ноаниқ муддатга” давом этади.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

#Исталмаган_сўровнома

"2025 йилда халқ кўнглидан жой ололмаган вазир"

"Шнобель" танловининг "Халқ кўнглидан жой ололмаган вазир" номинацияси бўйича номзодларга овоз беринг.

Қайси вазир ушбу йўналиш бўйича "Шнобель — 2025" номинациясига муносиб?

Сўровнома қоидалари

Мурожаат ва эътирозлар учун: @rost24aloqa_bot

👉"Халқ кўнглидан жой ололмаган вазир"га овоз беринг 👈

Читать полностью…

⚡️Шифокор хатоси туфайли вафот этган марҳума юзасидан маълумот берилди

Самарқанд вилояти Пайариқ туманидаги шифохонада шифокорлар томонидан нотўғри укол қилиниши оқибатида ёш аёлнинг вафот этганлиги айтилган видеолар тарқалди.

Ижтимоий тармоқда кўпчиликнинг норозилиги ва шов-шувларга сабаб бўлган ушбу ҳолат юзасидан Бош прокуратура матбуот хизмати раҳбари Ҳаёт Шамсутдинов маълумот берган.

Маълум бўлишича, 2026 йилнинг 12 январь куни соат 17:00 атрофида Пайариқ туман ИИБ Навбатчилик қисмидан келиб тушган хабарга кўра, Пайариқ туманида яшовчи 1992 йилда туғилган К.З. Пайариқ туман Челак шаҳар 1-сон шифохонасига яқинлари ҳамроҳлигида олиб келинган ва бироз ўтиб, Челак шаҳар 1-сон шифохонаси қабул бўлимида аёлнинг вафот этганлиги қайд этилган.

К.З. шу йил бошидан буён Челак шаҳридаги "Отамуродова Хадича Турсуновна" МЧЖ акушер-гинекологи Х.О.дан бачадон бўйи эрозиясини музлатиш амалиёти бўйича муолажалар олиб келган. Шу йилнинг 12 январь куни аёл тумандаги Челак шаҳар 1-сон шифохонасига олиб келинган ва бу ерда қилинган уколдан сўнг вафот этган.

Ҳодиса жойига туман прокуратураси катта терговчиси С.Раббимов, туман ИИБ ЭКГ мутахассиси О.Оламгиров, туман СТЭ эксперти А.Абдурахмонов ва бошқа тезкор тергов гуруҳи аъзолари чиқишган.

Марҳума К.З.нинг ўлими сабабларини аниқлаш юзасидан суд тиббий экспертизаси тайинланган.
Ҳолат юзасидан туман прокуратураси томонидан терговга қадар текшириш ҳаракатлари олиб борилаётгани хабар қилинмоқда.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️ТИВ Эрондаги ўзбекистонликларни огоҳлантирди

Эрондаги ҳозирги сиёсий вазиятни ҳисобга олган ҳолда, Ўзбекистон Ташқи ишлар вазирлиги мамлакатда бўлиб турган юртдошларимизни огоҳликка чақирди. “Эронда бўлиб турган Ўзбекистон фуқароларидан митинг ва намойишларда иштирок этмасликни, одамлар кўп тўпланадиган жойлардан йироқ бўлишни ҳамда шахсий хавфсизлик чораларига қатъий риоя этишни сўраб қоламиз”, дейилади вазирлик хабарида.

14 январь куни Ўзбекистон ташқи ишлар вазири матбуот котиби Аҳрор Бурхонов Эронда юз берган норозилик намойишларида жабрланганлар орасида Ўзбекистон фуқаролари қайд этилмаганини билдирди.

Маълумки, 2025 йил декабрь ойи охиридан бери давом этаётган намойишлар Теҳронда дўкондорларнинг пулнинг қадрсизланиши ва юқори инфляцияга қарши иш ташлаши билан бошланган эди. Кейинчалик акциялар бошқа ҳудудларга ҳам тарқалиб, сиёсий тус олди. Эрон иқтисодиёти халқаро санкциялар сабаб жиддий босим остида қолмоқда. Эрон ҳукумати мамлакатда давом этаётган намойишларни қатъий куч билан бостиришга уринмоқда, ўлим ҳолатлари кўпайиб боряпти. 5 январь куни Эрон суд ҳокимияти раҳбари халқнинг намойиш ўтказиш ҳуқуқи бўлса-да, мамлакат «исёнчилар»га нисбатан ҳеч қандай шафқат кўрсатмаслигини билдирган эди.

Мамлакат сайтлари махфий манбалар ва гувоҳлар кўрсатмаларига, ўтказилган суриштирувига таяниб, намойишларда камида 12 минг киши ҳалок бўлганини хабар қилган.

Ўзбекистон ТИВ вакили Эрондаги Ўзбекистон элчихонаси маълумотларга таяниб, ушбу мамлакатдаги норозилик намойишларида жабрланганлар орасида Ўзбекистон фуқаролари йўқлигини маълум қилган. Шунингдек, Эрондаги вазият диққат билан кузатиб борилаётганини айтган.

Шунингдек, ТИВ зарур ҳолларда Ўзбекистоннинг Теҳрон шаҳридаги элчихонасига қуйидаги телефон рақамлари орқали мурожаат қилиш мумкинлигини маълум қилди:
+982122299780, +982122832025.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️14 январь – Ватан ҳимоячилари куни!

Ватанимиз ҳимояси ва ривожида ҳисса қўшаётган юртимиз ўғлонларига байрам муборак бўлсин!

Ўзбекистон армияси — Ўзбекистон Республикаси Қуролли Кучлари — мамлакатнинг суверенитети, ҳудудий яхлитлиги ва хавфсизлигини таъминлашга масъул асосий ҳарбий тузилма ҳисобланади.

-Ташкил топган сана: 1992 йил 14 январь
-Олий Бош Қўмондон: Ўзбекистон Республикаси Президенти
-Бошқарув органи: Мудофаа вазирлиги
Ўзбекистон армияси бир нечта асосий бўлинмалардан иборат:
-Қуруқликдаги қўшинлар;
-Ҳаво ҳужумидан мудофаа ва Ҳарбий-ҳаво кучлари;
-Махсус операциялар кучлари;
-Чегара қўшинлари (Давлат хавфсизлик хизмати таркибида);
-Миллий гвардия.
Фаол хизмат қилаётган ҳарбийлар: тахминан 50 000–65 000 киши;
Захира ва парамилитар кучлар билан бирга: қўшимча резерва ва чегара хизмати билан умумий салоҳият катталашади (резервда 130 000+, парамилитар 20 000);
Ўзбекистон аҳолиси хизматга яроқли катта инсон ресурсига эга — ҳар йили ~600 000–622 000 янги чақириладиган ёшлар тоифаси қўшимча ҳисобланади.
Техника ва қуроллар
Танклар: ~340–420 та
Зирҳли жанговар транспорт воситалари ва ИФВ: ~600+
Артиллерия ва реактив тизимлар: ~450+
Самолётлар (жанговар, ҳужум ва транспорт): ~45–60+
Вертолётлар (зарба ва транспорт): ~30+

Қадрли Ватан ҳимоячилари!

Rost24.uz сайти Сиз ва оила аъзоларингизни, яқинларингизни бутун халқимиз, Ватанимиз учун улкан аҳамиятга эга бўлган шарафли байрамингиз билан қутлайди! Сизларга сиҳат-саломатлик, оилавий бахт, олижаноб ва масъулиятли фаолиятингизда улкан ютуқлар тилаймиз.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

#Исталмаган_сўровнома

"2025 Йилнинг ўхшамаган “пиар”и"

"Шнобель" танловининг "2025 Йилнинг ўхшамаган “пиар”и" номинацияси бўйича номзодларга овоз беринг.

Қайси ўхшамаган қарор ва тадбир ушбу йўналиш бўйича "Шнобель — 2025" номинациясига муносиб?

Сўровнома қоидалари

Мурожаат ва эътирозлар учун: @rost24aloqa_bot

👉"2025 Йилнинг ўхшамаган “пиар”ига овоз беринг 👈

1. Алишер Қодиров: Газни уй иситиш ва овқат пиширишга ишлатган халқнинг косаси оқармайди

2. Статистика агентлиги: Кунига 22 300 сўм даромад топган шахс камбағал ҳисобланмайди

3. Жиззах вилоятида ҳокимлик вакиллари ҳовлисида картошка ва пиёз экаётганлар уйида рақсга тушиб концерт уюштирди

4. Қумқўрғон тумани ҳокими аҳоли тезак ёқмай қўйганидан норози бўлди

5. Зоир Мирзаев аёлларга саратон касаллигига қарши тандирда нон ёпишни маслаҳат берди

6. Андижонда ҳавони ифлосланишига қарши тандирлар оммавий бузиб ташланди

7. Ҳар ким ўз ҳудудида такси қилиши таклиф этилди

👉 ОВОЗ БЕРИШ 👈

Читать полностью…

#Рост_ҳикматлар

✅ Яратган сени сийламоқчи бўлганида қийин йўлга етаклайди. Чунки бахтга олиб борадиган осон йўллар йўқ.

✍Далай Лама

❄ Кунингиз хайрли бўлсин!

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Читать полностью…

⚡️АҚШ 100 мингдан ортиқ визани бекор қилди

АҚШ Давлат департаменти 2025 йил давомида 100 мингдан ортиқ хорижликларга берилган визаларни бекор қилган. Бу ҳолат АҚШда миграция сиёсати сезиларли даражада қатъийлашганини англатиши таъкидланмоқда. Шунингдек, бу қарор охирги йиллардаги энг йирик қарорлардан бири ҳисобланади.

Бу рақамлар 2024 йилда Жо Байден президентлик қилган маъмурият даврида бекор қилинган визалар сонидан икки баробар кўп. Бекор қилинган визалар орасида тахминан 8 мингта талаба визаси ҳам бор.
Шунингдек, жиноий фаолиятда гумон қилиниб, АҚШ ҳуқуқ-тартибот органлари томонидан сўроқ қилинган шахсларга берилган 2,5 мингга яқин махсус визалар бор.

Давлат департаменти бу чоралар мамлакат хавфсизлигини таъминлаш ва қонунбузарликларнинг олдини олишга қаратилганини билдирган.

Мазкур депортация чоралари Доналд Трампнинг миграция сиёсати доирасида амалга оширилмоқда. Унга кўра, 12 давлат фуқароларининг АҚШга кириши чекланган, яна етти давлат, жумладан Афғонистон, Гаити, Эрон ва Яман учун қўшимча талаблар жорий этилган.

Давлат департаменти 25 та давлат фуқаролари учун виза олишда 5 минг доллардан 15 минг долларгача пул гарови талабини киритган. Гаров маблағлари фақат АҚШ Молия вазирлиги тизими орқали қабул қилинади ва бу виза берилишини кафолатламайди. Чора асосан туризм ва ишбилармонлик визалари бўйича қолиш муддатлари тез-тез бузилган давлатларга нисбатан қўлланилмоқда. Гаров пули талаб қилинган давлатлар ичида Туркманистон, Қирғизистон ва Тожикистон ҳам бор.

Фуқароларига нисбатан гаров пули талаб қилиниши хабарига жавобан, Қирғизистонда АҚШ фуқаролари учун виза режимини жорий қилиш таклиф қилинган.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

⚡️Ўртача иш ҳақи – ҳаммада кўтарилса, бизда пасайганми?

2025 йил якунлари бўйича HeadHunter платформаси экспертларининг меҳнат бозоридаги ўртача  иш ҳақи кўрсаткичлари таҳлили эълон қилинди. Унга кўра, Қозоғистон ва Қирғизистон меҳнат бозоридаги медиан (ўртача) иш ҳақи кўрсаткичлари ошган, Ўзбекистонда эса, бу кўрсаткич сезиларли пасайган.

Таҳлилга кўра, Қозоғистонда 2025 йилда медиан иш ҳақи йиллик ҳисобда 8,6 фоизга ўсиб, 296,9 минг тенгега (тахминан $581,5) етган. Энг юқори даромадли йўналишлар қаторида менежмент, автомобиль бизнеси ҳамда маркетинг, реклама ва ПР соҳалари етакчилик қилган.

Шунингдек, спорт, фитнес ва гўзаллик индустрияси (373,7 минг тенге) ҳамда харидлар (329,6 минг тенге) йўналишлари ҳам етакчи ўринларни эгаллаган.

Шунингдек, Қирғизистонда ўртача иш ҳақи йил давомида 6 фоизга ошиб, 45,9 минг сомни (тахминан $525,1) ташкил этган. Бу ерда ҳам энг катта даромадлар менежмент соҳасига тўғри келади.

Мамлакатда юқори ва ўрта бўғин менежменти (68,6 минг сом), қишлоқ хўжалиги (63,2 минг сом), автомобиль бизнеси (61,5 минг сом), хомашё қазиб олиш саноати (59,1 минг сом) ва маркетинг, реклама ва ПР соҳаларида (54,1 минг сом) юқори даромадларга эришилган.

Ўзбекистонда эса, 2025 йилда ўртача иш ҳақи 5,3 миллион сўмни ташкил этиб, бу кўрсаткич 2024 йилдагига нисбатан 1,8 фоизга пасайган. Етакчи соҳалар қуйидагилар:
1. Автомобиль бизнеси — 7 млн сўм
2. Юқори ва ўрта бўғин менежменти — 6,4 млн сўм
3. Харидлар — 6,4 млн сўм
4. Фан ва таълим — 6,4 млн сўм
5. Маркетинг, реклама ва ПР — 6,4 млн сўм

Тўлов даражаси бўйича мамлакат пойтахтлари етакчи ўринларни эгаллаб турибди: Остонада медиан иш ҳақи — 327,9 минг тенге (тахминан $642,4), Бишкекда — қарийб 46,2 минг сом ($528,4), Тошкентда — қарийб 5,4 млн сўм ($446,2) ни ташкил этади.

Маълумот учун, қиёсий таҳлилда умумий бозор ва алоҳида иқтисодий тармоқлар қамраб олинган.

📱 ROST24.uz 📱Telegram 📱 Facebook
📱Instagram 📱 rost24official?si=otmDba5c_KW8ytF9">YouTube 📱 Tezkor

Читать полностью…

#Исталмаган_сўровнома

"2025 йилда халқ кўнглидан жой ололмаган вазир"

"Шнобель" танловининг "Халқ кўнглидан жой ололмаган вазир" номинацияси бўйича номзодларга овоз беринг.

Қайси вазир ушбу йўналиш бўйича "Шнобель — 2025" номинациясига муносиб?

Сўровнома қоидалари

Мурожаат ва эътирозлар учун: @rost24aloqa_bot

👉"Халқ кўнглидан жой ололмаган вазир"га овоз беринг 👈

Читать полностью…