Rost24 | Расмий канал

19 ноября 2024 11:33

⚡️ Ўзбекистон ҳукумати истеъфога чиқди

Ўзбекистон ҳукумати янги шаклланган парламент олдида ўз ваколатларини расман топширди. Бу жараён 27 октябр куни ўтказилган парламент сайловларига мувофиқ равишда амалга оширилди.

Конституциянинг 116-моддаси ва “Ўзбекистон Республикаси Вазирлар Маҳкамаси тўғрисида”ги қонуннинг 7-моддасига кўра, ҳукумат янги сайланган парламент олдида ўз ваколатларини соқит қилиши шарт.

Шу асосда, 19 ноябр куни Вазирлар Маҳкамасининг қарорига мувофиқ, амалдаги ҳукумат ўз ваколатларини зиммасидан соқит қилди.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

19 ноября 2024 09:20

⚡️ Танзила Норбоева яна Сенат раиси этиб сайланди

Олий Мажлис Сенатининг биринчи мажлисида Танзила Норбоева яна Сенат раиси бўлди. У илк бор 2019 йил июнь ойида ушбу лавозимга сайланган ва 2020 йилда ҳам қайта тасдиқланган.

Норбоева фаолияти давомида мактаб етакчиси сифатида иш бошлаган ва турли давлат органларида масъул лавозимларда фаолият юритган. Жумладан, 2010-2016 йилларда Ўзбекистон Касаба уюшмалари Федерацияси раиси, 2016 йилда эса Хотин-қизлар қўмитаси раиси ва Бош вазир ўринбосари бўлган.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

19 ноября 2024 05:48

⚡️ Миннатдорлик, манфаатдорлик, оддий ҳол ва қўрқув: Аҳоли коррупция ва у ҳақда хабар бериш борасида қандай фикрда?

Респондентларнинг 48,6 фоизи хабар бериш оқибатларидан қўрқишини, 25 фоизи хабар бериш бефойда эканини, ҳеч ким бунга эътибор бермаслигини билдирган. 14 фоиз киши пул ва совға беришни миннатдорлик белгиси сифатида кўради.

Батафсил: rost24.uz/uz/news/1999

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

18 ноября 2024 17:34

⚡️ 2025 йилда Ўзбекистоннинг давлат қарзи 45,1 миллиард долларга етиши мумкин

2024 йил 1 июль ҳолатига Ўзбекистон давлат қарзи 37 миллиард долларни ёки ялпи ички маҳсулотга нисбатан 33,2 фоизни ташкил қилган. Шундан давлат ташқи қарзи 30,9 миллиард доллар (ЯИМнинг 27,7 фоизига тенг), давлат ички қарзи 6,1 миллиард долларга (ЯИМга нисбатан 5,5 фоиз) етган.

Батафсил: rost24.uz/uz/news/1998

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

18 ноября 2024 15:07

⚡️ Бир жойда ишлаши мумкин бўлган қариндош ходимларнинг рўйхати эълон қилинди

Ўзбекистонда қариндошларнинг бир ишхонада ишлашини чеклаш тўғрисидаги қоидаларга ўзгартиришлар киритилиб, бир жойда ишлаши мумкин бўлган қариндош ходимларнинг рўйхати тасдиқланди.

Ушбу рўйхат 14 ноябрь куни "Ўзбекистон Республикасининг Меҳнат кодексини амалга оширишга оид норматив-ҳуқуқий ҳужжатларни тасдиқлаш тўғрисида"ги қабул қилинган ҳукумат қарорида эълон қилинди.

Эслатиб ўтамиз, Ўзбекистонда ўзаро қариндош бўлган айрим соҳа вакилларининг бир давлат ташкилотида фаолият юритиши тақиқланган.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

18 ноября 2024 11:57

⚡️ Вазирликлар қуйи бўғинда самарали иш ташкил эта олмаяпти

Энди аҳоли билан бевосита мулоқот қилиб, одамларни қийнаётган муаммоларни жойида ҳал этиш улар учун бош вазифа бўлиши керак, деди давлат раҳбари. Бундан буён ҳар бир раҳбар ва мутасадди фаолиятига айнан шу мезон асосида баҳо берилади.

БАТАФСИЛ: rost24.uz/uz/news/1997

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

18 ноября 2024 07:18

Исмоилов Нуриддин Мўйдинхонович Олий Мажлис Қонунчилик палатаси спикери лавозимига сайланди.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

17 ноября 2024 09:26

⚡️ ИИО ходимларига пора бермоқчи бўлганлар қўлга олинди

Фарғона вилояти Бешариқ туманида Ички ишлар органи ходимига 3000 АҚШ доллари пора таклиф қилган шахс қўлга олинди. Бу ҳақда Фарғона вилояти ИИБ ахборот хизмати хабар берди.

Маълум бўлишича, Наманган шаҳрилик 1989 йил туғилган аёл Бешариқ туманига қарашли тергов бўлими суриштирувчиларига мурожаат қилиб, жиноят кодексининг 169-моддаси 3-қисми "А" банди билан айб эълон қилиниб, қамоққа олинган танишини қамоқ эҳтиёт чорасини бекор қилиши ва айбловни олиб ташлаши учун 3000 АҚШ доллари миқдорида пора таклиф қилган.

Ходимлар пора бериш жиноят эканини бир неча бор тушунтиришига қарамай аёл пора таклиф қилишда давом этгани айтилмоқда.

Ўтказилган тезкор тадбир давомида фуқаро ходимга 2100 АҚШ долларини пора тариқасида берган вақтда ушланиб, пуллар ашёвий далил сифатида олинган.

Мазкур ҳолат юзасидан жиноят кодексининг 211-моддаси, биринчи қисми билан жиноят иши қўзғатилиб, ҳозирда тергов ҳаракатлари олиб борилмоқда.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

17 ноября 2024 03:30

#Рост_ҳикматлар

✅ Қайғурма!
Ахир қора булут қандай тарқалганини, қоронғу тун ниҳоясига етганини, кучли шамол қандай тин олганини, бўрон қандай тўхтаганини кўрмадингми?!
Демак, оғир кунларнинг ортидан, кенглик ва яхши бир ҳаёт бордир!

✍️ Шайх Оиз ал-Қараний

🍁 Кунингиз хайрли ўтсин!

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

16 ноября 2024 14:56

Ҳокимият тадбиркорга берган ерни вазирлик аукционда сотиб юборган

Тоғ-кон саноати ва геология вазирлиги аукцион орқали қум-шағал қазиб олиш учун сотиб юборган ер аслида Шофиркон туман хокимлиги томонидан тадбиркорга 49 йил муддатга ижарага берилган эди.

Бир йил олдин Тошкент туманлараро Маъмурий суди томонидан ҳам Геология ва минерал ресурслар қўмитасининг “Nurli bog`-2020” МЧЖга тегишли 15,46 гектар ер майдонини аукционга чиқариш ноқонуний деб топилган.

Аммо ҳозирда ҳам боғ ва мевазор учун берилган ердан ўзгалар қум-шағал қазиб олишда давом этмоқда.

Фактлар: rost24.uz/uz/news/1966

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

16 ноября 2024 10:39

⚡️Картадаги пулни текшириб кўришда пенционерларга қулайлик яратилди

Пенсия жамғармаси «SMS-PENSIYA» хизматига онлайн уланиш ишга туширилганини маълум қилмоқда.

Эндиликда нафақага чиққан шахс my.gov.uz портали орқали онлайн «SMS-PENSIYA» хизматига уланиши сўралмоқда. Агар уланган шахснинг рақами ўзгарган бўлса, янги рақамини киритиши сўралади.

Телефон рақами мазкур хизматга уланганидан сўнггина нафақа олувчи @pensiyauzbot орқали ўз пенсия миқдори ҳақида маълумот ололади.

Хизматдан мазкур ҳавола орқали фойдаланиш мумкин.

Маълумот учун, ушбу хизматдан фақатгина пенсияга чиққан фуқаролар фойдаланади.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

16 ноября 2024 08:03

⚡️Бўзатов туманига янги ҳоким тайинланди

Қорақалпоғистон Республикасининг Бўзатов туманига Уббиниязов Ботирбек Онгарбаевич ҳоким этиб тайинланди. Бу ҳақда Республика Жўқорғи Кенгаши маълум қилди.

Уббиниязов бугунги кунга қадар Мўйноқ тумани ҳокимининг экология ва Оролбўйи ҳудудини ривожлантириш масалалари бўйича биринчи ўринбосари лавозимида фаолият олиб борган.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

16 ноября 2024 03:31

#Рост_ҳикматлар

✅ Гўзал кунлар келишини кутма. Унга томон бормоғингни унутма.

✍️ Жалолиддин Румий

🍁 Кунингиз хайрли ўтсин!

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

15 ноября 2024 14:43

⚡️Ҳиндистонлик талаба: Ўзбекистонда таълим ва тил тўсиқлари

Суҳбатда 24 ёшли ҳиндистонлик талабанинг Ўзбекистондаги ҳаёти ва таълимга бўлган муносабати ҳақида гап боради.

У аввал Украинада ўқиган, лекин уруш туфайли Ўзбекистонга кўчиб келган. Яна у ҳиндистонлик талабаларнинг Украина уруши сабабли Ўзбекистонга кўчишлари, ўз таълимларини давом эттириш имкониятига эга бўлишлари тўғрисида гапириб берди.

Шунингдек, шаҳар транспортидан фойдаланишдаги қулайликлар ва ўзбекистонликларнинг миллий кийимларга бўлган муносабати ҳақида ўз хулосаларини билдирди.

Видеони ютубда кўриш: https://youtu.be/_JQ-7_nWNi4

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

15 ноября 2024 10:09

⚡️Роғун ГЭС қурилишида 3 киши ҳалок бўлди

Тожикистондаги ГЭС қурилишида рўй берган авария сабаб 3 киши ҳалок бўлди

12 ноябрь куни Тожикистондаги Роғун ГЭСи қурилиш майдончасида фавқулодда ҳолат юз бериши оқибатида 3 нафар ишчи ҳалок бўлди, яна бир киши жароҳат олган. Бу ҳақда ASIA-Plus нашри хабар берди.

Ҳодиса сабаблари ҳақида ҳозирча маълумот берилмаган.

Бошқарма маълумотларига кўра, ҳалок бўлганларнинг барчаси Роғун электр стансиясида ишлаган "Хокруд" компанияси ходимлари ҳисобланиб, улар 39, 40 ва 51 ёшда бўлган.

Департаментнинг хабар беришича, воқеа содир бўлганидан сўнг дарҳол воқеани ўрганиш учун ишчи гуруҳ тузилган. Айни пайтда авария билан боғлиқ барча ҳолатлар ўрганилмоқда. Хавфсизлик хизматлари ва ҳуқуқ-тартибот идоралари фожианинг барча ҳолатларига ойдинлик киритиш ишларини давом эттиради, дейилади хабарда.

Маълумот учун, 2020 йилда Роғун ГЭСи қурилишида жами 15 та авария қайд этилган бўлиб, бунинг оқибатида 3 нафар ишчи ҳалок бўлган, 15 нафари турли тан жароҳатлари олган.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

19 ноября 2024 10:34

⚡️ 2025 йил камбағалликни қисқартириш мақсадида бюджетдан 500 млрд сўм йўналтирилади

Бугун, 19 ноябрь куни Ўзбекистон Республикаси Олий Мажлиси Сенатининг биринчи мажлиси бўлиб ўтди.

Мажлисда камбағалликни қисқартириш ва аҳолини ижтимоий ҳимоя қилиш масаласи кўриб чиқилди:

Жумладан, 2025 йилдан 65 турдаги ижтимоий хизмат ва ёрдамлар, 50 га яқин имтиёзларни ўзида мужассам этадиган ягона "Ижтимоий карта" тизими йўлга қўйилади.

Шунингдек, келгуси йили камбағалликни қисқартириш ва аҳолини ижтимоий ҳимоя қилиш мақсадида бюджетдан 500 миллиард сўм йўналтирилади.

Даромади ва соғлиғини йўқотиб, оғир ижтимоий вазиятга тушиб қолган юртдошларимизни қўллаб-қувватлаш кўлами босқичма-босқич кенгайтирилади. Бунинг учун "Ижтимоий суғурта тўғрисида"ги қонун қабул қилинади.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

19 ноября 2024 08:33

Энди ўқувчилар мактабда киберспорт, дрон ўйинлари бўйича беллашади

“Ўқувчи-ёшларни чақирувга қадар бошланғич тайёрлаш тизимини янги босқичга олиб чиқиш чора-тадбирлари тўғрисида”ги Президент қарори (ПҚ-393-сон, 15.11.2024) қабул қилинди.

Унга кўра, 2025/2026 ўқув йилидан бошлаб умумий ўрта таълим ташкилотларида:

—Ўқувчилар ўртасида киберспорт, дрон ва робототехника, келажак ўйинлари бўйича алоҳида танловлар ҳамда ҳарбий-спорт мусобақалари ўтказилади;
—"Ватан тақдирига дахлдорлик туйғуси, фаол ҳаётий позиция" тамойилига асосан ЧҚБТ фанида янгиланган ўқув дастури ва дарсликлари яратилади;
—2025 йил 1 июндан таълим ташкилотларида ушбу фан раҳбари лавозими жорий этилади.
—таълим ташкилотларида ЧҚБТ фани ҳафтасига икки соатдан ўқитилади.

Эслатиб ўтамиз, бундан олдин эндиликда мактаб ўқувчилари қурол ишлатишга ўргатилиши ҳакида хабар берган эдик.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

19 ноября 2024 03:46

#Рост_ҳикматлар

✅ Бизлар бир-биримизни тасодифан учратмаймиз. Биз аллақачонлар онгостимизда мавжуд бўлганларни учратамиз.

✍️ Зигмунд ФРЕЙД

🍁 Кунингиз хайрли ўтсин!

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

18 ноября 2024 16:41

⚡️ Омбудсман лавозимига сурункасига икки муддатдан ортиқ сайланиши мумкин эмаслиги белгиланди

"Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) тўғрисида"ги Қонун (ЎРҚ-1002-сон, 15.11.2024 й.) имзоланди.

Янги қабул қилинган қонунга кўра омбудсман:

— лавозимига 30 ёшдан катта, камида 5 йил Ўзбекистонда яшаган фуқаро сайланиши мумкин.

— 5 йил муддатга сайланади ва бир шахс кетма-кет икки муддатдан ортиқ лавозимда бўла олмайди.

— Сиёсий партияга аъзолик ваколатлар даврида тўхтатилиши ёки тугатилиши шарт.

— ҳақ тўланадиган бошқа фаолият билан шуғуллана олмайди (илмий, ижодий ва педагогик фаолиятдан ташқари).

Шунингдек, омбудсманга қонунчилик ташаббуси киритиш ва инсон ҳуқуқлари бузилишини текшириш ваколатлари берилган.

Омбудсман қуйидаги ҳуқуқларга эга:

— Республика ҳудудида ҳаво, темир йўл ва автомобиль транспортида (такси ва шаҳар транспортидан ташқари) имтиёзли юриш (унинг ёрдамчиси ҳам)

— Чет эл фуқаролари ва фуқаролиги бўлмаган шахслар, юридик шахслар ҳуқуқлари бузилишига доир шикоятларни кўриб чиқиш ва текширув ўтказиш.

— Қонунчилик ташаббуси тартибида таклифларини Олий Мажлис Қонунчилик палатасига киритиш.

Қонун расмий эълон қилинган кундан эътиборан кучга киради.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

18 ноября 2024 13:08

⚡️Путин Фаррух Зокиров ва Севара Назархонни "Дўстлик" ордени билан тақдирлади

Ўзбек ва рус маданиятини яқинлаштириш ва бойитишга қўшган ҳиссаси учун Фаррух Зокиров ва Севара Назархон "Дўстлик" ордени билан тақдирланди. Бу ҳақда Маданият вазирлиги ахборот хизмати хабар берди.

Маълумот учун, "Орден Дружбы" 1994 йил баҳорида таъсис этилган бўлиб, у Россия ва чет эл фуқароларига халқлар ўртасидаги дўстлик ва ўзаро ҳамжиҳатликни мустаҳкамлашдаги хизматлари, фан ва маданият соҳасидаги ютуқлари учун берилади.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

18 ноября 2024 07:43

⚡️Қашқадарёда юк машинаси қўйлар подасини уриб юборди

Жорий йилнинг 17 ноябрь куни соат бешлар атрофида  Исузу машинаси 95 бош қўйлар подасини уриб юборган. Бу ҳақда вилоят Йўл ҳаракати хавфсизлиги бошқармаси матбуот хизмати маълум қилди.

Аниқланишича,  машина эгаси Сурхондарё вилоятида яшовчи фуқаро А.C. бўлиб, Кўкдала туманидан ўтувчи А-378 Ғузор-Самарқанд йўналишида кетаётиб, Ғузор туманида яшовчи Ш.Т. ва Қ.Қ. нинг майда шохли молларини уриб юборган.

Юқоридаги ҳолат юзасидан, Кўкдала тумани ИИБ ҳузуридаги тергов гуруҳи томонидан тергов олди суриштирув ишлари олиб борилмоқда, дейилади хабарда.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

18 ноября 2024 04:01

#Рост_ҳикматлар

✅ Сен буюк элимнинг шавкат-у шони,
Мангу ҳилпирайвер, юртим байроғи!

✍️ Бугун Ўзбекистон Республикаси Давлат байроғи қабул қилинганига 33 йил тўлди.

🍁 Кунингиз хайрли ўтсин!

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

17 ноября 2024 08:11

⚡️ Сенаторликка тайинланган вилоят раҳбарларининг рўйхати эълон қилинди

Марказий сайлов комиссияси бу ҳақда маълум қилди.

Эндиликда, ҳудудлар раҳбарлари бир вақтнинг ўзида, қонун чиқарувчи ва ижро этувчи ҳокимият вакили сифатида қолишда давом этишади.

Маълум қилинишича, Марказий сайлов комиссиясида жами 51 нафар сенатор сайланган бўлиб, улардан 14 та сенатор вилоят ҳокимлари, Қорақалпоғистон Жўқорғи кенгеси раиси ва Тошкент шаҳри лавозимида ишлаб келаётган амалдорлардир.

Конституциямизга мувофиқ, Қорақалпоғистон Республикаси, Андижон, Бухоро, Сирдарё ва Хоразм вилоятларида 3 нафардан сенатор сайланган.

Таҳлилларга кўра, янгидан шаклланган Сенат аъзоларининг 56,6 фоизини 60 ёшдан катталар, 41,6 фоизини эса 40 ёшдан ошганлар ташкил этади.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

16 ноября 2024 16:40

⚡️Зеленский: Уруш 2025 йилда якунланиши учун ҳамма нарсани қилишимиз керак

Владимир Зеленский интервюсида Россия-Украина урушини 2025 йилда тугатиши лозимлигини айтди. Бу ҳақда Report нашри хабар берди.

"Ўз тарафимиздан келаси йил уруш дипломатик йўллар билан тугашини таъминлаш учун ҳамма нарсани қилишимиз керак", — дейди Украина президенти.

Хабарга кўра, Зеленский нутқи давомида бу масала устида ишланиши керак бўлган муҳим жиҳат эканини таъкидлаган.

Маълумот учун, ушбу уруш 2022 йил 22 феврал куни Россия Украина чегарасидан ўтиб, қўшни мамлакатга бостириб киргандан ҳамда Украина армияси жанг таклиф қилгандан сўнг бошланган эди.

Эслатиб ўтамиз, бундан олдин Путин урушни тугатиш учун кўпроқ ер талаб қилгани ҳақида хабар қилган эдик.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

16 ноября 2024 11:27

⚡️ Ўзбекистонда "Дорихона наркоманияси" авж олмоқда

Ўзбекистонда охирги 5 йилда наркожиноятлар сони икки бараварга ошган. Бу ҳақда 15 ноябрь куни Тошкентда ўтказилган гиёҳвандлик ва наркожиноятларга қарши курашиш масалалари бўйича халқаро тадбирда Президент администрацияси ҳузуридаги Наркотикларни назорат қилиш миллий маркази директори Равшан Маматов маълум қилди.

Таҳлилларга кўра, гиёҳвандлик воситалари мусодараси 8,5 баробарга, синтетик гиёҳвандлик воситалари мусодараси эса 400 баробарга кўпайган. Шунингдек, "дорихона наркоманияси" ҳам кенг тарқалмоқда.

Юқоридаги ҳолатлардан юзасидан, ўтказилган халқаро тадбирда, Ўзбекистонда тарихда илк бор гиёҳвандлик ва наркожиноятларга қарши курашиш бўйича 2024-2028 йилларга мўлжалланган стратегия қабул қилинди. Маматовни изоҳлашича, бу стратегия "аҳолида, айниқса, ёшларда гиёҳвандликка қарши иммунитетни ва наркожиноятларга қарши тоқатсизликни шакллантириш" ни ўз олдига асосий мақсад қилиб олган.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

16 ноября 2024 10:11

⚡️ Олий Мажлис Сенати аъзолари тайинланди

Ўзбекистон Республикаси Президентининг фармони билан Олий Мажлис Сенатига янги аъзолар тайинланди:

🔹 Зиё Азамат Ҳамид ўғли — Ўзбекистон Республикаси Фанлар академияси Тарих институти директори;
🔹 Йўлчиева Муножатхон Абдувалиевна — Юнус Ражабий номидаги Ўзбек миллий мусиқа санъати институти профессори;
🔹 Кўчимов Абдусаид Кўчимович — Ўзбекистон Миллий ахборот агентлиги бош директори;
🔹 Рафиқов Қудратилла Мирсагатович — Ўзбекистон касаба уюшмалари Федерацияси Кенгаши раиси;
🔹 Рахманкулов Мир-Акбар Ходжи-Акбарович — Президент ҳузуридаги Қонунчилик ва ҳуқуқий сиёсат институти директори;
🔹 Сафоев Содиқ Солихович — Сенат Раисининг биринчи ўринбосари;
🔹 Саъдуллаев Алишер Зафар ўғли — Ёшлар ишлари агентлиги директори;
🔹 Турдиев Содиқжон — «Нуроний» жамғармаси бошқаруви раиси;
🔹 Худайбергенов Турсинхан Айдарович — Ўзбекистон Республикаси Президенти маслаҳатчиси.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

16 ноября 2024 06:46

⚡️Олмазор туманида айрим кўчаларда ҳаракатланиш тўхтатилди

Тошкент шаҳар Олмазор туманида йўл таъмирланиши сабабли айрим кўчаларда ҳаракатланиш тўхтатилди. Бу ҳақда пойтахт ИИББ ЙҲХБ ахборот хизмати маълум қилди.

Хабарга кўра, бугун, 16 ноябрь куни соат 08:00 дан 24:00 гача Олмазор туманида йўл таъмирлаш ишлари сабабли Кичик ҳалқа автомобиль йўлининг Фаробий кўчасидан Талабалар кўчасигача бўлган қисми автомобиллар ҳаракати учун ёпилган.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

15 ноября 2024 16:10

⚡️ Қишда истеъмолчиларга 21 млрд куб метр газ етказиб берилади

Шавкат Мирзиёев 15 ноябрь куни аҳоли ва иқтисодиётни энергия билан узлуксиз таъминлаш бўйича йиғилиш ўтказди.

Унда куз-қиш мавсумига тайёргарлик ва амалга оширилган ишлар муҳокама қилинди.

Айтилишича, газ етказиб бериш ҳажми оширилган ва тармоқлар модернизацияси орқали йўқотишлар камайган. Жорий қишда 21 миллиард куб метр газ етказиш режалаштирилган, айниқса, ижтимоий муассасалар ва корхоналар учун алоҳида захира ажратилган.

Йиғилишда газ ҳисобини назорат қилиш, энергия тежаш ва хусусий шерикликни ривожлантириш вазифалари белгиланди.

Президент трансформация жараёнларини тезлаштириш, харажатларни камайтириш ва янги инвестицияларни жалб қилиш бўйича кўрсатмалар берди.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

15 ноября 2024 12:48

⚡️ Энди Ўзбекистонда болалар зўравонликдан қонунан ҳимояланади

Президент томонидан "Болаларни зўравонликнинг барча шаклларидан ҳимоя қилиш тўғрисида”ги қонун имзоланди.

Қонун 2024-йил 31-майда Қонунчилик палатаси томонидан қабул қилиниб, 15-августда Сенат томонидан маъқулланганди. У 5 боб ва 51 моддадан иборат бўлиб, қонун билан болага нисбатан зўравонлик тушунчаси ва жисмоний, жинсий ва руҳий зўравонликдан ташқари унинг янги шакллари — ғамхўрлик кўрсатмаслик, эксплуатация, буллинг кабилар ҳам эътироф этилмоқда.

Шунингдек, давлат болаларни зўравонликнинг барча шаклларидан ҳимоя қилиш учун тегишли ҳуқуқий, маъмурий, ижтимоий, иқтисодий ва бошқа чораларни кўриши, зўравонликдан жабрланувчиларни реабилитация қилиши ва уларнинг ҳуқуқларини тиклаши ҳамда уларни ижтимоий мослаштириш учун зарур бўлган самарали чоралар кўриши қонунан белгилмоқда.

Ушбу қонун расмий эълон қилинган кундан эътиборан 6 ой ўтгач, 2025-йил 15-май куни кучга киради.

Маълумот учун, Жаҳон соғлиқни сақлаш ташкилоти (ЖССТ) кўра, ҳар йили дунёдаги болаларнинг ярмидан кўпи зўравонликка дучор бўлади.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

15 ноября 2024 09:25

⚡️ Янгийўл шаҳрига янги ҳокими тайинланди

Султанов Дилшод Шухратович Янгийўл шаҳар ҳокими лавозимидан озод этилиб, ўрнига Раимов Равшан Исакжанович тайинланди.

Тайнловга қадар Раимов Равшан Тошкент шаҳар солиқ бошқармаси бошлиғи ўринбосари вазифасида ишлаб келаётган эди.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor