روح القصيد شعر خليجي بدوي

08 July 2026 00:50

بكرا ترى الموت بياخذ واحدٍ منا
أحرص على الوصل دام أرواحنا حيه

روح القصيد شعر خليجي بدوي

07 July 2026 01:00

دق الجهاز برقم معروف الارسال
وليت اليمين تكتفت قبل توحيه

رديت مدري وش مخبي لي الفال
يا ليتني صديت وما قلت لبيه

جاني خبر موته مثل وقع زلزال
علمٍ يهد الحيل يا شين طاريه

الموت ياخذ صفوة القوم وابطال
ويترك ردي الساس واللاش يخليه

مصدوم مدري كيف بستوعب الحال
الله يرحمك يا ماجد والدمع نكميه

يا مسندي يا عزوتي ذرب الافعال
يا هيبةٍ تملا المجالس طواريه

يا رب عفوك والرجى فيك لا زال
اجبر عزا قلبٍ فقد عز غاليه

عسى لقانا في جنانٍ وظلال
في جنة الفردوس يا رب نلاقيه

#أبـو_جـهـيـمان.

روح القصيد شعر خليجي بدوي

06 July 2026 20:40

هزمتني كما انهزم جيش الألمان
وسلمت لك تسليم هتلر لبرلين

​وخليتني ما بين همٍ وحرمان
مثل العرب لا وقفوا دون فلسطين

فتى الجوف

روح القصيد شعر خليجي بدوي

06 July 2026 16:31

من طيبتي أحط الثقه فـ اكثر الناس
ويوجعني المنظر لا جيت بـ كفنها

ماتكسر الشجره بـ أثر ضربة الفاس
اللي كسرها بـأن يد الفاس منها

روح القصيد شعر خليجي بدوي

06 July 2026 00:02

بــاب السـوالـف يدخلونه مـلايـين
وباب المواقف بس لأهل الشجاعة.
"

روح القصيد شعر خليجي بدوي

05 July 2026 18:39

‏يالله ثبتنا على دين الاسلام
‏يوم البشر هالوقت زلّت خطاها

‏ثم اكفنا شر الليالي والايام
‏واكتب لنا خير الحياة ورخاها .

فتى الجوف

روح القصيد شعر خليجي بدوي

05 July 2026 17:19

أعاف الصد لا منه يجي من دون أي أسباب
وأعاف الخل لا منه يشرع للزعل بابه

أعاف الحب لا منه جرحني في برود أعصاب
وأعاف الشوق لا خلى الخفوق يحاتي غيابه

ترى الحب النقي راحة ولا فيه شقا وعذاب
يجي مثل المطر لا بل ريق الأرض وترابه

عطيناه الوفا صافي وقدر ما وراه حساب
ولكن الجفا يخلف ظنون القلب وأصحابه

عزيز النفس ما ينزل مقامه لو يموت مصاب
يشوم بكبريائه لو طعنه الشوق بحرابه

وما دام إن الهوى قصة نهايتها جفا وعتاب
فأنا بقفي وكل إنسان حر يقفل كتابه

روح القصيد شعر خليجي بدوي

04 July 2026 20:28

في مبسمك دولـة وفي هيبتـك كـون
يخضـع لـفخامـة حـسنـك كل مزيـون

​والرمش لا سلـم غـدت دنيتـي هـون
يا مـن ملكت الـروح بـاقـي ولا تهـون

#أبـو_جـهـيـمان.

روح القصيد شعر خليجي بدوي

04 July 2026 00:09

تعاف العيون الشح لامن غدا تقصير
وتعاف القلوب الصد لولا أسبابه

وأعاف الغلا لامن دخله الملام كثير
إذا كل ما نلتقي يفتح كتابه

عزيز النفس يمشي ولو في المدى تعسير
ولا يقبل بحب يهين جنابه

أنا كيف أسامح صدة ما لها تفسير
وأنا اللي بذلت العمر لجل استجابه

بقى الوضع واضح ما يبي له بعد تدوير
تعاف النفوس الشخص لا زاد عتابه

#أبـو_جـهـيـمان.

روح القصيد شعر خليجي بدوي

03 July 2026 01:57

لا تشره ان جيتني بالوقت متغير
قلبي خذا من جفاك المر وأتعابه

ما عاد باقي عتب في داخلي يظهر
غير الحنين اللي سكن في وسط غيابه

روح القصيد شعر خليجي بدوي

03 July 2026 01:24

لو قلت اشبهك بالبدر والله اني اظلمك
انت الجمال الذي حتى القمر يحسده

حتى قصيدي يغار من الوصف في مبسمك
لاني بوصفك تجاوزت الجمال وحدوده

#أبـو_جـهـيـمان.

روح القصيد شعر خليجي بدوي

03 July 2026 00:02

يا طيف مر العمر ما غاب طاريه
تبقى حروفك في خفوقي ميثاق

لو طالت دروب الزمن ما يجافيه
القلب موطن يجمعك بالأشواق

روح القصيد شعر خليجي بدوي

30 June 2026 00:08

ضحكتك.. ماهي مجرد ضحكةٍ عابرة
هذي دواي.. وشفاي.. وموعدي بالحياة

روح القصيد شعر خليجي بدوي

28 June 2026 21:14

​احيان تلقى لك مع الناس إنسان
‏يغنيك عن كل العرب والرفاقه .

​تلقاه لك في عتمة أيامك أوطان
ويـبـدّل حمـول الـزمان بـ رِفـاقه

​ما يغيره عابر، ولا مرّ الأزمان
صادق غلاه ومستحيل انشقاقه

فتى الجوف

روح القصيد شعر خليجي بدوي

27 June 2026 22:47

الحب حرفينٍ على القلب منساب
(ح) و(ب).. تروي الروح بالإحساس

جنة مشاعر.. تفتح للوصل أبواب
وتخلي العاشق أميرٍ على الناس

روح القصيد شعر خليجي بدوي

07 July 2026 22:22

في ذالزمان الناس تربح وتخسر
لازم نخذ مما نرا اليوم عبره

أعتز ذي ما كان يسمى ويذكر
واهتان ذي قدكان سلطان عصره

فتى الجوف

روح القصيد شعر خليجي بدوي

06 July 2026 21:52

قد له وصدره للمعاناة ..تابوت
ما شاف من قسوه زمانه مروفه

زود على ماهو من الوقت مبهوت
بيين من فراق المحبين.. خوفه

روح القصيد شعر خليجي بدوي

06 July 2026 19:13

أسكبت لك روحي وأجمل حكاياتي
يا فتنة المحزون في سحر أعيانك

والشوق يطوي في غيابك مسافاتي
كني سجين ناطر عفو سجانك

لك كل حرف صيغ في كل أبياتي
وإلا الغشامة درب راحة لوجدانك

أرخصت لك جزل المعاني الثميناتي
ما استفدت إلا قولة: صح الله لسانك

#أبـو_جـهـيـمان.

روح القصيد شعر خليجي بدوي

06 July 2026 05:29

- الشـيء اللي يزعل ان احسن نسخـة مننا تطلـع مع الأشخاص الغلـط .

روح القصيد شعر خليجي بدوي

05 July 2026 22:28

‏من خان مره فالهوى .. لا تامنه
‏لو قال أحبك حاول إنك تنسحب

‏عجايب الدنيا سبع ، والثامنه
‏إن القلوب الخاينه تقدر تحب

فتى الجوف

روح القصيد شعر خليجي بدوي

05 July 2026 17:33

خذها نصيحة صادقة الحين
دربٍ يجيب المنقصة لا تقبله

الناس دنيا والوجيه اثنين
واللي يخبي نيته لا تسأله

خلك فطين وراقب المقفين
وغصنٍ يميل بزلتك لا توصله

احفظ وقارك وارتفع بالعين
واللي يدور طيحتك لا تمهله

روح القصيد شعر خليجي بدوي

04 July 2026 21:49

غلاك ما هو حب عادي ومحسوب
هذا ملك عرش الضلوع واعتلاها

اشتاق لك شوقٍ تضيق به الرحوب
يا اغلى هدايا العمر واجمل عطاها

لو تطلب عيوني وهالعمر مكتوب
سقت السحاب اللي يقبل خطاها

صبيت لك من صافي الروح مشروب
رويت كبدٍ من غرامك ظماها

انا الذي لو صكت بوجهي دروب
اجيك والدنيا اقفي وراها

انت اختصار الارض شرقٍ وغروب
وانت السنين المقبلة وابتداها


#أبـو_جـهـيـمان.

روح القصيد شعر خليجي بدوي

04 July 2026 20:14

​مـن لا حـشم أعراض غيـره من العيب
لا ينتـظر من حــد يـحـشـم عـروضـه

​دنيـا تـلف وتـنـصـب الكـون وتـغـيب
ومـن كـان عـنده ديـن يـوفـي قـروضـه

​وأنت المخيّر.. لا تـزيـد العـذاريب
وراجع أصـول الدّيـن وأعـرف فـروضـه

فتى الجوف

روح القصيد شعر خليجي بدوي

03 July 2026 22:44

​لا عاد ترجع وأنتهى كل ما صّار
والي مضى خله مع الوقت ذكرى

​ما عاد قلبي يرتجي منك أعذار
ولا عاد لي في طيف الأحباب مجرى

​كفّيت عيني عن هوى حبك نهار
والشمس غابت.. والوفا صار مسرى

فتى الجوف

روح القصيد شعر خليجي بدوي

03 July 2026 01:55

لا تظن صمتي رضا صمتي لـ جروحك جواب
أكابر وأنا في داخلي لـ طيفك .. ألف عتاب

روح القصيد شعر خليجي بدوي

03 July 2026 00:13

اخفيت طيفك في حشا صدري عن عيون الملا
واصبحت اشوفك في زحام الناس وحدك ما خفيت

يا غاية القلب النقي يا اغلى من اسباب الغلا
ادري بانك في شتات الوقت اصدق ما لقيت

روح القصيد شعر خليجي بدوي

30 June 2026 23:37

الظن يوجع راعي الظن لا خاب
والنفس لا عافت من الشي عافت

​ما عاد ينفعها معاذير وعتاب
لو هي من جروح الليالي استخافت

​من صك باب الود ما يفتح الباب
حتى ولو عينـه لخلّه تـشاقت

​نمشي على الدنيا ذيابة وعقاب
ونفوسنا عن كل هـونٍ تـعافت

​الطيب فينا مـن عـريبين الأنساب
والعين مـا تـنـظر لـنـفسٍ تـهافت

فتى الجوف

روح القصيد شعر خليجي بدوي

29 June 2026 23:52

آخر لقى كان بالأمس يا زين
صدفة تلاقينا وبعده انتهينا

قد كان حبك مثل لندن وبرلين
عواصمٍ.. ما عاد تجمع يدينا

واليوم صرنا مثل ناسٍ غريبين
من بعد ما كنا ببعض اكتفينا

يا كبر جرحي والمفارق سكاكين
ويا كثر ما خابت أماني سنينا

أقفيت وأقفينا وصحنا حزينين
نبكي على حلمٍ تهاوى بيدينا

طاح الغلا طيحة دموع المساكين
وما عاد ينفع (ليتنا ما التقينا)

#أبـو_جـهـيـمان.

روح القصيد شعر خليجي بدوي

27 June 2026 22:52

الحب حرفينٍ على القلب منساب
(ح) و(ب).. تروي الروح بالإحساس

جنة مشاعر.. تفتح للوصل أبواب
وتخلي العاشق أميرٍ على الناس

لكن ليا غاب الوفا.. والغلا شاب
وهبت هبايب جفوةٍ مالها قياس

وزادوا حرف ( ر ) من دون الأسباب
تغير المعنى.. وتبدل به الساس!

تتحول لـ (حربٍ) وتفريق الأقراب
ويصير ميدان الهوى رمح وأقواس

معركةٍ خسران فيها أغلى الأحباب
والمنتصر فيها.. مع الجرح جساس

يا شينها لا صاروا الاقراب أغراب
والحب طاح.. وكسر بخاطره كاس

#أبـو_جـهـيـمان.

روح القصيد شعر خليجي بدوي

27 June 2026 17:44

عمري هو الوقت اللي قضيته معاك
و البـاقي ارقـام الحيــاه الفانيـه

الساعة ! اللي مرت بـ ساعة لقاك
كل ثانيه فيها تحسد الثانيه ..!