Rost24 | Расмий канал

01 августа 2024 07:11

Хоразмнинг келинлари Диёрадай бўлади

Хоразмга ёр-ёр билан кириб келган Диёра,
Бошларига ҳарир рўмол солиб келган Диёра,
Самарқанднинг ифорини олиб келган Диёра,
Юрагингда Куброларнинг матонати бор, қизим!

Қайноталар виқор билан елкаларин кердилар,
Қайноналар ял-ял ёнар либосларин кийдилар,
Шер йигитлар кўкрагига битта уриб қўйдилар,
Билагингда момоларнинг жасорати бор, қизим!

Келинларнинг юраклари қанот қоқар ҳавасда,
Қизчаларнинг нигоҳлари кўкка боқар ҳавасда,
Самарқанду Хоразмни севдинг битта нафасда,
Кўзларингда икки элнинг муҳаббати бор, қизим!

Азаматнинг юрагида Мангуберди кўз очар,
Хоразмнинг мард йигити жасоратдан сўз очар,
Ҳали қанча саҳналарда ғалабалар юз очар,
Юзларингда Ватанимнинг хуш сурати бор, қизим!

Нозиккина елкаларда миллат шаъни туради,
Юраклари номус учун, шараф учун уради,
Хоразмнинг келинлари Диёрадай бўлади,
Дуолари билан сенга Ўзбекистон ёр, қизим!

✍🏼Сайёра Самандар

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

01 августа 2024 03:35

✅️#Рост_ҳикматлар

Ёруғликни қанчалик қидирмайлик, зеҳнимиздагидан ортиғини топишимиз маҳол.

✍️ Жемил Мерич

🌟Кунингиз файзли ўтсин!

ROST24.uz | Telegram | rost24official?si=8M8hkLv2NHU7UfYo">YouTube

Rost24 | Расмий канал

31 июля 2024 10:07

Электр энергияси учун онлайн тўлов вақтинча тўхтатилади

“Ҳудудий электр тармоқлари” АЖнинг хабар беришича, бугун соат 23:50 дан 5 август соат 22:00 гача электр энергияси учун онлайн тўловлар қабул қилинмайди.

“Ҳудудий электр тармоқлари” томонидан янги “HET BILLING” дастурий комплекси ишга туширилади. Шу муносабат билан 5 кун давомида Маълумотларни қайта ишлаш марказида профилактик ишлар олиб борилади.

Шу вакт мобайнида, электр энергияси учун онлайн тўловларни амалга ошириш ҳамда шахсий ҳисоб рақамдаги мавжуд маълумотларни олишда техник узилишлар кузатилиши мумкин.

Лекин бу вақт мобайнида қарздор истеъмолчилар автоматик тарзда тармоқдан ажратилмайди.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

31 июля 2024 08:41

Президент давлат ташрифи билан Қозоғистонга боради

Қозоғистон медиаси тарқатаётган хабарга кўра, Шавкат Мирзиёев 7-8 август кунлари давлат ташрифи билан Қозоғистонга боради.

Ўзбекистон Президенти 9 август куни Остона шаҳрида ўтадиган Марказий Осиё давлатлари раҳбарларининг 6-маслаҳат учрашувида ҳам иштирок этиши айтилмоқда.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

31 июля 2024 06:29

ҲАМАС раҳбари ўлдирилди

Эроннинг Mehr агентлиги хабар беришича ҲАМАС сиёсий бюроси раҳбари Исмоил Ҳания Теҳронда ўлдирилган.

Теҳрондаги қароргоҳига Исроилнинг уюштирган зарбаси натижасида Ҳаниянинг ҳалок бўлганини Фаластин ҳаракати тасдиқлади.

ОАВ хабарларига кўра, Ҳания янги президент Масуд Пезешкияннинг қасамёд қабул қилиш маросимида иштирок этиш учун Эрон пойтахтига борган.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

30 июля 2024 12:04

Энди ўқишга кириш учун “Корзинка”да 5 йил ишлаш керакми?

88 та давлат ташкилотлари қаторига биргина “Корзинка”ни киритиш учун вазирлик қарорида “Давлат”дан воз кечилган.

Олий таълим, фан ва инновациялар вазирлиги томонидан ходимларини сиртқи ва кечки таълимга суҳбат асосида табақалаштирилган тўлов-контракт асосида ўқишга қабул қилиш учун тавсия этиш ҳуқуқига эга вазирлик, идора ва йирик бирлашмалар рўйхати тасдиқланди.

Рўйхатдан 88 та давлат ташкилот ўрин олган.

Фақат давлат ташкилотларидан тузилган рўйхат қаторидан “Angelesy Food” Хусусий корхонаси МЧЖ ҳам ўрин олгани ажабланарли ҳолдир.

Олий таълим, фан ва инновациялар вазирлиги томонидан тузилган мазкур рўйхат биргина “Корзинка” дўконлар тармоғига давлатдан имтиёз ва ваколат олиб бериш учун тузилгандек, назаримизда.

Вазирлик томонидан тузилган рўйхатга ишонилса, энди Давлат олий таълим муассасаларига ўқишга кириш учун “Корзинка” омборхоналарида камида 5 йил ишлаган бўлиш лозим бўлади.

Рўйхатдаги жами 88 та ташкилотдан 87 таси давлат ташкилоти, биргина “Angelesy Food” МЧЖ эса хусусий корхона ҳисобланади.

“Angelesy Food” МЧЖ рўйхат охирроғига, яъни 84-қаторга ими-жимида киритилиб, вазирликнинг оддийгина бир қарорига ҳам улкан “мақсад”лар жо этилганга ўхшайди.

Қарор номланишига ҳам эътибор берилса, ташкилотлар номи киритилганда “вазирлик, идора ва йирик хўжалик бирлашмалари” сўзлари билан тузилган. 88 та давлат ташкилотлар қаторига биргина “Корзинка” дўконлар тармоғини киритиш учун эса “Давлат” сўзидан воз кечилган.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

30 июля 2024 06:43

Ходимларини ОТМга тавсия қиладиган ташкилотлар рўйхати тасдиқланди

Давлат олий таълим муассасаларига ўқишга қабул қилиш жараёнларини мувофиқлаштириш бўйича Давлат комиссияси қарори қабул қилинди.

Қарор билан ходимларини сиртқи ва кечки таълимга суҳбат асосида табақалаштирилган тўлов-контракт асосида ўқишга қабул қилиш учун тавсия этиш ҳуқуқига эга вазирлик, идора ва йирик бирлашмалар рўйхати тасдиқланди.

Тавсия этиладиган фуқаролар камида 5 йил иш стажига эга бўлиши керак.

Рўйхатда келтирилган ташкилотларнинг тавсияномасига эга бўлган талабгорлар 2024 йил 1 августдан 15 августгача Билимни баҳолаш агентлигининг махсус электрон тизими орқали онлайн рўйхатдан ўтказилади.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

29 июля 2024 15:36

Ўзбекистон фуқаролигини сотган шахс атиги 7 йилга қамалди

Яккасарой тумани ИИО ФМБ Миграция ва фуқароликни расмийлаштириш бўлими бошлиғи лавозимида 1 йил ишлаган шахс Россия, Қозоғистон ва Қирғизистон фуқароларига ноқонуний тарзда ID карта ҳамда “қизил паспорт” расмийлаштириб берган.

У ушбу иши учун жиноий шериги билан биргаликда 4 мингдан 15 минг долларгача пул олган.

9 нафар чет эл фуқаросига Ўзбекистон фуқароси ID картаси ҳамда хорижга чиқиш биометрик паспортини расмийлаштириб берган жиноятчига нисбатан 7 йил озодликдан маҳрум қилиш жазоси тайинланибди.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

29 июля 2024 11:01

⚡️2024/2025 ўқув йили учун тўлов-контракт миқдорлари тасдиқланди

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

29 июля 2024 06:51

«Бутун дунё лол қолди. Шундай қизим борлигидан фахрланаман» — Президент Шавкат Мирзиёевнинг Диёра Келдиёрова билан телефон мулоқоти


ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

28 июля 2024 20:59

Президент Диёра Келдиёровани телефон орқали табриклади

Шавкат Мирзиёев олимпия терма жамоамизга биринчи олтин медални келтирган Диёра Келдиёрова билан телефон орқали суҳбатлашди.

Давлатимиз раҳбари Ўзбекистон тарихида ёзги Олимпия ўйинларида аёллар ўртасида биринчи марта чемпион бўлган спортчи қизимизни тарихий ғалаба билан табриклаб, ота-онаси ва мураббийларига миннатдорлик билдирди.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

28 июля 2024 18:45

#Ғалаба

Париж-2024 Олимпиадасида биринчи олтин медал қўлга киритилди

Диёра Келдиёрова финалда косовалик рақибини мағлуб этиб, олимпиададаги биринчи олтин медални тақдим этди.


ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

28 июля 2024 06:48

Оммавий кўнгилочар тадбирни тўхтатишга Экология вазирлиги аралашди

Тошкентдаги "Анҳор" паркида ўтказилиши режалаштирилган шоунинг реклама ролигида осмондан ленталар ёғилиши айтилган эди.

28 июль куни ўтказилиши режалаштирилган мазкур шоу сценарийси Тошкент шаҳар Экология, атроф-муҳитни муҳофаза қилиш ва иқлим ўзгариши бошқармаси томонидан ўрганилган.

Ўрганиш натижасида паркдаги Амфитеатрда лента-шоу уюштирилиб, бунда аниматорлар томонидан ленталарни айлантириб, томоша кўрсатилиши режалаштирилгани маълум бўлган. Осмондан ленталар ёғилиши эса эътиборни жалб қилиш учун айтилган экан.

Шундай бўлса-да, кўнгилочар шоу томошаси бутунлай бекор қилингани айтилмоқда.

“Байрам ташкилотчиларига бу каби шоулар атроф-муҳитнинг ифлосланишига сабаб бўлиши, экология учун зарарли эканлиги тушунтирилди. Натижада шу куни ўтказилиши режалаштирилган "лента-шоу" бекор қилинди”, – дейилади Экология вазирлигининг хабарида.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

27 июля 2024 20:16

“Ўзбекгидроэнерго” кредит рейтингини ТОП учликда сақлаб қолди

 “Ўзбекгидроэнерго” АЖ жорий йилда ҳам жаҳонда етакчи рейтинг агентликларидан бири ҳисобланган Fitch Ratings халқаро рейтинг агентлигининг “BB-” барқарор даражадаги халқаро кредит рейтингини сақлаб қолди.

Fitch Ratings халқаро рейтинг агентлиги “Ўзбекгидроэнерго” АЖнинг нафақат молиявий-иқтисодий кўрсаткичлари мустаҳкам ўсиб бораётганига балки бизнес стратегиясининг самарадорлигига ҳам амин бўлган.

Ҳозирда “Ўзбекгидроэнерго” АЖ тўғридан-тўғри инвестиция маблағларини жалб қилиш, яъни давлат кафолатисиз кредит шартномалар тузиш бўйича Хитойнинг Bank of China ва CITIС банклари билан ҳамда Халқаро тараққиёт агентлиги “USAID”нинг грант маблағларини жалб қилиш бўйича музокаралар олиб бормоқда.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

27 июля 2024 11:12

Сайлов Кодексига киритилган ўзгартиришга кўра, депутатлар сайловида такрорий овоз бериш ўтказилмайди

Жорий йил 27 октябрда ўтказиладиган сайловнинг аввалги сайловлардан асосий 5 та фарқли жиҳатлари бўлиб, улар қуйидагилар ҳисобланади:

1. Сайловлар янги Конституциявий шароитда ўтказилади.

2. Қонунчилик палатаси депутатлари учун ўтказиладиган сайловлар аралаш сайлов тизими асосида ташкил этилади. Қонунларга кўра, Қонунчилик палатаси 5 йил муддатга сайланадиган бир 150 нафар депутатдан иборат бўлиб, Қонунчилик палатаси депутатларининг 75 нафари бир мандатли сайлов округлари бўйича сайланиши, 75 нафари ягона сайлов округи бўйича сиёсий партияларга берилган овозларга мутаносиб равишда партия рўйхати асосида сайланиши қайд этилган.

3. Сайлов Кодексига киритилган ўзгартиришларга асосан Қонунчилик палатаси депутатлари ва маҳаллий Кенгашлар депутатлари сайловида такрорий овоз бериш ўтказилмайди. Аввалги қоидага кўра, мажоритар тизимда 50%+1 та овоз олган номзод сайланган деб ҳисобланар эди. Эндиликда бир мандатли сайлов округлари бўйича овоз беришда иштирок этган сайловчиларнинг бошқа номзодларга нисбатан кўпроқ овозини олган номзод ғолиб ҳисобланади.

4. Бу сафарги сайлов декабрь ойида эмас, октябрь ойида бўлиб ўтади. Янги таҳрирдаги Конституциянинг 128-моддасига киритилган ўзгартиришга мувофиқ, сайлов депутатларнинг ваколат муддати тугайдиган йилнинг октябрь ойи учинчи ўн кунлигининг биринчи якшанбасида ўтказилиши қайд этилган.

5. Бу галги сайловлар Марказий сайлов комиссиясининг ваколати ва масъулияти оширилган шароитда ўтказилмоқда. Хусусан, МСК зиммасига Президент сайлови ва Қонунчилик палатасига сайловлар билан бир қаторда халқ депутатлари маҳаллий Кенгашларига ҳам сайловларни ўтказиш юклатилди.

Анваржон Миркомилов,
“Тараққиёт стратегияси” маркази
бўлим бошлиғи

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

01 августа 2024 06:58

Ўзбекистоннинг ЯИМ ҳажми 101,6 миллиардни ташкил этди

Халқаро валюта жамғармасининг ҳисоботига таяниб, 2023 йилда Ўзбекистоннинг ялпи ички маҳсулоти 101,6 миллиард долларни ташкил этган, деди Иқтисодий тадқиқотлар ва ислоҳотлар маркази.

Кеча Иқтисодий тадқиқотлар ва ислоҳотлар марказида Статистика агентлиги ва Халқаро валюта жамғармаси томонидан ўтказилган тадқиқот натижалари муҳокама қилинган.

Муҳокамалар давомида айтилган ҳисоб-китобларга кўра, 2023 йилда Ўзбекистон номинал ЯИМ ҳажми 125,6 триллион сўмга (10,7 миллиард долларга) ошиб, 1 192,2 триллион сўм (101,6 миллиард доллар)ни ташкил этган.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

31 июля 2024 14:33

Диёра Келдиёрова Ижтимоий ҳимоя миллий агентлиги билан ҳамкорлик қилади

Ўзбекистон Республикаси Президенти ҳузуридаги ижтимоий ҳимоя миллий агентлиги директорининг биринчи ўринбосари Шаҳноза Мирзиёева Диёра Келдиёровага агентлик билан ҳамкорликда бир қанча лойиҳаларни амалга оширишни таклиф қилди.

Бу ҳақида Шаҳноза Мирзиёева ўзининг ижтимоий тармоқ саҳифасида маълум қилган.

Шаҳноза Мирзиёева Париж шаҳрида Диёра Келдиёрова билан учрашиб, уни тарихий ғалабаси билан шахсан табриклаган.

Шунингдек, ўзбекистонлик Олимпиада ғолибига Ижтимоий ҳимоя миллий агентлиги билан ҳамкорликда аёлларга нисбатан учрайдиган зўравонлик ва ҳақсизликка қарши қаратилган лойиҳаларни биргаликда амалга оширишни ҳам таклиф қилган.

"Диёра биргаликда амалга оширадиган лойиҳаларнинг ЮЗИ ва иштирокчиси бўлиш ҳақидаги таклифимни мамнуният билан қабул қилди”, – деди Ш.Мирзиёева.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

31 июля 2024 08:50

Матлуба Қаххорова Дин ишлари бўйича қўмита раисига ўринбосар этиб тайинланди

Кеча Дин ишлари бўйича қўмитада Олий Мажлис Сенати раиси Танзила Норбоева иштирокида йиғилиш бўлди.

Йиғилишда Дин ишлари бўйича қўмита раиси ўринбосари Дилбар Ғуломованинг бошқа ишга ўтиши муносабати билан лавозимдан озод қилиш ҳамда унинг ўрнига Матлуба Қаххоровани тайинлаш тўғрисидаги Президент Қарори ўқиб эшиттирилди.

Маълумот учун, 2019 йилда Дин ишлари бўйича қўмитада хотин-қизлар билан ишлаш йўналиши ҳам очилган эди. Дилбар Ғуломова шу вақтдан буён Қўмита раиси ўринбосари лавозимида ишлаб келаётганди.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

31 июля 2024 07:16

Болаларнинг 30 фоизига яқинида турли касалликлар аниқланди — ССВ

Соғлиқни сақлаш вазирининг Олий Мажлис Қонунчилик палатасида ҳисобот беришича, Ўзбекистондаги мактабларда 5,7 миллион нафар ўқувчи, боғчаларда 1,3 миллион нафар тарбияланувчи тиббий текширувдан ўтказилибди.

Асилбек Худаяровнинг айтишича, тиббий кўриклар давомида мактаб ва боғча болаларининг 30 фоизга яқинида бир неча турдаги касалликлар аниқланган.

«Жорий йил 1 июль ҳолатига республикадаги 5,9 млн нафар мактаб ўқувчисидан 5,7 млн нафари тиббий кўрикдан ўтказилди. Шундан 1,3 млн нафарида (27,9 %) турли касалликлар аниқланди. Уларнинг 81 фоизини соғломлаштиришга эришилди. Шу билан бирга, 2 млн нафар боғча тарбияланувчидан 1,3 млн нафари тиббий кўрикдан ўтказилди. Уларнинг 26 фоизида турли касаликлар аниқланди», — дея қоғоздаги ҳисоботни ўқиб берди вазир.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

30 июля 2024 13:42

«Ташаббусли бюджет»нинг амалдаги тартибига ўзгартиришлар киритилмоқда

Ўзгаришлар қуйидагилардан иборат:

— доимий тарзда ғолиб бўлиб келаётган маҳалла (ташкилот)ларга танаффус эълон қилиш амалиётини жорий этиш;

— овоз бериш муддатини 10 кунга камайтириш, мажбурий овоз тўпланган лойиҳаларни ғолиб лойиҳалар рўйхатидан четлатиш амалиётини жорий этиш;

— туман (шаҳар) бюджетидан қўшимча маблағ ажратиш ҳисобига ғолиб бўлмаган лойиҳаларни қўшимча ғолиб сифатида эълон қилиш амалиётини жорий этиш назарда тутилмоқда.

Мазкур ўзгартиришлар киритилган ҳужжат лойиҳаси Олий Мажлис Сенатига тақдим этилган.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

30 июля 2024 10:37

Британия элчиси ҳам Диёра Келдиёровани табриклади

Британиянинг Ўзбекистондаги фавқулодда ва мухтор элчиси Тимоти Смарт Париж Олимпиадасида олтин медални қўлга киритган дзюдо устаси Диёра Келдиёровани ғалаба билан табриклади.

Бу ҳақида у ўзининг «Х» саҳифасида ёзиб қолдирган.

«Ўзбекистон ва Диёра Келдиёровани ғалаба билан самимий табриклайман! Бу нафақат ёзги Олимпиада ўйинларида ўзбек аёллари томонидан қўлга киритилган биринчи олтин медаль, балки Ўзбекистондаги барча қизларнинг хоҳлаган нарсасига эриша олишини исботлайдиган бебаҳо медалдир! Олға, Ўзбекистон!», – деди Тимоти Смарт.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

30 июля 2024 03:02

#Рост_ҳикматлар

✅️Агар биз ҳукуматни алдасак, бу — хоинлик. Агар улар бизни алдаса, бу — сиёсат.

✍️ Билл Муррай

🌟Кунингиз хайрли ўтсин!

ROST24.uz | Telegram | rost24official?si=8M8hkLv2NHU7UfYo">YouTube

Rost24 | Расмий канал

29 июля 2024 14:55

ДИЁРА

Япон курашида япон қизини
Иппон усулида ютди Диёра.
Олимп китобига гўзал исмини
Олтин ҳарф билан битди Диёра.

Қалдирғоч-у, лочин кучига қаранг!
Тан берди олмон-у, йиқилди фаранг,
Косовога армон бўлди сўнгги жанг,
Барчасидан бир-бир ўтди Диёра.

Олтин олиб келди ҳаммадан олдин,
Юз олтинга тенгдир биринчи олтин!
Ниҳоят ҳис қилдик ғалаба тотин,
Зафар қадаҳини тутди Диёра.

Хушхабар шавқидан полвон элим маст,
Кураш бу – ютгай ким машқдан эринмас,
Кимнинг миси чиқса, тилла берилмас,
Олий орзусига етди Диёра.

Шоҳсупага чиқди кўзда ёш билан,
Байроқни юксалтган мағрур бош билан,
Шу тотли лаҳзани зўр бардош билан
Тер тўкиб, ой-йиллаб кутди Диёра.

Қувониб қутлади Миллат Сардори:
"Балли, эй, халқимнинг ғурури, ори!
Сен боис бахтлидир ўзбек диёри..."
Ҳаммани бахтиёр этди Диёра.

Диёримнинг олтин қизи Диёра,
Тўмариснинг ёниқ изи Диёра.
Юртимнинг юзини чароғон этган
Ўзбегимнинг ёруғ юзи Диёра!

Нодир ЖОНУЗОҚ

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

29 июля 2024 08:25

ОТМга кириш минимал бали ўзгаришсиз қолди

2024/2025 ўқув йили учун олий таълим муассасаларига кириш имтиҳонларида минимал ўтиш бали ўзгаришсиз қолди.

Давлат комиссиясининг баёни билан республика олий таълим муассасаларига давлат гранти бўйича минимал ўтиш бали – 68 балл (максимал 189 баллнинг 36%), тўлов-контракт бўйича минимал ўтиш бали – 56,7 балл (максимал 189 баллнинг 30%) этиб белгиланди.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

29 июля 2024 03:05

#Рост_ҳикматлар

✅️Энг муҳими – қалбингда тартиб ўрнатиш. Учта нарсага амал қиламиз: нолимаймиз, айбламаймиз, ўзимизни оқлашга уринмаймиз.

✍️ Бернард Шоу

🌟Кунингиз хайрли ўтсин!

ROST24.uz | Telegram | rost24official?si=8M8hkLv2NHU7UfYo">YouTube

Rost24 | Расмий канал

28 июля 2024 19:46

#Ғалаба

Диёра Келдиёрова шоҳсупада


ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

28 июля 2024 17:25

Париж-2024 Олимпиадасида биринчи медал нақд

Дзюдочимиз Диёра Келдиёрова яримфиналда франциялик Амандин Бюшардни мағлуб этиб, олимпиада финалига йўл олди.


ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

28 июля 2024 03:02

#Рост_ҳикматлар

✅️Шўро давридан бошлаб жамиятни ҳадик билан яшашга ўргатиб қўйдик. Бу ҳадик ҳали кўнгилдан чиқиб кетгани йўқ. Ижтимоий-сиёсий пассивликни оқлайдиган ўзбек халқининг мақоллари кўп: «Оч қорним – тинч қулоғим», «Яримта нон – роҳати жон». Буларни фазилат санашади. Аслида бу фазилат эмас, қусур.

✍️ Мурод Муҳаммад Дўст

🌟Кунингиз хайрли ўтсин!

ROST24.uz | Telegram | rost24official?si=8M8hkLv2NHU7UfYo">YouTube

Rost24 | Расмий канал

27 июля 2024 11:49

Ўзбекистондаги транспорт муаммолари учун 50 млрд доллар керак — Эксперт

Россиялик халқаро транспорт ва логистика соҳасидаги етакчи эксперт Алексей Безбородов Ўзбекистон логистикасидаги муаммолар ҳақида гапирди.

"Ўзбекистоннинг ҳозирги логистика инфратузилмаси ишлаб чиқариш суръатларига мос келмайди. Логистикадаги инқироздан энди бутунлай қутулишнинг имкони ҳам йўқ. Мамлакатда инфратузилма салоҳиятини оширишни икки йил аввал бошлаш керак эди", – деди эксперт.

Халқаро тоифадаги эксперт Ўзбекистон логистика тизимида ўсиб бораётган муаммоларни қандай юмшатиш бўйича таклифларни ҳам берган.

"Қарийб 40 миллион аҳолиси бўлган мамлакат инфратузилмасини янгилаш, тўғрироғи, тўлиқ якунлаш учун 50 миллиард долларгача маблағ керак бўлади. Бу шубҳасиз, жуда кўп. Лекин буни хусусий компания ва банклар каби йирик ташкилотлар амалга ошириши керак" – дея қўшимча қилди Алексей Безбородов.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

27 июля 2024 09:26

Давлат хавфсизлик хизмати АҚШга ноқонуний йўллар билан юборишни ваъда қилган шахсларни қўлга олди


ROST24.uz | Telegram | Facebook | Instagram | rost24official?si=otmDba5c_KW8ytF9">YouTube